सोमनाथ ज्योतिर्लिंग की उत्पत्ति

श्लोक 1 (shiva.kotirudra.14.1)

ऋषय ऊचुः । ज्योतिषां चैव लिङ्गानां माहात्म्यं कथयाधुना । उत्पत्तिं च तथा तेषां ब्रूहि सर्वं यथाश्रुतम् ॥ 14.1 ॥

ṛṣaya ūcuḥ jyotiṣāṁ caiva liṅgānāṁ māhātmyaṁ kathayādhunā utpattiṁ ca tathā teṣāṁ brūhi sarvaṁ yathāśrutam

ऋषियों ने कहा — अब ज्योतिर्लिंगों की महिमा कहिए, और उनकी उत्पत्ति भी, जैसा आपने सुना है, वह सब बताइए।

श्लोक 2 (shiva.kotirudra.14.2)

सूत उवाच । शृण्वन्तु विप्रा वक्ष्यामि तन्माहात्म्यं जनिं तथा । सङ्क्षेपतो यथाबुद्धि सद्गुरोश्च मया श्रुतम् ॥ 14.2 ॥

sūta uvāca śṛṇvantu viprā vakṣyāmi tanmāhātmyaṁ janiṁ tathā saṅkṣepato yathābuddhi sadgurośca mayā śrutam

सूत जी ने कहा — हे विप्रो! सुनिए, मैं संक्षेप में उनकी महिमा और उत्पत्ति कहता हूँ, जैसा मैंने अपनी बुद्धि के अनुसार सद्गुरु से सुना है।

श्लोक 3 (shiva.kotirudra.14.3)

एतेषां चैव माहात्म्यं वक्तुं वर्षशतैरपि । शक्यते न मुनिश्रेष्ठास्तथापि कथयामि वः ॥ 14.3 ॥

eteṣāṁ caiva māhātmyaṁ vaktuṁ varṣaśatairapi śakyate na muniśreṣṭhāstathāpi kathayāmi vaḥ

हे मुनिश्रेष्ठो! इनकी महिमा सैकड़ों वर्षों में भी कही नहीं जा सकती, फिर भी मैं तुम्हें कहता हूँ।

श्लोक 4 (shiva.kotirudra.14.4)

सोमनाथश्च तेषां वै प्रथमः परिकीर्तितः । तन्माहात्म्यं शृणु मुने प्रथमं सावधानतः ॥ 14.4 ॥

somanāthaśca teṣāṁ vai prathamaḥ parikīrtitaḥ tanmāhātmyaṁ śṛṇu mune prathamaṁ sāvadhānataḥ

उनमें सोमनाथ को प्रथम कहा गया है; हे मुने! सबसे पहले उन्हीं की महिमा सावधानीपूर्वक सुनिए।

श्लोक 5 (shiva.kotirudra.14.5)

सप्तविंशन्मिताः कन्या दक्षेण च महात्मना । तेन चन्द्रमसे दत्ता अश्विन्याद्या मुनीश्वराः ॥ 14.5 ॥

saptaviṁśanmitāḥ kanyā dakṣeṇa ca mahātmanā tena candramase dattā aśvinyādyā munīśvarāḥ

हे मुनीश्वरो! महात्मा दक्ष ने अश्विनी आदि सत्ताईस कन्याएँ चन्द्रमा को विवाह में दीं।

श्लोक 6 (shiva.kotirudra.14.6)

चन्द्रं च स्वामिनं प्राप्य शोभमाना विशेषतः । चन्द्रोऽपि चैव ताः प्राप्य शोभते स्म निरन्तरम् ॥ 14.6 ॥

candraṁ ca svāminaṁ prāpya śobhamānā viśeṣataḥ candro’pi caiva tāḥ prāpya śobhate sma nirantaram

चन्द्रमा को अपना स्वामी पाकर वे विशेष रूप से सुशोभित होने लगीं; और चन्द्रमा भी उन्हें पाकर निरन्तर सुशोभित होते रहे।

श्लोक 7 (shiva.kotirudra.14.7)

हेम्ना चैव मणिर्भाति मणिना हेम चैव हि । एवं च समये तस्य यज्जातं श्रूयतामिति ॥ 14.7 ॥

hemnā caiva maṇirbhāti maṇinā hema caiva hi evaṁ ca samaye tasya yajjātaṁ śrūyatāmiti

जैसे स्वर्ण से मणि और मणि से स्वर्ण शोभा पाता है, वैसे ही यह था; अब उस काल में जो घटित हुआ, वह सुनिए।

श्लोक 8 (shiva.kotirudra.14.8)

सर्वास्वपि च पत्नीषु रोहिणी नाम या स्मृता । यथैका सा प्रिया चासीत्तथान्या न कदाचन ॥ 14.8 ॥

sarvāsvapi ca patnīṣu rohiṇī nāma yā smṛtā yathaikā sā priyā cāsīttathānyā na kadācana

उसकी सभी पत्नियों में जो रोहिणी नाम से विख्यात थी, वह उसे जितनी प्रिय थी, उतनी अन्य कोई कभी नहीं थी।

श्लोक 9 (shiva.kotirudra.14.9)

अन्याश्च दुःखमापन्नाः पितरं शरणं ययुः । गत्वा तस्मै च यद्दुःखं तथा ताभिर्निवेदितम् ॥ 14.9 ॥

anyāśca duḥkhamāpannāḥ pitaraṁ śaraṇaṁ yayuḥ gatvā tasmai ca yadduḥkhaṁ tathā tābhirniveditam

अन्य पत्नियाँ दुःखी होकर अपने पिता की शरण में गईं, और जाकर उन्होंने उन्हें अपना दुःख निवेदित किया।

श्लोक 10 (shiva.kotirudra.14.10)

दक्षः स च तथा श्रुत्वा दुःखं च प्राप्तावांस्तदा । समागत्य द्विजाश्चन्द्रं शान्त्यावोचद् वचस्तदा ॥ 14.10 ॥

dakṣaḥ sa ca tathā śrutvā duḥkhaṁ ca prāptāvāṁstadā samāgatya dvijāścandraṁ śāntyāvocad vacastadā

हे द्विजो! दक्ष भी यह सुनकर दुःखी हुआ; तब उसने चन्द्रमा के पास जाकर शांतिपूर्वक उनसे यह वचन कहा।

श्लोक 11 (shiva.kotirudra.14.11)

दक्ष उवाच । विमले च कुले त्वं हि समुत्पन्नः कलानिधे । आश्रितेषु च सर्वेषु न्यूनाधिक्यं कथं तव ॥ 14.11 ॥

dakṣa uvāca vimale ca kule tvaṁ hi samutpannaḥ kalānidhe āśriteṣu ca sarveṣu nyūnādhikyaṁ kathaṁ tava

दक्ष ने कहा — हे कलानिधे! तुम एक निर्मल कुल में उत्पन्न हुए हो; फिर अपने आश्रितों में तुम्हारा यह न्यूनाधिक भाव क्यों?

श्लोक 12 (shiva.kotirudra.14.12)

कृतं चेत्तत्कृतं तच्च न कर्तव्यं त्वया पुनः । वर्तनं विषमत्वेन नरकप्रदमीरितम् ॥ 14.12 ॥

kṛtaṁ cettatkṛtaṁ tacca na kartavyaṁ tvayā punaḥ vartanaṁ viṣamatvena narakapradamīritam

जो हो गया सो हो गया, किंतु अब तुम्हें पुनः ऐसा नहीं करना चाहिए; विषमता से किया गया आचरण नरकदायी कहा गया है।

श्लोक 13 (shiva.kotirudra.14.13)

सूत उवाच । दक्षश्चैवं च सम्प्रार्थ्य चन्द्रं जामातरं स्वयम् । जगाम मन्दिरं स्वं वै निश्चयं परमं गतः ॥ 14.13 ॥

sūta uvāca dakṣaścaivaṁ ca samprārthya candraṁ jāmātaraṁ svayam jagāma mandiraṁ svaṁ vai niścayaṁ paramaṁ gataḥ

सूत जी ने कहा — इस प्रकार अपने जामाता चन्द्रमा से प्रार्थना करके दक्ष, यह दृढ़ निश्चय करके, अपने भवन को लौट गए।

श्लोक 14 (shiva.kotirudra.14.14)

चन्द्रोऽपि वचनं तस्य न चकार विमोहितः । शिवमायाप्रभावेण यया सम्मोहितं जगत् ॥ 14.14 ॥

candro’pi vacanaṁ tasya na cakāra vimohitaḥ śivamāyāprabhāveṇa yayā sammohitaṁ jagat

चन्द्रमा भी उनके वचन को मान्य नहीं करते, वह मोहित हो चुके थे — शिव की उस माया के प्रभाव से, जिससे संपूर्ण जगत मोहित होता है।

श्लोक 15 (shiva.kotirudra.14.15)

शुभं भावि यदा यस्य शुभं भवति तस्य वै । अशुभं च यदा भावि कथं तस्य शुभं भवेत् ॥ 14.15 ॥

śubhaṁ bhāvi yadā yasya śubhaṁ bhavati tasya vai aśubhaṁ ca yadā bhāvi kathaṁ tasya śubhaṁ bhavet

जब जिसके लिए शुभ होना निश्चित हो, उसका शुभ ही होता है; परंतु जब अशुभ होना निश्चित हो, तो उसका शुभ कैसे हो सकता है?

श्लोक 16 (shiva.kotirudra.14.16)

चन्द्रोऽपि बलवद्भाविवशान्मेने न तद्वचः । रोहिण्यां च समासक्तो नान्यां मेने कदाचन ॥ 14.16 ॥

candro’pi balavadbhāvivaśānmene na tadvacaḥ rohiṇyāṁ ca samāsakto nānyāṁ mene kadācana

बलवती नियति के वशीभूत चन्द्रमा ने उस वचन को नहीं माना; रोहिणी में अत्यंत आसक्त होकर वे कभी किसी अन्य को महत्त्व नहीं देते थे।

श्लोक 17 (shiva.kotirudra.14.17)

तच्छ्रुत्वा पुनरागत्य स्वयं दुःखसमन्वितः । प्रार्थयामास चन्द्रं स दक्षो दक्षः सुनीतितः ॥ 14.17 ॥

tacchrutvā punarāgatya svayaṁ duḥkhasamanvitaḥ prārthayāmāsa candraṁ sa dakṣo dakṣaḥ sunītitaḥ

यह सुनकर, नीतिनिपुण दक्ष स्वयं दुःखित होकर पुनः लौट आए और उन्होंने फिर से चन्द्रमा से प्रार्थना की।

श्लोक 18 (shiva.kotirudra.14.18)

दक्ष उवाच । श्रूयतां चन्द्र यत्पूर्वं प्रार्थितो बहुधा मया । न मानितं त्वया यस्मात्तस्मात्त्वं च क्षयी भव ॥ 14.18 ॥

dakṣa uvāca śrūyatāṁ candra yatpūrvaṁ prārthito bahudhā mayā na mānitaṁ tvayā yasmāttasmāttvaṁ ca kṣayī bhava

दक्ष ने कहा — सुनो, हे चन्द्र! पहले मैंने तुमसे बार-बार प्रार्थना की, परंतु तुमने मेरी बात नहीं मानी; इसलिए अब तुम क्षयग्रस्त हो जाओ।

श्लोक 19 (shiva.kotirudra.14.19)

सूत उवाच । इत्युक्ते तेन चन्द्रो वै क्षयी जातः क्षणादिह । हाहाकारो महानासीत्तदेन्दौ क्षीणतां गते ॥ 14.19 ॥

sūta uvāca ityukte tena candro vai kṣayī jātaḥ kṣaṇādiha hāhākāro mahānāsīttadendau kṣīṇatāṁ gate

सूत जी ने कहा — उनके ऐसा कहते ही चन्द्रमा तत्क्षण क्षयग्रस्त हो गए; चन्द्रमा के क्षीण होते ही यहाँ महान हाहाकार मच गया।

श्लोक 20 (shiva.kotirudra.14.20)

देवर्षयस्तदा सर्वे किं कार्यं हा कथं भवेत् । इति दुःखं समापन्ना विह्वला ह्यभवन्मुने ॥ 14.20 ॥

devarṣayastadā sarve kiṁ kāryaṁ hā kathaṁ bhavet iti duḥkhaṁ samāpannā vihvalā hyabhavanmune

हे मुने! तब सभी देवता और ऋषिगण "अब क्या किया जाए? हाय, यह कैसे होगा?" — ऐसा कहते हुए दुःखी और विह्वल हो गए।

श्लोक 21 (shiva.kotirudra.14.21)

विज्ञापिताश्च चन्द्रेण सर्वे शक्रादयः सुराः । ऋषयश्च वसिष्ठाद्या ब्रह्माणं शरणं ययुः ॥ 14.21 ॥

vijñāpitāśca candreṇa sarve śakrādayaḥ surāḥ ṛṣayaśca vasiṣṭhādyā brahmāṇaṁ śaraṇaṁ yayuḥ

चन्द्रमा द्वारा सूचित किए जाने पर, इन्द्र आदि समस्त देवगण तथा वसिष्ठ आदि ऋषिगण ब्रह्मा जी की शरण में गए।

श्लोक 22 (shiva.kotirudra.14.22)

गत्वापि तु तदा प्रोचुस्तद् वृत्तं निखिलं मुने । ब्रह्मणे ऋषयो देवा नत्वा नुत्वातिविह्वलाः ॥ 14.22 ॥

gatvāpi tu tadā procustad vṛttaṁ nikhilaṁ mune brahmaṇe ṛṣayo devā natvā nutvātivihvalāḥ

हे मुने! वहाँ जाकर, अत्यंत विह्वल हुए उन ऋषियों और देवताओं ने ब्रह्मा जी को प्रणाम और स्तुति करके वह सारी घटना कह सुनाई।

श्लोक 23 (shiva.kotirudra.14.23)

ब्रह्मापि तद्वचः श्रुत्वा विस्मयं परमं ययौ । शिवमायां सुप्रशस्य श्रावयंस्तानुवाच ह ॥ 14.23 ॥

brahmāpi tadvacaḥ śrutvā vismayaṁ paramaṁ yayau śivamāyāṁ supraśasya śrāvayaṁstānuvāca ha

ब्रह्मा जी भी उनकी बात सुनकर अत्यंत विस्मित हुए; और शिव की माया की भूरि-भूरि प्रशंसा करते हुए उन्हें सुनाते हुए बोले।

श्लोक 24 (shiva.kotirudra.14.24)

ब्रह्मोवाच । अहो कष्टं महज्जातं सर्वलोकस्य दुःखदम् । चन्द्रस्तु सर्वदा दुष्टो दक्षश्च शप्तवानमुम् ॥ 14.24 ॥

brahmovāca aho kaṣṭaṁ mahajjātaṁ sarvalokasya duḥkhadam candrastu sarvadā duṣṭo dakṣaśca śaptavānamum

ब्रह्मा जी ने कहा — हाय! यह बड़ा संकट उत्पन्न हो गया है, जो समस्त लोकों को दुःखदायी है। चन्द्रमा सदा से ही दोषी रहा है, और दक्ष ने उसे शाप दे दिया है।

श्लोक 25 (shiva.kotirudra.14.25)

सर्वं दुष्टेन चन्द्रेण कृतं कर्माप्यनेकशः । श्रूयतामृषयो देवाश्चन्द्रकृत्यं पुरातनम् ॥ 14.25 ॥

sarvaṁ duṣṭena candreṇa kṛtaṁ karmāpyanekaśaḥ śrūyatāmṛṣayo devāścandrakṛtyaṁ purātanam

दुराचारी चन्द्रमा द्वारा पहले भी अनेक दुष्कर्म किए गए हैं; हे ऋषियो, हे देवताओ! चन्द्रमा के पुराने कृत्य सुनिए।

श्लोक 26 (shiva.kotirudra.14.26)

बृहस्पतेर्गृहं गत्वा तारा दुष्टेन वै हृता । तस्य भार्या पुनश्चैव स दैत्यान्समुपस्थितः ॥ 14.26 ॥

bṛhaspatergṛhaṁ gatvā tārā duṣṭena vai hṛtā tasya bhāryā punaścaiva sa daityānsamupasthitaḥ

उस दुष्ट ने बृहस्पति के घर जाकर उनकी पत्नी तारा का अपहरण कर लिया; और फिर वह दैत्यों की शरण में चला गया।

श्लोक 27 (shiva.kotirudra.14.27)

समाश्रितस्तदा दैत्यान्युद्धं देवैश्चकार ह । मयात्रिणा निषिद्धश्च तस्मै तारां ददौ शशी ॥ 14.27 ॥

samāśritastadā daityānyuddhaṁ devaiścakāra ha mayātriṇā niṣiddhaśca tasmai tārāṁ dadau śaśī

दैत्यों की शरण लेकर उसने देवताओं से युद्ध किया; अत्रि मुनि द्वारा रोके जाने पर चन्द्रमा ने अंततः तारा को उन्हीं बृहस्पति को लौटा दिया।

श्लोक 28 (shiva.kotirudra.14.28)

तां च गर्भवतीं दृष्ट्वा न गृह्णामीति सोऽब्रवीत् । अस्माभिर्वारितो जीवः कृच्छ्राज्जग्राह तां तदा ॥ 14.28 ॥

tāṁ ca garbhavatīṁ dṛṣṭvā na gṛhṇāmīti so’bravīt asmābhirvārito jīvaḥ kṛcchrājjagrāha tāṁ tadā

उसे गर्भवती देखकर उसने कहा — "मैं इसे स्वीकार नहीं करूँगा"; परंतु हमारे द्वारा रोके जाने पर जीव (बृहस्पति) ने तब बड़ी कठिनाई से उसे स्वीकार किया।

श्लोक 29 (shiva.kotirudra.14.29)

यदि गर्भं जहातीह गृह्णामीत्यब्रवीत्पुनः । गर्भे मया पुनस्तत्र त्याजिते मुनिसत्तमाः ॥ 14.29 ॥

yadi garbhaṁ jahātīha gṛhṇāmītyabravītpunaḥ garbhe mayā punastatra tyājite munisattamāḥ

उसने पुनः कहा — "यदि यह गर्भ त्याग दे, तो मैं इसे स्वीकार करूँगा"; और हे मुनिसत्तमो! मैंने पुनः उस गर्भ को वहाँ त्यागकर —

श्लोक 30 (shiva.kotirudra.14.30)

कस्यायं च पुनर्गर्भः सोमस्येति च साब्रवीत् । पश्चात्तेन गृहीता सा मया च वारितेन वै ॥ 14.30 ॥

kasyāyaṁ ca punargarbhaḥ somasyeti ca sābravīt paścāttena gṛhītā sā mayā ca vāritena vai

— पूछा कि "यह गर्भ किसका है?" तो उसने कहा — "यह चन्द्रमा का है।" तत्पश्चात्, मेरे द्वारा रोके जाने पर उसने उसे ग्रहण कर लिया।

श्लोक 31 (shiva.kotirudra.14.31)

एवंविधानि चन्द्रस्य दुश्चरित्राण्यनेकशः । वर्ण्यन्ते किं पुनस्तानि सोऽद्यापि कुरुते कथम् ॥ 14.31 ॥

evaṁvidhāni candrasya duścaritrāṇyanekaśaḥ varṇyante kiṁ punastāni so’dyāpi kurute katham

चन्द्रमा के इस प्रकार के अनेक दुश्चरित्र हैं; उन्हें और क्यों वर्णित किया जाए? आज भी वह ऐसा कैसे कर सकता है?

श्लोक 32 (shiva.kotirudra.14.32)

यज्जातं तत् सुसञ्जातं नान्यथा भवति ध्रुवम् । अतः परमुपायं वो वक्ष्यामि शृणुतादरात् ॥ 14.32 ॥

yajjātaṁ tat susañjātaṁ nānyathā bhavati dhruvam ataḥ paramupāyaṁ vo vakṣyāmi śṛṇutādarāt

जो हो चुका है, वह भलीभाँति हो चुका है; अब वह अन्यथा निश्चय ही नहीं हो सकता। अतः अब मैं तुम्हें उसका उपाय बताता हूँ, आदरपूर्वक सुनो।

श्लोक 33 (shiva.kotirudra.14.33)

प्रभासके शुभे क्षेत्रे व्रजेश्चन्द्रः सदैवतैः । शिवमाराधयेत्तत्र मृत्युञ्जयविधानतः ॥ 14.33 ॥

prabhāsake śubhe kṣetre vrajeścandraḥ sadaivataiḥ śivamārādhayettatra mṛtyuñjayavidhānataḥ

चन्द्रमा देवताओं सहित प्रभास नामक शुभ क्षेत्र में जाएँ; और वहाँ मृत्युंजय-विधान के अनुसार शिव की आराधना करें।

श्लोक 34 (shiva.kotirudra.14.34)

निधायेशं पुरस्तत्र चन्द्रस्तपतु नित्यशः । प्रसन्नश्च शिवः पश्चादक्षयं तं करिष्यति ॥ 14.34 ॥

nidhāyeśaṁ purastatra candrastapatu nityaśaḥ prasannaśca śivaḥ paścādakṣayaṁ taṁ kariṣyati

वहाँ ईश्वर को अपने समक्ष स्थापित कर चन्द्रमा नित्य तप करें; तत्पश्चात् प्रसन्न होकर शिव उन्हें क्षयरहित कर देंगे।

श्लोक 35 (shiva.kotirudra.14.35)

सूत उवाच । इति श्रुत्वा वचस्तस्य ब्रह्मणस्ते सुरर्षयः । सन्निवृत्याययुः सर्वे यत्र दक्षविधू ततः ॥ 14.35 ॥

sūta uvāca iti śrutvā vacastasya brahmaṇaste surarṣayaḥ sannivṛtyāyayuḥ sarve yatra dakṣavidhū tataḥ

सूत जी ने कहा — ब्रह्मा जी के ये वचन सुनकर वे सभी देवता और ऋषिगण वहाँ से लौटकर उस स्थान पर गए जहाँ दक्ष और चन्द्रमा थे।

श्लोक 36 (shiva.kotirudra.14.36)

गृहीत्वा ते ततश्चन्द्रं दक्षं चाश्वास्य निर्जराः । प्रभासे ऋषयश्चक्रुस्तत्र गत्वाखिलाश्च वै ॥ 14.36 ॥

gṛhītvā te tataścandraṁ dakṣaṁ cāśvāsya nirjarāḥ prabhāse ṛṣayaścakrustatra gatvākhilāśca vai

तत्पश्चात् वे देवगण चन्द्रमा को साथ लेकर, दक्ष को सांत्वना देकर, समस्त ऋषियों सहित प्रभास क्षेत्र में गए।

श्लोक 37 (shiva.kotirudra.14.37)

आवाह्य तीर्थवर्याणि सरस्वत्यादिकानि च । पार्थिवेन तदा पूजां मृत्युञ्जयविधानतः ॥ 14.37 ॥

āvāhya tīrthavaryāṇi sarasvatyādikāni ca pārthivena tadā pūjāṁ mṛtyuñjayavidhānataḥ

सरस्वती आदि श्रेष्ठ तीर्थों का आवाहन करके, उन्होंने तब मृत्युंजय-विधान के अनुसार पार्थिव लिंग की पूजा की।

श्लोक 38 (shiva.kotirudra.14.38)

ते देवाश्च तदा सर्वे ऋषयो निर्मलाशयाः । स्थाप्य चन्द्रं प्रभासे च स्वं स्वं धाम ययुर्मुदा ॥ 14.38 ॥

te devāśca tadā sarve ṛṣayo nirmalāśayāḥ sthāpya candraṁ prabhāse ca svaṁ svaṁ dhāma yayurmudā

तब वे समस्त देवगण और निर्मल हृदय वाले ऋषिगण, चन्द्रमा को प्रभास में स्थापित करके, प्रसन्नतापूर्वक अपने-अपने धाम को चले गए।

श्लोक 39 (shiva.kotirudra.14.39)

चन्द्रेण च तपस्तप्तं षण्मासं च निरन्तरम् । मृत्युञ्जयेन मन्त्रेण पूजितो वृषभध्वजः ॥ 14.39 ॥

candreṇa ca tapastaptaṁ ṣaṇmāsaṁ ca nirantaram mṛtyuñjayena mantreṇa pūjito vṛṣabhadhvajaḥ

चन्द्रमा ने निरन्तर छह मास तक तप किया, और मृत्युंजय मंत्र से वृषभध्वज शिव की पूजा की।

श्लोक 40 (shiva.kotirudra.14.40)

दशकोटिमितं मन्त्रं समावृत्य शशी च तम् । ध्यात्वा मृत्युञ्जयं मन्त्रं तस्थौ निश्चलमानसः ॥ 14.40 ॥

daśakoṭimitaṁ mantraṁ samāvṛtya śaśī ca tam dhyātvā mṛtyuñjayaṁ mantraṁ tasthau niścalamānasaḥ

चन्द्रमा ने उस मंत्र का दस करोड़ बार जप करके, मृत्युंजय मंत्र का ध्यान करते हुए, अचल मन से स्थित रहे।

श्लोक 41 (shiva.kotirudra.14.41)

तं दृष्ट्वा शङ्करो देवः प्रसन्नोऽभूत्ततः प्रभुः । आविर्भूय विधुं प्राह स्वभक्तं भक्तवत्सलः ॥ 14.41 ॥

taṁ dṛṣṭvā śaṅkaro devaḥ prasanno’bhūttataḥ prabhuḥ āvirbhūya vidhuṁ prāha svabhaktaṁ bhaktavatsalaḥ

उसे देखकर देव शंकर प्रसन्न हुए; भक्तवत्सल प्रभु प्रकट होकर अपने भक्त चन्द्रमा से बोले।

श्लोक 42 (shiva.kotirudra.14.42)

शङ्कर उवाच । वरं वृणीष्व भद्रं ते मनसा यत्समीप्सितम् । प्रसन्नोऽहं शशिन्सर्वं दास्ये वरमनुत्तमम् ॥ 14.42 ॥

śaṅkara uvāca varaṁ vṛṇīṣva bhadraṁ te manasā yatsamīpsitam prasanno’haṁ śaśinsarvaṁ dāsye varamanuttamam

शंकर ने कहा — तुम्हारा कल्याण हो, जो भी तुम्हारे मन में अभीष्ट हो, वह वर माँगो। हे शशि! मैं प्रसन्न हूँ, तुम्हें सर्वोत्तम वर दूँगा।

श्लोक 43 (shiva.kotirudra.14.43)

चन्द्र उवाच । यदि प्रसन्नो देवेश किमसाध्यं भवेन्मम । तथापि मे शरीरस्य क्षयं वारय शङ्कर ॥ 14.43 ॥

candra uvāca yadi prasanno deveśa kimasādhyaṁ bhavenmama tathāpi me śarīrasya kṣayaṁ vāraya śaṅkara

चन्द्रमा ने कहा — हे देवेश! यदि आप प्रसन्न हैं तो मेरे लिए क्या असाध्य होगा? फिर भी, हे शंकर! मेरे शरीर के क्षय को दूर कीजिए।

श्लोक 44 (shiva.kotirudra.14.44)

क्षन्तव्यो मेऽपराधश्च कल्याणं कुरु सर्वदा । इत्युक्ते च तदा तेन शिवो वचनमब्रवीत् ॥ 14.44 ॥

kṣantavyo me’parādhaśca kalyāṇaṁ kuru sarvadā ityukte ca tadā tena śivo vacanamabravīt

मेरा अपराध क्षमा किया जाए और सदा मेरा कल्याण किया जाए। उसके ऐसा कहने पर शिव ने तब यह वचन कहा।

श्लोक 45 (shiva.kotirudra.14.45)

शिव उवाच । पक्षे च क्षीयतां चन्द्र कला ते च दिने दिने । पुनश्च वर्धतां पक्षे सा कला च निरन्तरम् ॥ 14.45 ॥

śiva uvāca pakṣe ca kṣīyatāṁ candra kalā te ca dine dine punaśca vardhatāṁ pakṣe sā kalā ca nirantaram

शिव ने कहा — हे चन्द्र! एक पक्ष में तुम्हारी कला प्रतिदिन क्षीण होती रहे, और दूसरे पक्ष में वही कला निरन्तर पुनः बढ़ती रहे।

श्लोक 46 (shiva.kotirudra.14.46)

सूत उवाच । एवं सति तदा देवा हर्षनिर्भरमानसाः । ऋषयश्च तथा सर्वे समाजग्मुर्द्रुतं द्विजाः ॥ 14.46 ॥

sūta uvāca evaṁ sati tadā devā harṣanirbharamānasāḥ ṛṣayaśca tathā sarve samājagmurdrutaṁ dvijāḥ

सूत जी ने कहा — हे द्विजो! जब ऐसा हुआ, तब हर्ष से भरे हुए मन वाले देवगण और समस्त ऋषिगण भी शीघ्र वहाँ एकत्र हो गए।

श्लोक 47 (shiva.kotirudra.14.47)

आगत्य च तदा सर्वे चन्द्रायाशिषमब्रुवन् । शिवं नत्वा करौ बद्ध्वा प्रार्थयामासुरादरात् ॥ 14.47 ॥

āgatya ca tadā sarve candrāyāśiṣamabruvan śivaṁ natvā karau baddhvā prārthayāmāsurādarāt

वहाँ आकर उन सबने चन्द्रमा को आशीर्वाद दिया; और शिव को प्रणाम कर, हाथ जोड़कर, आदरपूर्वक उनसे प्रार्थना की।

श्लोक 48 (shiva.kotirudra.14.48)

देवाः ऊचुः । देवदेव महादेव परमेश नमोऽस्तु ते । उमया सहितः शम्भो स्वामिन्नत्र स्थिरो भव ॥ 14.48 ॥

devāḥ ūcuḥ devadeva mahādeva parameśa namo’stu te umayā sahitaḥ śambho svāminnatra sthiro bhava

देवताओं ने कहा — हे देवाधिदेव महादेव! हे परमेश्वर! आपको नमस्कार है। हे शम्भो! उमा सहित, हे स्वामी! आप यहाँ सदा के लिए स्थिर हो जाइए।

श्लोक 49 (shiva.kotirudra.14.49)

सूत उवाच । ततश्चन्द्रेण सद्भक्त्या संस्तुतः शङ्करः पुरा । निराकारश्च साकारः पुनश्चैवाभवत्प्रभुः ॥ 14.49 ॥

sūta uvāca tataścandreṇa sadbhaktyā saṁstutaḥ śaṅkaraḥ purā nirākāraśca sākāraḥ punaścaivābhavatprabhuḥ

सूत जी ने कहा — तत्पश्चात् चन्द्रमा द्वारा सच्ची भक्ति से स्तुति किए जाने पर, निराकार शंकर पुनः साकार प्रभु के रूप में प्रकट हुए।

श्लोक 50 (shiva.kotirudra.14.50)

प्रसन्नश्च स देवानां क्षेत्रमाहात्म्यहेतवे । चन्द्रस्य यशसे तत्र नाम्ना चन्द्रस्य शङ्करः ॥ 14.50 ॥

prasannaśca sa devānāṁ kṣetramāhātmyahetave candrasya yaśase tatra nāmnā candrasya śaṅkaraḥ

देवताओं से प्रसन्न होकर, उस क्षेत्र की महिमा हेतु तथा चन्द्रमा के यश हेतु, शंकर वहाँ चन्द्रमा के नाम से प्रसिद्ध हुए।

श्लोक 51 (shiva.kotirudra.14.51)

सोमेश्वरश्च नाम्नासीद्विख्यातो भुवनत्रये । क्षयकुष्ठादिरोगाणां नाशकः पूजनाद् द्विजाः ॥ 14.51 ॥

someśvaraśca nāmnāsīdvikhyāto bhuvanatraye kṣayakuṣṭhādirogāṇāṁ nāśakaḥ pūjanād dvijāḥ

हे द्विजो! वे सोमेश्वर नाम से तीनों लोकों में विख्यात हुए, जो पूजा से क्षय, कुष्ठ आदि रोगों का नाश करने वाले हैं।

श्लोक 52 (shiva.kotirudra.14.52)

धन्योऽयं कृतकृत्योऽयं यन्नाम्ना शङ्करः स्वयम् । स्थितश्च जगतां नाथः पावयञ्जगतीतलम् ॥ 14.52 ॥

dhanyo’yaṁ kṛtakṛtyo’yaṁ yannāmnā śaṅkaraḥ svayam sthitaśca jagatāṁ nāthaḥ pāvayañjagatītalam

यह क्षेत्र धन्य है, यह कृतकृत्य है, जिसके नाम पर स्वयं जगन्नाथ शंकर स्थित होकर पृथ्वीतल को पवित्र कर रहे हैं।

श्लोक 53 (shiva.kotirudra.14.53)

तत्कुण्डं तैश्च तत्रैव सर्वैर्देवैः प्रतिष्ठितम् । शिवेन ब्रह्मणा तत्र ह्यविभक्तं तु तत्पुनः ॥ 14.53 ॥

tatkuṇḍaṁ taiśca tatraiva sarvairdevaiḥ pratiṣṭhitam śivena brahmaṇā tatra hyavibhaktaṁ tu tatpunaḥ

वह कुण्ड वहीं उन समस्त देवताओं द्वारा स्थापित किया गया; और वहाँ वह शिव तथा ब्रह्मा द्वारा भी अविभाजित रूप से स्थापित हुआ।

श्लोक 54 (shiva.kotirudra.14.54)

चन्द्रकुण्डं प्रसिद्धं च पृथिव्यां पापनाशनम् । तत्र स्नाति नरो यः स सर्वैः पापैः प्रमुच्यते ॥ 14.54 ॥

candrakuṇḍaṁ prasiddhaṁ ca pṛthivyāṁ pāpanāśanam tatra snāti naro yaḥ sa sarvaiḥ pāpaiḥ pramucyate

वह पृथ्वी पर चन्द्रकुण्ड नाम से प्रसिद्ध, पापनाशक कुण्ड है; जो मनुष्य वहाँ स्नान करता है, वह समस्त पापों से मुक्त हो जाता है।

श्लोक 55 (shiva.kotirudra.14.55)

रोगाः सर्वे क्षयाद्याश्च ह्यसाध्या ये भवन्ति वै । ते सर्वे च क्षयं यान्ति षण्मासं स्नानमात्रतः ॥ 14.55 ॥

rogāḥ sarve kṣayādyāśca hyasādhyā ye bhavanti vai te sarve ca kṣayaṁ yānti ṣaṇmāsaṁ snānamātrataḥ

क्षय आदि जो भी असाध्य रोग होते हैं, वे सभी केवल छह मास तक वहाँ स्नान करने मात्र से नष्ट हो जाते हैं।

श्लोक 56 (shiva.kotirudra.14.56)

प्रभासं च परिक्रम्य पृथिवीक्रमसम्भवम् । फलं प्राप्नोति शुद्धात्मा मृतः स्वर्गे महीयते ॥ 14.56 ॥

prabhāsaṁ ca parikramya pṛthivīkramasambhavam phalaṁ prāpnoti śuddhātmā mṛtaḥ svarge mahīyate

प्रभास की परिक्रमा करके मनुष्य समस्त पृथ्वी की परिक्रमा का फल प्राप्त करता है; शुद्धात्मा होकर मृत्यु पश्चात् वह स्वर्ग में महिमामंडित होता है।

श्लोक 57 (shiva.kotirudra.14.57)

सोमलिङ्गं नरो दृष्ट्वा सर्वपापात्प्रमुच्यते । लब्ध्वा फलं मनोऽभीष्टं मृतः स्वर्गं समीहते ॥ 14.57 ॥

somaliṅgaṁ naro dṛṣṭvā sarvapāpātpramucyate labdhvā phalaṁ mano’bhīṣṭaṁ mṛtaḥ svargaṁ samīhate

सोमलिंग का दर्शन कर मनुष्य समस्त पापों से मुक्त हो जाता है; मनोवांछित फल प्राप्त कर मृत्यु के पश्चात् वह स्वर्ग को प्राप्त होता है।

श्लोक 58 (shiva.kotirudra.14.58)

यद्यत्फलं समुद्दिश्य कुरुते तीर्थमुत्तमम् । तत्तत्फलमवाप्नोति सर्वथा नात्र संशयः ॥ 14.58 ॥

yadyatphalaṁ samuddiśya kurute tīrthamuttamam tattatphalamavāpnoti sarvathā nātra saṁśayaḥ

इस उत्तम तीर्थ में जिस-जिस फल की कामना करके मनुष्य आता है, वह उसी फल को सर्वथा प्राप्त करता है, इसमें कोई संशय नहीं।

श्लोक 59 (shiva.kotirudra.14.59)

इति ते ऋषयो देवाः फलं दृष्ट्वा तथाविधम् । मुदा शिवं नमस्कृत्य गृहीत्वा चन्द्रमक्षयम् ॥ 14.59 ॥

iti te ṛṣayo devāḥ phalaṁ dṛṣṭvā tathāvidham mudā śivaṁ namaskṛtya gṛhītvā candramakṣayam

इस प्रकार वे ऋषि और देवगण ऐसा फल देखकर, प्रसन्नतापूर्वक शिव को नमस्कार कर, अब अक्षय हुए चन्द्रमा को साथ लेकर —

श्लोक 60 (shiva.kotirudra.14.60)

परिक्रम्य च तत्तीर्थं प्रशंसन्तश्च ते ययुः । चन्द्रश्चापि स्वकीयं च कार्यं चक्रे पुरातनम् ॥ 14.60 ॥

parikramya ca tattīrthaṁ praśaṁsantaśca te yayuḥ candraścāpi svakīyaṁ ca kāryaṁ cakre purātanam

— उस तीर्थ की परिक्रमा करके, उसकी प्रशंसा करते हुए वे चले गए; और चन्द्रमा ने भी अपना प्राचीन कार्य पुनः आरंभ कर दिया।

श्लोक 61 (shiva.kotirudra.14.61)

इति सर्वः समाख्यातः सोमेशस्य समुद्भवः । एवं सोमेश्वरं लिङ्गं समुत्पन्नं मुनीश्वराः ॥ 14.61 ॥

iti sarvaḥ samākhyātaḥ someśasya samudbhavaḥ evaṁ someśvaraṁ liṅgaṁ samutpannaṁ munīśvarāḥ

इस प्रकार सोमेश की सम्पूर्ण उत्पत्ति कह दी गई; हे मुनीश्वरो! इस प्रकार सोमेश्वर लिंग की उत्पत्ति हुई।

श्लोक 62 (shiva.kotirudra.14.62)

यः शृणोति तदुत्पत्तिं श्रावयेद्वा परान्नरः । सर्वान्कामानवाप्नोति सर्वपापैः प्रमुच्यते ॥ 14.62 ॥

yaḥ śṛṇoti tadutpattiṁ śrāvayedvā parānnaraḥ sarvānkāmānavāpnoti sarvapāpaiḥ pramucyate

जो मनुष्य इस उत्पत्ति-कथा को सुनता है, या दूसरों को सुनाता है, वह समस्त कामनाओं को प्राप्त करता है और समस्त पापों से मुक्त हो जाता है।