दारुकावन के राक्षसों के उपद्रव का वर्णन

श्लोक 1 (shiva.kotirudra.29.1)

सूत उवाच । अथातः सम्प्रवक्ष्यामि नागेशाख्यं परात्मनः । ज्योतीरूपं यथा जातं परमं लिङ्गमुत्तमम् ॥ 29.1 ॥

sūta uvāca athātaḥ sampravakṣyāmi nāgeśākhyaṁ parātmanaḥ jyotīrūpaṁ yathā jātaṁ paramaṁ liṅgamuttamam

सूत ने कहा — अब इसके पश्चात् मैं बताऊँगा कि परमात्मा का, नागेश नामक, ज्योतिस्वरूप परम उत्तम लिंग किस प्रकार उत्पन्न हुआ।

श्लोक 2 (shiva.kotirudra.29.2)

दारुका राक्षसी काचित्पार्वतीवरदर्पिता । दारुकश्च पतिस्तस्या बभूव बलवत्तरः ॥ 29.2 ॥

dārukā rākṣasī kācitpārvatīvaradarpitā dārukaśca patistasyā babhūva balavattaraḥ

दारुका नाम की एक राक्षसी थी, जो पार्वती के वरदान से अत्यन्त गर्वित थी; और दारुक नामक उसका पति अत्यन्त बलवान था।

श्लोक 3 (shiva.kotirudra.29.3)

बहुभी राक्षसैस्तत्र चकार कदनं सताम् । यज्ञध्वंसं च लोकानां धर्मध्वंसं तदाकरोत् ॥ 29.3 ॥

bahubhī rākṣasaistatra cakāra kadanaṁ satām yajñadhvaṁsaṁ ca lokānāṁ dharmadhvaṁsaṁ tadākarot

उसने अनेक राक्षसों के साथ वहाँ सज्जनों का संहार किया, तथा लोगों के यज्ञों तथा धर्म का विनाश किया।

श्लोक 4 (shiva.kotirudra.29.4)

पश्चिमे सागरे तस्य वनं सर्वसमृद्धिमत् । योजनानां षोडशभिर्विस्तृतं सर्वतो दिशम् ॥ 29.4 ॥

paścime sāgare tasya vanaṁ sarvasamṛddhimat yojanānāṁ ṣoḍaśabhirvistṛtaṁ sarvato diśam

पश्चिम सागर में उसका वन था, जो सब प्रकार की समृद्धि से युक्त था, और सभी दिशाओं में सोलह योजन तक फैला हुआ था।

श्लोक 5 (shiva.kotirudra.29.5)

दारुका स्वविलासार्थं यत्र गच्छति तद्वनम् । भूम्या च तरुभिस्तत्र सर्वोपकरणैर्युतम् ॥ 29.5 ॥

dārukā svavilāsārthaṁ yatra gacchati tadvanam bhūmyā ca tarubhistatra sarvopakaraṇairyutam

वह वन, जहाँ दारुका अपने विलास के लिए जाती थी, अपनी भूमि और वृक्षों सहित सभी प्रकार की सुविधाओं से युक्त था।

श्लोक 6 (shiva.kotirudra.29.6)

दारुकायै ददौ देवी तद्वनस्यावलोकनम् । प्रयाति तद्वनं सा हि पत्या सह यदृच्छया ॥ 29.6 ॥

dārukāyai dadau devī tadvanasyāvalokanam prayāti tadvanaṁ sā hi patyā saha yadṛcchayā

देवी ने दारुका को उस वन की देखरेख का अधिकार दिया था; वह अपनी इच्छा से पति सहित उस वन में जाया करती थी।

श्लोक 7 (shiva.kotirudra.29.7)

तत्र स्थित्वा तदा सोऽपि सर्वेषां च भयं ददौ । दारुको राक्षसः पत्न्या तया दारुकया सह ॥ 29.7 ॥

tatra sthitvā tadā so’pi sarveṣāṁ ca bhayaṁ dadau dāruko rākṣasaḥ patnyā tayā dārukayā saha

वहाँ रहते हुए राक्षस दारुक ने भी अपनी पत्नी दारुका के साथ सबको भयभीत कर दिया।

श्लोक 8 (shiva.kotirudra.29.8)

ते सर्वे पीडिता लोका और्वस्य शरणं ययुः । नत्वा प्रीत्या विशेषेण तमूचुर्नतमस्तकाः ॥ 29.8 ॥

te sarve pīḍitā lokā aurvasya śaraṇaṁ yayuḥ natvā prītyā viśeṣeṇa tamūcurnatamastakāḥ

वे सब पीड़ित लोग और्व ऋषि की शरण में गए; प्रेमपूर्वक प्रणाम कर, सिर झुकाकर उन्होंने विशेष रूप से उनसे कहा।

श्लोक 9 (shiva.kotirudra.29.9)

लोका ऊचुः । महर्षे शरणं देहि नो चेद्दुष्टैश्च मारिताः । सर्वं कर्तुं समर्थोऽसि तेजसा दीप्तिमानसि ॥ 29.9 ॥

lokā ūcuḥ maharṣe śaraṇaṁ dehi no cedduṣṭaiśca māritāḥ sarvaṁ kartuṁ samartho’si tejasā dīptimānasi

लोगों ने कहा — "हे महर्षे! हमें शरण दीजिए, अन्यथा हम इन दुष्टों द्वारा मार डाले जाएँगे। आप सब कुछ करने में समर्थ हैं, आप तेज से देदीप्यमान हैं।"

श्लोक 10 (shiva.kotirudra.29.10)

पृथ्व्यां न वर्तते कश्चित्त्वां विना शरणं च नः । यामो यस्य समीपे तु स्थित्वा सुखमवाप्नुमः ॥ 29.10 ॥

pṛthvyāṁ na vartate kaścittvāṁ vinā śaraṇaṁ ca naḥ yāmo yasya samīpe tu sthitvā sukhamavāpnumaḥ

"इस पृथ्वी पर आपके अतिरिक्त हमारे लिए कोई शरण नहीं, जिसके पास जाकर हम रहकर सुख प्राप्त कर सकें।"

श्लोक 11 (shiva.kotirudra.29.11)

त्वां दृष्ट्वा राक्षसाः सर्वे पलायन्ते विदूरतः । त्वयि शैवं सदा तेजो विभाति ज्वलनो यथा ॥ 29.11 ॥

tvāṁ dṛṣṭvā rākṣasāḥ sarve palāyante vidūrataḥ tvayi śaivaṁ sadā tejo vibhāti jvalano yathā

"आपको देखकर सभी राक्षस दूर भाग जाते हैं; आपमें शिव का तेज सदा अग्नि के समान प्रकाशित होता है।"

श्लोक 12 (shiva.kotirudra.29.12)

सूत उवाच । इत्येवं प्रार्थितो लोकैरौर्वो हि मुनिसत्तमः । शोचमानः शरण्यश्च रक्षायै हि वचोऽब्रवीत् ॥ 29.12 ॥

sūta uvāca ityevaṁ prārthito lokairaurvo hi munisattamaḥ śocamānaḥ śaraṇyaśca rakṣāyai hi vaco’bravīt

सूत ने कहा — इस प्रकार लोगों द्वारा प्रार्थना किए जाने पर, शरणदाता मुनिश्रेष्ठ और्व ने, उनके दुःख से द्रवित होकर, उनकी रक्षा के लिए यह वचन कहा।

श्लोक 13 (shiva.kotirudra.29.13)

और्व उवाच । पृथिव्यां यदि रक्षांसि हिंस्युर्वै प्राणिनस्तदा । स्वयं प्राणैर्वियुज्येयू राक्षसा बलवत्तराः ॥ 29.13 ॥

aurva uvāca pṛthivyāṁ yadi rakṣāṁsi hiṁsyurvai prāṇinastadā svayaṁ prāṇairviyujyeyū rākṣasā balavattarāḥ

और्व ने कहा — "यदि पृथ्वी पर राक्षस प्राणियों को पीड़ा पहुँचाएँ, तो वे बलशाली राक्षस स्वयं ही अपने प्राणों से वियुक्त हो जाएँ।"

श्लोक 14 (shiva.kotirudra.29.14)

यदा यज्ञाश्च हन्येरंस्तदा प्राणैर्वियोजिताः । भवन्तु राक्षसाः सर्वे सत्यमेतन्मयोच्यते ॥ 29.14 ॥

yadā yajñāśca hanyeraṁstadā prāṇairviyojitāḥ bhavantu rākṣasāḥ sarve satyametanmayocyate

"जब भी यज्ञों का विनाश किया जाए, तब सभी राक्षस अपने प्राणों से वियुक्त हो जाएँ; यह मैं सत्य वचन कहता हूँ।"

श्लोक 15 (shiva.kotirudra.29.15)

सूत उवाच । इत्युक्त्वा वचनं तेभ्यः समाश्वास्य प्रजाः पुनः । तपश्चकार विविधमौर्वो लोकसुखावहः ॥ 29.15 ॥

sūta uvāca ityuktvā vacanaṁ tebhyaḥ samāśvāsya prajāḥ punaḥ tapaścakāra vividhamaurvo lokasukhāvahaḥ

सूत ने कहा — यह वचन कहकर तथा प्रजा को पुनः आश्वस्त कर, लोक-सुख के आधार और्व ने विविध तपस्या की।

श्लोक 16 (shiva.kotirudra.29.16)

देवास्तदा ते विज्ञाय शापस्य कारणं हि तत् । युद्धाय च समुद्योगं चक्रुर्देवारिभिः सह ॥ 29.16 ॥

devāstadā te vijñāya śāpasya kāraṇaṁ hi tat yuddhāya ca samudyogaṁ cakrurdevāribhiḥ saha

तब देवताओं ने उस शाप का कारण जानकर, देवताओं के शत्रुओं के विरुद्ध युद्ध की तैयारी की।

श्लोक 17 (shiva.kotirudra.29.17)

सर्वैश्चैव प्रयत्नैश्च नानायुधधराः सुराः । सर्वे शक्रादयस्तत्र युद्धार्थं समुपागताः ॥ 29.17 ॥

sarvaiścaiva prayatnaiśca nānāyudhadharāḥ surāḥ sarve śakrādayastatra yuddhārthaṁ samupāgatāḥ

पूरे प्रयत्न के साथ, नाना प्रकार के शस्त्र धारण किए हुए इन्द्र आदि सभी देवगण वहाँ युद्ध के लिए एकत्रित हुए।

श्लोक 18 (shiva.kotirudra.29.18)

तान्दृष्ट्वा राक्षसास्तत्र विचारे तत्पराः पुनः । बभूवुस्तेऽखिला दुष्टा मिथो ये यत्र संस्थिताः ॥ 29.18 ॥

tāndṛṣṭvā rākṣasāstatra vicāre tatparāḥ punaḥ babhūvuste’khilā duṣṭā mitho ye yatra saṁsthitāḥ

उन्हें देखकर वहाँ के वे सब दुष्ट राक्षस, जो एकत्रित थे, पुनः आपस में विचार-विमर्श करने लगे।

श्लोक 19 (shiva.kotirudra.29.19)

राक्षसा ऊचुः । किं कर्तव्यं क्व गन्तव्यं सङ्कटं समुपागताः । युद्ध्यते म्रियते चैव युद्ध्यते न विहन्यते ॥ 29.19 ॥

rākṣasā ūcuḥ kiṁ kartavyaṁ kva gantavyaṁ saṅkaṭaṁ samupāgatāḥ yuddhyate mriyate caiva yuddhyate na vihanyate

राक्षसों ने कहा — "क्या किया जाए, कहाँ जाएँ, हम भारी संकट में पड़ गए हैं। यदि युद्ध करें तो मृत्यु होगी, और यदि न करें तो भी विनाश होगा।"

श्लोक 20 (shiva.kotirudra.29.20)

तथैव स्थीयते चेद्वै भक्ष्यते किं परस्परम् । दुःखं हि सर्वथा जातं क एनं विनिवारयेत् ॥ 29.20 ॥

tathaiva sthīyate cedvai bhakṣyate kiṁ parasparam duḥkhaṁ hi sarvathā jātaṁ ka enaṁ vinivārayet

"और यदि हम यूँ ही रहें, तो क्या हम आपस में ही एक-दूसरे को खा जाएँगे? यह दुःख हर प्रकार से आ पड़ा है — इसे कौन दूर कर सकता है?"

श्लोक 21 (shiva.kotirudra.29.21)

सूत उवाच । विचार्येति च ते तत्र दारुकाद्याश्च राक्षसाः । उपायं न विजानन्तो दुःखं प्राप्ताः सदा हि वै ॥ 29.21 ॥

sūta uvāca vicāryeti ca te tatra dārukādyāśca rākṣasāḥ upāyaṁ na vijānanto duḥkhaṁ prāptāḥ sadā hi vai

सूत ने कहा — इस प्रकार विचार करके, दारुक आदि वे राक्षस, कोई उपाय न जानते हुए, सदा दुःख में ही रहने लगे।

श्लोक 22 (shiva.kotirudra.29.22)

दारुका राक्षसी चापि ज्ञात्वा दुःखं समागतम् । भवान्याश्च वरं तं च कथयामास सा तदा ॥ 29.22 ॥

dārukā rākṣasī cāpi jñātvā duḥkhaṁ samāgatam bhavānyāśca varaṁ taṁ ca kathayāmāsa sā tadā

राक्षसी दारुका ने भी उन पर आए इस संकट को जानकर, तब भवानी के उस वरदान की बात बताई।

श्लोक 23 (shiva.kotirudra.29.23)

दारुकोवाच । मया ह्याराधिता पूर्वं भवपत्नी वरं ददौ । वनं गच्छ निजैः सार्धं यत्र गन्तुं त्वमिच्छसि ॥ 29.23 ॥

dārukovāca mayā hyārādhitā pūrvaṁ bhavapatnī varaṁ dadau vanaṁ gaccha nijaiḥ sārdhaṁ yatra gantuṁ tvamicchasi

दारुका ने कहा — "मैंने पूर्वकाल में शिव-पत्नी की आराधना की थी, और उन्होंने मुझे यह वर दिया था — 'तुम अपने लोगों सहित जिस वन में जाना चाहो, वहाँ जाओ।'"

श्लोक 24 (shiva.kotirudra.29.24)

तद्वरश्च मया प्राप्तः कथं दुःखं विषह्यते । जले वनं च नीत्वा वै सुखं स्थेयं तु राक्षसैः ॥ 29.24 ॥

tadvaraśca mayā prāptaḥ kathaṁ duḥkhaṁ viṣahyate jale vanaṁ ca nītvā vai sukhaṁ stheyaṁ tu rākṣasaiḥ

"वह वर मुझे प्राप्त है — तो फिर हम यह दुःख क्यों सहें? राक्षस उस वन को जल में ले जाकर सुखपूर्वक वहाँ निवास करें।"

श्लोक 25 (shiva.kotirudra.29.25)

सूत उवाच । तस्यास्तद्वचनं श्रुत्वा राक्षस्या हर्षमागताः । ऊचुः सर्वे मिथस्ते हि राक्षसा निर्भयास्तदा ॥ 29.25 ॥

sūta uvāca tasyāstadvacanaṁ śrutvā rākṣasyā harṣamāgatāḥ ūcuḥ sarve mithaste hi rākṣasā nirbhayāstadā

सूत ने कहा — उस राक्षसी के इस वचन को सुनकर वे हर्षित हो गए; निर्भय होकर वे सब राक्षस आपस में कहने लगे।

श्लोक 26 (shiva.kotirudra.29.26)

धन्येयं कृतकृत्येयं राज्ञ्या वै जीविताः स्वयम् । नत्वा तस्यै च तत्सर्वं कथयामासुरादरात् ॥ 29.26 ॥

dhanyeyaṁ kṛtakṛtyeyaṁ rājñyā vai jīvitāḥ svayam natvā tasyai ca tatsarvaṁ kathayāmāsurādarāt

"धन्य है यह, कृतकृत्य है यह — इस रानी ने हमें स्वयं जीवनदान दिया है।" उसे प्रणाम कर उन्होंने आदरपूर्वक सब कुछ उससे कहा।

श्लोक 27 (shiva.kotirudra.29.27)

यदि गन्तुं भवेच्छक्तिर्गम्यतां किं विचार्यते । तत्र गत्वा जले देवि सुखं स्थास्याम नित्यशः ॥ 29.27 ॥

yadi gantuṁ bhavecchaktirgamyatāṁ kiṁ vicāryate tatra gatvā jale devi sukhaṁ sthāsyāma nityaśaḥ

"यदि जाने की शक्ति है, तो चलें, इसमें विचार क्या करना? हे देवि! वहाँ जल में जाकर हम सदा सुखपूर्वक निवास करेंगे।"

श्लोक 28 (shiva.kotirudra.29.28)

एतस्मिन्नन्तरे लोका देवैः सार्धं समागताः । युद्धाय विविधैर्दुःखैः पीडिता राक्षसैः पुरा ॥ 29.28 ॥

etasminnantare lokā devaiḥ sārdhaṁ samāgatāḥ yuddhāya vividhairduḥkhaiḥ pīḍitā rākṣasaiḥ purā

इसी बीच जो लोग पहले राक्षसों द्वारा विविध दुःखों से पीड़ित थे, वे देवताओं के साथ युद्ध के लिए एकत्रित हुए।

श्लोक 29 (shiva.kotirudra.29.29)

पीडिताश्च तदा तस्या भवान्या बलमाश्रिताः । समग्रं नगरं नीत्वा जलस्थलसमन्वितम् ॥ 29.29 ॥

pīḍitāśca tadā tasyā bhavānyā balamāśritāḥ samagraṁ nagaraṁ nītvā jalasthalasamanvitam

तब वह पीड़ित दारुका, भवानी के बल का आश्रय लेकर, सम्पूर्ण नगर को उसकी भूमि और भवनों सहित जल में ले गई।

श्लोक 30 (shiva.kotirudra.29.30)

जय जयेति देव्यास्तु स्तुतिमुच्चार्य राक्षसी । तत उड्डीयनं कृत्वा सपक्षो गिरिराड्यथा ॥ 29.30 ॥

jaya jayeti devyāstu stutimuccārya rākṣasī tata uḍḍīyanaṁ kṛtvā sapakṣo girirāḍyathā

"जय हो, जय हो" कहकर देवी की स्तुति करते हुए, वह राक्षसी पंखधारी पर्वतराज के समान उड़ान भरने लगी।

श्लोक 31 (shiva.kotirudra.29.31)

समुद्रस्य च मध्ये सा संस्थिता निर्भया तदा । सकलैः परिवारैश्च मुमुदेति शिवानुगा ॥ 29.31 ॥

samudrasya ca madhye sā saṁsthitā nirbhayā tadā sakalaiḥ parivāraiśca mumudeti śivānugā

तब वह समुद्र के मध्य निर्भय होकर अपने समस्त परिवार सहित स्थिर हो गई, और शिवभक्त वह राक्षसी आनन्दित हुई।

श्लोक 32 (shiva.kotirudra.29.32)

तत्र सिन्धौ च ते स्थित्वा नगरे च विलासिनः । राक्षसाश्च सुखं प्रापुर्निर्भयाश्च विजह्रिरे ॥ 29.32 ॥

tatra sindhau ca te sthitvā nagare ca vilāsinaḥ rākṣasāśca sukhaṁ prāpurnirbhayāśca vijahrire

वहाँ समुद्र में उस नगर में रहते हुए, विलासी राक्षसों ने सुख प्राप्त किया, और निर्भय होकर विहार करने लगे।

श्लोक 33 (shiva.kotirudra.29.33)

राक्षसाश्च पृथिव्यां वै नाजग्मुश्च कदाचन । मुनेः शापभयादेव बभ्रमुस्ते चले तदा ॥ 29.33 ॥

rākṣasāśca pṛthivyāṁ vai nājagmuśca kadācana muneḥ śāpabhayādeva babhramuste cale tadā

राक्षस पृथ्वी पर फिर कभी नहीं आए; मुनि के शाप के भय से वे तब उस चलायमान नगर में ही घूमते रहे।

श्लोक 34 (shiva.kotirudra.29.34)

नौषु स्थितान् जनान्नीत्वा नगरे तत्र तांस्तदा । चिक्षिपुर्बन्धनागारे कांश्चिज्जघ्नुस्तदा हि ते ॥ 29.34 ॥

nauṣu sthitān janānnītvā nagare tatra tāṁstadā cikṣipurbandhanāgāre kāṁścijjaghnustadā hi te

नावों में स्थित लोगों को पकड़कर उस नगर में ले जाकर, वे उनमें से कुछ को बन्दीगृह में डाल देते और कुछ को मार डालते थे।

श्लोक 35 (shiva.kotirudra.29.35)

यथा यथा पुनः पीडां चक्रुस्ते राक्षसास्तदा । तत्र स्थिता भवान्याश्च वरदानाच्च निर्भयाः ॥ 29.35 ॥

yathā yathā punaḥ pīḍāṁ cakruste rākṣasāstadā tatra sthitā bhavānyāśca varadānācca nirbhayāḥ

जिस-जिस प्रकार वे राक्षस पुनः पीड़ा पहुँचाते रहे, वे वहाँ भवानी के वरदान के कारण निर्भय होकर ही करते रहे।

श्लोक 36 (shiva.kotirudra.29.36)

यथा पूर्वं स्थले लोके भयं चासीन्निरन्तरम् । तथा भयं जले तेषामासीन्नित्यं मुनीश्वराः ॥ 29.36 ॥

yathā pūrvaṁ sthale loke bhayaṁ cāsīnnirantaram tathā bhayaṁ jale teṣāmāsīnnityaṁ munīśvarāḥ

जैसे पहले भूमि पर लोगों में निरन्तर भय था, हे मुनीश्वरो! वैसे ही अब जल में उन लोगों में सदा भय बना रहा।

श्लोक 37 (shiva.kotirudra.29.37)

कदाचिद्राक्षसी सा च निःसृता नगराज्जले । रुद्ध्वा मार्गं स्थिता लोकपीडार्थं धरणौ च हि ॥ 29.37 ॥

kadācidrākṣasī sā ca niḥsṛtā nagarājjale ruddhvā mārgaṁ sthitā lokapīḍārthaṁ dharaṇau ca hi

एक बार वह राक्षसी नगर से निकलकर जल में गई, और मार्ग को अवरुद्ध कर लोगों को पीड़ा देने हेतु धरती पर खड़ी हो गई।

श्लोक 38 (shiva.kotirudra.29.38)

एतस्मिन्नन्तरे तत्र नावो बहुतराः शुभाः । आगता बहुधा तत्र सर्वतो लोकसंवृताः ॥ 29.38 ॥

etasminnantare tatra nāvo bahutarāḥ śubhāḥ āgatā bahudhā tatra sarvato lokasaṁvṛtāḥ

इसी बीच वहाँ अनेक शुभ नावें, चारों ओर से लोगों से भरी हुई, बड़ी संख्या में आ पहुँचीं।

श्लोक 39 (shiva.kotirudra.29.39)

ता नावश्च तदा दृष्ट्वा हर्षं सम्प्राप्य राक्षसाः । द्रुतं गत्वा हि तत्रस्थान्वेगात्सन्दध्रिरे खलाः ॥ 29.39 ॥

tā nāvaśca tadā dṛṣṭvā harṣaṁ samprāpya rākṣasāḥ drutaṁ gatvā hi tatrasthānvegātsandadhrire khalāḥ

उन नावों को देखकर हर्षित हुए वे दुष्ट राक्षस तुरन्त वहाँ पहुँचकर वेगपूर्वक उनमें बैठे लोगों को पकड़ने लगे।

श्लोक 40 (shiva.kotirudra.29.40)

आजग्मुर्नगरं ते च तानादाय महाबलाः । चिक्षिपुर्बन्धनागारे बद्ध्वा हि निगडैर्दृढैः ॥ 29.40 ॥

ājagmurnagaraṁ te ca tānādāya mahābalāḥ cikṣipurbandhanāgāre baddhvā hi nigaḍairdṛḍhaiḥ

वे महाबलशाली राक्षस उन्हें लेकर नगर में आए, और दृढ़ बेड़ियों से बाँधकर उन्हें बन्दीगृह में डाल दिया।

श्लोक 41 (shiva.kotirudra.29.41)

बद्धास्ते निगडैर्लोकाः संस्थिता बन्धनालये । अतीव दुःखमाजग्मुर्भर्त्सितास्ते मुहुर्मुहुः ॥ 29.41 ॥

baddhāste nigaḍairlokāḥ saṁsthitā bandhanālaye atīva duḥkhamājagmurbhartsitāste muhurmuhuḥ

बेड़ियों में बँधे वे लोग बन्दीगृह में पड़े रहे; बार-बार प्रताड़ित किए जाने से वे अत्यन्त दुःख को प्राप्त हुए।

श्लोक 42 (shiva.kotirudra.29.42)

तेषां मध्ये च योऽधीशः स वैश्यः सुप्रियाभिधः । शिवप्रियः शुभाचारः शैवश्चासीत्सदातनः ॥ 29.42 ॥

teṣāṁ madhye ca yo’dhīśaḥ sa vaiśyaḥ supriyābhidhaḥ śivapriyaḥ śubhācāraḥ śaivaścāsītsadātanaḥ

उनमें से एक जो मुखिया था, वह "सुप्रिय" नामक वैश्य था, जो शिव का प्रिय, शुभाचारी और सदा का शैव भक्त था।

श्लोक 43 (shiva.kotirudra.29.43)

विना च शिवपूजां वै न तिष्ठति कदाचन । सर्वथा शिवधर्मा हि भस्मरुद्राक्षभूषणः ॥ 29.43 ॥

vinā ca śivapūjāṁ vai na tiṣṭhati kadācana sarvathā śivadharmā hi bhasmarudrākṣabhūṣaṇaḥ

वह शिवपूजा के बिना कभी नहीं रहता था; वह सर्वथा शिवधर्मी था, भस्म और रुद्राक्ष से सुशोभित रहता था।

श्लोक 44 (shiva.kotirudra.29.44)

यदि पूजा न जाता चेन्न भुनक्ति तदा तु सः । अतस्तत्रापि वैश्योऽसौ चकार शिवपूजनम् ॥ 29.44 ॥

yadi pūjā na jātā cenna bhunakti tadā tu saḥ atastatrāpi vaiśyo’sau cakāra śivapūjanam

यदि पूजा न हुई हो, तो वह भोजन नहीं करता था; अतः वहाँ भी उस वैश्य ने शिवपूजा की।

श्लोक 45 (shiva.kotirudra.29.45)

कारागृहगतः सोऽपि बहूंश्चाशिक्षयत्तदा । शिवमन्त्रं च पूजां च पार्थिवीमृषिसत्तमाः ॥ 29.45 ॥

kārāgṛhagataḥ so’pi bahūṁścāśikṣayattadā śivamantraṁ ca pūjāṁ ca pārthivīmṛṣisattamāḥ

हे मुनिश्रेष्ठो! कारागार में रहते हुए भी उसने अनेक लोगों को शिवमन्त्र तथा पार्थिव-पूजा की शिक्षा दी।

श्लोक 46 (shiva.kotirudra.29.46)

ते सर्वे च तदा तत्र शिवपूजां स्वकामदाम् । चक्रिरे विधिवत्तत्र यथादृष्टं यथाश्रुतम् ॥ 29.46 ॥

te sarve ca tadā tatra śivapūjāṁ svakāmadām cakrire vidhivattatra yathādṛṣṭaṁ yathāśrutam

वे सभी वहाँ अपनी इच्छापूर्ति करने वाली शिवपूजा को, जैसा उन्होंने देखा-सुना था, उसी प्रकार विधिपूर्वक करने लगे।

श्लोक 47 (shiva.kotirudra.29.47)

केचित्तत्र स्थिता ध्याने बद्ध्वासनमनुत्तमम् । मानसीं शिवपूजां च केचिच्चक्रुर्मुदान्विताः ॥ 29.47 ॥

kecittatra sthitā dhyāne baddhvāsanamanuttamam mānasīṁ śivapūjāṁ ca keciccakrurmudānvitāḥ

कुछ लोग वहाँ उत्तम आसन बाँधकर ध्यान में स्थित रहे; तथा कुछ ने आनन्दित होकर मानसिक शिवपूजा की।

श्लोक 48 (shiva.kotirudra.29.48)

तदाधीशेन तत्रैव प्रत्यक्षं शिवपूजनम् । कृतं च पार्थिवस्यैव विधानेन मुनीश्वराः ॥ 29.48 ॥

tadādhīśena tatraiva pratyakṣaṁ śivapūjanam kṛtaṁ ca pārthivasyaiva vidhānena munīśvarāḥ

हे मुनीश्वरो! तब उनके मुखिया ने वहीं प्रत्यक्ष रूप से पार्थिव-लिंग की विधि से शिवपूजा की।

श्लोक 49 (shiva.kotirudra.29.49)

अन्ये च ये न जानन्ति विधानं स्मरणं परम् । नमः शिवाय मन्त्रेण ध्यायन्तः शङ्करं स्थिताः ॥ 29.49 ॥

anye ca ye na jānanti vidhānaṁ smaraṇaṁ param namaḥ śivāya mantreṇa dhyāyantaḥ śaṅkaraṁ sthitāḥ

तथा जो अन्य लोग पूर्ण विधि नहीं जानते थे, वे "नमः शिवाय" मन्त्र से शंकर का ध्यान करते हुए परम स्मरण में स्थित रहे।

श्लोक 50 (shiva.kotirudra.29.50)

सुप्रियो नाम यश्चासीद्वैश्यवर्यः शिवप्रियः । ध्यायँश्च मनसा तत्र चकार शिवपूजनम् ॥ 29.50 ॥

supriyo nāma yaścāsīdvaiśyavaryaḥ śivapriyaḥ dhyāya~śca manasā tatra cakāra śivapūjanam

सुप्रिय नामक वह श्रेष्ठ वैश्य, जो शिव का प्रिय था, वहाँ मन से ध्यान करते हुए शिवपूजा किया करता था।

श्लोक 51 (shiva.kotirudra.29.51)

यथोक्तरूपी शम्भुश्च प्रत्यक्षं सर्वमाददे । सोऽपि स्वयं न जानाति गृह्यते न शिवेन वै ॥ 29.51 ॥

yathoktarūpī śambhuśca pratyakṣaṁ sarvamādade so’pi svayaṁ na jānāti gṛhyate na śivena vai

यथोक्त रूप में उपस्थित शम्भु ने वह सब कुछ प्रत्यक्ष रूप से ग्रहण किया; वह स्वयं तो यह नहीं जानता था, परन्तु शिव द्वारा वह अस्वीकृत भी नहीं हुआ।

श्लोक 52 (shiva.kotirudra.29.52)

एवं च क्रियमाणस्य वैश्यस्य शिवपूजनम् । व्यतीयुस्तत्र षण्मासा निर्विघ्नेन मुनीश्वराः ॥ 29.52 ॥

evaṁ ca kriyamāṇasya vaiśyasya śivapūjanam vyatīyustatra ṣaṇmāsā nirvighnena munīśvarāḥ

हे मुनीश्वरो! इस प्रकार उस वैश्य द्वारा शिवपूजा किए जाते हुए, वहाँ निर्विघ्न छः महीने बीत गए।

श्लोक 53 (shiva.kotirudra.29.53)

अतः परं च यज्जातं चरितं शशिमौलिनः । तच्छृणुध्वमृषिश्रेष्ठाः सावधानेन चेतसा ॥ 29.53 ॥

ataḥ paraṁ ca yajjātaṁ caritaṁ śaśimaulinaḥ tacchṛṇudhvamṛṣiśreṣṭhāḥ sāvadhānena cetasā

हे श्रेष्ठ मुनियो! इसके आगे शशिमौलि (चन्द्रशेखर शिव) के चरित्र में जो घटित हुआ, उसे सावधान चित्त से सुनिए।