घुश्मेश ज्योतिर्लिंग की उत्पत्ति

श्लोक 1 (shiva.kotirudra.33.1)

सूत उवाच । पुत्रं दृष्ट्वा कनिष्ठाया ज्येष्ठा दुःखमुपागता । विरोधं सा चकाराशु न सहन्ती च तत्सुखम् ॥ 33.1 ॥

sūta uvāca putraṁ dṛṣṭvā kaniṣṭhāyā jyeṣṭhā duḥkhamupāgatā virodhaṁ sā cakārāśu na sahantī ca tatsukham

सूत जी ने कहा — छोटी पत्नी के पुत्र को देखकर बड़ी पत्नी दुःखी हो गई; उसका सुख सहन न कर पाने के कारण उसने शीघ्र ही विरोध करना आरम्भ कर दिया।

श्लोक 2 (shiva.kotirudra.33.2)

सर्वे पुत्रप्रसूतिं तां प्रशसंसुर्निरन्तरम् । तया तत्सह्यते न स्म शिशो रूपादिकं तथा ॥ 33.2 ॥

sarve putraprasūtiṁ tāṁ praśasaṁsurnirantaram tayā tatsahyate na sma śiśo rūpādikaṁ tathā

सब लोग निरन्तर उस पुत्रवती को सराहते रहते थे; बड़ी पत्नी से न तो यह सहा जाता था और न ही उस शिशु का रूप आदि गुण।

श्लोक 3 (shiva.kotirudra.33.3)

सुप्रियं तनयं तं च पित्रोः सद्गुणभाजनम् । दृष्ट्वाभवत्तदा तस्या हृदयं तप्तमग्निवत् ॥ 33.3 ॥

supriyaṁ tanayaṁ taṁ ca pitroḥ sadguṇabhājanam dṛṣṭvābhavattadā tasyā hṛdayaṁ taptamagnivat

माता-पिता के सद्गुणों के पात्र उस अत्यंत प्रिय पुत्र को देखकर उसका हृदय अग्नि के समान जलने लगा।

श्लोक 4 (shiva.kotirudra.33.4)

एतस्मिन्नन्तरे विप्राः कन्यां दातुं समागताः । विवाहं तस्य तत्रैव चकार विधिवच्च सः ॥ 33.4 ॥

etasminnantare viprāḥ kanyāṁ dātuṁ samāgatāḥ vivāhaṁ tasya tatraiva cakāra vidhivacca saḥ

इसी बीच कुछ ब्राह्मण एक कन्या देने के लिए वहाँ आए; सुधर्मा ने वहीं विधिपूर्वक उसका (पुत्र का) विवाह कर दिया।

श्लोक 5 (shiva.kotirudra.33.5)

सुधर्मा घुश्मया सार्धमानन्दं परं गतः । सर्वे सम्बन्धिनस्तस्यां घुश्मायां मानमादधुः ॥ 33.5 ॥

sudharmā ghuśmayā sārdhamānandaṁ paraṁ gataḥ sarve sambandhinastasyāṁ ghuśmāyāṁ mānamādadhuḥ

सुधर्मा घुश्मा के साथ परम आनन्द को प्राप्त हुए; सभी सम्बन्धीजन घुश्मा का बड़ा सम्मान करने लगे।

श्लोक 6 (shiva.kotirudra.33.6)

तं दृष्ट्वा सा सुदेहा हि मनसि ज्वलिता तदा । अत्यन्तं दुःखमापन्ना हा हतास्मीति वादिनी ॥ 33.6 ॥

taṁ dṛṣṭvā sā sudehā hi manasi jvalitā tadā atyantaṁ duḥkhamāpannā hā hatāsmīti vādinī

यह देखकर सुदेहा मन ही मन जल उठी; वह अत्यंत दुःख को प्राप्त होकर 'हाय, मैं मारी गई' कहती रही।

श्लोक 7 (shiva.kotirudra.33.7)

सुधर्मा गृहमागत्य वधूं पुत्रं विवाहितम् । उत्साहं दर्शयामास प्रियाभ्यां हर्षयन्निव ॥ 33.7 ॥

sudharmā gṛhamāgatya vadhūṁ putraṁ vivāhitam utsāhaṁ darśayāmāsa priyābhyāṁ harṣayanniva

सुधर्मा घर आकर विवाहित पुत्र और पुत्रवधू को देखकर उत्साह प्रकट करने लगे, मानो अपनी दोनों प्रिय पत्नियों को हर्षित कर रहे हों।

श्लोक 8 (shiva.kotirudra.33.8)

अभवद् हर्षिता घुश्मा सुदेहा दुःखमागता । न सहन्ती सुखं तच्च दुःखं कृत्वापतद्भुवि ॥ 33.8 ॥

abhavad harṣitā ghuśmā sudehā duḥkhamāgatā na sahantī sukhaṁ tacca duḥkhaṁ kṛtvāpatadbhuvi

घुश्मा प्रसन्न हुई, किन्तु सुदेहा दुःखी हो गई; वह सुख सहन न कर सकी और दुःख से व्याकुल होकर भूमि पर गिर पड़ी।

श्लोक 9 (shiva.kotirudra.33.9)

घुश्मावदद्वधूपुत्रौ त्वदीयौ न मदीयकौ । वधूः पुत्रश्च तां प्रीत्या प्रसूं श्वश्रूममन्यत ॥ 33.9 ॥

ghuśmāvadadvadhūputrau tvadīyau na madīyakau vadhūḥ putraśca tāṁ prītyā prasūṁ śvaśrūmamanyata

घुश्मा ने कहा — यह वधू और पुत्र तुम्हारे हैं, मेरे नहीं; और उस वधू तथा पुत्र ने भी प्रेमपूर्वक उसे (सुदेहा को) माता और सास मानकर सम्मान दिया।

श्लोक 10 (shiva.kotirudra.33.10)

भर्ता प्रियां तां ज्येष्ठां च मेने नैव कनिष्ठिकाम् । तथापि सा तदा ज्येष्ठा स्वान्तर्मलवती ह्यभूत् ॥ 33.10 ॥

bhartā priyāṁ tāṁ jyeṣṭhāṁ ca mene naiva kaniṣṭhikām tathāpi sā tadā jyeṣṭhā svāntarmalavatī hyabhūt

पति सुधर्मा बड़ी पत्नी को प्रिय मानते थे, छोटी से कम नहीं; फिर भी उस समय बड़ी पत्नी का अंतःकरण मलिनता से भरा रहा।

श्लोक 11 (shiva.kotirudra.33.11)

एकस्मिन्दिवसे ज्येष्ठा सा सुदेहा च दुःखिनी । हृदये सञ्चिचिन्तेति दुःखशान्तिः कथं भवेत् ॥ 33.11 ॥

ekasmindivase jyeṣṭhā sā sudehā ca duḥkhinī hṛdaye sañcicinteti duḥkhaśāntiḥ kathaṁ bhavet

एक दिन दुःखिनी सुदेहा ने मन में सोचा कि यह दुःख किस प्रकार शांत हो।

श्लोक 12 (shiva.kotirudra.33.12)

सुदेहोवाच । मदीयो हृदयाग्निश्च घुश्मानेत्रजलेन वै । भविष्यति ध्रुवं शान्तो नान्यथा दुःखजेन हि ॥ 33.12 ॥

sudehovāca madīyo hṛdayāgniśca ghuśmānetrajalena vai bhaviṣyati dhruvaṁ śānto nānyathā duḥkhajena hi

सुदेहा ने कहा — मेरे हृदय की अग्नि तो घुश्मा के नेत्रों के आँसुओं से ही अवश्य शांत होगी, किसी और उपाय से नहीं — केवल उसे दुःख देने से।

श्लोक 13 (shiva.kotirudra.33.13)

अतोऽहं मारयाम्यद्य तत्पुत्रं प्रियवादिनम् । अग्रे भावि भवेदेवं निश्चयः परमो मम ॥ 33.13 ॥

ato'haṁ mārayāmyadya tatputraṁ priyavādinam agre bhāvi bhavedevaṁ niścayaḥ paramo mama

इसलिए आज मैं उसके मीठा बोलने वाले पुत्र को मार डालूँगी; आगे जो होना हो सो हो, यही मेरा दृढ़ निश्चय है।

श्लोक 14 (shiva.kotirudra.33.14)

सूत उवाच । कदर्याणां विचारश्च कृत्याकृत्ये भवेन्नहि । कठोरः प्रायशो विप्राः सापत्नो भाव आत्महा ॥ 33.14 ॥

sūta uvāca kadaryāṇāṁ vicāraśca kṛtyākṛtye bhavennahi kaṭhoraḥ prāyaśo viprāḥ sāpatno bhāva ātmahā

सूत जी ने कहा — दुष्ट लोग करने और न करने योग्य कर्म का विचार नहीं करते; हे ब्राह्मणो! सौत का भाव प्रायः कठोर और आत्मघाती होता है।

श्लोक 15 (shiva.kotirudra.33.15)

एकस्मिन्दिवसे ज्येष्ठा सुप्तं पुत्रं वधूयुतम् । चिच्छिदे निशि चाङ्गेषु गृहीत्वा छुरिकां च सा ॥ 33.15 ॥

ekasmindivase jyeṣṭhā suptaṁ putraṁ vadhūyutam cicchide niśi cāṅgeṣu gṛhītvā churikāṁ ca sā

एक दिन बड़ी पत्नी ने रात्रि में छुरी लेकर, पत्नी सहित सोए हुए उस पुत्र के अंगों को काट डाला।

श्लोक 16 (shiva.kotirudra.33.16)

सर्वाङ्गं खण्डयामास रात्रौ घुश्मासुतस्य सा । नीत्वा सरसि तत्रैवाक्षिपद् दृप्ता महाबला ॥ 33.16 ॥

sarvāṅgaṁ khaṇḍayāmāsa rātrau ghuśmāsutasya sā nītvā sarasi tatraivākṣipad dṛptā mahābalā

उसने रात में घुश्मा के पुत्र के सम्पूर्ण अंगों के टुकड़े कर डाले, और अभिमानी तथा महाबली उस स्त्री ने उन्हें ले जाकर उसी सरोवर में फेंक दिया।

श्लोक 17 (shiva.kotirudra.33.17)

यत्र क्षिप्तानि लिङ्गानि घुश्मया नित्यमेव हि । तत्र क्षिप्त्वा समायाता सुष्वाप सुखमागता ॥ 33.17 ॥

yatra kṣiptāni liṅgāni ghuśmayā nityameva hi tatra kṣiptvā samāyātā suṣvāpa sukhamāgatā

जहाँ घुश्मा प्रतिदिन शिवलिंगों को विसर्जित करती थी, वहीं उन टुकड़ों को फेंककर वह लौट आई और सुखपूर्वक सो गई।

श्लोक 18 (shiva.kotirudra.33.18)

प्रातश्चैव समुत्थाय घुश्मा नित्यं तथाकरोत् । सुधर्मा च स्वयं श्रेष्ठो नित्यकर्म समाचरत् ॥ 33.18 ॥

prātaścaiva samutthāya ghuśmā nityaṁ tathākarot sudharmā ca svayaṁ śreṣṭho nityakarma samācarat

प्रातःकाल उठकर घुश्मा ने नित्य की भाँति अपना नियम पूरा किया, और श्रेष्ठ सुधर्मा ने भी स्वयं अपने नित्यकर्म का आचरण किया।

श्लोक 19 (shiva.kotirudra.33.19)

एतस्मिन्नन्तरे सा च ज्येष्ठा कार्यं गृहस्य वै । चकारानन्दसंयुक्ता सुशान्तहृदयानला ॥ 33.19 ॥

etasminnantare sā ca jyeṣṭhā kāryaṁ gṛhasya vai cakārānandasaṁyuktā suśāntahṛdayānalā

इसी बीच बड़ी पत्नी आनन्दपूर्वक घर के काम-काज करने लगी, मानो उसके हृदय की अग्नि पूर्णतः शांत हो गई हो।

श्लोक 20 (shiva.kotirudra.33.20)

प्रातःकाले समुत्थाय वधूः शय्यां विलोक्य सा । रुधिरार्द्रां देहखण्डैर्युक्तां दुःखमुपागता ॥ 33.20 ॥

prātaḥkāle samutthāya vadhūḥ śayyāṁ vilokya sā rudhirārdrāṁ dehakhaṇḍairyuktāṁ duḥkhamupāgatā

प्रातःकाल उठकर पुत्रवधू ने शय्या को देखा — वह रक्त से भीगी और देह के टुकड़ों से भरी थी; यह देखकर वह दुःखी हो गई।

श्लोक 21 (shiva.kotirudra.33.21)

श्वश्रूं निवेदयामास पुत्रस्ते च कुतो गतः । शय्या च रुधिरार्द्रा वै दृश्यन्ते देहखण्डकाः ॥ 33.21 ॥

śvaśrūṁ nivedayāmāsa putraste ca kuto gataḥ śayyā ca rudhirārdrā vai dṛśyante dehakhaṇḍakāḥ

उसने सास से कहा — तुम्हारा पुत्र कहाँ गया? शय्या रक्त से भीगी है और देह के टुकड़े दिखाई दे रहे हैं!

श्लोक 22 (shiva.kotirudra.33.22)

हा हतास्मि कृतं केन दुष्टं कर्म शुचिव्रते । इत्युच्चार्य रुरोदाति विविधं तत्प्रिया च सा ॥ 33.22 ॥

hā hatāsmi kṛtaṁ kena duṣṭaṁ karma śucivrate ityuccārya rurodāti vividhaṁ tatpriyā ca sā

'हाय, मैं मारी गई! हे शुद्ध व्रतवाली! यह दुष्ट कर्म किसने किया है' — ऐसा कहकर वह प्रिया अनेक प्रकार से रोने लगी।

श्लोक 23 (shiva.kotirudra.33.23)

ज्येष्ठा दुःखं तदापन्ना हा हतास्मि किलेति च । बहिर्दुःखं चकारासौ मनसा हर्षसंयुता ॥ 33.23 ॥

jyeṣṭhā duḥkhaṁ tadāpannā hā hatāsmi kileti ca bahirduḥkhaṁ cakārāsau manasā harṣasaṁyutā

बड़ी पत्नी भी तब दुःख जताकर 'हाय, मैं भी मारी गई' कहती हुई बाहर से दुःख प्रकट करने लगी, जबकि मन में वह हर्ष से भरी थी।

श्लोक 24 (shiva.kotirudra.33.24)

घुश्मा चापि तदा तस्या वध्वा दुःखं निशम्य सा । न चचाल व्रतात्तस्मान्नित्यपार्थिवपूजनात् ॥ 33.24 ॥

ghuśmā cāpi tadā tasyā vadhvā duḥkhaṁ niśamya sā na cacāla vratāttasmānnityapārthivapūjanāt

उधर घुश्मा ने भी पुत्रवधू से यह दुःखद समाचार सुनकर भी प्रतिदिन के पार्थिवलिंग-पूजन के अपने व्रत से विचलित न होने दिया।

श्लोक 25 (shiva.kotirudra.33.25)

मनश्चैवोत्सुकं नैव जातं तस्या मनागपि । भर्तापि च तथैवासीद्यावद् व्रतविधिर्भवेत् ॥ 33.25 ॥

manaścaivotsukaṁ naiva jātaṁ tasyā manāgapi bhartāpi ca tathaivāsīdyāvad vratavidhirbhavet

उसका मन तनिक भी व्याकुल नहीं हुआ; और जब तक व्रत की विधि पूर्ण नहीं हुई, उसके पति भी उसी प्रकार स्थिर बने रहे।

श्लोक 26 (shiva.kotirudra.33.26)

मध्याह्ने पूजनान्ते च दृष्ट्वा शय्यां भयावहाम् । तथापि न तदा किञ्चित्कृतं दुःखं हि घुश्मया ॥ 33.26 ॥

madhyāhne pūjanānte ca dṛṣṭvā śayyāṁ bhayāvahām tathāpi na tadā kiñcitkṛtaṁ duḥkhaṁ hi ghuśmayā

दोपहर को पूजन समाप्त करने के बाद उस भयावह शय्या को देखकर भी घुश्मा ने उस समय तनिक भी दुःख प्रकट नहीं किया।

श्लोक 27 (shiva.kotirudra.33.27)

येनैव चार्पितश्चायं स वै रक्षां करिष्यति । भक्तप्रियः स विख्यातः कालकालः सतां गतिः ॥ 33.27 ॥

yenaiva cārpitaścāyaṁ sa vai rakṣāṁ kariṣyati bhaktapriyaḥ sa vikhyātaḥ kālakālaḥ satāṁ gatiḥ

उसने कहा — जिसे यह पुत्र अर्पित किया गया है, वही उसकी रक्षा करेंगे; वे भक्तों के प्रिय, काल के भी काल, सज्जनों की एकमात्र गति के रूप में विख्यात हैं।

श्लोक 28 (shiva.kotirudra.33.28)

यदि नो रक्षिता शम्भुरीश्वरः प्रभुरेकलः । मालाकार इवासौ यान्युङ्क्ते तान्वियुनक्ति च ॥ 33.28 ॥

yadi no rakṣitā śambhurīśvaraḥ prabhurekalaḥ mālākāra ivāsau yānyuṅkte tānviyunakti ca

यदि प्रभु शम्भु स्वयं ही एकमात्र ईश्वर हमारी रक्षा न करें, तो जैसे माली फूलों को माला में गूँथता और फिर खोल भी देता है, वैसे ही सब कुछ है।

श्लोक 29 (shiva.kotirudra.33.29)

अद्य मे चिन्तया किं स्यादिति तत्त्वं विचार्य सा । न चकार तदा दुःखं शिवे धैर्यं समागता ॥ 33.29 ॥

adya me cintayā kiṁ syāditi tattvaṁ vicārya sā na cakāra tadā duḥkhaṁ śive dhairyaṁ samāgatā

'आज मेरी चिंता से क्या लाभ' — इस सत्य पर विचार कर उसने उस समय दुःख नहीं माना, बल्कि शिव में धैर्य को प्राप्त हुई।

श्लोक 30 (shiva.kotirudra.33.30)

पार्थिवांश्च गृहीत्वा सा पूर्ववत्स्वस्थमानसा । शम्भोर्नामान्युच्चरन्ती जगाम सरसस्तटे ॥ 33.30 ॥

pārthivāṁśca gṛhītvā sā pūrvavatsvasthamānasā śambhornāmānyuccarantī jagāma sarasastaṭe

पार्थिव लिंगों को लेकर, पहले की भाँति स्वस्थचित्त होकर, शम्भु के नामों का उच्चारण करती हुई वह सरोवर के तट पर गई।

श्लोक 31 (shiva.kotirudra.33.31)

क्षिप्त्वा च पार्थिवांस्तत्र परावर्तत सा यदा । तदा पुत्रस्तडागस्थो दृश्यते स्म तटे तया ॥ 33.31 ॥

kṣiptvā ca pārthivāṁstatra parāvartata sā yadā tadā putrastaḍāgastho dṛśyate sma taṭe tayā

वहाँ पार्थिव लिंगों को विसर्जित करके जब वह लौटने लगी, तब उसने अपने पुत्र को सरोवर के तट पर खड़ा देखा।

श्लोक 32 (shiva.kotirudra.33.32)

पुत्र उवाच । मातरेहि मिलिष्यामि मृतोऽहं जीवितोऽधुना । तव पुण्यप्रभावाद्धि कृपया शङ्करस्य वै ॥ 33.32 ॥

putra uvāca mātarehi miliṣyāmi mṛto'haṁ jīvito'dhunā tava puṇyaprabhāvāddhi kṛpayā śaṅkarasya vai

पुत्र ने कहा — माता, आइए, मुझसे मिलिए! मैं मरा हुआ था, अब जीवित हूँ — तुम्हारे पुण्य के प्रभाव से और शंकर की कृपा से।

श्लोक 33 (shiva.kotirudra.33.33)

सूत उवाच । जीवितं तं सुतं दृष्ट्वा घुश्मा सा तत्प्रसूर्द्विजाः । प्रहृष्टा नाभवत्तत्र दुःखिता न यथा पुरा ॥ 33.33 ॥

sūta uvāca jīvitaṁ taṁ sutaṁ dṛṣṭvā ghuśmā sā tatprasūrdvijāḥ prahṛṣṭā nābhavattatra duḥkhitā na yathā purā

सूत जी ने कहा — हे ब्राह्मणो! अपने जीवित पुत्र को देखकर भी वह माता घुश्मा न तो अत्यधिक हर्षित हुई और न पहले जैसी दुःखी।

श्लोक 34 (shiva.kotirudra.33.34)

एतस्मिन्समये तत्र स्वाविरासीच्छिवो द्रुतम् । ज्योतीरूपो महेशश्च सन्तुष्टः प्रत्युवाच ह ॥ 33.34 ॥

etasminsamaye tatra svāvirāsīcchivo drutam jyotīrūpo maheśaśca santuṣṭaḥ pratyuvāca ha

उसी समय वहाँ ज्योतिस्वरूप महेश शीघ्र ही स्वयं प्रकट हुए और अत्यंत संतुष्ट होकर उससे कहने लगे।

श्लोक 35 (shiva.kotirudra.33.35)

शिव उवाच । प्रसन्नोऽस्मि वरं ब्रूहि दुष्टया मारितो ह्ययम् । एनां च मारयिष्यामि त्रिशूलेन वरानने ॥ 33.35 ॥

śiva uvāca prasanno'smi varaṁ brūhi duṣṭayā mārito hyayam enāṁ ca mārayiṣyāmi triśūlena varānane

शिव ने कहा — मैं प्रसन्न हूँ, वर माँगो; इस पुत्र को उस दुष्टा ने मार डाला था, अब मैं उसे त्रिशूल से मार डालूँगा, हे सुन्दर मुखवाली!

श्लोक 36 (shiva.kotirudra.33.36)

सूत उवाच । घुश्मा तदा वरं वव्रे सुप्रणम्य शिवं नता । रक्षणीया त्वया नाथ सुदेहेयं स्वसा मम ॥ 33.36 ॥

sūta uvāca ghuśmā tadā varaṁ vavre supraṇamya śivaṁ natā rakṣaṇīyā tvayā nātha sudeheyaṁ svasā mama

सूत जी ने कहा — तब घुश्मा शिव को भलीभाँति प्रणाम करके झुकी और वर माँगा — हे नाथ! मेरी बहन के समान इस सुदेहा की आपको रक्षा करनी होगी।

श्लोक 37 (shiva.kotirudra.33.37)

शिव उवाच । अपकारः कृतस्तस्यामुपकारः कथं त्वया । क्रियते हननीया च सुदेहा दुष्टकारिणी ॥ 33.37 ॥

śiva uvāca apakāraḥ kṛtastasyāmupakāraḥ kathaṁ tvayā kriyate hananīyā ca sudehā duṣṭakāriṇī

शिव ने कहा — उसने तुम्हारे साथ अपकार किया, फिर तुम उसके साथ उपकार कैसे कर सकती हो? दुष्ट कर्म करने वाली इस सुदेहा का तो वध ही उचित है।

श्लोक 38 (shiva.kotirudra.33.38)

घुश्मोवाच ॥ तव दर्शनमात्रेण पातकं नैव तिष्ठति । इदानीं त्वां च वै दृष्ट्वा तत्पापं भस्मतां व्रजेत् ॥ 33.38 ॥

ghuśmovāca tava darśanamātreṇa pātakaṁ naiva tiṣṭhati idānīṁ tvāṁ ca vai dṛṣṭvā tatpāpaṁ bhasmatāṁ vrajet

घुश्मा ने कहा — आपके दर्शनमात्र से कोई भी पाप टिक नहीं सकता; अब उसने भी आपको देख लिया है, अतः उसका वह पाप भस्म हो जाना चाहिए।

श्लोक 39 (shiva.kotirudra.33.39)

अपकारेषु यश्चैव ह्युपकारं करोति च । तस्य दर्शनमात्रेण पापं दूरतरं व्रजेत् ॥ 33.39 ॥

apakāreṣu yaścaiva hyupakāraṁ karoti ca tasya darśanamātreṇa pāpaṁ dūrataraṁ vrajet

और जो अपकार के बदले भी उपकार ही करता है, उसके दर्शनमात्र से पाप बहुत दूर भाग जाता है।

श्लोक 40 (shiva.kotirudra.33.40)

इति श्रुतं मया देव भगवद्वाक्यमद्भुतम् । तस्माच्चैवं कृतं येन क्रियतां च सदाशिव ॥ 33.40 ॥

iti śrutaṁ mayā deva bhagavadvākyamadbhutam tasmāccaivaṁ kṛtaṁ yena kriyatāṁ ca sadāśiva

हे देव! मैंने आपका यह अद्भुत वचन सुना है; अतः जिस प्रकार यही किया जाए, हे सदाशिव! वैसा ही कीजिए।

श्लोक 41 (shiva.kotirudra.33.41)

सूत उवाच । इत्युक्तस्तु तया तत्र प्रसन्नोऽत्यभवत्पुनः । महेश्वरः कृपासिन्धुः तामूचे भक्तवत्सलः ॥ 33.41 ॥

sūta uvāca ityuktastu tayā tatra prasanno'tyabhavatpunaḥ maheśvaraḥ kṛpāsindhuḥ tāmūce bhaktavatsalaḥ

सूत जी ने कहा — उसके ऐसा कहने पर भक्तवत्सल, करुणासागर महेश्वर पुनः अत्यंत प्रसन्न होकर उससे बोले।

श्लोक 42 (shiva.kotirudra.33.42)

शिव उवाच । अन्यद्वरं ब्रूहि घुश्मे ददामि च हितं तव । त्वद्भक्त्या सुप्रसन्नोऽस्मि निर्विकारस्वभावतः ॥ 33.42 ॥

śiva uvāca anyadvaraṁ brūhi ghuśme dadāmi ca hitaṁ tava tvadbhaktyā suprasanno'smi nirvikārasvabhāvataḥ

शिव ने कहा — हे घुश्मा! एक और वर माँगो, मैं तुम्हारा हित करूँगा; तुम्हारी भक्ति से मैं, यद्यपि स्वभाव से निर्विकार हूँ, फिर भी अत्यंत प्रसन्न हूँ।

श्लोक 43 (shiva.kotirudra.33.43)

सूत उवाच । सोवाच तद्वचः श्रुत्वा यदि देवो वरस्त्वया । लोकानां चैव रक्षार्थमत्र स्थेयं मदाख्यया ॥ 33.43 ॥

sūta uvāca sovāca tadvacaḥ śrutvā yadi devo varastvayā lokānāṁ caiva rakṣārthamatra stheyaṁ madākhyayā

सूत जी ने कहा — यह वचन सुनकर उसने कहा — हे देव! यदि आप वर देना ही चाहते हैं, तो लोकों की रक्षा के लिए आप यहीं मेरे नाम से सदा स्थित रहें।

श्लोक 44 (shiva.kotirudra.33.44)

तदोवाच शिवस्तत्र सुप्रसन्नो महेश्वरः । स्थास्येऽत्र तव नाम्नाहं घुश्मेशाख्यः सुखप्रदः ॥ 33.44 ॥

tadovāca śivastatra suprasanno maheśvaraḥ sthāsye'tra tava nāmnāhaṁ ghuśmeśākhyaḥ sukhapradaḥ

तब महेश्वर शिव ने अत्यंत प्रसन्न होकर कहा — मैं यहाँ तुम्हारे नाम से 'घुश्मेश' नाम से सुखदायक होकर स्थित रहूँगा।

श्लोक 45 (shiva.kotirudra.33.45)

घुश्मेशाख्यं सुप्रसिद्धं लिङ्गं मे जायतां शुभम् । इदं सरस्तु लिङ्गानामालयं जायतां सदा ॥ 33.45 ॥

ghuśmeśākhyaṁ suprasiddhaṁ liṅgaṁ me jāyatāṁ śubham idaṁ sarastu liṅgānāmālayaṁ jāyatāṁ sadā

मेरा यह मंगलकारी लिंग 'घुश्मेश' नाम से सुप्रसिद्ध हो; और यह सरोवर सदा के लिए सभी शिवलिंगों का आलय बन जाए।

श्लोक 46 (shiva.kotirudra.33.46)

तस्माच्छिवालयं नाम प्रसिद्धं भुवनत्रये । सर्वकामप्रदं ह्येतद्दर्शनात्स्यात्सदा सरः ॥ 33.46 ॥

tasmācchivālayaṁ nāma prasiddhaṁ bhuvanatraye sarvakāmapradaṁ hyetaddarśanātsyātsadā saraḥ

इसीलिए यह तीनों लोकों में 'शिवालय' नाम से प्रसिद्ध होगा, और यह सरोवर दर्शनमात्र से सदा सभी कामनाओं को पूर्ण करने वाला होगा।

श्लोक 47 (shiva.kotirudra.33.47)

तव वंशे शतं चैकं पुरुषावधि सुव्रते । ईदृशाः पुत्रकाः श्रेष्ठा भविष्यन्ति न संशयः ॥ 33.47 ॥

tava vaṁśe śataṁ caikaṁ puruṣāvadhi suvrate īdṛśāḥ putrakāḥ śreṣṭhā bhaviṣyanti na saṁśayaḥ

हे उत्तम व्रतवाली! तुम्हारे कुल में एक सौ एक पुरुषों तक ऐसे ही श्रेष्ठ पुत्र निश्चय ही उत्पन्न होंगे।

श्लोक 48 (shiva.kotirudra.33.48)

सुस्त्रीकाः सुधनाश्चैव स्वायुष्याश्च विचक्षणाः । विद्यावन्तो ह्युदाराश्च भुक्तिमुक्तिफलाप्तये ॥ 33.48 ॥

sustrīkāḥ sudhanāścaiva svāyuṣyāśca vicakṣaṇāḥ vidyāvanto hyudārāśca bhuktimuktiphalāptaye

वे उत्तम पत्नियों, उत्तम धन तथा पूर्ण आयु वाले, विद्वान, विद्यावान तथा उदार होंगे, और भोग तथा मोक्ष दोनों फलों को प्राप्त करेंगे।

श्लोक 49 (shiva.kotirudra.33.49)

शतमेकोत्तरं चैव भविष्यन्ति गुणाधिकाः । ईदृशो वंशविस्तारो भविष्यति सुशोभनः ॥ 33.49 ॥

śatamekottaraṁ caiva bhaviṣyanti guṇādhikāḥ īdṛśo vaṁśavistāro bhaviṣyati suśobhanaḥ

एक सौ एक ऐसे गुणवान पुरुष होंगे; तुम्हारे कुल का ऐसा ही सुंदर विस्तार होगा।

श्लोक 50 (shiva.kotirudra.33.50)

सूत उवाच । इत्युक्त्वा च शिवस्तत्र लिङ्गरूपोऽभवत्तदा । घुश्मेशो नाम विख्यातः सरश्चैव शिवालयम् ॥ 33.50 ॥

sūta uvāca ityuktvā ca śivastatra liṅgarūpo'bhavattadā ghuśmeśo nāma vikhyātaḥ saraścaiva śivālayam

सूत जी ने कहा — ऐसा कहकर शिव वहाँ लिंग-रूप हो गए, जो 'घुश्मेश' नाम से विख्यात हुआ, और वह सरोवर 'शिवालय' कहलाया।

श्लोक 51 (shiva.kotirudra.33.51)

सुधर्मा स च घुश्मा च सुदेहा च समागताः । प्रदक्षिणं शिवस्याशु शतमेकोत्तरं दधुः ॥ 33.51 ॥

sudharmā sa ca ghuśmā ca sudehā ca samāgatāḥ pradakṣiṇaṁ śivasyāśu śatamekottaraṁ dadhuḥ

सुधर्मा, घुश्मा और सुदेहा — तीनों वहाँ एकत्र होकर शीघ्र ही शिव की एक सौ एक प्रदक्षिणाएँ करने लगे।

श्लोक 52 (shiva.kotirudra.33.52)

पूजां कृत्वा महेशस्य मिलित्वा च परस्परम् । हित्वा चान्तर्मलं तत्र लेभिरे परमं सुखम् ॥ 33.52 ॥

pūjāṁ kṛtvā maheśasya militvā ca parasparam hitvā cāntarmalaṁ tatra lebhire paramaṁ sukham

महेश की पूजा करके और आपस में मिलकर, वहाँ अपनी अंतःकरण की मलिनता को त्यागकर उन्होंने परम सुख को प्राप्त किया।

श्लोक 53 (shiva.kotirudra.33.53)

पुत्रं दृष्ट्वा सुदेहा सा जीवितं लज्जिताभवत् । तौ क्षमाप्याचरद्विप्रा निजपापापहं व्रतम् ॥ 33.53 ॥

putraṁ dṛṣṭvā sudehā sā jīvitaṁ lajjitābhavat tau kṣamāpyācaradviprā nijapāpāpahaṁ vratam

अपने पुत्र को जीवित देखकर सुदेहा लज्जित हो गई; हे ब्राह्मणो! दोनों से क्षमा माँगकर उसने अपने पाप को दूर करने वाला व्रत ग्रहण किया।

श्लोक 54 (shiva.kotirudra.33.54)

घुश्मेशाख्यमिदं लिङ्गमित्थं जातं मुनीश्वराः । तद् दृष्ट्वा पूजयित्वा हि सुखं संवर्धते सदा ॥ 33.54 ॥

ghuśmeśākhyamidaṁ liṅgamitthaṁ jātaṁ munīśvarāḥ tad dṛṣṭvā pūjayitvā hi sukhaṁ saṁvardhate sadā

हे मुनीश्वरो! इस प्रकार यह 'घुश्मेश' नामक लिंग प्रकट हुआ; इसके दर्शन और पूजन से सुख सदा बढ़ता ही जाता है।

श्लोक 55 (shiva.kotirudra.33.55)

इति वश्च समाख्याता ज्योतिर्लिङ्गावली मया । द्वादशप्रमिता सर्वकामदा भुक्तिमुक्तिदा ॥ 33.55 ॥

iti vaśca samākhyātā jyotirliṅgāvalī mayā dvādaśapramitā sarvakāmadā bhuktimuktidā

इस प्रकार मैंने तुम्हें बारह ज्योतिर्लिंगों की यह सम्पूर्ण श्रृंखला बताई, जो सभी कामनाओं को पूर्ण करने वाली तथा भोग-मोक्ष दोनों देने वाली है।

श्लोक 56 (shiva.kotirudra.33.56)

एतज्ज्योतिर्लिङ्गकथां यः पठेच्छृणुयादपि । मुच्यते सर्वपापेभ्यो भुक्तिं मुक्तिं च विन्दति ॥ 33.56 ॥

etajjyotirliṅgakathāṁ yaḥ paṭhecchṛṇuyādapi mucyate sarvapāpebhyo bhuktiṁ muktiṁ ca vindati

जो कोई भी इस ज्योतिर्लिंग-कथा को पढ़ता या सुनता है, वह समस्त पापों से मुक्त होकर भोग तथा मोक्ष दोनों को प्राप्त करता है।