नरकोद्धार का वर्णन

श्लोक 1 (shiva.uma.16.1)

सनत्कुमार उवाच । तेषां मूर्धोपरिष्टाद्वै नरकांस्तान् श्रुणुष्व च । मत्तो मुनिवरश्रेष्ठ पच्यन्ते यत्र पापिनः

sanatkumāra uvāca teṣāṁ mūrdhopariṣṭādvai narakāṁstān śruṇuṣva ca matto munivaraśreṣṭha pacyante yatra pāpinaḥ

सनत्कुमार जी ने कहा — हे मुनिश्रेष्ठ! अब मुझसे उन नरकों को सुनो, जो उन पातालों के ऊपर स्थित हैं, जहाँ पापी पकाए जाते हैं।

श्लोक 2 (shiva.uma.16.2)

रौरवः शूकरो रोधस्तालो विवसनस्तथा । महाज्वालस्तप्तकुम्भो लवणोऽपि विलोहितः

rauravaḥ śūkaro rodhastālo vivasanastathā mahājvālastaptakumbho lavaṇo'pi vilohitaḥ

रौरव, शूकर, रोध, ताल तथा विवसन; महाज्वाल, तप्तकुंभ, तथा लवण और विलोहित —

श्लोक 3 (shiva.uma.16.3)

वैतरणी पूयवहा कृमिशः कृमिभोजनः । असिपत्रवनं घोरं लालाभक्षश्च दारुणः

vaitaraṇī pūyavahā kṛmiśaḥ kṛmibhojanaḥ asipatravanaṁ ghoraṁ lālābhakṣaśca dāruṇaḥ

वैतरणी, पूयवहा, कृमिश, कृमिभोजन; घोर असिपत्रवन, तथा भयंकर लालाभक्ष —

श्लोक 4 (shiva.uma.16.4)

तथा पूयवहः प्रायो वन्हिज्वालो ह्यधःशिराः । सन्दंशः कालसूत्रश्च तमश्चावीचिरोधनः

tathā pūyavahaḥ prāyo vanhijvālo hyadhaḥśirāḥ sandaṁśaḥ kālasūtraśca tamaścāvīcirodhanaḥ

तथा पूयवह, वह्निज्वाल, अधःशिर; संदंश, कालसूत्र, तम तथा अवीचिरोधन —

श्लोक 5 (shiva.uma.16.5)

श्वभोजनोऽथ रुष्टश्च महारौरवशाल्मली । इत्याद्या बहवस्तत्र नरका दुःखदायकाः

śvabhojano'tha ruṣṭaśca mahārauravaśālmalī ityādyā bahavastatra narakā duḥkhadāyakāḥ

तथा श्वभोजन, रुष्ट, महारौरव और शाल्मली — इस प्रकार वहाँ ऐसे और भी अनेक दुःखदायी नरक हैं।

श्लोक 6 (shiva.uma.16.6)

पच्यन्ते तेषु पुरुषाः पापकर्मरतास्तु ये । क्रमाद्वक्ष्ये तु तान् व्यास सावधानतया शृणु

pacyante teṣu puruṣāḥ pāpakarmaratāstu ye kramādvakṣye tu tān vyāsa sāvadhānatayā śṛṇu

इनमें वे ही पुरुष पकाए जाते हैं जो पापकर्मों में रत रहे हों; हे व्यास! अब मैं उन्हें क्रमशः बताता हूँ, ध्यानपूर्वक सुनो।

श्लोक 7 (shiva.uma.16.7)

कूटसाक्ष्यं तु यो वक्ति विना विप्रान् सुरांश्च गाः । सदानृतं वदेद्यस्तु स नरो याति रौरवम्

kūṭasākṣyaṁ tu yo vakti vinā viprān surāṁśca gāḥ sadānṛtaṁ vadedyastu sa naro yāti rauravam

जो झूठी गवाही देता है, अथवा ब्राह्मण, देवता और गौ [की रक्षा] के अतिरिक्त सदा असत्य बोलता है, वह पुरुष रौरव नरक जाता है।

श्लोक 8 (shiva.uma.16.8)

भ्रूणहा स्वर्णहर्ता च गोरोधी विश्वघातकः । सुरापो ब्रह्महन्ता च परद्रव्यापहारकः

bhrūṇahā svarṇahartā ca gorodhī viśvaghātakaḥ surāpo brahmahantā ca paradravyāpahārakaḥ

भ्रूणहत्यारा, सुवर्ण-चोर, गौ-अवरोधक, समस्त जगत् का अहित करने वाला, मद्यपायी, ब्रह्महत्यारा, तथा दूसरे के धन का अपहरण करने वाला —

श्लोक 9 (shiva.uma.16.9)

यस्तत्सङ्गी स वै याति मृतो व्यास गुरोर्वधात् । तप्तकुम्भे स्वसुर्मातुर्गोश्चैव दुहितुस्तथा

yastatsaṅgī sa vai yāti mṛto vyāsa gurorvadhāt taptakumbhe svasurmāturgoścaiva duhitustathā

और जो इनका संगी है, वह भी मरने पर, हे व्यास! गुरु की हत्या के, अथवा बहन, माता, गौ या पुत्री के साथ अगम्यगमन के पाप के कारण तप्तकुंभ नरक में जाता है।

श्लोक 10 (shiva.uma.16.10)

साध्व्या विक्रयकृच्चाथ वार्द्धकी केशविक्रयी । तप्तलोहेषु पच्यन्ते यश्च भक्तं परित्यजेत्

sādhvyā vikrayakṛccātha vārddhakī keśavikrayī taptaloheṣu pacyante yaśca bhaktaṁ parityajet

तथा जो सती स्त्री का व्यापार करता है, जो कुटनी है, बाल बेचने वाला, तथा जो आश्रित भक्त को त्याग देता है — वे तपाए हुए लोहे में पकाए जाते हैं।

श्लोक 11 (shiva.uma.16.11)

अवमन्ता गुरूणां यः पश्चाद्भोक्ता नराधमः । देवदूषयिता चैव देवविक्रयिकश्च यः

avamantā gurūṇāṁ yaḥ paścādbhoktā narādhamaḥ devadūṣayitā caiva devavikrayikaśca yaḥ

गुरुजनों का अपमान करने वाला और उनसे पहले भोजन करने वाला अधम पुरुष, तथा देवता को दूषित करने वाला और देव-मूर्तियों का व्यापार करने वाला —

श्लोक 12 (shiva.uma.16.12)

अगम्यगामी यश्चान्ते याति सप्तबलं द्विज । चौरो गोघ्नो हि पतितो मर्यादादूषकस्तथा

agamyagāmī yaścānte yāti saptabalaṁ dvija cauro goghno hi patito maryādādūṣakastathā

तथा जो अगम्यगमन करता है, हे द्विज! वह अंत में सप्तबल नरक जाता है; इसी प्रकार चोर, गौ-हत्यारा, पतित तथा मर्यादा भंग करने वाला भी।

श्लोक 13 (shiva.uma.16.13)

देवद्विजपितृद्वेष्टा रत्नदूषयिता च यः । स याति कृमिभक्षं वै कृमीनत्ति दुरिष्टिकृत्

devadvijapitṛdveṣṭā ratnadūṣayitā ca yaḥ sa yāti kṛmibhakṣaṁ vai kṛmīnatti duriṣṭikṛt

देव, द्विज तथा पितरों से द्वेष रखने वाला, और रत्नों को दूषित करने वाला — वह कृमिभक्ष नरक जाता है; वहाँ दुष्ट यज्ञ करने वाला कीड़े खाता है।

श्लोक 14 (shiva.uma.16.14)

पितृदेवसुरान् यस्तु पर्यश्नाति नराधमः । लालाभक्षं स यात्यज्ञो यः शास्त्रकूटकृन्नरः

pitṛdevasurān yastu paryaśnāti narādhamaḥ lālābhakṣaṁ sa yātyajño yaḥ śāstrakūṭakṛnnaraḥ

जो अधम पुरुष अर्पण से पहले ही पितरों, देवताओं और सुरों के भाग को खा लेता है, वह लालाभक्ष नरक जाता है; इसी प्रकार शास्त्र को विकृत करने वाला अज्ञानी पुरुष भी।

श्लोक 15 (shiva.uma.16.15)

यश्चान्त्यजेन संसेव्यो ह्यसद्ग्राही तु यो द्विजः । अयाज्ययाजकश्चैव तथैवाभक्ष्यभक्षकः

yaścāntyajena saṁsevyo hyasadgrāhī tu yo dvijaḥ ayājyayājakaścaiva tathaivābhakṣyabhakṣakaḥ

जो अंत्यज (नीच जाति) से सेवा करवाता है, जो अयोग्य से दान ग्रहण करने वाला ब्राह्मण है, जो अयोग्य के लिए यज्ञ करवाता है, तथा जो अभक्ष्य भोजन करता है —

श्लोक 16 (shiva.uma.16.16)

रुधिरौघे पतन्त्येते सोमविक्रयिणश्च ये । मधुहा ग्रामहा याति क्रूरां वैतरणीं नदीम्

rudhiraughe patantyete somavikrayiṇaśca ye madhuhā grāmahā yāti krūrāṁ vaitaraṇīṁ nadīm

ये सब रुधिरौघ नरक में गिरते हैं, तथा सोम का व्यापार करने वाले भी; मधु और गाँव को नष्ट करने वाला क्रूर वैतरणी नदी में जाता है।

श्लोक 17 (shiva.uma.16.17)

नवयौवनमत्ताश्च मर्यादाभेदिनश्च ये । ते कृम्यं यान्त्यशौचाश्च कुलटाजीविनश्च ये

navayauvanamattāśca maryādābhedinaśca ye te kṛmyaṁ yāntyaśaucāśca kulaṭājīvinaśca ye

नवयौवन में उन्मत्त तथा मर्यादा तोड़ने वाले लोग कृम्य नरक जाते हैं, और इसी प्रकार अपवित्र रहने वाले तथा कुलटा स्त्री की कमाई पर जीने वाले भी।

श्लोक 18 (shiva.uma.16.18)

असिपत्रवनं याति वृक्षच्छेदी वृथैव यः । क्षुरभ्रका मृगव्याधा वह्निज्वाले पतन्ति ते

asipatravanaṁ yāti vṛkṣacchedī vṛthaiva yaḥ kṣurabhrakā mṛgavyādhā vahnijvāle patanti te

जो व्यर्थ ही वृक्षों को काटता है, वह असिपत्रवन जाता है; छुरे से ठगने वाले तथा मृगों के शिकारी वह्निज्वाल नरक में गिरते हैं।

श्लोक 19 (shiva.uma.16.19)

भ्रष्टाचारो हि यो विप्रः क्षत्रियो वैश्य एव च । यात्यन्ते द्विज तत्रैव यः श्वपाकेषु वह्निदः

bhraṣṭācāro hi yo vipraḥ kṣatriyo vaiśya eva ca yātyante dvija tatraiva yaḥ śvapākeṣu vahnidaḥ

जो ब्राह्मण, क्षत्रिय अथवा वैश्य आचार से भ्रष्ट होता है, हे द्विज! वह अंत में वहीं जाता है; इसी प्रकार जो श्वपाकों (चांडालों) के घर में आग लगाता है।

श्लोक 20 (shiva.uma.16.20)

व्रतस्य लोपका ये च स्वाश्रमाद्विच्युताश्च ये । सन्दंशयातनामध्ये पतन्ति भृशदारुणे

vratasya lopakā ye ca svāśramādvicyutāśca ye sandaṁśayātanāmadhye patanti bhṛśadāruṇe

व्रत भंग करने वाले तथा अपने आश्रम से च्युत हुए लोग अत्यंत भयंकर संदंश-यातना में गिरते हैं।

श्लोक 21 (shiva.uma.16.21)

वीर्यं स्वप्नेषु स्कन्देयुर्ये नरा ब्रह्मचारिणः । पुत्रा नाध्यापिता यैश्च ते पतन्ति श्वभोजने

vīryaṁ svapneṣu skandeyurye narā brahmacāriṇaḥ putrā nādhyāpitā yaiśca te patanti śvabhojane

जो ब्रह्मचारी स्वप्न में वीर्यपात होने पर भी उपेक्षा करते हैं, तथा जिन्होंने अपने पुत्रों को शिक्षा नहीं दिलाई, वे श्वभोजन नरक में गिरते हैं।

श्लोक 22 (shiva.uma.16.22)

एते चान्ये च नरकाः शतशोऽथ सहस्रशः । येषु दुष्कृतकर्माणः पच्यन्ते यातनागताः

ete cānye ca narakāḥ śataśo'tha sahasraśaḥ yeṣu duṣkṛtakarmāṇaḥ pacyante yātanāgatāḥ

इस प्रकार ये तथा और भी सैकड़ों-हजारों नरक हैं, जिनमें दुष्कर्मी पुरुष यातना में पड़कर पकाए जाते हैं।

श्लोक 23 (shiva.uma.16.23)

तथैव पापान्येतानि तथान्यानि सहस्रशः । भुज्यन्ते यानि पुरुषैर्नरकान्तरगोचरैः

tathaiva pāpānyetāni tathānyāni sahasraśaḥ bhujyante yāni puruṣairnarakāntaragocaraiḥ

इसी प्रकार ये पाप, तथा हजारों अन्य पाप भी, विभिन्न नरकों की सीमा में पड़ने वाले पुरुषों द्वारा भोगे जाते हैं।

श्लोक 24 (shiva.uma.16.24)

वर्णाश्रमविरुद्धं च कर्म कुर्वन्ति ये नराः । कर्मणा मनसा वाचा निरये तु पतन्ति ते

varṇāśramaviruddhaṁ ca karma kurvanti ye narāḥ karmaṇā manasā vācā niraye tu patanti te

जो पुरुष कर्म, मन और वाणी से वर्ण तथा आश्रम के विरुद्ध कार्य करते हैं, वे नरक में गिरते हैं।

श्लोक 25 (shiva.uma.16.25)

अधःशिरोभिर्दृश्यन्ते नारका दिवि दैवतैः । देवानधोमुखान् सर्वानधः पश्यन्ति नारकाः

adhaḥśirobhirdṛśyante nārakā divi daivataiḥ devānadhomukhān sarvānadhaḥ paśyanti nārakāḥ

नारकी लोग स्वर्ग में देवताओं को सिर के बल नीचे लटके हुए देखते हैं, और उसी प्रकार नारकी भी नीचे से देवताओं को नीचे मुख किए हुए ही देखते हैं।

श्लोक 26 (shiva.uma.16.26)

स्थावराः कृमयोऽब्जाश्च पक्षिणः पशवो नराः । धार्मिकास्त्रिदशास्तद्वन्मोक्षिणश्च यथाक्रमम्

sthāvarāḥ kṛmayo'bjāśca pakṣiṇaḥ paśavo narāḥ dhārmikāstridaśāstadvanmokṣiṇaśca yathākramam

स्थावर (वनस्पति), कृमि, जलचर, पक्षी, पशु, मनुष्य, धार्मिक जन, देवता, तथा उसी क्रम से मुक्त जन — यह क्रमिक श्रेणी है।

श्लोक 27 (shiva.uma.16.27)

यावन्तो जन्तवः स्वर्गे तावन्तो नरकौकसः । पापकृद्याति नरकं प्रायश्चित्तपराङ्मुखः

yāvanto jantavaḥ svarge tāvanto narakaukasaḥ pāpakṛdyāti narakaṁ prāyaścittaparāṅmukhaḥ

स्वर्ग में जितने प्राणी हैं, नरक में भी उतने ही निवासी हैं; जो पापी प्रायश्चित्त से मुँह मोड़ लेता है, वह नरक जाता है।

श्लोक 28 (shiva.uma.16.28)

गुरूणि गुरुभिश्चैव लघूनि लघुभिस्तथा । प्रायश्चित्तानि कालेय मनुः स्वायम्भुवोऽब्रवीत्

gurūṇi gurubhiścaiva laghūni laghubhistathā prāyaścittāni kāleya manuḥ svāyambhuvo'bravīt

मनु स्वायंभुव ने कहा है कि बड़े पापों के लिए बड़े प्रायश्चित्त, और छोटे पापों के लिए छोटे प्रायश्चित्त होते हैं।

श्लोक 29 (shiva.uma.16.29)

यानि तेषामशेषाणां कर्माण्युक्तानि तेषु वै । प्रायश्चित्तमशेषेण हरानुस्मरणं परम्

yāni teṣāmaśeṣāṇāṁ karmāṇyuktāni teṣu vai prāyaścittamaśeṣeṇa harānusmaraṇaṁ param

इन समस्त पापकर्मों के लिए जो प्रायश्चित्त कहे गए हैं, उन सबमें हर (शिव) का स्मरण ही सम्पूर्ण और सर्वोत्तम प्रायश्चित्त है।

श्लोक 30 (shiva.uma.16.30)

प्रायश्चित्तं तु तस्यैकं यस्य पुंसः प्रजायते । कृते पापेऽनुतापोऽपि शिवसंस्मरणं परम्

prāyaścittaṁ tu tasyaikaṁ yasya puṁsaḥ prajāyate kṛte pāpe'nutāpo'pi śivasaṁsmaraṇaṁ param

वस्तुतः उस पुरुष के लिए एक ही प्रायश्चित्त है, जिसे पाप करने के बाद पश्चाताप भी हो — वह है शिव का स्मरण, जो सर्वश्रेष्ठ है।

श्लोक 31 (shiva.uma.16.31)

माहेश्वरमवाप्नोति मध्याह्नादिषु संस्मरन् । प्रातर्निशि च सन्ध्यायां क्षीणपापो भवेन्नरः

māheśvaramavāpnoti madhyāhnādiṣu saṁsmaran prātarniśi ca sandhyāyāṁ kṣīṇapāpo bhavennaraḥ

मध्याह्न आदि समयों में, तथा प्रातः, रात्रि और संध्या में शिव का स्मरण करने वाला मनुष्य माहेश्वर पद को प्राप्त करता है और उसके पाप क्षीण हो जाते हैं।

श्लोक 32 (shiva.uma.16.32)

मुक्तिं प्रयाति स्वर्गं वा समस्तक्लेशसङ्क्षयम् । शिवस्य स्मरणादेव तस्य शम्भोरुमापतेः

muktiṁ prayāti svargaṁ vā samastakleśasaṅkṣayam śivasya smaraṇādeva tasya śambhorumāpateḥ

उमापति उन शंभु के स्मरण मात्र से मनुष्य समस्त क्लेशों के नाश सहित मुक्ति अथवा स्वर्ग को प्राप्त करता है।

श्लोक 33 (shiva.uma.16.33)

पापन्तरायो विप्रेन्द्र जपहोमार्चनादि च । भवत्येव न कुत्रापि त्रैलोक्ये मुनिसत्तम

pāpantarāyo viprendra japahomārcanādi ca bhavatyeva na kutrāpi trailokye munisattama

हे विप्रेन्द्र, हे मुनिश्रेष्ठ! तीनों लोकों में पाप कभी भी जप, हवन, अर्चना आदि [शिव-भक्ति] के मार्ग में बाधा नहीं बनता।

श्लोक 34 (shiva.uma.16.34)

महेश्वरे मतिर्यस्य जपहोमार्चनादिषु । यत्पुण्यं तत्कृतं तेन देवेन्द्रत्वादिकं फलम्

maheśvare matiryasya japahomārcanādiṣu yatpuṇyaṁ tatkṛtaṁ tena devendratvādikaṁ phalam

जिसकी बुद्धि जप, हवन, अर्चना आदि में महेश्वर पर केंद्रित रहती है, उसके द्वारा किया गया वह पुण्य देवेन्द्र-पद आदि फल देने वाला होता है।

श्लोक 35 (shiva.uma.16.35)

पुमान्न नरकं याति यः स्मरेद् भक्तितो मुने । अहर्निशं शिवं तस्मात् स क्षीणाशेषपातकः

pumānna narakaṁ yāti yaḥ smared bhaktito mune aharniśaṁ śivaṁ tasmāt sa kṣīṇāśeṣapātakaḥ

हे मुने! जो पुरुष दिन-रात भक्तिपूर्वक शिव का स्मरण करता है, वह नरक नहीं जाता; इसीलिए उसके समस्त पाप क्षीण हो जाते हैं।

श्लोक 36 (shiva.uma.16.36)

नरकस्वर्गसंज्ञे वै पापपुण्ये द्विजोत्तम । ययोस्त्वेकं तु दुःखायान्यत्सुखायोद्भवाय च

narakasvargasaṁjñe vai pāpapuṇye dvijottama yayostvekaṁ tu duḥkhāyānyatsukhāyodbhavāya ca

हे द्विजोत्तम! पाप और पुण्य को ही नरक और स्वर्ग नाम दिया गया है; इन दोनों में से एक दुःख के लिए है और दूसरा सुख की उत्पत्ति के लिए।

श्लोक 37 (shiva.uma.16.37)

तदेव प्रीतये भूत्वा पुनर्दुःखाय जायते । तत्स्माद्दुःखात्मकं नास्ति न च किञ्चित्सुखात्मकम्

tadeva prītaye bhūtvā punarduḥkhāya jāyate tatsmādduḥkhātmakaṁ nāsti na ca kiñcitsukhātmakam

वही सुख प्रीति बनकर फिर दुःख में परिणत हो जाता है; इसलिए न तो कुछ पूर्णतः दुःखस्वरूप है, न कुछ पूर्णतः सुखस्वरूप है।

श्लोक 38 (shiva.uma.16.38)

मनसः परिणामोऽयं सुखदुःखोपलक्षणः । ज्ञानमेव परं ब्रह्म ज्ञानं तत्त्वाय कल्पते

manasaḥ pariṇāmo'yaṁ sukhaduḥkhopalakṣaṇaḥ jñānameva paraṁ brahma jñānaṁ tattvāya kalpate

यह सुख-दुःख का भेद केवल मन का ही परिणाम है; ज्ञान ही परम ब्रह्म है, और ज्ञान ही तत्त्व की प्राप्ति के योग्य है।

श्लोक 39 (shiva.uma.16.39)

ज्ञानात्मकमिदं विश्वं सकलं सचराचरम् । परविज्ञानतः किञ्चित् विद्यते न परं मुने

jñānātmakamidaṁ viśvaṁ sakalaṁ sacarācaram paravijñānataḥ kiñcit vidyate na paraṁ mune

यह चराचर सहित संपूर्ण विश्व ज्ञान-स्वरूप ही है; हे मुने! परम ज्ञान से बढ़कर कुछ भी विद्यमान नहीं है।

श्लोक 40 (shiva.uma.16.40)

एवमेतन्मयाख्यातं सर्वं नरकमण्डलम् । अत ऊर्ध्वं प्रवक्ष्यामि साम्प्रतं मण्डलं भुवः

evametanmayākhyātaṁ sarvaṁ narakamaṇḍalam ata ūrdhvaṁ pravakṣyāmi sāmprataṁ maṇḍalaṁ bhuvaḥ

इस प्रकार मैंने तुम्हें यह संपूर्ण नरक-मंडल बताया। अब इसके आगे मैं भूमंडल का वर्णन करूँगा।