लोक वर्णन

श्लोक 1 (shiva.uma.19.1)

सनत्कुमार उवाच । रविचन्द्रमसोर्यावन्मयूखा भासयन्ति हि । तावत्प्रमाणा पृथिवी भूलोकः स तु गीयते

sanatkumāra uvāca ravicandramasoryāvanmayūkhā bhāsayanti hi tāvatpramāṇā pṛthivī bhūlokaḥ sa tu gīyate

सनत्कुमार जी ने कहा -- सूर्य और चन्द्रमा की किरणें जहाँ तक प्रकाश फैलाती हैं, पृथ्वी का विस्तार उतना ही माना गया है; उसे ही भूलोक कहा जाता है।

श्लोक 2 (shiva.uma.19.2)

भूमेर्योजनलक्षे तु संस्थितं रविमण्डलम् । योजनानां सहस्राणि सदैव परिसङ्ख्यया

bhūmeryojanalakṣe tu saṁsthitaṁ ravimaṇḍalam yojanānāṁ sahasrāṇi sadaiva parisaṅkhyayā

पृथ्वी से एक लाख योजन की दूरी पर सूर्यमण्डल स्थित है, जो सदैव हजारों योजन की गणना से निश्चित है।

श्लोक 3 (shiva.uma.19.3)

शशिनस्तु प्रमाणाय जगतः परिचक्षते । रवेरूर्ध्वं शशी तस्थौ लक्षयोजनसङ्ख्यया

śaśinastu pramāṇāya jagataḥ paricakṣate raverūrdhvaṁ śaśī tasthau lakṣayojanasaṅkhyayā

चन्द्रमा का प्रमाण भी जगत् के सापेक्ष बताया जाता है; सूर्य के ऊपर चन्द्रमा एक लाख योजन की गणना से स्थित है।

श्लोक 4 (shiva.uma.19.4)

ग्रहाणां मण्डलं कृत्स्नं विधोरुपरि संस्थितम् । सनक्षत्रं सहस्राणि दशैव परितोपरि

grahāṇāṁ maṇḍalaṁ kṛtsnaṁ vidhorupari saṁsthitam sanakṣatraṁ sahasrāṇi daśaiva paritopari

समस्त ग्रहों का मण्डल, नक्षत्रों सहित, चन्द्रमा के ऊपर दस हजार योजन और ऊपर स्थित है।

श्लोक 5 (shiva.uma.19.5)

बुधस्तस्मादथो काव्यस्तस्माद्भौमस्य मण्डलम् । बृहस्पतिस्तदूर्ध्वं तु तस्योपरि शनैश्चरः

budhastasmādatho kāvyastasmādbhaumasya maṇḍalam bṛhaspatistadūrdhvaṁ tu tasyopari śanaiścaraḥ

उसके ऊपर बुध, फिर शुक्र, फिर मंगल का मण्डल है; उससे ऊपर बृहस्पति और उसके ऊपर शनैश्चर है।

श्लोक 6 (shiva.uma.19.6)

सप्तर्षिमण्डलं तस्माल्लक्षेणैकेन संस्थितम् । ऋषिभ्यस्तु सहस्राणां शतादूर्ध्वं ध्रुवः स्थितः

saptarṣimaṇḍalaṁ tasmāllakṣeṇaikena saṁsthitam ṛṣibhyastu sahasrāṇāṁ śatādūrdhvaṁ dhruvaḥ sthitaḥ

उससे एक लाख योजन ऊपर सप्तर्षि-मण्डल स्थित है; और ऋषियों से सौ हजार योजन ऊपर ध्रुव स्थित हैं।

श्लोक 7 (shiva.uma.19.7)

मेढीभूतः स यस्तस्य ज्योतिश्चक्रस्य वै ध्रुवः । भूर्भुवः स्वरिति ज्ञेयं भुव ऊर्ध्वं ध्रुवादवाक्

meḍhībhūtaḥ sa yastasya jyotiścakrasya vai dhruvaḥ bhūrbhuvaḥ svariti jñeyaṁ bhuva ūrdhvaṁ dhruvādavāk

वे ध्रुव ही ज्योतिश्चक्र की धुरी हैं; भूः, भुवः और स्वः -- ये ध्रुव के नीचे और पृथ्वी के ऊपर जानने चाहिए।

श्लोक 8 (shiva.uma.19.8)

एकयोजनकोटिस्तु यत्र ते कल्पवासिनः । ध्रुवादूर्ध्वं महर्लोकः सप्तैते ब्रह्मणः सुताः

ekayojanakoṭistu yatra te kalpavāsinaḥ dhruvādūrdhvaṁ maharlokaḥ saptaite brahmaṇaḥ sutāḥ

जहाँ कल्प-भर निवास करने वाले वे ऋषिगण हैं, वह स्थान ध्रुव से एक करोड़ योजन ऊपर है; ध्रुव से ऊपर महर्लोक है, जहाँ ब्रह्मा जी के सात पुत्र निवास करते हैं।

श्लोक 9 (shiva.uma.19.9)

सनकश्च सनन्दश्च तृतीयश्च सनातनः । कपिलश्चासुरिश्चैव वोढुः पञ्चशिखस्तथा

sanakaśca sanandaśca tṛtīyaśca sanātanaḥ kapilaścāsuriścaiva voḍhuḥ pañcaśikhastathā

सनक, सनन्द, तीसरे सनातन, तथा कपिल, आसुरि, वोढु और पंचशिख।

श्लोक 10 (shiva.uma.19.10)

उपरिष्टात्ततः शुक्रो द्विलक्षाभ्यन्तरे स्थितः । द्विलक्षयोजनं तस्मादधः सोमसुतः स्मृतः

upariṣṭāttataḥ śukro dvilakṣābhyantare sthitaḥ dvilakṣayojanaṁ tasmādadhaḥ somasutaḥ smṛtaḥ

उसके ऊपर शुक्र दो लाख योजन के भीतर स्थित है; उससे दो लाख योजन नीचे सोम-पुत्र अर्थात् बुध माना गया है।

श्लोक 11 (shiva.uma.19.11)

द्विलक्षयोजनं तस्मादूर्ध्वं भौमः स्थितो मुने । द्विलक्षयोजनं तस्मादूर्ध्वं जीवः स्थितो गुरुः

dvilakṣayojanaṁ tasmādūrdhvaṁ bhaumaḥ sthito mune dvilakṣayojanaṁ tasmādūrdhvaṁ jīvaḥ sthito guruḥ

हे मुने! उससे दो लाख योजन ऊपर मंगल स्थित है; उससे दो लाख योजन ऊपर गुरु अर्थात् बृहस्पति स्थित हैं।

श्लोक 12 (shiva.uma.19.12)

द्विलक्षयोजनं जीवादूर्ध्वं सौरिर्व्यवस्थितः । एते सप्त ग्रहाः प्रोक्ताः स्व स्व राशौ व्यवस्थिता

dvilakṣayojanaṁ jīvādūrdhvaṁ saurirvyavasthitaḥ ete sapta grahāḥ proktāḥ sva sva rāśau vyavasthitā

गुरु से दो लाख योजन ऊपर शनि स्थित हैं; ये सातों ग्रह अपनी-अपनी राशि में स्थित बताए गए हैं।

श्लोक 13 (shiva.uma.19.13)

रुद्रलक्षैर्योजनतः सप्तोर्ध्वमृषयः स्थिताः । विश्वलक्षैर्योजनतो ध्रुवस्थितिरुदाहृता

rudralakṣairyojanataḥ saptordhvamṛṣayaḥ sthitāḥ viśvalakṣairyojanato dhruvasthitirudāhṛtā

रुद्रों की संख्या के बराबर लाख योजनों की दूरी पर सप्तर्षि स्थित हैं; विश्वेदेवों की संख्या के बराबर लाख योजनों की दूरी पर ध्रुव की स्थिति कही गई है।

श्लोक 14 (shiva.uma.19.14)

चतुर्गुणोत्तरे चार्धे जनलोकात्तपः स्मृतम् । वैराजा यत्र देवा वै स्थिता दाहविवर्जिताः

caturguṇottare cārdhe janalokāttapaḥ smṛtam vairājā yatra devā vai sthitā dāhavivarjitāḥ

जनलोक से चौगुनी दूरी पर तपोलोक माना गया है, जहाँ वैराज नामक देवता, दाह से रहित होकर, निवास करते हैं।

श्लोक 15 (shiva.uma.19.15)

षड्गुणेन तपोलोकात्सत्यलोको व्यवस्थितः । ब्रह्मलोकः स विज्ञेयो वसन्त्यमलचेतसः

ṣaḍguṇena tapolokātsatyaloko vyavasthitaḥ brahmalokaḥ sa vijñeyo vasantyamalacetasaḥ

तपोलोक से छह गुनी दूरी पर सत्यलोक स्थित है; उसे ही ब्रह्मलोक जानना चाहिए, जहाँ निर्मल चित्त वाले निवास करते हैं।

श्लोक 16 (shiva.uma.19.16)

सत्यधर्मरताश्चैव ज्ञानिनो ब्रह्मचारिणः । यद्गामिनोऽथ भूलोकान्निवसन्ति हि मानवाः

satyadharmaratāścaiva jñānino brahmacāriṇaḥ yadgāmino'tha bhūlokānnivasanti hi mānavāḥ

सत्य और धर्म में रत ज्ञानी ब्रह्मचारी वहाँ जाते हैं; और भूलोक से लेकर ऊपर तक ही मनुष्य निवास करते हैं।

श्लोक 17 (shiva.uma.19.17)

भुवर्लोके तु संसिद्धा मुनयो देवरूपिणः । स्वर्गलोके सुरादित्या मरुतो वसवोऽश्विनौ

bhuvarloke tu saṁsiddhā munayo devarūpiṇaḥ svargaloke surādityā maruto vasavo'śvinau

भुवर्लोक में सिद्ध हुए देवरूपधारी मुनि निवास करते हैं; स्वर्गलोक में देवता -- आदित्यगण, मरुद्गण, वसुगण और दोनों अश्विनीकुमार निवास करते हैं।

श्लोक 18 (shiva.uma.19.18)

विश्वेदेवास्तथा रुद्राः साध्या नागाः खगादयः । नवग्रहास्ततस्तत्र ऋषयो वीतकल्मषाः

viśvedevāstathā rudrāḥ sādhyā nāgāḥ khagādayaḥ navagrahāstatastatra ṛṣayo vītakalmaṣāḥ

तथा विश्वेदेव, रुद्र, साध्य, नाग और पक्षी आदि; और नवग्रह तथा पाप-रहित ऋषिगण भी वहाँ निवास करते हैं।

श्लोक 19 (shiva.uma.19.19)

एते सप्त महालोकाः कालेय कथितास्तव । पातालानि च सप्तैव ब्रह्माण्डस्य च विस्तरः

ete sapta mahālokāḥ kāleya kathitāstava pātālāni ca saptaiva brahmāṇḍasya ca vistaraḥ

हे काल्येय! ये सात महालोक तुम्हें बताए गए; और सातों पाताल भी -- यही ब्रह्माण्ड का सम्पूर्ण विस्तार है।

श्लोक 20 (shiva.uma.19.20)

दधिवृक्षफलं यद्वद् वृत्तिश्चोर्ध्वमधस्तथा । एतदण्डकटाहेन सर्वतो वै समावृतम्

dadhivṛkṣaphalaṁ yadvad vṛttiścordhvamadhastathā etadaṇḍakaṭāhena sarvato vai samāvṛtam

जैसे किसी गोल फल का छिलका उसे ऊपर-नीचे सब ओर से घेरे रहता है, वैसे ही यह सम्पूर्ण ब्रह्माण्ड अण्डकटाह अर्थात् ब्रह्माण्ड-कवच से सब ओर से घिरा हुआ है।

श्लोक 21 (shiva.uma.19.21)

दशगुणेन पयसा सर्वतस्तत्समावृतम् । वह्निना वायुना चापि नभसा तमसा तथा

daśaguṇena payasā sarvatastatsamāvṛtam vahninā vāyunā cāpi nabhasā tamasā tathā

वह अण्ड फिर उससे दस गुने जल से, फिर अग्नि से, फिर वायु से, फिर आकाश से, फिर अंधकार से -- इस प्रकार सब ओर से घिरा हुआ है।

श्लोक 22 (shiva.uma.19.22)

भूतादिनापि महता दिग्गुणोत्तरवेष्टितः । महान्तं च समावृत्य प्रधानं पुरुषः स्थितः

bhūtādināpi mahatā digguṇottaraveṣṭitaḥ mahāntaṁ ca samāvṛtya pradhānaṁ puruṣaḥ sthitaḥ

उसे महान् भूतादि अर्थात् अहंकार ने घेर रखा है, जिसमें प्रत्येक परत पिछली से अधिक व्यापक है; और महत्तत्व को घेरकर प्रकृति स्थित है, और उससे परे पुरुष स्थित है।

श्लोक 23 (shiva.uma.19.23)

अनन्तस्य न तस्यास्ति सङ्ख्यापि परमात्मनः । तेनानन्त इति ख्यातः प्रमाणं नास्ति वै यतः

anantasya na tasyāsti saṅkhyāpi paramātmanaḥ tenānanta iti khyātaḥ pramāṇaṁ nāsti vai yataḥ

उस अनन्त परमात्मा की कोई गणना ही नहीं है; इसीलिए वे 'अनन्त' कहलाते हैं, क्योंकि उनका कोई प्रमाण नहीं है।

श्लोक 24 (shiva.uma.19.24)

हेतुभूतः समस्तस्य प्रकृतिः सा परा मुने । अण्डानां तु सहस्राणां सहस्राण्ययुतानि च

hetubhūtaḥ samastasya prakṛtiḥ sā parā mune aṇḍānāṁ tu sahasrāṇāṁ sahasrāṇyayutāni ca

हे मुने! वह परा प्रकृति ही सबका कारण है; और ऐसे हजारों-हजारों, लाखों-करोड़ों ब्रह्माण्ड हैं।

श्लोक 25 (shiva.uma.19.25)

ईदृशानां प्रभूतानि तस्मादव्यक्तजन्मनः । दारुण्यग्निस्तिले तैलं पयःसु च यथा घृतम्

īdṛśānāṁ prabhūtāni tasmādavyaktajanmanaḥ dāruṇyagnistile tailaṁ payaḥsu ca yathā ghṛtam

उस अव्यक्त से उत्पन्न ऐसे असंख्य ब्रह्माण्ड हैं -- जैसे लकड़ी में अग्नि, तिल में तेल और दूध में घी सूक्ष्म रूप से विद्यमान रहते हैं।

श्लोक 26 (shiva.uma.19.26)

तथासौ परमात्मा वै सर्वं व्याप्यात्मवेदनः । आदिबीजात्प्रसुवते ततस्तेभ्यः परेऽण्डजाः

tathāsau paramātmā vai sarvaṁ vyāpyātmavedanaḥ ādibījātprasuvate tatastebhyaḥ pare'ṇḍajāḥ

उसी प्रकार वह सर्वव्यापी, आत्मज्ञ परमात्मा आदि-बीज से सृष्टि को उत्पन्न करता है, और फिर उनसे अन्य अण्डज उत्पन्न होते हैं।

श्लोक 27 (shiva.uma.19.27)

तेभ्यः पुत्रास्तथान्येषां बीजान्यन्यानि वै ततः । महदादियोविशेषान्तास्तद्भवन्ति सुरादयः

tebhyaḥ putrāstathānyeṣāṁ bījānyanyāni vai tataḥ mahadādiyoviśeṣāntāstadbhavanti surādayaḥ

उनसे पुत्र उत्पन्न होते हैं, और उनसे फिर अन्य बीज; इस प्रकार महत्तत्व से लेकर विशेष तत्वों तक, देवता आदि उत्पन्न होते हैं।

श्लोक 28 (shiva.uma.19.28)

बीजाद् वृक्षप्ररोहेण यथा नापचयस्तरोः । सूर्यकान्तमणेः सूर्याद्यद्वद्वह्निः प्रजायते

bījād vṛkṣapraroheṇa yathā nāpacayastaroḥ sūryakāntamaṇeḥ sūryādyadvadvahniḥ prajāyate

जैसे बीज से वृक्ष उगने पर वृक्ष की कोई हानि नहीं होती, और जैसे सूर्यकान्त मणि द्वारा सूर्य से अग्नि उत्पन्न होती है --

श्लोक 29 (shiva.uma.19.29)

तद्वत्सञ्जायते सृष्टिः शिवस्तत्रः न कामयेत् । शिवशक्तिसमायोगे देवाद्याः प्रभवन्ति हि

tadvatsañjāyate sṛṣṭiḥ śivastatraḥ na kāmayet śivaśaktisamāyoge devādyāḥ prabhavanti hi

-- उसी प्रकार सृष्टि उत्पन्न होती है; शिव स्वयं उसमें कोई कामना नहीं रखते। शिव और शक्ति के संयोग से ही देवता आदि उत्पन्न होते हैं।

श्लोक 30 (shiva.uma.19.30)

तथा स्वकर्मणैकेन प्ररोहमुपयान्ति वै । ब्रह्मा विष्णुश्च रुद्राश्च स शिवः परिगीयते

tathā svakarmaṇaikena prarohamupayānti vai brahmā viṣṇuśca rudrāśca sa śivaḥ parigīyate

और इस प्रकार वे अपने ही एक कर्म द्वारा प्रकट होते हैं -- ब्रह्मा, विष्णु और रुद्रगण; और वे परम स्रोत शिव कहलाते हैं।

श्लोक 31 (shiva.uma.19.31)

तस्मादुद्धरते सर्वं यस्मिंश्च लयमेष्यति । कर्ता क्रियाणां सर्वासां स शिवः परिगीयते

tasmāduddharate sarvaṁ yasmiṁśca layameṣyati kartā kriyāṇāṁ sarvāsāṁ sa śivaḥ parigīyate

उन्हीं से सब कुछ उत्पन्न होता है और उन्हीं में सब कुछ लीन हो जाता है; समस्त क्रियाओं के कर्ता वे ही शिव कहलाते हैं।

श्लोक 32 (shiva.uma.19.32)

व्यास उवाच । सनत्कुमार सर्वज्ञ छिन्धि मे संशयं महत् । सन्ति लोका हि ब्रह्माण्डादुपरिष्टान्न वा मुने

vyāsa uvāca sanatkumāra sarvajña chindhi me saṁśayaṁ mahat santi lokā hi brahmāṇḍādupariṣṭānna vā mune

व्यास जी ने कहा -- हे सर्वज्ञ सनत्कुमार! मेरे इस महान संशय को दूर करो -- हे मुने! क्या ब्रह्माण्ड के ऊपर भी लोक हैं, या नहीं?

श्लोक 33 (shiva.uma.19.33)

सनत्कुमार उवाच । ब्रह्माण्डादुपरिष्टाच्च सन्ति लोका मुनीश्वर । तान् शृणु त्वं विशेषेण वच्मि तेऽहं समागतः

sanatkumāra uvāca brahmāṇḍādupariṣṭācca santi lokā munīśvara tān śṛṇu tvaṁ viśeṣeṇa vacmi te'haṁ samāgataḥ

सनत्कुमार जी ने कहा -- हे मुनीश्वर! ब्रह्माण्ड के ऊपर भी लोक हैं। उन्हें विस्तार से सुनो; मैं तुम्हें पूर्ण रूप से बताता हूँ।

श्लोक 34 (shiva.uma.19.34)

विधिलोकात्परो लोको वैकुण्ठ इति विश्रुतः । विराजते महादीप्त्या यत्र विष्णुः प्रतिष्ठितः

vidhilokātparo loko vaikuṇṭha iti viśrutaḥ virājate mahādīptyā yatra viṣṇuḥ pratiṣṭhitaḥ

ब्रह्मलोक से आगे वह लोक है जो वैकुण्ठ के नाम से विख्यात है, जहाँ महान तेज से युक्त होकर विष्णु प्रतिष्ठित हैं।

श्लोक 35 (shiva.uma.19.35)

तस्योपरिष्टात्कौमारो लोको हि परमाद्भुतः । सेनानीः शम्भुतनयो राजते यत्र सुप्रभः

tasyopariṣṭātkaumāro loko hi paramādbhutaḥ senānīḥ śambhutanayo rājate yatra suprabhaḥ

उसके ऊपर अत्यंत अद्भुत कौमार लोक है, जहाँ शिव-पुत्र, देवसेनापति, तेजस्वी कार्तिकेय विराजमान हैं।

श्लोक 36 (shiva.uma.19.36)

ततः परमुमालोको महादिव्यो विराजते । यत्र शक्तिर्विभात्येका त्रिदेवजननी शिवा

tataḥ paramumāloko mahādivyo virājate yatra śaktirvibhātyekā tridevajananī śivā

उसके आगे परम दिव्य उमालोक शोभायमान है, जहाँ तीनों देवों की जननी, वह एक शक्ति -- शिवा -- प्रकाशित होती है।

श्लोक 37 (shiva.uma.19.37)

परात्परा हि प्रकृती रजःसत्त्वतमोमयी । निर्गुणा च स्वयं देवी निर्विकारा शिवात्मिका

parātparā hi prakṛtī rajaḥsattvatamomayī nirguṇā ca svayaṁ devī nirvikārā śivātmikā

वे परा से भी परा प्रकृति हैं, रज-सत्त्व-तम से युक्त हैं; तथापि वह देवी स्वयं निर्गुण, निर्विकार और शिव-स्वरूपा हैं।

श्लोक 38 (shiva.uma.19.38)

तस्योपरिष्टाद्विज्ञेयः शिवलोकः सनातनः । अविनाशी महादिव्यो महाशोभान्वितः सदा

tasyopariṣṭādvijñeyaḥ śivalokaḥ sanātanaḥ avināśī mahādivyo mahāśobhānvitaḥ sadā

उसके ऊपर सनातन शिवलोक जानना चाहिए, जो अविनाशी, महादिव्य और सदा महान शोभा से युक्त है।

श्लोक 39 (shiva.uma.19.39)

विराजते परं ब्रह्म यत्र शम्भुर्महेश्वरः । त्रिदेवजनकः स्वामी सर्वेषां त्रिगुणात्परः

virājate paraṁ brahma yatra śambhurmaheśvaraḥ tridevajanakaḥ svāmī sarveṣāṁ triguṇātparaḥ

वहाँ परब्रह्म विराजमान है, जहाँ शम्भु महेश्वर निवास करते हैं -- तीनों देवों के पिता, सबके स्वामी, तीनों गुणों से परे।

श्लोक 40 (shiva.uma.19.40)

तत ऊर्ध्वं न लोकाश्च गोलोकस्तत्समीपतः । गोमातरः सुशीलाख्यास्तत्र सन्ति शिवप्रिया

tata ūrdhvaṁ na lokāśca golokastatsamīpataḥ gomātaraḥ suśīlākhyāstatra santi śivapriyā

उससे ऊपर और कोई लोक नहीं है; उसके समीप ही गोलोक है, जहाँ सुशीला नामक गौ-माताएँ निवास करती हैं, जो शिव को प्रिय हैं।

श्लोक 41 (shiva.uma.19.41)

तत्पालः कृष्णनामा हि राजते शङ्कराज्ञया । प्रतिष्ठितः शिवेनैव शक्त्या स्वच्छन्दचारिणा

tatpālaḥ kṛṣṇanāmā hi rājate śaṅkarājñayā pratiṣṭhitaḥ śivenaiva śaktyā svacchandacāriṇā

उसके पालक कृष्ण नामधारी हैं, जो शंकर की आज्ञा से वहाँ राज करते हैं, स्वयं शिव द्वारा वहाँ प्रतिष्ठित, अपनी शक्ति के साथ स्वच्छन्द विचरण करते हुए।

श्लोक 42 (shiva.uma.19.42)

शिवलोकोऽद्भुतो व्यास निराधारो मनोहरः । तथानिर्वचनीयश्च नानावस्तुविराजितः

śivaloko'dbhuto vyāsa nirādhāro manoharaḥ tathānirvacanīyaśca nānāvastuvirājitaḥ

हे व्यास! शिवलोक अद्भुत है, निराधार है, मनोहर है, तथा अनिर्वचनीय है और नाना वस्तुओं से सुशोभित है।

श्लोक 43 (shiva.uma.19.43)

शिवस्तु तदधिष्ठाता सर्वदेवशिरोमणिः । विष्णुब्रह्महरैः सेव्यः परमात्मा निरञ्जनः

śivastu tadadhiṣṭhātā sarvadevaśiromaṇiḥ viṣṇubrahmaharaiḥ sevyaḥ paramātmā nirañjanaḥ

शिव ही उसके अधिष्ठाता हैं, समस्त देवताओं के शिरोमणि हैं; विष्णु, ब्रह्मा और हर द्वारा सेवित, निष्कलंक परमात्मा हैं।

श्लोक 44 (shiva.uma.19.44)

इति ते कथिता तात सर्वब्रह्माण्डसंस्थितिः । तदूर्ध्वं लोकसंस्थानं किमन्यच्छ्रोतुमिच्छसि

iti te kathitā tāta sarvabrahmāṇḍasaṁsthitiḥ tadūrdhvaṁ lokasaṁsthānaṁ kimanyacchrotumicchasi

हे तात! इस प्रकार तुम्हें सम्पूर्ण ब्रह्माण्ड की संरचना बताई गई, और उसके ऊपर के लोकों की संरचना भी। अब और क्या सुनना चाहते हो?