काल-ज्ञान का वर्णन

श्लोक 1 (shiva.uma.25.1)

व्यास उवाच । सनत्कुमार सर्वज्ञ त्वत्सकाशान्मया मुने । स्त्रीस्वभावः श्रुतः प्रीत्या कालज्ञानं वदस्व मे

vyāsa uvāca sanatkumāra sarvajña tvatsakāśānmayā mune strīsvabhāvaḥ śrutaḥ prītyā kālajñānaṁ vadasva me

व्यास जी ने कहा — हे सर्वज्ञ सनत्कुमार, हे मुने! मैंने आपसे प्रेमपूर्वक स्त्रियों का स्वभाव सुना। अब आप मुझे काल-ज्ञान (समय जानने की विद्या) बताइए।

श्लोक 2 (shiva.uma.25.2)

सनत्कुमार उवाच । इदमेव पुरापृच्छत् पार्वती परमेश्वरम् । श्रुत्वा नानाकथां दिव्यां प्रसन्ना सुप्रणम्य तम्

sanatkumāra uvāca idameva purāpṛcchat pārvatī parameśvaram śrutvā nānākathāṁ divyāṁ prasannā supraṇamya tam

सनत्कुमार जी ने कहा — यही प्रश्न पूर्वकाल में पार्वती जी ने परमेश्वर से पूछा था। अनेक दिव्य कथाएँ सुनकर, प्रसन्नचित्त होकर उन्होंने भलीभाँति प्रणाम करके यह पूछा।

श्लोक 3 (shiva.uma.25.3)

पार्वत्युवाच । भगवंस्त्वत्प्रसादेन ज्ञातं मे सकलं मतम् । यथार्चनं तु ते देव यैर्मन्त्रैश्च यथाविधि

pārvatyuvāca bhagavaṁstvatprasādena jñātaṁ me sakalaṁ matam yathārcanaṁ tu te deva yairmantraiśca yathāvidhi

पार्वती जी ने कहा — हे भगवन्! आपकी कृपा से मैंने संपूर्ण मत जान लिया है — आपकी पूजा किस प्रकार, किन मंत्रों से और विधिपूर्वक कैसे की जाती है, यह सब मुझे ज्ञात हो गया।

श्लोक 4 (shiva.uma.25.4)

अद्यापि संशयस्त्वेकः कालचक्रं प्रति प्रभो । मृत्युचिह्नं यथा देव किं प्रमाणं यथायुषः

adyāpi saṁśayastvekaḥ kālacakraṁ prati prabho mṛtyucihnaṁ yathā deva kiṁ pramāṇaṁ yathāyuṣaḥ

फिर भी, हे प्रभु! कालचक्र के विषय में मुझे एक संशय अब भी है — मृत्यु के चिह्न कैसे होते हैं, हे देव, और आयु का प्रमाण क्या है?

श्लोक 5 (shiva.uma.25.5)

सर्वं कथय मे नाथ यद्यहं तव वल्लभा । इति पृष्टस्तया देव्या प्रत्युवाच महेश्वरः

sarvaṁ kathaya me nātha yadyahaṁ tava vallabhā iti pṛṣṭastayā devyā pratyuvāca maheśvaraḥ

हे नाथ! यदि मैं आपकी प्रिया हूँ, तो यह सब मुझे बताइए। इस प्रकार देवी द्वारा पूछे जाने पर महेश्वर ने उत्तर दिया।

श्लोक 6 (shiva.uma.25.6)

ईश्वर उवाच । सत्यं ते कथयिष्यामि शास्त्रं सर्वोत्तमं प्रिये । येन शास्त्रेण देवेशि नरैः कालः प्रबुध्यते

īśvara uvāca satyaṁ te kathayiṣyāmi śāstraṁ sarvottamaṁ priye yena śāstreṇa deveśi naraiḥ kālaḥ prabudhyate

ईश्वर ने कहा — हे प्रिये! मैं तुम्हें सत्य बताऊँगा, यह सर्वोत्तम शास्त्र, जिस शास्त्र के द्वारा, हे देवेशि, मनुष्य काल को जान पाते हैं।

श्लोक 7 (shiva.uma.25.7)

अहः पक्षं तथा मासमृतुं चायनवत्सरौ । स्थूलसूक्ष्मगतैश्चिह्नैर्बहिरन्तर्गतैस्तथा

ahaḥ pakṣaṁ tathā māsamṛtuṁ cāyanavatsarau sthūlasūkṣmagataiścihnairbahirantargataistathā

दिन, पक्ष, मास, ऋतु, अयन और वर्ष — इन सबका ज्ञान स्थूल और सूक्ष्म, बाह्य और आन्तरिक चिह्नों के द्वारा होता है।

श्लोक 8 (shiva.uma.25.8)

तत्तेऽहं सम्प्रवक्ष्यामि शृणु तत्त्वेन सुन्दरि । लोकानामुपकारार्थं वैराग्यार्थमुमेऽधुना

tatte'haṁ sampravakṣyāmi śṛṇu tattvena sundari lokānāmupakārārthaṁ vairāgyārthamume'dhunā

हे सुन्दरी! वह सब मैं तुम्हें अब भलीभाँति बताऊँगा; तत्त्वतः सुनो — हे उमा, लोगों के हित के लिए और वैराग्य उत्पन्न करने के लिए अब यह कहता हूँ।

श्लोक 9 (shiva.uma.25.9)

अकस्मात्पाण्डुरं देहमूर्ध्वरागं समन्ततः । तदा मृत्युं विजानीयात्षण्मासाभ्यन्तरे प्रिये

akasmātpāṇḍuraṁ dehamūrdhvarāgaṁ samantataḥ tadā mṛtyuṁ vijānīyātṣaṇmāsābhyantare priye

जब शरीर अकस्मात् पीला पड़ जाए और सर्वत्र ऊपर की ओर लालिमा फैल जाए, तब हे प्रिये, छह महीने के भीतर मृत्यु जाननी चाहिए।

श्लोक 10 (shiva.uma.25.10)

मुखं कर्णौ तथा चक्षुर्जिह्वास्तम्भो यदा भवेत् । तदा मृत्युं विजानीयात्षण्मासाभ्यन्तरे प्रिये

mukhaṁ karṇau tathā cakṣurjihvāstambho yadā bhavet tadā mṛtyuṁ vijānīyātṣaṇmāsābhyantare priye

जब मुख, कान, नेत्र अथवा जिह्वा में जड़ता (सुन्नपन) आ जाए, तब हे प्रिये, छह महीने के भीतर मृत्यु जाननी चाहिए।

श्लोक 11 (shiva.uma.25.11)

रौरवानुगतं भद्रे ध्वनिं नाकर्णयेद् द्रुतम् । षण्मासाभ्यन्तरे मृत्युर्ज्ञातव्यः कालवेदिभिः

rauravānugataṁ bhadre dhvaniṁ nākarṇayed drutam ṣaṇmāsābhyantare mṛtyurjñātavyaḥ kālavedibhiḥ

हे भद्रे! जब मनुष्य को कानों में होने वाली गर्जनयुक्त ध्वनि शीघ्र सुनाई न दे, तब काल के जानकारों द्वारा छह महीने के भीतर मृत्यु जान लेनी चाहिए।

श्लोक 12 (shiva.uma.25.12)

रविसोमाग्निसंयोगाद्यदोद्योतं न पश्यति । कृष्णं सर्वं समस्तं च षण्मासं जीवितं तथा

ravisomāgnisaṁyogādyadodyotaṁ na paśyati kṛṣṇaṁ sarvaṁ samastaṁ ca ṣaṇmāsaṁ jīvitaṁ tathā

जब सूर्य, चन्द्र अथवा अग्नि के संयोग से भी प्रकाश न दिखे और सब कुछ पूर्णतः काला दिखाई दे, तब उस मनुष्य का जीवन छह महीने शेष रहता है।

श्लोक 13 (shiva.uma.25.13)

वामहस्तो यदा देवि सप्ताहं स्पन्दते प्रिये । जीवितं तु तदा तस्य मासमेकं न संशयः

vāmahasto yadā devi saptāhaṁ spandate priye jīvitaṁ tu tadā tasya māsamekaṁ na saṁśayaḥ

हे देवि! जब बाईं हथेली एक सप्ताह तक निरन्तर फड़कती रहे, हे प्रिये, तब निःसंदेह उसका जीवन एक मास शेष रहता है।

श्लोक 14 (shiva.uma.25.14)

उन्मीलयन्ति गात्राणि तालुकं शुष्यते यदा । जीवितं तु तदा तस्य मासमेकं न संशयः

unmīlayanti gātrāṇi tālukaṁ śuṣyate yadā jīvitaṁ tu tadā tasya māsamekaṁ na saṁśayaḥ

जब अंग अपने-आप फड़कने लगें और तालु सूखने लगे, तब निःसंदेह उसका जीवन एक मास शेष रहता है।

श्लोक 15 (shiva.uma.25.15)

नासा तु स्रवते यस्य त्रिदोषे पक्षजीवितम् । वक्त्रं कण्ठं च शुष्येत षण्मासान्ते गतायुषः

nāsā tu sravate yasya tridoṣe pakṣajīvitam vaktraṁ kaṇṭhaṁ ca śuṣyeta ṣaṇmāsānte gatāyuṣaḥ

जिसकी नासिका त्रिदोष के कारण बहती रहे, उसका जीवन एक पक्ष (पंद्रह दिन) शेष रहता है; जिसका मुख और कण्ठ सूखने लगे, उसकी आयु छह महीने में समाप्त हो जाती है।

श्लोक 16 (shiva.uma.25.16)

स्थूलजिह्वा भवेद्यस्य द्विजाः क्लिद्यन्ति भामिनि । षण्मासाज्जायते मृत्युश्चिह्नैस्तैरुपलक्षयेत्

sthūlajihvā bhavedyasya dvijāḥ klidyanti bhāmini ṣaṇmāsājjāyate mṛtyuścihnaistairupalakṣayet

हे भामिनि! जिसकी जिह्वा स्थूल (मोटी) हो जाए और दाँत गीले होने लगें, उसकी मृत्यु छह महीने में होती है — इन चिह्नों से इसे पहचानना चाहिए।

श्लोक 17 (shiva.uma.25.17)

अम्बुतैलघृतस्थं तु दर्पणे वरवर्णिनि । न पश्यति यदात्मानं विकृतं पलमेव च

ambutailaghṛtasthaṁ tu darpaṇe varavarṇini na paśyati yadātmānaṁ vikṛtaṁ palameva ca

हे वरवर्णिनि! जब मनुष्य जल, तेल, घी अथवा दर्पण में अपना प्रतिबिम्ब न देख पाए, अथवा एक क्षण के लिए भी विकृत रूप में देखे —

श्लोक 18 (shiva.uma.25.18)

षण्मासायुः स विज्ञेयः कालचक्रं विजानता । अन्यच्च शृणु देवेशि येन मृत्युर्विबुद्ध्यते

ṣaṇmāsāyuḥ sa vijñeyaḥ kālacakraṁ vijānatā anyacca śṛṇu deveśi yena mṛtyurvibuddhyate

— तो कालचक्र के जानकार को यह समझ लेना चाहिए कि उसकी आयु छह महीने शेष है। हे देवेशि! अब एक और चिह्न सुनो, जिससे मृत्यु का ज्ञान होता है।

श्लोक 19 (shiva.uma.25.19)

शिरोहीनां यदा छायां स्वकीयामुपलक्षयेत् । अथवा छायया हीनो मासमेकं न जीवति

śirohīnāṁ yadā chāyāṁ svakīyāmupalakṣayet athavā chāyayā hīno māsamekaṁ na jīvati

जब मनुष्य अपनी छाया को सिर-रहित देखे, अथवा उसकी छाया ही दिखाई न दे, तो वह एक मास से अधिक जीवित नहीं रहता।

श्लोक 20 (shiva.uma.25.20)

आङ्गिकानि मयोक्तानि मृत्युचिह्नानि पार्वति । बाह्यस्थानि ब्रुवे भद्रे चिह्नानि शृणु साम्प्रतम्

āṅgikāni mayoktāni mṛtyucihnāni pārvati bāhyasthāni bruve bhadre cihnāni śṛṇu sāmpratam

हे पार्वति! ये मैंने शारीरिक मृत्यु-चिह्न बताए। अब हे भद्रे, बाह्य चिह्न बताता हूँ — अब सुनो।

श्लोक 21 (shiva.uma.25.21)

रश्मिहीनं यदा देवि भवेत्सोमार्कमण्डलम् । दृश्यते पाटलाकारं मासार्धेन विपद्यते

raśmihīnaṁ yadā devi bhavetsomārkamaṇḍalam dṛśyate pāṭalākāraṁ māsārdhena vipadyate

हे देवि! जब चन्द्रमा या सूर्य का मण्डल किरणों से रहित दिखे और गुलाबी-सा रंग लिए प्रतीत हो, तो आधे मास में मृत्यु हो जाती है।

श्लोक 22 (shiva.uma.25.22)

अरुन्धतीं महायानमिन्दुं लक्षणवर्जितम् । अदृष्टतारको योऽसौ मासमेकं स जीवति

arundhatīṁ mahāyānaminduṁ lakṣaṇavarjitam adṛṣṭatārako yo'sau māsamekaṁ sa jīvati

जिसे अरुन्धती तारा, महायान (सप्तर्षि मण्डल) अथवा चिह्न-रहित चन्द्रमा दिखाई न दे, और जिसे वह तारा दिखाई न पड़े, वह एक मास जीवित रहता है।

श्लोक 23 (shiva.uma.25.23)

दृष्टे ग्रहे च दिङ्मोहः षण्मासाज्जायते ध्रुवम् । उतथ्यं न ध्रुवं पश्येद्यदि वा रविमण्डलम्

dṛṣṭe grahe ca diṅmohaḥ ṣaṇmāsājjāyate dhruvam utathyaṁ na dhruvaṁ paśyedyadi vā ravimaṇḍalam

ग्रह को देखते समय यदि दिशा का भ्रम हो जाए, तो निश्चय ही छह महीने में मृत्यु होती है; अथवा यदि ध्रुव तारे या सूर्य-मण्डल को यथार्थ रूप से न देख पाए —

श्लोक 24 (shiva.uma.25.24)

रात्रौ धनुर्यदा पश्येन्मध्याह्ने चोल्कपातनम् । वेष्ट्यते गृध्रकाकैश्च षण्मासायुर्न संशयः

rātrau dhanuryadā paśyenmadhyāhne colkapātanam veṣṭyate gṛdhrakākaiśca ṣaṇmāsāyurna saṁśayaḥ

— रात में यदि धनुष (इन्द्रधनुष जैसा दृश्य) दिखे, या दोपहर में उल्कापात दिखे, अथवा गिद्ध और कौवे उसे घेर लें, तो निःसंदेह उसकी आयु छह महीने शेष रहती है।

श्लोक 25 (shiva.uma.25.25)

ऋषयः स्वर्गपन्थाश्च दृश्यन्ते नैव चाम्बरे । षण्मासायुर्विजनीयात्पुरुषैः कालवेदिभिः

ṛṣayaḥ svargapanthāśca dṛśyante naiva cāmbare ṣaṇmāsāyurvijanīyātpuruṣaiḥ kālavedibhiḥ

जब सप्तर्षि तारे और स्वर्ग का मार्ग (आकाशगंगा) आकाश में दिखाई न दें, तब काल के जानकार पुरुषों को छह महीने की आयु शेष समझनी चाहिए।

श्लोक 26 (shiva.uma.25.26)

अकस्माद्राहुणा ग्रस्तं सूर्यं वा सोममेव च । दिक्चक्रं भ्रान्तवत्पश्येत्षण्मासान्म्रियते स्फुटम्

akasmādrāhuṇā grastaṁ sūryaṁ vā somameva ca dikcakraṁ bhrāntavatpaśyetṣaṇmāsānmriyate sphuṭam

यदि कोई अकस्मात् सूर्य अथवा चन्द्रमा को मानो राहु द्वारा ग्रस्त देखे, अथवा दिशाओं के चक्र को घूमता हुआ-सा देखे, तो निश्चय ही छह महीने में उसकी मृत्यु हो जाती है।

श्लोक 27 (shiva.uma.25.27)

नीलाभिर्मक्षिकाभिश्च ह्यकस्माद् वेष्ट्यते पुमान् । मासमेकं हि तस्यायुर्ज्ञातव्यं परमार्थतः

nīlābhirmakṣikābhiśca hyakasmād veṣṭyate pumān māsamekaṁ hi tasyāyurjñātavyaṁ paramārthataḥ

जब मनुष्य अकस्मात् नीली मक्खियों से घिर जाए, तो वस्तुतः यह जानना चाहिए कि उसकी आयु मात्र एक मास शेष है।

श्लोक 28 (shiva.uma.25.28)

गृध्रः काकः कपोतश्च शिरश्चाक्रम्य तिष्ठति । शीघ्रं तु म्रियते जन्तुर्मासैकेन न संशयः

gṛdhraḥ kākaḥ kapotaśca śiraścākramya tiṣṭhati śīghraṁ tu mriyate janturmāsaikena na saṁśayaḥ

यदि गिद्ध, कौवा अथवा कबूतर आकर सिर पर बैठ जाए, तो वह प्राणी शीघ्र ही, निःसंदेह एक मास के भीतर मर जाता है।

श्लोक 29 (shiva.uma.25.29)

एवं चारिष्टभेदस्तु बाह्यस्थः समुदाहृतः । मानुषाणां हितार्थाय सङ्क्षेपेण वदाम्यहम्

evaṁ cāriṣṭabhedastu bāhyasthaḥ samudāhṛtaḥ mānuṣāṇāṁ hitārthāya saṅkṣepeṇa vadāmyaham

इस प्रकार बाह्य अरिष्ट (अशुभ चिह्नों) के भेद कहे गए। मनुष्यों के हित के लिए मैं इन्हें संक्षेप में कहता हूँ।

श्लोक 30 (shiva.uma.25.30)

हस्तयोरुभयोर्देवि यथा कालं विजानते । वामदक्षिणयोर्मध्ये प्रत्यक्षं चेत्युदाहृतम्

hastayorubhayordevi yathā kālaṁ vijānate vāmadakṣiṇayormadhye pratyakṣaṁ cetyudāhṛtam

हे देवि! अब सुनो कि दोनों हाथों से किस प्रकार काल को जाना जाता है — बाएँ और दाएँ हाथ के मध्य यह प्रत्यक्ष विधि बताई गई है।

श्लोक 31 (shiva.uma.25.31)

एवं पक्षौ स्थितौ द्वौ तु समासात्सुरसुन्दरि । शुचिर्भूत्वा स्मरन्देवं सुस्नातः संयतेन्द्रियः

evaṁ pakṣau sthitau dvau tu samāsātsurasundari śucirbhūtvā smarandevaṁ susnātaḥ saṁyatendriyaḥ

हे सुरसुन्दरि! इस प्रकार संक्षेप में दोनों पक्ष स्थित हैं — पवित्र होकर, भलीभाँति स्नान करके, इन्द्रियों को वश में करके, भगवान् का स्मरण करते हुए —

श्लोक 32 (shiva.uma.25.32)

हस्तौ प्रक्षाल्य दुग्धेनालक्तकेन विमर्दयेत् । गन्धैः पुष्पैः करौ कृत्वा मृगयेच्च शुभाशुभम्

hastau prakṣālya dugdhenālaktakena vimardayet gandhaiḥ puṣpaiḥ karau kṛtvā mṛgayecca śubhāśubham

— हाथों को धोकर उन्हें दूध और अलक्तक (लाख के रंग) से रगड़ना चाहिए; हाथों को गन्ध और पुष्पों से सुवासित करके शुभ-अशुभ का अन्वेषण करना चाहिए।

श्लोक 33 (shiva.uma.25.33)

कनिष्ठामादितः कृत्वा यावदङ्गुष्ठकं प्रिये । पर्वत्रयक्रमेणैव हस्तयोरुभयोरपि

kaniṣṭhāmāditaḥ kṛtvā yāvadaṅguṣṭhakaṁ priye parvatrayakrameṇaiva hastayorubhayorapi

हे प्रिये! कनिष्ठा अँगुली से आरम्भ करके अँगूठे तक, दोनों हाथों की अँगुलियों की तीन-तीन पोरों के क्रम में —

श्लोक 34 (shiva.uma.25.34)

प्रतिपदादि विन्यस्य तिथिं प्रतिपदादितः । सम्पुटाकारहस्तौ तु पूर्वदिङ्मुखसंस्थितः

pratipadādi vinyasya tithiṁ pratipadāditaḥ sampuṭākārahastau tu pūrvadiṅmukhasaṁsthitaḥ

— प्रतिपदा से आरम्भ कर तिथियों को क्रमशः स्थापित करते हुए, पूर्व दिशा की ओर मुख करके, दोनों हाथों को कमल-कोश के आकार में जोड़कर बैठना चाहिए।

श्लोक 35 (shiva.uma.25.35)

स्मरेन्नवात्मकं मन्त्रं यावदष्टोत्तरं शतम् । निरीक्षयेत्ततो हस्तौ प्रतिपर्वणि यत्नतः

smarennavātmakaṁ mantraṁ yāvadaṣṭottaraṁ śatam nirīkṣayettato hastau pratiparvaṇi yatnataḥ

नवाक्षर मन्त्र का एक सौ आठ बार जप स्मरणपूर्वक करना चाहिए; तत्पश्चात् प्रयत्नपूर्वक प्रत्येक पोर पर हाथों की परीक्षा करनी चाहिए।

श्लोक 36 (shiva.uma.25.36)

तस्मिन्पर्वणि सा रेखा दृश्यते भृङ्गसन्निभा । तत्तिथौ हि मृतिर्ज्ञेया कृष्णे शुक्ले तथा प्रिये

tasminparvaṇi sā rekhā dṛśyate bhṛṅgasannibhā tattithau hi mṛtirjñeyā kṛṣṇe śukle tathā priye

जिस पोर पर भृंग (काले भौंरे) के समान रेखा दिखाई दे, हे प्रिये, उस पोर से संबंधित तिथि पर — चाहे कृष्ण पक्ष हो या शुक्ल पक्ष — मृत्यु जाननी चाहिए।

श्लोक 37 (shiva.uma.25.37)

अधुना नादजं वक्ष्ये सङ्क्षेपात्काललक्षणम् । गमागमं विदित्वा तु कर्म कुर्याञ्छृणु प्रिये

adhunā nādajaṁ vakṣye saṅkṣepātkālalakṣaṇam gamāgamaṁ viditvā tu karma kuryāñchṛṇu priye

अब मैं संक्षेप में नाद (ध्वनि) से उत्पन्न होने वाले काल के लक्षण बताऊँगा; उसके आगमन और गमन को जानकर ही कर्म करना चाहिए — हे प्रिये, सुनो।

श्लोक 38 (shiva.uma.25.38)

आत्मविज्ञानं सुश्रोणि चारं ज्ञात्वा तु यत्नतः । क्षणं त्रुटिर्लवं चैव निमेषं काष्ठकालिकम्

ātmavijñānaṁ suśroṇi cāraṁ jñātvā tu yatnataḥ kṣaṇaṁ truṭirlavaṁ caiva nimeṣaṁ kāṣṭhakālikam

हे सुश्रोणि! आत्म-ज्ञान और प्राण की गति को प्रयत्नपूर्वक जानकर — क्षण, त्रुटि, लव, निमेष तथा काष्ठा नामक कालमान —

श्लोक 39 (shiva.uma.25.39)

मुहूर्तकं त्वहोरात्रं पक्षमासर्तुवत्सरम् । अब्दं युगं तथा कल्पं महाकल्पं तथैव च

muhūrtakaṁ tvahorātraṁ pakṣamāsartuvatsaram abdaṁ yugaṁ tathā kalpaṁ mahākalpaṁ tathaiva ca

— मुहूर्त, अहोरात्र (दिन-रात), पक्ष, मास, ऋतु, वर्ष, अब्द, युग, कल्प तथा महाकल्प —

श्लोक 40 (shiva.uma.25.40)

एवं स हरते कालः परिपाट्या सदाशिवः । वामदक्षिणमध्ये तु पथि त्रयमिदं स्मृतम्

evaṁ sa harate kālaḥ paripāṭyā sadāśivaḥ vāmadakṣiṇamadhye tu pathi trayamidaṁ smṛtam

— इस प्रकार सदाशिव क्रमपूर्वक काल को आगे बढ़ाते हैं। वाम, दक्षिण और मध्य — इन तीन मार्गों में यह कालगति स्मरण की गई है।

श्लोक 41 (shiva.uma.25.41)

दिनानि पञ्च चारभ्य पञ्चविंशद्दिनावधि । वामाचारगतौ नादः प्रमाणं कथितं तव

dināni pañca cārabhya pañcaviṁśaddināvadhi vāmācāragatau nādaḥ pramāṇaṁ kathitaṁ tava

पाँच दिनों से आरम्भ कर पच्चीस दिनों तक की सीमा में — वाम (इडा) नाड़ी की गति में नाद ही तुम्हें प्रमाण के रूप में बताया गया है।

श्लोक 42 (shiva.uma.25.42)

भूतरन्ध्रं दिशश्चैव ध्वजश्च वरवर्णिनि । वामचारगतौ नादः प्रमाणं कालवेदिनः

bhūtarandhraṁ diśaścaiva dhvajaśca varavarṇini vāmacāragatau nādaḥ pramāṇaṁ kālavedinaḥ

हे वरवर्णिनि! भूत-रन्ध्र (तत्त्वों का द्वार), दिशाएँ और ध्वज (सूक्ष्म चिह्न) — वाम-नाड़ी की गति में नाद ही काल के जानकारों का प्रमाण है।

श्लोक 43 (shiva.uma.25.43)

ऋतोर्विकारभूताश्च गुणास्तत्रैव भामिनि । प्रमाणं दक्षिणं प्रोक्तं ज्ञातव्यं प्राणवेदिभिः

ṛtorvikārabhūtāśca guṇāstatraiva bhāmini pramāṇaṁ dakṣiṇaṁ proktaṁ jñātavyaṁ prāṇavedibhiḥ

हे भामिनि! ऋतुओं के विकाररूप गुण भी उसी में निहित हैं; दक्षिण (पिंगला) नाड़ी को प्रमाण कहा गया है, जिसे प्राण के जानकार ही समझ सकते हैं।

श्लोक 44 (shiva.uma.25.44)

भूतसङ्ख्या यदा प्राणान्वहन्ते च इडादयः । वर्षस्याभ्यन्तरे तस्य जीवितं हि न संशयः

bhūtasaṅkhyā yadā prāṇānvahante ca iḍādayaḥ varṣasyābhyantare tasya jīvitaṁ hi na saṁśayaḥ

जब इडा आदि नाड़ियाँ भूत-संख्या के अनुसार प्राणों का वहन करती हैं, तब निःसंदेह उसका जीवन एक वर्ष के भीतर निश्चित होता है।

श्लोक 45 (shiva.uma.25.45)

दशघस्रप्रवाहेण ह्यब्दमानं स जीवति । पञ्चदशप्रवाहेण ह्यब्दमेकं गतायुषम्

daśaghasrapravāheṇa hyabdamānaṁ sa jīvati pañcadaśapravāheṇa hyabdamekaṁ gatāyuṣam

दस दिनों के प्रवाह से वह पूरे एक वर्ष तक जीवित रहता है; पंद्रह दिनों के प्रवाह से भी उसका जीवन एक वर्ष होता है, किन्तु आयु व्यतीत हो चुकी मानी जाती है।

श्लोक 46 (shiva.uma.25.46)

विंशद्दिनप्रवाहेण षण्मासं लक्षयेत्तदा । पञ्चविंशद्दिनमितं वहते वामनाडिका

viṁśaddinapravāheṇa ṣaṇmāsaṁ lakṣayettadā pañcaviṁśaddinamitaṁ vahate vāmanāḍikā

बीस दिनों के प्रवाह से तब छह महीने की आयु जाननी चाहिए; जब वाम-नाड़ी पच्चीस दिनों तक प्रवाहित होती है —

श्लोक 47 (shiva.uma.25.47)

जीवितं तु तदा तस्य त्रिमासं हि गतायुषः । षड्विंशद्दिनमानेन मासद्वयमुदाहृतम्

jīvitaṁ tu tadā tasya trimāsaṁ hi gatāyuṣaḥ ṣaḍviṁśaddinamānena māsadvayamudāhṛtam

— तब उसका शेष जीवन तीन मास होता है। छब्बीस दिनों के मान से दो मास बताए गए हैं।

श्लोक 48 (shiva.uma.25.48)

सप्तविंशद्दिनमितं वहते त्वत्यविश्रमा । मासमेकं समाख्यातं जीवितं वामगोचरे

saptaviṁśaddinamitaṁ vahate tvatyaviśramā māsamekaṁ samākhyātaṁ jīvitaṁ vāmagocare

जब यह सत्ताईस दिनों तक निरन्तर प्रवाहित हो, तो वाम-नाड़ी के क्षेत्र में एक मास की आयु शेष बताई गई है।

श्लोक 49 (shiva.uma.25.49)

एतत्प्रमाणं विज्ञेयं वामवायुप्रमाणतः । सव्येतरे दिनान्येव चत्वारश्चानुपूर्वशः

etatpramāṇaṁ vijñeyaṁ vāmavāyupramāṇataḥ savyetare dinānyeva catvāraścānupūrvaśaḥ

यह प्रमाण वाम-वायु के आधार पर जानना चाहिए। दूसरी (दक्षिण) नाड़ी में भी दिन इसी क्रम में चार-चार करके गिने जाते हैं —

श्लोक 50 (shiva.uma.25.50)

चतुस्स्थाने स्थिता देवि षोडशैताः प्रकीर्तिताः । तेषां प्रमाणं वक्ष्यामि साम्प्रतं हि यथार्थतः

catussthāne sthitā devi ṣoḍaśaitāḥ prakīrtitāḥ teṣāṁ pramāṇaṁ vakṣyāmi sāmprataṁ hi yathārthataḥ

— हे देवि! चार स्थानों में स्थित ये सोलह मान कहे गए हैं। अब मैं इनका यथार्थ प्रमाण बताऊँगा।

श्लोक 51 (shiva.uma.25.51)

षड्दिनान्यादितः कृत्वा सङ्ख्यायाश्च यथाविधि । एतदन्तर्गते चैव वामरन्ध्रे प्रकाशितम्

ṣaḍdinānyāditaḥ kṛtvā saṅkhyāyāśca yathāvidhi etadantargate caiva vāmarandhre prakāśitam

छह दिनों से आरम्भ कर विधिपूर्वक गणना करते हुए — इसी सीमा के भीतर, वाम-नाड़ी के द्वार में यह प्रकट होता है।

श्लोक 52 (shiva.uma.25.52)

षड्दिनानि यदा रूढं द्विवर्षं च स जीवति । मासानष्टौ विजानीयाद्दिनान्यष्टौ च तानि तु

ṣaḍdināni yadā rūḍhaṁ dvivarṣaṁ ca sa jīvati māsānaṣṭau vijānīyāddinānyaṣṭau ca tāni tu

जब यह छह दिनों तक स्थिर रहे, तो वह दो वर्ष जीवित रहता है; इसके साथ ही आठ मास और आठ दिन भी जानने चाहिए।

श्लोक 53 (shiva.uma.25.53)

प्राणाः सप्तदशे चैव विद्धि वर्षं न संशयः । सप्तमासान्विजानीयाद्दिनैः षड्भिर्न संशयः

prāṇāḥ saptadaśe caiva viddhi varṣaṁ na saṁśayaḥ saptamāsānvijānīyāddinaiḥ ṣaḍbhirna saṁśayaḥ

जब प्राण सत्रह दिनों तक रहें, तो निःसंदेह एक वर्ष जानो; सात मास और छह दिन भी निःसंदेह जानने चाहिए।

श्लोक 54 (shiva.uma.25.54)

अष्टघस्रप्रभेदेन द्विवर्षं हि स जीवति । चतुर्मासा हि विज्ञेयाश्चतुर्विंशद्दिनावधि

aṣṭaghasraprabhedena dvivarṣaṁ hi sa jīvati caturmāsā hi vijñeyāścaturviṁśaddināvadhi

आठ दिनों के भेद से वह निश्चय ही दो वर्ष जीवित रहता है; चार मास, चौबीस दिनों की सीमा तक, जानने चाहिए।

श्लोक 55 (shiva.uma.25.55)

यदा नवदिनं प्राणा वहन्त्येव त्रिमासकम् । मासद्वयं च द्वे मासे दिना द्वादश कीर्तिताः

yadā navadinaṁ prāṇā vahantyeva trimāsakam māsadvayaṁ ca dve māse dinā dvādaśa kīrtitāḥ

जब प्राण नौ दिनों तक प्रवाहित हों, तो यह तीन मास का सूचक है; दो मास, और उन दो मासों में बारह दिन भी बताए गए हैं।

श्लोक 56 (shiva.uma.25.56)

पूर्ववत्कथिता ये तु कालं तेषां तु पूर्वकम् । अवान्तरदिना ये तु तेन मासेन कथ्यते

pūrvavatkathitā ye tu kālaṁ teṣāṁ tu pūrvakam avāntaradinā ye tu tena māsena kathyate

जो मान पूर्व की भाँति कहे गए हैं, उनका काल भी पूर्ववत् ही समझना चाहिए; जो मध्यवर्ती दिन शेष रहते हैं, वे उसी मास के अनुसार गिने जाते हैं।

श्लोक 57 (shiva.uma.25.57)

एकादशप्रवाहेण वर्षमेकं स जीवति । मासा नव तथा प्रोक्ता दिनान्यष्टमितान्यपि

ekādaśapravāheṇa varṣamekaṁ sa jīvati māsā nava tathā proktā dinānyaṣṭamitānyapi

ग्यारह दिनों के प्रवाह से वह एक पूर्ण वर्ष जीवित रहता है; नौ मास भी बताए गए हैं, साथ ही आठ दिनों का मान भी।

श्लोक 58 (shiva.uma.25.58)

द्वादशेन प्रवाहेण वर्षमेकं स जीवति । मासान् सप्त विजानीयात्षड्घस्रांश्चाप्युदाहरेत्

dvādaśena pravāheṇa varṣamekaṁ sa jīvati māsān sapta vijānīyātṣaḍghasrāṁścāpyudāharet

बारह दिनों के प्रवाह से वह एक वर्ष जीवित रहता है; सात मास जानने चाहिए, तथा छह दिन भी गिनने चाहिए।

श्लोक 59 (shiva.uma.25.59)

नाडी यदा च वहति त्रयोदशदिनावधि । संवत्सरं भवेत्तस्य चतुर्मासाः प्रकीर्तिताः

nāḍī yadā ca vahati trayodaśadināvadhi saṁvatsaraṁ bhavettasya caturmāsāḥ prakīrtitāḥ

जब नाड़ी तेरह दिनों की सीमा तक प्रवाहित हो, तो उसका एक पूर्ण वर्ष शेष रहता है; चार मास भी बताए गए हैं।

श्लोक 60 (shiva.uma.25.60)

चतुर्विशद्दिनं शेषं जीवितं च न संशयः । प्राणवाहा यदा वामे चतुर्द्दशदिनानि तु

caturviśaddinaṁ śeṣaṁ jīvitaṁ ca na saṁśayaḥ prāṇavāhā yadā vāme caturddaśadināni tu

— और चौबीस दिन शेष जीवन के रूप में, निःसंदेह। जब वाम-नाड़ी में प्राण-प्रवाह चौदह दिनों तक रहे —

श्लोक 61 (shiva.uma.25.61)

संवत्सरं भवेत्तस्य मासाः षट् च प्रकीर्तिताः । चतुर्विंशद्दिनान्येव जीवितं च न संशयः

saṁvatsaraṁ bhavettasya māsāḥ ṣaṭ ca prakīrtitāḥ caturviṁśaddinānyeva jīvitaṁ ca na saṁśayaḥ

— तो उसका एक वर्ष शेष रहता है, और छह मास भी बताए गए हैं; चौबीस दिन भी शेष होते हैं, निःसंदेह।

श्लोक 62 (shiva.uma.25.62)

पञ्चदशप्रवाहेण नव मासान्स जीवति । चतुर्विशद्दिनान्येव कथितं कालवेदिभिः

pañcadaśapravāheṇa nava māsānsa jīvati caturviśaddinānyeva kathitaṁ kālavedibhiḥ

पंद्रह दिनों के प्रवाह से वह नौ मास जीवित रहता है; चौबीस दिन भी काल के जानकारों द्वारा बताए गए हैं।

श्लोक 63 (shiva.uma.25.63)

षोडशाहप्रवाहेण दशमासान्स जीवति । चतुर्विशद्दिनाधिक्यं कथितं कालवेदिभिः

ṣoḍaśāhapravāheṇa daśamāsānsa jīvati caturviśaddinādhikyaṁ kathitaṁ kālavedibhiḥ

सोलह दिनों के प्रवाह से वह दस मास जीवित रहता है; चौबीस दिनों की अधिकता भी काल के जानकारों द्वारा बताई गई है।

श्लोक 64 (shiva.uma.25.64)

सप्तदशप्रवाहेण नवमासैर्गतायुषम् । अष्टादश दिनान्यत्र कथितं साधकेश्वरि

saptadaśapravāheṇa navamāsairgatāyuṣam aṣṭādaśa dinānyatra kathitaṁ sādhakeśvari

हे साधकेश्वरि! सत्रह दिनों के प्रवाह से नौ मास आयु व्यतीत होती बताई गई है; यहाँ अठारह दिन भी कहे गए हैं।

श्लोक 65 (shiva.uma.25.65)

वामचारं यदा देवि ह्यष्टादशदिनावधिः । जीवितं चाष्टमासं तु घस्रा द्वादश कीर्तिताः

vāmacāraṁ yadā devi hyaṣṭādaśadināvadhiḥ jīvitaṁ cāṣṭamāsaṁ tu ghasrā dvādaśa kīrtitāḥ

हे देवि! जब वाम-नाड़ी की गति अठारह दिनों की सीमा तक पहुँचे, तो आठ मास आयु शेष रहती है, तथा बारह दिन भी बताए गए हैं।

श्लोक 66 (shiva.uma.25.66)

चतुर्विंशद्दिनान्यत्र निश्चयेनावधारय । प्राणवाहो यदा देवि त्रयोविंशद्दिनावधिः

caturviṁśaddinānyatra niścayenāvadhāraya prāṇavāho yadā devi trayoviṁśaddināvadhiḥ

यहाँ चौबीस दिन भी निश्चयपूर्वक जान लो। हे देवि! जब प्राण-प्रवाह तेईस दिनों की सीमा तक पहुँचे —

श्लोक 67 (shiva.uma.25.67)

चत्वारः कथिता मासाः षड्दिनानि तथोत्तरे । चतुर्विंशप्रवाहेण त्रीन्मासांश्च स जीवति

catvāraḥ kathitā māsāḥ ṣaḍdināni tathottare caturviṁśapravāheṇa trīnmāsāṁśca sa jīvati

— तो चार मास बताए गए हैं, साथ ही छह दिन और। चौबीस दिनों के प्रवाह से वह तीन मास जीवित रहता है।

श्लोक 68 (shiva.uma.25.68)

दिनान्यत्र दशाष्टौ स संहरन्त्येव चारतः । अवान्तरदिने यस्तु सङ्क्षेपात्ते प्रकीर्तिताः

dinānyatra daśāṣṭau sa saṁharantyeva cārataḥ avāntaradine yastu saṅkṣepātte prakīrtitāḥ

यहाँ अठारह दिन भी इसी गति से समाहित होते हैं। जो मध्यवर्ती दिन रह जाते हैं, वे तुम्हें संक्षेप में बता दिए गए हैं।

श्लोक 69 (shiva.uma.25.69)

वामचारः समाख्यातो दक्षिणं शृणु साम्प्रतम् । अष्टाविंशप्रवाहेण तिथिमानेन जीवति

vāmacāraḥ samākhyāto dakṣiṇaṁ śṛṇu sāmpratam aṣṭāviṁśapravāheṇa tithimānena jīvati

वाम-नाड़ी की गति इस प्रकार बताई गई; अब दक्षिण-नाड़ी की गति सुनो। अट्ठाईस दिनों के प्रवाह से वह तिथि-मान से जीवित रहता है।

श्लोक 70 (shiva.uma.25.70)

प्रवाहेण दशाहेन तत्संस्थेन विपद्यते । त्रिंशद्धस्रप्रवाहेन पञ्चाहेन विपद्यते

pravāheṇa daśāhena tatsaṁsthena vipadyate triṁśaddhasrapravāhena pañcāhena vipadyate

दस दिनों के प्रवाह से उस स्थिति में वह मर जाता है; तीस दिनों के प्रवाह से वह पाँच दिनों में मर जाता है।

श्लोक 71 (shiva.uma.25.71)

एकत्रिंशद्यदा देवि वहते च निरन्तरम् । दिनत्रयं तदा तस्य जीवितं हि न संशयः

ekatriṁśadyadā devi vahate ca nirantaram dinatrayaṁ tadā tasya jīvitaṁ hi na saṁśayaḥ

हे देवि! जब यह इकतीस दिनों तक निरन्तर प्रवाहित हो, तब निःसंदेह उसका जीवन तीन दिन शेष रहता है।

श्लोक 72 (shiva.uma.25.72)

द्वात्रिंशत्प्राणसङ्ख्या च यदा हि वहते रविः । तदा तु जीवितं तस्य द्विदिनं हि न संशयः

dvātriṁśatprāṇasaṅkhyā ca yadā hi vahate raviḥ tadā tu jīvitaṁ tasya dvidinaṁ hi na saṁśayaḥ

जब प्राणों की संख्या बत्तीस हो जाए और सूर्य-नाड़ी (दक्षिण) इस प्रकार प्रवाहित हो, तब निःसंदेह उसका जीवन दो दिन शेष रहता है।

श्लोक 73 (shiva.uma.25.73)

दक्षिणः कथितः प्राणो मध्यस्थं कथयामि ते । एकभागगतो वायुप्रवाहो मुखमण्डले

dakṣiṇaḥ kathitaḥ prāṇo madhyasthaṁ kathayāmi te ekabhāgagato vāyupravāho mukhamaṇḍale

इस प्रकार दक्षिण-नाड़ी के प्राण का वर्णन हुआ; अब मैं तुम्हें मध्य-नाड़ी (सुषुम्ना) के विषय में बताता हूँ। जब वायु का प्रवाह एक ही धारा में मुख-मण्डल में स्थित हो जाए —

श्लोक 74 (shiva.uma.25.74)

धावमानप्रवाहेण दिनमेकं स जीवति । चक्रमेतत्परासोर्हि पुराविद्भिरुदाहृतम्

dhāvamānapravāheṇa dinamekaṁ sa jīvati cakrametatparāsorhi purāvidbhirudāhṛtam

— तो इस वेगवान प्रवाह से वह मात्र एक दिन जीवित रहता है। यह प्राण-प्रयाण का चक्र प्राचीन ज्ञानियों द्वारा इस प्रकार बताया गया है।

श्लोक 75 (shiva.uma.25.75)

एतत्ते कथितं देवि कालचक्रं गतायुषः । लोकानां च हितार्थाय किमन्यच्छ्रोतुमिच्छसि

etatte kathitaṁ devi kālacakraṁ gatāyuṣaḥ lokānāṁ ca hitārthāya kimanyacchrotumicchasi

हे देवि! यह तुम्हें बताया गया — आयु के क्षय होने का कालचक्र, लोगों के हित के लिए। अब और क्या सुनना चाहती हो?