छाया-पुरुष-दर्शन का वर्णन

श्लोक 1 (shiva.uma.28.1)

देव्युवाच । देवदेव महादेव कथितं कालवञ्चनम् । शब्दब्रह्मस्वरूपं च योगलक्षणमुत्तमम्

devyuvāca devadeva mahādeva kathitaṁ kālavañcanam śabdabrahmasvarūpaṁ ca yogalakṣaṇamuttamam

देवी ने कहा — हे देवाधिदेव महादेव! आपने काल-वंचन, शब्द-ब्रह्म का स्वरूप, तथा योग के उत्तम लक्षण बता दिए।

श्लोक 2 (shiva.uma.28.2)

कथितं ते समासेन छायिकं ज्ञानमुत्तमम् । विस्तरेण समाख्याहि योगिनां हितकाम्यया

kathitaṁ te samāsena chāyikaṁ jñānamuttamam vistareṇa samākhyāhi yogināṁ hitakāmyayā

आपने संक्षेप में छाया-सम्बन्धी उत्तम ज्ञान भी बताया; अब योगियों के हित की कामना से उसे विस्तारपूर्वक बताइए।

श्लोक 3 (shiva.uma.28.3)

शङ्कर उवाच । शृणु देवि प्रवक्ष्यामि छायापुरुषलक्षणम् । यज्ज्ञात्वा पुरुषः सम्यक्सर्वपापैः प्रमुच्यते

śaṅkara uvāca śṛṇu devi pravakṣyāmi chāyāpuruṣalakṣaṇam yajjñātvā puruṣaḥ samyaksarvapāpaiḥ pramucyate

शंकर जी ने कहा — हे देवि! सुनो, मैं छाया-पुरुष के लक्षण बताऊँगा, जिन्हें जानकर मनुष्य समस्त पापों से पूर्णतः मुक्त हो जाता है।

श्लोक 4 (shiva.uma.28.4)

सूर्यं हि पृष्ठतः कृत्वा सोमं वा वरवर्णिनि । शुक्लाम्बरधरः स्त्रग्वी गन्धधूपादिवासितः

sūryaṁ hi pṛṣṭhataḥ kṛtvā somaṁ vā varavarṇini śuklāmbaradharaḥ stragvī gandhadhūpādivāsitaḥ

हे वरवर्णिनि! सूर्य अथवा चन्द्रमा को पीठ पीछे करके, श्वेत वस्त्र धारण किए हुए, माला पहने हुए, गन्ध-धूप आदि से सुवासित होकर —

श्लोक 5 (shiva.uma.28.5)

संस्मरेन्मे महामन्त्रं सर्वकामफलप्रदम् । नवात्मकं पिण्डभूतं स्वां छायां सन्निरीक्षयेत्

saṁsmarenme mahāmantraṁ sarvakāmaphalapradam navātmakaṁ piṇḍabhūtaṁ svāṁ chāyāṁ sannirīkṣayet

— मेरे महामन्त्र का, जो नौ अक्षरों वाला और सर्वकामनाओं का फलदाता है, पिण्डरूप में स्मरण करना चाहिए; तत्पश्चात् अपनी छाया का भलीभाँति अवलोकन करना चाहिए।

श्लोक 6 (shiva.uma.28.6)

दृष्ट्वा तां पुनराकाशे श्वेतवर्णस्वरूपिणीम् । स पश्यत्येकभावस्तु शिवं परमकारणम्

dṛṣṭvā tāṁ punarākāśe śvetavarṇasvarūpiṇīm sa paśyatyekabhāvastu śivaṁ paramakāraṇam

उसे देखकर और फिर आकाश में उसके श्वेतवर्ण स्वरूप को देखकर, वह एकाग्रचित्त होकर शिव — परम कारण — का दर्शन करता है।

श्लोक 7 (shiva.uma.28.7)

ब्रह्मप्राप्तिर्भवेत्तस्य कालविद्भिरितीरितम् । ब्रह्महत्यादिकैः पापैर्मुच्यते नात्र संशयः

brahmaprāptirbhavettasya kālavidbhiritīritam brahmahatyādikaiḥ pāpairmucyate nātra saṁśayaḥ

उसे ब्रह्म-प्राप्ति होती है — ऐसा काल के जानकारों ने कहा है; वह ब्रह्महत्या आदि पापों से मुक्त हो जाता है — इसमें कोई संशय नहीं।

श्लोक 8 (shiva.uma.28.8)

शिरोहीनं यदा पश्येत्षड्भिर्मासैर्भवेत्क्षयः । समस्तं वाङ्मयं तस्य योगिनस्तु यथा तथा

śirohīnaṁ yadā paśyetṣaḍbhirmāsairbhavetkṣayaḥ samastaṁ vāṅmayaṁ tasya yoginastu yathā tathā

जब वह अपनी छाया को सिर-रहित देखे, तो छह मास में उसकी मृत्यु हो जाती है; और उस योगी का सारा शास्त्रज्ञान भी उसी प्रकार क्षीण हो जाता है।

श्लोक 9 (shiva.uma.28.9)

शुक्ले धर्मं विजानीयात्कृष्णे पापं विनिर्दिशेत् । रक्ते बन्धं विजानीयात्पीते विद्विषमादिशेत्

śukle dharmaṁ vijānīyātkṛṣṇe pāpaṁ vinirdiśet rakte bandhaṁ vijānīyātpīte vidviṣamādiśet

श्वेत रंग में धर्म जानना चाहिए, कृष्ण रंग में पाप का संकेत समझना चाहिए; रक्त रंग में बन्धन जानना चाहिए, पीत रंग में शत्रुता का संकेत समझना चाहिए।

श्लोक 10 (shiva.uma.28.10)

विवाहो बन्धुनाशः स्याद्द्वितुण्डे चैव क्षुद्भयम् । विकटौ नश्यते भार्या विजङ्घे धनमेव हि

vivāho bandhunāśaḥ syāddvituṇḍe caiva kṣudbhayam vikaṭau naśyate bhāryā vijaṅghe dhanameva hi

दो मुख दिखने पर विवाह अथवा बन्धु-नाश और क्षुधा-भय समझना चाहिए; विकृत आकार में पत्नी का नाश होता है; पिंडलियों के अभाव में धन की हानि होती है।

श्लोक 11 (shiva.uma.28.11)

पादाभावे विदेशः स्यादित्येतत्कथितं मया । तद्विचार्यं प्रयत्त्नेन पुरुषेण महेश्वरि

pādābhāve videśaḥ syādityetatkathitaṁ mayā tadvicāryaṁ prayattnena puruṣeṇa maheśvari

पैरों के अभाव में विदेश-गमन होता है — यह मैंने बताया। हे महेश्वरि! इसका मनुष्य को प्रयत्नपूर्वक विचार करना चाहिए।

श्लोक 12 (shiva.uma.28.12)

सम्यक्तं पुरुषं दृष्ट्वा सन्निवेश्यात्मनात्मनि । जपेन्नवात्मकं मन्त्रं हृदयं मे महेश्वरि

samyaktaṁ puruṣaṁ dṛṣṭvā sanniveśyātmanātmani japennavātmakaṁ mantraṁ hṛdayaṁ me maheśvari

उस पुरुष (छाया-पुरुष) को भलीभाँति देखकर, उसे अपने ही भीतर स्थापित करके, नवाक्षर मन्त्र का जप करना चाहिए — हे महेश्वरि, यही मेरा हृदय है।

श्लोक 13 (shiva.uma.28.13)

वत्सरे विगते मन्त्री तन्नास्ति यन्न साधयेत् । अणिमादिगुणानष्टौ खेचरत्वं प्रपद्यते

vatsare vigate mantrī tannāsti yanna sādhayet aṇimādiguṇānaṣṭau khecaratvaṁ prapadyate

एक वर्ष बीत जाने पर मन्त्र-साधक के लिए कुछ भी असाध्य नहीं रहता; वह अणिमा आदि आठों सिद्धियों तथा खेचरत्व को प्राप्त कर लेता है।

श्लोक 14 (shiva.uma.28.14)

पुनरन्यत्प्रवक्ष्यामि शक्तिं ज्ञातुं दुरासदाम् । प्रत्यक्षं दृश्यते लोके ज्ञानिनामग्रतः स्थितम्

punaranyatpravakṣyāmi śaktiṁ jñātuṁ durāsadām pratyakṣaṁ dṛśyate loke jñānināmagrataḥ sthitam

अब मैं एक और विषय बताऊँगा — वह शक्ति, जिसे जानना अत्यन्त दुर्लभ है; वह इस लोक में प्रत्यक्ष दिखाई देती है, ज्ञानीजनों के समक्ष स्थित रहती है।

श्लोक 15 (shiva.uma.28.15)

अज्ञेया लिख्यते लोके या सर्पीकृतकुण्डली । सा मात्रा यानसंस्थापि दृश्यते न च पठ्यते

ajñeyā likhyate loke yā sarpīkṛtakuṇḍalī sā mātrā yānasaṁsthāpi dṛśyate na ca paṭhyate

वह, यद्यपि अज्ञेय है, लोक में सर्पाकार कुण्डली के रूप में चित्रित की जाती है; वह मात्रा-रूप में शरीर रूपी यान में स्थित होते हुए भी, दिखाई तो देती है परन्तु शब्दों में वर्णित नहीं की जा सकती।

श्लोक 16 (shiva.uma.28.16)

ब्रह्माण्डमूर्ध्निगा या च स्तुता वेदैस्तु नित्यशः । जननी सर्वविद्यानां गुप्तविद्येति गीयते

brahmāṇḍamūrdhnigā yā ca stutā vedaistu nityaśaḥ jananī sarvavidyānāṁ guptavidyeti gīyate

वह जो ब्रह्माण्ड के शीर्ष पर स्थित है, और जिसकी वेदों द्वारा सदा स्तुति की जाती है — समस्त विद्याओं की जननी — उसे 'गुप्त विद्या' कहकर गाया जाता है।

श्लोक 17 (shiva.uma.28.17)

खेचरा सा विनिर्दिष्टा सर्वप्राणिषु संस्थिता । दृश्यादृश्याचला नित्या व्यक्ताव्यक्ता सनातनी

khecarā sā vinirdiṣṭā sarvaprāṇiṣu saṁsthitā dṛśyādṛśyācalā nityā vyaktāvyaktā sanātanī

वह 'खेचरा' कही गई है, समस्त प्राणियों में स्थित है; दृश्य होते हुए भी अदृश्य, अचल, नित्य, व्यक्त होते हुए भी अव्यक्त तथा सनातन है।

श्लोक 18 (shiva.uma.28.18)

अवर्णा वर्णसंयुक्ता प्रोच्यते बिन्दुमालिनी । तां पश्यन्सर्वदा योगी कृतकृत्योऽभिजायते

avarṇā varṇasaṁyuktā procyate bindumālinī tāṁ paśyansarvadā yogī kṛtakṛtyo'bhijāyate

वह वर्ण-रहित होते हुए भी वर्णों से युक्त है, 'बिन्दुमालिनी' कही जाती है; जो योगी सदा उसका दर्शन करता है, वह कृतकृत्य (सफल) हो जाता है।

श्लोक 19 (shiva.uma.28.19)

सर्वतीर्थकृतस्नानाद्भवेद्दानस्य यत्फलम् । सर्वयज्ञफलं यच्च मालिन्या दर्शनात्तदा

sarvatīrthakṛtasnānādbhaveddānasya yatphalam sarvayajñaphalaṁ yacca mālinyā darśanāttadā

सभी तीर्थों में स्नान करने का जो फल है, दान का जो फल है, और समस्त यज्ञों का जो फल है — वह सब मालिनी के दर्शन मात्र से प्राप्त हो जाता है।

श्लोक 20 (shiva.uma.28.20)

प्राप्नोत्यत्र न सन्देहः सत्यं वै कथितं मया । सर्वतीर्थेषु यत्स्नात्वा दत्त्वा दानानि सर्वशः

prāpnotyatra na sandehaḥ satyaṁ vai kathitaṁ mayā sarvatīrtheṣu yatsnātvā dattvā dānāni sarvaśaḥ

यहाँ इसकी प्राप्ति में कोई संशय नहीं — यह मैंने सत्य कहा है; सभी तीर्थों में स्नान करने और सब प्रकार के दान देने से जो फल मिलता है —

श्लोक 21 (shiva.uma.28.21)

सर्वेषां देवि यज्ञानां यत्फलं तल्लभेत्पुमान् । किं बहूक्त्या महेशानि सर्वान्कामान्समश्नुते

sarveṣāṁ devi yajñānāṁ yatphalaṁ tallabhetpumān kiṁ bahūktyā maheśāni sarvānkāmānsamaśnute

— तथा समस्त यज्ञों का जो फल है, हे देवि, वह सब पुरुष को प्राप्त हो जाता है। हे महेशानि! अधिक कहने से क्या लाभ — वह सभी कामनाओं को प्राप्त कर लेता है।

श्लोक 22 (shiva.uma.28.22)

तस्माज्ज्ञानं यथायोगमभ्यसेत्सततं बुधः । अभ्यासाज्जायते सिद्धिर्योगोऽभ्यासात्प्रवर्धते

tasmājjñānaṁ yathāyogamabhyasetsatataṁ budhaḥ abhyāsājjāyate siddhiryogo'bhyāsātpravardhate

इसलिए बुद्धिमान् को इस ज्ञान का यथाविधि निरन्तर अभ्यास करना चाहिए; अभ्यास से सिद्धि उत्पन्न होती है, अभ्यास से ही योग बढ़ता है।

श्लोक 23 (shiva.uma.28.23)

संवित्तिर्लभ्यतेऽभ्यासादभ्यासान्मोक्षमश्नुते । अभ्यासः सततं कार्यो धीमता मोक्षकारणम्

saṁvittirlabhyate'bhyāsādabhyāsānmokṣamaśnute abhyāsaḥ satataṁ kāryo dhīmatā mokṣakāraṇam

अभ्यास से सम्यक् ज्ञान प्राप्त होता है, अभ्यास से ही मोक्ष प्राप्त होता है। मोक्ष का कारण होने से बुद्धिमान् को निरन्तर अभ्यास करते रहना चाहिए।

श्लोक 24 (shiva.uma.28.24)

इत्येतत्कथितं देवि भुक्तिमुक्तिफलप्रदम् । किमन्यत्पृच्छ्यते तत्त्वं वद सत्यं ब्रवीमि ते

ityetatkathitaṁ devi bhuktimuktiphalapradam kimanyatpṛcchyate tattvaṁ vada satyaṁ bravīmi te

हे देवि! इस प्रकार यह बताया गया, जो भुक्ति और मुक्ति दोनों का फल देने वाला है। अब और कौन-सा तत्त्व पूछना चाहती हो? कहो — मैं तुम्हें सत्य बताऊँगा।

श्लोक 25 (shiva.uma.28.25)

सूत उवाच । इति श्रुत्वा ब्रह्मपुत्रवचनं परमार्थदम् । प्रसन्नोऽभूदति व्यासः पाराशर्यो मुनीश्वराः

sūta uvāca iti śrutvā brahmaputravacanaṁ paramārthadam prasanno'bhūdati vyāsaḥ pārāśaryo munīśvarāḥ

सूत जी ने कहा — ब्रह्मा के पुत्र (सनत्कुमार) के परमार्थदायी वचन सुनकर, हे मुनीश्वरो, पराशर-पुत्र व्यास अत्यन्त प्रसन्न हुए।

श्लोक 26 (shiva.uma.28.26)

सनत्कुमारं सर्वज्ञं ब्रह्मपुत्रं कृपानिधिम् । व्यासः परमसन्तुष्टः प्रणनाम मुहुर्मुहुः

sanatkumāraṁ sarvajñaṁ brahmaputraṁ kṛpānidhim vyāsaḥ paramasantuṣṭaḥ praṇanāma muhurmuhuḥ

परम सन्तुष्ट होकर व्यास जी ने सर्वज्ञ, कृपा के भण्डार, ब्रह्मपुत्र सनत्कुमार को बार-बार प्रणाम किया।

श्लोक 27 (shiva.uma.28.27)

ततस्तुष्टाव तं व्यासः कालेयः स मुनीश्वरः । सनत्कुमारं मुनयः सुरविज्ञानसागरम्

tatastuṣṭāva taṁ vyāsaḥ kāleyaḥ sa munīśvaraḥ sanatkumāraṁ munayaḥ suravijñānasāgaram

तत्पश्चात् व्यास जी — वे मुनीश्वर, तथा वहाँ उपस्थित मुनिगण — ने देव-विज्ञान के सागर सनत्कुमार की स्तुति की।

श्लोक 28 (shiva.uma.28.28)

व्यास उवाच । कृतार्थोऽहं मुनिश्रेष्ठ ब्रह्मत्वं मे त्वया कृतम् । नमस्तेऽस्तु नमस्तेऽस्तु धन्यस्त्वं ब्रह्मवित्तमः

vyāsa uvāca kṛtārtho'haṁ muniśreṣṭha brahmatvaṁ me tvayā kṛtam namaste'stu namaste'stu dhanyastvaṁ brahmavittamaḥ

व्यास जी ने कहा — हे मुनिश्रेष्ठ! मैं कृतार्थ हो गया, आपने मुझे ब्रह्मत्व (ब्रह्म-ज्ञान की सिद्धि) प्रदान की। आपको बार-बार नमस्कार है; आप धन्य हैं, ब्रह्मज्ञानियों में श्रेष्ठ हैं।

श्लोक 29 (shiva.uma.28.29)

सूत उवाच । इति स्तुत्वा स कालेयो ब्रह्मपुत्रं महामुनिम् । तूष्णीं बभूव सुप्रीतः परमानन्दनिर्भरः

sūta uvāca iti stutvā sa kāleyo brahmaputraṁ mahāmunim tūṣṇīṁ babhūva suprītaḥ paramānandanirbharaḥ

सूत जी ने कहा — इस प्रकार ब्रह्मपुत्र महामुनि की स्तुति करके वह कालेय (व्यास) अत्यन्त प्रसन्न होकर, परमानन्द से परिपूर्ण होकर मौन हो गए।

श्लोक 30 (shiva.uma.28.30)

ब्रह्मपुत्रस्तमामन्त्र्य पूजितस्तेन शौनकः । ययौ स्वधाम सुप्रीतो व्यासोऽपि प्रीतमानसः

brahmaputrastamāmantrya pūjitastena śaunakaḥ yayau svadhāma suprīto vyāso'pi prītamānasaḥ

ब्रह्मपुत्र सनत्कुमार, विदा लेकर तथा व्यास जी द्वारा पूजित होकर — हे शौनक! — प्रसन्नतापूर्वक अपने धाम को चले गए; और व्यास जी भी प्रसन्नचित्त हुए।

श्लोक 31 (shiva.uma.28.31)

इति मे वर्णितो विप्राः सुखदः परमार्थयुक् । सनत्कुमारकालेयसंवादो ज्ञानवर्धनः

iti me varṇito viprāḥ sukhadaḥ paramārthayuk sanatkumārakāleyasaṁvādo jñānavardhanaḥ

हे विप्रो! इस प्रकार मैंने सनत्कुमार और कालेय (व्यास) के इस संवाद का वर्णन किया, जो सुखदायी, परमार्थयुक्त तथा ज्ञानवर्धक है।