मनु-वंश

श्लोक 1 (shiva.uma.37.1)

सूत उवाच । पूर्वतस्तु मनोर्जज्ञे इक्ष्वाकुर्घ्राणतः सुतः । तस्य पुत्रशतं त्वासीदिक्ष्वाकोर्भूरिदक्षिणम्

sūta uvāca pūrvatastu manorjajñe ikṣvākurghrāṇataḥ sutaḥ tasya putraśataṁ tvāsīdikṣvākorbhūridakṣiṇam

सूत जी ने कहा — पूर्वकाल में मनु के नासिका से इक्ष्वाकु नामक पुत्र उत्पन्न हुआ; इक्ष्वाकु के सौ पुत्र हुए, जो प्रचुर दक्षिणा वाले यज्ञों से सम्पन्न थे।

श्लोक 2 (shiva.uma.37.2)

तेषां पुरस्तादभवन्नार्यावर्ते नृपा द्विजाः । तेषां विकुक्षिर्ज्येष्ठस्तु सोऽयोध्यायां नृपोऽभवत्

teṣāṁ purastādabhavannāryāvarte nṛpā dvijāḥ teṣāṁ vikukṣirjyeṣṭhastu so'yodhyāyāṁ nṛpo'bhavat

उनमें से आर्यावर्त में राजा और ब्राह्मण हुए; उनमें विकुक्षि ज्येष्ठ था, और वह अयोध्या में राजा हुआ।

श्लोक 3 (shiva.uma.37.3)

तत्कर्म शृणु तत्प्रीत्या यज्जातं वंशतो विधेः । श्राद्धकर्मणि चोद्दिष्टो ह्यकृते श्राद्धकर्मणि

tatkarma śaṛṇu tatprītyā yajjātaṁ vaṁśato vidheḥ śrāddhakarmaṇi coddiṣṭo hyakṛte śrāddhakarmaṇi

प्रसन्नतापूर्वक उस घटना को सुनिए, जो विधि के अनुसार वंश में हुई; वह श्राद्ध-कर्म के लिए नियुक्त हुआ था, किन्तु श्राद्ध-कर्म बिना किए ही —

श्लोक 4 (shiva.uma.37.4)

भक्षयित्वा शशं शीघ्रं शशादत्वमतो गतः । इक्ष्वाकुणा परित्यक्तः शशादो वनमाविशत्

bhakṣayitvā śaśaṁ śīghraṁ śaśādatvamato gataḥ ikṣvākuṇā parityaktaḥ śaśādo vanamāviśat

— शीघ्रता से एक खरगोश खा लेने के कारण वह 'शशाद' कहलाया; इक्ष्वाकु द्वारा त्याग दिया जाने पर शशाद वन में चला गया।

श्लोक 5 (shiva.uma.37.5)

इक्ष्वाकौ संस्थिते राजा वसिष्ठवचनादभूत् । शकुनिप्रमुखास्तस्य पुत्राः पञ्चदश स्मृताः

ikṣvākau saṁsthite rājā vasiṣṭhavacanādabhūt śakunipramukhāstasya putrāḥ pañcadaśa smṛtāḥ

इक्ष्वाकु के दिवंगत होने पर, वसिष्ठ के वचन से वही राजा हुआ; उसके शकुनि आदि पन्द्रह पुत्र स्मरण किए गए हैं।

श्लोक 6 (shiva.uma.37.6)

उत्तरापथदेशस्य रक्षितारो महीक्षितः । अयोधस्य तु दायादः ककुत्स्थो नाम वीर्यवान्

uttarāpathadeśasya rakṣitāro mahīkṣitaḥ ayodhasya tu dāyādaḥ kakutstho nāma vīryavān

वे उत्तरापथ देश के रक्षक राजा हुए। अयोध का उत्तराधिकारी वीर्यवान् ककुत्स्थ नामक हुआ।

श्लोक 7 (shiva.uma.37.7)

अरिनाभः ककुत्स्थस्य पृथुरेतस्य वै सुतः । विष्टराश्वः पृथोः पुत्रस्तस्मादिन्द्रः प्रजापतिः

arinābhaḥ kakutsthasya pṛthuretasya vai sutaḥ viṣṭarāśvaḥ pṛthoḥ putrastasmādindraḥ prajāpatiḥ

ककुत्स्थ का पुत्र अरिनाभ हुआ; उसका पुत्र पृथु हुआ; पृथु का पुत्र विष्टराश्व हुआ; उससे प्रजापति इन्द्र नामक राजा हुआ।

श्लोक 8 (shiva.uma.37.8)

इन्द्रस्य युवनाश्वस्तु श्रावस्तस्य प्रजापतिः । जज्ञे श्रावस्तकः प्राज्ञः श्रावस्ती येन निर्मिता । श्रावस्तस्य तु दायादो बृहदश्वो महायशाः

indrasya yuvanāśvastu śrāvastasya prajāpatiḥ jajñe śrāvastakaḥ prājñaḥ śrāvastī yena nirmitā śrāvastasya tu dāyādo bṛhadaśvo mahāyaśāḥ

इन्द्र का पुत्र युवनाश्व हुआ; प्रजापति युवनाश्व से प्राज्ञ श्रावस्त उत्पन्न हुआ, जिसने श्रावस्ती नगरी बसाई। श्रावस्त का उत्तराधिकारी महायशस्वी बृहदश्व हुआ।

श्लोक 9 (shiva.uma.37.9)

युवनाश्वः सुतस्तस्य कुवलाश्वश्च तत्सुतः । स हि धुन्धुवधाद्भूतो धुन्धुमारो नृपोत्तमः

yuvanāśvaḥ sutastasya kuvalāśvaśca tatsutaḥ sa hi dhundhuvadhādbhūto dhundhumāro nṛpottamaḥ

उसका पुत्र युवनाश्व (द्वितीय) हुआ, और उसका पुत्र कुवलाश्व हुआ; उसने ही धुन्धु का वध कर, राजाओं में श्रेष्ठ धुन्धुमार नाम प्राप्त किया।

श्लोक 10 (shiva.uma.37.10)

कुवलाश्वस्य पुत्राणां शतमुत्तमधन्विनाम् । बभूवाथ पिता राज्ये कुवलाश्वं न्ययोजयत्

kuvalāśvasya putrāṇāṁ śatamuttamadhanvinām babhūvātha pitā rājye kuvalāśvaṁ nyayojayat

कुवलाश्व के सौ पुत्र हुए, जो उत्तम धनुर्धर थे; तब उसके पिता ने कुवलाश्व को राज्य पर नियुक्त किया।

श्लोक 11 (shiva.uma.37.11)

पुत्रसङ्क्रामितश्रीको वनं राजा समाविशत् । तमुत्तङ्कोऽथ राजर्षिः प्रयान्तं प्रत्यवारयत्

putrasaṅkrāmitaśrīko vanaṁ rājā samāviśat tamuttaṅko'tha rājarṣiḥ prayāntaṁ pratyavārayat

राजा (युवनाश्व द्वितीय), अपना ऐश्वर्य पुत्र को सौंपकर वन में प्रवेश करने को उद्यत हुआ; तब राजर्षि उत्तंक ने प्रस्थान करते हुए उसे रोक दिया।

श्लोक 12 (shiva.uma.37.12)

उत्तङ्क उवाच । भवता रक्षणं कार्यं पृथिव्या धर्मतः शृणु । त्वया हि पृथिवी राजन् रक्ष्यमाणा महात्मना

uttaṅka uvāca bhavatā rakṣaṇaṁ kāryaṁ pṛthivyā dharmataḥ śaṛṇu tvayā hi pṛthivī rājan rakṣyamāṇā mahātmanā

उत्तंक ने कहा — 'तुम्हें धर्मानुसार पृथ्वी की रक्षा करनी चाहिए, सुनो। हे राजन्, तुम जैसे महात्मा द्वारा रक्षित यह पृथ्वी—'

श्लोक 13 (shiva.uma.37.13)

भविष्यति निरुद्विग्ना नारण्यं गन्तुमर्हसि । ममाश्रमसमीपे तु समेषु मरुधन्वसु

bhaviṣyati nirudvignā nāraṇyaṁ gantumarhasi mamāśramasamīpe tu sameṣu marudhanvasu

'—निश्चिंत रहेगी; तुम्हें वन में नहीं जाना चाहिए। मेरे आश्रम के समीप, समतल मरुभूमि में—'

श्लोक 14 (shiva.uma.37.14)

समुद्रवालुकापूर्णे दानवो बलदर्पितः । देवतानामवध्यो हि महाकायो महाबलः

samudravālukāpūrṇe dānavo baladarpitaḥ devatānāmavadhyo hi mahākāyo mahābalaḥ

'—जो समुद्र की बालू से भरी है, वहाँ एक दानव है, बल से उन्मत्त, देवताओं के लिए भी अवध्य, विशालकाय और महाबली—'

श्लोक 15 (shiva.uma.37.15)

अन्तर्भूमिगतस्तत्र वालुकान्तर्हितः स्थितः । राक्षसस्य मधोः पुत्रो धुन्धुनामा सुदारुणः

antarbhūmigatastatra vālukāntarhitaḥ sthitaḥ rākṣasasya madhoḥ putro dhundhunāmā sudāruṇaḥ

'—वह पृथ्वी के भीतर, बालू में छिपा हुआ स्थित है — राक्षस मधु का पुत्र, अत्यंत भयंकर धुन्धु नामक।'

श्लोक 16 (shiva.uma.37.16)

शेते लोकविनाशाय तप आस्थाय दारुणम् । संवत्सरस्य पर्यन्ते स निश्वासं विमुञ्चति

śete lokavināśāya tapa āsthāya dāruṇam saṁvatsarasya paryante sa niśvāsaṁ vimuñcati

'वह लोक-विनाश के लिए घोर तप करते हुए वहाँ सोया रहता है; प्रत्येक वर्ष के अन्त में वह एक श्वास छोड़ता है—'

श्लोक 17 (shiva.uma.37.17)

यदा तदा भूश्चलति सशैलवनकानना । सविस्फुलिङ्गं साङ्गारं सधूममतिदारुणम्

yadā tadā bhūścalati saśailavanakānanā savisphuliṅgaṁ sāṅgāraṁ sadhūmamatidāruṇam

'—जब भी वह ऐसा करता है, पर्वत और वन सहित पृथ्वी काँप उठती है; वह श्वास चिंगारियों, अंगारों और धुएँ से युक्त, अत्यंत भयंकर होता है।'

श्लोक 18 (shiva.uma.37.18)

तेन रायन्न शक्नोमि तस्मिन्न् स्थातुं स्व आश्रमे । तं मारय महाबाहो लोकानां हितकाम्यया

tena rāyanna śaknomi tasminn sthātuṁ sva āśrame taṁ māraya mahābāho lokānāṁ hitakāmyayā

'हे राजन्, उसके कारण मैं अपने ही आश्रम में नहीं रह पा रहा हूँ। हे महाबाहो, लोकों के हित की कामना से उसे मार डालो।'

श्लोक 19 (shiva.uma.37.19)

लोकाः स्वस्था भवन्त्वद्य तस्मिन् विनिहते त्वया । त्वं हि तस्य वधायैव समर्थः पृथिवीपते

lokāḥ svasthā bhavantvadya tasmin vinihate tvayā tvaṁ hi tasya vadhāyaiva samarthaḥ pṛthivīpate

'उसके तुम्हारे द्वारा मारे जाने पर आज लोक शांत हो जाएँ। हे पृथ्वीपते, तुम ही उसके वध में समर्थ हो।'

श्लोक 20 (shiva.uma.37.20)

विष्णुना च वरो दत्तो मह्य पूर्वयुगेऽनघ । तेजसा स्वेन ते विष्णुस्तेज आप्याययिष्यति

viṣṇunā ca varo datto mahya pūrvayuge'nagha tejasā svena te viṣṇusteja āpyāyayiṣyati

'और, हे निष्पाप, पूर्वयुग में विष्णु द्वारा मुझे यह वरदान दिया गया था कि विष्णु अपने तेज से तुम्हारे तेज को बढ़ाएँगे।'

श्लोक 21 (shiva.uma.37.21)

पालने हि महान् धर्मः प्रजानामिह दृश्यते । न तथा दृश्यतेऽरण्ये मा तेऽभूद् बुद्धिरीदृशी

pālane hi mahān dharmaḥ prajānāmiha dṛśyate na tathā dṛśyate'raṇye mā te'bhūd buddhirīdṛśī

'क्योंकि प्रजा के पालन में यहाँ महान् धर्म दिखाई देता है; वन में वैसा नहीं दिखता। तुम्हारी ऐसी बुद्धि न हो।'

श्लोक 22 (shiva.uma.37.22)

ईदृशो न हि राजेन्द्र क्वचिद्धर्मः प्रविद्यते । प्रजानां पालने यादृक् पुरा राजर्षिभिः कृतः

īdṛśo na hi rājendra kvaciddharmaḥ pravidyate prajānāṁ pālane yādṛk purā rājarṣibhiḥ kṛtaḥ

'हे राजेन्द्र, प्रजा के पालन जैसा धर्म कहीं भी नहीं है, जैसा प्राचीन राजर्षियों द्वारा किया गया था।'

श्लोक 23 (shiva.uma.37.23)

स एवमुक्तो राजर्षिरुत्तङ्केन महात्मना । कुवलाश्वं सुतं प्रादात्तस्मै धुन्धुनिवारणे

sa evamukto rājarṣiruttaṅkena mahātmanā kuvalāśvaṁ sutaṁ prādāttasmai dhundhunivāraṇe

इस प्रकार महात्मा उत्तंक द्वारा कहे जाने पर, उस राजर्षि ने धुन्धु के निवारण हेतु अपने पुत्र कुवलाश्व को उन्हें सौंप दिया।

श्लोक 24 (shiva.uma.37.24)

भगवन्न्यस्तशस्त्रोऽहमयं तु तनयो मम । भविष्यति द्विजश्रेष्ठ धुन्धुमारो न संशयः

bhagavannyastaśastro'hamayaṁ tu tanayo mama bhaviṣyati dvijaśreṣṭha dhundhumāro na saṁśayaḥ

'हे भगवन्, मैंने शस्त्र त्याग दिए हैं; किन्तु हे द्विजश्रेष्ठ, मेरा यह पुत्र निःसंदेह धुन्धुमार होगा।'

श्लोक 25 (shiva.uma.37.25)

इत्युक्त्वा पुत्रमादिश्य ययौ स तपसे नृपः । कुवलाश्वश्च सोत्तङ्को ययौ धुन्धुविनिग्रहे

ityuktvā putramādiśya yayau sa tapase nṛpaḥ kuvalāśvaśca sottaṅko yayau dhundhuvinigrahe

यह कहकर पुत्र को आदेश देकर वह राजा तपस्या के लिए चला गया; और कुवलाश्व उत्तंक के साथ धुन्धु के दमन हेतु चल पड़ा।

श्लोक 26 (shiva.uma.37.26)

तमाविशत्तदा विष्णुर्भगवांस्तेजसा प्रभुः । उत्तङ्कस्य नियोगाद्वै लोकानां हितकाम्यया

tamāviśattadā viṣṇurbhagavāṁstejasā prabhuḥ uttaṅkasya niyogādvai lokānāṁ hitakāmyayā

तब भगवान् विष्णु ने उत्तंक की आज्ञा से, लोक-कल्याण की कामना से, अपने तेज द्वारा उसमें प्रवेश किया।

श्लोक 27 (shiva.uma.37.27)

तस्मिन्प्रयाते दुर्धर्षे दिवि शब्दो महानभूत् । एष श्रीमान्नृपसुतो धुन्धुमारो भविष्यति

tasminprayāte durdharṣe divi śabdo mahānabhūt eṣa śrīmānnṛpasuto dhundhumāro bhaviṣyati

उस दुर्धर्ष के प्रस्थान करने पर आकाश में एक महान् शब्द हुआ — 'यह श्रीमान् राजपुत्र धुन्धुमार होगा।'

श्लोक 28 (shiva.uma.37.28)

दिव्यैर्माल्यैश्च तं देवाः समन्तात्समवारयन् । प्रशंसां चक्रिरे तस्य जय जीवेति वादिनः

divyairmālyaiśca taṁ devāḥ samantātsamavārayan praśaṁsāṁ cakrire tasya jaya jīveti vādinaḥ

देवताओं ने सब ओर से दिव्य मालाओं से उसका अभिनन्दन किया, और 'जय हो! जीवित रहो!' कहते हुए उसकी प्रशंसा की।

श्लोक 29 (shiva.uma.37.29)

स गत्वा जयतां श्रेष्ठस्तनयैः सह पार्थिवः । समुद्रं खनयामास वालुकार्णवमध्यतः

sa gatvā jayatāṁ śreṣṭhastanayaiḥ saha pārthivaḥ samudraṁ khanayāmāsa vālukārṇavamadhyataḥ

वह विजयियों में श्रेष्ठ राजा अपने पुत्रों सहित वहाँ जाकर, उस बालू के समुद्र को बीच से खुदवाने लगा।

श्लोक 30 (shiva.uma.37.30)

नारायणस्य विप्रर्षेस्तेजसाप्यायितस्तु सः । बभूव सुमहातेजा भूयो बलसमन्वितः

nārāyaṇasya viprarṣestejasāpyāyitastu saḥ babhūva sumahātejā bhūyo balasamanvitaḥ

हे विप्रर्षे, नारायण के तेज से पूरित होकर वह अत्यंत महातेजस्वी और अधिक बलशाली हो गया।

श्लोक 31 (shiva.uma.37.31)

तस्य पुत्रैः खनद्भिस्तु वालुकान्तर्गतस्तु सः । धुन्धुरासादितो ब्रह्मन् दिशमाश्रित्य पश्चि माम्

tasya putraiḥ khanadbhistu vālukāntargatastu saḥ dhundhurāsādito brahman diśamāśritya paści mām

उसके पुत्रों द्वारा खोदे जाने पर, बालू में स्थित वह धुन्धु, हे ब्रह्मन्, पश्चिम दिशा का आश्रय लिए हुए पाया गया।

श्लोक 32 (shiva.uma.37.32)

मुखजेनाग्निना क्रोधाल्लोकान् संवर्तयन्निव । वारि सुस्राव वेगेन विधोः कधिरिवोदये

mukhajenāgninā krodhāllokān saṁvartayanniva vāri susrāva vegena vidhoḥ kadhirivodaye

अपने मुख से उत्पन्न अग्नि से, क्रोधवश मानो लोकों का प्रलय करते हुए, उसने वेग से जल बहाया, मानो चन्द्रोदय के समय ज्वार उमड़ पड़ा हो।

श्लोक 33 (shiva.uma.37.33)

ततोऽनलैरभिहतं दग्धं पुत्रशतं हि तत् । त्रय एवावशिष्टाश्च तेषु मध्ये मुनीश्वर

tato'nalairabhihataṁ dagdhaṁ putraśataṁ hi tat traya evāvaśiṣṭāśca teṣu madhye munīśvara

तब उन अग्नि-ज्वालाओं से आहत और दग्ध होकर वे सौ पुत्र नष्ट हो गए; हे मुनीश्वर, उनमें से केवल तीन ही शेष रहे।

श्लोक 34 (shiva.uma.37.34)

ततः स राजा विप्रेन्द्र राक्षसं तं महाबलम् । आससाद महातेजा धुन्धुं विप्रविनाशनम्

tataḥ sa rājā viprendra rākṣasaṁ taṁ mahābalam āsasāda mahātejā dhundhuṁ vipravināśanam

तब हे विप्रेन्द्र, वह महातेजस्वी राजा, ब्राह्मणों के विनाशक उस महाबली राक्षस धुन्धु के सम्मुख आया।

श्लोक 35 (shiva.uma.37.35)

तस्य वारिमयं वेगमापीय स नराधिपः । वह्निबाणेन वह्निं तु शमयामास वारिणा

tasya vārimayaṁ vegamāpīya sa narādhipaḥ vahnibāṇena vahniṁ tu śamayāmāsa vāriṇā

उस नरेश ने उसके जलमय वेग को सोखकर, अग्नि को अग्नि-बाण से तथा जल से शान्त कर दिया।

श्लोक 36 (shiva.uma.37.36)

तं निहत्य महाकायं बलेनोदकराक्षसम् । उत्तङ्कस्येक्षयामास कृतं कर्म नराधिपः

taṁ nihatya mahākāyaṁ balenodakarākṣasam uttaṅkasyekṣayāmāsa kṛtaṁ karma narādhipaḥ

उस विशालकाय जल-राक्षस को अपने बल से मारकर, राजा ने उत्तंक को अपना किया हुआ कार्य दिखाया।

श्लोक 37 (shiva.uma.37.37)

उत्तङ्कस्तु वरं प्रादात्तस्मै राज्ञे महामुने । अददच्चाक्षयं वित्तं शत्रुभिश्चापराजयम्

uttaṅkastu varaṁ prādāttasmai rājñe mahāmune adadaccākṣayaṁ vittaṁ śatrubhiścāparājayam

हे महामुने, तब उत्तंक ने उस राजा को वरदान दिया; उन्होंने अक्षय धन तथा शत्रुओं से अपराजेयता प्रदान की।

श्लोक 38 (shiva.uma.37.38)

धर्मे मतिं च सततं स्वर्गे वासं तथाक्षयम् । पुत्राणां चाक्षयं लोकं रक्षसा ये तु संहताः

dharme matiṁ ca satataṁ svarge vāsaṁ tathākṣayam putrāṇāṁ cākṣayaṁ lokaṁ rakṣasā ye tu saṁhatāḥ

[उन्होंने] धर्म में निरन्तर बुद्धि, तथा स्वर्ग में अक्षय निवास भी दिया; और जो पुत्र राक्षस द्वारा मारे गए थे, उनके लिए अक्षय लोक भी दिया।

श्लोक 39 (shiva.uma.37.39)

तस्य पुत्रास्त्रयः शिष्टाः दृढाश्वः श्रेष्ठ उच्यते । हंसाश्वकपिलाश्वौ च कुमारौ तत्कनीयसौ

tasya putrāstrayaḥ śiṣṭāḥ dṛḍhāśvaḥ śreṣṭha ucyate haṁsāśvakapilāśvau ca kumārau tatkanīyasau

उसके तीन शेष पुत्र थे — दृढाश्व ज्येष्ठ कहलाया; हंसाश्व और कपिलाश्व दो छोटे राजकुमार थे।

श्लोक 40 (shiva.uma.37.40)

धौन्धुमारिर्दृढाश्वो यो हर्यश्वस्तस्य चात्मजः । हर्यश्वस्य निकुम्भोऽभूत्पुत्रो धर्मरतः सदा

dhaundhumārirdṛḍhāśvo yo haryaśvastasya cātmajaḥ haryaśvasya nikumbho'bhūtputro dharmarataḥ sadā

धुन्धुमार-पुत्र दृढाश्व का पुत्र हर्यश्व हुआ; हर्यश्व का पुत्र निकुम्भ हुआ, जो सदा धर्मपरायण था।

श्लोक 41 (shiva.uma.37.41)

संहताश्वो निकुम्भस्य पुत्रो रणविशारदः । अक्षाश्वश्च कृताश्वश्च संहताश्वसुतौ द्विजाः

saṁhatāśvo nikumbhasya putro raṇaviśāradaḥ akṣāśvaśca kṛtāśvaśca saṁhatāśvasutau dvijāḥ

निकुम्भ का पुत्र समहताश्व रणकुशल हुआ; हे द्विजो, अक्षाश्व और कृताश्व समहताश्व के दो पुत्र थे।

श्लोक 42 (shiva.uma.37.42)

तस्य हैमवती भार्या सतां मान्या दृषद्वती । विख्याता त्रिषु लोकेषु पुत्रस्तस्याः प्रसेनजित्

tasya haimavatī bhāryā satāṁ mānyā dṛṣadvatī vikhyātā triṣu lokeṣu putrastasyāḥ prasenajit

उसकी पत्नी हिमवान् की पुत्री दृषद्वती थी, जो सज्जनों द्वारा सम्मानित और तीनों लोकों में विख्यात थी; उसका पुत्र प्रसेनजित् हुआ।

श्लोक 43 (shiva.uma.37.43)

लेभे प्रसेनजिद्भार्यां गौरीं नाम पतिव्रताम् । अभिशप्ता तु सा भर्त्रा नदी सा बाहुदा कृता

lebhe prasenajidbhāryāṁ gaurīṁ nāma pativratām abhiśaptā tu sā bhartrā nadī sā bāhudā kṛtā

प्रसेनजित् ने गौरी नामक पतिव्रता पत्नी प्राप्त की; अपने पति द्वारा शापित होकर वह बाहुदा नामक नदी बन गई।

श्लोक 44 (shiva.uma.37.44)

तस्य पुत्रो महानासीद्युवनाश्वो महीपतिः । मान्धाता युवनाश्वस्य त्रिषु लोकेषु विश्रुतः

tasya putro mahānāsīdyuvanāśvo mahīpatiḥ māndhātā yuvanāśvasya triṣu lokeṣu viśrutaḥ

उसका महान् पुत्र महीपति युवनाश्व हुआ; युवनाश्व का पुत्र, तीनों लोकों में विख्यात, मान्धाता हुआ।

श्लोक 45 (shiva.uma.37.45)

तस्य चैत्ररथी भार्या शशबिन्दुसुताऽभवत् । पतिव्रता च ज्येष्ठा च भ्रातॄणामयुतस्य सा

tasya caitrarathī bhāryā śaśabindusutā'bhavat pativratā ca jyeṣṭhā ca bhrātṝṇāmayutasya sā

उसकी पत्नी चैत्ररथी, शशबिन्दु की पुत्री थी, जो पतिव्रता और दस हजार भाइयों में ज्येष्ठा थी।

श्लोक 46 (shiva.uma.37.46)

तस्यामुत्पादयामास मान्धाता द्वौ सुतौ तदा । पुरुकुत्सं च धर्मज्ञं मुचुकुन्दं च धार्मिकम्

tasyāmutpādayāmāsa māndhātā dvau sutau tadā purukutsaṁ ca dharmajñaṁ mucukundaṁ ca dhārmikam

उससे मान्धाता ने तब दो पुत्र उत्पन्न किए — धर्मज्ञ पुरुकुत्स तथा धार्मिक मुचुकुन्द।

श्लोक 47 (shiva.uma.37.47)

पुरुकुत्ससुतस्त्वासीद्विद्वांस्त्रय्यारुणिः कविः । तस्य सत्यव्रतो नाम कुमारोऽभून्महाबली

purukutsasutastvāsīdvidvāṁstrayyāruṇiḥ kaviḥ tasya satyavrato nāma kumāro'bhūnmahābalī

पुरुकुत्स का पुत्र विद्वान् कवि त्रय्यारुणि हुआ; उसका पुत्र महाबली राजकुमार सत्यव्रत नाम से हुआ।

श्लोक 48 (shiva.uma.37.48)

पाणिग्रहणमन्त्राणां विघ्रं चक्रे महात्मभिः । येन भार्या हृता पूर्वं कृतोद्वाहः परस्य वै

pāṇigrahaṇamantrāṇāṁ vighraṁ cakre mahātmabhiḥ yena bhāryā hṛtā pūrvaṁ kṛtodvāhaḥ parasya vai

महात्माओं द्वारा किए जा रहे पाणिग्रहण-मन्त्रों में उसने विघ्न डाला, क्योंकि उसने पहले ही किसी दूसरे की विवाहित पत्नी का हरण कर लिया था।

श्लोक 49 (shiva.uma.37.49)

बलात्कामाच्च मोहाच्च संहर्षाच्च यदोत्कटात् । जहार कन्यां कामाच्च कस्यचित्पुरवासिनः

balātkāmācca mohācca saṁharṣācca yadotkaṭāt jahāra kanyāṁ kāmācca kasyacitpuravāsinaḥ

बलपूर्वक, काम, मोह तथा उत्कट उत्तेजना के वशीभूत होकर, कामवश उसने किसी नगरवासी की कन्या का हरण कर लिया।

श्लोक 50 (shiva.uma.37.50)

अधर्मसङ्गिनं तं तु राजा त्रय्यारुणिस्त्यजन् । अपध्वंसेति बहुशोऽवदत्क्रोधसमन्वितः

adharmasaṅginaṁ taṁ tu rājā trayyāruṇistyajan apadhvaṁseti bahuśo'vadatkrodhasamanvitaḥ

उस अधर्म में लिप्त पुत्र को राजा त्रय्यारुणि ने त्याग दिया, और क्रोधित होकर उसे बार-बार 'अपध्वंस' (पतित) कहा।

श्लोक 51 (shiva.uma.37.51)

पितरं सोऽब्रवीन्द् दुष्टः क्व गच्छामीति वै तदा । वस श्वपाकनिकटे राजा प्राहेति तं तदा

pitaraṁ so'bravīnd duṣṭaḥ kva gacchāmīti vai tadā vasa śvapākanikaṭe rājā prāheti taṁ tadā

उस 'दुष्ट' ने तब पिता से कहा — 'मैं कहाँ जाऊँ?' तब राजा ने उससे कहा — 'चाण्डालों के समीप निवास करो।'

श्लोक 52 (shiva.uma.37.52)

स हि सत्यव्रतस्तेन श्वपाकवसथान्तिके । पित्रा त्यक्तोऽवसद्वीरो धर्मपालेन भूभुजा

sa hi satyavratastena śvapākavasathāntike pitrā tyakto'vasadvīro dharmapālena bhūbhujā

वह वीर सत्यव्रत, धर्मपालक राजा पिता द्वारा त्याग दिया जाने पर, चाण्डालों के निवास के समीप रहने लगा।

श्लोक 53 (shiva.uma.37.53)

ततस्त्रय्यारुणी राजा विरक्तः पुत्रकर्मणा । स शङ्करतपः कर्तुं सर्वं त्यक्त्वा वनं ययौ

tatastrayyāruṇī rājā viraktaḥ putrakarmaṇā sa śaṅkaratapaḥ kartuṁ sarvaṁ tyaktvā vanaṁ yayau

तब राजा त्रय्यारुणि, पुत्र के आचरण से विरक्त होकर, सब कुछ त्यागकर शंकर जी की तपस्या करने वन में चला गया।

श्लोक 54 (shiva.uma.37.54)

ततस्तस्य स्वविषये नावर्षत्पाकशासनः । समा द्वादश विप्रर्षे तेनाधर्मेण वै तदा

tatastasya svaviṣaye nāvarṣatpākaśāsanaḥ samā dvādaśa viprarṣe tenādharmeṇa vai tadā

हे विप्रर्षे, तब उस अधर्म के कारण इन्द्र ने उसके राज्य में बारह वर्षों तक वर्षा नहीं की।

श्लोक 55 (shiva.uma.37.55)

दारांस्तस्य तु विषये विश्वामित्रो महातपाः । सन्त्यज्य सागरानूपे चचार विपुलं तपः

dārāṁstasya tu viṣaye viśvāmitro mahātapāḥ santyajya sāgarānūpe cacāra vipulaṁ tapaḥ

उसके राज्य में महातपस्वी विश्वामित्र अपनी पत्नी को छोड़कर, समुद्र-तटीय दलदली भूमि में विशाल तपस्या करने लगे।

श्लोक 56 (shiva.uma.37.56)

तस्य पत्नी गले बद्ध्वा मध्यमं पुत्रमौरसम् । शेषस्य भरणार्थाय व्यक्रीणाद्गोशतेन च

tasya patnī gale baddhvā madhyamaṁ putramaurasam śeṣasya bharaṇārthāya vyakrīṇādgośatena ca

उसकी पत्नी ने अपने बीच के औरस पुत्र के गले में रस्सी बाँधकर, शेष सन्तानों के भरण-पोषण के लिए, उसे सौ गौओं के बदले बेच दिया।

श्लोक 57 (shiva.uma.37.57)

तां तु दृष्ट्वा गले बद्धं विक्रीणन्तीं स्वमात्मजम् । महर्षिपुत्रं धर्मात्मा मोचयामास तं तदा

tāṁ tu dṛṣṭvā gale baddhaṁ vikrīṇantīṁ svamātmajam maharṣiputraṁ dharmātmā mocayāmāsa taṁ tadā

उसे अपने ही पुत्र, महर्षि-पुत्र, गले में बँधे हुए को बेचते देखकर, उस धर्मात्मा (सत्यव्रत) ने तब उसे मुक्त करा दिया।

श्लोक 58 (shiva.uma.37.58)

सत्यव्रतो महाबाहुर्भरणं तस्य चाकरोत् । विश्वामित्रस्य तुष्ट्यर्थमनुक्रोशार्थमेव च

satyavrato mahābāhurbharaṇaṁ tasya cākarot viśvāmitrasya tuṣṭyarthamanukrośārthameva ca

महाबाहु सत्यव्रत ने विश्वामित्र को प्रसन्न करने तथा दयावश उस बालक के भरण-पोषण का भार अपने ऊपर ले लिया।

श्लोक 59 (shiva.uma.37.59)

तदारभ्य स पुत्रस्तु विश्वामित्रस्य वै मुनेः । अभवद्गालवो नाम गलबन्धान्महातपाः

tadārabhya sa putrastu viśvāmitrasya vai muneḥ abhavadgālavo nāma galabandhānmahātapāḥ

तभी से मुनि विश्वामित्र का वह पुत्र, गले में बंधन होने के कारण, गालव नाम से जाना गया — महान् तपस्वी।