धूम्रलोचन-चण्डमुण्ड-रक्तबीज-वध

श्लोक 1 (shiva.uma.47.1)

ऋषिरुवाच । आसीच्छुम्भासुरो दैत्यो निशुम्भश्च प्रतापवान् । त्रैलोक्यमोजसाक्रान्तं भ्रातृभ्यां सचराचरम्

ṛṣiruvāca āsīcchumbhāsuro daityo niśumbhaśca pratāpavān trailokyamojasākrāntaṁ bhrātṛbhyāṁ sacarācaram

ऋषि ने कहा — शुम्भ नामक एक दैत्य था, और उसका प्रतापी अनुज निशुम्भ था; उन दोनों भाइयों ने अपने तेज से चराचर-सहित तीनों लोकों को दबा लिया।

श्लोक 2 (shiva.uma.47.2)

ताभ्यां प्रपीडिता देवा हिमवन्तं समाययुः । जननीं सर्वभूतानां कामदात्रीं ववन्दिरे

tābhyāṁ prapīḍitā devā himavantaṁ samāyayuḥ jananīṁ sarvabhūtānāṁ kāmadātrīṁ vavandire

उन दोनों से पीड़ित देवगण हिमालय पर्वत पर गए और समस्त प्राणियों की जननी, इच्छाओं को पूर्ण करने वाली देवी को प्रणाम किया।

श्लोक 3 (shiva.uma.47.3)

देवा ऊचुः । जय दुर्गे महेशानि जयात्मीयजनप्रिये । त्रैलोक्यत्राणकारिण्यै शिवायै ते नमो नमः

devā ūcuḥ jaya durge maheśāni jayātmīyajanapriye trailokyatrāṇakāriṇyai śivāyai te namo namaḥ

देवताओं ने कहा — हे दुर्गे! हे महेश्वरी! तुम्हारी जय हो! हे अपने भक्तजनों की प्रिय! तीनों लोकों की रक्षा करने वाली, कल्याणकारिणी तुम्हें बार-बार नमस्कार है।

श्लोक 4 (shiva.uma.47.4)

नमो मुक्तिप्रदायिन्यै पराम्बायै नमो नमः । नमः समस्तसंसारोत्पत्तिस्थित्यन्तकारिके

namo muktipradāyinyai parāmbāyai namo namaḥ namaḥ samastasaṁsārotpattisthityantakārike

मुक्ति देने वाली परा माता को नमस्कार है, नमस्कार है; समस्त संसार की उत्पत्ति, स्थिति और अन्त करने वाली को नमस्कार है।

श्लोक 5 (shiva.uma.47.5)

कालिकारूपसम्पन्ने नमस्ताराकृते नमः । छिन्नमस्तास्वरूपायै श्रीविद्यायै नमोऽस्तु ते

kālikārūpasampanne namastārākṛte namaḥ chinnamastāsvarūpāyai śrīvidyāyai namo'stu te

कालिका-रूप में सम्पन्न तुम्हें नमस्कार है, तारा-स्वरूपा को नमस्कार है; छिन्नमस्ता-स्वरूपा, श्रीविद्या-स्वरूपा तुम्हें नमस्कार हो।

श्लोक 6 (shiva.uma.47.6)

भुवनेशि नमस्तुभ्यं नमस्ते भैरवाकृते । नमोऽस्तु बगलामुख्यै धूमावत्यै नमो नमः

bhuvaneśi namastubhyaṁ namaste bhairavākṛte namo'stu bagalāmukhyai dhūmāvatyai namo namaḥ

हे भुवनेशी! तुम्हें नमस्कार है, हे भैरव-रूपा! तुम्हें नमस्कार है; बगलामुखी को नमस्कार हो, धूमावती को नमस्कार है, नमस्कार है।

श्लोक 7 (shiva.uma.47.7)

नमस्त्रिपुरसुन्दर्य्यै मातङ्गयै ते नमो नमः । अजितायै नमस्तुभ्यं विजयायै नमो नमः

namastripurasundaryyai mātaṅgayai te namo namaḥ ajitāyai namastubhyaṁ vijayāyai namo namaḥ

त्रिपुरसुन्दरी को नमस्कार है, मातंगी को तुम्हें नमस्कार है, नमस्कार है; अजिता को नमस्कार है, विजया को नमस्कार है, नमस्कार है।

श्लोक 8 (shiva.uma.47.8)

जयायै मङ्गलायै ते विलासिन्यै नमो नमः । दोग्ध्रीरूपे नमस्तुभ्यं नमो घोराकृतेऽस्तु ते

jayāyai maṅgalāyai te vilāsinyai namo namaḥ dogdhrīrūpe namastubhyaṁ namo ghorākṛte'stu te

जया को, मंगला को, विलासिनी को तुम्हें नमस्कार है, नमस्कार है; धेनु-रूपा को तुम्हें नमस्कार है, और घोर-रूपा को भी तुम्हें नमस्कार हो।

श्लोक 9 (shiva.uma.47.9)

नमोऽपराजिताकारे नित्याकारे नमो नमः । शरणागतपालिन्यै रुद्राण्यै ते नमो नमः

namo'parājitākāre nityākāre namo namaḥ śaraṇāgatapālinyai rudrāṇyai te namo namaḥ

अपराजिता-रूपा को नमस्कार है, नित्या-रूपा को नमस्कार है, नमस्कार है; शरणागतों की रक्षा करने वाली रुद्राणी को तुम्हें नमस्कार है, नमस्कार है।

श्लोक 10 (shiva.uma.47.10)

नमो वेदान्तवेद्यायै नमस्ते परमात्मने । अनन्तकोटिब्रह्माण्डनायिकायै नमो नमः

namo vedāntavedyāyai namaste paramātmane anantakoṭibrahmāṇḍanāyikāyai namo namaḥ

वेदान्त द्वारा जानने योग्य तुम्हें नमस्कार है, हे परमात्मन्! तुम्हें नमस्कार है; अनन्त करोड़ ब्रह्माण्डों की स्वामिनी तुम्हें नमस्कार है, नमस्कार है।

श्लोक 11 (shiva.uma.47.11)

इति देवैः स्तुता गौरी प्रसन्ना वरदा शिवा । प्रोवाच त्रिदशान्सर्वान्युष्माभिः स्तूयतेऽत्र का

iti devaiḥ stutā gaurī prasannā varadā śivā provāca tridaśānsarvānyuṣmābhiḥ stūyate'tra kā

इस प्रकार देवताओं द्वारा स्तुति की गई प्रसन्न, वरदायिनी, कल्याणी गौरी ने समस्त देवताओं से कहा — "यहाँ तुम किसकी स्तुति कर रहे हो?"

श्लोक 12 (shiva.uma.47.12)

ततो गौरीतनोरेका प्रादुरासीत्कुमारिका । सोवाच मिषतां तेषां शिवशक्तिं परादरात्

tato gaurītanorekā prādurāsītkumārikā sovāca miṣatāṁ teṣāṁ śivaśaktiṁ parādarāt

तब गौरी के शरीर से एक कुमारिका प्रकट हुई; उन [देवताओं] के देखते-देखते ही उसने बड़े आदर से शिव की उस शक्ति से कहा —

श्लोक 13 (shiva.uma.47.13)

स्तोत्रं मे क्रियते मातः समस्तैः स्वर्गवासिभिः । निशुम्भशुम्भदैत्याभ्यां प्रबलाभ्यां प्रपीडितैः

stotraṁ me kriyate mātaḥ samastaiḥ svargavāsibhiḥ niśumbhaśumbhadaityābhyāṁ prabalābhyāṁ prapīḍitaiḥ

"हे माता! स्वर्गवासी समस्त देवताओं द्वारा, जो प्रबल निशुम्भ और शुम्भ दैत्यों से पीड़ित हैं, यह स्तुति मेरे लिए ही की जा रही है।"

श्लोक 14 (shiva.uma.47.14)

शरीरकोशाद्यत्तस्या निर्गता तेन कौशिकी । नाम्ना सा गीयते साक्षाच्छुम्भासुरनिबर्हिणी

śarīrakośādyattasyā nirgatā tena kauśikī nāmnā sā gīyate sākṣācchumbhāsuranibarhiṇī

उसके शरीर-कोश (देह-आवरण) से जो वह [कुमारिका] निकली, इसीलिए वह 'कौशिकी' नाम से गाई जाती है, जो साक्षात् शुम्भासुर का विनाश करने वाली है।

श्लोक 15 (shiva.uma.47.15)

चैवोग्रतारिका प्रोक्ता महोग्रतारिकापि च । प्रादुर्भूता यतः सा वै मातङ्गीत्युच्यते भुवि

caivogratārikā proktā mahogratārikāpi ca prādurbhūtā yataḥ sā vai mātaṅgītyucyate bhuvi

वह उग्रतारिका और महोग्रतारिका भी कही गई है; और चूँकि वह [पर्वत के मध्य] प्रकट हुई, इसलिए पृथ्वी पर उसे 'मातंगी' कहा जाता है।

श्लोक 16 (shiva.uma.47.16)

बभाषे निखिलान्देवान्यूयं तिष्ठत निर्भयाः । कार्यं वः साधयिष्यामि स्वतन्त्राहं विनाश्रयम्

babhāṣe nikhilāndevānyūyaṁ tiṣṭhata nirbhayāḥ kāryaṁ vaḥ sādhayiṣyāmi svatantrāhaṁ vināśrayam

उसने समस्त देवताओं से कहा — "तुम सब निर्भय होकर रहो; मैं तुम्हारा कार्य पूर्ण करूँगी, मैं स्वतन्त्र हूँ, बिना किसी सहारे के।

श्लोक 17 (shiva.uma.47.17)

इत्युक्त्वा सा तदा देवी तरसान्तर्हिताभवत् । चण्डमुण्डौ तु तां देवीमद्राष्टां सेवकौ तयोः

ityuktvā sā tadā devī tarasāntarhitābhavat caṇḍamuṇḍau tu tāṁ devīmadrāṣṭāṁ sevakau tayoḥ

ऐसा कहकर वह देवी तत्काल अन्तर्धान हो गई; तब चण्ड और मुण्ड नामक उन [शुम्भ के] सेवकों ने उस देवी को देखा।

श्लोक 18 (shiva.uma.47.18)

दृष्ट्वा मनोहरं तस्या रूपं नेत्रसुखावहम् । पेततुस्तौ धरामध्ये नष्टसंज्ञौ विमोहितौ

dṛṣṭvā manoharaṁ tasyā rūpaṁ netrasukhāvaham petatustau dharāmadhye naṣṭasaṁjñau vimohitau

उसके नेत्रों को सुख देने वाले मनोहर रूप को देखकर वे दोनों मोहित होकर, चेतनाशून्य होकर पृथ्वी पर गिर पड़े।

श्लोक 19 (shiva.uma.47.19)

गत्वा व्याजह्रतुः सर्वं राज्ञे वृत्तान्तमादितः । दृष्टा काचिन्मयापूर्वा नारी राजन्मनोहरा

gatvā vyājahratuḥ sarvaṁ rājñe vṛttāntamāditaḥ dṛṣṭā kācinmayāpūrvā nārī rājanmanoharā

फिर जाकर उन्होंने आदि से अन्त तक सारा वृत्तान्त राजा को सुनाया — "हे राजन्! हमने एक अपूर्व, मनोहर नारी देखी है,

श्लोक 20 (shiva.uma.47.20)

हिमवच्छिखरे रम्ये संस्थिता सिंहवाहिनी । समन्ताद्देवकन्याभिः सेविता बद्धपाणिभिः

himavacchikhare ramye saṁsthitā siṁhavāhinī samantāddevakanyābhiḥ sevitā baddhapāṇibhiḥ

जो हिमालय के रमणीय शिखर पर सिंह पर सवार होकर विराजमान है, जिसकी सेवा हाथ जोड़े हुए देव-कन्याएँ चारों ओर से करती हैं।

श्लोक 21 (shiva.uma.47.21)

कुरुते पादसंवाहं काचित्संस्कुरुते कचान् । पाणिसंवाहनं काचित्काचिन्नेत्राञ्जनं न्यधात्

kurute pādasaṁvāhaṁ kācitsaṁskurute kacān pāṇisaṁvāhanaṁ kācitkācinnetrāñjanaṁ nyadhāt

कोई उसके चरणों की मालिश करती है, कोई उसके केशों को सँवारती है; कोई उसके हाथों की मालिश करती है, कोई उसके नेत्रों में अंजन लगाती है।

श्लोक 22 (shiva.uma.47.22)

काचिद् गृहीत्वा हस्तेनादर्शं दर्शयते मुखम् । नागवल्लीं ददात्येका लवङ्गैलादिसंयुताम्

kācid gṛhītvā hastenādarśaṁ darśayate mukham nāgavallīṁ dadātyekā lavaṅgailādisaṁyutām

कोई हाथ में दर्पण लेकर उसे उसका मुख दिखाती है; एक लौंग-इलायची आदि से युक्त पान अर्पित करती है।

श्लोक 23 (shiva.uma.47.23)

पतद्ग्रहं करे कृत्वा स्थिता काचित्सखी पुरः । भूषयत्यखिलाङ्गानि काचिद्भूषाम्बरादिभिः

patadgrahaṁ kare kṛtvā sthitā kācitsakhī puraḥ bhūṣayatyakhilāṅgāni kācidbhūṣāmbarādibhiḥ

एक सखी अपने हाथ में पान का पात्र लिए उसके सामने खड़ी रहती है; कोई उसके समस्त अंगों को आभूषणों और वस्त्रों से सुशोभित करती है।

श्लोक 24 (shiva.uma.47.24)

कदलीस्तम्भजङ्घोरुः कीरनासाहिदोर्लता । रणन्मञ्जीरचरणा रम्यमेखलया युता

kadalīstambhajaṅghoruḥ kīranāsāhidorlatā raṇanmañjīracaraṇā ramyamekhalayā yutā

उसकी जांघ और ऊरु केले के तने के समान हैं, नासिका तोते के समान है, भुजाएँ सर्प-लता के समान हैं, चरणों में झनझनाते नूपुर हैं, वह एक रमणीय करधनी से युक्त है।

श्लोक 25 (shiva.uma.47.25)

लसत्कस्तूरिकामोदमुक्ताहारचलस्तनी । ग्रैवेयकलसद्ग्रीवा ललन्ती दाममण्डिता

lasatkastūrikāmodamuktāhāracalastanī graiveyakalasadgrīvā lalantī dāmamaṇḍitā

उसके कस्तूरी की सुगन्ध से युक्त, मोतियों के हार से हिलते हुए स्तन हैं, कण्ठहार से चमकती ग्रीवा है, और वह एक लटकती हुई माला से सुशोभित है।

श्लोक 26 (shiva.uma.47.26)

अर्धचन्द्रधरा देवी मणिकुण्डलधारिणी । रम्यवेणिर्विशालाक्षी लोचनत्रयभूषिता

ardhacandradharā devī maṇikuṇḍaladhāriṇī ramyaveṇirviśālākṣī locanatrayabhūṣitā

वह देवी अर्धचन्द्र धारण किए, मणि-कुण्डल पहने हुए है; उसकी वेणी रमणीय है, उसके विशाल नेत्र हैं, वह तीन नेत्रों से विभूषित है।

श्लोक 27 (shiva.uma.47.27)

साक्षरा मालिकोपेता पाणिराजितकङ्कणा । स्वर्णोर्मिकाङ्गुलिर्भ्राजत्पारिहार्यलसत्करा

sākṣarā mālikopetā pāṇirājitakaṅkaṇā svarṇormikāṅgulirbhrājatpārihāryalasatkarā

वह अक्षरमाला (जपमाला) से युक्त है, उसकी कलाई चमकती कंगनों से सुशोभित है; उसकी अंगुलियों में स्वर्ण की छल्ले हैं, उसके हाथ में चमकते हुए बाजूबन्द शोभित हैं।

श्लोक 28 (shiva.uma.47.28)

शुभ्रवस्त्रावृता गौरी पद्मासनविराजिता । काश्मीरबिन्दुतिलका चन्द्रालङ्कृतमस्तका

śubhravastrāvṛtā gaurī padmāsanavirājitā kāśmīrabindutilakā candrālaṅkṛtamastakā

वह गौरवर्णा उज्ज्वल वस्त्र धारण किए कमलासन पर विराजमान है; उसके माथे पर केसर की बिन्दी है, और उसका मस्तक चन्द्र से अलंकृत है।

श्लोक 29 (shiva.uma.47.29)

तडिद्द्युतिर्महामूल्याम्बरचोलोन्नमत्कुचा । भुजैरष्टाभिरुत्तुङ्गैर्धारयन्ती वरायुधान्

taḍiddyutirmahāmūlyāmbaracolonnamatkucā bhujairaṣṭābhiruttuṅgairdhārayantī varāyudhān

बिजली की चमक के समान अत्यन्त बहुमूल्य वस्त्र-चोली में उसके उभरे हुए स्तन हैं; अपनी आठ ऊँची भुजाओं से वह उत्तम आयुध धारण किए हुए है।

श्लोक 30 (shiva.uma.47.30)

तादृशी नासुरी नागी न गन्धर्वी न दानवी । विद्यते त्रिषु लोकेषु यादृशी सा मनोरमा

tādṛśī nāsurī nāgī na gandharvī na dānavī vidyate triṣu lokeṣu yādṛśī sā manoramā

ऐसी न कोई असुर-कन्या है, न नाग-कन्या, न गन्धर्व-कन्या और न दानव-कन्या; तीनों लोकों में उसके समान मनोहर कोई भी नहीं है।

श्लोक 31 (shiva.uma.47.31)

तस्मात्सम्भोगयोग्यत्वं तस्यास्त्वय्येव शोभते । नारीरत्नं यतः सा वै पुंरत्नं च भवान्प्रभो

tasmātsambhogayogyatvaṁ tasyāstvayyeva śobhate nārīratnaṁ yataḥ sā vai puṁratnaṁ ca bhavānprabho

इसलिए उसके साथ भोग करने योग्यता आप में ही शोभित होती है, क्योंकि वह स्त्रियों में रत्न है, और आप, हे प्रभो, पुरुषों में रत्न हैं।"

श्लोक 32 (shiva.uma.47.32)

इत्युक्तं चण्डमुण्डाभ्यां निशम्य स महासुरः । दूतं सुग्रीवनामानं प्रेषयामास तां प्रति

ityuktaṁ caṇḍamuṇḍābhyāṁ niśamya sa mahāsuraḥ dūtaṁ sugrīvanāmānaṁ preṣayāmāsa tāṁ prati

चण्ड और मुण्ड द्वारा ऐसा कहा जाने पर उस महाअसुर [शुम्भ] ने सुन्दर सुग्रीव नामक एक दूत को उसके पास भेजा।

श्लोक 33 (shiva.uma.47.33)

गच्छ दूत तुषाराद्रौ तत्रास्ते कापि सुन्दरी । सा नेतव्या प्रयत्नेन कथयित्वा वचो मम

gaccha dūta tuṣārādrau tatrāste kāpi sundarī sā netavyā prayatnena kathayitvā vaco mama

"जाओ, हे दूत, हिमालय पर्वत पर, वहाँ कोई सुन्दरी विराजमान है; मेरा वचन कहकर उसे प्रयत्नपूर्वक यहाँ लाओ।"

श्लोक 34 (shiva.uma.47.34)

इति विज्ञापितस्तेन सुग्रीवो दानवोत्तमः । गत्वा हिमाचलं प्राह जगदम्बां महेश्वरीम्

iti vijñāpitastena sugrīvo dānavottamaḥ gatvā himācalaṁ prāha jagadambāṁ maheśvarīm

उसके द्वारा ऐसा निर्देशित होकर दानवों में श्रेष्ठ सुग्रीव हिमालय पर जाकर, महेश्वरी जगदम्बा से बोला —

श्लोक 35 (shiva.uma.47.35)

दूत उवाच । देवि शुम्भासुरो दैत्यो निशुम्भस्तस्य चानुजः । विख्यातस्त्रिषु लोकेषु महाबलपराक्रमः

dūta uvāca devi śumbhāsuro daityo niśumbhastasya cānujaḥ vikhyātastriṣu lokeṣu mahābalaparākramaḥ

दूत ने कहा — हे देवी! शुम्भ नामक दैत्य और उसका अनुज निशुम्भ, तीनों लोकों में विख्यात, महाबल और पराक्रम से युक्त हैं।

श्लोक 36 (shiva.uma.47.36)

चारोऽहं प्रेषितस्तेन सन्निधिं ते समागमम् । स यज्जगौ सुरेशानि तत्समाकर्णयाधुना

cāro'haṁ preṣitastena sannidhiṁ te samāgamam sa yajjagau sureśāni tatsamākarṇayādhunā

उन्हीं के द्वारा भेजा गया मैं दूत तुम्हारे समीप आया हूँ; हे देवेशी! उन्होंने जो कहा है, अब उसे सुनो।

श्लोक 37 (shiva.uma.47.37)

इन्द्रादीन्समरे जित्वा तेषां रत्नान्यपाहरम् । देवभागं स्वयं भुञ्जे यागे दत्तं सुरादिभिः

indrādīnsamare jitvā teṣāṁ ratnānyapāharam devabhāgaṁ svayaṁ bhuñje yāge dattaṁ surādibhiḥ

"इन्द्र आदि को युद्ध में जीतकर मैंने उनके रत्न छीन लिए हैं; देवताओं द्वारा यज्ञ में अर्पित देव-भाग को भी मैं स्वयं भोगता हूँ।

श्लोक 38 (shiva.uma.47.38)

स्त्रीरत्नं त्वामहं मन्ये सर्वरत्नोपरिस्थितम् । सा त्वं ममानुजं मां वा भजतात्कामजै रसैः

strīratnaṁ tvāmahaṁ manye sarvaratnoparisthitam sā tvaṁ mamānujaṁ māṁ vā bhajatātkāmajai rasaiḥ

मैं तुम्हें समस्त रत्नों के ऊपर स्थित स्त्री-रत्न मानता हूँ; इसलिए तुम मेरे अनुज को अथवा मुझे ही कामज-रसों से भजो।"

श्लोक 39 (shiva.uma.47.39)

इति दूतोक्तमाकर्ण्य वचनं शुम्भभाषितम् । जगाद सा महामाया भूतेशप्राणवल्लभा

iti dūtoktamākarṇya vacanaṁ śumbhabhāṣitam jagāda sā mahāmāyā bhūteśaprāṇavallabhā

इस प्रकार दूत द्वारा कहे गए शुम्भ के इस वचन को सुनकर, भूतेश (शिव) की प्राणवल्लभा वह महामाया बोली —

श्लोक 40 (shiva.uma.47.40)

देव्युवाच । सत्यं वदसि भो दूत नानृतं किञ्चिदुच्यते । परं त्वेका कृता पूर्वं प्रतिज्ञा तां निबोध मे

devyuvāca satyaṁ vadasi bho dūta nānṛtaṁ kiñciducyate paraṁ tvekā kṛtā pūrvaṁ pratijñā tāṁ nibodha me

देवी ने कहा — "हे दूत! तुम सत्य कहते हो, कुछ भी असत्य नहीं कहा गया; परन्तु पहले ही मैंने एक प्रतिज्ञा कर रखी है, उसे मुझसे सुन लो।

श्लोक 41 (shiva.uma.47.41)

यो मे दर्पं विधुनुते यो मां जयति सङ्गरे । उत्सहे तमहं कर्तुं पतिं नान्यमिति ध्रुवम्

yo me darpaṁ vidhunute yo māṁ jayati saṅgare utsahe tamahaṁ kartuṁ patiṁ nānyamiti dhruvam

जो मेरे अभिमान को नष्ट कर दे, जो युद्ध में मुझे जीत ले, उसी को मैं पति बनाने में समर्थ हूँ, किसी अन्य को नहीं — यह निश्चित है।

श्लोक 42 (shiva.uma.47.42)

स त्वं कथय शुम्भाय निशुम्भाय वचो मम । यथा युक्तं भवेदेवं विदधातु तथात्र सः

sa tvaṁ kathaya śumbhāya niśumbhāya vaco mama yathā yuktaṁ bhavedevaṁ vidadhātu tathātra saḥ

तुम यह मेरा वचन शुम्भ और निशुम्भ से जाकर कहो; जो भी उचित लगे, वे यहाँ वैसा ही करें।"

श्लोक 43 (shiva.uma.47.43)

इत्थं देवीवचः श्रुत्वा सुग्रीवो नाम दानवः । राज्ञे विज्ञापयामास गत्वा तत्र सविस्तरम्

itthaṁ devīvacaḥ śrutvā sugrīvo nāma dānavaḥ rājñe vijñāpayāmāsa gatvā tatra savistaram

इस प्रकार देवी का वचन सुनकर सुग्रीव नामक वह दानव राजा के पास जाकर विस्तारपूर्वक उसे सुनाने लगा।

श्लोक 44 (shiva.uma.47.44)

अथ दूतोक्तमाकर्ण्य शुम्भो भैरवशासनः । धूम्राक्षं प्राह सक्रोधः सेनान्यं बलिनां वरम्

atha dūtoktamākarṇya śumbho bhairavaśāsanaḥ dhūmrākṣaṁ prāha sakrodhaḥ senānyaṁ balināṁ varam

फिर दूत के इस वचन को सुनकर भैरव-समान शासन वाला शुम्भ अत्यन्त क्रुद्ध होकर बलवानों में श्रेष्ठ, अपने सेनापति धूम्राक्ष से बोला —

श्लोक 45 (shiva.uma.47.45)

हे धूम्राक्ष तुषाराद्रौ वर्तते कापि सुन्दरी । तामानय द्रुतं गत्वा यथा यास्यति सात्र वै

he dhūmrākṣa tuṣārādrau vartate kāpi sundarī tāmānaya drutaṁ gatvā yathā yāsyati sātra vai

"हे धूम्राक्ष! हिमालय पर कोई सुन्दरी है; शीघ्र जाकर उसे यहाँ ले आओ, चाहे उसे किसी भी प्रकार आना पड़े।

श्लोक 46 (shiva.uma.47.46)

तस्या आनयने भीतिर्न कार्यासुरसत्तम । युद्धं कार्यं प्रयत्नेन यदि सा योद्धुमिच्छति

tasyā ānayane bhītirna kāryāsurasattama yuddhaṁ kāryaṁ prayatnena yadi sā yoddhumicchati

उसे लाने में किसी प्रकार का भय मत करना, हे असुर-श्रेष्ठ! यदि वह युद्ध करना चाहे, तो प्रयत्नपूर्वक युद्ध ही करना।"

श्लोक 47 (shiva.uma.47.47)

एवं विज्ञापितो दैत्यो धूम्रलोचनसंज्ञकः । गत्वा हिमाचलं प्राह भुवनेशीमुमांशजाम्

evaṁ vijñāpito daityo dhūmralocanasaṁjñakaḥ gatvā himācalaṁ prāha bhuvaneśīmumāṁśajām

इस प्रकार निर्देशित हुआ वह धूम्रलोचन नामक दैत्य हिमालय पर जाकर उमा के अंश से उत्पन्न भुवनेश्वरी से बोला —

श्लोक 48 (shiva.uma.47.48)

भर्तुर्ममान्तिकं गच्छ नो चेत्त्वां घातयाम्यहम् । पुष्ट्यासुराणां सहितः सहस्राणां नितम्बिनि

bharturmamāntikaṁ gaccha no cettvāṁ ghātayāmyaham puṣṭyāsurāṇāṁ sahitaḥ sahasrāṇāṁ nitambini

"मेरे स्वामी के समीप चलो, अन्यथा मैं तुम्हारा वध कर दूँगा; हे नितम्बिनी! सहस्रों असुरों की सेना से सहित मैं यहाँ आया हूँ।"

श्लोक 49 (shiva.uma.47.49)

देव्युवाच । दैत्यराट् प्रेषितो वीर हंसि चेत्किं करोमि ते । परन्त्वसाध्यं गमनं मन्ये सङ्ग्राममन्तरा

devyuvāca daityarāṭ preṣito vīra haṁsi cetkiṁ karomi te parantvasādhyaṁ gamanaṁ manye saṅgrāmamantarā

देवी ने कहा — "हे वीर! दैत्यराज द्वारा भेजे गए तुम मुझे मारोगे — तो मैं तुम्हारा क्या कर सकती हूँ? परन्तु युद्ध के बिना [तुम्हारे साथ] जाना मेरे लिए असम्भव है, ऐसा मैं मानती हूँ।"

श्लोक 50 (shiva.uma.47.50)

इत्युक्तस्तामन्वधावद्दानवो धूम्रलोचनः । हुङ्कारोच्चारणेनैव तं ददाह महेश्वरी

ityuktastāmanvadhāvaddānavo dhūmralocanaḥ huṅkāroccāraṇenaiva taṁ dadāha maheśvarī

ऐसा कहे जाने पर वह दानव धूम्रलोचन उसकी ओर दौड़ा; तब महेश्वरी ने केवल हुंकार मात्र से ही उसे भस्म कर डाला।

श्लोक 51 (shiva.uma.47.51)

ततः प्रभृति सा देवी धूमावत्युच्यते भुवि । आराधिता स्वभक्तानां शत्रुवर्गनिकर्तिनी

tataḥ prabhṛti sā devī dhūmāvatyucyate bhuvi ārādhitā svabhaktānāṁ śatruvarganikartinī

तभी से उस देवी को पृथ्वी पर 'धूमावती' कहा जाता है, जो अपने भक्तों द्वारा आराधित होकर शत्रु-समूहों का विनाश करने वाली है।

श्लोक 52 (shiva.uma.47.52)

धूम्राक्षे निहते देव्या वाहनेनातिकोपिना । चर्वितास्तद्गणाः सर्वेऽपलायन्तावशेषिताः

dhūmrākṣe nihate devyā vāhanenātikopinā carvitāstadgaṇāḥ sarve'palāyantāvaśeṣitāḥ

धूम्राक्ष के देवी के अत्यन्त क्रुद्ध वाहन [सिंह] द्वारा मारे जाने पर, उसके शेष बचे समस्त गण चबाए जाकर भाग खड़े हुए।

श्लोक 53 (shiva.uma.47.53)

इत्थं देव्या हतं दैत्यं श्रुत्वा शुम्भः प्रतापवान् । चकार बहुलं कोपं सन्दष्टौष्ठपुटद्वयः

itthaṁ devyā hataṁ daityaṁ śrutvā śumbhaḥ pratāpavān cakāra bahulaṁ kopaṁ sandaṣṭauṣṭhapuṭadvayaḥ

इस प्रकार देवी द्वारा असुर के मारे जाने का समाचार सुनकर प्रतापी शुम्भ को अत्यन्त क्रोध हुआ, और उसने अपने दोनों ओठ काट लिए।

श्लोक 54 (shiva.uma.47.54)

चण्डं मुण्डं रक्तबीजं प्रैषयत्क्रमतोऽसुरान् । तेऽपि चाज्ञापिता दैत्या ययुर्यत्राम्बिका स्थिता

caṇḍaṁ muṇḍaṁ raktabījaṁ praiṣayatkramato'surān te'pi cājñāpitā daityā yayuryatrāmbikā sthitā

तब उसने चण्ड, मुण्ड और रक्तबीज नामक असुरों को क्रमशः भेजा; वे आज्ञाकारी दैत्य भी वहीं गए जहाँ अम्बिका विराजमान थीं।

श्लोक 55 (shiva.uma.47.55)

सिंहारूढा भगवतीमणिमादिभिराश्रिताम् । भासयन्तीं दिशो भासा दृष्ट्वोचुर्दानवर्षभाः

siṁhārūḍhā bhagavatīmaṇimādibhirāśritām bhāsayantīṁ diśo bhāsā dṛṣṭvocurdānavarṣabhāḥ

उन दानव-श्रेष्ठों ने सिंह पर आरूढ़, मणि आदि आभूषणों से सुशोभित, अपनी कान्ति से दिशाओं को प्रकाशित करती हुई देवी को देखकर कहा —

श्लोक 56 (shiva.uma.47.56)

हे देवि तरसा मूलं याहि शुम्भनिशुम्भयोः । अन्यथा घातयिष्यामः सगणां त्वां सवाहनाम्

he devi tarasā mūlaṁ yāhi śumbhaniśumbhayoḥ anyathā ghātayiṣyāmaḥ sagaṇāṁ tvāṁ savāhanām

"हे देवी! शीघ्र ही शुम्भ-निशुम्भ के समीप चलो; अन्यथा हम तुम्हें तुम्हारे गणों और वाहन सहित मार डालेंगे।

श्लोक 57 (shiva.uma.47.57)

वृणीष्व तं पतिं वामे लोकपालादिभिः स्तुतम् । प्रपत्स्यसे महानन्दं देवानामपि दुर्लभम्

vṛṇīṣva taṁ patiṁ vāme lokapālādibhiḥ stutam prapatsyase mahānandaṁ devānāmapi durlabham

उस पति को वरण करो, जो लोकपालों आदि द्वारा भी स्तुत है; तुम्हें देवताओं के लिए भी दुर्लभ परमानन्द प्राप्त होगा।"

श्लोक 58 (shiva.uma.47.58)

इत्युक्तमाकलय्याम्बा स्मयित्वा परमेश्वरी । उदाजहार सा देवी सूनृतं रसवद्वचः

ityuktamākalayyāmbā smayitvā parameśvarī udājahāra sā devī sūnṛtaṁ rasavadvacaḥ

इस प्रकार कहे गए वचन को सुनकर मुस्कुराती हुई वह परमेश्वरी माता, उस देवी ने मीठे किन्तु सत्य वचन कहे —

श्लोक 59 (shiva.uma.47.59)

देव्युवाच । अद्वितीयो महेशानः परब्रह्म सदाशिवः । यत्तत्त्वं न विदुर्वेदा विष्ण्वादीनां च का कथा

devyuvāca advitīyo maheśānaḥ parabrahma sadāśivaḥ yattattvaṁ na vidurvedā viṣṇvādīnāṁ ca kā kathā

देवी ने कहा — "महेश सदाशिव अद्वितीय परब्रह्म हैं; जिनके तत्त्व को वेद भी नहीं जानते, फिर विष्णु आदि की तो बात ही क्या?

श्लोक 60 (shiva.uma.47.60)

तस्याहं प्रकृतिः सूक्ष्मा कथमन्यं पतिं वृणे । सिंही कामातुरा नैव जम्बुकं वृणुते क्वचित्

tasyāhaṁ prakṛtiḥ sūkṣmā kathamanyaṁ patiṁ vṛṇe siṁhī kāmāturā naiva jambukaṁ vṛṇute kvacit

मैं उन्हीं की सूक्ष्म प्रकृति हूँ — मैं भला किसी अन्य को अपना पति कैसे चुनूँ? कामातुर सिंहिनी भी कभी सियार को नहीं चुनती।

श्लोक 61 (shiva.uma.47.61)

करेणुर्गर्दभं नैव द्वीपिनी शशकं न वा । मृषा वदत भो दैत्यो मृत्युव्यालनियन्त्रिताः

kareṇurgardabhaṁ naiva dvīpinī śaśakaṁ na vā mṛṣā vadata bho daityo mṛtyuvyālaniyantritāḥ

हथिनी कभी गधे को नहीं चुनती, और चीतनी कभी खरगोश को नहीं; व्यर्थ की बात मत करो, हे दैत्यो, तुम मृत्यु-सर्प के फंदे में बंधे हो।

श्लोक 62 (shiva.uma.47.62)

यूयं प्रयात पातालं युध्यध्वं शक्तिरस्ति चेत् । इति क्रोधकरं वाक्यं श्रुत्वोचुस्ते परस्परम्

yūyaṁ prayāta pātālaṁ yudhyadhvaṁ śaktirasti cet iti krodhakaraṁ vākyaṁ śrutvocuste parasparam

तुम पाताल को जाओ, अथवा यदि शक्ति हो तो युद्ध करो।" यह क्रोध उत्पन्न करने वाला वचन सुनकर वे [चण्ड-मुण्ड] आपस में बोले —

श्लोक 63 (shiva.uma.47.63)

अबलां मनसि ज्ञात्वा न हन्मो भवतीं वयम् । अथो स्थिरैहि पञ्चास्ये युद्धेच्छा मानसेऽस्ति चेत्

abalāṁ manasi jñātvā na hanmo bhavatīṁ vayam atho sthiraihi pañcāsye yuddhecchā mānase'sti cet

"तुम्हें अबला जानकर हम तुम्हें नहीं मारते; अन्यथा, हे पंचमुखी! [अपने स्थान पर] स्थिर होकर रहो, यदि तुम्हारे मन में युद्ध की इच्छा है।"

श्लोक 64 (shiva.uma.47.64)

तेषामेवं विवदतां कलहः समवर्धत । ववृषुः समरे बाणा उभयोर्दलयोः शिताः

teṣāmevaṁ vivadatāṁ kalahaḥ samavardhata vavṛṣuḥ samare bāṇā ubhayordalayoḥ śitāḥ

इस प्रकार वाद-विवाद करते हुए उनके बीच कलह बढ़ता गया; युद्ध में दोनों पक्षों से तीक्ष्ण बाणों की वर्षा होने लगी।

श्लोक 65 (shiva.uma.47.65)

एवं तैः समरं कृत्वा लीलया परमेश्वरी । जघान चण्डमुण्डाभ्यां रक्तबीजं महासुरम्

evaṁ taiḥ samaraṁ kṛtvā līlayā parameśvarī jaghāna caṇḍamuṇḍābhyāṁ raktabījaṁ mahāsuram

इस प्रकार उनके साथ युद्ध करके परमेश्वरी ने लीलापूर्वक चण्ड, मुण्ड और महाअसुर रक्तबीज को मार डाला।

श्लोक 66 (shiva.uma.47.66)

द्वेषबुद्धिं विधायापि त्रिदशारातयोऽप्यमी । अन्ते प्रापन्परं लोकं यँल्लोकं यान्ति तज्जनाः

dveṣabuddhiṁ vidhāyāpi tridaśārātayo'pyamī ante prāpanparaṁ lokaṁ ya~llokaṁ yānti tajjanāḥ

इस प्रकार देवताओं के प्रति द्वेष-बुद्धि रखते हुए भी ये [असुर] अन्ततः उसी परम लोक को प्राप्त हुए, जिसे उसके [शरणागत भक्त] जन प्राप्त करते हैं।