सरस्वतीप्रादुर्भाव

श्लोक 1 (shiva.uma.48.1)

राजोवाच । धूम्राक्षं चण्डमुण्डं च रक्तबीजासुरं तथा । भगवन्निहतं देव्या श्रुत्वा शुम्भः सुरार्दनः

rājovāca dhūmrākṣaṁ caṇḍamuṇḍaṁ ca raktabījāsuraṁ tathā bhagavannihataṁ devyā śrutvā śumbhaḥ surārdanaḥ

राजा ने कहा — हे भगवन्! धूम्राक्ष, चण्ड-मुण्ड और रक्तबीज नामक असुर के देवी द्वारा मारे जाने का समाचार सुनकर देवताओं को सताने वाला शुम्भ,

श्लोक 2 (shiva.uma.48.2)

किमकार्षीत्ततो ब्रह्मन्नेतन्मे ब्रूहि साम्प्रतम् । शुश्रूषवे जगद्योनेश्चरित्रं पापनाशनम्

kimakārṣīttato brahmannetanme brūhi sāmpratam śuśrūṣave jagadyoneścaritraṁ pāpanāśanam

उसने फिर क्या किया? हे ब्रह्मन्! यह अब मुझे बताइए; मैं जगत् के मूल-स्रोत की पाप-नाशक कथा सुनने का इच्छुक हूँ।

श्लोक 3 (shiva.uma.48.3)

ऋषिरुवाच । हतानिमान्दैत्यवरान्महासुरो निशम्य राजन्महनीयविक्रमः । अजिज्ञपत्स्वीयगणान्दुरासदान् रणाभिधोच्चारणजातसम्मदान्

ṛṣiruvāca hatānimāndaityavarānmahāsuro niśamya rājanmahanīyavikramaḥ ajijñapatsvīyagaṇāndurāsadān raṇābhidhoccāraṇajātasammadān

ऋषि ने कहा — हे राजन्! अपने उन श्रेष्ठ दैत्यों को मारा गया सुनकर, अत्यन्त पूजनीय पराक्रम वाले उस महाअसुर [शुम्भ] ने अपने दुर्जेय गणों को सूचित किया, जो युद्ध के नाम मात्र से ही हर्ष से भर उठे थे —

श्लोक 4 (shiva.uma.48.4)

बलान्विताः सम्मिलिता ममाज्ञया जयाशया कालकवंशसम्भवाः । सकालकेयासुरमौर्यदौर्हृदाः तथा परेऽप्याशु प्रयाणयन्तु ते

balānvitāḥ sammilitā mamājñayā jayāśayā kālakavaṁśasambhavāḥ sakālakeyāsuramauryadaurhṛdāḥ tathā pare'pyāśu prayāṇayantu te

"बलवान्, मेरी आज्ञा से एकत्रित, विजय की आशा रखने वाले, कालक-वंश में उत्पन्न, कालकेय असुरों तथा मौर्य और दौर्हृद असुरों सहित, और अन्य भी सभी शीघ्र प्रस्थान करें।"

श्लोक 5 (shiva.uma.48.5)

निशुम्भशुम्भौ दितिजान्निदेश्य तान् रथाधिरूढौ निरयाम्बभूवतुः । बलान्यनूकाबलिनोस्तयोर्धराद् विनाशवन्तः शलभा इवोत्थिताः

niśumbhaśumbhau ditijānnideśya tān rathādhirūḍhau nirayāmbabhūvatuḥ balānyanūkābalinostayordharād vināśavantaḥ śalabhā ivotthitāḥ

उन दैत्यों को इस प्रकार आज्ञा देकर, निशुम्भ और शुम्भ अपने-अपने रथ पर आरूढ़ होकर निकल पड़े; उन दोनों की विशाल सेनाएँ पृथ्वी से इस प्रकार उठीं मानो विनाश करने वाली टिड्डियाँ उठ खड़ी हुई हों।

श्लोक 6 (shiva.uma.48.6)

प्रवादयामास मृदङ्गमर्दलं सभेरिकाडिण्डिमझर्झरानकम् । रणस्थले सञ्जहृषू रणप्रिया असुप्रियाः सङ्गरतः पराययुः

pravādayāmāsa mṛdaṅgamardalaṁ sabherikāḍiṇḍimajharjharānakam raṇasthale sañjahṛṣū raṇapriyā asupriyāḥ saṅgarataḥ parāyayuḥ

मृदंग और मर्दल बजने लगे, भेरी, डिण्डिम, झर्झर और आनक बाजे भी बजने लगे; युद्धप्रिय योद्धा रणस्थल में हर्षित हुए, और जिन्हें अपने प्राण प्रिय थे, वे युद्ध से दूर भाग गए।

श्लोक 7 (shiva.uma.48.7)

भटाश्च ते युद्धपटावृतास्तदा रणस्थलीमापुरपापविग्रहाः । गृहीतशस्त्रास्त्रचया जिगीषया परस्परं विग्रहयन्त उल्बणम्

bhaṭāśca te yuddhapaṭāvṛtāstadā raṇasthalīmāpurapāpavigrahāḥ gṛhītaśastrāstracayā jigīṣayā parasparaṁ vigrahayanta ulbaṇam

युद्ध-वस्त्रों से आवृत वे योद्धा, निष्कलंक शरीर वाले, रणभूमि में पहुँचे; विजय की इच्छा से शस्त्रास्त्रों के समूह धारण किए हुए वे परस्पर घोर संघर्ष करने लगे।

श्लोक 8 (shiva.uma.48.8)

गजाधिरूढास्तुरगाधिरोहिणो रथाधिरूढाश्च तथापरेऽसुराः । अलक्षयन्तः स्वपराञ्जनान्मुदाऽ- सुरेशसङ्गे समरेऽभिरेभिरे

gajādhirūḍhāsturagādhirohiṇo rathādhirūḍhāśca tathāpare'surāḥ alakṣayantaḥ svaparāñjanānmudā'- sureśasaṅge samare'bhirebhire

हाथियों पर आरूढ़, घोड़ों पर सवार, तथा रथों पर आरूढ़ अन्य असुर भी, अपने और पराए को न पहचानते हुए, हर्षपूर्वक असुराधिपति की संगति में युद्ध में भिड़ गए।

श्लोक 9 (shiva.uma.48.9)

ध्वनिः शतघ्नीजनितो मुहुर्मुहु- र्बभूव तेन त्रिदशाः समेजिताः । महान्धकारः समपद्यताम्बरे विलोक्यते नो रथमण्डलं रवेः

dhvaniḥ śataghnījanito muhurmuhu- rbabhūva tena tridaśāḥ samejitāḥ mahāndhakāraḥ samapadyatāmbare vilokyate no rathamaṇḍalaṁ raveḥ

शतघ्नी [महाशस्त्र] से उत्पन्न ध्वनि बार-बार गूँजती रही, जिससे देवगण भी काँप उठे; आकाश में इतना घना अन्धकार छा गया कि सूर्य के रथ-मण्डल का पता ही नहीं चलता था।

श्लोक 10 (shiva.uma.48.10)

पदातयो निर्व वजुर्हि कोटिशः प्रभूतमाना विजयाभिलाषिणः । रथाश्वगा वारणगा अथापरेऽ- सुरा निरीयुः कति कोटिशो मुदा

padātayo nirva vajurhi koṭiśaḥ prabhūtamānā vijayābhilāṣiṇaḥ rathāśvagā vāraṇagā athāpare'- surā nirīyuḥ kati koṭiśo mudā

विजय की अभिलाषा रखने वाले करोड़ों पैदल सैनिक अत्यन्त गर्व से निकल पड़े; रथ, घोड़े और हाथियों पर सवार अन्य असुर भी न जाने कितने करोड़ों हर्षपूर्वक निकल पड़े।

श्लोक 11 (shiva.uma.48.11)

अशुक्लशैला एव मत्तवारणा अतानिषुश्चीत्कृतिशब्दमाहवे । क्रमेलकाश्चापि गलद्गलध्वनिं वितन्वते क्षुद्रमहीधरोपमाः

aśuklaśailā eva mattavāraṇā atāniṣuścītkṛtiśabdamāhave kramelakāścāpi galadgaladhvaniṁ vitanvate kṣudramahīdharopamāḥ

मदमस्त हाथी अनगढ़ पर्वतों के समान युद्ध में चीत्कार करने लगे; ऊँट भी, छोटी पहाड़ियों के समान, गले से गुर्राने की ध्वनि निकालने लगे।

श्लोक 12 (shiva.uma.48.12)

हयाश्च ह्रेषन्त उदग्रभूमिजा विशालकण्ठाभरणा गतेर्विदः । पदानि दन्तावलमूर्ध्नि बिभ्रतः सुडिड्यिरे व्योमपथा यथावयः

hayāśca hreṣanta udagrabhūmijā viśālakaṇṭhābharaṇā gatervidaḥ padāni dantāvalamūrdhni bibhrataḥ suḍiḍyire vyomapathā yathāvayaḥ

उत्तम भूमि में जन्मे घोड़े, विशाल कण्ठ-आभूषणों से सज्जित, चाल में निपुण, हिनहिनाने लगे; कुछ योद्धा हाथियों के मस्तक पर पैर रखकर मानो पक्षियों के समान आकाश-मार्ग में उड़ चले।

श्लोक 13 (shiva.uma.48.13)

समीक्ष्य शत्रोर्बलमित्थमापतत् चकार सज्यं धनुरम्बिका तदा । ननाद घण्टां रिपुसाददायिनीं जगर्ज सिंहोऽपि सटां विधूनयन्

samīkṣya śatrorbalamitthamāpatat cakāra sajyaṁ dhanurambikā tadā nanāda ghaṇṭāṁ ripusādadāyinīṁ jagarja siṁho'pi saṭāṁ vidhūnayan

शत्रु की इस प्रकार आती हुई सेना को देखकर अम्बिका ने अपना धनुष प्रत्यंचित कर लिया; उसने शत्रुओं को पराजित करने वाली घण्टी बजाई, और सिंह भी अपनी अयाल फैलाकर गरज उठा।

श्लोक 14 (shiva.uma.48.14)

ततो निशुम्भस्तुहिनाचलस्थितां विलोक्य रम्याभरणायुधां शिवाम् । गिरं बभाषे रसनिर्भरां परां विलासनीभावविचक्षणो यथा

tato niśumbhastuhinācalasthitāṁ vilokya ramyābharaṇāyudhāṁ śivām giraṁ babhāṣe rasanirbharāṁ parāṁ vilāsanībhāvavicakṣaṇo yathā

तब निशुम्भ, हिमाचल पर स्थित उस कल्याणी को, सुन्दर आभूषणों और आयुधों से युक्त, देखकर, मानो विलास-भाव में निपुण कोई पुरुष हो, इस प्रकार रसपूर्ण वाणी में बोला —

श्लोक 15 (shiva.uma.48.15)

भवादृशीनां रमणीयविग्रहे दुनोति कीर्णं खलु मालतीदलम् । कथं करालाहवमातनोष्यसे महेशि तेनैव मनोज्ञवर्ष्मणा

bhavādṛśīnāṁ ramaṇīyavigrahe dunoti kīrṇaṁ khalu mālatīdalam kathaṁ karālāhavamātanoṣyase maheśi tenaiva manojñavarṣmaṇā

"तुम्हारे समान स्त्रियों के मनोहर शरीर को तो बिखरी हुई चमेली की पंखुड़ी भी पीड़ा पहुँचाती है; फिर हे महेशी! इसी मनोहर शरीर से तुम इस भीषण युद्ध को कैसे झेलोगी?

श्लोक 16 (shiva.uma.48.16)

इतीरयित्वा वचनं महासुरो बभूव मौनी तमुवाच चण्डिका । वृथा किमात्थासुर मूढ सङ्गरं कुरुष्व नागालयमन्यथा व्रज

itīrayitvā vacanaṁ mahāsuro babhūva maunī tamuvāca caṇḍikā vṛthā kimātthāsura mūḍha saṅgaraṁ kuruṣva nāgālayamanyathā vraja

ऐसा वचन कहकर वह महाअसुर मौन हो गया; चण्डिका ने उससे कहा — "हे मूर्ख दैत्य! व्यर्थ ही यह क्या कह रहा है? युद्ध कर, अन्यथा नागों के निवास [पाताल] को चला जा।"

श्लोक 17 (shiva.uma.48.17)

ततोऽतिरुष्टः समरे महारथ- श्चकार बाणावलिवृष्टिमद्भुताम् । घनाघनाः संववृषुर्यथोदकं रणस्थले प्रावृडिवागतास्तदा

tato'tiruṣṭaḥ samare mahāratha- ścakāra bāṇāvalivṛṣṭimadbhutām ghanāghanāḥ saṁvavṛṣuryathodakaṁ raṇasthale prāvṛḍivāgatāstadā

तब अत्यन्त क्रुद्ध होकर, उस महारथी ने युद्ध में बाणों की अद्भुत झड़ी लगा दी; मानो वर्षा-ऋतु आ गई हो, जैसे मेघों ने युद्धभूमि में जल की वर्षा कर दी हो।

श्लोक 18 (shiva.uma.48.18)

शरैश्शितैः शूलपरश्वधायुधैः सभिन्दिपालैः परिघैः शरासनैः । भुशुण्डिकाप्रासक्षुरप्रसंज्ञकै- र्महासिभिः संयुयुधे मदोद्धतैः

śaraiśśitaiḥ śūlaparaśvadhāyudhaiḥ sabhindipālaiḥ parighaiḥ śarāsanaiḥ bhuśuṇḍikāprāsakṣuraprasaṁjñakai- rmahāsibhiḥ saṁyuyudhe madoddhataiḥ

तीक्ष्ण बाणों, त्रिशूल, परशु, भिन्दिपाल, परिघ, धनुष, भुशुण्डी, प्रास, क्षुरप्र नामक बाणों तथा विशाल तलवारों से मद में उन्मत्त होकर उसने युद्ध किया।

श्लोक 19 (shiva.uma.48.19)

विबभ्रमुस्तत्समरे महागजा विभिन्नकुम्भा असिताद्रिसन्निभाः । चलद्बलाकाधवला विकेतवो विसेतवः शुम्भनिशुम्भकेतवः

vibabhramustatsamare mahāgajā vibhinnakumbhā asitādrisannibhāḥ caladbalākādhavalā viketavo visetavaḥ śumbhaniśumbhaketavaḥ

उस युद्ध में विशाल हाथी, उनके मस्तक विदीर्ण, काले पर्वतों के समान भ्रमण करने लगे; चंचल बगुलों के समान श्वेत ध्वजाएँ हिलती रहीं, और शुम्भ-निशुम्भ की पताकाएँ छिन्न-भिन्न होकर उड़ने लगीं।

श्लोक 20 (shiva.uma.48.20)

विभिन्नदेहा दितिजा झषोपमा विकन्धरा वाजिगणा भयङ्कराः । परासवः कालिकया कृता रणे मृगारिणा चामिषतां परेऽसुराः

vibhinnadehā ditijā jhaṣopamā vikandharā vājigaṇā bhayaṅkarāḥ parāsavaḥ kālikayā kṛtā raṇe mṛgāriṇā cāmiṣatāṁ pare'surāḥ

दैत्यों के छिन्न-भिन्न शरीर मछलियों के समान बिखरे पड़े थे, उनके अश्व-समूह गर्दन कटे हुए, भयंकर दृश्य प्रस्तुत करते थे; युद्ध में सिंहवाहिनी कालिका द्वारा प्राणहीन किए गए वे शेष असुर [सिंह के लिए] भक्ष्य बन गए।

श्लोक 21 (shiva.uma.48.21)

विसुस्रुवू रक्तवहास्तदन्तरे सरिच्चयास्तत्र विपुप्लुवे हतैः । कचा भटानां जलनीलिकोपमा- स्तदुत्तरीयं सितफेनसन्निभम्

visusruvū raktavahāstadantare sariccayāstatra vipupluve hataiḥ kacā bhaṭānāṁ jalanīlikopamā- staduttarīyaṁ sitaphenasannibham

इसी बीच रक्त की धाराएँ बह निकलीं, और मारे गए योद्धाओं से वहाँ नदियाँ उमड़ पड़ीं; योद्धाओं के केश नील जलकुम्भी के समान थे, उनके उत्तरीय वस्त्र श्वेत फेन के समान दिखते थे।

श्लोक 22 (shiva.uma.48.22)

तुरङ्गसादी तुरगाधिरोहिणं गजस्थितानभ्यपतन्गजारुहः । रथी रथेशं खलु पत्तिरङ्घ्रिगान् समप्रतिद्वन्द्विकलिर्महानभूत्

turaṅgasādī turagādhirohiṇaṁ gajasthitānabhyapatangajāruhaḥ rathī ratheśaṁ khalu pattiraṅghrigān samapratidvandvikalirmahānabhūt

घुड़सवार घुड़सवार पर, हाथी-सवार हाथी-सवार पर, रथी रथी पर और पैदल सैनिक पैदल सैनिक पर टूट पड़ा; समान प्रतिद्वन्द्वियों के बीच महान् संघर्ष हुआ।

श्लोक 23 (shiva.uma.48.23)

ततो निशुम्भो हृदये व्यचिन्तयत् करालकालोऽयमुपागतोऽधुना । भवेद्दरिद्रोऽपि महाधनो महा- धनो दरिद्रो विपरीतकालतः

tato niśumbho hṛdaye vyacintayat karālakālo'yamupāgato'dhunā bhaveddaridro'pi mahādhano mahā- dhano daridro viparītakālataḥ

तब निशुम्भ ने अपने हृदय में विचार किया — "यह भयंकर काल अब आ पहुँचा है; निर्धन भी महाधनी बन जाता है, और महाधनी निर्धन — यह काल की विपरीत गति से होता है।

श्लोक 24 (shiva.uma.48.24)

जडो भवेत्स्फीतमतिर्महामति- र्जडो नृशंसो बहुमन्तुसंस्तुतः । पराजयं यान्ति रणे महाबला जयन्ति सङ्ग्राममुखे च दुर्बलाः

jaḍo bhavetsphītamatirmahāmati- rjaḍo nṛśaṁso bahumantusaṁstutaḥ parājayaṁ yānti raṇe mahābalā jayanti saṅgrāmamukhe ca durbalāḥ

जड़-बुद्धि विशाल-बुद्धि बन जाता है, और महाबुद्धिमान् जड़ हो जाता है; क्रूर पुरुष अनेकों द्वारा प्रशंसित होता है; युद्ध में महाबली पराजय को प्राप्त होते हैं, और युद्ध के मोर्चे पर दुर्बल विजयी होते हैं।

श्लोक 25 (shiva.uma.48.25)

जयोऽजयो वा परमेश्वरेच्छया भवत्यनायासत एव देहिनाम् । न कालमुल्लङ्घ्य शशाक जीवितुं महेश्वरः पद्मजनी रमापतिः

jayo'jayo vā parameśvarecchayā bhavatyanāyāsata eva dehinām na kālamullaṅghya śaśāka jīvituṁ maheśvaraḥ padmajanī ramāpatiḥ

देहधारियों को जय अथवा पराजय परमेश्वर की इच्छा से ही, बिना किसी परिश्रम के, प्राप्त होती है; महेश्वर, कमल-जन्मा ब्रह्मा और रमापति विष्णु भी काल का उल्लंघन कर जीवित नहीं रह सके।

श्लोक 26 (shiva.uma.48.26)

उपेत्य सङ्ग्राममुखं पलायनं न साधु वीरा हृदयेऽनुमन्वते । परन्तु युद्धे कथमेतया जयो विनाशितं मे सकलं बलं यथा

upetya saṅgrāmamukhaṁ palāyanaṁ na sādhu vīrā hṛdaye'numanvate parantu yuddhe kathametayā jayo vināśitaṁ me sakalaṁ balaṁ yathā

युद्ध के मोर्चे पर पहुँचकर वीर पुरुष अपने हृदय में भाग जाने को उचित नहीं मानते; परन्तु इस युद्ध में इसके विरुद्ध जय कैसे होगी, जबकि इसी के द्वारा मेरी सम्पूर्ण सेना नष्ट कर दी गई है?

श्लोक 27 (shiva.uma.48.27)

इयं हि नूनं सुरकर्म साधितुं समागता दैत्यबलं च बाधितुम् । पुराणमूर्तिः प्रकृतिः परा शिवा न लौकिकीयं वनिता कदापि वा

iyaṁ hi nūnaṁ surakarma sādhituṁ samāgatā daityabalaṁ ca bādhitum purāṇamūrtiḥ prakṛtiḥ parā śivā na laukikīyaṁ vanitā kadāpi vā

निश्चय ही यह देवताओं के कार्य को सिद्ध करने और दैत्य-सेना को बाधित करने के लिए ही आई है; यह तो पुराण-प्रसिद्ध मूर्तिवाली, परा प्रकृति, कल्याणी शक्ति है — यह किसी भी प्रकार से कोई लौकिक स्त्री नहीं है।

श्लोक 28 (shiva.uma.48.28)

वधोऽपि नारीविहितोऽयशस्करः प्रगीयते युद्धरसं लिलिक्षुभिः । तथाप्यकृत्वा समरं कथं मुखं प्रदर्शयामोऽसुरराजसन्निधौ

vadho'pi nārīvihito'yaśaskaraḥ pragīyate yuddharasaṁ lilikṣubhiḥ tathāpyakṛtvā samaraṁ kathaṁ mukhaṁ pradarśayāmo'surarājasannidhau

स्त्री का वध भी अपयशकारी है, यह युद्ध-रस के अभिलाषी लोगों द्वारा भी गाया जाता है; फिर भी युद्ध किए बिना असुरराज के समक्ष मैं अपना मुख कैसे दिखाऊँ?"

श्लोक 29 (shiva.uma.48.29)

विचारयित्वेति महारथो रथं महान्तमध्यास्य नियन्तृचोदितम् । ययौ द्रुतं यत्र महेश्वराङ्गना सुराङ्गनाप्रार्थितयौवनोद्गमा

vicārayitveti mahāratho rathaṁ mahāntamadhyāsya niyantṛcoditam yayau drutaṁ yatra maheśvarāṅganā surāṅganāprārthitayauvanodgamā

इस प्रकार विचार करके वह महारथी अपने सारथी द्वारा हाँके गए विशाल रथ पर आरूढ़ होकर शीघ्र ही वहाँ गया जहाँ महेश्वर की वह अंगना खड़ी थी, जिसके यौवन की कामना देवांगनाएँ भी करती थीं।

श्लोक 30 (shiva.uma.48.30)

अवोचदेनां स महेशि किं भवे- देभिर्हतैर्वेतनजीविभिर्भटैः । तवास्ति काङ्क्षा यदि योद्धुमावयो- स्तदा रणः स्याद्धृतयुद्धसत्पटैः

avocadenāṁ sa maheśi kiṁ bhave- debhirhatairvetanajīvibhirbhaṭaiḥ tavāsti kāṅkṣā yadi yoddhumāvayo- stadā raṇaḥ syāddhṛtayuddhasatpaṭaiḥ

उसने उससे कहा — "हे महेशी! वेतन पर जीवन-यापन करने वाले इन सैनिकों को मार डालने से क्या लाभ? यदि तुम्हारी इच्छा हम दोनों के मध्य युद्ध की हो, तो युद्ध के सच्चे नियमों का पालन करने वालों के बीच ही युद्ध हो।"

श्लोक 31 (shiva.uma.48.31)

उवाच कालीं प्रति कौशिकी तदा समीक्ष्यतामेष दुराग्रहोऽनयोः । करोति कालो विपदागमे मतिं विभिन्नवृत्तिं सदसत्प्रवर्तकः

uvāca kālīṁ prati kauśikī tadā samīkṣyatāmeṣa durāgraho'nayoḥ karoti kālo vipadāgame matiṁ vibhinnavṛttiṁ sadasatpravartakaḥ

तब कौशिकी ने कालिका से कहा — "देखो तो इन दोनों का यह व्यर्थ हठ; विपत्ति आने पर काल ही सत्-असत् दोनों की ओर प्रवृत्त करने वाली विपरीत बुद्धि उत्पन्न कर देता है।"

श्लोक 32 (shiva.uma.48.32)

ततो निशुम्भोऽभिजघान चण्डिकां शरैः सहस्रैश्च तथैव कालिकाम् । बिभेद बाणानसुरप्रचोदितान् सहस्रखण्डं स्वशरोत्करैः शिवा

tato niśumbho'bhijaghāna caṇḍikāṁ śaraiḥ sahasraiśca tathaiva kālikām bibheda bāṇānasurapracoditān sahasrakhaṇḍaṁ svaśarotkaraiḥ śivā

तब निशुम्भ ने सहस्रों बाणों से चण्डिका पर, और वैसे ही कालिका पर भी प्रहार किया; असुर-प्रेरित उन बाणों को कल्याणी देवी ने अपने ही बाण-समूहों से सहस्रों टुकड़ों में विभक्त कर दिया।

श्लोक 33 (shiva.uma.48.33)

ततः समुत्थाप्य कृपाणमुज्ज्वलं सचर्म कण्ठीरवमूर्ध्न्यताडयत् । बिभेद तं चापि महासिनाम्बिका यथा कुठारेण तरुं तरुश्छिदः

tataḥ samutthāpya kṛpāṇamujjvalaṁ sacarma kaṇṭhīravamūrdhnyatāḍayat bibheda taṁ cāpi mahāsināmbikā yathā kuṭhāreṇa taruṁ taruśchidaḥ

फिर अपनी ढाल सहित चमकती हुई तलवार उठाकर उसने सिंह के मस्तक पर प्रहार किया; अम्बिका ने अपनी विशाल तलवार से उसे भी वैसे ही काट डाला जैसे कुल्हाड़ी वृक्षों को काटने वाले वृक्ष (दण्ड) को ही काट देती है।

श्लोक 34 (shiva.uma.48.34)

स भिन्नखड्गो निचखान मार्गणं पराम्बिकावक्षसि सोऽपि चिच्छिदे । पुनस्त्रिशूलं हृदयेऽक्षिपत्तद- प्यचूर्णयन्मुष्टिनिपातनेन सा

sa bhinnakhaḍgo nicakhāna mārgaṇaṁ parāmbikāvakṣasi so'pi cicchide punastriśūlaṁ hṛdaye'kṣipattada- pyacūrṇayanmuṣṭinipātanena sā

अपनी तलवार टूट जाने पर उसने एक बाण चलाया, जो परम अम्बिका की छाती पर ही टूट गया; फिर उसने त्रिशूल हृदय पर फेंका, उसे भी उसने केवल मुष्टि-प्रहार से ही चूर-चूर कर दिया।

श्लोक 35 (shiva.uma.48.35)

गदां समादाय पुनर्महारथो- ऽभ्यधावदम्बां मरणोन्मुखोऽसुरः । अचूर्णयत्तामपि शूलधारया पुनस्त्रिशूलं विददार सोऽन्यया

gadāṁ samādāya punarmahāratho- 'bhyadhāvadambāṁ maraṇonmukho'suraḥ acūrṇayattāmapi śūladhārayā punastriśūlaṁ vidadāra so'nyayā

फिर गदा उठाकर वह महारथी असुर, मृत्यु के मुख की ओर बढ़ता हुआ, पुनः अम्बा की ओर दौड़ा; उसने उसे भी अपने त्रिशूल की धार से चूर-चूर कर दिया; उसने पुनः एक त्रिशूल फेंका, जिसे उसने दूसरे त्रिशूल से ही विदीर्ण कर डाला।

श्लोक 36 (shiva.uma.48.36)

ततोऽम्बिका भीमभुजङ्गमोपमैः सुरद्विषां शोणितचूषणोचितैः । निशुम्भमात्मीयशिलीमुखैः शितै- र्निहत्य भूमीमनयद्विषोक्षितैः

tato'mbikā bhīmabhujaṅgamopamaiḥ suradviṣāṁ śoṇitacūṣaṇocitaiḥ niśumbhamātmīyaśilīmukhaiḥ śitai- rnihatya bhūmīmanayadviṣokṣitaiḥ

तब अम्बिका ने देवताओं के शत्रुओं का रक्त पीने योग्य, भयंकर सर्पों के समान अपने तीक्ष्ण बाणों से निशुम्भ को मारकर, उसे रक्त से सने पृथ्वी पर लिटा दिया।

श्लोक 37 (shiva.uma.48.37)

निपातितेऽमानबलेऽसुरप्रभुः कनीयसि भ्रातरि रोषपूरितः । रथस्थितो बाहुभिरष्टभिर्वृतो जगाम यत्र प्रमदा महेशितुः

nipātite'mānabale'suraprabhuḥ kanīyasi bhrātari roṣapūritaḥ rathasthito bāhubhiraṣṭabhirvṛto jagāma yatra pramadā maheśituḥ

जब वह अपार बलशाली [निशुम्भ] गिर पड़ा, तब उसका अनुज असुराधिपति [शुम्भ] क्रोध से भर गया; अपने आठ भुजाओं से घिरा हुआ, रथ पर बैठकर वह वहाँ गया जहाँ महेश्वर की वह प्रमदा खड़ी थी।

श्लोक 38 (shiva.uma.48.38)

अवादयच्छङ्खमरिन्दमं तदा धनुःस्वनं चापि चकार दुःसहम् । ननाद सिंहोऽपि सटां विधूनयन् बभूव नादत्रयनादितं नभः

avādayacchaṅkhamarindamaṁ tadā dhanuḥsvanaṁ cāpi cakāra duḥsaham nanāda siṁho'pi saṭāṁ vidhūnayan babhūva nādatrayanāditaṁ nabhaḥ

तब उसने शत्रुओं को वश में करने वाला शंख बजाया, और अपने धनुष का असह्य टंकार भी किया; सिंह भी अयाल फैलाकर गरज उठा, और आकाश उन तीनों ध्वनियों से भर गया।

श्लोक 39 (shiva.uma.48.39)

ततोऽट्टहासं जगदम्बिकाऽकरो- द्वितत्रसुस्तेन सुरारयोऽखिलाः । जयेति शब्दं जगदुस्तदा सुरा यदाम्बिकोवाच रणे स्थिरो भव

tato'ṭṭahāsaṁ jagadambikā'karo- dvitatrasustena surārayo'khilāḥ jayeti śabdaṁ jagadustadā surā yadāmbikovāca raṇe sthiro bhava

तब जगदम्बिका ने एक अट्टहास किया, जिससे देवताओं के समस्त शत्रु काँप उठे; और देवताओं ने 'जय' का शब्द किया, ठीक उसी क्षण जब अम्बिका ने [शुम्भ से] कहा — "युद्ध में स्थिर रहो।"

श्लोक 40 (shiva.uma.48.40)

स दैत्यराजो महतीं ज्वलच्छिखां मुमोच शक्तिं निहता च सोल्कया । बिभेद शुम्भप्रहितान् शरान् शिवा शिवेरितान्सोऽपि सहस्रधा शरान्

sa daityarājo mahatīṁ jvalacchikhāṁ mumoca śaktiṁ nihatā ca solkayā bibheda śumbhaprahitān śarān śivā śiveritānso'pi sahasradhā śarān

उस दैत्यराज ने प्रचण्ड ज्वाला वाली एक विशाल शक्ति [अस्त्र] छोड़ी; उस जलती हुई शक्ति के मारे जाने पर भी कल्याणी देवी ने शुम्भ द्वारा भेजे गए बाणों को अपने ही बाणों से सहस्रधा विभक्त कर डाला।

श्लोक 41 (shiva.uma.48.41)

त्रिशूलमुत्क्षिप्य जघान चण्डिका महासुरं तं स पपात मूर्च्छितः । विभिन्नपक्षो हरिणा यथा नगः प्रकम्पयन् द्यां वसुधां सवारिधिम्

triśūlamutkṣipya jaghāna caṇḍikā mahāsuraṁ taṁ sa papāta mūrcchitaḥ vibhinnapakṣo hariṇā yathā nagaḥ prakampayan dyāṁ vasudhāṁ savāridhim

त्रिशूल उठाकर चण्डिका ने उस महाअसुर पर प्रहार किया; वह मूर्च्छित होकर उसी प्रकार गिर पड़ा जैसे इन्द्र द्वारा पंख काटा गया कोई पर्वत, स्वर्ग, पृथ्वी और सागर को कँपाता हुआ [गिरता है]।

श्लोक 42 (shiva.uma.48.42)

ततो मृषित्वा त्रिशिखोद्भवां व्यथां विधाय बाहूनयुतं महाबलः । स कालिकां सिंहयुतां महेश्वरीं जघान चक्रैरमरक्षयङ्करैः

tato mṛṣitvā triśikhodbhavāṁ vyathāṁ vidhāya bāhūnayutaṁ mahābalaḥ sa kālikāṁ siṁhayutāṁ maheśvarīṁ jaghāna cakrairamarakṣayaṅkaraiḥ

फिर त्रिशूल की उस पीड़ा को मिटाकर, वह महाबली दस हजार भुजाएँ धारण कर, सिंह सहित उस महेश्वरी कालिका पर देवताओं का भी विनाश करने वाले चक्रों से प्रहार करने लगा।

श्लोक 43 (shiva.uma.48.43)

तदस्य चक्राणि विभिद्य लीलया त्रिशूलमुद्गूर्य जघान सासुरम् । शिवाजगत्पावनपाणिपङ्कजा- दुपात्तमृत्यू परमं पदं गतौ

tadasya cakrāṇi vibhidya līlayā triśūlamudgūrya jaghāna sāsuram śivājagatpāvanapāṇipaṅkajā- dupāttamṛtyū paramaṁ padaṁ gatau

उन चक्रों को भी लीलापूर्वक तोड़कर, त्रिशूल उठाकर उसने उस असुर पर [अन्तिम] प्रहार किया; और वे दोनों [शुम्भ-निशुम्भ], जगत् को पवित्र करने वाली उस देवी के करकमल से मृत्यु पाकर, परम पद को प्राप्त हुए।

श्लोक 44 (shiva.uma.48.44)

हते तस्मिन्महावीर्ये निशुम्भे भीमविक्रमे । शुम्भे च सकला दैत्या विविशुर्बलिसद्मनि

hate tasminmahāvīrye niśumbhe bhīmavikrame śumbhe ca sakalā daityā viviśurbalisadmani

उस महापराक्रमी, भीषण विक्रम वाले निशुम्भ और शुम्भ के मारे जाने पर, समस्त दैत्य बलि के निवासस्थान (पाताल) में प्रवेश कर गए।

श्लोक 45 (shiva.uma.48.45)

भक्षिता अपरे कालीसिंहाद्यैरमरद्विषः । पलायितास्तथान्ये च दशदिक्षु भयाकुलाः

bhakṣitā apare kālīsiṁhādyairamaradviṣaḥ palāyitāstathānye ca daśadikṣu bhayākulāḥ

कुछ अन्य देवताओं के शत्रु कालिका, सिंह आदि द्वारा भक्षित हो गए, तथा अन्य लोग भयभीत होकर दसों दिशाओं में भाग गए।

श्लोक 46 (shiva.uma.48.46)

बभूवुर्मार्गवाहिन्यः सरितः स्वच्छपाथसः । ववुर्वाताः सुखस्पर्शा निर्मलत्वं ययौ नभः

babhūvurmārgavāhinyaḥ saritaḥ svacchapāthasaḥ vavurvātāḥ sukhasparśā nirmalatvaṁ yayau nabhaḥ

मार्ग में बहने वाली नदियाँ फिर से निर्मल जल वाली हो गईं, सुखद स्पर्श वाली वायु बहने लगी, और आकाश भी निर्मलता को प्राप्त हुआ।

श्लोक 47 (shiva.uma.48.47)

पुनर्यागः समारेभे देवैर्ब्रह्मर्षिभिस्तथा । सुखिनश्चाभवन्सर्वे महेन्द्राद्या दिवौकसः

punaryāgaḥ samārebhe devairbrahmarṣibhistathā sukhinaścābhavansarve mahendrādyā divaukasaḥ

देवताओं और ब्रह्मर्षियों ने पुनः यज्ञ का आरम्भ किया, और महेन्द्र आदि समस्त स्वर्गवासी देवगण फिर से सुखी हो गए।

श्लोक 48 (shiva.uma.48.48)

पवित्रं परमं पुण्यमुमायाश्चरितं प्रभो । दैत्यराजवधोपेतं श्रद्धया यः समभ्यसेत्

pavitraṁ paramaṁ puṇyamumāyāścaritaṁ prabho daityarājavadhopetaṁ śraddhayā yaḥ samabhyaset

हे प्रभो! उमा के इस पवित्र, परम पुण्यमय चरित्र को, जो असुरराजों के वध से युक्त है, जो श्रद्धापूर्वक इसका बार-बार अभ्यास करता है,

श्लोक 49 (shiva.uma.48.49)

स भुक्त्वेहाखिलान्भोगांस्त्रिदशैरपि दुर्लभान् । परत्रोमालयं गच्छेन्महामायाप्रसादतः

sa bhuktvehākhilānbhogāṁstridaśairapi durlabhān paratromālayaṁ gacchenmahāmāyāprasādataḥ

वह इस लोक में देवताओं के लिए भी दुर्लभ समस्त भोगों को भोगकर, महामाया की कृपा से परलोक में उमा के ही धाम को प्राप्त होता है।

श्लोक 50 (shiva.uma.48.50)

ऋषिरुवाच । एवं देवी समुत्पन्ना शुम्भासुरनिबर्हिणी । प्रोक्ता सरस्वती साक्षादुमांशाविर्भवा नृप

ṛṣiruvāca evaṁ devī samutpannā śumbhāsuranibarhiṇī proktā sarasvatī sākṣādumāṁśāvirbhavā nṛpa

ऋषि ने कहा — इस प्रकार उत्पन्न हुई वह देवी, शुम्भासुर की विनाशिनी, हे राजन्, साक्षात् उमा के अंश से प्रकट हुई सरस्वती ही कही गई है।