उमा का प्रादुर्भाव

श्लोक 1 (shiva.uma.49.1)

मुनय ऊचुः । उमाया भुवनेशान्याः सूत सर्वार्थवित्तम । अवतारं समाचक्ष्व यतो जाता सरस्वती

munaya ūcuḥ umāyā bhuvaneśānyāḥ sūta sarvārthavittama avatāraṁ samācakṣva yato jātā sarasvatī

मुनियों ने कहा — हे सूत, हे सर्वज्ञ! भुवनेश्वरी उमा के अवतार का वर्णन कीजिए, जिनसे सरस्वती उत्पन्न हुईं।

श्लोक 2 (shiva.uma.49.2)

या गीयते परब्रह्ममूलप्रकृतिरीश्वरी । निराकारापि साकारा नित्या नन्दमयी सती

yā gīyate parabrahmamūlaprakṛtirīśvarī nirākārāpi sākārā nityā nandamayī satī

जो परब्रह्म, मूल प्रकृति, ईश्वरी के रूप में गाई जाती हैं — निराकार होते हुए भी साकार, नित्य, आनन्दमयी सती।

श्लोक 3 (shiva.uma.49.3)

सूत उवाच । तापसाः शृणुत प्रेम्णा चरित्रं परमं महत् । यस्य विज्ञानमात्रेण नरो याति परां गतिम्

sūta uvāca tāpasāḥ śṛṇuta premṇā caritraṁ paramaṁ mahat yasya vijñānamātreṇa naro yāti parāṁ gatim

सूत जी ने कहा — हे तपस्वियो! प्रेमपूर्वक इस परम महान चरित्र को सुनो, जिसके ज्ञानमात्र से मनुष्य परम गति को प्राप्त होता है।

श्लोक 4 (shiva.uma.49.4)

देवदानवयोर्युद्धमेकदासीत्परस्परम् । महामायाप्रभावेणामराणां विजयोऽभवत्

devadānavayoryuddhamekadāsītparasparam mahāmāyāprabhāveṇāmarāṇāṁ vijayo'bhavat

एक समय देवों और दानवों में परस्पर युद्ध हुआ; महामाया के प्रभाव से देवताओं की विजय हुई।

श्लोक 5 (shiva.uma.49.5)

ततोऽवलिप्ता अमराः स्वप्रशंसां वितेनिरे । वयं धन्या वयं धन्याः किं करिष्यन्ति नोऽसुराः

tato'valiptā amarāḥ svapraśaṁsāṁ vitenire vayaṁ dhanyā vayaṁ dhanyāḥ kiṁ kariṣyanti no'surāḥ

तब अभिमानी हुए देवता अपनी प्रशंसा करने लगे — 'हम धन्य हैं, हम धन्य हैं! असुर हमारा क्या कर सकते हैं?'

श्लोक 6 (shiva.uma.49.6)

ये प्रभावं समालोक्यास्माकं परमदुःसहम् । भीता नागालयं याता यात यातेति वादिनः

ye prabhāvaṁ samālokyāsmākaṁ paramaduḥsaham bhītā nāgālayaṁ yātā yāta yāteti vādinaḥ

जिन्होंने हमारे इस असह्य प्रभाव को देखकर भयभीत होकर नागलोक की शरण ली और 'भागो, भागो' कहते हुए भाग गए —

श्लोक 7 (shiva.uma.49.7)

अहो बलमहो तेजो दैत्यवंशक्षयङ्करम् । अहो भाग्यं सुमनसामेवं सर्वेऽभ्यवर्णयन्

aho balamaho tejo daityavaṁśakṣayaṅkaram aho bhāgyaṁ sumanasāmevaṁ sarve'bhyavarṇayan

'अहो, हमारा बल! अहो, हमारा तेज, जो दैत्यवंश का नाश करने वाला है! अहो, देवताओं का सौभाग्य!' — इस प्रकार वे सब अपनी प्रशंसा करने लगे।

श्लोक 8 (shiva.uma.49.8)

तत आविरभूत्तेजः कूटरूपं तदैव हि । अदृष्टपूर्वं तद् दृष्ट्वा विस्मिता अभवन्सुराः

tata āvirabhūttejaḥ kūṭarūpaṁ tadaiva hi adṛṣṭapūrvaṁ tad dṛṣṭvā vismitā abhavansurāḥ

तभी वहाँ एक रहस्यमय रूप वाला तेज प्रकट हुआ; उस अपूर्व दृश्य को देखकर देवता चकित हो गए।

श्लोक 9 (shiva.uma.49.9)

किमिदं किमिदं चेति रुद्धकण्ठाः समब्रुवन । अजानन्तः परं श्यामानुभावं मानभञ्जनम्

kimidaṁ kimidaṁ ceti ruddhakaṇṭhāḥ samabruvana ajānantaḥ paraṁ śyāmānubhāvaṁ mānabhañjanam

'यह क्या है, यह क्या है?' — यह कहते हुए उनका कण्ठ अवरुद्ध हो गया, क्योंकि वे उस परम श्याम तेज को नहीं पहचान सके, जो उनका अभिमान भंग करने आया था।

श्लोक 10 (shiva.uma.49.10)

तत आज्ञापयद्देवान् देवानामधिनायकः । यात यूयं परीक्षध्वं याथातथ्येन किन्विति

tata ājñāpayaddevān devānāmadhināyakaḥ yāta yūyaṁ parīkṣadhvaṁ yāthātathyena kinviti

तब देवताओं के अधिपति (इन्द्र) ने देवताओं को आज्ञा दी — 'जाओ, तुम सब यथार्थ रूप से परीक्षा करो कि यह क्या है।'

श्लोक 11 (shiva.uma.49.11)

सुरेन्द्रप्रेरितो वायुर्महसः सन्निधिं गतः । कस्त्वं भोरिति सम्बोध्यावोचदेनं च तन्महः

surendraprerito vāyurmahasaḥ sannidhiṁ gataḥ kastvaṁ bhoriti sambodhyāvocadenaṁ ca tanmahaḥ

देवराज इन्द्र द्वारा प्रेरित वायु उस तेज के समीप गए; तब उस महातेज ने उन्हें सम्बोधित करते हुए पूछा — 'तुम कौन हो, भो?'

श्लोक 12 (shiva.uma.49.12)

इति पृष्टस्तदा वायुर्महसातिगरीयसा । वायुरस्मि जगत्प्राणः साभिमानोऽब्रवीदिदम्

iti pṛṣṭastadā vāyurmahasātigarīyasā vāyurasmi jagatprāṇaḥ sābhimāno'bravīdidam

उस अत्यंत महान तेज द्वारा इस प्रकार पूछे जाने पर वायु ने अभिमानपूर्वक यह कहा — 'मैं वायु हूँ, जगत् का प्राण हूँ।'

श्लोक 13 (shiva.uma.49.13)

जङ्गमाजङ्गमं सर्वमोतप्रोतमिदं जगत् । मय्येव निखिलाधारे चालयाम्यखिलं जगत्

jaṅgamājaṅgamaṁ sarvamotaprotamidaṁ jagat mayyeva nikhilādhāre cālayāmyakhilaṁ jagat

यह सम्पूर्ण जगत्, चर और अचर, मुझमें ही ओत-प्रोत है; मैं ही सबका आधार होकर सम्पूर्ण जगत् को गतिमान करता हूँ।

श्लोक 14 (shiva.uma.49.14)

तदोवाच महातेजः शक्तोऽसि यदि चालने । धृतमेतत्तृणं वायो चालयस्व निजेच्छया

tadovāca mahātejaḥ śakto'si yadi cālane dhṛtametattṛṇaṁ vāyo cālayasva nijecchayā

तब उस महातेज ने कहा — 'हे वायु! यदि तुम गति देने में समर्थ हो, तो अपनी इच्छा से इस रखे हुए तिनके को हिलाओ।'

श्लोक 15 (shiva.uma.49.15)

ततः सर्वप्रयत्नेनाकरोद्यत्नं सदागतिः । न चचाल यदा स्थानात्तदासौ लज्जितोऽभवत

tataḥ sarvaprayatnenākarodyatnaṁ sadāgatiḥ na cacāla yadā sthānāttadāsau lajjito'bhavata

तब सदा गतिशील वायु ने पूरा प्रयत्न किया; परन्तु जब वह तिनका अपने स्थान से भी नहीं हिला, तब वह लज्जित हो गया।

श्लोक 16 (shiva.uma.49.16)

तूष्णीं भूत्वा ततो वायुर्जगामेन्द्रंसभां प्रति । कथयामास तद् वृत्तं स्वकीयाभिभवान्वितम्

tūṣṇīṁ bhūtvā tato vāyurjagāmendraṁsabhāṁ prati kathayāmāsa tad vṛttaṁ svakīyābhibhavānvitam

मौन होकर वायु इन्द्र की सभा में गया और अपने अपमान सहित वह सब वृत्तान्त कह सुनाया।

श्लोक 17 (shiva.uma.49.17)

सर्वेशत्वं वयं सर्वे मृषैवात्मनि मन्महे । न पारयामहे किञ्चिद्विधातुं क्षुद्रवस्त्वपि

sarveśatvaṁ vayaṁ sarve mṛṣaivātmani manmahe na pārayāmahe kiñcidvidhātuṁ kṣudravastvapi

'हम सब व्यर्थ ही अपने आप को सर्वशक्तिमान मानते हैं; हम एक छोटी-सी वस्तु भी करने में समर्थ नहीं हैं।'

श्लोक 18 (shiva.uma.49.18)

ततश्च प्रेषयामास मरुत्वान्सकलान्सुरान् । न शेकुस्ते यदा ज्ञातुं तदेन्द्रः स्वयमभ्यगात्

tataśca preṣayāmāsa marutvānsakalānsurān na śekuste yadā jñātuṁ tadendraḥ svayamabhyagāt

तब इन्द्र ने समस्त देवताओं को भेजा; जब वे भी जान न सके, तब इन्द्र स्वयं वहाँ गए।

श्लोक 19 (shiva.uma.49.19)

मघवन्तमथायान्तं दृष्ट्वा तेजोऽतिदुःसहम् । बभूवान्तर्हितं सद्यो विस्मितोऽभूच्च वासवः

maghavantamathāyāntaṁ dṛṣṭvā tejo'tiduḥsaham babhūvāntarhitaṁ sadyo vismito'bhūcca vāsavaḥ

इन्द्र को आते देखकर वह अत्यंत असह्य तेज तत्काल अन्तर्धान हो गया; और इन्द्र चकित रह गए।

श्लोक 20 (shiva.uma.49.20)

चरित्रमीदृशं यस्य तमेव शरणं श्रये । इति सञ्चिन्तयामास सहस्राक्षः पुनः पुनः

caritramīdṛśaṁ yasya tameva śaraṇaṁ śraye iti sañcintayāmāsa sahasrākṣaḥ punaḥ punaḥ

'जिसका ऐसा चरित्र है, मैं उसी की शरण लेता हूँ' — इस प्रकार सहस्राक्ष (इन्द्र) बार-बार चिन्तन करने लगे।

श्लोक 21 (shiva.uma.49.21)

एतस्मिन्नन्तरे तत्र निर्व्याजकरुणातनुः । तेषामनुग्रहं कर्तुं हर्तुं गर्वं शिवाङ्गना

etasminnantare tatra nirvyājakaruṇātanuḥ teṣāmanugrahaṁ kartuṁ hartuṁ garvaṁ śivāṅganā

इसी बीच वहाँ निष्कपट करुणामयी शिवा (उमा), उन देवताओं पर अनुग्रह करने और उनका अभिमान दूर करने के लिए —

श्लोक 22 (shiva.uma.49.22)

चैत्रशुक्लनवम्यां तु मध्याह्नस्थे दिवाकरे । प्रादुरासीदुमा देवी सच्चिदानन्दरूपिणी

caitraśuklanavamyāṁ tu madhyāhnasthe divākare prādurāsīdumā devī saccidānandarūpiṇī

चैत्र शुक्ल नवमी को, मध्याह्न के समय जब सूर्य ठीक ऊपर था, सच्चिदानन्दस्वरूपिणी देवी उमा प्रकट हुईं।

श्लोक 23 (shiva.uma.49.23)

महोमध्ये विराजन्ती भासयन्ती दिशो रुचा । बोधयन्ती सुरान्सर्वान् ब्रह्मैवाहमिति स्फुटम्

mahomadhye virājantī bhāsayantī diśo rucā bodhayantī surānsarvān brahmaivāhamiti sphuṭam

उस तेज के मध्य विराजमान, अपनी कान्ति से सब दिशाओं को प्रकाशित करती हुई, वे सभी देवताओं को स्पष्ट रूप से यह बोध कराने लगीं कि 'मैं ही ब्रह्म हूँ।'

श्लोक 24 (shiva.uma.49.24)

चतुर्भिर्दधती हस्तैर्वरपाशाङ्कुशाभयान् । श्रुतिभिः सेविता रम्या नवयौवनगर्विता

caturbhirdadhatī hastairvarapāśāṅkuśābhayān śrutibhiḥ sevitā ramyā navayauvanagarvitā

अपने चार हाथों में वर, पाश, अंकुश और अभय-मुद्रा धारण किए हुए — श्रुतियों द्वारा सेवित, रमणीय, नित्य नवयौवन से सुशोभित।

श्लोक 25 (shiva.uma.49.25)

रक्ताम्बरपरीधाना रक्तमाल्यानुलेपना । कोटिकन्दर्पसङ्काशा चन्द्रकोटिसमप्रभा

raktāmbaraparīdhānā raktamālyānulepanā koṭikandarpasaṅkāśā candrakoṭisamaprabhā

रक्तवस्त्र धारण किए, रक्त पुष्पमाला और रक्त अनुलेपन से सुशोभित, करोड़ों कामदेवों के समान सुन्दर, करोड़ों चन्द्रमाओं के समान कान्तिमयी।

श्लोक 26 (shiva.uma.49.26)

व्याजहार महामाया सर्वान्तर्यामिरूपिणी । साक्षिणी सर्वभूतानां परब्रह्मस्वरूपिणी

vyājahāra mahāmāyā sarvāntaryāmirūpiṇī sākṣiṇī sarvabhūtānāṁ parabrahmasvarūpiṇī

सर्वान्तर्यामीस्वरूपा, समस्त प्राणियों की साक्षिणी, परब्रह्मस्वरूपा महामाया ने तब यह कहा।

श्लोक 27 (shiva.uma.49.27)

उमोवाच । न ब्रह्मा न सुरारातिर्न पुरारातिरीश्वरः । मदग्रे गर्वितुं किञ्चित्का कथान्यसुपर्वणाम्

umovāca na brahmā na surārātirna purārātirīśvaraḥ madagre garvituṁ kiñcitkā kathānyasuparvaṇām

उमा ने कहा — न ब्रह्मा, न विष्णु (देवशत्रुओं के शत्रु), न पुरारि ईश्वर शिव भी मेरे समक्ष किसी बात का गर्व कर सकते हैं — फिर अन्य देवताओं की तो बात ही क्या!

श्लोक 28 (shiva.uma.49.28)

परं ब्रह्म परं ज्योतिः प्रणवद्वन्द्वरूपिणी । अहमेवास्मि सकलं मदन्यो नास्ति कश्चन

paraṁ brahma paraṁ jyotiḥ praṇavadvandvarūpiṇī ahamevāsmi sakalaṁ madanyo nāsti kaścana

मैं ही परब्रह्म हूँ, परम ज्योति हूँ, प्रणव में समाहित युगल-रूपा हूँ; मैं ही सब कुछ हूँ, मुझसे भिन्न कुछ भी नहीं है।

श्लोक 29 (shiva.uma.49.29)

निराकारापि साकारा सर्वतत्त्वस्वरूपिणी । अप्रतर्क्यगुणा नित्या कार्यकारणरूपिणी

nirākārāpi sākārā sarvatattvasvarūpiṇī apratarkyaguṇā nityā kāryakāraṇarūpiṇī

निराकार होते हुए भी साकार, समस्त तत्त्वों की स्वरूपा, अतर्क्य गुणों वाली, नित्य, कार्य और कारण दोनों रूपा।

श्लोक 30 (shiva.uma.49.30)

कदाचिद्दयिताकारा कदाचित्पुरुषाकृतिः । कदाचिदुभयाकारा सर्वाकाराहमीश्वरी

kadāciddayitākārā kadācitpuruṣākṛtiḥ kadācidubhayākārā sarvākārāhamīśvarī

कभी मैं प्रिया के रूप में, कभी पुरुष के रूप में, कभी दोनों के संयुक्त रूप में प्रकट होती हूँ — मैं ईश्वरी सब रूपों वाली हूँ।

श्लोक 31 (shiva.uma.49.31)

विरञ्चिः सृष्टिकर्ताहं जगत्पाताहमच्युतः । रुद्रः संहारकर्ताहं सर्वविश्वविमोहिनी

virañciḥ sṛṣṭikartāhaṁ jagatpātāhamacyutaḥ rudraḥ saṁhārakartāhaṁ sarvaviśvavimohinī

मैं ही ब्रह्मा होकर सृष्टि करती हूँ, मैं ही अच्युत विष्णु होकर जगत् का पालन करती हूँ, मैं ही रुद्र होकर संहार करती हूँ — मैं ही सम्पूर्ण विश्व को मोहित करने वाली हूँ।

श्लोक 32 (shiva.uma.49.32)

कालिकाकमलावाणीमुखाः सर्वा हि शक्तयः । मदंशादेव सञ्जातास्तथेमाः सकलाः कलाः

kālikākamalāvāṇīmukhāḥ sarvā hi śaktayaḥ madaṁśādeva sañjātāstathemāḥ sakalāḥ kalāḥ

कालिका, कमला और वाणी आदि जो भी समस्त शक्तियाँ हैं, तथा ये सभी कलाएँ — ये सब मेरे ही अंश से उत्पन्न हुई हैं।

श्लोक 33 (shiva.uma.49.33)

मत्प्रभावाज्जिताः सर्वे युष्माभिर्दितिनन्दनाः । तामविज्ञाय मां यूयं वृथा सर्वेशमानिनः

matprabhāvājjitāḥ sarve yuṣmābhirditinandanāḥ tāmavijñāya māṁ yūyaṁ vṛthā sarveśamāninaḥ

मेरे ही प्रभाव से तुमने समस्त दैत्यों (दिति के पुत्रों) को जीता है; मुझे न पहचानकर तुम व्यर्थ ही अपने आप को सर्वेश्वर मानते हो।

श्लोक 34 (shiva.uma.49.34)

यथा दारुमयीं योषां नर्तयत्यैन्द्रजालिकः । तथैव सर्वभूतानि नर्तयाम्यहमीश्वरी

yathā dārumayīṁ yoṣāṁ nartayatyaindrajālikaḥ tathaiva sarvabhūtāni nartayāmyahamīśvarī

जैसे एक जादूगर लकड़ी की पुतली को नचाता है, वैसे ही मैं ईश्वरी समस्त प्राणियों को नचाती हूँ।

श्लोक 35 (shiva.uma.49.35)

मद्भयाद्वाति पवनः सर्वं दहति हव्यभुक् । लोकपालाः प्रकुर्वन्ति स्वस्वकर्माण्यनारतम्

madbhayādvāti pavanaḥ sarvaṁ dahati havyabhuk lokapālāḥ prakurvanti svasvakarmāṇyanāratam

मेरे भय से ही वायु चलती है, अग्नि सब कुछ जलाती है, और लोकपाल निरन्तर अपने-अपने कर्तव्यों का पालन करते हैं।

श्लोक 36 (shiva.uma.49.36)

कदाचिद्देववर्गाणां कदाचिद्दितिजन्मनाम् । करोमि विजयं सम्यक् स्वतन्त्रा निजलीलया

kadāciddevavargāṇāṁ kadācidditijanmanām karomi vijayaṁ samyak svatantrā nijalīlayā

कभी मैं देवगण की तो कभी दैत्यों की, अपनी स्वतन्त्र लीला से, पूर्ण विजय कराती हूँ।

श्लोक 37 (shiva.uma.49.37)

अविनाशि परं धाम मायातीतं परात्परम् । श्रुतयो वर्णयन्ते यत्तद्रूपं तु ममैव हि

avināśi paraṁ dhāma māyātītaṁ parātparam śrutayo varṇayante yattadrūpaṁ tu mamaiva hi

जो अविनाशी परमधाम, मायातीत, परात्पर है, जिसका वर्णन श्रुतियाँ करती हैं — वह रूप मेरा ही है।

श्लोक 38 (shiva.uma.49.38)

सगुणं निर्गुणं चेति मद्रूपं द्विविधं मतम् । मायाशबलितं चैकं द्वितीयं तदनाश्रितम्

saguṇaṁ nirguṇaṁ ceti madrūpaṁ dvividhaṁ matam māyāśabalitaṁ caikaṁ dvitīyaṁ tadanāśritam

मेरा रूप दो प्रकार का माना गया है — सगुण और निर्गुण; एक माया से मिश्रित है, दूसरा उससे रहित है।

श्लोक 39 (shiva.uma.49.39)

एवं विज्ञाय मां देवाः स्वं स्वं गर्वं विहाय च । भजत प्रणयोपेताः प्रकृतिं मां सनातनीम्

evaṁ vijñāya māṁ devāḥ svaṁ svaṁ garvaṁ vihāya ca bhajata praṇayopetāḥ prakṛtiṁ māṁ sanātanīm

हे देवगण! मुझे इस प्रकार जानकर अपना-अपना अभिमान त्यागकर, प्रेमपूर्वक मुझ सनातनी प्रकृति की भक्ति करो।

श्लोक 40 (shiva.uma.49.40)

इति देव्या वचः श्रुत्वा करुणागर्भितं सुराः । तुष्टुवुः परमेशानीं भक्तिसन्नतकन्धराः

iti devyā vacaḥ śrutvā karuṇāgarbhitaṁ surāḥ tuṣṭuvuḥ parameśānīṁ bhaktisannatakandharāḥ

देवी के इन करुणापूर्ण वचनों को सुनकर देवताओं ने भक्तिपूर्वक सिर झुकाकर परमेश्वरी की स्तुति की।

श्लोक 41 (shiva.uma.49.41)

क्षमस्व जगदीशानि प्रसीद परमेश्वरि । मैवं भूयात्कदाचिन्नो गर्वो मातर्दयां कुरु

kṣamasva jagadīśāni prasīda parameśvari maivaṁ bhūyātkadācinno garvo mātardayāṁ kuru

'हे जगदीश्वरी! हमें क्षमा करो, हे परमेश्वरी! प्रसन्न होओ। ऐसा अभिमान हमें फिर कभी न हो — हे माता, हम पर दया करो।'

श्लोक 42 (shiva.uma.49.42)

ततःप्रभृति ते देवा हित्वा गर्वं समाहिताः । उमामाराधयामासुर्यथापूर्वं यथाविधि

tataḥprabhṛti te devā hitvā garvaṁ samāhitāḥ umāmārādhayāmāsuryathāpūrvaṁ yathāvidhi

तब से वे देवता अपना अभिमान त्यागकर, एकाग्रचित्त होकर, विधिपूर्वक पूर्व की भाँति उमा की आराधना करने लगे।

श्लोक 43 (shiva.uma.49.43)

इति वः कथितो विप्रा उमाप्रादुर्भवो मया । यस्य श्रवणमात्रेण परमं पदमश्नुते

iti vaḥ kathito viprā umāprādurbhavo mayā yasya śravaṇamātreṇa paramaṁ padamaśnute

हे विप्रो! इस प्रकार मैंने तुम्हें उमा के प्रादुर्भाव की कथा सुनाई, जिसके श्रवणमात्र से मनुष्य परम पद को प्राप्त करता है।