केलेश्वरी, वत्सेश्वरी और दुर्गा की महिमा

श्लोक 1 (skanda.1.100.1)

॥सूत उवाच॥ उषित्वा सप्तरात्राणि तीर्थेस्मिन्भ्रातृभिः सह ॥ युधिष्ठिरो महातेजा गमनायोपचक्रमे

||sūta uvāca|| uṣitvā saptarātrāṇi tīrthesminbhrātṛbhiḥ saha || yudhiṣṭhiro mahātejā gamanāyopacakrame

सूत जी ने कहा - इस तीर्थ में अपने भाइयों सहित सात रात्रियाँ निवास करके, महातेजस्वी युधिष्ठिर ने प्रस्थान की तैयारी की।

श्लोक 2 (skanda.1.100.2)

प्रभाते विमले स्नात्वा देवीर्लिंगान्यथार्च्य च ॥ कृत्वा प्रदक्षिणं क्षेत्रं देवीस्तोत्रं जजाप सः ॥ प्रयाणकालेषु सदा जप्यं कृष्णेन कीर्तितम्

prabhāte vimale snātvā devīrliṁgānyathārcya ca || kṛtvā pradakṣiṇaṁ kṣetraṁ devīstotraṁ jajāpa saḥ || prayāṇakāleṣu sadā japyaṁ kṛṣṇena kīrtitam

निर्मल प्रातःकाल में स्नान करके, देवियों तथा लिंगों की पूजा करके, क्षेत्र की प्रदक्षिणा करके, उन्होंने देवी-स्तोत्र का जप किया - वही स्तोत्र जिसे कृष्ण ने प्रस्थान के समय सदा जपने योग्य बताया था।

श्लोक 3 (skanda.1.100.3)

॥युधिष्ठिर उवाच॥ देवि पूज्ये महाशक्ते कृष्णस्य भगिनि प्रिये ॥ नत्वा त्वां शरणं यामि मनोवाक्कायकर्मभिः

||yudhiṣṭhira uvāca|| devi pūjye mahāśakte kṛṣṇasya bhagini priye || natvā tvāṁ śaraṇaṁ yāmi manovākkāyakarmabhiḥ

युधिष्ठिर ने कहा - "हे पूज्य देवि! हे महाशक्ति! हे कृष्ण की प्रिय भगिनी! तुम्हें प्रणाम करके मैं मन, वचन, काया और कर्म से तुम्हारी शरण में जाता हूँ।

श्लोक 4 (skanda.1.100.4)

संकर्षणाभयदाने कृष्णच्छविसमप्रभे ॥ एकानंशे महादेवि पुत्रवत्त्राहि मां शिव

saṁkarṣaṇābhayadāne kṛṣṇacchavisamaprabhe || ekānaṁśe mahādevi putravattrāhi māṁ śiva

हे संकर्षण को अभय देने वाली! हे कृष्ण के समान वर्ण वाली! हे एकानंशे! हे महादेवि! हे शिवे! अपने पुत्र के समान मेरी रक्षा करो।

श्लोक 5 (skanda.1.100.5)

त्वया ततमिदं विश्वं जगदव्यक्तरूपया ॥ इति मत्वा त्वां गतोऽस्मि शरणं त्राहि मां शुभे

tvayā tatamidaṁ viśvaṁ jagadavyaktarūpayā || iti matvā tvāṁ gato'smi śaraṇaṁ trāhi māṁ śubhe

तुमसे ही यह सम्पूर्ण जगत अपने अव्यक्त रूप में व्याप्त है - यह जानकर मैं तुम्हारी शरण में आया हूँ, हे शुभे! मेरी रक्षा करो।

श्लोक 6 (skanda.1.100.6)

कार्यारम्भेषु सर्वेषु सानुगेन मया तव ॥ स्व आत्मा कल्पितो भद्रे ज्ञात्वैतदनुकंप्यताम

kāryārambheṣu sarveṣu sānugena mayā tava || sva ātmā kalpito bhadre jñātvaitadanukaṁpyatāma

प्रत्येक कार्य के आरम्भ में मैंने अनुचरों सहित अपनी आत्मा तुम्हें ही समर्पित की है, हे भद्रे! यह जानकर मुझ पर कृपा करो।"

श्लोक 7 (skanda.1.100.7)

॥सूत उवाच॥ इति ब्रुवाणं राजानं शिरोबद्धाजलिं तदा ॥ वायुपुत्रः प्रहस्यैव सासूयमिदमब्रवीत्

||sūta uvāca|| iti bruvāṇaṁ rājānaṁ śirobaddhājaliṁ tadā || vāyuputraḥ prahasyaiva sāsūyamidamabravīt

सूत जी ने कहा - सिर पर हाथ जोड़कर इस प्रकार कहते हुए राजा से, वायु-पुत्र भीम ने हँसते हुए ईर्ष्यापूर्वक यह कहा -

श्लोक 8 (skanda.1.100.8)

ये त्वां राजन्वदंत्येवं सर्वज्ञोऽयं युधिष्ठिरः ॥ वृथैव वचनं तेषां यतस्त्वं वेत्सि नाण्वपि

ye tvāṁ rājanvadaṁtyevaṁ sarvajño'yaṁ yudhiṣṭhiraḥ || vṛthaiva vacanaṁ teṣāṁ yatastvaṁ vetsi nāṇvapi

"हे राजन्! जो लोग तुम्हें 'यह युधिष्ठिर सर्वज्ञ है' कहते हैं, उनकी यह बात व्यर्थ ही है, क्योंकि तुम तो तनिक भी नहीं जानते।

श्लोक 9 (skanda.1.100.9)

को हि प्रज्ञावतां मुख्यः सर्वशास्त्रविदांवरः ॥ स्त्रीणां शरणमापद्येदृजुर्बुद्धिर्यथा भवान्

ko hi prajñāvatāṁ mukhyaḥ sarvaśāstravidāṁvaraḥ || strīṇāṁ śaraṇamāpadyedṛjurbuddhiryathā bhavān

क्योंकि बुद्धिमानों में श्रेष्ठ, सभी शास्त्रों के ज्ञाता होकर भी कौन तुम्हारे समान सरल-बुद्धि होकर एक स्त्री की शरण में जाएगा?

श्लोक 10 (skanda.1.100.10)

यतस्त्वमेव वेत्सीदं सर्वशास्त्रेषु कीर्त्यते ॥ जडेयं प्रकृतिर्मूढा यया संमोह्यते जगत्

yatastvameva vetsīdaṁ sarvaśāstreṣu kīrtyate || jaḍeyaṁ prakṛtirmūḍhā yayā saṁmohyate jagat

क्योंकि तुम स्वयं ही जानते हो कि यह समस्त शास्त्रों में कहा गया है - कि यह प्रकृति जड़, मोहग्रस्त है, जिससे जगत केवल मोहित ही होता है।

श्लोक 11 (skanda.1.100.11)

सचेतनं च पुरुषं प्रकृतिं च विचेतनाम् ॥ प्राहुर्बुधा नराध्यक्ष पुंसश्चप्रकृतिः प्रिया

sacetanaṁ ca puruṣaṁ prakṛtiṁ ca vicetanām || prāhurbudhā narādhyakṣa puṁsaścaprakṛtiḥ priyā

बुद्धिमान लोग, हे नराध्यक्ष! पुरुष को सचेतन और प्रकृति को अचेतन कहते हैं; और प्रकृति तो पुरुष की केवल प्रिय पत्नी है।

श्लोक 12 (skanda.1.100.12)

तत्स्वयं पुरुषो भूत्वा युधिष्ठिर वृथामते ॥ प्रकृतिं नौषि नत्वा तां हासो मेऽतीव जायते

tatsvayaṁ puruṣo bhūtvā yudhiṣṭhira vṛthāmate || prakṛtiṁ nauṣi natvā tāṁ hāso me'tīva jāyate

तो स्वयं पुरुष होकर भी, हे मूर्ख-मति युधिष्ठिर! तुम प्रकृति को प्रणाम करके उसकी स्तुति करते हो - इस पर मुझे अत्यंत हँसी आती है।"

श्लोक 13 (skanda.1.100.13)

आरोहयेच्छिरो नैव क्वचिद्धित्वा उपानहौ ॥ यथा स मूढो भवति देवीभक्तिरतस्तथा

ārohayecchiro naiva kvaciddhitvā upānahau || yathā sa mūḍho bhavati devībhaktiratastathā

"जैसे कोई अपने जूते उतारकर उन्हें कभी अपने सिर पर नहीं चढ़ाता, वैसे ही देवी-भक्ति में रत व्यक्ति मूर्ख ही होता है।

श्लोक 14 (skanda.1.100.14)

यदि ते बन्दिवत्पार्थ तिष्ठेद्वाण्यनिवारिता ॥ तत्किमर्थं महादेवं न स्तौषि त्रिपुरान्तकम्

yadi te bandivatpārtha tiṣṭhedvāṇyanivāritā || tatkimarthaṁ mahādevaṁ na stauṣi tripurāntakam

यदि तुम्हारी वाणी, हे पार्थ! भाट की भाँति निर्बाध चलती ही रहनी है, तो त्रिपुरांतक महादेव की स्तुति क्यों नहीं करते?

श्लोक 15 (skanda.1.100.15)

अलक्ष्यमिति वा मत्वा महेशानं महामते ॥ ततः किमर्थ दाशार्हं न स्तौषि पुरुषोत्तमम्

alakṣyamiti vā matvā maheśānaṁ mahāmate || tataḥ kimartha dāśārhaṁ na stauṣi puruṣottamam

या फिर महेशान को अलक्ष्य मानकर, हे महामते! दाशार्ह पुरुषोत्तम (कृष्ण) की स्तुति क्यों नहीं करते?

श्लोक 16 (skanda.1.100.16)

यस्य प्रसादादस्माभिः प्राप्ता द्रुपदनंदिनी ॥ इन्द्रप्रस्थे तथा राज्यं राजसूयस्त्वया कृतः

yasya prasādādasmābhiḥ prāptā drupadanaṁdinī || indraprasthe tathā rājyaṁ rājasūyastvayā kṛtaḥ

जिनकी कृपा से हमें द्रुपद-नंदिनी प्राप्त हुई, तथा इंद्रप्रस्थ में राज्य और तुमने राजसूय यज्ञ किया,

श्लोक 17 (skanda.1.100.17)

विजयेन धनुर्लब्धं जरासन्धो मया हतः ॥ प्रत्याहर्तुं तथेच्छामः कौरवेभ्यः स्वकां श्रियम्

vijayena dhanurlabdhaṁ jarāsandho mayā hataḥ || pratyāhartuṁ tathecchāmaḥ kauravebhyaḥ svakāṁ śriyam

जिनकी कृपा से विजय (अर्जुन) ने धनुष प्राप्त किया, तथा जरासंध मेरे द्वारा मारा गया, और जिनकी कृपा से हम अभी भी कौरवों से अपना राज्य वापस पाने की आशा करते हैं।

श्लोक 18 (skanda.1.100.18)

यस्य प्रसादात्तं मुक्त्वा कृष्णं हा स्तौषि यज्जयी ॥ अथ स्वयं कौरवाणामुत्पन्नं कुलसत्तमे

yasya prasādāttaṁ muktvā kṛṣṇaṁ hā stauṣi yajjayī || atha svayaṁ kauravāṇāmutpannaṁ kulasattame

जिनकी कृपा से यह सब हुआ - उन कृष्ण को छोड़कर, हाय! तुम उनकी स्तुति क्यों नहीं करते? या क्या तुम स्वयं कौरव-कुल में उत्पन्न होने के कारण,

श्लोक 19 (skanda.1.100.19)

जानन्नात्मानमल्पत्वाद्बुद्धेर्न स्तौषि यादवम् ॥ तत्किमर्थं महावीर्यं न स्तौष्यर्जुनमुत्तमम्

jānannātmānamalpatvādbuddherna stauṣi yādavam || tatkimarthaṁ mahāvīryaṁ na stauṣyarjunamuttamam

स्वयं को बुद्धि में अल्प जानकर यादव की स्तुति नहीं करते? तो कम से कम उस महापराक्रमी अर्जुन की स्तुति क्यों नहीं करते -

श्लोक 20 (skanda.1.100.20)

येन विद्धं पुरा लक्ष्यं येन कर्णादयो जिताः ॥ येन तत्खांडवं दग्धं यज्ञे येन नृपा जिताः

yena viddhaṁ purā lakṣyaṁ yena karṇādayo jitāḥ || yena tatkhāṁḍavaṁ dagdhaṁ yajñe yena nṛpā jitāḥ

जिसने पहले लक्ष्य को भेदा, जिसने कर्ण आदि को जीता, जिसने खांडव वन को जलाया, जिसने यज्ञ में राजाओं को जीता,

श्लोक 21 (skanda.1.100.21)

श्रूयते येन विक्रम्य महेशानोऽपि निर्जितः ॥ स्वर्लोकसंस्थितस्यास्य शरणं याहि स्तौषि च

śrūyate yena vikramya maheśāno'pi nirjitaḥ || svarlokasaṁsthitasyāsya śaraṇaṁ yāhi stauṣi ca

जिसने पराक्रम करके स्वयं महेशान को भी सुना जाता है कि जीत लिया था - जाओ, स्वर्गलोक में स्थित उसी की शरण लो और उसी की स्तुति करो।

श्लोक 22 (skanda.1.100.22)

अथवा तेन शक्रेण राज्यं मे नार्पितं कुतः ॥ इति मत्वा वृथैव त्वं न स्तौषि भ्रातरं मम

athavā tena śakreṇa rājyaṁ me nārpitaṁ kutaḥ || iti matvā vṛthaiva tvaṁ na stauṣi bhrātaraṁ mama

या फिर सोचते हो कि 'उस इंद्र ने मुझे राज्य क्यों नहीं दिलाया' - यह व्यर्थ सोचकर तुम मेरे भाई (अर्जुन) की भी स्तुति नहीं करते?

श्लोक 23 (skanda.1.100.23)

ततो मां वा कथं वीरं न स्तौषि त्वं युधिष्ठिर ॥ येन त्वं रक्षितः पूर्वं लाक्षागेहाग्निमध्यतः

tato māṁ vā kathaṁ vīraṁ na stauṣi tvaṁ yudhiṣṭhira || yena tvaṁ rakṣitaḥ pūrvaṁ lākṣāgehāgnimadhyataḥ

तो फिर, हे युधिष्ठिर! तुम मुझ वीर की भी स्तुति क्यों नहीं करते - जिसने पहले तुम्हें लाक्षागृह की अग्नि के बीच से बचाया?

श्लोक 24 (skanda.1.100.24)

वृक्षेणाहत्य मद्रेशो नदीं शुष्कां प्रसारितः ॥ राजराजस्तथा येन जरासंधो निपातितः

vṛkṣeṇāhatya madreśo nadīṁ śuṣkāṁ prasāritaḥ || rājarājastathā yena jarāsaṁdho nipātitaḥ

जिसने वृक्ष से प्रहार करके मद्रराज को सूखी नदी में फैला दिया, तथा जिसने राजाधिराज जरासंध को भी गिरा दिया,

श्लोक 25 (skanda.1.100.25)

पूर्वा दिङ्निर्जिता येन येन पूर्वं बको हतः ॥ हिडम्बश्च महावीरः किर्मीरश्चाधुना वने

pūrvā diṅnirjitā yena yena pūrvaṁ bako hataḥ || hiḍambaśca mahāvīraḥ kirmīraścādhunā vane

जिसने पूर्व दिशा को जीता, जिसने पहले बक को मारा, तथा महावीर हिडिम्ब और अभी-अभी वन में किर्मीर को भी -

श्लोक 26 (skanda.1.100.26)

कालेकाले च रक्षामि त्वामेवाहं सदानुगः ॥ न तां पश्यामि रक्षंतीं नत्वा यां स्तौषि भारत

kālekāle ca rakṣāmi tvāmevāhaṁ sadānugaḥ || na tāṁ paśyāmi rakṣaṁtīṁ natvā yāṁ stauṣi bhārata

मैं ही तो समय-समय पर सदा तुम्हारे साथ रहकर तुम्हारी रक्षा करता हूँ। जिसे प्रणाम करके तुम स्तुति करते हो, उसे मैंने तुम्हारी रक्षा करते कभी नहीं देखा, हे भारत!"

श्लोक 27 (skanda.1.100.27)

अथ क्षुधाबलं ज्ञात्वा मामौदरिकसत्तमम्॥ क्रूरं साहसिकं चैव न स्तौषि क्षमिणां वरः

atha kṣudhābalaṁ jñātvā māmaudarikasattamam|| krūraṁ sāhasikaṁ caiva na stauṣi kṣamiṇāṁ varaḥ

"या फिर मुझे भूख से पराजित, पेटू, क्रूर और साहसी जानकर - हे क्षमावानों में श्रेष्ठ! क्या तुम इसीलिए मेरी स्तुति नहीं करते?

श्लोक 28 (skanda.1.100.28)

ततः सुसंयतो भूत्वा प्रणवं समुदीरयन्॥ कथं न यासि मार्गे त्वं वृथालापो हि दोषभाक्

tataḥ susaṁyato bhūtvā praṇavaṁ samudīrayan|| kathaṁ na yāsi mārge tvaṁ vṛthālāpo hi doṣabhāk

अच्छा तो, संयत होकर बस ॐ का उच्चारण करते हुए मार्ग पर क्यों नहीं चलते? क्योंकि व्यर्थ वार्तालाप दोष का कारण बनता है।

श्लोक 29 (skanda.1.100.29)

प्रेताः पिशाचा रक्षांसि वृथालापरतं नरम् ॥ आविशंति तदाविष्टो वक्ताबद्धं पुनः पुनः

pretāḥ piśācā rakṣāṁsi vṛthālāparataṁ naram || āviśaṁti tadāviṣṭo vaktābaddhaṁ punaḥ punaḥ

प्रेत, पिशाच और राक्षस व्यर्थ बकवास में लगे मनुष्य में प्रवेश कर जाते हैं; और उससे ग्रस्त होकर वह बार-बार असंबद्ध बातें बकता है।

श्लोक 30 (skanda.1.100.30)

वृथालापी यदश्नाति यत्करोति शुभं क्वचित् ॥ प्रेतादितृप्तये सर्वमिति शास्त्रविनिश्चयः

vṛthālāpī yadaśnāti yatkaroti śubhaṁ kvacit || pretāditṛptaye sarvamiti śāstraviniścayaḥ

व्यर्थ बकवास करने वाला जो कुछ भी खाता है, और जो भी शुभ कर्म करता है, वह सब प्रेतों आदि की तृप्ति के लिए ही होता है - यह शास्त्रों का निश्चय है।

श्लोक 31 (skanda.1.100.31)

नायं तस्यास्ति वै लोकः कुत एव परो भवेत् ॥ तस्माद्विजानता यत्नात्त्याज्यमेव वृथा वचः

nāyaṁ tasyāsti vai lokaḥ kuta eva paro bhavet || tasmādvijānatā yatnāttyājyameva vṛthā vacaḥ

उसे न इस लोक का फल मिलता है, फिर परलोक की तो बात ही क्या। अतः समझदार व्यक्ति को यत्नपूर्वक व्यर्थ वचन त्याग देना चाहिए।

श्लोक 32 (skanda.1.100.32)

एवं संस्मारितोऽपि त्वं यदि भूयः प्रवर्तसे ॥ भूताविष्टश्चिकित्स्यो नो विविधैरौषधैर्भवान्

evaṁ saṁsmārito'pi tvaṁ yadi bhūyaḥ pravartase || bhūtāviṣṭaścikitsyo no vividhairauṣadhairbhavān

यदि इस प्रकार याद दिलाए जाने पर भी तुम पुनः वैसा ही करते हो, तो तुम्हें भूत-ग्रस्त मानकर विविध औषधियों से तुम्हारा उपचार करना पड़ेगा।"

श्लोक 33 (skanda.1.100.33)

॥सूत उवाच॥ इति प्रवर्णितां श्रुत्वा भीमसेनेन भारतीम् ॥ पटीमिव प्रविततां विहस्याह युधिष्ठिरः

||sūta uvāca|| iti pravarṇitāṁ śrutvā bhīmasenena bhāratīm || paṭīmiva pravitatāṁ vihasyāha yudhiṣṭhiraḥ

सूत जी ने कहा - भीमसेन द्वारा इस प्रकार फैलाई गई, वस्त्र की भाँति विस्तृत इस वाणी को सुनकर युधिष्ठिर हँसते हुए बोले -

श्लोक 34 (skanda.1.100.34)

नूनं त्वमल्पविज्ञानो वेदाधीतास्त्वया वृथा ॥ मातरं सर्वभूतानामंबिकां यन्न मन्यसे

nūnaṁ tvamalpavijñāno vedādhītāstvayā vṛthā || mātaraṁ sarvabhūtānāmaṁbikāṁ yanna manyase

"निश्चय ही तुम अल्पज्ञ हो, और तुमने जो वेद पढ़े हैं, वे व्यर्थ ही पढ़े हैं, क्योंकि तुम समस्त प्राणियों की माता अंबिका को नहीं मानते।

श्लोक 35 (skanda.1.100.35)

स्त्रीपक्ष इति मत्वा तामवजानासि भोः कथम् ॥ स्त्री सती न प्रणम्या किं त्वया कुन्ती वृकोदर

strīpakṣa iti matvā tāmavajānāsi bhoḥ katham || strī satī na praṇamyā kiṁ tvayā kuntī vṛkodara

उसे केवल 'स्त्री-पक्ष' मानकर तुम उसका अनादर कैसे करते हो? क्या सती स्त्री प्रणम्य नहीं है - क्या कुंती भी नहीं, हे वृकोदर?

श्लोक 36 (skanda.1.100.36)

यदि न स्यान्महामाया ब्रह्मविष्णुशिवार्चिता ॥ तव देहोद्भवः पार्थ कथं स्यात्तत्त्वतो वद

yadi na syānmahāmāyā brahmaviṣṇuśivārcitā || tava dehodbhavaḥ pārtha kathaṁ syāttattvato vada

यदि ब्रह्मा, विष्णु और शिव द्वारा पूजित महामाया न होती, तो हे पार्थ! तुम्हारा शरीर कैसे उत्पन्न होता, सच बताओ।

श्लोक 37 (skanda.1.100.37)

ईश्वरः परमात्मा तां त्यक्तुं शक्तः कथं न हि ॥ पुनर्भेजे यतो देवीं तेन मन्ये महोर्जिताम्

īśvaraḥ paramātmā tāṁ tyaktuṁ śaktaḥ kathaṁ na hi || punarbheje yato devīṁ tena manye mahorjitām

क्या ईश्वर, परमात्मा, चाहते तो उसे त्याग नहीं सकते थे? फिर भी वे बार-बार देवी की ओर लौटते हैं - इसी से मैं उन्हें अत्यंत महान समझता हूँ।

श्लोक 38 (skanda.1.100.38)

वासुदेवोऽपि नित्यं तां स्तौति शक्तिं परात्पराम् ॥ अहं यदि चिकित्स्यः स्यां चिकित्स्यः सोऽपि किं भवान्

vāsudevo'pi nityaṁ tāṁ stauti śaktiṁ parātparām || ahaṁ yadi cikitsyaḥ syāṁ cikitsyaḥ so'pi kiṁ bhavān

स्वयं वासुदेव भी उस परात्पर शक्ति की सदा स्तुति करते हैं। यदि मुझे भूत-ग्रस्त मानकर उपचार की आवश्यकता हो, तो क्या वे भी उपचार के योग्य हैं?

श्लोक 39 (skanda.1.100.39)

नैवं भूयः प्रवक्तव्यं मौर्ख्यात्प्रति महेश्वरीम् ॥ भूमौ निपत्य शरणं याहि चेत्सुखमिच्छसि

naivaṁ bhūyaḥ pravaktavyaṁ maurkhyātprati maheśvarīm || bhūmau nipatya śaraṇaṁ yāhi cetsukhamicchasi

अब कभी भी मूर्खतावश महेश्वरी के विरुद्ध ऐसा मत कहना। यदि सुख चाहते हो, तो भूमि पर गिरकर उनकी शरण जाओ।"

श्लोक 40 (skanda.1.100.40)

॥भीम उवाच॥ सर्वोपायैर्बोधयंति चाटा हस्तगतं नरम् ॥ इदमेवौषधं तत्र तैः सार्धं जल्पनं न हि

||bhīma uvāca|| sarvopāyairbodhayaṁti cāṭā hastagataṁ naram || idamevauṣadhaṁ tatra taiḥ sārdhaṁ jalpanaṁ na hi

भीम ने कहा - "चाटुकार सभी उपायों से हाथ में आए मनुष्य को समझाने का प्रयास करते हैं - इसी का यही उपचार है कि उनसे कोई वाद-विवाद न किया जाए।

श्लोक 41 (skanda.1.100.41)

मुण्डे मुण्डे मतिर्भिन्ना सत्यमेतन्नृप स्फुटम् ॥ स्वाभीष्टं कुरुते सर्वः कुर्मोऽभीष्टं वयं तथा

muṇḍe muṇḍe matirbhinnā satyametannṛpa sphuṭam || svābhīṣṭaṁ kurute sarvaḥ kurmo'bhīṣṭaṁ vayaṁ tathā

'हर सिर की अपनी अलग बुद्धि होती है' - हे राजन्! यह स्पष्टतः सत्य है। हर कोई अपनी इच्छा के अनुसार करता है, हम भी वैसे ही अपनी इच्छा के अनुसार करेंगे।

श्लोक 42 (skanda.1.100.42)

नागायुतसमप्राणो वायुपुत्रो वृकोदरः ॥ न स्त्रियं शरणं गच्छेद्वाङ्मात्रेण कथंचन

nāgāyutasamaprāṇo vāyuputro vṛkodaraḥ || na striyaṁ śaraṇaṁ gacchedvāṅmātreṇa kathaṁcana

दस हजार हाथियों के समान बलशाली मैं, वायु-पुत्र वृकोदर, किसी स्त्री की शरण में केवल किसी के कहने मात्र से कभी नहीं जाऊँगा।"

श्लोक 43 (skanda.1.100.43)

इत्युक्त्वा वचनं भीमो ह्यनुवव्राज तं नृपम् ॥ राजापि सानुगो यातो न साध्विति मुहुर्ब्रुवन्

ityuktvā vacanaṁ bhīmo hyanuvavrāja taṁ nṛpam || rājāpi sānugo yāto na sādhviti muhurbruvan

ऐसा कहकर भीम राजा के पीछे-पीछे चल पड़े; और राजा भी अनुचरों सहित "यह उचित नहीं है" बार-बार कहते हुए आगे बढ़ गए।

श्लोक 44 (skanda.1.100.44)

ततः क्षणेन विकलस्त्वितश्चेतश्च प्रस्खलत् ॥ उवाच वचनं भीमः सुसंभ्रांतो नृपं प्रति

tataḥ kṣaṇena vikalastvitaścetaśca praskhalat || uvāca vacanaṁ bhīmaḥ susaṁbhrāṁto nṛpaṁ prati

तब क्षणभर में ही, इधर-उधर लड़खड़ाते हुए, अत्यंत घबराए हुए भीम ने राजा से यह वचन कहा -

श्लोक 45 (skanda.1.100.45)

धर्मराज महाबुद्धे पश्य मां नृपसत्तम ॥ चक्षुर्भ्यां नैव पश्यामि वैकल्यं किमिदं मम

dharmarāja mahābuddhe paśya māṁ nṛpasattama || cakṣurbhyāṁ naiva paśyāmi vaikalyaṁ kimidaṁ mama

"हे महाबुद्धिमान धर्मराज! हे नृपश्रेष्ठ! मुझे देखो - मुझे अपनी आँखों से कुछ दिखाई नहीं दे रहा है! यह मुझे क्या विकलता हुई है?"

श्लोक 46 (skanda.1.100.46)

॥राजोवाच॥ भीमभीम ध्रुवं देवी कुपिता ते महेश्वरी ॥ तेन नष्टे चक्षुषी ते महासाहसवल्लभ

||rājovāca|| bhīmabhīma dhruvaṁ devī kupitā te maheśvarī || tena naṣṭe cakṣuṣī te mahāsāhasavallabha

राजा ने कहा - "हे भीम, भीम! निश्चय ही महेश्वरी देवी तुमसे कुपित हो गई हैं, हे महासाहसप्रिय! उसी से तुम्हारी दोनों आँखें नष्ट हो गई हैं।

श्लोक 47 (skanda.1.100.47)

तत्सांप्रतमभिप्रैहि शरणं परमेश्वरीम् ॥ पुनः प्रसन्ना ते दद्यात्कदाचिन्नयने पुनः

tatsāṁpratamabhipraihi śaraṇaṁ parameśvarīm || punaḥ prasannā te dadyātkadācinnayane punaḥ

अतः अभी परमेश्वरी की शरण में जाओ। शायद पुनः प्रसन्न होकर वे तुम्हें पुनः तुम्हारी आँखें दे दें।"

श्लोक 48 (skanda.1.100.48)

॥भीम उवाच॥ अहमप्यंग जानामि समो देव्या न कश्चन ॥ प्रभावप्रत्ययार्थं हि सदा निन्दामि तां पुनः

||bhīma uvāca|| ahamapyaṁga jānāmi samo devyā na kaścana || prabhāvapratyayārthaṁ hi sadā nindāmi tāṁ punaḥ

भीम ने कहा - "हे भाई! मैं भी जानता हूँ कि देवी के समान कोई नहीं है। उनके प्रभाव को परखने के लिए ही मैं सदा उनकी निंदा करता रहा हूँ।

श्लोक 49 (skanda.1.100.49)

तस्मात्प्रभावं दृष्ट्वैवं निपत्य वसुधातले ॥ मनोवाग्बुद्धिभिर्नत्वा शरणं स्तौमि मातरम्

tasmātprabhāvaṁ dṛṣṭvaivaṁ nipatya vasudhātale || manovāgbuddhibhirnatvā śaraṇaṁ staumi mātaram

अतः अब उनका यह प्रभाव देखकर, भूमि पर गिरकर, मन-वचन-बुद्धि से प्रणाम करके, मैं माता की शरण में जाकर उनकी स्तुति करता हूँ।"

श्लोक 50 (skanda.1.100.50)

॥सूत उवाच॥ इत्युक्त्वा भ्रातरं ज्येष्ठं साष्टांगं प्रणिपत्य च ॥ गत्वैव देव्याः शरणं भीमस्तुष्टाव मातरम्

||sūta uvāca|| ityuktvā bhrātaraṁ jyeṣṭhaṁ sāṣṭāṁgaṁ praṇipatya ca || gatvaiva devyāḥ śaraṇaṁ bhīmastuṣṭāva mātaram

सूत जी ने कहा - अपने ज्येष्ठ भ्राता से ऐसा कहकर, साष्टांग प्रणाम करके, भीम ने देवी की शरण में जाकर माता की स्तुति की -

श्लोक 51 (skanda.1.100.51)

॥भीम उवाच॥ सर्वभूतांबिके देवि ब्रह्मांडशतपूरके ॥ बालिशं बालकं स्वीयं त्राहित्राहि नमोऽस्तु ते

||bhīma uvāca|| sarvabhūtāṁbike devi brahmāṁḍaśatapūrake || bāliśaṁ bālakaṁ svīyaṁ trāhitrāhi namo'stu te

भीम ने कहा - "हे समस्त प्राणियों की माता! हे सैकड़ों ब्रह्मांडों को भरने वाली देवी! अपने इस मूर्ख बालक की रक्षा करो, रक्षा करो! तुम्हें नमस्कार है!

श्लोक 52 (skanda.1.100.52)

त्वं ब्राह्मी ब्रह्मणः शक्तिर्वैष्णवी त्वं च शांभवी ॥ त्रिमूर्तिः शक्तिरूपा त्वं रक्षरक्ष नमोऽस्तु ते

tvaṁ brāhmī brahmaṇaḥ śaktirvaiṣṇavī tvaṁ ca śāṁbhavī || trimūrtiḥ śaktirūpā tvaṁ rakṣarakṣa namo'stu te

तुम ब्राह्मी हो, ब्रह्मा की शक्ति; तुम वैष्णवी हो और तुम शांभवी हो; तुम त्रिमूर्ति शक्ति-रूप हो - रक्षा करो, रक्षा करो, तुम्हें नमस्कार है!

श्लोक 53 (skanda.1.100.53)

त्वमैन्द्री च त्वमाग्नेयी त्वं याम्या त्वं च नैर्ऋती ॥ त्वं वारुणी त्वं वायव्या त्वं कौबेरी नमोऽस्तु ते

tvamaindrī ca tvamāgneyī tvaṁ yāmyā tvaṁ ca nairṛtī || tvaṁ vāruṇī tvaṁ vāyavyā tvaṁ kauberī namo'stu te

तुम ऐंद्री हो, तुम आग्नेयी हो, तुम याम्या हो, तुम नैर्ऋती हो; तुम वारुणी हो, तुम वायव्या हो, तुम कौबेरी हो - तुम्हें नमस्कार है!

श्लोक 54 (skanda.1.100.54)

ऐशानि देवि वाराहि नारसिंहि जयप्रदे ॥ कौमारि कुलकल्याणि कृपेश्वरि नमोऽस्तु ते

aiśāni devi vārāhi nārasiṁhi jayaprade || kaumāri kulakalyāṇi kṛpeśvari namo'stu te

हे ऐशानी देवी! हे वाराही! हे नारसिंही! हे विजय देने वाली! हे कौमारी! हे कुल का कल्याण करने वाली! हे कृपेश्वरी! तुम्हें नमस्कार है!

श्लोक 55 (skanda.1.100.55)

त्वं सूर्ये त्वं तथा सोमे त्वं भौमे त्वं बुधे गुरौ ॥ त्वं शुक्रे त्वं स्थिता राहौ त्वं केतुषु नमोऽस्तु ते

tvaṁ sūrye tvaṁ tathā some tvaṁ bhaume tvaṁ budhe gurau || tvaṁ śukre tvaṁ sthitā rāhau tvaṁ ketuṣu namo'stu te

तुम सूर्य में हो, तथा चंद्र में भी; तुम मंगल में, तुम बुध में, बृहस्पति में; तुम शुक्र में, तुम राहु में स्थित हो, तुम केतु में हो - तुम्हें नमस्कार है!

श्लोक 56 (skanda.1.100.56)

वससि ध्रुवचक्रे त्वं मुनिचक्रे च ते स्थितिः ॥ भचक्रेषु खचक्रेषु भूचक्रे च नमोऽस्तु ते

vasasi dhruvacakre tvaṁ municakre ca te sthitiḥ || bhacakreṣu khacakreṣu bhūcakre ca namo'stu te

तुम ध्रुव-चक्र में निवास करती हो, मुनि-चक्र (सप्तर्षि-मंडल) में भी तुम्हारी स्थिति है; भ-चक्र में, ख-चक्र में तथा भू-चक्र में - तुम्हें नमस्कार है!

श्लोक 57 (skanda.1.100.57)

सप्तद्वीपेषु त्वं देवि समुद्रेषु च सप्तसु ॥ सप्तस्वपि च पातालेष्ववसंस्थे नमोऽस्तु ते

saptadvīpeṣu tvaṁ devi samudreṣu ca saptasu || saptasvapi ca pātāleṣvavasaṁsthe namo'stu te

हे देवी! तुम सातों द्वीपों में, सातों समुद्रों में, तथा सातों पातालों में भी स्थित हो - तुम्हें नमस्कार है!

श्लोक 58 (skanda.1.100.58)

त्वं देवि चावतारेषु विष्णोः साहाय्यकारिणी ॥ विष्णुनाभ्यर्थ्यसे तस्मात्त्राहि मातर्नमोऽस्तु ते

tvaṁ devi cāvatāreṣu viṣṇoḥ sāhāyyakāriṇī || viṣṇunābhyarthyase tasmāttrāhi mātarnamo'stu te

हे देवी! तुम विष्णु के सभी अवतारों में उनकी सहायक हो; स्वयं विष्णु भी तुमसे याचना करते हैं - अतः मेरी रक्षा करो, हे माता! तुम्हें नमस्कार है!

श्लोक 59 (skanda.1.100.59)

चतुर्भुजे चतुर्वक्त्रे फलदे चत्वरप्रिये ॥ चराचरस्तुते देवि चरणौ प्रणमामि ते

caturbhuje caturvaktre phalade catvarapriye || carācarastute devi caraṇau praṇamāmi te

हे चतुर्भुजे! हे चतुर्वक्त्रे! हे फल देने वाली! हे चौराहों को प्रिय मानने वाली! हे चराचर द्वारा स्तुत देवी! मैं तुम्हारे चरणों में प्रणाम करता हूँ।

श्लोक 60 (skanda.1.100.60)

महाघोरे कालरात्रि घंटालि विकटोज्वले ॥ सततं सप्तमीपूज्ये नेत्रदे शरणं भव

mahāghore kālarātri ghaṁṭāli vikaṭojvale || satataṁ saptamīpūjye netrade śaraṇaṁ bhava

हे महाघोरे! हे कालरात्रि! हे घंटाओं से युक्त! हे विकट-उज्ज्वल रूप वाली! हे सप्तमी को सदा पूजित! हे नेत्र देने वाली! मेरी शरण बनो।

श्लोक 61 (skanda.1.100.61)

मेरुवासिनि पिंगाक्षि नेत्रत्राणैककारिणि ॥ हुंहुंकारध्वस्तदैत्ये शरण्ये शरणं भव

meruvāsini piṁgākṣi netratrāṇaikakāriṇi || huṁhuṁkāradhvastadaitye śaraṇye śaraṇaṁ bhava

हे मेरु-निवासिनी! हे पिंगल-नेत्री! हे नेत्रों की एकमात्र रक्षिका! हे 'हुं हुं' ध्वनि से दैत्यों को नष्ट करने वाली! हे शरण्ये! मेरी शरण बनो।

श्लोक 62 (skanda.1.100.62)

महानादे महावीर्ये महा मोहविनाशिनि ॥ महाबन्धापहे देवि देहि नेत्रत्रयं मम

mahānāde mahāvīrye mahā mohavināśini || mahābandhāpahe devi dehi netratrayaṁ mama

हे महानादे! हे महावीर्ये! हे महामोह का नाश करने वाली! हे महाबंधन को दूर करने वाली देवी! मुझे नेत्र प्रदान करो।

श्लोक 63 (skanda.1.100.63)

सर्वमंगलमंगल्या यदि त्वं सत्यतोंबिके ॥ ततो मे मंगलं देहि नेत्रदानान्नमोस्तु ते

sarvamaṁgalamaṁgalyā yadi tvaṁ satyatoṁbike || tato me maṁgalaṁ dehi netradānānnamostu te

हे अंबिके! यदि तुम सच में समस्त मंगलों की मंगलदायिनी हो, तो मुझे मंगल प्रदान करो - नेत्रदान द्वारा - तुम्हें नमस्कार है!

श्लोक 64 (skanda.1.100.64)

यदि सर्वकृपालुभ्यः सत्यतस्त्वं कृपावती ॥ ततः कृपां कुरु मयि देहि नेत्रे नमोऽस्तु ते

yadi sarvakṛpālubhyaḥ satyatastvaṁ kṛpāvatī || tataḥ kṛpāṁ kuru mayi dehi netre namo'stu te

यदि तुम सचमुच समस्त कृपालुओं में सर्वाधिक कृपावती हो, तो मुझ पर कृपा करो - मुझे नेत्र प्रदान करो, तुम्हें नमस्कार है!

श्लोक 65 (skanda.1.100.65)

पापोयमिति यद्देवि प्रकुप्यसि वृथैव तत् ॥ त्वं मां मोहयसि त्वेवं न ते तत्किं नमोऽस्तु ते

pāpoyamiti yaddevi prakupyasi vṛthaiva tat || tvaṁ māṁ mohayasi tvevaṁ na te tatkiṁ namo'stu te

हे देवी! यदि तुम 'यह पापी है' सोचकर कुपित हो, तो यह व्यर्थ है - क्या तुम स्वयं ही मुझे इस प्रकार मोहित नहीं कर रही हो? है न? तुम्हें नमस्कार है!

श्लोक 66 (skanda.1.100.66)

स्वयमुत्पाद्य यो रेणुं वेष्टितस्तेन कुप्यति ॥ तथा कुप्यसि मे मातरनाथस्यास्य दर्शय

svayamutpādya yo reṇuṁ veṣṭitastena kupyati || tathā kupyasi me mātaranāthasyāsya darśaya

जैसे कोई स्वयं धूल उठाकर उससे ढके जाने पर क्रोधित हो - वैसे ही तुम मुझसे क्रोधित प्रतीत होती हो। हे माता! इस अनाथ पर अपनी कृपा दिखाओ।"

श्लोक 67 (skanda.1.100.67)

इति स्तुता पांडवेन देवी कृष्णच्छविच्छविः ॥ रामा रामाभिवदना प्रत्यक्षा समजायत

iti stutā pāṁḍavena devī kṛṣṇacchavicchaviḥ || rāmā rāmābhivadanā pratyakṣā samajāyata

इस प्रकार पांडव द्वारा स्तुत होकर, कृष्ण के समान वर्ण वाली, सुंदर, प्रसन्नमुखी देवी वहाँ साक्षात प्रकट हो गईं।

श्लोक 68 (skanda.1.100.68)

विद्युत्कोटिसमाभास मुकुटेनातिशोभिता ॥ सूर्यबिंबप्रभाभ्यां च कुण्डलाभ्यां विभूषिता

vidyutkoṭisamābhāsa mukuṭenātiśobhitā || sūryabiṁbaprabhābhyāṁ ca kuṇḍalābhyāṁ vibhūṣitā

करोड़ों बिजलियों के समान तेजस्वी मुकुट से अत्यंत सुशोभित, सूर्य-मंडल की आभा वाले कुंडलों से विभूषित,

श्लोक 69 (skanda.1.100.69)

प्रवाहेनेव हारेण सुरनद्या विराजिता ॥ कल्पद्रुमप्रसूनैश्च पूर्णावतंसमंडिता।

pravāheneva hāreṇa suranadyā virājitā || kalpadrumaprasūnaiśca pūrṇāvataṁsamaṁḍitā|

मानो देवनदी गंगा के प्रवाह-रूप हार से सुशोभित, कल्पवृक्ष के पुष्पों से पूर्ण मुकुट-आभूषण से मंडित,

श्लोक 70 (skanda.1.100.70)

दन्तेन्दुकांतिविध्वस्तभक्तमोहमहाभया ॥ खड्गचर्मशूलपात्रचतुर्भुजविराजिता

dantendukāṁtividhvastabhaktamohamahābhayā || khaḍgacarmaśūlapātracaturbhujavirājitā

चंद्रमा के समान दंतों की कांति से भक्तों के मोह और महाभय को नष्ट करने वाली, खड्ग, ढाल, त्रिशूल और पात्र धारण किए चार भुजाओं से सुशोभित,

श्लोक 71 (skanda.1.100.71)

वाससा तडिदाभेन मेघलेखेव वेष्टिता ॥ मालया सुममालिन्या भ्राजिता सालिमालया

vāsasā taḍidābhena meghalekheva veṣṭitā || mālayā sumamālinyā bhrājitā sālimālayā

बिजली के समान वस्त्र से मानो मेघ-रेखा से आच्छादित, सुंदर पुष्पों की माला से, भ्रमरों की माला से सुशोभित,

श्लोक 72 (skanda.1.100.72)

सतां शरणदाभ्यां च पद्भ्यां नूपुरराजिता ॥ जयेति पुष्पवर्षैश्च शक्राद्यैरभिपूजिता

satāṁ śaraṇadābhyāṁ ca padbhyāṁ nūpurarājitā || jayeti puṣpavarṣaiśca śakrādyairabhipūjitā

सज्जनों को शरण देने वाले चरणों से, नूपुरों से सुशोभित, इंद्र आदि द्वारा 'जय' की पुष्प-वर्षा से पूजित,

श्लोक 73 (skanda.1.100.73)

गणैर्देवीभिराकीर्णा शतपद्मैर्महामलैः ॥ तां तादृशीं व्योम्नि दृष्ट्वा मातरं व्योमवाहिनीम्

gaṇairdevībhirākīrṇā śatapadmairmahāmalaiḥ || tāṁ tādṛśīṁ vyomni dṛṣṭvā mātaraṁ vyomavāhinīm

गणों और देवियों से घिरी, सैकड़ों निर्मल कमलों से युक्त - इस प्रकार आकाश में उस माता को, आकाश-गामिनी को देखकर,

श्लोक 74 (skanda.1.100.74)

भूमौ निपत्य राजेंद्रो नमोनम इति स्थितः ॥ भीमोपि मातरं दृष्ट्वा यथा बालोऽभिधावति

bhūmau nipatya rājeṁdro namonama iti sthitaḥ || bhīmopi mātaraṁ dṛṣṭvā yathā bālo'bhidhāvati

राजेंद्र युधिष्ठिर भूमि पर गिरकर "नमो नमः" कहते हुए वहीं स्थित हो गए; और भीम भी माता को देखकर बालक की भाँति दौड़ पड़े,

श्लोक 75 (skanda.1.100.75)

तथा सम्मुखमाधावज्जय मातरिति ब्रुवन् ॥ दर्शनेनैव देव्याश्च शुभनेत्रत्रयस्तदा

tathā sammukhamādhāvajjaya mātariti bruvan || darśanenaiva devyāśca śubhanetratrayastadā

"जय माता!" कहते हुए उनकी ओर दौड़ते हुए; तब उस त्रिनेत्री देवी के दर्शन-मात्र से,

श्लोक 76 (skanda.1.100.76)

प्रणिपत्य नमस्तुभ्यं नमस्तुभ्यं मुहुर्जगौ ॥ प्रसीद देवि पद्माक्षि पुनर्मातः प्रसीद मे

praṇipatya namastubhyaṁ namastubhyaṁ muhurjagau || prasīda devi padmākṣi punarmātaḥ prasīda me

प्रणाम करके बार-बार "तुम्हें नमस्कार, तुम्हें नमस्कार" कहने लगे। "हे कमल-नेत्री देवी! प्रसन्न हो, हे माता! पुनः मुझ पर प्रसन्न हो जाओ।

श्लोक 77 (skanda.1.100.77)

पुनः प्रसीद पापस्य क्षमाथीले प्रसीद मे

punaḥ prasīda pāpasya kṣamāthīle prasīda me

पुनः प्रसन्न हो, हे पाप-क्षमा-स्वभावा! मुझ पर प्रसन्न हो जाओ।"

श्लोक 78 (skanda.1.100.78)

एवं स्तुता भगवती स्वयमुत्थाय पार्थिवम् ॥ भीमं चोत्संगमारोप्य कृपयेदं वचोऽब्रवीत्

evaṁ stutā bhagavatī svayamutthāya pārthivam || bhīmaṁ cotsaṁgamāropya kṛpayedaṁ vaco'bravīt

इस प्रकार स्तुत होकर भगवती स्वयं उठीं, भीम को अपनी गोद में बिठाया, और कृपापूर्वक यह वचन कहा -

श्लोक 79 (skanda.1.100.79)

॥श्रीदेव्युवाच॥ यत्त्वयाभिहितं स्तोत्रं तेन तुष्टा तवोपरि ॥ अतो नेत्रत्रयं दत्तं द्वे बाह्ये चांतरं परम्

||śrīdevyuvāca|| yattvayābhihitaṁ stotraṁ tena tuṣṭā tavopari || ato netratrayaṁ dattaṁ dve bāhye cāṁtaraṁ param

श्रीदेवी ने कहा - "तुमने जो स्तोत्र कहा, उससे मैं तुमसे प्रसन्न हूँ; अतः मैंने तुम्हें त्रि-नेत्र प्रदान किए हैं - दो बाहरी और एक श्रेष्ठ आंतरिक।

श्लोक 80 (skanda.1.100.80)

नाहं कोपं यत्र तत्र दर्शयामि वृकोदर ॥ त्वं तु प्रमाणपुरुषस्त्वत्तः क्रोधमदर्शयम्

nāhaṁ kopaṁ yatra tatra darśayāmi vṛkodara || tvaṁ tu pramāṇapuruṣastvattaḥ krodhamadarśayam

हे वृकोदर! मैं यूँ ही सर्वत्र क्रोध नहीं दिखाती। किंतु तुम प्रमाण-पुरुष हो, इसलिए मैंने तुम्हारे माध्यम से क्रोध दिखाया।

श्लोक 81 (skanda.1.100.81)

नैतत्प्रियं च कृष्णस्य भ्रातुर्मे क्रोधमाचरम् ॥ भवन्तो वासुदेवस्य यत्र प्राणा बहिश्चराः

naitatpriyaṁ ca kṛṣṇasya bhrāturme krodhamācaram || bhavanto vāsudevasya yatra prāṇā bahiścarāḥ

यह मेरे भाई कृष्ण को भी प्रिय नहीं था कि मैं क्रोध करूँ - क्योंकि तुम पांडव वासुदेव के प्राण ही हो, जो शरीर से बाहर विचरण कर रहे हैं।

श्लोक 82 (skanda.1.100.82)

त्वं च निन्दसि मां नित्यं तच्च जाने वृकोदर ॥ मत्प्रभावपरिज्ञानहेतवे कीदृशस्त्विति

tvaṁ ca nindasi māṁ nityaṁ tacca jāne vṛkodara || matprabhāvaparijñānahetave kīdṛśastviti

और तुम मुझे सदा निंदा करते हो, यह भी मैं जानती हूँ, हे वृकोदर - यह केवल मेरा प्रभाव जानने के लिए ही था।

श्लोक 83 (skanda.1.100.83)

तदेवं नैव भूयस्ते प्रकर्तव्यं कथंचन ॥ अक्षिक्षेपो हि पूज्यानामावहत्यधिकं रुजम्

tadevaṁ naiva bhūyaste prakartavyaṁ kathaṁcana || akṣikṣepo hi pūjyānāmāvahatyadhikaṁ rujam

फिर भी यह अब तुम्हें दोबारा किसी भी प्रकार नहीं करना चाहिए। पूज्यों पर दृष्टि-क्षेप करना अधिक पीड़ा लाता है।

श्लोक 84 (skanda.1.100.84)

तदिदानीं सर्वमेवं क्षन्तव्यं च परस्परम् ॥ यच्च ब्रवीमि त्वां वीर तन्निशामय भारत

tadidānīṁ sarvamevaṁ kṣantavyaṁ ca parasparam || yacca bravīmi tvāṁ vīra tanniśāmaya bhārata

अतः अब यह सब आपस में क्षमा कर देना चाहिए। और हे वीर भारत! जो मैं तुमसे कहती हूँ, उसे सुनो -

श्लोक 85 (skanda.1.100.85)

यदा यदा हि धर्मस्य ग्लानिराविर्भवेद्धरिः ॥ तदातदावतीर्याहं विष्णोरस्य सहायिनी

yadā yadā hi dharmasya glānirāvirbhaveddhariḥ || tadātadāvatīryāhaṁ viṣṇorasya sahāyinī

जब-जब धर्म की हानि होती है, हरि अवतार लेते हैं; तब-तब मैं भी विष्णु की सहायिका बनकर अवतरित होती हूँ।

श्लोक 86 (skanda.1.100.86)

इदानीं च हरिर्जातो वसुदेवसुतो भुवि ॥ अहं च गोपनन्दस्य एकानंशाभिधा सुता

idānīṁ ca harirjāto vasudevasuto bhuvi || ahaṁ ca gopanandasya ekānaṁśābhidhā sutā

अभी हरि वसुदेव के पुत्र के रूप में पृथ्वी पर जन्मे हैं; और मैं गोप नंद की पुत्री एकानंशा नामक हूँ।

श्लोक 87 (skanda.1.100.87)

तद्यथा भगवान्कृष्णो मम भ्राताभिपूजितः ॥ भवन्तोऽपि तथा मह्यं भ्रातरः पांडवा सदा

tadyathā bhagavānkṛṣṇo mama bhrātābhipūjitaḥ || bhavanto'pi tathā mahyaṁ bhrātaraḥ pāṁḍavā sadā

जैसे भगवान कृष्ण मेरे भाई के रूप में पूजित हैं, वैसे ही तुम पांडव भी सदा मेरे भाई हो।

श्लोक 88 (skanda.1.100.88)

ये भीमभगिनीत्येवं मां स्तोष्यंति नरोत्तमाः ॥ आबाधा नाशयिष्यामि तेषां हर्षसमन्विता

ye bhīmabhaginītyevaṁ māṁ stoṣyaṁti narottamāḥ || ābādhā nāśayiṣyāmi teṣāṁ harṣasamanvitā

जो श्रेष्ठ मनुष्य मुझे 'भीम की बहन' कहकर स्तुति करेंगे, उनकी पीड़ाओं को मैं हर्षपूर्वक नष्ट करूँगी।

श्लोक 89 (skanda.1.100.89)

त्वं च भ्रातुर्जयं वीर प्रदास्यसि महारणे ॥ भुजयोस्ते वसिष्यामि धार्तराष्ट्रनिपातने

tvaṁ ca bhrāturjayaṁ vīra pradāsyasi mahāraṇe || bhujayoste vasiṣyāmi dhārtarāṣṭranipātane

और हे वीर! तुम अपने भाई को महायुद्ध में विजय दिलाओगे; धृतराष्ट्र-पुत्रों के विनाश हेतु मैं तुम्हारी भुजाओं में निवास करूँगी।

श्लोक 90 (skanda.1.100.90)

कृत्वा राज्यं च वर्षाणि षट्त्रिंशत्तदनन्तरम् ॥ महाप्रस्थानधर्मेण पृथिवीं परिचरिष्यथ

kṛtvā rājyaṁ ca varṣāṇi ṣaṭtriṁśattadanantaram || mahāprasthānadharmeṇa pṛthivīṁ paricariṣyatha

उसके बाद छत्तीस वर्षों तक राज्य करके, तुम सब महाप्रस्थान धर्म के अनुसार पृथ्वी पर विचरण करोगे।

श्लोक 91 (skanda.1.100.91)

अस्मिन्नेव ततो देशे लोहोनाम महासुरः ॥ भवतां न्यस्तशस्त्राणां वधार्थं प्रक्रमिष्यति

asminneva tato deśe lohonāma mahāsuraḥ || bhavatāṁ nyastaśastrāṇāṁ vadhārthaṁ prakramiṣyati

तब इसी देश में 'लोह' नामक एक महादैत्य शस्त्र त्याग चुके तुम सबका वध करने के लिए आगे बढ़ेगा।

श्लोक 92 (skanda.1.100.92)

ततस्तं सर्वभूतानामवध्यं भवतां कृते ॥ अन्धं कृत्वा पातयिष्ये ततो यूयं प्रयास्यथ

tatastaṁ sarvabhūtānāmavadhyaṁ bhavatāṁ kṛte || andhaṁ kṛtvā pātayiṣye tato yūyaṁ prayāsyatha

तब, चूँकि वह समस्त प्राणियों के लिए अवध्य होगा, तुम्हारे लिए मैं उसे अंधा करके गिरा दूँगी; तत्पश्चात् तुम सब आगे बढ़ोगे।

श्लोक 93 (skanda.1.100.93)

निस्तीर्य च हिमं सर्वं निमग्नाः बालुकार्णवे ॥ स्वर्गं यास्यति राजैकः सशरीरो गमिष्यति

nistīrya ca himaṁ sarvaṁ nimagnāḥ bālukārṇave || svargaṁ yāsyati rājaikaḥ saśarīro gamiṣyati

समस्त हिम को पार करके, बालुका-सागर में डूबते हुए, केवल राजा ही अकेला अपने शरीर सहित स्वर्ग जाएगा।

श्लोक 94 (skanda.1.100.94)

अन्धो यत्र कृतो लोहो लोहाणाभिधया पुरम् ॥ भविष्यति च तत्रैव स्थास्येऽहं कलया सदा

andho yatra kṛto loho lohāṇābhidhayā puram || bhaviṣyati ca tatraiva sthāsye'haṁ kalayā sadā

जहाँ लोह को अंधा किया जाएगा, वहाँ 'लोहाणा' नामक नगर बनेगा; और वहीं मैं सदा अपनी कला से स्थित रहूँगी।

श्लोक 95 (skanda.1.100.95)

ततः कलियुगे प्राप्ते केलो नाम भविष्यति ॥ मम भक्तस्तस्य नाम्ना भाव्या केलेश्वरीत्यहम्

tataḥ kaliyuge prāpte kelo nāma bhaviṣyati || mama bhaktastasya nāmnā bhāvyā keleśvarītyaham

फिर कलियुग आने पर 'केलो' नामक एक व्यक्ति मेरा भक्त होगा; उसी के नाम से मैं 'केलेश्वरी' कहलाऊँगी।

श्लोक 96 (skanda.1.100.96)

वैलाकश्चापरो भक्तो भविष्यति ममोत्तमः ॥ तस्याराधनतः ख्यातिं प्रयास्यामि कलौ युगे

vailākaścāparo bhakto bhaviṣyati mamottamaḥ || tasyārādhanataḥ khyātiṁ prayāsyāmi kalau yuge

और एक और श्रेष्ठ भक्त, 'वैलाक' नामक, मेरा होगा; उसकी आराधना से मैं कलियुग में कीर्ति प्राप्त करूँगी।

श्लोक 97 (skanda.1.100.97)

लोहाणासंस्थितां चैव येर्चयिष्यंति मां जनाः ॥ श्रद्धया सितसप्तम्यां तैश्च सर्वत्र पूजिता

lohāṇāsaṁsthitāṁ caiva yercayiṣyaṁti māṁ janāḥ || śraddhayā sitasaptamyāṁ taiśca sarvatra pūjitā

जो लोग लोहाणा में स्थित मुझे श्रद्धापूर्वक शुक्ल सप्तमी को पूजेंगे, उनके द्वारा मैं सर्वत्र पूजित होऊँगी।

श्लोक 98 (skanda.1.100.98)

अंधानां च प्रदास्यामि भावीनि नयनान्यहम् ॥ तस्मिन्दिने तर्पिताहं भक्तिभावेन पांडव

aṁdhānāṁ ca pradāsyāmi bhāvīni nayanānyaham || tasmindine tarpitāhaṁ bhaktibhāvena pāṁḍava

अंधों को मैं भविष्य में नेत्र प्रदान करूँगी; उस दिन, हे पांडव! मैं भक्तिभाव से तृप्त होऊँगी।

श्लोक 99 (skanda.1.100.99)

पादांगुष्ठेन च भवांस्तत्र कुंडं विधास्यति ॥ सर्वतीर्थस्नान तुल्यं तत्र स्नानं च तद्दिने

pādāṁguṣṭhena ca bhavāṁstatra kuṁḍaṁ vidhāsyati || sarvatīrthasnāna tulyaṁ tatra snānaṁ ca taddine

और [मेरा भक्त] अपने पैर के अंगूठे से वहाँ एक कुंड बनाएगा; उस दिन वहाँ स्नान करना सभी तीर्थों के स्नान के समान होगा।

श्लोक 100 (skanda.1.100.100)

मत्स्यानां नेत्रनेत्रस्थतेजस्तन्मात्रमुत्तमम् ॥ उद्धृत्य योजयिष्यामि प्रत्यक्षं तद्भविष्यति

matsyānāṁ netranetrasthatejastanmātramuttamam || uddhṛtya yojayiṣyāmi pratyakṣaṁ tadbhaviṣyati

मछलियों के नेत्रों में स्थित उस उत्तम, सूक्ष्म तेज को मैं निकालकर लगाऊँगी; यह प्रत्यक्ष रूप से घटित होगा।

श्लोक 101 (skanda.1.100.101)

एवं मम महास्थानं कलौ ख्यातं भविष्यति

evaṁ mama mahāsthānaṁ kalau khyātaṁ bhaviṣyati

इस प्रकार मेरा यह महास्थान कलियुग में विख्यात होगा -

श्लोक 102 (skanda.1.100.102)

लोहाणाख्यं महाबाहो नाम केलेश्वरीति च ॥ दुर्गमाख्यं ततो हत्वा अस्मिन्क्षेत्रे च भारत

lohāṇākhyaṁ mahābāho nāma keleśvarīti ca || durgamākhyaṁ tato hatvā asminkṣetre ca bhārata

'लोहाणा' नाम से, हे महाबाहो! तथा 'केलेश्वरी' के नाम से भी। फिर 'दुर्गम' नामक दैत्य को इसी क्षेत्र में मारकर, हे भारत!

श्लोक 103 (skanda.1.100.103)

दुर्गा नाम भविष्यामि महीसागरपूर्वतः ॥ धर्मारण्ये वसिष्यामि भवतां त्राणकारणात्

durgā nāma bhaviṣyāmi mahīsāgarapūrvataḥ || dharmāraṇye vasiṣyāmi bhavatāṁ trāṇakāraṇāt

मैं महीसागर के पूर्व में 'दुर्गा' नाम से विख्यात होऊँगी; तुम्हारी रक्षा हेतु मैं धर्मारण्य में निवास करूँगी।

श्लोक 104 (skanda.1.100.104)

धर्मारण्ये स्थितां चैव येऽर्चयिष्यंति मानवाः ॥ आश्विने मासि चैत्रे वा नवम्यां शुक्लपक्षके

dharmāraṇye sthitāṁ caiva ye'rcayiṣyaṁti mānavāḥ || āśvine māsi caitre vā navamyāṁ śuklapakṣake

और धर्मारण्य में स्थित मेरी पूजा जो मनुष्य आश्विन या चैत्र मास में, शुक्लपक्ष की नवमी को करेंगे,

श्लोक 105 (skanda.1.100.105)

स्नात्वा महीसागरे च तेषां दास्यामि वांछितम् ॥ विधिना येऽर्चयिष्यंति मां च श्रद्धास मन्विताः

snātvā mahīsāgare ca teṣāṁ dāsyāmi vāṁchitam || vidhinā ye'rcayiṣyaṁti māṁ ca śraddhāsa manvitāḥ

महीसागर में स्नान करके - उन्हें मैं उनकी इच्छित वस्तु प्रदान करूँगी; और जो भी श्रद्धापूर्वक विधिवत मेरी पूजा करेंगे,

श्लोक 106 (skanda.1.100.106)

पुत्रपौत्रान्प्रदास्यामि स्वर्गं मोक्षं न संशयः ॥ प्रवेशे च कलेः काले भवतां वंशसंभवः ॥ वत्सराजः पांडवानां तोषयिष्यति यत्नतः

putrapautrānpradāsyāmi svargaṁ mokṣaṁ na saṁśayaḥ || praveśe ca kaleḥ kāle bhavatāṁ vaṁśasaṁbhavaḥ || vatsarājaḥ pāṁḍavānāṁ toṣayiṣyati yatnataḥ

उन्हें मैं पुत्र-पौत्र, स्वर्ग तथा मोक्ष निःसंदेह प्रदान करूँगी। और कलियुग के प्रारम्भ में, तुम्हारे ही वंश में उत्पन्न राजा वत्स पांडवों को यत्नपूर्वक संतुष्ट करेगा।

श्लोक 107 (skanda.1.100.107)

यस्य नाम्ना ततः ख्याता भविष्यामि कलौ युगे ॥ वत्सेश्वरीति वत्सस्य राज्ञः सर्वार्थदायिनी

yasya nāmnā tataḥ khyātā bhaviṣyāmi kalau yuge || vatseśvarīti vatsasya rājñaḥ sarvārthadāyinī

जिसके नाम से मैं कलियुग में विख्यात होऊँगी - 'वत्सेश्वरी' के नाम से, राजा वत्स को सर्वार्थ प्रदान करने वाली।

श्लोक 108 (skanda.1.100.108)

मत्प्रसादात्स राजा वै भवनोत्तापकारिणीम् ॥ अट्टालयांनाम तदा राक्षसीं निहनिष्यति

matprasādātsa rājā vai bhavanottāpakāriṇīm || aṭṭālayāṁnāma tadā rākṣasīṁ nihaniṣyati

मेरी कृपा से वह राजा भवनों में उत्ताप फैलाने वाली, 'अट्टालया' नामक राक्षसी का वध करेगा।

श्लोक 109 (skanda.1.100.109)

तस्याश्चापि वधस्थानमट्टालजमिति स्थितम् ॥ भविष्यति पुरं तत्र मां च संस्थापयिष्यति

tasyāścāpi vadhasthānamaṭṭālajamiti sthitam || bhaviṣyati puraṁ tatra māṁ ca saṁsthāpayiṣyati

उसके वध का वह स्थान 'अट्टालज' के नाम से जाना जाएगा; वहाँ एक नगर बनेगा, और वह वहाँ मुझे भी स्थापित करेगा।

श्लोक 110 (skanda.1.100.110)

अट्टालयाजग्रामे मामर्चयिष्यंति ये जनाः ॥ वत्सेश्वरीं सिताष्टम्यामाश्विने तैः सदार्चिता

aṭṭālayājagrāme māmarcayiṣyaṁti ye janāḥ || vatseśvarīṁ sitāṣṭamyāmāśvine taiḥ sadārcitā

अट्टालयाज ग्राम में जो लोग मुझे आश्विन शुक्ल अष्टमी को 'वत्सेश्वरी' के रूप में पूजेंगे, उनके द्वारा मैं सदा पूजित रहूँगी।

श्लोक 111 (skanda.1.100.111)

वत्सेश्वरीं च ये देवीं पूजयिष्यंति मानवाः ॥ तेषां सर्वफलावाप्तिर्भविष्यति न संशयः

vatseśvarīṁ ca ye devīṁ pūjayiṣyaṁti mānavāḥ || teṣāṁ sarvaphalāvāptirbhaviṣyati na saṁśayaḥ

और जो मनुष्य देवी वत्सेश्वरी की पूजा करेंगे, उन्हें निःसंदेह समस्त फलों की प्राप्ति होगी।

श्लोक 112 (skanda.1.100.112)

इत्थमट्टालये वासो लोहाणे च भविष्यति ॥ धर्मारण्ये महाक्षेत्रे महीसागरसंनिधौ

itthamaṭṭālaye vāso lohāṇe ca bhaviṣyati || dharmāraṇye mahākṣetre mahīsāgarasaṁnidhau

इस प्रकार अट्टालय और लोहाणा में मेरा निवास होगा - धर्मारण्य के महाक्षेत्र में, महीसागर के समीप।

श्लोक 113 (skanda.1.100.113)

मम लोकहितार्थाय लोहस्य च निशम्यताम् ॥ अधीकृतो मया लोहो बह्वीस्तप्तां तपः समाः

mama lokahitārthāya lohasya ca niśamyatām || adhīkṛto mayā loho bahvīstaptāṁ tapaḥ samāḥ

अब जगत के हित हेतु लोह के विषय में भी सुनो - मेरे निर्देशन में लोह ने अनेक वर्षों तक तप किया,

श्लोक 114 (skanda.1.100.114)

वृत्रासुर इवाजेयो लोकानुत्सादयिष्यति ॥ तं च विश्वपतिर्धीमानवतीर्य बुधो हरिः

vṛtrāsura ivājeyo lokānutsādayiṣyati || taṁ ca viśvapatirdhīmānavatīrya budho hariḥ

और वृत्रासुर के समान अजेय होकर लोकों का विनाश करेगा। तब बुद्धिमान विश्वपति हरि अवतार लेकर,

श्लोक 115 (skanda.1.100.115)

यत्र हंता तत्र ग्रामं लोहाटीति भविष्यति ॥ गयोनाम महादैत्यो भवतां विघ्नकृत्तदा

yatra haṁtā tatra grāmaṁ lohāṭīti bhaviṣyati || gayonāma mahādaityo bhavatāṁ vighnakṛttadā

उसका वध वहीं करेंगे; और जहाँ वह मारा जाएगा, वहाँ 'लोहाटी' नामक ग्राम बनेगा। तब 'गय' नामक एक महादैत्य तुम सबका विघ्नकारी बनेगा -

श्लोक 116 (skanda.1.100.116)

प्रस्थाने लोहवद्भावी करिष्ये तं नपुंसकम् ॥ गयत्राडेति मां तत्र पूजयिष्यंति मानवाः

prasthāne lohavadbhāvī kariṣye taṁ napuṁsakam || gayatrāḍeti māṁ tatra pūjayiṣyaṁti mānavāḥ

तुम्हारे महाप्रस्थान के समय; लोह के समान होने वाला जानकर मैं उसे नपुंसक बना दूँगी; वहाँ मनुष्य मुझे 'गयत्राडा' के नाम से पूजेंगे।

श्लोक 117 (skanda.1.100.117)

ग्रामं चापि गयत्राडं तत्र ख्यातं भविष्यति ॥ गयत्राडे गयत्राडां येऽर्चयिष्यंति मानवाः

grāmaṁ cāpi gayatrāḍaṁ tatra khyātaṁ bhaviṣyati || gayatrāḍe gayatrāḍāṁ ye'rcayiṣyaṁti mānavāḥ

और वहाँ 'गयत्राड' नामक ग्राम भी विख्यात होगा। जो मनुष्य गयत्राड में गयत्राडा को पूजेंगे,

श्लोक 118 (skanda.1.100.118)

माघाष्टम्यां न शिष्यंति तस्य सर्वेऽप्युपद्रवाः ॥ ये च मां कोपयिष्यंति पांडवाराधितां सदा

māghāṣṭamyāṁ na śiṣyaṁti tasya sarve'pyupadravāḥ || ye ca māṁ kopayiṣyaṁti pāṁḍavārādhitāṁ sadā

माघ अष्टमी को, उनके पास कोई भी उपद्रव नहीं टिकेगा। और जो मुझे कुपित करेंगे, जो सदा पांडवों द्वारा आराधित हूँ -

श्लोक 119 (skanda.1.100.119)

तेषां पुंस्त्वं हरिष्यामि महारौद्राधितिष्ठति ॥ परिवारश्च मे चात्र षण्ढः सर्वो भविष्यति

teṣāṁ puṁstvaṁ hariṣyāmi mahāraudrādhitiṣṭhati || parivāraśca me cātra ṣaṇḍhaḥ sarvo bhaviṣyati

उनका पुंस्त्व मैं हर लूँगी; एक अत्यंत रौद्र रूप वहाँ अधिष्ठित रहेगा, और वहाँ मेरा समस्त परिवार भी नपुंसक हो जाएगा।

श्लोक 120 (skanda.1.100.120)

तस्मिन्कलियुगे घोरे रौद्रे रुद्रेऽतिनिर्घृणे ॥ एवं तृतीयं तन्मह्यं स्थानमत्र भविष्यति

tasminkaliyuge ghore raudre rudre'tinirghṛṇe || evaṁ tṛtīyaṁ tanmahyaṁ sthānamatra bhaviṣyati

उस भीषण, रौद्र, अत्यंत निर्दय कलियुग में - इस प्रकार यह मेरा तीसरा स्थान यहाँ होगा।

श्लोक 121 (skanda.1.100.121)

भवत्सु च स्वर्गतेषु गयोऽपि सुमहत्तपः ॥ तप्त्वा प्राप्य पुनः पुंस्त्वं लोकान्संपीडयिष्यति

bhavatsu ca svargateṣu gayo'pi sumahattapaḥ || taptvā prāpya punaḥ puṁstvaṁ lokānsaṁpīḍayiṣyati

और तुम सबके स्वर्ग चले जाने पर, गय भी अत्यंत महान तप करके, पुनः पुंस्त्व प्राप्त कर लोकों को पीड़ित करेगा।

श्लोक 122 (skanda.1.100.122)

गयातीर्थं गतं तं च गयाध्वंसनकाम्यया ॥ बुध एव जगत्स्वामी तत्र तं सूदयिष्यति

gayātīrthaṁ gataṁ taṁ ca gayādhvaṁsanakāmyayā || budha eva jagatsvāmī tatra taṁ sūdayiṣyati

और जब वह गया के विनाश की इच्छा से गया-तीर्थ जाएगा, तब स्वयं बुद्धिमान जगत-स्वामी वहीं उसका अंत करेंगे।

श्लोक 123 (skanda.1.100.123)

इत्थं श्रीमान्पीतवासा अवतीर्य बुधः प्रभुः ॥ बहूनि कृत्वा कर्माणि स्वस्थानं प्रतिपत्स्यते

itthaṁ śrīmānpītavāsā avatīrya budhaḥ prabhuḥ || bahūni kṛtvā karmāṇi svasthānaṁ pratipatsyate

इस प्रकार श्रीमान, पीतांबरधारी, बुद्धिमान प्रभु अवतार लेकर, अनेक कार्य करके अपने धाम को लौट जाएँगे।

श्लोक 124 (skanda.1.100.124)

इति संक्षेपतः प्रोक्तं भविष्यं पांडवा मया ॥ भवतां चित्तनिर्वृत्यै श्रूयतां भूय एव च

iti saṁkṣepataḥ proktaṁ bhaviṣyaṁ pāṁḍavā mayā || bhavatāṁ cittanirvṛtyai śrūyatāṁ bhūya eva ca

इस प्रकार, हे पांडवो! मैंने तुम्हें भविष्य का यह वृत्तांत संक्षेप में बताया। तुम्हारे हृदय की शांति के लिए और भी सुनो -

श्लोक 125 (skanda.1.100.125)

इदं तीर्थवरं मह्यं संसेव्यं सर्वदा प्रियम् ॥ कृतं यदत्रागमनं तेन प्रीतिः परा मम

idaṁ tīrthavaraṁ mahyaṁ saṁsevyaṁ sarvadā priyam || kṛtaṁ yadatrāgamanaṁ tena prītiḥ parā mama

यह श्रेष्ठ तीर्थ मुझे सदा प्रिय है, सदा सेवन करने योग्य; और तुम्हारा यहाँ आना मेरे लिए परम प्रीति का विषय है।

श्लोक 126 (skanda.1.100.126)

भीमस्य चापि पौत्रेण दृढं संतोषिताऽस्मि च ॥ देव्यः सर्वाश्च मद्रूपं नैतज्ज्ञेयम तोऽन्यथा

bhīmasya cāpi pautreṇa dṛḍhaṁ saṁtoṣitā'smi ca || devyaḥ sarvāśca madrūpaṁ naitajjñeyama to'nyathā

और भीम के इस पौत्र के द्वारा भी मैं अत्यंत संतुष्ट हूँ। सभी देवियाँ मेरा ही रूप हैं - इसे अन्यथा कभी नहीं समझना चाहिए।

श्लोक 127 (skanda.1.100.127)

व्रजध्वं चापि तीर्थानि यानि वो न कृतानि च ॥ आबाधास्वस्मि सर्वासु स्मरणीया स्वसेव च

vrajadhvaṁ cāpi tīrthāni yāni vo na kṛtāni ca || ābādhāsvasmi sarvāsu smaraṇīyā svaseva ca

अब उन तीर्थों में भी जाओ जो तुमने अभी तक नहीं देखे हैं। हर संकट में मुझे स्मरण करना, तथा मेरी सेवा भी।

श्लोक 128 (skanda.1.100.128)

आपृच्छे चापि वः सर्वान्यूयं कृष्णसमा मम

āpṛcche cāpi vaḥ sarvānyūyaṁ kṛṣṇasamā mama

अब मैं तुम सबसे विदा लेती हूँ; तुम मेरे लिए कृष्ण के समान ही हो।"

श्लोक 129 (skanda.1.100.129)

॥सूत उवाच॥ इति देव्या वचः श्रुत्वा विस्मयोत्फुल्ललोचनाः ॥ पुनःपुनः प्रणम्यैनां नापश्यन्दीपवद्गताम्

||sūta uvāca|| iti devyā vacaḥ śrutvā vismayotphullalocanāḥ || punaḥpunaḥ praṇamyaināṁ nāpaśyandīpavadgatām

सूत जी ने कहा - देवी के इस वचन को सुनकर, विस्मय से खिले नेत्रों वाले वे बार-बार उन्हें प्रणाम करते रहे - और वे दीपक की भाँति बुझकर अदृश्य हो गईं।

श्लोक 130 (skanda.1.100.130)

ततस्ते बर्बरीकं च संस्थाप्यात्रैव निष्ठितम् ॥ आगच्छ योगे चोक्त्वेदं चक्रुस्तीर्थानि मुख्यशः

tataste barbarīkaṁ ca saṁsthāpyātraiva niṣṭhitam || āgaccha yoge coktvedaṁ cakrustīrthāni mukhyaśaḥ

तब उन्होंने बर्बरीक को, अपने कार्य में स्थिर, वहीं स्थापित करके, "आवश्यकता पड़ने पर ध्यान में आ जाना" यह कहकर, प्रमुख तीर्थों की यात्रा की।