भीमेश्वर की महिमा

श्लोक 1 (skanda.1.99.1)

एवं तत्र स्थिते तीरे देव्याराधनतत्परे ॥ सप्तलिंगार्चनरते भीमनन्दननन्दने

evaṁ tatra sthite tīre devyārādhanatatpare || saptaliṁgārcanarate bhīmanandananandane

इस प्रकार, उस तट पर स्थित, देवी की आराधना में तत्पर, सात लिंगों की पूजा में रत भीम-पौत्र-पुत्र [बर्बरीक] के रहते हुए,

श्लोक 2 (skanda.1.99.2)

ततः कालेन केनापि पांडवा द्यूतनिर्जिताः ॥ तत्राजग्मुश्च क्रमतस्तीर्थस्नानकृते भुवम्

tataḥ kālena kenāpi pāṁḍavā dyūtanirjitāḥ || tatrājagmuśca kramatastīrthasnānakṛte bhuvam

कुछ समय बाद, द्यूत में पराजित पांडव, तीर्थ-स्नान हेतु क्रमशः उस भूमि पर आए।

श्लोक 3 (skanda.1.99.3)

प्रागेव चंडिकां देवीं क्षेत्रादीशानतः स्थिताम् ॥ आसेदुर्मार्गखिन्नास्ते द्रौपदीपंचमास्तदा

prāgeva caṁḍikāṁ devīṁ kṣetrādīśānataḥ sthitām || āsedurmārgakhinnāste draupadīpaṁcamāstadā

मार्ग से थके हुए वे, द्रौपदी सहित पाँचों, सर्वप्रथम क्षेत्र की ईशान दिशा में स्थित देवी चंडिका के पास पहुँचे।

श्लोक 4 (skanda.1.99.4)

तत्रैव चोपविष्टोऽभूत्तदानीं चंडिकागणः ॥ बर्बरीकश्च तान्वीरान्समायातानपश्यत

tatraiva copaviṣṭo'bhūttadānīṁ caṁḍikāgaṇaḥ || barbarīkaśca tānvīrānsamāyātānapaśyata

वहाँ उस समय चंडिका के परिचारक [बर्बरीक] बैठे हुए थे; और बर्बरीक ने उन आते हुए वीरों को देखा।

श्लोक 5 (skanda.1.99.5)

परं नासौ वेद पाण्डून्पाण्डवास्तं च नो विदुः ॥ आजन्म यस्मान्नैवाभूत्पाण्डूनां चास्य संगमः

paraṁ nāsau veda pāṇḍūnpāṇḍavāstaṁ ca no viduḥ || ājanma yasmānnaivābhūtpāṇḍūnāṁ cāsya saṁgamaḥ

किंतु वह पांडुपुत्रों को नहीं जानता था, और पांडव भी उसे नहीं जानते थे - क्योंकि जन्म से ही उसका पांडुपुत्रों से कभी मिलन नहीं हुआ था।

श्लोक 6 (skanda.1.99.6)

ततः प्रविश्य वै तस्मिन्देवीमासाद्य पांडवाः ॥ पिंडकाद्यं तत्र मुक्त्वा तृषा प्रैक्षि जलं तदा

tataḥ praviśya vai tasmindevīmāsādya pāṁḍavāḥ || piṁḍakādyaṁ tatra muktvā tṛṣā praikṣi jalaṁ tadā

तब पांडव वहाँ प्रवेश करके देवी के समीप पहुँचकर, पिंड आदि अर्पित करके, तब प्यास से पीड़ित होकर जल की ओर देखने लगे।

श्लोक 7 (skanda.1.99.7)

ततो भीमः कुण्डमध्यं जलं पातुं विवेश ह ॥ प्रविशंतं च तं प्राह युधिष्ठिर इदं वचः

tato bhīmaḥ kuṇḍamadhyaṁ jalaṁ pātuṁ viveśa ha || praviśaṁtaṁ ca taṁ prāha yudhiṣṭhira idaṁ vacaḥ

तब भीम कुंड के मध्य में जल पीने के लिए प्रविष्ट हुए; और प्रविष्ट होते हुए उनसे युधिष्ठिर ने यह वचन कहा -

श्लोक 8 (skanda.1.99.8)

उद्धृत्य भीम तोयं त्वं पादौ प्रक्षाल्य भो बहिः ॥ ततः पिबाऽन्यथा दोषो महांस्त्वामुपपत्स्यते

uddhṛtya bhīma toyaṁ tvaṁ pādau prakṣālya bho bahiḥ || tataḥ pibā'nyathā doṣo mahāṁstvāmupapatsyate

"हे भीम! जल निकालकर, बाहर पैर धोकर, फिर पीना - अन्यथा तुम्हें महान दोष लगेगा।"

श्लोक 9 (skanda.1.99.9)

एतद्राज्ञो वचो भीमस्तृषा व्याकुललोचनः ॥ अश्रुत्वैव विवेशासौ कुण्डमध्ये जलेच्छया

etadrājño vaco bhīmastṛṣā vyākulalocanaḥ || aśrutvaiva viveśāsau kuṇḍamadhye jalecchayā

किंतु प्यास से व्याकुल नेत्रों वाले भीम ने राजा के इस वचन को सुने बिना ही, जल की इच्छा से कुंड के मध्य में प्रवेश किया।

श्लोक 10 (skanda.1.99.10)

स च दृष्ट्वा जलं पातुं तत्रैव कृतनिश्चयः ॥ मुखं हस्तौ च चरणौ क्षालयामास शुद्धये

sa ca dṛṣṭvā jalaṁ pātuṁ tatraiva kṛtaniścayaḥ || mukhaṁ hastau ca caraṇau kṣālayāmāsa śuddhaye

जल पीने के लिए दृढ़ निश्चय करके वहीं उन्होंने शुद्धि हेतु अपना मुख, हाथ और पैर धोए।

श्लोक 11 (skanda.1.99.11)

यतः पीतं जलं पुंसामप्रक्षाल्य च यद्भवेत् ॥ प्रेताः पिशाचास्तद्रूपं संक्रम्य प्रपिबंति तत्

yataḥ pītaṁ jalaṁ puṁsāmaprakṣālya ca yadbhavet || pretāḥ piśācāstadrūpaṁ saṁkramya prapibaṁti tat

क्योंकि मनुष्यों का जो पिया हुआ जल बिना धोए ही रह जाता है, प्रेत और पिशाच उसी रूप में परिवर्तित होकर उसे पी जाते हैं।

श्लोक 12 (skanda.1.99.12)

एवं प्रक्षालयाने च पादौ तत्र वृकोदरे ॥ उपरिस्थस्तदा प्राह सत्यं सुहृदयो वचः

evaṁ prakṣālayāne ca pādau tatra vṛkodare || uparisthastadā prāha satyaṁ suhṛdayo vacaḥ

इस प्रकार वृकोदर के वहाँ पैर धोते समय, ऊपर खड़े सुहृदय ने तब यह सत्य वचन कहा -

श्लोक 13 (skanda.1.99.13)

दुर्मते भोः किमेतत्त्वं कुरुषे पापनिश्चयः ॥ देवीकुण्डे क्षालयसि मुखं पादौ करौ च यत्

durmate bhoḥ kimetattvaṁ kuruṣe pāpaniścayaḥ || devīkuṇḍe kṣālayasi mukhaṁ pādau karau ca yat

"हे दुर्बुद्धे! यह तुम क्या कर रहे हो, पाप के निश्चय से? देवी के कुंड में तुम मुख, पैर और हाथ धो रहे हो?

श्लोक 14 (skanda.1.99.14)

यतो देवी सदानेन जलेन स्नाप्यते मया ॥ दत्र प्रक्षिपंस्तोयं मलपापान्न बिभ्यसि

yato devī sadānena jalena snāpyate mayā || datra prakṣipaṁstoyaṁ malapāpānna bibhyasi

इसी जल से तो देवी को मेरे द्वारा सदा स्नान कराया जाता है, फिर भी तुम इसमें अपना मल-जल डालते हुए पाप से नहीं डरते!

श्लोक 15 (skanda.1.99.15)

मलाक्ततोयं यन्नाम अस्पृश्यं तन्नरैरपि ॥ कुतो देवैश्च तत्पापं स्पृश्यते तत्त्वतो वद

malāktatoyaṁ yannāma aspṛśyaṁ tannarairapi || kuto devaiśca tatpāpaṁ spṛśyate tattvato vada

जो जल मलिन हो गया हो, वह तो मनुष्यों के लिए भी अस्पृश्य है - फिर देवताओं द्वारा वह पाप कैसे स्पृश्य हो सकता है, सच बताओ।

श्लोक 16 (skanda.1.99.16)

शीघ्रं च त्वं निःसरास्मात्कुण्डाद्भूत्वा बहिः पिब ॥ यद्येवं पाप मूढोऽसि तीर्थेषु भ्रमसे कुतः

śīghraṁ ca tvaṁ niḥsarāsmātkuṇḍādbhūtvā bahiḥ piba || yadyevaṁ pāpa mūḍho'si tīrtheṣu bhramase kutaḥ

शीघ्र इस कुंड से बाहर निकलो और बाहर जाकर पियो। यदि तुम इतने मूर्ख और पापी हो, तो तीर्थों में क्यों भटकते हो?"

श्लोक 17 (skanda.1.99.17)

॥भीम उवाच॥ किमेतद्भाषसे क्रूर परुषं राक्षसाधम ॥ यतस्तोयानि जंतूनामुपभो गार्थमेव हि

||bhīma uvāca|| kimetadbhāṣase krūra paruṣaṁ rākṣasādhama || yatastoyāni jaṁtūnāmupabho gārthameva hi

भीम ने कहा - "हे क्रूर! हे राक्षसाधम! तुम यह कठोर बात क्या कह रहे हो? जल तो प्राणियों के उपयोग के लिए ही होता है।

श्लोक 18 (skanda.1.99.18)

तीर्थेषु कार्यं स्नानं चेत्युक्तं मुनिवरैरपि ॥ अंगप्रक्षालनं स्नानमुक्तं मां निंदसे कुतः

tīrtheṣu kāryaṁ snānaṁ cetyuktaṁ munivarairapi || aṁgaprakṣālanaṁ snānamuktaṁ māṁ niṁdase kutaḥ

तीर्थों में स्नान करना चाहिए - यह श्रेष्ठ मुनियों ने भी कहा है। अंगों का प्रक्षालन ही स्नान कहलाता है - फिर तुम मुझे क्यों निंदा करते हो?"

श्लोक 19 (skanda.1.99.19)

यदि न क्रियते पानमंगप्रक्षालनं तथा ॥ तत्किमर्थं पूर्तधर्माः क्रियन्ते धर्मशालिभिः

yadi na kriyate pānamaṁgaprakṣālanaṁ tathā || tatkimarthaṁ pūrtadharmāḥ kriyante dharmaśālibhiḥ

"यदि पान और अंगों का प्रक्षालन नहीं किया जाए, तो फिर धर्मात्माओं द्वारा पूर्त-धर्म (कुएँ, तालाब आदि) क्यों बनाए जाते हैं?"

श्लोक 20 (skanda.1.99.20)

॥सुहृदय उवाच॥ स्नातव्यं तीर्थमुख्येषु सत्यमेतन्न संशयः ॥ चरेषु किं तु संविश्य स्थावरेषु बहिः स्थितः

||suhṛdaya uvāca|| snātavyaṁ tīrthamukhyeṣu satyametanna saṁśayaḥ || careṣu kiṁ tu saṁviśya sthāvareṣu bahiḥ sthitaḥ

सुहृदय ने कहा - "प्रमुख तीर्थों में स्नान करना चाहिए - यह सत्य है, इसमें संदेह नहीं। किंतु यह बहते जल में प्रवेश करके किया जाता है, स्थिर जल में बाहर रहकर करना चाहिए।

श्लोक 21 (skanda.1.99.21)

स्थावरेष्वपि संविश्य तन्न स्नानं विधीयते ॥ न यत्र देवस्नानार्थं भक्तैः संगृह्यते जलम्

sthāvareṣvapi saṁviśya tanna snānaṁ vidhīyate || na yatra devasnānārthaṁ bhaktaiḥ saṁgṛhyate jalam

स्थिर जल में प्रवेश करके भी स्नान नहीं करना चाहिए - जब तक कि वहाँ भक्तों द्वारा देवता के स्नान हेतु जल एकत्र न किया गया हो।

श्लोक 22 (skanda.1.99.22)

यच्च हस्तशतादूर्ध्वं सरस्तत्र विधीयते ॥ संवेशेऽपि क्रमश्चायं पादौ प्रक्षाल्य यद्बहिः

yacca hastaśatādūrdhvaṁ sarastatra vidhīyate || saṁveśe'pi kramaścāyaṁ pādau prakṣālya yadbahiḥ

जो सरोवर सौ हाथ से अधिक विस्तार वाला हो, वहाँ प्रवेश करना विहित है; किंतु प्रवेश में भी यह क्रम है कि पहले बाहर पैर धोकर,

श्लोक 23 (skanda.1.99.23)

ततः स्नानं प्रकर्तव्यमन्यथा दोष उच्यते ॥ किं न श्रुतस्त्वया प्रोक्तः श्लोकः पद्मभुवा पुरा

tataḥ snānaṁ prakartavyamanyathā doṣa ucyate || kiṁ na śrutastvayā proktaḥ ślokaḥ padmabhuvā purā

तभी स्नान करना चाहिए, अन्यथा दोष कहा गया है। क्या तुमने पद्मजन्मा (ब्रह्मा) द्वारा पूर्वकाल में कहा गया वह श्लोक नहीं सुना है?

श्लोक 24 (skanda.1.99.24)

मलं मूत्रं पुरीषं च श्लेष्म निष्ठीनाश्रु च ॥ गंडूषाश्चैव मुञ्चति ये ते ब्रह्महणैः समाः

malaṁ mūtraṁ purīṣaṁ ca śleṣma niṣṭhīnāśru ca || gaṁḍūṣāścaiva muñcati ye te brahmahaṇaiḥ samāḥ

'जो मल, मूत्र, विष्ठा, कफ, थूक, आँसू अथवा कुल्ला उसमें छोड़ते हैं, वे ब्रह्महत्यारों के समान हैं।'

श्लोक 25 (skanda.1.99.25)

तस्मान्निःसर शीघ्रं त्वं यद्येवमजितेन्द्रियः ॥ तत्किमर्थं दुराचार तीर्थेष्वटसि बालिश

tasmānniḥsara śīghraṁ tvaṁ yadyevamajitendriyaḥ || tatkimarthaṁ durācāra tīrtheṣvaṭasi bāliśa

अतः शीघ्र बाहर निकलो। यदि तुम इतने अजितेन्द्रिय हो, तो हे दुराचारी बालक! तीर्थों में क्यों घूमते हो?"

श्लोक 26 (skanda.1.99.26)

यस्य हस्तौ च पादौ च मनश्चैव सुसंयतम्॥ निर्विकाराः क्रियाः सर्वाः स हि तीर्थफलं लभेत्

yasya hastau ca pādau ca manaścaiva susaṁyatam|| nirvikārāḥ kriyāḥ sarvāḥ sa hi tīrthaphalaṁ labhet

"जिसके हाथ, पैर और मन भलीभाँति संयत हों, जिसकी सभी क्रियाएँ विकाररहित हों, वही तीर्थ का फल प्राप्त करता है।"

श्लोक 27 (skanda.1.99.27)

॥भीम उवाच॥ अधर्मो वापि धर्मोऽस्तु निर्गंतुं नैव शक्नुयाम् ॥ क्षुधा तृषा मया नित्यं वारितुं नैव शक्यते

||bhīma uvāca|| adharmo vāpi dharmo'stu nirgaṁtuṁ naiva śaknuyām || kṣudhā tṛṣā mayā nityaṁ vārituṁ naiva śakyate

भीम ने कहा - "पाप हो या धर्म, मैं यहाँ से जा ही नहीं सकता। भूख-प्यास को मैं कभी रोक नहीं सकता।"

श्लोक 28 (skanda.1.99.28)

॥सुहृदय उवाच॥ जीवितार्थे भवान्कस्मात्पापं प्रकुरुते वद ॥ किं न श्रुतस्त्वया श्लोकः शिबिना यः समीरितः

||suhṛdaya uvāca|| jīvitārthe bhavānkasmātpāpaṁ prakurute vada || kiṁ na śrutastvayā ślokaḥ śibinā yaḥ samīritaḥ

सुहृदय ने कहा - "जीवन के लिए तुम पाप क्यों करते हो, बताओ? क्या तुमने राजा शिबि द्वारा कहा गया वह श्लोक नहीं सुना है?

श्लोक 29 (skanda.1.99.29)

मुहूर्तमपि जीवेत नरः शुक्लेन कर्मणा ॥ न कल्पमपि जीवेत लोकद्वयविरोधिना

muhūrtamapi jīveta naraḥ śuklena karmaṇā || na kalpamapi jīveta lokadvayavirodhinā

'मनुष्य को शुभ कर्म से एक क्षण भी जीना श्रेष्ठ है, बजाय इसके कि वह दोनों लोकों के विरुद्ध आचरण से एक कल्प तक भी जिए।'"

श्लोक 30 (skanda.1.99.30)

॥भीम उवाच॥ काकारवेण ते मह्यं कर्णौ बधिरतां गतौ ॥ पास्याम्येव जलं चात्र कामं विलप शुष्य वा

||bhīma uvāca|| kākāraveṇa te mahyaṁ karṇau badhiratāṁ gatau || pāsyāmyeva jalaṁ cātra kāmaṁ vilapa śuṣya vā

भीम ने कहा - "तुम्हारी इस कौवे जैसी कर्कश वाणी से मेरे कान बहरे हो गए हैं! मैं तो यहाँ का जल पिऊँगा ही - चाहे तुम विलाप करो या सूख जाओ।"

श्लोक 31 (skanda.1.99.31)

॥सुहृदय उवाच॥ क्षत्रियाणां कुले जातस्त्वहं धर्माभिरक्षिणाम् ॥ तस्मात्ते पातकं कर्तुं न दास्यामि कथंचन

||suhṛdaya uvāca|| kṣatriyāṇāṁ kule jātastvahaṁ dharmābhirakṣiṇām || tasmātte pātakaṁ kartuṁ na dāsyāmi kathaṁcana

सुहृदय ने कहा - "मैं धर्म के रक्षक क्षत्रियों के कुल में उत्पन्न हुआ हूँ। अतः मैं तुम्हें किसी भी प्रकार पाप करने नहीं दूँगा।

श्लोक 32 (skanda.1.99.32)

तद्वराकाथ शीघ्रं त्वमस्मात्कुंडाद्विनिःसर

tadvarākātha śīghraṁ tvamasmātkuṁḍādviniḥsara

अतः हे अभागे! शीघ्र इस कुंड से बाहर निकलो -

श्लोक 33 (skanda.1.99.33)

इष्टकाशकलैः शीघ्रं चूर्णयिष्येऽन्यथा शिरः ॥ इत्युक्त्वा चेष्टकां गृह्य मुमोच शिरसः प्रति

iṣṭakāśakalaiḥ śīghraṁ cūrṇayiṣye'nyathā śiraḥ || ityuktvā ceṣṭakāṁ gṛhya mumoca śirasaḥ prati

अन्यथा मैं ईंट के टुकड़ों से तुम्हारा सिर तुरंत चूर-चूर कर दूँगा!" ऐसा कहकर उसने एक ईंट उठाकर उसके सिर की ओर फेंकी।

श्लोक 34 (skanda.1.99.34)

भीमश्च वंचयित्वा तामुत्प्लुत्य बहिराव्रजत् ॥ भर्त्सयंतौ ततश्चोभावन्योन्यं भीमविक्रमौ

bhīmaśca vaṁcayitvā tāmutplutya bahirāvrajat || bhartsayaṁtau tataścobhāvanyonyaṁ bhīmavikramau

भीम ने उससे बचकर उछलकर बाहर निकल आए; तब वे दोनों भीषण पराक्रमी एक-दूसरे को धमकाने लगे।

श्लोक 35 (skanda.1.99.35)

युयुधाते प्रलंबाभ्यां बाहुभ्यां युद्धपारगौ ॥ व्यूढोरस्कौ दीर्घभुजौ नियुद्धकुशलावुभौ

yuyudhāte pralaṁbābhyāṁ bāhubhyāṁ yuddhapāragau || vyūḍhoraskau dīrghabhujau niyuddhakuśalāvubhau

युद्ध में निपुण, विस्तृत भुजाओं वाले, चौड़ी छाती और लंबी भुजाओं वाले, कुश्ती में कुशल वे दोनों अपनी विशाल भुजाओं से युद्ध करने लगे।

श्लोक 36 (skanda.1.99.36)

मुष्टिभिः पार्ष्णिघातैश्च जानुभिश्चाभिजघ्नतुः ॥ ततो मुहूर्तात्कौरव्यः पर्यहीयत पांडवः

muṣṭibhiḥ pārṣṇighātaiśca jānubhiścābhijaghnatuḥ || tato muhūrtātkauravyaḥ paryahīyata pāṁḍavaḥ

वे मुक्कों, एड़ी के प्रहारों तथा घुटनों से एक-दूसरे पर वार करने लगे। तब क्षणभर में ही कौरव-वंशी पांडव कमजोर पड़ने लगे।

श्लोक 37 (skanda.1.99.37)

हीयमानस्ततो भीम उद्यतोऽभूत्पुनः पुनः ॥ अहीयत ततोऽप्यंग ववृधे बर्बरीककः

hīyamānastato bhīma udyato'bhūtpunaḥ punaḥ || ahīyata tato'pyaṁga vavṛdhe barbarīkakaḥ

कमजोर होते हुए भीम बार-बार पुनः प्रयत्न करने लगे, फिर भी वे कमजोर ही पड़ते रहे, जबकि बर्बरीक की शक्ति निरंतर बढ़ती गई।

श्लोक 38 (skanda.1.99.38)

ततो भीमं समुत्पाट्य बर्बरीको बलादिव ॥ निष्पिपेष ततः क्रुद्धस्तदद्भुतमिवाभवत्

tato bhīmaṁ samutpāṭya barbarīko balādiva || niṣpipeṣa tataḥ kruddhastadadbhutamivābhavat

तब बर्बरीक ने बलपूर्वक भीम को उठाकर उन्हें दबोच दिया - यह एक अद्भुत दृश्य था।

श्लोक 39 (skanda.1.99.39)

मूर्छितं चैवमादाय विस्फुरन्तं पुनःपुनः ॥ सागराय प्रचलितः क्षेप्तुं तत्र महांभसि

mūrchitaṁ caivamādāya visphurantaṁ punaḥpunaḥ || sāgarāya pracalitaḥ kṣeptuṁ tatra mahāṁbhasi

उन्हें इस प्रकार मूर्च्छित, फिर भी बार-बार तड़पते हुए लेकर, वे उन्हें समुद्र में फेंकने के लिए वहाँ की ओर चल पड़े।

श्लोक 40 (skanda.1.99.40)

ददृशुः पांडवा नैतद्देव्या नयनयंत्रिताः

dadṛśuḥ pāṁḍavā naitaddevyā nayanayaṁtritāḥ

अन्य पांडवों ने यह देखा ही नहीं, क्योंकि देवी ने उनकी आँखों को बाँध रखा था।

श्लोक 41 (skanda.1.99.41)

तथा गृहीते कुरुवीरमुख्ये वीरेण तेनाद्भुतविक्रमेण ॥ आश्चर्यमासीद्दिवि देवतानां देवीभिराकाशतले निरीक्ष्य तम्

tathā gṛhīte kuruvīramukhye vīreṇa tenādbhutavikrameṇa || āścaryamāsīddivi devatānāṁ devībhirākāśatale nirīkṣya tam

जब उस अद्भुत पराक्रमी वीर के द्वारा कुरुवीरों के प्रमुख इस प्रकार पकड़े गए, तब आकाश में देवताओं को, देवियों के साथ उसे निहारते हुए, महान आश्चर्य हुआ।

श्लोक 42 (skanda.1.99.42)

सागरस्य ततस्तीरे बर्बरीकं गतं तदा ॥ निरीक्ष्य भगवान्रुद्रो वियत्स्थः समभाषत

sāgarasya tatastīre barbarīkaṁ gataṁ tadā || nirīkṣya bhagavānrudro viyatsthaḥ samabhāṣata

तब समुद्र के तट पर पहुँचे बर्बरीक को देखकर, आकाश में स्थित भगवान रुद्र ने उससे कहा -

श्लोक 43 (skanda.1.99.43)

भोभो राक्षसशार्दूल बर्बरीक महाबल ॥ मुंचैनं भरतश्रेष्ठं भीमं तव पितामहम्

bhobho rākṣasaśārdūla barbarīka mahābala || muṁcainaṁ bharataśreṣṭhaṁ bhīmaṁ tava pitāmaham

"हे राक्षसश्रेष्ठ! हे महाबली बर्बरीक! इस भरतश्रेष्ठ भीम को छोड़ दो - यह तुम्हारा अपना पितामह है!

श्लोक 44 (skanda.1.99.44)

अयं हि तीर्थयात्रायां विचरन्भ्रातृभिर्युतः ॥ कृष्णया चाप्यदस्तीर्थं स्नातुमेवाभ्युपाययौ

ayaṁ hi tīrthayātrāyāṁ vicaranbhrātṛbhiryutaḥ || kṛṣṇayā cāpyadastīrthaṁ snātumevābhyupāyayau

यह अपने भाइयों तथा कृष्णा (द्रौपदी) के साथ तीर्थयात्रा में विचरण करते हुए, आज केवल इसी तीर्थ में स्नान हेतु यहाँ आया है।

श्लोक 45 (skanda.1.99.45)

सम्मानं सर्वथा तस्मादर्हः कौरवनंदनः ॥ अपापो वा सपापो वा पूज्य एव पितामहः

sammānaṁ sarvathā tasmādarhaḥ kauravanaṁdanaḥ || apāpo vā sapāpo vā pūjya eva pitāmahaḥ

इसलिए कौरव-कुल के इस आनंददायक पुत्र का सर्वथा सम्मान होना चाहिए। निष्पाप हो या सपाप, पितामह तो सदा पूज्य ही होता है।"

श्लोक 46 (skanda.1.99.46)

॥सूत उवाच॥ इति रुद्रवचः श्रुत्वा सहसा तं विमुच्य सः ॥ न्यपतत्पादयोर्हा धिक्कष्टं कष्टं च प्राह सः

||sūta uvāca|| iti rudravacaḥ śrutvā sahasā taṁ vimucya saḥ || nyapatatpādayorhā dhikkaṣṭaṁ kaṣṭaṁ ca prāha saḥ

सूत जी ने कहा - रुद्र के इस वचन को सुनकर उसने तुरंत उन्हें छोड़ दिया, और उनके चरणों में गिर पड़ा, "हाय! धिक्कार है! कितना दुःखद, कितना दुःखद!" ऐसा कहते हुए,

श्लोक 47 (skanda.1.99.47)

क्षम्यतां क्षम्यतां चेति पुनः पुनरवोचत ॥ शिरश्च ताडयन्स्वीयं रुरोद च मुहुर्मुहुः

kṣamyatāṁ kṣamyatāṁ ceti punaḥ punaravocata || śiraśca tāḍayansvīyaṁ ruroda ca muhurmuhuḥ

बार-बार "क्षमा करें, क्षमा करें" कहता रहा, और अपने ही सिर को पीटते हुए बार-बार रोने लगा।

श्लोक 48 (skanda.1.99.48)

तं तथा परिशोचंतं मुह्यमानं मुहुर्मुहुः ॥ भीमसेनः समालिंग्य आघ्राय च वचोऽब्रवीत्

taṁ tathā pariśocaṁtaṁ muhyamānaṁ muhurmuhuḥ || bhīmasenaḥ samāliṁgya āghrāya ca vaco'bravīt

इस प्रकार बार-बार शोक करते तथा मूर्च्छित होते हुए उसे देखकर भीमसेन ने उसे आलिंगन कर, सिर सूँघकर यह वचन कहा -

श्लोक 49 (skanda.1.99.49)

वयं त्वां नैव जानीमस्त्वं चास्माञ्जन्मकालतः ॥ अत्र वासश्च ते पुत्र भैमेः कृष्णाच्च संश्रुतः

vayaṁ tvāṁ naiva jānīmastvaṁ cāsmāñjanmakālataḥ || atra vāsaśca te putra bhaimeḥ kṛṣṇācca saṁśrutaḥ

"हम तुम्हें कभी नहीं जानते थे, और तुम भी हमें जन्म से नहीं जानते थे। किंतु हे पुत्र! भीम (घटोत्कच) के पुत्र, यहाँ तुम्हारा निवास, कृष्ण के मुख से सुना गया था -

श्लोक 50 (skanda.1.99.50)

परं नो विस्मृतं सर्वं नानादुःखैः प्रमुह्यताम् ॥ दुःखितानां यतः सर्वा स्मृतिर्लुप्ता भवेत्स्फुटम्

paraṁ no vismṛtaṁ sarvaṁ nānāduḥkhaiḥ pramuhyatām || duḥkhitānāṁ yataḥ sarvā smṛtirluptā bhavetsphuṭam

किंतु यह सब हम भूल गए थे, अनेक दुःखों से व्याकुल होकर; क्योंकि दुःखी लोगों की स्मृति सचमुच सब कुछ भूल ही जाती है।

श्लोक 51 (skanda.1.99.51)

तदस्माकमिदं दुःखं सर्वकालविधानतः ॥ मा शोचस्त्वं च तनय न ते दोषोऽस्ति चाण्वपि

tadasmākamidaṁ duḥkhaṁ sarvakālavidhānataḥ || mā śocastvaṁ ca tanaya na te doṣo'sti cāṇvapi

यह हमारा दुःख तो सर्वकाल की व्यवस्था से ही हुआ है। हे पुत्र! शोक मत करो, तुम्हारा तनिक भी दोष नहीं है।

श्लोक 52 (skanda.1.99.52)

यतः सर्वः क्षत्रियस्य दंड्यो विपथिसंस्थि तः ॥ आत्मापिदंड्यः साधूनां प्रवृत्तः कुपथाद्यदि

yataḥ sarvaḥ kṣatriyasya daṁḍyo vipathisaṁsthi taḥ || ātmāpidaṁḍyaḥ sādhūnāṁ pravṛttaḥ kupathādyadi

क्योंकि जो भी कुमार्ग पर स्थित हो, उसे दंड देना क्षत्रिय का कर्तव्य है - यदि सज्जन भी कुमार्ग पर चल पड़े, तो उसे स्वयं को भी दंडित करना चाहिए।

श्लोक 53 (skanda.1.99.53)

पितृमातृसुहृद्भ्रातृपुत्रादीनां किमुच्यते ॥ अतीव मम हर्षोऽयं धन्योहं पूर्वजाश्च मे

pitṛmātṛsuhṛdbhrātṛputrādīnāṁ kimucyate || atīva mama harṣo'yaṁ dhanyohaṁ pūrvajāśca me

फिर माता-पिता, मित्र, भाई, पुत्र आदि की तो बात ही क्या! मुझे तो यह अत्यंत हर्ष का विषय है - मैं धन्य हूँ, और मेरे पूर्वज भी धन्य हैं,

श्लोक 54 (skanda.1.99.54)

यस्य त्वीदृशकः पौत्रो धर्मज्ञो धर्मपालकः ॥ वरार्हस्त्वं प्रशंसार्हो भवान्येषां सतां तथा

yasya tvīdṛśakaḥ pautro dharmajño dharmapālakaḥ || varārhastvaṁ praśaṁsārho bhavānyeṣāṁ satāṁ tathā

जिनका ऐसा धर्मज्ञ और धर्मपालक पौत्र है। तुम वर के योग्य हो, प्रशंसा के योग्य हो, जैसे अन्य सज्जन होते हैं।

श्लोक 55 (skanda.1.99.55)

तस्माच्छोकं विहायेमं स्वस्थो भवि तुमर्हसि

tasmācchokaṁ vihāyemaṁ svastho bhavi tumarhasi

अतः इस शोक को त्यागकर तुम्हें अब स्वस्थ हो जाना चाहिए।"

श्लोक 56 (skanda.1.99.56)

बर्बरीक उवाच ॥ पापं मां ताततात त्वं ब्रह्मघ्नादपि कुत्सितम् ॥ अप्रशस्यं नार्हसीह द्रष्टुं स्प्रष्टुमपि प्रभो

barbarīka uvāca || pāpaṁ māṁ tātatāta tvaṁ brahmaghnādapi kutsitam || apraśasyaṁ nārhasīha draṣṭuṁ spraṣṭumapi prabho

बर्बरीक ने कहा - "हे पिता के पिता! आपको मुझ पापी को, जो ब्रह्महत्यारे से भी निंदनीय हूँ, अप्रशस्त, देखने और स्पर्श करने योग्य भी नहीं समझना चाहिए, हे प्रभु!

श्लोक 57 (skanda.1.99.57)

सर्वेषामेव पापानां निष्कृतिः प्रोच्यते बुधैः ॥ पित्रोरभक्तस्य पुनर्निष्कृतिर्नैव विद्यते

sarveṣāmeva pāpānāṁ niṣkṛtiḥ procyate budhaiḥ || pitrorabhaktasya punarniṣkṛtirnaiva vidyate

समस्त पापों का प्रायश्चित्त बुद्धिमानों द्वारा कहा गया है; किंतु माता-पिता के प्रति अभक्त व्यक्ति के लिए कोई प्रायश्चित्त नहीं है।

श्लोक 58 (skanda.1.99.58)

तद्येन देहेन मया ताततातोऽभिपीडितः ॥ तत्त्वमेव समुत्स्रक्ष्ये महीसागरसंगमे

tadyena dehena mayā tātatāto'bhipīḍitaḥ || tattvameva samutsrakṣye mahīsāgarasaṁgame

अतः जिस शरीर से मैंने पिता के पिता को पीड़ा पहुँचाई है, उसी शरीर को मैं इस महीसागर संगम में त्याग दूँगा।

श्लोक 59 (skanda.1.99.59)

मैवं भवेयमन्येषु अपि जन्मसु पातकी ॥ न मामस्मादभिप्रायादर्हः कोऽपि निवर्तितुम्

maivaṁ bhaveyamanyeṣu api janmasu pātakī || na māmasmādabhiprāyādarhaḥ ko'pi nivartitum

मैं अन्य जन्मों में भी ऐसा पापी न बनूँ। कोई भी मुझे इस निश्चय से रोकने का अधिकार नहीं रखता -

श्लोक 60 (skanda.1.99.60)

यतोंऽशेन विलुप्येत प्रायश्चित्तान्निवारकः ॥ एवमुक्त्वा समुत्प्लुत्य ययौ चैवार्णवं बली

yatoṁ'śena vilupyeta prāyaścittānnivārakaḥ || evamuktvā samutplutya yayau caivārṇavaṁ balī

क्योंकि जो प्रायश्चित्त में बाधा डालता है, वह स्वयं भी उस पुण्य के अंश से वंचित हो जाता है।" ऐसा कहकर वह बलवान उछलकर समुद्र की ओर चल पड़ा।

श्लोक 61 (skanda.1.99.61)

समुद्रोऽपि चकंपे च कथमेनं निहन्म्यहम् ॥ ततः सिद्धांबिकायाश्च देव्यस्तत्र चतुर्दश

samudro'pi cakaṁpe ca kathamenaṁ nihanmyaham || tataḥ siddhāṁbikāyāśca devyastatra caturdaśa

समुद्र भी काँप उठा, सोचकर, "मैं इसका वध कैसे करूँ?" तब सिद्धांबिका की वे चौदह देवियाँ,

श्लोक 62 (skanda.1.99.62)

समालिंग्य च संस्थाप्य रुद्रेण सहिता जगुः ॥ अज्ञातविहिते पापे नास्ति वीरेंद्र कल्मषम्

samāliṁgya ca saṁsthāpya rudreṇa sahitā jaguḥ || ajñātavihite pāpe nāsti vīreṁdra kalmaṣam

रुद्र के साथ मिलकर उसे आलिंगन कर, वहीं रोककर बोलीं - "हे वीरेंद्र! अनजाने में किए गए पाप में कोई दोष नहीं होता।

श्लोक 63 (skanda.1.99.63)

शास्त्रेषूक्तमिदं वाक्यं नान्यथा कर्तुमर्हसि ॥ अमुं च पृष्ठलग्नं त्वं पश्य भोः स्वं पितामहम्

śāstreṣūktamidaṁ vākyaṁ nānyathā kartumarhasi || amuṁ ca pṛṣṭhalagnaṁ tvaṁ paśya bhoḥ svaṁ pitāmaham

शास्त्रों में यही वचन कहा गया है, तुम्हें इसके विपरीत नहीं करना चाहिए। और देखो, अपने पीछे लगे इस अपने पितामह को -

श्लोक 64 (skanda.1.99.64)

पुत्रपुत्रेति भाषंतमनु त्वा मरणोन्मुखम् ॥ अधुना चेत्स्वकं देहं वीर त्वं परित्यक्ष्यसि

putraputreti bhāṣaṁtamanu tvā maraṇonmukham || adhunā cetsvakaṁ dehaṁ vīra tvaṁ parityakṣyasi

जो 'पुत्र, पुत्र' कहते हुए तुम्हारे साथ मृत्यु की ओर चल रहा है। हे वीर! यदि तुम अभी अपना शरीर त्याग दोगे,

श्लोक 65 (skanda.1.99.65)

ततस्त्यक्ष्यति भीमोऽपि पातकं तन्महत्तव ॥ एवं ज्ञात्वा धारय त्वं स्वशरीरं महामते

tatastyakṣyati bhīmo'pi pātakaṁ tanmahattava || evaṁ jñātvā dhāraya tvaṁ svaśarīraṁ mahāmate

तो भीम भी तुम्हारे इस महापाप के कारण अपने प्राण त्याग देंगे। यह जानकर, हे महामते! अपने शरीर की रक्षा करो।

श्लोक 66 (skanda.1.99.66)

अथ चेत्त्यक्तुकामस्त्वं तत्रापि वचनं शृणु ॥ स्वल्पेनैव च कालेन कृष्णाद्देवकिनंदनात्

atha cettyaktukāmastvaṁ tatrāpi vacanaṁ śṛṇu || svalpenaiva ca kālena kṛṣṇāddevakinaṁdanāt

और फिर भी यदि तुम त्यागना ही चाहते हो, तो इस विषय में भी यह वचन सुनो - अल्प काल में ही देवकी-नंदन कृष्ण के हाथों से,

श्लोक 67 (skanda.1.99.67)

देहपातस्तव प्रोक्तस्तं प्रतीक्ष यदीच्छ सि ॥ यतो विष्णुकराद्वत्स देहपातो विशिष्यते

dehapātastava proktastaṁ pratīkṣa yadīccha si || yato viṣṇukarādvatsa dehapāto viśiṣyate

तुम्हारे देह-पात की भविष्यवाणी की गई है; यदि चाहो तो उसकी प्रतीक्षा करो। क्योंकि हे वत्स! विष्णु के हाथों देह-त्याग करना कहीं अधिक श्रेष्ठ है।

श्लोक 68 (skanda.1.99.68)

तस्मात्प्रतीक्ष तं कालमस्माकं प्रार्थितेन च ॥ एवमुक्तो निववृते बर्बरीकोऽपि दुर्मनाः

tasmātpratīkṣa taṁ kālamasmākaṁ prārthitena ca || evamukto nivavṛte barbarīko'pi durmanāḥ

अतः हमारी इस प्रार्थना पर उस समय की प्रतीक्षा करो।" ऐसा कहे जाने पर बर्बरीक, यद्यपि अत्यंत दुखी मन से, वापस लौट आया,

श्लोक 69 (skanda.1.99.69)

रुद्रं देवीश्च चामुंडां सोपालंभं वचोऽब्रवीत् ॥ त्वमेव देवि जानासि रक्ष्यते शार्ङ्गधन्विना

rudraṁ devīśca cāmuṁḍāṁ sopālaṁbhaṁ vaco'bravīt || tvameva devi jānāsi rakṣyate śārṅgadhanvinā

और रुद्र, देवियों तथा चामुंडा से उलाहना देते हुए यह वचन कहा - "हे देवी! आप ही जानती हैं कि [कृष्ण] शार्ङ्गधनुर्धारी के द्वारा रक्षित हैं -

श्लोक 70 (skanda.1.99.70)

पांडवा भूमिलाभार्थे तत्ते कस्मादुपेक्षितम् ॥ त्वया च समुपागत्य रक्षितोऽयं वृकोदरः

pāṁḍavā bhūmilābhārthe tatte kasmādupekṣitam || tvayā ca samupāgatya rakṣito'yaṁ vṛkodaraḥ

तो पांडवों की भूमि प्राप्ति के इस प्रयोजन में आपने इसकी उपेक्षा क्यों की? आपको स्वयं आकर इस वृकोदर की रक्षा करनी चाहिए थी।"

श्लोक 71 (skanda.1.99.71)

॥देव्युवाच॥ अहं च रक्षयिष्यामि स्वभक्तं कृष्णमृत्युतः ॥ यस्माच्च चंडिकाकृत्ये कृतोऽनेन महारणः ॥ तस्माच्चंडिलनाम्नायं विश्वपूज्यो भविष्यति

||devyuvāca|| ahaṁ ca rakṣayiṣyāmi svabhaktaṁ kṛṣṇamṛtyutaḥ || yasmācca caṁḍikākṛtye kṛto'nena mahāraṇaḥ || tasmāccaṁḍilanāmnāyaṁ viśvapūjyo bhaviṣyati

देवी ने कहा - "मैं स्वयं अपने भक्त कृष्ण की मृत्यु से रक्षा करूँगी। और चूँकि इसने चंडिका के कार्य में यह महायुद्ध किया, इसलिए यह 'चंडिल' नाम से समस्त विश्व में पूजित होगा।"

श्लोक 72 (skanda.1.99.72)

एवमुक्त्वा गताः सर्वे देवा देव्यस्त्वदृश्यताम् ॥ भीमोऽपि तं समादाय पांडुभ्यः सर्वमूचिवान्

evamuktvā gatāḥ sarve devā devyastvadṛśyatām || bhīmo'pi taṁ samādāya pāṁḍubhyaḥ sarvamūcivān

ऐसा कहकर समस्त देवगण चले गए, और देवियाँ भी अदृश्य हो गईं। भीम ने भी उसे साथ लेकर पांडुपुत्रों को सारी बात बताई।

श्लोक 73 (skanda.1.99.73)

विस्मिताः पांडवास्तं च पूजयित्वा पुनः पुनः ॥ यथोक्तविधिना चक्रुस्तीर्थस्नानमतंद्रिताः

vismitāḥ pāṁḍavāstaṁ ca pūjayitvā punaḥ punaḥ || yathoktavidhinā cakrustīrthasnānamataṁdritāḥ

विस्मित पांडवों ने उसकी बार-बार पूजा करके, फिर बिना विलंब किए विधिपूर्वक तीर्थ-स्नान किया।

श्लोक 74 (skanda.1.99.74)

भीमोपि यत्र रुद्रेण मोक्षितस्तत्र सुप्रभम् ॥ लिंगं संस्थापयामास भीमेश्वरमिति श्रुतम्

bhīmopi yatra rudreṇa mokṣitastatra suprabham || liṁgaṁ saṁsthāpayāmāsa bhīmeśvaramiti śrutam

और जहाँ भीम रुद्र द्वारा छोड़े गए थे, वहाँ बर्बरीक ने एक अत्यंत तेजस्वी लिंग की स्थापना की, जो भीमेश्वर के नाम से विख्यात हुआ।

श्लोक 75 (skanda.1.99.75)

ज्येष्ठमासे कृष्णपक्षे चतुर्दश्यामुपोषितः ॥ रात्रौ संपूज्य भीमेशं जन्मपापाद्विमुच्यते

jyeṣṭhamāse kṛṣṇapakṣe caturdaśyāmupoṣitaḥ || rātrau saṁpūjya bhīmeśaṁ janmapāpādvimucyate

जो ज्येष्ठ मास के कृष्णपक्ष की चतुर्दशी को उपवास करके रात्रि में भीमेश की पूजा करता है, वह जन्म के पाप से मुक्त हो जाता है।

श्लोक 76 (skanda.1.99.76)

यथैव लिंगानि सुपूजितानि सप्तात्र मुख्यानि महाफलानि ॥ भीमेश्वरं लिंगमिदं तथैव समस्तपापापहरं सुपूज्यम्

yathaiva liṁgāni supūjitāni saptātra mukhyāni mahāphalāni || bhīmeśvaraṁ liṁgamidaṁ tathaiva samastapāpāpaharaṁ supūjyam

जिस प्रकार यहाँ के सात प्रमुख सुपूजित लिंग महाफलदायी हैं, उसी प्रकार यह भीमेश्वर लिंग भी, समस्त पापों का हरण करने वाला, अत्यंत पूजनीय है।