कार्य की सिद्धि

श्लोक 1 (skanda.1.98.1)

॥सूत उवाच॥ अश्वत्थलाक्षावह्नौ च सर्षपान्केसरप्लुतान् ॥ जुह्वतो मंत्रमुख्यैश्च बलातिबलसंज्ञकैः

||sūta uvāca|| aśvatthalākṣāvahnau ca sarṣapānkesaraplutān || juhvato maṁtramukhyaiśca balātibalasaṁjñakaiḥ

सूत जी ने कहा - अश्वत्थ की लकड़ी और लाख को अग्नि में, केसर से सने सरसों के दानों को, बला और अतिबला नामक प्रमुख मंत्रों से आहुति देते हुए [विजय],

श्लोक 2 (skanda.1.98.2)

यामे तु प्रथमे याते काचिन्नारी समाययौ ॥ शोणिताक्तैकवसना महोच्चोर्ध्वशिरोरुहा

yāme tu prathame yāte kācinnārī samāyayau || śoṇitāktaikavasanā mahoccordhvaśiroruhā

जब रात्रि का पहला पहर बीत गया, तब एक स्त्री वहाँ आई - एक ही रक्त-सने वस्त्र वाली, अत्यंत ऊँचे उठे हुए केशों वाली,

श्लोक 3 (skanda.1.98.3)

दारुणाक्षी शुक्लदन्ती भयस्यापि भयंकरी ॥ सा रुरोद महारावं प्राप्य तां होमभूमिकाम्

dāruṇākṣī śukladantī bhayasyāpi bhayaṁkarī || sā ruroda mahārāvaṁ prāpya tāṁ homabhūmikām

भीषण नेत्रों वाली, श्वेत दाँतों वाली, भय को भी भयभीत करने वाली - उसने उस होम-भूमि पर पहुँचकर महाभीषण चीत्कार किया।

श्लोक 4 (skanda.1.98.4)

तां दृष्ट्वा चुक्षुभे सद्यो विजयो भीतिमानिव ॥ बर्बरीकश्च निर्भीतिस्तस्याः संमुखमाययौ

tāṁ dṛṣṭvā cukṣubhe sadyo vijayo bhītimāniva || barbarīkaśca nirbhītistasyāḥ saṁmukhamāyayau

उसे देखकर विजय भयभीत होकर तुरंत विचलित हो गए; किंतु निर्भीक बर्बरीक उसके सामने जा खड़े हुए।

श्लोक 5 (skanda.1.98.5)

ततः कण्ठं समाश्लिष्य तस्या मतिमतां वरः ॥ रुरोद द्विगुणं वीरो मेघवन्नादयन्बहु

tataḥ kaṇṭhaṁ samāśliṣya tasyā matimatāṁ varaḥ || ruroda dviguṇaṁ vīro meghavannādayanbahu

तब उस बुद्धिमानों में श्रेष्ठ वीर ने उसका गला पकड़ लिया, और मेघ के समान गरजते हुए उससे दुगुनी ऊँची चीख निकाली।

श्लोक 6 (skanda.1.98.6)

तं दृष्ट्वा विस्मिता सा च यावन्मुंचति कर्तिकाम्॥ तावन्निष्पीडिते कंठे मोक्तुं तस्मिन्न चाशकत्

taṁ dṛṣṭvā vismitā sā ca yāvanmuṁcati kartikām|| tāvanniṣpīḍite kaṁṭhe moktuṁ tasminna cāśakat

उसे देखकर विस्मित हुई वह ज्यों ही अपनी छुरी छोड़ना चाहती, त्यों ही गला दबे रहने के कारण वह उसे छोड़ न सकी।

श्लोक 7 (skanda.1.98.7)

पीड्यमाने च बलिना कंठे तस्या मुहुर्मुहुः॥ मुमुोच विविधाञ्छब्दान्वज्राहत इवाचलः

pīḍyamāne ca balinā kaṁṭhe tasyā muhurmuhuḥ|| mumuoca vividhāñchabdānvajrāhata ivācalaḥ

उस बलवान द्वारा बार-बार गला दबाए जाने पर, वह वज्रघात से आहत पर्वत की भाँति विविध ध्वनियाँ निकालने लगी।

श्लोक 8 (skanda.1.98.8)

क्षणं रावांस्ततो मुक्त्वा त्राहि मुञ्चेति वक्त्यणु ॥ ततः कृपालुना मुक्ता पादयोः पतिताऽब्रवीत्

kṣaṇaṁ rāvāṁstato muktvā trāhi muñceti vaktyaṇu || tataḥ kṛpālunā muktā pādayoḥ patitā'bravīt

क्षणभर बाद चीत्कार छोड़कर उसने धीमे स्वर में कहा - "मुझे बचाओ, छोड़ दो!" तब कृपालु द्वारा छोड़ी जाने पर वह उनके चरणों में गिरकर बोली -

श्लोक 9 (skanda.1.98.9)

शरणं ते प्रपन्नास्मि दासी कर्मकरी तव ॥ महाजिह्वेति मां विद्धि राक्षसीं कामरूपिणीम्

śaraṇaṁ te prapannāsmi dāsī karmakarī tava || mahājihveti māṁ viddhi rākṣasīṁ kāmarūpiṇīm

"मैं आपकी शरण में आई हूँ, आपकी दासी और आज्ञाकारिणी हूँ। मुझे महाजिह्वा नामक इच्छानुसार रूप धारण करने वाली राक्षसी जानो।

श्लोक 10 (skanda.1.98.10)

काशीश्मशाननिलयां देवदानवदर्पहाम् ॥ ददासि यदि मे वीर दुर्लभां प्राणदक्षिणाम्

kāśīśmaśānanilayāṁ devadānavadarpahām || dadāsi yadi me vīra durlabhāṁ prāṇadakṣiṇām

मैं काशी के श्मशान में निवास करती हूँ, देव-दानवों के दर्प को भी हरने वाली हूँ। हे वीर! यदि आप मुझे यह दुर्लभ प्राण-दक्षिणा देते हैं,

श्लोक 11 (skanda.1.98.11)

ततस्तपश्चरिष्यामि सर्वभूताभयप्रदा ॥ अस्मिन्नर्थे स्वदेवस्य शपथा मे तथात्मनः

tatastapaścariṣyāmi sarvabhūtābhayapradā || asminnarthe svadevasya śapathā me tathātmanaḥ

तो मैं तप करूँगी और समस्त प्राणियों को अभय देने वाली बनूँगी। इस विषय में मैं अपने देव तथा स्वयं की शपथ लेती हूँ -

श्लोक 12 (skanda.1.98.12)

यद्येतद्व्यत्ययं कुर्यां भस्मीभूयां ततः क्षणम् ॥ एवं ब्रुवाणां तां वीरो निगृह्य शपथैर्दृढम्

yadyetadvyatyayaṁ kuryāṁ bhasmībhūyāṁ tataḥ kṣaṇam || evaṁ bruvāṇāṁ tāṁ vīro nigṛhya śapathairdṛḍham

यदि मैं इसका उल्लंघन करूँ, तो उसी क्षण भस्म हो जाऊँ।" इस प्रकार कहती हुई उसे दृढ़ शपथों से बाँधकर उस वीर ने,

श्लोक 13 (skanda.1.98.13)

मुमोच सापि संहृष्टा कृच्छ्रा- न्मुक्ता ययौ वनम् ॥ सोऽपि वीरः खङ्गधारी तत्रैवावस्थितोऽभवत्

mumoca sāpi saṁhṛṣṭā kṛcchrā- nmuktā yayau vanam || so'pi vīraḥ khaṅgadhārī tatraivāvasthito'bhavat

उसे छोड़ दिया; और वह भी अत्यंत हर्षित होकर, उस कष्ट से मुक्त होकर वन में चली गई। वह वीर भी खड्ग धारण किए वहीं खड़ा रहा।

श्लोक 14 (skanda.1.98.14)

ततो मध्यमरात्रौ च गर्जितं श्रूयते महत् ॥ अन्धकारं च संजज्ञे तमोंऽधनरकप्रभम्

tato madhyamarātrau ca garjitaṁ śrūyate mahat || andhakāraṁ ca saṁjajñe tamoṁ'dhanarakaprabham

तब मध्य रात्रि में एक महान गर्जना सुनाई दी, और अंधकार व्याप्त हो गया - अंधे नरक जैसा घोर तम।

श्लोक 15 (skanda.1.98.15)

ददृशे च ततः शैलः शतशृंगोऽतिविस्तरः ॥ नानाशिलाः प्रमुमुचे नानावृक्षांश्च सोच्छ्रयान्

dadṛśe ca tataḥ śailaḥ śataśṛṁgo'tivistaraḥ || nānāśilāḥ pramumuce nānāvṛkṣāṁśca socchrayān

तब सौ शिखरों वाला, अत्यंत विस्तृत एक पर्वत दिखाई दिया, जो विविध शिलाओं और ऊँचे-ऊँचे वृक्षों को फेंक रहा था,

श्लोक 16 (skanda.1.98.16)

नानानिर्झर संघोषं ववृषे शोणितं वहु ॥ तं तथा नगमालोक्य निर्भीतो भैमिनंदनः

nānānirjhara saṁghoṣaṁ vavṛṣe śoṇitaṁ vahu || taṁ tathā nagamālokya nirbhīto bhaiminaṁdanaḥ

अनेक झरनों के घोष के साथ प्रचुर रक्त बरसा रहा था। उस पर्वत को देखकर, निर्भीक भीम-पौत्र-नंदन,

श्लोक 17 (skanda.1.98.17)

पर्वतो द्विगुणो भूत्वा पर्वतं सहसाप्लुतः ॥ तदाभिजघ्ने संहृत्य पर्वतं स्वेन भूभृता

parvato dviguṇo bhūtvā parvataṁ sahasāplutaḥ || tadābhijaghne saṁhṛtya parvataṁ svena bhūbhṛtā

स्वयं दुगुने पर्वत के समान होकर, सहसा उस पर्वत पर कूद पड़े, और अपने पर्वत-रूप से उसे समेटकर उस पर प्रहार किया,

श्लोक 18 (skanda.1.98.18)

तदा विशीर्णः सोऽभूच्च पर्वतो भूमिमंडले ॥ ततो योजनदेहात्मा शतशीर्षः शतोदरः

tadā viśīrṇaḥ so'bhūcca parvato bhūmimaṁḍale || tato yojanadehātmā śataśīrṣaḥ śatodaraḥ

जिससे वह पर्वत भूमि पर छिन्न-भिन्न हो गया। तब एक योजन लंबे शरीर वाला, सौ सिरों और सौ पेटों वाला,

श्लोक 19 (skanda.1.98.19)

वक्त्रैर्मुंचन्महाज्वालां रेपलेन्द्रोऽभ्यधावत ॥ तं धावमानं दृष्ट्वैव बर्बरीको महाबलः

vaktrairmuṁcanmahājvālāṁ repalendro'bhyadhāvata || taṁ dhāvamānaṁ dṛṣṭvaiva barbarīko mahābalaḥ

मुखों से महाज्वाला छोड़ता हुआ 'रेपलेन्द्र' नामक राक्षस दौड़ा। उसे दौड़ता देखते ही महाबली बर्बरीक ने,

श्लोक 20 (skanda.1.98.20)

विधाय तादृशं रूपं नर्दन्तं चाप्यधावत ॥ ततो मध्यमरात्रौ ती लघु चित्रं च सुष्ठु च

vidhāya tādṛśaṁ rūpaṁ nardantaṁ cāpyadhāvata || tato madhyamarātrau tī laghu citraṁ ca suṣṭhu ca

वैसा ही रूप धारण करके गर्जते हुए उसकी ओर दौड़ लगाई। तब उस मध्य रात्रि में शीघ्रता, विचित्रता और कुशलता के साथ,

श्लोक 21 (skanda.1.98.21)

युयुधाते बाणजालैर्यथा प्रावृषि तोयदौ ॥ छिन्नचापौ च खङ्गाभ्यां छिन्नखड्गौ च मुष्टिभिः

yuyudhāte bāṇajālairyathā prāvṛṣi toyadau || chinnacāpau ca khaṅgābhyāṁ chinnakhaḍgau ca muṣṭibhiḥ

वे दोनों बाणों की झड़ी से युद्ध करने लगे, जैसे वर्षा ऋतु में दो मेघ; धनुष टूटने पर खड्गों से, और खड्ग टूटने पर मुष्टियों से,

श्लोक 22 (skanda.1.98.22)

पर्वताविव सत्पक्षौ चिरं युयुधतुः स्थिरम् ॥ ततः कक्षे समुत्पाट्य भ्रामयित्वा मुहूर्तकम्

parvatāviva satpakṣau ciraṁ yuyudhatuḥ sthiram || tataḥ kakṣe samutpāṭya bhrāmayitvā muhūrtakam

वे दोनों दो पंखधारी पर्वतों की भाँति दीर्घ काल तक स्थिर होकर युद्ध करते रहे। तब उसे बगल में उठाकर, कुछ क्षण घुमाकर,

श्लोक 23 (skanda.1.98.23)

भूमौ प्रधर्षयामास प्रसृतं च मुमोच ह ॥ चिक्षेप चाग्निकोणे तं महीसागररोधसि

bhūmau pradharṣayāmāsa prasṛtaṁ ca mumoca ha || cikṣepa cāgnikoṇe taṁ mahīsāgararodhasi

उन्होंने उसे भूमि पर पटक दिया और उसके फैले हुए शरीर को छोड़ दिया; और उसे अग्निकोण की दिशा में महीसागर के तट पर फेंक दिया।

श्लोक 24 (skanda.1.98.24)

तद्दूरे रेपलेन्द्राख्यं ग्राममद्यापि वर्तते ॥ एवं स रेपलोनाम वृत्रतुल्यपराक्रमः

taddūre repalendrākhyaṁ grāmamadyāpi vartate || evaṁ sa repalonāma vṛtratulyaparākramaḥ

उससे दूर 'रेपलेन्द्र' नामक ग्राम आज भी विद्यमान है। इस प्रकार वृत्र के समान पराक्रमी वह रेपल नामक,

श्लोक 25 (skanda.1.98.25)

नाथः श्मशानस्यावन्त्या विघ्नकृन्निहतोऽभवत् ॥ तं निहत्य पुनर्वीरो बर्बरीकः स्थितोऽभवत्

nāthaḥ śmaśānasyāvantyā vighnakṛnnihato'bhavat || taṁ nihatya punarvīro barbarīkaḥ sthito'bhavat

अवंती के श्मशान का स्वामी, विघ्नकारी राक्षस मारा गया। उसे मारकर वीर बर्बरीक पुनः पहरे पर खड़े हो गए।

श्लोक 26 (skanda.1.98.26)

ततस्तृतीययामे च प्रतीच्या दिश आययौ ॥ पर्वताभा महानादा पादैः कम्पयतीव भूः

tatastṛtīyayāme ca pratīcyā diśa āyayau || parvatābhā mahānādā pādaiḥ kampayatīva bhūḥ

फिर तीसरे पहर में पश्चिम दिशा से पर्वत के समान विशाल, महाघोष करती हुई, पैरों से मानो पृथ्वी को कँपाती हुई,

श्लोक 27 (skanda.1.98.27)

दुहद्रुहाख्याश्वतरी मेघभ्रष्टा तडिद्यथा ॥ तामायांतीं तथा दृष्ट्वा सूर्यवैश्वानरप्रभाम्

duhadruhākhyāśvatarī meghabhraṣṭā taḍidyathā || tāmāyāṁtīṁ tathā dṛṣṭvā sūryavaiśvānaraprabhām

'दुहद्रुहा' नामक खच्चरी आई, जैसे मेघ से टूटी बिजली। उसे इस प्रकार आते देख, सूर्य और अग्नि के समान तेजस्वी,

श्लोक 28 (skanda.1.98.28)

उपसृत्य जवाद्भैमी रुरोह प्रहसन्निव ॥ वेगात्ततः प्रद्रवतीं तुण्डे प्राहत्य मुष्टिभिः

upasṛtya javādbhaimī ruroha prahasanniva || vegāttataḥ pradravatīṁ tuṇḍe prāhatya muṣṭibhiḥ

भीम के वंशज ने वेगपूर्वक उसके पास जाकर, मानो हँसते हुए, उस पर सवार हो गए; तब वेग से भागती हुई उसके मुख पर मुक्कों से प्रहार करके,

श्लोक 29 (skanda.1.98.29)

स्थापयामास तत्रैव तस्थौ सा चातिपीडिता ॥ ततः क्रुद्धा महारावं कृत्वाप्लुत्य दुहद्रुहा

sthāpayāmāsa tatraiva tasthau sā cātipīḍitā || tataḥ kruddhā mahārāvaṁ kṛtvāplutya duhadruhā

उसे वहीं रोक दिया, और वह अत्यंत पीड़ित होकर खड़ी रह गई। तब क्रोधित हुई दुहद्रुहा महाचीत्कार करती हुई उछलकर,

श्लोक 30 (skanda.1.98.30)

जगत्यामाशु चिक्षेप बर्बरीकं तथेच्छकम् ॥ ततो नदित्वा चातीव पादघातममुंचत

jagatyāmāśu cikṣepa barbarīkaṁ tathecchakam || tato naditvā cātīva pādaghātamamuṁcata

उस इच्छुक बर्बरीक को शीघ्र ही पृथ्वी पर फेंक दिया। फिर अत्यधिक गरजते हुए उसने पैरों से प्रहार किया।

श्लोक 31 (skanda.1.98.31)

पादौ च वीरः संगृह्य चिक्षेप भुवि लीलया ॥ ततः पुनः समुत्थाय धावंतीं तां निगृह्य सः

pādau ca vīraḥ saṁgṛhya cikṣepa bhuvi līlayā || tataḥ punaḥ samutthāya dhāvaṁtīṁ tāṁ nigṛhya saḥ

किंतु उस वीर ने उसके दोनों पैर पकड़कर उसे लीलामात्र से भूमि पर पटक दिया। फिर वह पुनः उठकर भागी, तो उसे पकड़कर,

श्लोक 32 (skanda.1.98.32)

मुष्टिना पातयित्वैव दंतान्कंठमपीडयत् ॥ क्लिन्नं वास इवापीड्य प्राणानत्याजयद्द्रुतम्

muṣṭinā pātayitvaiva daṁtānkaṁṭhamapīḍayat || klinnaṁ vāsa ivāpīḍya prāṇānatyājayaddrutam

मुक्के से गिराकर उसके दाँत तोड़ डाले और गला दबा दिया; भीगे वस्त्र की भाँति उसे निचोड़कर उसके प्राण शीघ्र ही निकाल दिए।

श्लोक 33 (skanda.1.98.33)

एवं सीकोत्तरस्थाने स्मशानैकपदो द्भवा ॥ शाकिनीनामधीशा सा बर्बरीकेण सूदिता

evaṁ sīkottarasthāne smaśānaikapado dbhavā || śākinīnāmadhīśā sā barbarīkeṇa sūditā

इस प्रकार सीक के उत्तर के स्थान में जन्मी, श्मशान की एकछत्र स्वामिनी, शाकिनियों की अधीश्वरी - वह बर्बरीक के द्वारा मार दी गई।

श्लोक 34 (skanda.1.98.34)

हत्वा तां चापि चिक्षेप प्रतीच्यामेव लीलया ॥ दुहद्रुहाख्यमद्यापि तत्र ग्रामं स्म वर्तते

hatvā tāṁ cāpi cikṣepa pratīcyāmeva līlayā || duhadruhākhyamadyāpi tatra grāmaṁ sma vartate

उसे मारकर उन्होंने उसे भी लीलापूर्वक पश्चिम दिशा में फेंक दिया। 'दुहद्रुहा' नामक ग्राम आज भी वहाँ विद्यमान है।

श्लोक 35 (skanda.1.98.35)

ततस्तथैव संतस्थौ बर्बरीकोऽभिरक्षणे ॥ ततश्चतुर्थे यामे च प्राप्तः क्षपणकोऽद्भुतः

tatastathaiva saṁtasthau barbarīko'bhirakṣaṇe || tataścaturthe yāme ca prāptaḥ kṣapaṇako'dbhutaḥ

फिर बर्बरीक पूर्ववत् रक्षा में खड़े हो गए। तब चौथे पहर में एक विचित्र क्षपणक (नग्न तपस्वी) आया -

श्लोक 36 (skanda.1.98.36)

मुंडी नग्नो मयूराणां पिच्छधारी महाव्रतः ॥ प्रोवाच चेदं वचनं हाहा कष्टमतीव भोः

muṁḍī nagno mayūrāṇāṁ picchadhārī mahāvrataḥ || provāca cedaṁ vacanaṁ hāhā kaṣṭamatīva bhoḥ

मुंडित सिर, नग्न, मोरपंख धारण किए, महाव्रती - उसने यह वचन कहा - "हा! हा! अत्यंत कष्ट की बात है, सुनो!

श्लोक 37 (skanda.1.98.37)

अहिंसा परमो धर्मस्तदग्निर्ज्वाल्यते कुतः ॥ हूयमाने यतो वह्नौ सूक्ष्मजीववधो महान्

ahiṁsā paramo dharmastadagnirjvālyate kutaḥ || hūyamāne yato vahnau sūkṣmajīvavadho mahān

अहिंसा परम धर्म है, फिर यह अग्नि क्यों प्रज्वलित की जाती है? क्योंकि अग्नि में आहुति देने से सूक्ष्म जीवों का महान वध होता है।"

श्लोक 38 (skanda.1.98.38)

श्रुत्वेदं वचनं तस्य बर्बरीकोऽब्रवीत्स्मयन् ॥ वदने सर्वदेवानां हूयमाने स्म पावके

śrutvedaṁ vacanaṁ tasya barbarīko'bravītsmayan || vadane sarvadevānāṁ hūyamāne sma pāvake

उसकी यह बात सुनकर बर्बरीक ने मुस्कुराते हुए कहा - "यह तो समस्त देवताओं के मुख में ही अग्नि में आहुति दी जा रही है -

श्लोक 39 (skanda.1.98.39)

अनृतं भाषसे पाप शिक्षायोग्योऽसि दुर्मते ॥ इत्युक्त्वा सहसोत्पत्य कक्षामध्ये स्थिरोऽस्य च

anṛtaṁ bhāṣase pāpa śikṣāyogyo'si durmate || ityuktvā sahasotpatya kakṣāmadhye sthiro'sya ca

तुम असत्य बोलते हो, हे पापी! हे दुर्बुद्धे! तुम शिक्षा के योग्य हो।" ऐसा कहकर सहसा उछलकर उसे बगल में दृढ़ता से पकड़कर,

श्लोक 40 (skanda.1.98.40)

दन्तान्मुष्टिप्रहारैश्च समाहत्याभ्यपातयत् ॥ रुधिराविलवक्त्रं तं मुमोच पतितं भुवि

dantānmuṣṭiprahāraiśca samāhatyābhyapātayat || rudhirāvilavaktraṁ taṁ mumoca patitaṁ bhuvi

मुक्कों की चोटों से उसके दाँत तोड़कर उसे गिरा दिया; और रक्त से सने मुख वाले उसे भूमि पर गिरे हुए छोड़ दिया।

श्लोक 41 (skanda.1.98.41)

स क्षणाच्चेतनां प्राप्य घोरदैत्यवपुर्धरः ॥ भयाद्भैमेः प्रदुद्राव गुहाविवरमाविशत्

sa kṣaṇāccetanāṁ prāpya ghoradaityavapurdharaḥ || bhayādbhaimeḥ pradudrāva guhāvivaramāviśat

वह क्षणभर में चेतना पाकर घोर दैत्य-रूप धारण कर लिया, और भीम के वंशज के भय से भागकर एक गुफा में घुस गया।

श्लोक 42 (skanda.1.98.42)

बहुप्रभेति नगरी षष्टियोजनमायता ॥ तस्यां विवेश सहसा तं चानु बर्बरीककः

bahuprabheti nagarī ṣaṣṭiyojanamāyatā || tasyāṁ viveśa sahasā taṁ cānu barbarīkakaḥ

वहाँ साठ योजन विस्तार वाली 'बहुप्रभा' नामक नगरी थी। उसमें वह सहसा प्रविष्ट हुआ, और बर्बरीक उसके पीछे-पीछे गए।

श्लोक 43 (skanda.1.98.43)

बर्बरीकं ततो दृष्ट्वा नादोऽभूच्च पलाशिनाम् ॥ धावध्वं हन्यतामेष छिद्यतां भिद्यतामिति

barbarīkaṁ tato dṛṣṭvā nādo'bhūcca palāśinām || dhāvadhvaṁ hanyatāmeṣa chidyatāṁ bhidyatāmiti

बर्बरीक को देखते ही पलाशी [दैत्य] के अनुयायियों में कोलाहल मच गया - "दौड़ो! इसे मार डालो! काट डालो! भेद डालो!"

श्लोक 44 (skanda.1.98.44)

तच्छ्रुत्वा दैत्यवीराणां कोटयो नव भीषणाः ॥ नानायुधधरा वीरं बर्बरीकमुपाद्रवन्

tacchrutvā daityavīrāṇāṁ koṭayo nava bhīṣaṇāḥ || nānāyudhadharā vīraṁ barbarīkamupādravan

यह सुनकर दैत्यवीरों के नौ करोड़ भीषण योद्धा, विविध शस्त्र धारण किए हुए, वीर बर्बरीक पर टूट पड़े।

श्लोक 45 (skanda.1.98.45)

दृष्ट्वा तान्कोटिशो दैत्यान्क्रुद्धो भीमात्मजात्मजः ॥ निमील्य सहसा नेत्रे तेषां मध्यमधावत

dṛṣṭvā tānkoṭiśo daityānkruddho bhīmātmajātmajaḥ || nimīlya sahasā netre teṣāṁ madhyamadhāvata

उन करोड़ों दैत्यों को देखकर क्रोधित भीम-पौत्र-नंदन ने सहसा आँखें बंद करके उनके बीच दौड़ लगाई,

श्लोक 46 (skanda.1.98.46)

पादघातैस्ततः कांश्चिद्भुजाघातैस्तथापरान् ॥ हृदयस्याभिघातैश्च क्षणान्निन्ये यमक्षयम्

pādaghātaistataḥ kāṁścidbhujāghātaistathāparān || hṛdayasyābhighātaiśca kṣaṇānninye yamakṣayam

और कुछ को पैरों की चोटों से, कुछ को भुजाओं की चोटों से, तथा कुछ को हृदय पर प्रहार से क्षणभर में यमलोक भेज दिया,

श्लोक 47 (skanda.1.98.47)

यथा नलवनं क्र्रुद्धः कुर्याद्भूमिसमं करी ॥ नवकोटीस्तथा जघ्ने सह तेन पलाशिना

yathā nalavanaṁ krruddhaḥ kuryādbhūmisamaṁ karī || navakoṭīstathā jaghne saha tena palāśinā

जैसे क्रुद्ध हाथी नरकुल के वन को भूमि के समतल कर दे, उसी प्रकार उन्होंने उन नौ करोड़ों को उस पलाशी सहित नष्ट कर दिया।

श्लोक 48 (skanda.1.98.48)

ततो नागाः समागम्य वासुकिप्रमुखास्तदा ॥ तुष्टुबुर्विविधैर्वाक्यैरूचुः सुहृदयं च ते

tato nāgāḥ samāgamya vāsukipramukhāstadā || tuṣṭuburvividhairvākyairūcuḥ suhṛdayaṁ ca te

तब वासुकि आदि प्रमुख नागों ने एकत्रित होकर विविध वचनों से उनकी स्तुति की, और सुहृदय से कहा -

श्लोक 49 (skanda.1.98.49)

नागानां परमं कृत्यं कृतं ते भैमिनंदन ॥ पलाशीनाम दैत्योयं नीतो यत्सानुगो यमम्

nāgānāṁ paramaṁ kṛtyaṁ kṛtaṁ te bhaiminaṁdana || palāśīnāma daityoyaṁ nīto yatsānugo yamam

"हे भीम-पौत्र-नंदन! आपने नागों का परम कार्य कर दिया, कि यह पलाशी नामक दैत्य अपने अनुयायियों सहित यमलोक भेज दिया गया।

श्लोक 50 (skanda.1.98.50)

अनेन हि वयं वीर सानुगेन दुरात्मना ॥ पीडिता विविधोपायैः पातालादप्यधः कृताः

anena hi vayaṁ vīra sānugena durātmanā || pīḍitā vividhopāyaiḥ pātālādapyadhaḥ kṛtāḥ

हे वीर! इसी दुरात्मा और उसके अनुयायियों के द्वारा हम विविध उपायों से पीड़ित होकर पाताल से भी नीचे धकेल दिए गए थे।

श्लोक 51 (skanda.1.98.51)

वरं वृणीष्व त्वं तस्मान्नागेभ्योऽभिमतं परम् ॥ वरदाः सर्व एव स्म वयं तुभ्यं सुतोषिताः

varaṁ vṛṇīṣva tvaṁ tasmānnāgebhyo'bhimataṁ param || varadāḥ sarva eva sma vayaṁ tubhyaṁ sutoṣitāḥ

अतः आप हम नागों से जो भी श्रेष्ठ वर चाहें, माँग लें - हम सब आपसे अत्यंत प्रसन्न होकर वर देने को तैयार हैं।"

श्लोक 52 (skanda.1.98.52)

॥सुहृदय उवाच॥ यदि देयो वरो मह्यं तदेनं प्रवृणोम्यहम् ॥ सर्वविघ्नविनिर्मुक्तो विजयः सिद्धिमाप्नुयात्

||suhṛdaya uvāca|| yadi deyo varo mahyaṁ tadenaṁ pravṛṇomyaham || sarvavighnavinirmukto vijayaḥ siddhimāpnuyāt

सुहृदय ने कहा - "यदि मुझे वर देना ही है, तो मैं यही माँगता हूँ - विजय समस्त विघ्नों से मुक्त होकर अपनी सिद्धि प्राप्त करें।"

श्लोक 53 (skanda.1.98.53)

ततस्तथेति तं प्रोचुः प्रहृष्टा वायुभोजनाः ॥ स च तेभ्यः पुरीं दत्त्वा निवृत्तो नागपूजितः

tatastatheti taṁ procuḥ prahṛṣṭā vāyubhojanāḥ || sa ca tebhyaḥ purīṁ dattvā nivṛtto nāgapūjitaḥ

तब वायु-भक्षी नागों ने प्रसन्न होकर "ऐसा ही हो" कहा; और उन्होंने उन्हें अपनी नगरी सौंप दी, और नागों द्वारा सम्मानित होकर वे लौट चले,

श्लोक 54 (skanda.1.98.54)

विवरस्य च मध्येन समागच्छन्महाप्रभम् ॥ सर्वरत्नमयं लिंगं स्थितं कल्पतरोरधः

vivarasya ca madhyena samāgacchanmahāprabham || sarvaratnamayaṁ liṁgaṁ sthitaṁ kalpataroradhaḥ

और उस गुफा के मध्य से गुजरते हुए उन्होंने एक महातेजस्वी, सर्वरत्नमय लिंग को कल्पवृक्ष के नीचे स्थित देखा,

श्लोक 55 (skanda.1.98.55)

अर्च्यमानं सुवह्नीभिर्नागकन्याभिरैक्षत ॥ ततोऽसौ विस्मयाविष्टो नागकन्या ह्यपृच्छत

arcyamānaṁ suvahnībhirnāgakanyābhiraikṣata || tato'sau vismayāviṣṭo nāgakanyā hyapṛcchata

जिसकी सुंदर नाग-कन्याएँ पूजा कर रही थीं। तब विस्मित होकर उन्होंने उन नाग-कन्याओं से पूछा -

श्लोक 56 (skanda.1.98.56)

केनेदं स्थापितं लिंगं सूर्यवैश्वानरप्रभम् ॥ लिंगादपि चतुर्दिक्षु मार्गाश्चेमे तु कीदृशाः

kenedaṁ sthāpitaṁ liṁgaṁ sūryavaiśvānaraprabham || liṁgādapi caturdikṣu mārgāśceme tu kīdṛśāḥ

"सूर्य और अग्नि के समान तेजस्वी इस लिंग की स्थापना किसने की? और लिंग से चारों दिशाओं में जाने वाले ये मार्ग कैसे हैं?"

श्लोक 57 (skanda.1.98.57)

इति वीरवचः श्रुत्वा बृहत्कटिपयोधरा ॥ सव्रीडं सस्मितापांगनिर्मोक्षमिदमब्रवीत्

iti vīravacaḥ śrutvā bṛhatkaṭipayodharā || savrīḍaṁ sasmitāpāṁganirmokṣamidamabravīt

इस वीर-वचन को सुनकर विशाल नितंब और स्तनों वाली उस नाग-कन्या ने लज्जापूर्वक, मुस्कुराते हुए कटाक्ष के साथ यह कहा -

श्लोक 58 (skanda.1.98.58)

सर्वपन्नगराजेन शेषेण सुमहात्मना ॥ तप स्तप्त्वा महालिंगमिदमत्र प्रतिष्ठितम्

sarvapannagarājena śeṣeṇa sumahātmanā || tapa staptvā mahāliṁgamidamatra pratiṣṭhitam

"समस्त सर्पों के राजा, महात्मा शेष ने तप करके इस महालिंग की यहाँ स्थापना की है।

श्लोक 59 (skanda.1.98.59)

दर्शनात्स्पर्शनाद्ध्यानादर्चनात्सर्वसिद्धिदम् ॥ लिंगात्पूर्वेण मार्गोयं याति श्रीपर्वतं भुवि

darśanātsparśanāddhyānādarcanātsarvasiddhidam || liṁgātpūrveṇa mārgoyaṁ yāti śrīparvataṁ bhuvi

यह दर्शन, स्पर्श, ध्यान और अर्चन से सर्व-सिद्धि देने वाला है। लिंग से पूर्व दिशा में जो यह मार्ग है, वह श्रीपर्वत को जाता है,

श्लोक 60 (skanda.1.98.60)

एलापत्रेण विहितो नागानां तत्र प्राप्तये ॥ दक्षिणेन च मार्गोऽयं याति शूर्पारकं भुवि

elāpatreṇa vihito nāgānāṁ tatra prāptaye || dakṣiṇena ca mārgo'yaṁ yāti śūrpārakaṁ bhuvi

जिसे एलापत्र ने नागों के वहाँ पहुँचने के लिए बनाया है। और दक्षिण दिशा में यह मार्ग शूर्पारक को जाता है,

श्लोक 61 (skanda.1.98.61)

कर्कोटकेन नागेन कृतोऽयं तत्र प्राप्तये ॥ पश्चिमेन च मार्गोऽयं प्रभासं याति सुप्रभम्

karkoṭakena nāgena kṛto'yaṁ tatra prāptaye || paścimena ca mārgo'yaṁ prabhāsaṁ yāti suprabham

जिसे नाग कर्कोटक ने वहाँ पहुँचने के लिए बनाया है। और पश्चिम दिशा में यह मार्ग अत्यंत तेजस्वी प्रभास को जाता है,

श्लोक 62 (skanda.1.98.62)

ऐरावतेन विहितो नागानां गमनाय च ॥ उत्तरेण च मार्गोयं येन यातुं भवान्स्थितः

airāvatena vihito nāgānāṁ gamanāya ca || uttareṇa ca mārgoyaṁ yena yātuṁ bhavānsthitaḥ

जिसे ऐरावत ने नागों के आवागमन के लिए बनाया है। और उत्तर दिशा में यह मार्ग - जिससे जाने के लिए आप स्वयं खड़े हैं -

श्लोक 63 (skanda.1.98.63)

गुप्तक्षेत्रे सिद्धलिंगं याति शक्तिगुहाऽऽकृतः ॥ विहितस्तक्षकेणासौ यातुं तत्र महात्मना

guptakṣetre siddhaliṁgaṁ yāti śaktiguhā''kṛtaḥ || vihitastakṣakeṇāsau yātuṁ tatra mahātmanā

गुप्तक्षेत्र के सिद्धलिंग को शक्ति-गुहा के रूप में जाता है, जिसे महात्मा नाग तक्षक ने वहाँ जाने के लिए बनाया है।"

श्लोक 64 (skanda.1.98.64)

इतीदं वर्णितं वीर विज्ञप्तिः श्रूयतां मम॥ को भवानधुनैवेतो दैत्यपृष्ठ गतोऽभवत् ॥ अधुनैव तथैकाकी समायातोऽत्र नो वद

itīdaṁ varṇitaṁ vīra vijñaptiḥ śrūyatāṁ mama|| ko bhavānadhunaiveto daityapṛṣṭha gato'bhavat || adhunaiva tathaikākī samāyāto'tra no vada

"इस प्रकार यह वर्णित किया गया, हे वीर! अब हमारी भी विनती सुनिए - अभी-अभी दैत्य के पीछे गए आप कौन हैं, और अभी अकेले ही यहाँ कैसे आ पहुँचे, यह हमें बताइए।

श्लोक 65 (skanda.1.98.65)

वयं च सर्वास्ते दास्यस्त्वां पतिं प्रवृणीमहे ॥ अस्माभिः सहितः क्रीड विविधास्वत्र भूमिषु

vayaṁ ca sarvāste dāsyastvāṁ patiṁ pravṛṇīmahe || asmābhiḥ sahitaḥ krīḍa vividhāsvatra bhūmiṣu

हम सब यहाँ की दासियाँ हैं, हम आपको अपना पति चुनती हैं - हमारे साथ यहाँ इन विविध सुंदर भूमियों में क्रीड़ा कीजिए।"

श्लोक 66 (skanda.1.98.66)

॥बर्बरीक उवाच॥ अहं कुरुकुलोत्पन्नः पांडुपुत्रस्य पौत्रकः ॥ बर्बरीक इति ख्यातस्तं दैत्यं हंतुमागतः

||barbarīka uvāca|| ahaṁ kurukulotpannaḥ pāṁḍuputrasya pautrakaḥ || barbarīka iti khyātastaṁ daityaṁ haṁtumāgataḥ

बर्बरीक ने कहा - "मैं कुरुकुल में उत्पन्न, पांडु-पुत्र का पौत्र, बर्बरीक नाम से विख्यात, उस दैत्य का वध करने आया हूँ।

श्लोक 67 (skanda.1.98.67)

स च दैत्यो हतः पापः पुनर्यास्ये महीतलम् ॥ भवतीभिश्च मे नास्ति कृत्यं भोभोः कथंचन

sa ca daityo hataḥ pāpaḥ punaryāsye mahītalam || bhavatībhiśca me nāsti kṛtyaṁ bhobhoḥ kathaṁcana

और वह पापी दैत्य अब मारा जा चुका है, मैं पुनः पृथ्वीतल को लौटूँगा। हे देवियो! आप लोगों से मुझे किसी भी प्रकार का प्रयोजन नहीं है -

श्लोक 68 (skanda.1.98.68)

ब्रह्मचारिव्रतं यस्मादहं सततमास्थितः ॥ इत्युक्त्वाभ्यर्च्य तल्लिंगं प्रणिपत्य च दण्डवत्

brahmacārivrataṁ yasmādahaṁ satatamāsthitaḥ || ityuktvābhyarcya talliṁgaṁ praṇipatya ca daṇḍavat

क्योंकि मैं सदा ब्रह्मचर्य-व्रत में स्थित हूँ।" ऐसा कहकर, उस लिंग की पूजा करके तथा दंडवत प्रणाम करके,

श्लोक 69 (skanda.1.98.69)

ऊर्ध्वमाचक्रमे वीरः कातरं ताभिरीक्षितः॥ ततो बहिः समागत्य सप्रकाशं मुखं तदा

ūrdhvamācakrame vīraḥ kātaraṁ tābhirīkṣitaḥ|| tato bahiḥ samāgatya saprakāśaṁ mukhaṁ tadā

वह वीर ऊपर की ओर चढ़ने लगे, उन नाग-कन्याओं द्वारा व्यथित दृष्टि से देखे जाते हुए; फिर बाहर आकर, तेजस्वी मुख वाले,

श्लोक 70 (skanda.1.98.70)

प्रहर्षेणैव पूर्वस्या विजयं ददृशे दिशः ॥ तस्मिन्काले च विजयः कर्म सर्वं समाप्तवान्

praharṣeṇaiva pūrvasyā vijayaṁ dadṛśe diśaḥ || tasminkāle ca vijayaḥ karma sarvaṁ samāptavān

उन्होंने अत्यंत हर्ष के साथ पूर्व दिशा में विजय को देखा; और उसी समय विजय ने अपना सम्पूर्ण कार्य पूर्ण कर लिया था।

श्लोक 71 (skanda.1.98.71)

कांत्या सूर्यसमाभास ऊर्ध्वमाचक्रमे क्षणात् ॥ ततो वियद्गतं देवैः पुष्पवर्षमभून्महत्

kāṁtyā sūryasamābhāsa ūrdhvamācakrame kṣaṇāt || tato viyadgataṁ devaiḥ puṣpavarṣamabhūnmahat

सूर्य के समान कांतिमान होकर वे उसी क्षण ऊपर उठे; तब आकाश से देवताओं के द्वारा महान पुष्प-वर्षा हुई।

श्लोक 72 (skanda.1.98.72)

जगुर्गंधर्वमुख्याश्च ननृतुश्चाप्सरोगणाः ॥ विजयो बर्बरीकं च ततो वचनमब्रवीत्

jagurgaṁdharvamukhyāśca nanṛtuścāpsarogaṇāḥ || vijayo barbarīkaṁ ca tato vacanamabravīt

प्रमुख गंधर्वों ने गीत गाए, अप्सराओं के समूहों ने नृत्य किया; तब विजय ने बर्बरीक से यह वचन कहा -

श्लोक 73 (skanda.1.98.73)

तव प्रसादाद्वीरेश सिद्धिः प्राप्ता मयातुला ॥ चिरं जीव चिरं नंद चिरं वस चिरं जय

tava prasādādvīreśa siddhiḥ prāptā mayātulā || ciraṁ jīva ciraṁ naṁda ciraṁ vasa ciraṁ jaya

"हे वीरेश! आपकी कृपा से मुझे अतुल सिद्धि प्राप्त हुई है। आप दीर्घायु हों, दीर्घ काल आनंदित रहें, दीर्घ काल निवास करें, दीर्घ काल विजयी हों!

श्लोक 74 (skanda.1.98.74)

अत एव हि साधृनां संगमिच्छंति साधवः ॥ औषधं सर्वदोषाणां भवेत्सत्यं गमो यतः

ata eva hi sādhṛnāṁ saṁgamicchaṁti sādhavaḥ || auṣadhaṁ sarvadoṣāṇāṁ bhavetsatyaṁ gamo yataḥ

इसीलिए तो सज्जन, सज्जनों की संगति चाहते हैं - क्योंकि उनकी संगति सचमुच समस्त दोषों की औषधि होती है।

श्लोक 75 (skanda.1.98.75)

त्वं च होमस्थितं भस्म सिंदूरसदृशप्रभम् ॥ निःशल्यं सविवरकं पूर्यमाणं गृहाण च

tvaṁ ca homasthitaṁ bhasma siṁdūrasadṛśaprabham || niḥśalyaṁ savivarakaṁ pūryamāṇaṁ gṛhāṇa ca

और आप इस होम में स्थित भस्म, जो सिंदूर के समान रंग वाली, दोषरहित, छिद्रयुक्त तथा सदा भरती रहने वाली है, इसे ग्रहण कीजिए -

श्लोक 76 (skanda.1.98.76)

अक्षय्यमेतत्संग्रामे प्रथमं ते प्रमुंचतः ॥ शत्रूणां स्थानकं मृत्योर्देहं ध्वस्तं करिष्यति

akṣayyametatsaṁgrāme prathamaṁ te pramuṁcataḥ || śatrūṇāṁ sthānakaṁ mṛtyordehaṁ dhvastaṁ kariṣyati

यह अक्षय है; युद्ध में इसकी सर्वप्रथम मुट्ठी छोड़ने मात्र से शत्रुओं के शरीर, जो मृत्यु के स्थान हैं, नष्ट हो जाएँगे।

श्लोक 77 (skanda.1.98.77)

एवं सुखेन विजयः शत्रूणां ते भविष्यति

evaṁ sukhena vijayaḥ śatrūṇāṁ te bhaviṣyati

इस प्रकार आपको अपने शत्रुओं पर सुखपूर्वक विजय प्राप्त होगी।"

श्लोक 78 (skanda.1.98.78)

॥बर्बरीक उवाच॥ उपकुर्यान्निराकांक्षो यः स साधुरितीर्यते ॥ साकांक्षमुपकुर्याद्यः साधुत्वे तस्य को गुणः

||barbarīka uvāca|| upakuryānnirākāṁkṣo yaḥ sa sādhuritīryate || sākāṁkṣamupakuryādyaḥ sādhutve tasya ko guṇaḥ

बर्बरीक ने कहा - "जो बिना किसी आकांक्षा के उपकार करता है, वही साधु कहलाता है। जो आकांक्षा सहित उपकार करे, उसकी साधुता में क्या गुण है?

श्लोक 79 (skanda.1.98.79)

तद्देहि भस्म चान्यस्मै केनाप्यर्थो न मेऽण्वपि ॥ प्रसादसुमुखां दृष्टिं विना नान्यद्वृणोमि ते

taddehi bhasma cānyasmai kenāpyartho na me'ṇvapi || prasādasumukhāṁ dṛṣṭiṁ vinā nānyadvṛṇomi te

अतः यह भस्म किसी और को दे दीजिए, मुझे इससे तनिक भी प्रयोजन नहीं। आपकी प्रसन्न, कृपापूर्ण दृष्टि के अतिरिक्त मैं आपसे कुछ और नहीं माँगता।"

श्लोक 80 (skanda.1.98.80)

॥देवा ऊचुः॥ कुरूणां पांडवानां च भविष्यति महान्रणः ॥ ततो भूमिस्थितं भस्म प्राप्स्यंति यदि कौरवाः

||devā ūcuḥ|| kurūṇāṁ pāṁḍavānāṁ ca bhaviṣyati mahānraṇaḥ || tato bhūmisthitaṁ bhasma prāpsyaṁti yadi kauravāḥ

देवताओं ने कहा - "कुरुओं और पांडवों के बीच एक महान युद्ध होने वाला है। तब यदि यह भूमि पर पड़ी भस्म कौरवों को प्राप्त हो गई,

श्लोक 81 (skanda.1.98.81)

महाननर्थो भविता पांडवानां ततः स्फुटम् ॥ तस्माद्गृहाण त्वं भस्म सोपि चक्रे तथो वचः

mahānanartho bhavitā pāṁḍavānāṁ tataḥ sphuṭam || tasmādgṛhāṇa tvaṁ bhasma sopi cakre tatho vacaḥ

तो निश्चय ही पांडवों का महान अनर्थ हो जाएगा। अतः आप ही यह भस्म ग्रहण कीजिए।" तब उन्होंने भी वैसा ही किया।

श्लोक 82 (skanda.1.98.82)

देवीभिः सहिता देवाः संमान्य विजयं च ते ॥ सिद्धैश्वर्यं ददुस्तस्मै सिद्धसेनेति नाम च

devībhiḥ sahitā devāḥ saṁmānya vijayaṁ ca te || siddhaiśvaryaṁ dadustasmai siddhaseneti nāma ca

देवियों सहित देवताओं ने तब विजय का सम्मान करके उन्हें सिद्धि का ऐश्वर्य प्रदान किया, तथा 'सिद्धसेन' नाम भी दिया।

श्लोक 83 (skanda.1.98.83)

एवं स विजयो विप्रः सिद्धिं लेभे सुदुर्लभाम् ॥ बर्बरीकश्च कृत्वैतद्देवीभक्तिरतोऽवसत्

evaṁ sa vijayo vipraḥ siddhiṁ lebhe sudurlabhām || barbarīkaśca kṛtvaitaddevībhaktirato'vasat

इस प्रकार वह विप्र विजय अत्यंत दुर्लभ सिद्धि को प्राप्त हुआ; और बर्बरीक भी यह कार्य करके देवी-भक्ति में लीन होकर वहीं निवास करने लगे।