अरुणाचल में गौतम का स्वागत और ब्रह्मा का उद्धार

श्लोक 1 (skanda.1.106.1)

ब्रह्मोवाच । अरण्याद्गौतमं शांतमुटजद्वार आगतम् । प्रत्याधातुं प्रववृते शिवभक्तिर्जगन्मयी

brahmovāca araṇyādgautamaṁ śāṁtamuṭajadvāra āgatam pratyādhātuṁ pravavṛte śivabhaktirjaganmayī

ब्रह्मा जी ने कहा — वन से लौटे शान्त गौतम मुनि के कुटिया-द्वार पर आते ही, जगत्-स्वरूपिणी शिव-भक्ति उनका स्वागत करने के लिए प्रवृत्त हुई।

श्लोक 2 (skanda.1.106.2)

आलुलोके समायातं गौतमं शिष्यसेवितम् । लंबमानशिरःश्मश्रुसम्पूर्णमुखमण्डलम्

āluloke samāyātaṁ gautamaṁ śiṣyasevitam laṁbamānaśiraḥśmaśrusampūrṇamukhamaṇḍalam

शिष्यों से सेवित, आते हुए गौतम को उसने देखा — लटकती हुई शिर और श्मश्रु से भरा हुआ उनका सम्पूर्ण मुख-मण्डल।

श्लोक 3 (skanda.1.106.3)

जटाभिरतिताम्राभिस्तीर्थस्नानविशुद्धिभिः । न्यस्तरुद्राक्षमणिभिर्ज्वालाभिरिव पावकम्

jaṭābhiratitāmrābhistīrthasnānaviśuddhibhiḥ nyastarudrākṣamaṇibhirjvālābhiriva pāvakam

अत्यन्त ताम्रवर्ण जटाओं से, जो तीर्थ-स्नान से शुद्ध थीं, रुद्राक्ष-मणियों से युक्त, मानो अग्नि की ज्वालाओं के समान।

श्लोक 4 (skanda.1.106.4)

भस्मत्रिपुण्ड्रकोपेतविशालनिटिलोज्वलम् । शुक्लयज्ञोपवीतेन पूर्णं रुद्राक्षदामभिः

bhasmatripuṇḍrakopetaviśālaniṭilojvalam śuklayajñopavītena pūrṇaṁ rudrākṣadāmabhiḥ

भस्म के त्रिपुण्ड्र से युक्त विशाल, उज्ज्वल ललाट वाला, श्वेत यज्ञोपवीत और रुद्राक्ष-मालाओं से परिपूर्ण।

श्लोक 5 (skanda.1.106.5)

दधानं वल्कले रक्ते तपः कृशितविग्रहम् । जपंतं वैदिकान्मंत्रान्रुद्रप्रीतिकरान्बहून्

dadhānaṁ valkale rakte tapaḥ kṛśitavigraham japaṁtaṁ vaidikānmaṁtrānrudraprītikarānbahūn

लाल वल्कल धारण किए, तप से कृश हुए शरीर वाले, रुद्र को प्रसन्न करने वाले अनेक वैदिक मन्त्रों का जप करते हुए।

श्लोक 6 (skanda.1.106.6)

शम्भुनावसितोदात्तसारूप्यमिव भाषितम् । तेजोनिधिं दयापूर्णं प्रत्यक्षमिव भास्करम्

śambhunāvasitodāttasārūpyamiva bhāṣitam tejonidhiṁ dayāpūrṇaṁ pratyakṣamiva bhāskaram

मानो शम्भु के साथ ही उदात्त सारूप्य को प्राप्त कर लिया हो, ऐसे प्रतीत होते हुए, तेज के निधि, दया से परिपूर्ण, मानो साक्षात् भास्कर।

श्लोक 7 (skanda.1.106.7)

आलोक्य तं महात्मानं वृद्धं शंभुपदाश्रयम् । कृतांजलिपुटा गौरी प्रणन्तुमुपचक्रमे

ālokya taṁ mahātmānaṁ vṛddhaṁ śaṁbhupadāśrayam kṛtāṁjalipuṭā gaurī praṇantumupacakrame

शम्भु के चरणों का आश्रय लेने वाले उस वृद्ध महात्मा को देखकर, हाथ जोड़े हुए गौरी उन्हें प्रणाम करने के लिए तत्पर हुईं।

श्लोक 8 (skanda.1.106.8)

कृतांजलिं मुनिर्वीक्ष्य समस्तजगदम्बिकाम् । किमेतदिति साश्चर्यं वारयन्प्रणनाम सः

kṛtāṁjaliṁ munirvīkṣya samastajagadambikām kimetaditi sāścaryaṁ vārayanpraṇanāma saḥ

हाथ जोड़े समस्त जगत् की जननी अम्बिका को देखकर मुनि ने 'यह क्या है' यह विस्मय व्यक्त करते हुए उन्हें रोककर स्वयं ही उन्हें प्रणाम किया।

श्लोक 9 (skanda.1.106.9)

स्वागतं गौरि सुभगे लोकमातर्दयानिधे । व्याजेन भक्तसंरक्षां कर्तुमत्रागतास्यहो

svāgataṁ gauri subhage lokamātardayānidhe vyājena bhaktasaṁrakṣāṁ kartumatrāgatāsyaho

हे सुभगे गौरी! हे दयानिधि लोकमातः! स्वागत है; अहो, आप छल से ही सही, भक्तों की रक्षा करने के लिए यहाँ पधारी हैं।

श्लोक 10 (skanda.1.106.10)

अहो मान्ये मान्यमर्थं विज्ञायैव पुरा वयम् । पृथग्भावमिवालंब्य शिष्यादिभिः समागताः

aho mānye mānyamarthaṁ vijñāyaiva purā vayam pṛthagbhāvamivālaṁbya śiṣyādibhiḥ samāgatāḥ

हे माननीय! हम इस माननीय प्रयोजन को पहले ही जानकर, मानो पृथक्-भाव का सहारा लेकर, शिष्यों आदि के साथ यहाँ आ चुके हैं।

श्लोक 11 (skanda.1.106.11)

यद्देवि ते न चेत्किंचिन्मायाविलसितन्निजम् । ततः प्रपंचसंसिद्धिः कथमेव भविष्यति

yaddevi te na cetkiṁcinmāyāvilasitannijam tataḥ prapaṁcasaṁsiddhiḥ kathameva bhaviṣyati

हे देवि! यदि तुम्हारी माया का विलास कुछ भी अपना न होता, तो फिर यह सम्पूर्ण जगत् की सिद्धि भला कैसे होती?

श्लोक 12 (skanda.1.106.12)

तिष्ठत्वशेषं मे वक्तुं मायाविलसितं तव । न शक्यते यन्निर्णेतुं त्वदीयैश्च कदाचन

tiṣṭhatvaśeṣaṁ me vaktuṁ māyāvilasitaṁ tava na śakyate yannirṇetuṁ tvadīyaiśca kadācana

तुम्हारी माया के विलास को समग्र रूप से कहने का प्रयास रहने ही दो; उसे निर्णीत करना तुम्हारे अपने जनों से भी कभी सम्भव नहीं है।

श्लोक 13 (skanda.1.106.13)

आस्यतां पावने शुद्धं आसने कुशनिर्मिते । गृह्यतां पाद्यमर्घं च दत्तं च विधिवन्मया

āsyatāṁ pāvane śuddhaṁ āsane kuśanirmite gṛhyatāṁ pādyamarghaṁ ca dattaṁ ca vidhivanmayā

इस पवित्र, कुश से बने शुद्ध आसन पर विराजें; पाद्य और अर्घ्य ग्रहण करें, जो मैंने विधिपूर्वक अर्पित किया है।

श्लोक 14 (skanda.1.106.14)

इति शिष्यैः समानीते दर्भांके परमासने । आसीनामंबिकां वृद्धो मुनिरानर्च भक्तिमान्

iti śiṣyaiḥ samānīte darbhāṁke paramāsane āsīnāmaṁbikāṁ vṛddho munirānarca bhaktimān

इस प्रकार शिष्यों द्वारा लाए गए दर्भ के श्रेष्ठ आसन पर बैठी हुई अम्बिका की, भक्तिमान् वृद्ध मुनि ने पूजा की।

श्लोक 15 (skanda.1.106.15)

निवेद्य सकलां पूजां भक्तिभावसमन्वितः । गौर्या समभ्यनुज्ञातः स्वयमप्यासने स्थितः

nivedya sakalāṁ pūjāṁ bhaktibhāvasamanvitaḥ gauryā samabhyanujñātaḥ svayamapyāsane sthitaḥ

भक्ति-भाव से युक्त होकर पूर्ण पूजा निवेदित करके, गौरी की अनुमति पाकर वे स्वयं भी आसन पर बैठे।

श्लोक 16 (skanda.1.106.16)

उवाच दशनज्योत्स्नापरिधौतदिशामुखः । पुलकांचितसर्वांगः सानंदाश्रु सगद्गदम्

uvāca daśanajyotsnāparidhautadiśāmukhaḥ pulakāṁcitasarvāṁgaḥ sānaṁdāśru sagadgadam

अपने दाँतों की चाँदनी से दिशाओं के मुख को धोता हुआ, समस्त अंगों में रोमांच से भरा हुआ, आनन्द के आँसुओं से भरा हुआ, गद्गद स्वर में उन्होंने कहा।

श्लोक 17 (skanda.1.106.17)

अहो देवस्य माहात्म्यं शम्भोरमिततेजसः । सद्भक्त रक्षणाय त्वामादिशद्भक्तवत्सलः

aho devasya māhātmyaṁ śambhoramitatejasaḥ sadbhakta rakṣaṇāya tvāmādiśadbhaktavatsalaḥ

अहो! अमित तेज वाले उस देव शम्भु का यह कैसा माहात्म्य है, जिन्होंने भक्त-वत्सल होकर सद्भक्तों की रक्षा के लिए तुम्हें ही यहाँ भेजा है।

श्लोक 18 (skanda.1.106.18)

असिद्धमन्यल्लब्धव्यं किं वान्यत्तव विद्यते । अम्बैतद्भक्तिमाहात्म्यं संदर्शयितुमीश्वरः

asiddhamanyallabdhavyaṁ kiṁ vānyattava vidyate ambaitadbhaktimāhātmyaṁ saṁdarśayitumīśvaraḥ

फिर भी क्या अन्य कुछ असिद्ध या प्राप्त करने योग्य तुम्हारे लिए शेष है? हे अम्बे! यह तो केवल भक्ति के माहात्म्य को प्रकट करने के लिए ही ईश्वर ने किया है।

श्लोक 19 (skanda.1.106.19)

कैलासशैलवृत्तांतः कंपातटतपःस्थितः । अरुणाद्रिसमादेशः सर्वं ज्ञातमिदं मया

kailāsaśailavṛttāṁtaḥ kaṁpātaṭatapaḥsthitaḥ aruṇādrisamādeśaḥ sarvaṁ jñātamidaṁ mayā

कैलास पर्वत का वृत्तान्त, कम्पा-तट पर तुम्हारा तप, अरुणाद्रि का आदेश — यह सब मुझे पहले से ही ज्ञात है।

श्लोक 20 (skanda.1.106.20)

आगतासि महाभागे भक्ताश्रममिमं स्वयम् । स्नेहेन करुणामूर्ते कर्त्तव्यमुपदिश्यताम्

āgatāsi mahābhāge bhaktāśramamimaṁ svayam snehena karuṇāmūrte karttavyamupadiśyatām

हे महाभागे! तुम स्वयं इस भक्त के आश्रम में आई हो; हे करुणामूर्ति! स्नेहपूर्वक बताओ, मुझे क्या करना है।

श्लोक 21 (skanda.1.106.21)

इति तस्य वचः श्रुत्वा महर्षेः सर्ववेदिनः । अंबिका प्राह कुतुकात्स्तुवन्ती तं महामुनिम्

iti tasya vacaḥ śrutvā maharṣeḥ sarvavedinaḥ aṁbikā prāha kutukātstuvantī taṁ mahāmunim

सर्वज्ञ उस महर्षि के इन वचनों को सुनकर, अम्बिका ने कौतुकवश उस महामुनि की स्तुति करते हुए यह कहा।

श्लोक 22 (skanda.1.106.22)

महावैभवमेतत्ते देवदेवः स्वयं शिवः । मध्ये तपस्विनां त्वं तु द्रष्टव्य इति चादिशत्

mahāvaibhavametatte devadevaḥ svayaṁ śivaḥ madhye tapasvināṁ tvaṁ tu draṣṭavya iti cādiśat

देवाधिदेव शिव ने स्वयं ही यह महान् ऐश्वर्य दिखाया कि तपस्वियों के मध्य तुम्हारे ही दर्शन मुझे करने चाहिए — ऐसा उन्होंने आदेश दिया।

श्लोक 23 (skanda.1.106.23)

आगमानां शिवोक्तानां वेदानामपि पारगः । तपसा शंभुभक्तानां त्वमेव शिवसंमतः

āgamānāṁ śivoktānāṁ vedānāmapi pāragaḥ tapasā śaṁbhubhaktānāṁ tvameva śivasaṁmataḥ

शिव द्वारा कहे गए आगमों और वेदों के भी पारगामी, शम्भु के भक्तों में तपस्या से तुम ही शिव द्वारा सम्मानित हो।

श्लोक 24 (skanda.1.106.24)

अरुणाचल नाम्नाहं तिष्ठामीत्यब्रवीच्छिवः । अस्याचलस्य माहात्म्यं श्रोतव्यं च भवन्मुखात्

aruṇācala nāmnāhaṁ tiṣṭhāmītyabravīcchivaḥ asyācalasya māhātmyaṁ śrotavyaṁ ca bhavanmukhāt

शिव ने कहा — मैं अरुणाचल नाम से यहाँ स्थित हूँ; इस पर्वत का माहात्म्य तुम्हारे ही मुख से सुनने योग्य है।

श्लोक 25 (skanda.1.106.25)

प्राप्तास्म्यहं तपः कर्तुमरुणाचलसन्निधौ । भवतां दर्शनादेव स्वयमीशः प्रसीदति

prāptāsmyahaṁ tapaḥ kartumaruṇācalasannidhau bhavatāṁ darśanādeva svayamīśaḥ prasīdati

मैं अरुणाचल की समीपता में तप करने के लिए आई हूँ; आपके ही दर्शन से स्वयं ईश्वर प्रसन्न हो जाते हैं।

श्लोक 26 (skanda.1.106.26)

शिवभक्तेन संभाषा शिवसंकीर्त्तनश्रवः । शिवलिंगार्चनं लोके वपुर्ग्रहफलोदयः

śivabhaktena saṁbhāṣā śivasaṁkīrttanaśravaḥ śivaliṁgārcanaṁ loke vapurgrahaphalodayaḥ

शिव-भक्त से वार्तालाप, शिव-कीर्तन का श्रवण, शिव-लिंग की अर्चना — ये लोक में शरीर के ग्रहण किए जाने का ही फलोदय हैं।

श्लोक 27 (skanda.1.106.27)

तस्मान्ममैतन्माहात्म्यं श्रोतव्यं भवतो मुखात् । सुव्यक्तमुपदेशेन ज्ञानतोऽसि पिता मम

tasmānmamaitanmāhātmyaṁ śrotavyaṁ bhavato mukhāt suvyaktamupadeśena jñānato'si pitā mama

अतः मुझे यह माहात्म्य आपके ही मुख से सुनना है; उपदेश से आप ज्ञान में भी मेरे पिता के समान स्पष्ट हैं।

श्लोक 28 (skanda.1.106.28)

इति तस्या वचः श्रुत्वा गौतमस्तपसां निधिः । आचख्यौ गिरिशं ध्यायन्नरुणाचलवैभवम्

iti tasyā vacaḥ śrutvā gautamastapasāṁ nidhiḥ ācakhyau giriśaṁ dhyāyannaruṇācalavaibhavam

उसके इन वचनों को सुनकर, तपों के निधि गौतम मुनि, गिरीश का ध्यान करते हुए अरुणाचल के ऐश्वर्य को कहने लगे।

श्लोक 29 (skanda.1.106.29)

अज्ञातमिव यत्किंचित्पृच्छ्यते च पुनस्त्वया । अवैमि सर्वविद्यानां माया शैवी त्वमेव सा

ajñātamiva yatkiṁcitpṛcchyate ca punastvayā avaimi sarvavidyānāṁ māyā śaivī tvameva sā

जो कुछ भी तुम मानो अनजान होकर पुनः पूछती हो, मैं जानता हूँ कि वह शैवी माया समस्त विद्याओं की तुम्हीं हो।

श्लोक 30 (skanda.1.106.30)

अथवा भक्तवक्त्रेण शिववैभवसंश्रवः । शिक्षणं शांभवं तेषां तव तुष्टेश्च कारणम्

athavā bhaktavaktreṇa śivavaibhavasaṁśravaḥ śikṣaṇaṁ śāṁbhavaṁ teṣāṁ tava tuṣṭeśca kāraṇam

अथवा, किसी भक्त के मुख से शिव के ऐश्वर्य का श्रवण उन भक्तों के लिए ही शाम्भव शिक्षण है, और तुम्हारी प्रसन्नता का भी कारण है।

श्लोक 31 (skanda.1.106.31)

पठितानां च वेदानां यदावृत्तफलावहम् । वदतां शृण्वतां लोके शिवसंकीर्त्तनं तथा

paṭhitānāṁ ca vedānāṁ yadāvṛttaphalāvaham vadatāṁ śṛṇvatāṁ loke śivasaṁkīrttanaṁ tathā

जैसे पढ़े हुए वेदों का जो बार-बार आवृत्ति का फल है, वैसा ही लोक में शिव-कीर्तन कहने और सुनने वालों को प्राप्त होता है।

श्लोक 32 (skanda.1.106.32)

सफलान्यद्य सर्वाणि तपांसि चरितानि मे । यदहं शंभुनादिष्टं माहात्म्यं कीर्त्तये श्रुतम्

saphalānyadya sarvāṇi tapāṁsi caritāni me yadahaṁ śaṁbhunādiṣṭaṁ māhātmyaṁ kīrttaye śrutam

आज मेरे किए हुए समस्त तप सफल हो गए, क्योंकि मैं शम्भु द्वारा आदिष्ट, सुना हुआ यह माहात्म्य कीर्तन करने जा रहा हूँ।

श्लोक 33 (skanda.1.106.33)

शिवाशिवप्रसादेन माहात्म्यमिदमद्भुतम्

śivāśivaprasādena māhātmyamidamadbhutam

शिवा और शिव की कृपा से यह अद्भुत माहात्म्य —

श्लोक 34 (skanda.1.106.34)

अरुणाचलमाहात्म्यं दुरितक्षयकारणम् । श्रूयतामनवद्यांगि पुरावृत्तमिदं महत्

aruṇācalamāhātmyaṁ duritakṣayakāraṇam śrūyatāmanavadyāṁgi purāvṛttamidaṁ mahat

अरुणाचल का माहात्म्य, जो पापों का क्षय करने वाला है — हे निर्दोष अंगों वाली! यह महान् प्राचीन वृत्तान्त सुनो।

श्लोक 35 (skanda.1.106.35)

अरुणाद्रिमयं लिंगमाविर्भूतं यथा पुरा । न शक्यते पुनर्वक्तुमशेषं वक्त्रकोटिभिः

aruṇādrimayaṁ liṁgamāvirbhūtaṁ yathā purā na śakyate punarvaktumaśeṣaṁ vaktrakoṭibhiḥ

जिस प्रकार पूर्वकाल में अरुणाद्रि-रूप यह लिंग प्रकट हुआ, उसे करोड़ों मुखों से भी सम्पूर्ण रूप से कह पाना सम्भव नहीं है।

श्लोक 36 (skanda.1.106.36)

अरुणाचलमाहात्म्यं ब्रह्मणामपि कोटिभिः । ब्रह्मणा विष्णुना पूर्वं सोमभास्करवह्निभिः

aruṇācalamāhātmyaṁ brahmaṇāmapi koṭibhiḥ brahmaṇā viṣṇunā pūrvaṁ somabhāskaravahnibhiḥ

अरुणाचल का माहात्म्य, करोड़ों ब्रह्माओं द्वारा भी, पूर्वकाल में ब्रह्मा और विष्णु द्वारा, चन्द्र-सूर्य-अग्नि द्वारा।

श्लोक 37 (skanda.1.106.37)

इन्द्रादिभिश्च दिक्पालैः पूजितश्चाष्टसिद्धये । सिद्धचारणगंधर्व यक्षविद्याधरोरगैः

indrādibhiśca dikpālaiḥ pūjitaścāṣṭasiddhaye siddhacāraṇagaṁdharva yakṣavidyādharoragaiḥ

इन्द्र आदि दिक्पालों द्वारा भी अष्ट-सिद्धि की प्राप्ति के लिए पूजित, सिद्ध, चारण, गन्धर्व, यक्ष, विद्याधर और नागों द्वारा।

श्लोक 38 (skanda.1.106.38)

खगैश्च मुनिभिर्दिव्यैः सिद्धयोगिभिरर्चितः । तत्तत्पापनिवृत्त्यर्थं तत्तदीप्सितसिद्धये

khagaiśca munibhirdivyaiḥ siddhayogibhirarcitaḥ tattatpāpanivṛttyarthaṁ tattadīpsitasiddhaye

पक्षियों और दिव्य मुनियों द्वारा, सिद्ध-योगियों द्वारा भी वह-वह पाप को दूर करने के लिए, वह-वह अभीष्ट सिद्धि के लिए पूजित है।

श्लोक 39 (skanda.1.106.39)

आराधितोऽयं भगवानरुणाद्रिपतिः शिवः । दृष्टो हरति पापानि सेवितो वांछितप्रदः

ārādhito'yaṁ bhagavānaruṇādripatiḥ śivaḥ dṛṣṭo harati pāpāni sevito vāṁchitapradaḥ

इस प्रकार आराधित यह भगवान् अरुणाद्रिपति शिव, दृष्ट होने पर पापों को हर लेता है, सेवित होने पर वांछित को देता है।

श्लोक 40 (skanda.1.106.40)

कीर्तितोपि जनैर्दूरैः शोणाद्रिरिति मुक्तिदः । तेजःस्तंभमयं रूपमरुणाद्रिरिति श्रुतम्

kīrtitopi janairdūraiḥ śoṇādririti muktidaḥ tejaḥstaṁbhamayaṁ rūpamaruṇādririti śrutam

दूर के लोगों द्वारा भी 'शोणाद्रि' कहकर कीर्तित होने पर ही मुक्ति देने वाला — तेज-स्तम्भमय रूप अरुणाद्रि नाम से सुना गया है।

श्लोक 41 (skanda.1.106.41)

ध्यायन्तो योगिनश्चित्ते शिवसायुज्यमाप्नुयुः । दत्तं हुतं च यत्किंचिज्जप्तं चान्यत्तपः कृतम्

dhyāyanto yoginaścitte śivasāyujyamāpnuyuḥ dattaṁ hutaṁ ca yatkiṁcijjaptaṁ cānyattapaḥ kṛtam

चित्त में इसका ध्यान करने वाले योगी शिव-सायुज्य को प्राप्त करते हैं; अरुणाचल के समीप जो कुछ भी दान, हवन, जप या अन्य तप किया जाता है।

श्लोक 42 (skanda.1.106.42)

अक्षय्यं भवति प्राप्तमरुणाचलसंनिधौ । पुरा ब्रह्मा च विष्णुश्च शिवतेजोंशसंभवौ

akṣayyaṁ bhavati prāptamaruṇācalasaṁnidhau purā brahmā ca viṣṇuśca śivatejoṁśasaṁbhavau

वह प्राप्त होकर अक्षय हो जाता है; पूर्वकाल में ब्रह्मा और विष्णु, जो शिव के तेज के अंश से उत्पन्न हुए थे।

श्लोक 43 (skanda.1.106.43)

साहंकारौ युयुधतुः परस्परजिगीषया । तथा तयोर्गर्वशांत्यै योगिध्येयः सदाशिवः

sāhaṁkārau yuyudhatuḥ parasparajigīṣayā tathā tayorgarvaśāṁtyai yogidhyeyaḥ sadāśivaḥ

अहंकार से युक्त होकर परस्पर विजय की इच्छा से युद्ध करने लगे; तब उन दोनों के गर्व को शान्त करने के लिए योगियों के ध्येय सदाशिव।

श्लोक 44 (skanda.1.106.44)

अग्नितेजोमयं रूपमादिमध्यांतवर्जितम् । संप्राप्य तस्थौ तन्मध्ये दिशो दश विभासयन्

agnitejomayaṁ rūpamādimadhyāṁtavarjitam saṁprāpya tasthau tanmadhye diśo daśa vibhāsayan

आदि-मध्य-अन्त से रहित अग्नि-तेजोमय रूप को धारण करके, उसके मध्य में दसों दिशाओं को प्रकाशित करते हुए स्थित हो गए।

श्लोक 45 (skanda.1.106.45)

तेजःस्तंभस्य तस्याथ द्रष्टुमाद्यंतभागयोः । हंसक्रोडतनू कृत्वा जग्मतुर्द्यां रसातलम्

tejaḥstaṁbhasya tasyātha draṣṭumādyaṁtabhāgayoḥ haṁsakroḍatanū kṛtvā jagmaturdyāṁ rasātalam

उस तेज-स्तम्भ के आदि और अन्त भाग को देखने के लिए हंस और वराह का शरीर धारण करके वे स्वर्ग और रसातल की ओर गए।

श्लोक 46 (skanda.1.106.46)

तौ विषण्णमुखौ दृष्ट्वा भगवान्करुणानिधिः । आविर्बभूव च तयोर्वरं प्रादादभीप्सितम्

tau viṣaṇṇamukhau dṛṣṭvā bhagavānkaruṇānidhiḥ āvirbabhūva ca tayorvaraṁ prādādabhīpsitam

उन दोनों को निराश मुख वाला देखकर, करुणानिधि भगवान् प्रकट हुए, और उन्हें अभीष्ट वर प्रदान किया।

श्लोक 47 (skanda.1.106.47)

तत्प्रार्थितश्च देवेशो यातः स्थावरलिंगताम् । अरुणाद्रिरिति ख्यातः प्रशांतः संप्रकाशते

tatprārthitaśca deveśo yātaḥ sthāvaraliṁgatām aruṇādririti khyātaḥ praśāṁtaḥ saṁprakāśate

उनके द्वारा प्रार्थना किए जाने पर देवेश स्थावर-लिंगता को प्राप्त हुए; अरुणाद्रि नाम से प्रसिद्ध वह प्रशान्त रूप से प्रकाशित होता है।

श्लोक 48 (skanda.1.106.48)

दिव्यदुन्दुभिनिर्घोषैरप्सरोगीतनर्त्तनैः । पूज्यते तैजसं लिंगं पुष्पवृष्टिशतैः सदा

divyadundubhinirghoṣairapsarogītanarttanaiḥ pūjyate taijasaṁ liṁgaṁ puṣpavṛṣṭiśataiḥ sadā

दिव्य दुन्दुभियों की ध्वनियों से, अप्सराओं के गीत और नृत्य से, सैकड़ों पुष्प-वर्षाओं से यह तैजस लिंग सदा पूजित होता है।

श्लोक 49 (skanda.1.106.49)

ब्रह्मणामप्यतीतानां पुरा षण्णवतेः प्रभुः । विष्णुनाभिसमुद्भूतो ब्रह्मा लोकान्ससर्ज हि

brahmaṇāmapyatītānāṁ purā ṣaṇṇavateḥ prabhuḥ viṣṇunābhisamudbhūto brahmā lokānsasarja hi

छियानबे ब्रह्माओं के भी पूर्व, विष्णु की नाभि से उत्पन्न एक ब्रह्मा ने लोकों की सृष्टि की थी।

श्लोक 50 (skanda.1.106.50)

स कदाचित्तपोविघ्नं कर्तुकामेन योगिनाम् । इंद्रेण प्रार्थितो ब्रह्मा ससर्ज ललितां स्त्रियम्

sa kadācittapovighnaṁ kartukāmena yoginām iṁdreṇa prārthito brahmā sasarja lalitāṁ striyam

योगियों के तप में विघ्न डालने की इच्छा रखने वाले इन्द्र के अनुरोध पर, उस ब्रह्मा ने एक सुन्दर स्त्री की रचना की।

श्लोक 51 (skanda.1.106.51)

लावण्यगुणसंपूर्णामालोक्य कमलेक्षणाम् । मुमोह कंदर्पशरैः स विद्धहृदयो विधिः

lāvaṇyaguṇasaṁpūrṇāmālokya kamalekṣaṇām mumoha kaṁdarpaśaraiḥ sa viddhahṛdayo vidhiḥ

लावण्य और गुणों से परिपूर्ण, कमल-नेत्री उस स्त्री को देखकर, विधाता का हृदय कामदेव के बाणों से बिंध गया और वे मोहित हो गए।

श्लोक 52 (skanda.1.106.52)

स्प्रष्टुकामं तमालोक्य ब्रह्माणं कमलासनम् । नत्वा प्रदक्षिणव्याजाद्गंतुमैच्छद्वराप्सराः

spraṣṭukāmaṁ tamālokya brahmāṇaṁ kamalāsanam natvā pradakṣiṇavyājādgaṁtumaicchadvarāpsarāḥ

कमलासन ब्रह्मा को अपने को स्पर्श करने का इच्छुक देखकर, उस श्रेष्ठ अप्सरा ने उन्हें नमन करके, प्रदक्षिणा के बहाने वहाँ से जाने की इच्छा की।

श्लोक 53 (skanda.1.106.53)

अस्यां प्रदक्षिणां भक्त्या कुर्वाणायां प्रजापतेः । चतसृभ्योऽपि दिग्भ्योऽस्य मुखान्युदभवन्क्षणात्

asyāṁ pradakṣiṇāṁ bhaktyā kurvāṇāyāṁ prajāpateḥ catasṛbhyo'pi digbhyo'sya mukhānyudabhavankṣaṇāt

उस प्रजापति की भक्तिपूर्वक की जाती हुई इस प्रदक्षिणा के मध्य ही, चारों दिशाओं से उनके चार मुख क्षण भर में प्रकट हो गए।

श्लोक 54 (skanda.1.106.54)

सा बाला पक्षिणी भूत्वा गगनं समगाहत । पुनश्च खगरूपेण समायांतं समीक्ष्य सा

sā bālā pakṣiṇī bhūtvā gaganaṁ samagāhata punaśca khagarūpeṇa samāyāṁtaṁ samīkṣya sā

वह बाला पक्षिणी बनकर आकाश में विचरने लगी; और पुनः उन्हें पक्षी-रूप में अपने पीछे आते देखकर।

श्लोक 55 (skanda.1.106.55)

शरणं याचमाना सा शोणाद्रिमिममाश्रयत् । ब्रह्मणा विष्णुना च त्वमदृष्टपदशेखरः

śaraṇaṁ yācamānā sā śoṇādrimimamāśrayat brahmaṇā viṣṇunā ca tvamadṛṣṭapadaśekharaḥ

शरण माँगती हुई उसने इसी शोणाद्रि का आश्रय लिया — 'हे तुम, जिसका शिखर-पद ब्रह्मा और विष्णु ने भी नहीं देखा है।'

श्लोक 56 (skanda.1.106.56)

रक्ष मामरुणाद्रीश शरण्य शरणागताम् । इति तस्यां भयार्त्तायां क्रोशंत्यामरुणाचलात्

rakṣa māmaruṇādrīśa śaraṇya śaraṇāgatām iti tasyāṁ bhayārttāyāṁ krośaṁtyāmaruṇācalāt

'हे अरुणाद्रीश! हे शरणदाता! शरणागत मेरी रक्षा करो' — इस प्रकार भय से पीड़ित होकर, अरुणाचल से पुकारती हुई उस पर।

श्लोक 57 (skanda.1.106.57)

उदभूत्स्थावराल्लिंगाद्व्याधः कश्चिद्धनुर्द्धरः । संधाय सायकं चापे समेघगगनद्युतिः

udabhūtsthāvarālliṁgādvyādhaḥ kaściddhanurddharaḥ saṁdhāya sāyakaṁ cāpe sameghagaganadyutiḥ

उस स्थावर लिंग से एक धनुर्धर व्याध प्रकट हुआ, मेघ के समान आकाशी कान्ति वाला, धनुष पर बाण चढ़ाए हुए।

श्लोक 58 (skanda.1.106.58)

निषादे पुरतो दृष्टे मोहस्तस्य ननाश हि । ततः प्रसन्नहृदयोतिनम्रः कमलोद्भवः

niṣāde purato dṛṣṭe mohastasya nanāśa hi tataḥ prasannahṛdayotinamraḥ kamalodbhavaḥ

उस निषाद को सामने देखते ही उसका मोह नष्ट हो गया; तब प्रसन्न हृदय, अत्यन्त नम्र हुए कमलोद्भव ब्रह्मा ने।

श्लोक 59 (skanda.1.106.59)

नमश्चक्रे शरण्याय शोणाद्रिपतये तदा । सर्वपापक्षयकृते नमस्तुभ्यं पिनाकिने

namaścakre śaraṇyāya śoṇādripataye tadā sarvapāpakṣayakṛte namastubhyaṁ pinākine

शरणदाता, शोणाद्रि के स्वामी को उस समय नमस्कार किया — समस्त पापों का क्षय करने वाले, तुम्हें, हे पिनाकिन्, नमस्कार है।

श्लोक 60 (skanda.1.106.60)

अरुणाचलरूपाय भक्ववश्याय शंभवे । अजानतां स्वभक्तानामकर्मविनिवर्त्तने

aruṇācalarūpāya bhakvavaśyāya śaṁbhave ajānatāṁ svabhaktānāmakarmavinivarttane

अरुणाचल-रूप, भक्तों के वश में रहने वाले शम्भु को, जो अपने अनजाने भक्तों के अकर्मों को भी दूर करने वाले हैं।

श्लोक 61 (skanda.1.106.61)

त्वदन्यः कः प्रभुः कर्तुमशक्यं चापि देहिनाम् । उपसंहर मे देहं तेजसा पापनिश्चयम्

tvadanyaḥ kaḥ prabhuḥ kartumaśakyaṁ cāpi dehinām upasaṁhara me dehaṁ tejasā pāpaniścayam

तुम्हारे बिना कौन प्रभु है जो देहधारियों के लिए असम्भव को भी सम्भव कर सके? तुम अपने तेज से मेरे इस पाप-निश्चित शरीर का उपसंहार कर दो।

श्लोक 62 (skanda.1.106.62)

अन्यं वा सृज विश्वात्मन्ब्रह्माणं लोकसृष्टये । अथ तस्य वचः श्रुत्वा शिवो दीनस्य वेधसः

anyaṁ vā sṛja viśvātmanbrahmāṇaṁ lokasṛṣṭaye atha tasya vacaḥ śrutvā śivo dīnasya vedhasaḥ

अथवा, हे विश्वात्मन्! लोक-सृष्टि के लिए किसी अन्य ब्रह्मा की रचना करो — तब उस दीन विधाता के इन वचनों को सुनकर शिव।

श्लोक 63 (skanda.1.106.63)

उवाच करुणामूर्तिर्भूत्वा चंद्रार्द्धशेखरः । दत्तः कालस्तव मया पुरैव न निवर्त्यते

uvāca karuṇāmūrtirbhūtvā caṁdrārddhaśekharaḥ dattaḥ kālastava mayā puraiva na nivartyate

करुणामूर्ति, चन्द्रार्ध-शेखर होकर बोले — तुम्हें दिया गया काल मेरे द्वारा पहले ही निश्चित हो चुका है, वह अब लौटाया नहीं जा सकता।

श्लोक 64 (skanda.1.106.64)

कं वा रागादयो दोषा न बाधेरन्प्रभुस्थितम् । तस्माद्दूरस्थितोऽप्येतदरुणाचलसंज्ञितम्

kaṁ vā rāgādayo doṣā na bādheranprabhusthitam tasmāddūrasthito'pyetadaruṇācalasaṁjñitam

राग आदि दोष किसे, प्रभु-पद पर स्थित को भी, बाधा नहीं पहुँचाते? अतः दूर स्थित होने पर भी, इस अरुणाचल नाम वाले को।

श्लोक 65 (skanda.1.106.65)

भजस्व तैजसं लिंगं सर्वदोषनिवृत्तये । वाचिकं मानसं पापं कायिकं वा च यद्भवेत्

bhajasva taijasaṁ liṁgaṁ sarvadoṣanivṛttaye vācikaṁ mānasaṁ pāpaṁ kāyikaṁ vā ca yadbhavet

समस्त दोषों की निवृत्ति के लिए भजो; वाणी, मन या शरीर से जो भी पाप हो।

श्लोक 66 (skanda.1.106.66)

विनश्यति क्षणात्सर्वमरुणाचलदर्शनात् । प्रदक्षिणा नमस्कारैः स्मरणैरर्चनैः स्तवैः

vinaśyati kṣaṇātsarvamaruṇācaladarśanāt pradakṣiṇā namaskāraiḥ smaraṇairarcanaiḥ stavaiḥ

अरुणाचल के दर्शन मात्र से क्षण भर में सब नष्ट हो जाता है — प्रदक्षिणा, नमस्कार, स्मरण, अर्चन और स्तवों से।

श्लोक 67 (skanda.1.106.67)

अरुणाद्रिरयं नृणां सर्वकल्मषनाशनः । कैलासे मेरुशृंगे वा स्वस्थानेषु कलाद्रिषु

aruṇādrirayaṁ nṛṇāṁ sarvakalmaṣanāśanaḥ kailāse meruśṛṁge vā svasthāneṣu kalādriṣu

यह अरुणाद्रि मनुष्यों के समस्त कल्मष का नाशक है, चाहे वे कैलास में हों, मेरु-शिखर पर हों, या अपने-अपने स्थानों में अन्य पर्वतों पर हों।

श्लोक 68 (skanda.1.106.68)

संदृश्यः कश्चिदेवाहमरुणाद्रिरयं स्वयम् । यच्छृंगदर्शनान्नॄणां चक्षुर्लाभेन केवलम्

saṁdṛśyaḥ kaścidevāhamaruṇādrirayaṁ svayam yacchṛṁgadarśanānnṝṇāṁ cakṣurlābhena kevalam

यह अरुणाद्रि स्वयं मैं ही हूँ, कोई और नहीं, जो देखा जा सकता है; जिसके शिखर के दर्शन मात्र से ही मनुष्यों को केवल नेत्रों की प्राप्ति से भी।

श्लोक 69 (skanda.1.106.69)

भवेत्सर्वाघनाशश्च लाभश्च ज्ञानचक्षुषः । मदंशसंभवो ब्रह्मा स्वनाम्ना ब्रह्मपुष्करे

bhavetsarvāghanāśaśca lābhaśca jñānacakṣuṣaḥ madaṁśasaṁbhavo brahmā svanāmnā brahmapuṣkare

समस्त पाप का नाश और ज्ञान-चक्षु की प्राप्ति होती है; मेरे ही अंश से उत्पन्न ब्रह्मा ने अपने नाम से ब्रह्म-पुष्कर में।

श्लोक 70 (skanda.1.106.70)

अत्र स्नातः पुरा ब्रह्मन्मोहोऽगाज्जगतीपतेः । स्नात्वा त्वं ब्रह्मतीर्थे मां समभ्यर्च्य कृतांजलिः

atra snātaḥ purā brahmanmoho'gājjagatīpateḥ snātvā tvaṁ brahmatīrthe māṁ samabhyarcya kṛtāṁjaliḥ

यहाँ स्नान करके ही पूर्वकाल में जगत्पति का मोह दूर हुआ था; तुम भी ब्रह्म-तीर्थ में स्नान करके, हाथ जोड़कर मेरी भलीभाँति अर्चना करो।

श्लोक 71 (skanda.1.106.71)

मौनी प्रदक्षिणं कृत्वा विश्वात्मन्भव विज्वरः

maunī pradakṣiṇaṁ kṛtvā viśvātmanbhava vijvaraḥ

मौन धारण करके प्रदक्षिणा करके, हे विश्वात्मन्! ज्वर-रहित हो जाओ।

श्लोक 72 (skanda.1.106.72)

इति वचनमुदीर्य विश्वनाथं स्थितमरुणाचलरूपतो महेशम् । अथ सरसि निमज्य पद्मजन्मा दुरितहरं समपूजयत्क्रमेण

iti vacanamudīrya viśvanāthaṁ sthitamaruṇācalarūpato maheśam atha sarasi nimajya padmajanmā duritaharaṁ samapūjayatkrameṇa

इस वचन को कहकर, अरुणाचल-रूप में स्थित विश्वनाथ महेश को, कमल से उत्पन्न ब्रह्मा ने सरोवर में स्नान करके क्रमशः पाप-हारी उस देव की पूजा की।

श्लोक 73 (skanda.1.106.73)

इममरुणगिरीशमेष वेधा यमनियमादिविशुद्धचित्तयोगः । स्फुटतरमभिपूज्य सोपचारं गतदुरितोऽथ जगाम चाधिपत्यम्

imamaruṇagirīśameṣa vedhā yamaniyamādiviśuddhacittayogaḥ sphuṭataramabhipūjya sopacāraṁ gatadurito'tha jagāma cādhipatyam

यम-नियम आदि से विशुद्ध चित्त और योग वाले उस विधाता ने इस अरुणगिरीश की अत्यन्त स्पष्ट रूप से उपचार-सहित पूजा करके, पाप से मुक्त होकर पुनः अपने अधिपत्य को प्राप्त किया।