अरुणेश्वर की आराधना का माहात्म्य

श्लोक 1 (skanda.1.109.1)

गौतम उवाच । शृणु देवि पुरावृत्तं कैलासे मेरुधन्विना । आदिष्टस्तीर्थयात्रार्थमहं लिंगानि वीक्षितुम्

gautama uvāca śṛṇu devi purāvṛttaṁ kailāse merudhanvinā ādiṣṭastīrthayātrārthamahaṁ liṁgāni vīkṣitum

गौतम जी ने कहा — हे देवि! सुनो, पूर्ववृत्तान्त — कैलास में मेरु के धनुर्धर (शिव) द्वारा मुझे लिंगों को देखने के लिए तीर्थ-यात्रा हेतु आदेशित किया गया था।

श्लोक 2 (skanda.1.109.2)

रुद्रक्षेत्रे च केदारे तथा बदरिकाश्रमे । काश्यां पुण्येषु देशेषु तथा श्रीपर्वते शिवे

rudrakṣetre ca kedāre tathā badarikāśrame kāśyāṁ puṇyeṣu deśeṣu tathā śrīparvate śive

रुद्रक्षेत्र में, केदार में, बदरिकाश्रम में, काशी में, तथा पवित्र देशों में, और शिव के श्रीपर्वत में भी।

श्लोक 3 (skanda.1.109.3)

कांचीमुख्यासु पुण्यासु पुरीष्वप्यगमं तदा । ऋषिभिर्विबुधैः सार्थैर्गणैर्योगिभिरुत्तमैः

kāṁcīmukhyāsu puṇyāsu purīṣvapyagamaṁ tadā ṛṣibhirvibudhaiḥ sārthairgaṇairyogibhiruttamaiḥ

काञ्ची आदि पवित्र नगरियों में भी तब मैं गया, ऋषियों, देवताओं, गणों और श्रेष्ठ योगियों के साथ।

श्लोक 4 (skanda.1.109.4)

स्थापितानि च लिंगानि स्वयंभूनि च दृष्टवान् । तत्रतत्र महाभागे तीर्थानि शिवसन्निधौ

sthāpitāni ca liṁgāni svayaṁbhūni ca dṛṣṭavān tatratatra mahābhāge tīrthāni śivasannidhau

वहाँ-वहाँ शिव की समीपता के तीर्थों में स्थापित किए गए तथा स्वयंभू लिंगों को मैंने देखा, हे महाभागे!

श्लोक 5 (skanda.1.109.5)

सेवमानः सशिष्योऽहं पर्यटन्पृथिवीमिमाम् । एवं तीर्थानि सर्वाणि गाहमानो व्रतान्वितः

sevamānaḥ saśiṣyo'haṁ paryaṭanpṛthivīmimām evaṁ tīrthāni sarvāṇi gāhamāno vratānvitaḥ

अपने शिष्यों के साथ सेवा करते हुए, इस पृथ्वी पर घूमते हुए, इस प्रकार सभी तीर्थों में डुबकी लगाते हुए, व्रतों से युक्त होकर।

श्लोक 6 (skanda.1.109.6)

तपांसि यज्ञकर्माणि कुर्वन्भूमिं समाचरन् । शिवस्मरणसंयुक्तः शिवलिंगानि सन्नमन्

tapāṁsi yajñakarmāṇi kurvanbhūmiṁ samācaran śivasmaraṇasaṁyuktaḥ śivaliṁgāni sannaman

तप और यज्ञ-कर्म करते हुए, भूमि पर विचरण करते हुए, शिव के स्मरण से युक्त होकर, शिव-लिंगों को भलीभाँति नमस्कार करते हुए।

श्लोक 7 (skanda.1.109.7)

सर्वाणि भुवि पुण्यानि देशमेतमुपाश्रयम् । अत्र देवं महादेवमविकेशं त्रियंबकम्

sarvāṇi bhuvi puṇyāni deśametamupāśrayam atra devaṁ mahādevamavikeśaṁ triyaṁbakam

पृथ्वी पर के समस्त पवित्र स्थानों के पश्चात्, इस देश का मैंने आश्रय लिया; यहाँ महादेव, अजर, त्रिनेत्र देव को —

श्लोक 8 (skanda.1.109.8)

अरुणाद्रिरितिख्यातं पर्वतं लिंगमैक्षिषि । अत्र सिद्धा महात्मानो मुनयश्च दृढव्रताः

aruṇādriritikhyātaṁ parvataṁ liṁgamaikṣiṣi atra siddhā mahātmāno munayaśca dṛḍhavratāḥ

'अरुणाद्रि' नाम से प्रसिद्ध पर्वत को, लिंग के रूप में, मैंने देखा; यहाँ सिद्ध महात्मा और दृढ़-व्रत मुनि —

श्लोक 9 (skanda.1.109.9)

कंदमूलफलाहारा दृष्टाः शोणाद्रि सेवकाः । अस्तौषमादिमं लिंगमरुणाद्रिमयं महत्

kaṁdamūlaphalāhārā dṛṣṭāḥ śoṇādri sevakāḥ astauṣamādimaṁ liṁgamaruṇādrimayaṁ mahat

कन्द, मूल और फल का आहार करने वाले, शोणाद्रि के सेवक, मुझे दिखाई दिए; मैंने अरुणाद्रि-रूप उस महान्, आदिम लिंग की स्तुति की।

श्लोक 10 (skanda.1.109.10)

आद्येन ब्रह्मणा पूर्वमर्चितं दिव्यचक्षुषा । असौ यस्ताम्रो अरुण उत बभ्रुः सुमंगलः

ādyena brahmaṇā pūrvamarcitaṁ divyacakṣuṣā asau yastāmro aruṇa uta babhruḥ sumaṁgalaḥ

आदि ब्रह्मा द्वारा पूर्वकाल में दिव्य नेत्रों से पूजित इस लिंग की — 'यह जो ताम्रवर्ण, अरुण अथवा भूरे रंग के, परम मंगलकारी हैं' —

श्लोक 11 (skanda.1.109.11)

इति वेदा स्तुवंति त्वामरुणाद्रीश संततम् । नमस्ताम्राय चारुणाय शिवाय परमात्मने

iti vedā stuvaṁti tvāmaruṇādrīśa saṁtatam namastāmrāya cāruṇāya śivāya paramātmane

इस प्रकार वेद तुम्हारी, हे अरुणाद्रीश! सतत स्तुति करते हैं; ताम्रवर्ण, अरुण, शिव, परमात्मा को नमस्कार है।

श्लोक 12 (skanda.1.109.12)

सर्ववेदस्वरूपाय नित्यायामृतमूर्त्तये । कालाय करुणार्द्राय दृष्टिपेयामृताब्धये

sarvavedasvarūpāya nityāyāmṛtamūrttaye kālāya karuṇārdrāya dṛṣṭipeyāmṛtābdhaye

समस्त वेदों के स्वरूप, नित्य, अमृत-मूर्ति, काल-स्वरूप, करुणा से आर्द्र, दृष्टि से पिए जाने योग्य अमृत-सागर तुम्हें नमस्कार है।

श्लोक 13 (skanda.1.109.13)

भक्तवात्सल्यपूर्णाय पुण्याय पुरभेदिने । दर्शनं तव देवेश सर्वधर्मफलप्रदम्

bhaktavātsalyapūrṇāya puṇyāya purabhedine darśanaṁ tava deveśa sarvadharmaphalapradam

भक्तों के प्रति वात्सल्य से परिपूर्ण, पवित्र, त्रिपुर-भेदी को नमस्कार है; हे देवेश! तुम्हारा दर्शन समस्त धर्मों का फल देने वाला है।

श्लोक 14 (skanda.1.109.14)

भुवि लब्धवता भूयो नान्यत्कार्यं तपः क्वचित् । भवता कर्मभूरेषा वर्ततेद्य निरोधिता

bhuvi labdhavatā bhūyo nānyatkāryaṁ tapaḥ kvacit bhavatā karmabhūreṣā vartatedya nirodhitā

इस भूमि पर तुम्हें पा लेने के बाद, अब कहीं भी अन्य कोई तप करने योग्य नहीं रह जाता; तुम्हारे द्वारा ही यह कर्मभूमि आज अवरुद्ध-सी हो गई है।

श्लोक 15 (skanda.1.109.15)

प्रार्थयते स्वयं वासान्देवाश्चात्र त्वदाश्रये । कालसंग्रहसंजातं फलं लब्धं मयाधुना

prārthayate svayaṁ vāsāndevāścātra tvadāśraye kālasaṁgrahasaṁjātaṁ phalaṁ labdhaṁ mayādhunā

देवता भी स्वयं तुम्हारे इसी आश्रय में निवास की प्रार्थना करते हैं; काल के संचय से उत्पन्न होने वाला फल मुझे अभी प्राप्त हो गया है।

श्लोक 16 (skanda.1.109.16)

अन्यत्कृतं तपः सर्वं त्वद्दर्शनफलं मम । ईदृशं तव देवेश रूपमत्यद्भुतोदयम्

anyatkṛtaṁ tapaḥ sarvaṁ tvaddarśanaphalaṁ mama īdṛśaṁ tava deveśa rūpamatyadbhutodayam

मेरे द्वारा किए गए अन्य समस्त तप का फल तुम्हारा ही दर्शन है; हे देवेश! तुम्हारा यह ऐसा रूप अत्यन्त अद्भुत उदय वाला है।

श्लोक 17 (skanda.1.109.17)

एकमद्रिमयं लिंगं न क्वचिद्दृष्टवान्भुवि । सूर्येंद्वग्निसुसंयुक्त कोणत्रयमनोहरम्

ekamadrimayaṁ liṁgaṁ na kvaciddṛṣṭavānbhuvi sūryeṁdvagnisusaṁyukta koṇatrayamanoharam

पृथ्वी पर मैंने कहीं भी एक ही पर्वत-रूप लिंग नहीं देखा, जो सूर्य, चन्द्र और अग्नि से भलीभाँति संयुक्त तीनों कोणों से मनोहर हो।

श्लोक 18 (skanda.1.109.18)

त्रिमूर्तिरूप देवेश दृश्यते ते वपुर्महत् । शक्तित्रयस्वरूपेण कालत्रयविधानकम्

trimūrtirūpa deveśa dṛśyate te vapurmahat śaktitrayasvarūpeṇa kālatrayavidhānakam

हे देवेश! तुम्हारा यह महान् शरीर त्रिमूर्ति-रूप में देखा जाता है, तीन शक्तियों के स्वरूप से तीनों कालों की व्यवस्था करने वाला।

श्लोक 19 (skanda.1.109.19)

त्रिवेदात्मं त्रिकोणांगं लिंगं ते दृष्टमद्भुतम् । त्रैलोक्यरक्षणार्थाय विततं रूपमास्थितः

trivedātmaṁ trikoṇāṁgaṁ liṁgaṁ te dṛṣṭamadbhutam trailokyarakṣaṇārthāya vitataṁ rūpamāsthitaḥ

तीनों वेदों के स्वरूप, त्रिकोण अंगों वाले, तुम्हारे इस अद्भुत लिंग को मैंने देखा, तीनों लोकों की रक्षा के लिए विस्तृत रूप में स्थित।

श्लोक 20 (skanda.1.109.20)

दृश्यते वसुधाभागे शोणाद्रिरिति विश्रुतः । अजानतां च मर्त्यानां समालोकनमात्रतः

dṛśyate vasudhābhāge śoṇādririti viśrutaḥ ajānatāṁ ca martyānāṁ samālokanamātrataḥ

यह पृथ्वी के भाग में शोणाद्रि नाम से विख्यात होकर दिखाई देता है; अनजान मनुष्यों को भी केवल दर्शन मात्र से ही।

श्लोक 21 (skanda.1.109.21)

वितरत्यखिलान्भोगान्व्याजकरुणानिधिः । अर्चया रहितं लिंगमन्यं शून्यमुदाहृतम्

vitaratyakhilānbhogānvyājakaruṇānidhiḥ arcayā rahitaṁ liṁgamanyaṁ śūnyamudāhṛtam

यह छद्म-करुणानिधि समस्त भोगों को वितरित करता है; इसके अतिरिक्त, अर्चना से रहित लिंग को 'शून्य' कहा गया है।

श्लोक 22 (skanda.1.109.22)

इदं तु पूजितं देवैः सदा सर्ववरप्रदम् । प्रसीद करुणापूर्ण शोणाचल महेश्वर

idaṁ tu pūjitaṁ devaiḥ sadā sarvavarapradam prasīda karuṇāpūrṇa śoṇācala maheśvara

यह तो देवताओं द्वारा सदा पूजित, सर्व-वरद है; हे करुणा-पूर्ण शोणाचल महेश्वर! प्रसन्न होइए।

श्लोक 23 (skanda.1.109.23)

त्रायस्व भवभीतं मां प्रपन्नं भक्तवत्सल । द्रष्टव्यं द्रष्टमेतत्ते रूपमत्यद्भुतं महत्

trāyasva bhavabhītaṁ māṁ prapannaṁ bhaktavatsala draṣṭavyaṁ draṣṭametatte rūpamatyadbhutaṁ mahat

हे भक्त-वत्सल! भव से भयभीत, शरणागत मुझे बचाइए; तुम्हारा यह देखने योग्य, अत्यन्त अद्भुत, महान् रूप अब देखा जा चुका।

श्लोक 24 (skanda.1.109.24)

कृतार्थय कृपासिंधो शरण्य शरणागतम् । इति संस्तूयमानो मे देवः शोणाचलेश्वरः

kṛtārthaya kṛpāsiṁdho śaraṇya śaraṇāgatam iti saṁstūyamāno me devaḥ śoṇācaleśvaraḥ

हे कृपासागर! हे शरणदाता! शरणागत को कृतार्थ करो — इस प्रकार स्तुति किए जाने पर, शोणाचल के ईश्वर वे देव।

श्लोक 25 (skanda.1.109.25)

अदर्शयत्परं रूपं दिव्यमेहीत्युवाच माम् । प्रीतोऽस्मि भवतः स्तोत्रैर्भक्त्या च परया भृशम्

adarśayatparaṁ rūpaṁ divyamehītyuvāca mām prīto'smi bhavataḥ stotrairbhaktyā ca parayā bhṛśam

उन्होंने मुझे अपना परम, दिव्य रूप दिखाया, और 'आओ' यह कहा — मैं तुम्हारे स्तोत्रों और परम भक्ति से अत्यन्त प्रसन्न हूँ।

श्लोक 26 (skanda.1.109.26)

अत्रैव भवतो वासो नित्यमस्तु ममांतिके । संपूजय च मां नित्यं भुवि भोगैः सनातनैः

atraiva bhavato vāso nityamastu mamāṁtike saṁpūjaya ca māṁ nityaṁ bhuvi bhogaiḥ sanātanaiḥ

यहीं मेरे समीप तुम्हारा निवास सदा रहे; इस पृथ्वी पर मेरी सनातन भोगों से नित्य पूजा करो।

श्लोक 27 (skanda.1.109.27)

तपसा तप सर्वेषां महत्त्वमिह दर्शय । पूर्वं कैलासशिखरे वसंतं त्वां तपोन्वितम्

tapasā tapa sarveṣāṁ mahattvamiha darśaya pūrvaṁ kailāsaśikhare vasaṁtaṁ tvāṁ taponvitam

तप से तप करो, और यहाँ सबका महत्त्व दिखाओ; पहले कैलास शिखर पर तप में स्थित तुम्हें —

श्लोक 28 (skanda.1.109.28)

आदिशं पृथिवीभागं शोणाद्रौ पूजयेति माम् । सप्तर्षिपूजिता पूजा दिवि मे संप्रकाशते

ādiśaṁ pṛthivībhāgaṁ śoṇādrau pūjayeti mām saptarṣipūjitā pūjā divi me saṁprakāśate

मैं आदेश देता हूँ कि पृथ्वी के इस भाग में, शोणाद्रि में, मेरी पूजा करो; सप्तर्षियों द्वारा की गई पूजा स्वर्ग में मेरे लिए प्रकाशित होती है।

श्लोक 29 (skanda.1.109.29)

तथा नित्यार्चनायुक्त प्रकाशय धरातले । सर्वेषामेव जंतूनां हिताय त्वं तपोऽधिकः

tathā nityārcanāyukta prakāśaya dharātale sarveṣāmeva jaṁtūnāṁ hitāya tvaṁ tapo'dhikaḥ

उसी प्रकार नित्य अर्चना से युक्त होकर, पृथ्वी पर मुझे प्रकाशित करो, समस्त प्राणियों के हित के लिए, हे तप में श्रेष्ठ!

श्लोक 30 (skanda.1.109.30)

भुवि मां पूजयार्चाभिरागमोक्ताभिरादरात् । दिव्या मम महापूजा दृश्या हि दिवि दैवतैः

bhuvi māṁ pūjayārcābhirāgamoktābhirādarāt divyā mama mahāpūjā dṛśyā hi divi daivataiḥ

आगम-कथित अर्चनाओं से आदरपूर्वक भूमि पर मेरी पूजा करो; मेरी दिव्य महापूजा स्वर्ग में देवताओं द्वारा देखी जाती है।

श्लोक 31 (skanda.1.109.31)

प्रकाशनीया भवता पार्थिवी वसुधातले । माहात्म्यं पूर्वमेवोक्तं यथाहमरुणाचलः

prakāśanīyā bhavatā pārthivī vasudhātale māhātmyaṁ pūrvamevoktaṁ yathāhamaruṇācalaḥ

तुम्हें भूमि-तल पर यह पार्थिव रूप प्रकट करना होगा; माहात्म्य पहले ही कहा जा चुका है कि मैं ही अरुणाचल हूँ।

श्लोक 32 (skanda.1.109.32)

स्थितो वसुंधराभागे मया प्रीतं तु ते भृशम् । ये वा संपूजयंति स्म पूर्वं मां सुकृताधिकाः

sthito vasuṁdharābhāge mayā prītaṁ tu te bhṛśam ye vā saṁpūjayaṁti sma pūrvaṁ māṁ sukṛtādhikāḥ

पृथ्वी के इस भाग में स्थित होकर, तुमसे मैं अत्यन्त प्रसन्न हूँ; जिन पुण्यशाली जनों ने पहले भी मेरी पूजा की थी।

श्लोक 33 (skanda.1.109.33)

तेभ्यस्त्वमधिको भूमौ प्रकाशस्व शिवार्चनम् । इत्यादिष्टो हि देवेशं प्रणम्य भवभक्तिमान्

tebhyastvamadhiko bhūmau prakāśasva śivārcanam ityādiṣṭo hi deveśaṁ praṇamya bhavabhaktimān

उनसे भी बढ़कर तुम इस भूमि पर शिव-अर्चन को प्रकाशित करो — इस प्रकार आदेशित होकर, भव-भक्तिमान् मैंने देवेश को प्रणाम करके।

श्लोक 34 (skanda.1.109.34)

अन्वपृच्छं दयापूर्णमरुणाद्रीशमानमन् । अनासाद्यमिदं रूपमग्निरूपं महेश्वरम्

anvapṛcchaṁ dayāpūrṇamaruṇādrīśamānaman anāsādyamidaṁ rūpamagnirūpaṁ maheśvaram

मैंने दयापूर्ण अरुणाद्रीश से नमन करते हुए पुनः पूछा — यह अग्नि-रूप, अगम्य महेश्वर का रूप।

श्लोक 35 (skanda.1.109.35)

कथमद्यार्चयाम्येनं मर्त्यलोकोचितार्चनैः । आदेशमिममन्वर्थं कथं वा कल्पयाम्यहम्

kathamadyārcayāmyenaṁ martyalokocitārcanaiḥ ādeśamimamanvarthaṁ kathaṁ vā kalpayāmyaham

इसकी अर्चना मैं आज मृत्युलोक के योग्य पूजा-विधियों से कैसे करूँ? इस अन्वर्थ आदेश को मैं किस प्रकार साकार करूँ?

श्लोक 36 (skanda.1.109.36)

उपायमादिश श्रीमन्नभिगम्यो यथा भवान् । इति विज्ञापितो देवः श्रीमाञ्छोणाचलेश्वरः

upāyamādiśa śrīmannabhigamyo yathā bhavān iti vijñāpito devaḥ śrīmāñchoṇācaleśvaraḥ

हे श्रीमन्! उपाय बताइए, जिससे आप सुलभ हो सकें — इस प्रकार निवेदन किए जाने पर, वे श्रीमान् देव शोणाचलेश्वर।

श्लोक 37 (skanda.1.109.37)

अन्वग्रहीदशेषात्मा प्रणतं मां दयानिधिः । अहं तु सूक्ष्मलिंगानि प्रकाशिष्ये महीतले

anvagrahīdaśeṣātmā praṇataṁ māṁ dayānidhiḥ ahaṁ tu sūkṣmaliṁgāni prakāśiṣye mahītale

उन दयानिधि, अशेष-आत्मा ने, प्रणत मुझ पर अनुग्रह किया — मैं ही इस पृथ्वी पर सूक्ष्म लिंगों में प्रकट होऊँगा।

श्लोक 38 (skanda.1.109.38)

आगमोक्तक्रियाभेदैः पूजां मे प्रतिपादय । पंचावरणसंयुक्तं लिंगं मे सूक्ष्ममद्भुतम्

āgamoktakriyābhedaiḥ pūjāṁ me pratipādaya paṁcāvaraṇasaṁyuktaṁ liṁgaṁ me sūkṣmamadbhutam

आगम-कथित विविध क्रियाओं से मेरी पूजा को प्रतिपादित करो; पंचावरणों से युक्त मेरा यह अद्भुत, सूक्ष्म लिंग —

श्लोक 39 (skanda.1.109.39)

अरुणाद्रीश्वराभिख्यं संपूजय तपोबलैः । इत्यादिश्य महादेवः स्वयंभु विमलं महत्

aruṇādrīśvarābhikhyaṁ saṁpūjaya tapobalaiḥ ityādiśya mahādevaḥ svayaṁbhu vimalaṁ mahat

इसकी 'अरुणाद्रीश्वर' नाम से तपोबल के साथ पूजा करो — इस प्रकार आदेश देकर, स्वयंभू, निर्मल, महान् महादेव ने।

श्लोक 40 (skanda.1.109.40)

रूपं मे दर्शयामास सूक्ष्मलिंगात्मना शिवः । आलोक्य विमलं लिंगं सूक्ष्मं तत्स्वयमुच्छ्रितम्

rūpaṁ me darśayāmāsa sūkṣmaliṁgātmanā śivaḥ ālokya vimalaṁ liṁgaṁ sūkṣmaṁ tatsvayamucchritam

सूक्ष्म लिंग के रूप में अपना रूप मुझे दिखाया; उस निर्मल, सूक्ष्म, स्वयं उन्नत हुए लिंग को देखकर।

श्लोक 41 (skanda.1.109.41)

अशेषाऽऽवरणोपेतं कृतार्थहृदयोऽभवम् । पुनर्व्यज्ञापयं देवं शम्भुमाश्रितवत्सलम्

aśeṣā''varaṇopetaṁ kṛtārthahṛdayo'bhavam punarvyajñāpayaṁ devaṁ śambhumāśritavatsalam

समस्त आवरणों से युक्त उसे देखकर मेरा हृदय कृतार्थ हो गया; मैंने पुनः आश्रितों पर वत्सल शम्भु देव से निवेदन किया।

श्लोक 42 (skanda.1.109.42)

आगमोक्तप्रकाराणामनिरीक्ष्यत्वमागतम् । कथं तु तव रूपाणां नामभेदान्वियोजितान्

āgamoktaprakārāṇāmanirīkṣyatvamāgatam kathaṁ tu tava rūpāṇāṁ nāmabhedānviyojitān

आगम-कथित विधियों का प्रत्यक्ष अवलोकन कठिन हो गया; फिर तुम्हारे रूपों के भिन्न-भिन्न नामों में विभाजित इन्हें।

श्लोक 43 (skanda.1.109.43)

जानीयां करुणामूर्ते स्वयमीश्वर मत्प्रभो । पूजकास्तव के वा स्युर्मंदिरं वात्र कीदृशम्

jānīyāṁ karuṇāmūrte svayamīśvara matprabho pūjakāstava ke vā syurmaṁdiraṁ vātra kīdṛśam

हे करुणामूर्ते! हे स्वयं ईश्वर! हे मेरे प्रभु! मैं कैसे जानूँ? यहाँ तुम्हारे पूजक कौन होंगे, और यहाँ मन्दिर कैसा होगा?

श्लोक 44 (skanda.1.109.44)

कथं स्तोत्रं कथं पूजा के वात्र परिचारकाः । स्थानरक्षा कथं वा स्यात्के वात्मपरिरक्षकाः

kathaṁ stotraṁ kathaṁ pūjā ke vātra paricārakāḥ sthānarakṣā kathaṁ vā syātke vātmaparirakṣakāḥ

स्तोत्र कैसे होगा, पूजा कैसे होगी, यहाँ के परिचारक कौन होंगे? स्थान की रक्षा कैसे होगी, और इसके रक्षक कौन होंगे?

श्लोक 45 (skanda.1.109.45)

कथं वा मानुषी पूजा नित्या संवर्धते तव । आगता बहवो देवाः श्रद्धेयं मनुजैः कथम्

kathaṁ vā mānuṣī pūjā nityā saṁvardhate tava āgatā bahavo devāḥ śraddheyaṁ manujaiḥ katham

और तुम्हारी मानवीय पूजा नित्य कैसे बढ़ती रहेगी? यहाँ अनेक देवता आए हैं — यह मनुष्यों के लिए श्रद्धेय कैसे होगा?

श्लोक 46 (skanda.1.109.46)

प्रसीद परमेशान स्वयमाज्ञापयाखिलम् । एवं विज्ञापितो देवः शोणाद्रीशः स्वयं प्रभुः

prasīda parameśāna svayamājñāpayākhilam evaṁ vijñāpito devaḥ śoṇādrīśaḥ svayaṁ prabhuḥ

हे परमेशान! प्रसन्न होइए, स्वयं इस सबका आदेश दीजिए — इस प्रकार निवेदन किए जाने पर, स्वयं प्रभु देव शोणाद्रीश।

श्लोक 47 (skanda.1.109.47)

आज्ञापयत्तदा देवो विश्वकर्माणमागतम् । सृज त्वं नगरं दिव्यमरुणाख्यं गुणाधिकम्

ājñāpayattadā devo viśvakarmāṇamāgatam sṛja tvaṁ nagaraṁ divyamaruṇākhyaṁ guṇādhikam

तब देव ने वहाँ आए हुए विश्वकर्मा को आदेश दिया — तुम गुणों से अधिक, दिव्य, अरुण नाम का नगर रचो।

श्लोक 48 (skanda.1.109.48)

मंदिरं मम दिव्यं च महामणिगणोज्ज्वलम् । तौर्यत्रिकं सपर्यांगं तन्मे सर्वं प्रकल्पय

maṁdiraṁ mama divyaṁ ca mahāmaṇigaṇojjvalam tauryatrikaṁ saparyāṁgaṁ tanme sarvaṁ prakalpaya

मेरा दिव्य मन्दिर भी, महान् रत्न-समूहों से उज्ज्वल, वाद्य-त्रय और पूजा के समस्त अंगों सहित — यह सब मेरे लिए रचो।

श्लोक 49 (skanda.1.109.49)

आबभाषे शिवः श्रीमान्नामभेदार्चनक्रमम् । व्रतं च करुणामूर्त्तिररुणाद्रीश्वरः शिवः

ābabhāṣe śivaḥ śrīmānnāmabhedārcanakramam vrataṁ ca karuṇāmūrttiraruṇādrīśvaraḥ śivaḥ

श्रीमान् शिव, करुणामूर्ति अरुणाद्रीश्वर शिव ने नाम-भेद के अनुसार पूजा-क्रम और व्रत को बताया।

श्लोक 50 (skanda.1.109.50)

शृणु तन्मे च ये सृष्टा पूजार्थं परिचारकाः । शृणु गौतम सर्वं मे मानुषं पूजनक्रमम्

śṛṇu tanme ca ye sṛṣṭā pūjārthaṁ paricārakāḥ śṛṇu gautama sarvaṁ me mānuṣaṁ pūjanakramam

मुझसे सुनो जो मेरी पूजा के लिए उत्पन्न परिचारक हैं; हे गौतम! मुझसे मेरी सम्पूर्ण मानवीय पूजा-विधि सुनो।

श्लोक 51 (skanda.1.109.51)

य एष सर्वलोकानां क्षेमाय प्रथते भुवि । इदं तेजोमयं लिंगमतुलं दृश्यते महत्

ya eṣa sarvalokānāṁ kṣemāya prathate bhuvi idaṁ tejomayaṁ liṁgamatulaṁ dṛśyate mahat

यह जो समस्त लोकों के कल्याण के लिए पृथ्वी पर फैलता है, यह अनुपम, महान् तेजोमय लिंग यहाँ देखा जाता है।

श्लोक 52 (skanda.1.109.52)

अरुणाद्रीश्वराभिख्यं पूज्यतां सततं त्वया । शक्तिर्ममोत्तरे भागे पूज्या नित्योदया मुदा

aruṇādrīśvarābhikhyaṁ pūjyatāṁ satataṁ tvayā śaktirmamottare bhāge pūjyā nityodayā mudā

'अरुणाद्रीश्वर' नाम से तुम इसकी सतत पूजा करो; मेरी शक्ति उत्तर भाग में, नित्य उदय वाली, हर्ष से पूजित हो।

श्लोक 53 (skanda.1.109.53)

दधती स्थानमाहात्म्यमपीतकुचनामिका । अरुणाचलराजोयमविभागः प्रियान्वितः

dadhatī sthānamāhātmyamapītakucanāmikā aruṇācalarājoyamavibhāgaḥ priyānvitaḥ

इस स्थान का माहात्म्य धारण करने वाली, 'अपीतकुच' नाम वाली — यह अरुणाचल-राज अविभाजित, अपनी प्रिया सहित है।

श्लोक 54 (skanda.1.109.54)

उत्सवार्थो महादेवः पूज्यो भोगसुतावृतः । बोधदो भक्तलोकस्य दत्ताभयकरः शिवः

utsavārtho mahādevaḥ pūjyo bhogasutāvṛtaḥ bodhado bhaktalokasya dattābhayakaraḥ śivaḥ

उत्सव के लिए महादेव पूज्य हैं, भोग और पुत्र से घिरे हुए; भक्तजनों को बोध देने वाले, अभय-मुद्रा देने वाले शिव।

श्लोक 55 (skanda.1.109.55)

सारंगं परशुं विभ्रत्प्रसन्नवदनः सदा । उमास्कन्देश्वरः शम्भुर्दिव्यरत्नविभूषणः

sāraṁgaṁ paraśuṁ vibhratprasannavadanaḥ sadā umāskandeśvaraḥ śambhurdivyaratnavibhūṣaṇaḥ

मृग और परशु को धारण करने वाले, सदा प्रसन्न-मुख, उमा और स्कन्द के स्वामी शम्भु, दिव्य रत्नों से विभूषित।

श्लोक 56 (skanda.1.109.56)

आभया भासयँल्लोकानविकुण्ठश्रियान्वितः । शक्तेरुत्सवभद्रे च संपूज्या सुंदरेश्वरी

ābhayā bhāsaya~llokānavikuṇṭhaśriyānvitaḥ śakterutsavabhadre ca saṁpūjyā suṁdareśvarī

अपनी आभा से लोकों को प्रकाशित करते हुए, अक्षय श्री से युक्त — शक्ति के उत्सव-भद्रे रूप में सुन्दरेश्वरी पूज्य हैं।

श्लोक 57 (skanda.1.109.57)

सर्वभूषणसंयुक्ता शृङ्गाररसवर्द्धनी । बालो गणपतिः पूज्यः पुरस्ताद्भूतिनन्दनः

sarvabhūṣaṇasaṁyuktā śṛṅgārarasavarddhanī bālo gaṇapatiḥ pūjyaḥ purastādbhūtinandanaḥ

समस्त आभूषणों से युक्त, शृंगार-रस को बढ़ाने वाली; आगे बालक गणपति पूज्य हैं, ऐश्वर्य के आनन्ददाता।

श्लोक 58 (skanda.1.109.58)

मदंतिकमलंकुर्वन्भक्ष्यैर्भोज्यैर्बहूदयैः । मत्पार्श्वमविमुंचंती शोणरेखांचितेक्षणा

madaṁtikamalaṁkurvanbhakṣyairbhojyairbahūdayaiḥ matpārśvamavimuṁcaṁtī śoṇarekhāṁcitekṣaṇā

मेरे समीप विविध उदय वाले भक्ष्य और भोज्य पदार्थों से सुशोभित होकर, मेरे पार्श्व को न छोड़ने वाली, शोण-रेखा से अंकित नेत्रों वाली —

श्लोक 59 (skanda.1.109.59)

उत्सवार्था परा शक्तिरंतिकस्थैव पूज्यताम् । मुखरांघ्रिपतिः श्रीमान्नृत्यंस्तांडवपण्डितः

utsavārthā parā śaktiraṁtikasthaiva pūjyatām mukharāṁghripatiḥ śrīmānnṛtyaṁstāṁḍavapaṇḍitaḥ

उत्सव के लिए परा शक्ति समीप में ही पूज्य हों; मुखर चरणों वाले, तांडव में निपुण, श्रीमान् —

श्लोक 60 (skanda.1.109.60)

उत्सवार्थं समभ्यर्च्यश्चक्षुरग्रेऽमृतेश्वरः । शक्तिश्चान्या महाभागा संपूज्या भूविनायका

utsavārthaṁ samabhyarcyaścakṣuragre'mṛteśvaraḥ śaktiścānyā mahābhāgā saṁpūjyā bhūvināyakā

उत्सव के लिए, नेत्रों के आगे, अमृतेश्वर की भलीभाँति अर्चना की जाए; और एक अन्य महाभाग शक्ति, भूमि की विनायिका, पूज्य हो।

श्लोक 61 (skanda.1.109.61)

द्वारे नन्दी महाकालः पुरस्तात्सूर्यसंनिभः । भक्तानां मम सर्वेषां पूजनं चापि कल्प्यताम्

dvāre nandī mahākālaḥ purastātsūryasaṁnibhaḥ bhaktānāṁ mama sarveṣāṁ pūjanaṁ cāpi kalpyatām

द्वार पर नन्दी, आगे सूर्य के समान महाकाल — मेरे समस्त भक्तों की पूजा की भी व्यवस्था की जाए।

श्लोक 62 (skanda.1.109.62)

दक्षिणे मातरः पूज्या विघ्नशास्तृसमन्विताः । संपूज्यो नैर्ऋते कोणे विघ्ननाशो विनायकाः

dakṣiṇe mātaraḥ pūjyā vighnaśāstṛsamanvitāḥ saṁpūjyo nairṛte koṇe vighnanāśo vināyakāḥ

दक्षिण में विघ्न-शासक सहित मातृका-देवियाँ पूज्य हों; नैर्ऋत्य कोण में विघ्न-नाशक विनायक भलीभाँति पूजित हों।

श्लोक 63 (skanda.1.109.63)

स्कन्दः शक्तिधरश्चैवैशानकोणे समर्च्यताम् । लिंगानि च मनोज्ञानि पूजनीयान्यनन्तरम्

skandaḥ śaktidharaścaivaiśānakoṇe samarcyatām liṁgāni ca manojñāni pūjanīyānyanantaram

शक्ति-धारी स्कन्द ऐशान्य कोण में सम्यक् पूजित हों; और मनोज्ञ लिंग भी इसके पश्चात् पूजनीय हैं।

श्लोक 64 (skanda.1.109.64)

मंदिरं मम संपूज्य दक्षिणामूर्ति दक्षिणम् । पश्चिमे विष्णुरूपांकमग्निरूपान्वितं तथा

maṁdiraṁ mama saṁpūjya dakṣiṇāmūrti dakṣiṇam paścime viṣṇurūpāṁkamagnirūpānvitaṁ tathā

मेरे मन्दिर की पूजा करके, दक्षिण में दक्षिणामूर्ति की, पश्चिम में विष्णु-रूप वाले अंक की, अग्नि-रूप से युक्त की भी।

श्लोक 65 (skanda.1.109.65)

उत्तरे ब्रह्मरूपांकं पूर्वे सारंगभूयुतम् । सर्वदेवगुणोपेतं सर्वशक्तिसमन्वितम्

uttare brahmarūpāṁkaṁ pūrve sāraṁgabhūyutam sarvadevaguṇopetaṁ sarvaśaktisamanvitam

उत्तर में ब्रह्मा-रूप वाले अंक की, पूर्व में मृग सहित की — समस्त देवताओं के गुणों से युक्त, समस्त शक्तियों से समन्वित।

श्लोक 66 (skanda.1.109.66)

अपीतकुचनाथायाः सर्वशक्तिसमन्वितम् । मंदिरं गुरु संपूज्य दिक्पालकवधूवृतम्

apītakucanāthāyāḥ sarvaśaktisamanvitam maṁdiraṁ guru saṁpūjya dikpālakavadhūvṛtam

अपीतकुच-नाथा (देवी) की, समस्त शक्तियों से समन्वित, महान् मन्दिर की भी पूजा करके, दिक्पालों की वधुओं से घिरे हुए।

श्लोक 67 (skanda.1.109.67)

मंदिरस्यावनार्थाय देवीर्वैभवनायकाः

maṁdirasyāvanārthāya devīrvaibhavanāyakāḥ

मन्दिर की रक्षा के लिए, ऐश्वर्य की स्वामिनी देवियाँ भी हों।

श्लोक 68 (skanda.1.109.68)

क्षेत्रपालं तु संपूज्य सर्वावरणसंयुतम् । पुत्रस्य त्राणमायाता पूज्यारुणगिरीश्वरी

kṣetrapālaṁ tu saṁpūjya sarvāvaraṇasaṁyutam putrasya trāṇamāyātā pūjyāruṇagirīśvarī

क्षेत्रपाल की, समस्त आवरणों सहित, भलीभाँति पूजा करके — अपने पुत्र की रक्षा के लिए आई हुई अरुणगिरीश्वरी पूज्य हैं।

श्लोक 69 (skanda.1.109.69)

काली बहुविधाश्चान्या देवता विधिपालकाः । उत्सवा विविधाः कल्प्याः प्रतिमासमहोदयाः

kālī bahuvidhāścānyā devatā vidhipālakāḥ utsavā vividhāḥ kalpyāḥ pratimāsamahodayāḥ

काली और अनेक प्रकार की अन्य देवियाँ, विधि की रक्षक — विविध उत्सव प्रति मास महान् उदय के साथ रचे जाएँ।

श्लोक 70 (skanda.1.109.70)

सृजस्व कन्यका दिव्याः शिवदेवार्हणे रताः । नृत्तगीतकलाभिज्ञा रूपसौभाग्यसंयुताः

sṛjasva kanyakā divyāḥ śivadevārhaṇe ratāḥ nṛttagītakalābhijñā rūpasaubhāgyasaṁyutāḥ

शिव और देव की अर्चना में रत, दिव्य कन्याओं की तुम रचना करो, नृत्य-गीत की कलाओं में निपुण, रूप और सौभाग्य से युक्त।

श्लोक 71 (skanda.1.109.71)

चारुविभ्रमसंयुक्ताः कामदा नित्यपावनाः । शिष्यानादिश वेदज्ञान्सदाचारसमुज्ज्वलान्

cāruvibhramasaṁyuktāḥ kāmadā nityapāvanāḥ śiṣyānādiśa vedajñānsadācārasamujjvalān

सुन्दर विलास से युक्त, कामनाओं को देने वाली, सदा पवित्र — वेदों को जानने वाले, सदाचार से उज्ज्वल शिष्यों को भी नियुक्त करो।

श्लोक 72 (skanda.1.109.72)

दिव्योपचारसंसिद्ध्यै सुभगाञ्छुद्धचेतसः । दीक्षितान्विमलाञ्छुद्धाञ्छैवागमविशारदान्

divyopacārasaṁsiddhyai subhagāñchuddhacetasaḥ dīkṣitānvimalāñchuddhāñchaivāgamaviśāradān

दिव्य उपचार की सिद्धि के लिए, सुन्दर और शुद्ध-चित्त — दीक्षित, निर्मल, शुद्ध, शैवागम में निपुण जनों को।

श्लोक 73 (skanda.1.109.73)

शैवाचारप्रसिद्ध्यर्थमादिशाभ्यर्चने मम । मार्द्दलाञ्छांखिकान्वैणांस्तालिकान्वेणुवादकान्

śaivācāraprasiddhyarthamādiśābhyarcane mama mārddalāñchāṁkhikānvaiṇāṁstālikānveṇuvādakān

शैव आचार की प्रसिद्धि के लिए, मेरी अर्चना में उन्हें नियुक्त करो — मृदंग बजाने वालों को, शंख बजाने वालों को, वीणा बजाने वालों को, ताल बजाने वालों को, वेणु बजाने वालों को।

श्लोक 74 (skanda.1.109.74)

शौल्बिकान्सृज सद्विद्यांश्चतुर्विद्याविशारदान् । क्षत्रियान्विविधान्वैश्याञ्छूद्रांश्च शिवसंमतान्

śaulbikānsṛja sadvidyāṁścaturvidyāviśāradān kṣatriyānvividhānvaiśyāñchūdrāṁśca śivasaṁmatān

उत्तम विद्या वाले शिल्पियों की, चारों विद्याओं में निपुण जनों की भी रचना करो; विविध क्षत्रियों, वैश्यों और शिव-सम्मत शूद्रों की भी।

श्लोक 75 (skanda.1.109.75)

चत्वारश्च मठाः कल्प्याश्चतुर्दिक्तीर्थवासिनाम् । मुनीनां शिवभक्तानां निराशानां निवासतः

catvāraśca maṭhāḥ kalpyāścaturdiktīrthavāsinām munīnāṁ śivabhaktānāṁ nirāśānāṁ nivāsataḥ

और चारों दिशाओं में चार मठ रचे जाएँ, चारों ओर के तीर्थ-वासियों के, मुनियों के, इच्छा-रहित शिव-भक्तों के निवास के लिए।

श्लोक 76 (skanda.1.109.76)

तेषु स्थिता मुनींद्रा मे रक्षंतु शिवपूजनम् । भिक्षमाणाः पुनः शैवा भक्ताः पाशुपता अपि

teṣu sthitā munīṁdrā me rakṣaṁtu śivapūjanam bhikṣamāṇāḥ punaḥ śaivā bhaktāḥ pāśupatā api

उनमें स्थित श्रेष्ठ मुनि मेरी पूजा की रक्षा करें; भिक्षा माँगते हुए शैव भक्त, पाशुपत भी।

श्लोक 77 (skanda.1.109.77)

पालयंतु सदान्ये च युक्ताः कापालिका अपि । सर्वेषां जायमानानां जातानां संभविष्यताम्

pālayaṁtu sadānye ca yuktāḥ kāpālikā api sarveṣāṁ jāyamānānāṁ jātānāṁ saṁbhaviṣyatām

अन्य युक्त कापालिक भी सदा इसकी रक्षा करें; जन्म लेने वाले, जन्मे हुए और भविष्य में उत्पन्न होने वाले —

श्लोक 78 (skanda.1.109.78)

अव्याहताज्ञमारक्ष्यमिदं स्थानं महीभृताम् । बकुलश्च महानत्र दृश्यते दिव्यभूरुहः

avyāhatājñamārakṣyamidaṁ sthānaṁ mahībhṛtām bakulaśca mahānatra dṛśyate divyabhūruhaḥ

समस्त इन शिव-भक्तों के लिए, यह पृथ्वी के राजाओं द्वारा, बिना उल्लंघन के, रक्षित स्थान हो; यहाँ एक विशाल बकुल, दिव्य वृक्ष भी दिखाई देता है।

श्लोक 79 (skanda.1.109.79)

अत्र भक्ता वितन्वन्तु शिवकार्यविनिश्चयम् । अत्र मे दीयते द्रव्यमप्रेक्षितपराप्तये

atra bhaktā vitanvantu śivakāryaviniścayam atra me dīyate dravyamaprekṣitaparāptaye

यहाँ भक्तजन शिव के कार्यों का निश्चय करें; यहाँ मुझे दिया गया द्रव्य अप्रत्याशित (गूढ़) प्राप्ति के लिए है।

श्लोक 80 (skanda.1.109.80)

यत्तदक्षय्यफलदमारक्ष्यं शिवसेवकैः । भक्तैर्विज्ञापितं चार्थं श्रोष्यामि पुरतः स्थितैः

yattadakṣayyaphaladamārakṣyaṁ śivasevakaiḥ bhaktairvijñāpitaṁ cārthaṁ śroṣyāmi purataḥ sthitaiḥ

जो अक्षय फल देने वाला है, वह शिव-सेवकों द्वारा रक्षित हो; भक्तों द्वारा सामने खड़े होकर निवेदित विषय को मैं सुनूँगा।

श्लोक 81 (skanda.1.109.81)

सर्वं संपादयिष्यामि तेषां चित्तानुकूलकम् । अपराधसहस्राणि क्षंस्ये मां स्वर्चतामहम्

sarvaṁ saṁpādayiṣyāmi teṣāṁ cittānukūlakam aparādhasahasrāṇi kṣaṁsye māṁ svarcatāmaham

मैं उनके चित्त के अनुकूल सब कुछ सम्पन्न करूँगा; अपनी ही अर्चना करने वालों के हजारों अपराध मैं क्षमा करूँगा।

श्लोक 82 (skanda.1.109.82)

आगमोक्ता च पूजेयं मानुषी निर्मिता यतः । ग्रहीष्ये तामहं सर्वामर्चां सर्वागमोदिताम्

āgamoktā ca pūjeyaṁ mānuṣī nirmitā yataḥ grahīṣye tāmahaṁ sarvāmarcāṁ sarvāgamoditām

चूँकि यह आगम-कथित पूजा ही मानवीय रूप में गढ़ी गई है, इसलिए मैं समस्त आगमों में कही गई इस अर्चना को सर्वथा ग्रहण करूँगा।

श्लोक 83 (skanda.1.109.83)

संकल्पितं भवेत्कर्म प्रीतिकृन्मम सेवकैः । आगमार्थानशेषांस्त्वमालोक्य समयोचितान्

saṁkalpitaṁ bhavetkarma prītikṛnmama sevakaiḥ āgamārthānaśeṣāṁstvamālokya samayocitān

मेरे सेवकों द्वारा जो भी कर्म संकल्पित हो, वह मुझे प्रीतिकर हो; आगमों के समस्त अर्थों को समय के अनुकूल जानकर।

श्लोक 84 (skanda.1.109.84)

विधायाभ्यर्चनाभेदाँल्लोकरक्षाकृते मुने । कर्तव्या महती पूजा पौर्णमास्यां तु सादरम्

vidhāyābhyarcanābhedā~llokarakṣākṛte mune kartavyā mahatī pūjā paurṇamāsyāṁ tu sādaram

हे मुने! अर्चना के विविध भेदों को विधिपूर्वक रचकर, लोक-रक्षा के लिए, पूर्णिमा के दिन आदरपूर्वक महती पूजा की जाए।

श्लोक 85 (skanda.1.109.85)

सत्राणि विविधान्यत्र कर्तव्यानि सहस्रशः । विविधानि च दानानि शक्त्या चैवास्य सन्निधौ

satrāṇi vividhānyatra kartavyāni sahasraśaḥ vividhāni ca dānāni śaktyā caivāsya sannidhau

यहाँ विविध सत्र सहस्रों की संख्या में किए जाएँ, तथा इसकी समीपता में शक्ति के अनुसार विविध दान भी किए जाएँ।

श्लोक 86 (skanda.1.109.86)

अव्युच्छिन्नप्रदीपस्य दातारो मम सन्निधौ । तेजोमयमिदं रूपं मम यांति न संशयः

avyucchinnapradīpasya dātāro mama sannidhau tejomayamidaṁ rūpaṁ mama yāṁti na saṁśayaḥ

मेरे समीप अखण्ड दीप के दाता, निःसन्देह, मेरे इसी तेजोमय रूप को प्राप्त करते हैं।

श्लोक 87 (skanda.1.109.87)

जलजं तरुजं पुष्पं कक्षजं च लतोद्भवम् । ददते ये च भक्त्या मे ते भविष्यंति भूभृतः

jalajaṁ tarujaṁ puṣpaṁ kakṣajaṁ ca latodbhavam dadate ye ca bhaktyā me te bhaviṣyaṁti bhūbhṛtaḥ

जल में उत्पन्न, वृक्ष में उत्पन्न, झाड़ी में उत्पन्न और लता से उत्पन्न पुष्प जो भी भक्ति से मुझे अर्पित करते हैं, वे पृथ्वी के अधिपति बनेंगे।

श्लोक 88 (skanda.1.109.88)

तेषां पुरोगतः साक्षादहं जेष्यामि विद्विषः । यस्य यस्य तु देशस्य यो यो राजा तपोधिकः

teṣāṁ purogataḥ sākṣādahaṁ jeṣyāmi vidviṣaḥ yasya yasya tu deśasya yo yo rājā tapodhikaḥ

उनके आगे साक्षात् मैं ही उनके शत्रुओं को जीतूँगा; जिस-जिस देश का जो-जो राजा तप में अधिक होकर।

श्लोक 89 (skanda.1.109.89)

तत्तत्समर्द्धितं रम्यं संभवं ददतेऽत्र मे । मत्संनिधिमुपागत्य दुरात्मानोऽपि भूमिपाः

tattatsamarddhitaṁ ramyaṁ saṁbhavaṁ dadate'tra me matsaṁnidhimupāgatya durātmāno'pi bhūmipāḥ

उस-उस देश में समृद्ध, रम्य वस्तु मुझे यहाँ अर्पित करता है — मेरी समीपता में आकर, दुरात्मा राजा भी।

श्लोक 90 (skanda.1.109.90)

शिवभक्ता भृशं पूर्णा भविष्यंति न संशयः

śivabhaktā bhṛśaṁ pūrṇā bhaviṣyaṁti na saṁśayaḥ

निःसन्देह अत्यन्त पूर्ण शिव-भक्त हो जाएँगे।

श्लोक 91 (skanda.1.109.91)

इति शंभुमुखोत्थितं वचः समुपश्रुत्य विधूतकल्मषः । अहमानतवान्व्यजिज्ञपं कुतुकाच्छोणगिरीश्वरं शिवम्

iti śaṁbhumukhotthitaṁ vacaḥ samupaśrutya vidhūtakalmaṣaḥ ahamānatavānvyajijñapaṁ kutukācchoṇagirīśvaraṁ śivam

शम्भु के मुख से उठे इस वचन को सुनकर, अपने कल्मष को दूर करके, मैंने नमस्कार करते हुए कौतुकवश शोणगिरीश्वर शिव से पुनः निवेदन किया।