शिव के नाम और अरुणाचल-प्रदक्षिणा का माहात्म्य

श्लोक 1 (skanda.1.110.1)

गौतम उवाच । भगवन्नरुणाद्रीश नामधेयानि ते भृशम् । विशेषाच्छ्रोतुमिच्छामि स्थानेऽस्मिन्सुरपूजिते

gautama uvāca bhagavannaruṇādrīśa nāmadheyāni te bhṛśam viśeṣācchrotumicchāmi sthāne'sminsurapūjite

गौतम जी ने कहा — हे भगवन् अरुणाद्रीश! इस देवताओं से पूजित स्थान में विशेष रूप से तुम्हारे नामों को मैं सुनना चाहता हूँ।

श्लोक 2 (skanda.1.110.2)

महेश्वर उवाच । नामानि शृणु मे ब्रह्मन्मुख्यानि द्विजसत्तम । दुर्लभान्यल्पपुण्यानां कामदानि सदा भुवि

maheśvara uvāca nāmāni śṛṇu me brahmanmukhyāni dvijasattama durlabhānyalpapuṇyānāṁ kāmadāni sadā bhuvi

महेश्वर जी ने कहा — हे ब्रह्मन्! हे द्विजश्रेष्ठ! मुझसे मेरे मुख्य नामों को सुनो, जो अल्प-पुण्य वालों को दुर्लभ, और सदा पृथ्वी पर कामनाओं को देने वाले हैं।

श्लोक 3 (skanda.1.110.3)

शोणाद्रीशोऽरुणाद्रीशो देवाधीशो जनप्रियः । प्रपन्नरक्षको धीरः शिवसेवकवर्धकः

śoṇādrīśo'ruṇādrīśo devādhīśo janapriyaḥ prapannarakṣako dhīraḥ śivasevakavardhakaḥ

शोणाद्रीश, अरुणाद्रीश, देवाधीश, जनप्रिय, शरणागतों के रक्षक, धीर, शिव-सेवकों को बढ़ाने वाला।

श्लोक 4 (skanda.1.110.4)

अक्षिपेयामृतेशानः स्त्रीपुंभावप्रदायकः । भक्तविज्ञप्तिसंधाता दीनबंदिविमोचकः

akṣipeyāmṛteśānaḥ strīpuṁbhāvapradāyakaḥ bhaktavijñaptisaṁdhātā dīnabaṁdivimocakaḥ

दृष्टि से पिए जाने योग्य अमृत का स्वामी, स्त्री और पुरुष दोनों भावों को देने वाला, भक्तों की विनतियों को धारण करने वाला, दीन बन्दियों को मुक्त करने वाला।

श्लोक 5 (skanda.1.110.5)

मुखरांघ्रिपतिः श्रीमान्मृडो मृगमदेश्वरः । भक्तप्रेक्षणकृत्साक्षी भक्तदोषनिवर्त्तकः

mukharāṁghripatiḥ śrīmānmṛḍo mṛgamadeśvaraḥ bhaktaprekṣaṇakṛtsākṣī bhaktadoṣanivarttakaḥ

मुखर चरणों का श्रीमान् स्वामी, कल्याणकारी, कस्तूरी का स्वामी, भक्तों को देखने वाला साक्षी, भक्तों के दोषों को दूर करने वाला।

श्लोक 6 (skanda.1.110.6)

ज्ञानसंबंधनाथश्च श्रीहलाहलसुंदकः । आहवैश्वर्यदाता च स्मर्तृसर्वाघनाशनः

jñānasaṁbaṁdhanāthaśca śrīhalāhalasuṁdakaḥ āhavaiśvaryadātā ca smartṛsarvāghanāśanaḥ

ज्ञानसम्बन्ध का स्वामी, श्री हलाहल-सुन्दक (विष का सौन्दर्य धारण करने वाला), युद्ध में ऐश्वर्य देने वाला, स्मरण करने वालों के समस्त पापों का नाशक।

श्लोक 7 (skanda.1.110.7)

व्यत्यस्तनृत्यद्धृजधृक्सकांतिर्नटनेश्वरः । सामप्रियः कलिध्वंसी वेदमूर्तिर्निरंजनः

vyatyastanṛtyaddhṛjadhṛksakāṁtirnaṭaneśvaraḥ sāmapriyaḥ kalidhvaṁsī vedamūrtirniraṁjanaḥ

उलटे नृत्य करते जटाओं को धारण करने वाला, कान्तिमान्, नाट्य का स्वामी, साम-वेद का प्रिय, कलि का ध्वंसक, वेद-मूर्ति, निरंजन।

श्लोक 8 (skanda.1.110.8)

जगन्नाथो महादेवस्त्रिनेत्रस्त्रिपुरांतकः । भक्तापराधसोढा च योगीशो भोगनायकः

jagannātho mahādevastrinetrastripurāṁtakaḥ bhaktāparādhasoḍhā ca yogīśo bhoganāyakaḥ

जगन्नाथ, महादेव, त्रिनेत्र, त्रिपुरान्तक, भक्तों के अपराध सहने वाला, योगियों का स्वामी, भोगों का नायक।

श्लोक 9 (skanda.1.110.9)

बालमूर्त्तिः क्षमारूपी धर्मरक्षो वृषध्वजः । हरो गिरीश्वरो भर्गश्चंद्ररेखावतंसकः

bālamūrttiḥ kṣamārūpī dharmarakṣo vṛṣadhvajaḥ haro girīśvaro bhargaścaṁdrarekhāvataṁsakaḥ

बाल-मूर्ति, क्षमा का स्वरूप, धर्म का रक्षक, वृषभ-ध्वज, हर, गिरीश्वर, भर्ग, चन्द्र-रेखा से विभूषित।

श्लोक 10 (skanda.1.110.10)

स्मरांतकोंऽधकरिपुः सिद्धराजो दिगंबरः । आगमप्रिय ईशानो भस्मरुद्राक्षलांछनः

smarāṁtakoṁ'dhakaripuḥ siddharājo digaṁbaraḥ āgamapriya īśāno bhasmarudrākṣalāṁchanaḥ

काम को अन्त करने वाला, अन्धक का शत्रु, सिद्धों का राजा, दिगम्बर, आगमों का प्रिय, ईशान, भस्म और रुद्राक्ष से चिह्नित।

श्लोक 11 (skanda.1.110.11)

श्रीपतिः शंकरः स्रष्टा सर्वविद्येश्वरोऽनघः । गंगाधरः क्रतुध्वंसो विमलो नागभूषणः

śrīpatiḥ śaṁkaraḥ sraṣṭā sarvavidyeśvaro'naghaḥ gaṁgādharaḥ kratudhvaṁso vimalo nāgabhūṣaṇaḥ

श्री का स्वामी, शंकर, स्रष्टा, समस्त विद्याओं का स्वामी, निष्पाप, गंगाधर, यज्ञ को नष्ट करने वाला, निर्मल, नाग-भूषण।

श्लोक 12 (skanda.1.110.12)

अरुणो बहुरूपश्च विरूपाक्षोऽक्षराकृतिः । अनादिरंतरहितः शिवकामः स्वयंप्रभुः

aruṇo bahurūpaśca virūpākṣo'kṣarākṛtiḥ anādiraṁtarahitaḥ śivakāmaḥ svayaṁprabhuḥ

अरुण, बहुरूप, विरूपाक्ष, अक्षर-आकृति, अनादि, अन्तरहित, शिव-काम, स्वयं-प्रभु।

श्लोक 13 (skanda.1.110.13)

सच्चिदानंदरूपश्च सर्वात्मा जीवधारकः । स्त्रीसंगवामसुभगो विधिर्विहितसुंदरः

saccidānaṁdarūpaśca sarvātmā jīvadhārakaḥ strīsaṁgavāmasubhago vidhirvihitasuṁdaraḥ

सच्चिदानन्द-स्वरूप, सर्वात्मा, जीवों को धारण करने वाला, स्त्री के सान्निध्य में वाम अंग से सुभग, विधाता, विहित सौन्दर्य वाला।

श्लोक 14 (skanda.1.110.14)

ज्ञानप्रदो मुक्तिदश्च भक्तवांछितदायकः । आश्चर्यवैभवः कामी निरवद्यो निधिप्रदः

jñānaprado muktidaśca bhaktavāṁchitadāyakaḥ āścaryavaibhavaḥ kāmī niravadyo nidhipradaḥ

ज्ञान देने वाला, मुक्ति देने वाला, भक्तों की इच्छा पूर्ण करने वाला, आश्चर्यजनक ऐश्वर्य वाला, कामी, निर्दोष, निधि देने वाला।

श्लोक 15 (skanda.1.110.15)

शूली पशुपतिः शंभुः स्वयंभुर्गिरिशो मृडः । एतानि मम मुख्यानि नामान्यत्र महामुने

śūlī paśupatiḥ śaṁbhuḥ svayaṁbhurgiriśo mṛḍaḥ etāni mama mukhyāni nāmānyatra mahāmune

शूली, पशुपति, शम्भु, स्वयंभू, गिरीश, मृड — ये मेरे मुख्य नाम हैं, हे महामुने!

श्लोक 16 (skanda.1.110.16)

अन्यानि दिव्यनामानि पुराणोक्तानि संस्मर । प्रदक्षिणेन मां नित्यं विशेषात्त्वं समर्चय

anyāni divyanāmāni purāṇoktāni saṁsmara pradakṣiṇena māṁ nityaṁ viśeṣāttvaṁ samarcaya

पुराणों में कहे गए अन्य दिव्य नामों का भी स्मरण करो; और मेरी विशेष रूप से नित्य प्रदक्षिणा द्वारा अर्चना करो।

श्लोक 17 (skanda.1.110.17)

प्रदक्षिणप्रियो यस्मादहं शोणाचलाकृतिः । इत्याज्ञप्तो महादेवमर्चयन्नरुणाचलम् । अविमुंचन्निहावासं कृतवानहमद्रिजे

pradakṣiṇapriyo yasmādahaṁ śoṇācalākṛtiḥ ityājñapto mahādevamarcayannaruṇācalam avimuṁcannihāvāsaṁ kṛtavānahamadrije

चूँकि मैं, शोणाचल-आकृति, प्रदक्षिणा को प्रिय मानने वाला हूँ — इस प्रकार आदेशित होकर, महादेव अरुणाचल की अर्चना करते हुए, हे पर्वत-पुत्री, मैंने यहीं निवास किया, इसे नहीं छोड़ा।

श्लोक 18 (skanda.1.110.18)

गौर्युवाच । भगवन्सर्वधर्मज्ञ गौतमार्य्य मुनीश्वर । प्रदक्षिणस्य माहात्म्यं ब्रूहि मे शोणभूभृतः

gauryuvāca bhagavansarvadharmajña gautamāryya munīśvara pradakṣiṇasya māhātmyaṁ brūhi me śoṇabhūbhṛtaḥ

गौरी ने कहा — हे भगवन्! हे समस्त धर्मों के ज्ञाता, आर्य गौतम, मुनीश्वर! शोणभूभृत् की प्रदक्षिणा का माहात्म्य मुझसे कहिए।

श्लोक 19 (skanda.1.110.19)

कस्मिन्काले कथं कार्यं कैर्वा पूर्वं प्रदक्षिणम् । कृतं शोणाद्रिनाथस्य प्राप्तमिष्टं परं पदम्

kasminkāle kathaṁ kāryaṁ kairvā pūrvaṁ pradakṣiṇam kṛtaṁ śoṇādrināthasya prāptamiṣṭaṁ paraṁ padam

किस काल में, किस प्रकार, और किसके द्वारा पूर्वकाल में शोणाद्रि-नाथ की प्रदक्षिणा की गई, जिससे उन्हें अभीष्ट परम पद प्राप्त हुआ?

श्लोक 20 (skanda.1.110.20)

ब्रह्मोवाच । इति पृष्टो मुनिः प्राह गौतमः शैलकन्यकाम् । श्रूयतां देवि माहात्म्यमादिशन्मे महेश्वरः

brahmovāca iti pṛṣṭo muniḥ prāha gautamaḥ śailakanyakām śrūyatāṁ devi māhātmyamādiśanme maheśvaraḥ

ब्रह्मा जी ने कहा — इस प्रकार पूछे गए मुनि गौतम ने पर्वत-कन्या से कहा — हे देवि! वह माहात्म्य सुनो, जो महेश्वर ने मुझे बताया था।

श्लोक 21 (skanda.1.110.21)

महादेव उवाच । अहं हि शोणशैलात्मा प्रकाशो वसुधातले

mahādeva uvāca ahaṁ hi śoṇaśailātmā prakāśo vasudhātale

महादेव जी ने कहा — मैं ही शोणशैल-स्वरूप में इस पृथ्वी पर प्रकाशित हूँ।

श्लोक 22 (skanda.1.110.22)

परितो मां सुराः सर्वे वर्तंते मुनिभिः सह

parito māṁ surāḥ sarve vartaṁte munibhiḥ saha

मेरे चारों ओर समस्त देवता मुनियों के साथ निवास करते हैं।

श्लोक 23 (skanda.1.110.23)

यानि कानि च पापानि जन्मांतरकृतानि च । तानि तानि विनश्यंति प्रदक्षिणपदे पदे

yāni kāni ca pāpāni janmāṁtarakṛtāni ca tāni tāni vinaśyaṁti pradakṣiṇapade pade

जो भी पाप पूर्व जन्मों में किए गए हों, वे सब मेरी प्रदक्षिणा के प्रत्येक पद पर नष्ट हो जाते हैं।

श्लोक 24 (skanda.1.110.24)

अश्वमेधसहस्राणि वाजपेयायुतानि च । सिद्ध्यंति सर्वतीर्थानि प्रदक्षिणपदे पदे

aśvamedhasahasrāṇi vājapeyāyutāni ca siddhyaṁti sarvatīrthāni pradakṣiṇapade pade

हजारों अश्वमेध और अयुत वाजपेय यज्ञ, तथा समस्त तीर्थ, मेरी प्रदक्षिणा के प्रत्येक पद पर सिद्ध हो जाते हैं।

श्लोक 25 (skanda.1.110.25)

अपि प्रहीणस्य समस्तलक्षणैः क्रियाविहीनस्य निकृष्टजन्मनः । प्रदक्षिणीकृत्य शशांकशेखरं प्रयास्यतः कस्य न सिद्धिरग्रतः

api prahīṇasya samastalakṣaṇaiḥ kriyāvihīnasya nikṛṣṭajanmanaḥ pradakṣiṇīkṛtya śaśāṁkaśekharaṁ prayāsyataḥ kasya na siddhiragrataḥ

समस्त शुभ लक्षणों से रहित, क्रिया-हीन, नीच जन्म वाले व्यक्ति की भी, यदि वह शशांक-शेखर की प्रदक्षिणा करके आगे बढ़ता है, तो किसकी सिद्धि नहीं होगी?

श्लोक 26 (skanda.1.110.26)

समस्त तीर्थाभिगमेषु पुण्यं समस्तयज्ञागमधर्मजातम् । अवाप्यते शोणमहीधरस्य प्रदक्षिणाप्रक्रमणेन सत्यम्

samasta tīrthābhigameṣu puṇyaṁ samastayajñāgamadharmajātam avāpyate śoṇamahīdharasya pradakṣiṇāprakramaṇena satyam

समस्त तीर्थों की यात्रा में जो पुण्य, समस्त यज्ञों, आगमों और धर्मों से उत्पन्न होने वाला पुण्य है, वह सत्य ही शोणपर्वत की प्रदक्षिणा के आरम्भ मात्र से प्राप्त हो जाता है।

श्लोक 27 (skanda.1.110.27)

पदेनैकेन भूलोकं द्वितीयेनांतरिक्षकम् । तृतीयेन दिवं मर्त्यो जयत्यस्य प्रदक्षिणे

padenaikena bhūlokaṁ dvitīyenāṁtarikṣakam tṛtīyena divaṁ martyo jayatyasya pradakṣiṇe

एक पद से भूलोक को, दूसरे से अन्तरिक्ष को, तीसरे से स्वर्ग को — मनुष्य इसकी प्रदक्षिणा में जीत लेता है।

श्लोक 28 (skanda.1.110.28)

एकेन मानसं पापं द्वितीयेन तु वाचिकम् । कायिकं तु तृतीयेन पदेन क्षीयते नृणाम्

ekena mānasaṁ pāpaṁ dvitīyena tu vācikam kāyikaṁ tu tṛtīyena padena kṣīyate nṛṇām

एक पद से मानसिक पाप, दूसरे से वाचिक पाप, और तीसरे पद से मनुष्यों का कायिक पाप क्षीण होता है।

श्लोक 29 (skanda.1.110.29)

पातकानि च सर्वाणि पदेनैकेन मार्जयेत् । द्वितीयेन तपः सर्वं प्राप्नोत्यस्य प्रदक्षिणात्

pātakāni ca sarvāṇi padenaikena mārjayet dvitīyena tapaḥ sarvaṁ prāpnotyasya pradakṣiṇāt

एक पद से मनुष्य समस्त पातकों को धो डालता है, दूसरे पद से इस प्रदक्षिणा के द्वारा समस्त तप को प्राप्त कर लेता है।

श्लोक 30 (skanda.1.110.30)

पर्णशाला महर्षीणां सिद्धानां च सहस्रशः । सुराणां च तथाऽऽवासा विद्यंतेत्र सहस्रशः

parṇaśālā maharṣīṇāṁ siddhānāṁ ca sahasraśaḥ surāṇāṁ ca tathā''vāsā vidyaṁtetra sahasraśaḥ

यहाँ महर्षियों और सिद्धों की सहस्रों पर्ण-शालाएँ हैं, और देवताओं के भी सहस्रों निवास यहाँ विद्यमान हैं।

श्लोक 31 (skanda.1.110.31)

अत्र सिद्धः पुनर्नित्यं वसाम्यग्रे सुरार्चितः । ममांतरे गुहा दिव्या ध्यातव्या भोगसंयुता

atra siddhaḥ punarnityaṁ vasāmyagre surārcitaḥ mamāṁtare guhā divyā dhyātavyā bhogasaṁyutā

यहाँ मैं सिद्ध-रूप में देवताओं द्वारा पूजित होकर सदा आगे निवास करता हूँ; मेरे भीतर की दिव्य गुहा को, भोगों से युक्त, ध्यान करना चाहिए।

श्लोक 32 (skanda.1.110.32)

अग्निस्तंभमयं रूपमरुणादिरिति श्रुतम् । ध्यायँल्लिंगं मम बृहत्मन्दं कुर्यात्प्रदक्षिणम्

agnistaṁbhamayaṁ rūpamaruṇādiriti śrutam dhyāya~lliṁgaṁ mama bṛhatmandaṁ kuryātpradakṣiṇam

अग्नि-स्तम्भमय रूप, जो 'अरुणाद्रि' नाम से सुना गया है, मेरे इस विशाल लिंग का ध्यान करते हुए, धीरे-धीरे प्रदक्षिणा करनी चाहिए।

श्लोक 33 (skanda.1.110.33)

अष्टमूर्तिमयं लिंगमिदं यैस्तैजसं भृशम् । ध्यात्वा प्रदक्षिणं कुर्वन्पातकानि विनिर्दहेत्

aṣṭamūrtimayaṁ liṁgamidaṁ yaistaijasaṁ bhṛśam dhyātvā pradakṣiṇaṁ kurvanpātakāni vinirdahet

यह लिंग अष्ट-मूर्ति-मय, अत्यन्त तैजस है; जो इसका ध्यान करके प्रदक्षिणा करता है, वह अपने पातकों को भस्म कर देता है।

श्लोक 34 (skanda.1.110.34)

न पुनः संभवस्तस्य यः करोति प्रदक्षिणाम् । शोणाचलाकृतेर्नित्यं नित्यत्वं ध्रुवमश्नुते

na punaḥ saṁbhavastasya yaḥ karoti pradakṣiṇām śoṇācalākṛternityaṁ nityatvaṁ dhruvamaśnute

जो प्रदक्षिणा करता है, उसका पुनर्जन्म नहीं होता; वह शोणाचल-आकृति की नित्यता को निश्चय ही प्राप्त कर लेता है।

श्लोक 35 (skanda.1.110.35)

अस्य पादरजःस्पर्शात्पूयते सकला मही । पदमेकं तु धत्ते यः शोणाद्रीशप्रदक्षिणे

asya pādarajaḥsparśātpūyate sakalā mahī padamekaṁ tu dhatte yaḥ śoṇādrīśapradakṣiṇe

इसके चरण-रज के स्पर्श से समस्त पृथ्वी पवित्र हो जाती है; जो शोणाद्रीश की प्रदक्षिणा में एक भी पद रखता है —

श्लोक 36 (skanda.1.110.36)

नमस्कुर्वन्प्रतिदिशं ध्यायन्स्तौति कृतांजलिः । असंसृष्टकरः कैश्चिन्मंदं कुर्यात्प्रदक्षिणम्

namaskurvanpratidiśaṁ dhyāyanstauti kṛtāṁjaliḥ asaṁsṛṣṭakaraḥ kaiścinmaṁdaṁ kuryātpradakṣiṇam

हर दिशा में नमस्कार करते हुए, ध्यान करते हुए, हाथ जोड़कर स्तुति करते हुए, हाथों को न मिलाकर, कुछ लोग धीरे-धीरे प्रदक्षिणा करते हैं।

श्लोक 37 (skanda.1.110.37)

आसन्नप्रसवा नारी यथा गच्छेदनाकुलम् । तथा प्रदक्षिणं कुर्यादशृण्वंश्च पदध्वनिम्

āsannaprasavā nārī yathā gacchedanākulam tathā pradakṣiṇaṁ kuryādaśṛṇvaṁśca padadhvanim

जैसे प्रसव-निकट स्त्री अव्याकुल होकर चलती है, उसी प्रकार अपने ही पदों की ध्वनि को न सुनते हुए प्रदक्षिणा करनी चाहिए।

श्लोक 38 (skanda.1.110.38)

स्नातो विशुद्धवेषः सन्भस्मरुद्राक्षभूषितः । शिवस्मरणसंसृष्टो मंदं दद्यात्पदं बुधः

snāto viśuddhaveṣaḥ sanbhasmarudrākṣabhūṣitaḥ śivasmaraṇasaṁsṛṣṭo maṁdaṁ dadyātpadaṁ budhaḥ

स्नान किए हुए, शुद्ध वेष वाले, भस्म और रुद्राक्ष से विभूषित, शिव के स्मरण से युक्त होकर, ज्ञानी व्यक्ति को धीरे-धीरे पद रखना चाहिए।

श्लोक 39 (skanda.1.110.39)

मनूनां चरतामग्रे देवानां च सहस्रशः । अदृश्यानां च सिद्धानां नान्येषां वायुरूपिणाम्

manūnāṁ caratāmagre devānāṁ ca sahasraśaḥ adṛśyānāṁ ca siddhānāṁ nānyeṣāṁ vāyurūpiṇām

मनुओं, सहस्रों देवताओं, तथा अदृश्य सिद्धों के आगे चलने वाले — पर वायु-रूपधारी अन्य किसी के आगे नहीं —

श्लोक 40 (skanda.1.110.40)

संघट्टमतिसंमर्दं मार्गरोधं विचिंतयन् । अनुकूलेन भक्तः सञ्छनैर्दद्यात्पदं बुधः

saṁghaṭṭamatisaṁmardaṁ mārgarodhaṁ viciṁtayan anukūlena bhaktaḥ sañchanairdadyātpadaṁ budhaḥ

भीड़, अत्यधिक धक्का-मुक्की और मार्ग-अवरोध का विचार करते हुए, अनुकूल क्रम से भक्त को धीरे-धीरे पद रखना चाहिए।

श्लोक 41 (skanda.1.110.41)

अथवा शिवनामानि संकीर्त्य वरगीतिभिः । शिवनृत्यं च रचयन्भक्तैः सार्द्धं परिक्रमेत्

athavā śivanāmāni saṁkīrtya varagītibhiḥ śivanṛtyaṁ ca racayanbhaktaiḥ sārddhaṁ parikramet

अथवा, उत्तम गीतों में शिव के नामों का संकीर्तन करते हुए, शिव-नृत्य की रचना करते हुए, भक्तों के साथ परिक्रमा करनी चाहिए।

श्लोक 42 (skanda.1.110.42)

माहात्म्यं मम वा शृण्वन्ननन्यमतिरादरात् । शनैः प्रदक्षिणं कुर्यादानन्दरसनिर्भरः

māhātmyaṁ mama vā śṛṇvannananyamatirādarāt śanaiḥ pradakṣiṇaṁ kuryādānandarasanirbharaḥ

अथवा एकाग्र-चित्त होकर आदरपूर्वक मेरा माहात्म्य सुनते हुए, आनन्द-रस से परिपूर्ण होकर धीरे-धीरे प्रदक्षिणा करनी चाहिए।

श्लोक 43 (skanda.1.110.43)

दानैश्च विविधैः पुण्यैरुपकारैस्तथार्थिनाम् । यथामति दयापूर्ण आस्तिकः परितो व्रजेत्

dānaiśca vividhaiḥ puṇyairupakāraistathārthinām yathāmati dayāpūrṇa āstikaḥ parito vrajet

विविध पुण्य-दानों से और याचकों के उपकार से, अपनी सामर्थ्य के अनुसार, दया से भरा आस्तिक चारों ओर चले।

श्लोक 44 (skanda.1.110.44)

कृते त्वग्निमयं लिंगं त्रेतायां मणिपर्वतम् । द्वापरे चिंतयेद्धैमं कलौ मरकताचलम्

kṛte tvagnimayaṁ liṁgaṁ tretāyāṁ maṇiparvatam dvāpare ciṁtayeddhaimaṁ kalau marakatācalam

कृतयुग में इसे अग्निमय लिंग, त्रेता में मणि-पर्वत, द्वापर में स्वर्ण-पर्वत, और कलियुग में मरकत-अचल के रूप में ध्यान करना चाहिए।

श्लोक 45 (skanda.1.110.45)

अथवा स्फाटिकं रूपमरुणं तु स्वयंप्रभम् । ध्यायन्विमुक्तः सकलैः पापैः शिवपुरं व्रजेत्

athavā sphāṭikaṁ rūpamaruṇaṁ tu svayaṁprabham dhyāyanvimuktaḥ sakalaiḥ pāpaiḥ śivapuraṁ vrajet

अथवा स्फटिक के स्वरूप, अरुण, स्वयं-प्रभु रूप का ध्यान करते हुए, समस्त पापों से मुक्त होकर मनुष्य शिव-पुर को प्राप्त होता है।

श्लोक 46 (skanda.1.110.46)

अवाङ्मनसगम्यत्वादप्रमेयतया स्वयम् । अग्नित्वाच्च परं लिंगमनासाद्याचलाभिधम्

avāṅmanasagamyatvādaprameyatayā svayam agnitvācca paraṁ liṁgamanāsādyācalābhidham

वाणी और मन से अगम्य होने के कारण, स्वयं अप्रमेय होने के कारण, तथा अग्नि-स्वरूप होने के कारण, इस श्रेष्ठ, अचल-नामधारी लिंग को बिना प्राप्त किए भी —

श्लोक 47 (skanda.1.110.47)

ध्यात्वा प्रदक्षिणं कर्तुरभिगम्योऽहमंजसा । तस्य पादरजो नृणामजरामरकारणाम्

dhyātvā pradakṣiṇaṁ karturabhigamyo'hamaṁjasā tasya pādarajo nṛṇāmajarāmarakāraṇām

इसका ध्यान करके प्रदक्षिणा करने वाले के लिए मैं तत्काल ही सुलभ हो जाता हूँ; उसके चरण-रज मनुष्यों के लिए अजरता और अमरता का कारण बन जाते हैं।

श्लोक 48 (skanda.1.110.48)

रूपमेकं तु धत्ते यः शोणाद्रीशप्रदक्षिणे । वाहनानि सुरौघाणां प्रार्थयंते परस्परम्

rūpamekaṁ tu dhatte yaḥ śoṇādrīśapradakṣiṇe vāhanāni suraughāṇāṁ prārthayaṁte parasparam

जो शोणाद्रीश की प्रदक्षिणा में एक ही रूप (मन्द गति) को धारण करता है, देव-समूहों के वाहन भी परस्पर उसकी प्रार्थना करने लगते हैं।

श्लोक 49 (skanda.1.110.49)

कुर्वतां चरणं वोढुमरुणाद्रिप्रदक्षिणाम् । छायाप्रदानं कुर्वंति कल्पकाद्याः सुरद्रुमाः

kurvatāṁ caraṇaṁ voḍhumaruṇādripradakṣiṇām chāyāpradānaṁ kurvaṁti kalpakādyāḥ suradrumāḥ

अरुणाद्रि की प्रदक्षिणा करने वालों के चरणों को ढोने के लिए, कल्पवृक्ष आदि दिव्य वृक्ष उन्हें छाया प्रदान करते हैं।

श्लोक 50 (skanda.1.110.50)

कुर्वतां भुवि मर्त्त्यानामरुणाद्रिप्रदक्षिणाम् । देवगन्धर्वकाद्यानां सहस्रेण समावृताः

kurvatāṁ bhuvi marttyānāmaruṇādripradakṣiṇām devagandharvakādyānāṁ sahasreṇa samāvṛtāḥ

पृथ्वी पर मनुष्यों द्वारा की जाने वाली अरुणाद्रि की प्रदक्षिणा के समय, देव-गन्धर्व आदि सहस्रों से घिरे हुए —

श्लोक 51 (skanda.1.110.51)

सेवंते ते गणाकीर्णा विमानशतकोटयः । मम प्रदक्षिणं भूमौ कुर्वतां पादपांसुभिः

sevaṁte te gaṇākīrṇā vimānaśatakoṭayaḥ mama pradakṣiṇaṁ bhūmau kurvatāṁ pādapāṁsubhiḥ

गणों से भरे करोड़ों विमान उनकी सेवा करते हैं, जो भूमि पर अपने चरण-धूलि से मेरी प्रदक्षिणा करते हैं।

श्लोक 52 (skanda.1.110.52)

पाविता महती वीथी दृष्टा शिवपदप्रदा । अंगप्रदक्षिणं कुर्वन्क्षणात्स्वर्ग्यतनुर्भवेत्

pāvitā mahatī vīthī dṛṣṭā śivapadapradā aṁgapradakṣiṇaṁ kurvankṣaṇātsvargyatanurbhavet

उस महान् वीथी को, जो दृष्ट होने मात्र से शिव-पद देने वाली है, पवित्र माना गया है; जो शरीर से प्रदक्षिणा करता है, वह क्षण भर में स्वर्ग-योग्य शरीर पा लेता है।

श्लोक 53 (skanda.1.110.53)

प्राप्तो वज्रशरीरत्वं न धृष्येत महीतले । व्योमयानोत्सुका देवाः सिद्धाश्च परमर्षयः

prāpto vajraśarīratvaṁ na dhṛṣyeta mahītale vyomayānotsukā devāḥ siddhāśca paramarṣayaḥ

वज्र-शरीरत्व को प्राप्त होकर वह इस पृथ्वी पर पराभूत नहीं होता; आकाश-गमन की इच्छा रखने वाले देवता, सिद्ध और परम ऋषि भी।

श्लोक 54 (skanda.1.110.54)

अदृश्याः संचरंत्यत्र पश्यंते मम संनिधिम् । विनयं मम भक्तिं च प्रदक्षिणपरिक्रमे

adṛśyāḥ saṁcaraṁtyatra paśyaṁte mama saṁnidhim vinayaṁ mama bhaktiṁ ca pradakṣiṇaparikrame

अदृश्य होकर यहाँ विचरण करते हैं, और मेरी समीपता को देखते हैं — प्रदक्षिणा की परिक्रमा में मेरे प्रति उनकी विनय और भक्ति को।

श्लोक 55 (skanda.1.110.55)

दृष्ट्वा हर्षसमायुक्ता मर्त्त्येभ्यो ददते वरम् । अत्र देवास्त्रयस्त्रिंशत्पुरा कृत्वा प्रदक्षिणाम्

dṛṣṭvā harṣasamāyuktā marttyebhyo dadate varam atra devāstrayastriṁśatpurā kṛtvā pradakṣiṇām

उसे देखकर हर्ष से भरे हुए वे मरणशीलों को वर प्रदान करते हैं; यहाँ तैंतीस देवताओं ने पूर्वकाल में प्रदक्षिणा करके —

श्लोक 56 (skanda.1.110.56)

प्रत्यहं मार्गमासीनाः प्रत्येकं कोटितां गताः । आदित्याद्या ग्रहाः सर्वे पुरा कृत्वा प्रदक्षिणाम्

pratyahaṁ mārgamāsīnāḥ pratyekaṁ koṭitāṁ gatāḥ ādityādyā grahāḥ sarve purā kṛtvā pradakṣiṇām

प्रतिदिन मार्ग पर स्थित रहकर, प्रत्येक करोड़ों की संख्या को प्राप्त हो गए; आदित्य आदि समस्त ग्रहों ने भी पूर्वकाल में प्रदक्षिणा करके।

श्लोक 57 (skanda.1.110.57)

संपूर्णजगतीभागे सर्वे ग्रहपतां गताः । यः करोति नरो भूमौ सूर्यवारे प्रदक्षिणाम्

saṁpūrṇajagatībhāge sarve grahapatāṁ gatāḥ yaḥ karoti naro bhūmau sūryavāre pradakṣiṇām

सम्पूर्ण जगत् के भाग में समस्त ग्रहों की स्थिति को प्राप्त हुए; जो मनुष्य भूमि पर रविवार को प्रदक्षिणा करता है —

श्लोक 58 (skanda.1.110.58)

स सूर्यमडलं भित्त्वा मुक्तः शिवपुरं व्रजेत् । सोमवारे नरः कुर्वन्नरुणाद्रिप्रदक्षिणाम्

sa sūryamaḍalaṁ bhittvā muktaḥ śivapuraṁ vrajet somavāre naraḥ kurvannaruṇādripradakṣiṇām

वह सूर्य-मण्डल को भेदकर, मुक्त होकर, शिव-पुर को प्राप्त होता है; सोमवार को अरुणाद्रि की प्रदक्षिणा करने वाला मनुष्य —

श्लोक 59 (skanda.1.110.59)

अजरामरतां प्राप्तो नासौम्यो भवति क्षितौ । भौमवारे नरः कुर्वन्नरुणाद्रिप्रदक्षिणाम्

ajarāmaratāṁ prāpto nāsaumyo bhavati kṣitau bhaumavāre naraḥ kurvannaruṇādripradakṣiṇām

अजरामरत्व प्राप्त करके पृथ्वी पर अशुभ नहीं होता; मंगलवार को अरुणाद्रि की प्रदक्षिणा करने वाला मनुष्य —

श्लोक 60 (skanda.1.110.60)

आनृण्यमखिलं प्राप्य सार्वभौमो भवेद्ध्रुवम् । बुधवारे नरः कुर्वञ्छोणाद्रीशप्रदक्षिणाम्

ānṛṇyamakhilaṁ prāpya sārvabhaumo bhaveddhruvam budhavāre naraḥ kurvañchoṇādrīśapradakṣiṇām

समस्त ऋणों से मुक्त होकर निश्चय ही सम्राट् बनता है; बुधवार को शोणाद्रीश की प्रदक्षिणा करने वाला मनुष्य —

श्लोक 61 (skanda.1.110.61)

सर्वज्ञतामनुप्राप्तः स वाचां पतितामियात् । गुरुवारे नरः कुर्वन्सर्वदेवनमस्कृतः

sarvajñatāmanuprāptaḥ sa vācāṁ patitāmiyāt guruvāre naraḥ kurvansarvadevanamaskṛtaḥ

सर्वज्ञता को प्राप्त होकर वाणी के अधिपति-पद को प्राप्त हो जाता है; गुरुवार को प्रदक्षिणा करने वाला मनुष्य, समस्त देवताओं द्वारा नमस्कृत होकर —

श्लोक 62 (skanda.1.110.62)

प्रदक्षिणेन शोणाद्रेः स तु लोकगुरुर्भवेत् । भृगुवारे नरः कुर्वन्नरुणाद्रिप्रदक्षिणाम्

pradakṣiṇena śoṇādreḥ sa tu lokagururbhavet bhṛguvāre naraḥ kurvannaruṇādripradakṣiṇām

शोणाद्रि की प्रदक्षिणा से वह लोक-गुरु बन जाता है; शुक्रवार को अरुणाद्रि की प्रदक्षिणा करने वाला मनुष्य —

श्लोक 63 (skanda.1.110.63)

संप्राप्य महतीं लक्ष्मीं लभते वैष्णवं पदम् । मन्दवारे नरः कृत्वा शोणाद्रीशप्रदक्षिणाम्

saṁprāpya mahatīṁ lakṣmīṁ labhate vaiṣṇavaṁ padam mandavāre naraḥ kṛtvā śoṇādrīśapradakṣiṇām

महान् लक्ष्मी को प्राप्त कर वैष्णव पद पाता है; शनिवार को शोणाद्रीश की प्रदक्षिणा करने वाला मनुष्य —

श्लोक 64 (skanda.1.110.64)

विमुक्तो ग्रहपीडाभिः स विश्वविजयी भवेत् । नक्षत्राणि च सर्वाणि पुरा तद्दैवतैः सह

vimukto grahapīḍābhiḥ sa viśvavijayī bhavet nakṣatrāṇi ca sarvāṇi purā taddaivataiḥ saha

ग्रहों की पीड़ाओं से मुक्त होकर वह विश्व-विजयी बन जाता है; पूर्वकाल में समस्त नक्षत्रों ने भी अपने-अपने अधिष्ठाता देवताओं के साथ —

श्लोक 65 (skanda.1.110.65)

मम प्रदक्षिणां कर्तुः पुण्यानि सहसा व्रजेत् । तिथयः करणानीह योगाश्च मम संमताः

mama pradakṣiṇāṁ kartuḥ puṇyāni sahasā vrajet tithayaḥ karaṇānīha yogāśca mama saṁmatāḥ

मेरी प्रदक्षिणा करने वाले के पुण्य तत्काल प्राप्त हो जाते हैं; तिथियाँ, करण और योग भी यहाँ मुझे सम्मत हैं।

श्लोक 66 (skanda.1.110.66)

अभीष्टफलदा जाताः कुर्वतां मत्प्रदक्षिणाम् । मुहूर्ता विविधा होराः सौम्याश्च सततोदयाः

abhīṣṭaphaladā jātāḥ kurvatāṁ matpradakṣiṇām muhūrtā vividhā horāḥ saumyāśca satatodayāḥ

मेरी प्रदक्षिणा करने वालों के लिए वे सब अभीष्ट फल देने वाले बन जाते हैं; विविध मुहूर्त और होराएँ भी, सौम्य और सतत उदय वाली —

श्लोक 67 (skanda.1.110.67)

मत्प्रदक्षिणकर्तॄणां जायंते सततं शुभाः । प्रच्छिनत्ति प्रकारोऽघं दकारो वांछितप्रदः

matpradakṣiṇakartṝṇāṁ jāyaṁte satataṁ śubhāḥ pracchinatti prakāro'ghaṁ dakāro vāṁchitapradaḥ

मेरी प्रदक्षिणा करने वालों के लिए सदा शुभ बन जाती हैं; 'प्र' अक्षर पाप को छिन्न करता है, 'द' अक्षर वांछित को देने वाला है।

श्लोक 68 (skanda.1.110.68)

क्षिकारात्क्षीयते कर्म णकारो मुक्तिदायकः । दुर्बलाः कार्श्यसंयुक्ता आधिव्याधिविजृंभिताः

kṣikārātkṣīyate karma ṇakāro muktidāyakaḥ durbalāḥ kārśyasaṁyuktā ādhivyādhivijṛṁbhitāḥ

'क्षि' अक्षर से कर्म क्षीण होता है, 'ण' अक्षर मुक्ति देने वाला है; दुर्बल, दुबले, आधि-व्याधि से पीड़ित —

श्लोक 69 (skanda.1.110.69)

मम प्रदक्षिणं कृत्वा मुच्यंते सर्वदुष्कृतैः । मम प्रदक्षिणं कर्तुर्भक्त्या पादेन संततम्

mama pradakṣiṇaṁ kṛtvā mucyaṁte sarvaduṣkṛtaiḥ mama pradakṣiṇaṁ karturbhaktyā pādena saṁtatam

मेरी प्रदक्षिणा करके समस्त दुष्कर्मों से मुक्त हो जाते हैं; भक्तिपूर्वक निरन्तर मेरी प्रदक्षिणा एक पद से करने वाले के —

श्लोक 70 (skanda.1.110.70)

क्षणेन साध्वां पश्यामि त्रैलोक्यस्य प्रदक्षिणाम् । लोकेशाश्च दिगीशाश्च ये चान्ये कारणेश्वराः

kṣaṇena sādhvāṁ paśyāmi trailokyasya pradakṣiṇām lokeśāśca digīśāśca ye cānye kāraṇeśvarāḥ

मैं क्षण भर में तीनों लोकों की सम्यक् प्रदक्षिणा देखता हूँ; लोकों के स्वामी, दिशाओं के स्वामी, और अन्य जो कारण-स्वामी हैं।

श्लोक 71 (skanda.1.110.71)

मम प्रदक्षिणां कृत्वा स्थिरा राज्ये पुराऽभवन् । अहं च गणसंयुक्तः सर्वदेवर्षिसंयुतः

mama pradakṣiṇāṁ kṛtvā sthirā rājye purā'bhavan ahaṁ ca gaṇasaṁyuktaḥ sarvadevarṣisaṁyutaḥ

पूर्वकाल में मेरी प्रदक्षिणा करके ही वे अपने-अपने राज्यों में स्थिर हुए; मैं भी अपने गणों से युक्त, समस्त देवताओं और ऋषियों से युक्त होकर।

श्लोक 72 (skanda.1.110.72)

उत्तरायणसंयोगे करोमि स्वप्रदक्षिणाम् । मद्रूपं तैजसं लिंगमरुणाद्रिरिति श्रुतम्

uttarāyaṇasaṁyoge karomi svapradakṣiṇām madrūpaṁ taijasaṁ liṁgamaruṇādririti śrutam

उत्तरायण के संयोग में स्वयं अपनी प्रदक्षिणा करता हूँ; मेरा ही यह तैजस लिंग-रूप अरुणाद्रि नाम से सुना गया है।

श्लोक 73 (skanda.1.110.73)

त्रैलोक्यस्य हितार्थाय करिष्यामि प्रदक्षिणाम् । आगता च परांते च गौरी तप इहाद्भुतम्

trailokyasya hitārthāya kariṣyāmi pradakṣiṇām āgatā ca parāṁte ca gaurī tapa ihādbhutam

तीनों लोकों के हित के लिए मैं प्रदक्षिणा करूँगा; और अन्त में गौरी यहाँ अद्भुत तप के लिए आई हुई है —

श्लोक 74 (skanda.1.110.74)

कर्तुं प्रदक्षिणं कृत्वा मामेष्यत्यनघा पुनः । कार्तिके मासि नक्षत्रे कृत्तिकाख्ये महातपाः

kartuṁ pradakṣiṇaṁ kṛtvā māmeṣyatyanaghā punaḥ kārtike māsi nakṣatre kṛttikākhye mahātapāḥ

वह निष्पाप देवी प्रदक्षिणा करके मेरे पास पुनः आएगी; कार्तिक मास के कृत्तिका नामक नक्षत्र में, महान् तप वाली।

श्लोक 75 (skanda.1.110.75)

मम प्रदक्षिणां गौरी प्रदोषे रचयिष्यति । नराणामल्पपुण्यानां दुर्लभं तत्प्रदक्षिणम्

mama pradakṣiṇāṁ gaurī pradoṣe racayiṣyati narāṇāmalpapuṇyānāṁ durlabhaṁ tatpradakṣiṇam

गौरी प्रदोष के समय मेरी प्रदक्षिणा रचेगी; यह प्रदक्षिणा अल्प-पुण्य वाले मनुष्यों के लिए दुर्लभ है।

श्लोक 76 (skanda.1.110.76)

ज्योतिर्लिगस्य दृष्टस्य देवी प्रार्थनया तथा । मया समेता देवी सा प्राप्ताऽपीतकुचाभिधा

jyotirligasya dṛṣṭasya devī prārthanayā tathā mayā sametā devī sā prāptā'pītakucābhidhā

ज्योतिर्लिंग को देखने के पश्चात्, देवी की प्रार्थना से, अपीतकुच नाम को प्राप्त वह देवी मेरे साथ संयुक्त होगी।

श्लोक 77 (skanda.1.110.77)

आश्वास्यति सुरान्सर्वानुत्तरायणसंगमे । देवगन्धर्वयक्षाणां सिद्धानामपि रक्षसाम्

āśvāsyati surānsarvānuttarāyaṇasaṁgame devagandharvayakṣāṇāṁ siddhānāmapi rakṣasām

उत्तरायण के संगम में वह समस्त देवताओं को आश्वस्त करेगी; देव, गन्धर्व, यक्ष, सिद्ध, तथा राक्षसों की भी —

श्लोक 78 (skanda.1.110.78)

सर्वेषां देवयोनीनां भविता तत्र संगमः । ये तदा मां समागत्य पूजयंति तपोधिकाः

sarveṣāṁ devayonīnāṁ bhavitā tatra saṁgamaḥ ye tadā māṁ samāgatya pūjayaṁti tapodhikāḥ

समस्त देव-योनियों का वहाँ संगम होगा; जो तब आकर तप में श्रेष्ठ जन मुझे पूजते हैं —

श्लोक 79 (skanda.1.110.79)

सर्वजन्मकृताघौघ प्रायश्चित्तं व्रजंति ते । दुर्ल्लभं तद्दिनं पुंसामुत्तरायणसंगमे

sarvajanmakṛtāghaugha prāyaścittaṁ vrajaṁti te durllabhaṁ taddinaṁ puṁsāmuttarāyaṇasaṁgame

वे समस्त जन्मों में किए गए पापों के समूह से प्रायश्चित्त पा लेते हैं; उत्तरायण के संगम में वह दिन मनुष्यों के लिए दुर्लभ है।

श्लोक 80 (skanda.1.110.80)

तदा मद्रूपमभ्यर्च्य कृतार्थाः सन्तु मानवाः । प्रदक्षिणं तु मे दिव्यं कुर्वंति च महीभुजः

tadā madrūpamabhyarcya kṛtārthāḥ santu mānavāḥ pradakṣiṇaṁ tu me divyaṁ kurvaṁti ca mahībhujaḥ

तब मेरे उस रूप की अर्चना करके मनुष्य कृतार्थ हों; और पृथ्वी के राजा भी मेरी दिव्य प्रदक्षिणा करते हैं।

श्लोक 81 (skanda.1.110.81)

तेषां पुरोगतः साक्षादहं जेष्यामि विद्विषः । राजा यस्य तु देशस्य यो यो राजा तपोधिकः

teṣāṁ purogataḥ sākṣādahaṁ jeṣyāmi vidviṣaḥ rājā yasya tu deśasya yo yo rājā tapodhikaḥ

उनके आगे साक्षात् मैं ही उनके शत्रुओं को जीतूँगा; जिस-जिस देश का जो-जो राजा तप में अधिक होकर —

श्लोक 82 (skanda.1.110.82)

स कारयेद्विप्रमुख्यैः श्रोत्रियैर्मे प्रदक्षिणाम् । मंडलं मंडलार्द्धं वा संकल्पविधिपूर्वकम्

sa kārayedvipramukhyaiḥ śrotriyairme pradakṣiṇām maṁḍalaṁ maṁḍalārddhaṁ vā saṁkalpavidhipūrvakam

उसे श्रोत्रिय, ब्राह्मण-श्रेष्ठों द्वारा मेरी प्रदक्षिणा कराई जाए, संकल्प-विधि-पूर्वक मण्डल अथवा अर्ध-मण्डल के रूप में।

श्लोक 83 (skanda.1.110.83)

तस्य तस्य स्थिरं राज्यं शत्रूणां च पराहतिम् । करिष्यामि मुने नित्यमहमेव पुरःस्थितः

tasya tasya sthiraṁ rājyaṁ śatrūṇāṁ ca parāhatim kariṣyāmi mune nityamahameva puraḥsthitaḥ

उस-उस राजा के राज्य को स्थिर और शत्रुओं का पराभव करूँगा, हे मुने! मैं स्वयं सदा उसके सामने खड़ा होकर।

श्लोक 84 (skanda.1.110.84)

न वाहनेन कुर्वीत मम जातु प्रदक्षिणाम् । धर्मलुब्धमना जानञ्छिवाचारपरिप्लुतिम्

na vāhanena kurvīta mama jātu pradakṣiṇām dharmalubdhamanā jānañchivācārapariplutim

वाहन पर बैठकर कभी भी मेरी प्रदक्षिणा नहीं करनी चाहिए; धर्म का लोभी मन वाला, शिव-आचार की गम्भीरता जानकर।

श्लोक 85 (skanda.1.110.85)

धर्मकेतुः पुरा राजा यमलोकादुपागतः । मम प्रदक्षिणां कर्त्तुं तुरगेणाभ्यरोचयत्

dharmaketuḥ purā rājā yamalokādupāgataḥ mama pradakṣiṇāṁ karttuṁ turageṇābhyarocayat

पूर्वकाल में धर्मकेतु नामक राजा यमलोक से आकर मेरी प्रदक्षिणा घोड़े पर करने की इच्छा रखता था।

श्लोक 86 (skanda.1.110.86)

क्षणेन तुरगो जातो गणनाथः सुरार्चितः । प्रतिपेदे पदं शैवं विमुच्य धरणीपतिम्

kṣaṇena turago jāto gaṇanāthaḥ surārcitaḥ pratipede padaṁ śaivaṁ vimucya dharaṇīpatim

क्षण भर में वह घोड़ा देवताओं से पूजित गणनाथ बन गया, और वह राजा को त्यागकर शैव पद को प्राप्त हो गया।

श्लोक 87 (skanda.1.110.87)

वीक्ष्य तं वाहनं भूयो गणनाथवपुर्द्धरम् । पादप्रदक्षिणां कृत्वा स्वयं च गणपोऽभवत्

vīkṣya taṁ vāhanaṁ bhūyo gaṇanāthavapurddharam pādapradakṣiṇāṁ kṛtvā svayaṁ ca gaṇapo'bhavat

उस वाहन को गणनाथ का शरीर धारण किए देखकर, वह राजा भी चरणों से प्रदक्षिणा करके स्वयं गणपति बन गया।

श्लोक 88 (skanda.1.110.88)

तदाप्रभृति शक्राद्याः सुरा विष्णुसमन्विताः । पादाभ्यामेव कुर्वंति मम सर्वे प्रदक्षिणाम्

tadāprabhṛti śakrādyāḥ surā viṣṇusamanvitāḥ pādābhyāmeva kurvaṁti mama sarve pradakṣiṇām

उसी समय से इन्द्र आदि देवता, विष्णु सहित, सभी अपने ही चरणों से मेरी प्रदक्षिणा करते हैं।

श्लोक 89 (skanda.1.110.89)

स्वर्गान्निपातितः कोऽपि सिद्धः काले तपःक्षयात् । प्रदक्षिणां ततः कृत्वा पुनर्लब्धपदोऽभवत्

svargānnipātitaḥ ko'pi siddhaḥ kāle tapaḥkṣayāt pradakṣiṇāṁ tataḥ kṛtvā punarlabdhapado'bhavat

किसी सिद्ध को तप के क्षीण होने पर काल-वश स्वर्ग से गिरा दिया गया था; तब प्रदक्षिणा करके वह पुनः अपना पद प्राप्त कर सका।

श्लोक 90 (skanda.1.110.90)

स्खलितं पादजं रक्तं मम कर्तुः प्रदक्षिणम् । मार्ज्यते तस्य देवेन्द्र मौलिमंदारकेसरैः

skhalitaṁ pādajaṁ raktaṁ mama kartuḥ pradakṣiṇam mārjyate tasya devendra maulimaṁdārakesaraiḥ

मेरी प्रदक्षिणा करने वाले के चरण की चोट से बहा हुआ रक्त, हे देवेन्द्र! उसकी दिव्य मन्दार-केसरों से पोंछा जाता है।

श्लोक 91 (skanda.1.110.91)

प्रदक्षिणमहावीथी शिलाशकलघट्टितम् । पदं संधार्यते पुंसां श्रीपयोधरकुंकुमैः

pradakṣiṇamahāvīthī śilāśakalaghaṭṭitam padaṁ saṁdhāryate puṁsāṁ śrīpayodharakuṁkumaiḥ

प्रदक्षिणा की महान् वीथी, जो पत्थर के टुकड़ों से खुरदरी है, उस पर मनुष्यों के पदों को श्री-स्तनों के कुंकुम से सम्भाला जाता है।

श्लोक 92 (skanda.1.110.92)

मणिपर्वतशृंगेषु कल्पद्रुमवनांतरे । संचरंति सदा मर्त्या मम कृत्वा प्रदक्षिणम्

maṇiparvataśṛṁgeṣu kalpadrumavanāṁtare saṁcaraṁti sadā martyā mama kṛtvā pradakṣiṇam

मणि-पर्वत के शिखरों पर, कल्पवृक्षों के वन के भीतर, मनुष्य मेरी प्रदक्षिणा करके सदा वहाँ विचरण करते हैं।

श्लोक 93 (skanda.1.110.93)

गौर्युवाच । उपचारप्रवृत्तानां फलं मे शंस सुव्रत । यैर्वै जनः कृतार्थः स्याद्यथाशक्ति कृतादरः

gauryuvāca upacārapravṛttānāṁ phalaṁ me śaṁsa suvrata yairvai janaḥ kṛtārthaḥ syādyathāśakti kṛtādaraḥ

गौरी ने कहा — हे सुव्रत! उपचार में प्रवृत्त जनों के फल को मुझसे कहिए, जिनसे मनुष्य अपनी शक्ति के अनुसार आदर करके कृतार्थ होता है।

श्लोक 94 (skanda.1.110.94)

मुनिरुवाच । उपचारफलं देवि शृणु वक्ष्याम्यहं तव । यन्मह्यं कृपया पूर्वमुक्तवान्परमेश्वरः

muniruvāca upacāraphalaṁ devi śṛṇu vakṣyāmyahaṁ tava yanmahyaṁ kṛpayā pūrvamuktavānparameśvaraḥ

मुनि ने कहा — हे देवि! उपचार का फल सुनो, मैं तुम्हें वह कहूँगा, जो कृपापूर्वक पूर्वकाल में परमेश्वर ने मुझसे कहा था।

श्लोक 95 (skanda.1.110.95)

लूती तंतुकजालानि संसृज्य क्वचिदेव मे । जातिस्मरो महीध्रेऽस्मिन्सोंऽशुकैर्मां व्यवेष्टयत्

lūtī taṁtukajālāni saṁsṛjya kvacideva me jātismaro mahīdhre'sminsoṁ'śukairmāṁ vyaveṣṭayat

मकड़ी ने कहीं मेरे ऊपर मात्र मकड़ी के जालों को बुन दिया; उस पूर्व-जन्म-स्मृति वाले ने इस पर्वत पर मुझे वस्त्रों से मानो लपेट दिया।

श्लोक 96 (skanda.1.110.96)

गजः कश्चितृषाक्रांतो विमुच्य च मधु क्वचित् । वनपल्लवमुत्कीर्य मुक्तोऽभूद्गणनायकः

gajaḥ kaścitṛṣākrāṁto vimucya ca madhu kvacit vanapallavamutkīrya mukto'bhūdgaṇanāyakaḥ

प्यास से पीड़ित एक हाथी ने कहीं मधु त्यागकर, वन के पल्लव को उखाड़ते हुए, मुक्ति पाई और गणों का नायक बन गया।

श्लोक 97 (skanda.1.110.97)

कृमयो विलुठन्तो मे पार्श्वे दुरितवर्जिताः । सिद्धवेषाः पुनः सर्वे मम लोकं व्रजंति ते

kṛmayo viluṭhanto me pārśve duritavarjitāḥ siddhaveṣāḥ punaḥ sarve mama lokaṁ vrajaṁti te

जो कृमि पापों से रहित होकर मेरे पार्श्व में लोटते रहते हैं, वे सब सिद्ध-वेष धारण करके पुनः मेरे लोक को जाते हैं।

श्लोक 98 (skanda.1.110.98)

अव्युच्छिन्नप्रदीपार्चिः क्षणमप्यादधाति यः । स्वयंप्रकाशः स भवन्मम सारूप्यमश्नुते

avyucchinnapradīpārciḥ kṣaṇamapyādadhāti yaḥ svayaṁprakāśaḥ sa bhavanmama sārūpyamaśnute

जो कोई अखण्ड दीप की ज्योति को क्षण भर भी बनाए रखता है, वह स्वयं-प्रकाश होकर मेरे सारूप्य को प्राप्त करता है।

श्लोक 99 (skanda.1.110.99)

हारीतः कोपि संप्राप्तः शाखानीडो ममांतिके । खद्योतो दीपवन्नक्तं तावन्मुक्तिं समागतः

hārītaḥ kopi saṁprāptaḥ śākhānīḍo mamāṁtike khadyoto dīpavannaktaṁ tāvanmuktiṁ samāgataḥ

एक हारीत पक्षी शाखा पर घोंसला बनाकर मेरे समीप आया था; एक खद्योत (जुगनू) रात्रि में दीपक के समान होकर उतनी ही देर में मुक्ति को प्राप्त हुआ।

श्लोक 100 (skanda.1.110.100)

गावः प्रस्रवणैः सिक्ता वत्सस्मरणसंभवैः । मत्पार्श्वे मुक्तिमापुस्ता मम लोकं समाश्रयन्

gāvaḥ prasravaṇaiḥ siktā vatsasmaraṇasaṁbhavaiḥ matpārśve muktimāpustā mama lokaṁ samāśrayan

बछड़े के स्मरण से उत्पन्न दूध की धाराओं से भीगी हुई गायें, मेरे पार्श्व में मुक्ति पाकर मेरे ही लोक का आश्रय लेती हैं।

श्लोक 101 (skanda.1.110.101)

काकः पक्षजवातेन बलिग्रहणलोलुपः । मार्जयन्मत्पुरोभागं मुक्तिं प्रापद्यत क्षणात्

kākaḥ pakṣajavātena baligrahaṇalolupaḥ mārjayanmatpurobhāgaṁ muktiṁ prāpadyata kṣaṇāt

बलि के अन्न-भाग को ग्रहण करने की लालसा वाला एक कौआ, अपने पंखों की वायु से मेरे सामने के भाग को साफ करते हुए, क्षण भर में मुक्ति को प्राप्त हुआ।

श्लोक 102 (skanda.1.110.102)

मूषको मद्गुहाभागं मणिसंघविकर्षणैः । प्रकाशयन्वितिमिरं मम रूपमपद्यत

mūṣako madguhābhāgaṁ maṇisaṁghavikarṣaṇaiḥ prakāśayanvitimiraṁ mama rūpamapadyata

एक चूहा, अपनी ही गुफा के भाग को मणि-समूहों को खींचकर, अन्धकार को दूर करके प्रकाशित करते हुए, मेरा ही रूप प्राप्त कर गया।

श्लोक 103 (skanda.1.110.103)

छायावृक्षत्वमास्थातुं मुनयस्त्रिदशा अपि । प्रार्थयंत्येव मत्पार्श्वे न पुनःसंभवेच्छया

chāyāvṛkṣatvamāsthātuṁ munayastridaśā api prārthayaṁtyeva matpārśve na punaḥsaṁbhavecchayā

मुनि और देवगण भी छाया देने वाला वृक्ष बनने की प्रार्थना करते हैं, मेरे ही समीप, न कि पुनः जन्म की इच्छा से।

श्लोक 104 (skanda.1.110.104)

गोपुरं शिखरं शालां मण्डपं वापिकामपि । कुर्वतां मत्पुरोभागे सिध्यंतीष्टार्थसंपदः

gopuraṁ śikharaṁ śālāṁ maṇḍapaṁ vāpikāmapi kurvatāṁ matpurobhāge sidhyaṁtīṣṭārthasaṁpadaḥ

जो लोग मेरे सामने के भाग में गोपुर, शिखर, शाला, मण्डप अथवा बावड़ी बनवाते हैं, उनकी अभीष्ट सम्पदाएँ सिद्ध होती हैं।

श्लोक 105 (skanda.1.110.105)

सदा मर्त्त्यैरनासाद्यमग्निलिंगमिदं मम । अनासाद्याचलेशाख्यं पूज्यतां वसुधातले

sadā marttyairanāsādyamagniliṁgamidaṁ mama anāsādyācaleśākhyaṁ pūjyatāṁ vasudhātale

यह मेरा अग्नि-लिंग सदा मरणशीलों के लिए दुर्गम है; इसे बिना पाए भी, 'अचलेश' नाम से भूतल पर इसकी पूजा की जाए।

श्लोक 106 (skanda.1.110.106)

वीक्षणस्पर्शनध्यानैः स्वभूतं निखिलं जगत् । पोषयंती परा शक्तिः पूज्याऽपीतकुचाभिधा

vīkṣaṇasparśanadhyānaiḥ svabhūtaṁ nikhilaṁ jagat poṣayaṁtī parā śaktiḥ pūjyā'pītakucābhidhā

दर्शन, स्पर्श और ध्यान से समस्त जगत् को अपना ही मानकर पालती हुई परा शक्ति, अपीतकुच नाम से पूज्य है।

श्लोक 107 (skanda.1.110.107)

सर्वलोकैकजननी संप्राप्ता नित्ययौवनम् । यौवनप्रार्थिभिः सेव्या सदाऽपीतकुचाभिधा

sarvalokaikajananī saṁprāptā nityayauvanam yauvanaprārthibhiḥ sevyā sadā'pītakucābhidhā

समस्त लोकों की एकमात्र जननी, नित्य-यौवन को प्राप्त, यौवन की प्रार्थना करने वालों द्वारा सदा सेवित, अपीतकुच नाम से।

श्लोक 108 (skanda.1.110.108)

क्षणात्तस्य पुरोभागे वसतां प्राणिनामिह । परत्र वात्र दुष्प्राप्यमिष्टवस्तु न विद्यते

kṣaṇāttasya purobhāge vasatāṁ prāṇināmiha paratra vātra duṣprāpyamiṣṭavastu na vidyate

उसके सामने के भाग में क्षण भर भी रहने वाले प्राणियों के लिए, यहाँ या परलोक में, कोई भी अभीष्ट वस्तु दुर्लभ नहीं रह जाती।

श्लोक 109 (skanda.1.110.109)

अप्रमेयगुणाधारमपेक्षितवरप्रदम् । अशेषभोगनिलयं शोणाद्रीशं समर्चय

aprameyaguṇādhāramapekṣitavarapradam aśeṣabhoganilayaṁ śoṇādrīśaṁ samarcaya

अप्रमेय गुणों के आधार, अभीष्ट वर देने वाले, समस्त भोगों के आश्रय शोणाद्रीश की तुम भलीभाँति अर्चना करो।

श्लोक 110 (skanda.1.110.110)

लब्धकामा पुनः शम्भुमाश्रयिष्यसि सुव्रते । तपश्चरणमप्येतत्तव लोकहितावहम्

labdhakāmā punaḥ śambhumāśrayiṣyasi suvrate tapaścaraṇamapyetattava lokahitāvaham

अपनी कामना को प्राप्त करके, हे सुव्रते! तुम पुनः शम्भु का आश्रय लोगी; तुम्हारा यह तपश्चरण भी लोक के हित को लाने वाला है।

श्लोक 111 (skanda.1.110.111)

न केवलं तव तपः स्ववांछितफलप्रदम् । तपस्यतामृषीणां च क्षेमायैव भविष्यति

na kevalaṁ tava tapaḥ svavāṁchitaphalapradam tapasyatāmṛṣīṇāṁ ca kṣemāyaiva bhaviṣyati

तुम्हारा तप केवल तुम्हारे ही वांछित फल को देने वाला नहीं है; तप करने वाले ऋषियों के भी कल्याण के लिए ही यह होगा।

श्लोक 112 (skanda.1.110.112)

कारणांतरमाशंक्य तपः कुर्वंति देवताः । रहस्यं देवतानां तु फलेनैवानुमीयते

kāraṇāṁtaramāśaṁkya tapaḥ kurvaṁti devatāḥ rahasyaṁ devatānāṁ tu phalenaivānumīyate

किसी अन्य कारण की आशंका से देवता भी तप करते हैं; देवताओं का रहस्य केवल उसके फल से ही अनुमान किया जाता है।

श्लोक 113 (skanda.1.110.113)

वयं च सहसंवासास्तव व्रतनिरीक्षणात् । कृतार्थाः स्याम देवेशि तपसा नः कृतार्थता

vayaṁ ca sahasaṁvāsāstava vratanirīkṣaṇāt kṛtārthāḥ syāma deveśi tapasā naḥ kṛtārthatā

हम भी, तुम्हारे व्रत को देखते हुए, तुम्हारे साथ ही निवास करने से कृतार्थ होंगे, हे देवेशि! तुम्हारे तप से ही हमारी कृतार्थता है।

श्लोक 114 (skanda.1.110.114)

इति तस्य मुनेर्वाक्यमर्थगर्भं निशम्य सा । गौरी कौतुकसंयुक्ता प्रशशंस महामुनिम्

iti tasya munervākyamarthagarbhaṁ niśamya sā gaurī kautukasaṁyuktā praśaśaṁsa mahāmunim

उस मुनि के अर्थ-गर्भित वचन को सुनकर, कौतुक से भरी गौरी ने उस महामुनि की प्रशंसा की।

श्लोक 115 (skanda.1.110.115)

तपः किमन्यत्कर्तव्यं लब्धं तव तु दर्शनम् । अरुणाद्रिरयं दृष्टः श्रुतं माहात्म्यमस्य च

tapaḥ kimanyatkartavyaṁ labdhaṁ tava tu darśanam aruṇādrirayaṁ dṛṣṭaḥ śrutaṁ māhātmyamasya ca

अन्य कौन-सा तप अब करना शेष है? तुम्हारा ही दर्शन प्राप्त हो गया; यह अरुणाद्रि देखा गया, और इसका माहात्म्य भी सुना गया।

श्लोक 116 (skanda.1.110.116)

अहो भूमेस्तु वैचित्र्यं यतो दृष्टा दिवोऽधिका । यत्रैव तैजसं लिंगं देवतानां वरप्रदः

aho bhūmestu vaicitryaṁ yato dṛṣṭā divo'dhikā yatraiva taijasaṁ liṁgaṁ devatānāṁ varapradaḥ

अहो! पृथ्वी की कैसी विचित्रता है, जो स्वर्ग से भी बढ़कर देखी गई — यहाँ ही देवताओं को वर देने वाला वह तैजस लिंग है।

श्लोक 117 (skanda.1.110.117)

शिवः प्रसादसिद्धो मे दर्शितं स्थानमात्मनः । अत्रैव शिवमाराध्य वशीकुर्यां जगद्गुरुम्

śivaḥ prasādasiddho me darśitaṁ sthānamātmanaḥ atraiva śivamārādhya vaśīkuryāṁ jagadgurum

शिव मुझ पर कृपा से सिद्ध हैं, उन्होंने मुझे अपना ही स्थान दिखाया है; यहीं शिव की आराधना करके मैं जगद्गुरु को वश में करूँगी।

श्लोक 118 (skanda.1.110.118)

अविनाभूतमैक्यं मे देवेन भवतात्सदा । त्वया कृतेन साह्येन भवेयं शिवनायिका

avinābhūtamaikyaṁ me devena bhavatātsadā tvayā kṛtena sāhyena bhaveyaṁ śivanāyikā

देव के साथ मेरा अविनाभूत ऐक्य सदा बना रहे; तुम्हारे किए गए सहयोग से मैं शिव-नायिका बनूँगी।

श्लोक 119 (skanda.1.110.119)

इति गौतमसंनिधौ तदानीं कृतसंवित्तप आदरेण कर्तुम् । अभजद्रुचिरां च पर्णशालां मुनिना चानुमता तथेति भक्त्या

iti gautamasaṁnidhau tadānīṁ kṛtasaṁvittapa ādareṇa kartum abhajadrucirāṁ ca parṇaśālāṁ muninā cānumatā tatheti bhaktyā

इस प्रकार गौतम की समीपता में, आदरपूर्वक तप करने के लिए संकल्प करके, भक्तिपूर्वक उन्होंने सुन्दर पर्ण-शाला का आश्रय लिया, जिसे मुनि ने 'तथास्तु' कहकर स्वीकृति दी।

श्लोक 120 (skanda.1.110.120)

सुकुमारतनुः सरोरुहाक्षी घनतुंगस्तनकल्पितोत्तरीया । जटिला हरिनीलरत्नकांतिर्गिरिजा राजति देहवत्तपःश्रीः

sukumāratanuḥ saroruhākṣī ghanatuṁgastanakalpitottarīyā jaṭilā harinīlaratnakāṁtirgirijā rājati dehavattapaḥśrīḥ

सुकुमार शरीर वाली, कमल-नयनी, अपने सघन उन्नत स्तनों पर उत्तरीय धारण किए, जटाओं वाली, नीलमणि की कान्ति वाली गिरिजा, मानो देह धारण किए हुए तप की श्री के समान शोभित हुईं।

श्लोक 121 (skanda.1.110.121)

नियमैर्बहुभिस्तपोविशेषैः क्रतुषु प्राप्तविचित्रयोगबंधैः । निगमागमदृष्टधर्ममार्गं सकलं सा तु कृतार्थतामनैषीत्

niyamairbahubhistapoviśeṣaiḥ kratuṣu prāptavicitrayogabaṁdhaiḥ nigamāgamadṛṣṭadharmamārgaṁ sakalaṁ sā tu kṛtārthatāmanaiṣīt

अनेक नियमों, विशेष तपों और यज्ञों में प्राप्त विचित्र योग-बन्धनों से, निगम और आगम में दृष्ट धर्म के सम्पूर्ण मार्ग को उसने कृतार्थ कर लिया।

श्लोक 122 (skanda.1.110.122)

तपसा विविधेनतप्यमाना न कदाचित्परिखेदमाप तन्वी । हरिरत्नमयी च कापि वल्ली नितरां दीप्तिमती बभूव बाला

tapasā vividhenatapyamānā na kadācitparikhedamāpa tanvī hariratnamayī ca kāpi vallī nitarāṁ dīptimatī babhūva bālā

विविध तपों से तपती हुई वह कोमलांगी कभी भी खेद को प्राप्त नहीं हुई; वह बाला मानो नीलमणि से बनी हुई कोई लता, अत्यन्त ही दीप्तिमती हो गई।