देवी और महिषासुर का युद्ध

श्लोक 1 (skanda.1.111.1)

ब्रह्मोवाच । अथ देवा महीं हित्वा महिषासुरपीडिताः । नत्वा गौरीं तपस्यंतीं जग्मुः शरणमाकुलाः

brahmovāca atha devā mahīṁ hitvā mahiṣāsurapīḍitāḥ natvā gaurīṁ tapasyaṁtīṁ jagmuḥ śaraṇamākulāḥ

ब्रह्मा जी ने कहा — तब महिषासुर से पीड़ित देवता पृथ्वी को त्यागकर, तप करती हुई गौरी को नमस्कार करके, व्याकुल होकर उनकी शरण में गए।

श्लोक 2 (skanda.1.111.2)

अथ तानभयं देहि देवीति भयविह्वलान् । अमरान्वीक्ष्य सा देवी किं कार्यमिति चाभ्यधात्

atha tānabhayaṁ dehi devīti bhayavihvalān amarānvīkṣya sā devī kiṁ kāryamiti cābhyadhāt

भय से विह्वल उन देवताओं को देखकर, वह देवी बोलीं — हे देवगण! तुम्हें अभय है, बताओ, क्या करना है?

श्लोक 3 (skanda.1.111.3)

ततो विज्ञापयामासुर्दैत्येंद्राद्भयमात्मनाम् । देव्यै बद्धांजलिपुटा देवा इंद्रपुरोगमाः

tato vijñāpayāmāsurdaityeṁdrādbhayamātmanām devyai baddhāṁjalipuṭā devā iṁdrapurogamāḥ

तब इन्द्र आदि देवताओं ने हाथ जोड़कर, दैत्येन्द्र से उत्पन्न अपने भय को देवी से निवेदित किया।

श्लोक 4 (skanda.1.111.4)

देवा ऊचुः । अप्सरोभिः परिवृतः सुखं क्रीडति नंदने । ऐरावतमुखान्सर्वान्दिङ्नागान्निजमंदिरे

devā ūcuḥ apsarobhiḥ parivṛtaḥ sukhaṁ krīḍati naṁdane airāvatamukhānsarvāndiṅnāgānnijamaṁdire

देवताओं ने कहा — वह अप्सराओं से घिरा हुआ नन्दन वन में सुखपूर्वक क्रीड़ा करता है; ऐरावत आदि समस्त दिग्गजों को अपने ही भवन में —

श्लोक 5 (skanda.1.111.5)

आवसयन्विनोदार्थमंगनाभिः सहागतान् । उच्चैःश्रवःपुरोगानामुपभोगं करोत्यसौ

āvasayanvinodārthamaṁganābhiḥ sahāgatān uccaiḥśravaḥpurogānāmupabhogaṁ karotyasau

स्त्रियों के साथ मनोरंजन के लिए बसाकर, वह उच्चैःश्रवा आदि को अपने भोग का साधन बनाता है।

श्लोक 6 (skanda.1.111.6)

मंदुरास्वस्य रम्यासु दृश्यंते लक्षकोटयः । हुताशवाहनं मेषं पुत्रारोहार्थमीप्सति

maṁdurāsvasya ramyāsu dṛśyaṁte lakṣakoṭayaḥ hutāśavāhanaṁ meṣaṁ putrārohārthamīpsati

उसकी रमणीय अश्व-शालाओं में लाखों-करोड़ों घोड़े दिखाई देते हैं; अग्नि के वाहन मेष (यम का पशु) को वह पुत्र के आरोहण के लिए चाहता है।

श्लोक 7 (skanda.1.111.7)

याम्यं महिषमानीय शकटे सोऽभ्यवाहयत् । सिद्धीराकृष्य सकला गृहकर्मणि चादिशत्

yāmyaṁ mahiṣamānīya śakaṭe so'bhyavāhayat siddhīrākṛṣya sakalā gṛhakarmaṇi cādiśat

यमराज के महिष (भैंसे) को लाकर उसने रथ में जोत दिया है; समस्त सिद्धियों को खींचकर उसने उन्हें गृह-कर्म में नियुक्त किया है।

श्लोक 8 (skanda.1.111.8)

अप्सरःसंघमखिलमात्मसेवार्थमानयत् । अन्यत्किमपि यद्वस्तु रत्नभूतं जगत्त्रये

apsaraḥsaṁghamakhilamātmasevārthamānayat anyatkimapi yadvastu ratnabhūtaṁ jagattraye

अप्सराओं के समस्त समूह को उसने अपनी सेवा के लिए ला रखा है; तीनों लोकों में जो भी अन्य रत्नस्वरूप वस्तु है —

श्लोक 9 (skanda.1.111.9)

अनाहृतं पुनर्हर्तुं न विश्राम्यति कोपवान् । वयं च सेवका भूत्वा नित्यं भीतिसमन्विताः

anāhṛtaṁ punarhartuṁ na viśrāmyati kopavān vayaṁ ca sevakā bhūtvā nityaṁ bhītisamanvitāḥ

उसे लाए बिना, वह क्रोधित होकर विश्राम नहीं पाता; और हम सेवक बनकर, सदा भय से युक्त होकर।

श्लोक 10 (skanda.1.111.10)

पूजयंतश्च तस्याज्ञां नान्यां वीक्षामहे गतिम् । शरणागतसंत्राणं तपःफलमुदाहृतम्

pūjayaṁtaśca tasyājñāṁ nānyāṁ vīkṣāmahe gatim śaraṇāgatasaṁtrāṇaṁ tapaḥphalamudāhṛtam

उसकी आज्ञा का पालन करते हुए, अन्य कोई गति नहीं देखते; शरणागत की रक्षा ही तप का फल कहा गया है।

श्लोक 11 (skanda.1.111.11)

दुर्जयोऽयं वरो दैत्यः सर्वेषां बलिनामपि । सुराणामपि दैत्यानां शिवाल्लब्धवरोदयः

durjayo'yaṁ varo daityaḥ sarveṣāṁ balināmapi surāṇāmapi daityānāṁ śivāllabdhavarodayaḥ

यह श्रेष्ठ दैत्य समस्त बलवानों में भी दुर्जय है; देवताओं और दैत्यों में भी वह शिव से वर पाकर उदित हुआ है।

श्लोक 12 (skanda.1.111.12)

अस्य शृंगाहतः सिंधुर्व्यावर्जितमिति ब्रुवन् । रत्नोपहारदानेन नित्यं तत्प्रीतिमिच्छति

asya śṛṁgāhataḥ siṁdhurvyāvarjitamiti bruvan ratnopahāradānena nityaṁ tatprītimicchati

उसके सींग से आहत होने पर सागर भी झुक जाता है, ऐसा कहते हुए, रत्नों की भेंट देकर वह सदा उसकी प्रसन्नता चाहता है।

श्लोक 13 (skanda.1.111.13)

पर्वतांश्च समुत्क्षिप्य शृंगाग्रेण महोद्धतः । क्रीडति क्षोदिताशेषधातुधूलिविलेपनैः

parvatāṁśca samutkṣipya śṛṁgāgreṇa mahoddhataḥ krīḍati kṣoditāśeṣadhātudhūlivilepanaiḥ

पर्वतों को अपने सींग की नोक से उठाकर, अत्यन्त उद्धत होकर, वह चूर्ण किए गए समस्त धातुओं की धूल के लेपन से क्रीड़ा करता है।

श्लोक 14 (skanda.1.111.14)

न शक्यमतुलं तस्य बलमन्यदुरासदम् । स्वयमेव विजानीहि हत्वा ते निजतेजसा

na śakyamatulaṁ tasya balamanyadurāsadam svayameva vijānīhi hatvā te nijatejasā

उसका अनुपम बल किसी अन्य के द्वारा प्राप्त करना असम्भव है; तुम स्वयं ही जान लो, अपने ही तेज से उसे मारकर।

श्लोक 15 (skanda.1.111.15)

शंभुशक्तिः परा सेयं स्त्रीरूपेणात्र दृश्यते । त्वयैवायं निहंतव्यः शिवाल्लब्धवरो ह्ययम्

śaṁbhuśaktiḥ parā seyaṁ strīrūpeṇātra dṛśyate tvayaivāyaṁ nihaṁtavyaḥ śivāllabdhavaro hyayam

वह परा शम्भु-शक्ति यहाँ स्त्री-रूप में दिखाई देती है; तुम्हारे द्वारा ही इसे मारा जाना चाहिए, क्योंकि यह शिव से ही वर पाया हुआ है।

श्लोक 16 (skanda.1.111.16)

न जानीमो वयं देवि किंचिच्छंभुविचेष्टितम् । केवलं पालनीयाः स्म जगन्मात्रा सदा त्वया

na jānīmo vayaṁ devi kiṁcicchaṁbhuviceṣṭitam kevalaṁ pālanīyāḥ sma jaganmātrā sadā tvayā

हे देवि! हम शम्भु की लीला के विषय में कुछ भी नहीं जानते; हम तो केवल तुम्हारे द्वारा ही सदा पालनीय हैं, हे जगत् की माता!

श्लोक 17 (skanda.1.111.17)

इति तेषां भयार्तानामाकर्ण्य वचनं शुभम् । व्याजहार प्रसन्नात्मा देवी दत्त्वाभयं तदा

iti teṣāṁ bhayārtānāmākarṇya vacanaṁ śubham vyājahāra prasannātmā devī dattvābhayaṁ tadā

भय से पीड़ित उनके इस शुभ वचन को सुनकर, प्रसन्न-चित्त देवी ने तब उन्हें अभय देकर यह कहा।

श्लोक 18 (skanda.1.111.18)

शरणागतसंत्राणं तपसि स्थितया मया । कर्त्तव्यममराः कालात्क्षीणः शत्रुर्भविष्यति

śaraṇāgatasaṁtrāṇaṁ tapasi sthitayā mayā karttavyamamarāḥ kālātkṣīṇaḥ śatrurbhaviṣyati

शरणागत की रक्षा तप में स्थित मुझे करनी ही है, हे देवगण! काल से क्षीण होकर यह शत्रु नष्ट होगा।

श्लोक 19 (skanda.1.111.19)

उपायेन समाकृष्य हनिष्यामि महासुरम् । निरागसस्तु हननमद्य मे न हि युज्यते

upāyena samākṛṣya haniṣyāmi mahāsuram nirāgasastu hananamadya me na hi yujyate

उपाय से खींचकर मैं महान् असुर का वध करूँगी; निरपराध का वध आज मेरे लिए उचित नहीं है।

श्लोक 20 (skanda.1.111.20)

धर्मगे धर्मभेत्तारः शलभत्वं व्रजंति हि । देवास्तद्वचनं श्रुत्वा प्रणम्य गिरिकन्यकाम्

dharmage dharmabhettāraḥ śalabhatvaṁ vrajaṁti hi devāstadvacanaṁ śrutvā praṇamya girikanyakām

धर्म-मार्ग पर चलने वाले के प्रति धर्म को भंग करने वाले टिड्डी बन जाते हैं — देवता, उसके इस वचन को सुनकर, पर्वत-कन्या को प्रणाम करके।

श्लोक 21 (skanda.1.111.21)

जग्मुर्यथागतं सर्वे निर्भया हृष्टचेतसः

jagmuryathāgataṁ sarve nirbhayā hṛṣṭacetasaḥ

सभी निर्भय, प्रसन्न-चित्त होकर जैसे आए थे वैसे ही लौट गए।

श्लोक 22 (skanda.1.111.22)

गतेषु तेषु देवेषु गौरी कमललोचना । बभूव मोहिनी शक्तिः कांतियुक्ता ततोदरी

gateṣu teṣu deveṣu gaurī kamalalocanā babhūva mohinī śaktiḥ kāṁtiyuktā tatodarī

उन देवताओं के चले जाने पर, कमल-नयनी गौरी मोहिनी शक्ति बन गईं, कान्ति से युक्त, क्षीण-कटि वाली।

श्लोक 23 (skanda.1.111.23)

सा देवी दिक्षु शैलेषु चतुर्ष्वरुणभूभृतः । रक्षार्थं स्थापितवती चतुरो बटुकान्वरान्

sā devī dikṣu śaileṣu caturṣvaruṇabhūbhṛtaḥ rakṣārthaṁ sthāpitavatī caturo baṭukānvarān

उस देवी ने अरुणपर्वत की चारों दिशाओं के चार पर्वतों पर, रक्षा के लिए चार श्रेष्ठ बटुकों को स्थापित किया।

श्लोक 24 (skanda.1.111.24)

यदा कैलासशिखरादागता शैलकन्यका । अन्वगच्छन्सेवमानाश्चतस्रो मातरस्तदा

yadā kailāsaśikharādāgatā śailakanyakā anvagacchansevamānāścatasro mātarastadā

जब पर्वत-कन्या कैलास शिखर से यहाँ आई थीं, तब चार माताएँ सेवा करती हुई उनके पीछे-पीछे आई थीं।

श्लोक 25 (skanda.1.111.25)

दुन्दुभिः सत्यवत्याख्या तथा चानवमी परा । सुन्दरीति चतस्रस्तामन्वयुः परिचारिकाः

dundubhiḥ satyavatyākhyā tathā cānavamī parā sundarīti catasrastāmanvayuḥ paricārikāḥ

दुन्दुभि, सत्यवती नाम की, तथा दूसरी अनवमी, और सुन्दरी — ये चारों परिचारिकाएँ उनके साथ आई थीं।

श्लोक 26 (skanda.1.111.26)

विमुञ्चतातिथिं श्रांतं क्षुत्पिपासा समन्वितम् । अरुणाद्रिमिमं द्रष्टुं नान्यमित्यब्रवीच्च तान्

vimuñcatātithiṁ śrāṁtaṁ kṣutpipāsā samanvitam aruṇādrimimaṁ draṣṭuṁ nānyamityabravīcca tān

उन्होंने उनसे कहा — भूख-प्यास से पीड़ित, थके हुए किसी अतिथि को, जो इस अरुणाद्रि को देखने के अतिरिक्त और कुछ नहीं चाहता, उसे ही आने देना — किसी अन्य को नहीं।

श्लोक 27 (skanda.1.111.27)

सीमाशलस्थितान्वीरांस्तानादिश्य बलाधिकान् । तपश्चचाराद्रिकन्या गौतमाश्रमसन्निधौ

sīmāśalasthitānvīrāṁstānādiśya balādhikān tapaścacārādrikanyā gautamāśramasannidhau

सीमा-पर्वतों पर स्थित उन बलशाली वीरों को यह आदेश देकर, पर्वत-कन्या ने गौतम के आश्रम की समीपता में तप किया।

श्लोक 28 (skanda.1.111.28)

तस्यां तपत्यां तन्वंग्यां न तापः कश्चिदप्यभूत् । ववर्ष काले जलदः सफलाश्चाभवन्द्रुमाः

tasyāṁ tapatyāṁ tanvaṁgyāṁ na tāpaḥ kaścidapyabhūt vavarṣa kāle jaladaḥ saphalāścābhavandrumāḥ

तप करती हुई उस कोमलांगी को कोई भी सन्ताप नहीं छू सका; समय पर मेघ बरसे और वृक्ष फलों से युक्त हो गए।

श्लोक 29 (skanda.1.111.29)

विरोधीनि च सत्त्वानि मुमुचुः पूर्वमत्सरम् । आश्रमः सर्वजन्तूनां शरण्योऽभूद्भयापहः

virodhīni ca sattvāni mumucuḥ pūrvamatsaram āśramaḥ sarvajantūnāṁ śaraṇyo'bhūdbhayāpahaḥ

परस्पर विरोधी प्राणियों ने भी पूर्व की शत्रुता को त्याग दिया; वह आश्रम समस्त जीवों के लिए भय को दूर करने वाला, शरण्य बन गया।

श्लोक 30 (skanda.1.111.30)

योजनद्वयपर्यंतं सीमाशैलेषु संस्थितैः । चतुभिर्वटकैः शूरै रक्षितश्चारुणाचलः

yojanadvayaparyaṁtaṁ sīmāśaileṣu saṁsthitaiḥ catubhirvaṭakaiḥ śūrai rakṣitaścāruṇācalaḥ

दो योजनों की सीमा तक, सीमा-पर्वतों पर स्थित उन चार शूरवीर बटुकों द्वारा अरुणाचल रक्षित रहा।

श्लोक 31 (skanda.1.111.31)

नोदभूत्कश्चन त्रासो न च दृष्टो भयोदयः । न व्याधिपीडनं चासीत्तत्र नारिविजृंभणम्

nodabhūtkaścana trāso na ca dṛṣṭo bhayodayaḥ na vyādhipīḍanaṁ cāsīttatra nārivijṛṁbhaṇam

वहाँ कोई भी त्रास उत्पन्न नहीं हुआ, न कोई भय का उदय देखा गया; न वहाँ व्याधि की पीड़ा हुई, न शत्रुता का उभार।

श्लोक 32 (skanda.1.111.32)

कृतार्था मुनयः सर्वे प्रशंसंतो नगात्मजाम् । शिवलोकपदं केचित्प्रत्यशंसंस्तथाश्रमम्

kṛtārthā munayaḥ sarve praśaṁsaṁto nagātmajām śivalokapadaṁ kecitpratyaśaṁsaṁstathāśramam

समस्त मुनि पर्वत-पुत्री की प्रशंसा करते हुए कृतार्थ हुए; कुछ लोगों ने उस आश्रम की तुलना शिवलोक-पद से की।

श्लोक 33 (skanda.1.111.33)

सा च गौरी तपो घोरं कुर्वती च दिवानिशम् । न तृप्तिमाययौ बाला शिवसंतोषकारकम्

sā ca gaurī tapo ghoraṁ kurvatī ca divāniśam na tṛptimāyayau bālā śivasaṁtoṣakārakam

और वह गौरी, दिन-रात घोर तप करते हुए भी, उस कोमलांगी बाला ने शिव को सन्तोष देने वाली तृप्ति कभी नहीं पाई।

श्लोक 34 (skanda.1.111.34)

महिषश्च महावीर्यो मृगयां कर्तुमुद्यतः । चचार काननं सर्वं विदूरे शोणभूभृतः

mahiṣaśca mahāvīryo mṛgayāṁ kartumudyataḥ cacāra kānanaṁ sarvaṁ vidūre śoṇabhūbhṛtaḥ

इधर महावीर्यशाली महिष, शिकार करने के लिए उद्यत होकर, शोणभूभृत् से बहुत दूर सम्पूर्ण वन में विचरण करने लगा।

श्लोक 35 (skanda.1.111.35)

दैत्यसैन्यसमायुक्तो मृगयूथान्यनेकशः । वनेषु निघ्नस्तरसा विचचाराशु भक्षयन्

daityasainyasamāyukto mṛgayūthānyanekaśaḥ vaneṣu nighnastarasā vicacārāśu bhakṣayan

दैत्य-सेना से युक्त, वह अनेक मृग-यूथों को वनों में वेगपूर्वक मारकर, शीघ्र ही उन्हें खाता हुआ विचरण करने लगा।

श्लोक 36 (skanda.1.111.36)

धन्विभिर्बलिभिर्वीरैर्मृगाः केचिदनुद्रुताः । भयार्त्ताः परिधावंतः प्राविशंस्तं तथाश्रमम्

dhanvibhirbalibhirvīrairmṛgāḥ kecidanudrutāḥ bhayārttāḥ paridhāvaṁtaḥ prāviśaṁstaṁ tathāśramam

धनुर्धारी, बलशाली वीरों द्वारा पीछा किए गए कुछ मृग, भय से पीड़ित होकर दौड़ते हुए उस आश्रम में प्रविष्ट हुए।

श्लोक 37 (skanda.1.111.37)

अनुव्रजन्तो दितिजा मृगांस्तान्हंतुमुद्यताः । वारिता बटुकैर्वीरैर्मा यातात्रेति सत्वरैः

anuvrajanto ditijā mṛgāṁstānhaṁtumudyatāḥ vāritā baṭukairvīrairmā yātātreti satvaraiḥ

उन मृगों का पीछा करते हुए, उन्हें मारने के लिए उद्यत हुए दैत्य-गण, वीर बटुकों द्वारा शीघ्रता से रोक दिए गए — 'यहाँ मत जाओ' कहकर।

श्लोक 38 (skanda.1.111.38)

किमत्रेति तदा पृष्टा बटुका दुष्टदानवैः । तपस्यति वरारोहा कन्यात्रेत्याहुरंजसा

kimatreti tadā pṛṣṭā baṭukā duṣṭadānavaiḥ tapasyati varārohā kanyātretyāhuraṁjasā

'यहाँ क्या है?' — यह दुष्ट दानवों द्वारा पूछे जाने पर, बटुकों ने तत्काल कहा — 'यहाँ एक सुन्दर कन्या तप कर रही है।'

श्लोक 39 (skanda.1.111.39)

न केनचित्प्रवेष्टव्यं बलिना मुनिसेवितम् । तपःस्थानमिदं देव्याः शरणागतरक्षकम्

na kenacitpraveṣṭavyaṁ balinā munisevitam tapaḥsthānamidaṁ devyāḥ śaraṇāgatarakṣakam

किसी भी बलशाली को यहाँ प्रवेश नहीं करना चाहिए; यह मुनियों द्वारा सेवित, देवी का तप-स्थान, शरणागतों का रक्षक है।

श्लोक 40 (skanda.1.111.40)

इति तेषां वचः श्रुत्वा बलिनो दुष्टदानवाः । तथेति विनिवृत्त्याशु कर्त्तव्यं समचिंतयन्

iti teṣāṁ vacaḥ śrutvā balino duṣṭadānavāḥ tatheti vinivṛttyāśu karttavyaṁ samaciṁtayan

उनके इस वचन को सुनकर, बलशाली दुष्ट दानव 'तथास्तु' कहकर लौट पड़े, और शीघ्र ही आगे क्या करना है, यह सोचने लगे।

श्लोक 41 (skanda.1.111.41)

मायया पक्षिरूपास्ते प्रविश्याश्रममादरात् । आरामवृक्षशाखासु निषेदुः खादिहेक्षितुम्

māyayā pakṣirūpāste praviśyāśramamādarāt ārāmavṛkṣaśākhāsu niṣeduḥ khādihekṣitum

माया से पक्षी-रूप धारण करके, वे आश्रम में आदरपूर्वक प्रविष्ट होकर, उद्यान के वृक्षों की शाखाओं पर बैठकर उसे देखने लगे।

श्लोक 42 (skanda.1.111.42)

सा पुनर्ल्लसितारण्ये सर्वर्तुकुसुमान्विते । तपस्यन्ती तदा दृष्टा माया दैत्यस्य सैनिकैः

sā punarllasitāraṇye sarvartukusumānvite tapasyantī tadā dṛṣṭā māyā daityasya sainikaiḥ

सब ऋतुओं के पुष्पों से युक्त उस सुन्दर वन में तप करती हुई उसे, दैत्य के सैनिकों ने माया से तब देखा।

श्लोक 43 (skanda.1.111.43)

रूपलावण्यते तस्या निश्चयं तपसि स्थितम् । वीक्ष्य ते विस्मयोपेता गत्वा तस्मै न्यवेदयन्

rūpalāvaṇyate tasyā niścayaṁ tapasi sthitam vīkṣya te vismayopetā gatvā tasmai nyavedayan

उसके रूप-लावण्य और तप में स्थित उसके निश्चय को देखकर, विस्मय से भरे वे जाकर उससे (महिष से) निवेदन करने लगे।

श्लोक 44 (skanda.1.111.44)

स स्मरार्तो वृद्धरूपः प्रविवेशाश्रमं तदा । पूजितोऽस्याः सखीभिश्च गतश्रांतिरिव स्थितः

sa smarārto vṛddharūpaḥ praviveśāśramaṁ tadā pūjito'syāḥ sakhībhiśca gataśrāṁtiriva sthitaḥ

तब कामार्त होकर वृद्ध-रूप धारण करके वह उस आश्रम में प्रविष्ट हुआ; उसकी सखियों द्वारा पूजित होकर वह मानो थकान से मुक्त होकर बैठ गया।

श्लोक 45 (skanda.1.111.45)

वृद्धोऽपृच्छत्किमर्थं तु तपोऽस्या इति तास्तथा । बाला कांतप्रसादार्थं चिरमत्र तपस्यति

vṛddho'pṛcchatkimarthaṁ tu tapo'syā iti tāstathā bālā kāṁtaprasādārthaṁ ciramatra tapasyati

उस वृद्ध ने पूछा — यह तप किसलिए है? उन्होंने कहा — यह बाला बहुत काल से पति की प्रसन्नता के लिए यहाँ तप कर रही है।

श्लोक 46 (skanda.1.111.46)

परं स बलवान्कांतो न कदापि प्रसीदति । कार्यं विवाहसमये मनोरथं यथोचितम्

paraṁ sa balavānkāṁto na kadāpi prasīdati kāryaṁ vivāhasamaye manorathaṁ yathocitam

परन्तु वह बलशाली प्रियतम कभी भी प्रसन्न नहीं होता; विवाह के समय मनोरथ के अनुसार जो कार्य होना चाहिए —

श्लोक 47 (skanda.1.111.47)

अपूर्वप्रभुणा तेन नवोपकरणं महत् । सद्योजातकुलालेन सद्यः सृष्टैर्विपाचितैः

apūrvaprabhuṇā tena navopakaraṇaṁ mahat sadyojātakulālena sadyaḥ sṛṣṭairvipācitaiḥ

अभूतपूर्व स्वामी द्वारा दिए गए नए, महान् उपकरण, तत्काल उत्पन्न कुम्हार द्वारा तत्काल बनाए और पकाए गए —

श्लोक 48 (skanda.1.111.48)

भाजनरपि साद्यस्कैर्न्यस्तः पक्वैश्च शालिभिः । तादृशैः साधनैः सर्वैस्तादृशैर्द्रव्यसंचयैः

bhājanarapi sādyaskairnyastaḥ pakvaiśca śālibhiḥ tādṛśaiḥ sādhanaiḥ sarvaistādṛśairdravyasaṁcayaiḥ

तत्काल के पात्र, तत्काल पके हुए चावलों से युक्त भी रखे गए हों — ऐसे ही समस्त साधनों से, ऐसे ही द्रव्य-संचयों से।

श्लोक 49 (skanda.1.111.49)

अपूर्वदृष्टविभवैः कार्यं स्यादुपकारणम् । सिद्धे तथोपकरणेऽस्याः सद्योऽस्तु स्वयंवरः

apūrvadṛṣṭavibhavaiḥ kāryaṁ syādupakāraṇam siddhe tathopakaraṇe'syāḥ sadyo'stu svayaṁvaraḥ

अभूतपूर्व, अदृष्ट वैभवों से युक्त उपचार-कार्य किया जाना चाहिए; ऐसा उपकरण सिद्ध होते ही, उसका तत्काल स्वयंवर हो।

श्लोक 50 (skanda.1.111.50)

इति तासां वचः श्रुत्वा विहसन्महिषोऽभ्यधात् । तपःफलमहं प्राप्तः सत्यमस्या इति स्थितम् । मदीया सकलां भूतिं शृणु बाले तपस्विनि

iti tāsāṁ vacaḥ śrutvā vihasanmahiṣo'bhyadhāt tapaḥphalamahaṁ prāptaḥ satyamasyā iti sthitam madīyā sakalāṁ bhūtiṁ śṛṇu bāle tapasvini

उनके इस वचन को सुनकर, हँसता हुआ महिष बोला — तप का फल मैं ही प्राप्त हुआ हूँ, यह सत्य है — हे तपस्विनी बाला! मेरे समस्त ऐश्वर्य को सुनो।

श्लोक 51 (skanda.1.111.51)

महिषोऽहं महावीरो दैत्येन्द्रः सुरवंदितः । जगत्त्रयमिदं सर्वं मयैव परिगृह्यते

mahiṣo'haṁ mahāvīro daityendraḥ suravaṁditaḥ jagattrayamidaṁ sarvaṁ mayaiva parigṛhyate

मैं महावीर महिष हूँ, देवताओं द्वारा भी वन्दित दैत्येन्द्र; ये तीनों लोक समस्त मेरे ही द्वारा ग्रहण किए गए हैं।

श्लोक 52 (skanda.1.111.52)

अनन्यवीरसद्भावो मय्येव भुजशुष्मणा । कामरूपोस्म्यहं बाले सर्वभोगप्रदायकः

ananyavīrasadbhāvo mayyeva bhujaśuṣmaṇā kāmarūposmyahaṁ bāle sarvabhogapradāyakaḥ

मेरे अतिरिक्त अन्य किसी वीर का सद्भाव नहीं है, केवल मेरी ही भुजाओं की शक्ति से; हे बाले! मैं इच्छानुसार रूप धारण करने वाला, समस्त भोगों को देने वाला हूँ।

श्लोक 53 (skanda.1.111.53)

भज मां तव भर्त्तारं प्राणिनां तपसः फलम् । सर्वं संपादयिष्यामि कल्पवृक्षैः समाहृतैः

bhaja māṁ tava bharttāraṁ prāṇināṁ tapasaḥ phalam sarvaṁ saṁpādayiṣyāmi kalpavṛkṣaiḥ samāhṛtaiḥ

मुझे अपना पति मान लो, जो प्राणियों के तप का फल हूँ; कल्पवृक्षों को मंगवाकर मैं सब कुछ सम्पन्न कर दूँगा।

श्लोक 54 (skanda.1.111.54)

सृजामि तपसा चाहं विश्वकर्माणमादितः । कामधेनुसहस्राणि सृजामि तपसा क्षणात्

sṛjāmi tapasā cāhaṁ viśvakarmāṇamāditaḥ kāmadhenusahasrāṇi sṛjāmi tapasā kṣaṇāt

मैं तप से आदि में ही विश्वकर्मा को उत्पन्न करता हूँ, तप से क्षण भर में सहस्रों कामधेनुओं को उत्पन्न करता हूँ।

श्लोक 55 (skanda.1.111.55)

नवभिर्निधिभिः प्राप्तैः पार्श्वस्थैर्नित्यदा मम । अपेक्षितार्थसंसिद्धिः सहसैवोपपाद्यते

navabhirnidhibhiḥ prāptaiḥ pārśvasthairnityadā mama apekṣitārthasaṁsiddhiḥ sahasaivopapādyate

मेरे पास सदा रहने वाले नौ प्राप्त निधियों से, वांछित प्रयोजन की सिद्धि तत्काल ही सम्पन्न हो जाती है।

श्लोक 56 (skanda.1.111.56)

इति तस्य वचः श्रुत्वा स्मृतदेवाभवत्क्रमात् । विसृज्य मौनं शनकैर्विहसंती तमब्रवीत्

iti tasya vacaḥ śrutvā smṛtadevābhavatkramāt visṛjya maunaṁ śanakairvihasaṁtī tamabravīt

उसके इस वचन को सुनकर, क्रमशः देवताओं का स्मरण करते हुए, वह मौन त्यागकर धीरे-धीरे हँसती हुई उससे बोली।

श्लोक 57 (skanda.1.111.57)

अहं बलवतो भार्या भविष्यामि तपश्चिरम् । करोमि यद्यसि बली बलं दर्शय मे निजम्

ahaṁ balavato bhāryā bhaviṣyāmi tapaściram karomi yadyasi balī balaṁ darśaya me nijam

मैं बलवान् की पत्नी बनूँगी, बहुत काल से यही तप है; यदि तुम बलवान् हो तो अपना बल दिखाओ, मैं वैसा ही करूँगी।

श्लोक 58 (skanda.1.111.58)

विरच स्त्रीस्वभावं स्वं श्रुत्वा तद्वाक्यमुत्थितम् । हते कोयमिति क्रोधान्ननर्द महिषासुरः

viraca strīsvabhāvaṁ svaṁ śrutvā tadvākyamutthitam hate koyamiti krodhānnanarda mahiṣāsuraḥ

अपनी स्त्री-प्रकृति को छोड़कर, उसके इस उठे हुए वचन को सुनकर, 'यह कौन है जो मारा जाना चाहता है' कहकर महिषासुर क्रोध से दहाड़ उठा।

श्लोक 59 (skanda.1.111.59)

जिघृक्षतं समायांतं वीक्ष्य तं महिषासुरम् । अभूद्दुरासदा दुर्गा कन्या सा ज्वलनाकृतिः

jighṛkṣataṁ samāyāṁtaṁ vīkṣya taṁ mahiṣāsuram abhūddurāsadā durgā kanyā sā jvalanākṛtiḥ

उस पकड़ने के लिए आगे बढ़ते महिषासुर को देखकर, वह कन्या दुर्गम, अजेय दुर्गा, ज्वाला-सी आकृति वाली हो गई।

श्लोक 60 (skanda.1.111.60)

महामायां समालोक्य ज्वलंती पुरतः स्थिताम् । स्वयं स महिषाकारो ववृधे मेरुसन्निभः

mahāmāyāṁ samālokya jvalaṁtī purataḥ sthitām svayaṁ sa mahiṣākāro vavṛdhe merusannibhaḥ

अपने सामने खड़ी उस जलती हुई महामाया को देखकर, वह स्वयं भी मेरु के समान महिष-रूप में बढ़ गया।

श्लोक 61 (skanda.1.111.61)

कुलभूधरशृंगाणि शृंगाभ्यां मुहुराक्षिपन् । आजुहाव निजां सेनामापूरितदिगंतराम्

kulabhūdharaśṛṁgāṇi śṛṁgābhyāṁ muhurākṣipan ājuhāva nijāṁ senāmāpūritadigaṁtarām

अपने सींगों से बार-बार कुल-पर्वतों के शिखरों को उछालते हुए, उसने दिशाओं के अन्तराल को भर देने वाली अपनी सेना को बुलाया।

श्लोक 62 (skanda.1.111.62)

अथ ब्रह्ममुखा देवाः प्रणम्य विविधायुधैः । पूजयामासुरात्मीयैर्दुर्गां कालाग्निरूपिणीम्

atha brahmamukhā devāḥ praṇamya vividhāyudhaiḥ pūjayāmāsurātmīyairdurgāṁ kālāgnirūpiṇīm

तब ब्रह्मा प्रमुख देवताओं ने प्रणाम करके, अपने-अपने विविध आयुधों से, काल-अग्नि-रूपिणी दुर्गा की पूजा की।

श्लोक 63 (skanda.1.111.63)

पंचहेतीर्हरिः प्रादाद्दश चापि सदाशिवः । ब्रह्मा चतस्रश्च तदा तस्यै मायातिरोहिताः

paṁcahetīrhariḥ prādāddaśa cāpi sadāśivaḥ brahmā catasraśca tadā tasyai māyātirohitāḥ

विष्णु ने पाँच अस्त्र प्रदान किए, सदाशिव ने भी दस, ब्रह्मा ने चार — तब वे उसमें माया से छिपा दिए गए।

श्लोक 64 (skanda.1.111.64)

दिक्पालाश्च सुराश्चान्ये पर्वताश्च पयोधयः । स्वीयैराभरणैः शस्त्रैरधृष्यास्तामपूजयन्

dikpālāśca surāścānye parvatāśca payodhayaḥ svīyairābharaṇaiḥ śastrairadhṛṣyāstāmapūjayan

दिक्पाल, अन्य देवता, पर्वत और समुद्र भी, अपने-अपने आभूषणों और शस्त्रों से, उस अजेय देवी की पूजा करने लगे।

श्लोक 65 (skanda.1.111.65)

माया सा बहुभिर्हस्तैर्ज्वलदायुधसंचयैः । आबद्धकवचा तूर्णं दुर्गाभूत्सिंहवाहना

māyā sā bahubhirhastairjvaladāyudhasaṁcayaiḥ ābaddhakavacā tūrṇaṁ durgābhūtsiṁhavāhanā

वह माया, अनेक हाथों से जलते हुए शस्त्र-समूहों को धारण किए हुए, कवच बाँधकर, तत्काल सिंह-वाहना दुर्गा बन गई।

श्लोक 66 (skanda.1.111.66)

आपूरितदिशाभोगा तेजस्तत्सोढुमक्षमः । दुर्गाया घोरमालोक्य महिषस्तु पलायितः

āpūritadiśābhogā tejastatsoḍhumakṣamaḥ durgāyā ghoramālokya mahiṣastu palāyitaḥ

दिशाओं को भर देने वाले उस तेज को सहन करने में असमर्थ होकर, दुर्गा के उस भयंकर रूप को देखकर, महिष भाग खड़ा हुआ।

श्लोक 67 (skanda.1.111.67)

अथ तेजो निजं घोरं प्रज्वलत्सोढुमक्षमम् । पलायमानमालोक्य महिषं सा व्यचिंतयत्

atha tejo nijaṁ ghoraṁ prajvalatsoḍhumakṣamam palāyamānamālokya mahiṣaṁ sā vyaciṁtayat

तब अपने ही उस भयंकर, प्रज्वलित, असहनीय तेज को छोड़कर भागते हुए महिष को देखकर, उसने यह विचार किया।

श्लोक 68 (skanda.1.111.68)

उपायेन निहंतव्यो दुष्टोऽयं महिषासुरः । मदपूर्वं निवृत्यंते मृगा मृगयुभिर्वने

upāyena nihaṁtavyo duṣṭo'yaṁ mahiṣāsuraḥ madapūrvaṁ nivṛtyaṁte mṛgā mṛgayubhirvane

इस दुष्ट महिषासुर को उपाय से ही मारा जाना चाहिए; जैसे मृग-यूथों को वन में शिकारी पहले मद के बिना ही वापस लौटा देते हैं।

श्लोक 69 (skanda.1.111.69)

दूतोक्तिभिः समाकृष्य मृद्वीभिर्मर्मवृत्तिभिः । कोपमस्य समुद्भाव्य करिष्येभिमुखं क्षणात्

dūtoktibhiḥ samākṛṣya mṛdvībhirmarmavṛttibhiḥ kopamasya samudbhāvya kariṣyebhimukhaṁ kṣaṇāt

दूत की कोमल, मर्म को छूने वाली बातों से उसे खींचकर, उसके क्रोध को उभारकर, मैं उसे क्षण भर में सम्मुख कर दूँगी।

श्लोक 70 (skanda.1.111.70)

अधर्मवृत्तियुक्तानां धर्मवाक्यपरिश्रवात् । कोपः समुद्भवेत्सद्यः स्वजीवक्षयकारणम्

adharmavṛttiyuktānāṁ dharmavākyapariśravāt kopaḥ samudbhavetsadyaḥ svajīvakṣayakāraṇam

अधर्म में स्थित लोगों में धर्म के वचनों को सुनने से क्रोध तत्काल उत्पन्न होता है, जो उनके ही जीवन के नाश का कारण बन जाता है।

श्लोक 71 (skanda.1.111.71)

अथवा धर्मबुद्धिस्सन्यदि शांतो भविष्यति । तदा हितोपदेशेन धर्मलोपो न संभवेत्

athavā dharmabuddhissanyadi śāṁto bhaviṣyati tadā hitopadeśena dharmalopo na saṁbhavet

अथवा, यदि उसकी धर्म-बुद्धि शान्त हो जाए, तो हितकारी उपदेश से धर्म का लोप नहीं होगा।

श्लोक 72 (skanda.1.111.72)

तपस्यद्भिः सदा कार्यः कोपत्यागः फलान्वितः । धर्महानिर्न सोढव्या तत्कोपो हि तपः परम्

tapasyadbhiḥ sadā kāryaḥ kopatyāgaḥ phalānvitaḥ dharmahānirna soḍhavyā tatkopo hi tapaḥ param

तपस्वियों को सदा फलयुक्त क्रोध-त्याग ही करना चाहिए; परन्तु धर्म की हानि सहन नहीं की जानी चाहिए — वह क्रोध ही तो परम तप है।

श्लोक 73 (skanda.1.111.73)

इति संचिंत्य सा गौरी नाम्ना सुरगुरुं मुनिम् । संकल्प्य वानरमुखं प्राहिणोदसुरं प्रति

iti saṁciṁtya sā gaurī nāmnā suraguruṁ munim saṁkalpya vānaramukhaṁ prāhiṇodasuraṁ prati

ऐसा विचार करके गौरी ने देवगुरु के नाम से एक मुनि की रचना की, जिसका मुख वानर का था, और उसे असुर के पास भेजा।

श्लोक 74 (skanda.1.111.74)

गच्छ त्वं मायया युक्तो महर्षे वानरानन । महिषं बोधयित्वा च वचनं शीघ्रमाव्रज

gaccha tvaṁ māyayā yukto maharṣe vānarānana mahiṣaṁ bodhayitvā ca vacanaṁ śīghramāvraja

जाओ, तुम माया से युक्त, हे वानर-मुख महर्षे! महिष को समझाकर, तुरन्त उसके वचन को लेकर लौट आओ।

श्लोक 75 (skanda.1.111.75)

मैव त्वमरुणाद्रीशमुपपीडय दुर्मते । अत्र दुर्मनसां वीर्यमदृश्यं भवति क्षणात्

maiva tvamaruṇādrīśamupapīḍaya durmate atra durmanasāṁ vīryamadṛśyaṁ bhavati kṣaṇāt

हे दुर्बुद्धे! अरुणाद्रीश को मत सताओ; यहाँ दुर्मति जनों का बल क्षण भर में अदृश्य हो जाता है।

श्लोक 76 (skanda.1.111.76)

न कलेरुपतापोऽत्र नासुरैरपि पीडनम् । न साहसं च शुभदं शिवभक्तिमतामपि

na kalerupatāpo'tra nāsurairapi pīḍanam na sāhasaṁ ca śubhadaṁ śivabhaktimatāmapi

यहाँ काल की भी पीड़ा नहीं होती, न असुरों से भी कोई पीड़ा; और साहस भी शिव-भक्तों के लिए शुभदायक नहीं है।

श्लोक 77 (skanda.1.111.77)

पूर्वजन्मकृतैः पुण्यैर्लब्धवीर्यमहोदयः । मा त्वं शोणाचलेशाग्नौ शलभत्वं भजासुर

pūrvajanmakṛtaiḥ puṇyairlabdhavīryamahodayaḥ mā tvaṁ śoṇācaleśāgnau śalabhatvaṁ bhajāsura

पूर्व जन्म में किए गए पुण्यों से प्राप्त तुम्हारा वीर्य-उदय — हे असुर! तुम शोणाचलेश की अग्नि में टिड्डी-भाव को मत प्राप्त हो।

श्लोक 78 (skanda.1.111.78)

शिवेन दत्ता विभवास्तव पूर्वतपोबलात् । दह्येरन्यत्र तरसा दाववह्नौ यथा द्रुमाः

śivena dattā vibhavāstava pūrvatapobalāt dahyeranyatra tarasā dāvavahnau yathā drumāḥ

शिव द्वारा तुम्हें दिए गए वैभव, पूर्व तप के बल से प्राप्त, अन्यत्र भी उसी वेग से जल सकते हैं, जैसे दावाग्नि में वृक्ष जल जाते हैं।

श्लोक 79 (skanda.1.111.79)

अत्र धर्मात्मनां वासः शिवभक्तिमतां सदा । परपीडाप्रसक्तानां भवेद्रोगशतावृतः

atra dharmātmanāṁ vāsaḥ śivabhaktimatāṁ sadā parapīḍāprasaktānāṁ bhavedrogaśatāvṛtaḥ

यहाँ सदा धर्मात्माओं और शिव-भक्तों का ही निवास है; दूसरों को पीड़ा देने में लगे हुए जनों के लिए यह सैकड़ों रोगों से घिरा हुआ बन जाता है।

श्लोक 80 (skanda.1.111.80)

ऐश्वर्य्यमतुलं प्राप्तो बलमन्यद्दुरासदम् । किमर्थं स्वल्पबुद्धिः सन्स्वदोषैर्नाशमेष्यसि

aiśvaryyamatulaṁ prāpto balamanyaddurāsadam kimarthaṁ svalpabuddhiḥ sansvadoṣairnāśameṣyasi

अनुपम ऐश्वर्य और दुर्लभ अन्य बल पाकर, अल्प-बुद्धि होकर, तुम अपने ही दोषों से किसलिए नाश को प्राप्त होओगे?

श्लोक 81 (skanda.1.111.81)

मया कन्या पुनर्दृष्टा विशेषादबला मता । अंतर्गतोरुणाद्रीश एतस्मात्सा विशिष्यते

mayā kanyā punardṛṣṭā viśeṣādabalā matā aṁtargatoruṇādrīśa etasmātsā viśiṣyate

इस कन्या को मैंने पुनः देखा, वह विशेष रूप से दुर्बल स्त्री नहीं मानी जाती; क्योंकि उसके भीतर अरुणाद्रीश स्थित हैं, इसीलिए वह इससे भी विशिष्ट है।

श्लोक 82 (skanda.1.111.82)

अथवा युक्तिभेदैस्त्वं शास्त्रैर्वा शिवसंमतैः । अनिग्राह्यमनोवृत्तिरात्मसैन्यं समानय

athavā yuktibhedaistvaṁ śāstrairvā śivasaṁmataiḥ anigrāhyamanovṛttirātmasainyaṁ samānaya

अथवा, विविध युक्तियों से अथवा शिव-सम्मत शास्त्रों से, तुम अपनी दुर्निवार्य मनोवृत्ति वाली सेना को यहाँ ले आओ।

श्लोक 83 (skanda.1.111.83)

येन लोकान्समस्तांस्त्वं बाधसे बलगर्वितः । तत्सैन्यं तव वृद्धं च क्षणाद्धक्ष्यामि तेजसा

yena lokānsamastāṁstvaṁ bādhase balagarvitaḥ tatsainyaṁ tava vṛddhaṁ ca kṣaṇāddhakṣyāmi tejasā

जिससे बल पर गर्वित होकर तुम समस्त लोकों को पीड़ित करते हो, तुम्हारी उस विशाल सेना को मैं क्षण भर में अपने तेज से भस्म कर दूँगी।

श्लोक 84 (skanda.1.111.84)

आनीय सकलं सैन्यमग्रे स्थापय सायुधम् । सद्यस्त्वात्मबलैः सृष्टेः संहरिष्यामि तत्क्षणात्

ānīya sakalaṁ sainyamagre sthāpaya sāyudham sadyastvātmabalaiḥ sṛṣṭeḥ saṁhariṣyāmi tatkṣaṇāt

समस्त सेना को शस्त्रों सहित लाकर मेरे सामने खड़ी करो; अपनी ही शक्तियों से मैं इस सृष्टि को उसी क्षण संहार कर दूँगी।

श्लोक 85 (skanda.1.111.85)

मच्छस्त्र परिकृत्तस्य ससैन्यस्य तवायुषः । मुक्तिरत्रैव भविता को जानाति शिवेहितम्

macchastra parikṛttasya sasainyasya tavāyuṣaḥ muktiratraiva bhavitā ko jānāti śivehitam

मेरे शस्त्र से कटी हुई, सेना सहित तुम्हारी आयु की मुक्ति यहीं होगी; कौन जानता है कि शिव का अभिप्राय क्या है?

श्लोक 86 (skanda.1.111.86)

वार्यमाणोऽपि पूर्वेण कर्मणा प्रेरितो जनः । अवशः कर्म कुरुते भुंक्ते च सदृशं फलम्

vāryamāṇo'pi pūrveṇa karmaṇā prerito janaḥ avaśaḥ karma kurute bhuṁkte ca sadṛśaṁ phalam

रोका जाने पर भी, पूर्व कर्म से प्रेरित मनुष्य विवश होकर कर्म करता है, और उसके अनुरूप ही फल भोगता है।

श्लोक 87 (skanda.1.111.87)

त्वयापि करुणावाक्यं वक्तव्यं किल भूरिभिः । अकार्यविनिवृत्त्यर्थं नित्यधर्मानुपालने

tvayāpi karuṇāvākyaṁ vaktavyaṁ kila bhūribhiḥ akāryavinivṛttyarthaṁ nityadharmānupālane

फिर भी, नित्य धर्म के पालन में, अकार्य से निवृत्ति के लिए, तुम्हें भी अनेक करुणा-भरे वचन ही कहने चाहिए।

श्लोक 88 (skanda.1.111.88)

इति गौर्या समादिष्टा वाचं कपिमुखो मुनिः । दूतः सन्सर्वमाचष्ट महिषस्याग्रतः स्थितः

iti gauryā samādiṣṭā vācaṁ kapimukho muniḥ dūtaḥ sansarvamācaṣṭa mahiṣasyāgrataḥ sthitaḥ

इस प्रकार गौरी द्वारा आदेशित वचन को लेकर, वानर-मुख मुनि, दूत बनकर, महिष के सामने खड़े होकर सब कुछ कहने लगे।

श्लोक 89 (skanda.1.111.89)

सोऽपि सर्वं समाकर्ण्य क्रोधवेगसमाकुलः । तं भक्षयितुमारेभे सोपि मायाबलाद्ययौ

so'pi sarvaṁ samākarṇya krodhavegasamākulaḥ taṁ bhakṣayitumārebhe sopi māyābalādyayau

वह भी यह सब सुनकर, क्रोध के वेग से व्याकुल होकर, उसे खा जाने के लिए उद्यत हुआ; वह भी माया के बल से चला गया।

श्लोक 90 (skanda.1.111.90)

अथ सैन्यं निजं सर्वं समाहूय दुराशयः । सन्नद्धं सायुधं योद्धुमादिशल्लोकभीषणम्

atha sainyaṁ nijaṁ sarvaṁ samāhūya durāśayaḥ sannaddhaṁ sāyudhaṁ yoddhumādiśallokabhīṣaṇam

तब उस दुष्ट-हृदय वाले ने अपनी समस्त सेना को बुलाकर, शस्त्रों सहित सज्जित होकर, लोकों को भयभीत करने वाले युद्ध का आदेश दिया।

श्लोक 91 (skanda.1.111.91)

युगांतसमयोद्वेलचतुरर्णवसंनिभम् । सैन्यानां सैन्यमतुलं शोणाद्रिं पर्यवेष्टयत्

yugāṁtasamayodvelacaturarṇavasaṁnibham sainyānāṁ sainyamatulaṁ śoṇādriṁ paryaveṣṭayat

युगान्त के समय उमड़ते चारों समुद्रों के समान, सेनाओं की वह अनुपम सेना शोणाद्रि को घेर लिया।

श्लोक 92 (skanda.1.111.92)

अथ गौरी समालोक्य दैत्यानां सैन्यमद्भुतम् । ससर्ज तैजसाञ्शूरान्घोरान्भूतगणान्बहून्

atha gaurī samālokya daityānāṁ sainyamadbhutam sasarja taijasāñśūrānghorānbhūtagaṇānbahūn

तब दैत्यों की उस अद्भुत सेना को देखकर, गौरी ने तेजोमय, शूरवीर, भयंकर भूत-गणों को अनेक प्रकार से रचा।

श्लोक 93 (skanda.1.111.93)

एकपादाक्षिचरणा लंबकर्णपयोधराः । पाणिपादशिरःकुक्षिवक्त्राः केचिद्विनिर्गताः

ekapādākṣicaraṇā laṁbakarṇapayodharāḥ pāṇipādaśiraḥkukṣivaktrāḥ kecidvinirgatāḥ

एक-पद, एक-नेत्र, एक-चरण वाले, लटकते कानों और स्तनों वाले, हाथों-पैरों-सिर-पेट-मुखों से युक्त, कुछ प्रकट हुए —

श्लोक 94 (skanda.1.111.94)

अहं ग्रसामि सकलमपर्याप्तमिदं मम । अहमेव हनिष्यामि दैत्यसैन्यमशेषतः

ahaṁ grasāmi sakalamaparyāptamidaṁ mama ahameva haniṣyāmi daityasainyamaśeṣataḥ

'मैं ही सबको निगल जाऊँगा, यह मेरे लिए पर्याप्त नहीं है'; 'मैं ही अकेला दैत्य-सेना का सम्पूर्ण नाश करूँगा।'

श्लोक 95 (skanda.1.111.95)

किं त्वयात्र पुनः कार्यं वीक्ष्य त्वं तिष्ठ केवलम् । अहमेवात्र योत्स्यामीत्यभाषंत परस्परम्

kiṁ tvayātra punaḥ kāryaṁ vīkṣya tvaṁ tiṣṭha kevalam ahamevātra yotsyāmītyabhāṣaṁta parasparam

'तुम्हें यहाँ फिर क्या करना है? तुम केवल देखते हुए खड़े रहो; मैं ही यहाँ युद्ध करूँगा' — इस प्रकार वे परस्पर बोलने लगे।

श्लोक 96 (skanda.1.111.96)

तेषां कथयतां शंखं गणानां योगिनीगणैः । अधमत्सा भगवती हंतुं तद्दैत्यमंडलम्

teṣāṁ kathayatāṁ śaṁkhaṁ gaṇānāṁ yoginīgaṇaiḥ adhamatsā bhagavatī haṁtuṁ taddaityamaṁḍalam

इस प्रकार बात करते हुए उन गणों के, योगिनी-समूहों सहित, शंख को उस भगवती ने बजाया, उस दैत्य-मण्डल को नष्ट करने के लिए।

श्लोक 97 (skanda.1.111.97)

आलोक्य तां तथारूपामापतंस्तस्य सैनिकाः । दर्शयंतः स्ववीर्याणि स्वामिनोग्रे धृतायुधाः

ālokya tāṁ tathārūpāmāpataṁstasya sainikāḥ darśayaṁtaḥ svavīryāṇi svāminogre dhṛtāyudhāḥ

उस रूप में उसे देखकर, उसके सैनिक आगे बढ़े, अपने स्वामी के सामने अपने-अपने पराक्रम को दिखाते हुए, शस्त्र धारण किए।

श्लोक 98 (skanda.1.111.98)

ववृषुः शस्त्रवर्षाणि दैत्याः प्रतिदिगन्तरम् । बाणैः कार्मुकनिर्मुक्तैस्तानि सा तु न्यवारयत्

vavṛṣuḥ śastravarṣāṇi daityāḥ pratidigantaram bāṇaiḥ kārmukanirmuktaistāni sā tu nyavārayat

दैत्यों ने चारों दिशाओं में शस्त्रों की वर्षा की; उन्हें उसने धनुष से छोड़े हुए बाणों द्वारा रोक दिया।

श्लोक 99 (skanda.1.111.99)

रथानां वारणेंद्राणां हयानां लक्षकोटिभिः । युयुधुर्भूतवेताला देव्या सृष्टास्तु दुर्जयाः

rathānāṁ vāraṇeṁdrāṇāṁ hayānāṁ lakṣakoṭibhiḥ yuyudhurbhūtavetālā devyā sṛṣṭāstu durjayāḥ

करोड़ों-लाखों रथों, गजराजों और घोड़ों के साथ, देवी द्वारा रचे गए अजेय भूत-वेताल युद्ध करने लगे।

श्लोक 100 (skanda.1.111.100)

मातरो विविधाकारा डाकिन्यो योगिनीगणाः । सृष्टाश्च तेजसा भूयः पिशाचाः प्रेतराक्षसाः

mātaro vividhākārā ḍākinyo yoginīgaṇāḥ sṛṣṭāśca tejasā bhūyaḥ piśācāḥ pretarākṣasāḥ

विविध रूपों वाली मातृकाएँ, डाकिनियाँ, योगिनी-समूह, और उसके तेज से पिशाच, प्रेत, राक्षस भी पुनः रचे गए।

श्लोक 101 (skanda.1.111.101)

देव्या सृष्टेन सैन्येन दुर्जयेन महासुराः । भक्षिताश्चूर्णिता भिन्ना दारिता निहताः क्षणात्

devyā sṛṣṭena sainyena durjayena mahāsurāḥ bhakṣitāścūrṇitā bhinnā dāritā nihatāḥ kṣaṇāt

देवी द्वारा रचित उस अजेय सेना से महान् असुर क्षण भर में खाए गए, चूर्ण किए गए, भेदे गए, फाड़े गए, मारे गए।

श्लोक 102 (skanda.1.111.102)

देवी च सायुधा दृष्टा ज्वलंती निहतासुरैः । नृत्यद्भूतगणैर्भुक्तै रक्तैर्मांसैश्च तोषितैः

devī ca sāyudhā dṛṣṭā jvalaṁtī nihatāsuraiḥ nṛtyadbhūtagaṇairbhuktai raktairmāṁsaiśca toṣitaiḥ

मारे गए असुरों से युक्त, नाचते हुए भूत-गणों से, जो मांस और रक्त खाकर तृप्त थे, प्रसन्न, ज्वलंत, शस्त्र-धारिणी देवी दिखाई दीं।

श्लोक 103 (skanda.1.111.103)

यदा कैलासशिखरात्प्राप्ता कर्त्तुं तपो भुवम् । तदा समागताः काश्चिन्मातृका देहगुप्तये

yadā kailāsaśikharātprāptā karttuṁ tapo bhuvam tadā samāgatāḥ kāścinmātṛkā dehaguptaye

जब वह कैलास शिखर से तप के लिए इस पृथ्वी पर आई थीं, तब कुछ मातृकाएँ उनके शरीर की रक्षा के लिए आई थीं।

श्लोक 104 (skanda.1.111.104)

दुंदुभिः सत्यवत्याख्या तथा चान्तवती परा । सुंदरीति चतस्रस्ता अन्वयुः परिचारिकाः

duṁdubhiḥ satyavatyākhyā tathā cāntavatī parā suṁdarīti catasrastā anvayuḥ paricārikāḥ

दुन्दुभि, सत्यवती नाम की, तथा दूसरी अन्तवती, और सुन्दरी — ये चारों परिचारिकाएँ उनके पीछे आई थीं।

श्लोक 105 (skanda.1.111.105)

देव्या सृष्टा च चामुंडा दंष्ट्रावलयभीपणा । दैत्यकृत्तिवसा मांसरक्ततृप्ता चचार सा

devyā sṛṣṭā ca cāmuṁḍā daṁṣṭrāvalayabhīpaṇā daityakṛttivasā māṁsaraktatṛptā cacāra sā

देवी द्वारा रची गई चामुण्डा, दाढ़ों की पंक्ति से भयंकर, दैत्य की खाल से आवृत, मांस-रक्त से तृप्त होकर विचरण करने लगी।

श्लोक 106 (skanda.1.111.106)

असुरं कंचिदाक्रम्य नटनं सा चकार ह

asuraṁ kaṁcidākramya naṭanaṁ sā cakāra ha

किसी असुर पर चढ़कर उसने नृत्य किया।

श्लोक 107 (skanda.1.111.107)

अथ तां समवेक्ष्य दुर्मदो हि ज्वलयामास च कोपवह्निना सः । अतितीव्रविवृत्तभीष्मनेत्रश्रुतिशृंगाग्रविभिन्नमेघजालः

atha tāṁ samavekṣya durmado hi jvalayāmāsa ca kopavahninā saḥ atitīvravivṛttabhīṣmanetraśrutiśṛṁgāgravibhinnameghajālaḥ

तब उसे देखकर वह उन्मत्त, अत्यन्त तीव्र और उग्र नेत्रों वाला, कान और सींग की नोक से मेघ-समूहों को छिन्न करता हुआ, क्रोध-अग्नि से जल उठा।

श्लोक 108 (skanda.1.111.108)

ज्वलदग्निशिखाभदीर्घजिह्वापरिलीढोन्नतशैलशृंगभागः । अवनिं दलयन्खुराभिघातैरसकृत्पांसुभिरास्वनन्दिगंतान्

jvaladagniśikhābhadīrghajihvāparilīḍhonnataśailaśṛṁgabhāgaḥ avaniṁ dalayankhurābhighātairasakṛtpāṁsubhirāsvanandigaṁtān

जलती हुई अग्नि-शिखा के समान लम्बी जिह्वा से उन्नत पर्वत-शिखरों को चाटता हुआ, अपने खुरों की चोट से पृथ्वी को विदीर्ण करता, बार-बार दिशाओं को धूल से गुँजाता हुआ।

श्लोक 109 (skanda.1.111.109)

अतिघर्घर दीर्घघोरनादस्फुटदंडभ्रममोहितामरो यः । धृतवालधिदंडताड्यमानप्रतिशीर्णामितशस्त्रवर्षसंघः

atigharghara dīrghaghoranādasphuṭadaṁḍabhramamohitāmaro yaḥ dhṛtavāladhidaṁḍatāḍyamānapratiśīrṇāmitaśastravarṣasaṁghaḥ

अत्यन्त घर्घर, दीर्घ, भयंकर गर्जना से, जिसकी विस्फोटक ध्वनि की भ्रमणशीलता से देवता तक मोहित हो जाते थे, अपनी पूँछ को दण्ड-सी बनाकर उससे प्रहार करते हुए, असंख्य शस्त्रों की वर्षा को टुकड़े-टुकड़े कर देने वाला वह —

श्लोक 110 (skanda.1.111.110)

मृतये व्यगमद्बलित्रयाढ्यां मृगराजस्थितिभासुरां भवानीम्

mṛtaye vyagamadbalitrayāḍhyāṁ mṛgarājasthitibhāsurāṁ bhavānīm

तीनों लोकों की शक्ति से युक्त, सिंह-राज की स्थिति में शोभायमान भवानी को मारने के लिए वह आगे बढ़ा।