शैव-क्षेत्रों की सूची

श्लोक 1 (skanda.1.116.1)

नंदिकेश्वर उवाच । स्थानं त्वया मुने पृष्टमस्ति माहेश्वराग्रणि । चराचराणां सर्वेषां भूतानामपि शर्मणे

naṁdikeśvara uvāca sthānaṁ tvayā mune pṛṣṭamasti māheśvarāgraṇi carācarāṇāṁ sarveṣāṁ bhūtānāmapi śarmaṇe

नन्दिकेश्वर जी ने कहा — हे मुने! तुमने जो स्थान पूछा है, वह महेश्वर-भक्तों में अग्रगण्य है, समस्त चराचर प्राणियों के कल्याण के लिए है।

श्लोक 2 (skanda.1.116.2)

प्रकल्पितं हि देवेन तत्तत्कर्मानुगुण्यतः । शरीरभाजां जननं तासुतास्वपि योनिषु

prakalpitaṁ hi devena tattatkarmānuguṇyataḥ śarīrabhājāṁ jananaṁ tāsutāsvapi yoniṣu

देव द्वारा ही, उन-उन कर्मों के अनुरूप, शरीरधारियों का उन-उन योनियों में जन्म रचा गया है।

श्लोक 3 (skanda.1.116.3)

त्वया शुश्रुषितं तेषां हिताय महते ह्यलम् । अन्यथा संसृतेर्हानिः कल्पकोटिशतैर्नहि

tvayā śuśruṣitaṁ teṣāṁ hitāya mahate hyalam anyathā saṁsṛterhāniḥ kalpakoṭiśatairnahi

तुमने उनके महान् हित के लिए यह भलीभाँति सुना है; अन्यथा सैकड़ों करोड़ों कल्पों में भी संसार से मुक्ति नहीं मिलती।

श्लोक 4 (skanda.1.116.4)

स्वल्पैर्हि कर्मभिर्ज्ञानैरपि प्राप्ता पुनःपुनः । घटीयंत्रनयाज्जन्ममरणे नैव शाम्यतः

svalpairhi karmabhirjñānairapi prāptā punaḥpunaḥ ghaṭīyaṁtranayājjanmamaraṇe naiva śāmyataḥ

अल्प कर्मों और ज्ञान से भी बार-बार प्राप्त होकर, घटी-यन्त्र की गति के समान, जन्म और मृत्यु कभी शान्त नहीं होते।

श्लोक 5 (skanda.1.116.5)

कथं नु विरतो देही गर्भमोकसमागमात् । विश्रांतये प्रकल्पेत विशुद्धज्ञानतो विना

kathaṁ nu virato dehī garbhamokasamāgamāt viśrāṁtaye prakalpeta viśuddhajñānato vinā

गर्भ और घर के संयोग से विरत हुआ देही, विशुद्ध ज्ञान के बिना, विश्राम के लिए भला कैसे समर्थ हो सकता है?

श्लोक 6 (skanda.1.116.6)

प्रदेशाः कथिताः पूर्वं प्रसंगवशतो मया । ऋषिभेदादिकं तेषु निवासः कृत्तिवाससः

pradeśāḥ kathitāḥ pūrvaṁ prasaṁgavaśato mayā ṛṣibhedādikaṁ teṣu nivāsaḥ kṛttivāsasaḥ

प्रसंगवश मैंने पहले प्रदेशों को बताया, उनमें ऋषियों के भेद आदि और कृत्तिवास (शिव) का निवास भी बताया।

श्लोक 7 (skanda.1.116.7)

केचित्तीरेषु गंगायाः केचित्सारस्वते तटे । कालिंदीतीरयोरन्ये कतिचिच्छोणरोधसि

kecittīreṣu gaṁgāyāḥ kecitsārasvate taṭe kāliṁdītīrayoranye katicicchoṇarodhasi

कुछ गंगा के तटों पर, कुछ सारस्वत के तट पर, अन्य कालिन्दी के दोनों तटों पर, कुछ शोण के तट पर।

श्लोक 8 (skanda.1.116.8)

अपरे नर्मदातीरे परे गोदावरीतटे । कतिचिद्गोमतीतीरेष्वन्ये हैमवतीतटे

apare narmadātīre pare godāvarītaṭe katicidgomatītīreṣvanye haimavatītaṭe

अन्य नर्मदा के तट पर, अन्य गोदावरी के तट पर, कुछ गोमती के तटों पर, अन्य हैमवती के तट पर।

श्लोक 9 (skanda.1.116.9)

समुद्रपार्श्वेष्वितरं द्वीपेष्वन्ये सरस्वताम् । मुखेषु केचित्सिंधूनां संभेदेष्वपि केचन

samudrapārśveṣvitaraṁ dvīpeṣvanye sarasvatām mukheṣu kecitsiṁdhūnāṁ saṁbhedeṣvapi kecana

अन्य समुद्र-तटों पर, अन्य द्वीपों में, सरस्वती के मुखों में कुछ, कुछ सिन्धुओं के संगमों में भी।

श्लोक 10 (skanda.1.116.10)

कृष्णवेणीतटे केचित्तुंगभद्रांतिके परे । उपवेण्यां कतिपये परे शक्त्यापगांतिके

kṛṣṇaveṇītaṭe kecittuṁgabhadrāṁtike pare upaveṇyāṁ katipaye pare śaktyāpagāṁtike

कुछ कृष्णवेणी के तट पर, अन्य तुंगभद्रा के समीप, कुछ उपवेणी में, अन्य शक्ति-नदी के समीप।

श्लोक 11 (skanda.1.116.11)

कावेरीतीर इतरे केचिद्वेगवतीतटे । अन्ये तु ताम्रपर्ण्याश्च कतिचिन्मुरलातटे

kāverītīra itare kecidvegavatītaṭe anye tu tāmraparṇyāśca katicinmuralātaṭe

अन्य कावेरी के तट पर, कुछ वेगवती के तट पर, अन्य ताम्रपर्णी के, कुछ मुरला के तट पर।

श्लोक 12 (skanda.1.116.12)

केचिदैरावतीतीरे त्वितरे यातुकांक्षिके

kecidairāvatītīre tvitare yātukāṁkṣike

कुछ ऐरावती के तट पर, अन्य यातुकांक्षिका के तट पर।

श्लोक 13 (skanda.1.116.13)

कन्यातटेषु कतिचित्कतिचित्कुमारीतीरे परे च तमसावरुणांतिकेन्ये । मंदाकिनीसविधयोरितरे परेऽपि शिप्रातटे परिसरेषु परे सरय्वाः

kanyātaṭeṣu katicitkaticitkumārītīre pare ca tamasāvaruṇāṁtikenye maṁdākinīsavidhayoritare pare'pi śiprātaṭe parisareṣu pare sarayvāḥ

कुछ कन्या के तटों पर, कुछ कुमारी के तट पर, अन्य तमसा, अरुणा के समीप; कुछ मन्दाकिनी के समीप, अन्य शिप्रा के तट पर, कुछ सरयू के तटों पर।

श्लोक 14 (skanda.1.116.14)

विपाशाभ्याश इतरे शतद्रुतितटे परे । चर्मण्वत्युपकंठेऽन्ये केचिद्भीमरथीतटे

vipāśābhyāśa itare śatadrutitaṭe pare carmaṇvatyupakaṁṭhe'nye kecidbhīmarathītaṭe

अन्य विपाशा के समीप, अन्य शतद्रु के तट पर, कुछ चर्मण्वती के समीप, अन्य भीमरथी के तट पर।

श्लोक 15 (skanda.1.116.15)

केचिद्बिंदुसरोभ्यर्णे परे पंपासरस्तटे । अभ्यर्णकेपि भैरव्याः कतिचित्कौशिकीतटे

kecidbiṁdusarobhyarṇe pare paṁpāsarastaṭe abhyarṇakepi bhairavyāḥ katicitkauśikītaṭe

कुछ बिन्दु-सरोवर के निकट, अन्य पम्पा सरोवर के तट पर, कुछ भैरवी के निकट, अन्य कौशिकी के तट पर।

श्लोक 16 (skanda.1.116.16)

अपरे मालिनीतीरे परे गंधवतीतटे । कतिचिन्मानसोपांते केचिदच्छोदरोधसि

apare mālinītīre pare gaṁdhavatītaṭe katicinmānasopāṁte kecidacchodarodhasi

अन्य मालिनी के तट पर, अन्य गन्धवती के तट पर, कुछ मानसरोवर के निकट, कुछ अच्छोद के तट पर।

श्लोक 17 (skanda.1.116.17)

इंद्रद्युम्नसरस्यन्य एके तु मणिकर्णिके । परे तु वरदातीरे ताप्यां कतिचनापरे । पातालगंगासविधे शरावत्यंतिके परे

iṁdradyumnasarasyanya eke tu maṇikarṇike pare tu varadātīre tāpyāṁ katicanāpare pātālagaṁgāsavidhe śarāvatyaṁtike pare

कुछ इन्द्रद्युम्न-सरोवर में, अन्य मणिकर्णिका में, कुछ वरदा के तट पर, कुछ तापी में; कुछ पाताल-गंगा के समीप, अन्य शरावती के निकट।

श्लोक 18 (skanda.1.116.18)

लोहित्याकूलयोः केचित्कतिचित्कालमातटे । वितस्तोपांतिके त्वन्ये चंद्रभागांतिके परे

lohityākūlayoḥ kecitkaticitkālamātaṭe vitastopāṁtike tvanye caṁdrabhāgāṁtike pare

कुछ लोहित्य के तट पर, कुछ कालमा के तट पर, अन्य वितस्ता के समीप, अन्य चन्द्रभागा के निकट।

श्लोक 19 (skanda.1.116.19)

सुरलोपांतिके केचित्पयोष्णीतीरयोः परे । केचिन्मधुमतीतीरे केचनानु पिनाकिनीम्

suralopāṁtike kecitpayoṣṇītīrayoḥ pare kecinmadhumatītīre kecanānu pinākinīm

कुछ सुरलो के निकट, अन्य पयोष्णी के तटों पर, कुछ मधुमती के तट पर, कुछ पिनाकिनी के अनुसार।

श्लोक 20 (skanda.1.116.20)

उक्तं वाराणसीक्षेत्रं क्रोशपंचकपावनम् । देवस्तत्राविमुक्ताख्यो विशालाक्ष्या समर्चितः

uktaṁ vārāṇasīkṣetraṁ krośapaṁcakapāvanam devastatrāvimuktākhyo viśālākṣyā samarcitaḥ

कहा गया है वाराणसी-क्षेत्र, पाँच कोस तक पवित्र; वहाँ विशालाक्षी द्वारा पूजित अविमुक्त नाम वाला देव विराजते हैं।

श्लोक 21 (skanda.1.116.21)

कपालमोचनं यत्र यत्रास्ते कालभैरवः । मृतानां यत्र रुद्रत्वं काशीं विद्धि हि तां मुने

kapālamocanaṁ yatra yatrāste kālabhairavaḥ mṛtānāṁ yatra rudratvaṁ kāśīṁ viddhi hi tāṁ mune

जहाँ कपाल-मोचन तीर्थ है, जहाँ काल-भैरव विराजते हैं, जहाँ मृतों को रुद्रत्व प्राप्त होता है, हे मुने! उसे ही काशी जानो।

श्लोक 22 (skanda.1.116.22)

गयाप्रयागावपि ते कथितौ सर्वसिद्धिदौ । यत्र पिंडप्रदानेन तुष्यंति पितरः किल

gayāprayāgāvapi te kathitau sarvasiddhidau yatra piṁḍapradānena tuṣyaṁti pitaraḥ kila

गया और प्रयाग भी तुम्हें बताए गए, समस्त सिद्धि देने वाले, जहाँ पिण्ड-दान से पितर तृप्त होते हैं।

श्लोक 23 (skanda.1.116.23)

आकर्णितं च केदारं यस्मिन्महिषरूपधृक् । देवोपि च हतो देव्या सर्वश्रेयस्करो नृणाम्

ākarṇitaṁ ca kedāraṁ yasminmahiṣarūpadhṛk devopi ca hato devyā sarvaśreyaskaro nṛṇām

तुमने केदार के विषय में भी सुना, जहाँ महिष-रूप धारण किए देव को भी देवी ने मारा — मनुष्यों के सम्पूर्ण कल्याण के लिए।

श्लोक 24 (skanda.1.116.24)

सर्वसिद्धिकरं पुंसां क्षेत्रं बदरिकाश्रमम् । यत्रास्ते त्र्यंबको देव्या नरनारायणार्चितः

sarvasiddhikaraṁ puṁsāṁ kṣetraṁ badarikāśramam yatrāste tryaṁbako devyā naranārāyaṇārcitaḥ

बदरिकाश्रम क्षेत्र, पुरुषों को समस्त सिद्धि देने वाला, जहाँ नर-नारायण द्वारा पूजित त्र्यम्बक, देवी के साथ, विराजते हैं।

श्लोक 25 (skanda.1.116.25)

श्रुतं हि नैमिषं क्षेत्रं त्वया यत्र महेश्वरः । देवदेवाभिधः पुण्यो देवी सारंगधारिणी

śrutaṁ hi naimiṣaṁ kṣetraṁ tvayā yatra maheśvaraḥ devadevābhidhaḥ puṇyo devī sāraṁgadhāriṇī

तुमने नैमिष-क्षेत्र भी सुना, जहाँ पुण्य 'देवदेव' नाम वाले महेश्वर, और सारंग-धारिणी देवी हैं।

श्लोक 26 (skanda.1.116.26)

अमरेशमिति स्थानं प्रोक्तं सर्वार्थसाधकम् । ॐकारनामा तत्रेशश्चंडिकाख्या महेश्वरी

amareśamiti sthānaṁ proktaṁ sarvārthasādhakam oṁkāranāmā tatreśaścaṁḍikākhyā maheśvarī

'अमरेश' नाम वाला स्थान भी कहा गया, समस्त प्रयोजनों को सिद्ध करने वाला; वहाँ ओंकार नाम वाले ईश और चण्डिका नाम वाली महेश्वरी हैं।

श्लोक 27 (skanda.1.116.27)

पुष्कराख्यं महास्थानं श्रुतं ते कथितं मया । यत्र देवो रुजोगंधिः पुरुहूता महेश्वरी

puṣkarākhyaṁ mahāsthānaṁ śrutaṁ te kathitaṁ mayā yatra devo rujogaṁdhiḥ puruhūtā maheśvarī

'पुष्कर' नाम वाला महान् स्थान भी तुमने सुना, मेरे द्वारा कहा गया; जहाँ देव 'रुजोगन्धि' नाम वाले, और पुरुहूता महेश्वरी हैं।

श्लोक 28 (skanda.1.116.28)

आषाढीनाम ते स्थानं पावनं कथितं मया । आषाढेशो हरस्तत्र रतीशा परमेश्वरी

āṣāḍhīnāma te sthānaṁ pāvanaṁ kathitaṁ mayā āṣāḍheśo harastatra ratīśā parameśvarī

'आषाढी' नाम वाला पवित्र स्थान भी मैंने तुमसे कहा; वहाँ आषाढेश हर, और रतीशा परमेश्वरी हैं।

श्लोक 29 (skanda.1.116.29)

दंडिमुंडी समाख्यं च स्थानं ते कथितं मया । यत्र मुंडी महादेवो दंडिका परमेश्वरी

daṁḍimuṁḍī samākhyaṁ ca sthānaṁ te kathitaṁ mayā yatra muṁḍī mahādevo daṁḍikā parameśvarī

'दण्डिमुण्डी' नाम वाला स्थान भी मैंने तुमसे कहा; जहाँ मुण्डी महादेव, और दण्डिका परमेश्वरी हैं।

श्लोक 30 (skanda.1.116.30)

लाकुलंनाम ते स्थानं संशुद्धं कथितं मया । लाकुलीशो हरो यस्मिन्ननंगा सर्वमंगला

lākulaṁnāma te sthānaṁ saṁśuddhaṁ kathitaṁ mayā lākulīśo haro yasminnanaṁgā sarvamaṁgalā

'लाकुल' नाम वाला पवित्र स्थान भी मैंने कहा; जहाँ लाकुलीश हर, और अनंगा सर्वमंगला हैं।

श्लोक 31 (skanda.1.116.31)

भारभूतिरिति स्थानं भवतोऽभिहितं मया । यत्र भाराभिधः शंभुर्भूत्याख्या भूधरात्मजा

bhārabhūtiriti sthānaṁ bhavato'bhihitaṁ mayā yatra bhārābhidhaḥ śaṁbhurbhūtyākhyā bhūdharātmajā

'भारभूति' नाम वाला स्थान भी तुमसे कहा गया; जहाँ 'भार' नाम वाले शम्भु, और पर्वत-पुत्री 'भूति' नाम वाली हैं।

श्लोक 32 (skanda.1.116.32)

अरालकेश्वरं नाम स्थानं ते कथितं मया । यत्र सूक्ष्माभिधः शूली सूक्ष्माख्या शैलनंदिनी

arālakeśvaraṁ nāma sthānaṁ te kathitaṁ mayā yatra sūkṣmābhidhaḥ śūlī sūkṣmākhyā śailanaṁdinī

'अरालकेश्वर' नाम वाला स्थान भी तुमसे कहा गया; जहाँ 'सूक्ष्म' नाम वाले शूली, और शैल-नन्दिनी 'सूक्ष्मा' नाम वाली हैं।

श्लोक 33 (skanda.1.116.33)

गयानाम महाक्षेत्रं तव प्रस्तावितं मया । मंगलाख्या शिवा यत्र शंकरः प्रपितामहः

gayānāma mahākṣetraṁ tava prastāvitaṁ mayā maṁgalākhyā śivā yatra śaṁkaraḥ prapitāmahaḥ

गया नाम का महाक्षेत्र भी तुमसे बताया गया; जहाँ मंगला नाम वाली शिवा, और प्रपितामह शंकर हैं।

श्लोक 34 (skanda.1.116.34)

कुरुक्षेत्रमिति स्थानं भवते विनिवेदितम् । यत्र स्थाणुप्रिया देवी देवः स्थाणुसमाह्वयः

kurukṣetramiti sthānaṁ bhavate viniveditam yatra sthāṇupriyā devī devaḥ sthāṇusamāhvayaḥ

'कुरुक्षेत्र' नाम वाला स्थान भी तुमसे बताया गया; जहाँ स्थाणु-प्रिया देवी, और स्थाणु नाम वाले देव हैं।

श्लोक 35 (skanda.1.116.35)

उक्तं कनखलंनाम मया ते स्थानमुत्तमम् । उग्रो यत्र पुरारातिरुग्रा गिरिवरात्मजा

uktaṁ kanakhalaṁnāma mayā te sthānamuttamam ugro yatra purārātirugrā girivarātmajā

'कनखल' नाम वाला उत्तम स्थान भी मैंने कहा; जहाँ उग्र त्रिपुरारि, और उग्रा गिरिवर-पुत्री हैं।

श्लोक 36 (skanda.1.116.36)

तालकाख्यं महाक्षेत्रं मार्कंडेय मयोदितम् । देवी स्वायंभुवी यत्र स्वयंभूः परमेश्वरः

tālakākhyaṁ mahākṣetraṁ mārkaṁḍeya mayoditam devī svāyaṁbhuvī yatra svayaṁbhūḥ parameśvaraḥ

'तालक' नाम का महाक्षेत्र भी, हे मार्कण्डेय! मैंने कहा; जहाँ देवी 'स्वायम्भुवी', और परमेश्वर 'स्वयम्भू' हैं।

श्लोक 37 (skanda.1.116.37)

अट्टहासमिति प्रोक्तं महास्थानं मया तव । यत्रार्कः पूजयित्वेशमासीत्पूर्णमनोरथः

aṭṭahāsamiti proktaṁ mahāsthānaṁ mayā tava yatrārkaḥ pūjayitveśamāsītpūrṇamanorathaḥ

'अट्टहास' नाम वाला महान् स्थान भी तुमसे कहा गया; जहाँ सूर्य ने ईश की पूजा करके अपने मनोरथ को पूर्ण किया था।

श्लोक 38 (skanda.1.116.38)

कृत्तिवासाभिधं क्षेत्रमुक्तं ते वेदवित्तम । यः कैलासादपि श्लाघ्यो निवासः कृत्तिवाससः

kṛttivāsābhidhaṁ kṣetramuktaṁ te vedavittama yaḥ kailāsādapi ślāghyo nivāsaḥ kṛttivāsasaḥ

हे वेदज्ञों में श्रेष्ठ! 'कृत्तिवास' नाम वाला क्षेत्र भी कहा गया; जो कैलास से भी अधिक श्लाघनीय, कृत्तिवास का निवास है।

श्लोक 39 (skanda.1.116.39)

भ्रमरांबिकया देव्या महेशो मल्लिकार्जुनः । श्रीशैले सृष्टिसिद्धयर्थं पूजितः परमेष्ठिना

bhramarāṁbikayā devyā maheśo mallikārjunaḥ śrīśaile sṛṣṭisiddhayarthaṁ pūjitaḥ parameṣṭhinā

भ्रमराम्बिका देवी के साथ महेश मल्लिकार्जुन, श्रीशैल में, सृष्टि की सिद्धि के लिए ब्रह्मा द्वारा पूजित हैं।

श्लोक 40 (skanda.1.116.40)

सुवर्णमुखरीतीरे कालहस्तीति शंकरः । व्यासेनाराधितो भृंगमुखरालकयांबया

suvarṇamukharītīre kālahastīti śaṁkaraḥ vyāsenārādhito bhṛṁgamukharālakayāṁbayā

स्वर्णमुखरी के तट पर 'कालहस्ती' नाम वाले शंकर, व्यास द्वारा, तथा भृंग, मुखर और अलक-नामी अम्बा द्वारा आराधित हैं।

श्लोक 41 (skanda.1.116.41)

कांच्यामेकाम्रमूलस्थः कामाक्ष्या कामशासनः । तपस्यंत्याभिसंश्लिष्टो वलयेनांकितोऽभवत्

kāṁcyāmekāmramūlasthaḥ kāmākṣyā kāmaśāsanaḥ tapasyaṁtyābhisaṁśliṣṭo valayenāṁkito'bhavat

काञ्ची में एकाम्र के मूल में स्थित, काम-शासन शिव, तप करती हुई कामाक्षी से आलिंगित होकर, उसके कंकण के चिह्न से अंकित हो गए।

श्लोक 42 (skanda.1.116.42)

अस्ति व्याघ्रपुरंनाम तिल्लिकाननमध्यगम् । यत्र नृत्यंतमीशानं पर्युपास्ते पतंजलिः

asti vyāghrapuraṁnāma tillikānanamadhyagam yatra nṛtyaṁtamīśānaṁ paryupāste pataṁjaliḥ

'व्याघ्रपुर' नाम का स्थान है, तिल्लि-वन के मध्य में स्थित; जहाँ नृत्य करते हुए ईशान की पतंजलि उपासना करते हैं।

श्लोक 43 (skanda.1.116.43)

श्वेतारण्यमिति स्थानमुक्तं तव मया पुरा । भग्नमैरावतो दंतं भेजे यत्र शिवार्चनात्

śvetāraṇyamiti sthānamuktaṁ tava mayā purā bhagnamairāvato daṁtaṁ bheje yatra śivārcanāt

'श्वेतारण्य' नाम वाला स्थान भी पहले मैंने तुमसे कहा; जहाँ ऐरावत ने शिव-अर्चना से अपना टूटा दाँत पुनः प्राप्त किया।

श्लोक 44 (skanda.1.116.44)

सेतुबंधमिति स्थानमवोचं तत्र राघवः । रामनाथाख्यया देवमंहोघ्नं प्रत्यतिष्ठिपत्

setubaṁdhamiti sthānamavocaṁ tatra rāghavaḥ rāmanāthākhyayā devamaṁhoghnaṁ pratyatiṣṭhipat

'सेतुबन्ध' नाम वाला स्थान भी मैंने कहा; जहाँ राघव ने 'रामनाथ' नाम से पापों को नष्ट करने वाले देव को स्थापित किया।

श्लोक 45 (skanda.1.116.45)

गतप्रत्याह्वय स्थानं विद्यते वृषभध्वजः । यत्र जंबूतरोर्मूले जगद्रक्षार्थमाश्रितः

gatapratyāhvaya sthānaṁ vidyate vṛṣabhadhvajaḥ yatra jaṁbūtarormūle jagadrakṣārthamāśritaḥ

'गतप्रत्याह्वय' नाम वाले स्थान में वृषभ-ध्वज विराजते हैं; जहाँ जम्बू-वृक्ष की जड़ में वे जगत् की रक्षा के लिए आश्रय लिए हुए हैं।

श्लोक 46 (skanda.1.116.46)

मणिमुक्तानदीमन्वक्क्षेत्रे वृद्धाचलाह्वये । नित्यं सन्निहितो देव इत्याकर्णित एव ते

maṇimuktānadīmanvakkṣetre vṛddhācalāhvaye nityaṁ sannihito deva ityākarṇita eva te

मणि-मुक्ता नदी के समीप 'वृद्धाचल' नाम वाले क्षेत्र में देव नित्य सन्निहित रहते हैं — यह तुमने सुना ही है।

श्लोक 47 (skanda.1.116.47)

श्रीमन्मध्यार्जुनंनाम श्रुतं स्थानमनुत्तमम् । यस्मिन्वरप्रदो नित्यं गौरीसहचरो हरः

śrīmanmadhyārjunaṁnāma śrutaṁ sthānamanuttamam yasminvaraprado nityaṁ gaurīsahacaro haraḥ

'श्रीमन्मध्यार्जुन' नाम वाला उत्तम स्थान भी तुमने सुना; जहाँ गौरी के सहचर, वरदायी हर सदा विराजते हैं।

श्लोक 48 (skanda.1.116.48)

आस्थितं सोमनाथेन सोमतीर्थं त्वया श्रुतम् । यत्र त्यक्तवतां देहं न भूयो भवबंधनम्

āsthitaṁ somanāthena somatīrthaṁ tvayā śrutam yatra tyaktavatāṁ dehaṁ na bhūyo bhavabaṁdhanam

सोमनाथ द्वारा स्थापित सोम-तीर्थ भी तुमने सुना; जहाँ शरीर त्यागने वालों को पुनः संसार-बन्धन नहीं होता।

श्लोक 49 (skanda.1.116.49)

आकर्णितं हि भवता क्षेत्रं सिद्धवटाह्वयम् । यत्र सिद्धाः समर्चंति ज्योतिर्लिंगमनुत्तमम्

ākarṇitaṁ hi bhavatā kṣetraṁ siddhavaṭāhvayam yatra siddhāḥ samarcaṁti jyotirliṁgamanuttamam

'सिद्धवट' नाम वाला क्षेत्र भी तुमने सुना, जहाँ सिद्ध लोग अनुपम ज्योतिर्लिंग की भलीभाँति अर्चना करते हैं।

श्लोक 50 (skanda.1.116.50)

अश्रावि खलु ते क्षेत्रं कमलालयसंज्ञकम् । वल्मीकेशार्चनाल्लेभे यत्र श्रीर्जीविता हरेः

aśrāvi khalu te kṣetraṁ kamalālayasaṁjñakam valmīkeśārcanāllebhe yatra śrīrjīvitā hareḥ

'कमलालय' नाम वाला क्षेत्र भी तुमने सुना, जहाँ वल्मीकेश की अर्चना से हरि की श्री (लक्ष्मी) पुनर्जीवित हुई थी।

श्लोक 51 (skanda.1.116.51)

श्रुतवानसि कंकाद्रिं यत्र संनिहितो हरः । इदानीमप्युपासाते मोक्षाय ब्रह्मकेशवौ

śrutavānasi kaṁkādriṁ yatra saṁnihito haraḥ idānīmapyupāsāte mokṣāya brahmakeśavau

कंकाद्रि के विषय में भी तुमने सुना, जहाँ हर सदा सन्निहित रहते हैं; आज भी वहाँ ब्रह्मा और केशव मोक्ष के लिए उनकी उपासना करते हैं।

श्लोक 52 (skanda.1.116.52)

श्रीमद्द्रोणपुरं वेत्सि यस्मिन्कलियुगक्षये । नौकामारूढवानब्धौ क्षुभिते पार्वतीपतिः

śrīmaddroṇapuraṁ vetsi yasminkaliyugakṣaye naukāmārūḍhavānabdhau kṣubhite pārvatīpatiḥ

श्रीमान् द्रोणपुर को भी तुम जानते हो, जहाँ कलियुग के अन्त में, समुद्र के क्षुब्ध होने पर, पार्वती-पति नौका पर सवार हुए थे।

श्लोक 53 (skanda.1.116.53)

श्रुतं ब्रह्मपुरंनाम क्षेत्रं यत्रेंद्रजित्पुरा । आर्यपुष्करिणीतीरे स्थापयामास धूर्जटिम्

śrutaṁ brahmapuraṁnāma kṣetraṁ yatreṁdrajitpurā āryapuṣkariṇītīre sthāpayāmāsa dhūrjaṭim

'ब्रह्मपुर' नाम वाला क्षेत्र भी तुमने सुना, जहाँ पूर्वकाल में इन्द्रजित् ने आर्य-पुष्करिणी के तट पर धूर्जटि को स्थापित किया था।

श्लोक 54 (skanda.1.116.54)

श्रीकोटिकाख्यं ज्ञानाभिक्षेत्रं यत्रेंदुशेखरः । समाराधयतां पुंसां पापकोटीर्व्यपोहति

śrīkoṭikākhyaṁ jñānābhikṣetraṁ yatreṁduśekharaḥ samārādhayatāṁ puṁsāṁ pāpakoṭīrvyapohati

'श्रीकोटिक' नाम का ज्ञानाभि-क्षेत्र भी है, जहाँ इन्दु-शेखर, उन्हें आराधना करने वाले पुरुषों के करोड़ों पापों को दूर कर देते हैं।

श्लोक 55 (skanda.1.116.55)

आकर्णितं च गोकर्णं शिवं यत्संनिधानतः । आरिराधयिषुः स्वर्गं जामदग्न्यो न कांक्षति

ākarṇitaṁ ca gokarṇaṁ śivaṁ yatsaṁnidhānataḥ ārirādhayiṣuḥ svargaṁ jāmadagnyo na kāṁkṣati

गोकर्ण के विषय में भी तुमने सुना, जहाँ शिव की समीपता से, स्वर्ग की आराधना करने की इच्छा रखने वाले जामदग्न्य भी उसकी कामना नहीं करते।

श्लोक 56 (skanda.1.116.56)

त्रिपुरांतकमुक्तं ते क्षेत्रं यत्र त्रियंबकः । निराकरोति निरयाद्भयं दृष्टवतां नृणाम्

tripurāṁtakamuktaṁ te kṣetraṁ yatra triyaṁbakaḥ nirākaroti nirayādbhayaṁ dṛṣṭavatāṁ nṛṇām

'त्रिपुरान्तक' नाम का क्षेत्र भी तुमसे कहा गया, जहाँ त्रियम्बक उसे देखने वाले मनुष्यों के नरक के भय को दूर कर देते हैं।

श्लोक 57 (skanda.1.116.57)

उक्तं कालांजनं क्षेत्रं यद्वासी कालकंधरः । निर्वापयति भक्तानां घोरसंसारसंज्वरम्

uktaṁ kālāṁjanaṁ kṣetraṁ yadvāsī kālakaṁdharaḥ nirvāpayati bhaktānāṁ ghorasaṁsārasaṁjvaram

'कालांजन' क्षेत्र भी कहा गया, जिसके निवासी काल-कन्धर, भक्तों के घोर संसार-ज्वर को शान्त कर देते हैं।

श्लोक 58 (skanda.1.116.58)

प्रियालवणमाख्यातं क्षेत्रं यत्रांबिकापतिः । पयोर्थिने पयःसिंधुं विततारोपमन्यवे

priyālavaṇamākhyātaṁ kṣetraṁ yatrāṁbikāpatiḥ payorthine payaḥsiṁdhuṁ vitatāropamanyave

'प्रियालवण' नाम का क्षेत्र भी बताया गया, जहाँ अम्बिका-पति ने जल की इच्छा रखने वाले उपमन्यु के लिए जल-सागर ही उमड़ा दिया था।

श्लोक 59 (skanda.1.116.59)

क्षेत्रं प्रभासमुक्तं ते यत्र खंडेंदुशेखरः । पूजितः शौरिसीरिभ्यां दत्तवानक्षयं फलम्

kṣetraṁ prabhāsamuktaṁ te yatra khaṁḍeṁduśekharaḥ pūjitaḥ śaurisīribhyāṁ dattavānakṣayaṁ phalam

'प्रभास' नाम का क्षेत्र भी तुमसे कहा गया, जहाँ अर्ध-चन्द्र-शेखर की पूजा करके शौरि (कृष्ण) और सीरि (बलराम) को अक्षय फल प्राप्त हुआ था।

श्लोक 60 (skanda.1.116.60)

वेदारण्यं विजानीषे यस्मिन्प्रमथनायकः । अभ्यर्थितोऽभून्मोक्षार्थं दक्षेण प्राक्कृतागसा

vedāraṇyaṁ vijānīṣe yasminpramathanāyakaḥ abhyarthito'bhūnmokṣārthaṁ dakṣeṇa prākkṛtāgasā

वेदारण्य को भी तुम जानते हो, जहाँ प्रथम अपराध करने वाले दक्ष ने, मोक्ष के लिए, प्रमथों के नायक (शिव) से प्रार्थना की थी।

श्लोक 61 (skanda.1.116.61)

हेमकूटं त्वमश्रौषीः स्थानं विषमचक्षुषः । पुंसां तपस्यतां यत्र पुनर्जननतो न भीः

hemakūṭaṁ tvamaśrauṣīḥ sthānaṁ viṣamacakṣuṣaḥ puṁsāṁ tapasyatāṁ yatra punarjananato na bhīḥ

हेमकूट को भी तुमने सुना, विषम-नेत्र (शिव) का स्थान, जहाँ तप करने वाले पुरुषों को पुनर्जन्म का भय नहीं रहता।

श्लोक 62 (skanda.1.116.62)

क्षेत्रं वेणुवनंनाम विद्यते पापनाशनम् । यत्र वंशलतागर्भाज्जातो मुक्तामणिः शिवा

kṣetraṁ veṇuvanaṁnāma vidyate pāpanāśanam yatra vaṁśalatāgarbhājjāto muktāmaṇiḥ śivā

'वेणुवन' नाम का पाप-नाशक क्षेत्र भी विद्यमान है, जहाँ बाँस की लता के गर्भ से मुक्ता-मणि-सी शिवा उत्पन्न हुई थीं।

श्लोक 63 (skanda.1.116.63)

जालंधरमिति स्थानमंधकारेस्त्वया श्रुतम् । लेभे गणपतां तत्र तपस्याभिर्जलंधरः

jālaṁdharamiti sthānamaṁdhakārestvayā śrutam lebhe gaṇapatāṁ tatra tapasyābhirjalaṁdharaḥ

अन्धकासुर के हन्ता का 'जालन्धर' नाम का स्थान भी तुमने सुना, जहाँ जलन्धर ने तपस्या से गण-पद प्राप्त किया।

श्लोक 64 (skanda.1.116.64)

ज्वालामुखमिति स्थानमज्ञासीः कथितं मया । यत्र ज्वालामुखी देवी कालरुद्रमपूजयत्

jvālāmukhamiti sthānamajñāsīḥ kathitaṁ mayā yatra jvālāmukhī devī kālarudramapūjayat

'ज्वालामुख' नाम का स्थान भी मैंने तुमसे बताया, जहाँ ज्वालामुखी देवी ने काल-रुद्र की पूजा की थी।

श्लोक 65 (skanda.1.116.65)

अस्ति भद्रवटोनाम क्षेत्रमुक्तं श्रुतं त्वया । त्र्यंबकं यत्र हेरंबः संपदे पर्यपूजयत्

asti bhadravaṭonāma kṣetramuktaṁ śrutaṁ tvayā tryaṁbakaṁ yatra heraṁbaḥ saṁpade paryapūjayat

'भद्रवट' नाम का क्षेत्र भी है, जिसका उल्लेख तुमने सुना, जहाँ हेरम्ब (गणेश) ने सम्पदा के लिए त्र्यम्बक की पूजा की थी।

श्लोक 66 (skanda.1.116.66)

न्यग्रोधारण्यमुक्तं ते यत्रोग्रो निर्ममे किल । उच्चंडतांडवं काल्या साकं संघर्षमेयिवान्

nyagrodhāraṇyamuktaṁ te yatrogro nirmame kila uccaṁḍatāṁḍavaṁ kālyā sākaṁ saṁgharṣameyivān

'न्यग्रोधारण्य' भी तुमसे बताया गया, जहाँ उग्र (शिव) ने काली के साथ प्रचण्ड ताण्डव में स्पर्धा की थी।

श्लोक 67 (skanda.1.116.67)

गंधमादनसंज्ञं तत्क्षेत्रमाकर्णितं त्वया । आंजनेयेन रचितं यत्र मृत्युंजयार्चनम्

gaṁdhamādanasaṁjñaṁ tatkṣetramākarṇitaṁ tvayā āṁjaneyena racitaṁ yatra mṛtyuṁjayārcanam

'गन्धमादन' नाम का वह क्षेत्र भी तुमने सुना, जहाँ हनुमान् ने मृत्युंजय की अर्चना रची थी।

श्लोक 68 (skanda.1.116.68)

गोपर्वतमिति स्थानं शंभोः प्रख्यापितं मया । यत्र पाणिनिना लेभे वैयाकरणिकाग्र्यता

goparvatamiti sthānaṁ śaṁbhoḥ prakhyāpitaṁ mayā yatra pāṇininā lebhe vaiyākaraṇikāgryatā

'गोपर्वत' नाम का शम्भु का स्थान भी मैंने प्रसिद्ध किया, जहाँ पाणिनि ने व्याकरणविदों में अग्रता प्राप्त की।

श्लोक 69 (skanda.1.116.69)

वीरकोष्ठमिति क्षेत्रस्थानं नन्ववधारितम् । यत्र प्रचेतसा लेभे तपसा कविमुख्यता

vīrakoṣṭhamiti kṣetrasthānaṁ nanvavadhāritam yatra pracetasā lebhe tapasā kavimukhyatā

'वीरकोष्ठ' नाम का क्षेत्र-स्थान भी तुमने भलीभाँति समझा, जहाँ प्रचेता ने तप से कवियों में मुख्यता प्राप्त की।

श्लोक 70 (skanda.1.116.70)

महातीर्थमिति प्रोक्तं जानीषे यत्र शंभुना । अध्यापितास्सुपर्वाणः सर्वेऽपि द्रुहिणादयः

mahātīrthamiti proktaṁ jānīṣe yatra śaṁbhunā adhyāpitāssuparvāṇaḥ sarve'pi druhiṇādayaḥ

'महातीर्थ' नाम का स्थान भी तुम जानते हो, जहाँ शम्भु द्वारा ब्रह्मा आदि समस्त देवगण स्वयं शिक्षित किए गए थे।

श्लोक 71 (skanda.1.116.71)

मयूरपुरमुक्तं ते क्षेत्रं माहेश्वरं मया । लेभे यत्र व्रतस्थेन ह्रादिनी वज्रपाणिना

mayūrapuramuktaṁ te kṣetraṁ māheśvaraṁ mayā lebhe yatra vratasthena hrādinī vajrapāṇinā

'मयूरपुर' नाम का महेश्वर-क्षेत्र भी मैंने तुमसे बताया, जहाँ व्रतस्थ वज्रपाणि (इन्द्र) ने ह्रादिनी (वज्र-शक्ति) प्राप्त की थी।

श्लोक 72 (skanda.1.116.72)

श्रीसुंदरमिति क्षेत्रमुक्तं वेगवती तटे । कलावपि युगे यस्मिन्देवदेवेन दीप्यते

śrīsuṁdaramiti kṣetramuktaṁ vegavatī taṭe kalāvapi yuge yasmindevadevena dīpyate

वेगवती के तट पर 'श्रीसुन्दर' नाम का क्षेत्र भी कहा गया, जहाँ कलियुग में भी देवाधिदेव प्रकाशमान रहते हैं।

श्लोक 73 (skanda.1.116.73)

कुंभकोणमिति स्थानं शंभोर्वेत्सि हि यत्र सा । गंगापि माघे सान्निध्यं कुरुते स्वाघशांतये

kuṁbhakoṇamiti sthānaṁ śaṁbhorvetsi hi yatra sā gaṁgāpi māghe sānnidhyaṁ kurute svāghaśāṁtaye

'कुम्भकोण' नाम का शम्भु का स्थान भी तुम जानते हो, जहाँ गंगा भी माघ मास में, अपने ही पाप की शान्ति के लिए, सन्निधि करती है।

श्लोक 74 (skanda.1.116.74)

अनुगोदावरीतीरं त्र्यंबकंनाम ते श्रुतम् । शक्तिं यत्र गुहो लेभे तारकासुरघातिनीम्

anugodāvarītīraṁ tryaṁbakaṁnāma te śrutam śaktiṁ yatra guho lebhe tārakāsuraghātinīm

गोदावरी के तट पर स्थित 'त्र्यम्बक' नाम का स्थान भी तुमने सुना, जहाँ गुह (कार्तिकेय) ने तारकासुर का वध करने वाली शक्ति प्राप्त की थी।

श्लोक 75 (skanda.1.116.75)

श्रीपाटलं व्याघ्रपुरमाख्यातं वेदवित्तम । त्रिशंकुना जातिशुद्ध्यै यत्र गंगाधरोर्चितः

śrīpāṭalaṁ vyāghrapuramākhyātaṁ vedavittama triśaṁkunā jātiśuddhyai yatra gaṁgādharorcitaḥ

हे वेदज्ञों में श्रेष्ठ! 'श्रीपाटल व्याघ्रपुर' भी कहा गया, जहाँ त्रिशंकु ने अपनी जाति-शुद्धि के लिए गंगाधर की पूजा की थी।

श्लोक 76 (skanda.1.116.76)

क्षेत्रं कदंबपुर्य्याख्यं भवता चावधारितम् । त्वत्कृते यत्र शूलेन कृतांतं शम्भुरक्षिणोत्

kṣetraṁ kadaṁbapuryyākhyaṁ bhavatā cāvadhāritam tvatkṛte yatra śūlena kṛtāṁtaṁ śambhurakṣiṇot

'कदम्बपुरी' नाम का क्षेत्र भी तुमने समझा, जहाँ तुम्हारे ही लिए शम्भु ने त्रिशूल से कृतान्त (यम) से रक्षा की थी।

श्लोक 77 (skanda.1.116.77)

अविनाशाख्यमुक्तं ते क्षेत्रं यत्र वृषध्वजः । सान्निध्यं पडिकण्ठाय विततार प्रसेदिवान्

avināśākhyamuktaṁ te kṣetraṁ yatra vṛṣadhvajaḥ sānnidhyaṁ paḍikaṇṭhāya vitatāra prasedivān

'अविनाश' नाम का क्षेत्र भी तुमसे कहा गया, जहाँ वृषभ-ध्वज ने प्रसन्न होकर 'पडिकण्ठ' को अपनी समीपता प्रदान की थी।

श्लोक 78 (skanda.1.116.78)

रक्तैकाननमाख्यातं मया क्षेत्रं तवानघ । मित्रावरुणयोर्यत्र रुद्रोऽजनि वरप्रदः

raktaikānanamākhyātaṁ mayā kṣetraṁ tavānagha mitrāvaruṇayoryatra rudro'jani varapradaḥ

हे निष्पाप! 'रक्तैकानन' नाम का क्षेत्र भी मैंने तुमसे बताया, जहाँ मित्र और वरुण के लिए रुद्र वरदायी होकर प्रकट हुए थे।

श्लोक 79 (skanda.1.116.79)

श्रीहाटकेश्वरं क्षेत्रं पातालस्थं त्वया श्रुतम् । यत्र वैरोचनिर्देवं स्वपदप्राप्तयेर्चति

śrīhāṭakeśvaraṁ kṣetraṁ pātālasthaṁ tvayā śrutam yatra vairocanirdevaṁ svapadaprāptayercati

पाताल में स्थित 'श्रीहाटकेश्वर' क्षेत्र भी तुमने सुना, जहाँ वैरोचनि (बलि) अपने पद की पुनःप्राप्ति के लिए देव की अर्चना करते हैं।

श्लोक 80 (skanda.1.116.80)

वेत्सि शंभोः प्रियावासं कैलासं नित्यसेवकः । यत्र यक्षेश्वरस्त्र्यक्षमयर्चयति भक्तितः

vetsi śaṁbhoḥ priyāvāsaṁ kailāsaṁ nityasevakaḥ yatra yakṣeśvarastryakṣamayarcayati bhaktitaḥ

शम्भु के प्रिय निवास कैलास को भी तुम जानते हो, नित्य-सेवक; जहाँ यक्षेश्वर (कुबेर) भक्ति से त्रि-नेत्र की पूजा करते हैं।

श्लोक 81 (skanda.1.116.81)

स्थानानि खंडपरशोरित्युक्तानि मया पुरा । त्वयाप्यवधृतान्येव किं भूयः श्रोतुमिच्छसि

sthānāni khaṁḍaparaśorityuktāni mayā purā tvayāpyavadhṛtānyeva kiṁ bhūyaḥ śrotumicchasi

इस प्रकार पूर्वकाल में मेरे द्वारा 'खण्डपरशु' के स्थान भी कहे गए, जिन्हें तुमने भी भलीभाँति समझ लिया है; अब और क्या सुनना चाहते हो?

श्लोक 82 (skanda.1.116.82)

इत्यूचिवानेष शिलादनंदनो मुनेर्मृकण्डोस्तनयं मुनीश्वरम् । भक्त्या नमंतं पदयोः करेण पस्पर्श मौलौ करुणारसार्द्रः

ityūcivāneṣa śilādanaṁdano munermṛkaṇḍostanayaṁ munīśvaram bhaktyā namaṁtaṁ padayoḥ kareṇa pasparśa maulau karuṇārasārdraḥ

ऐसा कहते हुए, शिलाद के पुत्र नन्दीश्वर ने, करुणा-रस से आर्द्र होकर, अपने चरणों में भक्तिपूर्वक झुके हुए, मृकण्डु-मुनि के पुत्र, मुनीश्वर मार्कण्डेय के मस्तक को अपने हाथ से स्पर्श किया।