पार्वती द्वारा अरुणाचलेश्वर-स्तुति

श्लोक 1 (skanda.1.134.1)

मार्कंडेय उवाच । अहो महिषदैत्यस्य दुराचारत्वमीदृशम् । अहो दुरितहारिण्या दुर्गायाश्च पराक्रमः

mārkaṁḍeya uvāca aho mahiṣadaityasya durācāratvamīdṛśam aho duritahāriṇyā durgāyāśca parākramaḥ

मार्कण्डेय जी ने कहा — अहो, महिषासुर दैत्य का आचरण कैसा दुष्ट था; और अहो, पापों का हरण करने वाली दुर्गा का ऐसा पराक्रम था।

श्लोक 2 (skanda.1.134.2)

एवं तया भद्रकाल्या निहते महिषासुरे । किं चकार गिरींद्रस्य नंदिनी तपसि स्थिता

evaṁ tayā bhadrakālyā nihate mahiṣāsure kiṁ cakāra girīṁdrasya naṁdinī tapasi sthitā

इस प्रकार भद्रकाली के द्वारा महिषासुर का वध होने पर, तप में स्थित गिरिराज-नन्दिनी पार्वती ने क्या किया?

श्लोक 3 (skanda.1.134.3)

नंदिकेश्वर उवाच । अनंतरं सा हस्तेन दधती दैत्यमस्तकम् । ननाम गौरीमन्येन पाणिना खङ्गधारिणा

naṁdikeśvara uvāca anaṁtaraṁ sā hastena dadhatī daityamastakam nanāma gaurīmanyena pāṇinā khaṅgadhāriṇā

नन्दिकेश्वर जी ने कहा — तदनन्तर एक हाथ में दैत्य के मस्तक को धारण किए और दूसरे हाथ में खड्ग लिए हुए, उसने गौरी को प्रणाम किया।

श्लोक 4 (skanda.1.134.4)

अथ हर्षेण नृत्यंतीं तामालोक्य दयार्द्रया । दृष्ट्या देवी जगादैनां दंतांशुद्योतितांबरा

atha harṣeṇa nṛtyaṁtīṁ tāmālokya dayārdrayā dṛṣṭyā devī jagādaināṁ daṁtāṁśudyotitāṁbarā

तब हर्ष से नाचती हुई उसे देखकर, दया से आर्द्र दृष्टि से, अपने दाँतों की कान्ति से आकाश को प्रकाशित करने वाली देवी पार्वती ने उससे कहा।

श्लोक 5 (skanda.1.134.5)

त्वयातिदुष्करं कर्म निर्मितं विंध्यवासिनि । जातं तव प्रभावेन निष्प्रत्यूहं च मे तपः

tvayātiduṣkaraṁ karma nirmitaṁ viṁdhyavāsini jātaṁ tava prabhāvena niṣpratyūhaṁ ca me tapaḥ

हे विन्ध्यवासिनी! तूने अत्यन्त दुष्कर कार्य कर दिखाया है; तेरे ही प्रभाव से मेरी तपस्या निर्विघ्न हो गई है।

श्लोक 6 (skanda.1.134.6)

अथैतन्माहिषं शीर्षमपवित्र भयंकरम् । जगत्पवित्रचारित्रे त्यक्तुमर्हसि हस्ततः

athaitanmāhiṣaṁ śīrṣamapavitra bhayaṁkaram jagatpavitracāritre tyaktumarhasi hastataḥ

हे जगत् को पवित्र करने वाले चरित्र वाली! अब इस अपवित्र और भयंकर महिष के मस्तक को अपने हाथ से त्याग देना ही उचित है।

श्लोक 7 (skanda.1.134.7)

इति गौर्योदिता दुर्गा जुगुप्साकुलमानसा । मूर्ध्नस्तस्य निपाताय व्यधुनोद्बहुशः करम्

iti gauryoditā durgā jugupsākulamānasā mūrdhnastasya nipātāya vyadhunodbahuśaḥ karam

गौरी के इस प्रकार कहने पर, घृणा से व्याकुल मन वाली दुर्गा ने उस मस्तक को गिराने के लिए अपना हाथ बार-बार झटका।

श्लोक 8 (skanda.1.134.8)

तीर्थमुत्पाद्यतां देवि नवं पापविनाशनम् । तस्मिन्निमज्जनाद्दुर्गे प्रायश्चित्तं भविष्यति

tīrthamutpādyatāṁ devi navaṁ pāpavināśanam tasminnimajjanāddurge prāyaścittaṁ bhaviṣyati

हे देवि! पाप का नाश करने वाला एक नया तीर्थ उत्पन्न हो; हे दुर्गे! उसमें स्नान करने से ही प्रायश्चित्त हो जाएगा।

श्लोक 9 (skanda.1.134.9)

इतीरिता गौतमेन दुर्गा दुरितशंकिनी । पाटयामास खङ्गेन शिलापट्टं पटीयसा

itīritā gautamena durgā duritaśaṁkinī pāṭayāmāsa khaṅgena śilāpaṭṭaṁ paṭīyasā

गौतम जी के इस प्रकार कहने पर, पाप की आशंका से युक्त दुर्गा ने अपनी तीक्ष्ण तलवार से शिला के पट्ट को चीर डाला।

श्लोक 10 (skanda.1.134.10)

पातालावधि निर्भिन्नात्पाषाणतलतस्ततः । उदजृंभत्तरंगांभः सच्चित्तमिव निर्मलम्

pātālāvadhi nirbhinnātpāṣāṇatalatastataḥ udajṛṁbhattaraṁgāṁbhaḥ saccittamiva nirmalam

पाताल तक भेदे गए उस पाषाण-तल से लहराता हुआ जल इस प्रकार उमड़ पड़ा, मानो सत्पुरुष का निर्मल चित्त हो।

श्लोक 11 (skanda.1.134.11)

ममज्ज सापि गंभीरे तस्मिन्नंभसि पावने । नमः शोणाद्रिनाथायेत्युक्त्वा मंत्रमनुत्तमम्

mamajja sāpi gaṁbhīre tasminnaṁbhasi pāvane namaḥ śoṇādrināthāyetyuktvā maṁtramanuttamam

वह भी उस गम्भीर और पवित्र जल में डूब गई, शोणाद्रिनाथ को नमस्कार है — यह सर्वोत्तम मन्त्र कहकर।

श्लोक 12 (skanda.1.134.12)

तावन्महिषकंठस्थं लिंगं तद्गलितं तले । तटे प्रतिष्ठितं जातं पापनाशनसंज्ञया

tāvanmahiṣakaṁṭhasthaṁ liṁgaṁ tadgalitaṁ tale taṭe pratiṣṭhitaṁ jātaṁ pāpanāśanasaṁjñayā

उसी समय महिष के कण्ठ में स्थित वह शिवलिंग गलकर नीचे गिर गया और तट पर पापनाशन नाम से प्रतिष्ठित हो गया।

श्लोक 13 (skanda.1.134.13)

उन्ममज्ज ततो दुर्गा तीर्थांभोधूतकल्मषा । निपपाताथ तत्पाणेर्महिषासुरमस्तकम्

unmamajja tato durgā tīrthāṁbhodhūtakalmaṣā nipapātātha tatpāṇermahiṣāsuramastakam

तत्पश्चात् तीर्थ के जल से अपने कल्मष को धोकर दुर्गा ऊपर उठीं, और उसी क्षण महिषासुर का मस्तक उनके हाथ से गिर पड़ा।

श्लोक 14 (skanda.1.134.14)

कृतप्रदक्षिणा नत्वा पापनाशनमीश्वरम् । पुरस्तादस्ति सा गौर्या गौतमेनाभिनंदिता

kṛtapradakṣiṇā natvā pāpanāśanamīśvaram purastādasti sā gauryā gautamenābhinaṁditā

पापनाशन ईश्वर की प्रदक्षिणा करके तथा प्रणाम करके, वह गौरी के समक्ष खड़ी हुई, और गौतम जी के द्वारा उसका अभिनन्दन किया गया।

श्लोक 15 (skanda.1.134.15)

एवं प्रत्यक्षनिरतपापां तां वीक्ष्य पार्वती । जगाद दीर्घतपसं जगतीधरनंदिनी

evaṁ pratyakṣaniratapāpāṁ tāṁ vīkṣya pārvatī jagāda dīrghatapasaṁ jagatīdharanaṁdinī

इस प्रकार प्रत्यक्ष रूप से पाप-रहित हुई उसे देखकर, दीर्घकाल से तपस्या में लीन गिरिराज-नन्दिनी पार्वती ने कहा।

श्लोक 16 (skanda.1.134.16)

महिषासुरसंहारेंऽजसा स्वनुमतिः कृता । विंध्यवासिनीयमहो दुष्टमाहिषविग्रहम्

mahiṣāsurasaṁhāreṁ'jasā svanumatiḥ kṛtā viṁdhyavāsinīyamaho duṣṭamāhiṣavigraham

महिषासुर के संहार में मैंने सहज ही अपनी अनुमति दी थी; अहो, इस विन्ध्यवासिनी ने उस दुष्ट महिष-रूपधारी दैत्य को मार डाला है।

श्लोक 17 (skanda.1.134.17)

गृहीत्वा भक्षयामास तस्य लिंगमिदं शिवम् । प्रायश्चित्तं ततो ब्रूहि ममापि मुनिसत्तम

gṛhītvā bhakṣayāmāsa tasya liṁgamidaṁ śivam prāyaścittaṁ tato brūhi mamāpi munisattama

उसने पकड़कर उस दैत्य को भक्षण कर डाला, और तभी यह शिवलिंग प्रकट हुआ; अतः हे मुनिश्रेष्ठ! अब मुझे भी बताइए कि मेरे लिए क्या प्रायश्चित्त है।

श्लोक 18 (skanda.1.134.18)

गौतम उवाच । देवि सर्वजगत्सर्गस्थितिसंहारकारिणि । त्वद्ध्यानमेव जगतां सर्वपातकनाशनम्

gautama uvāca devi sarvajagatsargasthitisaṁhārakāriṇi tvaddhyānameva jagatāṁ sarvapātakanāśanam

गौतम जी ने कहा — हे देवि! सम्पूर्ण जगत् की सृष्टि, स्थिति और संहार करने वाली आप ही हैं; आपका ध्यान ही संसार के समस्त पापों का नाश करने वाला है।

श्लोक 19 (skanda.1.134.19)

अथापि लौकिकं वृत्तमवलंब्य त्वयेरितम् । स्वकृतापि हि मर्यादा न महद्भिर्विलंघ्यते

athāpi laukikaṁ vṛttamavalaṁbya tvayeritam svakṛtāpi hi maryādā na mahadbhirvilaṁghyate

फिर भी, लौकिक व्यवहार का अवलम्बन लेकर ही आपने ऐसा कहा है; क्योंकि अपने द्वारा स्थापित मर्यादा को भी महापुरुष कभी नहीं लाँघते।

श्लोक 20 (skanda.1.134.20)

अन्तःकरणकालुष्यक्षालिनी काचन क्रिया । कथ्यतेऽद्य मया मातरवधानं विधीयताम्

antaḥkaraṇakāluṣyakṣālinī kācana kriyā kathyate'dya mayā mātaravadhānaṁ vidhīyatām

अन्तःकरण के मालिन्य को धोने वाली एक विधि है; आज मैं उसे बताता हूँ — हे माता! ध्यानपूर्वक सुनिए।

श्लोक 21 (skanda.1.134.21)

अरुणाद्रिरयं साक्षादनलाद्रिस्तिरोहितः । ज्वलतिज्योतिषा स्वेन कृत्तिकापूर्णिमा निशि

aruṇādrirayaṁ sākṣādanalādristirohitaḥ jvalatijyotiṣā svena kṛttikāpūrṇimā niśi

यह अरुणाचल साक्षात् वह अग्नि-पर्वत है जो छिपा हुआ है; कृत्तिका-पूर्णिमा की रात्रि में यह अपनी ही ज्योति से प्रज्वलित होता है।

श्लोक 22 (skanda.1.134.22)

तत्सपर्यातपश्चर्या कार्या कात्यायनि त्वया । तज्ज्योतिर्दर्शनात्सर्वमभीष्टं तव सिध्यति

tatsaparyātapaścaryā kāryā kātyāyani tvayā tajjyotirdarśanātsarvamabhīṣṭaṁ tava sidhyati

हे कात्यायनि! आपको उसकी पूजा और तपस्या करनी चाहिए; उस ज्योति के दर्शन से आपकी समस्त अभीष्ट कामनाएँ सिद्ध हो जाएँगी।

श्लोक 23 (skanda.1.134.23)

इत्युक्ता गौतमेनांबा तदाप्रभृति दारुणा । इयं च शिवभक्ता हि शिवपूजारता तदा

ityuktā gautamenāṁbā tadāprabhṛti dāruṇā iyaṁ ca śivabhaktā hi śivapūjāratā tadā

गौतम जी द्वारा इस प्रकार कहे जाने पर, वह उग्र स्वरूप वाली माता तभी से शिव-भक्त हो गई, और यह दुर्गा भी उसी समय से शिव-पूजा में रत हो गई।

श्लोक 24 (skanda.1.134.24)

तपश्चचार पंचानामग्नीनां मध्यमाश्रिता । चतुर्णां शिखिनां मध्ये स्थिता सूर्यनिविष्टदृक्

tapaścacāra paṁcānāmagnīnāṁ madhyamāśritā caturṇāṁ śikhināṁ madhye sthitā sūryaniviṣṭadṛk

वह पाँच अग्नियों के मध्य स्थित होकर तप करने लगी; चार अग्नियों के बीच खड़ी होकर सूर्य पर अपनी दृष्टि जमाए रही।

श्लोक 25 (skanda.1.134.25)

रेजे हैमी शलाकेव द्योतमाना गिरींद्रजा । अथाकृष्टेवपार्वत्याः प्रेमपाशैर्निरायतैः

reje haimī śalākeva dyotamānā girīṁdrajā athākṛṣṭevapārvatyāḥ premapāśairnirāyataiḥ

वह गिरिराज-नन्दिनी सुवर्ण की चमकती हुई शलाका के समान शोभित हुई, मानो पार्वती के दीर्घ प्रेम-पाशों से खिंची चली आ रही हो।

श्लोक 26 (skanda.1.134.26)

सा कार्त्तिकी पौर्णमासी समापेदे शुभा तिथिः । ततस्तस्य दिनस्यांते शृंगे शोणमहीभृतः

sā kārttikī paurṇamāsī samāpede śubhā tithiḥ tatastasya dinasyāṁte śṛṁge śoṇamahībhṛtaḥ

वह शुभ कार्तिकी पूर्णिमा तिथि आ पहुँची; तत्पश्चात् उसी दिन के अन्त में, शोण पर्वत के शिखर पर—

श्लोक 27 (skanda.1.134.27)

अदर्शि किमपि ज्योतिरनुपाधिकवैभवम् । तदर्थोपगतैर्ब्रह्ममधुभिद्वासवादिभिः

adarśi kimapi jyotiranupādhikavaibhavam tadarthopagatairbrahmamadhubhidvāsavādibhiḥ

—एक अनुपम, निरुपाधि वैभव वाली ज्योति दिखाई दी, जिसे उसी प्रयोजन से वहाँ पहुँचे ब्रह्मा, मधुसूदन और इन्द्र आदि देवताओं ने देखा।

श्लोक 28 (skanda.1.134.28)

उपास्यमानमभितो देवैर्दिव्यर्षिसंगतैः । तदनिंधनमस्नेहमदशावर्तिसंभवम्

upāsyamānamabhito devairdivyarṣisaṁgataiḥ tadaniṁdhanamasnehamadaśāvartisaṁbhavam

दिव्य ऋषियों सहित देवताओं द्वारा चारों ओर से पूजित वह ज्योति, बिना ईंधन, बिना स्नेह (तेल) और बिना बत्ती-दीपक के प्रकट हुई थी—

श्लोक 29 (skanda.1.134.29)

महाप्रदीपमालोक्य विस्मयं प्राप पार्वती । कृतप्रदक्षिणा साथ प्रणमंती पदेपदे । अरुणाद्रीश्वरं नाथं तुष्टा तुष्टाव शैलजा

mahāpradīpamālokya vismayaṁ prāpa pārvatī kṛtapradakṣiṇā sātha praṇamaṁtī padepade aruṇādrīśvaraṁ nāthaṁ tuṣṭā tuṣṭāva śailajā

—उस महाप्रदीप को देखकर पार्वती विस्मित हो गईं; उसकी प्रदक्षिणा करती और पग-पग पर प्रणाम करती हुई, प्रसन्नचित्त पर्वतपुत्री ने अरुणाद्रीश्वर स्वामी की स्तुति की।

श्लोक 30 (skanda.1.134.30)

नमस्ते मेरुचापाय कैलासाचलवासिने । नीहारशैलजामात्रे शोणक्ष्माधररूपिणे

namaste merucāpāya kailāsācalavāsine nīhāraśailajāmātre śoṇakṣmādhararūpiṇe

हे मेरु को धनुष बनाने वाले, कैलास पर्वत के निवासी, हिमालय-पुत्री के श्वसुर तथा शोण पर्वत के रूप में विराजमान! आपको नमस्कार है।

श्लोक 31 (skanda.1.134.31)

वरुणादिसुरार्च्याय तरुणादित्यवर्चसे । अरुणाचलनाथाय करुणामूर्त्तये नमः

varuṇādisurārcyāya taruṇādityavarcase aruṇācalanāthāya karuṇāmūrttaye namaḥ

वरुण आदि देवताओं द्वारा पूजित, उदीयमान सूर्य के समान तेजस्वी, अरुणाचल के स्वामी तथा करुणा की साक्षात् मूर्ति — आपको नमस्कार है।

श्लोक 32 (skanda.1.134.32)

जय जह्नुसुताचन्द्र लेखालंकृतशेखर । सौंदर्यमोहिताशेषमुनिपत्नीजनाशय

jaya jahnusutācandra lekhālaṁkṛtaśekhara sauṁdaryamohitāśeṣamunipatnījanāśaya

हे जिनके मुकुट को गंगा और चन्द्रकला से अलंकृत किया गया है, तथा जिनके सौन्दर्य ने समस्त मुनि-पत्नियों के मन को मोहित कर लिया है — आपकी जय हो।

श्लोक 33 (skanda.1.134.33)

जय शैलसुतासंगसंभृतानंगवैभव । माया नारायणाभोगक्रीडाम्रेडनपंडित

jaya śailasutāsaṁgasaṁbhṛtānaṁgavaibhava māyā nārāyaṇābhogakrīḍāmreḍanapaṁḍita

हे पर्वत-पुत्री के संग से पुष्ट कामवैभव वाले, तथा नारायण की भोग-क्रीड़ा की माया को बार-बार रचने में निपुण — आपकी जय हो।

श्लोक 34 (skanda.1.134.34)

जय संध्यासमोपेतसंभृतानंदतांडव । जय गीर्वाणगंधर्वसिद्धविद्याधरार्चित

jaya saṁdhyāsamopetasaṁbhṛtānaṁdatāṁḍava jaya gīrvāṇagaṁdharvasiddhavidyādharārcita

हे सन्ध्या-समय में आनन्दमय ताण्डव करने वाले, तथा देवताओं, गन्धर्वों, सिद्धों और विद्याधरों द्वारा पूजित — आपकी जय हो।

श्लोक 35 (skanda.1.134.35)

जय हेरंबजनक जय षण्मुखवत्सल । जय हैमवतीप्रार्थ्य जय पार्थिवदुर्लभ

jaya heraṁbajanaka jaya ṣaṇmukhavatsala jaya haimavatīprārthya jaya pārthivadurlabha

हे हेरम्ब के पिता, हे षण्मुख पर वात्सल्य रखने वाले, हे हैमवती द्वारा प्रार्थनीय, हे राजाओं के लिए भी दुर्लभ — आपकी जय हो।

श्लोक 36 (skanda.1.134.36)

इति स्तुत्वा मुहुस्तस्मिञ्ज्योतिषि न्यस्तलोचनाम् । दृष्ट्वा देवीं दयाव्याजाद्विलिल्ये वृषभध्वजः

iti stutvā muhustasmiñjyotiṣi nyastalocanām dṛṣṭvā devīṁ dayāvyājādvililye vṛṣabhadhvajaḥ

इस प्रकार बार-बार स्तुति करने पर, उस ज्योति में दृष्टि लगाए हुए देवी को देखकर, वृषभध्वज शिव करुणा के बहाने प्रकट हो गए।

श्लोक 37 (skanda.1.134.37)

लयित्वा निजमास्थाय रूपमुत्कटसुन्दरम् । आस्थाय वृषभं दिव्यममूं दृष्ट्वा शिवां शुभाम्

layitvā nijamāsthāya rūpamutkaṭasundaram āsthāya vṛṣabhaṁ divyamamūṁ dṛṣṭvā śivāṁ śubhām

उस ज्योति को विलीन करके अपने अत्यन्त सुन्दर स्वरूप को धारण कर, दिव्य वृषभ पर आरूढ़ होकर, शुभ शिवा को देखकर—

श्लोक 38 (skanda.1.134.38)

मानातिरेकादपहाय सर्वमैश्वर्यमेवं तपसि प्रवृत्ताम् । मुग्धां पुनः सांत्वयितुं गिरीशः प्रचक्रमे पर्वतराजपुत्रीम्

mānātirekādapahāya sarvamaiśvaryamevaṁ tapasi pravṛttām mugdhāṁ punaḥ sāṁtvayituṁ girīśaḥ pracakrame parvatarājaputrīm

—गिरीश उस भोली-भाली पर्वतराज-पुत्री को, जिसने अत्यधिक मान के कारण सम्पूर्ण ऐश्वर्य को त्यागकर तपस्या का मार्ग अपनाया था, पुनः सान्त्वना देने के लिए अग्रसर हुए।