बलि को वरदान

श्लोक 1 (skanda.1.19.1)

॥लोमश उवाच॥ एवं संबोधितो दैत्यो गुरुणा भार्गवेण हि॥ उवाच प्रहसन्वाक्यं मेघगंभीरया गिरा

||lomaśa uvāca|| evaṃ saṃbodhito daityo guruṇā bhārgaveṇa hi|| uvāca prahasanvākyaṃ meghagaṃbhīrayā girā

लोमश जी बोले — गुरु भार्गव द्वारा इस प्रकार समझाए जाने पर, उस दैत्य ने मेघ के समान गंभीर वाणी में हँसते हुए यह वचन कहा —

श्लोक 2 (skanda.1.19.2)

त्वयोक्तोहं हितार्थाय यैर्वाक्यैश्चालितोऽस्म्यहम्॥ तव वाक्यं मम प्रीत्यै हितमप्यहितं भवेत्

tvayoktohaṃ hitārthāya yairvākyaiścālito'smyaham|| tava vākyaṃ mama prītyai hitamapyahitaṃ bhavet

"आपने जो वचन मेरे हित के लिए कहे, उनसे मैं विचलित हुआ हूँ; हे गुरुवर, आपका वचन मेरी प्रसन्नता के लिए है, फिर भी वह हितकर होते हुए भी अहितकर बन सकता है।"

श्लोक 3 (skanda.1.19.3)

दास्यामि भिक्षितं चास्मै विष्मवे बटुरूपिणे॥ पात्रीभूतो ह्ययं विष्णुः सर्वकर्मफलेश्वरः

dāsyāmi bhikṣitaṃ cāsmai viṣmave baṭurūpiṇe|| pātrībhūto hyayaṃ viṣṇuḥ sarvakarmaphaleśvaraḥ

"मैं इस बटुरूपधारी विष्णु को याचित वस्तु अवश्य दूँगा; यह विष्णु ही समस्त कर्मफलों के स्वामी होने के कारण सुपात्र हैं।"

श्लोक 4 (skanda.1.19.4)

येषां हृदि स्थितो विष्णुस्ते वै पात्रतमा ध्रुवम्॥ यस्य नाम्ना सर्वमिदं पवित्रमिव चोच्यते

yeṣāṃ hṛdi sthito viṣṇuste vai pātratamā dhruvam|| yasya nāmnā sarvamidaṃ pavitramiva cocyate

"जिनके हृदय में विष्णु निवास करते हैं, वे ही निश्चय ही सर्वश्रेष्ठ पात्र हैं; जिनके नाम मात्र से यह सारा जगत पवित्र कहलाता है।"

श्लोक 5 (skanda.1.19.5)

येन वेदाश्च यज्ञाश्च मंत्रतंत्रादयो ह्यमी॥ सर्वे संपूर्णतां यांति सोऽयं विश्वेश्वरो हरिः

yena vedāśca yajñāśca maṃtrataṃtrādayo hyamī|| sarve saṃpūrṇatāṃ yāṃti so'yaṃ viśveśvaro hariḥ

"जिनके द्वारा वेद, यज्ञ, मंत्र, तंत्र आदि यह सब कुछ पूर्णता को प्राप्त होता है, वही यह विश्वेश्वर हरि हैं।"

श्लोक 6 (skanda.1.19.6)

आगतः कृपया मेद्य सर्वात्मा हरिरीश्वरः॥ उद्धर्तुं मां न संदेह एतज्जानीहि तत्त्वतः

āgataḥ kṛpayā medya sarvātmā harirīśvaraḥ|| uddhartuṃ māṃ na saṃdeha etajjānīhi tattvataḥ

"आज सर्वात्मा हरि ईश्वर मुझ पर कृपा करके ही मुझे उद्धार करने के लिए आए हैं — इसमें कोई संदेह नहीं, इसे यथार्थ रूप से जान लें।"

श्लोक 7 (skanda.1.19.7)

तस्य तद्वचनं श्रुत्वा चुकोप च रुषान्वितः॥ भार्गवः शप्तुमारेभे दैत्येंद्रं धर्म्मवत्सलम्

tasya tadvacanaṃ śrutvā cukopa ca ruṣānvitaḥ|| bhārgavaḥ śaptumārebhe daityeṃdraṃ dharmmavatsalam

उसका यह वचन सुनकर भार्गव क्रोध से भर उठे, और उन्होंने धर्मवत्सल उस दैत्येंद्र को शाप देना आरंभ कर दिया।

श्लोक 8 (skanda.1.19.8)

मम वाक्यमतिक्रम्य दातुमिच्छस्यरिंदम॥ विगुणो भव रे मंद तस्मात्त्वं निःश्रिको भव

mama vākyamatikramya dātumicchasyariṃdama|| viguṇo bhava re maṃda tasmāttvaṃ niḥśriko bhava

"हे शत्रुदमन, मेरे वचन का उल्लंघन करके तुम दान देना चाहते हो; इसलिए हे मूर्ख, तुम गुणहीन हो जाओ, तुम श्रीविहीन हो जाओ।"

श्लोक 9 (skanda.1.19.9)

एवं शशाप च तदा परमार्थविज्ञं शिष्यं महात्मानमगाधबोधम्॥ स वै जगामाथ महाकविस्त्वरात्स्वमाश्रमं धर्म्मविदां वरिष्ठः

evaṃ śaśāpa ca tadā paramārthavijñaṃ śiṣyaṃ mahātmānamagādhabodham|| sa vai jagāmātha mahākavistvarātsvamāśramaṃ dharmmavidāṃ variṣṭhaḥ

इस प्रकार उन्होंने परमार्थ के ज्ञाता, अगाध बोध से युक्त उस महात्मा शिष्य को शाप दिया; तब धर्मज्ञों में श्रेष्ठ वह महाकवि शुक्राचार्य तत्क्षण अपने आश्रम को लौट गए।

श्लोक 10 (skanda.1.19.10)

गते तु भार्गवे तस्मिन्बलिर्विरोचनात्मजः॥ वामनं चार्चयित्वा स महीं दातुं प्रचक्रमे

gate tu bhārgave tasminbalirvirocanātmajaḥ|| vāmanaṃ cārcayitvā sa mahīṃ dātuṃ pracakrame

भार्गव के चले जाने पर विरोचन-पुत्र बलि ने वामन की अर्चना करके पृथ्वी दान देना आरंभ किया।

श्लोक 11 (skanda.1.19.11)

विंध्यावलिः समागत्य बलेरर्द्धांगशोभिता॥ अवनिज्य बटोः पादौ प्रददौ विष्णवे महीम्

viṃdhyāvaliḥ samāgatya balerarddhāṃgaśobhitā|| avanijya baṭoḥ pādau pradadau viṣṇave mahīm

बलि की अर्धांगिनी विंध्यावली वहाँ आकर, बटु के दोनों चरण धोकर, विष्णु को पृथ्वी अर्पित करने में सहायक हुई।

श्लोक 12 (skanda.1.19.12)

संकल्पपूर्वेण तदा विधिना विधिकोविदः॥ संकल्पेनैव महता ववृधे भगवानजः

saṃkalpapūrveṇa tadā vidhinā vidhikovidaḥ|| saṃkalpenaiva mahatā vavṛdhe bhagavānajaḥ

विधि के जानकार बलि द्वारा संकल्पपूर्वक विधिवत दान किए जाने पर, उसी महान संकल्प से अजन्मा भगवान बढ़ने लगे।

श्लोक 13 (skanda.1.19.13)

यदैकेन मही व्याप्ता विष्णुना प्रभविष्णुना॥ सर्वे स्वर्गा द्वितीयेन व्याप्तास्तेन महात्मना

yadaikena mahī vyāptā viṣṇunā prabhaviṣṇunā|| sarve svargā dvitīyena vyāptāstena mahātmanā

जब प्रभावशाली विष्णु ने एक पग से पृथ्वी को व्याप्त कर लिया, तब उसी महात्मा ने दूसरे पग से समस्त स्वर्गलोकों को व्याप्त कर लिया।

श्लोक 14 (skanda.1.19.14)

सत्यलोकगतो विष्णोश्चरणः परमेष्ठिना॥ कमण्डलुगतेनैव अंभसा चावनेनिजे

satyalokagato viṣṇoścaraṇaḥ parameṣṭhinā|| kamaṇḍalugatenaiva aṃbhasā cāvanenije

विष्णु का वह चरण सत्यलोक तक जा पहुँचा, और परमेष्ठी ब्रह्मा ने अपने कमंडल के जल से उसे धो दिया।

श्लोक 15 (skanda.1.19.15)

तत्पादसंपर्कजलाच्च जाता भागीरथी सर्वसुमंगला च॥ यया त्रिलोकी च कृता पवित्रा यया च सर्वे सगराः समुद्धृताः॥ यया कपर्दः परिपूरितो वै शंभोस्तदानीं च भगीरथेन

tatpādasaṃparkajalācca jātā bhāgīrathī sarvasumaṃgalā ca|| yayā trilokī ca kṛtā pavitrā yayā ca sarve sagarāḥ samuddhṛtāḥ|| yayā kapardaḥ paripūrito vai śaṃbhostadānīṃ ca bhagīrathena

उस चरण-स्पर्श से पवित्र हुए जल से सर्वमंगला भागीरथी उत्पन्न हुईं, जिनके द्वारा तीनों लोक पवित्र हुए और सगर के समस्त पुत्र तर गए; जिन्हें उस समय भगीरथ द्वारा शिव की जटाओं में समाहित किया गया।

श्लोक 16 (skanda.1.19.16)

तीर्थानां तीर्थमाद्यं च गंगाख्यमवतारितम्॥ तद्विष्णोश्चरणेनैव समेतं ब्रह्मणा कृतम्

tīrthānāṃ tīrthamādyaṃ ca gaṃgākhyamavatāritam|| tadviṣṇoścaraṇenaiva sametaṃ brahmaṇā kṛtam

इस प्रकार समस्त तीर्थों में आद्य तीर्थ गंगा का अवतरण हुआ — यह सब विष्णु के ही चरण से जुड़ा हुआ और ब्रह्मा द्वारा संपन्न किया गया कार्य था।

श्लोक 17 (skanda.1.19.17)

त्रिविक्रमात्परो ह्यात्मा नाम्ना त्रिविक्रमोऽभवत्॥ त्रिविक्रमक्रमाक्रांतं त्रैलोक्यं च तदाऽभवत्

trivikramātparo hyātmā nāmnā trivikramo'bhavat|| trivikramakramākrāṃtaṃ trailokyaṃ ca tadā'bhavat

उन तीन पगों के कारण ही वह परमात्मा त्रिविक्रम नाम से प्रसिद्ध हुए, और उन्हीं के तीन पगों से आक्रांत होकर उस समय तीनों लोक उन्हीं के अधीन हो गए।

श्लोक 18 (skanda.1.19.18)

पदद्वयेन वा पूर्णं जगदेतच्चराचरम्॥ विहाय तत्स्वरूपं च देवदेवो जनार्द्दनः॥ पुनश्च बटुरूपोऽसावुपविश्य निजासने

padadvayena vā pūrṇaṃ jagadetaccarācaram|| vihāya tatsvarūpaṃ ca devadevo janārddanaḥ|| punaśca baṭurūpo'sāvupaviśya nijāsane

दो ही पगों से यह चराचर जगत पूर्णतः व्याप्त हो गया; तब देवदेव जनार्दन ने अपने उस विराट रूप को त्यागकर पुनः बटु का रूप धारण किया और अपने ही आसन पर विराजमान हो गए।

श्लोक 19 (skanda.1.19.19)

तदा देवाः सगंधर्वा मुनयः सिद्धचारणाः॥ आगताश्च बलेर्यज्ञं द्रष्टुं यज्ञपतिं प्रभुम्

tadā devāḥ sagaṃdharvā munayaḥ siddhacāraṇāḥ|| āgatāśca baleryajñaṃ draṣṭuṃ yajñapatiṃ prabhum

तब देवगण गंधर्वों सहित, मुनि, सिद्ध और चारण भी बलि के उस यज्ञ को और उस यज्ञपति प्रभु को देखने के लिए वहाँ आ पहुँचे।

श्लोक 20 (skanda.1.19.20)

तत्र ब्रह्मा समागत्य स्तुतिं चक्रे परात्मनः॥ बलेस्तत्रैव चान्येन च दैत्येंद्राश्चागतास्त्वरम्

tatra brahmā samāgatya stutiṃ cakre parātmanaḥ|| balestatraiva cānyena ca daityeṃdrāścāgatāstvaram

वहाँ ब्रह्मा भी आकर उस परमात्मा की स्तुति करने लगे; उसी स्थान पर बलि के अन्य सहयोगी दैत्येंद्र भी त्वरा से आ पहुँचे।

श्लोक 21 (skanda.1.19.21)

एभिः सर्वैः परिवृतो वामनो बलिसद्मनि॥ उपविश्यासने सोऽथ उवाच गरुडं प्रति

ebhiḥ sarvaiḥ parivṛto vāmano balisadmani|| upaviśyāsane so'tha uvāca garuḍaṃ prati

इन सबसे घिरे हुए वामन बलि के भवन में अपने आसन पर बैठे हुए ही गरुड़ से यह कहने लगे —

श्लोक 22 (skanda.1.19.22)

दैत्योऽसौ बालिशो भूत्वा दत्तानेन मही मम॥ त्रिपदक्रमणेनैव गृहीतं च पदद्वयम्

daityo'sau bāliśo bhūtvā dattānena mahī mama|| tripadakramaṇenaiva gṛhītaṃ ca padadvayam

"इस दैत्य ने बालक-सी भोली बुद्धि से मुझे पृथ्वी दान की थी, और तीन पगों की उस प्रतिज्ञा में से मैंने दो पग तो ग्रहण कर लिए हैं।"

श्लोक 23 (skanda.1.19.23)

पदमेकं प्रतिश्रुत्य न ददाति हि दुर्मतिः॥ तस्मात्त्वया गृहीतव्यं तृतीयं पदमेव च

padamekaṃ pratiśrutya na dadāti hi durmatiḥ|| tasmāttvayā gṛhītavyaṃ tṛtīyaṃ padameva ca

"एक पग की प्रतिज्ञा करके भी वह दुर्बुद्धि नहीं दे रहा; इसलिए तुम्हें ही उससे वह तीसरा पग लेना होगा।"

श्लोक 24 (skanda.1.19.24)

इत्युक्तो गरुडस्तेन वामनेन महात्मना॥ वैरोचनिं विनिर्भर्त्स्य वाक्यं चेदमुवाच ह

ityukto garuḍastena vāmanena mahātmanā|| vairocaniṃ vinirbhartsya vākyaṃ cedamuvāca ha

वामन द्वारा इस प्रकार कहे जाने पर, गरुड़ ने विरोचन-पुत्र की भर्त्सना करते हुए यह वचन कहा —

श्लोक 25 (skanda.1.19.25)

रे बले किं त्वया मूढ कृतमस्ति जुगुप्सितम्॥ अविद्यमाने ह्यर्थे हि किं ददासि परमात्मने॥ औदार्येण हि किं कार्यमल्पकेन त्वयाधुना

re bale kiṃ tvayā mūḍha kṛtamasti jugupsitam|| avidyamāne hyarthe hi kiṃ dadāsi paramātmane|| audāryeṇa hi kiṃ kāryamalpakena tvayādhunā

"अरे बलि, अरे मूढ़, यह तूने कैसा निंदनीय कार्य किया है? जब वस्तु ही विद्यमान नहीं है, तो परमात्मा को क्या दे रहा है? हे तुच्छ, अब तेरी इस उदारता से क्या प्रयोजन?"

श्लोक 26 (skanda.1.19.26)

इत्युक्तो बलिराविष्टः स्यमानः खगेश्वरम्॥ वक्ष्यमाणमिदं वाक्यं गरुत्मन्तं तदाऽब्रवीत्

ityukto balirāviṣṭaḥ syamānaḥ khageśvaram|| vakṣyamāṇamidaṃ vākyaṃ garutmantaṃ tadā'bravīt

इस प्रकार कहे जाने पर, बलि उस पक्षिराज से आविष्ट होकर, यह वचन कहने के लिए गरुड़ से बोले —

श्लोक 27 (skanda.1.19.27)

समर्थोस्मि महापक्ष गृपणो न भवाम्यहम्॥ येनेदं कारितं सर्वं तस्मै किं प्रददाम्यहम्

samarthosmi mahāpakṣa gṛpaṇo na bhavāmyaham|| yenedaṃ kāritaṃ sarvaṃ tasmai kiṃ pradadāmyaham

"हे महापक्ष, मैं समर्थ हूँ, मैं कृपण नहीं हूँ; जिसने यह सब करवाया है, उसे मैं क्या न दूँ?"

श्लोक 28 (skanda.1.19.28)

असमर्थो ह्यहं तात कृतोऽनेन महात्मना॥ तदोवाच बलिं सोऽपि तार्क्ष्यपुत्रो महामनाः

asamartho hyahaṃ tāta kṛto'nena mahātmanā|| tadovāca baliṃ so'pi tārkṣyaputro mahāmanāḥ

"हे तात, इस महात्मा ने ही मुझे असमर्थ बना दिया है" — यह कहकर वे महामना तार्क्ष्य-पुत्र गरुड़ बलि से बोले —

श्लोक 29 (skanda.1.19.29)

जानन्नपि च दैत्येंद्र गुरुणापि निवारितः॥ विष्णवेऽपि महीं प्रादास्त्वया किं विस्मृतं महत्

jānannapi ca daityeṃdra guruṇāpi nivāritaḥ|| viṣṇave'pi mahīṃ prādāstvayā kiṃ vismṛtaṃ mahat

"हे दैत्येंद्र, तुमने जानते-बूझते हुए और गुरु द्वारा रोके जाने पर भी विष्णु को पृथ्वी अर्पित कर दी; क्या तुम वह महान बात भूल गए हो?"

श्लोक 30 (skanda.1.19.30)

दातव्यं तत्पदं विष्णोस्तृतीयं यत्प्रतिश्रुतम्॥ न ददासि कथं वीर निरयेच पतिष्यसि

dātavyaṃ tatpadaṃ viṣṇostṛtīyaṃ yatpratiśrutam|| na dadāsi kathaṃ vīra nirayeca patiṣyasi

"जो तीसरा पग तुमने विष्णु को देने की प्रतिज्ञा की थी, वह अब क्यों नहीं दे रहे, हे वीर? यदि नहीं दोगे तो तुम नरक में गिरोगे।"

श्लोक 31 (skanda.1.19.31)

न ददासि तृतीयं च पदं मे स्वामिनः कथम्॥ बलाद्गृह्णामि रे मूढ इत्युक्त्वा तं महासुरम्॥ बबंध वारुणैः पाशैर्विरोचन सुतं तदा

na dadāsi tṛtīyaṃ ca padaṃ me svāminaḥ katham|| balādgṛhṇāmi re mūḍha ityuktvā taṃ mahāsuram|| babaṃdha vāruṇaiḥ pāśairvirocana sutaṃ tadā

"मेरे स्वामी को तुम तीसरा पग क्यों नहीं दे रहे? अरे मूढ़, तो मैं इसे बलपूर्वक ही ले लेता हूँ" — यह कहकर गरुड़ ने उस महासुर विरोचन-पुत्र को वारुण-पाशों से बाँध दिया।

श्लोक 32 (skanda.1.19.32)

नितरां निष्ठुरो भूत्वा गरुडो जयतां वरः॥ बद्धं स्वपतिमालोक्य विंध्यावलिः समभ्ययात्

nitarāṃ niṣṭhuro bhūtvā garuḍo jayatāṃ varaḥ|| baddhaṃ svapatimālokya viṃdhyāvaliḥ samabhyayāt

विजयशीलों में श्रेष्ठ गरुड़ अत्यंत निष्ठुर होकर यह कर बैठे; अपने पति को बँधा हुआ देखकर विंध्यावली शीघ्र वहाँ आ पहुँची।

श्लोक 33 (skanda.1.19.33)

बाणमेकं समारोप्य वामनस्याग्रतः स्थिता॥ वामनेन तदा पृष्टा केयं चात्राग्रतः स्थिता

bāṇamekaṃ samāropya vāmanasyāgrataḥ sthitā|| vāmanena tadā pṛṣṭā keyaṃ cātrāgrataḥ sthitā

वह एक बाण चढ़ाकर वामन के सम्मुख आ खड़ी हुई; तब वामन ने पूछा — "यह कौन है, जो यहाँ मेरे सामने खड़ी है?"

श्लोक 34 (skanda.1.19.34)

तदोवाच महातेजाः प्रह्लादो ह्यसुराधिपः॥ बलेः पत्नीति त्वां प्राप्ता इयं विंध्यावली सती

tadovāca mahātejāḥ prahlādo hyasurādhipaḥ|| baleḥ patnīti tvāṃ prāptā iyaṃ viṃdhyāvalī satī

तब महातेजस्वी असुराधिप प्रह्लाद ने कहा — "यह सती विंध्यावली बलि की पत्नी है, जो तुम्हारे पास आई है।"

श्लोक 35 (skanda.1.19.35)

प्रह्लादस्य वचः श्रुत्वा वामनो वाक्यमब्रवीत्॥ ब्रूहि विंध्यावले वाक्यं किं कार्यं ते करोम्यहम्॥ एवमुक्ता भगवता विंध्यावलिरभाषत

prahlādasya vacaḥ śrutvā vāmano vākyamabravīt|| brūhi viṃdhyāvale vākyaṃ kiṃ kāryaṃ te karomyaham|| evamuktā bhagavatā viṃdhyāvalirabhāṣata

प्रह्लाद का यह वचन सुनकर वामन ने कहा — "हे विंध्यावली, बोलो, तुम्हारा क्या कार्य करूँ?" भगवान द्वारा इस प्रकार पूछे जाने पर विंध्यावली बोली —

श्लोक 36 (skanda.1.19.36)

॥विन्ध्यावलिरुवाच॥ कस्माद्बद्धो मम पतिर्गरुडेन महात्मना॥ तत्कथ्यतां महाभाग त्वरन्नेव जनार्द्दन॥ तदोवाच महातेजा बटुवेषधरो हिः

||vindhyāvaliruvāca|| kasmādbaddho mama patirgaruḍena mahātmanā|| tatkathyatāṃ mahābhāga tvaranneva janārddana|| tadovāca mahātejā baṭuveṣadharo hiḥ

विंध्यावली बोलीं — "महात्मा गरुड़ द्वारा मेरे पति को किसलिए बाँधा गया? हे महाभाग जनार्दन, यह मुझे शीघ्र बताइए।" तब उस बटुवेषधारी महातेजस्वी ने कहा —

श्लोक 37 (skanda.1.19.37)

॥श्रीभगवानुवाच॥ अनेनैव प्रदत्ता मे मही त्रिपदलक्षणा॥ पदद्वयेन च मयाक्रांतं त्रैलोक्यमद्य वै

||śrībhagavānuvāca|| anenaiva pradattā me mahī tripadalakṣaṇā|| padadvayena ca mayākrāṃtaṃ trailokyamadya vai

भगवान बोले — "इसी ने मुझे तीन पगों जितनी भूमि दान दी थी, और मैंने दो पगों से ही आज तीनों लोक व्याप्त कर लिए हैं।"

श्लोक 38 (skanda.1.19.38)

अनेन मम दातव्यं तृतीयं पदमेव च॥ तस्माद्बद्धो मया साध्वि गरुडेनैव ते पतिः

anena mama dātavyaṃ tṛtīyaṃ padameva ca|| tasmādbaddho mayā sādhvi garuḍenaiva te patiḥ

"इसे मुझे तीसरा पग भी देना है; इसीलिए, हे साध्वी, गरुड़ ने ही तुम्हारे पति को बाँध दिया है।"

श्लोक 39 (skanda.1.19.39)

श्रुत्वा भगवतो वाक्यमुवाच परमं वचः॥ प्रतिश्रुतमनेनैव न दत्तं हि तव प्रभो

śrutvā bhagavato vākyamuvāca paramaṃ vacaḥ|| pratiśrutamanenaiva na dattaṃ hi tava prabho

भगवान का यह वचन सुनकर उसने यह परम वचन कहा — "हे प्रभो, इसने जो प्रतिज्ञा की थी, वह अभी तक आपको दी नहीं गई है।"

श्लोक 40 (skanda.1.19.40)

क्रांतं त्रिभुवनं चाद्य त्वया विक्रमरूपिणा॥ तदस्माकं विजघ्नीथाः स्वर्गे वाप्यथवा भुवि

krāṃtaṃ tribhuvanaṃ cādya tvayā vikramarūpiṇā|| tadasmākaṃ vijaghnīthāḥ svarge vāpyathavā bhuvi

"आज आपने विक्रम-रूप धारण करके तीनों भुवनों को नाप लिया है; इसलिए आपने स्वर्ग में या पृथ्वी पर हमें ही पराजित कर दिया है।"

श्लोक 41 (skanda.1.19.41)

किंचिन्न दत्ता हि विभो देवदेव जगत्पते॥ प्रहस्य भगवानाह तदा विंध्यावलिं प्रभुः

kiṃcinna dattā hi vibho devadeva jagatpate|| prahasya bhagavānāha tadā viṃdhyāvaliṃ prabhuḥ

"हे देवदेव, हे जगत्पते, हे प्रभो, हमने आपको कुछ भी नहीं दिया है" — यह सुनकर भगवान प्रभु ने विंध्यावली से मुस्कुराते हुए कहा —

श्लोक 42 (skanda.1.19.42)

पदानि त्रीणि मे चाद्य दातव्यानि कुतोऽधुना॥ शीघ्रं वद विशालाक्षि यत्ते मनसि वर्त्तते॥ तदोवाच च सा साध्वी ह्युरुक्रममवस्थिता

padāni trīṇi me cādya dātavyāni kuto'dhunā|| śīghraṃ vada viśālākṣi yatte manasi varttate|| tadovāca ca sā sādhvī hyurukramamavasthitā

"मुझे आज तीन पग दिए जाने हैं, अब वे कहाँ से आएँ? हे विशालाक्षी, तुम्हारे मन में जो कुछ है, वह शीघ्र बताओ।" तब उस साध्वी ने विशालपादी विष्णु से कहा —

श्लोक 43 (skanda.1.19.43)

त्वया कुतो वेयमुरुक्रमेण क्रांता त्रिलोकी भुवनैकनाथ॥ तथैव सर्वं जगदेकबंधो देयं किस्माभिरतुल्यरूपिणे

tvayā kuto veyamurukrameṇa krāṃtā trilokī bhuvanaikanātha|| tathaiva sarvaṃ jagadekabaṃdho deyaṃ kismābhiratulyarūpiṇe

"हे भुवन के एकमात्र नाथ, आपने ही तो विक्रम से इस तीनों लोकों को नाप लिया; हे जगत के एकमात्र बंधु, इस अतुल्यरूप वाले आपको हम और क्या दे सकते हैं?"

श्लोक 44 (skanda.1.19.44)

तस्माद्विहाय तद्विष्णो त्वमेवं कुरु संप्रति॥ प्रति श्रुतानि मे भर्त्रा पदानि त्रीणि चाधुना॥ ददाति मे पतिस्तेद्य नात्र कार्या विचारणा

tasmādvihāya tadviṣṇo tvamevaṃ kuru saṃprati|| prati śrutāni me bhartrā padāni trīṇi cādhunā|| dadāti me patistedya nātra kāryā vicāraṇā

"इसलिए, हे विष्णु, इसे छोड़कर अब आप ऐसा करें — मेरे पति ने जो तीन पग प्रतिज्ञा किए थे, वे अब मेरे पति ही आपको दें — इसमें कोई विचार करने की आवश्यकता नहीं।"

श्लोक 45 (skanda.1.19.45)

निधेहि मे पदं त्वं हि शीर्ष्णि देववर प्रभो॥ द्वितीयं मे शिशोस्त्वं हि कुरु मूर्ध्नि जगत्पते

nidhehi me padaṃ tvaṃ hi śīrṣṇi devavara prabho|| dvitīyaṃ me śiśostvaṃ hi kuru mūrdhni jagatpate

"हे देवश्रेष्ठ प्रभो, आप अपना एक पग मेरे ही सिर पर रखें; हे जगत्पते, अपना दूसरा पग इस मेरे बालक के मस्तक पर रखें।"

श्लोक 46 (skanda.1.19.46)

तृतीयं च जगन्नाथ कुरु शीर्ष्णि पतेर्मम॥ एवं त्रीणि पदानीश तव दास्यामि केशव

tṛtīyaṃ ca jagannātha kuru śīrṣṇi patermama|| evaṃ trīṇi padānīśa tava dāsyāmi keśava

"हे जगन्नाथ, तीसरा पग मेरे पति के सिर पर रखें; इस प्रकार, हे केशव, हे ईश, मैं आपको ये तीनों पद अर्पित करती हूँ।"

श्लोक 47 (skanda.1.19.47)

तस्यास्तद्वचनं श्रुत्वा परितुष्टो जनार्दनः॥ उवाच श्लक्ष्णया वाचा विरोचनसुतं प्रति

tasyāstadvacanaṃ śrutvā parituṣṭo janārdanaḥ|| uvāca ślakṣṇayā vācā virocanasutaṃ prati

उसका यह वचन सुनकर जनार्दन अत्यंत संतुष्ट हो गए, और उन्होंने कोमल वाणी में विरोचन-पुत्र से कहा —

श्लोक 48 (skanda.1.19.48)

॥भगवानुवाच॥ सुतलंगच्छ दैत्येन्द्र मा विलंबितुमर्हसि॥ सर्वैश्चासुरसंघैश्च चिरं जीव सुखी भव

||bhagavānuvāca|| sutalaṃgaccha daityendra mā vilaṃbitumarhasi|| sarvaiścāsurasaṃghaiśca ciraṃ jīva sukhī bhava

भगवान बोले — "हे दैत्येंद्र, अब तुम सुतल लोक को जाओ, विलंब मत करो; समस्त असुर-समूहों सहित चिरकाल तक सुखपूर्वक जीवित रहो।"

श्लोक 49 (skanda.1.19.49)

परितुष्टोऽस्म्यहं तात किं कार्यं करवाणि ते॥ सर्वेषामपि दातॄणां वरिष्ठोऽसि महामते

parituṣṭo'smyahaṃ tāta kiṃ kāryaṃ karavāṇi te|| sarveṣāmapi dātṝṇāṃ variṣṭho'si mahāmate

"हे तात, मैं तुमसे संतुष्ट हूँ; तुम्हारे लिए मैं क्या करूँ? हे महामते, तुम समस्त दाताओं में सबसे श्रेष्ठ हो।"

श्लोक 50 (skanda.1.19.50)

वरं वरय भद्रं ते सर्वान्कामान्ददामि ते॥ त्रिविक्रमेणैवमुक्तो विरोचनसुतस्तदा

varaṃ varaya bhadraṃ te sarvānkāmāndadāmi te|| trivikrameṇaivamukto virocanasutastadā

"वर माँगो, तुम्हारा कल्याण हो; मैं तुम्हारी समस्त कामनाएँ पूर्ण करूँगा" — त्रिविक्रम द्वारा इस प्रकार कहे जाने पर विरोचन-पुत्र ने —

श्लोक 51 (skanda.1.19.51)

विमुक्तो हि परिष्वक्तो देवदेवेन चक्रिणा॥ तदा बलिरुवाचेदं वाक्यं वाक्यविशारदः

vimukto hi pariṣvakto devadevena cakriṇā|| tadā baliruvācedaṃ vākyaṃ vākyaviśāradaḥ

— मुक्त होकर, देवदेव चक्रधारी विष्णु द्वारा आलिंगित होकर, वाक्य-कुशल बलि ने यह वचन कहा —

श्लोक 52 (skanda.1.19.52)

त्वया कृतमिदं सर्वं जगदेतच्चराचरम्॥ तस्मान्न कामये किंचित्त्वत्पदाब्जं विना प्रभो

tvayā kṛtamidaṃ sarvaṃ jagadetaccarācaram|| tasmānna kāmaye kiṃcittvatpadābjaṃ vinā prabho

"यह समस्त चराचर जगत आपने ही रचा है; इसलिए, हे प्रभो, आपके चरण-कमलों के अतिरिक्त मुझे कुछ भी अभीष्ट नहीं।"

श्लोक 53 (skanda.1.19.53)

भक्तिरस्तु पदांभोजे तव देव जनार्दन॥ भूयोभूयश्च देवेश भक्तिर्भवतु शाश्वती

bhaktirastu padāṃbhoje tava deva janārdana|| bhūyobhūyaśca deveśa bhaktirbhavatu śāśvatī

"हे देव जनार्दन, आपके चरण-कमलों में मेरी भक्ति बनी रहे; हे देवेश, बार-बार, सदा-सर्वदा मेरी वह भक्ति अटूट बनी रहे।"

श्लोक 54 (skanda.1.19.54)

एवमभ्यर्थितस्तेन भगवान्भूतभावनः॥ उवाच परमप्रीतो विरोचनसुतं तदा

evamabhyarthitastena bhagavānbhūtabhāvanaḥ|| uvāca paramaprīto virocanasutaṃ tadā

इस प्रकार उसके द्वारा प्रार्थना किए जाने पर, प्राणियों को उत्पन्न करने वाले भगवान अत्यंत प्रसन्न होकर विरोचन-पुत्र से बोले —

श्लोक 55 (skanda.1.19.55)

॥भगवानुवाच॥ बले त्वं सुतलं याहि ज्ञातिसंबंधिभिर्वृतः॥ एवमुक्तस्तदा तेन असुरो वाक्यब्रवीत्

||bhagavānuvāca|| bale tvaṃ sutalaṃ yāhi jñātisaṃbaṃdhibhirvṛtaḥ|| evamuktastadā tena asuro vākyabravīt

भगवान बोले — "हे बलि, तुम अपने ज्ञातियों और संबंधियों सहित सुतल लोक को जाओ।" उनके इस प्रकार कहे जाने पर उस असुर ने कहा —

श्लोक 56 (skanda.1.19.56)

सुतले किं नु मे कार्यं देवदेव वदस्व मे॥ तिष्ठामि तव सांनिध्ये नान्यथा वक्तुमर्हसि

sutale kiṃ nu me kāryaṃ devadeva vadasva me|| tiṣṭhāmi tava sāṃnidhye nānyathā vaktumarhasi

"हे देवदेव, सुतल में मुझे क्या करना है? मुझे बताइए; मैं तो सदा आपके ही सान्निध्य में रहना चाहता हूँ, अन्यथा कुछ मत कहिए।"

श्लोक 57 (skanda.1.19.57)

तदोवाच हृषीकेशो बलिं तं कृपयाऽन्विततः॥ अहं तव समीपस्थो भवामि सततं नृप

tadovāca hṛṣīkeśo baliṃ taṃ kṛpayā'nvitataḥ|| ahaṃ tava samīpastho bhavāmi satataṃ nṛpa

तब हृषीकेश ने कृपापूर्वक बलि से कहा — "हे राजन्, मैं सदा तुम्हारे समीप ही रहूँगा।"

श्लोक 58 (skanda.1.19.58)

द्वारि स्थितस्तव विभो निवासामि नित्यं मा खिद्यतामसुरवर्य बले श्रृणुष्व॥ वाक्यं तु मे वर महो वरदस्तवाद्य वैकुंठवासिभिपलं च भजामि गेहम्

dvāri sthitastava vibho nivāsāmi nityaṃ mā khidyatāmasuravarya bale śrṛṇuṣva|| vākyaṃ tu me vara maho varadastavādya vaikuṃṭhavāsibhipalaṃ ca bhajāmi geham

"हे प्रभो, मैं सदा तुम्हारे ही द्वार पर निवास करूँगा; हे असुरश्रेष्ठ बलि, दुखी मत हो, मेरी यह बात सुनो — हे महाभाग, मैं तुम्हें आज यह वर देता हूँ कि वैकुंठ-वासियों के साथ ही मैं तुम्हारा घर बसाऊँगा।"

श्लोक 59 (skanda.1.19.59)

तच्छ्रुत्वा वचनं तस्य विष्मोरतुलतेजसः॥ जगाम सुतलं दैत्यौ ह्यसुरैः परिवारितः

tacchrutvā vacanaṃ tasya viṣmoratulatejasaḥ|| jagāma sutalaṃ daityau hyasuraiḥ parivāritaḥ

अतुल तेजस्वी विष्णु का यह वचन सुनकर, वह दैत्य असुरों से घिरा हुआ सुतल लोक को चला गया।

श्लोक 60 (skanda.1.19.60)

तदा पुत्रशतेनैव बाणमुख्येन सत्वरम्॥ वसमानो महाबाहुर्दातॄणां च परा गतिः

tadā putraśatenaiva bāṇamukhyena satvaram|| vasamāno mahābāhurdātṝṇāṃ ca parā gatiḥ

वहाँ सौ पुत्रों सहित, बाणासुर को अपने पुत्रों में प्रमुख मानते हुए, वह महाबाहु बलि वहाँ निवास करने लगा — दाताओं के लिए वे उसकी परम गति बन गए।

श्लोक 61 (skanda.1.19.61)

त्रैलोक्ये याचका ये च सर्वे यांति बलिं प्रति॥ द्वारि स्थितस्तस्य विष्णुः प्रयच्छति यथेप्सितम्

trailokye yācakā ye ca sarve yāṃti baliṃ prati|| dvāri sthitastasya viṣṇuḥ prayacchati yathepsitam

तीनों लोकों में जो भी याचक हैं, वे सभी बलि के पास ही जाते हैं; और वहाँ उनके द्वार पर स्थित विष्णु स्वयं उन्हें उनकी इच्छानुसार वस्तुएँ प्रदान करते हैं।

श्लोक 62 (skanda.1.19.62)

भुक्तिकामाश्च ये केचिन्मुक्तिकामास्तथा परे॥ येषां यज्ञे च ते विप्रास्तत्तेभ्यः संप्रयच्छति

bhuktikāmāśca ye kecinmuktikāmāstathā pare|| yeṣāṃ yajñe ca te viprāstattebhyaḥ saṃprayacchati

जो भी लोग भोग की कामना रखते हैं, और जो अन्य मोक्ष की कामना रखते हैं, तथा जो द्विज उसके यज्ञ में भाग लेते हैं, उन सबको वह वही सब प्रदान करता है।

श्लोक 63 (skanda.1.19.63)

एवंविधो बलिर्जातः प्रसादाच्छंकरस्य च॥ पुरा हि कितवत्वेन यद्दत्तं परमात्मने

evaṃvidho balirjātaḥ prasādācchaṃkarasya ca|| purā hi kitavatvena yaddattaṃ paramātmane

इस प्रकार बलि शंकर की ही कृपा से ऐसा महान बना; क्योंकि पहले कितव के रूप में उसने जो कुछ भी परमात्मा को अर्पित किया था —

श्लोक 64 (skanda.1.19.64)

अशुचिं भूमिमासाद्य गंधपुष्पादिकं महत्॥ पतितं चार्प्पितं तेन शिवाय परमात्मने

aśuciṃ bhūmimāsādya gaṃdhapuṣpādikaṃ mahat|| patitaṃ cārppitaṃ tena śivāya paramātmane

— अशुद्ध भूमि पर गिरा हुआ वह विशाल गंध-पुष्प आदि सामग्री भी, गिरकर परमात्मा शिव को ही अर्पित हो गई थी।

श्लोक 65 (skanda.1.19.65)

किं पुनः परया भक्त्या चार्चयंति महेश्वरम्॥ पुष्पं फलं तोयं ते यांति शिवसन्निधिम्

kiṃ punaḥ parayā bhaktyā cārcayaṃti maheśvaram|| puṣpaṃ phalaṃ toyaṃ te yāṃti śivasannidhim

तो फिर जो लोग परम भक्ति से महेश्वर की अर्चना करते हैं, उनके अर्पित पुष्प, फल और जल की तो बात ही क्या — वे सब शिव के सान्निध्य को ही प्राप्त होते हैं।

श्लोक 66 (skanda.1.19.66)

शिवात्परतरो नास्ति पूजनीयो हि भो द्विजाः॥ ये हि मूकास्तथांधाश्च पंगवो ये जडास्तथा

śivātparataro nāsti pūjanīyo hi bho dvijāḥ|| ye hi mūkāstathāṃdhāśca paṃgavo ye jaḍāstathā

शिव से बढ़कर कोई पूजनीय नहीं है, हे द्विजो; जो गूँगे हैं, जो अंधे हैं, जो अपंग और जड़ हैं —

श्लोक 67 (skanda.1.19.67)

जातिहीनाश्च चंडालाः श्वपचा ह्यंत्यजा ह्यमी॥ शिवभक्तिपरा नित्यं ते यांति परमां गतिम्

jātihīnāśca caṃḍālāḥ śvapacā hyaṃtyajā hyamī|| śivabhaktiparā nityaṃ te yāṃti paramāṃ gatim

— जो नीच जाति के चांडाल हैं, जो श्वपच और अंत्यज कहलाते हैं — यदि वे सदा शिव-भक्ति में तत्पर रहें, तो वे भी परम गति को प्राप्त होते हैं।

श्लोक 68 (skanda.1.19.68)

तस्मात्सदाशिवः पूज्यः सर्वैरेवमनीषिभिः॥ पूजनीयो हि संपूज्यो ह्यर्चनीयः सदाशिवः

tasmātsadāśivaḥ pūjyaḥ sarvairevamanīṣibhiḥ|| pūjanīyo hi saṃpūjyo hyarcanīyaḥ sadāśivaḥ

इसलिए समस्त बुद्धिमान पुरुषों को सदाशिव की ही पूजा करनी चाहिए; सदाशिव ही सम्यक रूप से पूज्य और अर्चनीय हैं।

श्लोक 69 (skanda.1.19.69)

महेशं परमारथज्ञाश्चिंतयंति हृदि स्थितम्॥ यत्र जीवो भवत्येव शिवस्तत्रैव तिष्ठति

maheśaṃ paramārathajñāściṃtayaṃti hṛdi sthitam|| yatra jīvo bhavatyeva śivastatraiva tiṣṭhati

परमार्थ को जानने वाले महेश को अपने हृदय में स्थित मानकर उनका चिंतन करते हैं; जहाँ जीव होता है, वहीं शिव भी विद्यमान रहते हैं।

श्लोक 70 (skanda.1.19.70)

विना शिवेन यत्किंचिदशिवं भवति क्षणात्॥ ब्रह्मा विष्णुश्च रुद्रश्च गुणकार्यकरा ह्यमी

vinā śivena yatkiṃcidaśivaṃ bhavati kṣaṇāt|| brahmā viṣṇuśca rudraśca guṇakāryakarā hyamī

शिव के बिना जो कुछ भी है, वह क्षणभर में ही अशिव बन जाता है; ब्रह्मा, विष्णु और रुद्र — ये सब तो केवल गुणों के कार्य-रूप हैं।

श्लोक 71 (skanda.1.19.71)

रजोगुणान्वितो ब्रह्मा विष्णुः सत्त्वगुणान्वितः॥ तमोगुणाश्रितो रुद्रो गुणातीतो महेश्वरः

rajoguṇānvito brahmā viṣṇuḥ sattvaguṇānvitaḥ|| tamoguṇāśrito rudro guṇātīto maheśvaraḥ

ब्रह्मा रजोगुण से युक्त हैं, विष्णु सत्त्वगुण से युक्त हैं, रुद्र तमोगुण के आश्रित हैं — परंतु महेश्वर गुणातीत हैं।

श्लोक 72 (skanda.1.19.72)

लिंगरूपो महादेवो ह्यर्चनीयो मुमुक्षुभिः॥ शिवात्परतरो नास्ति भुक्तिमुक्तिप्रदायकः

liṃgarūpo mahādevo hyarcanīyo mumukṣubhiḥ|| śivātparataro nāsti bhuktimuktipradāyakaḥ

लिंगरूपी महादेव ही मुमुक्षुओं के लिए अर्चनीय हैं; शिव से बढ़कर कोई नहीं है, वे ही भोग और मोक्ष दोनों को प्रदान करने वाले हैं।