पार्वती को शंकर का स्वरूप-दर्शन

श्लोक 1 (skanda.1.22.1)

॥सूत उवाच॥ एवमुक्तास्तदा देवा विष्णुना परमेष्ठिना॥ जग्मुः सर्वे महेशं च द्रष्टुकामाः पिनाकिनम्

||sūta uvāca|| evamuktāstadā devā viṣṇunā parameṣṭhinā|| jagmuḥ sarve maheśaṃ ca draṣṭukāmāḥ pinākinam

सूत जी ने कहा — परमेष्ठी विष्णु द्वारा इस प्रकार कहे जाने पर तब सभी देवता पिनाकधारी महेश्वर के दर्शन की इच्छा से उनके पास गए।

श्लोक 2 (skanda.1.22.2)

परे पारे परमेण समाधिना॥ योगपीठे स्धितं शंभुं गणैश्च परिवारितम्

pare pāre parameṇa samādhinā|| yogapīṭhe sdhitaṃ śaṃbhuṃ gaṇaiśca parivāritam

वे परम समाधि में लीन, योगपीठ पर विराजमान, गणों से घिरे हुए शंभु के पास पहुँचे, जो मानो परम तट के पार स्थित थे।

श्लोक 3 (skanda.1.22.3)

यज्ञोपवीतविधिना उरसा बिभ्रतं वृतम्॥ वासुकिं सर्पराजं च कंबलाश्वतरौ तथा

yajñopavītavidhinā urasā bibhrataṃ vṛtam|| vāsukiṃ sarparājaṃ ca kaṃbalāśvatarau tathā

वे अपने वक्षस्थल पर यज्ञोपवीत के समान सर्पराज वासुकि तथा कंबल और अश्वतर नामक नागों को धारण किए हुए थे।

श्लोक 4 (skanda.1.22.4)

कर्णद्वये धारयंतं तथा कर्कोटकेन हि॥ पुलहेन च बाहुभ्यां धारयंतं च कंकणे

karṇadvaye dhārayaṃtaṃ tathā karkoṭakena hi|| pulahena ca bāhubhyāṃ dhārayaṃtaṃ ca kaṃkaṇe

वे अपने दोनों कानों में कर्कोटक नाग को तथा दोनों भुजाओं में पुलह नाग को कंकण के रूप में धारण किए हुए थे।

श्लोक 5 (skanda.1.22.5)

सन्नूपुरे शङ्खकपद्मकाभ्यां संधारयंतं च विराजमानम्॥ कर्पूरगौरं शितिकंठमद्भुतं वृषान्वितं देववरं ददर्शुः

sannūpure śaṅkhakapadmakābhyāṃ saṃdhārayaṃtaṃ ca virājamānam|| karpūragauraṃ śitikaṃṭhamadbhutaṃ vṛṣānvitaṃ devavaraṃ dadarśuḥ

वे शंख और पद्मक नागों को नूपुर के रूप में धारण किए शोभायमान थे। इस प्रकार कर्पूर के समान गौरवर्ण, नीलकंठ, अद्भुत, वृषभ के साथ विराजमान उस देवश्रेष्ठ के उन्होंने दर्शन किए।

श्लोक 6 (skanda.1.22.6)

तदा ब्रह्मा च विष्णुश्च ऋषयो देवदानवाः॥ तुष्टुवुर्विविधैः सूक्तैर्वेदोपनिषदन्वितैः

tadā brahmā ca viṣṇuśca ṛṣayo devadānavāḥ|| tuṣṭuvurvividhaiḥ sūktairvedopaniṣadanvitaiḥ

तब ब्रह्मा, विष्णु, ऋषिगण तथा देव-दानवों ने वेद-उपनिषदों से युक्त विविध सूक्तों द्वारा उनकी स्तुति की।

श्लोक 7 (skanda.1.22.7)

॥ब्रह्मोवाच॥ नमो रुद्राय देवाय मदनांतकराय च॥ भर्गाय भूरिभाग्याय त्रिनेत्राय त्रिविष्टपे

||brahmovāca|| namo rudrāya devāya madanāṃtakarāya ca|| bhargāya bhūribhāgyāya trinetrāya triviṣṭape

ब्रह्मा जी ने कहा — काम का अंत करने वाले रुद्र देव को नमस्कार है! महाभाग्यशाली, त्रिनेत्र, स्वर्गाधिपति भर्ग को नमस्कार है!

श्लोक 8 (skanda.1.22.8)

शिपिविष्टाय भीमाय शेषशायिन्नमोनमः॥ त्र्यंबकाय जगद्धात्रे विश्वरूपाय वै नमः

śipiviṣṭāya bhīmāya śeṣaśāyinnamonamaḥ|| tryaṃbakāya jagaddhātre viśvarūpāya vai namaḥ

शिपिविष्ट, भयंकर, शेषशायी को बारंबार नमस्कार है! जगत के आधार, विश्वरूप त्र्यंबक को नमस्कार है!

श्लोक 9 (skanda.1.22.9)

त्वं धाता सर्वलोकानां पिता माता त्वमीश्वरः॥ कृपया परया युक्तः पाह्यस्मांस्त्वं महेश्वर

tvaṃ dhātā sarvalokānāṃ pitā mātā tvamīśvaraḥ|| kṛpayā parayā yuktaḥ pāhyasmāṃstvaṃ maheśvara

आप ही समस्त लोकों के धाता, पिता, माता और ईश्वर हैं। हे महेश्वर, परम कृपायुक्त होकर हमारी रक्षा कीजिए।

श्लोक 10 (skanda.1.22.10)

इत्थं स्तुवत्सु देवेषु नन्दी प्रोवाच तान्प्रति॥ किमर्थमागता यूयं किं वा मनसि वर्तते

itthaṃ stuvatsu deveṣu nandī provāca tānprati|| kimarthamāgatā yūyaṃ kiṃ vā manasi vartate

देवताओं के इस प्रकार स्तुति करने पर नंदी ने उनसे कहा — "आप किसलिए आए हैं? आपके मन में क्या है?"

श्लोक 11 (skanda.1.22.11)

ते प्रोचुर्देवकार्यार्थं विज्ञप्तुं शंभुमागता॥ विज्ञप्तो नंदिना तेन शैलादेन महात्मना॥ ध्यानस्थितो महादेवः सुरकार्यार्थसिद्धये

te procurdevakāryārthaṃ vijñaptuṃ śaṃbhumāgatā|| vijñapto naṃdinā tena śailādena mahātmanā|| dhyānasthito mahādevaḥ surakāryārthasiddhaye

उन्होंने कहा — "हम देवकार्य के लिए शंभु से निवेदन करने आए हैं।" शैलाद के महात्मा पुत्र नंदी द्वारा यह सूचित किए जाने पर, ध्यानमग्न महादेव को देवकार्य की सिद्धि के लिए [जगाया गया]।

श्लोक 12 (skanda.1.22.12)

ब्रह्मादयः सुरगणाः सुरसिद्धसंघास्त्वां द्रष्टुमेव सुरवर्य विशेषयंति॥ कार्य्यार्थिनोऽसुरवरैः परिभर्त्स्यमाना अभ्यागताः सपदि शत्रुभिरर्दिताश्च

brahmādayaḥ suragaṇāḥ surasiddhasaṃghāstvāṃ draṣṭumeva suravarya viśeṣayaṃti|| kāryyārthino'suravaraiḥ paribhartsyamānā abhyāgatāḥ sapadi śatrubhirarditāśca

"हे देवश्रेष्ठ, ब्रह्मा आदि देवगण तथा सिद्धों के समूह आपके दर्शन मात्र के लिए विशेष रूप से उत्सुक हैं। असुरश्रेष्ठों द्वारा तिरस्कृत और शत्रुओं से पीड़ित होकर वे कार्यवश तुरंत यहाँ आए हैं।"

श्लोक 13 (skanda.1.22.13)

तस्मात्त्वया हि देवेश त्रातव्याश्चाधुना सुराः॥ एवं तेन तदा शंभुर्विज्ञप्तो नंदिना द्विजाः

tasmāttvayā hi deveśa trātavyāścādhunā surāḥ|| evaṃ tena tadā śaṃbhurvijñapto naṃdinā dvijāḥ

"अतः हे देवेश, अब आपको ही देवताओं की रक्षा करनी चाहिए।" हे द्विजो, इस प्रकार नंदी द्वारा उस समय शंभु से निवेदन किया गया।

श्लोक 14 (skanda.1.22.14)

शनैःशनैरुपरमच्छंभुः परमकोपनः॥ समाधेः परमात्माऽसावुवाच परमेश्वरः

śanaiḥśanairuparamacchaṃbhuḥ paramakopanaḥ|| samādheḥ paramātmā'sāvuvāca parameśvaraḥ

अत्यंत क्रोधी स्वभाव वाले शंभु धीरे-धीरे समाधि से निवृत्त हुए; वे परमात्मा परमेश्वर तब बोले।

श्लोक 15 (skanda.1.22.15)

॥महादेव उवाच॥ कस्माद्यूयं महाभागा ह्यागता मत्समीपगाः॥ ब्रह्मादयो ह्यमी देवा ब्रूत कारणमद्य वै

||mahādeva uvāca|| kasmādyūyaṃ mahābhāgā hyāgatā matsamīpagāḥ|| brahmādayo hyamī devā brūta kāraṇamadya vai

महादेव जी ने कहा — "हे महाभाग्यशाली ब्रह्मा आदि देवगण, आप सब मेरे समीप क्यों आए हैं? आज इसका कारण बताइए।"

श्लोक 16 (skanda.1.22.16)

तदा ब्रह्मा ह्युवाचेदं सुरकार्यं महत्तरम्॥ तारकेण कृतं शंभो देवानां परमाद्भुतम्

tadā brahmā hyuvācedaṃ surakāryaṃ mahattaram|| tārakeṇa kṛtaṃ śaṃbho devānāṃ paramādbhutam

तब ब्रह्मा जी ने देवताओं का यह अत्यंत महत्त्वपूर्ण कार्य कह सुनाया — "हे शंभो, तारकासुर ने देवताओं पर परम अद्भुत संकट खड़ा कर दिया है।"

श्लोक 17 (skanda.1.22.17)

कष्टात्कष्टतरं देव तद्विज्ञप्तुमिहागताः॥ हे शंभो तव पुत्रेण औरसेन हतो भवेत्॥ तारको देवशत्रुश्च नान्यथा मम भाषितम्

kaṣṭātkaṣṭataraṃ deva tadvijñaptumihāgatāḥ|| he śaṃbho tava putreṇa aurasena hato bhavet|| tārako devaśatruśca nānyathā mama bhāṣitam

"हे देव, अत्यंत कष्ट से भी बढ़कर कष्टकारी वह बात आपसे निवेदन करने हम यहाँ आए हैं। हे शंभो, देवताओं का शत्रु तारकासुर केवल आपके औरस पुत्र द्वारा ही मारा जा सकता है, अन्यथा नहीं — यह मेरा निश्चित वचन है।"

श्लोक 18 (skanda.1.22.18)

तस्मात्त्वया गिरिजा देव शंभो गृहीतव्या पाणिना दक्षिणेन॥ पाणिग्रहेणैव महानुभाव दत्ता गिरीन्द्रेण च तां कुरुष्व

tasmāttvayā girijā deva śaṃbho gṛhītavyā pāṇinā dakṣiṇena|| pāṇigraheṇaiva mahānubhāva dattā girīndreṇa ca tāṃ kuruṣva

"अतः हे शंभो, आपको गिरिजा का पाणिग्रहण अपने दक्षिण हाथ से करना चाहिए। हे महानुभाव, गिरीराज द्वारा प्रदत्त उस कन्या का पाणिग्रहण करके ही आप उसे अपनी बनाइए।"

श्लोक 19 (skanda.1.22.19)

ब्रह्मणो हि वचः श्रुत्वा प्रहसन्नब्रवीच्छिवः॥ यदा मया कृता देवी गिरिजा सर्वसुन्दरी

brahmaṇo hi vacaḥ śrutvā prahasannabravīcchivaḥ|| yadā mayā kṛtā devī girijā sarvasundarī

ब्रह्मा जी की बात सुनकर शिव जी हँसते हुए बोले — "जब मैं सर्वसुंदरी देवी गिरिजा को अपनाऊँगा,"

श्लोक 20 (skanda.1.22.20)

तदा सर्वे सुरेन्द्राश्च ऋषयो मुनयस्तथा॥ सकामाश्च भविष्यंति अक्षमाश्च परे पथि

tadā sarve surendrāśca ṛṣayo munayastathā|| sakāmāśca bhaviṣyaṃti akṣamāśca pare pathi

"तब सभी देवेंद्र, ऋषि और मुनि भी काम-वासना से युक्त हो जाएंगे और श्रेष्ठ मार्ग पर चलने में असमर्थ हो जाएंगे।"

श्लोक 21 (skanda.1.22.21)

मदनो हि मया दग्धः सर्वेषां कार्यसिद्धये॥ मया ह्यधि कृता तन्वी गिरिजा च सुमध्यमा

madano hi mayā dagdhaḥ sarveṣāṃ kāryasiddhaye|| mayā hyadhi kṛtā tanvī girijā ca sumadhyamā

"मैंने सबके कार्य की सिद्धि के लिए मदन को भस्म किया था। और मैंने ही उस कृशांगी, सुमध्यमा गिरिजा को उसके व्रत में नियुक्त किया है।"

श्लोक 22 (skanda.1.22.22)

तदानीमेव भो देवाः पार्वती मदनं च सा॥ जीवयिष्यति भो ब्रह्मन्नात्र कार्या विचारणा

tadānīmeva bho devāḥ pārvatī madanaṃ ca sā|| jīvayiṣyati bho brahmannātra kāryā vicāraṇā

"उसी समय, हे देवगण, पार्वती स्वयं मदन को पुनर्जीवित करेगी, हे ब्रह्मन्, इसमें कोई संशय नहीं करना चाहिए।"

श्लोक 23 (skanda.1.22.23)

एवं विमृश्य भो देवाः कार्या कार्यविचारणा॥ मदनेनैव दग्धेन सुरकार्यं महत्कृतम्

evaṃ vimṛśya bho devāḥ kāryā kāryavicāraṇā|| madanenaiva dagdhena surakāryaṃ mahatkṛtam

"हे देवगण, इस प्रकार विचार करके ही इस कार्य पर विचार करना चाहिए। मदन के भस्म होने से ही देवताओं का महान कार्य सिद्ध हो गया है।"

श्लोक 24 (skanda.1.22.24)

यूयं सर्वे च निष्कामा मया नास्त्यत्र संशयः॥ यथाहं च सुराः सर्वे तथा यूयं प्रयत्नतः

yūyaṃ sarve ca niṣkāmā mayā nāstyatra saṃśayaḥ|| yathāhaṃ ca surāḥ sarve tathā yūyaṃ prayatnataḥ

"मेरे द्वारा तुम सब कामनारहित हो गए हो, इसमें कोई संशय नहीं। हे देवगण, जैसा मैं हूँ वैसे ही तुम सब भी प्रयत्नपूर्वक हो गए हो।"

श्लोक 25 (skanda.1.22.25)

तपः परमसंयुक्ताः पारयामः सुदुष्करम्॥ परमानन्दसंयुक्ताः सुखिनः सर्व एव हि

tapaḥ paramasaṃyuktāḥ pārayāmaḥ suduṣkaram|| paramānandasaṃyuktāḥ sukhinaḥ sarva eva hi

"परम तप से युक्त होकर हम अत्यंत दुष्कर कार्य को पूर्ण करते हैं; परमानंद से युक्त होकर सभी सचमुच सुखी हैं।"

श्लोक 26 (skanda.1.22.26)

यूयं समाधिना तेन मदनेन च विस्मृतम्॥ कामो हि नरकायैव तस्मात्क्रोधोऽभिजायते

yūyaṃ samādhinā tena madanena ca vismṛtam|| kāmo hi narakāyaiva tasmātkrodho'bhijāyate

"तुम सबने उस समाधि के प्रभाव से मदन को भुला दिया। काम तो नरक का ही कारण है, उसी से क्रोध उत्पन्न होता है।"

श्लोक 27 (skanda.1.22.27)

क्रोधाद्भवति संमोहः संमोहाद्भ्रमते मनः॥ कामक्रोधौ परित्यज्य भवद्भिः सुरसत्तमैः॥ सर्वैरेव च मंतव्यं मद्वाक्यं नान्यथा क्वचित्

krodhādbhavati saṃmohaḥ saṃmohādbhramate manaḥ|| kāmakrodhau parityajya bhavadbhiḥ surasattamaiḥ|| sarvaireva ca maṃtavyaṃ madvākyaṃ nānyathā kvacit

"क्रोध से मोह उत्पन्न होता है और मोह से मन भ्रमित हो जाता है। हे देवश्रेष्ठो, काम और क्रोध का त्याग करके तुम सबको मेरे वचन को ही मानना चाहिए, अन्यथा कभी नहीं।"

श्लोक 28 (skanda.1.22.28)

एवं विश्राव्य भगवान्स हि देवो वृषध्वजः॥ सुरान्प्रबोधयामास तथा ऋषिगणान्मुनीन्

evaṃ viśrāvya bhagavānsa hi devo vṛṣadhvajaḥ|| surānprabodhayāmāsa tathā ṛṣigaṇānmunīn

इस प्रकार सुनाकर उन भगवान वृषभध्वज देवता ने देवताओं तथा ऋषि-मुनियों को उपदेश दिया।

श्लोक 29 (skanda.1.22.29)

तूष्णींभूतोऽभवच्छंभुर्ध्यानमाश्रित्य वै पुनः॥ आस्ते पुरा यथावच्च गणैश्च परिवारितः

tūṣṇīṃbhūto'bhavacchaṃbhurdhyānamāśritya vai punaḥ|| āste purā yathāvacca gaṇaiśca parivāritaḥ

तत्पश्चात् शंभु मौन हो गए और पुनः ध्यान में लीन हो गए, तथा पूर्ववत् गणों से घिरे हुए विराजमान रहे।

श्लोक 30 (skanda.1.22.30)

ध्यानास्थितं च तं दृष्ट्वा नन्दौ सर्वान्विसृज्य तान्॥ सब्रह्मसेन्द्रान्विबुधानुवाच प्रहसन्निव

dhyānāsthitaṃ ca taṃ dṛṣṭvā nandau sarvānvisṛjya tān|| sabrahmasendrānvibudhānuvāca prahasanniva

उन्हें ध्यानमग्न देखकर नंदी ने उन सबको विदा करते हुए, मानो हँसते हुए, ब्रह्मा और इंद्र सहित सब देवताओं से कहा।

श्लोक 31 (skanda.1.22.31)

यतागतेन मार्गेण गच्छध्वं मा विलंबितम्॥ तथेति मत्वा ते सर्वे स्वंस्वं स्थानमथाऽव्रजन्

yatāgatena mārgeṇa gacchadhvaṃ mā vilaṃbitam|| tatheti matvā te sarve svaṃsvaṃ sthānamathā'vrajan

"जिस मार्ग से आए हो, उसी मार्ग से लौट जाओ, अब विलंब मत करो।" "ऐसा ही हो" — यह मानकर वे सब अपने-अपने स्थान को चले गए।

श्लोक 32 (skanda.1.22.32)

गतेषु तेषु सर्वेषु समाधिस्थोऽभवद्भवः॥ आत्मानमात्मना कृत्वा आत्मन्येन विचंतयन्

gateṣu teṣu sarveṣu samādhistho'bhavadbhavaḥ|| ātmānamātmanā kṛtvā ātmanyena vicaṃtayan

उन सबके चले जाने पर भव समाधिस्थ हो गए और आत्मा को आत्मा में स्थिर करके अपने भीतर ही चिंतन करने लगे।

श्लोक 33 (skanda.1.22.33)

परात्परतरं स्वच्छं निर्मलं निरवग्रहम्॥ निरञ्जनं निराभासं यस्मिन्मुह्यंति सूरयः

parātparataraṃ svacchaṃ nirmalaṃ niravagraham|| nirañjanaṃ nirābhāsaṃ yasminmuhyaṃti sūrayaḥ

वे उस तत्त्व का चिंतन करने लगे जो परम से भी परम, स्वच्छ, निर्मल और असीमित है; निष्कलंक और आभासरहित है, जिसमें बड़े-बड़े ज्ञानी भी मोहित हो जाते हैं।

श्लोक 34 (skanda.1.22.34)

भानुर्नभात्यग्निरथो शशी वा न ज्योतिरेवं न च मारुतो न हि॥ यं केवलं वस्तुविचारतोऽपि सूक्ष्मात्परं सूक्ष्मतरात्परं च

bhānurnabhātyagniratho śaśī vā na jyotirevaṃ na ca māruto na hi|| yaṃ kevalaṃ vastuvicārato'pi sūkṣmātparaṃ sūkṣmatarātparaṃ ca

जिसे न सूर्य प्रकाशित करता है, न अग्नि, न चंद्रमा और न ही कोई ज्योति, न वायु ही; जो वस्तु-विचार से भी सूक्ष्म से परम सूक्ष्म और उससे भी परे है।

श्लोक 35 (skanda.1.22.35)

अनिर्द्देश्य मचिन्त्यं च निर्विकारं निरामयम्॥ ज्ञप्तिमात्रस्वरूपं च न्यासिनो यांति तत्र वै

anirddeśya macintyaṃ ca nirvikāraṃ nirāmayam|| jñaptimātrasvarūpaṃ ca nyāsino yāṃti tatra vai

वह अनिर्देश्य, अचिंत्य, निर्विकार और निरामय है; केवल ज्ञप्तिमात्र स्वरूप वाला है, जिसे संन्यासी ही प्राप्त करते हैं।

श्लोक 36 (skanda.1.22.36)

शब्दातीनं निर्गुणं निर्विकारं सत्तामात्रं ज्ञानगम्यं त्वगम्यम्॥ यत्तद्वस्तु सर्वदा कथ्यते वै वेदातीतैश्चागमैर्मन्त्रभूतैः

śabdātīnaṃ nirguṇaṃ nirvikāraṃ sattāmātraṃ jñānagamyaṃ tvagamyam|| yattadvastu sarvadā kathyate vai vedātītaiścāgamairmantrabhūtaiḥ

वह शब्दातीत, निर्गुण, निर्विकार, केवल सत्तामात्र है; ज्ञान से गम्य होकर भी अगम्य है। उस तत्त्व का ही वर्णन वेदों से परे आगमों तथा मंत्रस्वरूप शास्त्रों में सदा किया जाता है।

श्लोक 37 (skanda.1.22.37)

तद्वस्तुभूतो भगवान्स ईश्वरः पिनाकपाणिर्भगवान्वृध्वजः॥ येनैव साक्षान्मकरध्वजो हतस्तपो जुषाणः परमेश्वरः सः

tadvastubhūto bhagavānsa īśvaraḥ pinākapāṇirbhagavānvṛdhvajaḥ|| yenaiva sākṣānmakaradhvajo hatastapo juṣāṇaḥ parameśvaraḥ saḥ

वही तत्त्व साक्षात् भगवान ईश्वर, पिनाकपाणि, वृषभध्वज के रूप में प्रकट है — जिन्होंने साक्षात् मकरध्वज (काम) का वध किया था और जो तपस्या में लीन वह परमेश्वर हैं।

श्लोक 38 (skanda.1.22.38)

॥लोमश उवाच॥ गिरिजा हि तदा देवी तताप परमं तपः॥ तपसा तेन रुद्रोऽपि उत्तमं भयमागतः

||lomaśa uvāca|| girijā hi tadā devī tatāpa paramaṃ tapaḥ|| tapasā tena rudro'pi uttamaṃ bhayamāgataḥ

लोमश जी ने कहा — तब देवी गिरिजा ने परम तपस्या की; उस तपस्या से रुद्र भी अत्यंत भयभीत हो उठे।

श्लोक 39 (skanda.1.22.39)

विजित्य तपसा देवी पार्वती परमेण हि॥ शम्भुं सर्वार्थदं स्थाणुं केवलं स्वस्वरूपिणम्

vijitya tapasā devī pārvatī parameṇa hi|| śambhuṃ sarvārthadaṃ sthāṇuṃ kevalaṃ svasvarūpiṇam

देवी पार्वती ने अपने परम तप से शंभु को जीत लिया, जो सर्वार्थदाता, स्थाणु और केवल अपने ही स्वरूप में स्थित हैं।

श्लोक 40 (skanda.1.22.40)

यदा जितस्तया देव्या तपसा वृषभध्वजः॥ समाधेश्चलितो भूत्वा यत्र सा पार्वती स्थिता

yadā jitastayā devyā tapasā vṛṣabhadhvajaḥ|| samādheścalito bhūtvā yatra sā pārvatī sthitā

जब उस देवी की तपस्या से वृषभध्वज पराजित हो गए, तब वे समाधि से चलायमान होकर वहाँ गए जहाँ पार्वती स्थित थीं।

श्लोक 41 (skanda.1.22.41)

जगाम त्वरितेनैव देवदेवः पिनाकधृक्॥ तत्रापश्यत्स्थितां देवीं सखीभिः परिवारिताम्

jagāma tvaritenaiva devadevaḥ pinākadhṛk|| tatrāpaśyatsthitāṃ devīṃ sakhībhiḥ parivāritām

देवाधिदेव पिनाकधारी शीघ्रता से वहाँ पहुँचे और उन्होंने देखा कि देवी अपनी सखियों से घिरी हुई खड़ी हैं।

श्लोक 42 (skanda.1.22.42)

वेदिकोपरि विन्यस्तां यथैव शशिनः कलाम्॥ स देवस्तां निरीक्ष्याथ बटुर्भूत्वाथ तत्क्षणात्

vedikopari vinyastāṃ yathaiva śaśinaḥ kalām|| sa devastāṃ nirīkṣyātha baṭurbhūtvātha tatkṣaṇāt

वेदी पर विराजमान वह ऐसी लगती थीं मानो चंद्रमा की कला हो। उन्हें देखकर वह देव उसी क्षण एक ब्रह्मचारी बटुक का रूप धारण कर लिया।

श्लोक 43 (skanda.1.22.43)

ब्रह्मचारिस्वरूपेण महेशो भगवान्भवः॥ सखीनां मध्यमाश्रित्य ह्युवाच बटुरूपवान्॥ किमर्थमालिमध्यस्था तन्वी सर्वांगसुन्दरी

brahmacārisvarūpeṇa maheśo bhagavānbhavaḥ|| sakhīnāṃ madhyamāśritya hyuvāca baṭurūpavān|| kimarthamālimadhyasthā tanvī sarvāṃgasundarī

भगवान भव महेश ब्रह्मचारी के रूप में सखियों के बीच जाकर बटु-रूप में बोले — "यह अंग-अंग से सुंदर, कृशांगी सखियों के बीच किसलिए बैठी है?"

श्लोक 44 (skanda.1.22.44)

केयं कस्य कुतो याता किमर्थं तप्यते तपः॥ सर्वं मे कथ्यतां सख्यो याथातथ्येन संप्रति

keyaṃ kasya kuto yātā kimarthaṃ tapyate tapaḥ|| sarvaṃ me kathyatāṃ sakhyo yāthātathyena saṃprati

"यह कौन है, किसकी पुत्री है, कहाँ से आई है, और किसलिए तपस्या कर रही है? हे सखियो, अब मुझे यह सब यथार्थ रूप से बताओ।"

श्लोक 45 (skanda.1.22.45)

तदोवाच जया रुद्रं तपसः कारणं परम्

tadovāca jayā rudraṃ tapasaḥ kāraṇaṃ param

तब जया ने रुद्र को तपस्या का परम कारण बताया।

श्लोक 46 (skanda.1.22.46)

हिमाद्रेर्दुहितेयं वै तपसा रुद्रमीश्वरम्॥ प्राप्तुकामा पतित्वन सेयमत्रोपविश्य च

himādrerduhiteyaṃ vai tapasā rudramīśvaram|| prāptukāmā patitvana seyamatropaviśya ca

"यह हिमाचल की पुत्री है, जो तपस्या के द्वारा ईश्वर रुद्र को पति रूप में पाने की इच्छा से यहाँ बैठी है।"

श्लोक 47 (skanda.1.22.47)

तपस्तताप सुमहत्सर्वेषां दुरतिक्रमम्॥ बटो जानीहि मे वाक्यं नान्यथा मम भाषितम्

tapastatāpa sumahatsarveṣāṃ duratikramam|| baṭo jānīhi me vākyaṃ nānyathā mama bhāṣitam

"उसने ऐसी महान तपस्या की है जिसे लांघ पाना सबके लिए कठिन है। हे बटुक, मेरी बात को सत्य समझो, मेरा कथन अन्यथा नहीं है।"

श्लोक 48 (skanda.1.22.48)

तच्छ्रुत्वा वचनं तस्याः प्रहस्येदमुवाच ह॥ श्रृण्वतीनां सखीनां वै महेशो बटुरूपवान्

tacchrutvā vacanaṃ tasyāḥ prahasyedamuvāca ha|| śrṛṇvatīnāṃ sakhīnāṃ vai maheśo baṭurūpavān

उसकी बात सुनकर, बटु-रूपधारी महेश हँसते हुए बोले, जबकि सारी सखियाँ सुन रही थीं।

श्लोक 49 (skanda.1.22.49)

मूढेयं पार्वती सख्यो न जानाति हिताहितम्॥ किमर्थं च तपः कार्यं रुद्रप्राप्त्यर्थमेव च

mūḍheyaṃ pārvatī sakhyo na jānāti hitāhitam|| kimarthaṃ ca tapaḥ kāryaṃ rudraprāptyarthameva ca

"हे सखियो, यह पार्वती मूर्ख है, यह हित-अहित को नहीं जानती। रुद्र को पाने मात्र के लिए ऐसी तपस्या किसलिए करनी चाहिए?"

श्लोक 50 (skanda.1.22.50)

सोऽमंगलः कपाली च श्मशानालय एव च॥ अशिवः शिवशब्देन भण्यते च वृथाथ वै

so'maṃgalaḥ kapālī ca śmaśānālaya eva ca|| aśivaḥ śivaśabdena bhaṇyate ca vṛthātha vai

"वह तो अमंगल, कपालधारी और श्मशान में रहने वाला है। जो वास्तव में अशिव है, उसे व्यर्थ ही 'शिव' नाम से पुकारा जाता है।"

श्लोक 51 (skanda.1.22.51)

अनया हि वृतो रुद्रो यदा सख्यः समेष्यति॥ तदेयमशुभा तन्वी भविष्यति न संशयः

anayā hi vṛto rudro yadā sakhyaḥ sameṣyati|| tadeyamaśubhā tanvī bhaviṣyati na saṃśayaḥ

"हे सखियो, जब यह रुद्र को पति रूप में वरण करके पा लेगी, तब यह कृशांगी स्वयं अशुभ हो जाएगी, इसमें कोई संदेह नहीं।"

श्लोक 52 (skanda.1.22.52)

यो दक्षशापाद्विकृतो यज्ञबाह्योऽभवद्विटा॥ ये ह्यंगभूताः शर्वस्य सर्पा ह्यासन्महाविषाः

yo dakṣaśāpādvikṛto yajñabāhyo'bhavadviṭā|| ye hyaṃgabhūtāḥ śarvasya sarpā hyāsanmahāviṣāḥ

"जो दक्ष के शाप से विकृत होकर यज्ञ से बहिष्कृत विट हो गया; जिस शर्व के अंग-अंग महाविषधारी सर्प हैं —"

श्लोक 53 (skanda.1.22.53)

शवभस्मान्वितो रुद्रः कृत्तिवासा ह्यमंगलः॥ पिशाचैः प्रमथैर्भूतैरावृतो हि निरंतरम्

śavabhasmānvito rudraḥ kṛttivāsā hyamaṃgalaḥ|| piśācaiḥ pramathairbhūtairāvṛto hi niraṃtaram

"शव-भस्म से लिप्त, चर्मवस्त्रधारी, सदा अमंगलकारी रुद्र, जो निरंतर पिशाचों, प्रमथों और भूतों से घिरा रहता है —"

श्लोक 54 (skanda.1.22.54)

तेन रुद्रेण किं कार्यमनया सुकुमारया॥ निवार्यतां सखीभिश्च मर्तुकामा पिशाचवत्

tena rudreṇa kiṃ kāryamanayā sukumārayā|| nivāryatāṃ sakhībhiśca martukāmā piśācavat

"उस रुद्र से इस सुकुमारी को क्या प्रयोजन है? सखियों को चाहिए कि इसे रोकें, यह तो पिशाच-ग्रस्त की भाँति मरने पर तुली है।"

श्लोक 55 (skanda.1.22.55)

इंद्रं हित्वा मनोज्ञं च यमं चैव महाप्रभम्॥ नैर्ऋतं च विशालाक्षं वरुणं च अपां पतिम्

iṃdraṃ hitvā manojñaṃ ca yamaṃ caiva mahāprabham|| nairṛtaṃ ca viśālākṣaṃ varuṇaṃ ca apāṃ patim

"इंद्र जैसे मनोहर, महाप्रभावशाली यम, विशाल नेत्रों वाले नैर्ऋत, जलों के स्वामी वरुण जैसे देवताओं को छोड़कर,"

श्लोक 56 (skanda.1.22.56)

कुबेरं पवनं चैव तथैव च विभावसुम्॥ एवमादीनि वाक्यानि उवाच परमेश्वरः॥ सखीनां श्रृण्वतीनां च यत्र सा तपसि स्थिता

kuberaṃ pavanaṃ caiva tathaiva ca vibhāvasum|| evamādīni vākyāni uvāca parameśvaraḥ|| sakhīnāṃ śrṛṇvatīnāṃ ca yatra sā tapasi sthitā

"कुबेर, पवन और विभावसु (अग्नि) जैसे देवताओं को भी छोड़कर [यह रुद्र को चाहती है]" — इस प्रकार के वचन उन परमेश्वर ने कहे, जबकि सखियाँ सुन रही थीं, वहीं जहाँ वह तपस्या में स्थित थी।

श्लोक 57 (skanda.1.22.57)

इत्याकर्ण्य वचस्तस्य रुद्रस्य बटुरूपिणः॥ चुकोप च शिवा साध्वी महेशं बटुरूपिणम्

ityākarṇya vacastasya rudrasya baṭurūpiṇaḥ|| cukopa ca śivā sādhvī maheśaṃ baṭurūpiṇam

बटु-रूपधारी रुद्र के इन वचनों को सुनकर सती शिवा (पार्वती) को बटु-रूपधारी महेश पर क्रोध आ गया।

श्लोक 58 (skanda.1.22.58)

जये त्वं विजये साध्वि प्रम्लोचेऽप्यथ सुन्दरि॥ सुलोचने महाभागे समीचीनं कृतं हि मे

jaye tvaṃ vijaye sādhvi pramloce'pyatha sundari|| sulocane mahābhāge samīcīnaṃ kṛtaṃ hi me

[पार्वती ने कहा —] "हे जया! हे साध्वी विजया! हे सुंदरी प्रम्लोचे! हे सुलोचने, महाभागे! तुमने तो मेरे लिए बड़ा ही उचित काम किया है!"

श्लोक 59 (skanda.1.22.59)

किमेतस्य बटोः कार्यं भवतीनामिहाधुना॥ बटुस्वरूपमास्थाय आगतो देवनिंदकः

kimetasya baṭoḥ kāryaṃ bhavatīnāmihādhunā|| baṭusvarūpamāsthāya āgato devaniṃdakaḥ

"इस बटुक से तुम्हें अभी यहाँ क्या प्रयोजन है? बटु का रूप धारण करके यह देव-निंदक यहाँ आया है।"

श्लोक 60 (skanda.1.22.60)

अयं विसृज्यतां सख्यः किमनेन प्रयोजनम्॥ बटुस्वरूपिणं रुद्रं कुपिता सा ततोऽब्रवीत्

ayaṃ visṛjyatāṃ sakhyaḥ kimanena prayojanam|| baṭusvarūpiṇaṃ rudraṃ kupitā sā tato'bravīt

"हे सखियो, इसे विदा कर दो, इससे क्या प्रयोजन है?" कुपित होकर उसने बटु-रूपधारी रुद्र से यह कहा।

श्लोक 61 (skanda.1.22.61)

बटो गच्छाशु त्वरितो न स्थेयं च त्वयाऽधुना॥ किमनेन प्रलापेन तव नास्ति प्रयोजनम्

baṭo gacchāśu tvarito na stheyaṃ ca tvayā'dhunā|| kimanena pralāpena tava nāsti prayojanam

"हे बटुक, तुम शीघ्र चले जाओ, अब तुम्हें यहाँ रुकना उचित नहीं। इस प्रलाप से क्या लाभ? तुम्हारा इसमें कोई प्रयोजन नहीं है।"

श्लोक 62 (skanda.1.22.62)

बटुर्निर्भर्त्सितस्तत्र तया चैवं तदा पुनः॥ प्रहस्य वै स्थिरो भूत्वा पुनर्वाक्यमथाब्रवीत्

baṭurnirbhartsitastatra tayā caivaṃ tadā punaḥ|| prahasya vai sthiro bhūtvā punarvākyamathābravīt

इस प्रकार उसके द्वारा वहाँ फटकारे जाने पर भी वह बटु हँसते हुए स्थिर होकर पुनः यह वचन बोला।

श्लोक 63 (skanda.1.22.63)

शनैः शनैरवितथं विजयां प्रति सत्वरम्॥ कस्मात्कोपस्तयातन्वि कृतः केनैव हेतुना

śanaiḥ śanairavitathaṃ vijayāṃ prati satvaram|| kasmātkopastayātanvi kṛtaḥ kenaiva hetunā

धीरे-धीरे किन्तु सच्चाई के साथ उसने तुरंत विजया से कहा — "हे तन्वि, इसने किस कारण से यह क्रोध किया है?"

श्लोक 64 (skanda.1.22.64)

सर्वेषामपि तद्वाच्यं वचनं सूक्तमेव यत्॥ यथोक्तेन च वाक्येन कस्मात्तन्वी प्रकोपिता

sarveṣāmapi tadvācyaṃ vacanaṃ sūktameva yat|| yathoktena ca vākyena kasmāttanvī prakopitā

"जो कुछ भी मैंने कहा, वह तो सभी के कहने योग्य सूक्त वचन ही था। मेरे कहे हुए वचनों से यह कृशांगी किस कारण कुपित हुई?"

श्लोक 65 (skanda.1.22.65)

यः शंभुरुच्यते लोके भिक्षुको भिक्षुकप्रियः॥ यदि मे ह्यनृतं प्रोक्तं तदा कोप इहोचितः

yaḥ śaṃbhurucyate loke bhikṣuko bhikṣukapriyaḥ|| yadi me hyanṛtaṃ proktaṃ tadā kopa ihocitaḥ

"जो लोक में शंभु कहलाता है, जो भिक्षुक और भिक्षुकों का प्रिय है — यदि मैंने असत्य कहा हो, तभी यहाँ क्रोध उचित होगा।"

श्लोक 66 (skanda.1.22.66)

इयं तावत्सुरूपा च विरूपोऽसौ सदाशिवः॥ विशालाक्षी त्वियं बाला विरूपाक्षो भवस्तथा

iyaṃ tāvatsurūpā ca virūpo'sau sadāśivaḥ|| viśālākṣī tviyaṃ bālā virūpākṣo bhavastathā

"यह तो सुंदर रूप वाली है और वह सदाशिव विरूप हैं। यह बालिका विशाल नेत्रों वाली है, जबकि भव विरूप नेत्रों वाले हैं।"

श्लोक 67 (skanda.1.22.67)

एवंभूतेन रुद्रेण मोहितेयं कथं भवेत्॥ सभाग्यो हि पतिः स्त्रीणां सदा भाव्यो रतिप्रियः

evaṃbhūtena rudreṇa mohiteyaṃ kathaṃ bhavet|| sabhāgyo hi patiḥ strīṇāṃ sadā bhāvyo ratipriyaḥ

"ऐसे रुद्र से यह क्यों मोहित हो गई? स्त्रियों के लिए सौभाग्यशाली और सदा प्रेमप्रिय पति ही चाहने योग्य होता है।"

श्लोक 68 (skanda.1.22.68)

इयं कथं मोहितास्ति निर्गुणेन युगात्मिका॥ न श्रुतो न च विज्ञातो न दृष्टः केन वा शिवः

iyaṃ kathaṃ mohitāsti nirguṇena yugātmikā|| na śruto na ca vijñāto na dṛṣṭaḥ kena vā śivaḥ

"यह युगात्मिका निर्गुण रुद्र से किस प्रकार मोहित हो गई? शिव को न किसी ने सुना है, न जाना है, न देखा है।"

श्लोक 69 (skanda.1.22.69)

सकामानां च भूतानां दुर्लभो हि सदाशिवः॥ तपसा परमेणैव गर्वितेयं सुमध्यमा

sakāmānāṃ ca bhūtānāṃ durlabho hi sadāśivaḥ|| tapasā parameṇaiva garviteyaṃ sumadhyamā

"काम में लिप्त प्राणियों के लिए सदाशिव को पाना दुर्लभ है। यह सुमध्यमा तो केवल अपने परम तप के कारण ही अभिमानी हो गई है।"

श्लोक 70 (skanda.1.22.70)

निःस्तंभो हि सदा स्थाणुः कथं प्राप्स्यति तं पतिम्॥ मयोक्तं किं विशालाक्षि कस्मान्मे रुषिताऽधुना

niḥstaṃbho hi sadā sthāṇuḥ kathaṃ prāpsyati taṃ patim|| mayoktaṃ kiṃ viśālākṣi kasmānme ruṣitā'dhunā

"वह सदा स्थाणु, अभिमानरहित पति उसे कैसे प्राप्त होगा? हे विशालाक्षि, मैंने ऐसा क्या कहा जिससे यह अभी मुझसे रुष्ट हो गई?"

श्लोक 71 (skanda.1.22.71)

यावद्रोषो भवेन्नॄणां नारीणां च विशेषतः॥ तेन रोषेण तत्सर्वं भस्मीभूतं भविष्यति

yāvadroṣo bhavennṝṇāṃ nārīṇāṃ ca viśeṣataḥ|| tena roṣeṇa tatsarvaṃ bhasmībhūtaṃ bhaviṣyati

"जब तक पुरुषों में, और विशेषतः स्त्रियों में क्रोध रहता है, उसी क्रोध से वह सब कुछ भस्म हो जाएगा।"

श्लोक 72 (skanda.1.22.72)

सुकृतं चोर्जितं तन्वि सत्यमेवोदितं सति॥ कामः क्रोधश्च लोभश्च दंभो मात्सर्यमेव च

sukṛtaṃ corjitaṃ tanvi satyamevoditaṃ sati|| kāmaḥ krodhaśca lobhaśca daṃbho mātsaryameva ca

"हे सती तन्वि, मैंने जो कहा वह सत्य ही कहा है — चाहे कितना भी उत्तम पुण्य क्यों न हो।"

श्लोक 73 (skanda.1.22.73)

हिंसेर्ष्या च प्रपंचश्च तेन सर्वं विनश्यति॥ तस्मात्तपस्विभिर्युक्तं कामक्रोधादिवर्जनम्

hiṃserṣyā ca prapaṃcaśca tena sarvaṃ vinaśyati|| tasmāttapasvibhiryuktaṃ kāmakrodhādivarjanam

"काम, क्रोध, लोभ, दंभ, मात्सर्य, हिंसा, ईर्ष्या और प्रपंच — इन्हीं सबसे सब कुछ नष्ट हो जाता है। इसलिए तपस्वियों को काम-क्रोध आदि का त्याग करना उचित है।"

श्लोक 74 (skanda.1.22.74)

यदीश्वरो हृदि मध्ये विभाव्यो मनीषिभिः सर्वदा ज्ञप्तिमात्रः॥ तदा सर्वैर्मुनिवृत्त्या विभाव्यस्तपस्विभिर्नान्यथा चिंतनीयः

yadīśvaro hṛdi madhye vibhāvyo manīṣibhiḥ sarvadā jñaptimātraḥ|| tadā sarvairmunivṛttyā vibhāvyastapasvibhirnānyathā ciṃtanīyaḥ

"यदि ईश्वर, जो केवल ज्ञप्तिस्वरूप हैं, को बुद्धिमानों द्वारा सदा हृदय के भीतर ही ध्यान करना चाहिए, तो सभी तपस्वियों को भी मुनियों की भाँति उन्हीं का ध्यान करना चाहिए, अन्यथा नहीं।"

श्लोक 75 (skanda.1.22.75)

एतच्छ्रुत्वा वचनं तस्य शंभोस्तदाब्रवीद्विजया तं च सर्वम्॥ गच्छात्र किंचित्तव नास्ति कार्यं न वक्तव्यं वचनं बालिशान्यत्

etacchrutvā vacanaṃ tasya śaṃbhostadābravīdvijayā taṃ ca sarvam|| gacchātra kiṃcittava nāsti kāryaṃ na vaktavyaṃ vacanaṃ bāliśānyat

शंभु के इन वचनों को सुनकर विजया ने उनसे कहा — "यहाँ से चले जाओ, तुम्हारा यहाँ कोई प्रयोजन नहीं है। ऐसे बालिश वचन मत बोलो।"

श्लोक 76 (skanda.1.22.76)

एवं विवदमानं तं बटुरूपं सदाशिवम्॥ विसर्जयामास तदा विजया वाक्यकोविदा

evaṃ vivadamānaṃ taṃ baṭurūpaṃ sadāśivam|| visarjayāmāsa tadā vijayā vākyakovidā

इस प्रकार विवाद करते हुए बटु-रूपधारी सदाशिव को वाक्य-कुशल विजया ने तब विदा कर दिया।

श्लोक 77 (skanda.1.22.77)

तिरोधानं गतः सद्यो महेशो गिरिजां प्रति॥ अलक्ष्यमाणः सर्वासां सखीनां परमेश्वरः

tirodhānaṃ gataḥ sadyo maheśo girijāṃ prati|| alakṣyamāṇaḥ sarvāsāṃ sakhīnāṃ parameśvaraḥ

महेश तुरंत गिरिजा के समक्ष से अंतर्धान हो गए, वे परमेश्वर सभी सखियों को अदृश्य हो गए।

श्लोक 78 (skanda.1.22.78)

प्रादुर्बभूव सहसा निजरूपधरस्तदा॥ यदा ध्यानस्थिता देवी निजध्यानपरा सती

prādurbabhūva sahasā nijarūpadharastadā|| yadā dhyānasthitā devī nijadhyānaparā satī

तभी सहसा वे अपने वास्तविक स्वरूप में प्रकट हुए, ठीक उस समय जब देवी अपने ध्यान में लीन, अपने ध्यान में तत्पर बैठी थीं।

श्लोक 79 (skanda.1.22.79)

तदा हृदिस्थो देवेशो बहिर्दृष्टिचरोभवत्॥ नेत्रे उन्मील्य सा साध्वी गिरिजायतलोचना॥ अपश्यद्देवदेवेशं सर्वलोकमहेश्वरम्

tadā hṛdistho deveśo bahirdṛṣṭicarobhavat|| netre unmīlya sā sādhvī girijāyatalocanā|| apaśyaddevadeveśaṃ sarvalokamaheśvaram

तब हृदय में विराजमान देवेश उनकी बाह्य दृष्टि के समक्ष प्रकट हो गए। नेत्र खोलकर उस विशाल नेत्रों वाली सती गिरिजा ने देवाधिदेव, सर्वलोकमहेश्वर के दर्शन किए।

श्लोक 80 (skanda.1.22.80)

द्विभुजं चैकवक्त्रं कृत्तिवाससमद्भुतम्॥ कपर्दं चंद्ररेखांकं निवीतं गजचर्मणा

dvibhujaṃ caikavaktraṃ kṛttivāsasamadbhutam|| kapardaṃ caṃdrarekhāṃkaṃ nivītaṃ gajacarmaṇā

वे द्विभुज, एकमुखी, अद्भुत कृत्तिवस्त्रधारी थे; उनकी जटाओं में चंद्रकला अंकित थी और वे गजचर्म से आवृत थे।

श्लोक 81 (skanda.1.22.81)

कर्णस्थौ हि महानागौ कंबलाश्वतरौ तदा॥ वासुकिः सर्पराजश्च कृताहारो महाद्युतिः

karṇasthau hi mahānāgau kaṃbalāśvatarau tadā|| vāsukiḥ sarparājaśca kṛtāhāro mahādyutiḥ

उनके कानों में महानाग कंबल और अश्वतर धारण थे, तथा नागराज वासुकि उनके हार के रूप में सुशोभित थे — वे महाद्युतिमान थे।

श्लोक 82 (skanda.1.22.82)

वलयानि महार्हाणि तदा सर्पमयानि च॥ कृतानि तेन रुद्रेण तथा शोभाकराणि च

valayāni mahārhāṇi tadā sarpamayāni ca|| kṛtāni tena rudreṇa tathā śobhākarāṇi ca

उन्होंने सर्पों से बने अत्यंत मूल्यवान और शोभाजनक कंकण भी धारण किए हुए थे।

श्लोक 83 (skanda.1.22.83)

एवंभूतस्तदा शंभुः पार्वतीं प्रति चाग्रतः॥ उवाच त्वरया युक्तो वरं वरय भामिनि

evaṃbhūtastadā śaṃbhuḥ pārvatīṃ prati cāgrataḥ|| uvāca tvarayā yukto varaṃ varaya bhāmini

इस रूप में शंभु ने पार्वती के समक्ष खड़े होकर शीघ्रतापूर्वक कहा — "हे भामिनि, वर माँगो।"

श्लोक 84 (skanda.1.22.84)

व्रीडया परया युक्ता साध्वी प्रोवाच शंकरम्॥ त्वं नाथो मम देवेश त्वया किं विस्मृतं पुरा

vrīḍayā parayā yuktā sādhvī provāca śaṃkaram|| tvaṃ nātho mama deveśa tvayā kiṃ vismṛtaṃ purā

अत्यंत लज्जा से युक्त होकर सती ने शंकर से कहा — "हे देवेश, आप ही मेरे स्वामी हैं; क्या आपने पूर्व की बात भुला दी है?"

श्लोक 85 (skanda.1.22.85)

दक्षयज्ञविनाशं च यदर्थं कृतवान्प्रभो॥ स त्वं साहं समुत्पन्ना मेनायां कार्यसिद्धये

dakṣayajñavināśaṃ ca yadarthaṃ kṛtavānprabho|| sa tvaṃ sāhaṃ samutpannā menāyāṃ kāryasiddhaye

"हे प्रभो, जिसके लिए आपने दक्ष के यज्ञ का विनाश किया था — आप वही हैं और मैं वही सती हूँ, जो अब कार्यसिद्धि के लिए मेना के गर्भ से जन्मी हूँ।"

श्लोक 86 (skanda.1.22.86)

देवानां देवदेवेश तारकस्य वधं प्रति॥ भवतो हि मया देव भविष्यति कुमारकः

devānāṃ devadeveśa tārakasya vadhaṃ prati|| bhavato hi mayā deva bhaviṣyati kumārakaḥ

"हे देवाधिदेव, तारकासुर के वध के लिए आपसे मुझे एक पुत्र प्राप्त होगा।"

श्लोक 87 (skanda.1.22.87)

तस्मात्त्वया हि कर्तव्यं मम वाक्यं महेश्वर॥ गंतव्यं हिमवत्पार्श्वं नात्र कार्या विचारणा

tasmāttvayā hi kartavyaṃ mama vākyaṃ maheśvara|| gaṃtavyaṃ himavatpārśvaṃ nātra kāryā vicāraṇā

"अतः हे महेश्वर, आपको मेरा वचन मानना चाहिए — आपको हिमवान के पास जाना होगा, इसमें कोई विचार करने की आवश्यकता नहीं है।"

श्लोक 88 (skanda.1.22.88)

याचस्व मां महादेव ऋषिभिः परिवारितः॥ करिष्यति न संदेहस्तव वाक्यं च मे पिता

yācasva māṃ mahādeva ṛṣibhiḥ parivāritaḥ|| kariṣyati na saṃdehastava vākyaṃ ca me pitā

"हे महादेव, ऋषियों से घिरकर मुझे विवाह हेतु माँगिए; मेरे पिता निश्चय ही आपकी बात मान लेंगे, इसमें कोई संदेह नहीं।"

श्लोक 89 (skanda.1.22.89)

दक्षकन्या पुराहं वै पित्रा दत्ता यदा तव॥ यथोक्तविधिना तत्र विवाहो न कृतस्त्वया

dakṣakanyā purāhaṃ vai pitrā dattā yadā tava|| yathoktavidhinā tatra vivāho na kṛtastvayā

"पूर्वकाल में जब मैं दक्ष-कन्या के रूप में आपको मेरे पिता द्वारा दी गई थी, तब आपने विधिपूर्वक विवाह नहीं किया था।"

श्लोक 90 (skanda.1.22.90)

न ग्रहाः पूजितास्तेन दक्षेण च महात्मना॥ ग्रहाणां विषयत्वेन सच्छिद्रोऽयं महानभूत्

na grahāḥ pūjitāstena dakṣeṇa ca mahātmanā|| grahāṇāṃ viṣayatvena sacchidro'yaṃ mahānabhūt

"उस महात्मा दक्ष ने ग्रहों की पूजा नहीं की थी, और ग्रहों की उपेक्षा के कारण ही यह बड़ा दोष उत्पन्न हुआ था।"

श्लोक 91 (skanda.1.22.91)

तस्माद्यथोक्तविधिना कर्तुमर्हसि सुव्रत॥ विवाहं स्वं महाभाग देवानां कार्यसिद्धये

tasmādyathoktavidhinā kartumarhasi suvrata|| vivāhaṃ svaṃ mahābhāga devānāṃ kāryasiddhaye

"अतः हे सुव्रत, हे महाभाग, देवताओं के कार्य की सिद्धि के लिए आपको अपना विवाह विधिपूर्वक ही करना चाहिए।"

श्लोक 92 (skanda.1.22.92)

तदोवाच महाबाहो गिरिजां प्रहसन्निव॥ स्वभावेनैव तत्सर्वं जंगमाजंगमं महत्॥ जातं त्वया मोहितं च त्रिगुणैः परिवेष्टितम्

tadovāca mahābāho girijāṃ prahasanniva|| svabhāvenaiva tatsarvaṃ jaṃgamājaṃgamaṃ mahat|| jātaṃ tvayā mohitaṃ ca triguṇaiḥ pariveṣṭitam

तब उन महाबाहु ने हँसते हुए गिरिजा से कहा — "स्वभाव से ही यह संपूर्ण चराचर जगत उत्पन्न हुआ है; तुम्हारे द्वारा ही यह मोहित होकर त्रिगुणों से आवृत हुआ है।"

श्लोक 93 (skanda.1.22.93)

अहंकारात्समुत्पन्नं महत्तत्त्वं च पार्वति॥ महत्तत्त्वात्तमो जातं तमसा वेष्टितं नभः

ahaṃkārātsamutpannaṃ mahattattvaṃ ca pārvati|| mahattattvāttamo jātaṃ tamasā veṣṭitaṃ nabhaḥ

"हे पार्वति, अहंकार से महत्तत्त्व उत्पन्न हुआ; महत्तत्त्व से तम उत्पन्न हुआ, और तम से आकाश उत्पन्न हुआ जो अंधकार से आवृत है।"

श्लोक 94 (skanda.1.22.94)

नभसो वायुरुत्पन्नो वायोरग्निरजायत॥ अग्नेरापः समुत्पन्ना अद्भ्यो जाता मही तदा

nabhaso vāyurutpanno vāyoragnirajāyata|| agnerāpaḥ samutpannā adbhyo jātā mahī tadā

"आकाश से वायु उत्पन्न हुआ, वायु से अग्नि उत्पन्न हुई, अग्नि से जल उत्पन्न हुआ और जल से पृथ्वी की उत्पत्ति हुई।"

श्लोक 95 (skanda.1.22.95)

मह्यादिकानि स्थास्नूनि चराणि च वरानने॥ दृश्यं यत्सर्वमेवैतन्नश्वरं विद्धि मानिनि

mahyādikāni sthāsnūni carāṇi ca varānane|| dṛśyaṃ yatsarvamevaitannaśvaraṃ viddhi mānini

"हे वरानने, पृथ्वी आदि से उत्पन्न यह सारा स्थावर-जंगम जगत — हे मानिनि, जान लो कि यह सब दृश्यमान संसार नश्वर ही है।"

श्लोक 96 (skanda.1.22.96)

एकोऽनेकत्वमापन्नो निर्गुणो हि गुणावृतः॥ स्वज्योतिर्भाति यो नित्यं परज्योत्स्नान्वितोऽभवत्॥ स्वतंत्रः परतंत्रश्च त्वया देवि महत्कृतम्

eko'nekatvamāpanno nirguṇo hi guṇāvṛtaḥ|| svajyotirbhāti yo nityaṃ parajyotsnānvito'bhavat|| svataṃtraḥ parataṃtraśca tvayā devi mahatkṛtam

"एक ही अनेक रूप में हो गया है, निर्गुण भी गुणों से आवृत हो गया है। जो नित्य अपनी ही ज्योति से प्रकाशित होता है, वह पराई ज्योत्स्ना से युक्त हो गया है; स्वतंत्र भी परतंत्र हो गया है — हे देवि, यह सब तुम्हारा ही महान कार्य है।"

श्लोक 97 (skanda.1.22.97)

मायामयं कृतमिदं च जगत्समग्रं सर्वात्मना अवधृतं परया च बुद्ध्या॥ सर्वात्मभिः सुकृतिभिः परमार्थभावैः संसक्तिरिंद्रियगणैः परिवेष्टितं च

māyāmayaṃ kṛtamidaṃ ca jagatsamagraṃ sarvātmanā avadhṛtaṃ parayā ca buddhyā|| sarvātmabhiḥ sukṛtibhiḥ paramārthabhāvaiḥ saṃsaktiriṃdriyagaṇaiḥ pariveṣṭitaṃ ca

"यह संपूर्ण जगत माया से रचा गया है, यद्यपि परम बुद्धि के द्वारा यह सर्वात्मरूप में ही जाना जाता है। पुण्यात्मा तथा परमार्थ-भाव से युक्त लोग भी इंद्रियों के समूह से आवृत होकर आसक्ति में बँध जाते हैं।"

श्लोक 98 (skanda.1.22.98)

के ग्रहाः के उडुगणाः के बाध्यंते त्वया कृताः॥ विमुक्तं चाधुना देवि शर्वार्थं वरवर्णिनि

ke grahāḥ ke uḍugaṇāḥ ke bādhyaṃte tvayā kṛtāḥ|| vimuktaṃ cādhunā devi śarvārthaṃ varavarṇini

"क्या ग्रह, क्या नक्षत्रगण — ये सब तुम्हारे ही रचे हुए हैं, इनसे कौन बाधित होता है? हे देवि, हे वरवर्णिनि, अब मैं शर्व के लिए इन सबसे मुक्त हूँ।"

श्लोक 99 (skanda.1.22.99)

गुणकार्यप्रसंगेन आवां प्रादुर्भवः कृतः॥ त्वं हि वै प्रकृतिः सूक्ष्मा रजःसत्त्वतमोमयी

guṇakāryaprasaṃgena āvāṃ prādurbhavaḥ kṛtaḥ|| tvaṃ hi vai prakṛtiḥ sūkṣmā rajaḥsattvatamomayī

"गुणों के कार्य-प्रसंग से ही हम दोनों का प्रादुर्भाव हुआ है; तुम ही सूक्ष्म प्रकृति हो, जो रज, सत्त्व और तम से बनी हो।"

श्लोक 100 (skanda.1.22.100)

व्यापारदक्षा सततमहं चैव सुमध्यमे॥ हिमालयं न गच्छामि न याचामि कथंचन

vyāpāradakṣā satatamahaṃ caiva sumadhyame|| himālayaṃ na gacchāmi na yācāmi kathaṃcana

"हे सुमध्यमे, तुम सतत कार्य-कुशल हो; परंतु मैं हिमालय के पास नहीं जाऊँगा और किसी से कुछ भी नहीं माँगूँगा।"

श्लोक 101 (skanda.1.22.101)

देहीति वचनात्सद्यः पुरुषो याति लाघवम्॥ इत्थं ज्ञात्वा च भो देवि किमस्माकं वदस्व वै

dehīti vacanātsadyaḥ puruṣo yāti lāghavam|| itthaṃ jñātvā ca bho devi kimasmākaṃ vadasva vai

"'मुझे दो' — इस वचन मात्र से ही पुरुष तुरंत लघुता को प्राप्त हो जाता है। हे देवि, यह जानकर भी आप बताइए कि हमें क्या करना है।"

श्लोक 102 (skanda.1.22.102)

कार्यं त्वदाज्ञया भद्रे तत्सर्वं वक्तुमर्हसि॥ तेनोक्तात्र तदा साध्वी उवाच कमलेक्षणा

kāryaṃ tvadājñayā bhadre tatsarvaṃ vaktumarhasi|| tenoktātra tadā sādhvī uvāca kamalekṣaṇā

"हे भद्रे, आपकी आज्ञा से जो भी करना हो, वह सब मुझे बताइए।" उनके इस प्रकार कहने पर उस समय कमलनयनी सती ने कहा।

श्लोक 103 (skanda.1.22.103)

त्वमात्मा प्रकृतिश्चाहं नात्र कार्या विचारणा॥ तथापि शंभो कर्तव्यं मम चोद्वहनं महत्

tvamātmā prakṛtiścāhaṃ nātra kāryā vicāraṇā|| tathāpi śaṃbho kartavyaṃ mama codvahanaṃ mahat

"आप ही आत्मा हैं और मैं ही प्रकृति हूँ, इसमें कोई विचार करने की आवश्यकता नहीं। फिर भी, हे शंभो, मेरा यह महान विवाह अवश्य होना चाहिए।"

श्लोक 104 (skanda.1.22.104)

देहो ह्यविद्ययाक्षिप्तो विदेहो हि भवान्परः॥ तथाप्येवं महादेव शरीरावरणं कुरु

deho hyavidyayākṣipto videho hi bhavānparaḥ|| tathāpyevaṃ mahādeva śarīrāvaraṇaṃ kuru

"देह तो अविद्या से ही उत्पन्न होता है, आप तो स्वयं परम विदेह हैं। फिर भी, हे महादेव, आप शरीर धारण कीजिए।"

श्लोक 105 (skanda.1.22.105)

प्रपंचरचनां शंभो कुरु वाक्यान्मम प्रभो॥ याचस्व मां महादेव सौभाग्यं चैव देहि मे

prapaṃcaracanāṃ śaṃbho kuru vākyānmama prabho|| yācasva māṃ mahādeva saubhāgyaṃ caiva dehi me

"हे शंभो, हे प्रभो, मेरे कहने से यह लौकिक विधि पूर्ण कीजिए। हे महादेव, विधिपूर्वक मुझे माँगिए और मुझे सौभाग्य प्रदान कीजिए।"

श्लोक 106 (skanda.1.22.106)

इत्येवमुक्तः स तया महात्मा महेश्वरो लोकविडंबनाय॥ तथेति मत्वा प्रहसञ्जगाम स्वमालयं देववरैः सुपूजितः

ityevamuktaḥ sa tayā mahātmā maheśvaro lokaviḍaṃbanāya|| tatheti matvā prahasañjagāma svamālayaṃ devavaraiḥ supūjitaḥ

उसके इस प्रकार कहने पर वे महात्मा महेश्वर, लोक-व्यवहार के पालन हेतु, "ऐसा ही हो" कहकर हँसते हुए देवश्रेष्ठों द्वारा सम्मानित होकर अपने धाम को चले गए।

श्लोक 107 (skanda.1.22.107)

एतस्मिन्नंतरे तत्र हिमवान्गिरिभिः सह॥ मेनया भार्यया सार्द्धमाजगाम त्वरान्वितः

etasminnaṃtare tatra himavāngiribhiḥ saha|| menayā bhāryayā sārddhamājagāma tvarānvitaḥ

इसी बीच हिमवान, पर्वतों सहित, अपनी पत्नी मेना के साथ, अपने पुत्रों से घिरकर, पार्वती के दर्शन हेतु शीघ्रता से वहाँ आए।

श्लोक 108 (skanda.1.22.108)

पार्वतीदर्शनार्थं च सुतैश्च परिवारितः॥ तेन दृष्टा महादेवी सखीभिः परिवारिता

pārvatīdarśanārthaṃ ca sutaiśca parivāritaḥ|| tena dṛṣṭā mahādevī sakhībhiḥ parivāritā

उन्होंने सखियों से घिरी महादेवी को देखा।

श्लोक 109 (skanda.1.22.109)

पार्वत्या च तदा दृष्टो हिमवान्गिरिभिः सह॥ अभ्युत्थानपरा साध्वी प्रणम्य शिरसा तदा॥ पितरौ च तदा भ्रातॄन्बंधूंश्चैव च सर्वशः

pārvatyā ca tadā dṛṣṭo himavāngiribhiḥ saha|| abhyutthānaparā sādhvī praṇamya śirasā tadā|| pitarau ca tadā bhrātṝnbaṃdhūṃścaiva ca sarvaśaḥ

पार्वती ने भी पर्वतों सहित हिमवान को देखा; तुरंत उठकर सती ने अपने माता-पिता, भाइयों और समस्त बंधुजनों को सिर झुकाकर प्रणाम किया।

श्लोक 110 (skanda.1.22.110)

स्वमंकमारोप्य महायशास्तदा सुतां परिष्वज्य च बाष्पपूरितः॥ उवाच वाक्यं मधुरं हिमालयः किं वै कृतं साध्वि यथा तथेन

svamaṃkamāropya mahāyaśāstadā sutāṃ pariṣvajya ca bāṣpapūritaḥ|| uvāca vākyaṃ madhuraṃ himālayaḥ kiṃ vai kṛtaṃ sādhvi yathā tathena

उन महायशस्वी हिमालय ने अपनी पुत्री को गोद में बैठाकर, आँसुओं से भरकर, आलिंगन किया और मधुर वचन कहे — "हे साध्वी, बताओ, तुमने क्या और कैसे किया?"

श्लोक 111 (skanda.1.22.111)

तत्कथ्यतां महाभागे सर्वं शुश्रूषतां हि नः॥ तच्छ्रुत्वा मधुरं वाक्यमुवाच पितरं प्रति

tatkathyatāṃ mahābhāge sarvaṃ śuśrūṣatāṃ hi naḥ|| tacchrutvā madhuraṃ vākyamuvāca pitaraṃ prati

"हे महाभागे, वह सब हमें बताओ जो हम सुनना चाहते हैं।" यह मधुर वचन सुनकर उसने पिता से कहा।

श्लोक 112 (skanda.1.22.112)

तपसा परमेणैव प्रार्थितो मदनांतकः॥ शांतं च मे महात्कार्यं सर्वेषामपि दुर्ल्लभम्

tapasā parameṇaiva prārthito madanāṃtakaḥ|| śāṃtaṃ ca me mahātkāryaṃ sarveṣāmapi durllabham

"मैंने परम तपस्या से ही मदनांतक शिव की प्रार्थना की। मेरा महान कार्य शांतिपूर्वक सिद्ध हो गया, जो सबके लिए भी दुर्लभ है।"

श्लोक 113 (skanda.1.22.113)

तत्र तुष्टो महादेवो वरणार्थं समागतः॥ स मयोक्तस्तदा शंभुर्ममषाणिग्रहः कथम्

tatra tuṣṭo mahādevo varaṇārthaṃ samāgataḥ|| sa mayoktastadā śaṃbhurmamaṣāṇigrahaḥ katham

"इससे प्रसन्न होकर महादेव मुझे वरण करने आए। तब मैंने शंभु से कहा — 'मेरा पाणिग्रहण किस प्रकार हो?'"

श्लोक 114 (skanda.1.22.114)

क्रियते च तदा शंभो मम पित्रा विनाधुना॥ यतागतेन मार्गेण गतोऽसौ त्रिपुरांतकः

kriyate ca tadā śaṃbho mama pitrā vinādhunā|| yatāgatena mārgeṇa gato'sau tripurāṃtakaḥ

"'हे शंभो, यह अब मेरे पिता के बिना नहीं हो सकता।' तब त्रिपुरांतक उसी मार्ग से लौट गए जिस मार्ग से आए थे।

श्लोक 115 (skanda.1.22.115)

तस्यास्तद्वचनं श्रुत्वा अवाप परमां मुदम्॥ बंधुभिः सह धर्मात्मा उवाच स्वसुतां पुनः

tasyāstadvacanaṃ śrutvā avāpa paramāṃ mudam|| baṃdhubhiḥ saha dharmātmā uvāca svasutāṃ punaḥ

उसकी यह बात सुनकर वे धर्मात्मा परम आनंदित हुए और बंधुओं सहित पुनः अपनी पुत्री से बोले।

श्लोक 116 (skanda.1.22.116)

स्वगृहं चाद्य गच्छामो वयं सर्वे च भूधराः॥ अनया राधितो देवः पिनाकी वृषभध्वजः

svagṛhaṃ cādya gacchāmo vayaṃ sarve ca bhūdharāḥ|| anayā rādhito devaḥ pinākī vṛṣabhadhvajaḥ

"अब हम सब पर्वतगण अपने घर चलें; इसके द्वारा ही पिनाकधारी वृषभध्वज देव प्रसन्न किए गए हैं।"

श्लोक 117 (skanda.1.22.117)

इत्यूचुस्ते सुराः सर्वे हिमालयपुरोगमाः॥ पार्वतीसहिताः सर्वे तुष्टुवुर्वाग्भिरादृताः

ityūcuste surāḥ sarve himālayapurogamāḥ|| pārvatīsahitāḥ sarve tuṣṭuvurvāgbhirādṛtāḥ

इस प्रकार हिमालय के नेतृत्व में सभी देवगण बोले; पार्वती सहित सभी ने सम्मानपूर्वक वचनों से उनकी स्तुति की।

श्लोक 118 (skanda.1.22.118)

तां स्तूयमानां च तदा हिमालयो ह्यारोप्य चांसं वरवर्णिनीं च॥ सर्वेथ शैलाः परिवार्य चोत्सुकाः समानयामासुरथ स्वमालयम्

tāṃ stūyamānāṃ ca tadā himālayo hyāropya cāṃsaṃ varavarṇinīṃ ca|| sarvetha śailāḥ parivārya cotsukāḥ samānayāmāsuratha svamālayam

इस प्रकार स्तुति की जाती हुई उस वरवर्णिनी को हिमालय ने अपने कंधे पर बिठाया, और सभी पर्वत उत्सुकतापूर्वक उसे घेरकर अपने धाम की ओर ले गए।

श्लोक 119 (skanda.1.22.119)

देवदुंदुभयो नेदुः शंखतूर्याण्यनेकशः॥ वादित्राणि बहून्येव वाद्यमानानि सर्वशः

devaduṃdubhayo neduḥ śaṃkhatūryāṇyanekaśaḥ|| vāditrāṇi bahūnyeva vādyamānāni sarvaśaḥ

दिव्य दुंदुभियाँ बज उठीं, अनेक शंख और तुरही बजने लगे; सब ओर अनेकानेक वाद्य बजाए गए।

श्लोक 120 (skanda.1.22.120)

पुष्पवर्षेण महता तेनानीता गृहं प्रति

puṣpavarṣeṇa mahatā tenānītā gṛhaṃ prati

पुष्पों की महती वर्षा के साथ उसे घर की ओर लाया गया।

श्लोक 121 (skanda.1.22.121)

सा पूज्यमाना बहुभिस्तदानीं महाविभूत्युल्लसिता तपस्विनी॥ तथैव देवैः सह चारणैश्च महर्षिभिः सिद्धगणैश्च सर्वशः

sā pūjyamānā bahubhistadānīṃ mahāvibhūtyullasitā tapasvinī|| tathaiva devaiḥ saha cāraṇaiśca maharṣibhiḥ siddhagaṇaiśca sarvaśaḥ

उस समय अनेक लोगों द्वारा पूजित वह तपस्विनी महान वैभव से देदीप्यमान थी, तथा देवताओं, चारणों, महर्षियों और सिद्धगणों से सर्वत्र घिरी हुई थी।

श्लोक 122 (skanda.1.22.122)

पूज्यमाना तदा देवी उवाच कमलासनम्॥ देवानृषीन्पितॄन्यक्षानन्यान्सर्वान्समागतान्

pūjyamānā tadā devī uvāca kamalāsanam|| devānṛṣīnpitṝnyakṣānanyānsarvānsamāgatān

इस प्रकार पूजित होकर देवी ने कमलासन (ब्रह्मा), देवताओं, ऋषियों, पितरों, यक्षों तथा वहाँ एकत्र हुए अन्य सभी से कहा।

श्लोक 123 (skanda.1.22.123)

गच्छध्वं सर्व एवैते येन्ये ह्यत्र समागताः॥ स्वंस्वं स्थानं यताजोषं सेव्यतां परमेश्वरः

gacchadhvaṃ sarva evaite yenye hyatra samāgatāḥ|| svaṃsvaṃ sthānaṃ yatājoṣaṃ sevyatāṃ parameśvaraḥ

"आप सभी, जो यहाँ एकत्र हुए हैं, अपने-अपने स्थान को जाइए और यथाशक्ति परमेश्वर की सेवा-आराधना कीजिए।"

श्लोक 124 (skanda.1.22.124)

एवं तदानीं स्वपितुर्गृहं गता संशोभमाना परमेण वर्चसा॥ सा पार्वती देववरैः सुपूजिता संचिंतयंती मनसा सदाशिवम्

evaṃ tadānīṃ svapiturgṛhaṃ gatā saṃśobhamānā parameṇa varcasā|| sā pārvatī devavaraiḥ supūjitā saṃciṃtayaṃtī manasā sadāśivam

इस प्रकार उस समय अपने पिता के घर जाकर, परम तेज से शोभायमान वह पार्वती, देवश्रेष्ठों द्वारा सम्यक् पूजित होकर, मन ही मन सदा सदाशिव का ही चिंतन करती रहीं।