पार्वती के विवाह में हिमाद्रि द्वारा देवताओं के निवास-स्थान की रचना

श्लोक 1 (skanda.1.24.1)

॥लोमश उवाच॥ तथैव सर्वं परया मुदान्वितश्चक्रे गिरींद्रः स्वसुतार्थमेव॥ गर्गं पुरस्कृत्य महानुभावो मंगल्यभूमिं परया विभूत्या

||lomaśa uvāca|| tathaiva sarvaṃ parayā mudānvitaścakre girīṃdraḥ svasutārthameva|| gargaṃ puraskṛtya mahānubhāvo maṃgalyabhūmiṃ parayā vibhūtyā

लोमश जी ने कहा — इसी प्रकार परम आनंद से युक्त होकर गिरीन्द्र ने अपनी पुत्री के लिए सब कुछ किया; उन महानुभाव ने गर्ग को आगे रखकर परम वैभव से मंगलभूमि तैयार की।

श्लोक 2 (skanda.1.24.2)

आहूय विश्वकर्माणं कारयामास सादरम्॥ मंडपं च सुविस्तीर्णं वेदिकाभिर्मनोरमम्

āhūya viśvakarmāṇaṃ kārayāmāsa sādaram|| maṃḍapaṃ ca suvistīrṇaṃ vedikābhirmanoramam

विश्वकर्मा को बुलाकर उन्होंने आदरपूर्वक अत्यंत विस्तृत, वेदियों से मनोहर मंडप का निर्माण करवाया।

श्लोक 3 (skanda.1.24.3)

अयुतेनैव विस्तारं योजनानां द्विजोत्तमाः॥ मंडपं च गुणोपेतं नानाश्चर्यसमन्विततम्

ayutenaiva vistāraṃ yojanānāṃ dvijottamāḥ|| maṃḍapaṃ ca guṇopetaṃ nānāścaryasamanvitatam

हे द्विजोत्तमो, वह मंडप दस हजार योजन विस्तृत था, गुणों से युक्त तथा अनेक आश्चर्यों से भरा हुआ था।

श्लोक 4 (skanda.1.24.4)

स्थावरं जंगमं चैव सदृशं च मनोहरम्॥ जंगमं च जितं तत्र स्थावरेण तथैव च

sthāvaraṃ jaṃgamaṃ caiva sadṛśaṃ ca manoharam|| jaṃgamaṃ ca jitaṃ tatra sthāvareṇa tathaiva ca

वहाँ स्थावर और जंगम दोनों समान रूप से मनोहर थे; वहाँ जंगम भी मानो स्थावर से जीता हुआ प्रतीत होता था।

श्लोक 5 (skanda.1.24.5)

जंगमेन च तत्रैव जितं स्थावरमेव च॥ पयसा च जिता तत्र स्थलभूमिरभूत्तदा

jaṃgamena ca tatraiva jitaṃ sthāvarameva ca|| payasā ca jitā tatra sthalabhūmirabhūttadā

और वहीं स्थावर भी जंगम से जीता हुआ प्रतीत होता था; तथा जल से पृथ्वी जीती हुई सी लगती थी।

श्लोक 6 (skanda.1.24.6)

जलं किं नु स्थलं तत्र न विदुस्तत्त्वतो जनाः॥ क्वचित्सिंहाः क्वचिद्धंसाः सारसाश्च महाप्रभाः

jalaṃ kiṃ nu sthalaṃ tatra na vidustattvato janāḥ|| kvacitsiṃhāḥ kvaciddhaṃsāḥ sārasāśca mahāprabhāḥ

लोग सचमुच यह नहीं जान पाते थे कि वह जल है या स्थल; कहीं सिंह, कहीं हंस और महाप्रभावशाली सारस थे।

श्लोक 7 (skanda.1.24.7)

क्वचिच्छिखंडिनस्तत्र कृत्रिमाः सुमनोहराः॥ तथा नागाः कृत्रिमाश्च हयाश्चैव तथा मृगाः

kvacicchikhaṃḍinastatra kṛtrimāḥ sumanoharāḥ|| tathā nāgāḥ kṛtrimāśca hayāścaiva tathā mṛgāḥ

कहीं कृत्रिम किन्तु अत्यंत मनोहर मयूर थे; उसी प्रकार कृत्रिम गज, अश्व और मृग भी थे।

श्लोक 8 (skanda.1.24.8)

के सत्याः के असत्याश्च संस्कृता विश्वकर्मणा॥ तथैव चैवं विधिना द्वारपाः अद्भुताः कृताः

ke satyāḥ ke asatyāśca saṃskṛtā viśvakarmaṇā|| tathaiva caivaṃ vidhinā dvārapāḥ adbhutāḥ kṛtāḥ

कौन सत्य हैं और विश्वकर्मा द्वारा कौन रचे गए हैं, यह पहचानना कठिन था; उसी विधि से अद्भुत द्वारपाल भी बनाए गए थे।

श्लोक 9 (skanda.1.24.9)

पुंसो धनूंषि चोत्कृष्य स्थावरा जंगमोपमाः॥ तथाश्वाः सादिभिश्चैव गजाश्च गजसादिभिः

puṃso dhanūṃṣi cotkṛṣya sthāvarā jaṃgamopamāḥ|| tathāśvāḥ sādibhiścaiva gajāśca gajasādibhiḥ

धनुष ताने हुए पुरुषों की मूर्तियाँ स्थिर होते हुए भी जीवंत सी प्रतीत होती थीं; उसी प्रकार सवारों सहित घोड़े और महावतों सहित हाथी भी थे।

श्लोक 10 (skanda.1.24.10)

चामरैर्वीज्यमानाश्च केचित्पुष्पांकुरान्विताः॥ केचिच्च पुरुषास्तत्र विरेजुः स्रग्विणस्तथा

cāmarairvījyamānāśca kecitpuṣpāṃkurānvitāḥ|| kecicca puruṣāstatra virejuḥ sragviṇastathā

कुछ चँवरों से व्यजित थे, कुछ पुष्पांकुरों से सुसज्जित थे; तथा वहाँ माला पहने पुरुष भी शोभायमान थे।

श्लोक 11 (skanda.1.24.11)

कृत्रिमाश्च तथा बह्व्यः पताकाः कल्पितास्तथा॥ द्वारि स्थिता महालक्ष्मीः क्षीरोदधिसमुद्भवा

kṛtrimāśca tathā bahvyaḥ patākāḥ kalpitāstathā|| dvāri sthitā mahālakṣmīḥ kṣīrodadhisamudbhavā

अनेक कृत्रिम पताकाएँ भी लहरा रही थीं; तथा द्वार पर क्षीरसागर से उत्पन्न महालक्ष्मी विराजमान थीं।

श्लोक 12 (skanda.1.24.12)

गजाः स्वलंकृता ह्यासन्कृत्रिमा ह्यकृतोपमाः॥ तथाश्वाः सादिभिश्चैव गजाश्च गजसादिभिः

gajāḥ svalaṃkṛtā hyāsankṛtrimā hyakṛtopamāḥ|| tathāśvāḥ sādibhiścaiva gajāśca gajasādibhiḥ

वहाँ सुसज्जित हाथी थे, जो कृत्रिम होते हुए भी वास्तविक जैसे प्रतीत होते थे; उसी प्रकार सवारों सहित घोड़े और महावतों सहित हाथी भी थे।

श्लोक 13 (skanda.1.24.13)

रथा रथियुता ह्यासन्कृत्रिमा ह्यकृतोपमाः॥ सर्वेषां मोहनार्थाय तथा च संसदः कृताः

rathā rathiyutā hyāsankṛtrimā hyakṛtopamāḥ|| sarveṣāṃ mohanārthāya tathā ca saṃsadaḥ kṛtāḥ

रथी सहित रथ भी थे, जो कृत्रिम होते हुए भी वास्तविक जैसे लगते थे; यह सब सबको मोहित करने के लिए बनाया गया था, तथा सभाभवन भी बनाए गए थे।

श्लोक 14 (skanda.1.24.14)

महाद्वारि स्थितो नंदी कृतस्तेन हि मंडपे॥ शुद्धस्फटिकसंकाशो यथा नंदी तथैव सः

mahādvāri sthito naṃdī kṛtastena hi maṃḍape|| śuddhasphaṭikasaṃkāśo yathā naṃdī tathaiva saḥ

मंडप के महाद्वार पर उन्होंने नंदी की मूर्ति स्थापित की थी; वह शुद्ध स्फटिक के समान कांतिमान, ठीक नंदी के समान ही थी।

श्लोक 15 (skanda.1.24.15)

तस्योपरि महद्दिव्यं पुष्पकं रत्नभूषितम्॥ राजितं पल्लवाच्छत्रैश्चामरैश्च सुशोभितम्

tasyopari mahaddivyaṃ puṣpakaṃ ratnabhūṣitam|| rājitaṃ pallavācchatraiścāmaraiśca suśobhitam

उसके ऊपर एक विशाल दिव्य, रत्नभूषित पुष्पक-विमान था, जो कोमल पल्लवों के छत्रों से देदीप्यमान और चँवरों से सुशोभित था।

श्लोक 16 (skanda.1.24.16)

वामपार्श्वे गजौ द्वौ च शुद्धकाश्मीरसन्निभौ॥ चतुर्दतौ षष्टिवर्षौ महात्मानौ महाप्रभौ

vāmapārśve gajau dvau ca śuddhakāśmīrasannibhau|| caturdatau ṣaṣṭivarṣau mahātmānau mahāprabhau

बाईं ओर शुद्ध केसर के समान कांतिमान दो हाथी थे, चार दाँतों वाले, साठ वर्ष के, महान और अत्यंत तेजस्वी।

श्लोक 17 (skanda.1.24.17)

तथैव दक्षिणे पार्श्वे द्वावश्वौ दंशितौ कृतौ॥ रत्नालंकारसंयुक्ताँल्लोकपालांस्तथैव च

tathaiva dakṣiṇe pārśve dvāvaśvau daṃśitau kṛtau|| ratnālaṃkārasaṃyuktā~llokapālāṃstathaiva ca

उसी प्रकार दाईं ओर दो कवचधारी अश्व भी बनाए गए थे; तथा रत्नाभूषणों से सुसज्जित लोकपालों की भी रचना की गई थी।

श्लोक 18 (skanda.1.24.18)

षोडशप्रकृतीस्तेन याथातथ्येन धीमता॥ सर्वे देवा यथार्थेन कृता वै विश्वकर्मणा

ṣoḍaśaprakṛtīstena yāthātathyena dhīmatā|| sarve devā yathārthena kṛtā vai viśvakarmaṇā

उन बुद्धिमान विश्वकर्मा ने सोलह प्रकृतियों को ठीक उनके यथार्थ रूप में बनाया; तथा सभी देवताओं को भी उन्होंने यथार्थ रूप से रचा।

श्लोक 19 (skanda.1.24.19)

तथैव ऋषयः सर्वे भृग्वाद्यश्च तपोधनाः॥ विश्वे च पार्षदैः साकमिंद्रो हि परमार्थतः

tathaiva ṛṣayaḥ sarve bhṛgvādyaśca tapodhanāḥ|| viśve ca pārṣadaiḥ sākamiṃdro hi paramārthataḥ

उसी प्रकार भृगु आदि सभी तपोधन ऋषिगण; तथा विश्वेदेव और अपने पार्षदों सहित इंद्र भी यथार्थ रूप से बनाए गए थे।

श्लोक 20 (skanda.1.24.20)

कृताः सर्वे महात्मानो याथातथ्येन धीमता॥ एवंभूतः कृतस्तेन मंडपो दिव्यरूपवान्

kṛtāḥ sarve mahātmāno yāthātathyena dhīmatā|| evaṃbhūtaḥ kṛtastena maṃḍapo divyarūpavān

उन सभी महात्माओं को उस बुद्धिमान विश्वकर्मा ने ठीक उनके यथार्थ रूप में रचा; इस प्रकार वह दिव्य स्वरूप वाला मंडप बनाया गया।

श्लोक 21 (skanda.1.24.21)

अनेकाश्चर्यसंभूतो दिव्यो दिव्यविमोहनः॥ एतस्मिन्नंतरे तत्र आगतो नारदोग्रतः

anekāścaryasaṃbhūto divyo divyavimohanaḥ|| etasminnaṃtare tatra āgato nāradogrataḥ

वह अनेक आश्चर्यों से भरा, दिव्य, देवताओं को भी मोहित करने वाला था; इसी बीच नारद जी सबसे आगे वहाँ आ पहुँचे।

श्लोक 22 (skanda.1.24.22)

ब्रह्मणा नोदितस्तत्र हिमालयगृहं प्रति॥ नारदोथ ददर्शाग्रे आत्मानं विनयान्वितम्

brahmaṇā noditastatra himālayagṛhaṃ prati|| nāradotha dadarśāgre ātmānaṃ vinayānvitam

ब्रह्मा द्वारा हिमालय के घर भेजे गए नारद जी ने आगे बढ़ते हुए मानो अपने ही समान विनययुक्त एक प्रतिमूर्ति देखी।

श्लोक 23 (skanda.1.24.23)

भ्रांतो हि नारदस्तेन कृत्रिमेण महायशाः॥ अवलोकपरस्तत्र चरितं विश्वकर्मणः

bhrāṃto hi nāradastena kṛtrimeṇa mahāyaśāḥ|| avalokaparastatra caritaṃ viśvakarmaṇaḥ

उस कृत्रिम प्रतिमूर्ति से महायशस्वी नारद जी भ्रमित हो गए; वे वहाँ विश्वकर्मा की कारीगरी को देखने में तल्लीन हो गए।

श्लोक 24 (skanda.1.24.24)

प्रविष्टो मंडपं तस्य हिमाद्रे रत्नचित्रितम्॥ सुवर्णकलशैर्जुष्टं रंभाद्यैरुपशोभितम्

praviṣṭo maṃḍapaṃ tasya himādre ratnacitritam|| suvarṇakalaśairjuṣṭaṃ raṃbhādyairupaśobhitam

वे हिमाचल के उस रत्नजड़ित मंडप में प्रविष्ट हुए, जो स्वर्णकलशों से सुसज्जित तथा केले आदि से सुशोभित था।

श्लोक 25 (skanda.1.24.25)

सहस्रस्तम्भसंयुक्तं ततोऽद्रिः स्वगणैर्वृतः॥ तमृषिं पूजयामास किं कार्यमिति पृष्टवान्

sahasrastambhasaṃyuktaṃ tato'driḥ svagaṇairvṛtaḥ|| tamṛṣiṃ pūjayāmāsa kiṃ kāryamiti pṛṣṭavān

वह सहस्र स्तंभों से युक्त था; तब पर्वत ने अपने कुटुंबीजनों सहित उस ऋषि का सत्कार किया और पूछा कि उनका क्या प्रयोजन है।

श्लोक 26 (skanda.1.24.26)

॥नारद उवाच॥ आगतास्ते महात्मानो देवा इन्द्रपुरोगमाः॥ तथा महर्षयः सर्वे गणैश्च परिवारिताः॥ महादेवो वृषारूढो ह्यागतोद्वहनं प्रति

||nārada uvāca|| āgatāste mahātmāno devā indrapurogamāḥ|| tathā maharṣayaḥ sarve gaṇaiśca parivāritāḥ|| mahādevo vṛṣārūḍho hyāgatodvahanaṃ prati

नारद जी ने कहा — "वे महात्मा देवगण, इंद्र के नेतृत्व में, आ पहुँचे हैं; तथा गणों से घिरे सभी महर्षि भी। वृषभ पर आरूढ़ महादेव विवाह हेतु आ गए हैं।"

श्लोक 27 (skanda.1.24.27)

ततस्तद्वचनं श्रुत्वा हिमवान्गिरिसत्तमः॥ उवाच नारदं वाक्यं प्रशस्तमधुरं महत्

tatastadvacanaṃ śrutvā himavāngirisattamaḥ|| uvāca nāradaṃ vākyaṃ praśastamadhuraṃ mahat

यह सुनकर पर्वतश्रेष्ठ हिमवान ने नारद जी से अत्यंत प्रशस्त, मधुर और गंभीर वचन कहे।

श्लोक 28 (skanda.1.24.28)

पूजयित्वा यथान्यायं गच्छ त्वं शंकरं प्रति

pūjayitvā yathānyāyaṃ gaccha tvaṃ śaṃkaraṃ prati

"आपका यथोचित सत्कार करके अब आप शंकर के पास जाइए।"

श्लोक 29 (skanda.1.24.29)

ततस्तद्वचनं श्रुत्वा मुनिर्हिमवतो गिरेः॥ तथैव मत्वा वचनं शैलराजानब्रवीत्॥ मेनाकेन च सह्येन मेरुणा गिरिणा सह

tatastadvacanaṃ śrutvā munirhimavato gireḥ|| tathaiva matvā vacanaṃ śailarājānabravīt|| menākena ca sahyena meruṇā giriṇā saha

तब यह वचन सुनकर मुनि नारद ने हिमालय की बात स्वीकार करके, मैनाक, सह्य और मेरु पर्वतों के साथ, शैलराज से कहा।

श्लोक 30 (skanda.1.24.30)

एभिः समेतो ह्यधुनामहामते यतस्व शीघ्रं शिवमत्र चानय॥ देवैः समेतं च महर्षिवर्यैः सुरासुरैर्चितपादपंकजम्

ebhiḥ sameto hyadhunāmahāmate yatasva śīghraṃ śivamatra cānaya|| devaiḥ sametaṃ ca maharṣivaryaiḥ surāsuraircitapādapaṃkajam

"हे महामते, इन सबके साथ अभी शीघ्र प्रयत्न कीजिए और शिव को यहाँ लाइए — जिनके चरणकमलों की पूजा देवता, असुर और श्रेष्ठ महर्षिगण करते हैं।"

श्लोक 31 (skanda.1.24.31)

तथेति मत्वा स जगाम तूर्णां सहै व तैः पर्वतराजभिश्च॥ त्वरागतश्चैकपदेन शंभुं प्राप्नोदृषीणां प्रवरो महात्मा

tatheti matvā sa jagāma tūrṇāṃ sahai va taiḥ parvatarājabhiśca|| tvarāgataścaikapadena śaṃbhuṃ prāpnodṛṣīṇāṃ pravaro mahātmā

"ऐसा ही हो" — यह मानकर वे उन पर्वतराजों सहित शीघ्रता से चल पड़े; ऋषियों में श्रेष्ठ वे महात्मा तुरंत शंभु के पास पहुँचे।

श्लोक 32 (skanda.1.24.32)

तावद्दृष्टो महादेवो देवैश्च परिवारितः॥ तदा ब्रह्मा च विष्णुश्च रुद्रश्चैव सुरैः सह

tāvaddṛṣṭo mahādevo devaiśca parivāritaḥ|| tadā brahmā ca viṣṇuśca rudraścaiva suraiḥ saha

वहाँ उन्होंने देवताओं से घिरे महादेव के दर्शन किए; वहाँ ब्रह्मा, विष्णु और रुद्र भी देवताओं सहित उपस्थित थे।

श्लोक 33 (skanda.1.24.33)

पप्रचछुर्नारदं सर्वे येऽन्ये रुद्रचरा भृशम्॥ कथ्यतां पृच्छमानानामस्माकं कथ्यते न हि

papracachurnāradaṃ sarve ye'nye rudracarā bhṛśam|| kathyatāṃ pṛcchamānānāmasmākaṃ kathyate na hi

रुद्र के अन्य सभी अनुचरों ने अत्यंत उत्सुकतापूर्वक नारद जी से पूछा — "बताइए! हम पूछ रहे हैं, फिर भी हमें कुछ नहीं बताया जा रहा!"

श्लोक 34 (skanda.1.24.34)

एकैकस्यात्मजाः स्वाः स्वाः सह्यमैनाकमेरवः॥ कन्यां दास्यंति वा शंभोः किं त्विदानीं प्रवर्तते

ekaikasyātmajāḥ svāḥ svāḥ sahyamainākameravaḥ|| kanyāṃ dāsyaṃti vā śaṃbhoḥ kiṃ tvidānīṃ pravartate

"सह्य, मैनाक और मेरु — क्या ये अपनी-अपनी कन्याएँ शंभु को देंगे? अभी वहाँ क्या हो रहा है?"

श्लोक 35 (skanda.1.24.35)

ततोऽवोचन्महातेजा नारदश्चर्षिसत्तमः॥ ब्रह्माणं पुरतः कृत्वा विष्णुं प्रति सहेतुकम्

tato'vocanmahātejā nāradaścarṣisattamaḥ|| brahmāṇaṃ purataḥ kṛtvā viṣṇuṃ prati sahetukam

तब उस महातेजस्वी ऋषिश्रेष्ठ नारद जी ने ब्रह्मा जी को आगे करके विष्णु से कारण सहित यह कहा।

श्लोक 36 (skanda.1.24.36)

एकांतमाश्रित्य तदा सुरेन्द्रं स नारदो वाक्यमिदं बभाषे॥ त्वष्ट्रा कृतं वै भवनं महत्तरं येनैव सर्वे च विमोहिता वयम्

ekāṃtamāśritya tadā surendraṃ sa nārado vākyamidaṃ babhāṣe|| tvaṣṭrā kṛtaṃ vai bhavanaṃ mahattaraṃ yenaiva sarve ca vimohitā vayam

इंद्र को एकांत में ले जाकर नारद जी ने यह वचन कहा — "त्वष्टा ने एक अत्यंत विशाल भवन बनाया है, जिससे हम सब भ्रमित हो गए हैं।"

श्लोक 37 (skanda.1.24.37)

पुरा कृतं तस्य महात्मनस्त्वया किं विस्मृतं तत्सकलं शचीपते॥ तस्मादसौ त्वां विजिगीषुकामो गृहे वसंस्तस्यगिरेर्महात्मनः

purā kṛtaṃ tasya mahātmanastvayā kiṃ vismṛtaṃ tatsakalaṃ śacīpate|| tasmādasau tvāṃ vijigīṣukāmo gṛhe vasaṃstasyagirermahātmanaḥ

"हे शचीपते, क्या आप उस महात्मा द्वारा पूर्व में किए गए उस सब को भूल गए हैं? इसीलिए वह आपको जीतने की इच्छा से उस महात्मा पर्वत के घर में निवास कर रहा है।"

श्लोक 38 (skanda.1.24.38)

अहो विमोहितस्तेन प्रतिरूपेण भास्वता॥ तथा विष्णुः कृतस्तेन शंखचक्रगदादिभृत्

aho vimohitastena pratirūpeṇa bhāsvatā|| tathā viṣṇuḥ kṛtastena śaṃkhacakragadādibhṛt

"अहो, उसके इस देदीप्यमान प्रतिरूप से हम सब कैसे मोहित हो गए! उसने तो शंख-चक्र-गदाधारी विष्णु तक की प्रतिमूर्ति बना दी।"

श्लोक 39 (skanda.1.24.39)

ब्रह्मा चैव तथाभूतस्तं चैव कृतवानसौ

brahmā caiva tathābhūtastaṃ caiva kṛtavānasau

"उसी प्रकार उसने ब्रह्मा को भी बना डाला है।"

श्लोक 40 (skanda.1.24.40)

मायामयो वृषभस्तेन वेषात्कृतो हि नागोश्वतरस्तथैव॥ तथा चान्यान्याप्यनेनामरेन्द्र सर्वाण्येवोल्लिखितान्यत्र विद्धि

māyāmayo vṛṣabhastena veṣātkṛto hi nāgośvatarastathaiva|| tathā cānyānyāpyanenāmarendra sarvāṇyevollikhitānyatra viddhi

"उसने माया से वृषभ बनाया, तथा नाग अश्वतर का भी वेष रचा; हे अमरेंद्र, जानिए कि यहाँ और भी सब कुछ इसी प्रकार उसने अंकित कर दिया है।"

श्लोक 41 (skanda.1.24.41)

तच्छ्रुत्वा वचनं तस्य देवेंद्रो वाक्यमब्रवीत्

tacchrutvā vacanaṃ tasya deveṃdro vākyamabravīt

उनकी यह बात सुनकर देवेंद्र ने यह वचन कहा।

श्लोक 42 (skanda.1.24.42)

विष्णुं प्रति तदा शीघ्रं दृष्ट्वा यामि वसात्र भोः॥ पुत्रशोकेन तप्तोऽसौ व्याजेनान्येन वाऽकरोत्

viṣṇuṃ prati tadā śīghraṃ dṛṣṭvā yāmi vasātra bhoḥ|| putraśokena tapto'sau vyājenānyena vā'karot

"मैं शीघ्र ही विष्णु के पास जाकर देखता हूँ — क्या उसने अपने पुत्र के शोक से संतप्त होकर यह किया है, या किसी अन्य बहाने से?"

श्लोक 43 (skanda.1.24.43)

तस्य तद्वचनं श्रुत्वा देवदेवो जनार्द्दनः॥ उवाच प्रहसन्वाक्यं शक्रमाप्तभयं तदा

tasya tadvacanaṃ śrutvā devadevo janārddanaḥ|| uvāca prahasanvākyaṃ śakramāptabhayaṃ tadā

उनकी यह बात सुनकर देवाधिदेव जनार्दन हँसते हुए उस भयभीत शक्र से बोले।

श्लोक 44 (skanda.1.24.44)

निवातकवचैः पूर्वं मोहितोऽसि शचीपते॥ विद्याऽमृता तत्र मया समानीतोपसत्तये

nivātakavacaiḥ pūrvaṃ mohito'si śacīpate|| vidyā'mṛtā tatra mayā samānītopasattaye

"हे शचीपते, पहले भी निवातकवचों से आप मोहित हो गए थे; तब मैंने अमृतमयी विद्या से उसका उपाय किया था।"

श्लोक 45 (skanda.1.24.45)

महाविद्याबलेनैव प्रविश्य मण्डपेऽधुना॥ पर्वतो हिमवानेष तथान्ये पर्वतोत्तमाः

mahāvidyābalenaiva praviśya maṇḍape'dhunā|| parvato himavāneṣa tathānye parvatottamāḥ

"केवल महाविद्या के बल से ही अब इस मंडप में प्रवेश करके यह हिमालय पर्वत तथा अन्य श्रेष्ठ पर्वत भी —"

श्लोक 46 (skanda.1.24.46)

विपक्षा हि कृताः सर्वे मम वाक्याच्च वासव॥ हेतुं स्मृत्वाथ वै त्वष्टा मायया ह्यकरोदिदम्

vipakṣā hi kṛtāḥ sarve mama vākyācca vāsava|| hetuṃ smṛtvātha vai tvaṣṭā māyayā hyakarodidam

"— मेरे ही वचन से सब मेरे विपक्षी बना दिए गए थे, हे वासव; उसी कारण को स्मरण करके त्वष्टा ने माया से यह सब रचा है।"

श्लोक 47 (skanda.1.24.47)

जयमिच्छंति वै मूढा न च भेतव्यमण्वपि

jayamicchaṃti vai mūḍhā na ca bhetavyamaṇvapi

"मूर्ख लोग इसी प्रकार विजय चाहते हैं; परंतु इसमें तनिक भी भय करने की आवश्यकता नहीं है।"

श्लोक 48 (skanda.1.24.48)

एवं विवदमानांस्तान्देवाञ्छक्रपुरोगमान्॥ सांत्वयामास वै विष्णुर्नारदं ते ततोऽब्रुवन्

evaṃ vivadamānāṃstāndevāñchakrapurogamān|| sāṃtvayāmāsa vai viṣṇurnāradaṃ te tato'bruvan

इस प्रकार विवाद करते हुए शक्र-प्रमुख उन देवताओं को विष्णु ने सांत्वना दी; तब उन्होंने नारद जी से कहा।

श्लोक 49 (skanda.1.24.49)

ददाति वा न ददाति कन्यां गिरीन्द्रः स्वां वै कथ्यतां शीघ्रमेव॥ किं तेन दृष्टां किं कृतं चाद्य शंस तत्सर्वं भो नारद ते नमोऽस्तु

dadāti vā na dadāti kanyāṃ girīndraḥ svāṃ vai kathyatāṃ śīghrameva|| kiṃ tena dṛṣṭāṃ kiṃ kṛtaṃ cādya śaṃsa tatsarvaṃ bho nārada te namo'stu

"गिरीन्द्र अपनी पुत्री देंगे या नहीं देंगे? यह शीघ्र ही बताइए! उन्होंने आज क्या देखा, क्या किया? हे नारद, यह सब हमें बताइए, आपको नमस्कार है।"

श्लोक 50 (skanda.1.24.50)

तच्छ्रुत्वा प्रहसञ्छंभुरुवाच वचनं तदा॥ कन्यां दास्यति चेन्मह्यं पर्वतो हि हिमालयः॥ मायया मम किं कार्यं वद विष्णो यथातथम्

tacchrutvā prahasañchaṃbhuruvāca vacanaṃ tadā|| kanyāṃ dāsyati cenmahyaṃ parvato hi himālayaḥ|| māyayā mama kiṃ kāryaṃ vada viṣṇo yathātatham

यह सुनकर शंभु हँसते हुए बोले — "यदि पर्वत हिमालय मुझे अपनी कन्या देने ही वाले हैं, तो मुझे माया से क्या प्रयोजन है? हे विष्णु, यथार्थ बताइए।"

श्लोक 51 (skanda.1.24.51)

केनाप्वुपायेन फलं हि साध्यमित्युच्यते पंडितैर्न्यायविद्भिः॥ तस्मात्सर्वैर्गम्यतां शीघ्रमेव कार्यार्थोभिश्चेन्द्रपुरोगमैश्च

kenāpvupāyena phalaṃ hi sādhyamityucyate paṃḍitairnyāyavidbhiḥ|| tasmātsarvairgamyatāṃ śīghrameva kāryārthobhiścendrapurogamaiśca

"'जिस किसी भी उपाय से फल की सिद्धि होनी चाहिए' — ऐसा न्यायवेत्ता पंडितजन कहते हैं। अतः इंद्र आदि सहित कार्यसाधक आप सब शीघ्र ही चलिए।"

श्लोक 52 (skanda.1.24.52)

तदा शिवोऽपि विश्वात्मा पंचबाणेन मोहितः॥ महाभूतेन भूतेशस्त्वन्येषां चैव का कथा

tadā śivo'pi viśvātmā paṃcabāṇena mohitaḥ|| mahābhūtena bhūteśastvanyeṣāṃ caiva kā kathā

तब विश्वात्मा शिव भी, यद्यपि भूतेश थे, उस महाभूत पंचबाण (काम) से मोहित हो गए — फिर अन्य लोगों की तो बात ही क्या!

श्लोक 53 (skanda.1.24.53)

एवं च विद्यमानेऽसौ शंभुः परमशोभनः॥ कृतो ह्यनंगेन वशे यथान्यः प्राकृतो जनः

evaṃ ca vidyamāne'sau śaṃbhuḥ paramaśobhanaḥ|| kṛto hyanaṃgena vaśe yathānyaḥ prākṛto janaḥ

इस प्रकार वे परम सुंदर शंभु भी अनंग द्वारा वैसे ही वश में कर लिए गए, जैसे कोई साधारण मनुष्य किया जाता है।

श्लोक 54 (skanda.1.24.54)

मदनो हि बली लोके येन सर्वमिदं जगत्॥ जितमस्ति निजप्रौढ्या सदेवर्षिसमन्वितम्

madano hi balī loke yena sarvamidaṃ jagat|| jitamasti nijaprauḍhyā sadevarṣisamanvitam

क्योंकि मदन इस लोक में अत्यंत बलवान है; उसने अपने ही पराक्रम से देवताओं और ऋषियों सहित इस संपूर्ण जगत को जीत लिया है।

श्लोक 55 (skanda.1.24.55)

सर्वेषामेव भूतानां देवानां च विशेषतः॥ राजा ह्यनंगो बलवान्यस्य चाज्ञा बलीयसी

sarveṣāmeva bhūtānāṃ devānāṃ ca viśeṣataḥ|| rājā hyanaṃgo balavānyasya cājñā balīyasī

समस्त प्राणियों का, और विशेष रूप से देवताओं का भी, वह अनंग ही बलवान राजा है, जिसकी आज्ञा सबसे प्रबल है।

श्लोक 56 (skanda.1.24.56)

पार्वतीस्त्रीस्वरूपेण अजेयो भुवनत्रये॥ तां दृष्ट्वा हि स्त्रियं सर्वे ऋषयोऽपि विचक्षणाः

pārvatīstrīsvarūpeṇa ajeyo bhuvanatraye|| tāṃ dṛṣṭvā hi striyaṃ sarve ṛṣayo'pi vicakṣaṇāḥ

नारी पार्वती के रूप में वह त्रिभुवन में अजेय है; उस स्त्री को देखकर तो चतुर ऋषिगण भी उसके वश में हो गए।

श्लोक 57 (skanda.1.24.57)

देवा मनुष्या गन्धर्वाः पिशाचोरगराक्षसाः॥ आज्ञानुल्लंघिनः सर्वे मदनस्य महात्मनः

devā manuṣyā gandharvāḥ piśācoragarākṣasāḥ|| ājñānullaṃghinaḥ sarve madanasya mahātmanaḥ

देवता, मनुष्य, गंधर्व, पिशाच, नाग और राक्षस — सभी उस महात्मा मदन की आज्ञा का उल्लंघन नहीं करते।

श्लोक 58 (skanda.1.24.58)

तपोबलेन महता तथा दानबलेन च॥ वेत्तुं न शक्यो मदंनो विनयेन विना द्विजाः

tapobalena mahatā tathā dānabalena ca|| vettuṃ na śakyo madaṃno vinayena vinā dvijāḥ

हे द्विजो, बड़ी से बड़ी तपस्या के बल से या दान के बल से भी, विनय के बिना मदन को जाना नहीं जा सकता।

श्लोक 59 (skanda.1.24.59)

तस्मादनंगस्य महान्क्रोधो हि बलवत्तरः॥ ईश्वरं मदनेनैवं मोहितं वीक्ष्य माधवः

tasmādanaṃgasya mahānkrodho hi balavattaraḥ|| īśvaraṃ madanenaivaṃ mohitaṃ vīkṣya mādhavaḥ

अतः अनंग का महान क्रोध और भी अधिक बलवान है। ईश्वर को इस प्रकार मदन से मोहित देखकर माधव ने —

श्लोक 60 (skanda.1.24.60)

उवाच वाक्यं वाक्यज्ञो मा चिंतां कुरु वै प्रभो॥ यदुक्तं नारदेनैव मंडपं प्रति सर्वशः

uvāca vākyaṃ vākyajño mā ciṃtāṃ kuru vai prabho|| yaduktaṃ nāradenaiva maṃḍapaṃ prati sarvaśaḥ

— वाक्य-कुशल विष्णु ने यह वचन कहा — "हे प्रभु, आप कोई चिंता न करें।" नारद जी ने मंडप के विषय में जो कुछ भी कहा था —

श्लोक 61 (skanda.1.24.61)

त्वष्ट्रा कृतं विचित्रं च तत्सर्वं मदनात्प्रभोः॥ तदानीं शंकरो वाक्यमुवाच मधुसूदनम्

tvaṣṭrā kṛtaṃ vicitraṃ ca tatsarvaṃ madanātprabhoḥ|| tadānīṃ śaṃkaro vākyamuvāca madhusūdanam

— वह सब विचित्र रचना त्वष्टा द्वारा वास्तव में मदन के ही प्रभाव से हुई थी। तब शंकर ने मधुसूदन से यह वचन कहा।

श्लोक 62 (skanda.1.24.62)

अविद्यया वृतं तेन कृतं त्वष्ट्रा हि मण्डपम्॥ किं तु वक्ष्यामहे विष्णो मण्डपः केवलेन हि

avidyayā vṛtaṃ tena kṛtaṃ tvaṣṭrā hi maṇḍapam|| kiṃ tu vakṣyāmahe viṣṇo maṇḍapaḥ kevalena hi

"इस मंडप की रचना त्वष्टा ने अविद्या से आवृत होकर ही की है; परंतु हे विष्णु, हम क्या कहें — यह मंडप तो केवल अविद्या से ही बना है।"

श्लोक 63 (skanda.1.24.63)

विवाहो हि महाभाग अविद्यामूल एव च॥ तस्मात्सर्वे वयं याम उद्वाहार्थं च संप्रति

vivāho hi mahābhāga avidyāmūla eva ca|| tasmātsarve vayaṃ yāma udvāhārthaṃ ca saṃprati

"हे महाभाग, विवाह भी तो अविद्या के मूल पर ही आधारित है। अतः अब हम सब विवाह के लिए चलें।"

श्लोक 64 (skanda.1.24.64)

नारदं च पुरस्कृत्य सर्वे देवाः सवासवाः॥ हिमाद्रिसहिता जग्मुर्मन्दिरं परमाद्भुतम्॥ अनेकाश्चर्यसंयुक्तं विचित्रं विश्वकर्मणा

nāradaṃ ca puraskṛtya sarve devāḥ savāsavāḥ|| himādrisahitā jagmurmandiraṃ paramādbhutam|| anekāścaryasaṃyuktaṃ vicitraṃ viśvakarmaṇā

नारद जी को आगे करके इंद्र सहित सभी देवगण हिमाचल सहित उस परम अद्भुत, अनेक आश्चर्यों से युक्त, विश्वकर्मा द्वारा रचित विचित्र भवन की ओर चल पड़े।

श्लोक 65 (skanda.1.24.65)

कृतं च तेनाद्य पवित्रमुत्तमं तं यज्ञवाटं बहुभिः पुरस्कृतम्॥ विचित्रचित्रं मनसो हरं च तं यज्ञवाटं स चकार बुद्धिमान्

kṛtaṃ ca tenādya pavitramuttamaṃ taṃ yajñavāṭaṃ bahubhiḥ puraskṛtam|| vicitracitraṃ manaso haraṃ ca taṃ yajñavāṭaṃ sa cakāra buddhimān

उस बुद्धिमान विश्वकर्मा ने उस पवित्र, उत्तम, अनेकों द्वारा सम्मानित यज्ञवाट को बनाया था, जो विचित्र चित्रों से युक्त और मन को हरने वाला था।

श्लोक 66 (skanda.1.24.66)

प्रवेक्ष्यमाणास्ते सर्वे सुरेन्द्रा ऋषिभिः सह॥ दृष्टा हिमाद्रिणा तत्र अभ्युत्थानगतोऽभवत्

pravekṣyamāṇāste sarve surendrā ṛṣibhiḥ saha|| dṛṣṭā himādriṇā tatra abhyutthānagato'bhavat

जब सभी देवेंद्र ऋषियों सहित प्रवेश करने वाले थे, तभी हिमाचल ने उन्हें देखा और तुरंत उठकर उनका स्वागत किया।

श्लोक 67 (skanda.1.24.67)

तथैव तेषां च मनोहराणि हर्म्याणि तेन प्रतिकल्पितानि॥ गन्धर्वयक्षाः प्रमथाश्च सिद्धा देवाश्च नागाप्सरसां गणाश्च॥ वसंति यत्रैव सुखेन तेभ्यः स तत्रतत्रोपवनं चकार

tathaiva teṣāṃ ca manoharāṇi harmyāṇi tena pratikalpitāni|| gandharvayakṣāḥ pramathāśca siddhā devāśca nāgāpsarasāṃ gaṇāśca|| vasaṃti yatraiva sukhena tebhyaḥ sa tatratatropavanaṃ cakāra

उसी प्रकार उनके लिए उन्होंने मनोहर भवन भी तैयार करवाए थे; तथा गंधर्व, यक्ष, प्रमथ, सिद्ध, देव, नाग और अप्सराओं के समूह जहाँ-जहाँ सुखपूर्वक निवास करते, वहाँ-वहाँ उन्होंने उनके लिए उपवन भी बनवाए।

श्लोक 68 (skanda.1.24.68)

तेषामर्थे महार्हाणि धाराजिरगृहाणि च॥ अत्यद्भुतानि शोभंते कृतान्येव महात्मना

teṣāmarthe mahārhāṇi dhārājiragṛhāṇi ca|| atyadbhutāni śobhaṃte kṛtānyeva mahātmanā

उनके लिए बहुमूल्य, फुहारों वाले आँगनों से युक्त गृह भी बनवाए गए, जो उस महात्मा द्वारा रचे गए अत्यंत अद्भुत भवन शोभायमान थे।

श्लोक 69 (skanda.1.24.69)

निवासार्थे कल्पितानि सावकाशानि तत्र वै॥ देवानां चैव सर्वेषामृषीणां भावितात्मनाम्

nivāsārthe kalpitāni sāvakāśāni tatra vai|| devānāṃ caiva sarveṣāmṛṣīṇāṃ bhāvitātmanām

वहाँ सभी देवताओं तथा भावितात्मा ऋषियों के निवास के लिए विशाल एवं सुविधायुक्त गृह बनाए गए।

श्लोक 70 (skanda.1.24.70)

एवं विस्तारयामास विश्वकर्मा बहून्यपि॥ मन्दिराणि यथायोग्यं यत्र तत्रैव तिष्ठताम्

evaṃ vistārayāmāsa viśvakarmā bahūnyapi|| mandirāṇi yathāyogyaṃ yatra tatraiva tiṣṭhatām

इस प्रकार विश्वकर्मा ने और भी अनेक भवनों का विस्तार किया, जो जहाँ-जहाँ ठहरने वाले थे, उनके अनुकूल यथोचित रूप से बनाए गए।

श्लोक 71 (skanda.1.24.71)

भैरवाः क्षेत्रपालाश्च येऽन्ये च क्षेत्रवासिनः॥ श्मशानवासिनश्चान्ये येऽन्ये न्यग्रोधवासिनः

bhairavāḥ kṣetrapālāśca ye'nye ca kṣetravāsinaḥ|| śmaśānavāsinaścānye ye'nye nyagrodhavāsinaḥ

भैरवगण, क्षेत्रपाल तथा अन्य क्षेत्रवासी; तथा श्मशानवासी और वटवृक्षवासी अन्य गण भी।

श्लोक 72 (skanda.1.24.72)

अश्वत्थसेविनश्चान्ये खेचराश्च तथा परे॥ येये यत्रोपविष्टाश्च तत्रतत्रैव तेन वै

aśvatthasevinaścānye khecarāśca tathā pare|| yeye yatropaviṣṭāśca tatratatraiva tena vai

तथा पीपल-वृक्षवासी और आकाशचारी गण भी — जो-जो जहाँ-जहाँ बसते थे, उन्होंने उन्हीं के लिए वहाँ-वहाँ व्यवस्था की।

श्लोक 73 (skanda.1.24.73)

कृतानि च मनोज्ञानि भवनानि महांतिवै॥ तेषामेवानुकूलानि भूतानां विश्वकर्मणा

kṛtāni ca manojñāni bhavanāni mahāṃtivai|| teṣāmevānukūlāni bhūtānāṃ viśvakarmaṇā

उन्हीं भूतगणों के अनुकूल विश्वकर्मा द्वारा महान एवं मनोहर भवन बनाए गए।

श्लोक 74 (skanda.1.24.74)

तत्रैव ते सर्वगणैः समेता निवासितास्तेन हिमाद्रिणा स्वयम्॥ सेंद्राः सुरा यक्षपिशाचरक्षसां गन्धर्वविद्याप्सरसां समूहाः

tatraiva te sarvagaṇaiḥ sametā nivāsitāstena himādriṇā svayam|| seṃdrāḥ surā yakṣapiśācarakṣasāṃ gandharvavidyāpsarasāṃ samūhāḥ

वहीं उन सबको उनके समस्त गणों सहित स्वयं हिमाचल ने बसाया — इंद्र सहित देवगण, तथा यक्ष, पिशाच, राक्षस, गंधर्व, विद्याधर और अप्सराओं के समूह भी।