शिव-पार्वती विवाह का वर्णन

श्लोक 1 (skanda.1.25.1)

॥लोमश उवाच॥ तत्रोपविविशुः सर्वे सत्कृताश्च हिमाद्रिणा॥ ते देवाः सपरिवाराः सहर्षाश्च सवाहनाः

||lomaśa uvāca|| tatropaviviśuḥ sarve satkṛtāśca himādriṇā|| te devāḥ saparivārāḥ saharṣāśca savāhanāḥ

लोमश जी ने कहा — वहाँ हिमाचल द्वारा सम्मानित होकर सभी देवगण अपने परिवार, वाहन और हर्ष सहित बैठ गए।

श्लोक 2 (skanda.1.25.2)

तत्रैव च महामात्रं निर्मितं विश्वकर्मणा॥ दीप्त्या परमया युक्तं निवासार्थं स्वयम्भुवः

tatraiva ca mahāmātraṃ nirmitaṃ viśvakarmaṇā|| dīptyā paramayā yuktaṃ nivāsārthaṃ svayambhuvaḥ

वहीं विश्वकर्मा द्वारा स्वयंभू (ब्रह्मा) के निवास के लिए परम दीप्तिमान एक महान भवन भी बनाया गया था।

श्लोक 3 (skanda.1.25.3)

तथैव विष्णोस्त्वपरं भवनं स्वयमेव हि॥ भास्वरं सुविचित्र च कृतं त्वष्ट्रा मनोरमम्॥ वण्डीगृहं मनोज्ञं च तथैव कृतवान्स्वयम्

tathaiva viṣṇostvaparaṃ bhavanaṃ svayameva hi|| bhāsvaraṃ suvicitra ca kṛtaṃ tvaṣṭrā manoramam|| vaṇḍīgṛhaṃ manojñaṃ ca tathaiva kṛtavānsvayam

उसी प्रकार विष्णु के लिए भी एक और तेजस्वी, अत्यंत विचित्र और मनोहर भवन त्वष्टा ने बनाया; तथा उन्होंने स्वयं ही एक मनोज्ञ सभाभवन भी बनवाया।

श्लोक 4 (skanda.1.25.4)

तथैव श्वेतं परमं मनोज्ञं महाप्रभं देववरैः सुपूजितम्॥ कैलासलक्ष्मीप्रभया महत्या सुशोभितं तद्भवनं चकार

tathaiva śvetaṃ paramaṃ manojñaṃ mahāprabhaṃ devavaraiḥ supūjitam|| kailāsalakṣmīprabhayā mahatyā suśobhitaṃ tadbhavanaṃ cakāra

और उसी प्रकार अत्यंत श्वेत, परम मनोज्ञ, महाप्रभावशाली और देवश्रेष्ठों द्वारा सम्मानित एक भवन भी बनाया, जो कैलास की महती लक्ष्मी की प्रभा से सुशोभित था।

श्लोक 5 (skanda.1.25.5)

तत्रैव शंभुः परया विभूत्या स स्थापितस्तेन हिमाद्रिणा वै

tatraiva śaṃbhuḥ parayā vibhūtyā sa sthāpitastena himādriṇā vai

वहीं परम वैभव के साथ स्वयं हिमाचल द्वारा शंभु को विराजमान कराया गया।

श्लोक 6 (skanda.1.25.6)

एतस्मिन्नंतरे मेना समायाता सखीगणैः॥ नीराजनार्थं शंभुं च ऋषिभिः परिवारिता

etasminnaṃtare menā samāyātā sakhīgaṇaiḥ|| nīrājanārthaṃ śaṃbhuṃ ca ṛṣibhiḥ parivāritā

इसी बीच मेना अपनी सखियों सहित, ऋषियों से घिरी हुई, शंभु की आरती उतारने के लिए वहाँ आईं।

श्लोक 7 (skanda.1.25.7)

तदा वादित्रदिर्घोपैर्नादितं भुवनत्रयम्॥ नीराजनं कृतं तस्य मेनया च तपस्विनः

tadā vāditradirghopairnāditaṃ bhuvanatrayam|| nīrājanaṃ kṛtaṃ tasya menayā ca tapasvinaḥ

तब वाद्यों की दीर्घ ध्वनि से तीनों लोक गूँज उठे; मेना ने उस तपस्वी की आरती उतारी।

श्लोक 8 (skanda.1.25.8)

अवलोक्य परा साध्वी मेनाऽजानाद्धरं तदा॥ गिरिजोक्तमनुस्मृत्य मेना विस्मयमागता

avalokya parā sādhvī menā'jānāddharaṃ tadā|| girijoktamanusmṛtya menā vismayamāgatā

उसे देखकर परम साध्वी मेना ने तब हर को पहचाना; गिरिजा के कहे हुए वचन को स्मरण करके मेना विस्मित हो उठीं।

श्लोक 9 (skanda.1.25.9)

यद्वै पुरोक्तं च तया पार्वत्या मम सन्निधौ॥ ततोऽधिकं प्रपश्यामि सौंदर्यं परमेष्ठिनः॥ महेशस्य मया दृष्टमनिर्वाच्यं च संप्रति

yadvai puroktaṃ ca tayā pārvatyā mama sannidhau|| tato'dhikaṃ prapaśyāmi sauṃdaryaṃ parameṣṭhinaḥ|| maheśasya mayā dṛṣṭamanirvācyaṃ ca saṃprati

"जो कुछ पार्वती ने पहले मेरे समक्ष कहा था, उससे भी अधिक सौंदर्य मैं अब परमेष्ठी में देख रही हूँ; महेश का यह रूप जो मैंने अभी देखा है, वह अवर्णनीय है।"

श्लोक 10 (skanda.1.25.10)

एवं विस्मयमापन्ना विप्रपत्नीभिरावृता॥ अहतां बरयुग्मेन शोभिता वरवर्णिनी

evaṃ vismayamāpannā viprapatnībhirāvṛtā|| ahatāṃ barayugmena śobhitā varavarṇinī

इस प्रकार विस्मित होकर, ब्राह्मण-पत्नियों से घिरी वह वरवर्णिनी अखंडित वस्त्र-युगल से सुशोभित थीं।

श्लोक 11 (skanda.1.25.11)

कंचुकी परमा दिव्या नानारत्नैश्च शोभिता॥ अंगीकृता तदा देव्या रराज परया श्रिया

kaṃcukī paramā divyā nānāratnaiśca śobhitā|| aṃgīkṛtā tadā devyā rarāja parayā śriyā

नाना रत्नों से सुशोभित एक परम दिव्य कंचुकी देवी ने धारण की; वे परम शोभा से देदीप्यमान हुईं।

श्लोक 12 (skanda.1.25.12)

बिभ्रती च तदा हारं दिव्यरत्नविभूषितम्॥ वलयानि महार्हाणि शुद्धचामीकराणि च

bibhratī ca tadā hāraṃ divyaratnavibhūṣitam|| valayāni mahārhāṇi śuddhacāmīkarāṇi ca

उन्होंने दिव्य रत्नों से विभूषित हार तथा शुद्ध स्वर्ण के बहुमूल्य कंकण धारण किए।

श्लोक 13 (skanda.1.25.13)

तत्रोपविष्टा सुभगा ध्यायंती परमेश्वरम्॥ सखीभिः सेव्यमाना सा विप्रपत्नीभिरेव च

tatropaviṣṭā subhagā dhyāyaṃtī parameśvaram|| sakhībhiḥ sevyamānā sā viprapatnībhireva ca

वहाँ बैठी वह सौभाग्यशालिनी परमेश्वर का ध्यान करती रहीं, सखियों तथा ब्राह्मण-पत्नियों द्वारा सेवित होती हुईं।

श्लोक 14 (skanda.1.25.14)

एतस्मिन्नंतरे तत्र गर्गो वाक्यमभाषत॥ पाणिग्रहार्थं शंभुं च आनयध्वं स्वमंदिरम्॥ त्वरितेनैव वेलायामस्यामेव विचक्षणाः

etasminnaṃtare tatra gargo vākyamabhāṣata|| pāṇigrahārthaṃ śaṃbhuṃ ca ānayadhvaṃ svamaṃdiram|| tvaritenaiva velāyāmasyāmeva vicakṣaṇāḥ

इसी बीच गर्ग ने यह वचन कहा — "हे विचक्षणो, शंभु को शीघ्र ही इसी वेला में पाणिग्रहण के लिए अपने भवन में लाइए।"

श्लोक 15 (skanda.1.25.15)

तच्छ्रुत्वा वचनं तस्य गर्गस्य च महात्मनः॥ अभ्युत्थानपराः सर्वे पर्वताः सकलत्रकाः

tacchrutvā vacanaṃ tasya gargasya ca mahātmanaḥ|| abhyutthānaparāḥ sarve parvatāḥ sakalatrakāḥ

महात्मा गर्ग के इस वचन को सुनकर सभी पर्वत अपनी पत्नियों सहित तुरंत उठ खड़े हुए।

श्लोक 16 (skanda.1.25.16)

महाविभूत्या संयुक्ताः सर्वे मंगलपाणयः॥ सालंकृतास्तदा तेषां पत्न्योलंकारमंडिताः

mahāvibhūtyā saṃyuktāḥ sarve maṃgalapāṇayaḥ|| sālaṃkṛtāstadā teṣāṃ patnyolaṃkāramaṃḍitāḥ

सभी महान वैभव से युक्त होकर मंगल-द्रव्यों को हाथ में लिए हुए थे; उनकी पत्नियाँ भी आभूषणों से सुसज्जित थीं।

श्लोक 17 (skanda.1.25.17)

उपायनान्यनेकानि जगृहुः स्निग्धलोचनाः॥ तदा वादित्रघोषेण ब्रह्मघोषेण भूयसा

upāyanānyanekāni jagṛhuḥ snigdhalocanāḥ|| tadā vāditraghoṣeṇa brahmaghoṣeṇa bhūyasā

उन स्नेहपूर्ण नेत्रों वाली स्त्रियों ने अनेक उपहार ग्रहण किए; तब वाद्यों की गूँज तथा वेद-ध्वनि के साथ —

श्लोक 18 (skanda.1.25.18)

आजग्मुः सकलात्रास्ते यत्र देवो महेश्वरः॥ प्रमथैरावृतस्तत्र चंड्या चैवाभिसेवितः

ājagmuḥ sakalātrāste yatra devo maheśvaraḥ|| pramathairāvṛtastatra caṃḍyā caivābhisevitaḥ

— वे सब पत्नियों सहित वहाँ पहुँचे जहाँ देव महेश्वर, प्रमथों से घिरे और चंडी द्वारा सेवित, विराजमान थे।

श्लोक 19 (skanda.1.25.19)

तथा महर्षिभिस्तत्र तथा देवगणैः सह॥ एभिः परिवृतः श्रीमाञ्छंकरो लोकशंकरः

tathā maharṣibhistatra tathā devagaṇaiḥ saha|| ebhiḥ parivṛtaḥ śrīmāñchaṃkaro lokaśaṃkaraḥ

तथा वहाँ महर्षियों और देवगणों सहित भी; इन सबसे घिरे श्रीमान शंकर, जो लोक के लिए कल्याणकारी हैं।

श्लोक 20 (skanda.1.25.20)

श्रुत्वा वादित्रनिर्घोषं सर्वे शंकरसेवकाः॥ उत्थिता ऐकापद्येन देवैर्ऋषिभिरावृताः

śrutvā vāditranirghoṣaṃ sarve śaṃkarasevakāḥ|| utthitā aikāpadyena devairṛṣibhirāvṛtāḥ

वाद्यों की ध्वनि सुनकर शंकर के सभी सेवक देवताओं और ऋषियों से घिरे हुए एक साथ उठ खड़े हुए।

श्लोक 21 (skanda.1.25.21)

तथोद्यतो योगिनाचक्रयुक्ता गणा गणानां गणानां पतिरेकवर्चसाम्॥ शिवंपुरस्कृत्य तदानुभावास्तथैव सर्वे गणनायकाश्च

tathodyato yoginācakrayuktā gaṇā gaṇānāṃ gaṇānāṃ patirekavarcasām|| śivaṃpuraskṛtya tadānubhāvāstathaiva sarve gaṇanāyakāśca

तब यौगिनी-चक्र सहित गणगण, तथा समान तेज वाले गणों के अधिपति, शिव को आगे करके अपने प्रभाव सहित सभी गणनायक भी चल पड़े।

श्लोक 22 (skanda.1.25.22)

तद्योगिनी चक्रमतिप्रचंडं टंकारभेरीरवनिस्वनेन॥ चंडीं पुरस्कृत्य भयानकां तदा महाविभूत्या समलंकृतां तदा

tadyoginī cakramatipracaṃḍaṃ ṭaṃkārabherīravanisvanena|| caṃḍīṃ puraskṛtya bhayānakāṃ tadā mahāvibhūtyā samalaṃkṛtāṃ tadā

वह अत्यंत प्रचंड योगिनी-चक्र, धनुष की टंकार और भेरियों की गर्जना के साथ, भयानक चंडी को आगे रखकर, महान वैभव से सुसज्जित होकर चला।

श्लोक 23 (skanda.1.25.23)

कंठे कर्कोटकं नागं हारभूतं च कार सा॥ पदकं वृश्चिकानां च दंदशूकांश्च बिभ्रती

kaṃṭhe karkoṭakaṃ nāgaṃ hārabhūtaṃ ca kāra sā|| padakaṃ vṛścikānāṃ ca daṃdaśūkāṃśca bibhratī

उन्होंने अपने गले में कर्कोटक नाग को हार के रूप में धारण किया था; तथा वृश्चिकों के पदक और विषैले सर्प भी धारण किए हुए थीं।

श्लोक 24 (skanda.1.25.24)

कर्णावतंसान्सा दध्रे पाणिपादमयांस्तथा॥ रणे हतानां वीराणां शिरांस्युरसिचापरान्

karṇāvataṃsānsā dadhre pāṇipādamayāṃstathā|| raṇe hatānāṃ vīrāṇāṃ śirāṃsyurasicāparān

उन्होंने युद्ध में मारे गए वीरों के हाथ-पैरों से बने कर्णाभूषण धारण किए थे, तथा उनके सिर वक्षस्थल पर और अन्य अंग भी धारण किए हुए थीं।

श्लोक 25 (skanda.1.25.25)

द्वीपिचर्मपरीधाना योगिनीचक्रसंयुता॥ क्षेत्रपालावृता तद्वद्भैरवैः परिवारिता

dvīpicarmaparīdhānā yoginīcakrasaṃyutā|| kṣetrapālāvṛtā tadvadbhairavaiḥ parivāritā

चीते के चर्म को धारण किए, योगिनी-चक्र सहित, क्षेत्रपालों से घिरी तथा भैरवों से आवृत।

श्लोक 26 (skanda.1.25.26)

तथा प्रेतैश्च भूतैश्च कपटैः परिवारिता॥ वीरभद्रादयश्चैव गणाः परमदारुणाः॥ ये दक्षयज्ञनाशार्थे शिवेनाज्ञापितास्तदा

tathā pretaiśca bhūtaiśca kapaṭaiḥ parivāritā|| vīrabhadrādayaścaiva gaṇāḥ paramadāruṇāḥ|| ye dakṣayajñanāśārthe śivenājñāpitāstadā

तथा प्रेतों, भूतों और कपटों से घिरी हुई थीं; तथा वीरभद्र आदि वे परम भयंकर गण भी थे, जिन्हें शिव ने पूर्वकाल में दक्ष-यज्ञ के विनाश के लिए आज्ञा दी थी।

श्लोक 27 (skanda.1.25.27)

तथा काली भैरवी च माया चैव भयावहा॥ त्रिपुरा च जया चैव तथा क्षेमकरी शुभा

tathā kālī bhairavī ca māyā caiva bhayāvahā|| tripurā ca jayā caiva tathā kṣemakarī śubhā

तथा काली, भैरवी और भयावह माया भी थीं; त्रिपुरा, जया तथा शुभ क्षेमकरी भी।

श्लोक 28 (skanda.1.25.28)

अन्याश्चैव तथा सर्वाः पुरस्कृत्य सदाशिवम्॥ गंतुकामाश्चोग्रतरा भूतैः प्रेतैः समावृताः

anyāścaiva tathā sarvāḥ puraskṛtya sadāśivam|| gaṃtukāmāścogratarā bhūtaiḥ pretaiḥ samāvṛtāḥ

तथा अन्य सभी देवियाँ भी सदाशिव को आगे करके, अत्यंत उग्र होकर, भूत-प्रेतों से घिरी हुई, जाने के लिए उत्सुक थीं।

श्लोक 29 (skanda.1.25.29)

एताः सर्वा विलोक्याथ शिवभक्तो जनार्द्दनः॥ महर्षीश्च पुरस्कृत्य ह्यमरांश्च तथैव च॥ अनसूयां पुरस्कृत्य तथैव च ह्यरुंधतीम्

etāḥ sarvā vilokyātha śivabhakto janārddanaḥ|| maharṣīśca puraskṛtya hyamarāṃśca tathaiva ca|| anasūyāṃ puraskṛtya tathaiva ca hyaruṃdhatīm

इन सबको देखकर शिवभक्त जनार्दन ने महर्षियों तथा देवताओं को आगे करके, तथा अनसूया और अरुंधती को भी आगे करके —

श्लोक 30 (skanda.1.25.30)

॥विष्णुरुवाच॥ चण्डीं कुरु समीपस्थां लोकपालनतां प्रभो

||viṣṇuruvāca|| caṇḍīṃ kuru samīpasthāṃ lokapālanatāṃ prabho

विष्णु ने कहा — "हे प्रभु, लोकपालन करने वाली चंडी को अपने समीप रखिए।"

श्लोक 31 (skanda.1.25.31)

तदुक्तं विष्णुना वाक्यं निशम्य जगदीश्वरः॥ उवाच प्रहसन्नेव चंडीं प्रति सदाशिवः

taduktaṃ viṣṇunā vākyaṃ niśamya jagadīśvaraḥ|| uvāca prahasanneva caṃḍīṃ prati sadāśivaḥ

विष्णु के इस कथन को सुनकर जगदीश्वर सदाशिव ने हँसते हुए चंडी से कहा।

श्लोक 32 (skanda.1.25.32)

अत्रैव स्थीयतां चंडीं यावदुद्वहनं भवेत्॥ मम भावान्विजानासि कार्याकार्ये सुशोभने

atraiva sthīyatāṃ caṃḍīṃ yāvadudvahanaṃ bhavet|| mama bhāvānvijānāsi kāryākārye suśobhane

"हे चंडी, जब तक विवाह संपन्न न हो जाए, तब तक यहीं ठहरो; हे सुशोभने, तुम कार्य-अकार्य में मेरे भाव को भलीभाँति जानती हो।"

श्लोक 33 (skanda.1.25.33)

एवमाकर्ण्य वचनं शंभोरमिततेजसः॥ उवाच कुपिता चंडी विष्णुमुद्दिश्य सादरम्

evamākarṇya vacanaṃ śaṃbhoramitatejasaḥ|| uvāca kupitā caṃḍī viṣṇumuddiśya sādaram

अमित तेजस्वी शंभु के इस वचन को सुनकर कुपित चंडी ने आदरपूर्वक विष्णु को संबोधित करते हुए कहा।

श्लोक 34 (skanda.1.25.34)

तथान्ये प्रमथाः सर्वे विष्णुमूचुः प्रकोपिताः॥ यत्रयत्र शिवो भाति तत्रतत्र वयं प्रभो

tathānye pramathāḥ sarve viṣṇumūcuḥ prakopitāḥ|| yatrayatra śivo bhāti tatratatra vayaṃ prabho

तथा अन्य सभी प्रमथगण भी क्रोधित होकर विष्णु से बोले — "हे प्रभु, जहाँ-जहाँ शिव सुशोभित होते हैं, वहाँ-वहाँ हम भी रहते हैं।"

श्लोक 35 (skanda.1.25.35)

त्वया निवारिताः कस्माद्वयमाभ्युदये परे॥ तेषां तद्वचनं श्रुत्वा केशवोवाक्यमब्रवीत्

tvayā nivāritāḥ kasmādvayamābhyudaye pare|| teṣāṃ tadvacanaṃ śrutvā keśavovākyamabravīt

"इस महान मंगल अवसर पर आपने हमें क्यों रोका है?" उनकी यह बात सुनकर केशव ने उत्तर दिया।

श्लोक 36 (skanda.1.25.36)

चण्डीमुद्दिश्य प्रमथानन्यांश्चैव तथाविधान्॥ यूयं चैव मया प्रोक्ता मा कोपं कर्त्तुमर्हथ

caṇḍīmuddiśya pramathānanyāṃścaiva tathāvidhān|| yūyaṃ caiva mayā proktā mā kopaṃ karttumarhatha

चंडी तथा अन्य उन प्रमथगणों को संबोधित करते हुए — "मैंने तुम्हें जो कुछ कहा है, उससे तुम्हें क्रोध नहीं करना चाहिए।"

श्लोक 37 (skanda.1.25.37)

एवमुक्तास्तदा तेन चंडीमुख्या गणास्तदा॥ एकांतमाश्रिताः सर्वे विष्णुवाक्याज्ज्वलद्धृदः

evamuktāstadā tena caṃḍīmukhyā gaṇāstadā|| ekāṃtamāśritāḥ sarve viṣṇuvākyājjvaladdhṛdaḥ

उनके इस प्रकार कहने पर चंडी-प्रमुख वे सभी गण, विष्णु के वचन से हृदय में जलते हुए, एकांत में चले गए।

श्लोक 38 (skanda.1.25.38)

तावत्सर्वे समायाताः पर्वतेंद्रस्य मंत्रिणः॥ सकलत्राः संभ्रमेण महेशं प्रति सत्वरम्

tāvatsarve samāyātāḥ parvateṃdrasya maṃtriṇaḥ|| sakalatrāḥ saṃbhrameṇa maheśaṃ prati satvaram

इसी बीच पर्वतेंद्र के सभी मंत्री अपनी पत्नियों सहित हड़बड़ाहट में शीघ्रतापूर्वक महेश की ओर आ पहुँचे।

श्लोक 39 (skanda.1.25.39)

पंचवाद्यप्रघोषेण ब्रह्मघोषेण भूयसा॥ योषिद्भिः संवृतास्तत्र गीतशब्देन भूयसा

paṃcavādyapraghoṣeṇa brahmaghoṣeṇa bhūyasā|| yoṣidbhiḥ saṃvṛtāstatra gītaśabdena bhūyasā

पंचवाद्यों की गूँज तथा वेद-ध्वनि के साथ, वहाँ स्त्रियों से घिरे हुए, मंगल-गीतों की प्रचुर ध्वनि के बीच —

श्लोक 40 (skanda.1.25.40)

एवं प्राप्ता यत्र शंभुः सकलैः परिवारितः॥ आगत्य कलशैः साकं स्नापितो हि सदाशिवः॥ स्त्रीभिर्मंगलगीतेन सर्वाभरणभूषितः

evaṃ prāptā yatra śaṃbhuḥ sakalaiḥ parivāritaḥ|| āgatya kalaśaiḥ sākaṃ snāpito hi sadāśivaḥ|| strībhirmaṃgalagītena sarvābharaṇabhūṣitaḥ

— वे इस प्रकार वहाँ पहुँचे जहाँ शंभु सबसे घिरे थे; कलशों सहित आकर स्त्रियों ने मंगल-गीतों के साथ सर्वाभूषण-भूषित सदाशिव को स्नान कराया।

श्लोक 41 (skanda.1.25.41)

ऋषयो देवगंधर्वास्तथान्ये पर्वतोत्तमाः॥ शंभ्यग्रगास्तदा जग्मुः स्त्रियश्चैव सुपूजिताः॥ बभौ छत्रेण महता ध्रिमाणेन मूर्द्धनि

ṛṣayo devagaṃdharvāstathānye parvatottamāḥ|| śaṃbhyagragāstadā jagmuḥ striyaścaiva supūjitāḥ|| babhau chatreṇa mahatā dhrimāṇena mūrddhani

ऋषिगण, देव-गंधर्व तथा अन्य श्रेष्ठ पर्वत, शंभु के आगे-आगे चले, तथा सम्मानित स्त्रियाँ भी; वे एक विशाल छत्र से, जो उनके मस्तक पर धारण किया गया था, शोभायमान थे।

श्लोक 42 (skanda.1.25.42)

चामरै वीर्ज्यमानोऽसौ मुकुटेन विराजितः॥ ब्रह्मा विष्णुस्तथा चंद्रो लोकपालस्तथैव च

cāmarai vīrjyamāno'sau mukuṭena virājitaḥ|| brahmā viṣṇustathā caṃdro lokapālastathaiva ca

चँवरों से व्यजित होते हुए वे मुकुट से सुशोभित थे; ब्रह्मा, विष्णु, चंद्रमा तथा लोकपाल भी उनके साथ थे।

श्लोक 43 (skanda.1.25.43)

अग्रगा ह्यपि शोभंतः श्रिया परमया युताः॥ तथा शंखाश्च भेर्यश्च पटहानकगोमुखाः

agragā hyapi śobhaṃtaḥ śriyā paramayā yutāḥ|| tathā śaṃkhāśca bheryaśca paṭahānakagomukhāḥ

वे आगे-आगे चलते हुए भी परम शोभा से युक्त थे; तथा शंख, भेरी, पटह और गोमुख भी बज रहे थे।

श्लोक 44 (skanda.1.25.44)

तथैव गायकाः सर्वे परममंगलम्॥ पुनः पुनरवाद्यंत वादित्राणि महोत्सवे

tathaiva gāyakāḥ sarve paramamaṃgalam|| punaḥ punaravādyaṃta vāditrāṇi mahotsave

उसी प्रकार सभी गायक परम मंगल गीत गाते थे; उस महोत्सव में बार-बार वाद्य बजाए जाते रहे।

श्लोक 45 (skanda.1.25.45)

अरुंधती महाभागा अनसूया तथैव च॥ सावित्री च तथा लक्ष्मीर्मातृभिः परिवारिताः

aruṃdhatī mahābhāgā anasūyā tathaiva ca|| sāvitrī ca tathā lakṣmīrmātṛbhiḥ parivāritāḥ

महाभाग्यशालिनी अरुंधती और उसी प्रकार अनसूया; सावित्री तथा लक्ष्मी भी, मातृगणों से घिरी हुई।

श्लोक 46 (skanda.1.25.46)

एभिः समेतो जगदेकबंधुर्बभौ तदानीं परमेण वर्चसा॥ सचंद्रसूर्यानिलवायुना वृतः सलोकपालप्रवरैर्महर्षिभिः

ebhiḥ sameto jagadekabaṃdhurbabhau tadānīṃ parameṇa varcasā|| sacaṃdrasūryānilavāyunā vṛtaḥ salokapālapravarairmaharṣibhiḥ

इन सबके साथ वह जगत का एकमात्र बंधु परम तेज से शोभायमान हुआ, चंद्र, सूर्य, अनिल और वायु से घिरा, तथा श्रेष्ठ लोकपालों और महर्षियों सहित।

श्लोक 47 (skanda.1.25.47)

स वीज्यमानः पवनेनः साक्षाच्छत्रं च तस्मै शशिना ह्यधिष्ठितम्॥ सूर्यः पुरस्तादभवत्प्रकाशकः श्रियान्वितो विष्णुरभूच्च सन्निधौ

sa vījyamānaḥ pavanenaḥ sākṣācchatraṃ ca tasmai śaśinā hyadhiṣṭhitam|| sūryaḥ purastādabhavatprakāśakaḥ śriyānvito viṣṇurabhūcca sannidhau

उन्हें स्वयं पवन देव पंखा झल रहे थे, और चंद्रमा उनके ऊपर छत्र धारण किए हुए थे; सूर्य आगे-आगे प्रकाश करते हुए चल रहे थे, और श्री सहित विष्णु उनके समीप ही थे।

श्लोक 48 (skanda.1.25.48)

पुष्पैर्ववर्षुर्ह्यवकीर्यमाणा देवास्तदानीं मुनिभिः समेताः॥ ययौ गृहं कांचनकुट्टिमं महन्महावि भूत्यापरिशोभितं तदा॥ विवेश शंभुः परया सपर्यया संपूज्यमानो नरदेवदानवैः

puṣpairvavarṣurhyavakīryamāṇā devāstadānīṃ munibhiḥ sametāḥ|| yayau gṛhaṃ kāṃcanakuṭṭimaṃ mahanmahāvi bhūtyāpariśobhitaṃ tadā|| viveśa śaṃbhuḥ parayā saparyayā saṃpūjyamāno naradevadānavaiḥ

देवगण मुनियों सहित उस समय पुष्पों की वर्षा कर रहे थे; तब वे उस स्वर्णजड़ित फर्श वाले, महान वैभव से शोभित विशाल भवन की ओर गए; तथा नर, देव और दानवों द्वारा परम पूजित होकर शंभु ने उसमें प्रवेश किया।

श्लोक 49 (skanda.1.25.49)

एवं समागतः शंभुः प्रविष्टो यज्ञमण्डपम्॥ संस्तूयमानो विबुधैः स्तुतिभिः परमेश्वरः

evaṃ samāgataḥ śaṃbhuḥ praviṣṭo yajñamaṇḍapam|| saṃstūyamāno vibudhaiḥ stutibhiḥ parameśvaraḥ

इस प्रकार आकर शंभु ने यज्ञमंडप में प्रवेश किया; वे परमेश्वर देवताओं द्वारा स्तुतियों से स्तुत हो रहे थे।

श्लोक 50 (skanda.1.25.50)

गजादुत्तारयामास महेशं पर्वतोत्तमः॥ उपविश्य ततः पीठे कृत्वा नीराजनं महत्

gajāduttārayāmāsa maheśaṃ parvatottamaḥ|| upaviśya tataḥ pīṭhe kṛtvā nīrājanaṃ mahat

पर्वतश्रेष्ठ ने महेश को हाथी से नीचे उतारा; फिर पीठ पर बिठाकर उनकी महती आरती उतारी।

श्लोक 51 (skanda.1.25.51)

मेनया सखिभिः साकं तथैव च पुरोधसा॥ मधुपर्कादिकं सर्वं यत्कृतं चैव तत्र वै

menayā sakhibhiḥ sākaṃ tathaiva ca purodhasā|| madhuparkādikaṃ sarvaṃ yatkṛtaṃ caiva tatra vai

मेना और सखियों सहित तथा पुरोहित के साथ भी, वहाँ मधुपर्क आदि सभी कार्य संपन्न किए गए।

श्लोक 52 (skanda.1.25.52)

ब्रह्मणा नोदितः सद्यः पुरोधाः कृतवान्प्रभुः॥ मंगलं शुभकल्याणं प्रस्तावसदृशं बहु

brahmaṇā noditaḥ sadyaḥ purodhāḥ kṛtavānprabhuḥ|| maṃgalaṃ śubhakalyāṇaṃ prastāvasadṛśaṃ bahu

ब्रह्मा जी द्वारा तुरंत प्रेरित होकर उन प्रभावशाली पुरोहित ने अनेक शुभ और मंगलकारी कार्य, अवसर के अनुरूप, संपन्न किए।

श्लोक 53 (skanda.1.25.53)

अंतर्वेद्यां संप्रवेश्य यत्र सा पार्वती स्थिता॥ वेदिकोपरि तन्वंगी सर्वाभरणभूषिता

aṃtarvedyāṃ saṃpraveśya yatra sā pārvatī sthitā|| vedikopari tanvaṃgī sarvābharaṇabhūṣitā

उन्हें अंतर्वेदी में ले जाकर, जहाँ वह तन्वंगी पार्वती वेदी पर सर्वाभूषण-भूषित होकर विराजमान थीं —

श्लोक 54 (skanda.1.25.54)

तत्रानीतो हरः साक्षाद्विष्णुना ब्रह्मणा सह॥ लग्नं निरीक्षमाणास्ते वाचस्पतिपुरोगमाः

tatrānīto haraḥ sākṣādviṣṇunā brahmaṇā saha|| lagnaṃ nirīkṣamāṇāste vācaspatipurogamāḥ

— वहाँ हर को स्वयं विष्णु और ब्रह्मा के साथ लाया गया; बृहस्पति के नेतृत्व में वे सब मुहूर्त का अवलोकन करने लगे।

श्लोक 55 (skanda.1.25.55)

गर्गो मुनिश्चोपविष्टस्तत्रैव घटिकालये॥ यावत्पूर्णा घटी जाता तावत्प्रणवभाषणम्

gargo muniścopaviṣṭastatraiva ghaṭikālaye|| yāvatpūrṇā ghaṭī jātā tāvatpraṇavabhāṣaṇam

मुनि गर्ग वहीं घटी के पास बैठे थे; जैसे ही घटी पूर्ण हुई, वैसे ही ॐकार का उच्चारण आरंभ हुआ।

श्लोक 56 (skanda.1.25.56)

ॐपुण्येति प्रणिगदन्गर्गो वध्वंजलिं दधे॥ पार्वत्यक्षतपूर्णं च शिवोपरि ववर्ष वै

oṃpuṇyeti praṇigadangargo vadhvaṃjaliṃ dadhe|| pārvatyakṣatapūrṇaṃ ca śivopari vavarṣa vai

"ॐ, यह पुण्य मुहूर्त है" — यह उच्चारण करते हुए गर्ग ने वधू की अंजलि थामी, और पार्वती ने शिव पर अक्षत की वर्षा की।

श्लोक 57 (skanda.1.25.57)

तया संपूजितो रुद्रो दध्यक्षतकुशादिभिः॥ मुदा परमया युक्ता पार्वती रुचिरानना

tayā saṃpūjito rudro dadhyakṣatakuśādibhiḥ|| mudā paramayā yuktā pārvatī rucirānanā

उनके द्वारा दही, अक्षत, कुश आदि से रुद्र की पूजा की गई; परम आनंद से युक्त रुचिरानना पार्वती —

श्लोक 58 (skanda.1.25.58)

विलोकयंती शंभुं तं यदर्थे परमं तपः॥ कृतं पुरा महादेव्या परेषां परमं महत्

vilokayaṃtī śaṃbhuṃ taṃ yadarthe paramaṃ tapaḥ|| kṛtaṃ purā mahādevyā pareṣāṃ paramaṃ mahat

— उसी शंभु को निहार रही थीं, जिनके लिए महादेवी ने पूर्वकाल में वह परम महान तपस्या की थी।

श्लोक 59 (skanda.1.25.59)

तपसा तेन संप्राप्तो जगज्जीवनजीवनः॥ नारदेन ततः प्रोक्तो महादेवो वृषध्वजः

tapasā tena saṃprāpto jagajjīvanajīvanaḥ|| nāradena tataḥ prokto mahādevo vṛṣadhvajaḥ

उसी तपस्या से जगत के जीवन के भी जीवनरूप उन्हें प्राप्त किया गया। तब नारद जी ने वृषभध्वज महादेव से कहा।

श्लोक 60 (skanda.1.25.60)

तथा गंगादिभिश्चन्यैर्मुनिभिः सनकादिभिः॥ प्रति पूजां कुरु क्षिप्रं पार्वत्याश्च त्रिलोचन॥ तदा शिवेन सा तन्वी पूजितार्घ्याक्षतादिभिः

tathā gaṃgādibhiścanyairmunibhiḥ sanakādibhiḥ|| prati pūjāṃ kuru kṣipraṃ pārvatyāśca trilocana|| tadā śivena sā tanvī pūjitārghyākṣatādibhiḥ

तथा गंगा आदि नदियों तथा सनक आदि मुनियों सहित — "हे त्रिलोचन, अब शीघ्र ही पार्वती की प्रति-पूजा कीजिए।" तब उस तन्वंगी की शिव ने अर्घ्य-अक्षत आदि से पूजा की।

श्लोक 61 (skanda.1.25.61)

एवं परस्परं तौ च पार्वतीपरमेश्वरौ॥ अर्च्यमानौ तदानीं च शुशुभाते जगन्मयौ

evaṃ parasparaṃ tau ca pārvatīparameśvarau|| arcyamānau tadānīṃ ca śuśubhāte jaganmayau

इस प्रकार परस्पर एक-दूसरे की पूजा करते हुए पार्वती और परमेश्वर, जो दोनों ही जगन्मय हैं, उस समय अत्यंत शोभायमान हुए।

श्लोक 62 (skanda.1.25.62)

त्रैलोक्यलक्ष्म्या संवीतौ निरीक्षंतौ परस्परम्॥ तदा नीराजितौ लक्ष्म्या सावित्र्या च विशेषतः॥ अरुंधत्या तदा तौ च दंपती परमेश्वरौ

trailokyalakṣmyā saṃvītau nirīkṣaṃtau parasparam|| tadā nīrājitau lakṣmyā sāvitryā ca viśeṣataḥ|| aruṃdhatyā tadā tau ca daṃpatī parameśvarau

त्रिलोकी की लक्ष्मी से आवृत, परस्पर एक-दूसरे को निहारते हुए; तब उस परमेश्वर दंपती की लक्ष्मी ने, और विशेष रूप से सावित्री तथा अरुंधती ने भी, आरती उतारी।

श्लोक 63 (skanda.1.25.63)

अनसूया तथा शंभुं पार्वतीं च यशस्विनीम्॥ दृष्ट्वा नीराजयामास प्रीत्युत्कलितलोचना

anasūyā tathā śaṃbhuṃ pārvatīṃ ca yaśasvinīm|| dṛṣṭvā nīrājayāmāsa prītyutkalitalocanā

अनसूया ने भी शंभु और यशस्विनी पार्वती को देखकर, प्रेम से आर्द्र नेत्रों से, उनकी आरती उतारी।

श्लोक 64 (skanda.1.25.64)

तथैव सर्वा द्विजयोषितश्च नीराजयामासुरहो पुनः पुनः॥ सतीं च शंभुं च विलोकयंत्यस्तथैव सर्वा मुदिता हसंत्यः

tathaiva sarvā dvijayoṣitaśca nīrājayāmāsuraho punaḥ punaḥ|| satīṃ ca śaṃbhuṃ ca vilokayaṃtyastathaiva sarvā muditā hasaṃtyaḥ

उसी प्रकार सभी ब्राह्मण-पत्नियों ने भी बार-बार आरती उतारी, सती और शंभु को निहारती हुई, सभी हर्षित होकर हँसती हुईं।

श्लोक 65 (skanda.1.25.65)

॥लोमश उवाच॥ एतस्मिन्नंतरे तत्र गर्गाचार्यप्रणोदितः॥ हिमवान्मेनया सार्द्धं कन्यां दातुं प्रचक्रमे

||lomaśa uvāca|| etasminnaṃtare tatra gargācāryapraṇoditaḥ|| himavānmenayā sārddhaṃ kanyāṃ dātuṃ pracakrame

लोमश जी ने कहा — इसी बीच आचार्य गर्ग द्वारा प्रेरित होकर हिमवान ने मेना सहित कन्यादान आरंभ किया।

श्लोक 66 (skanda.1.25.66)

हैमं कलशमादाय मेना चार्द्धां गामाश्रिता॥ हिमाद्रेश्च महाभागा सर्वाभरणभूषिता

haimaṃ kalaśamādāya menā cārddhāṃ gāmāśritā|| himādreśca mahābhāgā sarvābharaṇabhūṣitā

स्वर्णकलश लेकर मेना, हिमाचल के आधे भाग में बैठी हुई, वह महाभाग्यशालिनी सर्वाभूषण-भूषित थीं।

श्लोक 67 (skanda.1.25.67)

तदा हिमाद्रिणा प्रोक्तो विश्वनाथो वरप्रदः॥ ब्रह्मणा सह संगत्य विष्णुना च तथैव च

tadā himādriṇā prokto viśvanātho varapradaḥ|| brahmaṇā saha saṃgatya viṣṇunā ca tathaiva ca

तब हिमाचल ने ब्रह्मा और विष्णु के साथ मिलकर वरदाता विश्वनाथ से यह कहा।

श्लोक 68 (skanda.1.25.68)

सार्द्धं पुरोधसा चैव गर्गेण सुमहात्मना॥ कन्यादानं करोम्यद्य देवदेवस्य शूलिनः

sārddhaṃ purodhasā caiva gargeṇa sumahātmanā|| kanyādānaṃ karomyadya devadevasya śūlinaḥ

"पुरोहित तथा महात्मा गर्ग के साथ, मैं आज देवाधिदेव शूलपाणि को कन्यादान करता हूँ।"

श्लोक 69 (skanda.1.25.69)

प्रयोगो भण्यतां ब्रह्मन्नस्मिन्समय आगते॥ तथेति मत्वा ते सर्वे कालज्ञा द्विजसत्तमाः

prayogo bhaṇyatāṃ brahmannasminsamaya āgate|| tatheti matvā te sarve kālajñā dvijasattamāḥ

"हे ब्रह्मन्, अब यह उचित समय आ गया है, अतः विधि बताइए।" "ऐसा ही हो" — यह मानकर वे सभी कालज्ञ द्विजश्रेष्ठ —

श्लोक 70 (skanda.1.25.70)

कथ्यतां तात गोत्रं स्वं कुलं चैव विशेषतः॥ कथयस्व महाभाग इत्याकर्ण्य वचस्तथा॥ सुमुखेन विमुखः सद्यो ह्यशोच्यः शोच्यतां गतः

kathyatāṃ tāta gotraṃ svaṃ kulaṃ caiva viśeṣataḥ|| kathayasva mahābhāga ityākarṇya vacastathā|| sumukhena vimukhaḥ sadyo hyaśocyaḥ śocyatāṃ gataḥ

— बोले, "हे तात, अपना गोत्र और विशेष रूप से अपना कुल बताइए; हे महाभाग, यह कहिए।" यह वचन सुनकर वे सुमुख शिव तुरंत मुख फेर बैठे; और वे, जो अशोच्य हैं, क्षणभर के लिए मानो शोक में पड़ गए।

श्लोक 71 (skanda.1.25.71)

एवंविधः सुरवरैर्ऋषिभिस्तदानीं गंधर्वयक्षमुनिसिद्धगणैस्तथैव॥ दृष्टो निरुत्तरमुखो भगवान्महेशो हास्यं चकार सुभृशं त्वथ नारदश्च

evaṃvidhaḥ suravarairṛṣibhistadānīṃ gaṃdharvayakṣamunisiddhagaṇaistathaiva|| dṛṣṭo niruttaramukho bhagavānmaheśo hāsyaṃ cakāra subhṛśaṃ tvatha nāradaśca

इस प्रकार निरुत्तर मुखवाले भगवान महेश को देखकर, देवश्रेष्ठों, ऋषियों तथा गंधर्व-यक्ष-मुनि-सिद्धगणों के समक्ष, नारद जी अत्यंत ज़ोर से हँस पड़े।

श्लोक 72 (skanda.1.25.72)

वीणां प्रकटयामास ब्रह्मपुत्रोऽथ नारदः॥ तदानीं वारितो धीमान्वीणां मा वादय प्रभो

vīṇāṃ prakaṭayāmāsa brahmaputro'tha nāradaḥ|| tadānīṃ vārito dhīmānvīṇāṃ mā vādaya prabho

तब ब्रह्मपुत्र नारद ने अपनी वीणा निकाली; तभी उन बुद्धिमान को रोका गया — "हे प्रभु, अभी वीणा मत बजाइए।"

श्लोक 73 (skanda.1.25.73)

इत्युक्तः पर्वतेनैव नारदो वाक्यमब्रवीत्॥ त्वया पृष्टो भवः साक्षात्स्वगोत्रकथनं प्रति

ityuktaḥ parvatenaiva nārado vākyamabravīt|| tvayā pṛṣṭo bhavaḥ sākṣātsvagotrakathanaṃ prati

पर्वत द्वारा इस प्रकार कहे जाने पर नारद जी बोले — "आपने साक्षात् भव से ही उनके गोत्र-कथन के विषय में पूछा है।"

श्लोक 74 (skanda.1.25.74)

अस्य गोत्रं कुलं चैव नाद एव परं गिरे॥ नादे प्रतिष्ठितः शंभुर्नादो ह्यस्मिन्प्रतिष्ठितः

asya gotraṃ kulaṃ caiva nāda eva paraṃ gire|| nāde pratiṣṭhitaḥ śaṃbhurnādo hyasminpratiṣṭhitaḥ

"हे पर्वत, इनका गोत्र और कुल परम नाद ही है। शंभु नाद में प्रतिष्ठित हैं, और नाद इन्हीं में प्रतिष्ठित है।"

श्लोक 75 (skanda.1.25.75)

तस्मान्नादमयः शंभुर्नादाच्च प्रतिलभ्यते॥ तस्माद्वीणा मया चाद्य वादिता हि परंतप

tasmānnādamayaḥ śaṃbhurnādācca pratilabhyate|| tasmādvīṇā mayā cādya vāditā hi paraṃtapa

"अतः शंभु नादमय ही हैं, और नाद से ही उन्हें प्राप्त किया जाता है; इसीलिए हे परंतप, मैंने आज वीणा बजाई है।"

श्लोक 76 (skanda.1.25.76)

अस्य गोत्रं कुलं नाम न जानंति हि पर्वत॥ ब्रह्मादयो हि विवुधा अन्येषां चैव का कथा

asya gotraṃ kulaṃ nāma na jānaṃti hi parvata|| brahmādayo hi vivudhā anyeṣāṃ caiva kā kathā

"हे पर्वत, इनका गोत्र और कुल तो ब्रह्मा आदि देवता भी नहीं जानते; फिर अन्य किसी की तो बात ही क्या!"

श्लोक 77 (skanda.1.25.77)

त्वं हि मूढत्वमापन्नो न जानासि हि किंचन॥ वाच्यावाच्यं महेशस्य विषया हि बहिर्मुखाः

tvaṃ hi mūḍhatvamāpanno na jānāsi hi kiṃcana|| vācyāvācyaṃ maheśasya viṣayā hi bahirmukhāḥ

"आप तो मोहग्रस्त हो गए हैं, आप कुछ भी नहीं जानते; महेश के विषय में क्या कहने योग्य है और क्या नहीं, यह विषय तो इंद्रियों की पहुँच से परे है, जो केवल बहिर्मुखी हैं।"

श्लोक 78 (skanda.1.25.78)

येये आगमिकाश्चाद्रे नष्टास्ते नात्र संशयः॥ अरूपोयं विरूपाक्षो ह्यकुलीनोऽयमुच्यते

yeye āgamikāścādre naṣṭāste nātra saṃśayaḥ|| arūpoyaṃ virūpākṣo hyakulīno'yamucyate

"हे पर्वत, जो-जो केवल आगम-परंपरा के आधार पर ही समझने का प्रयास करते हैं, वे भटक गए हैं, इसमें कोई संशय नहीं; यह अरूप, विरूपाक्ष और अकुलीन कहा जाता है —"

श्लोक 79 (skanda.1.25.79)

अगोत्रोऽयं गिरिश्रेष्ठ जामाता ते न संशयः॥ न कर्त्तव्यो विमर्शोऽत्र भवता विबुधेन हि

agotro'yaṃ giriśreṣṭha jāmātā te na saṃśayaḥ|| na karttavyo vimarśo'tra bhavatā vibudhena hi

"— हे गिरिश्रेष्ठ, आपका यह जामाता निश्चय ही अगोत्र है। हे विद्वान, इस विषय में आपको और विचार करने की आवश्यकता नहीं है।"

श्लोक 80 (skanda.1.25.80)

न जानंति हरं सर्वे किं बहूक्त्या मम प्रभो॥ यस्याज्ञानान्महाभाग मोहिता ऋषयो ह्यमी

na jānaṃti haraṃ sarve kiṃ bahūktyā mama prabho|| yasyājñānānmahābhāga mohitā ṛṣayo hyamī

"कोई भी हर को पूर्णतः नहीं जानता — हे प्रभो, अधिक कहने से क्या लाभ? हे महाभाग, जिनके अज्ञान से ये ऋषिगण भी मोहित हो गए हैं।"

श्लोक 81 (skanda.1.25.81)

ब्रह्मापि तं न जानाति मस्तकं परमेष्ठिनः॥ विष्णुर्गतो हि पातालं न दृष्टो हि तथैव च

brahmāpi taṃ na jānāti mastakaṃ parameṣṭhinaḥ|| viṣṇurgato hi pātālaṃ na dṛṣṭo hi tathaiva ca

"यहाँ तक कि ब्रह्मा भी उन परमेष्ठी के मस्तक को नहीं जान पाए; और विष्णु पाताल तक गए, फिर भी उसी प्रकार उनके चरण नहीं देख पाए।"

श्लोक 82 (skanda.1.25.82)

तेन लिंगेन महता ह्यगाधेन जगत्त्रयम्॥ व्याप्तमस्तीति तद्विद्धि किमनेन प्रयोजनम्

tena liṃgena mahatā hyagādhena jagattrayam|| vyāptamastīti tadviddhi kimanena prayojanam

"उसी महान, अगाध लिंग से यह त्रिलोकी व्याप्त है — ऐसा जानिए; इससे अधिक विवेचन का क्या प्रयोजन है?"

श्लोक 83 (skanda.1.25.83)

अनयाराधितं नूनं तव पुत्र्या हिमालय॥ तत्त्वतो हि न जानासि कथं चैव महागिरे

anayārādhitaṃ nūnaṃ tava putryā himālaya|| tattvato hi na jānāsi kathaṃ caiva mahāgire

"हे हिमालय, आपकी पुत्री ने ही निश्चय ही इनकी आराधना की है; हे महागिरे, आप वास्तव में यह नहीं जानते कि यह कैसे हुआ।"

श्लोक 84 (skanda.1.25.84)

आभ्यामुत्पाद्यते विश्वमाभ्यां चैव प्रतिष्ठितम्॥ एतच्छ्रुत्वा वचस्तस्य नारदस्य महात्मनः

ābhyāmutpādyate viśvamābhyāṃ caiva pratiṣṭhitam|| etacchrutvā vacastasya nāradasya mahātmanaḥ

"इन दोनों से ही यह विश्व उत्पन्न होता है और इन्हीं दोनों में यह प्रतिष्ठित है।" महात्मा नारद के इन वचनों को सुनकर —

श्लोक 85 (skanda.1.25.85)

हिमाद्रिप्रमुखाः सर्वे तथा चेंद्रपुरोगमाः॥ साधुसाध्विति ते सर्वे ऊचुर्विस्मितमानसाः

himādripramukhāḥ sarve tathā ceṃdrapurogamāḥ|| sādhusādhviti te sarve ūcurvismitamānasāḥ

— हिमाचल-प्रमुख सभी तथा इंद्र-प्रमुख देवगण भी विस्मित मन से "साधु, साधु" कहने लगे।

श्लोक 86 (skanda.1.25.86)

ईश्वरस्य तु गांभीर्यं ज्ञात्वा सर्वे विचक्षणाः॥ विस्मयेन समाश्लिष्टा ऊचुः सर्वे परस्परम्

īśvarasya tu gāṃbhīryaṃ jñātvā sarve vicakṣaṇāḥ|| vismayena samāśliṣṭā ūcuḥ sarve parasparam

तब ईश्वर की गंभीरता को जानकर सभी चतुर जन विस्मय से भर उठे और परस्पर एक-दूसरे से कहने लगे।

श्लोक 87 (skanda.1.25.87)

॥ऋषय ऊचुः॥ यस्याज्ञया जगदिदं च विशालमेव जातं परात्परमिदं निजबोधरूपम्॥ सर्वं स्वतंत्रपरमेश्वरभागम्यं सोऽसौ त्रिलोकनिजरूपयुतो महात्मा

||ṛṣaya ūcuḥ|| yasyājñayā jagadidaṃ ca viśālameva jātaṃ parātparamidaṃ nijabodharūpam|| sarvaṃ svataṃtraparameśvarabhāgamyaṃ so'sau trilokanijarūpayuto mahātmā

ऋषियों ने कहा — "जिनकी आज्ञा से यह विशाल जगत उत्पन्न हुआ, जो परात्पर हैं, स्वयं-बोध-स्वरूप हैं; जिस स्वतंत्र परमेश्वर के द्वारा सब कुछ जाना जाता है — वही महात्मा त्रिलोक के अपने ही स्वरूप को धारण किए हुए हैं।"