स्वामी कार्तिकेय की उत्पत्ति का वर्णन

श्लोक 1 (skanda.1.27.1)

॥लोमश उवाच॥ तथैव विष्णुना सर्वे पर्वताश्च प्रपूजिताः॥ सह्याचलश्च विंध्यश्च मैनाको गंधमादनः

||lomaśa uvāca|| tathaiva viṣṇunā sarve parvatāśca prapūjitāḥ|| sahyācalaśca viṃdhyaśca maināko gaṃdhamādanaḥ

लोमश जी ने कहा — उसी प्रकार विष्णु द्वारा सभी पर्वतों का सम्मान किया गया — सह्याचल, विंध्य, मैनाक और गंधमादन का।

श्लोक 2 (skanda.1.27.2)

माल्यवान्मलयश्चैव महेंद्रो मंदरस्तथा॥ मेरुश्चैव प्रयत्नेन पूजितो विष्णुना तदा

mālyavānmalayaścaiva maheṃdro maṃdarastathā|| meruścaiva prayatnena pūjito viṣṇunā tadā

मालयवान, मलय, महेंद्र तथा मंदर; और मेरु का भी विष्णु ने उस समय यत्नपूर्वक सम्मान किया।

श्लोक 3 (skanda.1.27.3)

श्वेतः कृतः श्वेतगिरिर्निलाद्रिश्च तथैव च॥ उदयाद्रिश्च श्रृंगश्च अस्ताचलवरो महान्

śvetaḥ kṛtaḥ śvetagirirnilādriśca tathaiva ca|| udayādriśca śrṛṃgaśca astācalavaro mahān

श्वेतगिरि, नीलाद्रि, उदयाद्रि, श्रृंग तथा महान अस्ताचल — इन सबका भी सम्मान किया गया।

श्लोक 4 (skanda.1.27.4)

मानसाद्रिस्तथा शैलः कैलासः पर्वतोत्तमः॥ लोकालोकस्तथा शैलः पूजितः परमेष्ठिना

mānasādristathā śailaḥ kailāsaḥ parvatottamaḥ|| lokālokastathā śailaḥ pūjitaḥ parameṣṭhinā

मानसाद्रि, कैलास पर्वतोत्तम, तथा लोकालोक पर्वत का भी परमेष्ठी विष्णु ने सम्मान किया।

श्लोक 5 (skanda.1.27.5)

एवं ते पर्वतश्रेष्ठाः पूजिताः सर्व एव हि॥ तथान्ये पूजितास्तेन सर्वे पर्वतवासिनः

evaṃ te parvataśreṣṭhāḥ pūjitāḥ sarva eva hi|| tathānye pūjitāstena sarve parvatavāsinaḥ

इस प्रकार वे सभी पर्वतश्रेष्ठ पूजित हुए; तथा उनके द्वारा अन्य सभी पर्वतवासी भी सम्मानित किए गए।

श्लोक 6 (skanda.1.27.6)

विष्णुना ब्रह्मणा सार्द्धं कृतं सर्वं यथोचितम्॥ अन्येहनि च संप्राप्ते वरयात्रा कृता तथा

viṣṇunā brahmaṇā sārddhaṃ kṛtaṃ sarvaṃ yathocitam|| anyehani ca saṃprāpte varayātrā kṛtā tathā

विष्णु ने ब्रह्मा जी के साथ सब कुछ यथोचित रूप से संपन्न किया; और अगला दिन आने पर वरयात्रा भी निकाली गई।

श्लोक 7 (skanda.1.27.7)

हिमाद्रिणा बंधुभिश्च पर्वतं गंधमादनम्॥ ययुः सर्वे सुरगणा गणाश्च बहवस्तथा

himādriṇā baṃdhubhiśca parvataṃ gaṃdhamādanam|| yayuḥ sarve suragaṇā gaṇāśca bahavastathā

हिमाचल और उनके बंधुजनों सहित गंधमादन पर्वत की ओर सभी देवगण तथा अनेक गणगण भी चले।

श्लोक 8 (skanda.1.27.8)

प्रमथाश्च तथा सर्वे तथा चंडीगणाः परे॥ ये चान्ये बहवस्तत्र समायाता हिमालया

pramathāśca tathā sarve tathā caṃḍīgaṇāḥ pare|| ye cānye bahavastatra samāyātā himālayā

तथा सभी प्रमथगण, और चंडी के अन्य गण भी; तथा वहाँ हिमालय के साथ आए और भी अनेक जन।

श्लोक 9 (skanda.1.27.9)

शिवस्योद्वहनं विप्राः शिवेन परिभाविताः॥ परं हर्षं समापन्ना दृष्ट्वा तौ दंपती तदा

śivasyodvahanaṃ viprāḥ śivena paribhāvitāḥ|| paraṃ harṣaṃ samāpannā dṛṣṭvā tau daṃpatī tadā

हे विप्रो, शिव के विवाह में, शिव द्वारा अनुगृहीत वे सभी उस दंपती को देखकर परम हर्ष को प्राप्त हुए।

श्लोक 10 (skanda.1.27.10)

पार्वतीसहितः शंभुः शंभुना सह पार्वती॥ पुष्पगन्धौ यथा स्यातां वागर्थाविव तत्त्वतः

pārvatīsahitaḥ śaṃbhuḥ śaṃbhunā saha pārvatī|| puṣpagandhau yathā syātāṃ vāgarthāviva tattvataḥ

पार्वती सहित शंभु, और शंभु सहित पार्वती — जैसे पुष्प और गंध एक हों, अथवा वाणी और अर्थ वस्तुतः अभिन्न हों।

श्लोक 11 (skanda.1.27.11)

तथा प्रकृतिपुंसौ च ऐकपद्येन नान्यथा॥ दंपती तौ गजारूढौ शुशुभाते महाप्रभौ

tathā prakṛtipuṃsau ca aikapadyena nānyathā|| daṃpatī tau gajārūḍhau śuśubhāte mahāprabhau

उसी प्रकार प्रकृति और पुरुष भी एक ही हैं, अन्यथा नहीं। वे दोनों गजारूढ़ दंपती महाप्रभावशाली होकर शोभित हुए।

श्लोक 12 (skanda.1.27.12)

विमास्थस्तदा ब्रह्मा विष्णुश्च गरुडोपरि॥ ऐरावतगतश्चेंद्रः कुबेरः पुष्पकोपरि

vimāsthastadā brahmā viṣṇuśca garuḍopari|| airāvatagataśceṃdraḥ kuberaḥ puṣpakopari

तब ब्रह्मा अपने विमान पर, विष्णु गरुड़ पर आरूढ़ हुए; इंद्र ऐरावत पर तथा कुबेर पुष्पक विमान पर आरूढ़ हुए।

श्लोक 13 (skanda.1.27.13)

पाशी च मकरा रूढो यमो महिषमेव च॥ प्रेतारूढो नैर्ऋतः स्यादग्निर्बस्तगतो महान्

pāśī ca makarā rūḍho yamo mahiṣameva ca|| pretārūḍho nairṛtaḥ syādagnirbastagato mahān

पाशधारी वरुण मकर पर, यम महिष पर आरूढ़ हुए; नैर्ऋत प्रेत पर तथा महान अग्नि मेष पर आरूढ़ हुए।

श्लोक 14 (skanda.1.27.14)

मृगारूढोऽथ पवन ईशो वृषभमेव च॥ इत्येवं लोकपालाश्च सग्रहाः परमेष्ठिनः

mṛgārūḍho'tha pavana īśo vṛṣabhameva ca|| ityevaṃ lokapālāśca sagrahāḥ parameṣṭhinaḥ

पवन मृग पर तथा ईशान वृषभ पर आरूढ़ हुए। इस प्रकार ग्रहों सहित परमेष्ठी के लोकपाल भी —

श्लोक 15 (skanda.1.27.15)

स्वैः स्वैर्बलैः परिक्रांतास्तथान्ये प्रमथादयः॥ हिमाद्रिश्च महाशैल ऋषभो गंधमादनः

svaiḥ svairbalaiḥ parikrāṃtāstathānye pramathādayaḥ|| himādriśca mahāśaila ṛṣabho gaṃdhamādanaḥ

— अपनी-अपनी सेनाओं से घिरे हुए चले; तथा अन्य प्रमथ आदि, हिमाचल महाशैल, ऋषभ और गंधमादन भी।

श्लोक 16 (skanda.1.27.16)

सह्याचलो नीलगिरिर्मंदरो मलयाचलः॥ कैलासो हि महातेजा मैनाकश्च महाप्रभः

sahyācalo nīlagirirmaṃdaro malayācalaḥ|| kailāso hi mahātejā mainākaśca mahāprabhaḥ

सह्याचल, नीलगिरि, मंदर, मलयाचल; तथा महातेजस्वी कैलास और महाप्रभावशाली मैनाक भी।

श्लोक 17 (skanda.1.27.17)

एते चान्ये च गिरयः क्षीमंतो हि महाप्रभाः॥ सकलत्राश्च ते सर्वे ससुताश्च मनोरमाः

ete cānye ca girayaḥ kṣīmaṃto hi mahāprabhāḥ|| sakalatrāśca te sarve sasutāśca manoramāḥ

ये तथा अन्य पर्वत भी, समृद्ध और महाप्रभावशाली थे; वे सभी अपनी पत्नियों तथा मनोहर पुत्रों सहित थे।

श्लोक 18 (skanda.1.27.18)

बलिनो रूपिणः सर्वे मेर्वाद्यास्तत्र पर्वताः॥ वरयात्राप्रसंगेन शिवार्चनपराभवन्

balino rūpiṇaḥ sarve mervādyāstatra parvatāḥ|| varayātrāprasaṃgena śivārcanaparābhavan

वे सभी बलवान और सुरूप, मेरु आदि पर्वत वहाँ उपस्थित थे; वरयात्रा के इस अवसर पर वे शिव-अर्चना में तत्पर हो गए।

श्लोक 19 (skanda.1.27.19)

नंदिना ह्युपविष्टास्ते मेर्वाद्यास्तत्र पर्वताः॥ वरयात्रा कृता ते यथोक्ता च हिमाद्रिणा॥ सर्वैस्तैर्बंधुभिः सार्द्धं पुनरागमनं कृतम्

naṃdinā hyupaviṣṭāste mervādyāstatra parvatāḥ|| varayātrā kṛtā te yathoktā ca himādriṇā|| sarvaistairbaṃdhubhiḥ sārddhaṃ punarāgamanaṃ kṛtam

नंदी द्वारा बिठाए जाने पर वे मेरु आदि पर्वत वहाँ विराजमान हुए; हिमाचल द्वारा बताई गई विधि के अनुसार वरयात्रा संपन्न हुई; और उन सभी बंधुजनों सहित पुनः वापसी की गई।

श्लोक 20 (skanda.1.27.20)

स्वकालयस्थो हिमवान्स रेजे हि महा यशा॥ शिवसंपर्कजेनैव महसा परमेम च॥ विख्यातो हि महाशैलस्त्रिषु लोकेषु विश्रुतः

svakālayastho himavānsa reje hi mahā yaśā|| śivasaṃparkajenaiva mahasā paramema ca|| vikhyāto hi mahāśailastriṣu lokeṣu viśrutaḥ

अपने ही धाम में स्थित वह महायशस्वी हिमालय, शिव के संपर्क से उत्पन्न परम तेज से देदीप्यमान हुआ; वह महाशैल तीनों लोकों में विख्यात और प्रसिद्ध हो गया।

श्लोक 21 (skanda.1.27.21)

कन्यादानेन महता तुष्टो यस्य च शंकरः॥ ते धन्यास्ते महात्मानः कृतकृतत्यास्तथैव च

kanyādānena mahatā tuṣṭo yasya ca śaṃkaraḥ|| te dhanyāste mahātmānaḥ kṛtakṛtatyāstathaiva ca

जिनके महान कन्यादान से शंकर संतुष्ट होते हैं, वे धन्य हैं, वे महात्मा हैं, और वे सचमुच कृतकृत्य हैं।

श्लोक 22 (skanda.1.27.22)

द्व्यक्षरं नाम येषां च जिह्वाग्रे संस्थितं सदा॥ शिवेति द्व्यक्षरं नाम यैर्हृदीरितमद्य वै॥ ते वै मनुष्यरूपेण रुद्रा एव न संशयः

dvyakṣaraṃ nāma yeṣāṃ ca jihvāgre saṃsthitaṃ sadā|| śiveti dvyakṣaraṃ nāma yairhṛdīritamadya vai|| te vai manuṣyarūpeṇa rudrā eva na saṃśayaḥ

जिनकी जिह्वा के अग्रभाग पर वह द्व्यक्षर नाम सदा स्थित रहता है; जिन्होंने आज हृदय से "शिव" यह द्व्यक्षर नाम उच्चारित किया है — वे मनुष्य-रूप में साक्षात् रुद्र ही हैं, इसमें कोई संशय नहीं।

श्लोक 23 (skanda.1.27.23)

किंचिद्दानेन संतुष्टः पत्रेणापि तथैव च॥ तोयेनापि हि संतुष्टो महादेवो निरन्तरम्

kiṃciddānena saṃtuṣṭaḥ patreṇāpi tathaiva ca|| toyenāpi hi saṃtuṣṭo mahādevo nirantaram

वे थोड़े से दान से ही संतुष्ट हो जाते हैं, और उसी प्रकार एक पत्ते से भी; तथा केवल जल से भी महादेव सदा संतुष्ट हो जाते हैं।

श्लोक 24 (skanda.1.27.24)

पत्रेण पुष्पेण तथा जलेन प्रीतो भवत्येष सदाशिवो हि॥ तस्माच्च सर्वैः प्रतिपूजनीयः शिवो मद्दाभाग्यकरो नृणामिह

patreṇa puṣpeṇa tathā jalena prīto bhavatyeṣa sadāśivo hi|| tasmācca sarvaiḥ pratipūjanīyaḥ śivo maddābhāgyakaro nṛṇāmiha

पत्र से, पुष्प से, तथा जल से भी यह सदाशिव प्रसन्न हो जाते हैं; अतः सबको शिव की पूजा करनी चाहिए, जो मनुष्यों के लिए इस लोक में महान सौभाग्य के दाता हैं।

श्लोक 25 (skanda.1.27.25)

एको महाञ्ज्योतिरजः परेशः परापराणां परमो महात्मा॥ निरंतरो निर्विकारो निरीशो निराबाधो निर्विकल्पो निरीहः

eko mahāñjyotirajaḥ pareśaḥ parāparāṇāṃ paramo mahātmā|| niraṃtaro nirvikāro nirīśo nirābādho nirvikalpo nirīhaḥ

वे एक, महान ज्योतिस्वरूप, अजन्मा, परेश, उत्तमों और अन्य सबमें भी परम, महात्मा हैं; निरंतर, निर्विकार, निरीश, निराबाध, निर्विकल्प, निरीह; निरंजन, नित्यस्वरूप, निरोध, नित्यानंद और सदा नित्यमुक्त हैं।

श्लोक 26 (skanda.1.27.26)

निरंजनो नित्यरूपो निरोधो नित्यानन्दो नित्यमुक्ताः सदेव॥ एवंभूतो देवदेवोऽर्च्चितश्च तैर्देवाद्यर्विश्ववेद्यो भवश्च॥ स्तुतो ध्यातः पूजितश्चिंतितश्च सर्वज्ञोऽसौ सर्वदा सर्वदश्च

niraṃjano nityarūpo nirodho nityānando nityamuktāḥ sadeva|| evaṃbhūto devadevo'rccitaśca tairdevādyarviśvavedyo bhavaśca|| stuto dhyātaḥ pūjitaściṃtitaśca sarvajño'sau sarvadā sarvadaśca

ऐसे स्वरूप वाले देवाधिदेव भव, जो देवताओं और अन्य सबके द्वारा पूजित तथा विश्व द्वारा जानने योग्य हैं — वे स्तुत, ध्यात, पूजित, चिंतित, सर्वज्ञ और सदा सर्वदाता हैं।

श्लोक 27 (skanda.1.27.27)

यथा वरिष्ठो हिमवान्प्रसिद्धः सर्वैर्गुणैः सर्वगुणो महात्मा॥ विश्वेशवंद्यो हि तदा हिमालयो जातो गिरीणां प्रवरस्तदानीम्

yathā variṣṭho himavānprasiddhaḥ sarvairguṇaiḥ sarvaguṇo mahātmā|| viśveśavaṃdyo hi tadā himālayo jāto girīṇāṃ pravarastadānīm

जैसे सर्वगुणसंपन्न महात्मा हिमालय समस्त गुणों से प्रसिद्ध, सर्वश्रेष्ठ हो गए — इस प्रकार विश्वेश्वर द्वारा भी वंदनीय हिमालय उस समय पर्वतों में सर्वश्रेष्ठ हो गए।

श्लोक 28 (skanda.1.27.28)

मेनया सह धर्मात्मा यथास्थानगतस्ततः॥ सर्वान्विसर्जयामास पर्वतान्पर्वतेश्वरः

menayā saha dharmātmā yathāsthānagatastataḥ|| sarvānvisarjayāmāsa parvatānparvateśvaraḥ

मेना सहित वे धर्मात्मा अपने स्थान पर पहुँचकर, पर्वतेश्वर हिमालय ने सभी पर्वतों को विदा किया।

श्लोक 29 (skanda.1.27.29)

गतेषु तेषु हिमवान्पुत्रैः पौत्रैः प्रपौत्रकैः॥ राजा गिरीणां प्रवरो महादेवप्रसादतः

gateṣu teṣu himavānputraiḥ pautraiḥ prapautrakaiḥ|| rājā girīṇāṃ pravaro mahādevaprasādataḥ

उनके चले जाने पर हिमवान, अपने पुत्रों, पौत्रों और प्रपौत्रों सहित, महादेव की कृपा से पर्वतों के राजा और श्रेष्ठ बन गए।

श्लोक 30 (skanda.1.27.30)

अथो गिरिजया सार्द्धं महेशो गन्धमादने॥ एकांते च मतिं चक्रे रमणार्थं स्वरूपवान्

atho girijayā sārddhaṃ maheśo gandhamādane|| ekāṃte ca matiṃ cakre ramaṇārthaṃ svarūpavān

तत्पश्चात् गिरिजा सहित महेश ने गंधमादन पर्वत पर, एकांत स्थान में, स्वरूपवान होकर रमण के लिए मन बनाया।

श्लोक 31 (skanda.1.27.31)

सुरतेनैव महता तपसा हि समागमे॥ द्वयोः सुरतमारब्धं तद्द्वयोश्च तदाऽभवत्

suratenaiva mahatā tapasā hi samāgame|| dvayoḥ suratamārabdhaṃ taddvayośca tadā'bhavat

महान सुरत के द्वारा ही, जो तप के समान था, उस मिलन में; उन दोनों का सुरत आरंभ हुआ और उस समय संपन्न हुआ।

श्लोक 32 (skanda.1.27.32)

अनिष्टं महदाश्चर्यं प्रलयोपममेव च॥ तस्मिन्महारते प्राप्ते नाविंदंत सुखं परम्

aniṣṭaṃ mahadāścaryaṃ pralayopamameva ca|| tasminmahārate prāpte nāviṃdaṃta sukhaṃ param

उस महान संभोग में एक अनिष्टकारी, महान आश्चर्यजनक, प्रलय के समान घटना घटी; उस महारत के होने पर किसी को भी परम सुख नहीं मिल सका।

श्लोक 33 (skanda.1.27.33)

सर्वे ब्रह्मादयो देवाः कार्याकार्यव्यवस्थितौ॥ रेतसा च जगत्सर्वं नष्टं स्थावरजंगमम्

sarve brahmādayo devāḥ kāryākāryavyavasthitau|| retasā ca jagatsarvaṃ naṣṭaṃ sthāvarajaṃgamam

ब्रह्मा आदि सभी देवगण कार्य-अकार्य के निर्णय में उलझे रहे; और उस वीर्य से चराचर संपूर्ण जगत अस्त-व्यस्त हो गया।

श्लोक 34 (skanda.1.27.34)

सस्मार चाग्निं ब्रह्मा च विष्णुश्चाध्यात्मदायकः॥ मनसा संस्मृतः सद्यो जगामाग्निस्त्वरान्वितः

sasmāra cāgniṃ brahmā ca viṣṇuścādhyātmadāyakaḥ|| manasā saṃsmṛtaḥ sadyo jagāmāgnistvarānvitaḥ

ब्रह्मा और अध्यात्म-दाता विष्णु ने अग्नि का स्मरण किया; मन से स्मरण किए जाते ही अग्नि तत्काल शीघ्रतापूर्वक चल पड़े।

श्लोक 35 (skanda.1.27.35)

ताभ्यां संप्रेषितोऽपश्यद्रुचिरं शिवमांदिरम्॥ द्वारि स्थितं नंदिनं च ददर्शाग्रे महाप्रभम्

tābhyāṃ saṃpreṣito'paśyadruciraṃ śivamāṃdiram|| dvāri sthitaṃ naṃdinaṃ ca dadarśāgre mahāprabham

उन दोनों द्वारा भेजे जाने पर उन्होंने शिव के मनोहर भवन को देखा; और द्वार पर खड़े महाप्रभावशाली नंदी को अपने समक्ष देखा।

श्लोक 36 (skanda.1.27.36)

अग्निर्ह्रस्वस्तदा भूत्वा काश्मीरसदृशच्छविः॥ प्रविष्टोंतः पुरं शंभोर्नानाश्चर्यसमन्वितम्

agnirhrasvastadā bhūtvā kāśmīrasadṛśacchaviḥ|| praviṣṭoṃtaḥ puraṃ śaṃbhornānāścaryasamanvitam

तब अग्नि छोटा रूप धारण कर, केसर के समान कांतिमान होकर, शंभु के नाना आश्चर्यों से युक्त नगर के भीतर प्रविष्ट हुए।

श्लोक 37 (skanda.1.27.37)

अनेकरत्नसंवीतं प्रासादैश्च स्वलं कृतम्॥ तदंगणमनुप्राप्य उपविश्याह हव्यवाट्

anekaratnasaṃvītaṃ prāsādaiśca svalaṃ kṛtam|| tadaṃgaṇamanuprāpya upaviśyāha havyavāṭ

अनेक रत्नों से आवृत, महलों से सुसज्जित उस आँगन में पहुँचकर हव्यवाहन अग्नि बैठकर बोले।

श्लोक 38 (skanda.1.27.38)

पाणिपात्रस्य मे ह्यम्ब भिक्षां देह्यवरोधतः॥ तच्छ्रुत्वा वचनं तस्य पाणिपात्रस्य बालिका

pāṇipātrasya me hyamba bhikṣāṃ dehyavarodhataḥ|| tacchrutvā vacanaṃ tasya pāṇipātrasya bālikā

"हे माता, अंतःपुर से मेरी अंजलि में भिक्षा दीजिए।" उनकी अंजलि संबंधी यह बात सुनकर वह बालिका —

श्लोक 39 (skanda.1.27.39)

यावद्दातुं च सारेभे भिक्षां तस्मै ततः स्वयम्॥ उत्थाय सुरतात्तस्माच्छिवो हि कुपितो भृशम्

yāvaddātuṃ ca sārebhe bhikṣāṃ tasmai tataḥ svayam|| utthāya suratāttasmācchivo hi kupito bhṛśam

— जैसे ही वह स्वयं उसे भिक्षा देने चली, उसी सुरत से उठकर शिव अत्यंत क्रोधित हो गए।

श्लोक 40 (skanda.1.27.40)

रुद्रस्त्रिशूलमुद्यम्य भैरवो ह्यऽभवत्तदा॥ निवारितो गिरिजया वधात्तस्माच्छिवः स्वयम्॥ भिक्षां तस्मै ददौ वाचा अग्नये जातवेदसे

rudrastriśūlamudyamya bhairavo hya'bhavattadā|| nivārito girijayā vadhāttasmācchivaḥ svayam|| bhikṣāṃ tasmai dadau vācā agnaye jātavedase

त्रिशूल उठाकर रुद्र उस समय भैरव बन गए; परंतु गिरिजा द्वारा उस वध से रोके जाने पर शिव ने स्वयं ही वाणी से जातवेदा अग्नि को भिक्षा दे दी।

श्लोक 41 (skanda.1.27.41)

पाणौ भिक्षां गृहीत्वाथ प्रत्यक्षं तेन चाग्निना॥ भिक्षिता कुपिता तं वै शशाप गिरिजा ततः

pāṇau bhikṣāṃ gṛhītvātha pratyakṣaṃ tena cāgninā|| bhikṣitā kupitā taṃ vai śaśāpa girijā tataḥ

तब उस अग्नि के समक्ष हाथ में भिक्षा ग्रहण करते ही, याचित होकर कुपित गिरिजा ने उन्हें शाप दिया।

श्लोक 42 (skanda.1.27.42)

रे भिक्षो भविता शापात्सर्वभक्षो ममाशु वै॥ अनेन रेतसा सद्यः पीडां प्राप्स्यसि सर्वतः

re bhikṣo bhavitā śāpātsarvabhakṣo mamāśu vai|| anena retasā sadyaḥ pīḍāṃ prāpsyasi sarvataḥ

"रे भिक्षुक, मेरे शाप से तू शीघ्र ही सर्वभक्षी हो जाएगा; और इसी वीर्य से तुझे तत्काल सब ओर से पीड़ा प्राप्त होगी।"

श्लोक 43 (skanda.1.27.43)

इत्युक्तो भक्षयित्वाग्नी रेत ईशस्य हव्यवाट्॥ यत्र देवाः स्थिताः सर्वे ब्रह्माद्याश्चैव सर्वशः

ityukto bhakṣayitvāgnī reta īśasya havyavāṭ|| yatra devāḥ sthitāḥ sarve brahmādyāścaiva sarvaśaḥ

इस प्रकार कहे जाने पर हव्यवाहन अग्नि ने ईश्वर के वीर्य को निगल लिया; और वहाँ गए जहाँ ब्रह्मा आदि सभी देवगण उपस्थित थे।

श्लोक 44 (skanda.1.27.44)

आगत्याकथयत्सर्वं तद्रेतोभक्षणादिकम्॥ सर्वे सगर्भा ह्यभवन्निन्द्राद्या देवतागणाः

āgatyākathayatsarvaṃ tadretobhakṣaṇādikam|| sarve sagarbhā hyabhavannindrādyā devatāgaṇāḥ

वहाँ आकर उन्होंने वीर्य-भक्षण आदि सब कुछ बता दिया; और इंद्र आदि सभी देवगण गर्भवती हो गए।

श्लोक 45 (skanda.1.27.45)

अग्नेर्यथा हविश्चैव सर्वेषामुपतिष्ठति॥ अग्नेर्मुखोद्भवेनैव रेतसा ते सुरेश्वराः

agneryathā haviścaiva sarveṣāmupatiṣṭhati|| agnermukhodbhavenaiva retasā te sureśvarāḥ

जैसे अग्नि में डाली गई आहुति सबको प्राप्त होती है, उसी प्रकार अग्नि के मुख से उत्पन्न उस वीर्य से वे देवेश्वर —

श्लोक 46 (skanda.1.27.46)

सगर्भाह्यभवन्सर्वे चिंतया चप्रपीडिताः॥ विष्णुं शरणमाजग्मुर्द्देवदेवेश्वरं प्रभुम्

sagarbhāhyabhavansarve ciṃtayā caprapīḍitāḥ|| viṣṇuṃ śaraṇamājagmurddevadeveśvaraṃ prabhum

— सभी गर्भवती हो गए और चिंता से अत्यंत पीड़ित हो उठे; वे देवाधिदेव प्रभु विष्णु की शरण में गए।

श्लोक 47 (skanda.1.27.47)

॥देवा ऊचुः॥ त्वं त्राता सर्वदेवानां लोकानां प्रभुरेव च॥ तस्माद्रक्षा विधातव्या शरणागतवत्सल

||devā ūcuḥ|| tvaṃ trātā sarvadevānāṃ lokānāṃ prabhureva ca|| tasmādrakṣā vidhātavyā śaraṇāgatavatsala

देवताओं ने कहा — "आप ही सब देवताओं के रक्षक और लोकों के स्वामी हैं; अतः हे शरणागतवत्सल, आपको हमारी रक्षा करनी चाहिए।"

श्लोक 48 (skanda.1.27.48)

वयं सर्वे मर्तुकामा रेतसानेन पीडिताः॥ असुरेभ्यः परित्रस्ता वयं सर्वे दिवौकसः

vayaṃ sarve martukāmā retasānena pīḍitāḥ|| asurebhyaḥ paritrastā vayaṃ sarve divaukasaḥ

"इस वीर्य से पीड़ित होकर हम सब मरने को उद्यत हैं; असुरों से पहले ही भयभीत, हम सभी स्वर्गवासी —"

श्लोक 49 (skanda.1.27.49)

शरणं शंकरं याताः परित्रातुं कृतोद्वहाः॥ यदा पुत्रो हि रुद्रस्य भविष्यति तदा वयम्॥ सुखिनः स्याम सर्वे निर्भयाश्च त्रिविष्टपे

śaraṇaṃ śaṃkaraṃ yātāḥ paritrātuṃ kṛtodvahāḥ|| yadā putro hi rudrasya bhaviṣyati tadā vayam|| sukhinaḥ syāma sarve nirbhayāśca triviṣṭape

"— रक्षा पाने के लिए हमने ही शंकर का विवाह कराया था; क्योंकि जब रुद्र का पुत्र उत्पन्न होगा, तब हम सब स्वर्ग में सुखी और निर्भय हो सकेंगे।"

श्लोक 50 (skanda.1.27.50)

एवं विष्टभ्यमानानां सर्वेषां भयमागतम्॥ अनेन रेतसा विष्णो जीवितुं शक्यते कथम्

evaṃ viṣṭabhyamānānāṃ sarveṣāṃ bhayamāgatam|| anena retasā viṣṇo jīvituṃ śakyate katham

"इस प्रकार दबे हुए हम सबको भय आ गया है; हे विष्णु, इस वीर्य के साथ हम कैसे जीवित रह सकते हैं?"

श्लोक 51 (skanda.1.27.51)

त्रिवर्गो हि यथा पुंसां कृतो हि सुपरिष्कृतः॥ विपरीतो भवत्येव विना देवेन नान्यथा

trivargo hi yathā puṃsāṃ kṛto hi supariṣkṛtaḥ|| viparīto bhavatyeva vinā devena nānyathā

"जैसे मनुष्यों का सुसंस्कृत त्रिवर्ग भी देव की कृपा के बिना विपरीत ही हो जाता है, अन्यथा नहीं —"

श्लोक 52 (skanda.1.27.52)

तस्मात्तद्वै बलं मत्वा सर्वेषामपि देहिनाम्॥ कार्याकार्यव्यवस्थायां सर्वे मन्यामहे वयम्

tasmāttadvai balaṃ matvā sarveṣāmapi dehinām|| kāryākāryavyavasthāyāṃ sarve manyāmahe vayam

"— अतः उसी को समस्त प्राणियों का बल मानकर, कार्य-अकार्य के निर्णय में हम सब आपको ही मानते हैं।"

श्लोक 53 (skanda.1.27.53)

तथा निशम्य देवानां परेशः परिदेवनम्॥ उवाच प्रहसन्वाक्यं देवानां देवतारिहा

tathā niśamya devānāṃ pareśaḥ paridevanam|| uvāca prahasanvākyaṃ devānāṃ devatārihā

देवताओं के इस विलाप को सुनकर, देवशत्रुओं के नाशक परमेश्वर ने हँसते हुए देवताओं से यह वचन कहा।

श्लोक 54 (skanda.1.27.54)

स्तूयतां वै महादेवो महेशः कार्यगौरवात्

stūyatāṃ vai mahādevo maheśaḥ kāryagauravāt

"इस कार्य की गंभीरता को देखते हुए महादेव महेश की स्तुति करनी चाहिए।"

श्लोक 55 (skanda.1.27.55)

तथेति गत्वा ते सर्वे देवा विष्णुपुरोगमाः॥ तथा ब्रह्मादयः सर्व ईडिरे ऋषयो हरम्

tatheti gatvā te sarve devā viṣṇupurogamāḥ|| tathā brahmādayaḥ sarva īḍire ṛṣayo haram

"ऐसा ही हो" — यह मानकर विष्णु के नेतृत्व में सभी देवगण वहाँ गए; और ब्रह्मा आदि तथा सभी ऋषियों ने हर की स्तुति की।

श्लोक 56 (skanda.1.27.56)

ॐनमो भर्गाय देवाय नीलकंठाय मीढुषे॥ त्रिनेत्राय त्रिवेदाय लोकत्रितयधारिणे

oṃnamo bhargāya devāya nīlakaṃṭhāya mīḍhuṣe|| trinetrāya trivedāya lokatritayadhāriṇe

"ॐ, भर्ग देव, नीलकंठ, मीढुष को नमस्कार! त्रिनेत्र, त्रिवेद-स्वरूप, त्रिलोकधारी को नमस्कार!"

श्लोक 57 (skanda.1.27.57)

त्रिस्वराय त्रिमात्राय त्रिवेदाय त्रिमूर्त्तये॥ त्रिवर्गाय त्रिधामाय त्रिपदाय त्रिशूलिने

trisvarāya trimātrāya trivedāya trimūrttaye|| trivargāya tridhāmāya tripadāya triśūline

"त्रिस्वर, त्रिमात्र, त्रिवेद, त्रिमूर्ति को नमस्कार! त्रिवर्ग, त्रिधाम, त्रिपद, त्रिशूलधारी को नमस्कार!"

श्लोक 58 (skanda.1.27.58)

त्राहित्राहि महादेव रेतसो जगतः पते

trāhitrāhi mahādeva retaso jagataḥ pate

"हे महादेव, हे जगत्पते, इस वीर्य से हमारी रक्षा कीजिए, रक्षा कीजिए!"

श्लोक 59 (skanda.1.27.59)

ब्रह्मणा तु स्तुतो यावत्तावद्देवो वृषध्वजः॥ प्रादुर्बभूव तत्रैव सुराणां कार्यसिद्धये

brahmaṇā tu stuto yāvattāvaddevo vṛṣadhvajaḥ|| prādurbabhūva tatraiva surāṇāṃ kāryasiddhaye

ज्यों ही ब्रह्मा जी द्वारा इस प्रकार स्तुति की गई, त्यों ही वृषभध्वज देव देवताओं के कार्य की सिद्धि के लिए वहीं प्रकट हो गए।

श्लोक 60 (skanda.1.27.60)

दृष्टस्तदानीं जगदेकबंधुर्महात्मभिर्देववरैः सुपूजितः॥ संस्तूयमानो विविधैर्वचोभिः प्रत्यग्रूपैः श्रुतिसंमतैश्च

dṛṣṭastadānīṃ jagadekabaṃdhurmahātmabhirdevavaraiḥ supūjitaḥ|| saṃstūyamāno vividhairvacobhiḥ pratyagrūpaiḥ śrutisaṃmataiśca

उस समय जगत के एकमात्र बंधु को महात्माओं और देवश्रेष्ठों ने सम्यक् रूप से पूजित होते देखा; वे नाना प्रकार के, नवीन तथा श्रुतिसम्मत वचनों से स्तुत हो रहे थे।

श्लोक 61 (skanda.1.27.61)

स्तुवतां चैव देवानामुवाच परमेश्वरः॥ त्रासं कुर्वंतु मा सर्वे रेतसानेन पीडिताः

stuvatāṃ caiva devānāmuvāca parameśvaraḥ|| trāsaṃ kurvaṃtu mā sarve retasānena pīḍitāḥ

देवताओं के स्तुति करते हुए परमेश्वर ने कहा — "इस वीर्य से पीड़ित तुम सब भय मत करो।"

श्लोक 62 (skanda.1.27.62)

वमनं वै भवद्भिश्च कार्यमद्यैव भोःसुराः॥ तथेति मत्वा ते सर्व इंद्राद्या देवतागणाः॥ वेमुः सर्वे तदा विप्रास्तद्रेतः शंकरस्य च

vamanaṃ vai bhavadbhiśca kāryamadyaiva bhoḥsurāḥ|| tatheti matvā te sarva iṃdrādyā devatāgaṇāḥ|| vemuḥ sarve tadā viprāstadretaḥ śaṃkarasya ca

"हे देवगण, तुम सबको आज ही इसे वमन कर देना चाहिए।" "ऐसा ही हो" — यह मानकर इंद्र आदि सभी देवगण, हे विप्रो, उस शंकर के वीर्य को वमन कर दिया।

श्लोक 63 (skanda.1.27.63)

ऐकपद्येन तद्रेतो महापर्वतसन्निभम्॥ तप्तचामीकरप्रख्यं बभूव परमाद्भुतम्

aikapadyena tadreto mahāparvatasannibham|| taptacāmīkaraprakhyaṃ babhūva paramādbhutam

एक साथ मिलकर वह वीर्य एक महान पर्वत के समान, तप्त स्वर्ण के तुल्य, परम अद्भुत हो गया।

श्लोक 64 (skanda.1.27.64)

सर्वे च सुखिनो जाता इंद्राद्या देवतागणाः॥ विना ह्यग्निं च ते सर्वे परितुष्टास्तदाऽभवन्

sarve ca sukhino jātā iṃdrādyā devatāgaṇāḥ|| vinā hyagniṃ ca te sarve parituṣṭāstadā'bhavan

इंद्र आदि सभी देवगण सुखी हो गए; अग्नि को छोड़कर वे सभी उस समय परितुष्ट हो गए।

श्लोक 65 (skanda.1.27.65)

तेनाग्निनापि चोक्तस्तु शंकरो लोकशंकरः॥ किं मयाद्य महा देव कर्तव्यं देवतावर

tenāgnināpi coktastu śaṃkaro lokaśaṃkaraḥ|| kiṃ mayādya mahā deva kartavyaṃ devatāvara

तब अग्नि ने भी लोक-कल्याणकारी शंकर से कहा — "हे महादेव, हे देवश्रेष्ठ, मुझे अब क्या करना चाहिए?"

श्लोक 66 (skanda.1.27.66)

तद्ब्रूहि मे प्रभोऽद्य त्वं येनाहं सर्वदा सुखी॥ भविष्यामि च येनाहं देवानां हव्यवाहकः

tadbrūhi me prabho'dya tvaṃ yenāhaṃ sarvadā sukhī|| bhaviṣyāmi ca yenāhaṃ devānāṃ havyavāhakaḥ

"हे प्रभो, आज मुझे वह बताइए, जिससे मैं सदा सुखी रहूँ, और जिससे मैं देवताओं का हव्यवाहक बना रहूँ।"

श्लोक 67 (skanda.1.27.67)

तदोवाच शिवः साक्षाद्देवानामिह श्रृण्वताम्॥ रेतो विसृज्यतां योनौ तदाग्निः प्रहसन्नवि

tadovāca śivaḥ sākṣāddevānāmiha śrṛṇvatām|| reto visṛjyatāṃ yonau tadāgniḥ prahasannavi

तब शिव जी ने स्वयं वहाँ सुनते हुए देवताओं के समक्ष कहा — "इस वीर्य को गर्भ में स्थापित कर दो।" यह सुनकर अग्नि हँस पड़े और आगे कहा।

श्लोक 68 (skanda.1.27.68)

उवाच शंकरं देवं भवत्तेजो दुरासदम्॥ इदमुल्बणवत्तेजो धार्यते प्राकृतैः कथम्

uvāca śaṃkaraṃ devaṃ bhavattejo durāsadam|| idamulbaṇavattejo dhāryate prākṛtaiḥ katham

उन्होंने देव शंकर से कहा — "आपका तेज तो असह्य है; इस अत्यंत प्रबल तेज को साधारण प्राणी कैसे धारण कर सकते हैं?"

श्लोक 69 (skanda.1.27.69)

ततः प्रोवाच भगवानग्निं प्रति महेश्वरः॥ मासिमासि प्रतप्तानां देहे तेजो विसृज्यताम्

tataḥ provāca bhagavānagniṃ prati maheśvaraḥ|| māsimāsi prataptānāṃ dehe tejo visṛjyatām

तब भगवान महेश्वर ने अग्नि से कहा — "प्रत्येक मास में जो स्त्रियाँ ऋतुमती होती हैं, उनके शरीर में यह तेज विसर्जित कर दो।"

श्लोक 70 (skanda.1.27.70)

तथेति मत्वा वचनं महाप्रभः स जातवेदाः परमेण वर्चसा॥ समुज्ज्वलंस्तत्र महाप्रभावो ब्राह्मे मुहूर्त्ते हि सचोपविष्टः

tatheti matvā vacanaṃ mahāprabhaḥ sa jātavedāḥ parameṇa varcasā|| samujjvalaṃstatra mahāprabhāvo brāhme muhūrtte hi sacopaviṣṭaḥ

"ऐसा ही हो" — यह मानकर वे महाप्रभावशाली जातवेदा अग्नि परम तेज से वहाँ प्रज्वलित होकर ब्राह्म मुहूर्त में जा बैठे।

श्लोक 71 (skanda.1.27.71)

तदा प्रातः समुत्थाय प्रातः स्नानपराः स्त्रियः॥ ययुः सदा ऋषीणां च सत्यस्ता जातवेदसम्

tadā prātaḥ samutthāya prātaḥ snānaparāḥ striyaḥ|| yayuḥ sadā ṛṣīṇāṃ ca satyastā jātavedasam

तब प्रातः उठकर, प्रातःस्नान में तत्पर, सदा ऋषियों की सतीत्वयुक्त पत्नियाँ जातवेदा अग्नि के पास गईं।

श्लोक 72 (skanda.1.27.72)

दृष्ट्वा प्रज्वलितं तत्र सर्वास्ताः शीतकर्षिताः॥ तप्तुकामास्तदा सर्व्वा ह्यरुधत्या निवारिताः

dṛṣṭvā prajvalitaṃ tatra sarvāstāḥ śītakarṣitāḥ|| taptukāmāstadā sarvvā hyarudhatyā nivāritāḥ

वहाँ प्रज्वलित अग्नि को देखकर, शीत से पीड़ित वे सब स्त्रियाँ तापने की इच्छा करने लगीं; परंतु अरुंधती ने उन सबको रोक दिया।

श्लोक 73 (skanda.1.27.73)

तया निवारिताश्चापि तास्तेपुः कृत्तिकाः स्वयम्॥ यावत्तेपुश्च ताः सर्व्वा रेतसः परमाणवः॥ विविशू रोमकूपेषु तासां तत्रैव सत्वरम्

tayā nivāritāścāpi tāstepuḥ kṛttikāḥ svayam|| yāvattepuśca tāḥ sarvvā retasaḥ paramāṇavaḥ|| viviśū romakūpeṣu tāsāṃ tatraiva satvaram

उनके रोकने पर भी कृत्तिकाओं ने स्वयं ही आग तापी; और जब वे सब तापने लगीं, तब उसी क्षण वीर्य के सूक्ष्मतम कण उनके रोमकूपों में शीघ्रता से प्रविष्ट हो गए।

श्लोक 74 (skanda.1.27.74)

नीरेतोग्निस्तदा जातो विश्रांतः स्वयमेव हि

nīretognistadā jāto viśrāṃtaḥ svayameva hi

तब अग्नि वीर्यरहित हो गए और स्वयं ही विश्राम को प्राप्त हुए।

श्लोक 75 (skanda.1.27.75)

ततस्ता ऋषिभार्या हि ययुः स्वभवनं प्रति॥ ऋषिभिस्तु तदा शप्ताः कृत्तिकाः खेचराभवन्

tatastā ṛṣibhāryā hi yayuḥ svabhavanaṃ prati|| ṛṣibhistu tadā śaptāḥ kṛttikāḥ khecarābhavan

तत्पश्चात् वे ऋषि-पत्नियाँ अपने-अपने घर गईं; परंतु ऋषियों द्वारा उस समय शापित होकर कृत्तिकाएँ आकाशचारिणी हो गईं।

श्लोक 76 (skanda.1.27.76)

तदानीमेव ताः सर्वा व्यभिचारेण दुःखिताः॥ तत्ससर्जुस्तदा रेतः पृष्ठे हिमवतो गिरेः

tadānīmeva tāḥ sarvā vyabhicāreṇa duḥkhitāḥ|| tatsasarjustadā retaḥ pṛṣṭhe himavato gireḥ

उसी समय व्यभिचार के आरोप से दुखी होकर उन सबने उस वीर्य को हिमवत् पर्वत की पीठ पर छोड़ दिया।

श्लोक 77 (skanda.1.27.77)

एकपद्येन तद्रेतस्तप्तचामीकरप्रभम्॥ गंगायां च तदा क्षिप्रं कीचकैः परिवेष्टितम्

ekapadyena tadretastaptacāmīkaraprabham|| gaṃgāyāṃ ca tadā kṣipraṃ kīcakaiḥ pariveṣṭitam

एक साथ मिलकर वह वीर्य, तप्त स्वर्ण के समान कांतिमान, तब शीघ्र ही गंगा में जा गिरा, जो सरकंडों से घिरी हुई थी।

श्लोक 78 (skanda.1.27.78)

षण्मुखं बालकं ज्ञात्वा सर्वे देवा मुदान्विताः॥ गर्गेणोक्तास्तदंते वै सुखेन ह्रियतामिति

ṣaṇmukhaṃ bālakaṃ jñātvā sarve devā mudānvitāḥ|| gargeṇoktāstadaṃte vai sukhena hriyatāmiti

छह मुखों वाले बालक को जानकर सभी देवता आनंदित हुए; और अंत में गर्ग द्वारा कहा गया — "इसे सुखपूर्वक ले जाओ।"

श्लोक 79 (skanda.1.27.79)

शंभोः पुत्रः प्रसादेन सर्वो भवति शाश्वतः॥ गंगायाः पुलिने जातः कार्त्तिकेयो महाबलः

śaṃbhoḥ putraḥ prasādena sarvo bhavati śāśvataḥ|| gaṃgāyāḥ puline jātaḥ kārttikeyo mahābalaḥ

"शंभु की कृपा से यह पुत्र सबके लिए सदा कल्याणकारी होगा।" गंगा के तट पर उस महाबलशाली कार्तिकेय का जन्म हुआ।

श्लोक 80 (skanda.1.27.80)

उपविष्टोथ गांगेयो ह्यहोरात्रोषितस्तदा॥ शाखो विशाखोऽतिबलः षण्मुखोऽसौ महाबलः

upaviṣṭotha gāṃgeyo hyahorātroṣitastadā|| śākho viśākho'tibalaḥ ṣaṇmukho'sau mahābalaḥ

गंगापुत्र वहाँ बैठकर एक अहोरात्र तक रहे; शाख, विशाख, अत्यंत बलशाली, वह षण्मुख महाबली।

श्लोक 81 (skanda.1.27.81)

जातो यदाथ गंगायां षण्मुखः शंकरात्मजः॥ तदानीमेव गिरिजा संजाता प्रस्नुतस्तनी

jāto yadātha gaṃgāyāṃ ṣaṇmukhaḥ śaṃkarātmajaḥ|| tadānīmeva girijā saṃjātā prasnutastanī

जब गंगा में शंकर-पुत्र षण्मुख का जन्म हुआ, तभी गिरिजा के स्तन दूध से भर आए।

श्लोक 82 (skanda.1.27.82)

शिवं निरीक्ष्य सा प्राह हे शंभो प्रस्नवो महान्॥ संजातो मे महादेव किमर्थस्तन्निरीक्ष्यताम्॥ सर्वज्ञोऽपि महादेवो ह्यब्रवीत्तामथाज्ञवत्

śivaṃ nirīkṣya sā prāha he śaṃbho prasnavo mahān|| saṃjāto me mahādeva kimarthastannirīkṣyatām|| sarvajño'pi mahādevo hyabravīttāmathājñavat

शिव को देखकर उन्होंने कहा — "हे शंभो, मुझे यह महान स्राव क्यों हुआ है, हे महादेव, इसका कारण देखिए।" सर्वज्ञ होते हुए भी महादेव ने अनजान की भाँति उससे कहा।

श्लोक 83 (skanda.1.27.83)

नारदस्तत्र चागत्य प्रोक्तवाञ्जन्म तस्य तत्॥ शिवाय च शिवायै च पुत्रो जातो हि सुंदरः

nāradastatra cāgatya proktavāñjanma tasya tat|| śivāya ca śivāyai ca putro jāto hi suṃdaraḥ

तब नारद जी वहाँ आकर उसके जन्म की बात बताने लगे — "शिव और शिवा को एक सुंदर पुत्र उत्पन्न हुआ है।"

श्लोक 84 (skanda.1.27.84)

तदाकर्ण्य वचो विप्रा हर्षनिर्भरमानसाः॥ बभूवुः प्रमथाः सर्वे गंधर्वा गीततत्पराः

tadākarṇya vaco viprā harṣanirbharamānasāḥ|| babhūvuḥ pramathāḥ sarve gaṃdharvā gītatatparāḥ

हे विप्रो, यह वचन सुनकर सभी प्रमथगण हर्ष से भर उठे, तथा गंधर्व गायन में तल्लीन हो गए।

श्लोक 85 (skanda.1.27.85)

अनेकाभिः पताकाभिश्चैलपल्लवतोरणैः॥ तथा विमानैर्बहुभिर्बभौ प्रज्वलितो महान्॥ पर्वतः पुत्रजननाच्छंकरस्य महात्मनः

anekābhiḥ patākābhiścailapallavatoraṇaiḥ|| tathā vimānairbahubhirbabhau prajvalito mahān|| parvataḥ putrajananācchaṃkarasya mahātmanaḥ

अनेक पताकाओं, वस्त्रों और पल्लवों के तोरणों से, तथा अनेक विमानों से भी, महात्मा शंकर के पुत्र-जन्म से वह महान पर्वत प्रज्वलित होकर शोभित हुआ।

श्लोक 86 (skanda.1.27.86)

तदा सर्वे सुरगणा ऋषयः सिद्धचारणाः रक्षोगंधर्वयक्षाश्च अप्सरोगणसेविताः

tadā sarve suragaṇā ṛṣayaḥ siddhacāraṇāḥ rakṣogaṃdharvayakṣāśca apsarogaṇasevitāḥ

तब सभी देवगण, ऋषिगण, सिद्ध और चारण; तथा राक्षस, गंधर्व और यक्ष, अप्सराओं के समूहों से सेवित —

श्लोक 87 (skanda.1.27.87)

एकपद्येन ते सर्वे सहिताः शंकरेण तु॥ द्रष्टुं गांगेयमधिकं जग्मुः पुलिनसंस्थितम्

ekapadyena te sarve sahitāḥ śaṃkareṇa tu|| draṣṭuṃ gāṃgeyamadhikaṃ jagmuḥ pulinasaṃsthitam

— वे सब एक साथ शंकर सहित उस गंगापुत्र को देखने के लिए, जो बालुका-तट पर स्थित थे, अत्यंत उत्सुकतापूर्वक गए।

श्लोक 88 (skanda.1.27.88)

ततो वृषभमारुह्य ययौ गिरिजया सह॥ अन्यैः समेतो भगवान्सुरैरिंद्रादिभिस्तथा

tato vṛṣabhamāruhya yayau girijayā saha|| anyaiḥ sameto bhagavānsurairiṃdrādibhistathā

तब वृषभ पर आरूढ़ होकर वे गिरिजा सहित चल पड़े; वे भगवान इंद्र आदि अन्य देवताओं सहित भी थे।

श्लोक 89 (skanda.1.27.89)

तदा शंखाश्च भेर्यश्च नेदुस्तूर्यीण्यनेकशः

tadā śaṃkhāśca bheryaśca nedustūryīṇyanekaśaḥ

तब शंख और भेरियाँ बज उठीं, तथा अनेकानेक अन्य वाद्य भी बजने लगे।

श्लोक 90 (skanda.1.27.90)

तदानीमेव सर्वेशं वीरभद्रादयो गणाः॥ अन्वयुः केलिसंरब्धा नानावादित्रवादकाः॥ वादयन्तश्च वाद्यानि ततानि विततानि च

tadānīmeva sarveśaṃ vīrabhadrādayo gaṇāḥ|| anvayuḥ kelisaṃrabdhā nānāvāditravādakāḥ|| vādayantaśca vādyāni tatāni vitatāni ca

उसी समय वीरभद्र आदि गण, क्रीड़ा में मग्न होकर, नाना वाद्यों के वादक, उस सर्वेश्वर के पीछे-पीछे चले; वे तत् और वितत वाद्यों को बजाते हुए चले।

श्लोक 91 (skanda.1.27.91)

केचिन्नृत्यपरास्तत्र गायकाश्च तथा परे॥ स्तावकाः स्तूयमानाश्च चक्रुस्ते गुणकीर्तनम्

kecinnṛtyaparāstatra gāyakāśca tathā pare|| stāvakāḥ stūyamānāśca cakruste guṇakīrtanam

कुछ वहाँ नृत्य में तत्पर थे, और कुछ गायक थे; कुछ स्तुतिकार थे और स्तुत होते हुए वे सब उस बालक के गुणों का कीर्तन करने लगे।

श्लोक 92 (skanda.1.27.92)

एवंविधास्ते सुरसिद्धयक्षा गंधर्वविद्याधरपन्नगा ह्यमी॥ शिवेन सार्द्धं परिहृष्टचित्ता द्रष्टुं ययुस्तं वरदं च शांकरिम्

evaṃvidhāste surasiddhayakṣā gaṃdharvavidyādharapannagā hyamī|| śivena sārddhaṃ parihṛṣṭacittā draṣṭuṃ yayustaṃ varadaṃ ca śāṃkarim

इस प्रकार वे देव, सिद्ध, यक्ष, गंधर्व, विद्याधर और नाग — ये सभी हर्षित मन से शिव सहित उस वरदायी शंकर-पुत्र को देखने गए।

श्लोक 93 (skanda.1.27.93)

यावत्समीक्षयामासुर्गांगेयं शंकरोपमम्॥ ददृशुस्ते महत्तेजो व्याप्तमासीज्जगत्त्रयम्

yāvatsamīkṣayāmāsurgāṃgeyaṃ śaṃkaropamam|| dadṛśuste mahattejo vyāptamāsījjagattrayam

जैसे ही उन्होंने शंकर के समान उस गंगापुत्र को देखा, उन्होंने उस महान तेज को देखा, जो तीनों लोकों में व्याप्त हो रहा था।

श्लोक 94 (skanda.1.27.94)

तत्तोजसावृतं बालं तप्तचामीकरप्रभम्॥ सुमुखं सुश्रिया युक्तं सुनसं सुस्मितेक्षणम्

tattojasāvṛtaṃ bālaṃ taptacāmīkaraprabham|| sumukhaṃ suśriyā yuktaṃ sunasaṃ susmitekṣaṇam

उस तेज से आवृत उस बालक को, जो तप्त स्वर्ण के समान कांतिमान था; सुमुख, सुंदर, सुनासिक और मंद हास्ययुक्त नेत्रों वाला।

श्लोक 95 (skanda.1.27.95)

चारुप्रसन्न वदनं तथा सर्वागसुंदरम्॥ तं दृष्ट्वा महदाश्चर्यं गांगेयं प्रथितात्मकम्

cāruprasanna vadanaṃ tathā sarvāgasuṃdaram|| taṃ dṛṣṭvā mahadāścaryaṃ gāṃgeyaṃ prathitātmakam

उनका मुखमंडल सुंदर और प्रसन्न था, तथा वे सर्वांग सुंदर थे — उस प्रसिद्ध गंगापुत्र को देखकर सबको महान आश्चर्य हुआ।

श्लोक 96 (skanda.1.27.96)

ववंदिरे तदा बालं कुमारं सूर्यवर्चसम्॥ प्रमथाश्च गणाः सर्वे वीरभद्रादयस्तथा

vavaṃdire tadā bālaṃ kumāraṃ sūryavarcasam|| pramathāśca gaṇāḥ sarve vīrabhadrādayastathā

तब सूर्य के समान तेजस्वी उस बालक कुमार को सभी प्रमथगण, तथा वीरभद्र आदि गणों ने प्रणाम किया।

श्लोक 97 (skanda.1.27.97)

परिवार्योपतस्थुस्ते वामदक्षिणभागतः॥ तथा ब्रह्मा च विष्णुश्च इंद्रश्चापि सुरैर्वृतः

parivāryopatasthuste vāmadakṣiṇabhāgataḥ|| tathā brahmā ca viṣṇuśca iṃdraścāpi surairvṛtaḥ

उसे घेरकर वे बाएँ और दाएँ पार्श्व में खड़े हुए; तथा ब्रह्मा, विष्णु और इंद्र भी देवताओं से घिरे हुए वहाँ पहुँचे।

श्लोक 98 (skanda.1.27.98)

ऋषयो यक्षगंधर्वाः परिवार्य कुमारकम्॥ दंडवत्पितिता भूमौ केचिच्च नतकंधराः

ṛṣayo yakṣagaṃdharvāḥ parivārya kumārakam|| daṃḍavatpititā bhūmau kecicca natakaṃdharāḥ

ऋषिगण, यक्ष और गंधर्व, उस बालक कुमार को घेरकर, कुछ दंडवत् पृथ्वी पर गिर पड़े और कुछ ने सिर झुकाया।

श्लोक 99 (skanda.1.27.99)

प्रणेमुः शिरसा चान्ये मत्वा स्वामिनमव्ययम्॥ अवाद्यंत विचित्राणि वादित्राणि महोत्सवे॥ एवमभ्युदये तस्मिन्नृषयः शांतिमापठम्

praṇemuḥ śirasā cānye matvā svāminamavyayam|| avādyaṃta vicitrāṇi vāditrāṇi mahotsave|| evamabhyudaye tasminnṛṣayaḥ śāṃtimāpaṭham

अन्य लोगों ने उन्हें अपना अविनाशी स्वामी मानकर सिर से प्रणाम किया; उस महोत्सव में विचित्र वाद्य बजाए गए; और उस उत्सव के अवसर पर ऋषियों ने शांतिपाठ किया।

श्लोक 100 (skanda.1.27.100)

एतस्मिन्नंतरे यातः शंकरो गिरिजापतिः॥ अवतीर्य वृषाच्छीघ्रं पार्वत्या सहसुव्रताः

etasminnaṃtare yātaḥ śaṃkaro girijāpatiḥ|| avatīrya vṛṣācchīghraṃ pārvatyā sahasuvratāḥ

इसी बीच गिरिजापति शंकर वहाँ पहुँचे; वृषभ से शीघ्र उतरकर, सुव्रता पार्वती सहित।

श्लोक 101 (skanda.1.27.101)

पुत्रं निरैक्षत तदा जगदेकबंधुः प्रीत्या युतः परमया सह वै भवान्या॥ स्नेहान्वितो भुजगभोगयुतो हि साक्षात्सर्वेश्वरः परिवृतः प्रमथैः प्रहृष्टः

putraṃ niraikṣata tadā jagadekabaṃdhuḥ prītyā yutaḥ paramayā saha vai bhavānyā|| snehānvito bhujagabhogayuto hi sākṣātsarveśvaraḥ parivṛtaḥ pramathaiḥ prahṛṣṭaḥ

वह जगत का एकमात्र बंधु, परम प्रेम से युक्त होकर, भवानी सहित अपने पुत्र को निहारने लगे; स्नेहयुक्त, सर्प-कुंडलों से सुशोभित, वे साक्षात् सर्वेश्वर प्रमथों से घिरे हुए हर्षित हुए।

श्लोक 102 (skanda.1.27.102)

उपगुह्य गुहं तत्र पार्वती जातसंभ्रमा॥ प्रस्नुतं पाययामास स्तनं स्नेहपरिप्लुता

upaguhya guhaṃ tatra pārvatī jātasaṃbhramā|| prasnutaṃ pāyayāmāsa stanaṃ snehapariplutā

वहाँ गुह को गोद में लेकर, उत्सुकतापूर्ण भाव से भरी पार्वती ने, स्नेह से अभिभूत होकर, अपने दुग्ध-स्रावी स्तन से उन्हें दूध पिलाया।

श्लोक 103 (skanda.1.27.103)

तदा नीराजितो देवैः सकलत्रैर्मुदान्वितैः॥ जयशब्देन महता व्याप्तमासीन्नभस्तलम्

tadā nīrājito devaiḥ sakalatrairmudānvitaiḥ|| jayaśabdena mahatā vyāptamāsīnnabhastalam

तब देवताओं ने अपनी हर्षित पत्नियों सहित उनकी आरती उतारी; और आकाशमंडल जय-जयकार की महान ध्वनि से भर उठा।

श्लोक 104 (skanda.1.27.104)

ऋषयो ब्रह्मगोषेण गीतेनैव च गायकाः॥ वाद्यैश्च वादकाश्चैव उपतस्थुः कुमारकम्

ṛṣayo brahmagoṣeṇa gītenaiva ca gāyakāḥ|| vādyaiśca vādakāścaiva upatasthuḥ kumārakam

ऋषिगण वेद-ध्वनि से, गायक गीतों से, तथा वादक वाद्यों से भी उस बालक कुमार के समीप उपस्थित हुए।

श्लोक 105 (skanda.1.27.105)

स्वमंकमारेप्य तदा गिरीशः कुमारकं तं प्रभया महाप्रभम्॥ बभौ भवानीपतिरेव साक्षाच्छ्रिया युतः पुत्रवतां वरिष्ठः

svamaṃkamārepya tadā girīśaḥ kumārakaṃ taṃ prabhayā mahāprabham|| babhau bhavānīpatireva sākṣācchriyā yutaḥ putravatāṃ variṣṭhaḥ

तब उस महाप्रभावशाली कुमार को अपनी गोद में बिठाकर, वे गिरीश, साक्षात् भवानीपति, श्री से युक्त होकर पुत्रवानों में सर्वश्रेष्ठ होकर शोभित हुए।

श्लोक 106 (skanda.1.27.106)

दंपती तौ तदा तत्र ऐकपद्येन नंदतुः॥ अभिषिच्यमान ऋषिभिरावृतः सुरसत्तमैः

daṃpatī tau tadā tatra aikapadyena naṃdatuḥ|| abhiṣicyamāna ṛṣibhirāvṛtaḥ surasattamaiḥ

वह दंपती वहाँ उस समय एक साथ आनंदित हुए; ऋषियों तथा देवश्रेष्ठों से घिरे हुए उनका अभिषेक किया गया।

श्लोक 107 (skanda.1.27.107)

कुमारः क्रीडयामास उत्संगे शंकरस्य च॥ कंठे स्थितं वासुकिं च पाणिभ्यां समपीडयत्

kumāraḥ krīḍayāmāsa utsaṃge śaṃkarasya ca|| kaṃṭhe sthitaṃ vāsukiṃ ca pāṇibhyāṃ samapīḍayat

कुमार शंकर की गोद में क्रीड़ा करने लगे; उनके गले में स्थित वासुकि नाग को उन्होंने दोनों हाथों से पकड़कर दबा दिया।

श्लोक 108 (skanda.1.27.108)

मुखं प्रपीडयित्वाऽसौ पाणीनगणयत्तदा॥ एकं त्रीणिदशाष्टौ च विपरीतक्रमेण च

mukhaṃ prapīḍayitvā'sau pāṇīnagaṇayattadā|| ekaṃ trīṇidaśāṣṭau ca viparītakrameṇa ca

उन्होंने पिता के मुख को दबाते हुए तब हाथों की उंगलियों पर गिनती करने लगे — एक, तीन, दस, आठ, और उलटे क्रम में भी।

श्लोक 109 (skanda.1.27.109)

प्रहस्य भगवाञ्छंभुरुवाच गिरिजां तदा

prahasya bhagavāñchaṃbhuruvāca girijāṃ tadā

हँसते हुए भगवान शंभु ने तब गिरिजा से कहा।

श्लोक 110 (skanda.1.27.110)

मंदस्मितेन च तदा भगवान्महेशः प्राप्तो मुदंच परमां गिरिजासमेतः॥ प्रेम्णा सगद्गदगिरा जगदेकबंधुर्नोवाच किंचन तदा भुवनैकभर्ता

maṃdasmitena ca tadā bhagavānmaheśaḥ prāpto mudaṃca paramāṃ girijāsametaḥ|| premṇā sagadgadagirā jagadekabaṃdhurnovāca kiṃcana tadā bhuvanaikabhartā

उस समय मंद मुस्कान के साथ भगवान महेश, गिरिजा सहित, परम आनंद को प्राप्त हुए; तथा वह जगत का एकमात्र बंधु, भुवन का एकमात्र भर्ता, प्रेम से गद्गद वाणी में उस क्षण कुछ भी नहीं बोल सके।