देव-दैत्य सेना का युद्ध-वर्णन

श्लोक 1 (skanda.1.28.1)

॥लोमश उवाच॥ कुमारं स्वांकमारोप्य उवाच जगदीश्वरः॥ देवान्प्रति तदा रुद्रः सेंद्रान्भर्गः प्रतापवान्

||lomaśa uvāca|| kumāraṃ svāṃkamāropya uvāca jagadīśvaraḥ|| devānprati tadā rudraḥ seṃdrānbhargaḥ pratāpavān

लोमश जी ने कहा — तब प्रतापी भगवान् रुद्र, जो जगत् के स्वामी हैं, कुमार को अपनी गोद में बिठाकर इंद्र सहित देवताओं से बोले।

श्लोक 2 (skanda.1.28.2)

किं कार्यं कथ्यतां देवाः कुमारेणाधुना मम॥ तदोचुः सहिताः सर्वे देवं पशुपतिं प्रति

kiṃ kāryaṃ kathyatāṃ devāḥ kumāreṇādhunā mama|| tadocuḥ sahitāḥ sarve devaṃ paśupatiṃ prati

'हे देवगण, अब बताओ कुमार के लिए क्या कार्य है।' तब वे सब मिलकर पशुपति भगवान् से बोले।

श्लोक 3 (skanda.1.28.3)

तारकाद्भयमुत्पन्नं सर्वेषां जगतां विभो॥ त्राता त्वं जगतां स्वामी तस्मात्त्राणं विधीयताम्

tārakādbhayamutpannaṃ sarveṣāṃ jagatāṃ vibho|| trātā tvaṃ jagatāṃ svāmī tasmāttrāṇaṃ vidhīyatām

हे विभो, तारक के कारण समस्त लोकों को भय उत्पन्न हो गया है। आप ही लोकों के रक्षक और स्वामी हैं, अतः हमारी रक्षा कीजिए।

श्लोक 4 (skanda.1.28.4)

कुमारेण हतोऽद्यैव तारको भविता प्रभो॥ तस्मादद्यैव यास्यामस्तारकं हंतुमुद्यताः

kumāreṇa hato'dyaiva tārako bhavitā prabho|| tasmādadyaiva yāsyāmastārakaṃ haṃtumudyatāḥ

हे प्रभो, आज ही कुमार के हाथों तारक मारा जाएगा; अतः आज ही हम तारक का वध करने के लिए उद्यत होकर चलेंगे।

श्लोक 5 (skanda.1.28.5)

तथेति मत्वा सहसा निर्जग्मुस्ते तदा सुराः॥ कार्त्तिकेयं पुरस्कृत्य शंकरातमजमेव हि

tatheti matvā sahasā nirjagmuste tadā surāḥ|| kārttikeyaṃ puraskṛtya śaṃkarātamajameva hi

'ऐसा ही हो' — यह निश्चय कर देवता तुरंत चल पड़े, शंकर-पुत्र कार्तिकेय को आगे करके।

श्लोक 6 (skanda.1.28.6)

सर्वे मिलित्वा सहसा ब्रह्मविष्णुपुरोगमाः॥ देवानामुद्यमं श्रुत्वा तारकोऽपि महाबलः

sarve militvā sahasā brahmaviṣṇupurogamāḥ|| devānāmudyamaṃ śrutvā tārako'pi mahābalaḥ

ब्रह्मा और विष्णु को आगे रखकर वे सब एक साथ चल पड़े; देवताओं का यह उद्यम सुनकर महाबली तारक भी

श्लोक 7 (skanda.1.28.7)

सैन्येन महता चैव ययौ योद्धुं सुरान्प्रति॥ देवैर्दृष्टं समायातं तारकस्य महद्बलम्

sainyena mahatā caiva yayau yoddhuṃ surānprati|| devairdṛṣṭaṃ samāyātaṃ tārakasya mahadbalam

...विशाल सेना के साथ देवताओं से युद्ध करने चल पड़ा; देवताओं ने तारक की उस विशाल सेना को आते हुए देखा।

श्लोक 8 (skanda.1.28.8)

तदा नभोगता वाणी ह्युवाच परिसांत्व्य तान्॥ शांकरिं च पुरस्कृत्य सर्वे यूय प्रतिष्ठिताः

tadā nabhogatā vāṇī hyuvāca parisāṃtvya tān|| śāṃkariṃ ca puraskṛtya sarve yūya pratiṣṭhitāḥ

तब आकाशवाणी हुई, जिसने उन्हें सांत्वना देते हुए कहा — 'शंकर-पुत्र को आगे रखकर तुम सब दृढ़ रहो...'

श्लोक 9 (skanda.1.28.9)

दैत्यान्विजित्य संग्रामे जयिनो हि भविष्यथ

daityānvijitya saṃgrāme jayino hi bhaviṣyatha

'...युद्ध में दैत्यों को जीतकर तुम अवश्य विजयी होगे।'

श्लोक 10 (skanda.1.28.10)

वाचं तु खेचरीं श्रुत्वा देवाः सर्वे समुत्सुकाः॥ कुमारं च पुरस्कृत्य सर्वे ते गतसाध्वसाः

vācaṃ tu khecarīṃ śrutvā devāḥ sarve samutsukāḥ|| kumāraṃ ca puraskṛtya sarve te gatasādhvasāḥ

आकाशवाणी सुनकर समस्त देवता उत्साहित हो उठे, और कुमार को आगे करके वे सब निर्भय हो गए।

श्लोक 11 (skanda.1.28.11)

युद्धकामाः सुरा यावत्तावत्सर्वे समागताः॥ वरणार्थं कुमारस्य सुता मृत्योर्दुरत्यया

yuddhakāmāḥ surā yāvattāvatsarve samāgatāḥ|| varaṇārthaṃ kumārasya sutā mṛtyorduratyayā

जब युद्ध की इच्छा से देवगण एकत्र हो रहे थे, तभी मृत्यु की दुर्लंघ्य पुत्री कुमार का वरण करने के लिए वहाँ आ पहुँची।

श्लोक 12 (skanda.1.28.12)

ब्रह्मणा नोदिता पूर्वं तपः परममाश्रिता॥ तपसा तेन महता कुमारं प्रति वै तदा॥ आगता दुहिता मृत्योः सेना नामैकसुंदरी

brahmaṇā noditā pūrvaṃ tapaḥ paramamāśritā|| tapasā tena mahatā kumāraṃ prati vai tadā|| āgatā duhitā mṛtyoḥ senā nāmaikasuṃdarī

पूर्वकाल में ब्रह्मा द्वारा प्रेरित होकर उसने परम तप का आश्रय लिया था; उसी महान् तप के प्रभाव से मृत्यु की पुत्री, सेना नामक अद्वितीय सुंदरी, कुमार के समक्ष उपस्थित हुई।

श्लोक 13 (skanda.1.28.13)

तां दृष्ट्वा तेऽब्रुवन्सर्वे देवं पशुपतिं प्रति॥ एनं कुमारमुद्दिश्य आगता ह्यतिसुंदरी

tāṃ dṛṣṭvā te'bruvansarve devaṃ paśupatiṃ prati|| enaṃ kumāramuddiśya āgatā hyatisuṃdarī

उसे देखकर वे सब भगवान् पशुपति से बोले — 'यह अत्यंत सुंदरी इसी कुमार के लिए यहाँ आई है।'

श्लोक 14 (skanda.1.28.14)

ब्रह्मणो वचनाच्चैव कुमारेण तदा वृता॥ अथ सेनापतिर्जातः कुमारः शांकरिस्तदा

brahmaṇo vacanāccaiva kumāreṇa tadā vṛtā|| atha senāpatirjātaḥ kumāraḥ śāṃkaristadā

ब्रह्मा के वचन से ही तब कुमार ने उसे वरण किया; और तभी शंकर-पुत्र कुमार सेनापति के पद पर प्रतिष्ठित हुए।

श्लोक 15 (skanda.1.28.15)

तदा शंखाश्च भेर्यश्च पटहानकगोमुखाः॥ तथा दुंदुभयो नेदुर्मृदंगाश्च महास्वनाः

tadā śaṃkhāśca bheryaśca paṭahānakagomukhāḥ|| tathā duṃdubhayo nedurmṛdaṃgāśca mahāsvanāḥ

तब शंख, भेरी, पटह, आनक और गोमुख बज उठे, तथा दुंदुभि और मृदंग भी महाघोष के साथ गूँज उठे।

श्लोक 16 (skanda.1.28.16)

तेन नादेन महता पूरितं च नभस्तलम्॥ तदा गौरी च गंगा च कृत्तिका मातरस्तथा॥ परस्परमथोचुस्ताः सुतो मम ममेति च

tena nādena mahatā pūritaṃ ca nabhastalam|| tadā gaurī ca gaṃgā ca kṛttikā mātarastathā|| parasparamathocustāḥ suto mama mameti ca

उस महाघोष से समस्त आकाश-मंडल भर गया; तब गौरी, गंगा और कृत्तिका माताएँ परस्पर कहने लगीं — 'यह मेरा पुत्र है, मेरा ही है।'

श्लोक 17 (skanda.1.28.17)

एवं विवादमापन्नाः सर्वास्ता मातृकादयः॥ निवारिता नारदेन मौढ्यं मा कुरुतेति च

evaṃ vivādamāpannāḥ sarvāstā mātṛkādayaḥ|| nivāritā nāradena mauḍhyaṃ mā kuruteti ca

इस प्रकार वे सभी मातृकाएँ विवाद में पड़ गईं, तब नारद जी ने उन्हें रोकते हुए कहा — 'ऐसी मूढ़ता मत करो।'

श्लोक 18 (skanda.1.28.18)

पार्वत्यां शंकराज्जातो देवकार्यार्थसिद्धये॥ तूष्णींभूतास्तदा सर्वाः कृत्तिका मातृभिः सह

pārvatyāṃ śaṃkarājjāto devakāryārthasiddhaye|| tūṣṇīṃbhūtāstadā sarvāḥ kṛttikā mātṛbhiḥ saha

'देवताओं के कार्य की सिद्धि के लिए ही शंकर के द्वारा पार्वती से उसका जन्म हुआ है' — यह सुनकर कृत्तिकाएँ अन्य माताओं सहित मौन हो गईं।

श्लोक 19 (skanda.1.28.19)

गुहेनोक्तास्तदा सर्वा ऋषिपत्न्यश्च कृत्तिकाः॥ नक्षत्राणि समाश्रित्य भवद्भिः स्थीयतां चिरम्

guhenoktāstadā sarvā ṛṣipatnyaśca kṛttikāḥ|| nakṣatrāṇi samāśritya bhavadbhiḥ sthīyatāṃ ciram

तब गुह (कुमार) ने ऋषि-पत्नी कृत्तिकाओं से कहा — 'तुम सब नक्षत्रों का आश्रय लेकर सदा वहीं निवास करो।'

श्लोक 20 (skanda.1.28.20)

तथा मातृगणस्तेन स्वामिना स्थापितो दिवि॥ मृत्योः कन्यां च संगृह्य कार्त्तिकेयस्त्वरान्वितः

tathā mātṛgaṇastena svāminā sthāpito divi|| mṛtyoḥ kanyāṃ ca saṃgṛhya kārttikeyastvarānvitaḥ

इस प्रकार उस स्वामी ने मातृगण को स्वर्ग में स्थापित किया; और मृत्यु की कन्या को ग्रहण कर कार्तिकेय शीघ्रतापूर्वक

श्लोक 21 (skanda.1.28.21)

इंद्रं प्रोवाच भगवान्कुमारः शंकरात्मजः॥ दिवं याहि सुरैः सार्द्धं राज्यं कुरु निरन्तरम्

iṃdraṃ provāca bhagavānkumāraḥ śaṃkarātmajaḥ|| divaṃ yāhi suraiḥ sārddhaṃ rājyaṃ kuru nirantaram

...इंद्र से बोले — भगवान् शंकर-पुत्र कुमार ने कहा — 'तुम देवताओं सहित स्वर्ग जाओ और निरंतर अपने राज्य का शासन करो।'

श्लोक 22 (skanda.1.28.22)

इंद्रेणोक्तः कुमारो हि तारकेण प्रपीडिताः॥ स्वर्गाद्विद्राविताः सर्वे वयं याता दिशो दश

iṃdreṇoktaḥ kumāro hi tārakeṇa prapīḍitāḥ|| svargādvidrāvitāḥ sarve vayaṃ yātā diśo daśa

इंद्र ने कुमार से कहा — 'तारक के द्वारा पीड़ित होकर हम सब स्वर्ग से खदेड़ दिए गए और दसों दिशाओं में भटकते फिरे।'

श्लोक 23 (skanda.1.28.23)

किं पृच्छसि महाभाग अस्मान्पदपरिच्युतान्॥ एवमुक्तस्तदा तेन वज्रिणाशंकरात्मजः॥ प्रहस्येंद्रं प्रति तदा मा भैषीत्यभयं ददौ

kiṃ pṛcchasi mahābhāga asmānpadaparicyutān|| evamuktastadā tena vajriṇāśaṃkarātmajaḥ|| prahasyeṃdraṃ prati tadā mā bhaiṣītyabhayaṃ dadau

'हे महाभाग, आप हमसे क्यों पूछते हैं, जो अपने पद से ही च्युत हो चुके हैं?' वज्रधारी इंद्र के यों कहने पर शंकर-पुत्र मुस्कराए और उससे बोले — 'भय मत करो' — इस प्रकार उसे अभय प्रदान किया।

श्लोक 24 (skanda.1.28.24)

यावत्कथयतस्तस्य शांकरेश्च महात्नः॥ कैलासं तु गते रुद्रे पार्वत्या प्रमथैः सह

yāvatkathayatastasya śāṃkareśca mahātnaḥ|| kailāsaṃ tu gate rudre pārvatyā pramathaiḥ saha

जब तक शंकर-पुत्र महात्मा यह सब कह रहे थे — और उधर रुद्र पार्वती तथा प्रमथगणों सहित कैलास को जा चुके थे —

श्लोक 25 (skanda.1.28.25)

आजगाम महादैत्यो दैत्यसेनाभिरावृतः॥ रणदुंदुभयो नेदुस्तता प्रलयभीषणाः

ājagāma mahādaityo daityasenābhirāvṛtaḥ|| raṇaduṃdubhayo nedustatā pralayabhīṣaṇāḥ

— उसी समय महादैत्य तारक अपनी दैत्य-सेना से घिरा हुआ आ पहुँचा, और प्रलयकाल के समान भीषण युद्ध-दुंदुभियाँ बज उठीं।

श्लोक 26 (skanda.1.28.26)

रणकर्कशतूर्याणि डिंडिमान्यद्भुतानि च॥ गोमुखाः खरश्रृंगाणि काहलान्येव भूरिशः

raṇakarkaśatūryāṇi ḍiṃḍimānyadbhutāni ca|| gomukhāḥ kharaśrṛṃgāṇi kāhalānyeva bhūriśaḥ

युद्ध की कठोर तुरही, अद्भुत डिंडिम, गोमुख, खरशृंग और अनगिनत काहल —

श्लोक 27 (skanda.1.28.27)

वाद्यभेदा आवाद्यंत तस्मिन्दैत्यसमागमे॥ गर्जमानास्तदा वीरस्तारकेण सहैव तु

vādyabhedā āvādyaṃta tasmindaityasamāgame|| garjamānāstadā vīrastārakeṇa sahaiva tu

— उस दैत्य-समूह में विविध वाद्य बज उठे, और वीर योद्धा तारक के साथ गरजने लगे।

श्लोक 28 (skanda.1.28.28)

उवाच नारदो वाक्यं तारकं देवकण्टकम्

uvāca nārado vākyaṃ tārakaṃ devakaṇṭakam

तब नारद जी ने देवताओं के कंटक-स्वरूप तारक से यह वचन कहा।

श्लोक 29 (skanda.1.28.29)

॥नारद उवाच॥ पुरा देवैः कृतो यत्नो वधार्थं नात्र संशयः॥ तवैव चासुरश्रेष्ठ मयोक्तं नान्यथा भवेत्

||nārada uvāca|| purā devaiḥ kṛto yatno vadhārthaṃ nātra saṃśayaḥ|| tavaiva cāsuraśreṣṭha mayoktaṃ nānyathā bhavet

नारद जी ने कहा — 'हे असुरश्रेष्ठ, पूर्वकाल में देवताओं ने तुम्हारे ही वध के लिए यत्न किया था, इसमें कोई संशय नहीं; मेरा कहा हुआ अन्यथा नहीं होगा।'

श्लोक 30 (skanda.1.28.30)

कुमारोऽयं च शर्वस्य तवार्थं चोपपादितः॥ एवं ज्ञात्वा महाबाहो कुरु यत्नं समाहितः

kumāro'yaṃ ca śarvasya tavārthaṃ copapāditaḥ|| evaṃ jñātvā mahābāho kuru yatnaṃ samāhitaḥ

'शिव का यह पुत्र कुमार तुम्हारे ही लिए उत्पन्न किया गया है; हे महाबाहो, यह जानकर सावधान होकर यत्न करो।'

श्लोक 31 (skanda.1.28.31)

नारदोक्तं निशम्याथ तारकः प्रहसन्निव॥ उवाच वाक्यं मेधावी गच्छ त्वं च पुरंदरम्

nāradoktaṃ niśamyātha tārakaḥ prahasanniva|| uvāca vākyaṃ medhāvī gaccha tvaṃ ca puraṃdaram

नारद जी का यह वचन सुनकर तारक हँसते हुए-सा बोला — वह मेधावी बोला — 'तुम इंद्र के पास जाओ।'

श्लोक 32 (skanda.1.28.32)

मम वाक्यं महर्षे त्वं वद शीघ्रं यथातथम्॥ कुमारं च पुरस्कृत्य मया योद्धुं त्वमिच्छसि

mama vākyaṃ maharṣe tvaṃ vada śīghraṃ yathātatham|| kumāraṃ ca puraskṛtya mayā yoddhuṃ tvamicchasi

'हे महर्षे, मेरा यह वचन उससे शीघ्र ठीक-ठीक कह देना — क्या कुमार को आगे करके तुम मुझसे युद्ध करना चाहते हो?'

श्लोक 33 (skanda.1.28.33)

मूढभावं समाश्रित्य कर्तुमिच्छसि नान्यथा॥ मनुष्यमेकमाश्रित्य मुचुकुन्दाख्यमेव च

mūḍhabhāvaṃ samāśritya kartumicchasi nānyathā|| manuṣyamekamāśritya mucukundākhyameva ca

'तुम केवल मूर्खतावश ही ऐसा करना चाहते हो, अन्यथा नहीं — मुचुकुंद नामक एक मनुष्य के भरोसे ही तुम यह कर रहे हो।'

श्लोक 34 (skanda.1.28.34)

तत्प्रभावेऽमरावत्यां स्थितोऽसि त्वं न चान्यथा॥ कौमारं बलमाश्रित्य तिष्ठसे त्वं ममाग्रतः

tatprabhāve'marāvatyāṃ sthito'si tvaṃ na cānyathā|| kaumāraṃ balamāśritya tiṣṭhase tvaṃ mamāgrataḥ

'उसी के प्रभाव से तुम अमरावती में टिके हो, और किसी कारण से नहीं; कुमार के बल का ही आश्रय लेकर तुम मेरे सम्मुख खड़े हो।'

श्लोक 35 (skanda.1.28.35)

त्वां हनिष्याम्यहं मन्दलोकपालैः सहैव हि॥ एवं कथय देवेन्द्रं देवर्षे नान्यथा वद

tvāṃ haniṣyāmyahaṃ mandalokapālaiḥ sahaiva hi|| evaṃ kathaya devendraṃ devarṣe nānyathā vada

'मैं तुम्हें तुम्हारे उन दुर्बल लोकपालों सहित मार डालूँगा — हे देवर्षे, देवेंद्र से ठीक यही कहना, इससे भिन्न कुछ मत कहना।'

श्लोक 36 (skanda.1.28.36)

तथेति मत्वा भगवान्स नारदो ययौ सुराञ्छक्रपुरोगमांश्च॥ आचष्ट सर्वं ह्यसुरेन्द्रभाषितं सहोपहासं मतिमांस्तथैव

tatheti matvā bhagavānsa nārado yayau surāñchakrapurogamāṃśca|| ācaṣṭa sarvaṃ hyasurendrabhāṣitaṃ sahopahāsaṃ matimāṃstathaiva

'ऐसा ही हो' — यह सोचकर भगवान् नारद जी इंद्र आदि देवताओं के पास गए, और उस बुद्धिमान् ऋषि ने असुरेंद्र के उपहासपूर्ण वचनों को ज्यों का त्यों कह सुनाया।

श्लोक 37 (skanda.1.28.37)

॥नारद उवाच॥ भवद्भिः श्रूयतां देवा वचनं मम नान्यथा॥ तारकेण यदुक्तं च सानुगे नावधार्यताम्

||nārada uvāca|| bhavadbhiḥ śrūyatāṃ devā vacanaṃ mama nānyathā|| tārakeṇa yaduktaṃ ca sānuge nāvadhāryatām

नारद जी ने कहा — 'हे देवगण, मेरा यह वचन ज्यों का त्यों सुनो; तारक ने अपने अनुचरों सहित जो कहा है, उसे भलीभाँति समझ लो।'

श्लोक 38 (skanda.1.28.38)

॥तारक उवाच॥ त्वां हनिष्यामि रे मूढ नान्यथा मम भाषितम्

||tāraka uvāca|| tvāṃ haniṣyāmi re mūḍha nānyathā mama bhāṣitam

तारक ने कहा — 'हे मूर्ख, मैं तुम्हें मार डालूँगा; मेरा यह कथन अन्यथा नहीं होगा।'

श्लोक 39 (skanda.1.28.39)

मुचुकुन्दं समासाद्य लोकपालैश्च पूजितः॥ न त्वया भीरुणा योत्स्ये देवो भूत्वा नराश्रितः

mucukundaṃ samāsādya lokapālaiśca pūjitaḥ|| na tvayā bhīruṇā yotsye devo bhūtvā narāśritaḥ

'मुचुकुंद का सहारा लेकर, लोकपालों से पूजित होकर — मैं तुझसे युद्ध नहीं करूँगा, जो देवता होते हुए भी एक भीरु मनुष्य की शरण में बैठा है।'

श्लोक 40 (skanda.1.28.40)

तस्य वाक्यं निशम्योचुः सर्वे देवाः सवासवाः॥ कुमारं च पुरस्कृत्य नारदं चर्षिसत्तमम्

tasya vākyaṃ niśamyocuḥ sarve devāḥ savāsavāḥ|| kumāraṃ ca puraskṛtya nāradaṃ carṣisattamam

उसकी यह बात सुनकर इंद्र सहित समस्त देवताओं ने कुमार को आगे रखकर श्रेष्ठ ऋषि नारद जी से कहा।

श्लोक 41 (skanda.1.28.41)

जानासि त्वं हि देवर्षे कुमारस्य बलाबलम्॥ अज्ञो भूत्वा कथं वाक्यमुक्तं तस्य ममाग्रतः

jānāsi tvaṃ hi devarṣe kumārasya balābalam|| ajño bhūtvā kathaṃ vākyamuktaṃ tasya mamāgrataḥ

'हे देवर्षे, आप तो कुमार के बल-अबल को भलीभाँति जानते हैं; फिर अनजान बनकर आपने उसकी वह बात मेरे सामने क्यों कही?'

श्लोक 42 (skanda.1.28.42)

प्रहस्य नारदो वाक्यमुवाच तस्य सन्निधौ॥ अहमप्युपहासं च वाक्यं तारकमुक्तवान्

prahasya nārado vākyamuvāca tasya sannidhau|| ahamapyupahāsaṃ ca vākyaṃ tārakamuktavān

नारद जी ने हँसते हुए उसके समक्ष कहा — 'मैंने भी उपहासपूर्वक ही तारक से ऐसी बातें कही थीं।'

श्लोक 43 (skanda.1.28.43)

जानीध्वममराः सर्वे कुमारं जयिनं सुराः॥ भविष्यत्यत्र मे वाक्यं नात्र कार्याविचारणा

jānīdhvamamarāḥ sarve kumāraṃ jayinaṃ surāḥ|| bhaviṣyatyatra me vākyaṃ nātra kāryāvicāraṇā

'हे अमरगण, हे देवताओ, यह जान लो कि कुमार ही विजयी होगा; मेरी यह बात अवश्य सत्य होगी, इसमें विचार-विमर्श की कोई आवश्यकता नहीं।'

श्लोक 44 (skanda.1.28.44)

नारदस्य वचः श्रुत्वा सर्वे देवा मुदान्विताः॥ ऐकपद्येन चोत्तस्थुर्योद्धुकामाश्च तारकम्

nāradasya vacaḥ śrutvā sarve devā mudānvitāḥ|| aikapadyena cottasthuryoddhukāmāśca tārakam

नारद जी के इस वचन को सुनकर समस्त देवता आनंदित हो उठे, और तारक से युद्ध करने की इच्छा से वे सब एक साथ उठ खड़े हुए।

श्लोक 45 (skanda.1.28.45)

कुमारं गजमारोप्य देवेन्द्रो ह्यग्रगोऽभवत्॥ सुरसैन्येन महता लोकपालैः समावृतः

kumāraṃ gajamāropya devendro hyagrago'bhavat|| surasainyena mahatā lokapālaiḥ samāvṛtaḥ

कुमार को अपने गज पर बिठाकर देवेंद्र स्वयं आगे बढ़े, विशाल देव-सेना तथा लोकपालों से घिरे हुए।

श्लोक 46 (skanda.1.28.46)

तदा दुन्दुभयो नेदुर्भेरीतूर्याण्यनेकशः॥ वीणावेणुमृदंगानि तथा गन्धर्वनि स्वनाः

tadā dundubhayo nedurbherītūryāṇyanekaśaḥ|| vīṇāveṇumṛdaṃgāni tathā gandharvani svanāḥ

तब दुंदुभियाँ बज उठीं, अनगिनत भेरियाँ और तुरहियाँ भी बजीं; वीणा, बाँसुरी और मृदंग के साथ गंधर्वों के गीत भी गूँज उठे।

श्लोक 47 (skanda.1.28.47)

गजं दत्त्वा महेंद्राय कुमारो यानमारुहत्॥ अनेकरत्नसंवीतं नानाश्चर्यसमन्वितम्॥ विचित्रचित्रं सुमहत्तथाश्चर्यसमन्वितम्

gajaṃ dattvā maheṃdrāya kumāro yānamāruhat|| anekaratnasaṃvītaṃ nānāścaryasamanvitam|| vicitracitraṃ sumahattathāścaryasamanvitam

गज को महेंद्र को सौंपकर कुमार अपने विमान पर आरूढ़ हुए, जो अनेक रत्नों से जड़ा, नाना अद्भुत वस्तुओं से युक्त, विचित्र और भव्य तथा आश्चर्यजनक था।

श्लोक 48 (skanda.1.28.48)

विमानमारुह्य तदा महायशाः स शांकरिः सर्वगणैरुपेतः॥ श्रिया समेतः परया बभौ महान्स वीज्यमानश्चमरैर्महाप्रभैः

vimānamāruhya tadā mahāyaśāḥ sa śāṃkariḥ sarvagaṇairupetaḥ|| śriyā sametaḥ parayā babhau mahānsa vījyamānaścamarairmahāprabhaiḥ

उस विमान पर आरूढ़ होकर वे महायशस्वी शंकर-पुत्र, समस्त गणों सहित, परम शोभा से युक्त होकर अत्यंत तेजस्वी दिखाई दिए, और महातेजस्वी चँवरों से उन पर हवा की जा रही थी।

श्लोक 49 (skanda.1.28.49)

प्राचे तसं छत्र महामणिप्रभं रत्नैरुपेतं बहुभिर्विराजितम्॥ धृतं तदा तेन कुमारमूर्द्धनि चन्द्रैः किरणैः सुशोभितम्

prāce tasaṃ chatra mahāmaṇiprabhaṃ ratnairupetaṃ bahubhirvirājitam|| dhṛtaṃ tadā tena kumāramūrddhani candraiḥ kiraṇaiḥ suśobhitam

महामणि के समान देदीप्यमान तथा अनेक रत्नों से सुशोभित एक विशाल छत्र कुमार के सिर पर धारण किया गया, जो चंद्रमा की किरणों के समान सुंदर शोभा दे रहा था।

श्लोक 50 (skanda.1.28.50)

संमीलितास्तदा सव देवा इन्द्रपुरोगमाः॥ बलैः स्वैः स्वैः परिक्रांता योद्धुकामा महाबलाः

saṃmīlitāstadā sava devā indrapurogamāḥ|| balaiḥ svaiḥ svaiḥ parikrāṃtā yoddhukāmā mahābalāḥ

तब इंद्र सहित समस्त देवता एकत्र हो गए, अपनी-अपनी सेनाओं से घिरे हुए, महाबली और युद्ध के इच्छुक।

श्लोक 51 (skanda.1.28.51)

यमेऽपि स्वगणैः सार्द्धं मरुद्भिश्च सदागतिः॥ पाथोभिर्वरुणस्तत्र कुबेरो गुह्यकैः सह॥ ईशोऽपि प्रमथैः सार्द्धं नैर्ऋतो व्याधिभिः सह

yame'pi svagaṇaiḥ sārddhaṃ marudbhiśca sadāgatiḥ|| pāthobhirvaruṇastatra kubero guhyakaiḥ saha|| īśo'pi pramathaiḥ sārddhaṃ nairṛto vyādhibhiḥ saha

यम भी अपने गणों सहित आए, वायुगण भी सदागति के साथ आए; वरुण जलदेवताओं सहित वहाँ आए, कुबेर गुह्यकों सहित आए; ईशान भी प्रमथों सहित तथा नैर्ऋत व्याधियों सहित उपस्थित हुए।

श्लोक 52 (skanda.1.28.52)

एवं तेऽष्टौ लोकपा योद्धुकामाः सर्वे मिलित्वा तारकं हंतुमेव॥ पुरस्कृत्वा शांकरिं विश्ववंद्यं सेनापतिं चात्मविदां वरिष्ठम्

evaṃ te'ṣṭau lokapā yoddhukāmāḥ sarve militvā tārakaṃ haṃtumeva|| puraskṛtvā śāṃkariṃ viśvavaṃdyaṃ senāpatiṃ cātmavidāṃ variṣṭham

इस प्रकार वे आठों लोकपाल युद्ध की इच्छा से एकत्र होकर केवल तारक का वध करने के लिए, विश्ववंद्य शंकर-पुत्र को अपना सेनापति और आत्मज्ञानियों में श्रेष्ठ मानकर आगे कर चल पड़े।

श्लोक 53 (skanda.1.28.53)

एवं ते योद्धुकामा हि अवतेरुश्च भूतलम्॥ अंतर्वेद्यां स्थिताः सर्वे गंगा यमुनमध्यगाः

evaṃ te yoddhukāmā hi avateruśca bhūtalam|| aṃtarvedyāṃ sthitāḥ sarve gaṃgā yamunamadhyagāḥ

इस प्रकार युद्ध की इच्छा से वे सब पृथ्वी पर उतर आए, और गंगा-यमुना के मध्य स्थित अंतर्वेदी में जा खड़े हुए।

श्लोक 54 (skanda.1.28.54)

पातालाच्च समायातास्तारकस्योपजीविनः॥ चेरुरंगबलोपेता हन्तुकामाः सुरान्रणे

pātālācca samāyātāstārakasyopajīvinaḥ|| ceruraṃgabalopetā hantukāmāḥ surānraṇe

पाताल से भी तारक के आश्रित दैत्यगण आ पहुँचे, और पूर्ण सैन्य-बल से युक्त होकर देवताओं का वध करने की इच्छा से रणभूमि में विचरने लगे।

श्लोक 55 (skanda.1.28.55)

तारको हि समायातो विमानेन विराजितः॥ छत्रेण च महातेजा ध्रियमाणेन मूर्द्धनि

tārako hi samāyāto vimānena virājitaḥ|| chatreṇa ca mahātejā dhriyamāṇena mūrddhani

तारक स्वयं अपने विमान पर सुशोभित होकर आ पहुँचा, वह महातेजस्वी अपने सिर पर धारण किए गए विशाल छत्र से देदीप्यमान था।

श्लोक 56 (skanda.1.28.56)

चामरैर्विज्यमानो हि शुशुभे दैत्यराट् स्वयम्

cāmarairvijyamāno hi śuśubhe daityarāṭ svayam

चँवरों से हवा किए जाते हुए दैत्यराज स्वयं अत्यंत शोभायमान हो रहे थे।

श्लोक 57 (skanda.1.28.57)

एवं देवाश्च दैत्याश्च अंतर्वेद्यां स्थितास्तदा॥ सैन्येन महता तत्र व्यूहान्कृत्वा पृथक्पृथक्

evaṃ devāśca daityāśca aṃtarvedyāṃ sthitāstadā|| sainyena mahatā tatra vyūhānkṛtvā pṛthakpṛthak

इस प्रकार देवता और दैत्य दोनों अंतर्वेदी में खड़े हो गए, और अपनी-अपनी विशाल सेनाओं के साथ पृथक्-पृथक् व्यूह रचकर खड़े हो गए।

श्लोक 58 (skanda.1.28.58)

गजान्कृत्वा ह्येकतश्च हयांश्च विविधांस्तथा॥ स्यंदनानिविचित्राणि नानारत्नयुतानि च

gajānkṛtvā hyekataśca hayāṃśca vividhāṃstathā|| syaṃdanānivicitrāṇi nānāratnayutāni ca

एक ओर हाथियों को खड़ा किया गया, तथा विविध प्रकार के घोड़े और अनेक रत्नों से युक्त विचित्र रथ भी सजाए गए।

श्लोक 59 (skanda.1.28.59)

पदाता बहवस्तत्र शक्तिशूलपरश्वधैः॥ खड्गतोमरनाराचैः पाशमुद्गरशोभिताः

padātā bahavastatra śaktiśūlaparaśvadhaiḥ|| khaḍgatomaranārācaiḥ pāśamudgaraśobhitāḥ

वहाँ शक्ति, त्रिशूल और परशु धारण किए बहुसंख्यक पैदल सैनिक खड़े थे, जो खड्ग, तोमर, नाराच, पाश और मुद्गर से सुसज्जित थे।

श्लोक 60 (skanda.1.28.60)

ते सेने सुरदैत्यानां शुशुभाते परस्परम्॥ हंतुकामास्तदा ते वै स्तूयमानाश्च बन्धुभिः

te sene suradaityānāṃ śuśubhāte parasparam|| haṃtukāmāstadā te vai stūyamānāśca bandhubhiḥ

देवताओं और दैत्यों की वे दोनों सेनाएँ परस्पर एक-दूसरे के सम्मुख शोभायमान हो रही थीं, दोनों ही एक-दूसरे का वध करने को उद्यत, और उनके बंधुजन उनकी स्तुति कर रहे थे।