तारकासुर-वध और कार्तिकेय के विजयोत्सव का वर्णन

श्लोक 1 (skanda.1.30.1)

॥लोमश उवाच॥ वल्गमानं तमायांतं तारका सुरमोजसा॥ आजघान च वज्रेण इंद्रो मतिमतां वरः

||lomaśa uvāca|| valgamānaṃ tamāyāṃtaṃ tārakā suramojasā|| ājaghāna ca vajreṇa iṃdro matimatāṃ varaḥ

उछलते हुए बड़े वेग से आते तारक पर बुद्धिमानों में श्रेष्ठ इंद्र ने वज्र से प्रहार किया।

श्लोक 2 (skanda.1.30.2)

तेन वज्रप्रहारेण तारको विह्वलीकृतः पतितोऽपि समुत्थाय शक्त्या तं प्राहरद्द्विपम्

tena vajraprahāreṇa tārako vihvalīkṛtaḥ patito'pi samutthāya śaktyā taṃ prāharaddvipam

उस वज्र-प्रहार से तारक विह्वल हो गया; किंतु गिरकर भी वह पुनः उठा और अपनी शक्ति से इंद्र के गज पर प्रहार किया।

श्लोक 3 (skanda.1.30.3)

पुरंदरं गजस्थं हि अपातया भूतले॥ हाहाकारो महानासीत्पतिते च पुरंदरे

puraṃdaraṃ gajasthaṃ hi apātayā bhūtale|| hāhākāro mahānāsītpatite ca puraṃdare

गजारूढ़ पुरंदर को उसने पृथ्वी पर गिरा दिया; और इंद्र के गिरते ही चारों ओर महान् हाहाकार मच गया।

श्लोक 4 (skanda.1.30.4)

तारकेणापि तत्रैव यत्कृतं तच्छृणु प्रभो॥ पतितं च पदाक्रम्य हस्ताद्वज्रं प्रगृह्य च

tārakeṇāpi tatraiva yatkṛtaṃ tacchṛṇu prabho|| patitaṃ ca padākramya hastādvajraṃ pragṛhya ca

हे प्रभो, अब सुनिए कि तारक ने वहाँ आगे क्या किया — गिरे हुए इंद्र पर पैर रखकर उसने उसके हाथ से वज्र छीन लिया।

श्लोक 5 (skanda.1.30.5)

हतं देवेंद्रमालोक्य तारको रिपुसूदनः॥ वज्रघातेन महताऽताडयत्तु पुरंदरम्

hataṃ deveṃdramālokya tārako ripusūdanaḥ|| vajraghātena mahatā'tāḍayattu puraṃdaram

देवेंद्र को इस प्रकार पराजित देखकर शत्रु-संहारक तारक ने उसी वज्र से पुरंदर पर एक और भारी प्रहार किया।

श्लोक 6 (skanda.1.30.6)

त्रिशूलमुद्यम्य महाबलस्तदा स वीरभद्रो रुषितः पुरंदरम्॥ संरक्षमाणो हि जघान तारकं शूलेन दैत्यं च महाप्रभेण

triśūlamudyamya mahābalastadā sa vīrabhadro ruṣitaḥ puraṃdaram|| saṃrakṣamāṇo hi jaghāna tārakaṃ śūlena daityaṃ ca mahāprabheṇa

तब महाबली वीरभद्र ने क्रोध से भरकर त्रिशूल उठाया और पुरंदर की रक्षा करते हुए उस महातेजस्वी त्रिशूल से दैत्य तारक पर प्रहार किया।

श्लोक 7 (skanda.1.30.7)

शूलप्रहाराभिहतो निपपात महीतले॥ पतितोऽपि महातेजास्तारकः पुनरुत्थितः

śūlaprahārābhihato nipapāta mahītale|| patito'pi mahātejāstārakaḥ punarutthitaḥ

उस त्रिशूल के प्रहार से आहत होकर तारक पृथ्वी पर गिर पड़ा; किंतु गिरकर भी वह महातेजस्वी तारक पुनः उठ खड़ा हुआ।

श्लोक 8 (skanda.1.30.8)

जघान परया शक्त्या वीरभद्रं तदोरसि॥ वीरभद्रोपि पतितः शक्तिघातेन तस्य वै

jaghāna parayā śaktyā vīrabhadraṃ tadorasi|| vīrabhadropi patitaḥ śaktighātena tasya vai

उसने अपनी विशाल शक्ति से वीरभद्र की छाती पर प्रहार किया; और उस शक्ति-प्रहार से वीरभद्र भी गिर पड़े।

श्लोक 9 (skanda.1.30.9)

सगणाश्चैव देवाश्च गंधर्वोरगराक्षसाः॥ हाहाकारेण महता चुक्रुशुश्च पुनःपुनः

sagaṇāścaiva devāśca gaṃdharvoragarākṣasāḥ|| hāhākāreṇa mahatā cukruśuśca punaḥpunaḥ

गण, देवता, गंधर्व, नाग और राक्षस — सभी बार-बार महान् हाहाकार के साथ चिल्ला उठे।

श्लोक 10 (skanda.1.30.10)

तदोत्थितः सहसा महाबलः स वीरभद्रो द्विषतां निहंता॥ त्रिशूलमुद्यम्य तडित्प्रकाशं जाज्वल्यमानं प्रभया निरंतरम्॥ स्वरोचिषा भासितदिग्वितानं सूयदुबिंबाग्न्युडुमण्डलाभम्

tadotthitaḥ sahasā mahābalaḥ sa vīrabhadro dviṣatāṃ nihaṃtā|| triśūlamudyamya taḍitprakāśaṃ jājvalyamānaṃ prabhayā niraṃtaram|| svarociṣā bhāsitadigvitānaṃ sūyadubiṃbāgnyuḍumaṇḍalābham

तब वह शत्रु-संहारक महाबली वीरभद्र सहसा उठ खड़ा हुआ, और उसने बिजली के समान चमकते, निरंतर प्रज्वलित होते हुए त्रिशूल को उठाया, जो अपने ही तेज से समस्त दिशाओं को आलोकित कर रहा था और सूर्यमंडल, अग्नि तथा नक्षत्रमंडल के समान देदीप्यमान था।

श्लोक 11 (skanda.1.30.11)

त्रिशूलेन तदा यावद्धंतुकामो महाबलः॥ निवारितः कुमारेण मावधीस्त्वं महामते

triśūlena tadā yāvaddhaṃtukāmo mahābalaḥ|| nivāritaḥ kumāreṇa māvadhīstvaṃ mahāmate

किंतु ज्यों ही वह महाबली त्रिशूल से तारक का वध करने को उद्यत हुआ, त्यों ही कुमार ने उसे रोक दिया — 'हे महामते, तुम इसका वध मत करो।'

श्लोक 12 (skanda.1.30.12)

जगर्ज च महातेजाः कार्त्तिकेयो महाबलः

jagarja ca mahātejāḥ kārttikeyo mahābalaḥ

तब वह महातेजस्वी और महाबली कार्तिकेय गरज उठे।

श्लोक 13 (skanda.1.30.13)

तदा जयेत्यभिहितो भूतैराकाशसंस्थितैः॥ शक्त्या परमया वीरस्तारकं हंतुमुद्यतः

tadā jayetyabhihito bhūtairākāśasaṃsthitaiḥ|| śaktyā paramayā vīrastārakaṃ haṃtumudyataḥ

तब आकाश में स्थित भूतगणों द्वारा 'जय हो' कहकर अभिनंदित होते हुए वह वीर अपनी परम शक्ति से तारक का वध करने के लिए उद्यत हो गया।

श्लोक 14 (skanda.1.30.14)

तारकस्य कुमारस्य संग्रामस्तत्र दुःसहः॥ जातस्ततो महाघोरः सर्वभूतभयंकरः

tārakasya kumārasya saṃgrāmastatra duḥsahaḥ|| jātastato mahāghoraḥ sarvabhūtabhayaṃkaraḥ

तब तारक और कुमार के बीच वहाँ एक असहनीय संग्राम छिड़ गया, जो अत्यंत घोर और समस्त प्राणियों को भयभीत करने वाला था।

श्लोक 15 (skanda.1.30.15)

शक्तिहस्तौ च तौ वीरौ युयुधाते परस्परम्॥ शक्तिभ्यां भिन्नहस्तौ तौ महासाहससंयुतौ

śaktihastau ca tau vīrau yuyudhāte parasparam|| śaktibhyāṃ bhinnahastau tau mahāsāhasasaṃyutau

शक्ति हाथ में लिए वे दोनों वीर परस्पर युद्ध करने लगे; अपनी-अपनी शक्तियों से उनके हाथ तक क्षत-विक्षत हो गए, फिर भी वे दोनों महासाहस से युक्त बने रहे।

श्लोक 16 (skanda.1.30.16)

परस्परं वंचयंतौ सिंहाविव महाबलौ॥ वैतालिकीं समाश्रित्य तथा वै खेचरीं गतिम्

parasparaṃ vaṃcayaṃtau siṃhāviva mahābalau|| vaitālikīṃ samāśritya tathā vai khecarīṃ gatim

दो सिंहों के समान परस्पर एक-दूसरे को छलते हुए, कभी वैतालिकी विधि का, कभी आकाश-गमन का सहारा लेकर,

श्लोक 17 (skanda.1.30.17)

पार्वतं मतमाश्रित्य शक्त्या शक्तिं निजघ्नतुः॥ एभिर्मतैर्महावीरौ चक्रतुर्युद्धमुत्तमम्

pārvataṃ matamāśritya śaktyā śaktiṃ nijaghnatuḥ|| ebhirmatairmahāvīrau cakraturyuddhamuttamam

तथा पार्वत विधि का भी आश्रय लेकर वे शक्ति से शक्ति का प्रत्याघात करते रहे; इन्हीं विविध विधियों से उन दोनों महावीरों ने एक उत्कृष्ट युद्ध किया।

श्लोक 18 (skanda.1.30.18)

अन्योन्यसाधकौ भूत्वा महाबलपराक्रमौ॥ जघ्नतुः शक्तिधाराभी रणे रणविशारदौ

anyonyasādhakau bhūtvā mahābalaparākramau|| jaghnatuḥ śaktidhārābhī raṇe raṇaviśāradau

एक-दूसरे को परास्त करने के प्रयास में, महाबली और पराक्रमी वे दोनों रणकुशल वीर अपनी शक्तियों की तीक्ष्ण धाराओं से एक-दूसरे पर प्रहार करते रहे।

श्लोक 19 (skanda.1.30.19)

मूर्ध्नि कण्ठे तथा बाह्वोर्जान्वोश्चैव कटीतटे॥ वक्षस्युरसि पृष्ठे च चिच्छिदतुः परस्परम्

mūrdhni kaṇṭhe tathā bāhvorjānvoścaiva kaṭītaṭe|| vakṣasyurasi pṛṣṭhe ca cicchidatuḥ parasparam

मस्तक पर, कंठ पर, भुजाओं पर, घुटनों पर, कटि-प्रदेश पर, वक्षस्थल पर और पीठ पर — वे एक-दूसरे को काटते रहे।

श्लोक 20 (skanda.1.30.20)

तदा तौ युध्यमानौ च हन्तुकामौ महाबलौ॥ प्रेक्षका ह्यभवन्सर्वे देवगन्धर्वगुह्यकाः

tadā tau yudhyamānau ca hantukāmau mahābalau|| prekṣakā hyabhavansarve devagandharvaguhyakāḥ

जब वे दोनों महाबली एक-दूसरे का वध करने की इच्छा से युद्धरत थे, तब समस्त देवता, गंधर्व और गुह्यक केवल दर्शक बनकर रह गए।

श्लोक 21 (skanda.1.30.21)

ऊचुः परस्परं सर्वे कोऽस्मिन्युद्धे विजेष्यते॥ तदा नभोगता वाणी उवाच परिसांत्व्य वै

ūcuḥ parasparaṃ sarve ko'sminyuddhe vijeṣyate|| tadā nabhogatā vāṇī uvāca parisāṃtvya vai

वे सब परस्पर कहने लगे — 'इस युद्ध में कौन विजयी होगा?' तभी आकाशवाणी हुई, जिसने उन्हें सांत्वना देते हुए कहा।

श्लोक 22 (skanda.1.30.22)

तारकं हि सुराश्चाद्य कुमारोऽयं हनिष्यति॥ मा शोच्यतां सुराः सर्वैः सुखेन स्थीयतां दिवि

tārakaṃ hi surāścādya kumāro'yaṃ haniṣyati|| mā śocyatāṃ surāḥ sarvaiḥ sukhena sthīyatāṃ divi

'हे देवगण, आज इस कुमार के हाथों तारक का वध निश्चित है; शोक मत करो, हे देवताओ, सुखपूर्वक स्वर्ग में रहो।'

श्लोक 23 (skanda.1.30.23)

श्रुत्वा तदा तां गगने समीरितां तदैव वाचं प्रमथैः परीतः॥ कुमारकस्तं प्रति हंतुकामो दैत्याधिपं तारकमुग्ररूपम्

śrutvā tadā tāṃ gagane samīritāṃ tadaiva vācaṃ pramathaiḥ parītaḥ|| kumārakastaṃ prati haṃtukāmo daityādhipaṃ tārakamugrarūpam

आकाश में कही गई उस वाणी को सुनकर, प्रमथगणों से घिरे कुमार उसी क्षण उग्र-रूपधारी दैत्याधिपति तारक का वध करने के लिए दृढ़ हो गए।

श्लोक 24 (skanda.1.30.24)

शक्त्या तया महाबाहुराजघान स्तनांतरे॥ तारकं ह्यसुरश्रेष्ठं कुमारो बलवत्तरः

śaktyā tayā mahābāhurājaghāna stanāṃtare|| tārakaṃ hyasuraśreṣṭhaṃ kumāro balavattaraḥ

उस मजबूत भुजाओं वाले कुमार ने, जो उससे भी अधिक बलवान् थे, अपनी शक्ति से असुरश्रेष्ठ तारक की छाती पर प्रहार किया।

श्लोक 25 (skanda.1.30.25)

तं प्रहारमना दृत्य तारको दैत्यपुंगवः॥ कुमारं चाऽपि संक्रुद्धः स्वशक्त्या चाजघान वै

taṃ prahāramanā dṛtya tārako daityapuṃgavaḥ|| kumāraṃ cā'pi saṃkruddhaḥ svaśaktyā cājaghāna vai

उस प्रहार को सहन करते हुए दैत्यश्रेष्ठ तारक ने अत्यंत क्रुद्ध होकर अपनी शक्ति से कुमार पर भी प्रहार किया।

श्लोक 26 (skanda.1.30.26)

तेन शक्तिप्रहारेण शांकरिर्मूर्च्छितोऽभवत्॥ मुहूर्ताच्चेतनां प्राप्तः स्तूयमानो महर्षिभिः

tena śaktiprahāreṇa śāṃkarirmūrcchito'bhavat|| muhūrtāccetanāṃ prāptaḥ stūyamāno maharṣibhiḥ

उस शक्ति-प्रहार से शंकर-पुत्र मूर्च्छित हो गए; किंतु क्षणभर बाद ही महर्षियों द्वारा स्तुति किए जाते हुए वे पुनः चेतना पा गए।

श्लोक 27 (skanda.1.30.27)

यथा सिंहो मदोन्मत्तो हंतुकामस्तथैव च॥ कुमारस्तारकं दैत्यमाजघान प्रतापवान्

yathā siṃho madonmatto haṃtukāmastathaiva ca|| kumārastārakaṃ daityamājaghāna pratāpavān

जैसे मदोन्मत्त सिंह वध करने पर उतारू हो जाता है, ठीक उसी प्रकार प्रतापी कुमार ने दैत्य तारक पर प्रहार किया।

श्लोक 28 (skanda.1.30.28)

एवं परस्परेणैव कुमारश्चैव तारकः॥ युयुधातेऽतिसंरब्धौ शक्तियुद्धपरायणौ

evaṃ paraspareṇaiva kumāraścaiva tārakaḥ|| yuyudhāte'tisaṃrabdhau śaktiyuddhaparāyaṇau

इस प्रकार कुमार और तारक परस्पर, अत्यंत क्रोध से भरकर, शक्ति-युद्ध में तल्लीन होकर लड़ते रहे।

श्लोक 29 (skanda.1.30.29)

अभ्यासपरमावास्तामन्योन्यविजिगीषया॥ तथा तौ युध्यमानौ च चित्ररूपौ तपस्विनौ

abhyāsaparamāvāstāmanyonyavijigīṣayā|| tathā tau yudhyamānau ca citrarūpau tapasvinau

एक-दूसरे को जीतने की इच्छा से वे दोनों अपनी-अपनी विद्या के अभ्यास में तल्लीन रहे; इस प्रकार वे दोनों विचित्र-रूपधारी और तपस्वी वीर युद्धरत रहे।

श्लोक 30 (skanda.1.30.30)

धाराभिश्च अणीभीश्च सुप्रयुक्तौ च जघ्नतुः॥ अवलोकपराः सर्वे देवगन्धर्वकिन्नराः

dhārābhiśca aṇībhīśca suprayuktau ca jaghnatuḥ|| avalokaparāḥ sarve devagandharvakinnarāḥ

अपने-अपने अस्त्रों की तीक्ष्ण धाराओं और नोकों से सुनिश्चित प्रहार करते हुए वे एक-दूसरे पर वार करते रहे; और समस्त देवता, गंधर्व तथा किन्नर मात्र देखने में तल्लीन रहे।

श्लोक 31 (skanda.1.30.31)

विस्मयं परमं प्राप्ता नोचुः किंचन तस्य वै॥ न ववौ च तदावायुर्निष्प्रभोऽभूद्दिवाकरः

vismayaṃ paramaṃ prāptā nocuḥ kiṃcana tasya vai|| na vavau ca tadāvāyurniṣprabho'bhūddivākaraḥ

परम विस्मय में पड़कर वे कुछ भी कह पाने में असमर्थ हो गए; उस समय वायु का बहना भी थम गया, और सूर्य भी निस्तेज हो गया।

श्लोक 32 (skanda.1.30.32)

हिमालयोऽथ मेरुश्च श्वेतकूटश्च दर्दुरः॥ मलयोऽथ महाशैलो मैनाको विंध्यपर्वतः

himālayo'tha meruśca śvetakūṭaśca darduraḥ|| malayo'tha mahāśailo maināko viṃdhyaparvataḥ

हिमालय, मेरु, श्वेतकूट, दर्दुर, मलय, महान् मैनाक पर्वत और विंध्याचल,

श्लोक 33 (skanda.1.30.33)

लोकालोकौ महाशैलौ मानसोत्तरपर्वतः॥ कैलासो मन्दरो माल्यो गन्धमादन एव च

lokālokau mahāśailau mānasottaraparvataḥ|| kailāso mandaro mālyo gandhamādana eva ca

लोकालोक जैसे महान् पर्वत, मानसोत्तर पर्वत, कैलास, मंदराचल, माल्य पर्वत तथा गंधमादन भी —

श्लोक 34 (skanda.1.30.34)

उदयाद्रिर्महेंद्रश्च तथैवास्तगिरिर्महान्

udayādrirmaheṃdraśca tathaivāstagirirmahān

— उदयाचल, महेंद्र पर्वत, और उसी प्रकार महान् अस्ताचल भी वहाँ उपस्थित हुए।

श्लोक 35 (skanda.1.30.35)

एते चान्ये च बहवः पर्वताश्च महाप्रभाः॥ स्नेहार्द्दितास्तदाजग्मुः कुमारं च परीप्सवः

ete cānye ca bahavaḥ parvatāśca mahāprabhāḥ|| snehārdditāstadājagmuḥ kumāraṃ ca parīpsavaḥ

ये सब और अन्य भी अनेक महातेजस्वी पर्वत, स्नेह से द्रवित होकर कुमार की कुशलता की कामना से वहाँ आ पहुँचे।

श्लोक 36 (skanda.1.30.36)

ततः स दृष्ट्वा तान्सर्वान्भयभीतांश्च शांकरिः॥ पर्वतान्गिरिजापुत्रो बभाषे प्रतिबोधयन्

tataḥ sa dṛṣṭvā tānsarvānbhayabhītāṃśca śāṃkariḥ|| parvatāngirijāputro babhāṣe pratibodhayan

तब शंकर-पुत्र, गिरिजा-नंदन ने उन सबको भयभीत देखकर उन पर्वतों को सांत्वना देते हुए कहा।

श्लोक 37 (skanda.1.30.37)

॥कुमार उवाच॥ मा खिद्यत महाभागा मा चिंता क्रियतां नगाः॥ घातयाम्यद्य पापिष्ठं सर्वेषामिह पश्यताम्

||kumāra uvāca|| mā khidyata mahābhāgā mā ciṃtā kriyatāṃ nagāḥ|| ghātayāmyadya pāpiṣṭhaṃ sarveṣāmiha paśyatām

कुमार ने कहा — 'हे महाभागो, दुःखी मत होओ; हे पर्वतो, चिंता मत करो — आज मैं तुम सबके देखते-देखते इस पापी को मार डालूँगा।'

श्लोक 38 (skanda.1.30.38)

एवं समाश्वास्य तदा मनस्वी तान्पर्वतान्देवगणैः समेतान्॥ प्रणम्य शंभुं मनसा हरिप्रियः स्वां मातरं चैव नतः कुमारः

evaṃ samāśvāsya tadā manasvī tānparvatāndevagaṇaiḥ sametān|| praṇamya śaṃbhuṃ manasā haripriyaḥ svāṃ mātaraṃ caiva nataḥ kumāraḥ

इस प्रकार देवगणों सहित एकत्र उन पर्वतों को धीरज बँधाकर वे धैर्यवान् हरिप्रिय कुमार मन ही मन शंभु को प्रणाम कर, अपनी माता को भी नमस्कार करने लगे।

श्लोक 39 (skanda.1.30.39)

कार्त्तिकेयस्ततः शक्त्या निचकर्त रिपोः शिरः॥ तच्छिरो निपपातोर्व्यां तारकस्य च तत्क्षणात्॥ एवं स जयमापेदे कार्त्तिकेयो महाप्रभुः

kārttikeyastataḥ śaktyā nicakarta ripoḥ śiraḥ|| tacchiro nipapātorvyāṃ tārakasya ca tatkṣaṇāt|| evaṃ sa jayamāpede kārttikeyo mahāprabhuḥ

तब कार्तिकेय ने अपनी शक्ति से शत्रु का सिर काट डाला; और उसी क्षण तारक का वह सिर पृथ्वी पर जा गिरा। इस प्रकार महाप्रभु कार्तिकेय ने विजय प्राप्त की।

श्लोक 40 (skanda.1.30.40)

ददृशुस्तं सुरगणा ऋषयो गुह्यकाः खगाः॥ किंनराश्चारणाः सर्पास्तथा चैवाप्सरो गणाः

dadṛśustaṃ suragaṇā ṛṣayo guhyakāḥ khagāḥ|| kiṃnarāścāraṇāḥ sarpāstathā caivāpsaro gaṇāḥ

देवगणों, ऋषियों, गुह्यकों, पक्षियों, किन्नरों, चारणों, नागों तथा अप्सराओं के समूहों ने भी उन्हें देखा।

श्लोक 41 (skanda.1.30.41)

हर्षेण महताविष्टास्तुष्टुवुस्तं कुमारकम्॥ विद्याधर्यश्च ननृतुर्गायकाश्च जगुस्तदा

harṣeṇa mahatāviṣṭāstuṣṭuvustaṃ kumārakam|| vidyādharyaśca nanṛturgāyakāśca jagustadā

अत्यंत हर्ष से भरकर वे उस कुमार की स्तुति करने लगे; विद्याधरियाँ नाचने लगीं और गायक गीत गाने लगे।

श्लोक 42 (skanda.1.30.42)

एवं विजयमापन्नं दृष्ट्वा सर्वे मुदा युताः॥ ततो हर्षात्समागम्य स्वांकमारोप्य चात्मजम्

evaṃ vijayamāpannaṃ dṛṣṭvā sarve mudā yutāḥ|| tato harṣātsamāgamya svāṃkamāropya cātmajam

उन्हें इस प्रकार विजयी देखकर सब आनंद से भर उठे; तब हर्षपूर्वक आगे आकर शिव ने अपने पुत्र को गोद में उठा लिया।

श्लोक 43 (skanda.1.30.43)

परिष्वज्य तु गाढेन गिरिजापि तुतोष वै॥ स्वोत्संगे च समारोप्य कुमारं सूर्यवर्चसम्

pariṣvajya tu gāḍhena girijāpi tutoṣa vai|| svotsaṃge ca samāropya kumāraṃ sūryavarcasam

उसे कसकर आलिंगन में लेकर गिरिजा भी अत्यंत प्रसन्न हुईं; और सूर्य के समान तेजस्वी कुमार को अपनी गोद में बिठाकर,

श्लोक 44 (skanda.1.30.44)

लालयामास तन्वंगी पार्वती रुचिरेक्षणा॥ ऋषीभिः सत्कृतः शंभुः पार्वत्या सहितस्तदा

lālayāmāsa tanvaṃgī pārvatī rucirekṣaṇā|| ṛṣībhiḥ satkṛtaḥ śaṃbhuḥ pārvatyā sahitastadā

— सुकुमारी सुनयना पार्वती उन्हें प्यार से दुलारने लगीं। शंभु भी पार्वती सहित उस समय ऋषियों द्वारा सत्कारित हुए।

श्लोक 45 (skanda.1.30.45)

आर्यासनगता साध्वी शुशुभे मितभाषिणी॥ संस्तूयमाना मुनिभिः सिद्धचारणपन्नगैः

āryāsanagatā sādhvī śuśubhe mitabhāṣiṇī|| saṃstūyamānā munibhiḥ siddhacāraṇapannagaiḥ

पूजनीय आसन पर विराजमान वह साध्वी और मितभाषिणी देवी अत्यंत शोभायमान हो रही थीं, मुनियों, सिद्धों, चारणों और नागों द्वारा स्तुति की जाती हुई।

श्लोक 46 (skanda.1.30.46)

नीराजिता तदा देवैः पार्वती शंभुना सह॥ कुमारेण सहैवाथ शोममाना तदा सती

nīrājitā tadā devaiḥ pārvatī śaṃbhunā saha|| kumāreṇa sahaivātha śomamānā tadā satī

तब देवताओं ने शंभु सहित पार्वती की आरती उतारी; और कुमार सहित भी वह सती देवी उस समय अत्यंत शोभायमान हो रही थीं।

श्लोक 47 (skanda.1.30.47)

हिमालयस्तदागत्य पुत्रैश्च परिवारितः॥ मेर्वाद्यैः पर्वतैश्चैव स्तूयमानः परोऽभवत्

himālayastadāgatya putraiśca parivāritaḥ|| mervādyaiḥ parvataiścaiva stūyamānaḥ paro'bhavat

तब हिमालय अपने पुत्रों से घिरे हुए वहाँ आए, और मेरु आदि पर्वतों द्वारा स्तुति किए जाते हुए वे परम गौरवान्वित हुए।

श्लोक 48 (skanda.1.30.48)

तदा देवगणाः सर्व इन्द्राद्य ऋषिभिः सह॥ पुष्पवर्षेण महात ववर्षुरमितद्युतिम्॥ कुमारमग्रतः कृत्वा नीराजनपरा बभुः

tadā devagaṇāḥ sarva indrādya ṛṣibhiḥ saha|| puṣpavarṣeṇa mahāta vavarṣuramitadyutim|| kumāramagrataḥ kṛtvā nīrājanaparā babhuḥ

तब इंद्र आदि देवगण ऋषियों सहित उस अपार तेजस्वी कुमार पर पुष्पों की भारी वर्षा करने लगे; और कुमार को आगे रखकर वे सब उनकी आरती उतारने में तल्लीन हो गए।

श्लोक 49 (skanda.1.30.49)

गीतवादित्रघोषेण ब्रह्मघोषेण भूयसा॥ संस्तूयमानो विविधैः सूक्तैर्वेदविदां वरैः

gītavāditraghoṣeṇa brahmaghoṣeṇa bhūyasā|| saṃstūyamāno vividhaiḥ sūktairvedavidāṃ varaiḥ

गीत और वाद्यों के घोष तथा प्रचुर वेद-घोष के बीच, वेद के श्रेष्ठ ज्ञाताओं द्वारा विविध सूक्तों से उनकी स्तुति की गई।

श्लोक 50 (skanda.1.30.50)

कुमारविजयंनाम चरित्रं परमाद्भुतम्॥ सर्वपापहरं दिव्यं सर्वकामप्रदं नृणाम्

kumāravijayaṃnāma caritraṃ paramādbhutam|| sarvapāpaharaṃ divyaṃ sarvakāmapradaṃ nṛṇām

'कुमार-विजय' नामक यह परम अद्भुत चरित्र दिव्य है, समस्त पापों का नाशक है और मनुष्यों की सभी कामनाओं को पूर्ण करने वाला है।

श्लोक 51 (skanda.1.30.51)

ये कीर्त्तयंति शुचयोऽमितभाग्ययुक्ताश्चानंत्यरूपमजरामरमादधानाः॥ कौमारविक्रममहात्म्यमुदारमेतदानंददायकमनोर्थकरं नृणां हि

ye kīrttayaṃti śucayo'mitabhāgyayuktāścānaṃtyarūpamajarāmaramādadhānāḥ|| kaumāravikramamahātmyamudārametadānaṃdadāyakamanorthakaraṃ nṛṇāṃ hi

जो शुद्ध-हृदय और अपार सौभाग्य से युक्त पुरुष कुमार के इस उदार और महान् पराक्रम की कीर्ति गाते हैं और इस प्रकार अजर-अमर स्वरूप को धारण करते हैं, उनके लिए यह चरित्र आनंददायक और मनोरथ-पूरक ही सिद्ध होता है।

श्लोक 52 (skanda.1.30.52)

यः पठेच्छृणुयाद्वापि कुमारस्य महात्मनः॥ चरितं तारकाख्यं च सर्वपापैः समुच्यते

yaḥ paṭhecchṛṇuyādvāpi kumārasya mahātmanaḥ|| caritaṃ tārakākhyaṃ ca sarvapāpaiḥ samucyate

जो कोई महात्मा कुमार के इस तारक-नामक चरित्र को पढ़ता या सुनता भी है, वह समस्त पापों से मुक्त हो जाता है।