तारकासुर-देवेन्द्र युद्ध का आरंभ

श्लोक 1 (skanda.1.51.1)

॥ तारक उवाच॥ राज्येन बुद्बुदाभेन स्त्रीभिरक्षैश्च पानकैः॥ मोहितो जन्म लब्ध्वात्र त्यजते पौरुषं नरः

tāraka uvāca rājyena budbudābhena strībhirakṣaiśca pānakaiḥ mohito janma labdhvātra tyajate pauruṣaṁ naraḥ

तारक ने कहा — बुलबुले के समान क्षणभंगुर राज्य से, स्त्रियों, पासों और मद्यपान से मोहित होकर, मनुष्य जन्म पाकर भी अपने पौरुष को त्याग देता है।

श्लोक 2 (skanda.1.51.2)

जन्म तस्य वृथा सर्वमाकल्पांतं न संशयः

janma tasya vṛthā sarvamākalpāṁtaṁ na saṁśayaḥ

उसका सम्पूर्ण जन्म, कल्पांत तक, निःसंदेह व्यर्थ है।

श्लोक 3 (skanda.1.51.3)

मातापितृभ्यां न करोति कामान्बन्धूनशोकान्न करोति यो वा॥ कीर्तिं हि वा नार्जयते न मानं नरः स जातोऽपि मृतोऽत्र लोके

mātāpitṛbhyāṁ na karoti kāmānbandhūnaśokānna karoti yo vā kīrtiṁ hi vā nārjayate na mānaṁ naraḥ sa jāto'pi mṛto'tra loke

जो मनुष्य माता-पिता की इच्छाएँ पूर्ण नहीं करता, बंधुओं को शोक से मुक्त नहीं करता, न कीर्ति अर्जित करता है, न सम्मान — वह जन्म लेकर भी इस लोक में मृत के समान है।

श्लोक 4 (skanda.1.51.4)

तस्माज्जयायामरपुंगवानां त्रैलोक्यलक्ष्मीहरणाय शीघ्रम्॥ संयोज्यतां मे रथमष्टचक्रं बलं च मे दुर्जयदैत्यचक्रम्

tasmājjayāyāmarapuṁgavānāṁ trailokyalakṣmīharaṇāya śīghram saṁyojyatāṁ me rathamaṣṭacakraṁ balaṁ ca me durjayadaityacakram

इसलिए देवश्रेष्ठों पर विजय के लिए, त्रिलोक्य-लक्ष्मी के शीघ्र हरण के लिए, मेरा आठ पहियों वाला रथ जोता जाए, और मेरी सेना, दुर्जय दैत्य-चक्र —

श्लोक 5 (skanda.1.51.5)

ध्वजं च मे कांचनपट्टबन्धं छत्रं च मे मौक्तिकजालबद्धम्॥ अद्याहमासां सुरकामिनीनां धम्मील्लकांश्चाग्रथितान्करिष्ये

dhvajaṁ ca me kāṁcanapaṭṭabandhaṁ chatraṁ ca me mauktikajālabaddham adyāhamāsāṁ surakāminīnāṁ dhammīllakāṁścāgrathitānkariṣye

और मेरी ध्वजा स्वर्ण-पट्ट से बँधी हो, और मेरा छत्र मोतियों के जाल से गुँथा हो। आज मैं इन देव-कामिनियों के बँधे जूड़ों को खोल दूँगा —

श्लोक 6 (skanda.1.51.6)

यथा पुरा मर्कटको जनन्यास्तस्याश्च सत्येन तु तारकः स्याम्

yathā purā markaṭako jananyāstasyāśca satyena tu tārakaḥ syām

जैसे पूर्वकाल में [कोई दृष्टांत सत्य हुआ], वैसे ही अपनी माता के सत्य से मैं भी सचमुच तारक बनूँ।

श्लोक 7 (skanda.1.51.7)

॥नारद उवाच॥ तारकस्य वचः श्रुत्वा ग्रसनोनाम दानवः॥ सेनानीर्दैत्यराजस्य तथा चक्रेऽविलंबितम्

nārada uvāca tārakasya vacaḥ śrutvā grasanonāma dānavaḥ senānīrdaityarājasya tathā cakre'vilaṁbitam

नारद ने कहा — तारक का यह वचन सुनकर ग्रसन नामक दानव, दैत्यराज का सेनापति, तत्काल बिना विलंब कार्य में जुट गया।

श्लोक 8 (skanda.1.51.8)

आहत्य भेरीं गम्भीरां दैत्यानाहूय सत्वरः॥ सज्जं चक्रे रथं दैत्यो दैत्यराजस्य धीमतः

āhatya bherīṁ gambhīrāṁ daityānāhūya satvaraḥ sajjaṁ cakre rathaṁ daityo daityarājasya dhīmataḥ

गहरी भेरी बजाकर, शीघ्रता से दैत्यों को बुलाकर, उस दैत्य ने बुद्धिमान दैत्यराज के रथ को सज्जित किया,

श्लोक 9 (skanda.1.51.9)

गरुडानां सहस्रेण गरुडोपमितत्विषा॥ ते हि पुत्राः सुपर्णस्य संस्थिता मेरुकन्दरे

garuḍānāṁ sahasreṇa garuḍopamitatviṣā te hi putrāḥ suparṇasya saṁsthitā merukandare

सहस्र गरुड़ों सहित, गरुड़ के समान तेजस्वी — क्योंकि वे सुपर्ण के पुत्र थे, मेरु की कंदराओं में रहने वाले,

श्लोक 10 (skanda.1.51.10)

विजित्य दैत्यराजेन वाहनत्वे प्रकल्पिताः॥ अष्टाष्टचक्रः सरथश्चतुर्योजनविस्तृतः

vijitya daityarājena vāhanatve prakalpitāḥ aṣṭāṣṭacakraḥ sarathaścaturyojanavistṛtaḥ

दैत्यराज द्वारा जीते गए और उसके वाहन बनाए गए। वह रथ, आठ-आठ पहियों वाला, चार योजन विस्तृत,

श्लोक 11 (skanda.1.51.11)

नानाक्रीडागृहयुतो गीतवाद्यमनोहरः॥ गंधर्वनगराकारः संयुक्तः प्रत्यदृस्यत

nānākrīḍāgṛhayuto gītavādyamanoharaḥ gaṁdharvanagarākāraḥ saṁyuktaḥ pratyadṛsyata

विविध क्रीड़ा-गृहों से युक्त, गीत-वाद्य से मनोहर, गंधर्व-नगर के आकार वाला, संयुक्त होकर प्रकट हुआ।

श्लोक 12 (skanda.1.51.12)

आजग्मुस्तत्र दैत्याश्च दशा चंडपराक्रमाः॥ कोटिकोटिपरिवारा अन्ये च बहवो रणे

ājagmustatra daityāśca daśā caṁḍaparākramāḥ koṭikoṭiparivārā anye ca bahavo raṇe

और दस प्रचंडपराक्रमी दैत्य वहाँ आए, प्रत्येक करोड़ों अनुचरों से घिरे, और युद्ध में कई अन्य भी आए।

श्लोक 13 (skanda.1.51.13)

तेषामग्रेसरो जम्भः कुजम्भोनंतरस्तथा॥ महिषः कुञ्जरो मेषः कालनेमिर्निमिस्तथा

teṣāmagresaro jambhaḥ kujambhonaṁtarastathā mahiṣaḥ kuñjaro meṣaḥ kālanemirnimistathā

उनमें अग्रणी जंभ थे, फिर कुजंभ; महिष, कुंजर, मेष, कालनेमि, और वैसे ही निमि,

श्लोक 14 (skanda.1.51.14)

मथनो जंभकः शुम्भो दैत्येंद्रा दश नायकाः॥ दैत्येंद्रा गिरिवर्ष्माणः संति चंडपराक्रमाः

mathano jaṁbhakaḥ śumbho daityeṁdrā daśa nāyakāḥ daityeṁdrā girivarṣmāṇaḥ saṁti caṁḍaparākramāḥ

मथन, जंभक, शुंभ — ये दस दैत्येंद्र, नायक थे। पर्वत-सम काया वाले वे दैत्येंद्र प्रचंडपराक्रमी थे,

श्लोक 15 (skanda.1.51.15)

नानाविधप्रहरणा नानाशस्त्रास्त्रपारगाः॥ तारकस्याभवत्केतुर्बहूरूपो महाभयः

nānāvidhapraharaṇā nānāśastrāstrapāragāḥ tārakasyābhavatketurbahūrūpo mahābhayaḥ

अनेक प्रकार के आयुध धारण करने वाले, विविध शस्त्रास्त्रों में पारंगत। तारक की अपनी ध्वजा बहुरूपा, महाभयंकर थी —

श्लोक 16 (skanda.1.51.16)

क्वचिच्च राक्षसो घोरः पिशाचध्वांक्षगृध्रकः॥ एवं बहुविधाकारः स केतुः प्रत्यदृश्यत

kvacicca rākṣaso ghoraḥ piśācadhvāṁkṣagṛdhrakaḥ evaṁ bahuvidhākāraḥ sa ketuḥ pratyadṛśyata

कभी घोर राक्षस-रूप, कभी पिशाच, कौआ, गिद्ध — इस प्रकार अनेक विविध रूपों वाली वह ध्वजा प्रकट हुई।

श्लोक 17 (skanda.1.51.17)

केतुना मकरेणापि सेनानीर्ग्रसनो बभौ॥ पैशाचं यत्र वदनं जंभस्यासीदयस्मयम्

ketunā makareṇāpi senānīrgrasano babhau paiśācaṁ yatra vadanaṁ jaṁbhasyāsīdayasmayam

मकर-ध्वज सहित सेनापति ग्रसन शोभित हुआ; वहाँ जंभ का [ध्वज] लौह-निर्मित पिशाच-मुख वाला था,

श्लोक 18 (skanda.1.51.18)

खरो विधुतलांगूलः कुजम्भस्याभवद्ध्वजे॥ महिषस्य च गोमायुः कांतो हैमस्तथां बभौ

kharo vidhutalāṁgūlaḥ kujambhasyābhavaddhvaje mahiṣasya ca gomāyuḥ kāṁto haimastathāṁ babhau

कुजंभ की ध्वजा पर पूँछ हिलाता खर (गधा) था; महिष की ध्वजा पर सुंदर स्वर्णिम गोमायु (सियार) शोभित था,

श्लोक 19 (skanda.1.51.19)

गृध्रो वै कुंजरस्यासीन्मेषस्याभूच्च राक्षसः॥ कालनेमेर्महाकालो निमेरासीन्महातिमिः

gṛdhro vai kuṁjarasyāsīnmeṣasyābhūcca rākṣasaḥ kālanemermahākālo nimerāsīnmahātimiḥ

कुंजर की गिद्ध वाली, और मेष की राक्षस वाली थी; कालनेमि की महाकाल वाली, निमि की महातिमि वाली,

श्लोक 20 (skanda.1.51.20)

राक्षसी मथनस्यापि ध्वांक्षोऽभूज्जंभकस्य च॥ महावृकश्च शुम्भस्य ध्वजा एवंविधा बभुः

rākṣasī mathanasyāpi dhvāṁkṣo'bhūjjaṁbhakasya ca mahāvṛkaśca śumbhasya dhvajā evaṁvidhā babhuḥ

मथन की राक्षसी वाली, और जंभक की कौए वाली; शुंभ की महावृक (भेड़िया) वाली — ऐसी थीं उनकी ध्वजाएँ।

श्लोक 21 (skanda.1.51.21)

अनेकाकारविन्यासादन्येषां च ध्वजा भवन्॥ शतेन शीघ्रवेगानां व्याघ्राणां हेममालिनाम्

anekākāravinyāsādanyeṣāṁ ca dhvajā bhavan śatena śīghravegānāṁ vyāghrāṇāṁ hemamālinām

और अनेक भिन्न रचनाओं से अन्यों की भी ध्वजाएँ बनीं। सौ शीघ्रवेगी, स्वर्णमालाधारी बाघों से जुते ग्रसन के रथ,

श्लोक 22 (skanda.1.51.22)

ग्रसनस्य रथो युक्तो महामेघरवो बभौ॥ शतेन चापि सिंहानां रथो जंभस्य योजितः

grasanasya ratho yukto mahāmegharavo babhau śatena cāpi siṁhānāṁ ratho jaṁbhasya yojitaḥ

महामेघ के समान गरजते हुए शोभित हुए; और जंभ का रथ भी सौ सिंहों से जुता था।

श्लोक 23 (skanda.1.51.23)

कुजंभस्य रथो युक्तः पिशाचवदनैः खरैः॥ तावद्भिर्महिषस्योष्टैर्गजस्य च हयैर्युतः

kujaṁbhasya ratho yuktaḥ piśācavadanaiḥ kharaiḥ tāvadbhirmahiṣasyoṣṭairgajasya ca hayairyutaḥ

कुजंभ का रथ पिशाच-मुख वाले खरों से जुता था; महिष का उतने ही भैंसों से, और गज (कुंजर) का घोड़ों से युक्त था,

श्लोक 24 (skanda.1.51.24)

मेषस्य द्वीपिभिर्भीमैः कुञ्जरैः कालनेमिनः॥ पर्वतं वै समारूढो निश्चित्य विधृतं गजैः

meṣasya dvīpibhirbhīmaiḥ kuñjaraiḥ kālaneminaḥ parvataṁ vai samārūḍho niścitya vidhṛtaṁ gajaiḥ

मेष का भीषण द्वीपियों (चीतों) से, कालनेमि का हाथियों से; वह एक पर्वत पर आरूढ़ था, निश्चित रूप से हाथियों द्वारा धारण किया गया,

श्लोक 25 (skanda.1.51.25)

चतुर्दंष्ट्रैर्गंधवद्भिश्चर्भिर्मेघसन्निभैः॥ शतहस्तायते कृष्णे तुरंगे हेमभूषणे

caturdaṁṣṭrairgaṁdhavadbhiścarbhirmeghasannibhaiḥ śatahastāyate kṛṣṇe turaṁge hemabhūṣaṇe

चार दाँतों वाले, सुगंधित, मेघ-सन्निभ हाथियों से; सौ हाथ लंबे काले घोड़े पर, स्वर्ण से भूषित, वह दैत्येंद्र मथन...

श्लोक 26 (skanda.1.51.26)

सितचामरजालेन शोभिते पुष्पदामनि॥ मथनोनाम दैत्येन्द्रः पाशहस्तो व्यराजत

sitacāmarajālena śobhite puṣpadāmani mathanonāma daityendraḥ pāśahasto vyarājata

...श्वेत चामरों के जाल और पुष्पों की माला से सुशोभित, पाश-हस्त वह दैत्येंद्र मथन देदीप्यमान हुआ।

श्लोक 27 (skanda.1.51.27)

किंकिणीमालिनं चोष्ट्रमारूढोऽभूच्च जंभकः॥ कालमुंचं महामेघमारूढः शुम्भदानवः

kiṁkiṇīmālinaṁ coṣṭramārūḍho'bhūcca jaṁbhakaḥ kālamuṁcaṁ mahāmeghamārūḍhaḥ śumbhadānavaḥ

जंभक घंटियों की माला से सुसज्जित ऊँट पर सवार था; दानव शुंभ कालमुंच नामक महामेघ पर आरूढ़ था।

श्लोक 28 (skanda.1.51.28)

अन्ये च दानवा वीरा नानावाहनहेतयः॥ प्रचण्डचित्रवर्माणः कुण्डलोष्णीषभूषिताः

anye ca dānavā vīrā nānāvāhanahetayaḥ pracaṇḍacitravarmāṇaḥ kuṇḍaloṣṇīṣabhūṣitāḥ

और अन्य वीर दानव, विविध वाहनों के अस्त्र लिए, प्रचंड चित्रवर्म से सज्जित, कुंडल और उष्णीष से भूषित,

श्लोक 29 (skanda.1.51.29)

नानाविधोत्तरासंगा नानामाल्यविभूषणाः॥ नानासुगंधगंधाढ्या नानाबंधिशतस्तुताः

nānāvidhottarāsaṁgā nānāmālyavibhūṣaṇāḥ nānāsugaṁdhagaṁdhāḍhyā nānābaṁdhiśatastutāḥ

विविध उत्तरीय पहने, विविध मालाओं से सज्जित, विविध सुगंधों से समृद्ध, सैकड़ों विविध भाटों से स्तुत,

श्लोक 30 (skanda.1.51.30)

नानावाद्यपरिस्यंदसाग्रेसरमहारथाः॥ नानाशौर्यकथासक्तास्तस्मिन्सैन्ये महारथाः

nānāvādyaparisyaṁdasāgresaramahārathāḥ nānāśauryakathāsaktāstasminsainye mahārathāḥ

विविध वाद्यों के परिजनों से अग्रगामी महारथों वाले, विविध शौर्य-कथाओं में लीन वे महारथी उस सेना में —

श्लोक 31 (skanda.1.51.31)

तद्बलं दैत्यसिंहस्य भीमरूपं व्यदृश्यत॥ भूमिरेणुसमालिंगत्तुरंगरथपत्तिकम्

tadbalaṁ daityasiṁhasya bhīmarūpaṁ vyadṛśyata bhūmireṇusamāliṁgatturaṁgarathapattikam

उस दैत्य-सिंह की भीमरूप सेना दिखाई दी; पृथ्वी की धूल घोड़ों, रथों और पैदल सेना से लिपट गई।

श्लोक 32 (skanda.1.51.32)

स च दैत्येश्वरः क्रुद्धः समारूढो महारथम्॥ दशभिः शुशुबे दैत्यैर्दशबाहुरिवेश्वरः॥ जगद्धंतुं प्रवृत्तो वा प्रतस्थेऽसौ सुरान्प्रति

sa ca daityeśvaraḥ kruddhaḥ samārūḍho mahāratham daśabhiḥ śuśube daityairdaśabāhuriveśvaraḥ jagaddhaṁtuṁ pravṛtto vā pratasthe'sau surānprati

और वह दैत्येश्वर, क्रुद्ध होकर, अपने महारथ पर आरूढ़ होकर, अपने दस दैत्यों सहित, दशबाहु ईश्वर के समान शोभित हुआ; मानो जगत् का संहार करने के लिए प्रवृत्त होकर वह देवताओं के विरुद्ध चल पड़ा।

श्लोक 33 (skanda.1.51.33)

एतस्मिन्नंतरे वायुर्देवदूतः सुरालयम्॥ दृष्ट्वा तद्दानव बलं जगामेंद्रस्य शंसितुम्

etasminnaṁtare vāyurdevadūtaḥ surālayam dṛṣṭvā taddānava balaṁ jagāmeṁdrasya śaṁsitum

इसी बीच देवदूत वायु, उस दानव-सेना को देखकर, इंद्र को बताने के लिए देवलोक को गया।

श्लोक 34 (skanda.1.51.34)

स गत्वा तु सभां दिव्यां महेंद्रस्य महात्मनः॥ शशंस मध्ये देवानामिदं कार्यमुपस्थितम्

sa gatvā tu sabhāṁ divyāṁ maheṁdrasya mahātmanaḥ śaśaṁsa madhye devānāmidaṁ kāryamupasthitam

उस महात्मा महेंद्र की दिव्य सभा में जाकर उसने देवताओं के मध्य यह उपस्थित कार्य बताया।

श्लोक 35 (skanda.1.51.35)

तच्छ्रुत्वा देवराजः स निमीलितविलोचनः॥ बृहस्पतिमुवाचेदं वाक्यं काले महामतिः

tacchrutvā devarājaḥ sa nimīlitavilocanaḥ bṛhaspatimuvācedaṁ vākyaṁ kāle mahāmatiḥ

यह सुनकर देवराज, नेत्र मूँदकर विचार करते हुए, वह महामति, समय पर बृहस्पति से यह वचन कहने लगा —

श्लोक 36 (skanda.1.51.36)

॥इन्द्र उवाच॥ संप्राप्तोऽतिविमर्दोऽयं देवानां दानवैः सह॥ कार्यं किमत्र तद्ब्रुहि नीत्युपायोपबृंहितम्

indra uvāca saṁprāpto'tivimardo'yaṁ devānāṁ dānavaiḥ saha kāryaṁ kimatra tadbruhi nītyupāyopabṛṁhitam

'इंद्र ने कहा — देवताओं का दानवों के साथ यह अत्यंत विकट संघर्ष आ पहुँचा है; हे नीतिज्ञ, यहाँ क्या करना चाहिए, यह मुझे बताओ।'

श्लोक 37 (skanda.1.51.37)

एतच्छ्रुत्वा च वचनं महेंद्रस्य गिरांपतिः॥ प्रत्युवाच महाभागो बॉहस्पति रुदारधीः

etacchrutvā ca vacanaṁ maheṁdrasya girāṁpatiḥ pratyuvāca mahābhāgo baॉhaspati rudāradhīḥ

महेंद्र के इस वचन को सुनकर वह गिरांपति, महाभाग, उदारबुद्धि बृहस्पति, तब बोले —

श्लोक 38 (skanda.1.51.38)

॥बृहस्पतिरुवाच॥ सामपूर्वं स्मृता नीतिश्चतुरंगामनीकिनीम्॥ जिगीषतां सुरश्रेष्ठ स्थितिरेषा सनातनी

bṛhaspatiruvāca sāmapūrvaṁ smṛtā nītiścaturaṁgāmanīkinīm jigīṣatāṁ suraśreṣṭha sthitireṣā sanātanī

'बृहस्पति ने कहा — हे देवश्रेष्ठ, विजय की इच्छा रखने वालों के लिए, चतुरंगिणी सेना के साथ, नीति साम से आरंभ होती स्मृत है; यह सनातन व्यवस्था है।'

श्लोक 39 (skanda.1.51.39)

साम दानं च भेदश्च चतुर्थो दंड एव च॥ नीतौ क्रमात्प्रयोज्याश्च देशकालविशेषतः

sāma dānaṁ ca bhedaśca caturtho daṁḍa eva ca nītau kramātprayojyāśca deśakālaviśeṣataḥ

'साम, दान, भेद, और चौथा दंड — ये नीति में क्रमशः देश-काल-विशेष के अनुसार प्रयोग करने चाहिए।'

श्लोक 40 (skanda.1.51.40)

तत्र साम प्रयोक्तव्यमार्येषु गुणवत्सु च॥ दानं लुब्धेषु भेदश्च शंकितोष्वितो निश्चयः

tatra sāma prayoktavyamāryeṣu guṇavatsu ca dānaṁ lubdheṣu bhedaśca śaṁkitoṣvito niścayaḥ

'इनमें साम आर्य और गुणवानों पर प्रयोग करना चाहिए; दान लोभियों पर; भेद शंकितों पर — यह मेरा निश्चय है।'

श्लोक 41 (skanda.1.51.41)

दण्डश्चापि प्रयोक्तव्यो नित्यकालं दुरात्मसु॥ साम दैत्येषु नैवास्ति निर्गुणत्वाद्दुरात्मसु

daṇḍaścāpi prayoktavyo nityakālaṁ durātmasu sāma daityeṣu naivāsti nirguṇatvāddurātmasu

'और दंड सदा दुरात्माओं पर प्रयोग करना चाहिए। दैत्यों में तो साम है ही नहीं, क्योंकि वे स्वभाव से निर्गुण दुरात्मा हैं —'

श्लोक 42 (skanda.1.51.42)

श्रिया तेषां च किं कार्यं समृद्धानां तथापि यत्॥ जातिधर्मेण चाभेद्या विधातुरपि ते मताः

śriyā teṣāṁ ca kiṁ kāryaṁ samṛddhānāṁ tathāpi yat jātidharmeṇa cābhedyā vidhāturapi te matāḥ

'और समृद्ध होते हुए भी उन्हें श्री से क्या प्रयोजन? अपने जातिधर्म से वे विधाता द्वारा भी अभेद्य माने गए हैं।'

श्लोक 43 (skanda.1.51.43)

एको ह्युपायो दंडोऽत्र भवतां यदि रोचते॥ दुर्जनः सुजनत्वाय कल्पते न कदाचन

eko hyupāyo daṁḍo'tra bhavatāṁ yadi rocate durjanaḥ sujanatvāya kalpate na kadācana

'यहाँ एक ही उपाय है, दंड, यदि आपको रुचिकर हो; दुर्जन कभी भी सज्जनता के योग्य नहीं बनता।'

श्लोक 44 (skanda.1.51.44)

लालितः पालितो वापि स्वस्वभावं न मुंचति॥ एवं मे मन्यते बुद्धिर्भवंतो यद्व्यवस्यताम्

lālitaḥ pālito vāpi svasvabhāvaṁ na muṁcati evaṁ me manyate buddhirbhavaṁto yadvyavasyatām

'चाहे लालित हो या पालित, वह अपना स्वभाव नहीं छोड़ता। मेरी यही बुद्धि है — जो आप सब निश्चय करें, करें।'

श्लोक 45 (skanda.1.51.45)

एवमुक्तः सहस्राक्ष एवमेवेत्युवाच ह॥ कर्तव्यतां च संचिंत्य प्रोवाचामरसंसदि

evamuktaḥ sahasrākṣa evamevetyuvāca ha kartavyatāṁ ca saṁciṁtya provācāmarasaṁsadi

ऐसा कहे जाने पर सहस्राक्ष ने 'ऐसा ही हो' कहा, और करणीय कार्य पर विचार कर देवताओं की सभा में बोला —

श्लोक 46 (skanda.1.51.46)

बहुमानेन मे वाचं श्रृणुध्वं नाकवासिनः

bahumānena me vācaṁ śrṛṇudhvaṁ nākavāsinaḥ

'हे नाकवासियो, आदरपूर्वक मेरा वचन सुनो।'

श्लोक 47 (skanda.1.51.47)

भवंतो यज्ञभोक्तारः सतामिष्टाश्च सात्त्विकाः॥ स्वेस्वे पदे स्थिता नित्यं जगतः पालने रताः

bhavaṁto yajñabhoktāraḥ satāmiṣṭāśca sāttvikāḥ svesve pade sthitā nityaṁ jagataḥ pālane ratāḥ

'आप यज्ञभोक्ता हैं, सज्जनों के प्रिय, सात्त्विक स्वभाव वाले, सदा अपने-अपने पद पर स्थित, जगत् के पालन में रत।'

श्लोक 48 (skanda.1.51.48)

भवतां च निमित्तेन बाधंते दानवेश्वराः॥ तेषां समादि नैवास्ति दंड एव विधीयताम्

bhavatāṁ ca nimittena bādhaṁte dānaveśvarāḥ teṣāṁ samādi naivāsti daṁḍa eva vidhīyatām

'और आप ही के निमित्त से दानवेश्वर [जगत् को] पीड़ित करते हैं; उनसे कोई मेल नहीं — केवल दंड ही विधान किया जाए।'

श्लोक 49 (skanda.1.51.49)

क्रियतां समरे बुद्धिः सैन्यं संयोज्यतामिति॥ आवाद्यंतां च शस्त्राणि पूज्यं तां शस्त्रदेवताः

kriyatāṁ samare buddhiḥ sainyaṁ saṁyojyatāmiti āvādyaṁtāṁ ca śastrāṇi pūjyaṁ tāṁ śastradevatāḥ

'युद्ध की रणनीति बनाई जाए; सेना संगठित की जाए। शस्त्र बजाए जाएँ, और शस्त्र-देवताओं की पूजा की जाए।'

श्लोक 50 (skanda.1.51.50)

इत्युक्ताः समनह्यंत देवानां ये प्रधानतः॥ वाजिनामयुतेनाजौ हेमपट्टपरिष्कृताः

ityuktāḥ samanahyaṁta devānāṁ ye pradhānataḥ vājināmayutenājau hemapaṭṭapariṣkṛtāḥ

ऐसा कहे जाने पर प्रधान देवगण सन्नद्ध हुए; दस हज़ार स्वर्ण-पट्ट से सुसज्जित घोड़ों के साथ,

श्लोक 51 (skanda.1.51.51)

वाहनानि विमानानि योजयंतु ममामराः॥ यमं सेनापतिं कृत्वा शीघ्रं निर्यात देवताः

vāhanāni vimānāni yojayaṁtu mamāmarāḥ yamaṁ senāpatiṁ kṛtvā śīghraṁ niryāta devatāḥ

'अमरगण मेरे लिए अपने वाहन और विमान जोड़ें। यम को सेनापति बनाकर, हे देवो, शीघ्र प्रस्थान करो।'

श्लोक 52 (skanda.1.51.52)

नानाश्चर्यगुणोपेता दुर्जया देवदानवैः॥ रथो मातलिना युक्तो महेंद्रस्याप्यदृश्यत

nānāścaryaguṇopetā durjayā devadānavaiḥ ratho mātalinā yukto maheṁdrasyāpyadṛśyata

अनेक अद्भुत गुणों से युक्त, देव-दानवों के लिए दुर्जय, महेंद्र का अपना रथ भी, मातलि द्वारा जुता हुआ, प्रकट हुआ।

श्लोक 53 (skanda.1.51.53)

यमो महिषमास्थाय सेनाग्रे समवर्तत॥ चंडकिंकिणिवृंदेन सर्वतः परिवारितः

yamo mahiṣamāsthāya senāgre samavartata caṁḍakiṁkiṇivṛṁdena sarvataḥ parivāritaḥ

यम, महिष पर आरूढ़ होकर, सेना के अग्रभाग में स्थित हुआ, चारों ओर से प्रचंड घंटियों के समूह से घिरा हुआ,

श्लोक 54 (skanda.1.51.54)

कल्पकालोज्जवालापूरितांबरगोचरः॥ हुताश उरणारूढः शक्तिहस्तो व्यवस्थितः

kalpakālojjavālāpūritāṁbaragocaraḥ hutāśa uraṇārūḍhaḥ śaktihasto vyavasthitaḥ

आकाश प्रलयकालीन ज्वाला से आपूरित प्रतीत होता था। अग्नि, मेष पर आरूढ़, हाथ में शक्ति लिए स्थित हुआ,

श्लोक 55 (skanda.1.51.55)

पवनोंऽकुशपाणिस्तु विस्तारितमहाजवः॥ महाऋक्षं समारूढं सेनाग्रे समदृश्यत

pavanoṁ'kuśapāṇistu vistāritamahājavaḥ mahāṛkṣaṁ samārūḍhaṁ senāgre samadṛśyata

और वायु, हाथ में अंकुश लिए, विस्तृत महावेग वाला, महाऋक्ष (महाभालू) पर आरूढ़, सेना के अग्रभाग में दिखाई दिया।

श्लोक 56 (skanda.1.51.56)

भुजगेन्द्रं समारूढो जलेशो भगवान्स्वयम्॥ महापाशधरो वीरः सेनायां समवर्तत

bhujagendraṁ samārūḍho jaleśo bhagavānsvayam mahāpāśadharo vīraḥ senāyāṁ samavartata

भुजगेंद्र पर आरूढ़ भगवान जलेश स्वयं, महापाशधारी वीर, सेना में स्थित हुआ।

श्लोक 57 (skanda.1.51.57)

नरयुक्ते रथे दिव्ये धनाध्यक्षो व्यचीचरत्॥ महासिंहरवो युद्धे गदाहस्तो व्यवस्थितः

narayukte rathe divye dhanādhyakṣo vyacīcarat mahāsiṁharavo yuddhe gadāhasto vyavasthitaḥ

मनुष्यों से जुते दिव्य रथ में धनाध्यक्ष विचरण करने लगे; युद्ध में महासिंहनाद करते हुए, गदा हाथ में लिए, वे स्थित हुए।

श्लोक 58 (skanda.1.51.58)

राक्षसेशोऽथ निर्ऋती रथे रक्षोमुखैर्हयैः॥ धन्वी रक्षोगणवृतो महारावो व्यदृश्यत

rākṣaseśo'tha nirṛtī rathe rakṣomukhairhayaiḥ dhanvī rakṣogaṇavṛto mahārāvo vyadṛśyata

राक्षसेश निर्ऋति, राक्षस-मुख वाले घोड़ों से युक्त रथ में, धनुर्धारी, राक्षस-गणों से घिरा, महारव करता हुआ दिखाई दिया।

श्लोक 59 (skanda.1.51.59)

चंद्रादित्यावश्विनौ च वसवः साध्यदेवताः॥ विश्वेदेवाश्च रुद्राश्च सन्नद्धास्तस्थुराहवे

caṁdrādityāvaśvinau ca vasavaḥ sādhyadevatāḥ viśvedevāśca rudrāśca sannaddhāstasthurāhave

चंद्र-सूर्य, दोनों अश्विनीकुमार, वसुगण, साध्य देवता, विश्वेदेव और रुद्रगण — सभी उस युद्ध में सन्नद्ध होकर खड़े हुए।

श्लोक 60 (skanda.1.51.60)

हेमपीठत्तरासंगाश्चित्रवर्मायुधध्वजाः॥ गंधर्वाः प्रत्यदृश्यन्त कृत्वा विश्वावसुं मुखे

hemapīṭhattarāsaṁgāścitravarmāyudhadhvajāḥ gaṁdharvāḥ pratyadṛśyanta kṛtvā viśvāvasuṁ mukhe

स्वर्ण-आसनों और उत्तरीयों सहित, चित्रवर्ण-आयुध-ध्वजों सहित, विश्वावसु को अग्र मानकर गंधर्व प्रकट हुए।

श्लोक 61 (skanda.1.51.61)

तथा रक्तोत्तरासंगा निर्मलायोविभूषणाः॥ गृध्रध्वजा अदृश्यंत राक्षसा रक्तमूर्धजाः

tathā raktottarāsaṁgā nirmalāyovibhūṣaṇāḥ gṛdhradhvajā adṛśyaṁta rākṣasā raktamūrdhajāḥ

वैसे ही रक्त-उत्तरीय, निर्मल लौह-आभूषणों से सज्जित, गिद्ध-ध्वजाधारी, रक्त-केश वाले राक्षस दिखाई दिए।

श्लोक 62 (skanda.1.51.62)

तथा भीमाशनिकराः कृष्णवस्त्रा महारथाः॥ यक्षास्तत्र व्यदृश्यंत मणिभद्रादिकोटिशः

tathā bhīmāśanikarāḥ kṛṣṇavastrā mahārathāḥ yakṣāstatra vyadṛśyaṁta maṇibhadrādikoṭiśaḥ

वैसे ही भयंकर वज्र-सम शस्त्र हाथों में लिए, काले वस्त्र पहने महारथी यक्ष वहाँ करोड़ों की संख्या में दिखाई दिए, मणिभद्र आदि सहित।

श्लोक 63 (skanda.1.51.63)

ताम्रोलूकध्वजा रौद्रा द्वीपिचर्मांबरास्तथा॥ पिशाचास्तत्र राजंते महावेगपुरःसराः

tāmrolūkadhvajā raudrā dvīpicarmāṁbarāstathā piśācāstatra rājaṁte mahāvegapuraḥsarāḥ

ताम्रवर्ण उल्लू-ध्वजाधारी, रौद्र, द्वीपि-चर्मांबरधारी पिशाच वहाँ महावेग से अग्रगामी होकर शोभित हुए।

श्लोक 64 (skanda.1.51.64)

तथैव श्वेतवसनाः सितपट्टपताकिनः॥ मत्तेभवाहनप्रायाः किंनरास्तस्थुराहवे

tathaiva śvetavasanāḥ sitapaṭṭapatākinaḥ mattebhavāhanaprāyāḥ kiṁnarāstasthurāhave

वैसे ही श्वेत वस्त्र पहने, श्वेत-पट्ट पताकाधारी, प्रायः मत्त हाथियों पर सवार किन्नर युद्ध के लिए खड़े हुए।

श्लोक 65 (skanda.1.51.65)

मुक्ताजाल पिरष्कारो हंसो हारसमप्रभः॥ केतुर्जलधिनाथस्य सौम्यरूपो व्यराजत

muktājāla piraṣkāro haṁso hārasamaprabhaḥ keturjaladhināthasya saumyarūpo vyarājata

मोतियों के जाल से सज्जित, हार के समान प्रभावाला हंस, जलधिनाथ (वरुण) की सौम्य ध्वजा शोभित हुई।

श्लोक 66 (skanda.1.51.66)

पंचरागमहारत्नविटंको धनदस्य च॥ ध्वजः समुत्थितो भाति यातुकाम इवांबरम्

paṁcarāgamahāratnaviṭaṁko dhanadasya ca dhvajaḥ samutthito bhāti yātukāma ivāṁbaram

पंचरत्नों के महारत्नमय शिखर से युक्त धनद (कुबेर) की ध्वजा उठी, मानो आकाश में उड़ना चाहती हो।

श्लोक 67 (skanda.1.51.67)

कार्ष्णलोहमयो ध्वांक्षो यमस्याभून्महाध्वजः॥ राक्षसेशस्य वदनं प्रेतस्य ध्वज आबभौ

kārṣṇalohamayo dhvāṁkṣo yamasyābhūnmahādhvajaḥ rākṣaseśasya vadanaṁ pretasya dhvaja ābabhau

यम की महाध्वजा काले लोहे का कौआ थी; राक्षसेश की ध्वजा प्रेत के मुख से शोभित हुई।

श्लोक 68 (skanda.1.51.68)

हेमसिंहध्वजौ देवौ चन्द्रार्कवमितद्युति॥ कुंभेन चित्रवर्णेन केतुराश्विनयोरभूत्

hemasiṁhadhvajau devau candrārkavamitadyuti kuṁbhena citravarṇena keturāśvinayorabhūt

उन दोनों देवों (चंद्र-सूर्य) की ध्वजाएँ स्वर्ण-सिंह की थीं, चंद्र-सूर्य के समान द्युति वाली; अश्विनीकुमारों की ध्वजा चित्रवर्ण कुंभ की थी।

श्लोक 69 (skanda.1.51.69)

मातंगो हेमरचितश्चित्ररत्नपरिष्कृतः॥ ध्वजः शतक्रतोरासीत्सितचा मरसंस्थितः

mātaṁgo hemaracitaścitraratnapariṣkṛtaḥ dhvajaḥ śatakratorāsītsitacā marasaṁsthitaḥ

स्वर्ण-रचित हाथी, चित्ररत्नों से सज्जित, शतक्रतु (इंद्र) की ध्वजा थी, श्वेत चामरों से युक्त।

श्लोक 70 (skanda.1.51.70)

अन्येषां च ध्वजास्तत्र नानारूपा बभू रणे॥ सनागयक्षगंधर्वमहोरगनिशाचरा

anyeṣāṁ ca dhvajāstatra nānārūpā babhū raṇe sanāgayakṣagaṁdharvamahoraganiśācarā

और वहाँ युद्ध में अन्यों की भी ध्वजाएँ अनेक विविध रूपों वाली थीं — नाग, यक्ष, गंधर्व, महोरग और निशाचरों की।

श्लोक 71 (skanda.1.51.71)

सेना सा देवराजस्य दुर्जया प्रत्यदृश्यत॥ कोटयस्तास्त्रयस्त्रिंशन्नानादेवकायिनाम्

senā sā devarājasya durjayā pratyadṛśyata koṭayastāstrayastriṁśannānādevakāyinām

देवराज की वह सेना दुर्जय दिखाई दी; देवताओं के विविध रूपों के तैंतीस करोड़,

श्लोक 72 (skanda.1.51.72)

हैमाचलाभे सितकर्णचामरे सुवर्णपद्मामलसुंदरस्रजि॥ कृताभिरामोज्ज्वलकुंकुमांकुरे कपोललीताविविमुक्तरावे

haimācalābhe sitakarṇacāmare suvarṇapadmāmalasuṁdarasraji kṛtābhirāmojjvalakuṁkumāṁkure kapolalītāvivimuktarāve

स्वर्णाचल के समान, श्वेत कर्ण-चामर वाले, स्वर्ण-कमलों की निर्मल सुंदर माला वाले, कपोलों पर सुंदर उज्ज्वल कुंकुम-अंकुर वाले, मदजल बहाते हुए —

श्लोक 73 (skanda.1.51.73)

श्रितस्तदैरावणनामकुंजरे महाबलश्चित्रविशेषितांबरः॥ विशालवज्रांगवितानभूषितः प्रकीर्णकेयूरभुजाग्रमंडलः

śritastadairāvaṇanāmakuṁjare mahābalaścitraviśeṣitāṁbaraḥ viśālavajrāṁgavitānabhūṣitaḥ prakīrṇakeyūrabhujāgramaṁḍalaḥ

उस ऐरावत नामक गजराज पर आरूढ़, महाबली, विविध चित्रवर्ण वस्त्रों से सज्जित, विशाल वज्रांग-समूह से भूषित, भुजाओं के अग्रभाग बिखरे केयूरों से मंडित —

श्लोक 74 (skanda.1.51.74)

सहस्रदृग्बंदिसहस्रसंस्तुतस्त्रिविष्टपेऽशोभत पाकशासनः

sahasradṛgbaṁdisahasrasaṁstutastriviṣṭape'śobhata pākaśāsanaḥ

सहस्र नेत्रों वाला, सहस्र भाटों से स्तुत, पाकशासन (इंद्र) त्रिविष्टप में शोभित हुआ।