तारकसैन्य और देवसैन्य का युद्ध

श्लोक 1 (skanda.1.53.1)

॥नारद उवाच॥ धनाधिपस्य जंभेन सायकैर्मर्मभेदिभिः॥ दिशोपरुद्धाः क्रुद्धेन सैन्यं चाभ्यर्दितं भृशम्

nārada uvāca dhanādhipasya jaṁbhena sāyakairmarmabhedibhiḥ diśoparuddhāḥ kruddhena sainyaṁ cābhyarditaṁ bhṛśam

नारद ने कहा — जंभ के मर्मभेदी बाणों से दिशाएँ अवरुद्ध हो गईं, और क्रुद्ध होकर उसने धनाधिप की सेना को अत्यंत पीड़ित किया।

श्लोक 2 (skanda.1.53.2)

तद्दृष्ट्वा कर्म दैत्यस्य धनाध्यक्षः प्रतापवान्॥ आकर्णाकृष्टचापस्तु जंभमाजौ महाबलम्

taddṛṣṭvā karma daityasya dhanādhyakṣaḥ pratāpavān ākarṇākṛṣṭacāpastu jaṁbhamājau mahābalam

उस दैत्य के इस कृत्य को देखकर प्रतापवान धनाध्यक्ष ने, अपना धनुष कान तक खींचकर, युद्ध में महाबली जंभ को [आहत किया],

श्लोक 3 (skanda.1.53.3)

हृदि विव्याध बाणानां सहस्रेणाग्निवर्चसाम्॥ स प्रहस्य ततो वीरो बाणानामयुतत्रयम्

hṛdi vivyādha bāṇānāṁ sahasreṇāgnivarcasām sa prahasya tato vīro bāṇānāmayutatrayam

उसकी छाती को अग्नि के समान तेजस्वी सहस्र बाणों से बींध दिया। फिर, हँसते हुए, उस वीर ने तीस हज़ार बाण,

श्लोक 4 (skanda.1.53.4)

नियुतं च तथा कोटिमर्बुदं चाक्षिपत्क्षणात्॥ तस्य तल्लाघ्रवं दृषट्वा क्रुद्धो गृह्य महागदाम्

niyutaṁ ca tathā koṭimarbudaṁ cākṣipatkṣaṇāt tasya tallāghravaṁ dṛṣaṭvā kruddho gṛhya mahāgadām

और फिर दस लाख, करोड़, और अर्बुद (सौ करोड़) बाण एक क्षण में छोड़े। उसकी इस फुर्ती को देखकर क्रुद्ध होकर, महागदा लेकर,

श्लोक 5 (skanda.1.53.5)

धनाध्यक्षः प्रचिक्षेप स्वर्गेप्सुः स्वधनं यथा॥ मुक्तायां वै नादोऽभूत्प्रलये यथा

dhanādhyakṣaḥ pracikṣepa svargepsuḥ svadhanaṁ yathā muktāyāṁ vai nādo'bhūtpralaye yathā

धनाध्यक्ष ने उसे फेंका, जैसे कोई स्वर्ग-इच्छुक अपने धन को [यज्ञ में] अर्पित करता है। छूटने पर उसकी वैसी ही ध्वनि हुई जैसी प्रलय में होती है,

श्लोक 6 (skanda.1.53.6)

भूतानां बहुधा रावा जज्ञिरे खे महाभयाः॥ वायुश्च सुमहाञ्जज्ञे खमायान्मेघसंकुलम्

bhūtānāṁ bahudhā rāvā jajñire khe mahābhayāḥ vāyuśca sumahāñjajñe khamāyānmeghasaṁkulam

और आकाश में प्राणियों के अनेक भयंकर स्वर उत्पन्न हुए; और एक अत्यंत महान वायु उठा, और आकाश मेघों से भर गया।

श्लोक 7 (skanda.1.53.7)

सा हि वैश्रवणस्यास्ते त्रैलोक्याभ्यर्चिता गदा॥ आयांतीं तां समालोक्य तडित्संघातदुर्द्दशाम्

sā hi vaiśravaṇasyāste trailokyābhyarcitā gadā āyāṁtīṁ tāṁ samālokya taḍitsaṁghātadurddaśām

क्योंकि वह गदा वैश्रवण (कुबेर) की है, त्रिलोक्य द्वारा पूजित। बिजलियों के समूह के समान दुर्दृश्य उसे आते देखकर,

श्लोक 8 (skanda.1.53.8)

दैत्यो गदाविघातार्थं शस्त्रवृष्टिं मुमोच ह॥ चक्राणि कुणपान्प्रासाञ्छतघ्नीः पट्टिशांस्तथा

daityo gadāvighātārthaṁ śastravṛṣṭiṁ mumoca ha cakrāṇi kuṇapānprāsāñchataghnīḥ paṭṭiśāṁstathā

उस दैत्य ने गदा को रोकने के लिए शस्त्रों की वृष्टि छोड़ी — चक्र, कुणप, प्रास, शतघ्नी, और पट्टिश,

श्लोक 9 (skanda.1.53.9)

परिघान्मुशलान्वृक्षान्गिरींश्चातुलविक्रमः॥ कदर्थीकृत्य शस्त्राणि तानि सर्वाणि सा गदा

parighānmuśalānvṛkṣāngirīṁścātulavikramaḥ kadarthīkṛtya śastrāṇi tāni sarvāṇi sā gadā

परिघ, मूसल, वृक्ष, और पर्वत, अतुल-विक्रम; परंतु उस गदा ने उन सभी शस्त्रों को निरर्थक बनाकर,

श्लोक 10 (skanda.1.53.10)

कल्पांतभास्करो यद्वन्न्यपतद्दैत्यवक्षसि॥ स तया गाढभिन्नः सन्सफेनरुधिरं वमन्

kalpāṁtabhāskaro yadvannyapataddaityavakṣasi sa tayā gāḍhabhinnaḥ sansaphenarudhiraṁ vaman

कल्पांत-सूर्य के समान, दैत्य की छाती पर गिरी। वह उससे गहरा विदीर्ण होकर, झागयुक्त रक्त वमन करते हुए,

श्लोक 11 (skanda.1.53.11)

निःपपात रथाज्जंभो वसुधां गतचेतनः॥ जंभं निपतितं दृष्ट्वा कुजंभो घोरनिश्चयः

niḥpapāta rathājjaṁbho vasudhāṁ gatacetanaḥ jaṁbhaṁ nipatitaṁ dṛṣṭvā kujaṁbho ghoraniścayaḥ

अपने रथ से गिर पड़ा, जंभ, चेतनाहीन होकर, पृथ्वी पर। जंभ को गिरा देख कुजंभ, घोर निश्चय वाला,

श्लोक 12 (skanda.1.53.12)

धनाधिपस्य संक्रुद्धो नादेनापूरयन्दिशः॥ चक्रे बाणमयं जालं शकुंतस्येव पंजरम्

dhanādhipasya saṁkruddho nādenāpūrayandiśaḥ cakre bāṇamayaṁ jālaṁ śakuṁtasyeva paṁjaram

धनाधिप पर अत्यंत क्रुद्ध होकर, दिशाओं को अपने नाद से भरते हुए, उसने बाणों का जाल बनाया, पक्षी के पिंजरे के समान।

श्लोक 13 (skanda.1.53.13)

विच्छिद्य बाणजालं च मायाजालमिवोत्कटम्॥ मुमोच बाणानपरांस्तस्य यक्षाधिपो बली

vicchidya bāṇajālaṁ ca māyājālamivotkaṭam mumoca bāṇānaparāṁstasya yakṣādhipo balī

उस बाण-जाल को, प्रचंड माया-जाल के समान, छिन्न-भिन्न करते हुए उस बली यक्षाधिप ने अन्य बाण छोड़े;

श्लोक 14 (skanda.1.53.14)

चिच्छेद लीलया तांश्च दैत्यः क्रोधीव सद्वचः॥ निष्फलांस्तांस्ततो दृष्ट्वा बाणान्क्रुद्धो धनाधिपः

ciccheda līlayā tāṁśca daityaḥ krodhīva sadvacaḥ niṣphalāṁstāṁstato dṛṣṭvā bāṇānkruddho dhanādhipaḥ

उस दैत्य ने, मानो सद्वचन से क्रुद्ध होकर, उन्हें सहजता से काट डाला। उन बाणों को निष्फल देखकर धनाधिप, क्रुद्ध होकर,

श्लोक 15 (skanda.1.53.15)

शक्तिं जग्राह दुर्धर्षां शतघंटामहास्वनाम्॥ प्रेषिता सा तदा शक्तिर्दारयामास तं हृति

śaktiṁ jagrāha durdharṣāṁ śataghaṁṭāmahāsvanām preṣitā sā tadā śaktirdārayāmāsa taṁ hṛti

एक दुर्धर्ष शक्ति ग्रहण की, सौ घंटियों वाली, महाध्वनि वाली। वह शक्ति, तब फेंकी जाकर, उसके हृदय को विदीर्ण कर गई,

श्लोक 16 (skanda.1.53.16)

यथाल्पबोधं पुरुषं दुःखं संसारसंभवम्॥ तथास्य हृदयं भित्त्वा जगाम धरणीतलम्

yathālpabodhaṁ puruṣaṁ duḥkhaṁ saṁsārasaṁbhavam tathāsya hṛdayaṁ bhittvā jagāma dharaṇītalam

जैसे संसार से उत्पन्न दुःख अल्पबोध मनुष्य के हृदय को [विदीर्ण करता है]; उसी प्रकार उसका हृदय भेदकर वह पृथ्वीतल तक चली गई।

श्लोक 17 (skanda.1.53.17)

निमेषात्सोभिसंस्तम्भ्य दानवो दारुणाकृतिः॥ जग्राह पट्टिशं दैत्यो गिरीणामपि भेदनम्

nimeṣātsobhisaṁstambhya dānavo dāruṇākṛtiḥ jagrāha paṭṭiśaṁ daityo girīṇāmapi bhedanam

क्षणभर में स्वयं को संभालकर, वह भयंकर-आकृति दानव, उस दैत्य ने पट्टिश ग्रहण किया, जो पर्वतों को भी विदीर्ण करने वाला था।

श्लोक 18 (skanda.1.53.18)

स तेन पट्टिसेनाजौ धनदस्य स्तनांतरम्॥ वाक्येन तीक्ष्णरूपेण मर्माक्षरविसर्पिणा

sa tena paṭṭisenājau dhanadasya stanāṁtaram vākyena tīkṣṇarūpeṇa marmākṣaravisarpiṇā

उस पट्टिश से उसने युद्ध में धनद के वक्षस्थल पर प्रहार किया, जैसे किसी तीक्ष्ण वचन से, हृदय के मर्म-अक्षरों में प्रवेश करते हुए,

श्लोक 19 (skanda.1.53.19)

निर्बिभेदाभिजातस्य हृदयं दुर्जनो यथा॥ तेन पट्टिश घातेन धनेशः। परिमूर्छितः

nirbibhedābhijātasya hṛdayaṁ durjano yathā tena paṭṭiśa ghātena dhaneśaḥ parimūrchitaḥ

दुर्जन किसी अभिजात के हृदय को विदीर्ण कर देता है। उस पट्टिश-प्रहार से धनेश, अत्यंत मूर्च्छित होकर,

श्लोक 20 (skanda.1.53.20)

निषसाद रथोपस्थे दुर्वाचा सुजनो यथा॥ तथागतं तु तं दृष्ट्वा धनेशं वै मृतं यथा

niṣasāda rathopasthe durvācā sujano yathā tathāgataṁ tu taṁ dṛṣṭvā dhaneśaṁ vai mṛtaṁ yathā

अपने रथ के आसन पर बैठ गया, जैसे कोई सज्जन दुर्वचन से [नत हो जाता है]। उसे इस प्रकार, मानो मृत, देखकर,

श्लोक 21 (skanda.1.53.21)

राक्षसो निर्ऋतिर्देवो निशाचरबलानुगः॥ अभिदुद्राव वेगेन कुजंभं भीमविक्रमम्

rākṣaso nirṛtirdevo niśācarabalānugaḥ abhidudrāva vegena kujaṁbhaṁ bhīmavikramam

देव राक्षस निर्ऋति, निशाचर सेनाओं से युक्त, वेगपूर्वक कुजंभ की ओर, जो भीमविक्रमी था, दौड़ा।

श्लोक 22 (skanda.1.53.22)

अथ दृष्ट्वातिदुर्धर्षं कुजंभो राक्षसेश्वरम्॥ नोदयामास दैत्यान्स राक्षसेशरथं प्रति

atha dṛṣṭvātidurdharṣaṁ kujaṁbho rākṣaseśvaram nodayāmāsa daityānsa rākṣaseśarathaṁ prati

फिर उस अत्यंत दुर्धर्ष राक्षसेश्वर को देखकर कुजंभ ने राक्षसेश्वर के रथ की ओर दैत्यों को प्रेरित किया।

श्लोक 23 (skanda.1.53.23)

स दृष्ट्वा नोदितां सेनां प्रबलास्त्रां सुभीषणाम्॥ रथादाप्लुत्य वेगेन निर्ऋती राक्षसेश्वरम्

sa dṛṣṭvā noditāṁ senāṁ prabalāstrāṁ subhīṣaṇām rathādāplutya vegena nirṛtī rākṣaseśvaram

उसने, अपने विरुद्ध प्रेरित उस प्रबल अस्त्रधारी, अत्यंत भीषण सेना को देखकर, अपने रथ से वेगपूर्वक कूदकर, राक्षसेश्वर निर्ऋति,

श्लोक 24 (skanda.1.53.24)

खड्गेन तीक्ष्णधारेण चर्मपाणिरधावत॥ प्रविश्य दानवानीकं गजः पद्मसरो यथा

khaḍgena tīkṣṇadhāreṇa carmapāṇiradhāvata praviśya dānavānīkaṁ gajaḥ padmasaro yathā

तीक्ष्णधार खड्ग लिए, ढाल हाथ में, दानव-सेना में प्रविष्ट हुआ, जैसे हाथी कमल-सरोवर में।

श्लोक 25 (skanda.1.53.25)

लोडयामास बहुधा विनिष्कृत्य सहस्रशः॥ चिच्छेद कांश्चिच्छतशो बिभेदान्यान्वरासिना

loḍayāmāsa bahudhā viniṣkṛtya sahasraśaḥ ciccheda kāṁścicchataśo bibhedānyānvarāsinā

उसने उसे अनेक प्रकार से मथ डाला, हज़ारों को काट डाला; कुछ को सैकड़ों में काटा, अन्यों को अपनी श्रेष्ठ तलवार से बींध डाला,

श्लोक 26 (skanda.1.53.26)

संदष्टौष्ठमुखैः पृथ्वीं दैत्यानां सोऽभ्यपूरयत्॥ ततो निःशेषितप्रायां विलोक्य स्वां चमूं तदा

saṁdaṣṭauṣṭhamukhaiḥ pṛthvīṁ daityānāṁ so'bhyapūrayat tato niḥśeṣitaprāyāṁ vilokya svāṁ camūṁ tadā

और दैत्यों से, दंतों से काटे होठों और खुले मुखों वाले, पृथ्वी को ढँक दिया। फिर अपनी सेना को लगभग समाप्त हो चुकी देखकर,

श्लोक 27 (skanda.1.53.27)

मुक्त्वा धनपतिं दैत्यः कुजंभो निर्ऋतिं ययौ॥ लब्धसंज्ञस्तु जंभोऽपि धनाध्यक्षपदानुगान्

muktvā dhanapatiṁ daityaḥ kujaṁbho nirṛtiṁ yayau labdhasaṁjñastu jaṁbho'pi dhanādhyakṣapadānugān

दैत्य कुजंभ ने धनपति को छोड़कर निर्ऋति की ओर गया। जंभ ने भी, चेतना पाकर,

श्लोक 28 (skanda.1.53.28)

जीवग्राहं स जग्राह बद्धा पाशैः सहस्रधा॥ मूर्तिमंति च रत्ननि पद्मादींश्च निधींस्तथा

jīvagrāhaṁ sa jagrāha baddhā pāśaiḥ sahasradhā mūrtimaṁti ca ratnani padmādīṁśca nidhīṁstathā

धनाध्यक्ष के अनुगामियों को जीवित पकड़ लिया, उन्हें सहस्रों पाशों से बाँधकर — मूर्तिमान रत्नों को, पद्म आदि निधियों को भी,

श्लोक 29 (skanda.1.53.29)

वाहनानि च दिव्यानि विमानानि च सर्वशः॥ धनेशो लब्धसंज्ञस्तु तामवस्थां विलोक्य सः

vāhanāni ca divyāni vimānāni ca sarvaśaḥ dhaneśo labdhasaṁjñastu tāmavasthāṁ vilokya saḥ

और दिव्य वाहनों को, और समस्त विमानों को भी। धनेश ने, चेतना पाकर, उस दशा को देखकर,

श्लोक 30 (skanda.1.53.30)

निःश्वसन्दीर्घमुष्णं च रोषात्ताम्रविलोचनः॥ ध्यात्वास्त्रं गारुडं दिव्यं बाणं संधाय कार्मुके

niḥśvasandīrghamuṣṇaṁ ca roṣāttāmravilocanaḥ dhyātvāstraṁ gāruḍaṁ divyaṁ bāṇaṁ saṁdhāya kārmuke

दीर्घ और उष्ण निःश्वास लेते हुए, क्रोध से ताम्रलोचन होकर; दिव्य गारुड़ अस्त्र का ध्यान कर, धनुष पर बाण संधानकर,

श्लोक 31 (skanda.1.53.31)

मुमोच दानवानीके तं बाणं शत्रुदारणम्॥ प्रथमं कार्मुकं तस्य वह्निज्वालमदृश्यत

mumoca dānavānīke taṁ bāṇaṁ śatrudāraṇam prathamaṁ kārmukaṁ tasya vahnijvālamadṛśyata

उसने दानव-सेना पर वह शत्रुदारण बाण छोड़ा। पहले उसका धनुष अग्नि-ज्वाला से युक्त दिखाई दिया,

श्लोक 32 (skanda.1.53.32)

निश्चेरुर्विस्फुलिंगानां कोटयो धनुषस्तथा॥ ततो ज्वालाकुलं व्योम चक्रे चास्त्रं समंततः

niścerurvisphuliṁgānāṁ koṭayo dhanuṣastathā tato jvālākulaṁ vyoma cakre cāstraṁ samaṁtataḥ

और उस धनुष से करोड़ों चिंगारियाँ निकलीं; फिर उस अस्त्र से आकाश सर्वत्र ज्वालाकुल हो गया।

श्लोक 33 (skanda.1.53.33)

तदस्त्रं सहसा दृष्ट्वा जंभो भीमपराक्रमः॥ संवर्तं मुमुचे तेन प्रशांतं गारुडं तदा

tadastraṁ sahasā dṛṣṭvā jaṁbho bhīmaparākramaḥ saṁvartaṁ mumuce tena praśāṁtaṁ gāruḍaṁ tadā

उस अस्त्र को अचानक देखकर जंभ, भीमपराक्रमी, ने संवर्तक (प्रतिकार-अस्त्र) छोड़ा, जिससे वह गारुड़ अस्त्र शांत हो गया।

श्लोक 34 (skanda.1.53.34)

ततस्तं दानवो दृष्ट्वा कुबेरं रोषविह्वलः॥ अभिदुद्राव वेगेन पदातिर्धनदं नदन्

tatastaṁ dānavo dṛṣṭvā kuberaṁ roṣavihvalaḥ abhidudrāva vegena padātirdhanadaṁ nadan

फिर वह दानव, कुबेर को देखकर, क्रोध से विह्वल होकर, पैदल ही वेगपूर्वक धनद की ओर गरजते हुए दौड़ा।

श्लोक 35 (skanda.1.53.35)

अथाभिमुखमायांतं दैत्यं दृष्ट्वा धनाधिपः॥ बभूव संभ्रमाविष्टः पलायनपरायणः

athābhimukhamāyāṁtaṁ daityaṁ dṛṣṭvā dhanādhipaḥ babhūva saṁbhramāviṣṭaḥ palāyanaparāyaṇaḥ

फिर उस सामने आते दैत्य को देखकर धनाधिप संभ्रम से आविष्ट होकर पलायन में तत्पर हो गया।

श्लोक 36 (skanda.1.53.36)

ततः पलायतस्तस्य मुकुटो रत्नमंडितः॥ पपात भूतले दीप्तो रविबिंबमिवांबरात्

tataḥ palāyatastasya mukuṭo ratnamaṁḍitaḥ papāta bhūtale dīpto ravibiṁbamivāṁbarāt

फिर भागते हुए उसका रत्नमंडित मुकुट पृथ्वी पर गिर पड़ा, देदीप्यमान, मानो आकाश से सूर्य-बिंब।

श्लोक 37 (skanda.1.53.37)

यक्षणामभिजातानां भग्नं प्रववृते रणात्॥ मर्तुं संग्राम शिरसि युक्तं नो भूषणाय तत्

yakṣaṇāmabhijātānāṁ bhagnaṁ pravavṛte raṇāt martuṁ saṁgrāma śirasi yuktaṁ no bhūṣaṇāya tat

उत्तम कुल के यक्षों की सेना में युद्ध से भग्न पलायन आरंभ हो गया — क्योंकि युद्ध में सिर [नंगे] मरना उचित नहीं — यह सम्मान का विषय नहीं है।

श्लोक 38 (skanda.1.53.38)

इति व्यवस्य दुर्धर्षा नानाशस्त्रास्त्रपाणयः॥ युयुत्सवस्तथा यक्षा मुकुटं परिवार्य ते

iti vyavasya durdharṣā nānāśastrāstrapāṇayaḥ yuyutsavastathā yakṣā mukuṭaṁ parivārya te

ऐसा निश्चय कर वे दुर्धर्ष यक्ष, नाना शस्त्रास्त्र हाथों में लिए, युद्धेच्छु होकर, उस मुकुट को घेर लिया,

श्लोक 39 (skanda.1.53.39)

अभिमान धना वीरा धनस्य पदानुगाः॥ तानमर्षाच्च संप्रेक्ष्य दानवश्चंडपौरुषः

abhimāna dhanā vīrā dhanasya padānugāḥ tānamarṣācca saṁprekṣya dānavaścaṁḍapauruṣaḥ

वे धन-अभिमानी वीर, धनाधिप के ही पदानुगामी। उन्हें असहनीयता से देखकर वह प्रचंडपौरुष दानव,

श्लोक 40 (skanda.1.53.40)

भुशुण्डीं भीषणाकारां गृहीत्वा शैलगौरवाम्॥ रक्षिणो मुकुटस्याथ निष्पिपेष निशाचरान्

bhuśuṇḍīṁ bhīṣaṇākārāṁ gṛhītvā śailagauravām rakṣiṇo mukuṭasyātha niṣpipeṣa niśācarān

एक भयंकर आकृति वाला भुशुण्डी (शस्त्र), पर्वत के समान भारी, ग्रहण कर उस मुकुट के रक्षक निशाचरों को पीस डाला।

श्लोक 41 (skanda.1.53.41)

तान्प्रमथ्याथ नियुतं मुकुटं तं स्वके रथे॥ समारोप्यामररिपुर्जित्वा धनदमाहवे

tānpramathyātha niyutaṁ mukuṭaṁ taṁ svake rathe samāropyāmararipurjitvā dhanadamāhave

उन दस हज़ार को कुचलकर, वह अमरों का शत्रु, उस मुकुट को अपने ही रथ पर चढ़ाकर, युद्ध में धनद को जीतकर,

श्लोक 42 (skanda.1.53.42)

धनानि च निधीन्गृह्य स्वसैन्येन समावृतः॥ नादेन महता देवान्द्रावयामास सर्वशः

dhanāni ca nidhīngṛhya svasainyena samāvṛtaḥ nādena mahatā devāndrāvayāmāsa sarvaśaḥ

और उसके धन और निधियों को लेकर, अपनी सेना से घिरा हुआ, महानाद से देवताओं को सब ओर भगाने लगा।

श्लोक 43 (skanda.1.53.43)

धनदोऽपि धनं सर्वं गृहीतो मुक्तमूर्धजः॥ पदातिरेकः सन्त्रस्तः प्राप्यैवं दीनवत्स्थितः

dhanado'pi dhanaṁ sarvaṁ gṛhīto muktamūrdhajaḥ padātirekaḥ santrastaḥ prāpyaivaṁ dīnavatsthitaḥ

धनद भी, अपना सारा धन छिन जाने पर, मुकुट के बिना, अकेला पैदल, भयभीत, इस प्रकार दीन दशा को प्राप्त हुआ,

श्लोक 44 (skanda.1.53.44)

कुजंभेनाथ संसक्तो रजनीचरनंदनः॥ मायाममोघामाश्रित्य तामसीं राक्षसेश्वरः

kujaṁbhenātha saṁsakto rajanīcaranaṁdanaḥ māyāmamoghāmāśritya tāmasīṁ rākṣaseśvaraḥ

तब कुजंभ से संघर्ष में जुड़ गया; और रात्रिचर-नंदन राक्षसेश्वर ने अमोघ तामसी माया का आश्रय लेकर,

श्लोक 45 (skanda.1.53.45)

मोहयामास दैत्येन्द्रो जगत्कृत्वा तमोमयम्॥ ततो विफलनेत्राणि दानवानां बलानि च

mohayāmāsa daityendro jagatkṛtvā tamomayam tato viphalanetrāṇi dānavānāṁ balāni ca

उस दैत्येंद्र ने जगत् को अंधकारमय कर [देवताओं को] मोहित किया। फिर उनके नेत्र निष्फल हो गए, और दानवों की सेनाएँ...

श्लोक 46 (skanda.1.53.46)

न शेकुश्चलितुं तत्र पदादपि पदं तदा॥ ततो नानास्त्रवर्षेण दानवानां महाचमूः

na śekuścalituṁ tatra padādapi padaṁ tadā tato nānāstravarṣeṇa dānavānāṁ mahācamūḥ

...वहाँ से एक पग भी हिल नहीं सकीं। फिर अनेक अस्त्रों की वृष्टि से दानवों की महासेना...

श्लोक 47 (skanda.1.53.47)

जघान निर्ऋतिर्देवस्तमसा संवृता भृशम्॥ हन्यमानेषु दैत्येषु कुजंभे मूढचेतसि

jaghāna nirṛtirdevastamasā saṁvṛtā bhṛśam hanyamāneṣu daityeṣu kujaṁbhe mūḍhacetasi

...अंधकार से अत्यंत आवृत होकर देव निर्ऋति द्वारा मारी गई। दैत्यों के मारे जाने पर, कुजंभ, चित्त में मूढ़ होकर,

श्लोक 48 (skanda.1.53.48)

महिषो दानवेन्द्रस्तु कल्पांतां भोदसन्निभः॥ अस्त्रं चकार सावित्रमुल्कासंघातमंडितम्

mahiṣo dānavendrastu kalpāṁtāṁ bhodasannibhaḥ astraṁ cakāra sāvitramulkāsaṁghātamaṁḍitam

वह दानवेंद्र महिष, कल्पांत-मेघ के समान, सावित्र अस्त्र बनाया, उल्का-समूह से सुशोभित।

श्लोक 49 (skanda.1.53.49)

विजृंभत्यथ सावित्रे परमास्त्रे प्रातपिनि॥ प्रणासमगमत्तीव्रं तमो घोरमनंतरम्

vijṛṁbhatyatha sāvitre paramāstre prātapini praṇāsamagamattīvraṁ tamo ghoramanaṁtaram

उस परम, प्रतापी सावित्र अस्त्र के विस्तृत होने पर, वह घोर अंधकार तुरंत नष्ट हो गया।

श्लोक 50 (skanda.1.53.50)

ततोऽस्त्रविस्फुलिंगांकं तमः शुक्लं व्यजायत॥ प्रोत्फुल्लारुणपद्मौघं शरदीवामलं सरः

tato'stravisphuliṁgāṁkaṁ tamaḥ śuklaṁ vyajāyata protphullāruṇapadmaughaṁ śaradīvāmalaṁ saraḥ

फिर उस अस्त्र की चिंगारियों से चिह्नित वह अंधकार श्वेत हो गया, शरद-सरोवर के समान, निर्मल, खिले लाल कमलों से भरा।

श्लोक 51 (skanda.1.53.51)

ततस्तमसि संशांते दैत्येन्द्राः प्राप्तचक्षुषः॥ चक्रुः क्रुरेण तमसा देवानीकं महाद्भुतम्

tatastamasi saṁśāṁte daityendrāḥ prāptacakṣuṣaḥ cakruḥ krureṇa tamasā devānīkaṁ mahādbhutam

फिर वह अंधकार शांत होने पर, दृष्टि पुनः प्राप्त दैत्येंद्रों ने देवसेना पर क्रूरतापूर्वक अत्यंत अद्भुत [विनाश] किया।

श्लोक 52 (skanda.1.53.52)

अथादाय धनुर्घोरमिषुं चाशीविषोपमम्॥ कुजंभोऽधावत क्षिप्रं रक्षोदेवबलं प्रति

athādāya dhanurghoramiṣuṁ cāśīviṣopamam kujaṁbho'dhāvata kṣipraṁ rakṣodevabalaṁ prati

फिर अपना घोर धनुष और आशीविष-सम बाण लेकर कुजंभ राक्षस-देव सेना की ओर शीघ्रता से दौड़ा।

श्लोक 53 (skanda.1.53.53)

राक्षसेन्द्रस्तथायांतं दृषट्वा तं स पदानुगः॥ विव्याध निशितैर्बाणैः कालाशनिसमस्वनैः

rākṣasendrastathāyāṁtaṁ dṛṣaṭvā taṁ sa padānugaḥ vivyādha niśitairbāṇaiḥ kālāśanisamasvanaiḥ

उसे इस प्रकार आते देख वह राक्षसेंद्र, अपने पदातियों सहित, यम के वज्र के समान ध्वनि वाले तीक्ष्ण बाणों से उसे बींधने लगा,

श्लोक 54 (skanda.1.53.54)

नादानं न च सन्धानं न मोक्षो वास्य लक्ष्यते॥ चिच्छेदोग्रैः शरव्रातैस्ताञ्छरानतिलाघवात्

nādānaṁ na ca sandhānaṁ na mokṣo vāsya lakṣyate cicchedograiḥ śaravrātaistāñcharānatilāghavāt

इतनी शीघ्रता से कि उसका खींचना, संधान, या मोचन कुछ भी दिखाई नहीं देता था; उसने उग्र बाण-समूहों से उन बाणों को अत्यंत फुर्ती से काट डाला,

श्लोक 55 (skanda.1.53.55)

ध्वजं शरेण तीक्ष्णेन निचकर्तामरद्विषः॥ सारथिं चास्य भल्लेन रथनीडादपाहरत्

dhvajaṁ śareṇa tīkṣṇena nicakartāmaradviṣaḥ sārathiṁ cāsya bhallena rathanīḍādapāharat

और तीक्ष्ण बाण से अमरद्वेषी की ध्वजा काट डाली; और भल्ल से उसके सारथी को रथ के आसन से उतार दिया,

श्लोक 56 (skanda.1.53.56)

कालकल्पेन बाणेन तं च वक्षस्याताडयत्॥ स तु तेन प्रहारेण चकम्पे पीडितो भृशम्

kālakalpena bāṇena taṁ ca vakṣasyātāḍayat sa tu tena prahāreṇa cakampe pīḍito bhṛśam

और काल के समान बाण से उसकी छाती पर प्रहार किया। वह उस प्रहार से अत्यंत काँप उठा, पीड़ित होकर,

श्लोक 57 (skanda.1.53.57)

दैत्येंद्रो राक्षसेन्द्रेण क्षितिकंपेनगो यथा॥ स सुहूर्तात्समाश्वास्य मत्वा तं दुर्जयं रणे

daityeṁdro rākṣasendreṇa kṣitikaṁpenago yathā sa suhūrtātsamāśvāsya matvā taṁ durjayaṁ raṇe

वह दैत्येंद्र, राक्षसेंद्र द्वारा, भूकंप से पर्वत के समान। वह क्षणभर में स्वयं को संभालकर, उसे युद्ध में दुर्जय मानकर,

श्लोक 58 (skanda.1.53.58)

पदातिरासाद्य रथं रक्षो वामकरेण च॥ केशेषु निर्ऋतिं गृह्य जानुनाक्रम्य च स्थितः

padātirāsādya rathaṁ rakṣo vāmakareṇa ca keśeṣu nirṛtiṁ gṛhya jānunākramya ca sthitaḥ

पैदल ही उसके रथ तक पहुँचकर, वह राक्षस, बाएँ हाथ से निर्ऋति को केशों से पकड़कर, और घुटने से दबाकर, खड़ा हो गया,

श्लोक 59 (skanda.1.53.59)

ततः खड्गेन च शिरश्छेत्तुमैच्छदमर्षणः॥ ततः कलकलो जज्ञे देवानां सुमहांस्तदा॥ कुजंभस्य वशं प्राप्तं दृष्ट्वा निर्ऋतिमाहवे

tataḥ khaḍgena ca śiraśchettumaicchadamarṣaṇaḥ tataḥ kalakalo jajñe devānāṁ sumahāṁstadā kujaṁbhasya vaśaṁ prāptaṁ dṛṣṭvā nirṛtimāhave

और तब, क्रुद्ध होकर, वह उसका सिर तलवार से काटना चाहा। तब देवताओं में एक अत्यंत महान कोलाहल उठा, युद्ध में निर्ऋति को कुजंभ के वश में पड़ा देखकर।

श्लोक 60 (skanda.1.53.60)

एतस्मिन्नन्तरे देवो वरुणः पाशभृद्धृतः॥ पाशेन दानवेंद्रस्य बबन्धाशु भुजद्वयम्

etasminnantare devo varuṇaḥ pāśabhṛddhṛtaḥ pāśena dānaveṁdrasya babandhāśu bhujadvayam

इसी बीच पाशधारी देव वरुण शीघ्र आए, और अपने पाश से उस दानवेंद्र की दोनों भुजाओं को तुरंत बाँध दिया।

श्लोक 61 (skanda.1.53.61)

ततो बद्धभुजं दैत्यं विफलीकृतपौरुषम्॥ ताडयामास गदया दयामुत्सृज्य पाशभृत्

tato baddhabhujaṁ daityaṁ viphalīkṛtapauruṣam tāḍayāmāsa gadayā dayāmutsṛjya pāśabhṛt

फिर उस पाशधारी ने, दया त्यागकर, उस दैत्य को, जिसकी भुजाएँ बँधी थीं, जिसका पौरुष निष्फल हो गया था, गदा से प्रहार किया।

श्लोक 62 (skanda.1.53.62)

स तु तेन प्रहारेण स्रोतोभिः क्षतजं स्रवन्॥ दधार कालमेघस्य रूपं विद्युल्लताभृतम्

sa tu tena prahāreṇa srotobhiḥ kṣatajaṁ sravan dadhāra kālameghasya rūpaṁ vidyullatābhṛtam

वह उस प्रहार से, धाराओं में रक्त बहाते हुए, बिजली की रेखाओं से युक्त काले मेघ का रूप धारण करने लगा।

श्लोक 63 (skanda.1.53.63)

तदवस्थागतं दृष्ट्वा कुजंभं महिषासुरः॥ व्यावृत्तवदनारावो भोक्तुमैच्छत्सुरावुभौ

tadavasthāgataṁ dṛṣṭvā kujaṁbhaṁ mahiṣāsuraḥ vyāvṛttavadanārāvo bhoktumaicchatsurāvubhau

कुजंभ को उस दशा में पहुँचा देख दानव महिष, मुख फेरकर गरजते हुए, उन दोनों देवों को निगल जाना चाहा,

श्लोक 64 (skanda.1.53.64)

निर्ऋति वरुणं चैव तीक्ष्णदंष्ट्रोत्कटाननः॥ तावभिप्रायमा लोक्य तस्य दैत्यस्य दूषितम्

nirṛti varuṇaṁ caiva tīkṣṇadaṁṣṭrotkaṭānanaḥ tāvabhiprāyamā lokya tasya daityasya dūṣitam

निर्ऋति और वरुण को, तीक्ष्ण दाढ़ों वाला, भयंकर मुख वाला। उन दोनों ने उस दैत्य के दूषित अभिप्राय को देखकर,

श्लोक 65 (skanda.1.53.65)

त्यक्त्वा रथावुभौ भीतौ पदाती प्रद्रुतौ द्रुतम्॥ जग्मतुर्महिषाद्भीतौ शरणं पाकशासनम्

tyaktvā rathāvubhau bhītau padātī pradrutau drutam jagmaturmahiṣādbhītau śaraṇaṁ pākaśāsanam

दोनों रथों को त्यागकर, भयभीत होकर, पैदल ही शीघ्र भाग गए; महिष से भयभीत होकर वे पाकशासन (इंद्र) की शरण में गए।

श्लोक 66 (skanda.1.53.66)

क्रुद्धोऽथ महिषो दैत्यो वरुणं समुपाद्रवत्॥ तमंतकमुखासन्नमालोक्य हिमदीधितिः

kruddho'tha mahiṣo daityo varuṇaṁ samupādravat tamaṁtakamukhāsannamālokya himadīdhitiḥ

फिर वह क्रुद्ध दैत्य महिष वरुण की ओर दौड़ा; उसे यमवत्-मृत्यु के मुख के निकट देखकर चंद्रमा,

श्लोक 67 (skanda.1.53.67)

चक्रे शस्त्रं विसृष्टं हि हिमसंघातमुल्बणम्॥ वायव्यं चास्त्र मतुलं चंद्रश्चक्रे द्वितीयकम्

cakre śastraṁ visṛṣṭaṁ hi himasaṁghātamulbaṇam vāyavyaṁ cāstra matulaṁ caṁdraścakre dvitīyakam

एक भयंकर अस्त्र छोड़ा, हिम-समूह का प्रचंड रूप; और वायु ने वायव्य अस्त्र बनाया, अतुल्य, दूसरा।

श्लोक 68 (skanda.1.53.68)

वायुना तेन चंडंन संशुष्केण हिमेन च॥ महाहिमनिपातेन शस्त्रैश्चंद्रप्रणोदितैः

vāyunā tena caṁḍaṁna saṁśuṣkeṇa himena ca mahāhimanipātena śastraiścaṁdrapraṇoditaiḥ

उस प्रचंड वायु से, और उस चुभते हिम से, उस महाहिमपात से, और चंद्र-प्रेरित अस्त्रों से,

श्लोक 69 (skanda.1.53.69)

गात्राण्यसुरसैन्यानामदह्यंत समंततः॥ व्यथिता दानवाः सर्वे सीतच्छादितपौरुषाः

gātrāṇyasurasainyānāmadahyaṁta samaṁtataḥ vyathitā dānavāḥ sarve sītacchāditapauruṣāḥ

दानव-सेना के अंग चारों ओर जलने लगे (शीत से); सभी दानव पीड़ित हुए, उनका पौरुष शीत से ढँक गया।

श्लोक 70 (skanda.1.53.70)

न शेकुश्चलिंतुं तत्र नास्त्राण्यादातुमेव च॥ महिषो निष्प्रयत्नश्च शीतेनाकंपिताननः

na śekuścaliṁtuṁ tatra nāstrāṇyādātumeva ca mahiṣo niṣprayatnaśca śītenākaṁpitānanaḥ

वे वहाँ एक पग भी नहीं चल सके, न शस्त्र ही उठा सके; महिष भी, निष्प्रयत्न होकर, शीत से काँपते मुख वाला,

श्लोक 71 (skanda.1.53.71)

अंसमालिंग्य पाणिभ्यामुपविष्टो ह्यधोमुखः॥ सर्वे ते निष्प्रतीकारा दैत्याश्चंद्रमसा जिताः

aṁsamāliṁgya pāṇibhyāmupaviṣṭo hyadhomukhaḥ sarve te niṣpratīkārā daityāścaṁdramasā jitāḥ

अपने कंधों को दोनों हाथों से आलिंगन कर, नत मुख होकर बैठ गया। वे सभी दैत्य, कोई प्रतिकार न कर सकने वाले, चंद्रमा से पराजित होकर,

श्लोक 72 (skanda.1.53.72)

रणेच्छां दूरतस्त्यक्त्वा तस्थुस्ते जीवितार्थिनः॥ तत्राब्रवीत्कालनेमिर्दैत्यान्क्रोधविदीपितः

raṇecchāṁ dūratastyaktvā tasthuste jīvitārthinaḥ tatrābravītkālanemirdaityānkrodhavidīpitaḥ

युद्ध की इच्छा को दूर से ही त्यागकर, जीवन की कामना करते हुए, वहीं ठहर गए। तब कालनेमि, क्रोध से प्रज्वलित होकर, दैत्यों से बोला —

श्लोक 73 (skanda.1.53.73)

भोभोः श्रृंगारिणः क्रूराः सर्वशस्त्रास्त्रपारगाः॥ एकैकोऽपि जगत्कृस्नं शक्तस्तुलयितुं भुजैः

bhobhoḥ śrṛṁgāriṇaḥ krūrāḥ sarvaśastrāstrapāragāḥ ekaiko'pi jagatkṛsnaṁ śaktastulayituṁ bhujaiḥ

'हो हो, हे शृंगारी, क्रूर, सभी शस्त्रास्त्रों में पारंगत! तुममें से एक-एक भी अपनी भुजाओं से सम्पूर्ण जगत् को तोलने में समर्थ है;'

श्लोक 74 (skanda.1.53.74)

एकैकोऽपि क्षमो ग्रस्तुं जगत्सर्वं चराचरम्॥ एकैकस्यापि पर्याप्ता न सर्वेऽपि दिवौकसः

ekaiko'pi kṣamo grastuṁ jagatsarvaṁ carācaram ekaikasyāpi paryāptā na sarve'pi divaukasaḥ

'तुममें से एक-एक भी समस्त चराचर जगत् को निगलने में सक्षम है; तुममें से एक के लिए भी समस्त देवगण मिलकर पर्याप्त नहीं हैं!'

श्लोक 75 (skanda.1.53.75)

किं त्रस्तनयनाश्चैव समरे परिनिर्जिताः॥ न युक्तमेतच्छूराणां विशेषाद्दैत्यजन्मनाम्

kiṁ trastanayanāścaiva samare parinirjitāḥ na yuktametacchūrāṇāṁ viśeṣāddaityajanmanām

'तो फिर तुम, भयभीत नेत्रों वाले, युद्ध में इस प्रकार पूरी तरह पराजित क्यों हो? यह वीरों के, विशेषतः दैत्य-जन्म वालों के, अनुरूप नहीं!'

श्लोक 76 (skanda.1.53.76)

राज्ञश्च तारकस्यापि दर्शयिष्यथ किं मुखम्॥ विरतानां रणाच्चासौ क्रुद्धः प्राणान्हरिष्यति

rājñaśca tārakasyāpi darśayiṣyatha kiṁ mukham viratānāṁ raṇāccāsau kruddhaḥ prāṇānhariṣyati

'राजा तारक को भी तुम कौन-सा मुख दिखाओगे? युद्ध से पीछे हटने पर वह क्रुद्ध होकर तुम्हारे प्राण हर लेगा।'

श्लोक 77 (skanda.1.53.77)

इति ते प्रोच्यमानापि नोचुः किंचिन्महासुराः॥ शीतेन नष्टश्रुतयो भ्रष्टवाक्याश्च ते तथा

iti te procyamānāpi nocuḥ kiṁcinmahāsurāḥ śītena naṣṭaśrutayo bhraṣṭavākyāśca te tathā

ऐसा कहे जाने पर भी वे महासुर कुछ भी नहीं बोले; शीत से उनकी चेतना नष्ट हो गई थी, वाणी भी लुप्त हो गई थी,

श्लोक 78 (skanda.1.53.78)

मूकास्तथाभवन्दैत्या मृतकल्पा महारणे॥ तान्दृष्ट्वा नष्टचेतस्कान्दैत्याञ्छीतेन पीडितान्

mūkāstathābhavandaityā mṛtakalpā mahāraṇe tāndṛṣṭvā naṣṭacetaskāndaityāñchītena pīḍitān

वे दैत्य मूक हो गए, मानो मृत, उस महारण में। उन्हें, चेतनाशून्य, शीत से पीड़ित दैत्यों को देखकर,

श्लोक 79 (skanda.1.53.79)

मत्वा कालक्षमं कार्यं कालनेमिर्महासुरः॥ आश्रित्य मानवीं मायां वितत्य च महावपुः

matvā kālakṣamaṁ kāryaṁ kālanemirmahāsuraḥ āśritya mānavīṁ māyāṁ vitatya ca mahāvapuḥ

और समय के अनुरूप कार्य समझकर, कालनेमि, वह महासुर, मानवी माया का आश्रय लेकर, अपने महान शरीर को फैलाकर,

श्लोक 80 (skanda.1.53.80)

पूरयामास गगनं विदिश एव च॥ निर्ममे दानवेन्द्रोऽसौ शरीरेभास्करायुतम्

pūrayāmāsa gaganaṁ vidiśa eva ca nirmame dānavendro'sau śarīrebhāskarāyutam

आकाश और विदिशाओं को भर दिया; उस दानवेंद्र ने दस हज़ार सूर्यों के समान शरीर बनाए।

श्लोक 81 (skanda.1.53.81)

दिशश्च विदिशश्चैव पूरयामास पावकैः॥ ततो ज्वालाकुलं सर्वं त्रैलोक्यमभवत्क्षणात्

diśaśca vidiśaścaiva pūrayāmāsa pāvakaiḥ tato jvālākulaṁ sarvaṁ trailokyamabhavatkṣaṇāt

उसने दिशाओं और विदिशाओं को अग्नियों से भर दिया; फिर एक क्षण में सम्पूर्ण त्रिलोक्य ज्वालाकुल हो गया।

श्लोक 82 (skanda.1.53.82)

तेन ज्वालासमूहेन हिमां शुरगमद्द्रुतम्॥ ततः क्रमेण विभ्रष्टं शीतदुर्दिनमाबभौ

tena jvālāsamūhena himāṁ śuragamaddrutam tataḥ krameṇa vibhraṣṭaṁ śītadurdinamābabhau

उस ज्वाला-समूह से चंद्रमा की हिम-किरणें शीघ्र नष्ट हो गईं; फिर धीरे-धीरे वह गिरा हुआ शीत-दुर्दिन विलीन हो गया।

श्लोक 83 (skanda.1.53.83)

तद्बलं दानवेंद्राणां मायया कालनेमिनः॥ तद्दृष्ट्वा दानवानीकं लब्धसंज्ञं दिवाकरः॥ उवाचारुणमत्यर्थं कोपरक्तांतलोचनः

tadbalaṁ dānaveṁdrāṇāṁ māyayā kālaneminaḥ taddṛṣṭvā dānavānīkaṁ labdhasaṁjñaṁ divākaraḥ uvācāruṇamatyarthaṁ koparaktāṁtalocanaḥ

दानवेंद्रों की वह सेना कालनेमि की माया से [पुनः सचेत हो गई]। दानव-सेना को चेतना पाई देख सूर्य ने, क्रोध से लाल किनारों वाले नेत्रों से, अरुण से अत्यंत [उतावलेपन से] कहा —

श्लोक 84 (skanda.1.53.84)

॥दिवाकर उवाच॥ नयारुण रथं शीघ्रं कालनेमिरथो यतः

divākara uvāca nayāruṇa rathaṁ śīghraṁ kālanemiratho yataḥ

'दिवाकर ने कहा — हे अरुण, रथ शीघ्र ले चलो, जहाँ कालनेमि का रथ है।'

श्लोक 85 (skanda.1.53.85)

विमर्दे तत्र विषमे भविता भूतसंक्षयः॥ जित एषशशांकोऽथ वयं यद्बलमाश्रिताः

vimarde tatra viṣame bhavitā bhūtasaṁkṣayaḥ jita eṣaśaśāṁko'tha vayaṁ yadbalamāśritāḥ

'उस भीषण संघर्ष में प्राणियों का संहार होगा। यह चंद्रमा भी पराजित हो चुका है — और हम भी उसी बल का आश्रय लिए हुए हैं।'

श्लोक 86 (skanda.1.53.86)

इत्युक्तश्चोदयामास रथं गरुडपूर्वजः॥ रथे स्थितोऽपि तैरश्वैः सितचामरधारिभिः

ityuktaścodayāmāsa rathaṁ garuḍapūrvajaḥ rathe sthito'pi tairaśvaiḥ sitacāmaradhāribhiḥ

ऐसा कहे जाने पर गरुड़-अग्रज (अरुण) ने रथ को प्रेरित किया; उस रथ पर स्थित होकर, श्वेत चामरधारी उन घोड़ों से युक्त,

श्लोक 87 (skanda.1.53.87)

जगद्दीपोऽथ भगवाञ्जग्राह विततं धनुः॥ शरौघो वै पांडुपुत्र क्षिप्रमासीद्विषद्युतिः

jagaddīpo'tha bhagavāñjagrāha vitataṁ dhanuḥ śaraugho vai pāṁḍuputra kṣipramāsīdviṣadyutiḥ

वह भगवान जगद्दीप (सूर्य) ने अपना विस्तृत धनुष उठाया। हे पांडुपुत्र, विष के समान तेजस्वी बाणों की वर्षा शीघ्र हो गई।

श्लोक 88 (skanda.1.53.88)

शंबरास्त्रेण संधाय बाणमेकं ससर्ज ह॥ द्वितीयं चेन्द्रजालेनायोजितं प्रमुमोच ह

śaṁbarāstreṇa saṁdhāya bāṇamekaṁ sasarja ha dvitīyaṁ cendrajālenāyojitaṁ pramumoca ha

शंबरास्त्र से संधान कर उसने एक बाण छोड़ा; और दूसरा, इंद्रजाल से युक्त, भी छोड़ा।

श्लोक 89 (skanda.1.53.89)

शंबरास्त्रं क्षणाच्चक्रे तेषांरूपविपर्ययम्॥ देवानां दानवं रूपं दानवानां च दैविकम्

śaṁbarāstraṁ kṣaṇāccakre teṣāṁrūpaviparyayam devānāṁ dānavaṁ rūpaṁ dānavānāṁ ca daivikam

शंबरास्त्र ने क्षणभर में उनके रूपों का विपर्यय कर दिया — देवताओं का रूप दानव-रूप हो गया, और दानवों का देव-रूप।

श्लोक 90 (skanda.1.53.90)

मत्वा सुरान्स्वकानेव जघ्ने घोरास्त्रलाघवात्॥ कालनेमी रुषाविष्टः कृतांत इव संक्षये

matvā surānsvakāneva jaghne ghorāstralāghavāt kālanemī ruṣāviṣṭaḥ kṛtāṁta iva saṁkṣaye

तब कालनेमि, अपने ही स्वजनों को देव समझकर, उस घोर अस्त्र की माया से, क्रोधाविष्ट होकर, प्रलयकालीन यम के समान, उन्हें मार डालने लगा,

श्लोक 91 (skanda.1.53.91)

कांश्चित्खड्गेन तीक्ष्णेन कांश्चिन्नाराचवृष्टिभिः॥ कांश्चिद्गदाभिर्घोराभिः कांश्चिद्धोरैः परश्वधैः

kāṁścitkhaḍgena tīkṣṇena kāṁścinnārācavṛṣṭibhiḥ kāṁścidgadābhirghorābhiḥ kāṁściddhoraiḥ paraśvadhaiḥ

कुछ को तीक्ष्ण खड्ग से, कुछ को नाराच-वर्षा से, कुछ को घोर गदाओं से, कुछ को भयंकर परशुओं से,

श्लोक 92 (skanda.1.53.92)

शिरांसि केषाचिदपातयद्रथाद्भुजांस्तथा सारथींस्चोग्रवेगान्॥ कांश्चित्पिपेषाथरथस्य वेगात्कांश्चित्तथात्यद्भुतमुष्टिपातैः

śirāṁsi keṣācidapātayadrathādbhujāṁstathā sārathīṁscogravegān kāṁścitpipeṣātharathasya vegātkāṁścittathātyadbhutamuṣṭipātaiḥ

कुछ के सिर रथों से गिरा दिए, और भुजाएँ भी, और उनके तीव्रवेग सारथियों को भी; कुछ को अपने रथ की गति से ही कुचल डाला, और अन्यों को अद्भुत मुष्टि-प्रहारों से।