हर-गौरी विवाह का वर्णन

श्लोक 1 (skanda.1.61.1)

॥नारद उवाच॥ अथ ब्रह्मा महादेवमभिवाद्य कृतांजलिः॥ उद्वाहः क्रियतां देव इत्युवाच महेश्वरम्

nārada uvāca atha brahmā mahādevamabhivādya kṛtāṁjaliḥ udvāhaḥ kriyatāṁ deva ityuvāca maheśvaram

नारद बोले — तब ब्रह्मा ने हाथ जोड़कर महादेव को प्रणाम करते हुए कहा — 'हे देव, अब विवाह सम्पन्न किया जाए।'

श्लोक 2 (skanda.1.61.2)

तस्य तद्वचनं श्रुत्वा प्राहेदं भगवान्हरः॥ पराधीना वयं ब्रह्मन्हिमाद्रेस्तव चापि यत्

tasya tadvacanaṁ śrutvā prāhedaṁ bhagavānharaḥ parādhīnā vayaṁ brahmanhimādrestava cāpi yat

उनका यह वचन सुनकर भगवान हर ने कहा — 'हे ब्रह्मन, हम तो आप पर और हिमाद्रि पर ही आश्रित हैं —

श्लोक 3 (skanda.1.61.3)

यद्युक्तं क्रियतां तद्धि वयं युष्मद्वशेऽधुना॥ ततो ब्रह्मा स्वयं दिव्यं पुरं रत्नमयं शुभम्

yadyuktaṁ kriyatāṁ taddhi vayaṁ yuṣmadvaśe'dhunā tato brahmā svayaṁ divyaṁ puraṁ ratnamayaṁ śubham

जो उचित हो वह करें, अभी हम आपके ही वश में हैं।' तब ब्रह्मा ने स्वयं एक दिव्य, रत्नमय, शुभ नगर,

श्लोक 4 (skanda.1.61.4)

उद्वाहार्थं महेशस्य तत्क्षणात्समकल्पयत्॥ शतयोजनविस्तीर्णं प्रासादशतशोभितम्

udvāhārthaṁ maheśasya tatkṣaṇātsamakalpayat śatayojanavistīrṇaṁ prāsādaśataśobhitam

महेश के विवाह के लिए उसी क्षण रच दिया — सौ योजन विस्तृत, सैकड़ों प्रासादों से सुशोभित।

श्लोक 5 (skanda.1.61.5)

पुरेतस्मिन्महादेवः स्वयमेव व्यतिष्ठत॥ ततः सप्तमुनीन्देवश्चिंतिताब्यागतान्पुरः

puretasminmahādevaḥ svayameva vyatiṣṭhata tataḥ saptamunīndevaściṁtitābyāgatānpuraḥ

उस नगर में महादेव स्वयं ही निवास करने लगे। तब देव ने केवल स्मरण मात्र से सप्तर्षियों को वहाँ आगे बुला लिया,

श्लोक 6 (skanda.1.61.6)

प्राहिणोदंबिकायाश्च स्थिरपत्रार्थमीश्वरः॥ सारुंधतीकास्ते तत्र ह्लादयंतो हिमाचलम्

prāhiṇodaṁbikāyāśca sthirapatrārthamīśvaraḥ sāruṁdhatīkāste tatra hlādayaṁto himācalam

और स्थिर-पत्र (सगाई) के लिए ईश्वर ने उन्हें अरुंधती सहित अम्बिका के पास भेजा। उन्होंने वहाँ हिमाचल को प्रसन्न करते हुए,

श्लोक 7 (skanda.1.61.7)

सभार्यामीश्वरगुणैः स्थिरपत्राणि चादधुः॥ ततः संपूजितास्तेन पुनरागम्य तेऽचलात्

sabhāryāmīśvaraguṇaiḥ sthirapatrāṇi cādadhuḥ tataḥ saṁpūjitāstena punarāgamya te'calāt

पत्नी सहित उन्हें ईश्वर के गुणों से युक्त कर, विवाह-पत्र स्थापित किए। तब उनके द्वारा सम्मानित होकर वे पर्वत से पुनः लौटकर,

श्लोक 8 (skanda.1.61.8)

न्यवेदयंस्र्यंबकाय स च तानभ्यनंदत॥ उद्वाहार्थं ततो देवो विश्वं सर्वं न्यमंत्रयत्

nyavedayaṁsryaṁbakāya sa ca tānabhyanaṁdata udvāhārthaṁ tato devo viśvaṁ sarvaṁ nyamaṁtrayat

त्र्यम्बक को यह निवेदन किया, और उन्होंने उनका अभिनन्दन किया। फिर देव ने विवाह के लिए सम्पूर्ण विश्व को आमन्त्रित किया —

श्लोक 9 (skanda.1.61.9)

समागतं च तत्सव विना दैत्यैर्दुरात्मभिः॥ स्थावरं जंगमं यच्च विश्वं विष्णुपुरोगमम्

samāgataṁ ca tatsava vinā daityairdurātmabhiḥ sthāvaraṁ jaṁgamaṁ yacca viśvaṁ viṣṇupurogamam

और दुरात्मा दैत्यों को छोड़कर वह सब वहाँ एकत्र हो गया — स्थावर-जंगम, विष्णु को अग्रणी करता हुआ यह सारा विश्व,

श्लोक 10 (skanda.1.61.10)

सब्रह्यकं पुरारातेर्महिमानमवर्धयत्॥ ततस्तं विधिराहेदं गन्धमादनपर्वते

sabrahyakaṁ purārātermahimānamavardhayat tatastaṁ vidhirāhedaṁ gandhamādanaparvate

ब्रह्मा सहित, पुरारि (त्रिपुरारि) की महिमा को बढ़ाने लगा। तब विधाता ने गन्धमादन पर्वत पर उनसे कहा —

श्लोक 11 (skanda.1.61.11)

पुरे स्थितं विवाहस्य देव कालः प्रवर्तते॥ ततस्तस्य जटाजूटे चंद्रखंडं पितामहः

pure sthitaṁ vivāhasya deva kālaḥ pravartate tatastasya jaṭājūṭe caṁdrakhaṁḍaṁ pitāmahaḥ

'हे देव, उस नगर में स्थित होकर, विवाह का समय अब आ गया है।' तब पितामह ने उनकी जटाओं में चन्द्रखण्ड,

श्लोक 12 (skanda.1.61.12)

बबंध प्रणयोदारविस्फारितविलोचनः॥ कपर्द्दं शोभनं विष्णुः स्वय चक्रेऽस्य हर्षतः

babaṁdha praṇayodāravisphāritavilocanaḥ kaparddaṁ śobhanaṁ viṣṇuḥ svaya cakre'sya harṣataḥ

प्रेम से विस्फारित नेत्रों के साथ, बाँध दिया। विष्णु ने स्वयं हर्षपूर्वक उनके सुन्दर केशपाश की व्यवस्था की,

श्लोक 13 (skanda.1.61.13)

कपालमालां विपुलां चामुण्डा मूर्ध्न्यबंधत॥ उवाच चापि गिरिशं पुत्रं जनय शंकर

kapālamālāṁ vipulāṁ cāmuṇḍā mūrdhnyabaṁdhata uvāca cāpi giriśaṁ putraṁ janaya śaṁkara

और चामुण्डा ने उनके मस्तक पर एक विशाल कपाल-माला बाँध दी, और गिरीश से कहा — 'हे शंकर, एक पुत्र उत्पन्न करो,

श्लोक 14 (skanda.1.61.14)

यो दैत्येंद्रकुलं हत्वा मां रक्तैस्तर्पयिष्यति॥ सूर्यो ज्वलच्छिखारक्तं भाबासितजगत्त्रयम्

yo daityeṁdrakulaṁ hatvā māṁ raktaistarpayiṣyati sūryo jvalacchikhāraktaṁ bhābāsitajagattrayam

जो दैत्येन्द्रों के कुल का संहार कर मुझे रक्त से तृप्त करेगा।' सूर्य ने प्रज्वलित शिखा वाला, रक्त-आभायुक्त, त्रिलोक को प्रकाशित करने वाला आभूषण,

श्लोक 15 (skanda.1.61.15)

बबंध देवदेवस्यच स्वयमेव प्रमोदतः॥ शेषवासुकिमुख्याश्च ज्वलंतस्तेजसा शुभाः

babaṁdha devadevasyaca svayameva pramodataḥ śeṣavāsukimukhyāśca jvalaṁtastejasā śubhāḥ

देवों के देव को स्वयं ही आनन्दपूर्वक बाँधा। शेष, वासुकि आदि तेज से जगमगाते शुभ नागगण,

श्लोक 16 (skanda.1.61.16)

आत्मानं भूषणस्थाने स्वयं ते चक्रुरीश्वरे ॥ वायवश्च ततस्तीक्ष्णश्रृंगं हिमगिरिप्रभम्

ātmānaṁ bhūṣaṇasthāne svayaṁ te cakrurīśvare vāyavaśca tatastīkṣṇaśrṛṁgaṁ himagiriprabham

स्वयं ईश्वर के आभूषण-स्थान में बन गए। तब वायुगणों ने तीक्ष्ण सींगों वाले, हिमगिरि-सम कान्तिमान वृषभ को,

श्लोक 17 (skanda.1.61.17)

वृषं विभूषयामासुर्नानारत्नोपपत्तिभिः॥ शक्रो गजजिनं गृह्य स्वयमग्रे व्यवस्थितः

vṛṣaṁ vibhūṣayāmāsurnānāratnopapattibhiḥ śakro gajajinaṁ gṛhya svayamagre vyavasthitaḥ

नाना रत्नों की योजना से सुसज्जित किया। शक्र गजचर्म लेकर स्वयं आगे खड़े हो गए,

श्लोक 18 (skanda.1.61.18)

विना भस्म समाधाय कपाले रजतप्रभम्॥ मनुजास्थिमयीं मालां प्रेतनाथश्च वन्दनम्

vinā bhasma samādhāya kapāle rajataprabham manujāsthimayīṁ mālāṁ pretanāthaśca vandanam

भस्म के स्थान पर कपाल पर रजत-सी चमकीली वस्तु लगाकर। यमराज ने मनुष्य-अस्थियों की माला और वन्दन,

श्लोक 19 (skanda.1.61.19)

वह्निस्तेजोमयं दिव्यमजिनं प्रददौ स्थितः॥ एवं विभूषितः सर्वैर्भृत्यैरीशो बभौ भृशम्

vahnistejomayaṁ divyamajinaṁ pradadau sthitaḥ evaṁ vibhūṣitaḥ sarvairbhṛtyairīśo babhau bhṛśam

अग्नि ने खड़े होकर तेजोमय दिव्य चर्म दिया — इस प्रकार सभी सेवकों द्वारा सुसज्जित होकर ईश्वर अत्यन्त शोभित हुए।

श्लोक 20 (skanda.1.61.20)

ततो हिमाद्रेः पुरुषा वीरकं प्रोचिरे वचः॥ मा भूत्कालात्ययः शीघ्रं भवस्यैतन्निवेद्यताम्

tato himādreḥ puruṣā vīrakaṁ procire vacaḥ mā bhūtkālātyayaḥ śīghraṁ bhavasyaitannivedyatām

तब हिमाद्रि के लोगों ने वीरक से कहा — 'समय व्यर्थ न जाए, शीघ्र यह बात भव को सूचित करो।'

श्लोक 21 (skanda.1.61.21)

ततो देवं प्रणम्याह वीरकः करसंपुटी॥ त्वरयंति महेशानं हिमाद्रेः पुरुषास्त्वमी

tato devaṁ praṇamyāha vīrakaḥ karasaṁpuṭī tvarayaṁti maheśānaṁ himādreḥ puruṣāstvamī

तब वीरक ने देव को प्रणाम कर हाथ जोड़कर कहा — 'हे महेशान, हिमाद्रि के ये लोग शीघ्रता चाहते हैं।'

श्लोक 22 (skanda.1.61.22)

इति श्रुत्वा वचो देवः शीघ्रमित्येव चाब्रवीत्॥ सप्त वारिधयस्तस्य चक्रुर्दर्पणदर्शनम्

iti śrutvā vaco devaḥ śīghramityeva cābravīt sapta vāridhayastasya cakrurdarpaṇadarśanam

यह सुनकर देव ने केवल 'शीघ्र ही' कहा। तब सातों समुद्रों ने उन्हें दर्पण के समान प्रतिबिम्ब दिखाया।

श्लोक 23 (skanda.1.61.23)

तत्रैक्षत महादेवः स्वरूपं स जगन्मयम्॥ ततो बद्धांजलिर्धीमान्स्थाणुं प्रोवाच केशवः

tatraikṣata mahādevaḥ svarūpaṁ sa jaganmayam tato baddhāṁjalirdhīmānsthāṇuṁ provāca keśavaḥ

वहाँ महादेव ने अपने जगन्मय स्वरूप को देखा। तब हाथ जोड़कर बुद्धिमान केशव ने स्थाणु से कहा —

श्लोक 24 (skanda.1.61.24)

देवदेव महादेव त्रिपुरांतक शंकर॥ शोभसेऽनेन रूपेण जगदानंददायिना

devadeva mahādeva tripurāṁtaka śaṁkara śobhase'nena rūpeṇa jagadānaṁdadāyinā

'हे देवदेव महादेव, त्रिपुरान्तक शंकर, जगत को आनन्द देने वाले इस रूप से आप शोभित हो रहे हैं,

श्लोक 25 (skanda.1.61.25)

महेश्वर यथा साक्षादपरस्त्वं महेश्वरः॥ ततः स्मयन्महादेवो जयेति भुवने श्रुतः

maheśvara yathā sākṣādaparastvaṁ maheśvaraḥ tataḥ smayanmahādevo jayeti bhuvane śrutaḥ

मानो साक्षात आप स्वयं ही एक दूसरे महेश्वर हों!' तब मुस्कुराते हुए महादेव, जिनकी 'जय' कहकर विश्व में ख्याति है,

श्लोक 26 (skanda.1.61.26)

करमालंब्य विष्णोश्च वृषभं रुरुहेशनैः॥ ततश्च वसवो देवाः शूलं तस्य न्यवेदयन्

karamālaṁbya viṣṇośca vṛṣabhaṁ ruruheśanaiḥ tataśca vasavo devāḥ śūlaṁ tasya nyavedayan

विष्णु का हाथ थामकर धीरे-धीरे वृषभ पर आरूढ़ हो गए। तब वसु देवों ने उनका शूल उन्हें भेंट किया,

श्लोक 27 (skanda.1.61.27)

धनदो निदिभिर्युक्तः समीपस्थस्ततोऽभवत्॥ स शूलपाणिर्विश्वात्मा संचचाल ततो हरः

dhanado nidibhiryuktaḥ samīpasthastato'bhavat sa śūlapāṇirviśvātmā saṁcacāla tato haraḥ

और कुबेर अपनी निधियों सहित उनके निकट आ खड़े हुए। तब शूलपाणि, विश्वात्मा हर आगे बढ़े,

श्लोक 28 (skanda.1.61.28)

देवदुंदुभिनादैश्च पुष्पासारैश्च गीतकैः॥ नृत्यद्भिरप्सरोभिश्च जयेति च महास्वनैः

devaduṁdubhinādaiśca puṣpāsāraiśca gītakaiḥ nṛtyadbhirapsarobhiśca jayeti ca mahāsvanaiḥ

देव-दुन्दुभियों की ध्वनि, पुष्पों की वर्षा, गीतों, नाचती अप्सराओं और 'जय-जय' के महाघोषों के बीच।

श्लोक 29 (skanda.1.61.29)

सव्यदक्षिणसंस्थानौ ब्रह्मविष्णूतु जग्मतुः॥ हंसं च गरुडं चैव समारुह्य महाप्रभौ

savyadakṣiṇasaṁsthānau brahmaviṣṇūtu jagmatuḥ haṁsaṁ ca garuḍaṁ caiva samāruhya mahāprabhau

उनके बाएँ-दाएँ ब्रह्मा और विष्णु चले, वे दोनों महातेजस्वी क्रमशः हंस और गरुड़ पर आरूढ़ होकर।

श्लोक 30 (skanda.1.61.30)

अथादितिर्दितिः सा च दनुः कद्रूः सुपर्णजा॥ पौलोमी सुरसा चैव सिंहिका सुरभिर्मुनिः

athāditirditiḥ sā ca danuḥ kadrūḥ suparṇajā paulomī surasā caiva siṁhikā surabhirmuniḥ

तब अदिति, दिति, दनु, कद्रू, विनता, पौलोमी, सुरसा, सिंहिका, सुरभि, मुनि,

श्लोक 31 (skanda.1.61.31)

सिद्धिर्माया क्षमा दुर्गा देवी स्वाहा स्वधा सुधा॥ सावित्री चैव गायत्री लक्ष्मीः सा दक्षिणा द्युतिः

siddhirmāyā kṣamā durgā devī svāhā svadhā sudhā sāvitrī caiva gāyatrī lakṣmīḥ sā dakṣiṇā dyutiḥ

सिद्धि, माया, क्षमा, देवी दुर्गा, स्वाहा, स्वधा, सुधा, सावित्री, गायत्री, लक्ष्मी, दक्षिणा, द्युति,

श्लोक 32 (skanda.1.61.32)

स्पृहामतिर्धृतिर्बुद्धिर्मंथिर्ऋद्धिः सरस्वती॥ राका कुहूः सिनीवाली देवी भानुमती तथा

spṛhāmatirdhṛtirbuddhirmaṁthirṛddhiḥ sarasvatī rākā kuhūḥ sinīvālī devī bhānumatī tathā

स्पृहा, मति, धृति, बुद्धि, मन्थि, ऋद्धि, सरस्वती, राका, कुहू, सिनीवाली, देवी भानुमती,

श्लोक 33 (skanda.1.61.33)

धरणी धारणी वेला राज्ञी चापि च रोहिणी॥ इत्येताश्चान्यदेवानां मातरः पत्नयस्तथा

dharaṇī dhāraṇī velā rājñī cāpi ca rohiṇī ityetāścānyadevānāṁ mātaraḥ patnayastathā

धरणी, धारणी, वेला, राज्ञी और रोहिणी भी — ये सब, और अन्य देवताओं की माताएँ और पत्नियाँ भी,

श्लोक 34 (skanda.1.61.34)

उद्वाहं देवदेवस्य जग्मुः सर्वा मुदान्विताः॥ उरगा गरुडा यक्षा गंधर्वाः किंनरा नराः

udvāhaṁ devadevasya jagmuḥ sarvā mudānvitāḥ uragā garuḍā yakṣā gaṁdharvāḥ kiṁnarā narāḥ

हर्षपूर्वक देवों के देव के विवाह में गईं। नाग, गरुड़, यक्ष, गन्धर्व, किन्नर, मनुष्य,

श्लोक 35 (skanda.1.61.35)

सागरा गिरयो मेघा मासाः संवत्सरास्तथा॥ वेदा मंत्रास्तथा यज्ञाः श्रौता धर्माश्च सर्वशः

sāgarā girayo meghā māsāḥ saṁvatsarāstathā vedā maṁtrāstathā yajñāḥ śrautā dharmāśca sarvaśaḥ

समुद्र, पर्वत, मेघ, महीने, वर्ष, वेद, मन्त्र, यज्ञ, और सम्पूर्ण श्रौत धर्म,

श्लोक 36 (skanda.1.61.36)

हुंकाराः प्रणवाश्चैव इतिहासाः सहस्रशः॥ कोटिशश्च तथा देवा महेंद्राद्याः सवाहनाः

huṁkārāḥ praṇavāścaiva itihāsāḥ sahasraśaḥ koṭiśaśca tathā devā maheṁdrādyāḥ savāhanāḥ

हुंकार, प्रणव और सहस्रों इतिहास, तथा करोड़ों की संख्या में महेन्द्र आदि देव अपने-अपने वाहनों सहित,

श्लोक 37 (skanda.1.61.37)

अनुजग्मुर्महादेवं कोटिशोऽर्बुदशश्च हि॥ गणाश्च पृष्ठतो जग्मुः शंखवर्णाश्च कोटिशः

anujagmurmahādevaṁ koṭiśo'rbudaśaśca hi gaṇāśca pṛṣṭhato jagmuḥ śaṁkhavarṇāśca koṭiśaḥ

करोड़ों-अरबों की संख्या में महादेव के पीछे-पीछे चले। शंख-वर्ण गणगण भी करोड़ों की संख्या में पीछे-पीछे गए —

श्लोक 38 (skanda.1.61.38)

दशभिः केकराख्याश्च विद्युतोऽष्टाभिरेव च॥ चतुःषष्ट्या विशाखाश्च नवभिः पारियात्रिकाः

daśabhiḥ kekarākhyāśca vidyuto'ṣṭābhireva ca catuḥṣaṣṭyā viśākhāśca navabhiḥ pāriyātrikāḥ

केकर नामक गण दस करोड़ के साथ, विद्युत आठ करोड़ के साथ, विशाखगण चौंसठ करोड़ के साथ, पारियात्रिक नौ करोड़ के साथ,

श्लोक 39 (skanda.1.61.39)

षड्भिः सर्वांतकः श्रीमांस्तथैव विकृताननः॥ ज्वालाकेशो द्वादशभिः कोटिभिः संवृतो ययौ

ṣaḍbhiḥ sarvāṁtakaḥ śrīmāṁstathaiva vikṛtānanaḥ jvālākeśo dvādaśabhiḥ koṭibhiḥ saṁvṛto yayau

श्रीमान सर्वान्तक छह करोड़ के साथ, और वैसे ही विकृतानन; ज्वालाकेश बारह करोड़ से घिरे हुए चले,

श्लोक 40 (skanda.1.61.40)

सप्तभिः समदः श्रीमान्दुंदुभोष्ठाभिरेव च॥ पंचभिश्च कपालीशः षड्भिः संह्रादकः शुभः

saptabhiḥ samadaḥ śrīmānduṁdubhoṣṭhābhireva ca paṁcabhiśca kapālīśaḥ ṣaḍbhiḥ saṁhrādakaḥ śubhaḥ

श्रीमान समद सात करोड़ के साथ, और दुन्दुभोष्ठ भी सात करोड़ के साथ; कपालीश पाँच करोड़ के साथ, और शुभ संह्रादक छह करोड़ के साथ,

श्लोक 41 (skanda.1.61.41)

कोटिकोटिभिरेवैकः कुंडकः कुंभकस्तथा॥ विष्टंभोऽष्टाभिरेवेह गणपः सर्वसत्तमः

koṭikoṭibhirevaikaḥ kuṁḍakaḥ kuṁbhakastathā viṣṭaṁbho'ṣṭābhireveha gaṇapaḥ sarvasattamaḥ

कुण्डक अकेला एक करोड़-करोड़ के साथ, और वैसे ही कुम्भक; विष्टम्भ, समस्त गणपतियों में श्रेष्ठ, आठ करोड़ के साथ,

श्लोक 42 (skanda.1.61.42)

पिप्पलश्च सहस्रेण सन्नादश्च तथा बली॥ आवेशनस्तथाष्टाभिः सप्तभिश्चंद्रतापनः

pippalaśca sahasreṇa sannādaśca tathā balī āveśanastathāṣṭābhiḥ saptabhiścaṁdratāpanaḥ

पिप्पल एक हजार के साथ, और बलशाली सन्नाद भी उतने ही के साथ; आवेशन आठ करोड़ के साथ, और चन्द्रतापन सात करोड़ के साथ,

श्लोक 43 (skanda.1.61.43)

महाकेशः सहस्रेण नंदिर्द्वादशभिस्तथा॥ नगः कालः करालश्च महाकालः शतेन च

mahākeśaḥ sahasreṇa naṁdirdvādaśabhistathā nagaḥ kālaḥ karālaśca mahākālaḥ śatena ca

महाकेश एक हजार के साथ, और नन्दी बारह करोड़ के साथ; नग, काल और कराल, और महाकाल सौ करोड़ के साथ,

श्लोक 44 (skanda.1.61.44)

अग्निकः शतकोट्या वै कोट्याग्निमुख एव च॥ आदित्यमूर्धा कोट्या च कोट्या चैव धनावहः

agnikaḥ śatakoṭyā vai koṭyāgnimukha eva ca ādityamūrdhā koṭyā ca koṭyā caiva dhanāvahaḥ

अग्निक सौ करोड़ के साथ, और अग्निमुख भी एक करोड़ के साथ; आदित्यमूर्धा एक करोड़ के साथ, और धनावह भी एक करोड़ के साथ,

श्लोक 45 (skanda.1.61.45)

सन्नागश्च शतेनैव कुमुदः कोटिभिस्त्रिभिः॥ अमोघः कोकिलश्चैव कोटिकोट्या सुमंत्रकः

sannāgaśca śatenaiva kumudaḥ koṭibhistribhiḥ amoghaḥ kokilaścaiva koṭikoṭyā sumaṁtrakaḥ

सन्नाग सौ के साथ, और कुमुद तीन करोड़ के साथ; अमोघ और कोकिल भी, और सुमन्त्रक एक करोड़-करोड़ के साथ,

श्लोक 46 (skanda.1.61.46)

काकपादस्तता षष्ट्या षष्ट्या संतानको गणः॥ महाबलश्च नवभिर्मधुपिंगश्च पिंगलः

kākapādastatā ṣaṣṭyā ṣaṣṭyā saṁtānako gaṇaḥ mahābalaśca navabhirmadhupiṁgaśca piṁgalaḥ

काकपाद साठ के साथ, और सन्तानक गण भी साठ के साथ; महाबल नौ के साथ, और मधुपिंग और पिंगल,

श्लोक 47 (skanda.1.61.47)

नीलो नवत्या सप्तत्या चतुर्वक्त्रश्च पूर्वपात्॥ वीरभद्रश्चश्चतुःषष्ट्या करणो बालकस्तथा

nīlo navatyā saptatyā caturvaktraśca pūrvapāt vīrabhadraścaścatuḥṣaṣṭyā karaṇo bālakastathā

नील नब्बे के साथ, और पूर्व-दिशा का रक्षक चतुर्वक्त्र सत्तर के साथ; वीरभद्र चौंसठ के साथ, और करण तथा बालक भी,

श्लोक 48 (skanda.1.61.48)

पंचाक्षः शतमन्युश्च मेघमन्युश्च विंशतिः॥ काष्ठकोटिश्चतुःषष्ट्या सुकोशो वृषभस्तथा

paṁcākṣaḥ śatamanyuśca meghamanyuśca viṁśatiḥ kāṣṭhakoṭiścatuḥṣaṣṭyā sukośo vṛṣabhastathā

पंचाक्ष, शतमन्यु, और मेघमन्यु बीस के साथ; काष्ठकोटि चौंसठ के साथ, और सुकोश तथा वृषभ भी,

श्लोक 49 (skanda.1.61.49)

विश्वरूपस्तालकेतुः पंचाशच्च सिताननः॥ ईशानो वृद्धदेवश्च दीप्तात्मा मृत्युहा तथा

viśvarūpastālaketuḥ paṁcāśacca sitānanaḥ īśāno vṛddhadevaśca dīptātmā mṛtyuhā tathā

विश्वरूप, तालकेतु, और श्वेतमुख पचास के साथ; ईशान, वृद्धदेव, दीप्तात्मा, और मृत्युहा भी,

श्लोक 50 (skanda.1.61.50)

विषादो यमहा चैव गणो भृंगरिटिस्तथा॥ अशनी हासकश्चैव चतुःषष्ट्या सहस्रपात्

viṣādo yamahā caiva gaṇo bhṛṁgariṭistathā aśanī hāsakaścaiva catuḥṣaṣṭyā sahasrapāt

विषाद, यमहा, और भृंगरिटि गण; अशनि और हासक चौंसठ के साथ, तथा सहस्रपाद,

श्लोक 51 (skanda.1.61.51)

एते चान्ये च गणपा असंख्याता महाबलाः॥ सर्वे सहस्रहस्ताश्च जटामुकुटधारीणः

ete cānye ca gaṇapā asaṁkhyātā mahābalāḥ sarve sahasrahastāśca jaṭāmukuṭadhārīṇaḥ

ये और अन्य असंख्य महाबली गणपति — सभी सहस्र-भुजाओं वाले, जटा-मुकुट धारण किए हुए,

श्लोक 52 (skanda.1.61.52)

चंद्रलेखावतंसाश्च नीलकंठास्त्रिलोचनाः॥ हारकुंडलकेयूरमुकुटाद्यैरलंकृताः

caṁdralekhāvataṁsāśca nīlakaṁṭhāstrilocanāḥ hārakuṁḍalakeyūramukuṭādyairalaṁkṛtāḥ

चन्द्र-रेखा का मुकुट धारण किए, नीलकण्ठ, त्रिनेत्र, हार-कुण्डल-केयूर-मुकुट आदि से अलंकृत,

श्लोक 53 (skanda.1.61.53)

अणिमादिगुणैर्युक्ताः शक्ताः शापप्रसादयोः॥ सूर्यकोटिप्रतीकाशास्तत्राजग्मुर्गणेश्वराः

aṇimādiguṇairyuktāḥ śaktāḥ śāpaprasādayoḥ sūryakoṭipratīkāśāstatrājagmurgaṇeśvarāḥ

अणिमा आदि सिद्धियों से युक्त, शाप और वरदान देने में समर्थ, करोड़ों सूर्यों के समान तेजस्वी — वे सब गणेश्वर वहाँ आए।

श्लोक 54 (skanda.1.61.54)

पातालांबरभूमिस्थाः सर्वलोकनिवासिनः॥ तुंबुरुर्नारदो हाहा हूहूश्चैव तु सामगाः

pātālāṁbarabhūmisthāḥ sarvalokanivāsinaḥ tuṁbururnārado hāhā hūhūścaiva tu sāmagāḥ

पाताल, आकाश और भूतल में स्थित, समस्त लोकों के निवासी — तुम्बुरु, नारद, हाहा और हूहू जैसे सामगायक,

श्लोक 55 (skanda.1.61.55)

तंत्रीमादाय वाद्यांश्चाऽवादयञ्छंकरोत्सवे॥ ऋषयः कृत्स्नशश्चैव वेदगीतांस्तपोधनाः

taṁtrīmādāya vādyāṁścā'vādayañchaṁkarotsave ṛṣayaḥ kṛtsnaśaścaiva vedagītāṁstapodhanāḥ

वीणा उठाकर शंकर के उत्सव में वाद्य बजाने लगे। सभी ऋषिगण, तपोधन, एक साथ,

श्लोक 56 (skanda.1.61.56)

पुण्यान्वैवाहिकान्मंत्राञ्जेषुः संहृष्टमानसाः॥ एवं प्रतस्थेगिरिशो वीज्यमानश्च गंगया

puṇyānvaivāhikānmaṁtrāñjeṣuḥ saṁhṛṣṭamānasāḥ evaṁ pratasthegiriśo vījyamānaśca gaṁgayā

वेद-गीत, पवित्र विवाह-मन्त्र प्रसन्न-चित्त होकर गाने लगे। इस प्रकार गिरीश गंगा द्वारा पंखा झली जाती हुई प्रस्थान करने लगे,

श्लोक 57 (skanda.1.61.57)

तथा यमुनया चापांपतिना धृतच्छत्रया॥ स्त्रीभिर्नानाविधालापैलाजाभिश्चानुमोदितः

tathā yamunayā cāpāṁpatinā dhṛtacchatrayā strībhirnānāvidhālāpailājābhiścānumoditaḥ

तथा यमुना द्वारा भी, और जल के स्वामी वरुण द्वारा छत्र धारण किए जाते हुए; स्त्रियों के नाना मंगल-वचनों और लाजा-वर्षा से अभिनन्दित होते हुए,

श्लोक 58 (skanda.1.61.58)

महोत्सवेन देवेशो गिरिस्थानं विवेश सः॥ प्रभासत्स्वर्णकलशं तोरणानां शतैर्युतम्

mahotsavena deveśo giristhānaṁ viveśa saḥ prabhāsatsvarṇakalaśaṁ toraṇānāṁ śatairyutam

वे देवेश महोत्सव के साथ पर्वत के भवन में प्रविष्ट हुए — स्वर्ण-कलशों से चमकता, सैकड़ों तोरणों से सुसज्जित,

श्लोक 59 (skanda.1.61.59)

वैडूर्यबद्धभूमिस्थं रत्नजैश्च गृहैर्युतम्॥ तत्प्रविश्य स्तूयमानो द्वारमभ्याससाद ह

vaiḍūryabaddhabhūmisthaṁ ratnajaiśca gṛhairyutam tatpraviśya stūyamāno dvāramabhyāsasāda ha

वैडूर्य-जड़ित भूमि वाला, रत्न-निर्मित भवनों से युक्त। वहाँ प्रवेश कर, चारों ओर से स्तुति किए जाते हुए, वे द्वार तक पहुँचे।

श्लोक 60 (skanda.1.61.60)

ततो हिमाचलस्तत्र दृश्यते व्याकुलाकुलः॥ आदिशदात्मभृत्यानां महादेव उपस्थिते

tato himācalastatra dṛśyate vyākulākulaḥ ādiśadātmabhṛtyānāṁ mahādeva upasthite

वहाँ हिमाचल अत्यन्त व्याकुल दिखाई देने लगा; महादेव के उपस्थित होने पर उसने अपने सेवकों को आदेश दिया।

श्लोक 61 (skanda.1.61.61)

ततो ब्रह्माणमचलो गुरुत्वे प्रार्थयत्तदा॥ कृत्यानां सर्वभारेषु वासुदेवं च बुद्धिमान्

tato brahmāṇamacalo gurutve prārthayattadā kṛtyānāṁ sarvabhāreṣu vāsudevaṁ ca buddhimān

तब अचल ने ब्रह्मा से पुरोहित बनने की, और बुद्धिमान वासुदेव से समस्त कार्यों का भार उठाने की प्रार्थना की।

श्लोक 62 (skanda.1.61.62)

प्रत्याह च विवाहऽस्मिन्कुमारीभ्रातरं विना॥ भविष्यति कथं विष्णो लाजहोमादिकर्मसु

pratyāha ca vivāha'sminkumārībhrātaraṁ vinā bhaviṣyati kathaṁ viṣṇo lājahomādikarmasu

उसने कहा — 'किन्तु इस विवाह में कन्या के भाई के बिना, हे विष्णु, लाजाहोम आदि कार्य कैसे सम्पन्न होंगे?

श्लोक 63 (skanda.1.61.63)

सुतो हि मम मैनाकः स प्रविष्टोऽर्णवे स्थितः॥ इति चिंताविषण्णं तं विष्णुराहमहामतिः

suto hi mama mainākaḥ sa praviṣṭo'rṇave sthitaḥ iti ciṁtāviṣaṇṇaṁ taṁ viṣṇurāhamahāmatiḥ

मेरा पुत्र मैनाक तो समुद्र में प्रविष्ट होकर वहीं स्थित है।' इस प्रकार चिन्ता से खिन्न उसे महामति विष्णु ने कहा —

श्लोक 64 (skanda.1.61.64)

अत्र चिंता न कर्तव्या गिरिराज कथंचन॥ अहं भ्राता जगन्मातुरेतदे वं च नान्यथा

atra ciṁtā na kartavyā girirāja kathaṁcana ahaṁ bhrātā jaganmāturetade vaṁ ca nānyathā

'हे गिरिराज, इसकी कोई चिन्ता मत करो; मैं ही जगन्माता का भाई हूँ — यह ऐसा ही है, अन्यथा नहीं।'

श्लोक 65 (skanda.1.61.65)

ततः प्रमुदितः शैलः पार्वतीं च स्वलंकृताम्॥ सखीभिः कोटिसंख्याभिर्वृतां प्रवेशयत्सदः

tataḥ pramuditaḥ śailaḥ pārvatīṁ ca svalaṁkṛtām sakhībhiḥ koṭisaṁkhyābhirvṛtāṁ praveśayatsadaḥ

तब अत्यन्त प्रसन्न होकर पर्वत ने सुसज्जित पार्वती को, करोड़ों की संख्या में सखियों से घिरी हुई, सभा में प्रवेश कराया।

श्लोक 66 (skanda.1.61.66)

ततो नीलमयस्तंभं ज्वलत्कांचनकुट्टिमम्॥ मुक्ताजालपरिष्कारं ज्वलितौ षधिदीपितम्

tato nīlamayastaṁbhaṁ jvalatkāṁcanakuṭṭimam muktājālapariṣkāraṁ jvalitau ṣadhidīpitam

वह विवाह-मण्डप नीलमणि के स्तम्भों वाला, जगमगाते स्वर्ण के फर्श वाला, मोतियों के जालों से सुसज्जित, प्रज्वलित औषधि-दीपों से आलोकित था,

श्लोक 67 (skanda.1.61.67)

रत्नासनसहस्राढ्यं शतयोजनविस्तृतम्॥ विवाहमंडपं शर्वो विवेशानुचरावृतः

ratnāsanasahasrāḍhyaṁ śatayojanavistṛtam vivāhamaṁḍapaṁ śarvo viveśānucarāvṛtaḥ

सहस्रों रत्न-आसनों से भरा, सौ योजन विस्तृत — उस विवाह-मण्डप में शर्व अपने अनुचरों सहित प्रविष्ट हुए।

श्लोक 68 (skanda.1.61.68)

ततः शैलः सपत्नीकः पादौ प्रक्षाल्य हर्षितः॥ भवस्य तेन तोयेन सिषिचे स्वं जगत्तथा

tataḥ śailaḥ sapatnīkaḥ pādau prakṣālya harṣitaḥ bhavasya tena toyena siṣice svaṁ jagattathā

तब पर्वत ने पत्नी सहित हर्षपूर्वक भव के चरण धोए, और उसी जल से अपने सम्पूर्ण राज्य को सींचा।

श्लोक 69 (skanda.1.61.69)

पाद्यमाचमनं दत्त्वा मधुपर्कं च गां तथा॥ प्रदानस्य प्रयोगं च संचिंतयंति ब्राह्मणाः

pādyamācamanaṁ dattvā madhuparkaṁ ca gāṁ tathā pradānasya prayogaṁ ca saṁciṁtayaṁti brāhmaṇāḥ

पाद्य, आचमन, मधुपर्क और गौ अर्पित कर, ब्राह्मणगण कन्यादान की विधि पर विचार करने लगे।

श्लोक 70 (skanda.1.61.70)

दौहित्रीं कव्यवाहानां दद्मि पुत्रीं स्वकामहम्॥ इत्युक्त्वा तस्थिवाञ्छैलो न जानाति हरस्य सः

dauhitrīṁ kavyavāhānāṁ dadmi putrīṁ svakāmaham ityuktvā tasthivāñchailo na jānāti harasya saḥ

'कव्यवाहन (पितरों) की दौहित्री, अपनी पुत्री को मैं देता हूँ' — यह कहकर पर्वत रुक गया, क्योंकि वह हर का कुल नहीं जानता था।

श्लोक 71 (skanda.1.61.71)

ततः सर्वानपृच्छत्स कुलं कोऽपि न वेद तत्॥ ततो विष्णुरिदं प्राह पृछ्यंतेऽन्ये किमर्थतः

tataḥ sarvānapṛcchatsa kulaṁ ko'pi na veda tat tato viṣṇuridaṁ prāha pṛchyaṁte'nye kimarthataḥ

तब उसने सबसे पूछा, पर किसी को भी वह ज्ञात नहीं था। तब विष्णु ने कहा — 'औरों से क्यों पूछा जा रहा है?

श्लोक 72 (skanda.1.61.72)

अज्ञातकुलतां तस्य पृछ्यतामयमेव च॥ अहिरेव अहेः पादान्वेत्ति नान्यो हिमाचल

ajñātakulatāṁ tasya pṛchyatāmayameva ca ahireva aheḥ pādānvetti nānyo himācala

इसके अज्ञात कुल के विषय में इसी से पूछा जाए। सर्प के पैरों को सर्प ही जानता है, कोई और नहीं, हे हिमाचल।'

श्लोक 73 (skanda.1.61.73)

स्वगोत्रं यदि न ब्रूते न देया भगिनी मम॥ ततो हासस्तदा जज्ञे सर्वेषां सुमहास्वनः

svagotraṁ yadi na brūte na deyā bhaginī mama tato hāsastadā jajñe sarveṣāṁ sumahāsvanaḥ

'यदि यह अपना गोत्र न बताए, तो मेरी बहन इसे नहीं दी जाएगी!' तब सबका बहुत बड़ा हास्य-घोष उठा,

श्लोक 74 (skanda.1.61.74)

निवृत्तश्च क्षणाद्भूयः किं वक्ष्यति हरस्त्विति॥ ततो विमृश्य बहुधा किंचिद्भीताननो यता

nivṛttaśca kṣaṇādbhūyaḥ kiṁ vakṣyati harastviti tato vimṛśya bahudhā kiṁcidbhītānano yatā

जो क्षणभर में फिर शान्त हो गया — 'हर अब क्या कहेंगे?' यह सोचकर। तब बहुत विचार कर, कुछ भयभीत मुख जैसा दिखाते हुए,

श्लोक 75 (skanda.1.61.75)

लज्जाजडः स्मितं चक्रे ततः पार्थ स वै हरः॥ ततो विशिष्टा ब्रुवति शीघ्रं कालोऽतिवर्तते

lajjājaḍaḥ smitaṁ cakre tataḥ pārtha sa vai haraḥ tato viśiṣṭā bruvati śīghraṁ kālo'tivartate

लज्जा से मूक होकर, हे पार्थ, हर ने बस मुस्कुरा दिया। तब विशिष्ट जनों ने कहा — 'शीघ्र बोलो, मुहूर्त बीता जा रहा है।'

श्लोक 76 (skanda.1.61.76)

हरिः प्राह महेशानं बिभ्यदावेद्मयहं तव॥ मातामहं च पितरं प्रयोगं श्रृणु भूधर

hariḥ prāha maheśānaṁ bibhyadāvedmayahaṁ tava mātāmahaṁ ca pitaraṁ prayogaṁ śrṛṇu bhūdhara

हरि ने महेशान से कहा — 'भयभीत होकर मैं ही तुम्हारे नाना और पिता का नाम बताता हूँ; सुनो, हे भूधर, यह विधि है —

श्लोक 77 (skanda.1.61.77)

आत्मपुत्राय ते शंभो आत्मदौहित्रकाय ते॥ इत्युक्ते विष्णुना सर्वे साधुसाध्विति ते जगुः

ātmaputrāya te śaṁbho ātmadauhitrakāya te ityukte viṣṇunā sarve sādhusādhviti te jaguḥ

अपने ही पुत्र को, हे शम्भु, अपने ही दौहित्र को!' विष्णु द्वारा यह कहे जाने पर सबने कहा — 'साधु, साधु!'

श्लोक 78 (skanda.1.61.78)

देवोऽप्युदाहरेद्वुद्धिं सर्वेभ्योऽप्यधिकां वराम्॥ ततः शैलस्तथा चोक्त्वा दत्त्वा देवीं च सोदकम्

devo'pyudāharedvuddhiṁ sarvebhyo'pyadhikāṁ varām tataḥ śailastathā coktvā dattvā devīṁ ca sodakam

देव ने भी उनकी इस बुद्धि को सबसे बढ़कर सराहा। तब पर्वत ने इस प्रकार कहकर, जलधारा के साथ देवी को दान कर,

श्लोक 79 (skanda.1.61.79)

आत्मानं चापि देवाय प्रददौ सोदकं नगः॥ ततः सर्वे तुष्टुवुस्तं विवाहं विस्मयान्विताः

ātmānaṁ cāpi devāya pradadau sodakaṁ nagaḥ tataḥ sarve tuṣṭuvustaṁ vivāhaṁ vismayānvitāḥ

स्वयं को भी जलधारा के साथ देव को समर्पित कर दिया। तब सभी विस्मित होकर उस विवाह की प्रशंसा करने लगे —

श्लोक 80 (skanda.1.61.80)

दाता महीभृतां नाथो होता देवश्चतुर्मुखः॥ वरः पशुपतिः साक्षात्कन्या विश्वरणिस्तथा

dātā mahībhṛtāṁ nātho hotā devaścaturmukhaḥ varaḥ paśupatiḥ sākṣātkanyā viśvaraṇistathā

दाता पर्वतों के स्वामी थे, होता चतुर्मुख ब्रह्मा थे, वर स्वयं पशुपति थे, और कन्या स्वयं विश्व की धारिणी देवी थीं।

श्लोक 81 (skanda.1.61.81)

ततः स्तुवत्सु मुनिषु पुष्पवर्षे महत्यपि॥ नदत्सु देवतूर्येषु करं जग्राह त्र्यम्बकः

tataḥ stuvatsu muniṣu puṣpavarṣe mahatyapi nadatsu devatūryeṣu karaṁ jagrāha tryambakaḥ

तब मुनियों की स्तुतियों के बीच, महान पुष्प-वर्षा के साथ, देव-भेरियों के गूँजते हुए, त्र्यम्बक ने उनका हाथ थाम लिया,

श्लोक 82 (skanda.1.61.82)

देवो देवीं समालोक्य सलज्जां हिमशैलजाम्॥ न तृप्यति न चाह्लादत्सा च देवां वृषध्वजम्

devo devīṁ samālokya salajjāṁ himaśailajām na tṛpyati na cāhlādatsā ca devāṁ vṛṣadhvajam

और देव ने लज्जायुक्त हिमशैल-पुत्री को देखकर तृप्ति न पाई; और वह भी वृषभ-ध्वज देव को देखकर आनन्द-मग्न रही।

श्लोक 83 (skanda.1.61.83)

तत्र ब्रह्मादिमुनयो देवीमद्भुतरूपिणीम्॥ पश्यंतः शरणं जग्मुर्मनसा परमेश्वरम्

tatra brahmādimunayo devīmadbhutarūpiṇīm paśyaṁtaḥ śaraṇaṁ jagmurmanasā parameśvaram

वहाँ ब्रह्मा आदि मुनि देवी के उस अद्भुत रूप को देखते हुए, मन ही मन परमेश्वर की शरण में गए —

श्लोक 84 (skanda.1.61.84)

मा मुह्याम पार्वतीं च यथा नारदपर्वतौ॥ ततस्तथैव तच्चक्रे सर्वेषामीप्सितं वचः

mā muhyāma pārvatīṁ ca yathā nāradaparvatau tatastathaiva taccakre sarveṣāmīpsitaṁ vacaḥ

'हम पार्वती को देखकर मोहित न हों, जैसे नारद और पर्वत मोहित हुए थे।' तब उनकी उस इच्छा को प्रभु ने वैसा ही पूर्ण कर दिया।

श्लोक 85 (skanda.1.61.85)

ततो देवैश्च मुनिभिः संस्तुतः परमेश्वरः॥ प्रविवेश शुभां वेदीं मूर्तिमज्ज्वलनाश्रिताम्

tato devaiśca munibhiḥ saṁstutaḥ parameśvaraḥ praviveśa śubhāṁ vedīṁ mūrtimajjvalanāśritām

तब देवों और मुनियों द्वारा स्तुति किए जाकर परमेश्वर ने उस शुभ वेदी में प्रवेश किया, जो साक्षात अग्नि पर आश्रित थी।

श्लोक 86 (skanda.1.61.86)

वेधाः श्रुतीरितैर्मं त्रैर्मूर्तिमद्भिरुपस्थितैः॥ मूर्तमग्निं जुहाव त्रिः परिक्रम्य च तं हरः

vedhāḥ śrutīritairmaṁ trairmūrtimadbhirupasthitaiḥ mūrtamagniṁ juhāva triḥ parikramya ca taṁ haraḥ

श्रुति-उक्त मन्त्रों से, वहाँ उपस्थित साक्षात मूर्तिमान देवताओं के साथ, विधाता ने विधिपूर्वक कार्य किया, और हर ने साक्षात अग्नि की तीन परिक्रमा कर उसमें आहुति दी।

श्लोक 87 (skanda.1.61.87)

लाजाहोम उमाभ्राता प्राह तं सस्मितं हरिः॥ बहवो मिलिताः संति लोकाः संमर्द ईश्वर

lājāhoma umābhrātā prāha taṁ sasmitaṁ hariḥ bahavo militāḥ saṁti lokāḥ saṁmarda īśvara

लाजाहोम के समय उमा के भाई हरि ने मुस्कुराते हुए उनसे कहा — 'हे ईश्वर, यहाँ बहुत सारे लोक एकत्र हो गए हैं, बड़ी भीड़ है —

श्लोक 88 (skanda.1.61.88)

सावधानेन रक्ष्याणि भूषणानि त्वया हर॥ ततो हरश्च तं प्राह स्वजने माऽतिगोपय

sāvadhānena rakṣyāṇi bhūṣaṇāni tvayā hara tato haraśca taṁ prāha svajane mā'tigopaya

हे हर, सावधानी से अपने आभूषणों की रक्षा करें।' तब हर ने उनसे कहा — 'अपने ही स्वजनों के बीच इतनी सावधानी मत बरतो।'

श्लोक 89 (skanda.1.61.89)

किंचित्प्रार्थय दास्यामि प्राह विष्णुस्ततो वरम्॥ त्वयि भक्तिर्दृढा मेऽस्तु स च तद्दुर्लभं ददौ

kiṁcitprārthaya dāsyāmi prāha viṣṇustato varam tvayi bhaktirdṛḍhā me'stu sa ca taddurlabhaṁ dadau

'कुछ माँगो, मैं दूँगा' — यह कहने पर विष्णु ने वर माँगा — 'तुम में मेरी भक्ति दृढ़ रहे।' और उन्होंने वह दुर्लभ वर दे दिया।

श्लोक 90 (skanda.1.61.90)

ददतुः सृष्टिसंरक्षां ब्रह्मणे दक्षिणामुभौ॥ अग्नये यज्ञभागांश्च प्रीतौ हरजनार्दनौ

dadatuḥ sṛṣṭisaṁrakṣāṁ brahmaṇe dakṣiṇāmubhau agnaye yajñabhāgāṁśca prītau harajanārdanau

हर और जनार्दन दोनों ने प्रसन्न होकर ब्रह्मा को सृष्टि-संरक्षण का, और अग्नि को यज्ञ-भागों का दक्षिणा रूप में दान दिया,

श्लोक 91 (skanda.1.61.91)

भृग्वादीनां ततो दत्त्वा श्रुतिरक्षणदक्षिणाम्॥ ततो गीतैश्च नृत्यैश्च भोजनैश्च यथेप्सितैः

bhṛgvādīnāṁ tato dattvā śrutirakṣaṇadakṣiṇām tato gītaiśca nṛtyaiśca bhojanaiśca yathepsitaiḥ

और भृगु आदि को श्रुति-रक्षा की दक्षिणा देकर, फिर गीतों, नृत्यों, इच्छानुसार भोजनों,

श्लोक 92 (skanda.1.61.92)

महोत्सवैरनेकैश्च विस्मयं समपद्यत॥ विसृज्य लोकं तं सर्वं किमिच्छादानकैर्भवः

mahotsavairanekaiśca vismayaṁ samapadyata visṛjya lokaṁ taṁ sarvaṁ kimicchādānakairbhavaḥ

और अनेक महोत्सवों से सब विस्मय को प्राप्त हुए। सम्पूर्ण उस समाज को विदा कर, इच्छानुसार दान देते हुए भव ने,

श्लोक 93 (skanda.1.61.93)

सरस्वत्या च पितरौ देव्याश्चाऽऽश्वास्य दुःखितौ॥ आमंत्र्य हिमशैलेंद्रं ब्रह्मणं च सकेशवम्

sarasvatyā ca pitarau devyāścā''śvāsya duḥkhitau āmaṁtrya himaśaileṁdraṁ brahmaṇaṁ ca sakeśavam

सरस्वती सहित देवी के दुःखी माता-पिता को सान्त्वना दी; और हिमशैलेन्द्र, तथा केशव सहित ब्रह्मा से विदा लेकर,

श्लोक 94 (skanda.1.61.94)

जगाम मंदरगिरिं गिरिणा यानुगोर्चितः

jagāma maṁdaragiriṁ giriṇā yānugorcitaḥ

अपने अनुगामियों सहित, पर्वत की ही इच्छा से सम्मानित होकर मन्दराचल की ओर प्रस्थान किया।

श्लोक 95 (skanda.1.61.95)

ततो गते भगवति नीललोहिते सहोमया गिरिममलं हि भूधरः॥ सबांधवो रुदिति हि कस्य नो मनो विसंष्ठँलं जगति हि कन्यकापितुः

tato gate bhagavati nīlalohite sahomayā girimamalaṁ hi bhūdharaḥ sabāṁdhavo ruditi hi kasya no mano visaṁṣṭha~laṁ jagati hi kanyakāpituḥ

तब नीललोहित भगवान के उमा सहित चले जाने पर, वह निर्मल पर्वत बान्धवों सहित अपने शिखर पर रो पड़ा — भला किसका मन विचलित न हो, जब वह इस जगत में कन्या का पिता ही हो?

श्लोक 96 (skanda.1.61.96)

इमं विवाहं गिरिराजपुत्र्याः श्रृणोति चाध्येति च यो नरः शुचिः॥ विशेषतश्चापि विवाहमंगले स मंगलं वृद्धिमवाप्नुते चिरम्

imaṁ vivāhaṁ girirājaputryāḥ śrṛṇoti cādhyeti ca yo naraḥ śuciḥ viśeṣataścāpi vivāhamaṁgale sa maṁgalaṁ vṛddhimavāpnute ciram

जो पवित्र मनुष्य गिरिराज-पुत्री के इस विवाह को सुनता और पढ़ता है — विशेषतः किसी मंगल-विवाह के अवसर पर — वह चिरकाल तक मंगल की वृद्धि प्राप्त करता है।