लिंगार्चन महात्म्य तथा श्रीराम अवतार कथा

श्लोक 1 (skanda.1.8.1)

॥लोमश उवाच॥ तस्करोऽपि पुरा ब्रह्मन्सर्वधर्मबाहिष्कृतः॥ ब्रह्मघ्नोऽसौ सुरापश्च सुवर्णस्य च तस्करः

||lomaśa uvāca|| taskaro'pi purā brahmansarvadharmabāhiṣkṛtaḥ|| brahmaghno'sau surāpaśca suvarṇasya ca taskaraḥ

लोमश जी ने कहा — हे ब्रह्मन्, पूर्वकाल में समस्त धर्मों से बहिष्कृत एक चोर था — वह ब्रह्महत्यारा, मद्यपायी और स्वर्णचोर था,

श्लोक 2 (skanda.1.8.2)

लंपटोहि महापाप उत्तमस्त्रीषु सर्वदा॥ द्यूतकारी सदा मंदः कितवैः सह संगतः

laṃpaṭohi mahāpāpa uttamastrīṣu sarvadā|| dyūtakārī sadā maṃdaḥ kitavaiḥ saha saṃgataḥ

अत्यंत लंपट, महापापी, सदा दूसरों की श्रेष्ठ स्त्रियों में आसक्त, सदा जुआरी, मंदबुद्धि, छली-कपटियों का संगी।

श्लोक 3 (skanda.1.8.3)

एकदा क्रीडता तेन हारितं द्यूतमद्भुतम्॥ कितवैर्मर्द्यमानो हि तदा नोवाच किञ्चन

ekadā krīḍatā tena hāritaṃ dyūtamadbhutam|| kitavairmardyamāno hi tadā novāca kiñcana

एक बार जुआ खेलते हुए उसे आश्चर्यजनक रूप से बहुत कुछ हारना पड़ा; छली लोगों द्वारा दबाए जाने पर भी वह कुछ न बोला।

श्लोक 4 (skanda.1.8.4)

पीडितोऽप्यभवत्तूष्णीं तैरुक्तः पापकृत्तमः॥ द्यूते त्वया च तद्द्रव्यं हारितं किं प्रयच्छसि

pīḍito'pyabhavattūṣṇīṃ tairuktaḥ pāpakṛttamaḥ|| dyūte tvayā ca taddravyaṃ hāritaṃ kiṃ prayacchasi

पीड़ित होते हुए भी वह मौन रहा; उन पापियों में श्रेष्ठ ने उससे कहा — "जुए में तूने जो धन गँवाया, अब क्या देगा?"

श्लोक 5 (skanda.1.8.5)

नो वा तत्कथ्यतां शीघ्रं याथातथ्येन दुर्मते॥ यद्धारितं प्रयच्छामि रात्रावित्यब्रवीच्च सः

no vā tatkathyatāṃ śīghraṃ yāthātathyena durmate|| yaddhāritaṃ prayacchāmi rātrāvityabravīcca saḥ

"नहीं तो, हे दुर्बुद्धे, शीघ्र सच-सच बता।" उसने कहा — "जो हारा है, वह रात को दूँगा।"

श्लोक 6 (skanda.1.8.6)

तैर्मुक्तस्तेन वाक्येन गतास्ते कितवादयः॥ तदा निशीथसमये गतोऽसौ शिवमंदिरम्

tairmuktastena vākyena gatāste kitavādayaḥ|| tadā niśīthasamaye gato'sau śivamaṃdiram

इस वचन से मुक्त होकर वे जुआरी आदि चले गए। तब आधी रात के समय वह शिवमंदिर गया,

श्लोक 7 (skanda.1.8.7)

शिरोधिरुह्य शम्भोश्च घण्टामादातुमुद्यतः॥ तावत्कैलासशिखरे शंभुः प्रोवाच किंकरान्

śirodhiruhya śambhośca ghaṇṭāmādātumudyataḥ|| tāvatkailāsaśikhare śaṃbhuḥ provāca kiṃkarān

शंभु के मस्तक पर चढ़कर घंटी लेने को उद्यत हुआ। इतने में कैलास शिखर पर शंभु ने अपने सेवकों से कहा —

श्लोक 8 (skanda.1.8.8)

अनेन यत्कृतं चाद्य सर्वेषामधिकं भुवि॥ सर्वेषामेव भक्तानां वरिष्ठोऽयं च मत्प्रियः

anena yatkṛtaṃ cādya sarveṣāmadhikaṃ bhuvi|| sarveṣāmeva bhaktānāṃ variṣṭho'yaṃ ca matpriyaḥ

"इसने आज जो किया है, वह पृथ्वी पर सबसे बढ़कर है; यह मेरे सभी भक्तों में श्रेष्ठ और मुझे प्रिय है।"

श्लोक 9 (skanda.1.8.9)

इति प्रोक्त्वान यामास वीरभद्रादिभिर्गणैः॥ ते सर्वे त्वरिता जग्मुः कैलासाच्छिववल्लभात्

iti proktvāna yāmāsa vīrabhadrādibhirgaṇaiḥ|| te sarve tvaritā jagmuḥ kailāsācchivavallabhāt

यह कहकर उन्होंने वीरभद्र आदि गणों को भेजा; वे सब शीघ्रतापूर्वक शिव-प्रिय कैलास से चल पड़े।

श्लोक 10 (skanda.1.8.10)

सर्वैर्डमरुनादेन नादितं भुवनत्रयम्॥ तान्दृष्ट्वा सहसोत्तीर्य तस्करोसौ दुरात्मवान्॥ लिंगस्य मस्तकात्सद्यः पलायनपरोऽभवत्

sarvairḍamarunādena nāditaṃ bhuvanatrayam|| tāndṛṣṭvā sahasottīrya taskarosau durātmavān|| liṃgasya mastakātsadyaḥ palāyanaparo'bhavat

उन सबके डमरू-नाद से तीनों लोक गूँज उठे। उन्हें देखकर वह दुरात्मा चोर सहसा उतरकर लिंग के शिखर से तुरंत भाग खड़ा हुआ।

श्लोक 11 (skanda.1.8.11)

पलायमानं तं दृष्ट्वा वीरभद्रः समाह्वयत्

palāyamānaṃ taṃ dṛṣṭvā vīrabhadraḥ samāhvayat

उसे भागते देख वीरभद्र ने उसे पुकारा।

श्लोक 12 (skanda.1.8.12)

कस्माद्विभेपि रे मन्द देवदेवो महेस्वरः॥ प्रसन्नस्तव जातोद्य उदारचरितो ह्यसौ

kasmādvibhepi re manda devadevo mahesvaraḥ|| prasannastava jātodya udāracarito hyasau

"अरे मूर्ख, तू क्यों डर रहा है? देवाधिदेव महेश्वर आज तुझसे प्रसन्न हो गए हैं — वे इतने उदार आचरण वाले हैं।"

श्लोक 13 (skanda.1.8.13)

इत्युक्त्वा तं विमाने च कृत्वा कैलासमाययौ॥ पार्षदो हि कृतस्तेन तस्करो हि महात्मना

ityuktvā taṃ vimāne ca kṛtvā kailāsamāyayau|| pārṣado hi kṛtastena taskaro hi mahātmanā

यह कहकर उसे विमान में बिठाकर वे कैलास आए; उस महात्मा ने उस चोर को अपना पार्षद बना दिया।

श्लोक 14 (skanda.1.8.14)

तस्माद्भाव्या शिवे भक्तिः सर्वेषामपि देहिनाम्॥ पशवोऽपि हि पूज्याः स्युः किं पुनर्मानवाभुवि

tasmādbhāvyā śive bhaktiḥ sarveṣāmapi dehinām|| paśavo'pi hi pūjyāḥ syuḥ kiṃ punarmānavābhuvi

इसलिए शिव में भक्ति समस्त देहधारियों के लिए भावनीय है; पशु भी इससे पूज्य बन जाते हैं, फिर पृथ्वी पर मनुष्यों की तो बात ही क्या!

श्लोक 15 (skanda.1.8.15)

ये तार्किकास्तर्कपरास्तथ मीमांसकाश्च ये॥ अन्योन्यवादिनश्चान्ये चान्ये वात्मवितर्ककाः

ye tārkikāstarkaparāstatha mīmāṃsakāśca ye|| anyonyavādinaścānye cānye vātmavitarkakāḥ

जो तार्किक तर्क में लीन हैं, जो मीमांसक हैं, जो आपस में वाद-विवाद करते हैं, और जो आत्म-चिंतन में लगे हुए हैं —

श्लोक 16 (skanda.1.8.16)

एकवाक्यं न कुर्वंति शिवार्चनबहिष्कृताः॥ तर्को हि क्रियते यैश्च तेसर्वे किं शिवं विना

ekavākyaṃ na kurvaṃti śivārcanabahiṣkṛtāḥ|| tarko hi kriyate yaiśca tesarve kiṃ śivaṃ vinā

वे शिव-अर्चन से बहिष्कृत होकर किसी एक मत पर सहमत नहीं होते। जो भी वे तर्क करते हैं, शिव के बिना उन सबका क्या मूल्य?

श्लोक 17 (skanda.1.8.17)

तथा किं बहुनोक्तेन सर्वेऽपि स्थिरजंगमाः॥ प्राणिनोऽपि हि जायंते केवलं लिंगधारिणः

tathā kiṃ bahunoktena sarve'pi sthirajaṃgamāḥ|| prāṇino'pi hi jāyaṃte kevalaṃ liṃgadhāriṇaḥ

फिर अधिक कहने से क्या लाभ — समस्त स्थावर-जंगम प्राणी भी केवल लिंगधारी होकर ही उत्पन्न होते हैं।

श्लोक 18 (skanda.1.8.18)

पिण्डीयुक्तं यथा लिंगं स्थापितं च यथाऽभवत्॥ तथा नरा लिंगयुक्ताः पिण्डीभूतास्तथा स्त्रियः

piṇḍīyuktaṃ yathā liṃgaṃ sthāpitaṃ ca yathā'bhavat|| tathā narā liṃgayuktāḥ piṇḍībhūtāstathā striyaḥ

जैसे पिंडी सहित लिंग स्थापित हुआ है, वैसे ही नर लिंगयुक्त होकर और स्त्रियाँ भी उसी पिंड-रूप हो जाती हैं।

श्लोक 19 (skanda.1.8.19)

शिवशक्तियुतं सर्वं जगदेतच्चराचरम्॥ तं शिवं मौढ्यतस्त्यक्त्वा मूढाश्चान्यं भजंति ये

śivaśaktiyutaṃ sarvaṃ jagadetaccarācaram|| taṃ śivaṃ mauḍhyatastyaktvā mūḍhāścānyaṃ bhajaṃti ye

यह सम्पूर्ण चराचर जगत शिव की शक्ति से युक्त है; जो मूढ़ मूर्खतावश उस शिव को त्यागकर अन्य की उपासना करते हैं —

श्लोक 20 (skanda.1.8.20)

धर्ममात्यंतिकं तुच्छं नश्वरं क्षणभंगुरम्॥ यो विष्णुः स शिवो ज्ञेयो यः शिवो विष्णुरेव सः

dharmamātyaṃtikaṃ tucchaṃ naśvaraṃ kṣaṇabhaṃguram|| yo viṣṇuḥ sa śivo jñeyo yaḥ śivo viṣṇureva saḥ

उनका धर्म अत्यंत तुच्छ, नश्वर और क्षणभंगुर है। जो विष्णु हैं, वे ही शिव जानने चाहिए, और जो शिव हैं, वे ही विष्णु हैं।

श्लोक 21 (skanda.1.8.21)

पीठिका विष्णुरूपं स्याल्लिंगरूपी महेश्वरः॥ तस्माल्लिंगार्चनं श्रेष्ठं सर्वेषामपि वै द्विजाः

pīṭhikā viṣṇurūpaṃ syālliṃgarūpī maheśvaraḥ|| tasmālliṃgārcanaṃ śreṣṭhaṃ sarveṣāmapi vai dvijāḥ

पीठिका विष्णु का रूप है और लिंगरूपी महेश्वर हैं; इसलिए, हे द्विजो, सबके लिए लिंग-अर्चन ही सर्वश्रेष्ठ है।

श्लोक 22 (skanda.1.8.22)

ब्रह्मा मणिमयं लिंगं पूजयत्यनिशं शुभम्॥ इन्द्रो रत्नमयं लिंगं चन्द्रो मुक्तामयं तथा

brahmā maṇimayaṃ liṃgaṃ pūjayatyaniśaṃ śubham|| indro ratnamayaṃ liṃgaṃ candro muktāmayaṃ tathā

ब्रह्मा नित्य मणिमय शुभ लिंग की पूजा करते हैं; इंद्र रत्नमय लिंग की, और चंद्रमा मुक्तामय लिंग की पूजा करते हैं;

श्लोक 23 (skanda.1.8.23)

भानुस्ताम्रमयं लिंगं पूजयत्यनिशं शुभम्॥ रौक्मं लिंगं कुबेरश्च पाशी चारक्तमेव च

bhānustāmramayaṃ liṃgaṃ pūjayatyaniśaṃ śubham|| raukmaṃ liṃgaṃ kuberaśca pāśī cāraktameva ca

सूर्य नित्य ताम्रमय शुभ लिंग की पूजा करते हैं; कुबेर स्वर्णमय लिंग की, और पाशधारी वरुण मूँगामय लिंग की;

श्लोक 24 (skanda.1.8.24)

यमो नीलमयं लिंगं राजतं नैर्ऋतस्तथा॥ काश्मीरं पवनो लिंगमर्चयत्यनिशं विभोः

yamo nīlamayaṃ liṃgaṃ rājataṃ nairṛtastathā|| kāśmīraṃ pavano liṃgamarcayatyaniśaṃ vibhoḥ

यम नीलमणिमय लिंग की, नैर्ऋति रजतमय लिंग की; वायु नित्य काश्मीर-मणिमय लिंग की पूजा करते हैं।

श्लोक 25 (skanda.1.8.25)

एवं ते लिंगिताः सर्वे लोकपालाः सवासवाः॥ तथा सर्वेऽपि पाताले गंधर्वाः किंनरैः सह

evaṃ te liṃgitāḥ sarve lokapālāḥ savāsavāḥ|| tathā sarve'pi pātāle gaṃdharvāḥ kiṃnaraiḥ saha

इस प्रकार वासव सहित समस्त लोकपाल लिंगोपासक बने; उसी प्रकार पाताल के समस्त गंधर्व भी किन्नरों सहित,

श्लोक 26 (skanda.1.8.26)

दैत्यानां वैष्णवाः केचित्प्रह्लादप्रमुखा द्विजाः॥ तथाहि राक्षसानां च विभीषणपुरोगमाः

daityānāṃ vaiṣṇavāḥ kecitprahlādapramukhā dvijāḥ|| tathāhi rākṣasānāṃ ca vibhīṣaṇapurogamāḥ

दैत्यों में से प्रह्लाद आदि कुछ वैष्णव द्विज; और राक्षसों में विभीषण आदि प्रमुख,

श्लोक 27 (skanda.1.8.27)

बलिश्च नमुचिश्चैव हिरण्यकशिपुस्तथा॥ वृषपर्वा वृषश्चैव संह्रादो बाण एव च

baliśca namuciścaiva hiraṇyakaśipustathā|| vṛṣaparvā vṛṣaścaiva saṃhrādo bāṇa eva ca

बलि, नमुचि तथा हिरण्यकशिपु भी; वृषपर्वा, वृष, संह्राद और बाण भी —

श्लोक 28 (skanda.1.8.28)

एते चान्ये च बहवः शिष्याः शुक्रस्य धीमतः॥ एवं शिवार्चनरताः सर्वे ते दैत्यदानवाः

ete cānye ca bahavaḥ śiṣyāḥ śukrasya dhīmataḥ|| evaṃ śivārcanaratāḥ sarve te daityadānavāḥ

ये और बुद्धिमान शुक्राचार्य के अन्य अनेक शिष्य — इस प्रकार वे सभी दैत्य-दानव शिवार्चन में रत हो गए।

श्लोक 29 (skanda.1.8.29)

राक्षसा एव ते सर्वे शिवपूजान्विताः सदा॥ हेतिः प्रहेतिः संयातिर्विघसः प्रघसस्तथा

rākṣasā eva te sarve śivapūjānvitāḥ sadā|| hetiḥ prahetiḥ saṃyātirvighasaḥ praghasastathā

वे समस्त राक्षस भी सदा शिवपूजा से युक्त थे — हेति, प्रहेति, संयाति, विघस तथा प्रघस भी,

श्लोक 30 (skanda.1.8.30)

विद्युज्जिह्वस्तीक्ष्णदंष्ट्रो धूम्राक्षो भीमविक्रमः॥ माली चैव सुमाली च माल्यवानतिभीषमः

vidyujjihvastīkṣṇadaṃṣṭro dhūmrākṣo bhīmavikramaḥ|| mālī caiva sumālī ca mālyavānatibhīṣamaḥ

विद्युज्जिह्व, तीक्ष्णदंष्ट्र, भीमपराक्रमी धूम्राक्ष; माली, सुमाली और अत्यंत भीषण माल्यवान,

श्लोक 31 (skanda.1.8.31)

विद्युत्कैशस्तडिज्जिह्वो रावणश्च महाबलः॥ कुंभकर्णो दुराधर्षो वेगदर्शी प्रतापवान्

vidyutkaiśastaḍijjihvo rāvaṇaśca mahābalaḥ|| kuṃbhakarṇo durādharṣo vegadarśī pratāpavān

विद्युत्केश, तडिज्जिह्व और महाबली रावण; कुंभकर्ण, दुर्धर्ष, वेगदर्शी और प्रतापी —

श्लोक 32 (skanda.1.8.32)

एते हि राक्षसाः श्रेष्ठा शिवार्चनरताः सदा॥ लिंगमभ्यर्च्य च सदा सिद्धिं प्राप्ताः पुरा तु ते

ete hi rākṣasāḥ śreṣṭhā śivārcanaratāḥ sadā|| liṃgamabhyarcya ca sadā siddhiṃ prāptāḥ purā tu te

ये श्रेष्ठ राक्षस सदा शिवार्चन में रत रहे; लिंग की पूजा कर वे पूर्वकाल में सिद्धि को प्राप्त हुए।

श्लोक 33 (skanda.1.8.33)

रावणेन तपस्तप्तं सर्वेषामपि दुःखहम्॥ तपोधिपो महादेवस्तुतोष च तदा भृशम्

rāvaṇena tapastaptaṃ sarveṣāmapi duḥkhaham|| tapodhipo mahādevastutoṣa ca tadā bhṛśam

रावण ने ऐसा तप किया जो सबके लिए दुःखदायी था; तपस्या के अधिपति महादेव तब अत्यंत प्रसन्न हुए।

श्लोक 34 (skanda.1.8.34)

वरान्प्रायच्छत तदा सर्वेषामपि दुर्लभान्॥ ज्ञानं विज्ञानसहितं लब्धं तेन सदाशिवात्

varānprāyacchata tadā sarveṣāmapi durlabhān|| jñānaṃ vijñānasahitaṃ labdhaṃ tena sadāśivāt

उन्होंने तब सबके लिए दुर्लभ वरदान दिए; उसे सदाशिव से विशेष विज्ञान सहित ज्ञान प्राप्त हुआ,

श्लोक 35 (skanda.1.8.35)

अजेयत्वं च संग्रामे द्वैगुण्यं शिरसामपि॥ पंचवक्त्रो महा देवो दशवक्त्रोऽथ रावणः

ajeyatvaṃ ca saṃgrāme dvaiguṇyaṃ śirasāmapi|| paṃcavaktro mahā devo daśavaktro'tha rāvaṇaḥ

युद्ध में अजेयता और सिरों की दुगुनी संख्या भी। महादेव पंचमुख हैं, और उसी से रावण दशमुख बना।

श्लोक 36 (skanda.1.8.36)

देवानृषीन्पितॄंश्चैव निर्जित्य तपसा विभुः॥ महेशस्य प्रसादाच्च सर्वेषामधिकोऽभवत्

devānṛṣīnpitṝṃścaiva nirjitya tapasā vibhuḥ|| maheśasya prasādācca sarveṣāmadhiko'bhavat

अपने तप से देवों, ऋषियों और पितरों को जीतकर वह समर्थ महेश की कृपा से सबसे बढ़कर हो गया।

श्लोक 37 (skanda.1.8.37)

राजा त्रिकूटाधिपतिर्महेशेन कृतो महान्॥ सर्वेषां राक्षसानां च परमासनमास्तितः

rājā trikūṭādhipatirmaheśena kṛto mahān|| sarveṣāṃ rākṣasānāṃ ca paramāsanamāstitaḥ

महेश द्वारा वह त्रिकूट का महान राजा बनाया गया, और समस्त राक्षसों में सर्वोच्च आसन पर बिठाया गया।

श्लोक 38 (skanda.1.8.38)

तपस्विनां परीक्षायै यदृषीणां विहिंसनम्॥ कृतं तेन तदा विप्रा रावणेन तपस्विना

tapasvināṃ parīkṣāyai yadṛṣīṇāṃ vihiṃsanam|| kṛtaṃ tena tadā viprā rāvaṇena tapasvinā

तपस्वियों की परीक्षा के बहाने, हे विप्रो, उस तपस्वी रावण ने ऋषियों को कष्ट पहुँचाया।

श्लोक 39 (skanda.1.8.39)

अजेयो हि महाञ्जातो रावणो लोकरावणः॥ सृष्ट्यंतरं कृतं येन प्रसादाच्छंकरस्य च

ajeyo hi mahāñjāto rāvaṇo lokarāvaṇaḥ|| sṛṣṭyaṃtaraṃ kṛtaṃ yena prasādācchaṃkarasya ca

इस प्रकार लोक-भयंकर रावण महान और अजेय बन गया; शंकर की कृपा से उसने सृष्टि-क्रम में ही परिवर्तन कर दिया।

श्लोक 40 (skanda.1.8.40)

लोकपाला जितास्तेन प्रतापेन तपस्विना॥ ब्रह्मापि विजितो येन तपसा परमेण हि

lokapālā jitāstena pratāpena tapasvinā|| brahmāpi vijito yena tapasā parameṇa hi

उस तपस्वी ने अपने प्रताप से लोकपालों को जीता; अपनी परम तपस्या से उसने ब्रह्मा को भी जीत लिया।

श्लोक 41 (skanda.1.8.41)

अमृतांशुकरो भूत्वा जितो येन शशी द्विजाः॥ दाहकत्वाज्जितो वह्निरीशः कैलासतोलनात्

amṛtāṃśukaro bhūtvā jito yena śaśī dvijāḥ|| dāhakatvājjito vahnirīśaḥ kailāsatolanāt

हे द्विजो, अमृतकिरण-धारी चंद्रमा भी उसके द्वारा जीता गया; दहन-शक्ति के कारण अग्नि जीता गया, और कैलास को उठाने के प्रताप से ईश भी जीते गए।

श्लोक 42 (skanda.1.8.42)

ऐश्वर्येण जितश्चेन्द्रो विष्णुः सर्वगतस्तथा॥ लिंगार्चनप्रसादेन त्रैलोक्यं च वशीकृतम्

aiśvaryeṇa jitaścendro viṣṇuḥ sarvagatastathā|| liṃgārcanaprasādena trailokyaṃ ca vaśīkṛtam

इंद्र ऐश्वर्य से जीते गए, और सर्वव्यापी विष्णु भी उसी प्रकार; लिंग-अर्चन की कृपा से उसने तीनों लोकों को वश में कर लिया।

श्लोक 43 (skanda.1.8.43)

तदा सर्वे सुरगणा ब्रह्मविष्णुपुरोगमाः॥ मेरुपृष्ठं समासाद्य सुमंत्रं चक्रिरे तदा

tadā sarve suragaṇā brahmaviṣṇupurogamāḥ|| merupṛṣṭhaṃ samāsādya sumaṃtraṃ cakrire tadā

तब ब्रह्मा-विष्णु आदि समस्त देवगण मेरु के शिखर पर पहुँचकर विचार-मंत्रणा करने लगे।

श्लोक 44 (skanda.1.8.44)

पीडिताः स्मो रावणेन तपसा दुष्करेण वै॥ गोकर्णाख्ये गिरौ देवाः श्रूयतां परमाद्भुतम्

pīḍitāḥ smo rāvaṇena tapasā duṣkareṇa vai|| gokarṇākhye girau devāḥ śrūyatāṃ paramādbhutam

"हम रावण की अत्यंत कठिन तपस्या से पीड़ित हैं।" "हे देवो, गोकर्ण नामक पर्वत पर हुई एक परम अद्भुत घटना सुनो —"

श्लोक 45 (skanda.1.8.45)

साक्षाल्लिंगार्चनं येन कृतमस्ति महात्मना॥ ज्ञानज्ञेयं ज्ञानगम्यं यद्यत्परममद्भुतम्॥ तत्कृतं रावणेनैव सर्वेषां दुरतिक्रमम्

sākṣālliṃgārcanaṃ yena kṛtamasti mahātmanā|| jñānajñeyaṃ jñānagamyaṃ yadyatparamamadbhutam|| tatkṛtaṃ rāvaṇenaiva sarveṣāṃ duratikramam

"उस महात्मा ने साक्षात् लिंग की पूजा की है, जो ज्ञान का विषय, ज्ञान से ही गम्य, परम अद्भुत है — यह कार्य रावण द्वारा ही किया गया, जो सबके लिए दुर्लंघ्य है।"

श्लोक 46 (skanda.1.8.46)

वैराग्यं परमास्थाय औदार्यं च ततोऽधिकम्॥ तेनैव ममता त्यक्ता रावणेन महात्मना

vairāgyaṃ paramāsthāya audāryaṃ ca tato'dhikam|| tenaiva mamatā tyaktā rāvaṇena mahātmanā

"परम वैराग्य में स्थित होकर, और उससे भी बढ़कर उदार होकर, उसी महात्मा रावण ने ममता को त्याग दिया।"

श्लोक 47 (skanda.1.8.47)

संवत्सरसहस्राच्च स्वशिरो हि महाभुजः॥ कृत्त्वा करेण लिंगस्य पूजनार्थं समर्पयत्

saṃvatsarasahasrācca svaśiro hi mahābhujaḥ|| kṛttvā kareṇa liṃgasya pūjanārthaṃ samarpayat

"एक हजार वर्षों के बाद उस महाबाहु ने अपने ही हाथ से अपना सिर काटकर लिंग-पूजन के लिए अर्पित कर दिया।"

श्लोक 48 (skanda.1.8.48)

रावणस्य कबंधं च तदग्रे च समीपतः॥ योगधारणया युक्तं परमेण समाधिना

rāvaṇasya kabaṃdhaṃ ca tadagre ca samīpataḥ|| yogadhāraṇayā yuktaṃ parameṇa samādhinā

"रावण का धड़ उसके समीप, आगे ही, परम समाधि में योगधारणा से युक्त होकर स्थित रहा,"

श्लोक 49 (skanda.1.8.49)

लिंगे लयं समाधाय कयापि कलया स्थितम्॥ अन्यच्छिरोविवृश्च्यैवं तेनापि शिवपूजनम्॥ कृतं नैवान्यमुनिना तथा चैवापरेणहि

liṃge layaṃ samādhāya kayāpi kalayā sthitam|| anyacchirovivṛścyaivaṃ tenāpi śivapūjanam|| kṛtaṃ naivānyamuninā tathā caivāpareṇahi

"किसी अंश से लिंग में लीन होकर स्थित रहते हुए; फिर एक और सिर काटकर उसने पुनः इसी प्रकार शिव-पूजन किया — यह कार्य किसी अन्य मुनि ने न पहले किया, न बाद में किया।"

श्लोक 50 (skanda.1.8.50)

एवं शिरांस्येव बहूनि तेन समर्पितान्येव शिवार्चनार्थे॥ भूत्वा कबंधो हि पुनः पुनश्च शिवोऽसौ वरदो बभूव

evaṃ śirāṃsyeva bahūni tena samarpitānyeva śivārcanārthe|| bhūtvā kabaṃdho hi punaḥ punaśca śivo'sau varado babhūva

इस प्रकार उसने शिवार्चन के लिए बहुत से सिर अर्पित किए; बार-बार धड़मात्र होकर भी, शिव उसके वरदाता बने।

श्लोक 51 (skanda.1.8.51)

मया विनासुरस्तत्र पिंडीभूतेन वै पुरा॥ वरान्वरय पौलस्त्य यथेष्टं तान्ददाम्यहम्

mayā vināsurastatra piṃḍībhūtena vai purā|| varānvaraya paulastya yatheṣṭaṃ tāndadāmyaham

"पूर्वकाल में मेरे समक्ष यह असुर धड़ मात्र होकर भी रहा — हे पौलस्त्य, वर माँगो, जो चाहो वह दूँगा।"

श्लोक 52 (skanda.1.8.52)

रावणेन तदा चोक्तः शिवः परममंगलः॥ यदि प्रसन्नो भगवन्देयो मे वर उत्तमः

rāvaṇena tadā coktaḥ śivaḥ paramamaṃgalaḥ|| yadi prasanno bhagavandeyo me vara uttamaḥ

तब रावण ने उस परम मंगलमय शिव से कहा — "यदि आप प्रसन्न हैं, हे भगवन्, तो मुझे उत्तम वर दीजिए।"

श्लोक 53 (skanda.1.8.53)

न कामयेऽन्यं च वरमाश्रये त्वत्पदांबुजम्॥ यथा तथा प्रदातव्यं यद्यस्ति च कृपा मयि

na kāmaye'nyaṃ ca varamāśraye tvatpadāṃbujam|| yathā tathā pradātavyaṃ yadyasti ca kṛpā mayi

"मैं अन्य कोई वर नहीं चाहता, आपके चरणकमल की ही शरण लेता हूँ। जो भी हो, वह दीजिए, यदि मुझ पर आपकी कृपा है।"

श्लोक 54 (skanda.1.8.54)

तदा सदाशिवेनोक्तो रावणो लोकरावणः॥ मत्प्रसादाच्च सर्वं त्वं प्राप्स्यसे मनसेप्सितम्

tadā sadāśivenokto rāvaṇo lokarāvaṇaḥ|| matprasādācca sarvaṃ tvaṃ prāpsyase manasepsitam

तब सदाशिव ने लोक-भयंकर रावण से कहा — "मेरी कृपा से तुम अपने मन-वांछित सब कुछ प्राप्त करोगे।"

श्लोक 55 (skanda.1.8.55)

एवं प्राप्तं शिवात्सर्वं रावणेन सुरेश्वराः॥ तस्मात्सर्वैर्भवद्भिश्च तपसा परमेण हि

evaṃ prāptaṃ śivātsarvaṃ rāvaṇena sureśvarāḥ|| tasmātsarvairbhavadbhiśca tapasā parameṇa hi

हे देवेश्वरो, इस प्रकार रावण को शिव से सब कुछ प्राप्त हुआ। इसीलिए आप सबको परम तपस्या से —

श्लोक 56 (skanda.1.8.56)

विजेतव्यो रावणोयमिति मे मनसि स्थितम्॥ ्च्युतस्य वचः श्रुत्वा ब्रह्माद्या देवतागणाः

vijetavyo rāvaṇoyamiti me manasi sthitam|| cyutasya vacaḥ śrutvā brahmādyā devatāgaṇāḥ

"— इस रावण को अवश्य जीतना होगा; यह मेरे मन में स्थिर है।" अच्युत के इस वचन को सुनकर ब्रह्मा आदि देवगण,

श्लोक 57 (skanda.1.8.57)

चिंतामापेदिरे सर्वे चिरं ते विषयान्विताः॥ ब्रह्मापि चेंद्रियग्रस्तः सुता रमितुमुद्यतः

ciṃtāmāpedire sarve ciraṃ te viṣayānvitāḥ|| brahmāpi ceṃdriyagrastaḥ sutā ramitumudyataḥ

जो स्वयं विषयों में आसक्त थे, दीर्घकाल तक चिंता में पड़ गए; इंद्रियों के अधीन ब्रह्मा भी अपनी ही पुत्री से रमण के लिए उद्यत थे,

श्लोक 58 (skanda.1.8.58)

इंद्रो हि जारभावाच्च चंद्रो हि गुरुतल्पगः॥ यमः कदर्यभावाच्च चंचलत्वात्सदागतिः

iṃdro hi jārabhāvācca caṃdro hi gurutalpagaḥ|| yamaḥ kadaryabhāvācca caṃcalatvātsadāgatiḥ

इंद्र व्यभिचार के कारण, चंद्रमा गुरु-पत्नीगामी होने के कारण, यम कृपणता के कारण, वायु अपनी चंचलता के कारण —

श्लोक 59 (skanda.1.8.59)

पावकः सर्वभक्षित्वात्तथान्ये देवतागणाः॥ अशक्ता रावणं जेतुं तपसा च विजृंभितम्

pāvakaḥ sarvabhakṣitvāttathānye devatāgaṇāḥ|| aśaktā rāvaṇaṃ jetuṃ tapasā ca vijṛṃbhitam

अग्नि सर्वभक्षी होने के कारण — इसी प्रकार अन्य देवगण भी अत्यंत तपस्या से विजृंभित रावण को जीतने में असमर्थ थे।

श्लोक 60 (skanda.1.8.60)

शैलादो हि महातेजा गणश्रेष्ठः पुरातनः॥ बुद्धि मान्नीतिनिपुणो महाबलपराक्रमी

śailādo hi mahātejā gaṇaśreṣṭhaḥ purātanaḥ|| buddhi mānnītinipuṇo mahābalaparākramī

तब गणों में श्रेष्ठ, अति प्राचीन, महातेजस्वी, बुद्धिमान, नीति-निपुण, महाबलपराक्रमी शैलाद,

श्लोक 61 (skanda.1.8.61)

शिवप्रियो रुद्ररूपी महात्मा ह्युवाच सर्वानथ चेंद्रमुख्यान्॥ कस्माद्यूयं संभ्रमादागताश्च एतत्सर्वं कथ्यतां विस्तरेण

śivapriyo rudrarūpī mahātmā hyuvāca sarvānatha ceṃdramukhyān|| kasmādyūyaṃ saṃbhramādāgatāśca etatsarvaṃ kathyatāṃ vistareṇa

शिवप्रिय, रुद्ररूपी महात्मा ने इंद्र आदि सबसे कहा — "तुम सब इस प्रकार व्याकुल होकर क्यों आए हो? यह सब विस्तार से कहो।"

श्लोक 62 (skanda.1.8.62)

नंदिना च तदा सर्वे पृष्टाः प्रोचुस्त्वरान्विताः

naṃdinā ca tadā sarve pṛṣṭāḥ procustvarānvitāḥ

नंदी द्वारा पूछे जाने पर वे सब शीघ्रतापूर्वक बोले।

श्लोक 63 (skanda.1.8.63)

॥ देवा ऊचुः॥ रावणेन वयं सर्वे निर्जिता मुनिभिः सह॥ प्रसादयितुमायाताः शिवं लोकेश्वरेश्वरम्

|| devā ūcuḥ|| rāvaṇena vayaṃ sarve nirjitā munibhiḥ saha|| prasādayitumāyātāḥ śivaṃ lokeśvareśvaram

देवताओं ने कहा — "हम सब ऋषियों सहित रावण द्वारा जीत लिए गए हैं; हम लोकेश्वरेश्वर शिव को प्रसन्न करने आए हैं।"

श्लोक 64 (skanda.1.8.64)

प्रहस्य भगवान्नंदी ब्रह्माणं वै ह्युवाच ह॥ क्व यूयं क्व शिवः शंभुस्तपसा परमेण हि॥ द्रष्टव्यो हृदि मध्यस्थः सोऽद्य द्रष्टुं न पार्यते

prahasya bhagavānnaṃdī brahmāṇaṃ vai hyuvāca ha|| kva yūyaṃ kva śivaḥ śaṃbhustapasā parameṇa hi|| draṣṭavyo hṛdi madhyasthaḥ so'dya draṣṭuṃ na pāryate

भगवान नंदी ने हँसते हुए ब्रह्मा से कहा — "तुम कहाँ, और परम तपस्या से ही प्राप्त होने वाले शिव शंभु कहाँ? उन्हें हृदय के मध्य में ही देखा जा सकता है — वे आज देखे नहीं जा सकते।"

श्लोक 65 (skanda.1.8.65)

यावद्भावा ह्यनेकाश्च इंद्रियार्थास्तथैव च॥ यावच्च ममताभावस्तावदीशो हि दुर्लभः

yāvadbhāvā hyanekāśca iṃdriyārthāstathaiva ca|| yāvacca mamatābhāvastāvadīśo hi durlabhaḥ

"जब तक नाना भाव और इंद्रिय-विषय बने रहते हैं, और जब तक ममता का भाव बना रहता है, तब तक ईश्वर अत्यंत दुर्लभ ही रहता है।"

श्लोक 66 (skanda.1.8.66)

जितेंद्रियाणां शांतानां तन्निष्ठानां महात्मनाम्॥ सुलभो लिंगरूपी स्याद्भवतां हि सुदुर्लभः

jiteṃdriyāṇāṃ śāṃtānāṃ tanniṣṭhānāṃ mahātmanām|| sulabho liṃgarūpī syādbhavatāṃ hi sudurlabhaḥ

"जितेंद्रिय, शांत, उसी में निष्ठा रखने वाले महात्माओं के लिए लिंगरूपी ईश्वर सुलभ हैं; परंतु तुम लोगों के लिए वे अत्यंत दुर्लभ हैं।"

श्लोक 67 (skanda.1.8.67)

तदा ब्रह्मादयो देवा ऋषयश्च विपश्चितः॥ प्रणम्य नंदिनं प्राहुः कस्मात्त्वं वानराननः॥ तत्सर्वं कथयान्यं च रावणस्य तपोबलम्

tadā brahmādayo devā ṛṣayaśca vipaścitaḥ|| praṇamya naṃdinaṃ prāhuḥ kasmāttvaṃ vānarānanaḥ|| tatsarvaṃ kathayānyaṃ ca rāvaṇasya tapobalam

तब ब्रह्मा आदि देवगण और विद्वान ऋषि, नंदी को प्रणाम कर बोले — "तुम्हारा मुख वानर जैसा क्यों है? यह सब और रावण का तप-बल भी बताओ।"

श्लोक 68 (skanda.1.8.68)

॥नंदीश्वर उवाच॥ कुबेरोऽधिकृतस्तेन शंकरेण महात्मना॥ धनानामादिपत्ये च तं द्रष्टुं रावणोऽत्र वै

||naṃdīśvara uvāca|| kubero'dhikṛtastena śaṃkareṇa mahātmanā|| dhanānāmādipatye ca taṃ draṣṭuṃ rāvaṇo'tra vai

नंदीश्वर ने कहा — "महात्मा शंकर द्वारा कुबेर को धन का आदिपति नियुक्त किया गया था; उन्हें देखने के लिए रावण यहाँ —"

श्लोक 69 (skanda.1.8.69)

आगच्छत्त्वरया युक्तः समारुह्य स्ववाहनम्॥ मां दृष्ट्वा चाब्रवीत्क्रुद्धः कुबेरो ह्यत्र आगतः

āgacchattvarayā yuktaḥ samāruhya svavāhanam|| māṃ dṛṣṭvā cābravītkruddhaḥ kubero hyatra āgataḥ

"— अपने वाहन पर सवार होकर शीघ्रता से आया। मुझे देखकर क्रोधित रावण बोला — 'क्या कुबेर यहाँ आए हैं?'"

श्लोक 70 (skanda.1.8.70)

त्वया दृष्टोऽथ वात्रासौ कथ्यतामविलंबितम्॥ किं कार्यं धनदेनाद्य इति पृष्टो मया हि सः

tvayā dṛṣṭo'tha vātrāsau kathyatāmavilaṃbitam|| kiṃ kāryaṃ dhanadenādya iti pṛṣṭo mayā hi saḥ

"'क्या तुमने उन्हें देखा है, यह तुरंत बताओ।' — 'धनद (कुबेर) को आज क्या कार्य है?' — इस प्रकार मैंने उससे पूछा था।"

श्लोक 71 (skanda.1.8.71)

तदोवाच महातेजा रावणो लोकरावणः॥ मय्यश्रद्धान्वितो भूत्वा विषयात्मा सुदुर्मदः

tadovāca mahātejā rāvaṇo lokarāvaṇaḥ|| mayyaśraddhānvito bhūtvā viṣayātmā sudurmadaḥ

तब महातेजस्वी लोकभयंकर रावण ने कहा — "मुझमें श्रद्धा-रहित, अहंकारी, विषयासक्त, अत्यंत उन्मत्त होकर वह —"

श्लोक 72 (skanda.1.8.72)

शिक्षापयितुमारब्धो मैवं कार्यमिति प्रभो॥ यथाहं च श्रिया युक्त आढ्योऽहं बलवानहम्॥ तथा त्वं भव रे मूढ मा मूढत्वमुपार्जय

śikṣāpayitumārabdho maivaṃ kāryamiti prabho|| yathāhaṃ ca śriyā yukta āḍhyo'haṃ balavānaham|| tathā tvaṃ bhava re mūḍha mā mūḍhatvamupārjaya

"— मुझे शिक्षा देने लगा, कहते हुए 'ऐसा मत करो, हे प्रभु।' 'जैसे मैं समृद्धिवान, धनी, बलवान हूँ, वैसे तुम भी बनो, अरे मूर्ख — और मूर्खता मत बढ़ाओ।'"

श्लोक 73 (skanda.1.8.73)

अहं मूढः कृतस्तेन कुबेरेण महात्मना॥ मया निराकृतो रोषात्तपस्तेपे स गुह्यकः

ahaṃ mūḍhaḥ kṛtastena kubereṇa mahātmanā|| mayā nirākṛto roṣāttapastepe sa guhyakaḥ

"उस महात्मा कुबेर ने मुझे मूर्ख बना दिया। क्रोधवश मेरे द्वारा तिरस्कृत होकर वह गुह्यक तपस्या करने लगा।"

श्लोक 74 (skanda.1.8.74)

कुबेरः स हि नंदिन्किमागतस्तव मंदिरम्॥ दीयतां च कुबेरोद्य नात्र कार्या विचारणा

kuberaḥ sa hi naṃdinkimāgatastava maṃdiram|| dīyatāṃ ca kuberodya nātra kāryā vicāraṇā

"हे नंदिन्! वही कुबेर तुम्हारे मंदिर में क्यों आया? आज ही कुबेर को सौंप दो, इसमें और विचार करने की आवश्यकता नहीं है।"

श्लोक 75 (skanda.1.8.75)

रावणस्य वचः श्रुत्वा ह्यवोचं त्वरितोऽप्यहम्॥ लिंगकोसि महाभाग त्वमहं च तथाविधः

rāvaṇasya vacaḥ śrutvā hyavocaṃ tvarito'pyaham|| liṃgakosi mahābhāga tvamahaṃ ca tathāvidhaḥ

रावण के ये वचन सुनकर मैंने भी शीघ्रता से कहा — "हे महाभाग, तुम भी लिंगक (शिव-भक्त) हो और मैं भी वैसा ही हूँ।"

श्लोक 76 (skanda.1.8.76)

उभयोः समनां ज्ञात्वा वृथा जल्पसि दुर्मते॥ यथोक्तः स त्ववादीन्मां वदनार्थे बलोद्धतः

ubhayoḥ samanāṃ jñātvā vṛthā jalpasi durmate|| yathoktaḥ sa tvavādīnmāṃ vadanārthe baloddhataḥ

"दोनों को समान जानकर तुम व्यर्थ ही बोल रहे हो, हे दुर्बुद्धे।" इस प्रकार कहे जाने पर वह बलोद्धत रावण मेरे मुख के विषय में यह बोला —

श्लोक 77 (skanda.1.8.77)

यथा भवद्भिः पृष्टोऽहं वदनार्थे महात्मभिः॥ पुरावृत्तं मया प्रोक्तं शिवार्चनविधेः फलम्॥ शिवेन दत्तं सालूप्यं न गृहीतं मया तदा

yathā bhavadbhiḥ pṛṣṭo'haṃ vadanārthe mahātmabhiḥ|| purāvṛttaṃ mayā proktaṃ śivārcanavidheḥ phalam|| śivena dattaṃ sālūpyaṃ na gṛhītaṃ mayā tadā

जैसा आप महात्माओं ने मुझसे इस वृत्तांत के विषय में पूछा, वैसे ही मैंने पुरानी बात बताई — शिवार्चन-विधि का फल; शिव द्वारा दिया गया सारूप्य मैंने तब स्वीकार नहीं किया था,

श्लोक 78 (skanda.1.8.78)

याचितं च मया शंभोर्वदनं वानरस्य च॥ शिवेन कृपया दत्तं मम कारुण्यशालिना

yācitaṃ ca mayā śaṃbhorvadanaṃ vānarasya ca|| śivena kṛpayā dattaṃ mama kāruṇyaśālinā

बल्कि मैंने शंभु से वानर का मुख माँगा; करुणाशाली शिव ने कृपापूर्वक वह मुझे दे दिया।

श्लोक 79 (skanda.1.8.79)

निराभिमानिनो ये च निर्दभा निष्परिग्रहाः॥ शंभोः प्रियास्ते विज्ञेया ह्यन्ये शिववबहिष्कृताः

nirābhimānino ye ca nirdabhā niṣparigrahāḥ|| śaṃbhoḥ priyāste vijñeyā hyanye śivavabahiṣkṛtāḥ

जो निरभिमानी, निष्कपट और निष्परिग्रह हैं, वे ही शंभु के प्रिय जानने चाहिए; अन्य लोग शिव से बहिष्कृत ही हैं।

श्लोक 80 (skanda.1.8.80)

तथावदन्मया सार्द्धं रावणस्तपसो बलात्॥ मया च याचितान्येव दश वक्त्राणि धीमता

tathāvadanmayā sārddhaṃ rāvaṇastapaso balāt|| mayā ca yācitānyeva daśa vaktrāṇi dhīmatā

इस प्रकार मैंने रावण के तप-बल के साथ यह वार्तालाप किया; और, हे बुद्धिमान देवो, मैंने भी उपहासवश दस मुखों की बात मुँह से कह दी —

श्लोक 81 (skanda.1.8.81)

उपहासकरं वाक्यं पौलस्त्यस्य तदा सुराः॥ मया तदा हि शप्तोऽसौ रावणो लोकरावणः

upahāsakaraṃ vākyaṃ paulastyasya tadā surāḥ|| mayā tadā hi śapto'sau rāvaṇo lokarāvaṇaḥ

यह पौलस्त्य के प्रति उपहासपूर्ण वचन था। तब, हे देवो, उसी क्षण मैंने लोक-भयंकर रावण को शाप दिया —

श्लोक 82 (skanda.1.8.82)

ईदृशान्येव वक्त्राणि येषां वै संभवंति हि॥ तैः समेतो यदा कोऽपि नरवर्यो महातपाः॥ मां पुरस्कृत्य सहसा हनिष्यति न संशयः

īdṛśānyeva vaktrāṇi yeṣāṃ vai saṃbhavaṃti hi|| taiḥ sameto yadā ko'pi naravaryo mahātapāḥ|| māṃ puraskṛtya sahasā haniṣyati na saṃśayaḥ

"जिनके ऐसे ही (विचित्र) मुख होंगे, उनसे युक्त होकर, कोई श्रेष्ठ, महातपस्वी नरवर्य, मुझे आगे रखकर, तुझे सहसा मार डालेगा, इसमें संशय नहीं।"

श्लोक 83 (skanda.1.8.83)

एवं शप्तो मया ब्रह्मन्रावणो लोकरावणः॥ अर्चितं केवलं लिंगं विना तेन महात्मना

evaṃ śapto mayā brahmanrāvaṇo lokarāvaṇaḥ|| arcitaṃ kevalaṃ liṃgaṃ vinā tena mahātmanā

हे ब्रह्मन्, इस प्रकार मैंने लोकभयंकर रावण को शाप दिया; उसने उस महात्मा (विष्णु) के बिना केवल लिंग की ही पूजा की,

श्लोक 84 (skanda.1.8.84)

पीठिकारूपसंस्थेन विना तेन सुरोत्तमाः॥ विष्णुना हि महाभागास्तस्मात्सर्वं विधास्यति

pīṭhikārūpasaṃsthena vinā tena surottamāḥ|| viṣṇunā hi mahābhāgāstasmātsarvaṃ vidhāsyati

पीठिकारूप में स्थित उस विष्णु के बिना, हे श्रेष्ठ देवो; इसलिए विष्णु ही सब कुछ की व्यवस्था करेंगे।

श्लोक 85 (skanda.1.8.85)

देवदेवो महादेवो विष्णुरूपी महेश्वरः॥ सर्वे यूयं प्रार्थयंतु विष्णुं सर्वगुहाशयम्

devadevo mahādevo viṣṇurūpī maheśvaraḥ|| sarve yūyaṃ prārthayaṃtu viṣṇuṃ sarvaguhāśayam

देवाधिदेव महादेव ही विष्णुरूप में महेश्वर हैं; आप सब सर्वहृदयनिवासी विष्णु से प्रार्थना कीजिए।

श्लोक 86 (skanda.1.8.86)

अहं हि सर्वदेवानां पुरोवर्ती भवाम्यतः॥ ते सर्वे नंदिनो वाक्यं श्रुत्वा मुदितमानसाः॥ वैकुंठमागता गीर्भिर्विष्णुं स्तोतुं प्रचक्रिरे

ahaṃ hi sarvadevānāṃ purovartī bhavāmyataḥ|| te sarve naṃdino vākyaṃ śrutvā muditamānasāḥ|| vaikuṃṭhamāgatā gīrbhirviṣṇuṃ stotuṃ pracakrire

"मैं सब देवताओं से आगे-आगे रहता हूँ, इसीलिए (मैं तुम्हें विष्णु के पास भेजता हूँ)।" नंदी का यह वचन सुनकर वे सब प्रसन्न मन से वैकुंठ जाकर विष्णु की स्तुति करने लगे।

श्लोक 87 (skanda.1.8.87)

॥ देवा ऊचुः॥ नमो भगवते तुभ्यं देवदेव जगत्पते॥ त्वदाधारमिदं सर्वं जगदेतच्चराचरम्

|| devā ūcuḥ|| namo bhagavate tubhyaṃ devadeva jagatpate|| tvadādhāramidaṃ sarvaṃ jagadetaccarācaram

देवताओं ने कहा — "हे भगवन्, आपको नमस्कार, हे देवाधिदेव, हे जगत्पते; आप ही के आधार पर यह सम्पूर्ण चराचर जगत टिका है।"

श्लोक 88 (skanda.1.8.88)

एतल्लिंगं त्वया विष्णो धृतं वै पिण्डिरूपिणा॥ महाविष्णुस्वरूपेण घातितौ मधुकैटभौ

etalliṃgaṃ tvayā viṣṇo dhṛtaṃ vai piṇḍirūpiṇā|| mahāviṣṇusvarūpeṇa ghātitau madhukaiṭabhau

"हे विष्णु! यही लिंग आपके द्वारा पिंडरूप में धारण किया गया; महाविष्णु-स्वरूप में मधु-कैटभ का वध हुआ।"

श्लोक 89 (skanda.1.8.89)

तथा कमठरूपेण धृतो वै मंदराचलः॥ वराहरूपमास्थाय हिरण्याक्षो हतस्त्वया

tathā kamaṭharūpeṇa dhṛto vai maṃdarācalaḥ|| varāharūpamāsthāya hiraṇyākṣo hatastvayā

"उसी प्रकार कच्छप-रूप में मंदराचल धारण किया गया; वराह-रूप धारण कर हिरण्याक्ष का वध आपके द्वारा हुआ।"

श्लोक 90 (skanda.1.8.90)

हिरण्यकशिपुर्दैत्यो हतो नृहरिरूपिणा॥ त्वया चैव बलिर्बद्धो दैत्यो वामनरूपिणा

hiraṇyakaśipurdaityo hato nṛharirūpiṇā|| tvayā caiva balirbaddho daityo vāmanarūpiṇā

"दैत्य हिरण्यकशिपु नृसिंह-रूप में मारा गया; और आपके द्वारा ही वामन-रूप में दैत्य बलि बाँधा गया।"

श्लोक 91 (skanda.1.8.91)

भृगूणामन्वये भूत्वा कृतवीर्यात्मजो हतः॥ इतोप्यस्मान्महाविष्णो तथैव परिपालय

bhṛgūṇāmanvaye bhūtvā kṛtavīryātmajo hataḥ|| itopyasmānmahāviṣṇo tathaiva paripālaya

"भृगुवंश में उत्पन्न होकर कृतवीर्य का पुत्र मारा गया; इसी प्रकार, हे महाविष्णु, आगे भी हमारी रक्षा कीजिए।"

श्लोक 92 (skanda.1.8.92)

रावमस्य भयादस्मात्त्रातुं भूयोर्हसि त्वरम्

rāvamasya bhayādasmāttrātuṃ bhūyorhasi tvaram

"इस (रावण की) गर्जना के भय से हमें बचाने में शीघ्र समर्थ बनिए।"

श्लोक 93 (skanda.1.8.93)

एवं संप्रार्थितो देवैर्भगवान्भूतभावनः॥ उवाच च सुरान्सर्वान्वासुदेवो जगन्मयः

evaṃ saṃprārthito devairbhagavānbhūtabhāvanaḥ|| uvāca ca surānsarvānvāsudevo jaganmayaḥ

इस प्रकार देवताओं द्वारा प्रार्थना किए जाने पर भूतों को जन्म देने वाले भगवान, जगत्मय वासुदेव ने समस्त देवताओं से कहा —

श्लोक 94 (skanda.1.8.94)

हे देवाः श्रूयतां वाक्यं प्रस्तावसदृशं महत्॥ शैलादिं च पुरस्कृत्य सर्वे यूयं त्वरान्विताः॥ अवतारान्प्रकुर्वन्तु वानरीं तनुमाश्रिताः

he devāḥ śrūyatāṃ vākyaṃ prastāvasadṛśaṃ mahat|| śailādiṃ ca puraskṛtya sarve yūyaṃ tvarānvitāḥ|| avatārānprakurvantu vānarīṃ tanumāśritāḥ

"हे देवो! एक महान और उपयुक्त वचन सुनो — शैलादि (नंदी) को आगे रखकर आप सब शीघ्रतापूर्वक वानर-देह धारण कर अवतार लीजिए।"

श्लोक 95 (skanda.1.8.95)

अहं हि मानुषो भूत्वा ह्यज्ञानेन समावृतः॥ संभविष्याम्ययोध्यायं गृहे दशरथस्य च॥ ब्रह्मविद्यासहायोस्मि भवतां कार्यसिद्धये

ahaṃ hi mānuṣo bhūtvā hyajñānena samāvṛtaḥ|| saṃbhaviṣyāmyayodhyāyaṃ gṛhe daśarathasya ca|| brahmavidyāsahāyosmi bhavatāṃ kāryasiddhaye

"मैं स्वयं मानव बनकर, मानो अज्ञान से आवृत होकर, अयोध्या में दशरथ के घर उत्पन्न होऊँगा; मैं तुम्हारे कार्य की सिद्धि के लिए ब्रह्मविद्या का सहायक हूँ।"

श्लोक 96 (skanda.1.8.96)

जनकस्य गृहे साक्षाद्ब्रह्मविद्या जनिष्यति॥ भक्तो हि रावणः साक्षाच्छिवध्यानपरायणः

janakasya gṛhe sākṣādbrahmavidyā janiṣyati|| bhakto hi rāvaṇaḥ sākṣācchivadhyānaparāyaṇaḥ

"जनक के घर में साक्षात् ब्रह्मविद्या उत्पन्न होगी; रावण साक्षात् मेरा भक्त है, सदा शिवध्यान में परायण है।"

श्लोक 97 (skanda.1.8.97)

तपसा महता युक्तो ब्रह्मविद्यां यदेच्छति॥ तदा सुसाध्यो भवति पुरुषो धर्मनिर्जितः

tapasā mahatā yukto brahmavidyāṃ yadecchati|| tadā susādhyo bhavati puruṣo dharmanirjitaḥ

"जब महान तप से युक्त होकर कोई ब्रह्मविद्या की इच्छा करता है, तब वह धर्म से वशीभूत पुरुष सहज ही साध्य बन जाता है।"

श्लोक 98 (skanda.1.8.98)

एवं संभाष्य भगवान्विष्णुः परममङ्गलः॥ वाली चेन्द्रांशसंभूतः सुग्रीवों शुमतः सुतः

evaṃ saṃbhāṣya bhagavānviṣṇuḥ paramamaṅgalaḥ|| vālī cendrāṃśasaṃbhūtaḥ sugrīvoṃ śumataḥ sutaḥ

इस प्रकार कहकर परम मंगलमय भगवान विष्णु ने — इंद्र के अंश से उत्पन्न वाली और सुमति के पुत्र सुग्रीव को —

श्लोक 99 (skanda.1.8.99)

तथा ब्रह्मांशसंभूतो जाम्बवान्नृक्षकुञ्जरः॥ शिलादतनयो नंदी शिवस्यानुचरः प्रियः

tathā brahmāṃśasaṃbhūto jāmbavānnṛkṣakuñjaraḥ|| śilādatanayo naṃdī śivasyānucaraḥ priyaḥ

और ब्रह्मा के अंश से उत्पन्न, भालुओं में गजराज-सम जांबवान को; तथा शैलाद-पुत्र नंदी, शिव के प्रिय अनुचर को —

श्लोक 100 (skanda.1.8.100)

यो वै चैकादशो रुद्रो हनूमान्स महाकपिः॥ अवतीर्णः सहायार्थं विष्णोरमिततेजसः

yo vai caikādaśo rudro hanūmānsa mahākapiḥ|| avatīrṇaḥ sahāyārthaṃ viṣṇoramitatejasaḥ

और जो ग्यारहवें रुद्र ही हैं, वे महाकपि हनुमान भी — ये सब अमित तेजस्वी विष्णु की सहायता के लिए अवतरित हुए।

श्लोक 101 (skanda.1.8.101)

मैंदादयोऽथ कपयस्ते सर्वे सुरसत्तमाः॥ एवं सर्वे सुरगणा अवतेरुर्यथा तथम्

maiṃdādayo'tha kapayaste sarve surasattamāḥ|| evaṃ sarve suragaṇā avateruryathā tatham

मैंद आदि अन्य वानर भी — ये सब श्रेष्ठ देवगण — इस प्रकार सभी देवगण अपने-अपने रूप में अवतरित हुए।

श्लोक 102 (skanda.1.8.102)

तथैव विष्णुरुत्पन्नः कौशल्यानंदवर्द्धनः॥ विश्वस्य रमणाच्चैव राम इत्युच्यते बुधैः

tathaiva viṣṇurutpannaḥ kauśalyānaṃdavarddhanaḥ|| viśvasya ramaṇāccaiva rāma ityucyate budhaiḥ

इसी प्रकार विष्णु ने अवतार लिया, कौशल्या के आनंद को बढ़ाते हुए; विश्व को रमण कराने के कारण ही विद्वान उन्हें 'राम' कहते हैं।

श्लोक 103 (skanda.1.8.103)

शेषोपि भक्त्या विष्णोश्च तपसाऽवातरद्भुवि

śeṣopi bhaktyā viṣṇośca tapasā'vātaradbhuvi

शेष भी विष्णु की भक्ति में, तपस्या के फलस्वरूप पृथ्वी पर अवतरित हुए।

श्लोक 104 (skanda.1.8.104)

दोर्दण्डावपि विष्णोश्च अवतीर्णौ प्रतापिनौ॥ शत्रुघ्नभरताख्यौ च विख्यातौ भुवनत्रये

dordaṇḍāvapi viṣṇośca avatīrṇau pratāpinau|| śatrughnabharatākhyau ca vikhyātau bhuvanatraye

विष्णु की दोनों प्रतापी भुजाएँ भी अवतरित हुईं, जो शत्रुघ्न और भरत नाम से तीनों लोकों में विख्यात हैं।

श्लोक 105 (skanda.1.8.105)

मिथिलाधिपतेः कन्या या उक्ता ब्रह्मवादिभिः॥ सा ब्रह्मविद्यावतरत्सुराणां कार्य्यसिद्धये॥ सीता जाता लांगलस्य इयं भूमिविकर्षणात्

mithilādhipateḥ kanyā yā uktā brahmavādibhiḥ|| sā brahmavidyāvataratsurāṇāṃ kāryyasiddhaye|| sītā jātā lāṃgalasya iyaṃ bhūmivikarṣaṇāt

मिथिला के अधिपति की जो कन्या ब्रह्मवादियों द्वारा कही गई, वही ब्रह्मविद्या देवताओं के कार्य की सिद्धि के लिए अवतरित हुई; हल की रेखा से भूमि से उत्पन्न होने के कारण वह सीता कहलाई।

श्लोक 106 (skanda.1.8.106)

तस्मात्सीतेति विख्याता विद्या सान्वीक्षिकी तदा॥ मिथिलायां समुत्पन्ना मैथितीत्यभिधीयते

tasmātsīteti vikhyātā vidyā sānvīkṣikī tadā|| mithilāyāṃ samutpannā maithitītyabhidhīyate

इसीलिए वह 'सीता' नाम से विख्यात हुई, जो उस समय की आन्वीक्षिकी विद्या ही थी; मिथिला में उत्पन्न होने के कारण वह 'मैथिली' भी कहलाती है।

श्लोक 107 (skanda.1.8.107)

जनकस्य कुले जाता विश्रुता जनकात्मजा॥ ख्याता वेदवती पूर्वं ब्रह्मविद्याघनाशिनी

janakasya kule jātā viśrutā janakātmajā|| khyātā vedavatī pūrvaṃ brahmavidyāghanāśinī

जनक के कुल में उत्पन्न, जनकपुत्री के नाम से विख्यात, पूर्वकाल में वह 'वेदवती' कहलाती थी, ब्रह्मविद्या से अज्ञान का नाश करने वाली।

श्लोक 108 (skanda.1.8.108)

सा दत्ता जनकेनैव विष्णवे परमात्मने

sā dattā janakenaiva viṣṇave paramātmane

वह जनक द्वारा ही परमात्मा विष्णु को समर्पित की गई।

श्लोक 109 (skanda.1.8.109)

तयाथ विद्यया सार्द्धं देवदेवो जगत्पतिः॥ उग्रे तपसि लीनोऽसौ विष्णुः परमदुष्करम्

tayātha vidyayā sārddhaṃ devadevo jagatpatiḥ|| ugre tapasi līno'sau viṣṇuḥ paramaduṣkaram

फिर उस विद्या (सीता) सहित देवाधिदेव जगत्पति विष्णु उग्र, परम दुष्कर तपस्या में लीन हो गए।

श्लोक 110 (skanda.1.8.110)

रावणं जेतुकामो वै रामो राजीवलोचनः॥ अरण्यवासमकरोद्देवानां कार्यसिद्धये

rāvaṇaṃ jetukāmo vai rāmo rājīvalocanaḥ|| araṇyavāsamakaroddevānāṃ kāryasiddhaye

रावण को जीतने की इच्छा से राजीवलोचन राम ने देवताओं के कार्य की सिद्धि के लिए वन-वास किया।

श्लोक 111 (skanda.1.8.111)

शेषावतारोऽपि महांस्तपः परमदुष्करम्॥ तताप परया शक्त्या देवानां कार्यसिद्धये

śeṣāvatāro'pi mahāṃstapaḥ paramaduṣkaram|| tatāpa parayā śaktyā devānāṃ kāryasiddhaye

शेष के अवतार ने भी देवताओं के कार्य की सिद्धि के लिए परम शक्ति से महान और अत्यंत दुष्कर तप किया।

श्लोक 112 (skanda.1.8.112)

शत्रुघ्नो भरतश्चैव तेपतुः परमं तपः

śatrughno bharataścaiva tepatuḥ paramaṃ tapaḥ

शत्रुघ्न और भरत ने भी परम तप किया।

श्लोक 113 (skanda.1.8.113)

ततोऽसौ तपसा युक्तः सार्द्धं तैर्देवतागणैः॥ सगणं रावणं रामः षड्भिर्मासैरजीहनत्॥ विष्णुना घातितः शस्त्रैः शिवसारूप्यमाप्तवान्

tato'sau tapasā yuktaḥ sārddhaṃ tairdevatāgaṇaiḥ|| sagaṇaṃ rāvaṇaṃ rāmaḥ ṣaḍbhirmāsairajīhanat|| viṣṇunā ghātitaḥ śastraiḥ śivasārūpyamāptavān

फिर इस प्रकार तपस्या से युक्त होकर, उन देवगणों सहित, राम ने छह महीनों में रावण को अपने गणों सहित मार डाला; विष्णु के शस्त्रों से मारा गया वह शिव-सारूप्य को प्राप्त हुआ।

श्लोक 114 (skanda.1.8.114)

सगमः स पुनः सद्यो बंधुभिः सह सुव्रताः

sagamaḥ sa punaḥ sadyo baṃdhubhiḥ saha suvratāḥ

वह अपने बंधुओं सहित पुनः तत्काल ही, हे सुव्रतो —

श्लोक 115 (skanda.1.8.115)

शिवप्रसादात्सकलं द्वैताद्वैतमवाप ह॥ द्वैताद्वैतविवेकार्थमृपयोप्यत्र मोहिताः॥ तत्सर्वं प्राप्नुवंतीह शिवार्चनरता नराः

śivaprasādātsakalaṃ dvaitādvaitamavāpa ha|| dvaitādvaitavivekārthamṛpayopyatra mohitāḥ|| tatsarvaṃ prāpnuvaṃtīha śivārcanaratā narāḥ

शिव की कृपा से द्वैत-अद्वैत के संपूर्ण रहस्य को प्राप्त हुआ; द्वैत-अद्वैत के विवेक के लिए ऋषि भी यहाँ मोहित हो जाते हैं — किंतु शिवार्चन में रत मनुष्य यह सब यहीं प्राप्त कर लेते हैं।

श्लोक 116 (skanda.1.8.116)

येऽर्चयंति शिवं नित्यं लिंगरूपिणमेव च॥ स्त्रियो वाप्यथ वा शूद्राः श्वपचा ह्यंत्यवासिनः॥ तं शिवं प्राप्नुवंत्येव सर्वदुःखोपनाशनम्

ye'rcayaṃti śivaṃ nityaṃ liṃgarūpiṇameva ca|| striyo vāpyatha vā śūdrāḥ śvapacā hyaṃtyavāsinaḥ|| taṃ śivaṃ prāpnuvaṃtyeva sarvaduḥkhopanāśanam

जो नित्य लिंगरूपी शिव की पूजा करते हैं — चाहे स्त्रियाँ हों, शूद्र हों, या श्वपच और अंत्यज ही क्यों न हों — वे उस समस्त दुःखों का नाश करने वाले शिव को अवश्य प्राप्त करते हैं।

श्लोक 117 (skanda.1.8.117)

पशवोऽपि परं याताः किं पुनर्मानुषादयः

paśavo'pi paraṃ yātāḥ kiṃ punarmānuṣādayaḥ

पशु भी इस परम गति को प्राप्त हो गए हैं, फिर मनुष्य आदि की तो बात ही क्या।

श्लोक 118 (skanda.1.8.118)

ये द्विजा ब्रह्मचर्येण तपः परममास्थिताः॥ वर्षैरनेकैर्यज्ञानां तेऽपि स्वर्गपरा भवन्

ye dvijā brahmacaryeṇa tapaḥ paramamāsthitāḥ|| varṣairanekairyajñānāṃ te'pi svargaparā bhavan

जो द्विज ब्रह्मचर्य द्वारा परम तप में स्थित रहते हैं, और अनेक वर्षों तक यज्ञ करते हैं, वे भी केवल स्वर्ग-प्राप्ति के इच्छुक ही बनते हैं।

श्लोक 119 (skanda.1.8.119)

ज्योतिष्टोमो वाजपेयो ह्यतिरात्रादयो ह्यमी॥ यज्ञाः स्वर्गं प्रयच्छंति सत्त्रीणां नात्र संशयः

jyotiṣṭomo vājapeyo hyatirātrādayo hyamī|| yajñāḥ svargaṃ prayacchaṃti sattrīṇāṃ nātra saṃśayaḥ

ज्योतिष्टोम, वाजपेय, अतिरात्र आदि ये यज्ञ यज्ञकर्ताओं को स्वर्ग ही प्रदान करते हैं, इसमें संशय नहीं।

श्लोक 120 (skanda.1.8.120)

तत्र स्वर्गसुखं भुक्त्वा पुण्यक्षयकरं महत्॥ पुण्यक्षयेऽपि यज्वानो मर्त्यलोकं पतंति वै

tatra svargasukhaṃ bhuktvā puṇyakṣayakaraṃ mahat|| puṇyakṣaye'pi yajvāno martyalokaṃ pataṃti vai

वहाँ महान स्वर्ग-सुख भोगकर, जो अपने ही पुण्य को क्षीण करने वाला है, यज्ञकर्ता पुण्य के क्षीण होने पर मृत्युलोक में गिर जाते हैं।

श्लोक 121 (skanda.1.8.121)

पतितानां च संसारे दैवाद्बुद्धिः प्रजायते॥ गुणत्रयमयी विप्रास्तासुतास्त्विह योनिषु

patitānāṃ ca saṃsāre daivādbuddhiḥ prajāyate|| guṇatrayamayī viprāstāsutāstviha yoniṣu

इस प्रकार संसार में गिरे हुए लोगों को दैववश पुनः बुद्धि प्राप्त होती है; हे विप्रो, गुणत्रयमयी वह बुद्धि इन्हीं योनियों के अनुसार बनती है।

श्लोक 122 (skanda.1.8.122)

यथा सत्त्वं संभवति सत्त्वयुक्तभवं नराः॥ राजसाश्च तथा ज्ञेयास्ता मसाश्चैव ते द्विजाः

yathā sattvaṃ saṃbhavati sattvayuktabhavaṃ narāḥ|| rājasāśca tathā jñeyāstā masāścaiva te dvijāḥ

जैसे सत्त्व उत्पन्न होता है, वैसे ही मनुष्य सत्त्वयुक्त उत्पन्न होते हैं; उसी प्रकार राजसिक और तामसिक भी जानने चाहिए, हे द्विजो।

श्लोक 123 (skanda.1.8.123)

एवं संसारचक्रेऽस्मिन्भ्रमिता बहवो जनाः॥ यदृच्छया दैवगत्या शिवं संसेवते नरः

evaṃ saṃsāracakre'sminbhramitā bahavo janāḥ|| yadṛcchayā daivagatyā śivaṃ saṃsevate naraḥ

इस प्रकार इस संसार-चक्र में बहुत से लोग भटकते रहते हैं; दैवगति से, यों ही, कोई मनुष्य शिव की सेवा कर बैठता है।

श्लोक 124 (skanda.1.8.124)

शिवध्यानपराणां च नराणां यतचेतसाम्॥ मायानिरसनं सद्यो भविष्यति न चान्यथा

śivadhyānaparāṇāṃ ca narāṇāṃ yatacetasām|| māyānirasanaṃ sadyo bhaviṣyati na cānyathā

शिवध्यान में रत, संयमित चित्त वाले मनुष्यों के लिए माया का निवारण तत्काल हो जाएगा, अन्यथा नहीं।

श्लोक 125 (skanda.1.8.125)

मायानिरसनात्सद्यो नश्यत्येव गुणत्रयम्॥ यदा गुणत्रयातीतो भवतीति स मुक्तिभाक्

māyānirasanātsadyo naśyatyeva guṇatrayam|| yadā guṇatrayātīto bhavatīti sa muktibhāk

माया के निवारण से तत्काल ही तीनों गुण नष्ट हो जाते हैं; जब मनुष्य गुणत्रय से अतीत हो जाता है, तब वह मुक्ति का भागी बनता है।

श्लोक 126 (skanda.1.8.126)

तस्माल्लिङ्गार्चनं भाव्यं सर्वेषामपि देहिनाम्॥ लिङ्गरूपी शिवो भूत्वा त्रायते संचराचरम्

tasmālliṅgārcanaṃ bhāvyaṃ sarveṣāmapi dehinām|| liṅgarūpī śivo bhūtvā trāyate saṃcarācaram

इसलिए समस्त देहधारियों के लिए लिंगार्चन भावनीय है; लिंगरूपी शिव ही चराचर जगत की रक्षा करते हैं।

श्लोक 127 (skanda.1.8.127)

पुरा भवद्भिः पृष्टोऽहं लिङ्गरूपी कथं शिवः॥ तत्सर्वं कथितं विप्रा याथातथ्येन संप्रति

purā bhavadbhiḥ pṛṣṭo'haṃ liṅgarūpī kathaṃ śivaḥ|| tatsarvaṃ kathitaṃ viprā yāthātathyena saṃprati

पूर्वकाल में आपने मुझसे पूछा था कि शिव लिंगरूप में कैसे हुए; हे विप्रो, वह सब मैंने अभी यथार्थ रूप से कह दिया।

श्लोक 128 (skanda.1.8.128)

कथं गरं भक्षितवाञ्छिवो लोकमहेश्वरः॥ तत्सर्वं श्रूयतां विप्रा यतावत्कथयामि वः

kathaṃ garaṃ bhakṣitavāñchivo lokamaheśvaraḥ|| tatsarvaṃ śrūyatāṃ viprā yatāvatkathayāmi vaḥ

(आपने यह भी पूछा था कि) लोकमहेश्वर शिव ने विष कैसे खाया — हे विप्रो, वह सब भी सुनिए, मैं आपसे यथावत् कहता हूँ।