वणिक् नंदभद्र की कथा

श्लोक 1 (skanda.1.80.1)

॥नारद उवाच॥ तथा बहूदकस्थाने कथामाकर्णयाद्भुताम्॥ यस्माद्बहूदकं कुण्डं कामरूपे यदस्ति च॥

||nārada uvāca|| tathā bahūdakasthāne kathāmākarṇayādbhutām|| yasmādbahūdakaṁ kuṇḍaṁ kāmarūpe yadasti ca||

नारद जी ने कहा — इसी प्रकार बहूदक नामक स्थान में भी एक अद्भुत कथा सुनो। जो बहूदक कुंड कामरूप में स्थित है,

श्लोक 2 (skanda.1.80.2)

तदस्ति चात्र संक्रांतं तस्मात्प्रोक्तं बहूदकम्॥ कपिलेनात्र तप्त्वा च वर्षाणि सुबहून्यपि॥

tadasti cātra saṁkrāṁtaṁ tasmātproktaṁ bahūdakam|| kapilenātra taptvā ca varṣāṇi subahūnyapi||

— वही यहाँ भी संक्रांत होकर स्थित है, इसीलिए इसे भी बहूदक कहा जाता है। यहाँ कपिल मुनि ने बहुत वर्षों तक तपस्या करके,

श्लोक 3 (skanda.1.80.3)

स्थापितं शोभनं लिंगं कपिलश्वरसंज्ञितम्॥ तच्च लिगं सदा पार्थ नन्दभद्र इति समृतः॥

sthāpitaṁ śobhanaṁ liṁgaṁ kapilaśvarasaṁjñitam|| tacca ligaṁ sadā pārtha nandabhadra iti samṛtaḥ||

— 'कपिलेश्वर' नाम से प्रसिद्ध एक सुंदर लिंग स्थापित किया। हे पार्थ! उस लिंग की सदा पूजा करने वाला नंदभद्र नामक व्यक्ति स्मरण किया जाता है।

श्लोक 4 (skanda.1.80.4)

वणिक्संपूजयामास त्रिकालं च कृतादरः॥ सर्वधर्मविशेषज्ञः साक्षाद्धर्म इवापरः॥

vaṇiksaṁpūjayāmāsa trikālaṁ ca kṛtādaraḥ|| sarvadharmaviśeṣajñaḥ sākṣāddharma ivāparaḥ||

वह वैश्य आदरपूर्वक त्रिकाल उसकी पूजा करता था। वह समस्त धर्मों का विशेष ज्ञाता था, मानो साक्षात दूसरा धर्म ही हो।

श्लोक 5 (skanda.1.80.5)

नाज्ञातं तस्य किंचिच्च यद्धर्मेषु प्रकीर्त्यते॥ सर्वेषां च सुहृन्नित्यं सर्वेषां च हिते रतः॥

nājñātaṁ tasya kiṁcicca yaddharmeṣu prakīrtyate|| sarveṣāṁ ca suhṛnnityaṁ sarveṣāṁ ca hite rataḥ||

धर्मशास्त्रों में जो कुछ भी कहा गया है, वह उससे अनजाना नहीं था। वह सदा सबका मित्र था, और सबके हित में रत रहता था।

श्लोक 6 (skanda.1.80.6)

कर्मणा मनसा वाचा धर्ममेनमुपाश्रितः॥ न भूतो न भविष्यश्च न स धर्मोऽस्ति किंचन॥

karmaṇā manasā vācā dharmamenamupāśritaḥ|| na bhūto na bhaviṣyaśca na sa dharmo'sti kiṁcana||

वह मन, वचन और कर्म से इसी धर्म का आश्रय लेता था। न भूतकाल में, न भविष्य में, ऐसा कोई भी धर्म नहीं है जिसे उसने पूरा न किया हो —

श्लोक 7 (skanda.1.80.7)

विदोषो यो हि सर्वत्र निश्चित्यैवं व्यवस्थितः॥ अस्य धर्मसमुद्रस्य संप्रवृद्धस्य सर्वतः॥

vidoṣo yo hi sarvatra niścityaivaṁ vyavasthitaḥ|| asya dharmasamudrasya saṁpravṛddhasya sarvataḥ||

— जो सर्वत्र दोष-रहित निश्चय के साथ स्थापित था। इस धर्म-रूपी समुद्र के, जो सर्वत्र भलीभाँति वृद्धिंगत हो रहा था,

श्लोक 8 (skanda.1.80.8)

निर्मथ्य नन्दभद्रेण आहृतं तन्निशामय॥ वाणिज्यं मन्यते श्रेष्ठं जीवनाय तदा स्थितः॥

nirmathya nandabhadreṇa āhṛtaṁ tanniśāmaya|| vāṇijyaṁ manyate śreṣṭhaṁ jīvanāya tadā sthitaḥ||

— नंदभद्र ने जो सार निकालकर ग्रहण किया, उसे सुनो। वह जीविका के लिए वाणिज्य को श्रेष्ठ मानते हुए उसमें स्थित रहता था।

श्लोक 9 (skanda.1.80.9)

परिच्छिन्नैः काष्ठतृणैः शरणं तेन कारितम्॥ मद्यवर्जं भेदवर्जं कूटवर्जं समं तथा॥

paricchinnaiḥ kāṣṭhatṛṇaiḥ śaraṇaṁ tena kāritam|| madyavarjaṁ bhedavarjaṁ kūṭavarjaṁ samaṁ tathā||

उसने काष्ठ और तृण से एक सीमित आवास बनवाया। वह मदिरा से रहित, भेदभाव से रहित, छल-कपट से रहित और समभाव से युक्त व्यापार करता था।

श्लोक 10 (skanda.1.80.10)

सर्वभूतेषु वाणिज्यमल्पलाभेन सोऽचरत्॥ अमायया परेभ्योऽसौ गृहीत्वैव क्रयाणकम्॥

sarvabhūteṣu vāṇijyamalpalābhena so'carat|| amāyayā parebhyo'sau gṛhītvaiva krayāṇakam||

वह समस्त प्राणियों के साथ अल्प लाभ से व्यापार करता था। वह दूसरों से बिना छल के ही माल खरीदता था,

श्लोक 11 (skanda.1.80.11)

अमाययैव भूतेभ्यो विक्रीणात्यस्य सद्व्रतम्॥ केचिद्यज्ञं प्रशंसंति नन्दभद्रो न मन्यते॥

amāyayaiva bhūtebhyo vikrīṇātyasya sadvratam|| kecidyajñaṁ praśaṁsaṁti nandabhadro na manyate||

— और बिना छल के ही सबको बेचता था, यही उसका सद्व्रत था। कुछ लोग यज्ञ की प्रशंसा करते हैं, किंतु नंदभद्र उसे उतना नहीं मानता था।

श्लोक 12 (skanda.1.80.12)

दोषमेनं विनिश्चित्य श्रृणु तं पांडुनन्दन॥ लुब्धोऽनृती दांभीकश्च स्वप्रशंसापरायणः॥

doṣamenaṁ viniścitya śrṛṇu taṁ pāṁḍunandana|| lubdho'nṛtī dāṁbhīkaśca svapraśaṁsāparāyaṇaḥ||

हे पांडुनंदन! उसने इसमें जो दोष निश्चित किया, उसे सुनो — लोभी, असत्यवादी, पाखंडी और आत्म-प्रशंसा में तत्पर व्यक्ति —

श्लोक 13 (skanda.1.80.13)

यजन्यज्ञैर्जगद्धंति स्वं चांधतमसं नयेत्॥ अग्नौ प्रास्ताहुतिः सम्यगादित्यमुपतिष्ठते॥

yajanyajñairjagaddhaṁti svaṁ cāṁdhatamasaṁ nayet|| agnau prāstāhutiḥ samyagādityamupatiṣṭhate||

— यज्ञ करके संसार को हानि पहुँचाते हैं, और स्वयं भी अंधकार को प्राप्त होते हैं। अग्नि में अर्पित हवि भलीभाँति सूर्य तक पहुँचती है,

श्लोक 14 (skanda.1.80.14)

आदित्याज्जायते वृष्टिर्वृष्टेरन्नं ततः प्रजाः॥ यद्यदा यजमानस्य ऋत्विजो द्रव्यमेव च॥

ādityājjāyate vṛṣṭirvṛṣṭerannaṁ tataḥ prajāḥ|| yadyadā yajamānasya ṛtvijo dravyameva ca||

सूर्य से वर्षा होती है, वर्षा से अन्न, और अन्न से प्रजा का पोषण होता है। किंतु जब भी यजमान और ऋत्विजों का धन —

श्लोक 15 (skanda.1.80.15)

चौरप्रायस्य कलुषाज्जन्म जायेज्जनस्य हि॥ अदक्षिणे वृथा यज्ञे कृते चाप्यविधानतः॥

cauraprāyasya kaluṣājjanma jāyejjanasya hi|| adakṣiṇe vṛthā yajñe kṛte cāpyavidhānataḥ||

— किसी चोर के समान अशुद्ध व्यक्ति से प्राप्त हुआ हो, तथा दक्षिणा-रहित, व्यर्थ और अविधिपूर्वक किया गया यज्ञ हो, तो —

श्लोक 16 (skanda.1.80.16)

पशवो लकुटैर्हन्युर्यजमानं मृतं हताः॥ तस्माच्छुद्धैर्यवद्रव्यैर्यजमानः शुभः स्मृतः॥

paśavo lakuṭairhanyuryajamānaṁ mṛtaṁ hatāḥ|| tasmācchuddhairyavadravyairyajamānaḥ śubhaḥ smṛtaḥ||

— मारे गए वे पशु ही, मृत होकर, यजमान को छड़ी से मारते हैं। इसलिए शुद्ध और यथोचित द्रव्यों से यज्ञ करने वाला यजमान ही शुभ माना गया है।

श्लोक 17 (skanda.1.80.17)

यज्ञ एवं विचार्यासौ यज्ञसारं समास्थितः॥ श्रद्धया देवपूजा या नमस्कारः स्तुतिः शुभा॥

yajña evaṁ vicāryāsau yajñasāraṁ samāsthitaḥ|| śraddhayā devapūjā yā namaskāraḥ stutiḥ śubhā||

इस प्रकार यज्ञ पर विचार करके वह उसके सार में स्थित रहा। श्रद्धापूर्वक देवता की पूजा, प्रणाम, तथा शुभ स्तुति —

श्लोक 18 (skanda.1.80.18)

नैवेद्यं हविषश्चैव यज्ञोऽयं हि विकल्मषः॥ स एव यज्ञः प्रोक्तो वै येन तुष्यन्ति देवताः॥

naivedyaṁ haviṣaścaiva yajño'yaṁ hi vikalmaṣaḥ|| sa eva yajñaḥ prokto vai yena tuṣyanti devatāḥ||

— नैवेद्य और हवि से युक्त यह यज्ञ ही निर्दोष है। वही यज्ञ श्रेष्ठ कहा गया है, जिससे देवता प्रसन्न होते हैं।

श्लोक 19 (skanda.1.80.19)

केचिच्छंसन्ति संन्यासं नन्दभद्रो न मन्यते॥ यो हि संन्यस्य विषयान्मनसा गृह्यते पुनः॥

kecicchaṁsanti saṁnyāsaṁ nandabhadro na manyate|| yo hi saṁnyasya viṣayānmanasā gṛhyate punaḥ||

कुछ लोग संन्यास की प्रशंसा करते हैं, किंतु नंदभद्र उसे भी उतना नहीं मानता था। जो व्यक्ति विषयों का त्याग करके भी उन्हें मन से पुनः ग्रहण कर लेता है,

श्लोक 20 (skanda.1.80.20)

उभयभ्रष्ट एवासौ भिन्ना भूमिर्विनश्यति॥ संन्यासस्य तु यत्सारं तत्तेनावृतमुत्तमम्॥

ubhayabhraṣṭa evāsau bhinnā bhūmirvinaśyati|| saṁnyāsasya tu yatsāraṁ tattenāvṛtamuttamam||

— वह दोनों ओर से भ्रष्ट होता है, जैसे विदीर्ण भूमि नष्ट हो जाती है। किंतु संन्यास का जो वास्तविक सार है, उसे नंदभद्र ने ग्रहण कर लिया था।

श्लोक 21 (skanda.1.80.21)

कस्यचिन्नैव कर्माणि शपते वा प्रशंसति॥ नानामार्गस्थिताँल्लोकांश्चन्द्रवल्लीयते क्षितौ॥

kasyacinnaiva karmāṇi śapate vā praśaṁsati|| nānāmārgasthitā~llokāṁścandravallīyate kṣitau||

वह किसी के भी कर्मों की न निंदा करता था, न प्रशंसा। नाना मार्गों में स्थित लोगों के प्रति वह चंद्रमा के समान पृथ्वी पर समान रूप से व्यवहार करता था।

श्लोक 22 (skanda.1.80.22)

न द्वेष्टि नो कामयते न विरुद्धोऽनुरुध्यते॥ समाश्मकांचनो धीरस्तुल्यनिंदात्मसंस्तुतिः॥

na dveṣṭi no kāmayate na viruddho'nurudhyate|| samāśmakāṁcano dhīrastulyaniṁdātmasaṁstutiḥ||

वह न द्वेष करता था, न कामना करता था, न विरोध करता था और न पक्षपात करता था। वह धैर्यवान, पत्थर और सोने को समान मानने वाला, तथा निंदा और आत्म-स्तुति में समभाव रखने वाला था।

श्लोक 23 (skanda.1.80.23)

अभयः सर्वभूतेभ्यो यथांधबधिराकृतिः॥ न कर्मणां फलाकांक्षा शिवस्याराधनं हि तत्॥

abhayaḥ sarvabhūtebhyo yathāṁdhabadhirākṛtiḥ|| na karmaṇāṁ phalākāṁkṣā śivasyārādhanaṁ hi tat||

वह समस्त प्राणियों के प्रति निर्भय था, मानो अंधे और बधिर के समान। कर्मों में फल की कोई आकांक्षा न रखना — यही शिव की सच्ची आराधना है।

श्लोक 24 (skanda.1.80.24)

कारणाद्धर्ममन्विच्छन्न लोभं च ततश्चरन्॥

kāraṇāddharmamanvicchanna lobhaṁ ca tataścaran||

वह धर्म के लिए ही कारणपूर्वक धर्म का पालन करता था, और उससे कभी लोभ के वशीभूत होकर आचरण नहीं करता था।

श्लोक 25 (skanda.1.80.25)

विविच्य नंदभद्रस्तत्सारं मोक्षेषु जगृहे॥ कृषिं केचित्प्रशंसंति नंदभद्रो न मन्यते॥

vivicya naṁdabhadrastatsāraṁ mokṣeṣu jagṛhe|| kṛṣiṁ kecitpraśaṁsaṁti naṁdabhadro na manyate||

इस प्रकार विवेकपूर्वक विचार करके नंदभद्र ने मोक्ष का सार ग्रहण किया। कुछ लोग कृषि की प्रशंसा करते हैं, किंतु नंदभद्र उसे उतना नहीं मानता था।

श्लोक 26 (skanda.1.80.26)

यस्यां छिंदंति वृषणा वृषाणां चैव नासिकाम्॥ कर्षयंति महाभारान्बध्नंति दमयंति च॥

yasyāṁ chiṁdaṁti vṛṣaṇā vṛṣāṇāṁ caiva nāsikām|| karṣayaṁti mahābhārānbadhnaṁti damayaṁti ca||

उसमें बैलों के अंडकोष काटे जाते हैं, उनकी नाक छेदी जाती है, उनसे भारी बोझ ढुलवाया जाता है, उन्हें बाँधा और दमित किया जाता है,

श्लोक 27 (skanda.1.80.27)

बहुदंशमयान्देशान्नयंति बहुकर्दमान्॥ वाहसंपीडिता धुर्याः सीदंत्यविधिना परे॥

bahudaṁśamayāndeśānnayaṁti bahukardamān|| vāhasaṁpīḍitā dhuryāḥ sīdaṁtyavidhinā pare||

— उन्हें कीट-दंश और कीचड़ से भरे प्रदेशों में ले जाया जाता है। बोझ ढोने वाले पशु अविधिपूर्वक पीड़ित होकर कष्ट पाते हैं।

श्लोक 28 (skanda.1.80.28)

मन्यंते भ्रूणहत्यापि विशिष्टा नास्य कर्मणः॥ अघ्न्या इति गवां नाम श्रुतौ ताः पीडयेत्कथम्॥

manyaṁte bhrūṇahatyāpi viśiṣṭā nāsya karmaṇaḥ|| aghnyā iti gavāṁ nāma śrutau tāḥ pīḍayetkatham||

लोग मानते हैं कि भ्रूण-हत्या भी इस कर्म से भिन्न नहीं है। श्रुति में गायों का नाम ही 'अघ्न्या' है — फिर उन्हें कैसे पीड़ित किया जा सकता है?

श्लोक 29 (skanda.1.80.29)

भूमिं भूमिशयांश्चैव हंति काष्ठमयोमुखम्॥ पंचेंद्रियेषु जीवेषु सर्वं वसति दैवतम्॥

bhūmiṁ bhūmiśayāṁścaiva haṁti kāṣṭhamayomukham|| paṁceṁdriyeṣu jīveṣu sarvaṁ vasati daivatam||

लकड़ी और लोहे के मुख वाला हल भूमि और उसमें रहने वाले जीवों का नाश करता है। पाँच इंद्रियों वाले प्राणियों में देवत्व सर्वत्र निवास करता है।

श्लोक 30 (skanda.1.80.30)

आदित्यश्चंद्रमा वायुः प्रभूत्यैव च तांस्तु यः॥ विक्रीणाति सुमूढस्य तस्य का नु विचारणा॥

ādityaścaṁdramā vāyuḥ prabhūtyaiva ca tāṁstu yaḥ|| vikrīṇāti sumūḍhasya tasya kā nu vicāraṇā||

सूर्य, चंद्रमा, वायु आदि — इनके तुल्य पशुओं को जो बेचता है, उस अत्यंत मूर्ख की तो कोई विचार-शक्ति ही नहीं है।

श्लोक 31 (skanda.1.80.31)

अजोऽग्निर्वरुणो मेषः सूर्यश्च पृथिवी विराट्॥ धेनुर्वत्सश्च सोमो वै विक्रीयैतान्न सिध्यति॥

ajo'gnirvaruṇo meṣaḥ sūryaśca pṛthivī virāṭ|| dhenurvatsaśca somo vai vikrīyaitānna sidhyati||

बकरा अग्नि का, मेढ़ा वरुण का, गाय-बछड़ा और सोम — इन सबके प्रतीक हैं। इन्हें बेचकर कोई सिद्धि प्राप्त नहीं होती।

श्लोक 32 (skanda.1.80.32)

एवंविधसहस्रैश्च युता दोषैः कृषिः सदा॥ अष्टागवं स्याद्धि हलं त्रिंशद्भागं त्यजेत्कृषेः॥

evaṁvidhasahasraiśca yutā doṣaiḥ kṛṣiḥ sadā|| aṣṭāgavaṁ syāddhi halaṁ triṁśadbhāgaṁ tyajetkṛṣeḥ||

इस प्रकार हजारों दोषों से युक्त कृषि सदा रहती है। हल आठ बैलों से जुतता है — कृषि से प्राप्त उपज का तीसवाँ भाग त्याग देना चाहिए।

श्लोक 33 (skanda.1.80.33)

धर्मे दद्यात्पशून्वृद्धान्पुष्यादेषा कृषिः कुतः॥ सारमेतत्कृषेस्तेन नंदभद्रेण चादृतम्॥

dharme dadyātpaśūnvṛddhānpuṣyādeṣā kṛṣiḥ kutaḥ|| sārametatkṛṣestena naṁdabhadreṇa cādṛtam||

वृद्ध पशुओं को धर्मार्थ दान कर देना चाहिए, तथा उनका पालन-पोषण करना चाहिए — यह कृषि कहाँ से सिद्ध हो? कृषि के इसी सार को नंदभद्र ने आदरपूर्वक अपनाया था।

श्लोक 34 (skanda.1.80.34)

विसाधितव्यान्यन्नानि स्वशक्त्या देवपितृषु॥ मनुष्य द्विजभूतेषु नियुज्याश्नीत सर्वदा॥

visādhitavyānyannāni svaśaktyā devapitṛṣu|| manuṣya dvijabhūteṣu niyujyāśnīta sarvadā||

अपनी शक्ति के अनुसार अन्न को देवताओं, पितरों, मनुष्यों, ब्राह्मणों और अन्य प्राणियों को अर्पित करके ही सदा भोजन करना चाहिए।

श्लोक 35 (skanda.1.80.35)

केचिच्छंसंति चैश्वर्यं नंदभद्रो न मन्यते॥ मानुषा मानुषानेव दासभावेन भुंजते॥

kecicchaṁsaṁti caiśvaryaṁ naṁdabhadro na manyate|| mānuṣā mānuṣāneva dāsabhāvena bhuṁjate||

कुछ लोग ऐश्वर्य की प्रशंसा करते हैं, किंतु नंदभद्र उसे भी उतना नहीं मानता था। मनुष्य ही मनुष्यों को दास-भाव से भोगते हैं,

श्लोक 36 (skanda.1.80.36)

वधबंधनिरोधेन पीडयंति दिवानिशम्॥ देहं किमेतद्धातुः स्वं मातुर्वा जनकस्य वा॥

vadhabaṁdhanirodhena pīḍayaṁti divāniśam|| dehaṁ kimetaddhātuḥ svaṁ māturvā janakasya vā||

वध, बंधन और निरोध से रात-दिन उन्हें पीड़ित करते हैं। क्या यह शरीर विधाता का है, या माता का, या पिता का,

श्लोक 37 (skanda.1.80.37)

मातुः पितुर्वा बलिनः क्रेतुरग्नेः शुनोऽपि वा॥ इति संचिंत्य व्यहरन्नमरा इव ईश्वराः॥

mātuḥ piturvā balinaḥ kreturagneḥ śuno'pi vā|| iti saṁciṁtya vyaharannamarā iva īśvarāḥ||

— या माता के पिता का, या बलवान के, या उसे खरीदने वाले का, या अग्नि का, या कुत्ते तक का भी नहीं है? ऐसा विचार किए बिना ही वे देवताओं के समान स्वामी बनकर व्यवहार करते हैं।

श्लोक 38 (skanda.1.80.38)

ऐश्वर्यमदपापिष्ठा महामद्यमदादयः॥ ऐश्वर्यमदमत्तो हि ना पतित्वा हि माद्यति॥

aiśvaryamadapāpiṣṭhā mahāmadyamadādayaḥ|| aiśvaryamadamatto hi nā patitvā hi mādyati||

ऐश्वर्य का मद, मदिरा के मद से भी अधिक पापपूर्ण है। ऐश्वर्य के मद से उन्मत्त मनुष्य पतित होकर ही उन्मत्त होता है।

श्लोक 39 (skanda.1.80.39)

आत्मवत्सर्वभृत्येषु श्रिया नैव च माद्यति॥

ātmavatsarvabhṛtyeṣu śriyā naiva ca mādyati||

सच्चा ऐश्वर्यवान व्यक्ति अपने समस्त सेवकों को अपने समान समझता है, और अपनी संपत्ति के मद से उन्मत्त नहीं होता।

श्लोक 40 (skanda.1.80.40)

आत्मप्रत्ययवान्देही क्वेश्वरश्चेदृशोऽस्ति हि॥ ऐश्वर्यस्यापि सारं स जग्राहैतन्निशामय॥

ātmapratyayavāndehī kveśvaraścedṛśo'sti hi|| aiśvaryasyāpi sāraṁ sa jagrāhaitanniśāmaya||

आत्म-विश्वास से युक्त प्राणी — ऐसा स्वामी कहाँ है, यदि होता भी है? नंदभद्र ने ऐश्वर्य का भी यही सार ग्रहण किया था, इसे सुनो।

श्लोक 41 (skanda.1.80.41)

स्वशक्त्या सर्व भूतेषु यदसौ न पराङ्मुखः॥ तीर्थायेके प्रशंसंति नंदभद्रो न मन्यते॥

svaśaktyā sarva bhūteṣu yadasau na parāṅmukhaḥ|| tīrthāyeke praśaṁsaṁti naṁdabhadro na manyate||

वह अपनी शक्ति के अनुसार समस्त प्राणियों के प्रति कभी विमुख नहीं होता था। कुछ लोग तीर्थयात्रा की प्रशंसा करते हैं, किंतु नंदभद्र उसे भी उतना नहीं मानता था।

श्लोक 42 (skanda.1.80.42)

श्रमेण संकरात्तापशीतवातक्षुधा तृषा॥ क्रोधेन धर्मगेहस्य नापि नाशमवाप्नुयात्॥

śrameṇa saṁkarāttāpaśītavātakṣudhā tṛṣā|| krodhena dharmagehasya nāpi nāśamavāpnuyāt||

परिश्रम से, जाति-संकर से, ताप-शीत-वायु-भूख-प्यास से, तथा क्रोध से — इनसे धर्म-गृह का नाश नहीं होना चाहिए।

श्लोक 43 (skanda.1.80.43)

सौख्येन वा धनस्यापि श्रद्धया स्वल्पगोर्थवान्॥ समर्थो हि महत्पुण्यं शक्त आप्तुं क्व वास्ति सः॥

saukhyena vā dhanasyāpi śraddhayā svalpagorthavān|| samartho hi mahatpuṇyaṁ śakta āptuṁ kva vāsti saḥ||

सुखपूर्वक, अल्प धन वाला व्यक्ति भी यदि श्रद्धा से युक्त हो, तो वह महान पुण्य प्राप्त करने में समर्थ होता है — फिर तीर्थयात्रा की क्या आवश्यकता है?

श्लोक 44 (skanda.1.80.44)

सदा शुचिर्देवयाजी तीर्थसारं गृहेगृह॥ नापः पुनंति पापानि न शैला न महाश्रमाः॥

sadā śucirdevayājī tīrthasāraṁ gṛhegṛha|| nāpaḥ punaṁti pāpāni na śailā na mahāśramāḥ||

सदा शुद्ध रहकर, देवताओं का पूजन करते हुए, घर में ही रहकर तीर्थ का सार प्राप्त किया जा सकता है। न तो जल पापों को धो सकता है, न पर्वत, और न ही महान परिश्रम।

श्लोक 45 (skanda.1.80.45)

आत्मा पुनाति पापानि यदि पापान्निवर्तते॥ एवमेव समाचारं प्रादुर्भूतं ततस्ततः॥

ātmā punāti pāpāni yadi pāpānnivartate|| evameva samācāraṁ prādurbhūtaṁ tatastataḥ||

आत्मा ही पापों को शुद्ध करती है, यदि वह पापों से निवृत्त हो जाए। इस प्रकार यह आचरण जहाँ-तहाँ से उत्पन्न होता रहा,

श्लोक 46 (skanda.1.80.46)

एकीकृत्य सदा धीमान्नंदभद्रः समास्थितः॥ तस्यैवं वर्ततः साधोः स्पृहयंत्यपि देवताः॥

ekīkṛtya sadā dhīmānnaṁdabhadraḥ samāsthitaḥ|| tasyaivaṁ vartataḥ sādhoḥ spṛhayaṁtyapi devatāḥ||

और बुद्धिमान नंदभद्र ने सदा इसे एकत्रित करके स्थापित किया। ऐसे आचरण में स्थित उस साधु पुरुष की देवता भी कामना करते थे।

श्लोक 47 (skanda.1.80.47)

वासवप्रमुखाः सर्वे विस्मयं च परं ययुः॥ अत्रैव स्थानके चापि शूद्रोऽभूत्प्रतिवेश्मकः॥

vāsavapramukhāḥ sarve vismayaṁ ca paraṁ yayuḥ|| atraiva sthānake cāpi śūdro'bhūtprativeśmakaḥ||

इंद्र आदि समस्त देवता परम विस्मय को प्राप्त हुए। इसी स्थान में एक शूद्र भी उसका पड़ोसी था।

श्लोक 48 (skanda.1.80.48)

स नंदभद्रं धर्मिष्ठं पुनः पुनरसूयत॥ नास्तिकः स दुराचारः सत्यव्रत इति श्रुतः॥

sa naṁdabhadraṁ dharmiṣṭhaṁ punaḥ punarasūyata|| nāstikaḥ sa durācāraḥ satyavrata iti śrutaḥ||

वह धर्मात्मा नंदभद्र से बार-बार ईर्ष्या करता था। वह नास्तिक और दुराचारी था, जो सत्यव्रत नाम से प्रसिद्ध था।

श्लोक 49 (skanda.1.80.49)

स सदा नंदभद्रस्य विलोकयति चांतरम्॥ छिद्रं चेदस्य पश्यामि ततो धर्मान्निवर्तये॥

sa sadā naṁdabhadrasya vilokayati cāṁtaram|| chidraṁ cedasya paśyāmi tato dharmānnivartaye||

वह सदा नंदभद्र का छिद्र खोजता रहता था — "यदि मुझे इसमें कोई कमी दिखे, तो मैं इसे धर्म से विमुख कर दूँगा।"

श्लोक 50 (skanda.1.80.50)

स्वभाव एव क्रूराणां नास्तिकानां दुरात्मनाम्॥ आत्मानं पातयंत्येव पातयंत्यपरं च यत्॥

svabhāva eva krūrāṇāṁ nāstikānāṁ durātmanām|| ātmānaṁ pātayaṁtyeva pātayaṁtyaparaṁ ca yat||

क्रूर, नास्तिक और दुरात्मा लोगों का स्वभाव ही ऐसा होता है — वे स्वयं तो गिरते ही हैं, दूसरों को भी गिराने का प्रयत्न करते हैं।

श्लोक 51 (skanda.1.80.51)

ततस्त्वेवं वर्ततोऽस्य नंदभद्रस्य धीमतः॥ एकोऽभूत्तनयः कष्टाद्वार्धिके सोऽप्यनश्यत॥

tatastvevaṁ vartato'sya naṁdabhadrasya dhīmataḥ|| eko'bhūttanayaḥ kaṣṭādvārdhike so'pyanaśyata||

इस प्रकार आचरण करते हुए बुद्धिमान नंदभद्र का एक ही पुत्र कठिनाई से प्राप्त हुआ था, किंतु वृद्धावस्था में वह भी नष्ट हो गया।

श्लोक 52 (skanda.1.80.52)

तच्च दैवकृतं मत्वा न शुशोच महामतिः॥ देवो वा मानवो वापि को हि देवाद्विमुच्यते॥

tacca daivakṛtaṁ matvā na śuśoca mahāmatiḥ|| devo vā mānavo vāpi ko hi devādvimucyate||

उस महामति ने उसे भाग्य द्वारा किया गया मानकर शोक नहीं किया — "देवता हो या मनुष्य, भाग्य से कौन मुक्त है?"

श्लोक 53 (skanda.1.80.53)

ततोऽस्य सुप्रिया भार्या सर्वैः साध्वीगुणैर्युता॥ गृहधर्मस्य मूर्तिर्या साक्षादिव अरुंधती॥

tato'sya supriyā bhāryā sarvaiḥ sādhvīguṇairyutā|| gṛhadharmasya mūrtiryā sākṣādiva aruṁdhatī||

इसके बाद उसकी अत्यंत प्रिय पत्नी, जो समस्त साध्वी-गुणों से युक्त थी, और मानो साक्षात गृह-धर्म की मूर्ति अरुंधती के समान थी,

श्लोक 54 (skanda.1.80.54)

विनाशमागता पार्थ कनकानाम नामतः॥ ततो यतेंद्रियोऽप्येष गृहधर्मविनाशतः॥

vināśamāgatā pārtha kanakānāma nāmataḥ|| tato yateṁdriyo'pyeṣa gṛhadharmavināśataḥ||

— हे पार्थ! कनका नाम की वह पत्नी भी नाश को प्राप्त हो गई। तब, इंद्रियों को वश में रखने वाला होते हुए भी वह गृह-धर्म के नाश से,

श्लोक 55 (skanda.1.80.55)

शुशोच हा कष्टमिति पापोहमिति चासकृत्॥ तत्तस्य चांतरं दृष्ट्वाऽहृष्यत्यव्रतश्चिरात्॥

śuśoca hā kaṣṭamiti pāpohamiti cāsakṛt|| tattasya cāṁtaraṁ dṛṣṭvā'hṛṣyatyavrataścirāt||

— बार-बार 'हाय कष्ट!' और 'मैं पापी हूँ' कहकर शोक करने लगा। उसका यह अवसर देखकर वह व्रतहीन सत्यव्रत चिरकाल से प्रसन्न हो उठा।

श्लोक 56 (skanda.1.80.56)

उपाव्रज्य च हा कष्टं ब्रुवंस्तं नंदभद्रकम्॥ दधिकर्ण इवासाद्य नंदभद्रमुवाच सः॥

upāvrajya ca hā kaṣṭaṁ bruvaṁstaṁ naṁdabhadrakam|| dadhikarṇa ivāsādya naṁdabhadramuvāca saḥ||

'हाय कष्ट!' कहते हुए नंदभद्र के पास पहुँचकर, दधिकर्ण के समान शुभचिंतक होने का दिखावा करते हुए वह नंदभद्र से बोला —

श्लोक 57 (skanda.1.80.57)

हा नंदभद्र यद्येवं तवाप्येवंविधं फलम्॥ एतेन मन्ये मनसि धर्मोप्येष वृथैव यत्॥

hā naṁdabhadra yadyevaṁ tavāpyevaṁvidhaṁ phalam|| etena manye manasi dharmopyeṣa vṛthaiva yat||

"हाय नंदभद्र! यदि तुम्हें भी इस प्रकार का फल मिला है, तो मेरे मन में तो यही आता है कि यह तुम्हारा धर्म भी व्यर्थ ही है।"

श्लोक 58 (skanda.1.80.58)

इत्यादि बहुधा प्रोच्य तत्तद्वाक्यं ततस्ततः॥ सत्यव्रतस्ततः प्राह नंदभद्रं कृपान्वितः॥

ityādi bahudhā procya tattadvākyaṁ tatastataḥ|| satyavratastataḥ prāha naṁdabhadraṁ kṛpānvitaḥ||

इस प्रकार अनेक तरह की बातें बार-बार कहकर, सत्यव्रत ने फिर मानो करुणा से युक्त होकर नंदभद्र से कहा —

श्लोक 59 (skanda.1.80.59)

नंदभद्र सदा तुभ्यं वक्तुकामोस्मि किंचन॥ प्रस्तावस्याप्यभावाच्च नोदितं च मया क्वचित्॥

naṁdabhadra sadā tubhyaṁ vaktukāmosmi kiṁcana|| prastāvasyāpyabhāvācca noditaṁ ca mayā kvacit||

"हे नंदभद्र! मैं तुमसे सदा कुछ कहना चाहता था, किंतु अवसर के अभाव से मैंने कभी कुछ नहीं कहा।"

श्लोक 60 (skanda.1.80.60)

अप्रस्तावं ब्रुवन्वाक्यं बृहस्पतिरपिध्रुवम्॥ लभते बुद्ध्यवज्ञानमवमानं च हीनवत्॥

aprastāvaṁ bruvanvākyaṁ bṛhaspatirapidhruvam|| labhate buddhyavajñānamavamānaṁ ca hīnavat||

"अनुचित अवसर पर बात कहने वाला व्यक्ति चाहे बृहस्पति ही क्यों न हो, निश्चय ही उसकी बुद्धि की अवज्ञा और अपमान होता है, मानो वह तुच्छ हो।"

श्लोक 61 (skanda.1.80.61)

॥नन्दभद्र उवाच॥ ब्रूहिब्रूहि न मे किंचित्साधु गोप्यं प्रियं परम्॥ वचोभिः शुद्धसत्त्वानां न मोक्षोऽप्युपमीयते॥

||nandabhadra uvāca|| brūhibrūhi na me kiṁcitsādhu gopyaṁ priyaṁ param|| vacobhiḥ śuddhasattvānāṁ na mokṣo'pyupamīyate||

नंदभद्र ने कहा — "कहो, कहो! मेरे लिए कोई भी अच्छी बात गोपनीय नहीं है, अत्यंत प्रिय है। शुद्ध हृदय वालों के वचनों की तुलना तो मोक्ष से भी नहीं की जा सकती।"

श्लोक 62 (skanda.1.80.62)

॥सत्यव्रत उवाच॥ नवभिर्नवभिश्चैव विमुक्तं वाग्विदूषणैः॥ नवभिर्बुद्धिदोषैश्च वाक्यं वक्ष्याम्यदोषवत्॥

||satyavrata uvāca|| navabhirnavabhiścaiva vimuktaṁ vāgvidūṣaṇaiḥ|| navabhirbuddhidoṣaiśca vākyaṁ vakṣyāmyadoṣavat||

सत्यव्रत ने कहा — "मैं तुमसे नौ वाणी-दोषों और नौ बुद्धि-दोषों — दोनों से रहित, निर्दोष वाक्य कहूँगा।"

श्लोक 63 (skanda.1.80.63)

सौक्ष्म्यं संख्याक्रमश्चापि निर्णयः सप्रयोजनः॥ पंचैतान्यर्थजातानि यत्र तद्वाक्यमुच्यते॥

saukṣmyaṁ saṁkhyākramaścāpi nirṇayaḥ saprayojanaḥ|| paṁcaitānyarthajātāni yatra tadvākyamucyate||

सूक्ष्मता, गणना, क्रम, निर्णय, और प्रयोजन-सहित होना — जिस वाक्य में ये पाँचों गुण हों, वही सच्चा वाक्य कहलाता है।

श्लोक 64 (skanda.1.80.64)

धर्ममर्थं च कामं च मोक्षं चोद्दिश्य चोच्यते॥ प्रयोजनमिति प्रोक्तं प्रथमं वाक्यलक्षणम्॥

dharmamarthaṁ ca kāmaṁ ca mokṣaṁ coddiśya cocyate|| prayojanamiti proktaṁ prathamaṁ vākyalakṣaṇam||

धर्म, अर्थ, काम और मोक्ष को लक्ष्य करके जो कहा जाता है, उसे 'प्रयोजन' कहा गया है — यह वाक्य का पहला लक्षण है।

श्लोक 65 (skanda.1.80.65)

धर्मार्थकाममोक्षेषु प्रतिज्ञाय विशेषतः॥ इदं तदिति वाक्यांते प्रोच्यते स विनिर्णयः॥

dharmārthakāmamokṣeṣu pratijñāya viśeṣataḥ|| idaṁ taditi vākyāṁte procyate sa vinirṇayaḥ||

धर्म, अर्थ, काम और मोक्ष के विषय में विशेष रूप से प्रतिज्ञा करके, वाक्य के अंत में 'यह वही है' ऐसा जो कहा जाता है, वह 'निर्णय' कहलाता है।

श्लोक 66 (skanda.1.80.66)

इदं पूर्वमिदं पश्चाद्वक्तव्यं यत्क्रमेण हि॥ क्रमयोगं तमप्याहुर्वाक्यतत्तविदो बुधाः॥

idaṁ pūrvamidaṁ paścādvaktavyaṁ yatkrameṇa hi|| kramayogaṁ tamapyāhurvākyatattavido budhāḥ||

'यह पहले, यह बाद में' — इस प्रकार क्रमपूर्वक जो कहा जाना चाहिए, उसे वाक्य के तत्त्व को जानने वाले विद्वान 'क्रम-योग' कहते हैं।

श्लोक 67 (skanda.1.80.67)

दोषाणां च गुणानां च प्रमाणं प्रविभागतः॥ उभयार्थमपि प्रेक्ष्य सा संख्येत्युपधार्यताम्॥

doṣāṇāṁ ca guṇānāṁ ca pramāṇaṁ pravibhāgataḥ|| ubhayārthamapi prekṣya sā saṁkhyetyupadhāryatām||

दोषों और गुणों का विभागपूर्वक प्रमाण देना, दोनों पक्षों के अर्थ को देखकर — इसे 'गणना' समझना चाहिए।

श्लोक 68 (skanda.1.80.68)

वाक्यज्ञेयेषु भिन्नेषु यत्राभेदः प्रदृश्यते॥ तत्रातिशयहेतुत्वं तत्सौक्ष्म्यमिति निर्दिशेत्॥

vākyajñeyeṣu bhinneṣu yatrābhedaḥ pradṛśyate|| tatrātiśayahetutvaṁ tatsaukṣmyamiti nirdiśet||

वाक्य में जो विषय भिन्न-भिन्न प्रतीत होते हों, वहाँ जहाँ अभेद दिखाई दे, वहाँ जो विशेष कारण-दर्शन होता है, उसे 'सूक्ष्मता' कहना चाहिए।

श्लोक 69 (skanda.1.80.69)

इति वाक्यगुणानां च वाग्दोषान्द्विनव श्रृणु॥ अपेतार्थमभिन्नार्थमपवृत्तं तथाधिकम्॥

iti vākyaguṇānāṁ ca vāgdoṣāndvinava śrṛṇu|| apetārthamabhinnārthamapavṛttaṁ tathādhikam||

इस प्रकार वाक्य के गुण बताए गए। अब वाणी-दोषों को सुनो — अर्थहीन, अभिन्न-अर्थ, अनुचित रूप से परिवर्तित, तथा अधिक,

श्लोक 70 (skanda.1.80.70)

अश्लक्ष्णं चापि संदिग्धं पदांते गुरु चाक्षरम्॥ पराङ्मुखमुखं यच्च अनृतं चाप्यसंस्कृतम्॥

aślakṣṇaṁ cāpi saṁdigdhaṁ padāṁte guru cākṣaram|| parāṅmukhamukhaṁ yacca anṛtaṁ cāpyasaṁskṛtam||

— कर्कश, संदिग्ध, पद के अंत में भारी अक्षर वाला, विमुखता-सूचक, असत्य, तथा असंस्कृत भाषा,

श्लोक 71 (skanda.1.80.71)

विरुद्धं यत्त्रिवर्गेण न्यूनं कष्टातिशब्दकम्॥ व्युत्क्रमाभिहृतं यच् सशेषं चाप्यहेतुकम्॥

viruddhaṁ yattrivargeṇa nyūnaṁ kaṣṭātiśabdakam|| vyutkramābhihṛtaṁ yac saśeṣaṁ cāpyahetukam||

— त्रिवर्ग के विरुद्ध, न्यून, कठिन शब्दों से भरा हुआ, क्रम-विपर्यय से कहा गया, अधूरा, तथा हेतु-रहित,

श्लोक 72 (skanda.1.80.72)

निष्कारणं च वाग्दोषान्बुद्धिजाञ्छृणु त्वं च यान्॥ कामात्क्रोधाद्भयाच्चैव लोभाद्दैन्यादनार्यकात्॥

niṣkāraṇaṁ ca vāgdoṣānbuddhijāñchṛṇu tvaṁ ca yān|| kāmātkrodhādbhayāccaiva lobhāddainyādanāryakāt||

— तथा निष्कारण — ये वाणी के दोष हैं। अब बुद्धि से उत्पन्न दोषों को सुनो — काम, क्रोध, भय, लोभ, दीनता, तथा अनार्यता से —

श्लोक 73 (skanda.1.80.73)

हीनानुक्रोशतो मानान्न च वक्ष्यामि किंचन॥ वक्ता श्रोता च वाक्यं च यदा त्वविकलं भवेत्॥

hīnānukrośato mānānna ca vakṣyāmi kiṁcana|| vaktā śrotā ca vākyaṁ ca yadā tvavikalaṁ bhavet||

— तिरस्कार से, करुणा से, अथवा अभिमान से मैं कुछ नहीं कहूँगा। जब वक्ता, श्रोता और वाक्य — तीनों दोषरहित हों,

श्लोक 74 (skanda.1.80.74)

सममेति विवक्षायां तदा सोऽर्थः प्रकाशते॥ वक्तव्ये तु यदा वक्ता श्रोतारमवमन्यते॥

samameti vivakṣāyāṁ tadā so'rthaḥ prakāśate|| vaktavye tu yadā vaktā śrotāramavamanyate||

— और उद्देश्य में एकरूपता हो, तभी अर्थ प्रकाशित होता है। किंतु जब कहने योग्य विषय में वक्ता श्रोता का अपमान करता है,

श्लोक 75 (skanda.1.80.75)

श्रोता चाप्यथ वक्तारं तदा वाक्यं न रोहति॥ अथ यः स्वप्रियं ब्रूयाच्छ्रोतुर्वोत्सृज्ययदृतम्॥

śrotā cāpyatha vaktāraṁ tadā vākyaṁ na rohati|| atha yaḥ svapriyaṁ brūyācchroturvotsṛjyayadṛtam||

— अथवा श्रोता वक्ता का अपमान करता है, तब वह वाक्य फलित नहीं होता। और जो व्यक्ति सत्य को छोड़कर केवल अपनी अथवा श्रोता की प्रियता के लिए बोलता है,

श्लोक 76 (skanda.1.80.76)

विशंका जायते तस्मिन्वाक्यं तदपि दोषवत्॥ तस्माद्यः स्वप्रियं त्यक्त्वा श्रोतुश्चाप्यथ यत्प्रियम्॥

viśaṁkā jāyate tasminvākyaṁ tadapi doṣavat|| tasmādyaḥ svapriyaṁ tyaktvā śrotuścāpyatha yatpriyam||

— उसके प्रति संदेह उत्पन्न होता है, और उसका वाक्य भी दोषपूर्ण होता है। इसलिए जो व्यक्ति अपनी प्रियता को त्यागकर, तथा श्रोता की प्रियता को भी त्यागकर,

श्लोक 77 (skanda.1.80.77)

सत्यमेव प्रभाषेत स वक्ता नेतरो भुवि॥ मिथ्यावादाञ्छास्त्रजालसंभवान्यद्विहाय च॥

satyameva prabhāṣeta sa vaktā netaro bhuvi|| mithyāvādāñchāstrajālasaṁbhavānyadvihāya ca||

— और केवल सत्य ही बोलता है, वही इस पृथ्वी पर सच्चा वक्ता है, कोई और नहीं। शास्त्र के जाल से उत्पन्न मिथ्या वादों को त्यागकर,

श्लोक 78 (skanda.1.80.78)

सत्यमेव व्रतं यस्मात्तस्मात्सत्यव्रतस्त्वहम्॥ सत्यं ते संप्रवक्ष्यामि मंतुमर्हसि तत्तथा॥

satyameva vrataṁ yasmāttasmātsatyavratastvaham|| satyaṁ te saṁpravakṣyāmi maṁtumarhasi tattathā||

— मेरा व्रत ही सत्य है, इसीलिए मैं 'सत्यव्रत' हूँ। मैं तुम्हें सत्य ही कहूँगा, तुम्हें उसे वैसा ही मानना चाहिए।

श्लोक 79 (skanda.1.80.79)

यदाप्रभृति भद्र त्वं पाषाणस्यार्चने रतः॥ तदाप्रभृति किंचिच्च न हि पश्यामि शोभनम्॥

yadāprabhṛti bhadra tvaṁ pāṣāṇasyārcane rataḥ|| tadāprabhṛti kiṁcicca na hi paśyāmi śobhanam||

"हे भद्र! जब से तुम पत्थर की पूजा में लगे हो, तब से मैं तुम्हारे लिए कोई भी शुभ बात नहीं देख रहा हूँ।"

श्लोक 80 (skanda.1.80.80)

एकः सोऽपि सुतो नष्टो भार्या चार्याऽप्यनश्यत॥ कूटानां कर्मणां साधो फलमेवंविधं भवेत्॥

ekaḥ so'pi suto naṣṭo bhāryā cāryā'pyanaśyata|| kūṭānāṁ karmaṇāṁ sādho phalamevaṁvidhaṁ bhavet||

"तुम्हारा वह एकमात्र पुत्र भी नष्ट हो गया, तुम्हारी आदरणीय पत्नी भी नष्ट हो गई। हे साधो! झूठे कर्मों का फल ऐसा ही होता है।"

श्लोक 81 (skanda.1.80.81)

क्व देवाः संति मिथ्यैतद्दृश्यंते चेद्भवंत्यपि॥ सर्वा च कूटविप्राणां द्रव्यायैषा विकल्पना॥

kva devāḥ saṁti mithyaitaddṛśyaṁte cedbhavaṁtyapi|| sarvā ca kūṭaviprāṇāṁ dravyāyaiṣā vikalpanā||

"देवता कहाँ हैं? यह सब मिथ्या है। यदि वे होते भी, तो दिखाई देते। यह सब केवल धूर्त ब्राह्मणों की धन के लिए रची गई कल्पना है।"

श्लोक 82 (skanda.1.80.82)

पितॄनुद्दिश्य यच्छंति मम हासः प्रजायते॥ अन्नस्योपद्रवं यच्च मृतो हि किमशिष्यत॥

pitṝnuddiśya yacchaṁti mama hāsaḥ prajāyate|| annasyopadravaṁ yacca mṛto hi kimaśiṣyata||

"पितरों के उद्देश्य से जो अन्न दिया जाता है, उससे मुझे हँसी आती है। यह अन्न का व्यर्थ अपव्यय ही है — मरा हुआ व्यक्ति क्या खाता है?"

श्लोक 83 (skanda.1.80.83)

यत्त्विदं बहुधा मूढा वर्णयंति द्विजाधमाः॥ विश्वनिर्माणमखिलं तथापि श्रृणु सत्यतः॥

yattvidaṁ bahudhā mūḍhā varṇayaṁti dvijādhamāḥ|| viśvanirmāṇamakhilaṁ tathāpi śrṛṇu satyataḥ||

"नीच ब्राह्मण मूर्खतावश जिस समस्त विश्व-निर्माण का नाना प्रकार से वर्णन करते हैं, अब उसकी सच्चाई सुनो।"

श्लोक 84 (skanda.1.80.84)

उत्पत्तिश्चापि भंगश्च विश्वस्यैतद्द्वयं मृषा॥ एवमेव हि सर्वं च सदिदं वर्तते जगत्॥

utpattiścāpi bhaṁgaśca viśvasyaitaddvayaṁ mṛṣā|| evameva hi sarvaṁ ca sadidaṁ vartate jagat||

"विश्व की उत्पत्ति और विनाश — ये दोनों ही मिथ्या हैं। यह सारा जगत तो सदा से ऐसे ही रहा है, इसी प्रकार चलता रहता है।"

श्लोक 85 (skanda.1.80.85)

स्वभावतो विश्वमिदं हि वर्तते स्वभावतः सूर्यमुखा भ्रमंत्यमी॥ स्वभावतो वायवो वांति नित्यं स्वभावतो वर्षति चांबुदोऽयम्॥

svabhāvato viśvamidaṁ hi vartate svabhāvataḥ sūryamukhā bhramaṁtyamī|| svabhāvato vāyavo vāṁti nityaṁ svabhāvato varṣati cāṁbudo'yam||

"यह विश्व स्वभाव से ही चल रहा है, सूर्य आदि स्वभाव से ही घूमते हैं। वायु स्वभाव से ही सदा बहती है, और यह बादल स्वभाव से ही वर्षा करता है।"

श्लोक 86 (skanda.1.80.86)

स्वभावतो रोहति धान्यजातं स्वभावतो वर्षशीतातपत्वम्॥ स्वभावतः संस्थिता मेदिनी च स्वभावतः सरितः संस्रवंति॥

svabhāvato rohati dhānyajātaṁ svabhāvato varṣaśītātapatvam|| svabhāvataḥ saṁsthitā medinī ca svabhāvataḥ saritaḥ saṁsravaṁti||

"अनाज स्वभाव से ही उगता है, वर्षा-शीत-गर्मी स्वभाव से ही होती है। पृथ्वी स्वभाव से ही स्थित है, और नदियाँ स्वभाव से ही बहती हैं।"

श्लोक 87 (skanda.1.80.87)

स्वभावतः पर्वता भांति नित्यं स्वभावतो वारिधिरेष संस्थितः॥ स्वभावतो गर्भिणी संप्रसूते स्वभावतोऽमी बहवश्च जीवाः॥

svabhāvataḥ parvatā bhāṁti nityaṁ svabhāvato vāridhireṣa saṁsthitaḥ|| svabhāvato garbhiṇī saṁprasūte svabhāvato'mī bahavaśca jīvāḥ||

"पर्वत स्वभाव से ही सदा शोभा पाते हैं, यह समुद्र स्वभाव से ही स्थित है। गर्भिणी स्वभाव से ही प्रसव करती है, और ये अनेक जीव भी स्वभाव से ही उत्पन्न होते हैं।"

श्लोक 88 (skanda.1.80.88)

यथा स्वभावेन भवंति वक्रा ऋतुस्वबावाद्बदरीषु कण्टकाः॥ तथा स्वभावेन हि सर्वमेतत्प्रकाशते कोऽपि कर्ता न दृश्यः॥

yathā svabhāvena bhavaṁti vakrā ṛtusvabāvādbadarīṣu kaṇṭakāḥ|| tathā svabhāvena hi sarvametatprakāśate ko'pi kartā na dṛśyaḥ||

"जैसे ऋतु के स्वभाव से बेर के वृक्षों में काँटे टेढ़े उत्पन्न होते हैं, वैसे ही स्वभाव से ही यह सब कुछ प्रकट होता है — कोई भी कर्ता कहीं दिखाई नहीं देता।"

श्लोक 89 (skanda.1.80.89)

तदेवं संस्थिते लोके मूढो मुह्यति मत्तवत्॥ मानुष्यमपि यद्धूर्ता वदंत्यग्र्यं श्रृणुष्वतत्॥

tadevaṁ saṁsthite loke mūḍho muhyati mattavat|| mānuṣyamapi yaddhūrtā vadaṁtyagryaṁ śrṛṇuṣvatat||

"इस प्रकार जगत के इसी रूप में स्थित होने पर भी मूर्ख व्यक्ति मतवाले के समान मोहित होता है। धूर्त लोग मनुष्य-जन्म को भी सर्वश्रेष्ठ बताते हैं — उसे भी सुनो।"

श्लोक 90 (skanda.1.80.90)

मानुष्यान्न परं कष्टं वैरिणां नो भवेद्धि तत्॥ शोकस्थानसहस्राणि मनुष्यस्य क्षणेक्षणे॥

mānuṣyānna paraṁ kaṣṭaṁ vairiṇāṁ no bhaveddhi tat|| śokasthānasahasrāṇi manuṣyasya kṣaṇekṣaṇe||

"मनुष्य-जन्म से बढ़कर कोई कष्ट नहीं है, यह तो शत्रु के लिए भी नहीं होना चाहिए। मनुष्य के लिए क्षण-क्षण में हजारों शोक के स्थान बने रहते हैं।"

श्लोक 91 (skanda.1.80.91)

मानुष्यं हि स्मृताकारं सभाग्योऽस्माद्विमुच्यते॥ पशवः पक्षिणः कीटाः कृमयश्च यथासुखम्॥

mānuṣyaṁ hi smṛtākāraṁ sabhāgyo'smādvimucyate|| paśavaḥ pakṣiṇaḥ kīṭāḥ kṛmayaśca yathāsukham||

"मनुष्य-जन्म का यही स्वरूप याद रखने योग्य है — भाग्यशाली व्यक्ति ही इससे मुक्त हो पाता है। पशु, पक्षी, कीट और कृमि तो सुखपूर्वक ही रहते हैं।"

श्लोक 92 (skanda.1.80.92)

अबद्धा विहरंत्येते योनिरेषां सुदुर्लभा॥ निश्चिंताः स्थावरा ह्येते सौख्यमेषां महद्भुवि॥

abaddhā viharaṁtyete yonireṣāṁ sudurlabhā|| niściṁtāḥ sthāvarā hyete saukhyameṣāṁ mahadbhuvi||

"वे बिना किसी बंधन के विचरण करते हैं, उनकी योनि अत्यंत दुर्लभ है। स्थावर प्राणी भी निश्चिंत रहते हैं, इस पृथ्वी पर उनका सुख महान है।"

श्लोक 93 (skanda.1.80.93)

बहुना किं मनुष्येभ्यः सर्वो धन्योऽन्ययोनिजः॥ स्वभावमेव जानीहि पुण्यापुण्यादिकल्पना॥

bahunā kiṁ manuṣyebhyaḥ sarvo dhanyo'nyayonijaḥ|| svabhāvameva jānīhi puṇyāpuṇyādikalpanā||

"अधिक क्या कहूँ, मनुष्यों की अपेक्षा अन्य योनि में जन्मा हुआ प्राणी ही अधिक धन्य है। स्वभाव को ही सब कुछ जानो — पुण्य-पाप आदि तो केवल कल्पना मात्र हैं।"

श्लोक 94 (skanda.1.80.94)

यदेके स्थावराः कीटाः पतंगा मानुषादिकाः॥ तस्मान्मित्या परित्यज्य नंदभद्र यथासुखम्॥ पिब क्रीडनकैः सार्धं भोगान्सत्यमिदं भुवि॥

yadeke sthāvarāḥ kīṭāḥ pataṁgā mānuṣādikāḥ|| tasmānmityā parityajya naṁdabhadra yathāsukham|| piba krīḍanakaiḥ sārdhaṁ bhogānsatyamidaṁ bhuvi||

"स्थावर, कीट, पतंग, मनुष्य आदि — ये सब एक जैसे ही हैं। इसलिए, हे नंदभद्र! मिथ्या धर्म-आडंबर को त्यागकर, सुखपूर्वक मित्रों के साथ भोगों का पान करो — यही इस पृथ्वी पर सत्य है।"

श्लोक 95 (skanda.1.80.95)

॥नारद उवाच॥ इत्येतैरमुखैर्वाक्यैरयुक्तैरसमंजसैः॥

||nārada uvāca|| ityetairamukhairvākyairayuktairasamaṁjasaiḥ||

नारद जी ने कहा — इस प्रकार इन अनुचित, असंगत और अयुक्तियुक्त वचनों से,

श्लोक 96 (skanda.1.80.96)

सत्यव्रतस्य नाकम्पन्नंदभद्रो महामनाः॥ प्रहसन्निव तं प्राह स्वक्षोभ्यः सागरो यथा॥

satyavratasya nākampannaṁdabhadro mahāmanāḥ|| prahasanniva taṁ prāha svakṣobhyaḥ sāgaro yathā||

— सत्यव्रत के इन वचनों से महामना नंदभद्र विचलित नहीं हुआ। जैसे समुद्र क्षुब्ध नहीं होता, वैसे ही वह मुस्कुराते हुए उससे बोला —

श्लोक 97 (skanda.1.80.97)

यद्भवानाह धर्मिष्ठाः सदा दुःखस्य भागिनः॥ तन्मिथ्या दुःखजालानि पश्यामः पापिनामपि॥

yadbhavānāha dharmiṣṭhāḥ sadā duḥkhasya bhāginaḥ|| tanmithyā duḥkhajālāni paśyāmaḥ pāpināmapi||

"तुमने जो कहा कि धर्मात्मा लोग सदा दुःख के भागी होते हैं — यह मिथ्या है। हम पापियों को भी दुःखों के जाल में फँसा हुआ देखते हैं।"

श्लोक 98 (skanda.1.80.98)

वधबंधपरिक्लेशाः पुत्रदारादि पंचता॥ पापिनामपि दृश्यंते तस्माद्धर्मो गुरुर्मतः॥

vadhabaṁdhaparikleśāḥ putradārādi paṁcatā|| pāpināmapi dṛśyaṁte tasmāddharmo gururmataḥ||

"वध, बंधन, क्लेश, तथा पुत्र-पत्नी आदि की मृत्यु — ये सब पापियों को भी होते हुए दिखाई देते हैं। इसलिए धर्म को ही श्रेष्ठ मानना चाहिए।"

श्लोक 99 (skanda.1.80.99)

अयं साधुरहो कष्टं कष्टमस्य महाजनाः॥ साधोर्वदंत्येतदपि पापिनां दुर्लभं त्विदम्॥

ayaṁ sādhuraho kaṣṭaṁ kaṣṭamasya mahājanāḥ|| sādhorvadaṁtyetadapi pāpināṁ durlabhaṁ tvidam||

"'यह साधु है, हाय कष्ट! इसे कष्ट हुआ' — ऐसा महाजन साधु के लिए ही कहते हैं। किंतु पापी के लिए तो यह सहानुभूति भी दुर्लभ है।"

श्लोक 100 (skanda.1.80.100)

दारादिद्रव्यलोभार्यं विशतः पापिनो गृहे॥ भवानपि बिभेत्यस्माद्द्वेष्टि कुप्यति तद्वृथा॥

dārādidravyalobhāryaṁ viśataḥ pāpino gṛhe|| bhavānapi bibhetyasmāddveṣṭi kupyati tadvṛthā||

पत्नी आदि के धन के लोभ से पापी के घर में प्रवेश करते हुए, तुम भी उससे डरते हो, द्वेष करते हो, और व्यर्थ ही क्रोधित होते हो।

श्लोक 101 (skanda.1.80.101)

यथास्य जगतो ब्रूषे नास्ति हेतुर्महेश्वरः॥ तद्बालभाषितं तुभ्यं किं राजानं विना प्रजाः॥

yathāsya jagato brūṣe nāsti heturmaheśvaraḥ|| tadbālabhāṣitaṁ tubhyaṁ kiṁ rājānaṁ vinā prajāḥ||

तुम जो कहते हो कि इस जगत का कोई कारण नहीं है, महेश्वर नहीं हैं — यह तुम्हारी बचकानी बात है। क्या राजा के बिना प्रजा हो सकती है?

श्लोक 102 (skanda.1.80.102)

यच्च ब्रवीषि पाषाणं मिथ्या लिंगं समर्चसि॥ तद्भवाँल्लिंगमाहात्म्यं वेत्ति नांधो यथा रविम्॥

yacca bravīṣi pāṣāṇaṁ mithyā liṁgaṁ samarcasi|| tadbhavā~lliṁgamāhātmyaṁ vetti nāṁdho yathā ravim||

और तुम जो कहते हो कि यह लिंग केवल पत्थर है, इसकी पूजा मिथ्या है — तुम लिंग की महिमा को नहीं जानते, जैसे अंधा व्यक्ति सूर्य को नहीं जानता।

श्लोक 103 (skanda.1.80.103)

ब्रह्मादायः सुरा सर्वे राजानश्च महर्द्धिकाः॥ मानवा मुनयश्चैव सर्वे लिंगं यजंति च॥

brahmādāyaḥ surā sarve rājānaśca maharddhikāḥ|| mānavā munayaścaiva sarve liṁgaṁ yajaṁti ca||

ब्रह्मा आदि समस्त देवता, महान समृद्धिशाली राजा, मनुष्य, तथा मुनि — सभी लिंग की पूजा करते हैं।

श्लोक 104 (skanda.1.80.104)

स्वनामकानि चिह्नानि तेषां लिंगानि संति च॥ एते किं त्वभवत्मूर्खास्त्वं तु सत्यव्रतः सुधीः॥

svanāmakāni cihnāni teṣāṁ liṁgāni saṁti ca|| ete kiṁ tvabhavatmūrkhāstvaṁ tu satyavrataḥ sudhīḥ||

उनके अपने-अपने नाम से युक्त चिह्न-रूप लिंग भी विद्यमान हैं। क्या वे सभी मूर्ख हो गए, और केवल तुम सत्यव्रत ही बुद्धिमान हो?

श्लोक 105 (skanda.1.80.105)

प्रतिष्ठाप्य पुरा ब्रह्मा पुष्करे नीललोहितम्॥ प्राप्तवान्परमां सिद्धिं ससर्जेमाः प्रजाः प्रभुः॥

pratiṣṭhāpya purā brahmā puṣkare nīlalohitam|| prāptavānparamāṁ siddhiṁ sasarjemāḥ prajāḥ prabhuḥ||

पूर्वकाल में ब्रह्मा ने पुष्कर में नीललोहित को स्थापित करके परम सिद्धि प्राप्त की, और तत्पश्चात प्रभु ने इन समस्त प्रजाओं की रचना की।

श्लोक 106 (skanda.1.80.106)

विष्णुनापि निहत्याजौ रावणं पयसांनिधेः॥ तीरे रामेश्वरं लिंगं स्थापितं चास्ति किं मुधा॥

viṣṇunāpi nihatyājau rāvaṇaṁ payasāṁnidheḥ|| tīre rāmeśvaraṁ liṁgaṁ sthāpitaṁ cāsti kiṁ mudhā||

विष्णु ने भी युद्ध में रावण का वध करने के बाद, समुद्र के तट पर रामेश्वर लिंग की स्थापना की — क्या यह भी व्यर्थ था?

श्लोक 107 (skanda.1.80.107)

वृत्रं हत्वा पुरा शक्रो महेंद्रे स्थाप्य शंकरम्॥ लिंगं विमुक्तपापोऽथ त्रिदिवेद्यापि मोदते॥

vṛtraṁ hatvā purā śakro maheṁdre sthāpya śaṁkaram|| liṁgaṁ vimuktapāpo'tha tridivedyāpi modate||

पूर्वकाल में वृत्रासुर का वध करने के बाद, इंद्र ने महेंद्र पर्वत पर शंकर के लिंग की स्थापना करके, पाप से मुक्त होकर, आज भी स्वर्ग में आनंद कर रहे हैं।

श्लोक 108 (skanda.1.80.108)

स्थापयित्वा शिवं सूर्यो गंगासागरसंगमे॥ निरामयोऽभूत्सोमश्च प्रभासे पश्चिमोदधौ॥

sthāpayitvā śivaṁ sūryo gaṁgāsāgarasaṁgame|| nirāmayo'bhūtsomaśca prabhāse paścimodadhau||

सूर्य ने गंगा-सागर संगम में शिव को स्थापित करके रोगमुक्त हुए, और चंद्रमा ने पश्चिमी समुद्र में प्रभास तीर्थ में स्थापित करके रोगमुक्त हुए।

श्लोक 109 (skanda.1.80.109)

काश्यां यमश्च धनदः सह्ये गरुडकश्यपौ॥ नैमिषे वायुवरुणौ स्थाप्य लिंगं प्रमोदिताः॥

kāśyāṁ yamaśca dhanadaḥ sahye garuḍakaśyapau|| naimiṣe vāyuvaruṇau sthāpya liṁgaṁ pramoditāḥ||

काशी में यम और कुबेर ने, सह्याद्रि में गरुड़ और कश्यप ने, तथा नैमिष में वायु और वरुण ने लिंग स्थापित करके आनंद प्राप्त किया।

श्लोक 110 (skanda.1.80.110)

अस्मिन्नेव स्तंभतीर्थे कुमारेणं गुहो विभुः॥ लिंगं संस्थापयामास सर्वपापहरं न किम्॥

asminneva staṁbhatīrthe kumāreṇaṁ guho vibhuḥ|| liṁgaṁ saṁsthāpayāmāsa sarvapāpaharaṁ na kim||

इसी स्तंभतीर्थ में प्रभु कुमार गुह ने समस्त पापों को हरने वाले लिंग की स्थापना की — क्या यह भी व्यर्थ है?

श्लोक 111 (skanda.1.80.111)

एवमन्यैः सुरैर्यानि पार्थिवैर्मुनिभिस्तथा॥ संस्तापितानि लिंगानि तन्न संख्यातुमुत्सहे॥

evamanyaiḥ surairyāni pārthivairmunibhistathā|| saṁstāpitāni liṁgāni tanna saṁkhyātumutsahe||

इस प्रकार अन्य देवताओं, राजाओं और मुनियों द्वारा भी जो लिंग स्थापित किए गए हैं, उन्हें गिनने में मैं समर्थ नहीं हूँ।

श्लोक 112 (skanda.1.80.112)

पृथिवीवासिनः सर्वे ये च स्वर्गनिवासिनः॥ पातालवासिनस्तृप्ता जायंते लिंगपूजया॥

pṛthivīvāsinaḥ sarve ye ca svarganivāsinaḥ|| pātālavāsinastṛptā jāyaṁte liṁgapūjayā||

पृथ्वी पर रहने वाले, स्वर्ग में रहने वाले, तथा पाताल में रहने वाले — सभी लिंग-पूजा से तृप्त होते हैं।

श्लोक 113 (skanda.1.80.113)

यच्च ब्रवीषि गीर्वाणा न संति सन्ति चेत्कुतः॥ कुत्रापि नैव दृश्यंते तेन मे विस्मयो महान्॥

yacca bravīṣi gīrvāṇā na saṁti santi cetkutaḥ|| kutrāpi naiva dṛśyaṁte tena me vismayo mahān||

और तुम जो कहते हो कि देवता नहीं हैं, और यदि हैं तो कहीं दिखाई क्यों नहीं देते — इस बात से मुझे बड़ा आश्चर्य होता है।

श्लोक 114 (skanda.1.80.114)

रंकवत्किं स्म ते देवा याचंतां त्वां कुलत्थवत्॥ यमिच्छिसि महाप्राज्ञ साधको हि गुरुस्तव॥

raṁkavatkiṁ sma te devā yācaṁtāṁ tvāṁ kulatthavat|| yamicchisi mahāprājña sādhako hi gurustava||

क्या देवता तुमसे भिखारी के समान कुलथी की भीख माँगेंगे? हे महाप्राज्ञ! जिसे तुम चाहते हो, वही तुम्हारा सिद्ध गुरु है।

श्लोक 115 (skanda.1.80.115)

स्वबावान्नैव सर्वार्थाः संसिद्धा यदि ते मते॥ भोजनादि कथं सिध्येद्वद कर्तारमंतरा॥

svabāvānnaiva sarvārthāḥ saṁsiddhā yadi te mate|| bhojanādi kathaṁ sidhyedvada kartāramaṁtarā||

यदि तुम्हारे मत में सभी वस्तुएँ केवल स्वभाव से ही सिद्ध होती हैं, तो कर्ता के बिना भोजन आदि कैसे सिद्ध होगा, यह बताओ।

श्लोक 116 (skanda.1.80.116)

बदरीमंतरेणापि दृश्यंते कण्टका न हि॥ तस्मात्कस्यास्ति निर्माणं यस्य यावत्तथैव तत्॥

badarīmaṁtareṇāpi dṛśyaṁte kaṇṭakā na hi|| tasmātkasyāsti nirmāṇaṁ yasya yāvattathaiva tat||

बेर के वृक्ष के बिना काँटे भी कहीं दिखाई नहीं देते। इसलिए जिसका जितना निर्माण है, वह उतना ही है — यही सिद्ध होता है।

श्लोक 117 (skanda.1.80.117)

यच्च ब्रवीषि पश्वाद्याः सुखिनो धन्यकास्त्वमी॥ त्वदृते नेदमुक्तं च केनापि श्रुतमेव वा॥

yacca bravīṣi paśvādyāḥ sukhino dhanyakāstvamī|| tvadṛte nedamuktaṁ ca kenāpi śrutameva vā||

और तुम जो कहते हो कि पशु आदि ही सुखी और धन्य हैं — तुम्हारे अतिरिक्त यह बात न किसी ने कही है, और न किसी ने सुनी है।

श्लोक 118 (skanda.1.80.118)

तामसा विकला ये च कष्टं तेषां च श्लाघ्यताम्॥ सर्वेंद्रिययुताः श्रेष्ठाः कुतो धन्या न मानुषाः॥

tāmasā vikalā ye ca kaṣṭaṁ teṣāṁ ca ślāghyatām|| sarveṁdriyayutāḥ śreṣṭhāḥ kuto dhanyā na mānuṣāḥ||

तामसी और अपंग प्राणियों की प्रशंसा करना तो अत्यंत कष्टकर बात है। जो समस्त इंद्रियों से युक्त श्रेष्ठ मनुष्य हैं, वे धन्य क्यों नहीं होंगे?

श्लोक 119 (skanda.1.80.119)

सत्यं तव व्रतं मन्ये नरकाय त्वयाऽऽदृतम्॥ अत्यनर्थे न भीः कार्या कामोयं भविताचिरात्॥

satyaṁ tava vrataṁ manye narakāya tvayā''dṛtam|| atyanarthe na bhīḥ kāryā kāmoyaṁ bhavitācirāt||

मैं मानता हूँ कि तुम्हारा व्रत सत्य ही है, किंतु तुमने इसे नरक के लिए अपनाया है। अत्यंत अनर्थ में भी भय नहीं करना चाहिए — यह इच्छा शीघ्र ही पूर्ण होगी।

श्लोक 120 (skanda.1.80.120)

आदावाडंबरेणैव ध्रुवतोऽज्ञानमेव मे॥ इत्थं निःसारता व्यक्तमादावाडंबारात्तु यत्॥

ādāvāḍaṁbareṇaiva dhruvato'jñānameva me|| itthaṁ niḥsāratā vyaktamādāvāḍaṁbārāttu yat||

आरंभ में ही तुम्हारे आडंबर से ही मुझे निश्चय हो गया कि यह अज्ञान ही है। इस प्रकार आरंभ के आडंबर से ही तुम्हारी निःसारता स्पष्ट हो गई है।

श्लोक 121 (skanda.1.80.121)

मायाविनां हि ब्रुवतां वाक्यं चांडबरावृतम्॥ कुनाणकमिवोद्दीप्तं परीक्षेयं सदा सताम्॥

māyāvināṁ hi bruvatāṁ vākyaṁ cāṁḍabarāvṛtam|| kunāṇakamivoddīptaṁ parīkṣeyaṁ sadā satām||

छलियों के वाक्य आडंबर से ढके होते हैं, चमकते हुए खोटे सिक्के के समान। इसलिए सज्जनों को उसे सदा परखना चाहिए।

श्लोक 122 (skanda.1.80.122)

आदौ मध्ये तथा चांते येषां वाक्यमदोषवत्॥ कषदाहैः स्वर्णमिव च्छेदेऽपि स्याच्छुभं शुभम्॥

ādau madhye tathā cāṁte yeṣāṁ vākyamadoṣavat|| kaṣadāhaiḥ svarṇamiva cchede'pi syācchubhaṁ śubham||

जिनके वचन आरंभ, मध्य और अंत में निर्दोष हों, वे कसौटी पर कसे जाने, अग्नि में तपाए जाने, तथा काटे जाने पर भी सोने के समान शुभ ही सिद्ध होते हैं।

श्लोक 123 (skanda.1.80.123)

त्वयान्यथा प्रतिज्ञातमुक्तं चैवान्यथा पुनः॥ त्वद्दोषो नायमस्माकं तद्वचः श्रृणुमो हि ये॥

tvayānyathā pratijñātamuktaṁ caivānyathā punaḥ|| tvaddoṣo nāyamasmākaṁ tadvacaḥ śrṛṇumo hi ye||

तुमने एक बात की प्रतिज्ञा की और फिर उससे अन्य ही कुछ कहा। यह तुम्हारा ही दोष है, हमारा नहीं, जो तुम्हारी बात सुनते हैं।

श्लोक 124 (skanda.1.80.124)

नास्तिकानां च सर्पाणां विषस्य च गुणस्त्वयम्॥ मोहयंति परं यच्च दोषो नैषपरस्य तु॥

nāstikānāṁ ca sarpāṇāṁ viṣasya ca guṇastvayam|| mohayaṁti paraṁ yacca doṣo naiṣaparasya tu||

नास्तिकों, सर्पों और विष का यह गुण है कि वे दूसरों को मोहित करते हैं — किंतु यह दोष उस दूसरे व्यक्ति का नहीं है, जो मोहित हुआ।

श्लोक 125 (skanda.1.80.125)

आपो वस्त्रं तिलास्तैलं गंधो वा स यथा तथा॥ पुष्पाणामधिवासेन तथा संसर्गजा गुणाः॥

āpo vastraṁ tilāstailaṁ gaṁdho vā sa yathā tathā|| puṣpāṇāmadhivāsena tathā saṁsargajā guṇāḥ||

जल, वस्त्र, तिल-तेल, अथवा सुगंध — ये सब जैसे फूलों के सान्निध्य से सुगंधित हो जाते हैं, वैसे ही गुण भी संगति से उत्पन्न होते हैं।

श्लोक 126 (skanda.1.80.126)

मोहजालस्य यो योनिर्मूढैरिह समागमः॥ अहन्यहनि धर्मस्य योनिः साधुसमागमः॥

mohajālasya yo yonirmūḍhairiha samāgamaḥ|| ahanyahani dharmasya yoniḥ sādhusamāgamaḥ||

मूर्खों की संगति ही मोह-जाल का कारण है। और साधु पुरुषों की संगति ही प्रतिदिन धर्म का कारण बनती है।

श्लोक 127 (skanda.1.80.127)

तस्मात्प्राज्ञैश्च वृद्धैश्च शुद्धभावैस्तपस्विभिः॥ सद्भिश्च सह संसर्गः कार्यः शमपरायणैः॥

tasmātprājñaiśca vṛddhaiśca śuddhabhāvaistapasvibhiḥ|| sadbhiśca saha saṁsargaḥ kāryaḥ śamaparāyaṇaiḥ||

इसलिए बुद्धिमानों, वृद्धों, शुद्ध हृदय वाले तपस्वियों, तथा शांति में तत्पर सज्जनों के साथ ही संगति करनी चाहिए।

श्लोक 128 (skanda.1.80.128)

न नीचैर्नाप्यविद्वद्भिर्नानात्मज्ञैर्विशेषतः॥ येषां त्रीण्यवदातानि योनिर्विद्या च कर्म च॥

na nīcairnāpyavidvadbhirnānātmajñairviśeṣataḥ|| yeṣāṁ trīṇyavadātāni yonirvidyā ca karma ca||

नीच, अविद्वान, और विशेषतः आत्म-ज्ञान से रहित लोगों की संगति नहीं करनी चाहिए। जिनकी योनि, विद्या और कर्म — तीनों निर्मल हों,

श्लोक 129 (skanda.1.80.129)

तांश्च सेवेद्विशेषेण शास्त्रं येषां हि विद्यते॥ असतां दर्शनस्पर्शसंजल्पासनभोजनैः॥

tāṁśca sevedviśeṣeṇa śāstraṁ yeṣāṁ hi vidyate|| asatāṁ darśanasparśasaṁjalpāsanabhojanaiḥ||

— उन्हीं की विशेष रूप से सेवा करनी चाहिए, जिनके पास शास्त्र-ज्ञान भी हो। दुष्टों को देखने, स्पर्श करने, उनसे बातचीत करने, उनके साथ बैठने और भोजन करने से —

श्लोक 130 (skanda.1.80.130)

धर्माचारात्प्रहीयंते न च सिध्यंति मानवाः॥ बुद्धिश्च हीयते पुंसां नीचैः सह समागमात्॥

dharmācārātprahīyaṁte na ca sidhyaṁti mānavāḥ|| buddhiśca hīyate puṁsāṁ nīcaiḥ saha samāgamāt||

— मनुष्य धर्माचार से भ्रष्ट हो जाते हैं, और सिद्धि को प्राप्त नहीं करते। नीच लोगों की संगति से मनुष्यों की बुद्धि भी क्षीण हो जाती है,

श्लोक 131 (skanda.1.80.131)

मध्यैश्च मध्यतां याति श्रेष्ठतां याति चोत्तमैः॥ इति धर्मं स्मरन्नाहं संगमार्थी पुनस्तव॥ यन्निन्दसि द्विजानेव यैरपेयोऽर्णवः कृतः॥

madhyaiśca madhyatāṁ yāti śreṣṭhatāṁ yāti cottamaiḥ|| iti dharmaṁ smarannāhaṁ saṁgamārthī punastava|| yannindasi dvijāneva yairapeyo'rṇavaḥ kṛtaḥ||

— मध्यम व्यक्तियों की संगति से मध्यम बनता है, और उत्तम व्यक्तियों की संगति से उत्तम बनता है। इसी धर्म का स्मरण करते हुए, मैं अब तुम्हारी संगति की इच्छा नहीं रखता, क्योंकि तुम उन ब्राह्मणों की निंदा करते हो, जिनकी शक्ति असीम है।

श्लोक 132 (skanda.1.80.132)

वेदाः प्रमाणं स्मृतयः प्रमाणं धर्मार्थयुक्तं वचनं प्रमाणम्॥ नैतत्त्रयं यस्य भवेत्प्रमाणं कस्तस्य कुर्याद्वचनं प्रमाणम्॥

vedāḥ pramāṇaṁ smṛtayaḥ pramāṇaṁ dharmārthayuktaṁ vacanaṁ pramāṇam|| naitattrayaṁ yasya bhavetpramāṇaṁ kastasya kuryādvacanaṁ pramāṇam||

वेद प्रमाण हैं, स्मृतियाँ प्रमाण हैं, तथा धर्म-अर्थ से युक्त वचन प्रमाण है — जिसके लिए ये तीनों प्रमाण नहीं हैं, उसके वचन को कौन प्रमाण मानेगा?

श्लोक 133 (skanda.1.80.133)

इतीरयित्वा वचनं महात्मा स नंदभद्रः सहसा तदैव॥ गृहाद्विनिःसृत्य जगाम पुण्यं बहूदकं भट्टरवेस्तु कुंडम्॥

itīrayitvā vacanaṁ mahātmā sa naṁdabhadraḥ sahasā tadaiva|| gṛhādviniḥsṛtya jagāma puṇyaṁ bahūdakaṁ bhaṭṭaravestu kuṁḍam||

इस प्रकार यह वचन कहकर वह महात्मा नंदभद्र उसी क्षण अचानक घर से निकल पड़ा, और भट्टादित्य के पुण्य बहूदक कुंड की ओर चल दिया।