कोटितीर्थ-माहात्म्य

श्लोक 1 (skanda.1.87.1)

॥अर्जुन उवाच॥ कोटितीर्थं कथं जातं केन वा निर्मितं मुने॥ कस्माद्वा कोटितीर्थानां फलमत्रोच्यते मुने

arjuna uvāca koṭitīrthaṁ kathaṁ jātaṁ kena vā nirmitaṁ mune kasmādvā koṭitīrthānāṁ phalamatrocyate mune

अर्जुन ने कहा — हे मुने, कोटितीर्थ किस प्रकार उत्पन्न हुआ और किसके द्वारा निर्मित हुआ? और हे मुने, यहाँ करोड़ों तीर्थों का फल क्यों कहा जाता है?

श्लोक 2 (skanda.1.87.2)

॥नारद उवाच॥ यदा मे स्थापितं स्थानं प्रसाद्याथ मया प्रभुः॥ ब्रह्मलोकात्समानीतः साक्षाद्ब्रह्मा पितामहः

nārada uvāca yadā me sthāpitaṁ sthānaṁ prasādyātha mayā prabhuḥ brahmalokātsamānītaḥ sākṣādbrahmā pitāmahaḥ

नारद ने कहा — जब मैंने प्रभु को प्रसन्न करके यह स्थान स्थापित किया, तब मैं ब्रह्मलोक से साक्षात् पितामह ब्रह्मा को यहाँ ले आया।

श्लोक 3 (skanda.1.87.3)

ततो मध्याह्नसमये स्नानार्थे भगवान्विधिः॥ सस्मार कोटितीर्थानां स्मृतान्यत्रागतानि च

tato madhyāhnasamaye snānārthe bhagavānvidhiḥ sasmāra koṭitīrthānāṁ smṛtānyatrāgatāni ca

तब मध्याह्न के समय स्नान के लिए भगवान् विधि (ब्रह्मा) ने करोड़ों तीर्थों का स्मरण किया, और स्मरण करते ही वे वहाँ आ गए।

श्लोक 4 (skanda.1.87.4)

स्वर्गात्त्रिदशलक्षाणि सप्ततिश्च महीतलात्॥ पातालाद्विंशलक्षाणि स्मृतान्यभ्यागतानि च

svargāttridaśalakṣāṇi saptatiśca mahītalāt pātālādviṁśalakṣāṇi smṛtānyabhyāgatāni ca

स्वर्ग से तीस लाख सत्तर, पृथ्वीतल से उतने ही, और पाताल से बीस लाख तीर्थ — स्मरण करते ही सब वहाँ आ गए।

श्लोक 5 (skanda.1.87.5)

अनेन प्रविभागेन लिंगान्यपि कुरूद्वह॥ आयातानि यथा पूजां विदधाति पितामहः

anena pravibhāgena liṁgānyapi kurūdvaha āyātāni yathā pūjāṁ vidadhāti pitāmahaḥ

हे कुरूद्वह, इसी प्रकार लिंग भी वहाँ आ गए, जिससे पितामह पूजा कर सकें।

श्लोक 6 (skanda.1.87.6)

ततोऽभिषेचनं कृत्वा लिंगान्यभ्यर्च्य पद्मभूः॥ मध्याह्नकृत्यं संसाध्य मम प्रेम्णा वरं ददौ

tato'bhiṣecanaṁ kṛtvā liṁgānyabhyarcya padmabhūḥ madhyāhnakṛtyaṁ saṁsādhya mama premṇā varaṁ dadau

तब अभिषेक करके और लिंगों की पूजा करके, कमलजन्मा ब्रह्मा ने मध्याह्न-कर्म पूरा करके, स्नेहवश मुझे वर दिया।

श्लोक 7 (skanda.1.87.7)

ततो भगवता ह्यत्र मनसा निर्मितं सरः॥ भगवानर्चितस्तीर्थैरिदमूचे प्रजापतिः

tato bhagavatā hyatra manasā nirmitaṁ saraḥ bhagavānarcitastīrthairidamūce prajāpatiḥ

फिर भगवान् ने यहाँ अपने मन से एक सरोवर का निर्माण किया; और उन तीर्थों द्वारा पूजित भगवान् प्रजापति ने यह कहा —

श्लोक 8 (skanda.1.87.8)

किं कुर्म भगवन्धातरादेशं देहि नः प्रभो॥ तेषां तद्वचनं श्रुत्वा ब्रह्मा प्राह प्रजापतिः

kiṁ kurma bhagavandhātarādeśaṁ dehi naḥ prabho teṣāṁ tadvacanaṁ śrutvā brahmā prāha prajāpatiḥ

(तीर्थों ने पूछा —) "हे भगवान् धातः, हम क्या करें? हे प्रभु, हमें आदेश दीजिए।" उनका यह वचन सुनकर प्रजापति ब्रह्मा ने कहा —

श्लोक 9 (skanda.1.87.9)

एतस्मिन्सरसि स्थेयं तीर्थैः सर्वैरथात्र च॥ एकस्मिंश्च तथा लिंगे सर्वलिंगैर्ममार्चनात्

etasminsarasi stheyaṁ tīrthaiḥ sarvairathātra ca ekasmiṁśca tathā liṁge sarvaliṁgairmamārcanāt

"सभी तीर्थों को इस सरोवर में और सभी लिंगों को मेरी पूजा के कारण इस एक लिंग में निवास करना चाहिए।"

श्लोक 10 (skanda.1.87.10)

कोटीनामेव तीर्थानां लिंगानां स्नानपूजया॥ दानेन च फलं त्वत्र यदि सत्यं वचो मम

koṭīnāmeva tīrthānāṁ liṁgānāṁ snānapūjayā dānena ca phalaṁ tvatra yadi satyaṁ vaco mama

"यदि मेरा वचन सत्य है, तो यहाँ स्नान, पूजा और दान से करोड़ों तीर्थों और लिंगों का फल प्राप्त होगा।"

श्लोक 11 (skanda.1.87.11)

यः श्राद्धं कुरुते चात्र पिंडदानं यथाविधि॥ पितॄणामक्षया तृप्तिर्जायते नात्र संशयः

yaḥ śrāddhaṁ kurute cātra piṁḍadānaṁ yathāvidhi pitṝṇāmakṣayā tṛptirjāyate nātra saṁśayaḥ

"जो यहाँ विधिपूर्वक श्राद्ध और पिंडदान करता है, उसके पितरों को अक्षय तृप्ति प्राप्त होती है, इसमें कोई संदेह नहीं।"

श्लोक 12 (skanda.1.87.12)

स्नात्वा योऽभ्यर्चयेद्देवं कोटीश्वरमनन्यधीः॥ कोटिलिंगार्चनफलं व्यक्तं तस्योपजायते

snātvā yo'bhyarcayeddevaṁ koṭīśvaramananyadhīḥ koṭiliṁgārcanaphalaṁ vyaktaṁ tasyopajāyate

"जो स्नान कर एकाग्रचित्त से देव कोटीश्वर की पूजा करता है, उसे स्पष्ट रूप से करोड़ों लिंगों की पूजा का फल प्राप्त होता है।"

श्लोक 13 (skanda.1.87.13)

त्रैलोक्ये यानि तीर्थानि गंगाद्याः सरितस्तथा॥ तेषां स फलमाप्नोति कोटितीर्थावगाहनात्

trailokye yāni tīrthāni gaṁgādyāḥ saritastathā teṣāṁ sa phalamāpnoti koṭitīrthāvagāhanāt

"त्रिलोक में जितने तीर्थ हैं और गंगा आदि नदियाँ हैं, उन सबका फल कोटितीर्थ में स्नान करने से प्राप्त हो जाता है।"

श्लोक 14 (skanda.1.87.14)

एवं दत्त्वा वरं ब्रह्मा ब्रह्मलोकं ययौ प्रभुः॥ कोटितीर्थं च संजातं ततः प्रभृति विश्रुतम्

evaṁ dattvā varaṁ brahmā brahmalokaṁ yayau prabhuḥ koṭitīrthaṁ ca saṁjātaṁ tataḥ prabhṛti viśrutam

इस प्रकार वर देकर प्रभु ब्रह्मा ब्रह्मलोक को चले गए; और तभी से उत्पन्न हुआ यह कोटितीर्थ विख्यात हो गया।

श्लोक 15 (skanda.1.87.15)

अस्य तीरे पुरा पार्थ ब्रह्माद्यैर्देवसत्तमैः॥ यज्ञान्बहुविधान्कृत्वा ततः सिद्धिं परां ययुः

asya tīre purā pārtha brahmādyairdevasattamaiḥ yajñānbahuvidhānkṛtvā tataḥ siddhiṁ parāṁ yayuḥ

इसके तट पर, हे पार्थ, प्राचीन काल में ब्रह्मा आदि श्रेष्ठ देवों ने अनेक प्रकार के यज्ञ करके परम सिद्धि प्राप्त की।

श्लोक 16 (skanda.1.87.16)

वसिष्ठाद्यैर्मुनिवरैस्तपश्चीर्णं पुरानघ॥ मनसोऽभीप्सितान्कामान्प्रापुरन्ये तपोधनाः

vasiṣṭhādyairmunivaraistapaścīrṇaṁ purānagha manaso'bhīpsitānkāmānprāpuranye tapodhanāḥ

हे अनघ, प्राचीन काल में वसिष्ठ आदि श्रेष्ठ मुनियों ने यहाँ तप किया, और अन्य तपस्वियों ने भी मन-वांछित कामनाओं को प्राप्त किया।

श्लोक 17 (skanda.1.87.17)

अत्र तीर्थे पुरा पार्थ अत्रिणा विहितं तपः॥ कोटितीर्थाद्दक्षिणतः स्थापितं लिंगमुत्तमम्

atra tīrthe purā pārtha atriṇā vihitaṁ tapaḥ koṭitīrthāddakṣiṇataḥ sthāpitaṁ liṁgamuttamam

हे पार्थ, इसी तीर्थ में प्राचीन काल में अत्रि ने तप किया था; कोटितीर्थ के दक्षिण में एक उत्तम लिंग स्थापित किया गया।

श्लोक 18 (skanda.1.87.18)

अत्रीश्वराभिसंज्ञं तु महापापहरं परम्॥ स्थापयित्वा च तल्लिंगमग्रे चक्रे सरोवरम्

atrīśvarābhisaṁjñaṁ tu mahāpāpaharaṁ param sthāpayitvā ca talliṁgamagre cakre sarovaram

अत्रीश्वर नाम से प्रसिद्ध वह लिंग महापापों को हरने वाला है; उस लिंग को स्थापित कर उन्होंने उसके सामने एक सरोवर भी बनाया।

श्लोक 19 (skanda.1.87.19)

तत्र स्नात्वा च यो मर्त्यः श्राद्धं कुर्यात्प्रयत्नतः॥ अत्रीश्वरं समभ्यर्च्य रुद्रलोके वसेच्चिरम्

tatra snātvā ca yo martyaḥ śrāddhaṁ kuryātprayatnataḥ atrīśvaraṁ samabhyarcya rudraloke vasecciram

वहाँ स्नान कर जो मर्त्य प्रयत्नपूर्वक श्राद्ध करता है और अत्रीश्वर की भली-भाँति पूजा करता है, वह दीर्घकाल तक रुद्रलोक में निवास करता है।

श्लोक 20 (skanda.1.87.20)

भरद्वाजेन मुनिना कोटितीर्थे सरोवरे॥ तपश्चीर्णं महाबाहो यज्ञाश्च विहिताः किल

bharadvājena muninā koṭitīrthe sarovare tapaścīrṇaṁ mahābāho yajñāśca vihitāḥ kila

हे महाबाहो, ऋषि भरद्वाज ने कोटितीर्थ के सरोवर में तप किया और यज्ञ भी संपन्न किए।

श्लोक 21 (skanda.1.87.21)

भरद्वाजेश्वरं लिंगं स्थापितं सुमनोहरम्॥ तत्र कृत्वा सरो रम्यं परां मुदमवाप्तवान्

bharadvājeśvaraṁ liṁgaṁ sthāpitaṁ sumanoharam tatra kṛtvā saro ramyaṁ parāṁ mudamavāptavān

वहाँ अत्यंत मनोहर भरद्वाजेश्वर नामक लिंग स्थापित हुआ; और वहाँ एक रमणीय सरोवर बनाकर उन्होंने परम आनंद प्राप्त किया।

श्लोक 22 (skanda.1.87.22)

तत्र स्नात्वा नरो भक्त्या श्राद्धं कुर्याद्विधानतः॥ भरद्वाजेश्वरं पूज्य शिवलोके महीयते

tatra snātvā naro bhaktyā śrāddhaṁ kuryādvidhānataḥ bharadvājeśvaraṁ pūjya śivaloke mahīyate

वहाँ भक्तिपूर्वक स्नान कर और विधिपूर्वक श्राद्ध कर, भरद्वाजेश्वर की पूजा करने वाला मनुष्य शिवलोक में महिमामंडित होता है।

श्लोक 23 (skanda.1.87.23)

ततश्च कोटितीर्थेऽस्मिन्गौतमो भगवानृषिः॥ अतप्यत तपो घोरमहल्यासंगमाशया

tataśca koṭitīrthe'smingautamo bhagavānṛṣiḥ atapyata tapo ghoramahalyāsaṁgamāśayā

और फिर इसी कोटितीर्थ में भगवान् ऋषि गौतम ने अहल्या के संगम की आशा से घोर तप किया।

श्लोक 24 (skanda.1.87.24)

तं कामं प्राप्तवान्धीमान्परां मुदमुपागतः॥ अहल्यया समायोगमेतत्तीर्थप्रभावतः

taṁ kāmaṁ prāptavāndhīmānparāṁ mudamupāgataḥ ahalyayā samāyogametattīrthaprabhāvataḥ

उस बुद्धिमान् ऋषि ने अपनी कामना पूर्ण की और परम आनंद प्राप्त किया — इस तीर्थ के प्रभाव से अहल्या के साथ संगम हुआ।

श्लोक 25 (skanda.1.87.25)

अस्मिन्क्षेत्रे महालिंगं गौतमेश्वरसंज्ञितम्॥ स्थापयामास भगवानहल्यासरसस्तटे

asminkṣetre mahāliṁgaṁ gautameśvarasaṁjñitam sthāpayāmāsa bhagavānahalyāsarasastaṭe

इस क्षेत्र में उन भगवान् ने गौतमेश्वर नामक महालिंग की स्थापना अहल्या-सरोवर के तट पर की।

श्लोक 26 (skanda.1.87.26)

॥अर्जुन उवाच॥ अहल्यया कदा ब्रह्मन्खानितं वै महत्सरः॥ तन्मम ब्रूहि सकलमहल्यासरःकारणम्

arjuna uvāca ahalyayā kadā brahmankhānitaṁ vai mahatsaraḥ tanmama brūhi sakalamahalyāsaraḥkāraṇam

अर्जुन ने कहा — हे ब्रह्मन्, अहल्या ने यह महान् सरोवर कब खोदा? मुझे अहल्या-सरोवर के इस सारे कारण को बताइए।

श्लोक 27 (skanda.1.87.27)

॥नारद उवाच॥ अहल्या शापमापन्ना गौतमात्किल फाल्गुन॥ पुरा चेंद्रसमायोगे परं दुःखमुपागता

nārada uvāca ahalyā śāpamāpannā gautamātkila phālguna purā ceṁdrasamāyoge paraṁ duḥkhamupāgatā

नारद ने कहा — हे फाल्गुन, अहल्या को इंद्र के साथ संगम के कारण प्राचीन काल में गौतम से शाप प्राप्त हुआ और वह अत्यंत दुःख को प्राप्त हुई।

श्लोक 28 (skanda.1.87.28)

ततो दुःखार्तः स मुनिः कोटितीर्थेऽकरोत्तपः॥ तपसा तेन वै पार्थाहल्यया सह संगतः

tato duḥkhārtaḥ sa muniḥ koṭitīrthe'karottapaḥ tapasā tena vai pārthāhalyayā saha saṁgataḥ

तब दुःखार्त वे मुनि कोटितीर्थ में तप करने लगे; और हे पार्थ, उस तप के प्रभाव से वे अहल्या से पुनर्मिलित हुए।

श्लोक 29 (skanda.1.87.29)

ततः साध्वी परं हृष्टा अत्र क्षेत्रे सरोवरम्॥ चकार सुमहत्पुण्यं तीर्थोदैः परिपूरितम्

tataḥ sādhvī paraṁ hṛṣṭā atra kṣetre sarovaram cakāra sumahatpuṇyaṁ tīrthodaiḥ paripūritam

तब वह साध्वी परम हर्षित होकर इस क्षेत्र में तीर्थ-जल से परिपूर्ण एक अत्यंत पुण्यमय सरोवर बनाया।

श्लोक 30 (skanda.1.87.30)

अहल्यासरसि स्नानं पिंडदानं समाचरेत्॥ गौतमेशं च संपूज्य ब्रह्मलोकं स गच्छति

ahalyāsarasi snānaṁ piṁḍadānaṁ samācaret gautameśaṁ ca saṁpūjya brahmalokaṁ sa gacchati

जो अहल्या-सरोवर में स्नान और पिंडदान करता है, और गौतमेश्वर की भली-भाँति पूजा करता है, वह ब्रह्मलोक को जाता है।

श्लोक 31 (skanda.1.87.31)

कोटितीर्थे नरश्रेष्ठ अनेके मुनयोऽमलाः॥ तपस्तप्त्वा सुघोरं च परां सिद्धिमपागताः

koṭitīrthe naraśreṣṭha aneke munayo'malāḥ tapastaptvā sughoraṁ ca parāṁ siddhimapāgatāḥ

हे नरश्रेष्ठ, कोटितीर्थ में अनेक निर्मल मुनियों ने अत्यंत घोर तप करके परम सिद्धि प्राप्त की।

श्लोक 32 (skanda.1.87.32)

राजभिर्बहुभिः पूर्वं तपो दानं तथाध्वराः॥ अस्मिंस्तीर्थे सुविहिताः परां सिद्धिमुपागताः

rājabhirbahubhiḥ pūrvaṁ tapo dānaṁ tathādhvarāḥ asmiṁstīrthe suvihitāḥ parāṁ siddhimupāgatāḥ

पूर्वकाल में अनेक राजाओं ने भी इस तीर्थ में तप, दान और यज्ञ भली-भाँति संपन्न किए, और परम सिद्धि प्राप्त की।

श्लोक 33 (skanda.1.87.33)

अस्य तीरे द्विजं चैकं मृष्टान्नैर्यश्च तर्पयेत्॥ तेन श्रद्धासहायेन कोटिर्भवति तर्पिता

asya tīre dvijaṁ caikaṁ mṛṣṭānnairyaśca tarpayet tena śraddhāsahāyena koṭirbhavati tarpitā

इसके तट पर जो व्यक्ति एक भी ब्राह्मण को स्वादिष्ट भोजन से तृप्त करता है, वह श्रद्धा के सहयोग से मानो करोड़ों ब्राह्मणों को तृप्त करता है।

श्लोक 34 (skanda.1.87.34)

अस्य तीरे नरः पार्थ रत्नानि विविधानि च॥ गोभूमितिलधान्यानि वासांसि विविधानि च

asya tīre naraḥ pārtha ratnāni vividhāni ca gobhūmitiladhānyāni vāsāṁsi vividhāni ca

हे पार्थ, इस तट पर जो मनुष्य विविध रत्न, गौ, भूमि, तिल, धान्य और विविध वस्त्र—

श्लोक 35 (skanda.1.87.35)

श्रद्धया परया पार्थ द्विजेभ्यः संप्रयच्छति॥ शतकोटिगुणं पुण्यं कोटितीर्थप्रभावतः॥ कोटितीर्थे प्रतिश्रुत्य द्विजेभ्यो न प्रयच्छति

śraddhayā parayā pārtha dvijebhyaḥ saṁprayacchati śatakoṭiguṇaṁ puṇyaṁ koṭitīrthaprabhāvataḥ koṭitīrthe pratiśrutya dvijebhyo na prayacchati

—हे पार्थ, परम श्रद्धा से ब्राह्मणों को देता है, वह कोटितीर्थ के प्रभाव से सौ करोड़ गुना पुण्य प्राप्त करता है। परंतु जो कोटितीर्थ में प्रतिज्ञा करके ब्राह्मणों को नहीं देता—

श्लोक 36 (skanda.1.87.36)

नरके पातयित्वा च कुलमेकोत्तरं शतम्॥ आत्मानं पातयेत्पश्चाद्दारुणं रौरवं महत्

narake pātayitvā ca kulamekottaraṁ śatam ātmānaṁ pātayetpaścāddāruṇaṁ rauravaṁ mahat

—अपने कुल की एक सौ एक पीढ़ियों को नरक में गिराकर, अंत में स्वयं भी भयंकर महान् रौरव नरक में गिरता है।

श्लोक 37 (skanda.1.87.37)

माघमासे तु संप्राप्ते प्रातःकाले तथाऽमले॥ यः स्नाति मकरादित्ये तस्य पुण्यं शृणुष्व मे

māghamāse tu saṁprāpte prātaḥkāle tathā'male yaḥ snāti makarāditye tasya puṇyaṁ śṛṇuṣva me

माघ मास आने पर, निर्मल प्रातःकाल में जो मकर संक्रांति के समय स्नान करता है, उसका पुण्य मुझसे सुनो।

श्लोक 38 (skanda.1.87.38)

सर्वतीर्थेषु यत्पुण्यं सर्वयज्ञेषु यत्फलम्॥ सर्वदानव्रतैर्यच्च कोटि तीर्थे दिनेदिने

sarvatīrtheṣu yatpuṇyaṁ sarvayajñeṣu yatphalam sarvadānavratairyacca koṭi tīrthe dinedine

सभी तीर्थों में जो पुण्य है, सभी यज्ञों में जो फल है, सभी दान-व्रतों से जो प्राप्त होता है — वह सब कोटितीर्थ में प्रतिदिन—

श्लोक 39 (skanda.1.87.39)

तत्पुण्यं लभते मर्त्यो नात्र कार्या विचारणा॥ कन्यागते सवितरि यः श्राद्धं कुरुते नरः

tatpuṇyaṁ labhate martyo nātra kāryā vicāraṇā kanyāgate savitari yaḥ śrāddhaṁ kurute naraḥ

—वह पुण्य मनुष्य को प्राप्त होता है, इसमें कोई विचार करने की आवश्यकता नहीं। जो मनुष्य सूर्य के कन्या राशि में होने पर श्राद्ध करता है—

श्लोक 40 (skanda.1.87.40)

पितरस्तस्य तुष्यंति गयाश्राद्धशतैर्न तु॥ कार्तिके मासि संप्राप्ते स्नानादि कुरुते यदि

pitarastasya tuṣyaṁti gayāśrāddhaśatairna tu kārtike māsi saṁprāpte snānādi kurute yadi

—उसके पितर संतुष्ट होते हैं, गया में किए गए सौ श्राद्धों से भी अधिक। और कार्तिक मास आने पर यदि वह स्नान आदि करता है—

श्लोक 41 (skanda.1.87.41)

तदक्षयफलं सर्वं ब्रह्मणो वचनं यथा॥ इष्ट्वात्र यज्ञमेकं तु कोटियज्ञफलं लभेत्

tadakṣayaphalaṁ sarvaṁ brahmaṇo vacanaṁ yathā iṣṭvātra yajñamekaṁ tu koṭiyajñaphalaṁ labhet

—तो वह सारा फल अक्षय होता है, जैसा कि ब्रह्मा का वचन है। यहाँ एक ही यज्ञ करने से करोड़ यज्ञों का फल प्राप्त होता है।

श्लोक 42 (skanda.1.87.42)

कन्यां ब्राह्मेण विधिना दत्त्वा कोटिगुणं फलम्॥ सर्वदानं कोटिगुणं कोटितीर्थे भवेद्यतः

kanyāṁ brāhmeṇa vidhinā dattvā koṭiguṇaṁ phalam sarvadānaṁ koṭiguṇaṁ koṭitīrthe bhavedyataḥ

ब्राह्म विधि से कन्यादान करने पर करोड़ गुना फल प्राप्त होता है; और सभी दान भी करोड़ गुना हो जाते हैं, क्योंकि वे कोटितीर्थ में दिए जाते हैं।

श्लोक 43 (skanda.1.87.43)

कोटि तीर्थे त्यजेत्प्राणान्हृदि कृत्वा तु माधवम्॥ तस्य पार्थ चिरं स्वर्गे ह्यक्षया शाश्वती गतिः

koṭi tīrthe tyajetprāṇānhṛdi kṛtvā tu mādhavam tasya pārtha ciraṁ svarge hyakṣayā śāśvatī gatiḥ

जो कोटितीर्थ में माधव को हृदय में धारण कर प्राण त्यागता है, हे पार्थ, उसकी स्वर्ग में दीर्घकाल तक अक्षय और शाश्वत गति होती है।

श्लोक 44 (skanda.1.87.44)

कोटितीर्थे तीर्थवरे देहत्यागं करोति यः॥ तस्य पूजां प्रकुर्वंति ब्रह्माद्या देवतागणाः

koṭitīrthe tīrthavare dehatyāgaṁ karoti yaḥ tasya pūjāṁ prakurvaṁti brahmādyā devatāgaṇāḥ

जो कोटितीर्थ, श्रेष्ठ तीर्थ में देह-त्याग करता है, ब्रह्मा आदि देवगण उसकी पूजा करते हैं।

श्लोक 45 (skanda.1.87.45)

अस्य तीरे देहदाहो यस्य कस्य प्रजायते॥ अस्थिक्षेपो यस्य भवेन्महीसागरसंगमे

asya tīre dehadāho yasya kasya prajāyate asthikṣepo yasya bhavenmahīsāgarasaṁgame

जिस किसी का भी देह इस तट पर दाह होता है, जिसकी अस्थियाँ पृथ्वी और सागर के संगम में विसर्जित होती हैं—

श्लोक 46 (skanda.1.87.46)

तत्फलं गदितुं पार्थ वागीशोऽपि न वै क्षमः॥ एतज्ज्ञात्वा परं पार्थ कोटितीर्थं प्रसेवते

tatphalaṁ gadituṁ pārtha vāgīśo'pi na vai kṣamaḥ etajjñātvā paraṁ pārtha koṭitīrthaṁ prasevate

—उसके फल का वर्णन करने में, हे पार्थ, वाणी के स्वामी बृहस्पति भी समर्थ नहीं हैं। यह जानकर, हे पार्थ, कोटितीर्थ का सेवन करना चाहिए।

श्लोक 47 (skanda.1.87.47)

दिनेदिने फलं तस्य कापिलं गोसहस्रकम्॥ स्वर्गे मर्त्ये च पाताले तस्मादेतत्सुदुर्लभम्

dinedine phalaṁ tasya kāpilaṁ gosahasrakam svarge martye ca pātāle tasmādetatsudurlabham

प्रतिदिन इसका फल एक सहस्र कपिला गौओं के दान के समान है; अतः स्वर्ग, मृत्युलोक और पाताल में भी यह अत्यंत दुर्लभ है।