बर्बरीक का जन्म

श्लोक 1 (skanda.1.95.1)

॥सूत उवाच॥ सोऽथ प्राग्ज्योतिषाद्बाह्ये महोपवनसंस्थितम् ॥ सहस्रभूमिकं गेहमपश्यत हिरण्मयम्

||sūta uvāca|| so'tha prāgjyotiṣādbāhye mahopavanasaṁsthitam || sahasrabhūmikaṁ gehamapaśyata hiraṇmayam

सूत जी ने कहा - तब उसने प्राग्ज्योतिषपुर के बाहर एक महान उपवन में स्थित, सहस्र मंजिलों वाला एक स्वर्णमय भवन देखा,

श्लोक 2 (skanda.1.95.2)

वेणुवीणामृदंगानां निःस्वनैः परिपूरितम् ॥ दशसाहस्रसंख्याभिश्चेटीभिः परिपूरितम्

veṇuvīṇāmṛdaṁgānāṁ niḥsvanaiḥ paripūritam || daśasāhasrasaṁkhyābhiśceṭībhiḥ paripūritam

जो वेणु, वीणा और मृदंगों की ध्वनियों से गूँज रहा था, तथा दस हजार दासियों से भरा हुआ था,

श्लोक 3 (skanda.1.95.3)

आयाद्भिः प्रतियाद्भिश्च भगदत्तस्य किंकरैः ॥ किमिच्छन्तीति भगिनी पृच्छकैरभिपूरितम्

āyādbhiḥ pratiyādbhiśca bhagadattasya kiṁkaraiḥ || kimicchantīti bhaginī pṛcchakairabhipūritam

जहाँ भगदत्त के सेवक आते-जाते थे, और 'हमारी स्वामिनी क्या चाहती हैं' - यह पूछने वालों से भरा हुआ था।

श्लोक 4 (skanda.1.95.4)

तदासाद्य स हैडंबिर्मेरोः शिखरवद्ग्रहम् ॥ द्वारि स्थितां संददर्श कर्णप्रावरणां सखीम्

tadāsādya sa haiḍaṁbirmeroḥ śikharavadgraham || dvāri sthitāṁ saṁdadarśa karṇaprāvaraṇāṁ sakhīm

उस मेरु-शिखर सदृश भवन के पास पहुँचकर हैडिम्बि ने द्वार पर खड़ी कर्णप्रावरणा नामक सखी को देखा।

श्लोक 5 (skanda.1.95.5)

तामाह ललितं वीरो भद्रे सा क्व मुरोः सुता ॥ कामुको द्रष्टुमिच्छामि दूरदेशागतोऽतिथिः

tāmāha lalitaṁ vīro bhadre sā kva muroḥ sutā || kāmuko draṣṭumicchāmi dūradeśāgato'tithiḥ

उस वीर ने कोमलता से उससे कहा - "हे भद्रे! मुर की वह पुत्री कहाँ है? दूरदेश से आया एक प्रणय-याचक अतिथि उसे देखना चाहता है।"

श्लोक 6 (skanda.1.95.6)

॥कर्णप्रावरणोवाच॥ किं तवास्ति महाबाहो तया मौर्व्या प्रयोजनम् ॥ कोटिशो निहताः पूर्वं तया कामुक कामुकाः

||karṇaprāvaraṇovāca|| kiṁ tavāsti mahābāho tayā maurvyā prayojanam || koṭiśo nihatāḥ pūrvaṁ tayā kāmuka kāmukāḥ

कर्णप्रावरणा ने कहा - "हे महाबाहो! आपको उस माउर्वी से क्या प्रयोजन है? हे कामुक! पहले करोड़ों प्रणय-याचक उसके द्वारा मारे जा चुके हैं।

श्लोक 7 (skanda.1.95.7)

तव रूपमहं दृष्ट्वा घटहासं सदोत्कचम् ॥ प्रणम्य पादयोर्वीर स्थिता ते वचनंकरी

tava rūpamahaṁ dṛṣṭvā ghaṭahāsaṁ sadotkacam || praṇamya pādayorvīra sthitā te vacanaṁkarī

फिर भी, हे वीर! आपके इस मुस्कुराते, सदा घने-केशों वाले रूप को देखकर मैं आपके चरणों में प्रणाम करके आपकी आज्ञाकारिणी बनकर खड़ी हूँ।

श्लोक 8 (skanda.1.95.8)

तन्मया सह मोदस्व भुंक्ष्व भोगांश्च कामुक ॥ दास्याम्यनुचराणां ते त्रयाणां च प्रियात्रयम्

tanmayā saha modasva bhuṁkṣva bhogāṁśca kāmuka || dāsyāmyanucarāṇāṁ te trayāṇāṁ ca priyātrayam

अतः हे कामुक! मेरे साथ आनंद कीजिए, भोगों का सेवन कीजिए; मैं आपके तीनों अनुचरों को भी त्रिगुण प्रिय वस्तुएँ दूँगी।"

श्लोक 9 (skanda.1.95.9)

॥घटोत्कच उवाच॥ कल्याणि किंवदंती ते प्रमुक्ता स्वोचिता शुभे ॥ पुनर्नैतद्वचस्तुभ्यं विशते मम चेतसि

||ghaṭotkaca uvāca|| kalyāṇi kiṁvadaṁtī te pramuktā svocitā śubhe || punarnaitadvacastubhyaṁ viśate mama cetasi

घटोत्कच ने कहा - "हे कल्याणी! तुम्हारी यह बात, यद्यपि तुम्हारे लिए उचित है, फिर भी हे शुभे! यह मेरे हृदय में प्रवेश नहीं करती।

श्लोक 10 (skanda.1.95.10)

वामः कामो यतो भद्रे यस्मिन्नुपनिबद्ध्यते ॥ स चात्र नैव बध्नाति तद्वयं कि प्रकुर्महे

vāmaḥ kāmo yato bhadre yasminnupanibaddhyate || sa cātra naiva badhnāti tadvayaṁ ki prakurmahe

क्योंकि काम, हे भद्रे, विपरीत स्वभाव वाला है - वह वहीं बँधता है जहाँ वह चाहे; यहाँ वह मुझे बाँधता ही नहीं, तो हम क्या करें?

श्लोक 11 (skanda.1.95.11)

अद्य ते स्वामिनी दृष्टा जिता वा क्रीडते मया ॥ तया वा विजितो यास्ये पूर्वेषां कामिनां गतिम्

adya te svāminī dṛṣṭā jitā vā krīḍate mayā || tayā vā vijito yāsye pūrveṣāṁ kāmināṁ gatim

आज या तो मैं तुम्हारी स्वामिनी को देखकर उसे जीतकर उसके साथ क्रीड़ा करूँगा, या फिर उसके द्वारा पराजित होकर पूर्व के प्रणय-याचकों की गति को प्राप्त करूँगा।

श्लोक 12 (skanda.1.95.12)

कर्णप्रावरणे तस्माच्छीघ्रमेव निवेद्यताम् ॥ यथा दर्शनमात्रेण पूजयंत्यतिथिं खलु

karṇaprāvaraṇe tasmācchīghrameva nivedyatām || yathā darśanamātreṇa pūjayaṁtyatithiṁ khalu

अतः हे कर्णप्रावरणे! शीघ्र ही मेरी सूचना दो - क्योंकि अतिथि तो दर्शनमात्र से ही सम्मानित हो जाता है।"

श्लोक 13 (skanda.1.95.13)

इति भैमेर्वचः श्रुत्वा प्रस्खलंती निशाचरी ॥ प्रासादशिखरस्थां तां मौर्वीमेवं वचोवदत्

iti bhaimervacaḥ śrutvā praskhalaṁtī niśācarī || prāsādaśikharasthāṁ tāṁ maurvīmevaṁ vacovadat

भीम-पौत्र के इस वचन को सुनकर वह निशाचरी लड़खड़ाती हुई गई, और महल के शिखर पर बैठी उस माउर्वी से यह वचन कहा -

श्लोक 14 (skanda.1.95.14)

देवि कोऽपि युवा श्रीमांस्त्रैलोक्येष्वमितप्रभः ॥ कामातिथिस्तव द्वारि वर्तते दिश तत्परम्

devi ko'pi yuvā śrīmāṁstrailokyeṣvamitaprabhaḥ || kāmātithistava dvāri vartate diśa tatparam

"हे देवी! तीनों लोकों में अपार तेज वाला एक श्रीमान युवक, प्रणय-याचक अतिथि बनकर आपके द्वार पर खड़ा है - इस विषय में आज्ञा दीजिए।"

श्लोक 15 (skanda.1.95.15)

॥कामकटंकटोवाच॥ मुच्यतां शीघ्रमेवासौ किमर्थं वा विलंबसे ॥ कदाचिद्देवसंगत्या समयो मेऽभिपूर्यते

||kāmakaṭaṁkaṭovāca|| mucyatāṁ śīghramevāsau kimarthaṁ vā vilaṁbase || kadāciddevasaṁgatyā samayo me'bhipūryate

कामकटंकटा ने कहा - "उसे शीघ्र ही आने दो, तुम क्यों विलम्ब कर रही हो? शायद देवयोग से मेरी प्रतिज्ञा की घड़ी अब पूर्ण हो रही है।"

श्लोक 16 (skanda.1.95.16)

इत्युक्तवचनाच्चेटी प्राप्यावोचद्घटोत्कचम् ॥ व्रज शीघ्रं कामुक त्वं तस्या मृत्योश्च सन्निधौ

ityuktavacanācceṭī prāpyāvocadghaṭotkacam || vraja śīghraṁ kāmuka tvaṁ tasyā mṛtyośca sannidhau

यह वचन सुनकर सखी ने पहुँचकर घटोत्कच से कहा - "हे कामुक! शीघ्र चलो, उसके तथा मृत्यु के सामने।"

श्लोक 17 (skanda.1.95.17)

इत्युक्तः स प्रहस्यैव तत्रोत्सृज्य स्वकानुगान् ॥ प्रविवेश गृहं भैमिः सिंहो मेरुगुहामिव

ityuktaḥ sa prahasyaiva tatrotsṛjya svakānugān || praviveśa gṛhaṁ bhaimiḥ siṁho meruguhāmiva

यह सुनकर वे हँसते हुए अपने अनुचरों को वहीं छोड़कर भवन में प्रविष्ट हुए - जैसे कोई सिंह मेरु की गुफा में प्रवेश करता है।

श्लोक 18 (skanda.1.95.18)

स पश्यञ्छुकसंघातान्पारावतगणांस्तथा ॥ सारिकाश्च मदोन्मत्ताश्चेटीस्तां चाप्यपश्यत

sa paśyañchukasaṁghātānpārāvatagaṇāṁstathā || sārikāśca madonmattāśceṭīstāṁ cāpyapaśyata

वे तोतों के समूहों, कबूतरों के झुंडों, तथा मद से उन्मत्त मैनाओं को देखते हुए, अंततः उस सखी को भी देख पाए,

श्लोक 19 (skanda.1.95.19)

रूपेण वयसः चैव रतेरपि रतिंकरीम् ॥ आंदोलकसुखासीनां सर्वाभरणभूषिताम्

rūpeṇa vayasaḥ caiva raterapi ratiṁkarīm || āṁdolakasukhāsīnāṁ sarvābharaṇabhūṣitām

जो रूप और यौवन में साक्षात् रति को भी आनंदित करने वाली थी, तथा झूले पर सुखपूर्वक बैठी, सभी आभूषणों से सुसज्जित थी।

श्लोक 20 (skanda.1.95.20)

तां विद्युतमिवोन्नद्धां दृष्ट्वा भैमिरचिंतयत ॥ अहो कृष्णेन पित्रा मे निर्दिष्टेयं ममोचिता

tāṁ vidyutamivonnaddhāṁ dṛṣṭvā bhaimiraciṁtayata || aho kṛṣṇena pitrā me nirdiṣṭeyaṁ mamocitā

बिजली के समान चमकती उसे देखकर भीम-पौत्र ने सोचा - "अहो! यही वह है जिसे मेरे पिता कृष्ण ने मेरे योग्य बताया था।

श्लोक 21 (skanda.1.95.21)

न्याय्यमेतत्कृते पूर्वं नष्टा यत्कामिनां गणाः ॥ शरीरक्षयपर्याप्तं क्षीयते यदि कामिनाम्

nyāyyametatkṛte pūrvaṁ naṣṭā yatkāmināṁ gaṇāḥ || śarīrakṣayaparyāptaṁ kṣīyate yadi kāminām

यह न्यायसंगत ही है कि इसके कारण पहले प्रणय-याचकों के समूह नष्ट हो गए - एक शरीर के नाश मात्र से यदि किसी प्रणय-याचक का नाश हो जाए तो क्या हानि?

श्लोक 22 (skanda.1.95.22)

कामिनीनां कृते येषां क्षीयते गणनात्र का ॥ एवं बहुविधं कामी चिंतयन्नाह भीमभूः

kāminīnāṁ kṛte yeṣāṁ kṣīyate gaṇanātra kā || evaṁ bahuvidhaṁ kāmī ciṁtayannāha bhīmabhūḥ

किन्तु ऐसी सुंदरियों के लिए मरने वालों की संख्या की क्या गिनती!" इस प्रकार अनेक प्रकार से विचार करते हुए उस कामी भीमपुत्र ने कहा -

श्लोक 23 (skanda.1.95.23)

निष्ठुरे वज्रहृदये प्राप्तोऽहमतिथिस्तव ॥ उचितां तत्सतां पूजां कुरु या ते हृदि स्थिता

niṣṭhure vajrahṛdaye prāpto'hamatithistava || ucitāṁ tatsatāṁ pūjāṁ kuru yā te hṛdi sthitā

"हे निष्ठुरे! हे वज्रहृदये! मैं तुम्हारा अतिथि बनकर आया हूँ - अपने हृदय में स्थित उस उचित सत्कार को मुझे दो, जो अतिथियों के योग्य है।"

श्लोक 24 (skanda.1.95.24)

इति हैडंबिवचनं श्रुत्वा कामकटंकटा ॥ विस्मिताभूत्तस्य रूपात्स्वं निनिंद च बालिशम्

iti haiḍaṁbivacanaṁ śrutvā kāmakaṭaṁkaṭā || vismitābhūttasya rūpātsvaṁ niniṁda ca bāliśam

हैडिम्बि के इस वचन को सुनकर कामकटंकटा उनके रूप को देखकर विस्मित हो गई, और स्वयं को मूर्ख कहकर धिक्कारने लगी।

श्लोक 25 (skanda.1.95.25)

धिगहं यन्मया पूर्वं समयः स कृतोऽभवत् ॥ न कृतोऽभूद्यदि पुरा अभविष्यदसौ पतिः

dhigahaṁ yanmayā pūrvaṁ samayaḥ sa kṛto'bhavat || na kṛto'bhūdyadi purā abhaviṣyadasau patiḥ

"धिक्कार है मुझे, कि मैंने पहले वह प्रतिज्ञा कर ली! यदि मैंने पूर्वकाल में वह प्रतिज्ञा न की होती, तो यही अब तक मेरा पति बन चुका होता।"

श्लोक 26 (skanda.1.95.26)

इति संचिन्तयन्ती सा भैमिं वचनमब्रवीत् ॥ वृथा त्वमागतो भद्र जीवन्याहि पुनः सुखी

iti saṁcintayantī sā bhaimiṁ vacanamabravīt || vṛthā tvamāgato bhadra jīvanyāhi punaḥ sukhī

ऐसा सोचते हुए उसने भीम-पौत्र से कहा - "हे भद्र! तुम व्यर्थ ही यहाँ आए हो; जीवित रहते हुए ही सुखपूर्वक वापस चले जाओ।

श्लोक 27 (skanda.1.95.27)

अथ कामयसे मां त्वं तत्कथां शीघ्रमुच्चर ॥ कथामाभाष्य यदि मां सन्देहे पातयिष्यसि ॥ ततोऽहं वशगा जाता हतो वा स्वप्स्यसे मया

atha kāmayase māṁ tvaṁ tatkathāṁ śīghramuccara || kathāmābhāṣya yadi māṁ sandehe pātayiṣyasi || tato'haṁ vaśagā jātā hato vā svapsyase mayā

किन्तु यदि तुम सचमुच मुझे चाहते हो, तो शीघ्र अपनी पहेली कहो। यदि उस पहेली के द्वारा तुम मुझे संदेह में डाल दोगे, तो मैं तुम्हारे वश में हो जाऊँगी; अन्यथा तुम मेरे हाथों मारे जाकर सो जाओगे।"

श्लोक 28 (skanda.1.95.28)

॥सूत उवाच॥ इत्युक्तवचनामेतां नेत्रोपांतेन वीक्ष्य सः

||sūta uvāca|| ityuktavacanāmetāṁ netropāṁtena vīkṣya saḥ

सूत जी ने कहा - इस प्रकार बोलती हुई उसे आँखों के कोने से देखते हुए,

श्लोक 29 (skanda.1.95.29)

स्मृत्वा चराचरगुरुं कृष्णमारब्धवान्कथाम् ॥ कस्यांचिदभवत्पत्न्यां युवा कोऽप्यजितेद्रियः

smṛtvā carācaraguruṁ kṛṣṇamārabdhavānkathām || kasyāṁcidabhavatpatnyāṁ yuvā ko'pyajitedriyaḥ

चराचर जगत के गुरु कृष्ण का स्मरण करके उन्होंने यह कथा आरम्भ की - "किसी की पत्नी में से, एक अजितेन्द्रिय युवक उत्पन्न हुआ था -

श्लोक 30 (skanda.1.95.30)

तस्य चैका सुता जज्ञे भार्या तस्य मृताऽभवत् ॥ ततो बालकिकां पुत्रीं ररक्ष च पुपोष च

tasya caikā sutā jajñe bhāryā tasya mṛtā'bhavat || tato bālakikāṁ putrīṁ rarakṣa ca pupoṣa ca

उससे उसकी एक पुत्री उत्पन्न हुई, और फिर उसकी पत्नी मर गई। तब उसने उस शिशु पुत्री का पालन-पोषण स्वयं किया।

श्लोक 31 (skanda.1.95.31)

सा यदाभूद्यौवनगा व्यंजितावयवा शुभा ॥ प्रोल्लसत्कुचमध्यांगी प्रोल्लसन्मुखपंकजा

sā yadābhūdyauvanagā vyaṁjitāvayavā śubhā || prollasatkucamadhyāṁgī prollasanmukhapaṁkajā

जब वह युवावस्था को प्राप्त हुई, उसके अंग पूर्ण रूप से विकसित और सुंदर हो गए, उसकी कमर उन्नत स्तनों के बीच शोभित थी, उसका मुख कमल की भाँति खिला हुआ था,

श्लोक 32 (skanda.1.95.32)

तदास्य कामलुलितमालानं प्रजहौ मनः ॥ प्रोवाच तां च तनयां समालिंग्य दुराशयः

tadāsya kāmalulitamālānaṁ prajahau manaḥ || provāca tāṁ ca tanayāṁ samāliṁgya durāśayaḥ

तब काम-रूपी खम्भे से चंचल उसका मन (पिता का मन) संयम खो बैठा; और उस दुष्ट-आशय पिता ने अपनी उस पुत्री को आलिंगन कर कहा -

श्लोक 33 (skanda.1.95.33)

प्रातिवेश्मकपुत्री त्वं मयानीयात्र पोषिता ॥ भार्यार्थं सुचिरं कालं तत्कार्यं साधय प्रिये

prātiveśmakaputrī tvaṁ mayānīyātra poṣitā || bhāryārthaṁ suciraṁ kālaṁ tatkāryaṁ sādhaya priye

'तू पड़ोसी की पुत्री है, जिसे मैंने यहाँ लाकर पाला है, दीर्घकाल तक इसीलिए कि तू मेरी पत्नी बने - अतः हे प्रिये! अब यह कार्य पूर्ण कर।'

श्लोक 34 (skanda.1.95.34)

इत्युक्ता सा च मेने च तत्तथैव वचस्तदा ॥ पतित्वेन च भेजे तं भार्यात्वेन स तां तथा

ityuktā sā ca mene ca tattathaiva vacastadā || patitvena ca bheje taṁ bhāryātvena sa tāṁ tathā

यह सुनकर उसने भी उस वचन को सत्य मान लिया, और उसे पति रूप में स्वीकार किया, और उसने भी उसे पत्नी रूप में स्वीकार किया।

श्लोक 35 (skanda.1.95.35)

ततस्तस्यां सुता जज्ञे तस्मान्मदनरासभात् ॥ वद सा तस्य भवति किं दौहित्री सुताऽथवा ॥ एनं प्रश्नं मम ब्रूहि शीघ्रं चेच्छक्तिरस्ति ते

tatastasyāṁ sutā jajñe tasmānmadanarāsabhāt || vada sā tasya bhavati kiṁ dauhitrī sutā'thavā || enaṁ praśnaṁ mama brūhi śīghraṁ cecchaktirasti te

तब उससे, उस काम-रूपी गधे से, उसमें एक पुत्री उत्पन्न हुई। बताओ, वह उसकी दौहित्री होगी या पुत्री? यदि तुममें सामर्थ्य हो तो मेरे इस प्रश्न का शीघ्र उत्तर दो।"

श्लोक 36 (skanda.1.95.36)

॥सूत उवाच॥ इति प्रश्नं सा च श्रुत्वा चिंतयद्बहुधा हृदि

||sūta uvāca|| iti praśnaṁ sā ca śrutvā ciṁtayadbahudhā hṛdi

सूत जी ने कहा - इस प्रश्न को सुनकर वह अपने हृदय में अनेक प्रकार से विचार करने लगी,

श्लोक 37 (skanda.1.95.37)

न च पश्यति निर्द्धारं प्रश्नस्यास्य कथंचन ॥ ततः प्रश्नेन विजिता स्वां शक्तिं समुपाददे

na ca paśyati nirddhāraṁ praśnasyāsya kathaṁcana || tataḥ praśnena vijitā svāṁ śaktiṁ samupādade

किन्तु उसे इस प्रश्न का किसी भी प्रकार निर्णय नहीं सूझा। तब प्रश्न से पराजित होकर उसने अपनी शक्ति का सहारा लिया।

श्लोक 38 (skanda.1.95.38)

अताडयद्रुक्मरज्जुं कराभ्यां दोलकस्य च ॥ ततो रक्षांसि निष्पेतुः कोटिशो भीषणान्यति

atāḍayadrukmarajjuṁ karābhyāṁ dolakasya ca || tato rakṣāṁsi niṣpetuḥ koṭiśo bhīṣaṇānyati

उसने दोनों हाथों से झूले की स्वर्ण-रज्जु को थपथपाया, जिससे करोड़ों भयंकर राक्षस वहाँ प्रकट हो गए,

श्लोक 39 (skanda.1.95.39)

सिंहव्याघ्रवराहाश्च महिषाश्चित्रका मृगाः ॥ समीक्ष्य तानसंख्येयान्खादितुं धावतो रुषा

siṁhavyāghravarāhāśca mahiṣāścitrakā mṛgāḥ || samīkṣya tānasaṁkhyeyānkhādituṁ dhāvato ruṣā

सिंह, व्याघ्र, वराह, भैंसे तथा चित्तीदार मृग भी - उन असंख्य प्राणियों को देखकर वे क्रोधपूर्वक उसे खाने दौड़े।

श्लोक 40 (skanda.1.95.40)

अवादयन्नखौ भैमिः कनिष्ठांगुष्ठजौ हसन् ॥ ततो विनिःसृतास्तत्र द्विगुणा राक्षसादयः

avādayannakhau bhaimiḥ kaniṣṭhāṁguṣṭhajau hasan || tato viniḥsṛtāstatra dviguṇā rākṣasādayaḥ

भीम-पौत्र ने हँसते हुए अपनी कनिष्ठिका और अंगूठे के नाखूनों को टकराया, जिससे वहाँ दुगुने राक्षस आदि प्रकट हो गए,

श्लोक 41 (skanda.1.95.41)

तैर्मौर्वीनिर्मिताः सर्वे क्षणादेव स्म भक्षिताः ॥ विजितायां स्वशक्तौ च बलशक्तिमथाददे

tairmaurvīnirmitāḥ sarve kṣaṇādeva sma bhakṣitāḥ || vijitāyāṁ svaśaktau ca balaśaktimathādade

जिन्होंने माउर्वी द्वारा रचे गए उन सभी को क्षणमात्र में खा डाला। अपनी शक्ति के पराजित हो जाने पर, उसने फिर बल-शक्ति का सहारा लिया।

श्लोक 42 (skanda.1.95.42)

उत्थाय सहसा दोलात्खड्गमादातुमैच्छत ॥ उत्तिष्ठंतीं च तां भैमिरनुसृत्य जवादिव

utthāya sahasā dolātkhaḍgamādātumaicchata || uttiṣṭhaṁtīṁ ca tāṁ bhaimiranusṛtya javādiva

वह सहसा झूले से उठकर तलवार लेने का प्रयास करने लगी; किन्तु उठती हुई उसका पीछा वेग से करते हुए भीम-पौत्र ने,

श्लोक 43 (skanda.1.95.43)

केशेष्वादाय सव्येन पाणिनाऽपातयद्भुवि ॥ ततः कंठे सव्यपादं दत्त्वादाय च कर्तिकाम्

keśeṣvādāya savyena pāṇinā'pātayadbhuvi || tataḥ kaṁṭhe savyapādaṁ dattvādāya ca kartikām

बाएँ हाथ से उसके केश पकड़कर उसे भूमि पर गिरा दिया; फिर उसके गले पर बायाँ पैर रखकर, एक छुरी लेकर,

श्लोक 44 (skanda.1.95.44)

दक्षिणेन करेणास्याश्छेत्तुमैच्छत नासिकाम्॥ विस्फुरंती ततो मौर्वी मंदमाह घटोत्कचम्

dakṣiṇena kareṇāsyāśchettumaicchata nāsikām|| visphuraṁtī tato maurvī maṁdamāha ghaṭotkacam

दाहिने हाथ से उसकी नाक काटने का प्रयत्न करने लगे। तब काँपती हुई माउर्वी ने घटोत्कच से धीरे से कहा -

श्लोक 45 (skanda.1.95.45)

प्रश्नेन शक्त्या च बलेन नाथ त्रिधा त्वयाहं विजिता नमस्ते ॥ तन्मुंच मां कर्मकरी तवास्मि समादिश त्वं प्रकरोमि तच्च

praśnena śaktyā ca balena nātha tridhā tvayāhaṁ vijitā namaste || tanmuṁca māṁ karmakarī tavāsmi samādiśa tvaṁ prakaromi tacca

"हे नाथ! प्रश्न से, शक्ति से और बल से - इन तीनों प्रकार से आपने मुझे जीत लिया है, आपको नमस्कार है! मुझे छोड़ दीजिए, मैं आपकी सेविका हूँ - आज्ञा दीजिए, मैं वही करूँगी।"

श्लोक 46 (skanda.1.95.46)

॥घटोत्कच उवाच॥ यद्येवं तर्हि मुक्तासि भूयो दर्शय यद्बलम् ॥ एवमुक्त्वा मुमोचैनां मुक्ता चाह प्रणम्य सा

||ghaṭotkaca uvāca|| yadyevaṁ tarhi muktāsi bhūyo darśaya yadbalam || evamuktvā mumocaināṁ muktā cāha praṇamya sā

घटोत्कच ने कहा - "यदि ऐसा है तो तुम मुक्त हो; अब पुनः अपना बल दिखाओ।" ऐसा कहकर उसने उसे छोड़ दिया, और मुक्त होकर उसने प्रणाम करते हुए कहा -

श्लोक 47 (skanda.1.95.47)

जानामि त्वां महाबाहो वीरं शक्तिमतां वरम् ॥ सर्वराक्षसभर्तारं त्रैलोक्येऽमितविक्रमम्

jānāmi tvāṁ mahābāho vīraṁ śaktimatāṁ varam || sarvarākṣasabhartāraṁ trailokye'mitavikramam

"हे महाबाहो! मैं आपको जानती हूँ - शक्तिशालियों में श्रेष्ठ वीर, समस्त राक्षसों के स्वामी, तीनों लोकों में अपार पराक्रम वाले।

श्लोक 48 (skanda.1.95.48)

गुह्यकाधिपतिस्त्वं हि कालनाभ इति स्मृतः ॥ षष्टिकोटिपतिर्जातो यक्षरक्षाकृते भुवि

guhyakādhipatistvaṁ hi kālanābha iti smṛtaḥ || ṣaṣṭikoṭipatirjāto yakṣarakṣākṛte bhuvi

आप ही गुह्यकों के अधिपति हैं, जो कालनाभ के नाम से विख्यात हैं, यक्षों की रक्षा के लिए पृथ्वी पर साठ करोड़ के स्वामी बनकर उत्पन्न हुए हैं।

श्लोक 49 (skanda.1.95.49)

इति मां प्राह कामाख्या सर्वं तत्संस्मराम्यहम् ॥ इदं गेहं सानुगं मे दत्तं मयात्मना तव

iti māṁ prāha kāmākhyā sarvaṁ tatsaṁsmarāmyaham || idaṁ gehaṁ sānugaṁ me dattaṁ mayātmanā tava

यह मुझसे कामाख्या ने कहा था - मुझे वह सब याद आ गया है। यह घर, अपने अनुचरों सहित, मैं स्वयं अपने को भी आपको समर्पित करती हूँ -

श्लोक 50 (skanda.1.95.50)

समादिश प्राणनाथ कमादेशं करोमि ते ॥ ॥घटोत्कच उवाच॥ प्रच्छन्नस्तस्य घटते न विवाहः कथंचन

samādiśa prāṇanātha kamādeśaṁ karomi te || ||ghaṭotkaca uvāca|| pracchannastasya ghaṭate na vivāhaḥ kathaṁcana

आज्ञा दीजिए, हे प्राणनाथ! मैं जो भी आप कहेंगे, वही करूँगी।" घटोत्कच ने कहा - "इस प्रकार का विवाह किसी भी प्रकार गुप्त रूप से सम्पन्न नहीं हो सकता।

श्लोक 51 (skanda.1.95.51)

मोर्वि यस्य हि वर्तंते पितरौ बांधवास्तथा ॥ तन्मां शीघ्रं वह शुभे शक्रप्रस्थाय संप्रति

morvi yasya hi vartaṁte pitarau bāṁdhavāstathā || tanmāṁ śīghraṁ vaha śubhe śakraprasthāya saṁprati

हे माउर्वी! जिसके माता-पिता और बंधु-बांधव जीवित हों, उसके लिए ऐसा उचित नहीं। अतः हे शुभे! अब मुझे शीघ्र शक्रप्रस्थ ले चलो।

श्लोक 52 (skanda.1.95.52)

अयं कुलक्रमोऽस्माकं यद्भार्या पतिमुद्वहेत् ॥ तत्रानुज्ञां समासाद्य परिणेष्यामि त्वामहम्

ayaṁ kulakramo'smākaṁ yadbhāryā patimudvahet || tatrānujñāṁ samāsādya pariṇeṣyāmi tvāmaham

हमारे कुल की यह परम्परा है कि पत्नी [परिवार की अनुमति से] पति का वरण करे। वहाँ अनुमति प्राप्त करके ही मैं तुम्हारा पाणिग्रहण करूँगा।"

श्लोक 53 (skanda.1.95.53)

भगदत्तमथो नाथं ततो मौर्वी न्यवेदयत् ॥ समादाय बहुद्रव्यं विससर्जाथ भ्रातरम्

bhagadattamatho nāthaṁ tato maurvī nyavedayat || samādāya bahudravyaṁ visasarjātha bhrātaram

तब माउर्वी ने अपने स्वामी भगदत्त को यह सूचित किया, और बहुत धन लेकर अपने भाई से विदा ली।

श्लोक 54 (skanda.1.95.54)

ततः पृष्ठिं समारोप्य घटोत्कचमनिंदिता ॥ नानाद्रव्यपरीवारा शक्रप्रस्थं समाव्रजत्

tataḥ pṛṣṭhiṁ samāropya ghaṭotkacamaniṁditā || nānādravyaparīvārā śakraprasthaṁ samāvrajat

फिर उस निर्दोष स्त्री ने घटोत्कच को अपनी पीठ पर बिठाकर, अनेक प्रकार की सम्पत्ति के साथ, शक्रप्रस्थ की ओर प्रस्थान किया।

श्लोक 55 (skanda.1.95.55)

ततोऽसौ वासुदेवेन पांडवैश्चाभिनंदितः ॥ शुभे लग्ने पाणिमस्या जगृहे भीमनंदनः

tato'sau vāsudevena pāṁḍavaiścābhinaṁditaḥ || śubhe lagne pāṇimasyā jagṛhe bhīmanaṁdanaḥ

वहाँ वासुदेव तथा पांडवों के द्वारा उनका स्वागत हुआ, और शुभ लग्न में भीमनंदन ने उसका पाणिग्रहण किया।

श्लोक 56 (skanda.1.95.56)

कुरूणां राक्षसानां च प्रोक्तोत्तमविधानतः ॥ उद्वाह्य तां तद्धनैश्च तर्पयामास पांडवान्

kurūṇāṁ rākṣasānāṁ ca proktottamavidhānataḥ || udvāhya tāṁ taddhanaiśca tarpayāmāsa pāṁḍavān

कुरुओं और राक्षसों दोनों की उत्तम विधियों के अनुसार उससे विवाह करके उन्होंने उसके धन से पांडवों को भी तृप्त किया।

श्लोक 57 (skanda.1.95.57)

कुंती च द्रौपदी चोभे मुमुदाते नितांततः ॥ मंगलान्यस्य चक्राते मौर्व्याश्च धन तर्पिते

kuṁtī ca draupadī cobhe mumudāte nitāṁtataḥ || maṁgalānyasya cakrāte maurvyāśca dhana tarpite

कुंती और द्रौपदी दोनों अत्यंत आनंदित हुईं; उन्होंने उसके मंगल-कार्य सम्पन्न किए, तथा माउर्वी के धन से संतुष्ट हुईं।

श्लोक 58 (skanda.1.95.58)

ततो विवाहे निर्वृत्ते प्रतिपूज्य घटोत्कचम् ॥ भार्यया सहितं राजा स्वराज्याय समादिशत्

tato vivāhe nirvṛtte pratipūjya ghaṭotkacam || bhāryayā sahitaṁ rājā svarājyāya samādiśat

तब विवाह सम्पन्न होने पर, घटोत्कच का समुचित सम्मान करके, राजा ने उन्हें पत्नी सहित अपने राज्य के लिए विदा किया।

श्लोक 59 (skanda.1.95.59)

मौर्व्याऽऽज्ञां शिरसा गृह्य हैडंबिर्भार्ययान्वितः ॥ शुभं हिडम्बस्य वने स्वराज्यं समुपाव्रजत्

maurvyā''jñāṁ śirasā gṛhya haiḍaṁbirbhāryayānvitaḥ || śubhaṁ hiḍambasya vane svarājyaṁ samupāvrajat

माउर्वी के विषय में दी गई आज्ञा को शिरोधार्य कर, हैडिम्बि अपनी पत्नी सहित हिडिम्ब के शुभ वन में अपने राज्य को लौट आए।

श्लोक 60 (skanda.1.95.60)

ततो राक्षसयोषाभिर्वीरकांस्यैः प्रवर्धितः॥ महोत्सवेन महता स्वराज्ये प्रमुमोद सः

tato rākṣasayoṣābhirvīrakāṁsyaiḥ pravardhitaḥ|| mahotsavena mahatā svarājye pramumoda saḥ

वहाँ राक्षस-स्त्रियों के द्वारा वीरोचित कांस्य-वाद्यों से उनका स्वागत किया गया, और वे अपने राज्य में एक महान उत्सव के साथ आनंदित हुए।

श्लोक 61 (skanda.1.95.61)

ततो वनेषु चित्रेषु निम्नगापुलिनेषु च ॥ रेमे सह तया भैमिर्मंदोदर्येव रावणः

tato vaneṣu citreṣu nimnagāpulineṣu ca || reme saha tayā bhaimirmaṁdodaryeva rāvaṇaḥ

तब विचित्र वनों में तथा नदियों के तटों पर, भीम-पौत्र उसके साथ क्रीड़ा करने लगे, जैसे रावण मंदोदरी के साथ करता था।

श्लोक 62 (skanda.1.95.62)

एवं विक्रीडतस्तस्य गर्भो जज्ञे महाद्युतेः॥ हेडंबै राक्षसव्याघ्राद्बालसूर्यसमप्रभः

evaṁ vikrīḍatastasya garbho jajñe mahādyuteḥ|| heḍaṁbai rākṣasavyāghrādbālasūryasamaprabhaḥ

इस प्रकार क्रीड़ा करते हुए उस महातेजस्वी को हिडिम्बा से - उस राक्षस-श्रेष्ठ से - एक बालसूर्य के समान तेजस्वी गर्भ उत्पन्न हुआ।

श्लोक 63 (skanda.1.95.63)

स जातमात्रो ववृधे क्षणाद्यौवनगोऽभवत् ॥ नीलमेघचयप्रख्यो घटास्यो दीर्घलोचनः

sa jātamātro vavṛdhe kṣaṇādyauvanago'bhavat || nīlameghacayaprakhyo ghaṭāsyo dīrghalocanaḥ

वह जन्म लेते ही बढ़ने लगा और क्षणभर में यौवन को प्राप्त हो गया - नीले मेघों के समूह के समान वर्ण वाला, घट-सदृश मुख वाला, दीर्घ नेत्रों वाला,

श्लोक 64 (skanda.1.95.64)

ऊर्ध्वकेशश्चोर्ध्वरोमा पितरौ प्रणतोऽब्रवीत् ॥ प्रणमामि युवां चोभौ जातस्य पितरौ गुरू

ūrdhvakeśaścordhvaromā pitarau praṇato'bravīt || praṇamāmi yuvāṁ cobhau jātasya pitarau gurū

ऊर्ध्व केश और ऊर्ध्व रोम वाला वह अपने माता-पिता को प्रणाम कर बोला - "मैं आप दोनों को प्रणाम करता हूँ - अभी जन्मे इस बालक के माता-पिता और गुरु।

श्लोक 65 (skanda.1.95.65)

भवतोर्हि प्रियं कृत्वा अनृणः स्यां सदा ह्यहम् ॥ भवद्भ्यां दत्तमिच्छामि अभिधानं यथात्मनः

bhavatorhi priyaṁ kṛtvā anṛṇaḥ syāṁ sadā hyaham || bhavadbhyāṁ dattamicchāmi abhidhānaṁ yathātmanaḥ

आप दोनों की प्रसन्नता करते हुए मैं सदा ऋणमुक्त रहूँ। मैं चाहता हूँ कि आप दोनों मुझे मेरा नाम प्रदान करें।

श्लोक 66 (skanda.1.95.66)

अतः परं तु यच्छ्रेयं कर्तव्यं प्रोन्नतिप्रदम्॥ ततो भेमिस्तमालिंग्य पुत्रं वचनमब्रवीत्

ataḥ paraṁ tu yacchreyaṁ kartavyaṁ pronnatipradam|| tato bhemistamāliṁgya putraṁ vacanamabravīt

और इसके अतिरिक्त, जो भी मेरे लिए परम श्रेय और उन्नतिकारी कर्तव्य हो, वह भी मुझे बताइए।" तब भीम-पौत्र ने अपने पुत्र को आलिंगन कर यह वचन कहा -

श्लोक 67 (skanda.1.95.67)

बर्बराकारकेशत्वाद्बर्बरीकाभिधो भवान् ॥ भविष्यति महाबाहो कुलस्यानन्दवर्धनः

barbarākārakeśatvādbarbarīkābhidho bhavān || bhaviṣyati mahābāho kulasyānandavardhanaḥ

"तुम्हारे केश 'बर्बर' शैली के होने के कारण तुम्हारा नाम 'बर्बरीक' होगा; और हे महाबाहो! तुम अपने कुल के आनंद को बढ़ाने वाले बनोगे।

श्लोक 68 (skanda.1.95.68)

श्रेयश्च ते यत्परमं दृढं च तत्कीर्त्यते बहुधा विप्र मुख्यैः ॥ प्रक्ष्यावहे तद्यदुवंशनाथं गत्वा पुरीं द्वारकां वासुदेवम्

śreyaśca te yatparamaṁ dṛḍhaṁ ca tatkīrtyate bahudhā vipra mukhyaiḥ || prakṣyāvahe tadyaduvaṁśanāthaṁ gatvā purīṁ dvārakāṁ vāsudevam

और तुम्हारे लिए जो परम एवं दृढ़ श्रेय है, जिसे श्रेष्ठ ब्राह्मणों द्वारा बहुत प्रकार से बताया जाता है - वह हम द्वारका नगरी जाकर यदुवंश के स्वामी वासुदेव से पूछेंगे।"