भर्तृयज्ञकृत-यज्ञविधान एवं मुनि-गोत्र-वर्णन

श्लोक 1 (skanda.6.115.1)

त्रिजातो ब्राह्मणस्तत्र किन्नामा कस्य सम्भवः। किंगोत्रश्चैव किंसंज्ञः कीर्तयस्व महामते

trijāto brāhmaṇastatra kinnāmā kasya sambhavaḥ kiṁgotraścaiva kiṁsaṁjñaḥ kīrtayasva mahāmate

उस त्रिजातक ब्राह्मण का नाम क्या था, वह किसका पुत्र था? किस गोत्र का और किस संज्ञा वाला था? हे महामते! यह हमें बताइए।

श्लोक 2 (skanda.6.115.2)

किं कुलीनैर्गुणाढ्यैर्वा तेजोविद्याविचक्षणैः। त्रिजातोऽपि वरं सोऽपि स्वं स्थानं येन चोद्धृतम्

kiṁ kulīnairguṇāḍhyairvā tejovidyāvicakṣaṇaiḥ trijāto'pi varaṁ so'pi svaṁ sthānaṁ yena coddhṛtam

कुलीन और गुणवान अथवा तेज तथा विद्या में निपुण होने से क्या लाभ, जब त्रिजातक होते हुए भी उसने वर पाकर अपने स्थान का उद्धार कर दिया?

श्लोक 3 (skanda.6.115.3)

सूत उवाच। सांकृत्यस्य मुनेर्वंशे स संभूतो द्विजोत्तमः। प्रभाव इति विख्यातो दत्तसंज्ञो निमेः सुतः

sūta uvāca sāṁkṛtyasya munervaṁśe sa saṁbhūto dvijottamaḥ prabhāva iti vikhyāto dattasaṁjño nimeḥ sutaḥ

सूत जी ने कहा — वह श्रेष्ठ द्विज सांकृत्य मुनि के वंश में उत्पन्न हुआ था; वह प्रभाव नाम से विख्यात, दत्त संज्ञा वाला, निमि का पुत्र था।

श्लोक 4 (skanda.6.115.4)

स एवं स्थानमुद्धृत्य चकारायतनं शुभम्। त्रिजातेश्वरनाम्ना च देवदेवस्य शूलिनः

sa evaṁ sthānamuddhṛtya cakārāyatanaṁ śubham trijāteśvaranāmnā ca devadevasya śūlinaḥ

इस प्रकार उस स्थान का उद्धार करके, उसने त्रिजातेश्वर नाम से त्रिशूलधारी देवदेव का एक शुभ मंदिर बनवाया।

श्लोक 5 (skanda.6.115.5)

तमाराध्य दिवा नक्तं सम्यक्छ्रद्धासमन्वितः। सशरीरो गतः स्वर्गं ततः कालेन केनचित्

tamārādhya divā naktaṁ samyakchraddhāsamanvitaḥ saśarīro gataḥ svargaṁ tataḥ kālena kenacit

उचित श्रद्धा से युक्त होकर दिन-रात उसकी आराधना करके, वह कुछ समय पश्चात् अपने शरीर सहित स्वर्ग को चला गया।

श्लोक 6 (skanda.6.115.6)

यस्तं पश्यति सद्भक्त्या स्नापयेद्विषुवे सदा। न त्रिजातः कुले तस्य कथञ्चिदपि जायते

yastaṁ paśyati sadbhaktyā snāpayedviṣuve sadā na trijātaḥ kule tasya kathañcidapi jāyate

जो कोई सद्भक्ति से उसका दर्शन करता है और सदा विषुव के समय उसका स्नान कराता है, उसके कुल में कभी भी कोई त्रिजातक उत्पन्न नहीं होता।

श्लोक 7 (skanda.6.115.7)

ऋषय ऊचुः। यानि गोत्राणि नष्टानि यानि संस्थापितानि च। नामतस्तानि नो ब्रूहि तत्पुरं सूत नन्दन

ṛṣaya ūcuḥ yāni gotrāṇi naṣṭāni yāni saṁsthāpitāni ca nāmatastāni no brūhi tatpuraṁ sūta nandana

ऋषियों ने कहा — हे सूतनंदन! जो गोत्र नष्ट हुए और जो उस नगर में स्थापित हुए, उन्हें हमें नामपूर्वक बताइए।

श्लोक 8 (skanda.6.115.8)

सूत उवाच। तत्रोपमन्युगोत्रा ये क्रौंचगोत्रसमुद्भवाः। कैशोर्यं गोत्रसंभूतास्त्रैवणेया द्विजोत्तम

sūta uvāca tatropamanyugotrā ye krauṁcagotrasamudbhavāḥ kaiśoryaṁ gotrasaṁbhūtāstraivaṇeyā dvijottama

सूत जी ने कहा — हे द्विजोत्तम! वहाँ उपमन्यु-गोत्र के, क्रौंच-गोत्र से उत्पन्न, कैशोर्य-गोत्र से उत्पन्न, तथा त्रैवणेय — ये चार गोत्र थे...

श्लोक 9 (skanda.6.115.9)

ते भूयोऽपि न संप्राप्ता यथा गोत्रचतुष्टयम्। तत्पूर्वकं शुकादीनां यन्नष्टं नागजाद्भयात्

te bhūyo'pi na saṁprāptā yathā gotracatuṣṭayam tatpūrvakaṁ śukādīnāṁ yannaṣṭaṁ nāgajādbhayāt

...ये गोत्र-चतुष्टय, जो पहले सर्पभय के कारण शुक आदि सहित नष्ट हो गए थे, फिर कभी वापस नहीं आए।

श्लोक 10 (skanda.6.115.10)

शेषान्वः संप्रवक्ष्यामि ब्राह्मणान्गोत्रसंभवान्। कौशिकान्वयसंभूताः षड्विंशतिश्च ते स्मृताः

śeṣānvaḥ saṁpravakṣyāmi brāhmaṇāngotrasaṁbhavān kauśikānvayasaṁbhūtāḥ ṣaḍviṁśatiśca te smṛtāḥ

अब मैं आपको शेष गोत्रों से उत्पन्न ब्राह्मणों के विषय में बताता हूँ — कौशिक वंश में उत्पन्न वे छब्बीस स्मरण किए गए हैं।

श्लोक 11 (skanda.6.115.11)

कश्यपान्वयसंभूताः सप्ताशीतिर्द्विजोत्तमाः। लक्ष्मणान्वयसंभूता एकविंशतिरागताः

kaśyapānvayasaṁbhūtāḥ saptāśītirdvijottamāḥ lakṣmaṇānvayasaṁbhūtā ekaviṁśatirāgatāḥ

कश्यप वंश में उत्पन्न सत्तासी श्रेष्ठ द्विज थे; लक्ष्मण वंश में उत्पन्न इक्कीस वहाँ आए थे।

श्लोक 12 (skanda.6.115.12)

तत्र नष्टाः पुनः प्राप्तास्तस्मिन्स्थाने सुदुःखिताः। भारद्वाजास्त्रयः प्राप्ताः कौंडनीयाश्चतुर्दश

tatra naṣṭāḥ punaḥ prāptāstasminsthāne suduḥkhitāḥ bhāradvājāstrayaḥ prāptāḥ kauṁḍanīyāścaturdaśa

वहाँ जो नष्ट हो गए थे, वे अत्यंत दुःखी होकर पुनः उस स्थान को प्राप्त हुए — भारद्वाज तीन प्राप्त हुए, कौंडिन्य चौदह।

श्लोक 13 (skanda.6.115.13)

रैतिकानां तथा विंशत्पाराशर्याष्टकं तथा। गर्गाणां च द्विविंशं च हारीतानां विविंशतिः

raitikānāṁ tathā viṁśatpārāśaryāṣṭakaṁ tathā gargāṇāṁ ca dviviṁśaṁ ca hārītānāṁ viviṁśatiḥ

रैतिकों के बीस, पाराशर्यों के आठ, गर्गों के बाईस, तथा हारीतों के बीस।

श्लोक 14 (skanda.6.115.14)

और्वभार्गवगोत्राणां पञ्चविंशदुदाहृताः। गौतमानां च षड्विंशमालूभायनविंशतिः

aurvabhārgavagotrāṇāṁ pañcaviṁśadudāhṛtāḥ gautamānāṁ ca ṣaḍviṁśamālūbhāyanaviṁśatiḥ

और्व-भार्गव गोत्र के पच्चीस कहे गए हैं, गौतमों के छब्बीस, और आलूभायनों के बीस।

श्लोक 15 (skanda.6.115.15)

मांडव्यानां त्रिविंशच्च बह्वृचानां त्रिविंशतिः। सांकृत्यानां विशिष्टानां पृथक्त्वेन दशैव तु

māṁḍavyānāṁ triviṁśacca bahvṛcānāṁ triviṁśatiḥ sāṁkṛtyānāṁ viśiṣṭānāṁ pṛthaktvena daśaiva tu

मांडव्यों के तेईस, बह्वृचों के तेईस, तथा विशिष्ट सांकृत्यों के पृथक् रूप से केवल दस।

श्लोक 16 (skanda.6.115.16)

तथैवांगिरसानां च पंच चैव प्रकीर्तिताः। आत्रेया दश संख्याताः शुक्लात्रेयास्तथैव च

tathaivāṁgirasānāṁ ca paṁca caiva prakīrtitāḥ ātreyā daśa saṁkhyātāḥ śuklātreyāstathaiva ca

वैसे ही आंगिरसों के पाँच कहे गए हैं; आत्रेय दस गिने गए हैं, और वैसे ही शुक्लात्रेय भी।

श्लोक 17 (skanda.6.115.17)

वात्स्याः पञ्च समाख्याताः कौत्साश्च नव सप्त वै। शांडिल्या भार्गवाः पञ्च मौद्गल्या विंशतिः स्मृताः

vātsyāḥ pañca samākhyātāḥ kautsāśca nava sapta vai śāṁḍilyā bhārgavāḥ pañca maudgalyā viṁśatiḥ smṛtāḥ

वात्स्य पाँच कहे गए हैं, कौत्स नौ और सात; शांडिल्य-भार्गव पाँच, और मौद्गल्य बीस स्मरण किए गए हैं।

श्लोक 18 (skanda.6.115.18)

बौधायनाः कौशलाश्च त्रिंशन्मात्राः प्रकीर्तिताः। अथर्वाः पंचपंचाशन्मौनसाः सप्तसप्ततिः

baudhāyanāḥ kauśalāśca triṁśanmātrāḥ prakīrtitāḥ atharvāḥ paṁcapaṁcāśanmaunasāḥ saptasaptatiḥ

बौधायन और कौशल मिलकर तीस कहे गए हैं; अथर्व पचपन, और मौनस सतहत्तर।

श्लोक 19 (skanda.6.115.19)

याजुषास्त्रिंशतिः ख्याताश्च्यावनाः सप्त विंशतिः। आगस्त्याश्च त्रयस्त्रिंशज्जैमिनेया दशैव तु

yājuṣāstriṁśatiḥ khyātāścyāvanāḥ sapta viṁśatiḥ āgastyāśca trayastriṁśajjaimineyā daśaiva tu

याजुष तीस कहे गए हैं, च्यावन सत्ताईस; आगस्त्य तैंतीस, और जैमिनेय केवल दस।

श्लोक 20 (skanda.6.115.20)

नैवृताः पंचपंचाशत्पाठीनाः सप्ततिर्द्विजाः। गोभिलाश्चापि काक्वाश्च पंचपंच द्विजाः स्मृताः

naivṛtāḥ paṁcapaṁcāśatpāṭhīnāḥ saptatirdvijāḥ gobhilāścāpi kākvāśca paṁcapaṁca dvijāḥ smṛtāḥ

नैवृत पचपन, पाठीन सत्तर द्विज; गोभिल और काक्व — दोनों पाँच-पाँच द्विज स्मरण किए गए हैं।

श्लोक 21 (skanda.6.115.21)

औशनसाश्च दाशार्हास्त्रयस्त्रय उदाहृताः। लोकाख्यानां तथा षष्टिरैणिशानां द्विसप्ततिः

auśanasāśca dāśārhāstrayastraya udāhṛtāḥ lokākhyānāṁ tathā ṣaṣṭiraiṇiśānāṁ dvisaptatiḥ

औशनस और दाशार्ह दोनों तीन-तीन कहे गए हैं; वैसे ही लोकाख्य साठ, और ऐणिश बहत्तर।

श्लोक 22 (skanda.6.115.22)

कापिष्ठलाः शार्कराख्या दत्ताख्याः सप्तसप्ततिः। शार्कवानां शतं प्रोक्तं दार्ज्यानां सप्तसप्ततिः

kāpiṣṭhalāḥ śārkarākhyā dattākhyāḥ saptasaptatiḥ śārkavānāṁ śataṁ proktaṁ dārjyānāṁ saptasaptatiḥ

कापिष्ठल, शार्कराख्य और दत्ताख्य मिलकर सतहत्तर; शार्कवों के सौ कहे गए हैं, और दार्ज्यों के सतहत्तर।

श्लोक 23 (skanda.6.115.23)

कात्यायन्यास्त्रयोऽधिष्ठा वैदिशाश्च त्रयः स्मृताः। कृष्णात्रेयास्तथा पंच दत्तात्रेयास्तथैव च

kātyāyanyāstrayo'dhiṣṭhā vaidiśāśca trayaḥ smṛtāḥ kṛṣṇātreyāstathā paṁca dattātreyāstathaiva ca

अधिष्ठित कात्यायन्य तीन, और वैदिश भी तीन स्मरण किए गए हैं; वैसे ही कृष्णात्रेय पाँच, और दत्तात्रेय भी।

श्लोक 24 (skanda.6.115.24)

नारायणाः शौनकेया जाबालाः शतसंख्यया। गोपाला जामदन्याश्च शालिहोत्राश्च कर्णिकाः

nārāyaṇāḥ śaunakeyā jābālāḥ śatasaṁkhyayā gopālā jāmadanyāśca śālihotrāśca karṇikāḥ

नारायण, शौनकेय और जाबाल सौ की संख्या में थे; और गोपाल, जामदग्न्य, शालिहोत्र तथा कर्णिक भी।

श्लोक 25 (skanda.6.115.25)

भागुरायणकाश्चैव मातृकास्त्रैणवास्तथा। सर्वे ते ब्राह्मणश्रेष्ठाः क्रमेण द्विजसत्तमाः

bhāgurāyaṇakāścaiva mātṛkāstraiṇavāstathā sarve te brāhmaṇaśreṣṭhāḥ krameṇa dvijasattamāḥ

भागुरायणक, मातृक और वैसे ही त्रैणव — ये सब श्रेष्ठ ब्राह्मण, यथाक्रम श्रेष्ठ द्विज थे।

श्लोक 26 (skanda.6.115.26)

एतेषामेव सर्वेषां सत्काराय द्विजोत्तमाः। चत्वारिंशत्तथाष्टौ च पुरा प्रोक्ताः स्वयंभुवा

eteṣāmeva sarveṣāṁ satkārāya dvijottamāḥ catvāriṁśattathāṣṭau ca purā proktāḥ svayaṁbhuvā

हे द्विजोत्तमो! इन सभी के सम्मान के लिए, पूर्वकाल में स्वयंभू ब्रह्मा द्वारा अड़तालीस विधान बताए गए थे।

श्लोक 27 (skanda.6.115.27)

ते सर्वे च पृथक्त्वेन निर्दिष्टाः पद्मयोनिना। संध्यातर्पणकृत्यानि वैश्वदेवोद्भवानि च। श्राद्धानि पक्षकृत्यानि पितृपिंडांस्तथैव च

te sarve ca pṛthaktvena nirdiṣṭāḥ padmayoninā saṁdhyātarpaṇakṛtyāni vaiśvadevodbhavāni ca śrāddhāni pakṣakṛtyāni pitṛpiṁḍāṁstathaiva ca

वे सभी पद्मयोनि (ब्रह्मा) द्वारा पृथक्-पृथक् निर्दिष्ट किए गए — संध्या-तर्पण के कृत्य, वैश्वदेव से संबंधित कृत्य, श्राद्ध, पाक्षिक कृत्य, तथा पितृ-पिंडदान भी।

श्लोक 28 (skanda.6.115.28)

यज्ञोपवीतसंयुक्ताः प्रवराश्चैव कृत्स्नशः। तथा मौंजीविशेषाश्च शिखाभेदाः प्रकीर्तिताः

yajñopavītasaṁyuktāḥ pravarāścaiva kṛtsnaśaḥ tathā mauṁjīviśeṣāśca śikhābhedāḥ prakīrtitāḥ

यज्ञोपवीत से संबंधित नियम, संपूर्ण प्रवर, तथा मौंजी (मेखला) की विशेषताएँ और शिखा के भेद भी बताए गए।

श्लोक 29 (skanda.6.115.29)

त्रिजातेन समाराध्य देवदेवं पितामहम्। तेषां कृत्वा द्विजेंद्राणामात्मकीर्तिकृते तदा

trijātena samārādhya devadevaṁ pitāmaham teṣāṁ kṛtvā dvijeṁdrāṇāmātmakīrtikṛte tadā

त्रिजात ने देवदेव पितामह की भलीभाँति आराधना करके, अपनी कीर्ति के लिए उन श्रेष्ठ द्विजों के लिए यह सब व्यवस्था करवाई।

श्लोक 30 (skanda.6.115.30)

ऋषय ऊचुः। कथं सन्तोषितो ब्रह्मा त्रिजातेन महात्मना। कर्मकांडं कथं भिन्नं कृतं तेन महात्मना। सर्वं विस्तरतो ब्रूहि परं कौतूहलं हि नः

ṛṣaya ūcuḥ kathaṁ santoṣito brahmā trijātena mahātmanā karmakāṁḍaṁ kathaṁ bhinnaṁ kṛtaṁ tena mahātmanā sarvaṁ vistarato brūhi paraṁ kautūhalaṁ hi naḥ

ऋषियों ने कहा — उस महात्मा त्रिजात ने ब्रह्मा को किस प्रकार संतुष्ट किया, और उस महात्मा ने कर्मकांड को किस प्रकार पृथक् किया? यह सब हमें विस्तार से बताइए, क्योंकि हमें अत्यंत कौतूहल है।

श्लोक 31 (skanda.6.115.31)

सूत उवाच। तस्यार्थे ब्राह्मणैः सर्वैस्तोषितः प्रपितामहः। अनेनैवोद्धृतं स्थानमस्माकं सकलं विभो

sūta uvāca tasyārthe brāhmaṇaiḥ sarvaistoṣitaḥ prapitāmahaḥ anenaivoddhṛtaṁ sthānamasmākaṁ sakalaṁ vibho

सूत जी ने कहा — उसके लिए समस्त ब्राह्मणों ने प्रपितामह ब्रह्मा को संतुष्ट किया, (कहा) — "हे विभो! इसी के द्वारा हमारे संपूर्ण स्थान का उद्धार हुआ है।"

श्लोक 32 (skanda.6.115.32)

तस्मादस्य विभो यच्छ वेदज्ञानमनुतमम्। येन कर्मविशेषाश्च जायतेऽत्र पुरोत्तमे

tasmādasya vibho yaccha vedajñānamanutamam yena karmaviśeṣāśca jāyate'tra purottame

"अतः हे विभो! इसे अनुपम वेदज्ञान प्रदान कीजिए, जिससे इस श्रेष्ठ नगर में विशेष कर्मों की व्यवस्था हो सके।"

श्लोक 33 (skanda.6.115.33)

एतस्य च गुरुत्वं च प्रसादात्तव पद्मज। यथा भवति देवेश तया नीतिर्विधीयताम्

etasya ca gurutvaṁ ca prasādāttava padmaja yathā bhavati deveśa tayā nītirvidhīyatām

"हे पद्मज! आपकी कृपा से इसे गुरुत्व भी प्राप्त हो — हे देवेश! ऐसी ही व्यवस्था कीजिए।"

श्लोक 34 (skanda.6.115.34)

ब्रह्मा ददौ ततस्तस्य मंत्रग्राममनुत्तमम्। येन विज्ञायते सर्वं वेदार्थो यज्ञकर्म च

brahmā dadau tatastasya maṁtragrāmamanuttamam yena vijñāyate sarvaṁ vedārtho yajñakarma ca

तब ब्रह्मा ने उसे अनुपम मंत्र-समूह प्रदान किया, जिससे संपूर्ण वेदार्थ और यज्ञकर्म जाना जा सके।

श्लोक 35 (skanda.6.115.35)

ततः प्रोवाच तान्सर्वान्प्रहष्टेनांतरात्मना। एष वेदार्थसंपन्नो भविष्यति महायशाः

tataḥ provāca tānsarvānprahaṣṭenāṁtarātmanā eṣa vedārthasaṁpanno bhaviṣyati mahāyaśāḥ

फिर प्रसन्न अंतरात्मा से उन सबसे कहा — "यह वेदार्थ से संपन्न होकर महायशस्वी बनेगा।"

श्लोक 36 (skanda.6.115.36)

भर्तृयज्ञ इति ख्यातो यज्ञकर्मविचक्षणः। यदेव वक्ति युष्माकं क्रियाकांडमशंकितैः

bhartṛyajña iti khyāto yajñakarmavicakṣaṇaḥ yadeva vakti yuṣmākaṁ kriyākāṁḍamaśaṁkitaiḥ

"भर्तृयज्ञ नाम से विख्यात, यज्ञकर्म में निपुण यह जो भी क्रियाकांड तुम्हें बताए, उसे बिना संदेह किए स्वीकार करना।"

श्लोक 37 (skanda.6.115.37)

तत्कार्यं स्वर्गमोक्षाय मम वाक्यात्प्रबोधितैः। वेदार्थानेष सर्वेषां युष्माकं योजयिष्यति

tatkāryaṁ svargamokṣāya mama vākyātprabodhitaiḥ vedārthāneṣa sarveṣāṁ yuṣmākaṁ yojayiṣyati

"मेरे वचन से प्रबोधित होकर वह स्वर्ग और मोक्ष के लिए वही करणीय बताएगा; यह तुम सबको वेद के अर्थ में नियुक्त करेगा।"

श्लोक 38 (skanda.6.115.38)

ये चान्येषु च देशेषु स्थानेषु च गताः क्वचित्। एतत्स्थानं परित्यज्य सत्यमेतद्विजोत्तमाः

ye cānyeṣu ca deśeṣu sthāneṣu ca gatāḥ kvacit etatsthānaṁ parityajya satyametadvijottamāḥ

"हे द्विजोत्तमो! जो भी इस स्थान को छोड़कर अन्य देशों या स्थानों में कहीं भी चले गए हों, यह भी सत्य है..."

श्लोक 39 (skanda.6.115.39)

वेदस्थाने च बुद्ध्यैष यत्कर्म प्रचरिष्यति। नानृते वाथ पापे च वाणी चास्य चरिष्यति

vedasthāne ca buddhyaiṣa yatkarma pracariṣyati nānṛte vātha pāpe ca vāṇī cāsya cariṣyati

"...कि वेद के स्थान पर बुद्धिपूर्वक यह जो भी कर्म प्रवर्तित करेगा, उसकी वाणी कभी असत्य या पाप की ओर नहीं जाएगी।"

श्लोक 40 (skanda.6.115.40)

एवमुक्त्वा स देवेशो विरराम पितामहः। भर्तृयज्ञोऽपि ताः सर्वाश्चक्रे यज्ञक्रियाः शुभाः

evamuktvā sa deveśo virarāma pitāmahaḥ bhartṛyajño'pi tāḥ sarvāścakre yajñakriyāḥ śubhāḥ

ऐसा कहकर वे देवेश पितामह मौन हो गए; और भर्तृयज्ञ ने भी वे सभी शुभ यज्ञ-क्रियाएँ संपन्न कीं।

श्लोक 41 (skanda.6.115.41)

ब्राह्मणानां हितार्थाय श्रुत्यर्थं तस्य केवलम्। दशप्रमाणाः संप्रोक्ताः सर्वे ते ब्राह्मणोत्तमाः

brāhmaṇānāṁ hitārthāya śrutyarthaṁ tasya kevalam daśapramāṇāḥ saṁproktāḥ sarve te brāhmaṇottamāḥ

ब्राह्मणों के हित के लिए, केवल श्रुति के अर्थ हेतु, वे सभी श्रेष्ठ ब्राह्मण दस प्रमाणों वाले घोषित किए गए।

श्लोक 42 (skanda.6.115.42)

चतुःषष्टिषु गोत्रेषु ह्येवं ते ब्राह्मणोत्तमाः। तेन तत्र समानीतास्त्रिजातेन महात्मना

catuḥṣaṣṭiṣu gotreṣu hyevaṁ te brāhmaṇottamāḥ tena tatra samānītāstrijātena mahātmanā

इस प्रकार वे श्रेष्ठ ब्राह्मण चौंसठ गोत्रों में उस महात्मा त्रिजात के द्वारा वहाँ एकत्र किए गए।

श्लोक 43 (skanda.6.115.43)

तेषामेकत्र जातानि दशपंचशतानि च। सामान्यभोगमोक्षाणि तानि तेन कृतानि च

teṣāmekatra jātāni daśapaṁcaśatāni ca sāmānyabhogamokṣāṇi tāni tena kṛtāni ca

उनमें से एकत्र हुए पंद्रह सौ (परिवारों) को उसने समान भोग और मोक्ष वाला बना दिया।

श्लोक 44 (skanda.6.115.44)

अष्टषष्टिविभागेन पूर्वमायुव्ययोद्भवम्। तत्रासीदथ गोत्रे च पुरुषाणां प्रसंख्यया

aṣṭaṣaṣṭivibhāgena pūrvamāyuvyayodbhavam tatrāsīdatha gotre ca puruṣāṇāṁ prasaṁkhyayā

पहले अड़सठ विभागों के अनुसार आय-व्यय की व्यवस्था वहाँ प्रत्येक गोत्र में पुरुषों की गणना के अनुसार होती थी।

श्लोक 45 (skanda.6.115.45)

ततः प्रभृति सर्वेषां सामान्येन व्यवस्थितम्। त्रिजातस्य च वाक्येन येन दूरादपि द्रुतम्

tataḥ prabhṛti sarveṣāṁ sāmānyena vyavasthitam trijātasya ca vākyena yena dūrādapi drutam

तब से त्रिजात के वचन से सबके लिए समान व्यवस्था स्थापित हो गई, जिससे दूर से भी शीघ्रतापूर्वक...

श्लोक 46 (skanda.6.115.46)

समागच्छंति विप्रेन्द्राः पुरवृद्धिः प्रजायते। न कश्चिद्याति संत्यक्त्वा दौस्थ्यादन्यत्र च द्विजाः

samāgacchaṁti viprendrāḥ puravṛddhiḥ prajāyate na kaścidyāti saṁtyaktvā dausthyādanyatra ca dvijāḥ

...श्रेष्ठ ब्राह्मण वहाँ आने लगे, और नगर की वृद्धि होने लगी; कोई भी द्विज दुर्दशा के कारण छोड़कर अन्यत्र नहीं जाता था।

श्लोक 47 (skanda.6.115.47)

ततस्तेषां सुतैः पौत्रैर्नप्तृभिश्च सहस्रशः। दौहित्रैर्भागिनेयैश्च भूयो भूरि प्रपूरितम्

tatasteṣāṁ sutaiḥ pautrairnaptṛbhiśca sahasraśaḥ dauhitrairbhāgineyaiśca bhūyo bhūri prapūritam

फिर उनके पुत्रों, पौत्रों, हजारों वंशजों, दौहित्रों और भानजों से वह नगर बार-बार भरपूर हो गया।

श्लोक 48 (skanda.6.115.48)

तत्पुरं वृद्धिमायाति दूर्वांकुरैरिव द्विजाः। कांडात्कांडात्प्ररोहद्भिः संख्याहीनैरनेकधा

tatpuraṁ vṛddhimāyāti dūrvāṁkurairiva dvijāḥ kāṁḍātkāṁḍātprarohadbhiḥ saṁkhyāhīnairanekadhā

हे द्विजो! वह नगर, दूब के अंकुरों की भाँति, जो गाँठ-गाँठ से गिनती से परे अनेक रूपों में उगते हैं, वृद्धि को प्राप्त होता गया।

श्लोक 49 (skanda.6.115.49)

सूत उवाच। एतद्वः सर्वमाख्यातं गोत्रसंख्यानकं शुभम्। ऋषीणां कीर्तनं चापि सर्वपातकनाशनम्

sūta uvāca etadvaḥ sarvamākhyātaṁ gotrasaṁkhyānakaṁ śubham ṛṣīṇāṁ kīrtanaṁ cāpi sarvapātakanāśanam

सूत जी ने कहा — यह गोत्रों की शुभ गणना तथा ऋषियों का यह कीर्तन, जो सभी पापों का नाश करने वाला है, आपको संपूर्ण रूप से बता दिया गया।

श्लोक 50 (skanda.6.115.50)

यश्चैतत्पठते नित्यं शृणुयाद्वा प्रभक्तितः। न स्यात्तस्य कुलच्छेदः कदाचिदपि भूतले

yaścaitatpaṭhate nityaṁ śṛṇuyādvā prabhaktitaḥ na syāttasya kulacchedaḥ kadācidapi bhūtale

जो कोई नित्य इसका पाठ करता है अथवा अत्यंत भक्तिपूर्वक इसे सुनता है, इस पृथ्वी पर उसके कुल का उच्छेद कभी नहीं होता।

श्लोक 51 (skanda.6.115.51)

तथा विमुच्यते पापैराजन्ममरणोद्भवैः। न पश्यति वियोगं च कदाचित्प्रियसंभवम्

tathā vimucyate pāpairājanmamaraṇodbhavaiḥ na paśyati viyogaṁ ca kadācitpriyasaṁbhavam

वह जन्म से लेकर मरण तक उत्पन्न पापों से भी मुक्त हो जाता है, और अपने प्रियजनों से वियोग कभी नहीं देखता।