त्रिशंकु की कथा

श्लोक 1 (skanda.6.2.1)

सूत उवाच। तस्मिन्नुत्पाटिते लिंगे भूतलाद्द्विजसत्तमाः। पातालाज्जाह्नवीतोयं तेन मार्गेण निःसृतम्। सर्वपापहरं नॄणां सर्वकामप्रदायकम्

sūta uvāca| tasminnutpāṭite liṁge bhūtalāddvijasattamāḥ| pātālājjāhnavītoyaṁ tena mārgeṇa niḥsṛtam| sarvapāpaharaṁ nṝṇāṁ sarvakāmapradāyakam

सूत जी ने कहा — हे श्रेष्ठ द्विजो! जब वह लिंग पृथ्वी से उखड़ गया, तब उसी मार्ग से पाताल से गंगाजल निकल आया, जो मनुष्यों के समस्त पापों को हरने वाला और सभी कामनाओं को पूर्ण करने वाला है।

श्लोक 2 (skanda.6.2.2)

तत्र स्वयमभूत्पूर्वं यत्तद्द्विजवरोत्तमाः। शृणुध्वं वदतो मेऽद्य लोकविस्मयकारकम्

tatra svayamabhūtpūrvaṁ yattaddvijavarottamāḥ| śṛṇudhvaṁ vadato me'dya lokavismayakārakam

हे श्रेष्ठ द्विजो! वहाँ पूर्वकाल में स्वयं जो घटित हुआ, वह लोक को चकित कर देने वाली बात अब मुझसे कहते हुए सुनो।

श्लोक 3 (skanda.6.2.3)

त्रिशंकुर्नाम राजेंद्रश्चंडालत्वं समागतः। तत्र स्नातः पुनर्लेभे शरीरं पार्थिवोचितम्

triśaṁkurnāma rājeṁdraścaṁḍālatvaṁ samāgataḥ| tatra snātaḥ punarlebhe śarīraṁ pārthivocitam

त्रिशंकु नामक राजेंद्र चंडालत्व को प्राप्त हो गए थे; वहाँ स्नान करके उन्होंने पुनः राजोचित शरीर प्राप्त कर लिया।

श्लोक 4 (skanda.6.2.4)

ऋषयः ऊचुः। चंडालत्वं कथं प्राप्तस्त्रिशंकुर्नृपसत्तमः। एतत्त्वं सर्वमाचक्ष्व विस्तरात्सूतनन्दन

ṛṣayaḥ ūcuḥ| caṁḍālatvaṁ kathaṁ prāptastriśaṁkurnṛpasattamaḥ| etattvaṁ sarvamācakṣva vistarātsūtanandana

ऋषियों ने कहा — हे सूतनन्दन! राजाओं में श्रेष्ठ त्रिशंकु चंडालत्व को कैसे प्राप्त हुए? यह सब हमें विस्तार से बताइए।

श्लोक 5 (skanda.6.2.5)

सूत उवाच। अहं वः कीर्तयिष्यामि कथामेतां पुरातनीम्। सर्वपापहरां मेध्यां त्रिशंकुनृपसंभवाम्

sūta uvāca| ahaṁ vaḥ kīrtayiṣyāmi kathāmetāṁ purātanīm| sarvapāpaharāṁ medhyāṁ triśaṁkunṛpasaṁbhavām

सूत जी ने कहा — मैं तुम्हें यह प्राचीन कथा सुनाऊँगा, जो राजा त्रिशंकु से संबंधित है, पवित्र है और समस्त पापों को हरने वाली है।

श्लोक 6 (skanda.6.2.6)

सूर्यवंशोद्भवः पूर्वं त्रिशंकुरिति विश्रुतः। आसीत्पार्थिवशार्दूलः शार्दूलसमविक्रमः

sūryavaṁśodbhavaḥ pūrvaṁ triśaṁkuriti viśrutaḥ| āsītpārthivaśārdūlaḥ śārdūlasamavikramaḥ

प्राचीन काल में सूर्यवंश में उत्पन्न, त्रिशंकु नाम से विख्यात, सिंह के समान पराक्रमी, राजाओं में सिंह के समान एक राजा हुए थे।

श्लोक 7 (skanda.6.2.7)

वसिष्ठस्य मुनेः शिष्यो यज्वा दानपतिः प्रभुः। तेनेष्टं च मखैः सर्वैरग्निष्टोमादिभिः सदा

vasiṣṭhasya muneḥ śiṣyo yajvā dānapatiḥ prabhuḥ| teneṣṭaṁ ca makhaiḥ sarvairagniṣṭomādibhiḥ sadā

वे मुनि वसिष्ठ के शिष्य थे, यज्ञ करने वाले, दानपति और स्वामी थे। उन्होंने अग्निष्टोम आदि समस्त यज्ञों से सदा यजन किया।

श्लोक 8 (skanda.6.2.8)

संपूर्णदक्षिणैरेव वत्सरं वत्सरं प्रति। तथा दानानि सर्वाणि प्रदत्तानि महात्मना

saṁpūrṇadakṣiṇaireva vatsaraṁ vatsaraṁ prati| tathā dānāni sarvāṇi pradattāni mahātmanā

वर्ष-दर-वर्ष पूर्ण दक्षिणा सहित यज्ञ करते हुए, उस महात्मा ने समस्त प्रकार के दान भी दिए।

श्लोक 9 (skanda.6.2.9)

ब्राह्मणेभ्यो विशिष्टेभ्यो दीनेभ्यश्च विशेषतः। व्रतानि च प्रचीर्णानि रक्षिताः शरणागताः

brāhmaṇebhyo viśiṣṭebhyo dīnebhyaśca viśeṣataḥ| vratāni ca pracīrṇāni rakṣitāḥ śaraṇāgatāḥ

विशिष्ट ब्राह्मणों और विशेष रूप से दीनजनों को दान दिया गया; अनेक व्रत किए गए और शरण में आए हुओं की रक्षा की गई।

श्लोक 10 (skanda.6.2.10)

पुत्रवल्लालिता लोकाः शत्रवश्च निषूदिताः। भ्रांतानि भूतले यानि तीर्थान्यायतनानि च। तपस्विभ्यो यथाकामं यच्छता वांछितं धनम्

putravallālitā lokāḥ śatravaśca niṣūditāḥ| bhrāṁtāni bhūtale yāni tīrthānyāyatanāni ca| tapasvibhyo yathākāmaṁ yacchatā vāṁchitaṁ dhanam

प्रजा को पुत्रवत् पाला, शत्रुओं का नाश किया, पृथ्वी पर जितने भी तीर्थ और देवालय थे उन सबकी यात्रा की, और तपस्वियों को उनकी इच्छानुसार वांछित धन दिया।

श्लोक 11 (skanda.6.2.11)

कस्यचित्त्वथ कालस्य वसिष्ठो भगवान्मुनिः। तेन प्रोक्तः सभामध्ये संस्थितो नतिपूर्वकम्

kasyacittvatha kālasya vasiṣṭho bhagavānmuniḥ| tena proktaḥ sabhāmadhye saṁsthito natipūrvakam

किसी समय, सभा के मध्य खड़े होकर, उसने पहले प्रणाम करके भगवान मुनि वसिष्ठ से यह कहा।

श्लोक 12 (skanda.6.2.12)

त्रिशंकुरुवाच। भगवन्यष्टुमिच्छामि तेन यज्ञेन सांप्रतम्। गम्यते त्रिदिवं येन सशरीरेण सत्वरम्

triśaṁkuruvāca| bhagavanyaṣṭumicchāmi tena yajñena sāṁpratam| gamyate tridivaṁ yena saśarīreṇa satvaram

त्रिशंकु ने कहा — हे भगवन्! अब मैं उस यज्ञ से यजन करना चाहता हूँ, जिससे इसी शरीर सहित शीघ्र स्वर्ग को जाया जा सके।

श्लोक 13 (skanda.6.2.13)

तस्मात्कुरु प्रसादं मे संभारानाहर द्रुतम्। तस्य यज्ञस्य सिद्ध्यर्थं यथार्हान्ब्राह्मणांस्तथा

tasmātkuru prasādaṁ me saṁbhārānāhara drutam| tasya yajñasya siddhyarthaṁ yathārhānbrāhmaṇāṁstathā

अतः मुझ पर कृपा कीजिए और उस यज्ञ की सिद्धि के लिए शीघ्र सामग्री तथा योग्य ब्राह्मणों को भी बुलाइए।

श्लोक 14 (skanda.6.2.14)

वसिष्ठ उवाच। न स कश्चित्क्रतुर्येन गम्यते त्रिदिवं नृप। अनेनैव शरीरेण सत्यमेतद्ब्रवीम्यहम्

vasiṣṭha uvāca| na sa kaścitkraturyena gamyate tridivaṁ nṛpa| anenaiva śarīreṇa satyametadbravīmyaham

वसिष्ठ जी ने कहा — हे राजन्! ऐसा कोई यज्ञ नहीं है, जिससे इसी शरीर के साथ स्वर्ग जाया जा सके — यह मैं सत्य कहता हूँ।

श्लोक 15 (skanda.6.2.15)

अग्निष्टोमादयो यज्ञा ये प्रोक्ताः प्राक्स्वयंभुवा। अन्यदेहांतरे स्वर्गः प्राप्यते तैः कृतैर्नृप

agniṣṭomādayo yajñā ye proktāḥ prāksvayaṁbhuvā| anyadehāṁtare svargaḥ prāpyate taiḥ kṛtairnṛpa

हे राजन्! अग्निष्टोम आदि जो यज्ञ पूर्वकाल में स्वयंभू ब्रह्मा द्वारा बताए गए हैं, उन्हें करने से स्वर्ग तो दूसरे शरीर में ही प्राप्त होता है।

श्लोक 16 (skanda.6.2.16)

यदि वा पृथिवीपाल त्वया यज्ञप्रभावतः। पार्थिवो वा द्विजो वाथ वैश्यो वान्यतरोऽपि वा

yadi vā pṛthivīpāla tvayā yajñaprabhāvataḥ| pārthivo vā dvijo vātha vaiśyo vānyataro'pi vā

हे पृथिवीपाल! यदि आपने कभी किसी राजा, ब्राह्मण, वैश्य अथवा अन्य किसी को भी —

श्लोक 17 (skanda.6.2.17)

स्वयं दृष्टः श्रुतो वापि संजातोऽत्र धरातले। स्वर्गं गतः शरीरेण सहितस्तत्प्रकीर्तय

svayaṁ dṛṣṭaḥ śruto vāpi saṁjāto'tra dharātale| svargaṁ gataḥ śarīreṇa sahitastatprakīrtaya

— इस पृथ्वी पर जन्म लेकर, अपने ही शरीर सहित स्वर्ग जाते हुए स्वयं देखा या सुना हो, तो वह मुझे बताइए।

श्लोक 18 (skanda.6.2.18)

त्रिशंकुरुवाच। नासाध्यं विद्यते ब्रह्मंस्तवाहं वेद्मि तत्त्वतः। तस्मात्कुरु प्रसादं मे यथा स्यान्मनसेप्सितम्

triśaṁkuruvāca| nāsādhyaṁ vidyate brahmaṁstavāhaṁ vedmi tattvataḥ| tasmātkuru prasādaṁ me yathā syānmanasepsitam

त्रिशंकु ने कहा — हे ब्रह्मन्! मैं वास्तव में जानता हूँ कि आपके लिए कुछ भी असाध्य नहीं है। अतः मुझ पर कृपा कीजिए, जिससे मेरे मन की इच्छा पूर्ण हो।

श्लोक 19 (skanda.6.2.19)

वसिष्ठ उवाच। अनृतं नोक्तपूर्वं मे स्वैरेष्वपि हि जिह्वया। तस्मान्नास्ति मखः कश्चित्सत्यं त्वं यष्टुमिच्छसि

vasiṣṭha uvāca| anṛtaṁ noktapūrvaṁ me svaireṣvapi hi jihvayā| tasmānnāsti makhaḥ kaścitsatyaṁ tvaṁ yaṣṭumicchasi

वसिष्ठ जी ने कहा — मेरी जिह्वा से हास-परिहास में भी कभी असत्य नहीं निकला। इसलिए ऐसा कोई यज्ञ नहीं है — यह सत्य है, भले ही तुम उससे यजन करना चाहते हो।

श्लोक 20 (skanda.6.2.20)

त्रिशंकुरुवाच। यदि मां विप्रशार्दूल न त्वं याजयितुं क्षमः। स्वर्गप्रदेन यज्ञेन वपुषानेन वै विभो

triśaṁkuruvāca| yadi māṁ vipraśārdūla na tvaṁ yājayituṁ kṣamaḥ| svargapradena yajñena vapuṣānena vai vibho

त्रिशंकु ने कहा — हे विप्रशार्दूल! हे विभो! यदि आप इसी शरीर सहित मुझे स्वर्ग देने वाले यज्ञ से यजन कराने में समर्थ नहीं हैं —

श्लोक 21 (skanda.6.2.21)

तत्किं ते तपसः शक्त्या ब्राह्मणस्य विचक्षण। अपरं शृणु मे वाक्यं यद्ब्रवीमि परिस्फुटम्। शृण्वतां मुनिवृन्दानां तथान्येषां द्विजोत्तम

tatkiṁ te tapasaḥ śaktyā brāhmaṇasya vicakṣaṇa| aparaṁ śṛṇu me vākyaṁ yadbravīmi parisphuṭam| śṛṇvatāṁ munivṛndānāṁ tathānyeṣāṁ dvijottama

हे विचक्षण ब्राह्मण! तब आपकी तपःशक्ति से क्या लाभ? हे द्विजोत्तम! अब मेरा एक और वचन सुनिए, जो मैं मुनिवृंद और अन्य लोगों के सुनते हुए स्पष्ट रूप से कहता हूँ।

श्लोक 22 (skanda.6.2.22)

यदि मे न करोषि त्वं वचनं वदतोऽसकृत्। तेन यज्ञेन यक्ष्येऽहं तत्कृत्वान्यं द्विजं गुरुम्

yadi me na karoṣi tvaṁ vacanaṁ vadato'sakṛt| tena yajñena yakṣye'haṁ tatkṛtvānyaṁ dvijaṁ gurum

यदि आप बार-बार कहने पर भी मेरा वचन नहीं मानते, तो मैं किसी अन्य ब्राह्मण को अपना गुरु बनाकर उसी यज्ञ से यजन करूँगा।

श्लोक 23 (skanda.6.2.23)

सूत उवाच। तस्य तद्वचनं श्रुत्वा वसिष्ठो भगवांस्ततः। तमुवाच विहस्योच्चैः कुरुष्वैवं महीपते

sūta uvāca| tasya tadvacanaṁ śrutvā vasiṣṭho bhagavāṁstataḥ| tamuvāca vihasyoccaiḥ kuruṣvaivaṁ mahīpate

सूत जी ने कहा — उसका यह वचन सुनकर भगवान वसिष्ठ ने ठहाका लगाकर उससे कहा — "हे महीपते! तो ऐसा ही करो।"