शंखेश्वर एवं शंखतीर्थ की उत्पत्ति

श्लोक 1 (skanda.6.209.1)

आनर्त उवाच सांप्रतं मुनिशार्दूल शंखतीर्थसमुद्भवम् माहात्म्यं वद मे कृत्स्नं श्रद्धा मे महती स्थिता

ānarta uvāca sāṁprataṁ muniśārdūla śaṁkhatīrthasamudbhavam māhātmyaṁ vada me kṛtsnaṁ śraddhā me mahatī sthitā

आनर्त ने कहा — हे मुनिश्रेष्ठ, अब आप मुझे शंखतीर्थ की उत्पत्ति का सम्पूर्ण माहात्म्य बताइए; मुझे उसमें अत्यंत श्रद्धा है।

श्लोक 2 (skanda.6.209.2)

अहो तीर्थमहो तीर्थं हाटकेश्वरसंज्ञितम् क्षेत्रं यच्च धरापृष्ठे सर्वाश्चर्यमयं शुभम्

aho tīrthamaho tīrthaṁ hāṭakeśvarasaṁjñitam kṣetraṁ yacca dharāpṛṣṭhe sarvāścaryamayaṁ śubham

अहो, यह हाटकेश्वर नामक तीर्थ कैसा तीर्थ है! यह क्षेत्र पृथ्वीतल पर सम्पूर्ण आश्चर्यों से भरा और शुभ है।

श्लोक 3 (skanda.6.209.3)

नाहं तृप्तिं द्विजश्रेष्ठ प्रगच्छामि कथंचन शृण्वानस्तु सुमाहात्म्यं क्षेत्रस्यास्य समुद्भवम्

nāhaṁ tṛptiṁ dvijaśreṣṭha pragacchāmi kathaṁcana śṛṇvānastu sumāhātmyaṁ kṣetrasyāsya samudbhavam

हे द्विजश्रेष्ठ, इस क्षेत्र की उत्पत्ति का सुंदर माहात्म्य सुनते हुए भी मुझे किसी प्रकार तृप्ति नहीं होती।

श्लोक 4 (skanda.6.209.4)

विश्वामित्र उवाच अत्र ते कीर्तयिष्यामि पूर्ववृत्तं कथांतरम् शंखतीर्थस्य माहात्म्यं यथाजातं धरातले

viśvāmitra uvāca atra te kīrtayiṣyāmi pūrvavṛttaṁ kathāṁtaram śaṁkhatīrthasya māhātmyaṁ yathājātaṁ dharātale

विश्वामित्र जी ने कहा — मैं तुम्हें एक और पूर्ववृत्तांत कथा सुनाऊँगा, कि पृथ्वी पर शंखतीर्थ का माहात्म्य किस प्रकार उत्पन्न हुआ।

श्लोक 5 (skanda.6.209.5)

आनर्ताधिपतिः पूर्वमासीदन्यो महीपतिः यथा त्वं सांप्रतं भूमौ सर्वलोकप्रपालकः

ānartādhipatiḥ pūrvamāsīdanyo mahīpatiḥ yathā tvaṁ sāṁprataṁ bhūmau sarvalokaprapālakaḥ

पूर्वकाल में आनर्त देश का एक अन्य राजा था, जो उसी प्रकार पृथ्वी पर सम्पूर्ण प्रजा का पालन करता था जैसे आजकल तुम करते हो।

श्लोक 6 (skanda.6.209.6)

सोऽकस्मात्कुष्ठभाग्जातो विकलांगो बभूव ह अपुत्रः शत्रुभिर्व्याप्तस्त्रस्तश्च नृपसत्तमः

so'kasmātkuṣṭhabhāgjāto vikalāṁgo babhūva ha aputraḥ śatrubhirvyāptastrastaśca nṛpasattamaḥ

वह श्रेष्ठ राजा अकस्मात कुष्ठरोगग्रस्त और विकलांग हो गया, तथा पुत्रहीन, शत्रुओं से घिरा और भयभीत हो गया।

श्लोक 7 (skanda.6.209.7)

स सर्वैर्भूमिपालैश्च सर्वतः परिपीडितः राज्यभ्रंशसमोपेतः प्राप्तो रैवतकं गिरिम्

sa sarvairbhūmipālaiśca sarvataḥ paripīḍitaḥ rājyabhraṁśasamopetaḥ prāpto raivatakaṁ girim

समस्त भूपतियों द्वारा चारों ओर से पीड़ित और राज्यभ्रष्ट होकर वह रैवतक पर्वत पर जा पहुँचा।

श्लोक 8 (skanda.6.209.8)

तत्रापि पीड्यते नित्यं सर्वतस्तु मलिम्लुचैः

tatrāpi pīḍyate nityaṁ sarvatastu malimlucaiḥ

वहाँ भी वह नित्य चोरों-डाकुओं द्वारा चारों ओर से सताया जाता रहा।

श्लोक 9 (skanda.6.209.9)

हस्त्यश्वरथहीनस्तु कोशहीनो यदाऽभवत् स तदा चिंतयामास किं करोमि च सांप्रतम्

hastyaśvarathahīnastu kośahīno yadā'bhavat sa tadā ciṁtayāmāsa kiṁ karomi ca sāṁpratam

जब वह हाथी, घोड़े, रथ और कोश से रहित हो गया, तब उसने विचार किया कि अब क्या करूँ।

श्लोक 10 (skanda.6.209.10)

कलत्राण्यपि सर्वाणि ह्रियंते तस्करैर्बलात्

kalatrāṇyapi sarvāṇi hriyaṁte taskarairbalāt

यहाँ तक कि उसकी सभी स्त्रियाँ भी चोरों द्वारा बलपूर्वक हरी जा रही थीं।

श्लोक 11 (skanda.6.209.11)

स एवं चिंतयानस्तु गतो वै नारदं विभुम् द्रष्टुं पार्थिवशार्दूल वैष्णवे दिवसे स्थिते

sa evaṁ ciṁtayānastu gato vai nāradaṁ vibhum draṣṭuṁ pārthivaśārdūla vaiṣṇave divase sthite

हे राजशार्दूल, इस प्रकार चिंतामग्न होकर, विष्णु के दिन (एकादशी) आने पर, वह प्रभावशाली नारद जी का दर्शन करने गया।

श्लोक 12 (skanda.6.209.12)

तत्रापश्यत्स संप्राप्तं नारदं मुनिसत्तमम् तीर्थयात्राप्रसंगेन दामोदरदिदृक्षया

tatrāpaśyatsa saṁprāptaṁ nāradaṁ munisattamam tīrthayātrāprasaṁgena dāmodaradidṛkṣayā

वहाँ उसने मुनिश्रेष्ठ नारद को, तीर्थयात्रा के प्रसंग में दामोदर के दर्शन की इच्छा से आया हुआ, देखा।

श्लोक 13 (skanda.6.209.13)

तं प्रणम्याथ शिरसा कृतांजलिपुटः स्थितः प्रोवाच वचनं दीन उपविश्य तदग्रतः

taṁ praṇamyātha śirasā kṛtāṁjalipuṭaḥ sthitaḥ provāca vacanaṁ dīna upaviśya tadagrataḥ

उन्हें सिर झुकाकर प्रणाम कर, हाथ जोड़े हुए, दीन राजा उनके सामने बैठकर यह वचन बोला।

श्लोक 14 (skanda.6.209.14)

राजोवाच शत्रुभिः परिभूतोऽहं समतान्मुनिसत्तम ततो राज्यपरिभ्रंशात्संप्राप्तोऽत्र महागिरौ

rājovāca śatrubhiḥ paribhūto'haṁ samatānmunisattama tato rājyaparibhraṁśātsaṁprāpto'tra mahāgirau

राजा ने कहा — हे मुनिश्रेष्ठ, मित्रों सहित मैं शत्रुओं द्वारा पराजित हो गया; उसके बाद राज्यभ्रष्ट होकर इस महापर्वत पर आ पहुँचा हूँ।

श्लोक 15 (skanda.6.209.15)

विपिने तस्करैः पापैः प्रपीड्येऽहं समंततः यत्किंचिदश्वनागाद्यं मया सह समागतम्

vipine taskaraiḥ pāpaiḥ prapīḍye'haṁ samaṁtataḥ yatkiṁcidaśvanāgādyaṁ mayā saha samāgatam

इस वन में भी मैं चारों ओर से पापी चोरों द्वारा पीड़ित हो रहा हूँ; जो कुछ घोड़े, हाथी आदि मेरे साथ आए थे—

श्लोक 16 (skanda.6.209.16)

तत्सर्वं तस्करैर्नीतं कोशा दारास्तथा वसु तस्माद्वद मुनिश्रेष्ठ वैराग्यं मे महत्स्थितम्

tatsarvaṁ taskarairnītaṁ kośā dārāstathā vasu tasmādvada muniśreṣṭha vairāgyaṁ me mahatsthitam

—वह सब, तथा कोश, स्त्रियाँ और धन, चोरों द्वारा ले लिया गया है। इसलिए हे मुनिश्रेष्ठ, मुझे बताइए — मुझमें अब महान वैराग्य उत्पन्न हो गया है।

श्लोक 17 (skanda.6.209.17)

अन्यजन्मोद्भवं किंचिन्मम पापं सुदारुणम् येनेमां च दशां प्राप्तः सहसा मुनिसत्तम

anyajanmodbhavaṁ kiṁcinmama pāpaṁ sudāruṇam yenemāṁ ca daśāṁ prāptaḥ sahasā munisattama

हे मुनिश्रेष्ठ, अवश्य ही किसी पूर्वजन्म से उत्पन्न कोई घोर पाप है, जिसके कारण मैं अकस्मात इस दशा को प्राप्त हुआ हूँ।

श्लोक 18 (skanda.6.209.18)

तस्य तद्वचनं श्रुत्वा चिरं ध्यात्वा मुनीश्वरः प्रोवाचाऽथ नृपं दीनं ज्ञात्वा दिव्येन चक्षुषा

tasya tadvacanaṁ śrutvā ciraṁ dhyātvā munīśvaraḥ provācā'tha nṛpaṁ dīnaṁ jñātvā divyena cakṣuṣā

उसकी यह बात सुनकर मुनीश्वर नारद ने बहुत देर तक ध्यान किया, फिर अपने दिव्य नेत्र से जानकर उस दीन राजा से कहा।

श्लोक 19 (skanda.6.209.19)

नारद उवाच न त्वया कुत्सितं किंचित्पूर्वदेहांतरे कृतम् मया ज्ञातं महाराज सर्वं दिव्येन चक्षुषा

nārada uvāca na tvayā kutsitaṁ kiṁcitpūrvadehāṁtare kṛtam mayā jñātaṁ mahārāja sarvaṁ divyena cakṣuṣā

नारद जी ने कहा — हे महाराज, मैंने अपने दिव्य नेत्र से सब कुछ जान लिया है; तुमने अपने पूर्वजन्म में कोई निंदनीय कार्य नहीं किया।

श्लोक 20 (skanda.6.209.20)

त्वमासीः पार्थिवः पूर्वं सिद्धपन्नगसंज्ञिते पत्तने सोमवंशीयः सर्वशत्रुनिबर्हणः

tvamāsīḥ pārthivaḥ pūrvaṁ siddhapannagasaṁjñite pattane somavaṁśīyaḥ sarvaśatrunibarhaṇaḥ

तुम पूर्वजन्म में सिद्धपन्नग नामक नगर में सोमवंशी राजा थे, जो सब शत्रुओं का नाश करने वाला था।

श्लोक 21 (skanda.6.209.21)

त्वया चेष्टं महायज्ञैः सदा संपूर्णदक्षिणैः महादानानि दत्तानि पूजिता ब्राह्मणोत्तमाः

tvayā ceṣṭaṁ mahāyajñaiḥ sadā saṁpūrṇadakṣiṇaiḥ mahādānāni dattāni pūjitā brāhmaṇottamāḥ

तुमने सदा पूर्ण दक्षिणा से युक्त महायज्ञ किए, महान दान दिए और श्रेष्ठ ब्राह्मणों की पूजा की।

श्लोक 22 (skanda.6.209.22)

तेन कर्मविपाकेन भूयः पार्थिवतां गतः

tena karmavipākena bhūyaḥ pārthivatāṁ gataḥ

उसी कर्म के परिपाक से तुम पुनः राजा के रूप में उत्पन्न हुए हो।

श्लोक 23 (skanda.6.209.23)

आनर्त उवाच इह जन्मनि नो कृत्यं संस्मरामि विभो कृतम् तत्किं राज्यपरिभ्रंशः सहसा मे समुत्थितः

ānarta uvāca iha janmani no kṛtyaṁ saṁsmarāmi vibho kṛtam tatkiṁ rājyaparibhraṁśaḥ sahasā me samutthitaḥ

आनर्त ने कहा — हे विभो, इस जन्म में मुझे कोई ऐसा दुष्कृत्य स्मरण नहीं होता; तब मेरा राज्यभ्रंश अकस्मात क्यों हुआ?

श्लोक 24 (skanda.6.209.24)

लक्ष्म्या हीनस्य लोकस्य लोकेऽस्मिन्व्यर्थतां व्रजेत् जीवितं मुनिशार्दूल विज्ञातं हि मयाऽधुना

lakṣmyā hīnasya lokasya loke'sminvyarthatāṁ vrajet jīvitaṁ muniśārdūla vijñātaṁ hi mayā'dhunā

हे मुनिशार्दूल, अब मैंने भलीभाँति जान लिया है कि लक्ष्मी से रहित व्यक्ति का जीवन इस लोक में व्यर्थ हो जाता है।

श्लोक 25 (skanda.6.209.25)

मृतो नरो गतश्रीको मृतं राष्ट्रमराजकम् मृतमश्रोत्रिये दानं मृतो यज्ञस्त्वदक्षिणः

mṛto naro gataśrīko mṛtaṁ rāṣṭramarājakam mṛtamaśrotriye dānaṁ mṛto yajñastvadakṣiṇaḥ

श्रीहीन मनुष्य मृतक के समान है, राजाविहीन राज्य भी मृतक के समान है; अवैदिक को दिया दान मृत है, दक्षिणाहीन यज्ञ भी मृत है।

श्लोक 26 (skanda.6.209.26)

लक्ष्म्या हीनस्य मर्त्यस्य बांधवोऽपि विजायते प्रार्थयिष्यति मां नूनं दृष्ट्वा तं चान्यतो व्रजेत्

lakṣmyā hīnasya martyasya bāṁdhavo'pi vijāyate prārthayiṣyati māṁ nūnaṁ dṛṣṭvā taṁ cānyato vrajet

लक्ष्मी से रहित मनुष्य का बंधु भी उससे शत्रु समान हो जाता है — वह सोचता है 'यह अवश्य मुझसे कुछ माँगेगा' और उसे देखकर दूसरी ओर चला जाता है।

श्लोक 27 (skanda.6.209.27)

यथा मां सांप्रतं दृष्ट्वा ये मयाऽपि प्रतर्पिताः तेऽपि दूरतरं यांति एष मां प्रार्थयिष्यति

yathā māṁ sāṁprataṁ dṛṣṭvā ye mayā'pi pratarpitāḥ te'pi dūrataraṁ yāṁti eṣa māṁ prārthayiṣyati

जैसे अब मुझे देखकर वे लोग भी, जिन्हें मैंने कभी तृप्त किया था, यह सोचकर कि 'यह मुझसे कुछ माँगेगा' दूर हटते चले जाते हैं।

श्लोक 28 (skanda.6.209.28)

धनहीनं नरं त्यक्त्वा कुलीनमपि चोत्तमम् गच्छति स्वजनोऽन्यत्र शुष्कं वृक्षमिवांडजाः

dhanahīnaṁ naraṁ tyaktvā kulīnamapi cottamam gacchati svajano'nyatra śuṣkaṁ vṛkṣamivāṁḍajāḥ

धनहीन हो जाने पर अपने ही सुकुलीन और श्रेष्ठ बंधुजन भी उसे त्यागकर अन्यत्र चले जाते हैं, जैसे सूखे वृक्ष को पक्षी छोड़ देते हैं।

श्लोक 29 (skanda.6.209.29)

तत्कार्यकारणार्थाय दरिद्रोऽभ्येति चेद्गृहम् धनिनो भर्त्सयंत्येनं समागच्छंति नांतिकम्

tatkāryakāraṇārthāya daridro'bhyeti cedgṛham dhanino bhartsayaṁtyenaṁ samāgacchaṁti nāṁtikam

यदि किसी कार्य के लिए दरिद्र किसी धनी के घर जाए, तो धनी लोग उसे धिक्कारते हैं और उसके निकट भी नहीं आते।

श्लोक 30 (skanda.6.209.30)

कृपणोऽपि धनाढ्यश्चेदागच्छति हि याचितुम् एष दास्यति मे किंचिदिति चित्ते नृणां भवेत्

kṛpaṇo'pi dhanāḍhyaścedāgacchati hi yācitum eṣa dāsyati me kiṁciditi citte nṛṇāṁ bhavet

किंतु यदि एक कंजूस धनवान भी माँगने आए, तो लोगों के मन में यह विचार आता है कि 'यह मुझे कुछ देगा।'

श्लोक 31 (skanda.6.209.31)

मम त्वं पूर्ववंशीयः पिता ते च पितुर्मम सदा स्नेहपरश्चासीत्त्वं च स्नेहविवर्जितः

mama tvaṁ pūrvavaṁśīyaḥ pitā te ca piturmama sadā snehaparaścāsīttvaṁ ca snehavivarjitaḥ

वे कहते हैं — तुम मेरे पूर्वजों के वंशज हो, तुम्हारे पिता मेरे पिता के प्रति सदा स्नेह रखते थे, पर तुम स्नेहरहित हो।

श्लोक 32 (skanda.6.209.32)

एवं ब्रुवंति लोकेऽत्र धनिनां पुरतः स्थिताः कुलीना अपि पापानां दृश्यंते धनलिप्सया दरिद्रस्य मनुष्यस्य क्षितौ राज्यं प्रकुर्वतः

evaṁ bruvaṁti loke'tra dhanināṁ purataḥ sthitāḥ kulīnā api pāpānāṁ dṛśyaṁte dhanalipsayā daridrasya manuṣyasya kṣitau rājyaṁ prakurvataḥ

इस संसार में धनिकों के सामने खड़े होकर लोग ऐसा ही कहते हैं। धन की लिप्सा से सुकुलीन लोग भी पापियों के आगे झुके हुए दिखाई देते हैं — यही दरिद्र मनुष्य के राज्य करने की दशा है।

श्लोक 33 (skanda.6.209.33)

प्रशोषः केवलं भावी हृदयस्य महामुने द्वाविमौ कण्टकौ तीक्ष्णौ शरीरपरिशोषिणौ यश्चाधनः कामयते यश्च कुप्यत्यनीश्वरः

praśoṣaḥ kevalaṁ bhāvī hṛdayasya mahāmune dvāvimau kaṇṭakau tīkṣṇau śarīrapariśoṣiṇau yaścādhanaḥ kāmayate yaśca kupyatyanīśvaraḥ

हे महामुने, ऐसे मनुष्य के हृदय का केवल क्षय ही होता है। शरीर को सुखा देने वाले ये दो तीक्ष्ण कांटे हैं — निर्धन का कामातुर होना, और असमर्थ का क्रोधित होना।

श्लोक 34 (skanda.6.209.34)

श्मशानमपि सेवंते धनलुब्धा निशागमे जनेतारमपि त्यक्त्वा नित्यं यांति सुदूरतः

śmaśānamapi sevaṁte dhanalubdhā niśāgame janetāramapi tyaktvā nityaṁ yāṁti sudūrataḥ

धन के लोभी लोग रात्रि में श्मशान तक का सेवन करने लगते हैं, और अपने जन्मदाता पिता को भी त्यागकर दूर चले जाते हैं।

श्लोक 35 (skanda.6.209.35)

सुमूर्खोपि भवेद्विद्वानकुलीनोऽपि सत्कुलः यस्य वित्तं भवेद्धर्म्ये विपरीतमतोऽन्यथा

sumūrkhopi bhavedvidvānakulīno'pi satkulaḥ yasya vittaṁ bhaveddharmye viparītamato'nyathā

जिसके पास धर्मपूर्वक अर्जित धन होता है, वह मूर्ख भी विद्वान और कुलहीन भी सुकुलीन कहलाता है; इससे उलटा होने पर विपरीत ही होता है।

श्लोक 36 (skanda.6.209.36)

निर्विण्णोऽहं मुनिश्रेष्ठ जीवितस्य च सांप्रतम् तस्माद्ब्रूहि किमर्थं मे दारिद्र्यं समुपस्थितम्

nirviṇṇo'haṁ muniśreṣṭha jīvitasya ca sāṁpratam tasmādbrūhi kimarthaṁ me dāridryaṁ samupasthitam

हे मुनिश्रेष्ठ, अब मैं अपने जीवन से भी उदासीन हो चुका हूँ; इसलिए बताइए कि मुझ पर यह दरिद्रता किस कारण आई है।

श्लोक 37 (skanda.6.209.37)

कुष्ठश्चापि ममोपेतः शत्रुभिश्च पराभवम् अन्यजन्मांतरं दृष्टं त्वया दिव्येन चक्षुषा

kuṣṭhaścāpi mamopetaḥ śatrubhiśca parābhavam anyajanmāṁtaraṁ dṛṣṭaṁ tvayā divyena cakṣuṣā

मुझे कुष्ठरोग भी हुआ है और शत्रुओं से पराजय भी। आपने अपने दिव्य नेत्र से मेरे किसी अन्य जन्म को देखा है—

श्लोक 38 (skanda.6.209.38)

कुकर्मणा न संस्पृष्टं स्वल्पेनापि ब्रवीषि माम् एतज्जन्मांतरं दृष्टं स्मरामि मुनिसत्तम

kukarmaṇā na saṁspṛṣṭaṁ svalpenāpi bravīṣi mām etajjanmāṁtaraṁ dṛṣṭaṁ smarāmi munisattama

—जो लेशमात्र भी कुकर्म से स्पर्शित नहीं था, ऐसा आप मुझसे कहते हैं। हे मुनिश्रेष्ठ, मुझे भी वह पूर्वजन्म याद आता है।

श्लोक 39 (skanda.6.209.39)

न मया कुकृतं किंचित्कदाचित्समनुष्ठितम् तत्किं राज्यपरिभ्रंशो जातोऽयं मम सन्मुने

na mayā kukṛtaṁ kiṁcitkadācitsamanuṣṭhitam tatkiṁ rājyaparibhraṁśo jāto'yaṁ mama sanmune

मैंने कभी कोई दुष्कर्म नहीं किया; तो फिर हे सन्मुने, मुझ पर यह राज्यभ्रंश किस कारण आया?

श्लोक 40 (skanda.6.209.40)

अत्र मे कौतुकं जातं तस्माद्देहि विनिर्णयम् भवेन्न वा भवेत्कर्म कृतं यच्च शुभाशुभम्

atra me kautukaṁ jātaṁ tasmāddehi vinirṇayam bhavenna vā bhavetkarma kṛtaṁ yacca śubhāśubham

इस विषय में मुझे बड़ा कुतूहल हुआ है; इसलिए मुझे निश्चित उत्तर दीजिए — मेरे शुभ या अशुभ किए हुए कर्म का सत्य क्या है।

श्लोक 41 (skanda.6.209.41)

विश्वामित्र उवाच तस्य तद्वचनं श्रुत्वा चिरं ध्यात्वा तु नारदः कृपया परयाविष्टस्ततः प्रोवाच सादरम्

viśvāmitra uvāca tasya tadvacanaṁ śrutvā ciraṁ dhyātvā tu nāradaḥ kṛpayā parayāviṣṭastataḥ provāca sādaram

विश्वामित्र जी ने कहा — उसकी यह बात सुनकर नारद जी ने बहुत देर तक ध्यान किया, और परम कृपा से भरकर आदरपूर्वक बोले।

श्लोक 42 (skanda.6.209.42)

शृणु राजन्प्रवक्ष्यामि यथा शुद्धिः प्रजायते तव राज्यस्य संप्राप्तिर्यथा भूयोऽपि जायते

śṛṇu rājanpravakṣyāmi yathā śuddhiḥ prajāyate tava rājyasya saṁprāptiryathā bhūyo'pi jāyate

उन्होंने कहा — हे राजन्, सुनो, मैं बताता हूँ कि किस प्रकार तुम्हारी शुद्धि हो सकती है और किस प्रकार तुम्हें पुनः तुम्हारा राज्य प्राप्त हो सकता है।

श्लोक 43 (skanda.6.209.43)

तव भूमौ महापुण्यमस्ति क्षेत्रं जगत्त्रये हाटकेश्वरसंज्ञं तु तीर्थं तत्रास्ति शोभनम् शंखतीर्थमिति ख्यातं सर्वपातकनाशनम्

tava bhūmau mahāpuṇyamasti kṣetraṁ jagattraye hāṭakeśvarasaṁjñaṁ tu tīrthaṁ tatrāsti śobhanam śaṁkhatīrthamiti khyātaṁ sarvapātakanāśanam

तुम्हारी ही भूमि पर त्रिलोक में महापुण्यकारी हाटकेश्वर नामक क्षेत्र है, और वहाँ शंखतीर्थ नामक सुंदर, सर्वपापनाशक तीर्थ है।

श्लोक 44 (skanda.6.209.44)

यस्तत्र कुरुते स्नानं श्रद्धया परया युतः अष्टम्यां शुक्लपक्षस्य संप्राप्ते मासि माधवे

yastatra kurute snānaṁ śraddhayā parayā yutaḥ aṣṭamyāṁ śuklapakṣasya saṁprāpte māsi mādhave

वैशाख मास के शुक्लपक्ष की अष्टमी को जो कोई परम श्रद्धा के साथ वहाँ स्नान करता है—

श्लोक 45 (skanda.6.209.45)

सूर्यवारे तु सम्प्राप्ते भास्करस्योदयं प्रति सर्वकुष्ठविनिर्मुक्तो जायते सूर्यसंनिभः

sūryavāre tu samprāpte bhāskarasyodayaṁ prati sarvakuṣṭhavinirmukto jāyate sūryasaṁnibhaḥ

—जब वह दिन रविवार को पड़े और सूर्योदय के समय स्नान करे, तो वह समस्त कुष्ठरोग से मुक्त होकर सूर्य के समान तेजस्वी हो जाता है।

श्लोक 46 (skanda.6.209.46)

यंयं काममभिध्यायेत्तंतं सर्वेषु दुर्लभम् स तदाऽऽप्नोत्यसंदिग्धं दृष्ट्वा शंखेश्वरं शुभम्

yaṁyaṁ kāmamabhidhyāyettaṁtaṁ sarveṣu durlabham sa tadā''pnotyasaṁdigdhaṁ dṛṣṭvā śaṁkheśvaraṁ śubham

जिस-जिस कामना का, चाहे वह सबके लिए दुर्लभ ही क्यों न हो, वह मन में ध्यान करे, उसे शुभ शंखेश्वर का दर्शन कर वह निःसंदेह प्राप्त कर लेता है।

श्लोक 47 (skanda.6.209.47)

किं त्वया न श्रुतं तत्र स्वदेशे वसता नृप तस्य तीर्थस्य माहात्म्यं यत्त्वमत्र समागतः

kiṁ tvayā na śrutaṁ tatra svadeśe vasatā nṛpa tasya tīrthasya māhātmyaṁ yattvamatra samāgataḥ

हे राजन्, क्या अपने ही देश में रहते हुए तुमने उस तीर्थ का यह माहात्म्य नहीं सुना था, कि अब तुम यहाँ (पूछने) आए हो?

श्लोक 48 (skanda.6.209.48)

सिद्धसेन उवाच कथं शंखेश्वरो देवः संजातो वद सन्मुने

siddhasena uvāca kathaṁ śaṁkheśvaro devaḥ saṁjāto vada sanmune

सिद्धसेन ने कहा — हे सन्मुने, बताइए कि शंखेश्वर देव किस प्रकार उत्पन्न हुए।

श्लोक 49 (skanda.6.209.49)

नारद उवाच अहं ते कथयिष्यामि कथामेतां पुरातनीम् यथा शंखेश्वरो जातः शंखतीर्थं तु पार्थिव

nārada uvāca ahaṁ te kathayiṣyāmi kathāmetāṁ purātanīm yathā śaṁkheśvaro jātaḥ śaṁkhatīrthaṁ tu pārthiva

नारद जी ने कहा — हे राजन्, मैं तुम्हें यह प्राचीन कथा सुनाता हूँ कि किस प्रकार शंखेश्वर और शंखतीर्थ उत्पन्न हुए।

श्लोक 50 (skanda.6.209.50)

आसतुर्ब्राह्मणौ पूर्वं लिखितः शंख एव च भ्रातरौ वेदविदुषौ तपस्युग्रे व्यवस्थितौ

āsaturbrāhmaṇau pūrvaṁ likhitaḥ śaṁkha eva ca bhrātarau vedaviduṣau tapasyugre vyavasthitau

पूर्वकाल में लिखित और शंख नामक दो ब्राह्मण भाई थे, दोनों वेदविद्वान और घोर तप में स्थित रहते थे।

श्लोक 51 (skanda.6.209.51)

कस्यचित्त्वथ कालस्य लिखितस्याश्रमं प्रति भ्रातुर्ज्येष्ठस्य संप्राप्तो नमस्कारकृते नृप

kasyacittvatha kālasya likhitasyāśramaṁ prati bhrāturjyeṣṭhasya saṁprāpto namaskārakṛte nṛpa

हे राजन्, किसी समय शंख अपने ज्येष्ठ भ्राता लिखित के आश्रम में प्रणाम करने के लिए गया।

श्लोक 52 (skanda.6.209.52)

सोऽपश्यदाश्रमं शून्यं लिखितेन विवर्जितम्

so'paśyadāśramaṁ śūnyaṁ likhitena vivarjitam

उसने देखा कि आश्रम सूना पड़ा है और लिखित वहाँ नहीं है।

श्लोक 53 (skanda.6.209.53)

अथापश्यद्वने तस्मिन्परिपक्वफलानि सः प्रणयात्प्रतिजग्राह मत्वा भ्रातुर्नृपाऽऽश्रमम्

athāpaśyadvane tasminparipakvaphalāni saḥ praṇayātpratijagrāha matvā bhrāturnṛpā''śramam

तब उसने उस वन में पके हुए फलों को देखा, और अपने भाई का आश्रम समझकर, स्नेहवश उन्हें ले लिया।

श्लोक 54 (skanda.6.209.54)

एतस्मिन्नन्तरे प्राप्तो लिखितस्तत्र चाश्रमे यावत्पश्यति शंखं स प्रगृहीतबृहत्फलम्

etasminnantare prāpto likhitastatra cāśrame yāvatpaśyati śaṁkhaṁ sa pragṛhītabṛhatphalam

इसी बीच लिखित उस आश्रम में लौट आया, और उसने देखा कि शंख ने बड़े-बड़े फल ग्रहण कर रखे हैं।

श्लोक 55 (skanda.6.209.55)

किमिदं विहितं पाप पापं साधुविगर्हितम् चौर्यकर्म त्वया निंद्यं यद्धृतानि फलानि च

kimidaṁ vihitaṁ pāpa pāpaṁ sādhuvigarhitam cauryakarma tvayā niṁdyaṁ yaddhṛtāni phalāni ca

उसने कहा — हे पापी, तूने यह क्या किया है? तूने साधुजनों द्वारा निंदित यह चोरी का निंदनीय कार्य कैसे किया कि फल ले लिए?

श्लोक 56 (skanda.6.209.56)

अनेन कर्मणा तुभ्यं तपो यास्यति संक्षयम् चौर्यकर्मप्रवृत्तस्य ब्राह्मणैर्गर्हितस्य च

anena karmaṇā tubhyaṁ tapo yāsyati saṁkṣayam cauryakarmapravṛttasya brāhmaṇairgarhitasya ca

इस चोरी के कर्म से, जो ब्राह्मणों द्वारा निंदनीय है, तुम्हारा सारा तप नष्ट हो जाएगा।

श्लोक 57 (skanda.6.209.57)

शंख उवाच एकोदरसमुत्पन्नो ज्येष्ठभ्राता यथा पिता भूयादिति श्रुतिर्लोके प्रसिद्धा सर्वतः स्थिता

śaṁkha uvāca ekodarasamutpanno jyeṣṭhabhrātā yathā pitā bhūyāditi śrutirloke prasiddhā sarvataḥ sthitā

शंख ने कहा — यह श्रुतिवचन संसार में सर्वत्र प्रसिद्ध है कि एक ही उदर से जन्मा ज्येष्ठ भ्राता पिता के समान होता है।

श्लोक 58 (skanda.6.209.58)

तत्किं पुत्रस्य विप्रेन्द्र नाधिकारः पितुर्धने यथैवं निष्ठुरैर्वाक्यैर्निर्भर्त्सयसि मां विभो

tatkiṁ putrasya viprendra nādhikāraḥ piturdhane yathaivaṁ niṣṭhurairvākyairnirbhartsayasi māṁ vibho

तो हे विप्रेन्द्र, क्या पुत्र का पिता के धन पर अधिकार नहीं होता, कि हे विभो, तुम इस प्रकार कठोर वचनों से मुझे धिक्कार रहे हो?

श्लोक 59 (skanda.6.209.59)

लिखित उवाच न दोषो जायते हर्तुः पुत्रस्यात्र कथंचन एकत्र संस्थितस्यात्र पितुर्वित्तमसंशयम्

likhita uvāca na doṣo jāyate hartuḥ putrasyātra kathaṁcana ekatra saṁsthitasyātra piturvittamasaṁśayam

लिखित ने कहा — जब तक पुत्र पिता के साथ ही एक स्थान पर रहता है, तब तक पिता का धन लेने में उसे किसी प्रकार दोष नहीं लगता, निःसंदेह।

श्लोक 60 (skanda.6.209.60)

विभक्तस्तु यदा पुत्रो भ्राता वाऽपहरेद्धनम् तदा दोषमवाप्नोति चौर्योत्थं मतमेव मे

vibhaktastu yadā putro bhrātā vā'pahareddhanam tadā doṣamavāpnoti cauryotthaṁ matameva me

किंतु जब पुत्र या भाई विभाजित (अलग) हो चुके हों और फिर धन का अपहरण करें, तब वह चोरी से उत्पन्न दोष का भागी होता है — यही मेरा मत है।

श्लोक 61 (skanda.6.209.61)

पुत्रस्य तु पुनर्वित्तं पिता हरति सर्वदा न तस्य विद्यते दोषो विभक्तस्यापि कर्हिचित्

putrasya tu punarvittaṁ pitā harati sarvadā na tasya vidyate doṣo vibhaktasyāpi karhicit

किंतु पिता तो सदा पुत्र के धन को ले सकता है, चाहे वह विभक्त ही क्यों न हो; उसे कभी कोई दोष नहीं लगता।

श्लोक 62 (skanda.6.209.62)

अत्र श्लोकः पुरा गीतो मनुना स्मृतिकारिणा तं तेऽहं संप्रवक्ष्यामि धर्मशास्त्रोद्भवं वचः

atra ślokaḥ purā gīto manunā smṛtikāriṇā taṁ te'haṁ saṁpravakṣyāmi dharmaśāstrodbhavaṁ vacaḥ

इस विषय में स्मृतिकार मनु ने पूर्वकाल में एक श्लोक कहा था; धर्मशास्त्र से उत्पन्न वह वचन मैं तुम्हें सुनाता हूँ।

श्लोक 63 (skanda.6.209.63)

त्रय एवाधप्रोक्ता भार्या दासस्तथा सुतः यत्ते समधिगच्छंति यस्य ते तस्य तद्धनम्

traya evādhaproktā bhāryā dāsastathā sutaḥ yatte samadhigacchaṁti yasya te tasya taddhanam

पत्नी, दास और पुत्र — ये तीनों ही परतंत्र (अधन) माने गए हैं; ये जो कुछ अर्जित करते हैं, वह जिसके अधीन हों उसी का धन कहलाता है।

श्लोक 64 (skanda.6.209.64)

शंख उवाच यद्येवं चौर्यदोषोऽस्ति मम तात महत्तरः निग्रहं कुरु मे शीघ्रं येन न स्यात्तपःक्षयः

śaṁkha uvāca yadyevaṁ cauryadoṣo'sti mama tāta mahattaraḥ nigrahaṁ kuru me śīghraṁ yena na syāttapaḥkṣayaḥ

शंख ने कहा — यदि ऐसा है, तो हे तात, मुझमें चोरी का महान दोष लगा है; मुझे शीघ्र दंड दीजिए, जिससे मेरे तप का क्षय न हो।

श्लोक 65 (skanda.6.209.65)

विश्वामित्र उवाच तस्य तं निश्चयं ज्ञात्वा शस्त्रमादाय निर्मलम् चकर्ताथ भुजौ तस्य भ्राता भ्रातुश्च निर्घृणः सोपि च्छिन्नकरो विप्रो व्यथयापि समन्वितः

viśvāmitra uvāca tasya taṁ niścayaṁ jñātvā śastramādāya nirmalam cakartātha bhujau tasya bhrātā bhrātuśca nirghṛṇaḥ sopi cchinnakaro vipro vyathayāpi samanvitaḥ

विश्वामित्र जी ने कहा — उसके इस दृढ़ निश्चय को जानकर, निर्दयी भाई ने एक निर्मल शस्त्र उठाकर उसकी दोनों भुजाएँ काट दीं; वह ब्राह्मण, हाथ कटे होने पर भी, पीड़ा सहित—

श्लोक 66 (skanda.6.209.66)

मन्यमानः प्रसादं तं भ्रातुर्ज्येष्ठस्य पार्थिव

manyamānaḥ prasādaṁ taṁ bhrāturjyeṣṭhasya pārthiva

—हे राजन्, उसे अपने ज्येष्ठ भाई की कृपा ही मानता रहा।

श्लोक 67 (skanda.6.209.67)

ततस्तु कामदं क्षेत्रं हाटकेश्वरसंज्ञितम् मत्वा प्राप्य तपस्तेपे कंचित्प्राप्य जलाशयम्

tatastu kāmadaṁ kṣetraṁ hāṭakeśvarasaṁjñitam matvā prāpya tapastepe kaṁcitprāpya jalāśayam

तब वह कामनापूर्ति करने वाले हाटकेश्वर क्षेत्र में जाकर, वहाँ किसी जलाशय के निकट, तप करने लगा।

श्लोक 68 (skanda.6.209.68)

वर्षास्वाकाशशायी च हेमन्ते सलिलाश्रयः पञ्चाग्निसाधको ग्रीष्मे षष्ठकालकृताशनः

varṣāsvākāśaśāyī ca hemante salilāśrayaḥ pañcāgnisādhako grīṣme ṣaṣṭhakālakṛtāśanaḥ

वर्षा ऋतु में वह खुले आकाश में शयन करता, हेमंत में जल का आश्रय लेता, ग्रीष्म में पंचाग्नि साधना करता, और छठे समय भोजन करता था।

श्लोक 69 (skanda.6.209.69)

संस्नाप्य भास्करं स्थाणुं तत्पुरः शतरुद्रियम् जपन्सामोक्तरुद्रांश्च भवरुद्रांस्तथा जपन् प्राणरुद्रांस्तथा नीलान्स्कन्दसूक्तसमन्वितान्

saṁsnāpya bhāskaraṁ sthāṇuṁ tatpuraḥ śatarudriyam japansāmoktarudrāṁśca bhavarudrāṁstathā japan prāṇarudrāṁstathā nīlānskandasūktasamanvitān

वह सूर्य और शिव को स्नान कराकर उनके समक्ष शतरुद्रिय का पाठ करता, तथा साम-मंत्रोक्त रुद्रों, भव-रुद्रों, प्राण-रुद्रों, नील-रुद्रों और स्कंदसूक्त का जप करता था।

श्लोक 70 (skanda.6.209.70)

ततो वर्षसहस्रांते तुष्टस्तस्य महेश्वरः प्रोवाच दर्शनं गत्वा सह सूर्यवृषेश्वरैः

tato varṣasahasrāṁte tuṣṭastasya maheśvaraḥ provāca darśanaṁ gatvā saha sūryavṛṣeśvaraiḥ

तब एक सहस्र वर्ष पूर्ण होने पर, प्रसन्न हुए महेश्वर सूर्य और नंदीश्वर सहित उसे दर्शन देकर बोले।

श्लोक 71 (skanda.6.209.71)

महेश्वर उवाच शंख तुष्टोऽस्मि ते वत्स तपसानेन सुव्रत तस्मात्कथय मे क्षिप्रं यद्ददामि तवाऽधुना

maheśvara uvāca śaṁkha tuṣṭo'smi te vatsa tapasānena suvrata tasmātkathaya me kṣipraṁ yaddadāmi tavā'dhunā

महेश्वर जी ने कहा — हे वत्स शंख, हे सुव्रत, मैं तुम्हारे इस तप से संतुष्ट हूँ; इसलिए शीघ्र कहो कि मैं तुम्हें अभी क्या प्रदान करूँ।

श्लोक 72 (skanda.6.209.72)

शंख उवाच यदि तुष्टोऽसि मे देव यदि देयो वरो मम जायेतां तादृशौ हस्तौ यादृशो मे पुरा स्थितौ

śaṁkha uvāca yadi tuṣṭo'si me deva yadi deyo varo mama jāyetāṁ tādṛśau hastau yādṛśo me purā sthitau

शंख ने कहा — हे देव, यदि आप मुझसे संतुष्ट हैं और यदि मुझे कोई वर देना चाहते हैं, तो मेरे वे ही हाथ पुनः उत्पन्न हो जाएँ जैसे पहले थे।

श्लोक 73 (skanda.6.209.73)

त्वयाऽत्रैव सदा वासः कार्यः सुरवरेश्वर लिंगे कृत्वा दयां देव ममोपरि महत्तराम्

tvayā'traiva sadā vāsaḥ kāryaḥ suravareśvara liṁge kṛtvā dayāṁ deva mamopari mahattarām

हे देवश्रेष्ठ, आप इस लिंग में सदा यहीं निवास कीजिए, और हे देव, मुझ पर अपनी विशेष महती कृपा कीजिए।

श्लोक 74 (skanda.6.209.74)

एतज्जलाशयं नाथ मम नाम्ना धरातले प्रसिद्धिं यातु लोकस्य यावच्चन्द्रार्कतारकाः

etajjalāśayaṁ nātha mama nāmnā dharātale prasiddhiṁ yātu lokasya yāvaccandrārkatārakāḥ

हे नाथ, यह जलाशय मेरे ही नाम से पृथ्वी पर लोगों में तब तक प्रसिद्ध रहे जब तक चन्द्र, सूर्य और तारे विद्यमान हैं।

श्लोक 75 (skanda.6.209.75)

अत्र यः कुरुते स्नानं धृत्वा मनसि दुर्लभम् किंचिद्वस्तु समग्रं तु तस्य संपत्स्यते विभो

atra yaḥ kurute snānaṁ dhṛtvā manasi durlabham kiṁcidvastu samagraṁ tu tasya saṁpatsyate vibho

हे विभो, यहाँ स्नान करने वाला जो कोई भी मन में कोई दुर्लभ वस्तु धारण करे, वह उसे सम्पूर्ण रूप से प्राप्त हो जाए।

श्लोक 76 (skanda.6.209.76)

श्रीभगवानुवाच अद्याहं दर्शनं प्राप्तस्तव चैवाष्टमीदिने माधवस्य सिते पक्षे यस्माद्ब्राह्मणसत्तम

śrībhagavānuvāca adyāhaṁ darśanaṁ prāptastava caivāṣṭamīdine mādhavasya site pakṣe yasmādbrāhmaṇasattama

भगवान ने कहा — हे ब्राह्मणश्रेष्ठ, चूँकि आज मैंने तुम्हें वैशाख मास के शुक्लपक्ष की अष्टमी को दर्शन दिया है—

श्लोक 77 (skanda.6.209.77)

तस्मात्संक्रमणं लिंगे तावकेऽस्मिन्द्विजोत्तम करिष्यामि न सन्देहो दिनमेकमसंशयम्

tasmātsaṁkramaṇaṁ liṁge tāvake'smindvijottama kariṣyāmi na sandeho dinamekamasaṁśayam

—हे द्विजोत्तम, इसलिए मैं तुम्हारे इस लिंग में प्रतिवर्ष उसी एक दिन प्रवेश करूँगा, इसमें कोई संदेह नहीं।

श्लोक 78 (skanda.6.209.78)

यश्चात्र दिवसे प्राप्ते तीर्थेऽत्रैव भवोद्भवे स्नानं कृत्वा रवेर्वार उदयं समुपस्थिते

yaścātra divase prāpte tīrthe'traiva bhavodbhave snānaṁ kṛtvā ravervāra udayaṁ samupasthite

जो कोई भी उस दिन आकर, रविवार को सूर्योदय के समय, यहीं इस भव-सम्बन्धी तीर्थ में स्नान करके—

श्लोक 79 (skanda.6.209.79)

पूजयिष्यति मे मूर्तिं त्वया संस्थापितां द्विज कुष्ठव्याधिविनिर्मुक्तो मम लोकं स यास्यति

pūjayiṣyati me mūrtiṁ tvayā saṁsthāpitāṁ dvija kuṣṭhavyādhivinirmukto mama lokaṁ sa yāsyati

—और तुम्हारे द्वारा स्थापित मेरी इस मूर्ति की पूजा करेगा, वह कुष्ठरोग से मुक्त होकर मेरे लोक को प्राप्त करेगा।

श्लोक 80 (skanda.6.209.80)

शेषकालेऽपि विप्रेन्द्र अज्ञानविहितादघात् मुक्तिं प्राप्स्यत्यसंदिग्धं मम वाक्याद्द्विजोत्तम

śeṣakāle'pi viprendra ajñānavihitādaghāt muktiṁ prāpsyatyasaṁdigdhaṁ mama vākyāddvijottama

हे विप्रेन्द्र, वर्ष के अन्य समय में भी वह अज्ञानवश किए पापों से मेरे वचन से निःसंदेह मुक्ति प्राप्त करेगा।

श्लोक 81 (skanda.6.209.81)

तथा तवापि यौ हस्तौ छिन्नावेतावुभावपि तस्मिन्योगेऽभिषेकात्तौः स्यातां भूयोऽपि तादृशौ

tathā tavāpi yau hastau chinnāvetāvubhāvapi tasminyoge'bhiṣekāttauḥ syātāṁ bhūyo'pi tādṛśau

और तुम्हारे भी ये दोनों कटे हुए हाथ, उसी योग (दिन) में अभिषेक के प्रभाव से पुनः वैसे ही हो जाएँगे।

श्लोक 82 (skanda.6.209.82)

एष मे प्रत्ययो विप्र भविष्यति तवाऽधुना भूयः स्नानं विधाय त्वं ततो मूर्तिं ममार्चय

eṣa me pratyayo vipra bhaviṣyati tavā'dhunā bhūyaḥ snānaṁ vidhāya tvaṁ tato mūrtiṁ mamārcaya

हे विप्र, यही मेरा प्रमाण अभी तुम्हारे लिए होगा; अतः तुम पुनः विधिपूर्वक स्नान कर तब मेरी मूर्ति की अर्चना करो।

श्लोक 83 (skanda.6.209.83)

अन्येऽपि व्यंगतां प्राप्ताः संयोगेऽत्र तव स्थिते स्नात्वा मां पूजयिष्यंति मुक्तिं यास्यंति ते द्विज

anye'pi vyaṁgatāṁ prāptāḥ saṁyoge'tra tava sthite snātvā māṁ pūjayiṣyaṁti muktiṁ yāsyaṁti te dvija

हे द्विज, अन्य जो भी अंगहीनता को प्राप्त हुए हों, वे भी इस तुम्हारे नियत संयोग (पर्व) में स्नान करके मेरी पूजा करेंगे और मुक्ति प्राप्त करेंगे।

श्लोक 84 (skanda.6.209.84)

एवमुक्त्वा सहस्रांशुस्ततश्चादर्शनं गतः शंखोऽपि तत्क्षणात्स्नात्वा पूजयित्वा दिवाकरम्

evamuktvā sahasrāṁśustataścādarśanaṁ gataḥ śaṁkho'pi tatkṣaṇātsnātvā pūjayitvā divākaram

ऐसा कहकर सूर्यदेव अंतर्धान हो गए। शंख ने भी उसी क्षण स्नान कर सूर्यदेव की पूजा की।

श्लोक 85 (skanda.6.209.85)

यावत्पश्यति चात्मानं तावद्धस्तसमन्वितम् आत्मानं पश्यमानस्तु विस्मयं परमं गतः

yāvatpaśyati cātmānaṁ tāvaddhastasamanvitam ātmānaṁ paśyamānastu vismayaṁ paramaṁ gataḥ

जब उसने अपने आपको देखा, तो पाया कि उसके दोनों हाथ पुनः जुड़े हुए हैं; अपने आपको ऐसा देखकर वह परम विस्मय को प्राप्त हुआ।

श्लोक 86 (skanda.6.209.86)

ततःप्रभृति तत्रैव कृत्वाऽऽश्रमपदं नृप तपस्तेपे द्विजश्रेष्ठो गतश्च परमां गतिम्

tataḥprabhṛti tatraiva kṛtvā''śramapadaṁ nṛpa tapastepe dvijaśreṣṭho gataśca paramāṁ gatim

हे राजन्, उसी समय से वह श्रेष्ठ ब्राह्मण वहीं आश्रम बनाकर तप करता रहा, और अंततः परम गति को प्राप्त हुआ।

श्लोक 87 (skanda.6.209.87)

तस्मात्त्वमपि राजेंद्र संयोगं प्राप्य तत्त्वतः तेनैव विधिना स्नात्वा त्वं पूजय दिवाकरम्

tasmāttvamapi rājeṁdra saṁyogaṁ prāpya tattvataḥ tenaiva vidhinā snātvā tvaṁ pūjaya divākaram

हे राजेन्द्र, इसलिए तुम भी उसी योग (उस पर्व) को प्राप्त कर, उसी विधि से स्नान करके सूर्यदेव की पूजा करो।

श्लोक 88 (skanda.6.209.88)

यश्चैतच्छृणुयान्नित्यं पठेद्वा पुरतो रवेः तस्यान्वयेऽपि नो कुष्ठी कदाचित्सम्प्रजायते

yaścaitacchṛṇuyānnityaṁ paṭhedvā purato raveḥ tasyānvaye'pi no kuṣṭhī kadācitsamprajāyate

जो कोई भी इस कथा को नित्य सूर्यदेव के समक्ष सुने या पढ़े, उसके वंश में भी कभी कोई कुष्ठरोगी उत्पन्न नहीं होता।