बालसख्यतीर्थमाहात्म्य

श्लोक 1 (skanda.6.21.1)

ब्राह्मणा ऊचुः। मार्कण्डेन कदा तत्र स्थापितः प्रपितामहः। कस्मिन्स्थाने कृतस्तेन स्वाश्रमो मुनिना वद

brāhmaṇā ūcuḥ| mārkaṇḍena kadā tatra sthāpitaḥ prapitāmahaḥ| kasminsthāne kṛtastena svāśramo muninā vada

ब्राह्मणों ने कहा -- मार्कण्डेय ने वहाँ प्रपितामह (ब्रह्मा) की स्थापना कब की थी, और उस मुनि ने अपना आश्रम किस स्थान पर बनाया था, यह हमें बताइए।

श्लोक 2 (skanda.6.21.2)

सूत उवाच। मृकण्डाख्यो द्विजश्रेष्ठ आसीद्वेदविदां वरः। चमत्कारपुराभ्याशे वानप्रस्थस्याश्रमे स्थितः

sūta uvāca| mṛkaṇḍākhyo dvijaśreṣṭha āsīdvedavidāṁ varaḥ| camatkārapurābhyāśe vānaprasthasyāśrame sthitaḥ

सूत जी ने कहा -- मृकण्ड नामक एक श्रेष्ठ ब्राह्मण था, जो वेदों को जानने वालों में श्रेष्ठ था, और चमत्कारपुर के निकट वानप्रस्थ के आश्रम में रहता था।

श्लोक 3 (skanda.6.21.3)

शांतात्मा नियमोपेतश्चकार सुमहत्तपः। तस्यैवं वर्तमानस्य वानप्रस्थस्य चाश्रमे

śāṁtātmā niyamopetaścakāra sumahattapaḥ| tasyaivaṁ vartamānasya vānaprasthasya cāśrame

शांत आत्मा वाला और नियमों का पालन करने वाला वह महान तप करता था; इस प्रकार वानप्रस्थ-आश्रम में रहते हुए उसके --

श्लोक 4 (skanda.6.21.4)

पश्चिमे वयसि प्राप्ते पुत्रो जज्ञे सुशोभनः। सर्वलक्षणसंपूर्णः पूर्णचंद्रसमप्रभः

paścime vayasi prāpte putro jajñe suśobhanaḥ| sarvalakṣaṇasaṁpūrṇaḥ pūrṇacaṁdrasamaprabhaḥ

जीवन की अंतिम अवस्था में उसे एक सुंदर पुत्र प्राप्त हुआ, जो सब शुभ लक्षणों से युक्त और पूर्ण चंद्रमा के समान कांतिमान था।

श्लोक 5 (skanda.6.21.5)

मार्कंड इति नामाऽथ तस्य चक्रे पिता स्वयम्। सोऽतीव ववृधे बालस्तस्मिन्नाश्रम उत्तमे

mārkaṁḍa iti nāmā'tha tasya cakre pitā svayam| so'tīva vavṛdhe bālastasminnāśrama uttame

पिता ने स्वयं उसका नाम 'मार्कण्ड' रखा; वह बालक उस उत्तम आश्रम में तेजी से बढ़ने लगा।

श्लोक 6 (skanda.6.21.6)

शुक्लपक्षं समासाद्य तारापतिरिवांबरे। वर्धमानस्य तस्यैवमतीताः पंच वत्सराः। बालक्रीडाप्रसक्तस्य पितुरुत्सङ्गवर्तिनः

śuklapakṣaṁ samāsādya tārāpatirivāṁbare| vardhamānasya tasyaivamatītāḥ paṁca vatsarāḥ| bālakrīḍāprasaktasya piturutsaṅgavartinaḥ

जैसे शुक्ल पक्ष पाकर चंद्रमा आकाश में बढ़ता है, वैसे ही वह बढ़ता गया; इस प्रकार बाल-क्रीड़ा में लीन और पिता की गोद में रहने वाले उस बालक के पाँच वर्ष बीत गए।

श्लोक 7 (skanda.6.21.7)

कस्यचित्त्वथ कालस्य कश्चित्तत्र समागतः। सामुद्रिकस्य कृत्स्नस्य वेत्ता ज्ञानविधानवित्

kasyacittvatha kālasya kaścittatra samāgataḥ| sāmudrikasya kṛtsnasya vettā jñānavidhānavit

कुछ समय बीतने पर वहाँ सामुद्रिक-शास्त्र के सम्पूर्ण ज्ञान का विधिवत जानकार कोई विद्वान आया।

श्लोक 8 (skanda.6.21.8)

स तं शिशुं समालोक्य नखाग्रान्मूर्द्धजावधिम्। विस्मयोत्फुल्लनयन ईषद्धास्यमथाऽकरोत्

sa taṁ śiśuṁ samālokya nakhāgrānmūrddhajāvadhim| vismayotphullanayana īṣaddhāsyamathā'karot

उसने उस शिशु को पैर के नखों से लेकर सिर के केशों तक देखा, और आश्चर्य से खिली हुई आँखों से हल्की मुस्कान की।

श्लोक 9 (skanda.6.21.9)

मृकंडोऽपि समालोक्य ज्ञानिनं सस्मिताननम्। पप्रच्छ विनयोपेतः किंचित्तुष्टेन चेतसा

mṛkaṁḍo'pi samālokya jñāninaṁ sasmitānanam| papraccha vinayopetaḥ kiṁcittuṣṭena cetasā

मृकण्ड ने भी उस मुस्कुराते हुए ज्ञानी को देखकर विनयपूर्वक और कुछ प्रसन्न मन से पूछा।

श्लोक 10 (skanda.6.21.10)

मृकण्ड उवाच। कस्मात्त्वं विप्रशार्दूल वीक्ष्येमं मम दारकम्। सुचिरं विस्मयाविष्टस्ततोऽभूः सस्मिताननः

mṛkaṇḍa uvāca| kasmāttvaṁ vipraśārdūla vīkṣyemaṁ mama dārakam| suciraṁ vismayāviṣṭastato'bhūḥ sasmitānanaḥ

मृकण्ड ने कहा -- हे श्रेष्ठ ब्राह्मण! मेरे इस बालक को देखकर आप देर तक आश्चर्यचकित होकर मुस्कुराते क्यों रहे?

श्लोक 11 (skanda.6.21.11)

सूत उवाच। असकृत्तेन संपृष्टः सकृद्ब्राह्मणसत्तमः। ततश्च कथयामास हास्यकारणमेव हि

sūta uvāca| asakṛttena saṁpṛṣṭaḥ sakṛdbrāhmaṇasattamaḥ| tataśca kathayāmāsa hāsyakāraṇameva hi

सूत जी ने कहा -- बार-बार पूछे जाने पर उस श्रेष्ठ ब्राह्मण ने एक बार में ही अपनी हँसी का कारण बता दिया।

श्लोक 12 (skanda.6.21.12)

ब्राह्मण उवाच। लक्षणानि शिशोरस्य दृश्यंते यानि सन्मुने। गात्रस्थानि भवेत्सत्यं तैः पुमानजरामरः

brāhmaṇa uvāca| lakṣaṇāni śiśorasya dṛśyaṁte yāni sanmune| gātrasthāni bhavetsatyaṁ taiḥ pumānajarāmaraḥ

ब्राह्मण ने कहा -- हे साधु मुनि! इस शिशु के शरीर पर जो लक्षण दिखाई देते हैं, यदि वे सत्य हों तो उनके कारण मनुष्य अजर-अमर हो जाता है।

श्लोक 13 (skanda.6.21.13)

अस्य भावि पुनश्चाऽस्माद्दिवसान्निधनं शिशोः। षड्भिर्मासैर्न सन्देहः सत्यमेतन्मयोदितम्

asya bhāvi punaścā'smāddivasānnidhanaṁ śiśoḥ| ṣaḍbhirmāsairna sandehaḥ satyametanmayoditam

किंतु इस दिन से छह मास के भीतर ही इस शिशु की मृत्यु निश्चित है -- इसमें संदेह नहीं, मैंने यह सत्य ही कहा है।

श्लोक 14 (skanda.6.21.14)

एवं ज्ञात्वा द्विजश्रेष्ठ कुरुष्वाऽस्य हितं च यत्। इह लोके परे चैव बालकस्य ममाऽऽज्ञया

evaṁ jñātvā dvijaśreṣṭha kuruṣvā'sya hitaṁ ca yat| iha loke pare caiva bālakasya mamā''jñayā

हे श्रेष्ठ ब्राह्मण! यह जानकर मेरी आज्ञा से इस बालक का जो भी हित इस लोक और परलोक में हो सके, वह कीजिए।

श्लोक 15 (skanda.6.21.15)

एवमुक्त्वा स विप्रेंद्रो जगामाऽभीप्सितां दिशम्। मृकण्डोऽपि ततस्तस्य चक्रे मौंजीनिबन्धनम्

evamuktvā sa vipreṁdro jagāmā'bhīpsitāṁ diśam| mṛkaṇḍo'pi tatastasya cakre mauṁjīnibandhanam

ऐसा कहकर वह श्रेष्ठ ब्राह्मण अपनी इच्छित दिशा में चला गया; मृकण्ड ने तब उस बालक का मौंजी-बंधन (उपनयन) संस्कार करा दिया।

श्लोक 16 (skanda.6.21.16)

अकालेऽपि कुमारस्य किंचिद्ध्यात्वा निजे हृदि। कारणं कारणज्ञः स ततः प्रोवाच तं सुतम्

akāle'pi kumārasya kiṁciddhyātvā nije hṛdi| kāraṇaṁ kāraṇajñaḥ sa tataḥ provāca taṁ sutam

यद्यपि यह समय से पहले था, फिर भी अपने हृदय में कारण को कुछ सोचकर, कारण को जानने वाले उस पिता ने अपने पुत्र से कहा --

श्लोक 17 (skanda.6.21.17)

यं कं चिद्वीक्षसे पुत्र भ्रममाणं द्विजोत्तमम्। तस्यावश्यं त्वया कार्यं विनयादभिवादनम्

yaṁ kaṁ cidvīkṣase putra bhramamāṇaṁ dvijottamam| tasyāvaśyaṁ tvayā kāryaṁ vinayādabhivādanam

हे पुत्र! जिस किसी भी घूमते हुए श्रेष्ठ ब्राह्मण को तू देखे, उसे तुझे अवश्य विनयपूर्वक प्रणाम करना चाहिए।

श्लोक 18 (skanda.6.21.18)

एवं तस्य व्रतस्थस्य षण्मासा दिवसैस्त्रिभिः। हीनाः स्युर्ब्राह्मणेंद्राणां नमस्कारपरस्य च

evaṁ tasya vratasthasya ṣaṇmāsā divasaistribhiḥ| hīnāḥ syurbrāhmaṇeṁdrāṇāṁ namaskāraparasya ca

इस प्रकार व्रत में स्थित और सदा ब्राह्मणों को नमस्कार करने में तत्पर उस बालक के छह महीने तीन दिन कम होकर बीत गए।

श्लोक 19 (skanda.6.21.19)

एतस्मिन्नंतरे प्राप्ता अग्नितीर्थपरायणाः। सप्तर्षयः स्थितो यत्र मार्कंडो धृतमेखलः

etasminnaṁtare prāptā agnitīrthaparāyaṇāḥ| saptarṣayaḥ sthito yatra mārkaṁḍo dhṛtamekhalaḥ

इसी बीच अग्नि-तीर्थ की यात्रा में लगे हुए सप्तर्षि वहाँ आ पहुँचे, जहाँ मेखला धारण किए मार्कण्ड रहता था।

श्लोक 20 (skanda.6.21.20)

तान्दृष्ट्वा स मुनीन्सर्वान्नमश्चक्रे मुनेः सुतः। दीर्घायुर्भव तैरुक्तः सर्वैरपि पृथक्पृथक्

tāndṛṣṭvā sa munīnsarvānnamaścakre muneḥ sutaḥ| dīrghāyurbhava tairuktaḥ sarvairapi pṛthakpṛthak

उन्हें देखकर मुनि-पुत्र ने सभी मुनियों को नमस्कार किया, और सबने अलग-अलग उसे 'दीर्घायु हो' ऐसा आशीर्वाद दिया।

श्लोक 21 (skanda.6.21.21)

अथ तं बालभावेन कौतुकाद्ब्रह्मचारिणः। चिरं दृष्ट्वाऽब्रवीद्वाक्यं वसिष्ठो मुनिपुंगवः

atha taṁ bālabhāvena kautukādbrahmacāriṇaḥ| ciraṁ dṛṣṭvā'bravīdvākyaṁ vasiṣṭho munipuṁgavaḥ

तब उस ब्रह्मचारी बालक को उसके बालसुलभ भाव में कौतूहलवश देर तक देखकर, मुनिश्रेष्ठ वसिष्ठ ने यह वचन कहा।

श्लोक 22 (skanda.6.21.22)

सर्वैरेष शिशुः प्रोक्तो दीर्घायुरिति सादरम्। तृतीयेऽह्नि पुनः प्राणांस्त्यक्ष्यत्ययमसंशयः

sarvaireṣa śiśuḥ prokto dīrghāyuriti sādaram| tṛtīye'hni punaḥ prāṇāṁstyakṣyatyayamasaṁśayaḥ

हम सबने आदरपूर्वक इस शिशु को 'दीर्घायु हो' कहा, किंतु यह तीसरे दिन ही निश्चय से अपने प्राण त्याग देगा।

श्लोक 23 (skanda.6.21.23)

तन्न युक्तं भवेदीदृगस्माकं वचनं द्विजाः। तस्मात्तत्क्रियतां कर्म येनायं स्याच्चिरायुधृक्

tanna yuktaṁ bhavedīdṛgasmākaṁ vacanaṁ dvijāḥ| tasmāttatkriyatāṁ karma yenāyaṁ syāccirāyudhṛk

हे ब्राह्मणों! ऐसा होना हमारे वचन के अनुकूल उचित नहीं; इसलिए वह कार्य किया जाए जिससे यह बालक दीर्घायु हो सके।

श्लोक 24 (skanda.6.21.24)

ततो मिथः समालोच्य सर्वे ते मुनिपुंगवाः। प्रोचुर्न जीवनोपायो भवेन्मुक्त्वा पितामहम्

tato mithaḥ samālocya sarve te munipuṁgavāḥ| procurna jīvanopāyo bhavenmuktvā pitāmaham

तब आपस में विचार-विमर्श कर उन सभी श्रेष्ठ मुनियों ने कहा कि पितामह (ब्रह्मा) के बिना इसके जीवित रहने का कोई उपाय नहीं है।

श्लोक 25 (skanda.6.21.25)

तस्मात्तस्य पुरो नीत्वा बालोऽयं क्षीणजीवितः। क्रियतां तस्य वाक्येन यथा स्याच्चिरजीवभाक्

tasmāttasya puro nītvā bālo'yaṁ kṣīṇajīvitaḥ| kriyatāṁ tasya vākyena yathā syāccirajīvabhāk

अतः इस क्षीण-आयु बालक को उनके सामने ले जाकर, उन्हीं के वचन से वह उपाय किया जाए जिससे यह दीर्घजीवी हो सके।

श्लोक 26 (skanda.6.21.26)

ततस्तु ते समादाय सत्वरं ब्रह्मचारिणम्। ब्रह्मलोकं समाजग्मुस्त्यक्त्वा तीर्थपराक्रमम्

tatastu te samādāya satvaraṁ brahmacāriṇam| brahmalokaṁ samājagmustyaktvā tīrthaparākramam

तब वे उस ब्रह्मचारी को शीघ्र साथ लेकर, अपनी तीर्थ-यात्रा को छोड़कर ब्रह्मलोक की ओर चले गए।

श्लोक 27 (skanda.6.21.27)

ततः प्रणम्य तं देवं वेदोक्तैः स्तवनैर्द्विजाः। स्तुत्वाऽथ संविधे तस्य निषेदुस्तदनन्तरम्

tataḥ praṇamya taṁ devaṁ vedoktaiḥ stavanairdvijāḥ| stutvā'tha saṁvidhe tasya niṣedustadanantaram

वहाँ उन ब्राह्मणों ने उस देवता को प्रणाम कर, वेदोक्त स्तोत्रों से उनकी स्तुति की, और फिर उनकी सभा में बैठ गए।

श्लोक 28 (skanda.6.21.28)

तेषामनंतरं सोऽपि नमश्चक्रे पितामहम्। बालः प्रोक्तश्च दीर्घायुर्भवेति च स्वयंभुवा

teṣāmanaṁtaraṁ so'pi namaścakre pitāmaham| bālaḥ proktaśca dīrghāyurbhaveti ca svayaṁbhuvā

उनके बाद उस बालक ने भी पितामह को प्रणाम किया, और स्वयंभू ब्रह्मा ने भी उसे 'दीर्घायु हो' कहा।

श्लोक 29 (skanda.6.21.29)

अथोवाच मुनीन्सर्वान्विश्रांतान्पद्मयोनिजः। कुतो यूयं समायाताः सांप्रतं केन हेतुना

athovāca munīnsarvānviśrāṁtānpadmayonijaḥ| kuto yūyaṁ samāyātāḥ sāṁprataṁ kena hetunā

तब कमल से उत्पन्न ब्रह्मा ने विश्राम कर रहे उन सब मुनियों से पूछा -- अभी तुम कहाँ से आए हो, और किस कारण से?

श्लोक 30 (skanda.6.21.30)

प्रोच्यतां चापि यत्कृत्यं युष्माकं क्रियतेऽधुना। मद्गृहे संप्रयातानां कोऽयं बालोऽपि सद्व्रती

procyatāṁ cāpi yatkṛtyaṁ yuṣmākaṁ kriyate'dhunā| madgṛhe saṁprayātānāṁ ko'yaṁ bālo'pi sadvratī

जो कार्य अभी तुम्हें करना है, वह भी बताओ; और मेरे घर आए हुए तुम्हारे साथ यह व्रतधारी बालक कौन है?

श्लोक 31 (skanda.6.21.31)

मुनय ऊचुः। तीर्थयात्राप्रसंगेन भ्रममाणा महीतलम्। चमत्कारपुराभ्याशे वयं प्राप्ताः पितामह

munaya ūcuḥ| tīrthayātrāprasaṁgena bhramamāṇā mahītalam| camatkārapurābhyāśe vayaṁ prāptāḥ pitāmaha

मुनियों ने कहा -- हे पितामह! तीर्थयात्रा के प्रसंग में पृथ्वी पर घूमते हुए हम चमत्कारपुर के निकट पहुँचे थे।

श्लोक 32 (skanda.6.21.32)

तत्रानेन वयं देव बालकेनाऽभिवादिताः। क्रमात्सर्वेरपि प्रोक्तो दीर्घायुरिति सादरम्

tatrānena vayaṁ deva bālakenā'bhivāditāḥ| kramātsarverapi prokto dīrghāyuriti sādaram

हे देव! वहाँ इस बालक ने हमें प्रणाम किया, और हम सबने क्रमशः आदरपूर्वक उसे 'दीर्घायु हो' कहा।

श्लोक 33 (skanda.6.21.33)

एतस्य तु पुनः शेषमायुषो दिवसत्रयम्। विद्यते विबुधश्रेष्ठ व्रीडितास्तेन वै वयम्

etasya tu punaḥ śeṣamāyuṣo divasatrayam| vidyate vibudhaśreṣṭha vrīḍitāstena vai vayam

किंतु हे विद्वानों में श्रेष्ठ! इसकी शेष आयु मात्र तीन दिन ही है, और इसी से हम लज्जित हैं।

श्लोक 34 (skanda.6.21.34)

ततश्चैनं समादाय वयं प्राप्तास्तवांतिकम्। भवताऽपि तथा प्रोक्तो दीर्घायुर्बालकोऽस्त्वयम्

tataścainaṁ samādāya vayaṁ prāptāstavāṁtikam| bhavatā'pi tathā prokto dīrghāyurbālako'stvayam

इसलिए इसे साथ लेकर हम आपके निकट आए हैं; आपने भी इसे वैसा ही कहा है कि 'यह बालक दीर्घायु हो'।

श्लोक 35 (skanda.6.21.35)

तस्माद्यथा वयं सत्या भवता सह पद्मज। भवाम कुरु तत्कृत्यमेतस्मादागता वयम्

tasmādyathā vayaṁ satyā bhavatā saha padmaja| bhavāma kuru tatkṛtyametasmādāgatā vayam

अतः हे कमलज! जिस प्रकार आपके साथ हम भी सत्यवादी सिद्ध हों, वैसा कार्य कीजिए -- हम इसी उद्देश्य से यहाँ आए हैं।

श्लोक 36 (skanda.6.21.36)

सूत उवाच। तेषां तद्वचनं श्रुत्वा मुनीनां पद्मसंभवः। प्रोवाच प्रहसन्वाक्यं समादाय च बालकम्

sūta uvāca| teṣāṁ tadvacanaṁ śrutvā munīnāṁ padmasaṁbhavaḥ| provāca prahasanvākyaṁ samādāya ca bālakam

सूत जी ने कहा -- मुनियों का वह वचन सुनकर, कमल से उत्पन्न ब्रह्मा ने बालक को गोद में लेकर हँसते हुए यह वचन कहा।

श्लोक 37 (skanda.6.21.37)

मत्प्रसादादयं बालो जरामृत्युविवर्जितः। भविष्यति न संदेहो वेदविद्याविचक्षणः

matprasādādayaṁ bālo jarāmṛtyuvivarjitaḥ| bhaviṣyati na saṁdeho vedavidyāvicakṣaṇaḥ

मेरी कृपा से यह बालक बुढ़ापे और मृत्यु से रहित तथा वेद-विद्या में निपुण होगा, इसमें संदेह नहीं।

श्लोक 38 (skanda.6.21.38)

तस्मात्प्राग्धरणीपृष्ठं व्रजध्वं मुनिसत्तमाः। बालमेनं समादाय तस्मिन्नेवास्य मंदिरं

tasmātprāgdharaṇīpṛṣṭhaṁ vrajadhvaṁ munisattamāḥ| bālamenaṁ samādāya tasminnevāsya maṁdiraṁ

अतः हे श्रेष्ठ मुनियो! इस बालक को साथ लेकर पहले पृथ्वी पर, उसी के घर जाओ,

श्लोक 39 (skanda.6.21.39)

यावदस्य पिता वृद्धः पुत्रदर्शनविह्वलः। न याति निधनं सार्धं धर्मपत्न्या द्विजोत्तमाः

yāvadasya pitā vṛddhaḥ putradarśanavihvalaḥ| na yāti nidhanaṁ sārdhaṁ dharmapatnyā dvijottamāḥ

इससे पहले कि इसका वृद्ध पिता, पुत्र-दर्शन की व्याकुलता से, अपनी धर्मपत्नी सहित मृत्यु को प्राप्त हो जाए, हे श्रेष्ठ ब्राह्मणो!

श्लोक 40 (skanda.6.21.40)

अथाऽऽयाताश्च तं बालं सर्वे ते मुनिसत्तमाः। आगत्य वसुधापृष्ठं तस्यैवाश्रमसंनिधौ

athā''yātāśca taṁ bālaṁ sarve te munisattamāḥ| āgatya vasudhāpṛṣṭhaṁ tasyaivāśramasaṁnidhau

तब वे सभी श्रेष्ठ मुनि उस बालक को साथ लेकर पृथ्वी पर आए, उसी के आश्रम के निकट,

श्लोक 41 (skanda.6.21.41)

अमुंचन्नग्नितीर्थे तं समाभाष्य ततः परम्। तीर्थयात्राकृते पश्चाज्जग्मुरन्यत्र सत्वराः

amuṁcannagnitīrthe taṁ samābhāṣya tataḥ param| tīrthayātrākṛte paścājjagmuranyatra satvarāḥ

और उसे अग्नि-तीर्थ में छोड़कर, बातचीत करने के बाद, वे शीघ्र ही अपनी तीर्थयात्रा के लिए अन्यत्र चले गए।

श्लोक 42 (skanda.6.21.42)

एतस्मिन्नंतरे विप्रो मृकंडः सुतवत्सलः। नापश्यत्स्वसुतं पश्चाद्विललाप सुदुःखितः

etasminnaṁtare vipro mṛkaṁḍaḥ sutavatsalaḥ| nāpaśyatsvasutaṁ paścādvilalāpa suduḥkhitaḥ

इसी बीच पुत्र-वत्सल ब्राह्मण मृकण्ड ने अपने पुत्र को न देखकर बड़े दुःख से विलाप करना शुरू कर दिया।

श्लोक 43 (skanda.6.21.43)

अहो मे तनयोऽभीष्टः कथमद्य न दृश्यते। कूपांतः पतितः किं नु किं व्यालैर्वा निपातितः

aho me tanayo'bhīṣṭaḥ kathamadya na dṛśyate| kūpāṁtaḥ patitaḥ kiṁ nu kiṁ vyālairvā nipātitaḥ

हाय! मेरा प्रिय पुत्र आज क्यों नहीं दिखता? क्या वह किसी कुएँ में गिर गया, या क्या हिंसक जीवों ने उसे मार डाला?

श्लोक 44 (skanda.6.21.44)

कृत्वा मां दुःखसंतप्तं मातरं चापि पुत्रकः। प्रस्थितो दीर्घमध्वानं विरुद्धं कृतवान्विधिः

kṛtvā māṁ duḥkhasaṁtaptaṁ mātaraṁ cāpi putrakaḥ| prasthito dīrghamadhvānaṁ viruddhaṁ kṛtavānvidhiḥ

मुझे और उसकी माता को दुःख से संतप्त करके मेरा पुत्र किसी लंबे मार्ग पर चला गया है -- विधाता ने यह विपरीत कर दिया है।

श्लोक 45 (skanda.6.21.45)

पश्य ब्राह्मणि पापेन मया दुष्कृतकारिणा। न बालस्य मुखं दृष्टं प्रस्थितस्य यमालये

paśya brāhmaṇi pāpena mayā duṣkṛtakāriṇā| na bālasya mukhaṁ dṛṣṭaṁ prasthitasya yamālaye

हे ब्राह्मणी! देखो, मुझ पापी और दुष्कर्मी के कारण, यमलोक की ओर जाते हुए बालक का मुख भी मैंने नहीं देखा।

श्लोक 46 (skanda.6.21.46)

कथितं ज्ञानिना तेन मम पूर्वं महात्मना। षड्भिर्मासैः सुतस्तेऽयं देहत्यागं करिष्यति

kathitaṁ jñāninā tena mama pūrvaṁ mahātmanā| ṣaḍbhirmāsaiḥ sutaste'yaṁ dehatyāgaṁ kariṣyati

उस महात्मा ज्ञानी ने मुझसे पहले ही कहा था कि छह महीनों में तुम्हारा यह पुत्र देह त्याग देगा।

श्लोक 47 (skanda.6.21.47)

सोऽहं पुत्रस्य दुःखेन साधयिष्ये हुताशनम्। यावच्छोकाग्निना कायो दह्यते न वरानने

so'haṁ putrasya duḥkhena sādhayiṣye hutāśanam| yāvacchokāgninā kāyo dahyate na varānane

अतः मैं पुत्र-शोक से पीड़ित होकर अग्नि का सहारा लूँगा, इससे पहले कि हे सुमुखी! यह शरीर शोक की अग्नि से जल जाए।

श्लोक 48 (skanda.6.21.48)

ब्राह्मण्युवाच। ममापि मतमेतद्धि यत्त्वया परिकीर्तितम्। तत्किं चिरयसि ब्रह्मञ्छीघ्रं दारूणि चानय

brāhmaṇyuvāca| mamāpi matametaddhi yattvayā parikīrtitam| tatkiṁ cirayasi brahmañchīghraṁ dārūṇi cānaya

ब्राह्मणी ने कहा -- जो आपने कहा, वही मेरा भी विचार है; हे ब्रह्मन्! फिर आप देर क्यों करते हैं? शीघ्र लकड़ियाँ ले आइए।

श्लोक 49 (skanda.6.21.49)

येनाऽहं भवता सार्धं प्रवेक्ष्यामि हुताशनम्। पुत्रशोकेन संतप्ता सुभृशं दुःखशांतये

yenā'haṁ bhavatā sārdhaṁ pravekṣyāmi hutāśanam| putraśokena saṁtaptā subhṛśaṁ duḥkhaśāṁtaye

जिससे मैं भी, पुत्र-शोक से अत्यंत संतप्त होकर, अपने दुःख की शांति के लिए आपके साथ अग्नि में प्रवेश करूँ।

श्लोक 50 (skanda.6.21.50)

सूत उवाच। एवं तयोः प्रवदतोर्दंपत्योर्द्विजसत्तमाः। आजगामाऽथ संहृष्टः स बालः सन्निधिं तयोः

sūta uvāca| evaṁ tayoḥ pravadatordaṁpatyordvijasattamāḥ| ājagāmā'tha saṁhṛṣṭaḥ sa bālaḥ sannidhiṁ tayoḥ

सूत जी ने कहा -- हे श्रेष्ठ ब्राह्मणो! उस दंपती के इस प्रकार बातचीत करते हुए ही, वह बालक अत्यंत प्रसन्न होकर उनके पास आ पहुँचा।

श्लोक 51 (skanda.6.21.51)

तं दृष्ट्वा ब्राह्मणो हृष्टो ब्राह्मण्या सहितस्तदा। आनंदाश्रुप्लुताक्षोऽथ सम्मुखस्तमुपाद्रवत्

taṁ dṛṣṭvā brāhmaṇo hṛṣṭo brāhmaṇyā sahitastadā| ānaṁdāśruplutākṣo'tha sammukhastamupādravat

उसे देखकर ब्राह्मण अपनी पत्नी सहित प्रसन्न हो उठा, और आनंद के आँसुओं से भरी आँखों के साथ सामने से दौड़कर उससे मिला।

श्लोक 52 (skanda.6.21.52)

भूयोभूयः परिष्वज्य सभार्यः पृष्टवांस्तदा। क्व गतः स्वाश्रमाद्वत्स चिरात्कस्मादिहाऽऽगतः

bhūyobhūyaḥ pariṣvajya sabhāryaḥ pṛṣṭavāṁstadā| kva gataḥ svāśramādvatsa cirātkasmādihā''gataḥ

पत्नी सहित उसे बार-बार गले लगाकर उसने पूछा -- हे वत्स! तू अपने आश्रम से कहाँ गया था, और इतनी देर बाद यहाँ क्यों लौटा?

श्लोक 53 (skanda.6.21.53)

शोकार्णवे परिक्षिप्य मां सभार्यं वयोऽधिकम्। तन्मा पुत्रक भूयस्त्वमीदृक्कर्म करिष्यसि

śokārṇave parikṣipya māṁ sabhāryaṁ vayo'dhikam| tanmā putraka bhūyastvamīdṛkkarma kariṣyasi

वृद्धावस्था में मुझे और तेरी माँ को शोक-सागर में डालकर -- हे पुत्र! भविष्य में फिर कभी ऐसा कर्म मत करना।

श्लोक 54 (skanda.6.21.54)

मार्कंडेय उवाच। अत्राऽद्य मुनयः प्राप्ता मया ते चाभिवादिताः। क्रमेण विनयात्तात स्मरमाणेन ते वचः

mārkaṁḍeya uvāca| atrā'dya munayaḥ prāptā mayā te cābhivāditāḥ| krameṇa vinayāttāta smaramāṇena te vacaḥ

मार्कण्डेय ने कहा -- हे पिताजी! आज यहाँ मुनि आए थे, और मैंने आपके वचन को याद रखते हुए विनयपूर्वक क्रमशः उन्हें प्रणाम किया।

श्लोक 55 (skanda.6.21.55)

दीर्घायुर्भव तैरुक्तः सर्वैरेव द्विजोत्तमैः। दृष्ट्वा मां विस्मयाविष्टैर्बालकं व्रतिनं विभो

dīrghāyurbhava tairuktaḥ sarvaireva dvijottamaiḥ| dṛṣṭvā māṁ vismayāviṣṭairbālakaṁ vratinaṁ vibho

हे प्रभो! व्रतधारी बालक मुझे देखकर आश्चर्यचकित हुए उन सभी श्रेष्ठ ब्राह्मणों ने कहा -- 'दीर्घायु हो'।

श्लोक 56 (skanda.6.21.56)

अथ तात समालोक्य तेषां मध्यगतो मुनिः। वसिष्ठस्तान्मुनीन्सर्वान्प्रोवाच प्रहसन्निव

atha tāta samālokya teṣāṁ madhyagato muniḥ| vasiṣṭhastānmunīnsarvānprovāca prahasanniva

तब हे पिताजी! उनके बीच में स्थित मुनि वसिष्ठ ने मुझे देखकर उन सभी मुनियों से हँसते हुए-से यह कहा।

श्लोक 57 (skanda.6.21.57)

वसिष्ठ उवाच। दीर्घायुर्भव यः प्रोक्तो युष्माभिर्मुनिपुंगवाः। तृतीये दिवसे सोऽयं बालः पंचत्वमेष्यति

vasiṣṭha uvāca| dīrghāyurbhava yaḥ prokto yuṣmābhirmunipuṁgavāḥ| tṛtīye divase so'yaṁ bālaḥ paṁcatvameṣyati

वसिष्ठ ने कहा -- हे श्रेष्ठ मुनियो! जिस बालक को तुमने 'दीर्घायु हो' कहा है, यह तीसरे दिन ही मृत्यु को प्राप्त होगा।

श्लोक 58 (skanda.6.21.58)

ततस्ते मुनयो भीता असत्यात्तात तत्क्षणात्। समादाय ययुस्तत्र यत्र ब्रह्मा व्यवस्थितः

tataste munayo bhītā asatyāttāta tatkṣaṇāt| samādāya yayustatra yatra brahmā vyavasthitaḥ

तब हे पिताजी! अपने वचन के असत्य हो जाने के भय से उन मुनियों ने उसी क्षण मुझे साथ लेकर उस स्थान की ओर प्रस्थान किया जहाँ ब्रह्मा विराजमान थे।

श्लोक 59 (skanda.6.21.59)

नमस्कृतेन तेनाऽपि प्रोक्तोऽहं पद्मयोनिना। दीर्घायुर्भव पृष्टश्च कुतस्त्वमिह चागतः

namaskṛtena tenā'pi prokto'haṁ padmayoninā| dīrghāyurbhava pṛṣṭaśca kutastvamiha cāgataḥ

उन्हें प्रणाम करने पर कमल से उत्पन्न ब्रह्मा ने भी मुझे 'दीर्घायु हो' कहा, और पूछा कि तू यहाँ कहाँ से आया है।

श्लोक 60 (skanda.6.21.60)

अथ तैर्मुनिभिः सर्वैर्वृत्तांतं तस्य कीर्तितम्। आशीर्वादोद्भवं प्रोक्तं ततो वयमिहागताः

atha tairmunibhiḥ sarvairvṛttāṁtaṁ tasya kīrtitam| āśīrvādodbhavaṁ proktaṁ tato vayamihāgatāḥ

तब उन सब मुनियों ने उनसे मेरा पूरा वृत्तांत सुनाया, यह भी बताया कि आशीर्वाद से यह प्रसंग उठा है, और इसीलिए हम यहाँ आए हैं।

श्लोक 61 (skanda.6.21.61)

यथाऽयं बालको देव त्वत्प्रसादात्पितामह। दीर्घायुर्जायते लोके तथा त्वं कर्तुमर्हसि

yathā'yaṁ bālako deva tvatprasādātpitāmaha| dīrghāyurjāyate loke tathā tvaṁ kartumarhasi

हे देव, हे पितामह! जैसे आपकी कृपा से यह बालक संसार में दीर्घायु हो सके, वैसा ही आप कीजिए।

श्लोक 62 (skanda.6.21.62)

ततोऽहं ब्रह्मणा तात जरामरणवर्जितः। विहितः प्रेषितस्तूर्णं स्वगृहं प्रति तैः समम्

tato'haṁ brahmaṇā tāta jarāmaraṇavarjitaḥ| vihitaḥ preṣitastūrṇaṁ svagṛhaṁ prati taiḥ samam

तब हे पिताजी! ब्रह्मा ने मुझे बुढ़ापे और मृत्यु से रहित बना दिया, और उन्हीं के साथ शीघ्र मेरे घर भेज दिया।

श्लोक 63 (skanda.6.21.63)

ते तु मां मुनयोऽत्रैव प्रमुच्याश्रमसन्निधौ। स्नानार्थं विविशुः सर्वे ह्रदेऽत्रैव सुशोभने

te tu māṁ munayo'traiva pramucyāśramasannidhau| snānārthaṁ viviśuḥ sarve hrade'traiva suśobhane

वे मुनि मुझे यहीं, आश्रम के निकट, छोड़कर स्वयं स्नान के लिए इसी सुंदर सरोवर में उतर गए।

श्लोक 64 (skanda.6.21.64)

सूत उवाच। तच्छ्रुत्वा वचनं तस्य मृकंडो हर्षसंयुतः। प्रययौ सत्वरं तत्र यत्र ते मुनयः स्थिताः

sūta uvāca| tacchrutvā vacanaṁ tasya mṛkaṁḍo harṣasaṁyutaḥ| prayayau satvaraṁ tatra yatra te munayaḥ sthitāḥ

सूत जी ने कहा -- उसका यह वचन सुनकर मृकण्ड हर्ष से भरकर शीघ्र ही उस स्थान की ओर गया जहाँ वे मुनि ठहरे थे।

श्लोक 65 (skanda.6.21.65)

प्रणम्य तान्मुनीन्सर्वान्कृताञ्जलिपुटः स्थितः। प्रोवाच वः प्रसादेन कुलं मे वृद्धिमागतम्

praṇamya tānmunīnsarvānkṛtāñjalipuṭaḥ sthitaḥ| provāca vaḥ prasādena kulaṁ me vṛddhimāgatam

उन सब मुनियों को प्रणाम कर, हाथ जोड़कर खड़े होकर उसने कहा -- आपकी कृपा से मेरा कुल वृद्धि को प्राप्त हुआ है।

श्लोक 66 (skanda.6.21.66)

साधु प्रोक्तमिदं कैश्चिदाचार्यैर्मुनिसत्तमाः। साधुलोकं समाश्रित्य विख्यातं च जगत्त्रये

sādhu proktamidaṁ kaiścidācāryairmunisattamāḥ| sādhulokaṁ samāśritya vikhyātaṁ ca jagattraye

हे श्रेष्ठ मुनियो! कुछ आचार्यों ने ठीक ही कहा है कि सज्जनों का आश्रय पाकर मनुष्य तीनों लोकों में विख्यात हो जाता है।

श्लोक 67 (skanda.6.21.67)

साधूनां दर्शनं पुण्यं तीर्थभूता हि साधवः। तीर्थं फलति कालेन सद्यः साधुसमागमः

sādhūnāṁ darśanaṁ puṇyaṁ tīrthabhūtā hi sādhavaḥ| tīrthaṁ phalati kālena sadyaḥ sādhusamāgamaḥ

सज्जनों का दर्शन पुण्यकारी है, क्योंकि सज्जन स्वयं तीर्थस्वरूप हैं; तीर्थ का फल समय पर मिलता है, किंतु सज्जनों का समागम तुरंत फल देता है।

श्लोक 68 (skanda.6.21.68)

तस्मादतिथयः प्राप्ता यूयं सर्वेऽद्य मे गृहम्। प्रकरोमि किमातिथ्यं प्रोच्यतां द्विजसत्तमाः

tasmādatithayaḥ prāptā yūyaṁ sarve'dya me gṛham| prakaromi kimātithyaṁ procyatāṁ dvijasattamāḥ

अतः हे श्रेष्ठ ब्राह्मणो! आप सब आज मेरे घर अतिथि रूप में पधारे हैं; बताइए, मैं आपकी क्या सेवा-सत्कार करूँ।

श्लोक 69 (skanda.6.21.69)

ऋषय ऊचुः। एतदेव मुनेऽस्माकमातिथ्यं कोटिसंमितम्। अल्पायुरपि ते बालो यज्जातो मृत्युवर्जितः

ṛṣaya ūcuḥ| etadeva mune'smākamātithyaṁ koṭisaṁmitam| alpāyurapi te bālo yajjāto mṛtyuvarjitaḥ

ऋषियों ने कहा -- हे मुनि! यही हमारे लिए करोड़ों अतिथि-सत्कारों के समान है, कि आपका यह अल्पायु बालक भी मृत्यु से मुक्त होकर उत्पन्न हुआ।

श्लोक 70 (skanda.6.21.70)

मृकण्ड उवाच। मृत्युनाऽऽलिंगितं बालमस्मदीयं मुनीश्वराः। भवद्भिरद्य संरक्ष्य कुलं कृत्स्नं समुद्धृतम्

mṛkaṇḍa uvāca| mṛtyunā''liṁgitaṁ bālamasmadīyaṁ munīśvarāḥ| bhavadbhiradya saṁrakṣya kulaṁ kṛtsnaṁ samuddhṛtam

मृकण्ड ने कहा -- हे मुनीश्वरो! मृत्यु द्वारा आलिंगित मेरे इस बालक की आपने आज रक्षा की है, और इस प्रकार मेरा समस्त कुल उद्धार पा गया है।

श्लोक 71 (skanda.6.21.71)

ब्रह्मघ्ने च सुरापे च चौरे भग्नव्रते तथा। निष्कृतिर्विहिता सद्भिः कृतघ्ने नाऽस्ति निष्कृतिः

brahmaghne ca surāpe ca caure bhagnavrate tathā| niṣkṛtirvihitā sadbhiḥ kṛtaghne nā'sti niṣkṛtiḥ

ब्रह्महत्यारे, मद्यपायी, चोर और व्रतभंग करने वाले के लिए भी सज्जनों ने प्रायश्चित्त बताया है, किंतु कृतघ्न के लिए कोई प्रायश्चित्त नहीं है।

श्लोक 72 (skanda.6.21.72)

तस्मात्कृतघ्नतादोषो न स्यान्मम मुनीश्वराः। यथा कार्यं भवद्भिश्च तथा सर्वैर्न संशयः

tasmātkṛtaghnatādoṣo na syānmama munīśvarāḥ| yathā kāryaṁ bhavadbhiśca tathā sarvairna saṁśayaḥ

अतः हे मुनीश्वरो! मुझमें कृतघ्नता का दोष न हो; जैसा आप सबको उचित लगे, वैसा ही मुझसे करवाइए, इसमें संदेह नहीं।

श्लोक 73 (skanda.6.21.73)

ऋषय ऊचुः। यदि प्रत्युपकाराय मन्यसे त्वं द्विजोत्तम। गृहं कुरुष्व नो वाक्याद्देवस्य परमेष्ठिनः

ṛṣaya ūcuḥ| yadi pratyupakārāya manyase tvaṁ dvijottama| gṛhaṁ kuruṣva no vākyāddevasya parameṣṭhinaḥ

ऋषियों ने कहा -- हे श्रेष्ठ ब्राह्मण! यदि आप प्रत्युपकार करना उचित समझते हैं, तो हमारे वचन से परमेष्ठी देव का एक निवास-स्थान बनवाइए।

श्लोक 74 (skanda.6.21.74)

येनाऽयं बालकस्तेऽद्य कृतो मृत्युविवर्जितः। तस्मात्स्थापय तीर्थेन देवं तं प्रपितामहम्

yenā'yaṁ bālakaste'dya kṛto mṛtyuvivarjitaḥ| tasmātsthāpaya tīrthena devaṁ taṁ prapitāmaham

जिनके द्वारा आज आपका यह बालक मृत्यु से मुक्त किया गया है, उसी प्रपितामह देव की मूर्ति इस तीर्थ में स्थापित कीजिए।

श्लोक 75 (skanda.6.21.75)

पुत्रेण सहितः पश्चादाराधय दिवानिशम्। वयमेव त्वया सार्धं तं च देवं पितामहम्

putreṇa sahitaḥ paścādārādhaya divāniśam| vayameva tvayā sārdhaṁ taṁ ca devaṁ pitāmaham

फिर पुत्र सहित रात-दिन उनकी आराधना कीजिए; हम भी आपके साथ मिलकर उन पितामह देव की आराधना करेंगे।

श्लोक 76 (skanda.6.21.76)

नित्यं प्रपूजयिष्यामस्तथान्येऽपि द्विजोत्तमाः। बालेनाऽनेन सार्धं ते सख्यमत्र स्थितं यतः। बालसख्यमिति ख्यातं नाम्ना तेन भविष्यति

nityaṁ prapūjayiṣyāmastathānye'pi dvijottamāḥ| bālenā'nena sārdhaṁ te sakhyamatra sthitaṁ yataḥ| bālasakhyamiti khyātaṁ nāmnā tena bhaviṣyati

हम और अन्य श्रेष्ठ ब्राह्मण भी नित्य पूजा करेंगे; और चूँकि यह मित्रता इस बालक के साथ यहाँ स्थापित हुई है, इसी नाम से यह तीर्थ 'बालसख्य' के नाम से प्रसिद्ध होगा।

श्लोक 77 (skanda.6.21.77)

तीर्थमन्यैरिति ख्यातं बालकानां हितावहम्। रोगार्तानां भयार्तानामस्माकं वचनात्सदा

tīrthamanyairiti khyātaṁ bālakānāṁ hitāvaham| rogārtānāṁ bhayārtānāmasmākaṁ vacanātsadā

हमारे इस वचन से यह तीर्थ सदा दूसरों में भी बालकों, रोगार्त और भयार्त लोगों के लिए हितकारी नाम से प्रसिद्ध होगा।

श्लोक 78 (skanda.6.21.78)

अस्मिंस्तीर्थे शिशुं लोकाः स्नापयिष्यंति ये द्विज। रोगार्तं वा भयार्तं वा पीडितं वा ग्रहादिभिः

asmiṁstīrthe śiśuṁ lokāḥ snāpayiṣyaṁti ye dvija| rogārtaṁ vā bhayārtaṁ vā pīḍitaṁ vā grahādibhiḥ

हे ब्राह्मण! जो लोग इस तीर्थ में किसी रोगग्रस्त, भयभीत अथवा ग्रहों से पीड़ित शिशु को स्नान कराएँगे --

श्लोक 79 (skanda.6.21.79)

भविष्यति न संदेहः सर्वदोषविवर्जितः। पितामहप्रसादेन तथाऽस्मद्वचनाद्द्विज

bhaviṣyati na saṁdehaḥ sarvadoṣavivarjitaḥ| pitāmahaprasādena tathā'smadvacanāddvija

हे ब्राह्मण! वह पितामह की कृपा से और हमारे इस वचन से निश्चय ही सब दोषों से मुक्त हो जाएगा।

श्लोक 80 (skanda.6.21.80)

ये पुनर्मानुषा विप्र निष्कामाः श्रद्धयान्विताः। स्नानमात्रं करिष्यंति ते यांति परमां गतिम्

ye punarmānuṣā vipra niṣkāmāḥ śraddhayānvitāḥ| snānamātraṁ kariṣyaṁti te yāṁti paramāṁ gatim

हे विप्र! और जो मनुष्य निष्काम भाव से, श्रद्धा से युक्त होकर केवल स्नान भी कर लेंगे, वे परम गति को प्राप्त होंगे।

श्लोक 81 (skanda.6.21.81)

सूत उवाच। एवमुक्त्वाथ ते सर्वे मुनयः शंसितव्रताः। तमामंत्र्य मुनिं जग्मुस्तीर्थान्यन्यानि सत्वराः

sūta uvāca| evamuktvātha te sarve munayaḥ śaṁsitavratāḥ| tamāmaṁtrya muniṁ jagmustīrthānyanyāni satvarāḥ

सूत जी ने कहा -- ऐसा कहकर व्रतपालन में तत्पर वे सभी मुनि उस मुनि से विदा लेकर शीघ्र ही अन्य तीर्थों की ओर चले गए।

श्लोक 82 (skanda.6.21.82)

मृकण्डोऽपि सपुत्रश्च तस्मिन्स्थाने पितामहम्। स्थापयामास संहृष्टो ज्येष्ठे ज्येष्ठास्थिते विधौ

mṛkaṇḍo'pi saputraśca tasminsthāne pitāmaham| sthāpayāmāsa saṁhṛṣṭo jyeṣṭhe jyeṣṭhāsthite vidhau

मृकण्ड ने भी अपने पुत्र सहित उस स्थान पर, ज्येष्ठ मास में चंद्रमा के ज्येष्ठा नक्षत्र में स्थित होने पर, प्रसन्नतापूर्वक पितामह की स्थापना की।

श्लोक 83 (skanda.6.21.83)

ततश्चाऽऽराधयामास दिवारात्रमतंद्रितः। सपुत्रः श्रद्धया युक्तः संप्राप्तश्च परां गतिम्

tataścā''rādhayāmāsa divārātramataṁdritaḥ| saputraḥ śraddhayā yuktaḥ saṁprāptaśca parāṁ gatim

फिर वह अपने पुत्र सहित, श्रद्धा से युक्त होकर, बिना आलस्य के दिन-रात उनकी आराधना करता रहा, और अंततः परम गति को प्राप्त हुआ।

श्लोक 84 (skanda.6.21.84)

सूत उवाच। ततःप्रभृति तत्तीर्थं बालसख्यमिति स्मृतम्। पावनं सर्वजंतूनां बालानां रोगनाशनम्

sūta uvāca| tataḥprabhṛti tattīrthaṁ bālasakhyamiti smṛtam| pāvanaṁ sarvajaṁtūnāṁ bālānāṁ roganāśanam

सूत जी ने कहा -- तभी से वह तीर्थ 'बालसख्य' के नाम से प्रसिद्ध हुआ, जो सब प्राणियों को पवित्र करने वाला और बालकों के रोगों का नाश करने वाला है।

श्लोक 85 (skanda.6.21.85)

ज्येष्ठे ज्येष्ठासु यो बालस्तत्र स्नानं समाचरेत्। न स पीडामवाप्नोति यावत्संवत्सरं द्विजाः

jyeṣṭhe jyeṣṭhāsu yo bālastatra snānaṁ samācaret| na sa pīḍāmavāpnoti yāvatsaṁvatsaraṁ dvijāḥ

हे ब्राह्मणो! ज्येष्ठ मास में, ज्येष्ठा नक्षत्र में जो बालक वहाँ स्नान करता है, वह पूरे एक वर्ष तक कोई पीड़ा नहीं पाता।

श्लोक 86 (skanda.6.21.86)

ग्रहभूतपिशाचानां शाकिनीनां विशेषतः। अगम्यः सर्वदुष्टानां तथाऽन्येषां प्रजायते

grahabhūtapiśācānāṁ śākinīnāṁ viśeṣataḥ| agamyaḥ sarvaduṣṭānāṁ tathā'nyeṣāṁ prajāyate

वह विशेष रूप से ग्रहों, भूतों, पिशाचों और शाकिनियों की पहुँच से बाहर हो जाता है, और अन्य सभी दुष्ट शक्तियों के लिए भी अगम्य हो जाता है।