मृगतीर्थमाहात्म्य

श्लोक 1 (skanda.6.23.1)

सूत उवाच। तस्यैव पश्चिमे भागे मृगतीर्थमनुत्तमम्। अस्ति पुण्यतमं ख्यातं समस्ते धरणीतले

sūta uvāca| tasyaiva paścime bhāge mṛgatīrthamanuttamam| asti puṇyatamaṁ khyātaṁ samaste dharaṇītale

सूत जी ने कहा -- उसी (हाटकेश्वर क्षेत्र) के पश्चिम भाग में मृगतीर्थ नामक एक अनुपम, परम पवित्र और समस्त पृथ्वी पर विख्यात तीर्थ है।

श्लोक 2 (skanda.6.23.2)

तत्र ये मानवास्तीर्थे सम्यक्छ्रद्धासमन्विताः। चैत्रशुक्लचतुर्दश्यां स्नानं कुर्वंति भास्करे

tatra ye mānavāstīrthe samyakchraddhāsamanvitāḥ| caitraśuklacaturdaśyāṁ snānaṁ kurvaṁti bhāskare

जो मनुष्य वहाँ, चैत्र शुक्ल चतुर्दशी को, सूर्य के उदय होने पर, पूर्ण श्रद्धा से युक्त होकर स्नान करते हैं --

श्लोक 3 (skanda.6.23.3)

मध्ये स्थिते न ते यांति तिर्यग्योनौ कथंचन। अपि पापसमोपेता दोषैः सर्वैः समन्विताः

madhye sthite na te yāṁti tiryagyonau kathaṁcana| api pāpasamopetā doṣaiḥ sarvaiḥ samanvitāḥ

वे कभी तिर्यक् योनि (पशु-पक्षी की योनि) को प्राप्त नहीं होते, चाहे वे पापों और सभी दोषों से भी युक्त क्यों न हों।

श्लोक 4 (skanda.6.23.4)

कृतघ्ना नास्तिकाश्चौरा मर्यादाभेदकास्तथा। स्नाता ये तत्र सत्तीर्थे ते यांति परमां गतिम्। विमानवरमारूढाः स्तूयमानाश्च किंनरैः

kṛtaghnā nāstikāścaurā maryādābhedakāstathā| snātā ye tatra sattīrthe te yāṁti paramāṁ gatim| vimānavaramārūḍhāḥ stūyamānāśca kiṁnaraiḥ

कृतघ्न, नास्तिक, चोर और मर्यादा तोड़ने वाले भी, यदि उस सत्तीर्थ में स्नान करें, तो श्रेष्ठ विमान पर आरूढ़ होकर, किन्नरों द्वारा स्तुति किए जाते हुए, परम गति को प्राप्त होते हैं।

श्लोक 5 (skanda.6.23.5)

ऋषय ऊचुः। मृगतीर्थं कथं तत्र संजातं सूतनंदन। किं प्रभावं समाचक्ष्व परं कौतूहलं हि नः

ṛṣaya ūcuḥ| mṛgatīrthaṁ kathaṁ tatra saṁjātaṁ sūtanaṁdana| kiṁ prabhāvaṁ samācakṣva paraṁ kautūhalaṁ hi naḥ

ऋषियों ने कहा -- हे सूतनंदन! वहाँ मृगतीर्थ कैसे उत्पन्न हुआ? उसका प्रभाव बताइए -- हमें बड़ी उत्सुकता है।

श्लोक 6 (skanda.6.23.6)

सूत उवाच। पूर्वं तत्र महारण्ये नानामृगगणावृते। नानाविहंगसंघुष्टे नानावृक्षसमाकुले

sūta uvāca| pūrvaṁ tatra mahāraṇye nānāmṛgagaṇāvṛte| nānāvihaṁgasaṁghuṣṭe nānāvṛkṣasamākule

सूत जी ने कहा -- पूर्वकाल में वहाँ एक विशाल वन था, जो अनेक मृग-समूहों से घिरा, अनेक पक्षियों की ध्वनि से गूँजता और अनेक वृक्षों से भरा हुआ था।

श्लोक 7 (skanda.6.23.7)

समायाता महारौद्रा लुब्धकाश्चापपाणयः। कृष्णांगा भ्रममाणास्ते यमदूता इवाऽपरे

samāyātā mahāraudrā lubdhakāścāpapāṇayaḥ| kṛṣṇāṁgā bhramamāṇāste yamadūtā ivā'pare

वहाँ अत्यंत भयंकर, हाथों में धनुष लिए, काले शरीर वाले शिकारी आए, जो यमदूतों के समान इधर-उधर घूम रहे थे।

श्लोक 8 (skanda.6.23.8)

एतस्मिन्नंतरे दृष्टं मृगयूथं तरोरधः। उपविष्टं सुविश्रब्धं तैस्तदा द्विजसत्तमाः

etasminnaṁtare dṛṣṭaṁ mṛgayūthaṁ taroradhaḥ| upaviṣṭaṁ suviśrabdhaṁ taistadā dvijasattamāḥ

हे श्रेष्ठ ब्राह्मणो! उसी समय उन्होंने एक वृक्ष के नीचे निश्चिंत होकर बैठा हुआ मृगों का झुंड देखा।

श्लोक 9 (skanda.6.23.9)

अथ ताँल्लुब्धकान्दृष्ट्वा दूरतोऽपि भयातुराः। पलायनपराः सर्वे मृगा जग्मुर्द्रुतं ततः

atha tā~llubdhakāndṛṣṭvā dūrato'pi bhayāturāḥ| palāyanaparāḥ sarve mṛgā jagmurdrutaṁ tataḥ

उन शिकारियों को दूर से ही देखकर वे सभी मृग भय से व्याकुल होकर भागने लगे और वहाँ से तेज़ी से चले गए।

श्लोक 10 (skanda.6.23.10)

अथ ते सन्निधौ दृष्ट्वा गंभीरं सलिलाशयम्। प्रविष्टा हरिणाः सर्वे भयार्ताः शरपीडिताः

atha te sannidhau dṛṣṭvā gaṁbhīraṁ salilāśayam| praviṣṭā hariṇāḥ sarve bhayārtāḥ śarapīḍitāḥ

तब पास ही एक गहरा जलाशय देखकर, भय से पीड़ित और बाणों से घायल वे सब मृग उसमें घुस गए।

श्लोक 11 (skanda.6.23.11)

ततस्तत्सलिलस्यांतस्ते मृगाः सर्व एव हि। मानुषत्वमनुप्राप्तास्तत्प्रभावाद्द्विजोत्तमाः

tatastatsalilasyāṁtaste mṛgāḥ sarva eva hi| mānuṣatvamanuprāptāstatprabhāvāddvijottamāḥ

हे श्रेष्ठ ब्राह्मणो! फिर उस जल के भीतर वे सभी मृग, उस तीर्थ के प्रभाव से, मनुष्यत्व को प्राप्त हो गए।

श्लोक 12 (skanda.6.23.12)

अथ तान्मानुषीभूतान्पप्रच्छुर्लुब्धका मृगान्। मृगयूथं समायातं मार्गेणानेन सांप्रतम्। केन मार्गेण निर्यातं तस्माद्वदत मा चिरम्

atha tānmānuṣībhūtānpapracchurlubdhakā mṛgān| mṛgayūthaṁ samāyātaṁ mārgeṇānena sāṁpratam| kena mārgeṇa niryātaṁ tasmādvadata mā ciram

तब शिकारियों ने उन मनुष्य बने मृगों से पूछा -- अभी-अभी जो मृगों का झुंड इस मार्ग से आया था, वह किस मार्ग से गया, यह शीघ्र बताओ।

श्लोक 13 (skanda.6.23.13)

मानुषा ऊचुः। वयं ते हरिणाः सर्वे मानुषत्वं सुदुर्लभम्। तीर्थस्याऽस्य प्रभावेन प्राप्ताः सत्यं न संशयः

mānuṣā ūcuḥ| vayaṁ te hariṇāḥ sarve mānuṣatvaṁ sudurlabham| tīrthasyā'sya prabhāvena prāptāḥ satyaṁ na saṁśayaḥ

मनुष्यों ने कहा -- हम ही वे सारे मृग हैं; इस तीर्थ के प्रभाव से हमने अत्यंत दुर्लभ मनुष्यत्व प्राप्त किया है -- यह सत्य है, इसमें संशय नहीं।

श्लोक 14 (skanda.6.23.14)

तच्छ्रुत्वा विस्मयाविष्टास्ततस्ते लुब्धका द्रुतम्। त्यक्त्वा धनूंषि बाणांश्च स्नानं तत्र प्रचक्रिरे

tacchrutvā vismayāviṣṭāstataste lubdhakā drutam| tyaktvā dhanūṁṣi bāṇāṁśca snānaṁ tatra pracakrire

यह सुनकर आश्चर्यचकित हुए वे शिकारी शीघ्र ही अपने धनुष-बाण त्यागकर वहीं स्नान करने लगे।

श्लोक 15 (skanda.6.23.15)

स्नानमात्रात्ततः सर्वे दिव्यमाल्यानुलेपनाः। दिव्यगात्रधरा सर्वे संजाताः पार्थिवोत्तमाः

snānamātrāttataḥ sarve divyamālyānulepanāḥ| divyagātradharā sarve saṁjātāḥ pārthivottamāḥ

स्नान करते ही वे सभी दिव्य माला और चंदन के लेप धारण किए हुए, दिव्य शरीर वाले श्रेष्ठ पुरुष बन गए।

श्लोक 16 (skanda.6.23.16)

ऋषय ऊचुः। अत्याश्चर्यमिदं सूत यत्त्वया परिकीर्तितम्। स्नानमात्रेण ते प्राप्ता लुब्धकास्तादृशं वपुः

ṛṣaya ūcuḥ| atyāścaryamidaṁ sūta yattvayā parikīrtitam| snānamātreṇa te prāptā lubdhakāstādṛśaṁ vapuḥ

ऋषियों ने कहा -- हे सूत! यह अत्यंत आश्चर्यजनक है जो आपने बताया, कि केवल स्नान से उन शिकारियों को ऐसा दिव्य शरीर प्राप्त हुआ।

श्लोक 17 (skanda.6.23.17)

तथा मानुष्यमापन्ना मृगास्तोयावगाहनात्। तत्कथं मेदिनीपृष्ठे तत्तीर्थं संबभूव ह

tathā mānuṣyamāpannā mṛgāstoyāvagāhanāt| tatkathaṁ medinīpṛṣṭhe tattīrthaṁ saṁbabhūva ha

और उसी प्रकार जल में डुबकी लगाने से मृगों ने मनुष्यत्व प्राप्त किया -- वह तीर्थ पृथ्वी पर कैसे उत्पन्न हुआ?

श्लोक 18 (skanda.6.23.18)

सूत उवाच। लिंगभेदोद्भवं तोयं यत्पुरा वः प्रकीर्तितम्। आच्छन्नं पांसुभिः कृत्स्नं वायुना शक्रशासनात्

sūta uvāca| liṁgabhedodbhavaṁ toyaṁ yatpurā vaḥ prakīrtitam| ācchannaṁ pāṁsubhiḥ kṛtsnaṁ vāyunā śakraśāsanāt

सूत जी ने कहा -- जो जल लिंग के विभाजन से उत्पन्न हुआ था, जिसका वर्णन मैंने पहले तुम्हें सुनाया था, वह इंद्र की आज्ञा से वायु द्वारा पूरी तरह धूल से ढक दिया गया था।

श्लोक 19 (skanda.6.23.19)

वल्मीकरंध्रमासाद्य तन्निष्क्रांतं पुनर्द्विजाः। कालेन महता तत्र प्रदेशे स्वल्पमेव हि

valmīkaraṁdhramāsādya tanniṣkrāṁtaṁ punardvijāḥ| kālena mahatā tatra pradeśe svalpameva hi

हे ब्राह्मणो! वह जल दीमक के बिल के छिद्र से होकर पुनः बाहर निकला, किंतु बहुत समय बाद, उस स्थान पर बहुत ही अल्प मात्रा में।

श्लोक 20 (skanda.6.23.20)

यत्र स्नातः पुरा सद्यस्त्रिशंकुः पृथिवीपतिः। दिव्यं वपुः पुनः प्राप्तश्चंडालत्वेन संस्थितः

yatra snātaḥ purā sadyastriśaṁkuḥ pṛthivīpatiḥ| divyaṁ vapuḥ punaḥ prāptaścaṁḍālatvena saṁsthitaḥ

वहीं पूर्वकाल में राजा त्रिशंकु ने स्नान किया था, और चांडाल-रूप में स्थित होने पर भी वे तुरंत पुनः अपना दिव्य शरीर प्राप्त कर सके थे।

श्लोक 21 (skanda.6.23.21)

एतस्मात्कारणात्तत्र स्नाताः सारंगलुब्धकाः। सर्वे पापविनिर्मुक्ताः संप्राप्ताः परमं वपुः

etasmātkāraṇāttatra snātāḥ sāraṁgalubdhakāḥ| sarve pāpavinirmuktāḥ saṁprāptāḥ paramaṁ vapuḥ

इसी कारण वहाँ स्नान करने वाले मृग और शिकारी सभी पापों से मुक्त होकर उत्तम शरीर को प्राप्त हुए।