विष्णुपदीतीर्थोत्पत्तिवर्णन

श्लोक 1 (skanda.6.24.1)

सूत उवाच। तत्र विष्णुपदं नाम तीर्थं तीर्थे शुभे स्थितम्। अपरं ब्राह्मणश्रेष्ठाः सर्वपातकनाशनम्

sūta uvāca| tatra viṣṇupadaṁ nāma tīrthaṁ tīrthe śubhe sthitam| aparaṁ brāhmaṇaśreṣṭhāḥ sarvapātakanāśanam

सूत जी ने कहा -- हे श्रेष्ठ ब्राह्मणो! उसी शुभ तीर्थ में विष्णुपद नामक एक और तीर्थ स्थित है, जो समस्त पापों का नाश करने वाला है।

श्लोक 2 (skanda.6.24.2)

अयने दक्षिणे प्राप्ते यस्तत्पूज्य समाहितः। निवेदयेत्तथात्मानं सम्यक्छ्रद्धासमन्वितः

ayane dakṣiṇe prāpte yastatpūjya samāhitaḥ| nivedayettathātmānaṁ samyakchraddhāsamanvitaḥ

जब दक्षिणायन आ जाए, तब जो व्यक्ति उसकी पूजा कर, एकाग्रचित्त और पूर्ण श्रद्धा से युक्त होकर अपने आप को उसे समर्पित करता है --

श्लोक 3 (skanda.6.24.3)

स मृतोऽप्ययने याम्ये तद्विष्णोः परमं पदम्। प्राप्नोति नात्र संदेहस्तत्प्रभावाद्द्विजोत्तमाः

sa mṛto'pyayane yāmye tadviṣṇoḥ paramaṁ padam| prāpnoti nātra saṁdehastatprabhāvāddvijottamāḥ

वह दक्षिणायन में मरने पर भी विष्णु के उस परम पद को अवश्य प्राप्त करता है -- हे श्रेष्ठ ब्राह्मणो! इसमें संदेह नहीं, यह उसी तीर्थ के प्रभाव से होता है।

श्लोक 4 (skanda.6.24.4)

तथा चैवोत्तरे प्राप्ते पूजयित्वा यथाविधि। सम्यङ्निवेदयेद्भक्त्या आत्मानं यः समाहितः। सोऽपि विष्णोः पदं पुण्यं प्राप्य संजायते सुखी

tathā caivottare prāpte pūjayitvā yathāvidhi| samyaṅnivedayedbhaktyā ātmānaṁ yaḥ samāhitaḥ| so'pi viṣṇoḥ padaṁ puṇyaṁ prāpya saṁjāyate sukhī

इसी प्रकार उत्तरायण आने पर भी जो विधिपूर्वक पूजा कर, एकाग्रचित्त होकर भक्तिपूर्वक अपने आप को समर्पित करता है, वह भी विष्णु के उस पवित्र पद को प्राप्त कर सुखी हो जाता है।

श्लोक 5 (skanda.6.24.5)

ऋषय ऊचुः। कथं तत्र पदं जातं विष्णोरव्यक्तजन्मनः। कथं निवेद्यते तत्र सम्यगात्माऽयनद्वये

ṛṣaya ūcuḥ| kathaṁ tatra padaṁ jātaṁ viṣṇoravyaktajanmanaḥ| kathaṁ nivedyate tatra samyagātmā'yanadvaye

ऋषियों ने कहा -- अव्यक्त जन्म वाले विष्णु का वह पद वहाँ कैसे उत्पन्न हुआ? दोनों अयनों में वहाँ आत्मा (स्वयं को) ठीक से कैसे समर्पित किया जाता है?

श्लोक 6 (skanda.6.24.6)

तस्मिन्दृष्टेऽथवा स्पृष्टे यत्फलं लभ्यते नरैः। तत्सर्वं सूतज ब्रूहि परं कौतृहलं हि नः

tasmindṛṣṭe'thavā spṛṣṭe yatphalaṁ labhyate naraiḥ| tatsarvaṁ sūtaja brūhi paraṁ kautṛhalaṁ hi naḥ

उसे देखने अथवा स्पर्श करने से मनुष्यों को जो फल प्राप्त होता है, वह सब हे सूतनंदन! हमें बताइए -- हमें बड़ी उत्सुकता है।

श्लोक 7 (skanda.6.24.7)

सूत उवाच। बलिर्बद्धो यदा तेन विष्णुना प्रभविष्णुना। तदा क्रमैस्त्रिभिर्व्याप्तं त्रैलोक्यं सचराचरम्

sūta uvāca| balirbaddho yadā tena viṣṇunā prabhaviṣṇunā| tadā kramaistribhirvyāptaṁ trailokyaṁ sacarācaram

सूत जी ने कहा -- जब उस सर्वशक्तिमान विष्णु ने बलि को बाँधा, तब तीन डगों से उन्होंने चराचर सहित समस्त त्रिलोक को व्याप्त कर लिया।

श्लोक 8 (skanda.6.24.8)

हाटकेश्वरजे क्षेत्रे संन्यस्तः प्रथमः क्रमः। महर्लोके द्वितीयस्तु तदा तेन महात्मना

hāṭakeśvaraje kṣetre saṁnyastaḥ prathamaḥ kramaḥ| maharloke dvitīyastu tadā tena mahātmanā

पहला डग उस महात्मा ने हाटकेश्वर क्षेत्र में रखा, और दूसरा डग महर्लोक में रखा।

श्लोक 9 (skanda.6.24.9)

तृतीयस्य समुद्योगं यदा चक्रे स चक्रधृक्। तदा भिन्नं द्विजश्रेष्ठा ब्रह्मांडं लघुतां गतम्

tṛtīyasya samudyogaṁ yadā cakre sa cakradhṛk| tadā bhinnaṁ dvijaśreṣṭhā brahmāṁḍaṁ laghutāṁ gatam

जब उस चक्रधारी विष्णु ने तीसरे डग का प्रयास किया, तब हे श्रेष्ठ ब्राह्मणो! ब्रह्मांड विदीर्ण होकर संकीर्ण हो गया।

श्लोक 10 (skanda.6.24.10)

पादाग्रेणाथ संभिन्ने ब्रह्मांडे निर्मलं जलम्। अंगुष्ठाग्रेण संप्राप्तं क्रमेण धरणीतले

pādāgreṇātha saṁbhinne brahmāṁḍe nirmalaṁ jalam| aṁguṣṭhāgreṇa saṁprāptaṁ krameṇa dharaṇītale

पैर के अगले भाग से भेदे गए उस ब्रह्मांड से निर्मल जल, पैर के अंगूठे के सिरे से होकर, क्रमशः पृथ्वी तल पर आ पहुँचा।

श्लोक 11 (skanda.6.24.11)

ब्रह्मलोकं तदा कृत्स्नं प्लावयित्वा जलं हि तत्। शुद्धस्फटिकसंकाशं कुन्देन्दुसदृशद्युति। मत्स्यकच्छपसंकीर्णं ग्राहयूथैः समाकुलम्

brahmalokaṁ tadā kṛtsnaṁ plāvayitvā jalaṁ hi tat| śuddhasphaṭikasaṁkāśaṁ kundendusadṛśadyuti| matsyakacchapasaṁkīrṇaṁ grāhayūthaiḥ samākulam

वह जल पहले संपूर्ण ब्रह्मलोक को प्लावित कर, शुद्ध स्फटिक के समान, कुंद-पुष्प और चंद्रमा के समान कांतिवाला, मछलियों और कछुओं से भरा तथा मगरमच्छों के समूहों से व्याप्त होकर बहने लगा।

श्लोक 12 (skanda.6.24.12)

ततः प्रभृति सा लोके गंगा विष्णुपदी स्मृता। पवित्रमपि तत्क्षेत्रं नयन्ती सा पवित्रताम्

tataḥ prabhṛti sā loke gaṁgā viṣṇupadī smṛtā| pavitramapi tatkṣetraṁ nayantī sā pavitratām

तभी से वह संसार में विष्णुपदी गंगा के नाम से स्मरण की जाती है, और वह उस पहले से ही पवित्र क्षेत्र को और भी पवित्रता की ओर ले जाती है।

श्लोक 13 (skanda.6.24.13)

एवं विष्णोः पदं तत्र संजातं मुनिसत्तमाः। सर्वपापहरं पुंसां तदा विष्णुपदी स्मृता

evaṁ viṣṇoḥ padaṁ tatra saṁjātaṁ munisattamāḥ| sarvapāpaharaṁ puṁsāṁ tadā viṣṇupadī smṛtā

हे श्रेष्ठ मुनियो! इस प्रकार वहाँ विष्णु का पद उत्पन्न हुआ, जो मनुष्यों के समस्त पापों का हरण करता है, और तभी से 'विष्णुपदी' के नाम से जाना जाता है।

श्लोक 14 (skanda.6.24.14)

यस्तस्यां श्रद्धया युक्तः स्नानं कृत्वा यथोदितम्। स्पर्शयेत्तत्पदं विष्णोः स याति परमं पदम्

yastasyāṁ śraddhayā yuktaḥ snānaṁ kṛtvā yathoditam| sparśayettatpadaṁ viṣṇoḥ sa yāti paramaṁ padam

जो श्रद्धा से युक्त होकर विधिवत् स्नान कर विष्णु के उस पद का स्पर्श करता है, वह परम पद को प्राप्त होता है।

श्लोक 15 (skanda.6.24.15)

यस्तत्र कुरुते श्राद्धं सम्यक्छ्रद्धासमन्वितः। स्नात्वा विष्णुपदीतोये गयाश्राद्धफलं लभेत्

yastatra kurute śrāddhaṁ samyakchraddhāsamanvitaḥ| snātvā viṣṇupadītoye gayāśrāddhaphalaṁ labhet

जो पूर्ण श्रद्धा से युक्त होकर विष्णुपदी के जल में स्नान कर वहाँ श्राद्ध करता है, वह गया-श्राद्ध का फल प्राप्त करता है।

श्लोक 16 (skanda.6.24.16)

माघमासे नरः स्नानं प्रातरुत्थाय तत्र यः। करोति सततं मर्त्यः स प्रयागफलं लभेत्

māghamāse naraḥ snānaṁ prātarutthāya tatra yaḥ| karoti satataṁ martyaḥ sa prayāgaphalaṁ labhet

जो मनुष्य माघ मास में प्रातःकाल उठकर निरंतर वहाँ स्नान करता है, वह प्रयाग-स्नान का फल प्राप्त करता है।

श्लोक 17 (skanda.6.24.17)

अथवा वत्सरं यावत्क्षणं कृत्वात्र भक्तितः। तत्र स्नानं च यः कुर्यात्स मुक्तिं लभते नरः

athavā vatsaraṁ yāvatkṣaṇaṁ kṛtvātra bhaktitaḥ| tatra snānaṁ ca yaḥ kuryātsa muktiṁ labhate naraḥ

अथवा जो मनुष्य वर्ष में एक बार भी भक्तिपूर्वक वहाँ क्षणभर स्नान कर ले, वह मुक्ति को प्राप्त करता है।

श्लोक 18 (skanda.6.24.18)

यस्यास्थीनि जले तत्र क्षिप्यंते मनुजस्य च। अपि पापसमाचारः स प्राप्नोति परां गतिम्

yasyāsthīni jale tatra kṣipyaṁte manujasya ca| api pāpasamācāraḥ sa prāpnoti parāṁ gatim

जिस मनुष्य की अस्थियाँ उस जल में डाली जाती हैं, वह पापाचारी होते हुए भी परम गति को प्राप्त करता है।

श्लोक 19 (skanda.6.24.19)

अपि पक्षिपतंगा ये पशवः कृमयो मृगाः। प्रविष्टाः सलिले तस्मिंस्तृषार्ता भक्तिवर्जिताः

api pakṣipataṁgā ye paśavaḥ kṛmayo mṛgāḥ| praviṣṭāḥ salile tasmiṁstṛṣārtā bhaktivarjitāḥ

पक्षी, पतंगे, पशु, कीड़े और मृग भी, प्यास से व्याकुल होकर बिना किसी भक्ति के उस जल में प्रवेश करें, तो भी --

श्लोक 20 (skanda.6.24.20)

तेऽपि पापविनिर्मुक्ता देहांते चातिदुर्लभम्। चक्रिणस्तत्पदं यांति जरामरणवर्जितम्

te'pi pāpavinirmuktā dehāṁte cātidurlabham| cakriṇastatpadaṁ yāṁti jarāmaraṇavarjitam

वे भी पापों से मुक्त होकर, शरीर त्यागने पर, उस अत्यंत दुर्लभ, बुढ़ापे और मृत्यु से रहित चक्रधारी विष्णु के पद को प्राप्त होते हैं।

श्लोक 21 (skanda.6.24.21)

किं पुनः श्रद्धयोपेताः पर्वकाल उपस्थिते। दत्त्वा दानं द्विजेन्द्राणां नरा वेदविदां द्विजाः

kiṁ punaḥ śraddhayopetāḥ parvakāla upasthite| dattvā dānaṁ dvijendrāṇāṁ narā vedavidāṁ dvijāḥ

हे ब्राह्मणो! फिर उन मनुष्यों की तो बात ही क्या, जो पर्व के अवसर पर श्रद्धायुक्त होकर वेदज्ञ श्रेष्ठ ब्राह्मणों को दान देते हैं?

श्लोक 22 (skanda.6.24.22)

तत्र गाथा पुरा गीता नारदेन महर्षिणा। विष्णुपद्याः समालोक्य प्रभावं पापनाशनम्

tatra gāthā purā gītā nāradena maharṣiṇā| viṣṇupadyāḥ samālokya prabhāvaṁ pāpanāśanam

वहाँ पूर्वकाल में महर्षि नारद ने विष्णुपदी के पाप-नाशक प्रभाव को देखकर एक गाथा गाई थी।

श्लोक 23 (skanda.6.24.23)

किं व्रतैर्नियमैर्वापि तपोभिर्विविधैर्मखैः। कृतैर्विष्णुपदीतोये संस्थिते धरणीतले

kiṁ vratairniyamairvāpi tapobhirvividhairmakhaiḥ| kṛtairviṣṇupadītoye saṁsthite dharaṇītale

व्रतों, नियमों, नाना प्रकार के तपों और यज्ञों से क्या लाभ, जब विष्णुपदी का जल स्वयं पृथ्वी पर विराजमान है?

श्लोक 24 (skanda.6.24.24)

एकः सर्वेषु तीर्थेषु स्नानं मर्त्यः समाचरेत्। एको विष्णुपदीतोये स्नाति द्वाभ्यां समं फलम्

ekaḥ sarveṣu tīrtheṣu snānaṁ martyaḥ samācaret| eko viṣṇupadītoye snāti dvābhyāṁ samaṁ phalam

एक मनुष्य समस्त तीर्थों में स्नान करे, और दूसरा केवल विष्णुपदी के जल में स्नान करे -- दोनों का फल समान है।

श्लोक 25 (skanda.6.24.25)

एको दानानि सर्वाणि ब्राह्मणेभ्यः प्रयच्छति। एको विष्णुपदीतोये स्नाति द्वाभ्यां समं हि तत्

eko dānāni sarvāṇi brāhmaṇebhyaḥ prayacchati| eko viṣṇupadītoye snāti dvābhyāṁ samaṁ hi tat

एक व्यक्ति ब्राह्मणों को सब प्रकार के दान दे, और दूसरा विष्णुपदी के जल में स्नान करे -- वह भी समान ही है।

श्लोक 26 (skanda.6.24.26)

पञ्चाग्निसाधको ग्रीष्मे वर्षास्वाकाशमाश्रितः। जलाश्रयश्च हेमंत एकः स्यात्पुरुषः क्षितौ

pañcāgnisādhako grīṣme varṣāsvākāśamāśritaḥ| jalāśrayaśca hemaṁta ekaḥ syātpuruṣaḥ kṣitau

पृथ्वी पर एक पुरुष ग्रीष्म में पंचाग्नि-तप करे, वर्षा में आकाश का आश्रय ले और हेमंत में जल का आश्रय ले --

श्लोक 27 (skanda.6.24.27)

अन्यो विष्णुपदीतोये स्नात्वा विष्णुपदं स्पृशेत्। तावुभावपि निर्दिष्टौ समौ पुरुषसत्तमौ

anyo viṣṇupadītoye snātvā viṣṇupadaṁ spṛśet| tāvubhāvapi nirdiṣṭau samau puruṣasattamau

और दूसरा विष्णुपदी के जल में स्नान कर विष्णु के पद का स्पर्श करे -- हे उत्तम पुरुषों! ये दोनों समान बताए गए हैं।

श्लोक 28 (skanda.6.24.28)

एकांतरोपवासी य एकः स्याज्जीवितावधि। एको विष्णुपदीतोये स्नाति द्वाभ्यां समं फलम्

ekāṁtaropavāsī ya ekaḥ syājjīvitāvadhi| eko viṣṇupadītoye snāti dvābhyāṁ samaṁ phalam

जो एक व्यक्ति जीवनभर एक दिन छोड़कर उपवास करे, और दूसरा विष्णुपदी के जल में एक बार स्नान करे -- दोनों का फल समान है।

श्लोक 29 (skanda.6.24.29)

त्रिरात्रोपोषितस्त्वेको यावद्वर्षशतं नरः। एको विष्णुपदीतोये स्नाति द्वाभ्यां समं फलम्

trirātropoṣitastveko yāvadvarṣaśataṁ naraḥ| eko viṣṇupadītoye snāti dvābhyāṁ samaṁ phalam

एक मनुष्य सौ वर्ष तक त्रिरात्र-उपवास करे, और दूसरा विष्णुपदी के जल में एक बार स्नान करे -- दोनों का फल समान है।

श्लोक 30 (skanda.6.24.30)

सूत उवाच। एवमुक्त्वा मुनिश्रेष्ठो नारदो द्विजसत्तमाः। विरराम मुनीनां स बहूनां पुरतोऽसकृत्

sūta uvāca| evamuktvā muniśreṣṭho nārado dvijasattamāḥ| virarāma munīnāṁ sa bahūnāṁ purato'sakṛt

सूत जी ने कहा -- हे श्रेष्ठ ब्राह्मणो! ऐसा कहकर मुनिश्रेष्ठ नारद बहुत से मुनियों के सामने बार-बार कहकर चुप हो गए।

श्लोक 31 (skanda.6.24.31)

तस्मात्सर्वप्रयत्नेन स्नानं तत्र समाचरेत। संस्पृशेच्च पदं विष्णोर्य इच्छेच्छ्रेय आत्मनः

tasmātsarvaprayatnena snānaṁ tatra samācareta| saṁspṛśecca padaṁ viṣṇorya icchecchreya ātmanaḥ

अतः जो अपना कल्याण चाहे, वह सब प्रकार के प्रयत्न से वहाँ स्नान करे और विष्णु के पद का स्पर्श करे।

श्लोक 32 (skanda.6.24.32)

ऋषय ऊचुः। यदेतद्भवता प्रोक्तमात्मानं विनिवेदयेत्। विष्णोः पदस्य संप्राप्ते अयने दक्षिणोत्तरे

ṛṣaya ūcuḥ| yadetadbhavatā proktamātmānaṁ vinivedayet| viṣṇoḥ padasya saṁprāpte ayane dakṣiṇottare

ऋषियों ने कहा -- आपने जो कहा कि दक्षिणायन और उत्तरायण आने पर विष्णु के पद पर अपने आप को समर्पित करना चाहिए --

श्लोक 33 (skanda.6.24.33)

तत्केन विधिना सूत मन्त्रैश्च वद सत्वरम्। वयं येन च तत्कुर्मः सर्वं भक्तिसमन्विताः

tatkena vidhinā sūta mantraiśca vada satvaram| vayaṁ yena ca tatkurmaḥ sarvaṁ bhaktisamanvitāḥ

हे सूत! वह किस विधि और किन मंत्रों से किया जाए, यह शीघ्र बताइए, जिससे हम भी भक्तिपूर्वक वह सब कर सकें।

श्लोक 34 (skanda.6.24.34)

सूत उवाच। दक्षिणे चोत्तरे चापि संप्राप्ते चायनद्वये। पूजयित्वा पदं विष्णोरिमं मन्त्रमुदीरयेत्

sūta uvāca| dakṣiṇe cottare cāpi saṁprāpte cāyanadvaye| pūjayitvā padaṁ viṣṇorimaṁ mantramudīrayet

सूत जी ने कहा -- दक्षिणायन और उत्तरायण, दोनों में से जो भी आए, उस समय विष्णु के पद की पूजा कर यह मंत्र बोलना चाहिए --

श्लोक 35 (skanda.6.24.35)

षण्मासाभ्यंतरे मृत्युर्यद्यकस्माद्भवेन्मम। तत्ते पदं गतिर्मे स्यादहं ते भृत्यतां गतः

ṣaṇmāsābhyaṁtare mṛtyuryadyakasmādbhavenmama| tatte padaṁ gatirme syādahaṁ te bhṛtyatāṁ gataḥ

'यदि छह महीनों के भीतर मेरी अचानक मृत्यु हो जाए, तो आपका यह पद ही मेरी गति हो; मैं आपका सेवक हो गया हूँ।'

श्लोक 36 (skanda.6.24.36)

एवं प्रोच्य हरिं पश्चात्पूजयेद्ब्राह्मणांस्ततः। अथ तैः सममश्नीयात्ततः प्राप्नोति सद्गतिम्

evaṁ procya hariṁ paścātpūjayedbrāhmaṇāṁstataḥ| atha taiḥ samamaśnīyāttataḥ prāpnoti sadgatim

हरि से ऐसा कहकर फिर ब्राह्मणों की पूजा करनी चाहिए, और उनके साथ भोजन करना चाहिए -- इससे मनुष्य सद्गति को प्राप्त करता है।