ब्रह्मनारदसंवादे गंगोदकस्नानफलमाहात्म्यवर्णन

श्लोक 1 (skanda.6.233.1)

ऋषय ऊचुः सूत सूत महाभाग श्रोतुमिच्छामहे वयम् चातुर्मास्यव्रतानां हि त्वत्तो माहात्म्यविस्तरम्

ṛṣaya ūcuḥ sūta sūta mahābhāga śrotumicchāmahe vayam cāturmāsyavratānāṁ hi tvatto māhātmyavistaram

ऋषियों ने कहा — हे सूत, हे सूत, हे महाभाग, हम चातुर्मास्य व्रतों की महिमा का विस्तार आपसे सुनना चाहते हैं।

श्लोक 2 (skanda.6.233.2)

तदस्माकं महाभाग कृपां कृत्वाऽधुना वद त्वद्वचोऽमृतपानेन भूयः श्रद्धाभिवर्धते

tadasmākaṁ mahābhāga kṛpāṁ kṛtvā'dhunā vada tvadvaco'mṛtapānena bhūyaḥ śraddhābhivardhate

हे महाभाग, अतः हम पर कृपा करके अब वह कहिए; आपके वचनों का अमृतपान करने से हमारी श्रद्धा और अधिक बढ़ती जाती है।

श्लोक 3 (skanda.6.233.3)

सूत उवाच शृणुध्वं मुनयः सर्वे चातुर्मास्यव्रतोद्भवम् माहात्म्यं विस्तरेणैव कथयिष्यामि वोऽग्रतः

sūta uvāca śṛṇudhvaṁ munayaḥ sarve cāturmāsyavratodbhavam māhātmyaṁ vistareṇaiva kathayiṣyāmi vo'grataḥ

सूत जी ने कहा — हे मुनियो, सब सुनो; चातुर्मास्य व्रत से उत्पन्न होने वाली महिमा को मैं तुम्हारे सामने विस्तारपूर्वक कहूँगा।

श्लोक 4 (skanda.6.233.4)

पुरा ब्रह्ममुखाच्छ्रुत्वा नानाव्रतविधानकम् नारदः परिपप्रच्छ भूयो ब्रह्माणमादरात्

purā brahmamukhācchrutvā nānāvratavidhānakam nāradaḥ paripapraccha bhūyo brahmāṇamādarāt

पूर्वकाल में ब्रह्मा के मुख से अनेक व्रतों की विधि सुनकर, नारद ने आदरपूर्वक फिर से ब्रह्मा से प्रश्न पूछा।

श्लोक 5 (skanda.6.233.5)

नारद उवाच देवदेव महाभाग व्रतानि सुबहून्यपि श्रुतानि त्वन्मुखाद्ब्रह्मन्न तृप्तिमधिगच्छति

nārada uvāca devadeva mahābhāga vratāni subahūnyapi śrutāni tvanmukhādbrahmanna tṛptimadhigacchati

नारद ने कहा — हे देवदेव, हे महाभाग, हे ब्रह्मन्, आपके मुख से बहुत सारे व्रत सुन चुका हूँ, फिर भी मुझे तृप्ति नहीं मिलती।

श्लोक 6 (skanda.6.233.6)

अधुना श्रोतुमिच्छामि चातुर्मास्यव्रतं शुभम्

adhunā śrotumicchāmi cāturmāsyavrataṁ śubham

अब मैं शुभ चातुर्मास्य व्रत के विषय में सुनना चाहता हूँ।

श्लोक 7 (skanda.6.233.7)

ब्रह्मोवाच शृणु देवमुने मत्तश्चातुर्मास्यव्रतं शुभम् यच्छ्रुत्वा भारते खंडे नृणां मुक्तिर्न दुर्लभा

brahmovāca śṛṇu devamune mattaścāturmāsyavrataṁ śubham yacchrutvā bhārate khaṁḍe nṛṇāṁ muktirna durlabhā

ब्रह्मा ने कहा — हे देवमुने, मुझसे शुभ चातुर्मास्य व्रत सुनो, जिसे सुनकर भारतखंड में मनुष्यों की मुक्ति दुर्लभ नहीं रहती।

श्लोक 8 (skanda.6.233.8)

मुक्तिप्रदोऽयं भगवान्संसारोत्तारकारणम् यस्य स्मरणमात्रेण सर्वपापैः प्रमुच्यते

muktiprado'yaṁ bhagavānsaṁsārottārakāraṇam yasya smaraṇamātreṇa sarvapāpaiḥ pramucyate

यह भगवान मुक्ति देने वाले तथा संसार से पार उतारने के कारण हैं; जिनके स्मरणमात्र से मनुष्य समस्त पापों से मुक्त हो जाता है।

श्लोक 9 (skanda.6.233.9)

मानुष्ये दुर्लभं लोके तत्राऽपि च कुलीनता तत्रापि सदयत्वं च तत्र सत्संगमः शुभः

mānuṣye durlabhaṁ loke tatrā'pi ca kulīnatā tatrāpi sadayatvaṁ ca tatra satsaṁgamaḥ śubhaḥ

इस लोक में मनुष्य जन्म दुर्लभ है, उसमें भी कुलीनता, उसमें भी दयालुता, और उसमें भी शुभ सत्संग तो और भी दुर्लभ है।

श्लोक 10 (skanda.6.233.10)

सत्संगमो न यत्रास्ति विष्णुभक्तिर्व्रतानि च चातुर्मास्ये विशेषेण विष्णुव्रतकरः शुभः

satsaṁgamo na yatrāsti viṣṇubhaktirvratāni ca cāturmāsye viśeṣeṇa viṣṇuvratakaraḥ śubhaḥ

जहाँ सत्संग नहीं है, वहाँ न विष्णुभक्ति है और न व्रत; चातुर्मास्य में विशेष रूप से विष्णु का व्रत करने वाला ही धन्य है।

श्लोक 11 (skanda.6.233.11)

चातुर्मास्येऽव्रती यस्तु तस्य पुण्यं निरर्थकम् सर्वतीर्थानि दानानि पुण्यान्यायतनानि च

cāturmāsye'vratī yastu tasya puṇyaṁ nirarthakam sarvatīrthāni dānāni puṇyānyāyatanāni ca

जो चातुर्मास्य में व्रतरहित रहता है, उसका पुण्य निरर्थक है; समस्त तीर्थ, दान तथा पुण्य-आयतन —

श्लोक 12 (skanda.6.233.12)

विष्णुमाश्रित्य तिष्ठंति चातुर्मास्ये समागते सुपुष्टेनापि देहेन जीवितं तस्य शोभनम्

viṣṇumāśritya tiṣṭhaṁti cāturmāsye samāgate supuṣṭenāpi dehena jīvitaṁ tasya śobhanam

— ये सब चातुर्मास्य आने पर विष्णु का आश्रय लेकर ही स्थित रहते हैं; उस व्रती का जीवन तो पुष्ट शरीर के साथ भी शोभनीय होता है।

श्लोक 13 (skanda.6.233.13)

चातुर्मास्ये समायाते हरिं यः प्रणमेद्बुधः कृतार्थास्तस्य विबुधा यावज्जीवं वरप्रदाः

cāturmāsye samāyāte hariṁ yaḥ praṇamedbudhaḥ kṛtārthāstasya vibudhā yāvajjīvaṁ varapradāḥ

जो बुद्धिमान चातुर्मास्य आने पर हरि को प्रणाम करता है, वरदायक देवता जीवनभर उसके प्रति कृतार्थ रहते हैं।

श्लोक 14 (skanda.6.233.14)

संप्राप्य मानुषं जन्म चातुर्मास्यपराङ्मुखः तस्य पापशतान्याहुर्देहस्थानि न संशयः

saṁprāpya mānuṣaṁ janma cāturmāsyaparāṅmukhaḥ tasya pāpaśatānyāhurdehasthāni na saṁśayaḥ

मनुष्य जन्म पाकर भी जो चातुर्मास्य से विमुख रहता है, उसके शरीर में सैकड़ों पाप निवास करते हैं, इसमें कोई संदेह नहीं।

श्लोक 15 (skanda.6.233.15)

मानुष्यं दुर्लभं लोके हरिभक्तिश्च दुर्लभा चातुर्मास्ये विशेषेण सुप्ते देवे जनार्दने

mānuṣyaṁ durlabhaṁ loke haribhaktiśca durlabhā cāturmāsye viśeṣeṇa supte deve janārdane

इस लोक में मनुष्यत्व दुर्लभ है, और हरिभक्ति दुर्लभ है — विशेषतः चातुर्मास्य में, जब देव जनार्दन शयन करते हैं।

श्लोक 16 (skanda.6.233.16)

चातुर्मास्ये नरः स्नानं प्रातरेव समाचरेत् सर्वक्रतुफलं प्राप्य देववद्दिवि मोदते

cāturmāsye naraḥ snānaṁ prātareva samācaret sarvakratuphalaṁ prāpya devavaddivi modate

चातुर्मास्य में मनुष्य को प्रातःकाल ही स्नान करना चाहिए; समस्त यज्ञों का फल पाकर वह देवता के समान स्वर्ग में आनंदित होता है।

श्लोक 17 (skanda.6.233.17)

चातुर्मास्ये तु यः स्नानं कुर्यात्सिद्धिमवाप्नुयात् तथा निर्झरणे स्नाति तडागे कूपिकासु च

cāturmāsye tu yaḥ snānaṁ kuryātsiddhimavāpnuyāt tathā nirjharaṇe snāti taḍāge kūpikāsu ca

चातुर्मास्य में जो स्नान करता है, वह सिद्धि पाता है — चाहे वह झरने में, तालाब में अथवा कुएँ में स्नान करे।

श्लोक 18 (skanda.6.233.18)

तस्य पापसहस्राणि विलयं यांति तत्क्षणात् पुष्करे च प्रयागे वा यत्र क्वापि महाजले चातुर्मास्येषु यः स्नाति पुण्यसंख्या न विद्यते

tasya pāpasahasrāṇi vilayaṁ yāṁti tatkṣaṇāt puṣkare ca prayāge vā yatra kvāpi mahājale cāturmāsyeṣu yaḥ snāti puṇyasaṁkhyā na vidyate

उसके सहस्रों पाप उसी क्षण नष्ट हो जाते हैं। जो चातुर्मास्य में पुष्कर में, प्रयाग में अथवा किसी भी बड़े जलाशय में स्नान करता है, उसके पुण्य की गणना नहीं की जा सकती।

श्लोक 19 (skanda.6.233.19)

रेवायां भास्करक्षेत्रे प्राच्यां सागरसंगमे एकाहमपि यः स्नातश्चातुर्मास्ये न दोषभाक्

revāyāṁ bhāskarakṣetre prācyāṁ sāgarasaṁgame ekāhamapi yaḥ snātaścāturmāsye na doṣabhāk

जो रेवा नदी में, भास्करक्षेत्र में अथवा पूर्व दिशा के सागर-संगम में चातुर्मास्य में एक दिन भी स्नान करता है, वह दोष का भागी नहीं होता।

श्लोक 20 (skanda.6.233.20)

दिनत्रयं च यः स्नाति नर्मदायां समाहितः सुप्ते देवे जगन्नाथे पापं याति सहस्रधा

dinatrayaṁ ca yaḥ snāti narmadāyāṁ samāhitaḥ supte deve jagannāthe pāpaṁ yāti sahasradhā

जो एकाग्रचित्त होकर नर्मदा में तीन दिन स्नान करता है, जगन्नाथ के सोए रहने पर उसका पाप सहस्रधा नष्ट हो जाता है।

श्लोक 21 (skanda.6.233.21)

पक्षमेकं तु यः स्नाति गोदावर्यां दिनोदये स भित्त्वा कर्मजं देहं याति विष्णोः सलोकताम्

pakṣamekaṁ tu yaḥ snāti godāvaryāṁ dinodaye sa bhittvā karmajaṁ dehaṁ yāti viṣṇoḥ salokatām

जो एक पक्ष तक प्रातःकाल गोदावरी में स्नान करता है, वह अपने कर्मजनित शरीर को त्यागकर विष्णु के लोक को प्राप्त होता है।

श्लोक 22 (skanda.6.233.22)

तिलोदकेन यः स्नाति तथा चैवामलोदकैः बिल्वपत्रोदकैश्चैव चातुर्मास्ये न दोषभाक्

tilodakena yaḥ snāti tathā caivāmalodakaiḥ bilvapatrodakaiścaiva cāturmāsye na doṣabhāk

जो तिलमिश्रित जल से, अथवा आँवले के जल से, अथवा बिल्वपत्र के जल से चातुर्मास्य में स्नान करता है, वह दोष का भागी नहीं होता।

श्लोक 23 (skanda.6.233.23)

गंगां स्मरति यो नित्यमुदपात्रसमीपतः तद्गांगेयं जलं जातं तेन स्नानं समाचरेत्

gaṁgāṁ smarati yo nityamudapātrasamīpataḥ tadgāṁgeyaṁ jalaṁ jātaṁ tena snānaṁ samācaret

जो अपने जल-पात्र के निकट रहकर नित्य गंगा का स्मरण करता है, वह जल गांगेय हो जाता है — उससे स्नान करना चाहिए।

श्लोक 24 (skanda.6.233.24)

गंगाऽपि देवदेवस्य चरणांगुष्ठवाहिनी पापघ्नी सा सदा प्रोक्ता चातुर्मास्ये विशेषतः

gaṁgā'pi devadevasya caraṇāṁguṣṭhavāhinī pāpaghnī sā sadā proktā cāturmāsye viśeṣataḥ

गंगा भी देवदेव के चरणांगुष्ठ से बहने वाली हैं; वे सदा पापनाशिनी कही गई हैं, विशेषतः चातुर्मास्य में।

श्लोक 25 (skanda.6.233.25)

यतः पापसहस्राणि विष्णुर्दहति संस्मृतः तस्मात्पादोदकं शीर्षे चातुर्मास्ये धृतं शिवम्

yataḥ pāpasahasrāṇi viṣṇurdahati saṁsmṛtaḥ tasmātpādodakaṁ śīrṣe cāturmāsye dhṛtaṁ śivam

क्योंकि स्मरण किए जाने पर विष्णु सहस्रों पापों को भस्म कर देते हैं, इसलिए चातुर्मास्य में उनके चरणोदक को सिर पर धारण करना कल्याणकारी है।

श्लोक 26 (skanda.6.233.26)

चातुर्मास्ये जलगतो देवो नारायणो भवेत् सर्वतीर्थाधिकं स्नानं विष्णुतेजोंशसंगतम्

cāturmāsye jalagato devo nārāyaṇo bhavet sarvatīrthādhikaṁ snānaṁ viṣṇutejoṁśasaṁgatam

चातुर्मास्य में देव नारायण जल में विराजमान होते हैं; तब विष्णु के तेजांश से युक्त वह स्नान समस्त तीर्थों से भी अधिक फलदायी होता है।

श्लोक 27 (skanda.6.233.27)

स्नानं दशविधं कार्यं विष्णुनाम महाफलम् सुप्ते देवे विशेषेण नरो देवत्वमाप्नुयात्

snānaṁ daśavidhaṁ kāryaṁ viṣṇunāma mahāphalam supte deve viśeṣeṇa naro devatvamāpnuyāt

विष्णु के नाम का उच्चारण करते हुए दसविध स्नान करना चाहिए, जो महाफलदायी है; देव के सोए रहने पर विशेष रूप से मनुष्य देवत्व को प्राप्त होता है।

श्लोक 28 (skanda.6.233.28)

विना स्नानं तु यत्कर्म पुण्यकार्यमयं शुभम् क्रियते निष्फलं ब्रह्मंस्तत्प्रगृह्णंति राक्षसाः

vinā snānaṁ tu yatkarma puṇyakāryamayaṁ śubham kriyate niṣphalaṁ brahmaṁstatpragṛhṇaṁti rākṣasāḥ

हे ब्रह्मन्, बिना स्नान के जो भी पुण्य और शुभ कार्य किया जाता है, वह निष्फल होता है — उसे राक्षस ग्रहण कर लेते हैं।

श्लोक 29 (skanda.6.233.29)

स्नानेन सत्यमाप्नोति स्नानं धर्मः सनातनः धर्मान्मोक्षफलं प्राप्य पुनर्नैवावसीदति

snānena satyamāpnoti snānaṁ dharmaḥ sanātanaḥ dharmānmokṣaphalaṁ prāpya punarnaivāvasīdati

स्नान से सत्य की प्राप्ति होती है, स्नान सनातन धर्म है; धर्म से मोक्षफल पाकर मनुष्य फिर कभी अधोगति को नहीं प्राप्त होता।

श्लोक 30 (skanda.6.233.30)

ये चाध्यात्मविदः पुण्या ये च वेदांगपारगाः सर्वदानप्रदा ये च तेषां स्नानेन शुद्धता

ye cādhyātmavidaḥ puṇyā ye ca vedāṁgapāragāḥ sarvadānapradā ye ca teṣāṁ snānena śuddhatā

जो पुण्यशाली अध्यात्मवेत्ता हैं, जो वेदांगों में पारंगत हैं, तथा जो सब प्रकार के दान देने वाले हैं — उन सबकी शुद्धि स्नान से ही होती है।

श्लोक 31 (skanda.6.233.31)

कृतस्नानस्य च हरिर्देहमाश्रित्य तिष्ठति सर्वक्रियाकलापेषु संपूर्ण फलदो भवेत्

kṛtasnānasya ca harirdehamāśritya tiṣṭhati sarvakriyākalāpeṣu saṁpūrṇa phalado bhavet

स्नान कर चुके मनुष्य के शरीर में हरि आश्रय लेकर विराजमान रहते हैं, और उसकी समस्त क्रियाओं में पूर्ण फल देने वाले होते हैं।

श्लोक 32 (skanda.6.233.32)

सर्वपापविनाशाय देवता तोषणाय च चातुर्मास्ये जलस्नानं सर्वपापक्षयावहम्

sarvapāpavināśāya devatā toṣaṇāya ca cāturmāsye jalasnānaṁ sarvapāpakṣayāvaham

समस्त पापों के नाश तथा देवता की तुष्टि के लिए, चातुर्मास्य में जल-स्नान समस्त पापों का क्षय करने वाला है।

श्लोक 33 (skanda.6.233.33)

निशायां चैव न स्नायात्संध्यायां ग्रहणं विना उष्णोदकेन न स्नानं रात्रौ शुद्धिर्न जायते

niśāyāṁ caiva na snāyātsaṁdhyāyāṁ grahaṇaṁ vinā uṣṇodakena na snānaṁ rātrau śuddhirna jāyate

रात्रि में स्नान न करे, और ग्रहण के अतिरिक्त संध्या के समय भी न करे; गर्म जल से स्नान न करे — रात्रि में शुद्धि नहीं होती।

श्लोक 34 (skanda.6.233.34)

भानुसंदर्शनाच्छुद्धिर्विहिता सर्वकर्मसु चातुर्मास्ये विशेषेण जलशुद्धिस्तु भाविनी

bhānusaṁdarśanācchuddhirvihitā sarvakarmasu cāturmāsye viśeṣeṇa jalaśuddhistu bhāvinī

समस्त कर्मों में सूर्य के दर्शन से शुद्धि विहित है; चातुर्मास्य में विशेष रूप से जल से ही शुद्धि होने वाली है।

श्लोक 35 (skanda.6.233.35)

अशक्त्या तु शरीरस्य भस्मस्नानेन शुध्यति मंत्रस्नानेन विप्रेंद्र विष्णुपादोदकेन वा

aśaktyā tu śarīrasya bhasmasnānena śudhyati maṁtrasnānena vipreṁdra viṣṇupādodakena vā

हे विप्रेंद्र, यदि शरीर में सामर्थ्य न हो, तो भस्म-स्नान से, अथवा मंत्र-स्नान से, अथवा विष्णु के चरणोदक से शुद्धि हो जाती है।

श्लोक 36 (skanda.6.233.36)

नारायणाग्रतः स्नानं क्षेत्र तीर्थनदीषु च यः करोति विशुद्धात्मा चातुर्मास्ये विशेषतः

nārāyaṇāgrataḥ snānaṁ kṣetra tīrthanadīṣu ca yaḥ karoti viśuddhātmā cāturmāsye viśeṣataḥ

जो विशुद्ध आत्मा वाला पुरुष नारायण के सम्मुख, तीर्थक्षेत्रों में तथा नदियों में स्नान करता है, विशेषतः चातुर्मास्य में —