गोकर्णतीर्थमाहात्म्यवर्णन

श्लोक 1 (skanda.6.26.1)

सूत उवाच। यत्पूर्वापरसीमान्तं तन्मया संप्रकीर्तितम्। दक्षिणोत्तरसंभूतं तद्वो वक्ष्यामि सांप्रतम्

sūta uvāca| yatpūrvāparasīmāntaṁ tanmayā saṁprakīrtitam| dakṣiṇottarasaṁbhūtaṁ tadvo vakṣyāmi sāṁpratam

सूत जी ने कहा -- जो पूर्व-पश्चिम की सीमा है, वह मैंने तुम्हें बता दी; अब उत्तर-दक्षिण की सीमा तुम्हें बताता हूँ।

श्लोक 2 (skanda.6.26.2)

अस्ति भूभितले ख्याता मधुराख्या महापुरी। नानाविप्रसमाकीर्णा यमुनातटसंश्रया

asti bhūbhitale khyātā madhurākhyā mahāpurī| nānāviprasamākīrṇā yamunātaṭasaṁśrayā

पृथ्वी पर मथुरा नाम की एक विख्यात महानगरी है, जो अनेक ब्राह्मणों से भरी हुई और यमुना के तट पर स्थित है।

श्लोक 3 (skanda.6.26.3)

तस्यामासीद्द्विजश्रेष्ठो गोकर्ण इति विश्रुतः। वेदाध्ययनसंपन्नः सर्वशास्त्रविचक्षणः

tasyāmāsīddvijaśreṣṭho gokarṇa iti viśrutaḥ| vedādhyayanasaṁpannaḥ sarvaśāstravicakṣaṇaḥ

वहाँ गोकर्ण नाम से विख्यात एक श्रेष्ठ ब्राह्मण रहता था, जो वेदाध्ययन में निपुण और समस्त शास्त्रों में पारंगत था।

श्लोक 4 (skanda.6.26.4)

अथापरोऽस्ति तन्नामा तत्र विप्रो वयोऽन्वितः। सोऽपि च ब्राह्मणः श्रेष्ठः सर्वविद्यासु पारगः

athāparo'sti tannāmā tatra vipro vayo'nvitaḥ| so'pi ca brāhmaṇaḥ śreṣṭhaḥ sarvavidyāsu pāragaḥ

वहाँ उसी नाम का एक और वृद्ध ब्राह्मण भी था, जो वह भी श्रेष्ठ ब्राह्मण और समस्त विद्याओं में पारंगत था।

श्लोक 5 (skanda.6.26.5)

कस्यचित्त्वथ कालस्य यमः प्राह स्वकिंकरम्। ऊर्ध्वकेशं सुरक्ताक्षं कृष्णदन्तं भयानकम्

kasyacittvatha kālasya yamaḥ prāha svakiṁkaram| ūrdhvakeśaṁ suraktākṣaṁ kṛṣṇadantaṁ bhayānakam

कुछ समय बाद यमराज ने अपने उस दूत से, जिसके बाल ऊपर की ओर खड़े थे, आँखें लाल और दाँत काले थे तथा जो भयानक दिखता था, कहा --

श्लोक 6 (skanda.6.26.6)

अद्य गच्छ द्रुतं दूत मथुराख्यां महापुरीम्। आनयस्व द्विजश्रेष्ठं तस्यां गोकर्णसंज्ञकम्

adya gaccha drutaṁ dūta mathurākhyāṁ mahāpurīm| ānayasva dvijaśreṣṭhaṁ tasyāṁ gokarṇasaṁjñakam

'हे दूत! आज शीघ्र मथुरा नामक महानगरी जाओ, और वहाँ गोकर्ण नामक श्रेष्ठ ब्राह्मण को ले आओ।'

श्लोक 7 (skanda.6.26.7)

तस्यायुषः क्षयो जातो मध्याह्नेऽद्यतने दिने। त्याज्योऽन्योऽस्ति च तत्रैव चिरायुस्तादृशो द्विजः

tasyāyuṣaḥ kṣayo jāto madhyāhne'dyatane dine| tyājyo'nyo'sti ca tatraiva cirāyustādṛśo dvijaḥ

'उसकी आयु आज मध्याह्न में समाप्त हो रही है; वहीं उसी नाम का एक और दीर्घायु ब्राह्मण है, उसे छोड़ देना।'

श्लोक 8 (skanda.6.26.8)

सूत उवाच। अथ दूतो द्रुतं गत्वा तां पुरीं यमशासनात्। विभ्रमादानयामास गोकर्णं च चिरायुषम्

sūta uvāca| atha dūto drutaṁ gatvā tāṁ purīṁ yamaśāsanāt| vibhramādānayāmāsa gokarṇaṁ ca cirāyuṣam

सूत जी ने कहा -- तब वह दूत यम की आज्ञा से शीघ्र उस नगरी में गया, किंतु भ्रमवश उस दीर्घायु गोकर्ण को ही ले आया।

श्लोक 9 (skanda.6.26.9)

ततः कोपपरीतात्मा यमः प्रोवाच किंकरम्। दीर्घायुरेष आनीतो धिक्पाप किमिदं कृतम्

tataḥ kopaparītātmā yamaḥ provāca kiṁkaram| dīrghāyureṣa ānīto dhikpāpa kimidaṁ kṛtam

तब क्रोध से भरे यम ने उस दूत से कहा -- 'यह तो दीर्घायु वाला लाया गया है! धिक्कार है तुझे, पापी! यह क्या किया तूने?'

श्लोक 10 (skanda.6.26.10)

तस्मात्प्रापय तत्रैव यावदस्य च बन्धुभिः। नो गात्रं दह्यते शोकात्सुसमिद्धेन वह्निना

tasmātprāpaya tatraiva yāvadasya ca bandhubhiḥ| no gātraṁ dahyate śokātsusamiddhena vahninā

'इसलिए इसे वहीं वापस पहुँचा दे, इससे पहले कि इसके शोक-संतप्त बंधुजन इसके शरीर को प्रज्वलित अग्नि से जला दें।'

श्लोक 11 (skanda.6.26.11)

ब्राह्मण उवाच। नाहं तत्र गमिष्यामि दिष्ट्या प्राप्तोस्मि तेंऽतिकम्। वांछमानः सदा मृत्युं दारिद्र्येण कदर्थितः

brāhmaṇa uvāca| nāhaṁ tatra gamiṣyāmi diṣṭyā prāptosmi teṁ'tikam| vāṁchamānaḥ sadā mṛtyuṁ dāridryeṇa kadarthitaḥ

ब्राह्मण ने कहा -- मैं वहाँ नहीं जाऊँगा; सौभाग्य से मैं आपके समीप पहुँचा हूँ, जो दरिद्रता से पीड़ित होकर सदा मृत्यु की कामना करता रहा हूँ।

श्लोक 12 (skanda.6.26.12)

यम उवाच। निमिषेणापि नो मर्त्यमानयामि महीतलात्। आयुःशेषेण विप्रेन्द्र पूर्णेनाथ त्यजामि न

yama uvāca| nimiṣeṇāpi no martyamānayāmi mahītalāt| āyuḥśeṣeṇa viprendra pūrṇenātha tyajāmi na

यम ने कहा -- हे श्रेष्ठ ब्राह्मण! मैं किसी मनुष्य को उसकी आयु शेष रहते एक क्षण भी पहले पृथ्वी से नहीं ले आता, और न ही उसकी पूर्ण आयु के बाद उसे छोड़ता हूँ।

श्लोक 13 (skanda.6.26.13)

तत एव हि मे नाम धर्मराज इति स्मृतम्। समत्वात्सर्वजंतूनां पक्षपातविवर्जनात्

tata eva hi me nāma dharmarāja iti smṛtam| samatvātsarvajaṁtūnāṁ pakṣapātavivarjanāt

इसी कारण मेरा नाम 'धर्मराज' स्मरण किया जाता है -- क्योंकि मैं सभी प्राणियों के प्रति समभाव रखता हूँ और पक्षपात नहीं करता।

श्लोक 14 (skanda.6.26.14)

तस्माद्गच्छ गृहं विप्र यावद्गात्रं न दह्यते। बंधुभिस्तव शोकार्तैर्नाधुना तत्र ते स्थितिः

tasmādgaccha gṛhaṁ vipra yāvadgātraṁ na dahyate| baṁdhubhistava śokārtairnādhunā tatra te sthitiḥ

अतः हे ब्राह्मण! अपने घर जाओ, इससे पहले कि तुम्हारे शोकाकुल बंधु तुम्हारे शरीर को जला दें -- अभी वहाँ तुम्हारा स्थान नहीं है।

श्लोक 15 (skanda.6.26.15)

प्रार्थयस्व मनोऽभीष्टं वरं ब्राह्मणसत्तम। न वृथा दर्शनं मे स्यात्कथंचिदपि देहिनाम्

prārthayasva mano'bhīṣṭaṁ varaṁ brāhmaṇasattama| na vṛthā darśanaṁ me syātkathaṁcidapi dehinām

हे श्रेष्ठ ब्राह्मण! अपनी इच्छा का वर माँगो; किसी भी प्राणी के लिए मेरा दर्शन कभी व्यर्थ नहीं होना चाहिए।

श्लोक 16 (skanda.6.26.16)

ब्राह्मण उवाच। अवश्यं यदि गंतव्यं मया देव गृहं पुनः। तन्ममाचक्ष्व पृच्छामि वरश्चैष भवेन्मम

brāhmaṇa uvāca| avaśyaṁ yadi gaṁtavyaṁ mayā deva gṛhaṁ punaḥ| tanmamācakṣva pṛcchāmi varaścaiṣa bhavenmama

ब्राह्मण ने कहा -- हे देव! यदि मुझे अवश्य ही पुनः घर जाना है, तो मैं जो पूछूँ वह बताइए, यही मेरा वर हो।

श्लोक 17 (skanda.6.26.17)

एते ये नरका रौद्राः सेविताः पापकर्मभिः। दृश्यंते वद कः केन कर्मणा सेव्यते जनैः

ete ye narakā raudrāḥ sevitāḥ pāpakarmabhiḥ| dṛśyaṁte vada kaḥ kena karmaṇā sevyate janaiḥ

ये जो भयंकर नरक पापकर्मियों द्वारा भोगे जाते हुए दिखाई देते हैं, बताइए -- कौन-सा नरक किस कर्म के कारण मनुष्यों द्वारा भोगा जाता है?

श्लोक 18 (skanda.6.26.18)

यम उवाच। असंख्या नरका विप्र यथा प्राणिगणाः क्षितौ। कृत्स्नशः कथितुं शक्या नैव वर्षशतैरपि

yama uvāca| asaṁkhyā narakā vipra yathā prāṇigaṇāḥ kṣitau| kṛtsnaśaḥ kathituṁ śakyā naiva varṣaśatairapi

यम ने कहा -- हे ब्राह्मण! नरक भी उतने ही असंख्य हैं जितने पृथ्वी पर प्राणी-समूह हैं; सौ वर्षों में भी उनका पूरा वर्णन नहीं किया जा सकता।

श्लोक 19 (skanda.6.26.19)

कीर्तयिष्यामि तेषां ते प्राधान्येन द्विजोत्तम। एकविंशतिसंख्या ये पापिलोककृते कृताः

kīrtayiṣyāmi teṣāṁ te prādhānyena dvijottama| ekaviṁśatisaṁkhyā ye pāpilokakṛte kṛtāḥ

हे श्रेष्ठ ब्राह्मण! मैं तुम्हें उनमें से मुख्य नरकों का वर्णन करूँगा, जो पापियों के लोक के लिए बनाए गए इक्कीस हैं।

श्लोक 20 (skanda.6.26.20)

आद्योऽयं रौरवो नाम नरको द्विजसत्तम। प्रतप्ततैलकुंभेषु पच्यंते यत्र जंतवः

ādyo'yaṁ rauravo nāma narako dvijasattama| prataptatailakuṁbheṣu pacyaṁte yatra jaṁtavaḥ

हे श्रेष्ठ ब्राह्मण! इनमें पहला नरक 'रौरव' नाम का है, जहाँ प्राणी तपाए हुए तेल के कुंडों में पकाए जाते हैं।

श्लोक 21 (skanda.6.26.21)

हा मातस्तात पुत्रेति प्रकुर्वंति सुदारुणम्। परपाकरताः क्षुद्राः परद्रव्यापहारकाः

hā mātastāta putreti prakurvaṁti sudāruṇam| parapākaratāḥ kṣudrāḥ paradravyāpahārakāḥ

वहाँ दूसरों को पीड़ा देने में रत क्षुद्र और दूसरों का धन हरने वाले 'हे माँ! हे पिता! हे पुत्र!' कहते हुए भयंकर विलाप करते हैं।

श्लोक 22 (skanda.6.26.22)

द्वितीय एष विप्रेंद्र महारौरवसंज्ञितः। कृतघ्नैः सेव्यते नित्यं तथा च गुरुतल्पगैः

dvitīya eṣa vipreṁdra mahārauravasaṁjñitaḥ| kṛtaghnaiḥ sevyate nityaṁ tathā ca gurutalpagaiḥ

हे श्रेष्ठ ब्राह्मण! दूसरा नरक 'महारौरव' नाम का है, जहाँ कृतघ्न और गुरु-पत्नीगामी सदा भोगते रहते हैं।

श्लोक 23 (skanda.6.26.23)

रोरूयमाणैर्दाहार्तैः पच्यमानैर्हविर्भुजा। खंडशः क्रियमाणैश्च तीक्ष्णशस्त्रैरनेकधा

rorūyamāṇairdāhārtaiḥ pacyamānairhavirbhujā| khaṁḍaśaḥ kriyamāṇaiśca tīkṣṇaśastrairanekadhā

वहाँ वे चीखते हुए, जलन से पीड़ित, अग्नि द्वारा पकाए जाते हैं, और नाना प्रकार के तीक्ष्ण शस्त्रों से बार-बार टुकड़े-टुकड़े किए जाते हैं।

श्लोक 24 (skanda.6.26.24)

तृतीयोंऽधतमोनाम नरकः सुभयावहः। अत्र ये पुरुषा यांति तांश्च वक्ष्यामि सुद्विज

tṛtīyoṁ'dhatamonāma narakaḥ subhayāvahaḥ| atra ye puruṣā yāṁti tāṁśca vakṣyāmi sudvija

तीसरा नरक 'अंधतमस' नाम का अत्यंत भयंकर है; हे उत्तम ब्राह्मण! जो पुरुष वहाँ जाते हैं, उन्हें भी बताता हूँ।

श्लोक 25 (skanda.6.26.25)

दुष्टेन चक्षुषा दृष्टाः परदारा नराधमैः। सुलोहास्याः खगास्तेषां हरंत्यत्र विलोचने

duṣṭena cakṣuṣā dṛṣṭāḥ paradārā narādhamaiḥ| sulohāsyāḥ khagāsteṣāṁ haraṁtyatra vilocane

जिन अधम पुरुषों ने बुरी दृष्टि से दूसरों की पत्नियों को देखा है, वहाँ लोहे की चोंच वाले पक्षी उनकी आँखें नोच लेते हैं।

श्लोक 26 (skanda.6.26.26)

चतुर्थोऽयं प्रतप्ताख्यो नरकः संप्रकीर्तितः। अत्र ते यातनां भुक्त्वा तथा शुद्धा भवंति च

caturtho'yaṁ prataptākhyo narakaḥ saṁprakīrtitaḥ| atra te yātanāṁ bhuktvā tathā śuddhā bhavaṁti ca

चौथा नरक 'प्रतप्त' नाम से कहा गया है; यहाँ वे यातना भोगकर शुद्ध हो जाते हैं।

श्लोक 27 (skanda.6.26.27)

यैः कृता सततं निंदा गुरुदेवतपस्विनाम्। तेषामुत्पाट्यते जिह्वा जाताजाताऽत्र भूरिशः

yaiḥ kṛtā satataṁ niṁdā gurudevatapasvinām| teṣāmutpāṭyate jihvā jātājātā'tra bhūriśaḥ

जिन्होंने गुरु, देवता और तपस्वियों की सदा निंदा की है, यहाँ उनकी जीभ बार-बार उखाड़ी जाती है, जो पुनः-पुनः उग आती है।

श्लोक 28 (skanda.6.26.28)

एषोऽन्यः पंचमो नाम सुप्रसिद्धो विदारकः। मित्रद्रोहरताश्चात्र च्छिद्यंते करपत्रकैः

eṣo'nyaḥ paṁcamo nāma suprasiddho vidārakaḥ| mitradroharatāścātra cchidyaṁte karapatrakaiḥ

यह पाँचवाँ नरक 'विदारक' नाम से प्रसिद्ध है; यहाँ मित्रों से द्रोह करने वाले आरी से काटे जाते हैं।

श्लोक 29 (skanda.6.26.29)

प्रतप्तवालुकापूर्णो ध्मायते यश्च वह्निना। निकुम्भ इति विख्यातः षष्ठो लोकभयावहः

prataptavālukāpūrṇo dhmāyate yaśca vahninā| nikumbha iti vikhyātaḥ ṣaṣṭho lokabhayāvahaḥ

जो तपाई हुई रेत से भरा है और अग्नि से जलाया जाता है, वह 'निकुम्भ' नाम से विख्यात छठा, संसार को भयभीत करने वाला नरक है।

श्लोक 30 (skanda.6.26.30)

प्राणांतिकं पुरा दत्तं यैर्दुःखं प्राणिनां नरैः। अपराधं विना तेऽत्र पच्यंते वालुकोत्करैः

prāṇāṁtikaṁ purā dattaṁ yairduḥkhaṁ prāṇināṁ naraiḥ| aparādhaṁ vinā te'tra pacyaṁte vālukotkaraiḥ

जिन मनुष्यों ने पहले बिना किसी अपराध के प्राणियों को प्राणांतक दुःख दिया, वे यहाँ रेत के ढेरों में पकाए जाते हैं।

श्लोक 31 (skanda.6.26.31)

बीभत्सुरिति विख्यातः सप्तमो नरकाधमः। मूत्रामेध्य समाकीर्णः समंतादतिगर्हितः

bībhatsuriti vikhyātaḥ saptamo narakādhamaḥ| mūtrāmedhya samākīrṇaḥ samaṁtādatigarhitaḥ

'बीभत्सु' नाम से विख्यात सातवाँ अधम नरक चारों ओर मूत्र और मल से भरा हुआ, अत्यंत घृणित है।

श्लोक 32 (skanda.6.26.32)

राजगामि च पैशुन्यं यैः कृतं सुदुरात्मभिः। अमेध्यपूर्णवक्त्रास्ते धार्यंतेऽत्र नराधमाः

rājagāmi ca paiśunyaṁ yaiḥ kṛtaṁ sudurātmabhiḥ| amedhyapūrṇavaktrāste dhāryaṁte'tra narādhamāḥ

जिन दुरात्माओं ने राजा से चुगली और निंदा की, वे अधम पुरुष यहाँ मुख में मल भरे हुए रखे जाते हैं।

श्लोक 33 (skanda.6.26.33)

कुत्सितोनाम विख्यातो द्विजायं चाष्टमोऽधमः। श्लेष्ममूत्राभिसंपूर्णैस्तथा गन्धैश्च कुत्सितैः

kutsitonāma vikhyāto dvijāyaṁ cāṣṭamo'dhamaḥ| śleṣmamūtrābhisaṁpūrṇaistathā gandhaiśca kutsitaiḥ

हे ब्राह्मण! 'कुत्सित' नाम से विख्यात यह आठवाँ अधम नरक कफ, मूत्र और घृणित दुर्गंधों से भरा हुआ है।

श्लोक 34 (skanda.6.26.34)

गुरुदेवातिथिभ्यश्च स्वभृत्येभ्यो विशेषतः। अदत्त्वा भोजनं यैस्तु कृतं तेऽत्र व्यवस्थिताः

gurudevātithibhyaśca svabhṛtyebhyo viśeṣataḥ| adattvā bhojanaṁ yaistu kṛtaṁ te'tra vyavasthitāḥ

जिन्होंने गुरु, देवता, अतिथि और विशेषतः अपने सेवकों को भोजन दिए बिना ही रखा, वे यहाँ स्थित हैं।

श्लोक 35 (skanda.6.26.35)

एष दुर्गमनामा च नवमो द्विजसत्तम। तीक्ष्णकंटकसंकीर्णः सर्पवृश्चिकसंकुलः

eṣa durgamanāmā ca navamo dvijasattama| tīkṣṇakaṁṭakasaṁkīrṇaḥ sarpavṛścikasaṁkulaḥ

हे श्रेष्ठ ब्राह्मण! यह नौवाँ नरक 'दुर्गम' नाम का है, जो तीक्ष्ण काँटों से भरा और सर्पों-बिच्छुओं से व्याप्त है।

श्लोक 36 (skanda.6.26.36)

एकसार्थप्रयाताय क्षुत्क्षामायावसीदते। अदत्त्वा भोजनं यैश्च कृतं तेऽत्र व्यवस्थिताः

ekasārthaprayātāya kṣutkṣāmāyāvasīdate| adattvā bhojanaṁ yaiśca kṛtaṁ te'tra vyavasthitāḥ

जिन्होंने साथ यात्रा कर रहे भूख से व्याकुल और थके हुए साथी को भोजन नहीं दिया, वे यहाँ स्थित हैं।

श्लोक 37 (skanda.6.26.37)

दशमोऽयं सुविख्यातो नरको नाम दुःसहः। तप्तलोहमयैः स्तंभैः समंतात्परिवारितः

daśamo'yaṁ suvikhyāto narako nāma duḥsahaḥ| taptalohamayaiḥ staṁbhaiḥ samaṁtātparivāritaḥ

यह दसवाँ, भली-भाँति विख्यात नरक 'दुःसह' नाम का है, जो चारों ओर से तपे हुए लोहे के खंभों से घिरा हुआ है।

श्लोक 38 (skanda.6.26.38)

ये पापाः परदारेषु रक्ता मिष्टामिषेषु वा। तप्तलोहमयान्स्तंभांस्तेऽत्रालिंगंति मानवाः

ye pāpāḥ paradāreṣu raktā miṣṭāmiṣeṣu vā| taptalohamayānstaṁbhāṁste'trāliṁgaṁti mānavāḥ

जो पापी पुरुष दूसरों की पत्नियों में अथवा स्वादिष्ट मांस में आसक्त हैं, वे यहाँ तपे हुए लोहे के खंभों को गले लगाते हैं।

श्लोक 39 (skanda.6.26.39)

एकादशोऽपरश्चायमाकर्षाख्यः प्रकीर्तितः। नरको विप्रशार्दूल तप्तसंदंशसंकुलः

ekādaśo'paraścāyamākarṣākhyaḥ prakīrtitaḥ| narako vipraśārdūla taptasaṁdaṁśasaṁkulaḥ

हे ब्राह्मणों में श्रेष्ठ! यह ग्यारहवाँ नरक 'आकर्ष' नाम से कहा गया है, जो तपाई हुई चिमटियों से भरा है।

श्लोक 40 (skanda.6.26.40)

स्त्रीविप्रगुरुदेवानां वित्तं चाश्नंति ये नराः। संदंशैरपि कृष्यंते तत्र तप्तैः समंततः

strīvipragurudevānāṁ vittaṁ cāśnaṁti ye narāḥ| saṁdaṁśairapi kṛṣyaṁte tatra taptaiḥ samaṁtataḥ

जो मनुष्य स्त्री, ब्राह्मण, गुरु और देवताओं का धन खा जाते हैं, उन्हें यहाँ चारों ओर से तपाई हुई चिमटियों से घसीटा जाता है।

श्लोक 41 (skanda.6.26.41)

संदंशो द्वादशश्चायं तथाऽभक्ष्यप्रभक्षकाः। लोहदंतमुखैर्गृधैर्भक्ष्यंतेऽत्र नराधमाः

saṁdaṁśo dvādaśaścāyaṁ tathā'bhakṣyaprabhakṣakāḥ| lohadaṁtamukhairgṛdhairbhakṣyaṁte'tra narādhamāḥ

यह बारहवाँ नरक 'संदंश' है; और जो अभक्ष्य वस्तुएँ खाने वाले हैं, वे अधम पुरुष यहाँ लोहे के दाँतों वाले गिद्धों द्वारा खाए जाते हैं।

श्लोक 42 (skanda.6.26.42)

एष त्रयोदशोनाम सुविख्यातो नियंत्रकः। समंतात्कृमिभिर्व्याप्तस्तथा च दृढबन्धनैः

eṣa trayodaśonāma suvikhyāto niyaṁtrakaḥ| samaṁtātkṛmibhirvyāptastathā ca dṛḍhabandhanaiḥ

यह भली-भाँति विख्यात तेरहवाँ नरक 'नियंत्रक' नाम का है, जो चारों ओर से कीड़ों और दृढ़ बंधनों से व्याप्त है।

श्लोक 43 (skanda.6.26.43)

न्यासापहारकाः पापास्तत्र बद्धाश्च बंधनैः। कृमिवृश्चिककीटाद्यैर्भक्ष्यते द्विजसत्तम

nyāsāpahārakāḥ pāpāstatra baddhāśca baṁdhanaiḥ| kṛmivṛścikakīṭādyairbhakṣyate dvijasattama

हे श्रेष्ठ ब्राह्मण! जो पापी धरोहर हड़प लेते हैं, वे यहाँ बंधनों से बाँधे जाकर कीड़ों, बिच्छुओं और अन्य कीटों द्वारा खाए जाते हैं।

श्लोक 44 (skanda.6.26.44)

तथा चतुर्दशोनाम नरकोऽधोमुखः स्थितः। नरकाणां समस्तानामेष रौद्रतमाकृतिः

tathā caturdaśonāma narako'dhomukhaḥ sthitaḥ| narakāṇāṁ samastānāmeṣa raudratamākṛtiḥ

इसी प्रकार चौदहवाँ नरक अधोमुख (नीचे की ओर मुख किए) स्थित है; यह समस्त नरकों में सबसे भयानक रूप वाला है।

श्लोक 45 (skanda.6.26.45)

अत्र चाधोमुखा बद्धा वृक्षशाखावलंबिताः। पच्यंते वह्निनाऽधस्ताद्ब्रह्मघ्ना ये च मानवाः

atra cādhomukhā baddhā vṛkṣaśākhāvalaṁbitāḥ| pacyaṁte vahninā'dhastādbrahmaghnā ye ca mānavāḥ

यहाँ जो मनुष्य ब्रह्महत्यारे हैं, वे सिर नीचे कर वृक्षों की शाखाओं से लटकाए जाकर, नीचे से अग्नि द्वारा पकाए जाते हैं।

श्लोक 46 (skanda.6.26.46)

यूकामत्कुणदंशाद्यैः संकीर्णोऽयं द्विजोत्तम। नरको भीषणो नाम ख्यातः पञ्चदशो महान्

yūkāmatkuṇadaṁśādyaiḥ saṁkīrṇo'yaṁ dvijottama| narako bhīṣaṇo nāma khyātaḥ pañcadaśo mahān

हे श्रेष्ठ ब्राह्मण! जुओं, खटमलों और अन्य दंश-कीटों से भरा यह पंद्रहवाँ महान नरक 'भीषण' नाम से विख्यात है।

श्लोक 47 (skanda.6.26.47)

कूटसाक्ष्यरतानां च तथैवानृतवादिनाम्। अत्राश्रयो मया दत्तस्तथान्येषां कुकर्मिणाम्

kūṭasākṣyaratānāṁ ca tathaivānṛtavādinām| atrāśrayo mayā dattastathānyeṣāṁ kukarmiṇām

झूठी गवाही देने वालों को, तथा असत्य बोलने वालों को, और अन्य दुष्कर्मियों को भी मैंने यहीं आश्रय दिया है।

श्लोक 48 (skanda.6.26.48)

एष षोडश उद्दिष्टो नरको नाम क्षुद्रदः। युधार्तैर्मानवैर्व्याप्तः समंताद्द्विजसत्तम

eṣa ṣoḍaśa uddiṣṭo narako nāma kṣudradaḥ| yudhārtairmānavairvyāptaḥ samaṁtāddvijasattama

हे श्रेष्ठ ब्राह्मण! यह सोलहवाँ नरक 'क्षुद्रद' नाम का बताया गया है, जो चारों ओर से भूख से पीड़ित मनुष्यों से भरा है।

श्लोक 49 (skanda.6.26.49)

मृष्टमांसानि यैः पापैर्भक्षितानि द्विजन्मभिः। क्षुधार्तास्ते निजं कायं भक्षयंत्यत्र संस्थिताः

mṛṣṭamāṁsāni yaiḥ pāpairbhakṣitāni dvijanmabhiḥ| kṣudhārtāste nijaṁ kāyaṁ bhakṣayaṁtyatra saṁsthitāḥ

जिन पापी द्विजों ने स्वादिष्ट मांस खाया था, वे यहाँ भूख से व्याकुल होकर अपने ही शरीर को खाते हैं।

श्लोक 50 (skanda.6.26.50)

तथा सप्तदशश्चायं क्षाराख्यो नरकः स्मृतः। सुक्षारेण समाकीर्णः सर्वप्राणिभयावहः

tathā saptadaśaścāyaṁ kṣārākhyo narakaḥ smṛtaḥ| sukṣāreṇa samākīrṇaḥ sarvaprāṇibhayāvahaḥ

और यह सत्रहवाँ नरक 'क्षार' नाम से स्मरण किया जाता है, जो तीव्र क्षार से भरा हुआ और समस्त प्राणियों को भयभीत करने वाला है।

श्लोक 51 (skanda.6.26.51)

व्रतभंगकरा ये च ये च पाषण्डिनो नराः। तेऽत्रागत्य शितैः शस्त्रैः पिष्यंते पापकृत्तमाः

vratabhaṁgakarā ye ca ye ca pāṣaṇḍino narāḥ| te'trāgatya śitaiḥ śastraiḥ piṣyaṁte pāpakṛttamāḥ

जो व्रत भंग करने वाले हैं और जो पाखंडी मनुष्य हैं, वे महापापी यहाँ आकर तीक्ष्ण शस्त्रों से पीसे जाते हैं।

श्लोक 52 (skanda.6.26.52)

एष चाष्टादशो नाम कथितश्च निदाघकः। ज्वलितांगारसंकीर्णो दुःसेव्यः सर्वदेहिनाम्

eṣa cāṣṭādaśo nāma kathitaśca nidāghakaḥ| jvalitāṁgārasaṁkīrṇo duḥsevyaḥ sarvadehinām

यह अठारहवाँ नरक 'निदाघक' नाम से कहा गया है, जो जलते हुए अंगारों से भरा है और सभी प्राणियों के लिए दुःसह्य है।

श्लोक 53 (skanda.6.26.53)

दूषयंति च ये शास्त्रं काव्यं विप्रं च कन्यकाम्। अंगारांतःस्थितास्तेऽत्र ध्रियंते मानवा द्विज

dūṣayaṁti ca ye śāstraṁ kāvyaṁ vipraṁ ca kanyakām| aṁgārāṁtaḥsthitāste'tra dhriyaṁte mānavā dvija

हे ब्राह्मण! जो लोग शास्त्र, काव्य, ब्राह्मण अथवा कन्या को दूषित करते हैं, वे मनुष्य यहाँ अंगारों के बीच खड़े रखे जाते हैं।

श्लोक 54 (skanda.6.26.54)

एकोनविंशतिश्चायं प्रख्यातः कूटशाल्मलिः। सुतीक्ष्णकंटकाकीर्णः समंताद्द्विजसत्तम

ekonaviṁśatiścāyaṁ prakhyātaḥ kūṭaśālmaliḥ| sutīkṣṇakaṁṭakākīrṇaḥ samaṁtāddvijasattama

हे श्रेष्ठ ब्राह्मण! यह उन्नीसवाँ नरक 'कूटशाल्मलि' नाम से प्रसिद्ध है, जो चारों ओर से अत्यंत तीक्ष्ण काँटों से भरा है।

श्लोक 55 (skanda.6.26.55)

नास्तिका भिन्नमर्यादा ये च विप्रस्य घातकाः। ते सर्वेऽत्र नरा नित्यमारुहंति पतंति च

nāstikā bhinnamaryādā ye ca viprasya ghātakāḥ| te sarve'tra narā nityamāruhaṁti pataṁti ca

नास्तिक, मर्यादा तोड़ने वाले, तथा ब्राह्मण-हत्यारे -- वे सभी यहाँ सदा चढ़ते और गिरते रहते हैं।

श्लोक 56 (skanda.6.26.56)

एष विंशतिमो नाम नरको द्विजसत्तम। असिपत्रवनाख्यश्च कष्टसेव्यो दुरात्मभिः

eṣa viṁśatimo nāma narako dvijasattama| asipatravanākhyaśca kaṣṭasevyo durātmabhiḥ

हे श्रेष्ठ ब्राह्मण! यह बीसवाँ नरक 'असिपत्रवन' नाम का है, जिसे दुरात्मा कष्टपूर्वक भोगते हैं।

श्लोक 57 (skanda.6.26.57)

अत्र यांति नरा विप्र पररंध्रनिरीक्षकाः। कूटकर्मरता ये च शास्त्रविक्रयकारकाः

atra yāṁti narā vipra pararaṁdhranirīkṣakāḥ| kūṭakarmaratā ye ca śāstravikrayakārakāḥ

हे ब्राह्मण! यहाँ वे मनुष्य जाते हैं जो दूसरों के छिद्र (दोष) खोजते हैं, जो कपटपूर्ण कर्मों में रत हैं, और जो शास्त्र बेचते हैं।

श्लोक 58 (skanda.6.26.58)

एकविंशतिमा चैषा नाम्ना वैतरणी नदी। सर्वैरेव नरैर्गम्या धर्मपापानुयायिभिः

ekaviṁśatimā caiṣā nāmnā vaitaraṇī nadī| sarvaireva narairgamyā dharmapāpānuyāyibhiḥ

यह इक्कीसवीं, वैतरणी नाम की नदी है, जिसे धर्म और पाप दोनों के अनुयायी सभी मनुष्यों को पार करना पड़ता है।

श्लोक 59 (skanda.6.26.59)

मृत्युकाले समुत्पन्ने धेनुं यच्छंति ये नराः। तस्या लांगूलमाश्रित्य तारयंति सुखेन च

mṛtyukāle samutpanne dhenuṁ yacchaṁti ye narāḥ| tasyā lāṁgūlamāśritya tārayaṁti sukhena ca

मृत्यु के समय जो मनुष्य गाय का दान करते हैं, वे उसकी पूँछ का सहारा लेकर सुखपूर्वक उस नदी को पार कर जाते हैं।

श्लोक 60 (skanda.6.26.60)

अदत्त्वा गां च ये मर्त्या म्रियंते द्विजसत्तम। तीर्त्वा हस्तादिभिर्दुर्गा त इमां संतरंति च

adattvā gāṁ ca ye martyā mriyaṁte dvijasattama| tīrtvā hastādibhirdurgā ta imāṁ saṁtaraṁti ca

हे श्रेष्ठ ब्राह्मण! जो मनुष्य गौ-दान किए बिना ही मर जाते हैं, वे अपने हाथों आदि से संघर्ष कर बड़ी कठिनाई से इस नदी को पार करते हैं।

श्लोक 61 (skanda.6.26.61)

एतत्ते सर्वमाख्यातं यत्पृष्टोऽस्मि द्विजोत्तम। विस्तरेण तव प्रीत्या स्वरूपं नरकोद्भवम्

etatte sarvamākhyātaṁ yatpṛṣṭo'smi dvijottama| vistareṇa tava prītyā svarūpaṁ narakodbhavam

हे श्रेष्ठ ब्राह्मण! जो तुमने पूछा था, वह सब मैंने तुम्हारे प्रति स्नेह से नरकों का स्वरूप विस्तार से बता दिया।

श्लोक 62 (skanda.6.26.62)

तस्माद्गच्छ गृहं शीघ्रं यावद्गात्रं न दह्यते। बन्धुभिस्तव शोकार्तैर्गृहीत्वा वांछितं धनम्

tasmādgaccha gṛhaṁ śīghraṁ yāvadgātraṁ na dahyate| bandhubhistava śokārtairgṛhītvā vāṁchitaṁ dhanam

अतः इससे पहले कि तुम्हारे शोकाकुल बंधु तुम्हारा शरीर जलाएँ, अपना मनचाहा धन लेकर शीघ्र घर जाओ।

श्लोक 63 (skanda.6.26.63)

ब्राह्मण उवाच। यदि देव मया सम्यग्गंतव्यं निजमंदिरम्। तद्ब्रूहि कर्मणा येन नरकं याति नो नरः

brāhmaṇa uvāca| yadi deva mayā samyaggaṁtavyaṁ nijamaṁdiram| tadbrūhi karmaṇā yena narakaṁ yāti no naraḥ

ब्राह्मण ने कहा -- हे देव! यदि मुझे अवश्य ही अपने घर जाना है, तो बताइए कि किस कर्म से मनुष्य नरक को नहीं जाता।

श्लोक 64 (skanda.6.26.64)

यम उवाच। तीर्थयात्रापरो नित्यं देवतातिथिपूजकः। ब्रह्मण्यश्च शरण्यश्च न याति नरकं नरः

yama uvāca| tīrthayātrāparo nityaṁ devatātithipūjakaḥ| brahmaṇyaśca śaraṇyaśca na yāti narakaṁ naraḥ

यम ने कहा -- जो सदा तीर्थयात्रा में तत्पर रहता है, देवताओं और अतिथियों की पूजा करता है, ब्राह्मणों का हितैषी है और शरणागतों का रक्षक है, वह मनुष्य नरक नहीं जाता।

श्लोक 65 (skanda.6.26.65)

परोपकारसंयुक्तो नित्यं जपपरायणः। स्वाध्यायनिरतश्चैव न याति नरकं द्विज

paropakārasaṁyukto nityaṁ japaparāyaṇaḥ| svādhyāyanirataścaiva na yāti narakaṁ dvija

हे ब्राह्मण! जो सदा परोपकार में लगा रहता है, जप में तत्पर रहता है, तथा स्वाध्याय में लीन रहता है, वह भी नरक नहीं जाता।

श्लोक 66 (skanda.6.26.66)

वापीकूपतडागानि देवतायतनानि च। यः करोति नरो नित्यं नरकं न स पश्यति

vāpīkūpataḍāgāni devatāyatanāni ca| yaḥ karoti naro nityaṁ narakaṁ na sa paśyati

जो मनुष्य सदा बावली, कुआँ, तालाब और देवालय बनवाता है, वह नरक नहीं देखता।

श्लोक 67 (skanda.6.26.67)

हेमंते वह्निदो यः स्यात्तथा ग्रीष्मे जलप्रदः। वर्षास्वाश्रयदो यश्च नरकं न स पश्यति

hemaṁte vahnido yaḥ syāttathā grīṣme jalapradaḥ| varṣāsvāśrayado yaśca narakaṁ na sa paśyati

जो हेमंत ऋतु में अग्नि देता है, ग्रीष्म में जल देता है, और वर्षा में आश्रय देता है, वह नरक नहीं देखता।

श्लोक 68 (skanda.6.26.68)

व्रतोपवाससंयुक्तः शांतात्मा विजितेंद्रियः। ब्रह्मचारी सदा ध्यानी नरकं याति नो नरः

vratopavāsasaṁyuktaḥ śāṁtātmā vijiteṁdriyaḥ| brahmacārī sadā dhyānī narakaṁ yāti no naraḥ

जो व्रत और उपवास से युक्त, शांत आत्मा वाला, इंद्रियों को जीतने वाला, ब्रह्मचारी और सदा ध्यानी है, वह मनुष्य नरक नहीं जाता।

श्लोक 69 (skanda.6.26.69)

अन्नप्रदो नरो यः स्याद्विशेषेण तिलप्रदः। अहिंसानिरतश्चैव नरकं न स पश्यति

annaprado naro yaḥ syādviśeṣeṇa tilapradaḥ| ahiṁsānirataścaiva narakaṁ na sa paśyati

जो अन्न देने वाला है, विशेष रूप से तिल का दान करने वाला है, और अहिंसा में तत्पर है, वह नरक नहीं देखता।

श्लोक 70 (skanda.6.26.70)

वेदाध्ययनसंपन्नः शास्त्रासक्तः सुमृष्टवाक्। धर्माख्यानपरो नित्यं नरकं न स पश्यति

vedādhyayanasaṁpannaḥ śāstrāsaktaḥ sumṛṣṭavāk| dharmākhyānaparo nityaṁ narakaṁ na sa paśyati

जो वेदाध्ययन से युक्त, शास्त्रों में रत, मधुर वचन बोलने वाला और सदा धर्म की कथा कहने में तत्पर है, वह नरक नहीं देखता।

श्लोक 71 (skanda.6.26.71)

ब्राह्मण उवाच। एतन्मूर्खोऽपि जानाति शुभकर्मकरः पुमान्। न याति नरकं स्वर्गे तथा पापक्रियारतः

brāhmaṇa uvāca| etanmūrkho'pi jānāti śubhakarmakaraḥ pumān| na yāti narakaṁ svarge tathā pāpakriyārataḥ

ब्राह्मण ने कहा -- यह तो एक मूर्ख भी जानता है, कि शुभ कर्म करने वाला पुरुष नरक नहीं जाता और स्वर्ग को प्राप्त होता है, जबकि पाप-कर्मरत नरक जाता है।

श्लोक 72 (skanda.6.26.72)

तस्मादशुभकर्मापि कर्मणा येन पातकम्। स्वल्पेनापि निहन्त्याशु याति स्वर्गं नरस्ततः

tasmādaśubhakarmāpi karmaṇā yena pātakam| svalpenāpi nihantyāśu yāti svargaṁ narastataḥ

अतः अशुभ कर्म करने वाला मनुष्य भी किस कर्म से, अल्प प्रयत्न से ही, अपने पाप को शीघ्र नष्ट कर स्वर्ग को जाता है, यह बताइए।

श्लोक 73 (skanda.6.26.73)

तन्मे ब्रूहि सुरश्रेष्ठ व्रतं नियममेव वा। तीर्थं वा जपहोमं वा सर्वलोकसुखावहम्

tanme brūhi suraśreṣṭha vrataṁ niyamameva vā| tīrthaṁ vā japahomaṁ vā sarvalokasukhāvaham

हे देवश्रेष्ठ! वह मुझे बताइए -- कोई व्रत, कोई नियम, कोई तीर्थ, या कोई जप-होम, जो सब लोकों को सुख देने वाला हो।

श्लोक 74 (skanda.6.26.74)

यम उवाच। अत्र ते सुमहद्गुह्यं कीर्तयिष्ये द्विजोत्तम। गोपनीयं प्रयत्नेन वचनान्मम सर्वदा

yama uvāca| atra te sumahadguhyaṁ kīrtayiṣye dvijottama| gopanīyaṁ prayatnena vacanānmama sarvadā

यम ने कहा -- हे श्रेष्ठ ब्राह्मण! अब मैं तुम्हें एक महान रहस्य बताता हूँ, जिसे मेरे कहने से सदा प्रयत्नपूर्वक गुप्त रखा जाए।

श्लोक 75 (skanda.6.26.75)

महापातकयुक्तोऽपि पुरुषो येन कर्मणा। अनुष्ठितेन नो याति नरकं क्लेशकारकम्

mahāpātakayukto'pi puruṣo yena karmaṇā| anuṣṭhitena no yāti narakaṁ kleśakārakam

किस कर्म का पालन करने से महापाप से युक्त पुरुष भी उस क्लेशकारी नरक को नहीं जाता --

श्लोक 76 (skanda.6.26.76)

आनर्तविषये रम्यं सर्वतीर्थमयं शुभम्। हाटकेश्वरजं क्षेत्रं महापातकनाशनम्

ānartaviṣaye ramyaṁ sarvatīrthamayaṁ śubham| hāṭakeśvarajaṁ kṣetraṁ mahāpātakanāśanam

आनर्त प्रदेश में एक रमणीय, समस्त तीर्थस्वरूप, शुभ हाटकेश्वर क्षेत्र है, जो महापापों का नाश करने वाला है।

श्लोक 77 (skanda.6.26.77)

तत्रैकमपि मासार्धं यो भक्त्या पूजयेद्धरम्। स सर्वपापयुक्तोऽपि शिवलोके महीयते

tatraikamapi māsārdhaṁ yo bhaktyā pūjayeddharam| sa sarvapāpayukto'pi śivaloke mahīyate

जो वहाँ आधे महीने के लिए भी भक्तिपूर्वक हर की पूजा करता है, वह समस्त पापों से युक्त होते हुए भी शिवलोक में सम्मानित होता है।

श्लोक 78 (skanda.6.26.78)

तस्मात्तत्र द्रुतं गत्वा त्वमाराधय शंकरम्। येन गच्छसि निर्वाणं दशभिः पुरुषैः सह

tasmāttatra drutaṁ gatvā tvamārādhaya śaṁkaram| yena gacchasi nirvāṇaṁ daśabhiḥ puruṣaiḥ saha

अतः वहाँ शीघ्र जाकर शंकर की आराधना करो, जिससे तुम अपने दस पुरुषों (पूर्वजों) सहित निर्वाण को प्राप्त हो सको।

श्लोक 79 (skanda.6.26.79)

सूत उवाच। उपदेशं समाकर्ण्य स यदा प्रस्थितो गृहम्। धर्मराजस्य संहृष्टो मधुरां नगरीं प्रति

sūta uvāca| upadeśaṁ samākarṇya sa yadā prasthito gṛham| dharmarājasya saṁhṛṣṭo madhurāṁ nagarīṁ prati

सूत जी ने कहा -- यह उपदेश सुनकर, धर्मराज के इस वचन से प्रसन्न होकर जब वह मथुरा नगरी की ओर घर जाने के लिए चला --

श्लोक 80 (skanda.6.26.80)

तावद्द्वितीयं गोकर्णं दूत आदाय संगतः। दर्शयामास धृत्वाग्रे धर्मराजस्य सत्वरम्

tāvaddvitīyaṁ gokarṇaṁ dūta ādāya saṁgataḥ| darśayāmāsa dhṛtvāgre dharmarājasya satvaram

तभी दूत दूसरे गोकर्ण को लेकर वहाँ पहुँच गया, और उसे शीघ्र ही धर्मराज के सामने ला खड़ा किया।

श्लोक 81 (skanda.6.26.81)

ततः प्रोवाच तं दूतं धर्मराजः प्रहर्षितः। गोकर्णं पुरतो दृष्ट्वा द्वितीयं प्रस्थितं गृहम्

tataḥ provāca taṁ dūtaṁ dharmarājaḥ praharṣitaḥ| gokarṇaṁ purato dṛṣṭvā dvitīyaṁ prasthitaṁ gṛham

तब घर जाने के लिए निकल चुके पहले गोकर्ण को देखते ही अत्यंत प्रसन्न धर्मराज ने उस दूत से, दूसरे गोकर्ण को सामने देखकर, कहा --

श्लोक 82 (skanda.6.26.82)

यस्मात्कालात्ययं कृत्वाऽऽनीतोऽयं ब्राह्मणस्त्वया। तस्मादेनमपि क्षिप्रं द्वितीयेन समं त्यज

yasmātkālātyayaṁ kṛtvā''nīto'yaṁ brāhmaṇastvayā| tasmādenamapi kṣipraṁ dvitīyena samaṁ tyaja

'चूँकि तूने इसे भी समय बीत जाने के बाद लाया है, इसलिए इसे भी शीघ्र दूसरे गोकर्ण के साथ ही छोड़ दे।'

श्लोक 83 (skanda.6.26.83)

ततस्तौ तत्क्षणान्मुक्तौ गोकर्णौ ब्राह्मणौ समम्। स्वंस्वं कलेवरं प्राप्य सहसाथ समन्वितौ

tatastau tatkṣaṇānmuktau gokarṇau brāhmaṇau samam| svaṁsvaṁ kalevaraṁ prāpya sahasātha samanvitau

तब वे दोनों गोकर्ण ब्राह्मण उसी क्षण एक साथ मुक्त कर दिए गए, और अचानक अपने-अपने शरीर को प्राप्त कर एक साथ चेतन हो उठे।

श्लोक 84 (skanda.6.26.84)

ततः स कथयामास गोकर्णः प्रथमो द्विजः। यमोपदेशसंजुष्टो द्वितीयाय सविस्तरम्

tataḥ sa kathayāmāsa gokarṇaḥ prathamo dvijaḥ| yamopadeśasaṁjuṣṭo dvitīyāya savistaram

तब यम के उपदेश से लाभान्वित हुए उस पहले ब्राह्मण गोकर्ण ने दूसरे को वह सब विस्तार से सुनाया।

श्लोक 85 (skanda.6.26.85)

ततो गृहं परित्यज्य गोकर्णौ द्वावपि स्थितौ। देवतायतनैर्व्याप्तं क्षेत्रं दृष्ट्वाऽखिलं ततः

tato gṛhaṁ parityajya gokarṇau dvāvapi sthitau| devatāyatanairvyāptaṁ kṣetraṁ dṛṣṭvā'khilaṁ tataḥ

तब दोनों गोकर्णों ने घर त्यागकर, देवालयों से व्याप्त उस संपूर्ण क्षेत्र को देखकर वहीं निवास किया।

श्लोक 86 (skanda.6.26.86)

लिंगे संस्थापिते ताभ्यां सीमांते दक्षिणोत्तरे। हाटकेश्वरजं क्षेत्रं संप्राप्य तपसि द्रुतम्

liṁge saṁsthāpite tābhyāṁ sīmāṁte dakṣiṇottare| hāṭakeśvarajaṁ kṣetraṁ saṁprāpya tapasi drutam

उन दोनों ने दक्षिण और उत्तर की सीमा पर लिंग की स्थापना कर हाटकेश्वर क्षेत्र में पहुँचकर शीघ्र तप में लीन हो गए।

श्लोक 87 (skanda.6.26.87)

ततः शिवं समाराध्य तपः कृत्वा यथोचितम्। सशरीरौ दिवं प्राप्तौ तत्प्रभावाद्विजोत्तमाः

tataḥ śivaṁ samārādhya tapaḥ kṛtvā yathocitam| saśarīrau divaṁ prāptau tatprabhāvādvijottamāḥ

हे श्रेष्ठ ब्राह्मणो! फिर शिव की आराधना कर, विधिपूर्वक तप करके, उनके प्रभाव से वे दोनों सशरीर स्वर्ग को प्राप्त हुए।

श्लोक 88 (skanda.6.26.88)

ताभ्यां मार्गचतुर्दश्यां कृष्णायां जागरः कृतः। यः करोति नरो भक्त्या स गच्छति शिवालयम्

tābhyāṁ mārgacaturdaśyāṁ kṛṣṇāyāṁ jāgaraḥ kṛtaḥ| yaḥ karoti naro bhaktyā sa gacchati śivālayam

उन दोनों ने मार्गशीर्ष की कृष्ण चतुर्दशी को जागरण किया था; जो मनुष्य भक्तिपूर्वक ऐसा करता है, वह शिवलोक को प्राप्त होता है।

श्लोक 89 (skanda.6.26.89)

अपुत्रो लभते पुत्रान्धनार्थी धनमाप्नुयात्। निष्कामस्तु पुनर्मोक्षं नरो याति न संशयः

aputro labhate putrāndhanārthī dhanamāpnuyāt| niṣkāmastu punarmokṣaṁ naro yāti na saṁśayaḥ

पुत्रहीन पुत्र पाता है, धन चाहने वाला धन पाता है; और निष्काम मनुष्य मोक्ष को प्राप्त होता है, इसमें संदेह नहीं।

श्लोक 90 (skanda.6.26.90)

सूत उवाच। एतद्वः सर्वमाख्यातं सीमांतं द्विजसत्तमाः। क्षेत्रस्यास्य प्रमाणं च विस्तरेण चतुर्दिशम्

sūta uvāca| etadvaḥ sarvamākhyātaṁ sīmāṁtaṁ dvijasattamāḥ| kṣetrasyāsya pramāṇaṁ ca vistareṇa caturdiśam

सूत जी ने कहा -- हे श्रेष्ठ ब्राह्मणो! यह सब मैंने तुम्हें इस क्षेत्र की सीमा और चारों दिशाओं में इसका विस्तार-प्रमाण विस्तार से बता दिया।

श्लोक 91 (skanda.6.26.91)

अत्रांतरे नरा ये च निवसंति द्विजोत्तमाः। कृषिकर्मोद्यताश्चापि यांति ते परमां गतिम्। किं पुनर्नियतात्मानः शांता दांता जितेंद्रियाः

atrāṁtare narā ye ca nivasaṁti dvijottamāḥ| kṛṣikarmodyatāścāpi yāṁti te paramāṁ gatim| kiṁ punarniyatātmānaḥ śāṁtā dāṁtā jiteṁdriyāḥ

हे श्रेष्ठ ब्राह्मणो! इस क्षेत्र के भीतर रहने वाले मनुष्य, चाहे वे खेती-किसानी में लगे हुए ही क्यों न हों, परम गति को प्राप्त होते हैं -- फिर संयमी, शांत, दमनशील और जितेंद्रिय पुरुषों की तो बात ही क्या!

श्लोक 92 (skanda.6.26.92)

अपि कीटपतंगा ये पशवः पक्षिणो मृगाः। तस्मिन्क्षेत्रे मृता यांति स्वर्गलोकं न संशयः

api kīṭapataṁgā ye paśavaḥ pakṣiṇo mṛgāḥ| tasminkṣetre mṛtā yāṁti svargalokaṁ na saṁśayaḥ

इस क्षेत्र में मरे हुए कीड़े, पतंगे, पशु, पक्षी और मृग भी निश्चय ही स्वर्गलोक को प्राप्त होते हैं।

श्लोक 93 (skanda.6.26.93)

किं पुनर्ये नरास्तत्र कृत्वा प्रायोपवेशनम्। संन्यस्ताः श्रद्धयोपेता हृदयस्थे जनार्दने

kiṁ punarye narāstatra kṛtvā prāyopaveśanam| saṁnyastāḥ śraddhayopetā hṛdayasthe janārdane

फिर उन मनुष्यों की तो बात ही क्या, जो वहाँ प्रायोपवेशन (आमरण अनशन) करके, संन्यास लेकर, श्रद्धा से युक्त होकर, हृदय में जनार्दन को धारण किए हुए मृत्यु को प्राप्त होते हैं?

श्लोक 94 (skanda.6.26.94)

तस्मात्सर्व प्रयत्नेन तत्क्षेत्रं सेव्यमेव हि। विशेषेण कलौ प्राप्ते युगे पापसमावृते

tasmātsarva prayatnena tatkṣetraṁ sevyameva hi| viśeṣeṇa kalau prāpte yuge pāpasamāvṛte

अतः सब प्रकार के प्रयत्न से उस क्षेत्र का सेवन करना चाहिए, विशेषकर पापों से भरे कलियुग के आ जाने पर।

श्लोक 95 (skanda.6.26.95)

पुनंति स्नानदानाभ्यां सर्वतीर्थान्यसंशयम्। हाटकेश्वरजं क्षेत्रं पुनर्वासात्पुनाति च

punaṁti snānadānābhyāṁ sarvatīrthānyasaṁśayam| hāṭakeśvarajaṁ kṣetraṁ punarvāsātpunāti ca

समस्त तीर्थ स्नान और दान से निश्चय ही पवित्र करते हैं, किंतु हाटकेश्वर क्षेत्र तो केवल वहाँ निवास करने मात्र से ही पवित्र कर देता है।

श्लोक 96 (skanda.6.26.96)

वापीकूपतडागेषु यत्रयत्र जलं द्विजाः। तत्रतत्र नरः स्नातः सर्वपापैः प्रमुच्यते

vāpīkūpataḍāgeṣu yatrayatra jalaṁ dvijāḥ| tatratatra naraḥ snātaḥ sarvapāpaiḥ pramucyate

हे ब्राह्मणो! वहाँ बावलियों, कुओं और तालाबों में जहाँ-जहाँ भी जल हो, वहाँ स्नान करने वाला मनुष्य सब पापों से मुक्त हो जाता है।

श्लोक 97 (skanda.6.26.97)

किं यज्ञैः किं वृथा दानैः किं व्रतैः किं जपैरपि। वरं तत्र कृतो वासः क्षेत्रे स्वर्गमभीप्सुभिः

kiṁ yajñaiḥ kiṁ vṛthā dānaiḥ kiṁ vrataiḥ kiṁ japairapi| varaṁ tatra kṛto vāsaḥ kṣetre svargamabhīpsubhiḥ

यज्ञों से क्या, व्यर्थ दानों से क्या, व्रतों और जप से भी क्या लाभ? स्वर्ग की इच्छा रखने वालों के लिए उस क्षेत्र में निवास करना ही श्रेष्ठ है।

श्लोक 98 (skanda.6.26.98)

एतत्पवित्रमायुष्यं मांगल्यं पापनाशनम्। हाटकेश्वरजक्षेत्रमाहात्म्यं शृण्वतां सदा

etatpavitramāyuṣyaṁ māṁgalyaṁ pāpanāśanam| hāṭakeśvarajakṣetramāhātmyaṁ śṛṇvatāṁ sadā

यह पवित्र, आयुवर्धक, मंगलकारी और पाप का नाश करने वाला हाटकेश्वर-क्षेत्र-माहात्म्य सुनने वालों के लिए सदा फलदायी है।