चतुर्युगस्वरूपवर्णन

श्लोक 1 (skanda.6.27.1)

ऋषय ऊचुः। चतुर्युगस्वरूपं तु माहात्म्यं चैव सूतज। प्रमाणं वद कार्त्स्न्येन परं कौतूहलं हि नः

ṛṣaya ūcuḥ| caturyugasvarūpaṁ tu māhātmyaṁ caiva sūtaja| pramāṇaṁ vada kārtsnyena paraṁ kautūhalaṁ hi naḥ

ऋषियों ने कहा -- हे सूतनंदन! चारों युगों का स्वरूप, उनका माहात्म्य और उनका प्रमाण पूरी तरह से बताइए -- हमें बड़ी उत्सुकता है।

श्लोक 2 (skanda.6.27.2)

सूत उवाच। इममर्थं पुरा पृष्टो वासवेन बृहस्पतिः। यथा प्रोवाच विप्रेंद्रास्तद्वो वक्ष्यामि सांप्रतम्

sūta uvāca| imamarthaṁ purā pṛṣṭo vāsavena bṛhaspatiḥ| yathā provāca vipreṁdrāstadvo vakṣyāmi sāṁpratam

सूत जी ने कहा -- हे श्रेष्ठ ब्राह्मणो! यह विषय पूर्वकाल में इंद्र ने बृहस्पति से पूछा था; जैसा उन्होंने उत्तर दिया, वैसा ही अब मैं तुम्हें बताता हूँ।

श्लोक 3 (skanda.6.27.3)

पुरा शक्रं समासीनं सभायां त्रिदशैः सह। सह शच्या महात्मानमुपासांचक्रिरे सुराः

purā śakraṁ samāsīnaṁ sabhāyāṁ tridaśaiḥ saha| saha śacyā mahātmānamupāsāṁcakrire surāḥ

पूर्वकाल में देवगण सभा में देवताओं सहित बैठे हुए महात्मा शक्र की, उनकी पत्नी शची सहित, सेवा करते थे।

श्लोक 4 (skanda.6.27.4)

गन्धर्वाप्सरसश्चैव सिद्धविद्याधराश्च ये। गुह्यकाः किंनरा दैत्या राक्षसा उरगास्तथा

gandharvāpsarasaścaiva siddhavidyādharāśca ye| guhyakāḥ kiṁnarā daityā rākṣasā uragāstathā

गंधर्व, अप्सराएँ, सिद्ध, विद्याधर, गुह्यक, किन्नर, दैत्य, राक्षस और नाग भी वहाँ उपस्थित थे।

श्लोक 5 (skanda.6.27.5)

कलाः काष्ठानिमेषाश्च नक्षत्राणि ग्रहास्तथा। सांगा वेदास्तथा मूर्तास्तीर्थान्यायतनानि च

kalāḥ kāṣṭhānimeṣāśca nakṣatrāṇi grahāstathā| sāṁgā vedāstathā mūrtāstīrthānyāyatanāni ca

कला, काष्ठा, निमेष (कालमान) रूपी देवता, नक्षत्र, ग्रह, अंगों सहित वेद, मूर्तिमान तीर्थ और देवालय भी वहाँ थे।

श्लोक 6 (skanda.6.27.6)

तथा चक्रुः कथाश्चित्रा देवदानवरक्षसाम्। राजर्षीणां पुराणानां ब्रह्मर्षीणां विशेषतः

tathā cakruḥ kathāścitrā devadānavarakṣasām| rājarṣīṇāṁ purāṇānāṁ brahmarṣīṇāṁ viśeṣataḥ

वे सब देवों, दानवों और राक्षसों की, राजर्षियों और पुराणों की, तथा विशेषकर ब्रह्मर्षियों की विचित्र कथाएँ कहने लगे।

श्लोक 7 (skanda.6.27.7)

कस्मिंश्चिदथ संप्राप्ते प्रस्तावे त्रिदशेश्वरः। पप्रच्छ विनयोपेतो विप्रश्रेष्ठं बृहस्पतिम्

kasmiṁścidatha saṁprāpte prastāve tridaśeśvaraḥ| papraccha vinayopeto vipraśreṣṭhaṁ bṛhaspatim

किसी प्रसंग के आने पर देवराज इंद्र ने विनयपूर्वक श्रेष्ठ ब्राह्मण बृहस्पति से पूछा --

श्लोक 8 (skanda.6.27.8)

भगवञ्छ्रोतुमिच्छामि प्रमाणं युगसंभवम्। माहात्म्यं च स्वरूपं च यथावद्वक्तुमर्हसि

bhagavañchrotumicchāmi pramāṇaṁ yugasaṁbhavam| māhātmyaṁ ca svarūpaṁ ca yathāvadvaktumarhasi

'हे भगवन्! मैं युगों की उत्पत्ति का प्रमाण, उनका माहात्म्य और उनका स्वरूप यथार्थ रूप से सुनना चाहता हूँ; कृपया बताइए।'

श्लोक 9 (skanda.6.27.9)

बृहस्पतिरुवाच। अहं ते कीर्तयिष्यामि माहात्म्यं युगसंभवम्। यत्प्रमाणं स्वरूपं च शृणुष्वावहितः स्थितः

bṛhaspatiruvāca| ahaṁ te kīrtayiṣyāmi māhātmyaṁ yugasaṁbhavam| yatpramāṇaṁ svarūpaṁ ca śṛṇuṣvāvahitaḥ sthitaḥ

बृहस्पति ने कहा -- मैं तुम्हें युगों की उत्पत्ति का माहात्म्य, उनका प्रमाण और स्वरूप बताता हूँ; ध्यान लगाकर सुनो।

श्लोक 10 (skanda.6.27.10)

अष्टाविंशतिसहस्राणि लक्षाः सप्तदशैव तु। प्रमाणेन कृतं प्रोक्तं यत्र शुक्लो जनार्दनः

aṣṭāviṁśatisahasrāṇi lakṣāḥ saptadaśaiva tu| pramāṇena kṛtaṁ proktaṁ yatra śuklo janārdanaḥ

अट्ठाईस हजार और सत्रह लाख वर्षों के प्रमाण से कृतयुग कहा गया है, जिसमें जनार्दन श्वेत वर्ण के होते हैं।

श्लोक 11 (skanda.6.27.11)

चतुष्पादस्तथा धर्मः सुसंपूर्णा वसुन्धरा। कामक्रोधविनिर्मुक्ता भयद्वेषविवर्जिताः

catuṣpādastathā dharmaḥ susaṁpūrṇā vasundharā| kāmakrodhavinirmuktā bhayadveṣavivarjitāḥ

उसमें धर्म चारों पैरों पर खड़ा होता है, पृथ्वी पूर्ण संपन्न रहती है, और मनुष्य काम-क्रोध से मुक्त तथा भय-द्वेष से रहित होते हैं।

श्लोक 12 (skanda.6.27.12)

जनाश्चिरायुषस्तत्र शान्तात्मानो जितेन्द्रियाः। पञ्चतालप्रमाणाश्च दीप्तिमन्तो बहुश्रुताः

janāścirāyuṣastatra śāntātmāno jitendriyāḥ| pañcatālapramāṇāśca dīptimanto bahuśrutāḥ

वहाँ के लोग दीर्घायु, शांत आत्मा वाले, जितेंद्रिय, पाँच ताल ऊँचे, तेजस्वी और बहुश्रुत होते हैं।

श्लोक 13 (skanda.6.27.13)

तत्र षोडशसाहस्रं बालत्वं जायते नृणाम्। ततश्च यौवनं प्रोक्तं द्वात्रिंशद्यावदेव हि

tatra ṣoḍaśasāhasraṁ bālatvaṁ jāyate nṛṇām| tataśca yauvanaṁ proktaṁ dvātriṁśadyāvadeva hi

वहाँ मनुष्यों का बचपन सोलह हजार वर्षों तक रहता है, और उसके बाद बत्तीस हजार वर्षों तक यौवन कहा गया है।

श्लोक 14 (skanda.6.27.14)

ततः परं च वार्द्धक्यं शनैः संजायते नृणाम्। लक्षांते परमं यावदन्येषामधिकं क्वचित्

tataḥ paraṁ ca vārddhakyaṁ śanaiḥ saṁjāyate nṛṇām| lakṣāṁte paramaṁ yāvadanyeṣāmadhikaṁ kvacit

उसके बाद मनुष्यों में धीरे-धीरे बुढ़ापा आता है, जो एक लाख वर्ष तक चलता है; कभी-कभी कुछ लोगों के लिए उससे भी अधिक।

श्लोक 15 (skanda.6.27.15)

तत्र सत्त्वाश्च ये केचित्पशवः पक्षिणो मृगाः। दैवीं वाचं प्रजल्पंति न विरोधं व्रजंति च

tatra sattvāśca ye kecitpaśavaḥ pakṣiṇo mṛgāḥ| daivīṁ vācaṁ prajalpaṁti na virodhaṁ vrajaṁti ca

वहाँ जो भी प्राणी हैं -- पशु, पक्षी और मृग -- वे दिव्य वाणी बोलते हैं और कभी परस्पर विरोध नहीं करते।

श्लोक 16 (skanda.6.27.16)

क्रीडंति नकुलैः सर्पा बिडाला मूषकैः समम्। पञ्चाननैर्मृगा नित्यमुलूकाश्चापि वायसैः

krīḍaṁti nakulaiḥ sarpā biḍālā mūṣakaiḥ samam| pañcānanairmṛgā nityamulūkāścāpi vāyasaiḥ

वहाँ सर्प नेवलों के साथ, बिल्लियाँ चूहों के साथ, मृग सिंहों के साथ और उल्लू कौओं के साथ नित्य क्रीड़ा करते हैं।

श्लोक 17 (skanda.6.27.17)

अकृष्टा च मही सस्यं जनयत्यति भूरिशः। व्रीहिमुद्गयवप्रायं सुस्वादु बलवृद्धिदम्

akṛṣṭā ca mahī sasyaṁ janayatyati bhūriśaḥ| vrīhimudgayavaprāyaṁ susvādu balavṛddhidam

बिना जोते ही पृथ्वी अपने आप बहुत अधिक अन्न उत्पन्न करती है -- चावल, मूँग, जौ आदि, जो स्वादिष्ट और बल बढ़ाने वाला होता है।

श्लोक 18 (skanda.6.27.18)

सर्वर्तुफलिनो वृक्षाः सपुष्पफलधारिणः। सुपत्राः कंटकैर्हीनाः कल्पपादपसंनिभाः

sarvartuphalino vṛkṣāḥ sapuṣpaphaladhāriṇaḥ| supatrāḥ kaṁṭakairhīnāḥ kalpapādapasaṁnibhāḥ

वृक्ष सभी ऋतुओं में फल देते हैं, फूल और फल दोनों से युक्त, सुंदर पत्तों वाले, काँटों से रहित और कल्पवृक्षों के समान होते हैं।

श्लोक 19 (skanda.6.27.19)

धेनवश्च प्रयच्छंति वांछितं स्वादु सत्पयः। सर्वेष्वपि हि कालेषु भूरि सर्प्पिःप्रदं नृणाम्

dhenavaśca prayacchaṁti vāṁchitaṁ svādu satpayaḥ| sarveṣvapi hi kāleṣu bhūri sarppiḥpradaṁ nṛṇām

गौएँ इच्छानुसार स्वादिष्ट और उत्तम दूध देती हैं, तथा सभी कालों में मनुष्यों को प्रचुर घी भी प्रदान करती हैं।

श्लोक 20 (skanda.6.27.20)

न तत्र विधवा नारी जायते न च दुर्भगा। काकवंध्या सुतैर्हीना न च शीलविवर्जिता

na tatra vidhavā nārī jāyate na ca durbhagā| kākavaṁdhyā sutairhīnā na ca śīlavivarjitā

वहाँ कोई स्त्री विधवा नहीं होती, न कोई अभागिनी होती है; कोई काकवंध्या (एक भी संतान से रहित) या पुत्रहीन नहीं होती, न कोई शीलहीन होती है।

श्लोक 21 (skanda.6.27.21)

यथाजन्म तथा मृत्युः क्रमात्संजायते नृणाम्। न वीक्षते पिता पुत्रं मृतं क्वापि कदाचन

yathājanma tathā mṛtyuḥ kramātsaṁjāyate nṛṇām| na vīkṣate pitā putraṁ mṛtaṁ kvāpi kadācana

जिस क्रम में जन्म होता है, उसी क्रम में मृत्यु होती है; कोई पिता कभी भी अपने पुत्र को मरा हुआ नहीं देखता।

श्लोक 22 (skanda.6.27.22)

न प्रेतत्वं च लोकानां मृतानां तत्र जायते। न चापि नरके वासो न च रोगव्यथा क्वचित्

na pretatvaṁ ca lokānāṁ mṛtānāṁ tatra jāyate| na cāpi narake vāso na ca rogavyathā kvacit

वहाँ मरे हुए लोगों की प्रेत-योनि नहीं होती, न नरक में वास होता है, और न कहीं रोग की पीड़ा होती है।

श्लोक 23 (skanda.6.27.23)

वेदांतगा द्विजाः सर्वे नित्यं स्वाध्यायशीलिनः। वेदव्याख्यानसंहृष्टा ब्रह्मज्ञानविचक्षणाः

vedāṁtagā dvijāḥ sarve nityaṁ svādhyāyaśīlinaḥ| vedavyākhyānasaṁhṛṣṭā brahmajñānavicakṣaṇāḥ

सभी द्विज वेदांत में पारंगत, सदा स्वाध्याय में लीन, वेद-व्याख्यान से प्रसन्न रहने वाले और ब्रह्मज्ञान में निपुण होते हैं।

श्लोक 24 (skanda.6.27.24)

क्षत्रियाश्चापि भूपालमेकं कृत्वा सुभक्तितः। तदादेशात्प्रभुंजंति महीं धर्मेण नित्यशः

kṣatriyāścāpi bhūpālamekaṁ kṛtvā subhaktitaḥ| tadādeśātprabhuṁjaṁti mahīṁ dharmeṇa nityaśaḥ

क्षत्रिय भी सच्ची भक्ति से एक ही राजा को अपना स्वामी मानकर, उसकी आज्ञा से सदा धर्मपूर्वक पृथ्वी का भोग करते हैं।

श्लोक 25 (skanda.6.27.25)

वैश्या वैश्यजनार्हाणि चक्रुः कर्माणि भूरिशः। पशुपालनपूर्वाणि क्रयविक्रयजानि च

vaiśyā vaiśyajanārhāṇi cakruḥ karmāṇi bhūriśaḥ| paśupālanapūrvāṇi krayavikrayajāni ca

वैश्य अपने ही योग्य कर्म बहुत करते हैं, जिनमें पशुपालन और क्रय-विक्रय प्रमुख हैं।

श्लोक 26 (skanda.6.27.26)

मुक्त्वैकां द्विजशुश्रूषा न शूद्रास्तत्र चक्रिरे। किंचित्कर्म सुरश्रेष्ठ श्रद्धया परया युताः

muktvaikāṁ dvijaśuśrūṣā na śūdrāstatra cakrire| kiṁcitkarma suraśreṣṭha śraddhayā parayā yutāḥ

हे देवश्रेष्ठ! द्विजों की सेवा के अतिरिक्त शूद्र वहाँ कोई और कार्य नहीं करते, वे परम श्रद्धा से युक्त रहते हैं।

श्लोक 27 (skanda.6.27.27)

न तत्र चांत्यजो जज्ञे न च संकरसंभवः। नापवित्रो न वर्णानां पञ्चमो दृश्यते भुवि

na tatra cāṁtyajo jajñe na ca saṁkarasaṁbhavaḥ| nāpavitro na varṇānāṁ pañcamo dṛśyate bhuvi

वहाँ न कोई अंत्यज उत्पन्न होता है, न कोई संकर-जाति उत्पन्न होती है; पृथ्वी पर वर्णों का कोई अपवित्र पाँचवाँ वर्ग भी दिखाई नहीं देता।

श्लोक 28 (skanda.6.27.28)

यजनं याजनं दानं व्रतं नियम एव च। तीर्थयात्रां नरास्तत्र निष्कामा एव कुर्वते

yajanaṁ yājanaṁ dānaṁ vrataṁ niyama eva ca| tīrthayātrāṁ narāstatra niṣkāmā eva kurvate

वहाँ मनुष्य यजन, याजन, दान, व्रत, नियम और तीर्थयात्रा -- सब कुछ केवल निष्काम भाव से करते हैं।

श्लोक 29 (skanda.6.27.29)

एवंविधं सहस्राक्ष मया ते परिकीर्तितम्। आद्यं कृतयुगं पुण्यं सर्वलोकसुखावहम्

evaṁvidhaṁ sahasrākṣa mayā te parikīrtitam| ādyaṁ kṛtayugaṁ puṇyaṁ sarvalokasukhāvaham

हे सहस्राक्ष! इस प्रकार मैंने तुम्हें आद्य, पुण्यमय और समस्त लोकों को सुख देने वाला कृतयुग बताया।

श्लोक 30 (skanda.6.27.30)

ततस्त्रेतायुगं नाम द्वितीयं संप्रवर्तते। वर्षाणां षण्णवत्याढ्या लक्षा द्वादश संख्यया

tatastretāyugaṁ nāma dvitīyaṁ saṁpravartate| varṣāṇāṁ ṣaṇṇavatyāḍhyā lakṣā dvādaśa saṁkhyayā

फिर उसके बाद 'त्रेता' नाम का दूसरा युग आता है, जिसकी अवधि बारह लाख छियानवे हजार वर्ष है।

श्लोक 31 (skanda.6.27.31)

सोऽपि साक्षाजगन्नाथः श्वेतद्वीपाश्रयाश्रितः। तत्र रक्तत्वमायाति भगवान्गरुडध्वजः

so'pi sākṣājagannāthaḥ śvetadvīpāśrayāśritaḥ| tatra raktatvamāyāti bhagavāngaruḍadhvajaḥ

श्वेतद्वीप में निवास करने वाले वे साक्षात् जगन्नाथ, गरुड़-ध्वज भगवान, त्रेतायुग में रक्त वर्ण को प्राप्त होते हैं।

श्लोक 32 (skanda.6.27.32)

त्रिपादस्तत्र धर्मः स्यात्पादेनैकेन पातकम्। तेनापि जायते स्पर्द्धा वर्णानामितरेतरम्

tripādastatra dharmaḥ syātpādenaikena pātakam| tenāpi jāyate sparddhā varṇānāmitaretaram

वहाँ धर्म तीन पैरों पर खड़ा होता है और पाप एक पैर पर; इससे भी वर्णों में परस्पर प्रतिस्पर्धा उत्पन्न होने लगती है।

श्लोक 33 (skanda.6.27.33)

ततः फलानि वांछंति तीर्थयात्रोद्भवानि ते। व्रतानां नियमानां च स्वर्गवासादिहेतवः

tataḥ phalāni vāṁchaṁti tīrthayātrodbhavāni te| vratānāṁ niyamānāṁ ca svargavāsādihetavaḥ

तब वे तीर्थयात्रा, व्रत और नियमों से उत्पन्न फलों की कामना करने लगते हैं, जो स्वर्गवास आदि के हेतु हैं।

श्लोक 34 (skanda.6.27.34)

ततः कामवशान्मोहं सर्वे गच्छंति मानवाः। मोहाद्द्रोहं ततो गत्वा पापं कुर्वंत्यनुक्रमात्

tataḥ kāmavaśānmohaṁ sarve gacchaṁti mānavāḥ| mohāddrohaṁ tato gatvā pāpaṁ kurvaṁtyanukramāt

फिर काम के वशीभूत होकर सभी मनुष्य मोह को प्राप्त होते हैं; मोह से द्रोह में जाकर वे क्रमशः पाप करने लगते हैं।

श्लोक 35 (skanda.6.27.35)

ततस्तु रौरवादीनि नरकाणि यमः स्वयम्। सज्जीकरोति देवेन्द्र ह्येकविंशतिसंख्यया

tatastu rauravādīni narakāṇi yamaḥ svayam| sajjīkaroti devendra hyekaviṁśatisaṁkhyayā

हे देवेंद्र! तब यम स्वयं रौरव आदि इक्कीस नरकों को तैयार करते हैं।

श्लोक 36 (skanda.6.27.36)

कर्मानुसारतस्तानि सेवयंति नराधमाः। केचिदन्ये महेन्द्रादिलोकान्मोक्षं तथा परे

karmānusāratastāni sevayaṁti narādhamāḥ| kecidanye mahendrādilokānmokṣaṁ tathā pare

अपने-अपने कर्मों के अनुसार अधम मनुष्य उन्हें भोगते हैं; कुछ अन्य महेंद्रलोक आदि को, और कुछ मोक्ष को प्राप्त होते हैं।

श्लोक 37 (skanda.6.27.37)

त्रिविधाः पुरुषास्तत्र श्रेष्ठाश्चाधममध्यमाः। त्रिविधानि च कर्माणि प्रकुर्वंति सुरेश्वर

trividhāḥ puruṣāstatra śreṣṭhāścādhamamadhyamāḥ| trividhāni ca karmāṇi prakurvaṁti sureśvara

हे देवेश्वर! वहाँ तीन प्रकार के पुरुष होते हैं -- श्रेष्ठ, अधम और मध्यम -- और वे तीन प्रकार के कर्म करते हैं।

श्लोक 38 (skanda.6.27.38)

उन्नतास्तालमात्रेण तेजोवीर्यसमन्विताः। चक्रुश्च कृषिकर्माणि वैश्याश्चैवान्नलिप्सया

unnatāstālamātreṇa tejovīryasamanvitāḥ| cakruśca kṛṣikarmāṇi vaiśyāścaivānnalipsayā

एक ताल ऊँचे, तेज और बल से युक्त वैश्यगण अन्न पाने की इच्छा से कृषि-कर्म करते थे।

श्लोक 39 (skanda.6.27.39)

उप्तक्षेत्रं सकृच्चापि सप्तवारं लुनंति ते। यथर्तु फलिनो वृक्षा यथर्तु कुसुमान्विताः

uptakṣetraṁ sakṛccāpi saptavāraṁ lunaṁti te| yathartu phalino vṛkṣā yathartu kusumānvitāḥ

एक बार बोए गए खेत को वे सात बार काटते हैं; वृक्ष प्रत्येक ऋतु में फल देते हैं और प्रत्येक ऋतु में फूल भी देते हैं।

श्लोक 40 (skanda.6.27.40)

यथर्तु पत्रसंयुक्तास्तत्र स्युः सुमनोहराः। अग्निष्टोमादिका यज्ञाः प्रवर्तंते सहस्रशः

yathartu patrasaṁyuktāstatra syuḥ sumanoharāḥ| agniṣṭomādikā yajñāḥ pravartaṁte sahasraśaḥ

वे ऋतु के अनुसार पत्तों से युक्त, अत्यंत मनोहर होते हैं; और अग्निष्टोम आदि हजारों यज्ञ वहाँ प्रचलित होते हैं।

श्लोक 41 (skanda.6.27.41)

इतरेतरसंस्पर्धैः क्रियमाणा नृपोत्तमैः। ब्राह्मणैश्च सुरश्रेष्ठ स्वर्गलोकमभीप्सुभिः

itaretarasaṁspardhaiḥ kriyamāṇā nṛpottamaiḥ| brāhmaṇaiśca suraśreṣṭha svargalokamabhīpsubhiḥ

हे देवश्रेष्ठ! स्वर्गलोक की इच्छा रखने वाले श्रेष्ठ राजाओं और ब्राह्मणों द्वारा वे यज्ञ परस्पर होड़ में किए जाते हैं।

श्लोक 42 (skanda.6.27.42)

तीर्थयात्रां व्रतं दानं नियमं संयमं तथा। परलोकमभीप्संतस्तत्र कुर्वंति मानवाः

tīrthayātrāṁ vrataṁ dānaṁ niyamaṁ saṁyamaṁ tathā| paralokamabhīpsaṁtastatra kurvaṁti mānavāḥ

परलोक की इच्छा से मनुष्य वहाँ तीर्थयात्रा, व्रत, दान, नियम और संयम का पालन करते हैं।

श्लोक 43 (skanda.6.27.43)

सहस्रेण तु वर्षाणां तत्र स्याद्यौवनं नृणाम्। सहस्रपञ्चकं यावदूर्ध्वं वार्द्धकमुच्यते

sahasreṇa tu varṣāṇāṁ tatra syādyauvanaṁ nṛṇām| sahasrapañcakaṁ yāvadūrdhvaṁ vārddhakamucyate

वहाँ मनुष्यों का यौवन एक हजार वर्षों तक रहता है, और उसके बाद पाँच हजार वर्षों तक बुढ़ापा कहा जाता है।

श्लोक 44 (skanda.6.27.44)

रजकश्चर्मकारश्च नटो बुरुड एव च। कैवर्त्तमेदभिल्लाश्च चंडालाः शूद्रमानवाः

rajakaścarmakāraśca naṭo buruḍa eva ca| kaivarttamedabhillāśca caṁḍālāḥ śūdramānavāḥ

धोबी, चमार, नट, बुरुड (बाँस का काम करने वाला), कैवर्त, मेद, भील, चांडाल और अन्य निम्न मनुष्य --

श्लोक 45 (skanda.6.27.45)

संभवंति युगे तस्मिन्यो निसंसर्गतो विभो। तथान्ये संख्यया हीना एतेभ्यो निंदिता नराः

saṁbhavaṁti yuge tasminyo nisaṁsargato vibho| tathānye saṁkhyayā hīnā etebhyo niṁditā narāḥ

हे विभो! वे इस युग में अनुचित संसर्ग से उत्पन्न होते हैं; और इनसे भी अधिक निंदित, संख्या में कम अन्य मनुष्य भी उत्पन्न होते हैं।

श्लोक 46 (skanda.6.27.46)

इन्द्र उवाच। उत्पत्तिः कथमेतेषामंत्यजानां द्विजोत्तम। यथावद्वद कार्त्स्न्येन अत्र कौतूहलं महत्

indra uvāca| utpattiḥ kathameteṣāmaṁtyajānāṁ dvijottama| yathāvadvada kārtsnyena atra kautūhalaṁ mahat

इंद्र ने कहा -- हे श्रेष्ठ ब्राह्मण! इन अंत्यजों की उत्पत्ति कैसे होती है? यथार्थ रूप से पूरा बताइए -- मुझे इसमें बड़ी उत्सुकता है।

श्लोक 47 (skanda.6.27.47)

बृहस्पतिरुवाच। एतेषामष्टधा सृष्टिर्जायतेंऽत्यजसंभवा। योनिदोषात्सुरश्रेष्ठ जातेर्वक्ष्याम्यहं स्फुटम्

bṛhaspatiruvāca| eteṣāmaṣṭadhā sṛṣṭirjāyateṁ'tyajasaṁbhavā| yonidoṣātsuraśreṣṭha jātervakṣyāmyahaṁ sphuṭam

बृहस्पति ने कहा -- हे देवश्रेष्ठ! इन अंत्यजों की उत्पत्ति योनि-दोष से आठ प्रकार की होती है; मैं तुम्हें उनकी जाति स्पष्ट रूप से बताता हूँ।

श्लोक 48 (skanda.6.27.48)

ब्राह्मण्यां क्षत्रियाज्जातः सूत इत्यभिधीयते। सूतेन रजकश्चैव रजकेन च चर्मकृत्

brāhmaṇyāṁ kṣatriyājjātaḥ sūta ityabhidhīyate| sūtena rajakaścaiva rajakena ca carmakṛt

ब्राह्मणी से क्षत्रिय द्वारा उत्पन्न को 'सूत' कहा जाता है; सूत से धोबी उत्पन्न होता है, और धोबी से चमार।

श्लोक 49 (skanda.6.27.49)

चर्मकारेण संजज्ञे नटश्चांत्यजसंज्ञकः। चत्वारः क्षेत्रसंभूता एते क्षेत्रे द्विजन्मनाम्

carmakāreṇa saṁjajñe naṭaścāṁtyajasaṁjñakaḥ| catvāraḥ kṣetrasaṁbhūtā ete kṣetre dvijanmanām

चमार से 'नट' नामक अंत्यज उत्पन्न होता है; ये चारों द्विजों की स्त्रियों के गर्भ से उत्पन्न होते हैं।

श्लोक 50 (skanda.6.27.50)

तथा च मागधो जज्ञे वैश्येन द्विजसंभवे। क्षेत्रे मागधवीर्येण बुरुडो मरुदुत्तम

tathā ca māgadho jajñe vaiśyena dvijasaṁbhave| kṣetre māgadhavīryeṇa buruḍo maruduttama

हे मरुतों में श्रेष्ठ! इसी प्रकार वैश्य-स्त्री से ब्राह्मण द्वारा 'मागध' उत्पन्न होता है, और मागध के वीर्य से बुरुड उत्पन्न होता है।

श्लोक 51 (skanda.6.27.51)

बुरुडेन च कैवर्तः कैवर्तेन च मेदकः। चत्वारो वैश्यसंभूता एते क्षेत्रे द्विजन्मनाम्। प्रजायन्ते सुरश्रेष्ठ सवकर्मसु गर्हिताः

buruḍena ca kaivartaḥ kaivartena ca medakaḥ| catvāro vaiśyasaṁbhūtā ete kṣetre dvijanmanām| prajāyante suraśreṣṭha savakarmasu garhitāḥ

बुरुड से कैवर्त और कैवर्त से मेदक उत्पन्न होता है; हे देवश्रेष्ठ! ये चारों वैश्य-स्त्री से द्विजों के क्षेत्र में उत्पन्न होकर अपने-अपने कर्मों में निंदित माने जाते हैं।

श्लोक 52 (skanda.6.27.52)

तथा शूद्रेण संजज्ञे ब्राह्मण्यां सुरसत्तम। भिल्लाख्यश्चापि भिल्लेन चंडालश्च प्रजायते

tathā śūdreṇa saṁjajñe brāhmaṇyāṁ surasattama| bhillākhyaścāpi bhillena caṁḍālaśca prajāyate

हे देवश्रेष्ठ! इसी प्रकार शूद्र से ब्राह्मणी में 'भिल्ल' नामक संतान उत्पन्न होती है, और भिल्ल से चांडाल उत्पन्न होता है।

श्लोक 53 (skanda.6.27.53)

एतौ द्वावपि शूद्रेण भवतो द्विजसंभवे। क्षेत्रे सर्वसुराधीश सत्यमेतन्मयोदितम्

etau dvāvapi śūdreṇa bhavato dvijasaṁbhave| kṣetre sarvasurādhīśa satyametanmayoditam

हे समस्त देवों के स्वामी! ये दोनों शूद्र द्वारा द्विज-स्त्री के गर्भ में उत्पन्न होते हैं -- यह सत्य मैंने तुम्हें बताया है।

श्लोक 54 (skanda.6.27.54)

एतत्त्रेतायुगे प्रोक्तं मया ते सुरसत्तम। आकर्णय प्रयत्नेन द्वापरस्याधुना स्थितिम्

etattretāyuge proktaṁ mayā te surasattama| ākarṇaya prayatnena dvāparasyādhunā sthitim

हे देवश्रेष्ठ! यह मैंने तुम्हें त्रेतायुग के विषय में बताया; अब ध्यानपूर्वक द्वापर की स्थिति सुनो।

श्लोक 55 (skanda.6.27.55)

लक्षाष्टकप्रमाणेन तद्युगं परिकीर्तितम्। चतुःषष्टिसहस्राणि वर्षाणां परिसंख्यया। कपिशो जायते तत्र भगवान्गरुडध्वजः

lakṣāṣṭakapramāṇena tadyugaṁ parikīrtitam| catuḥṣaṣṭisahasrāṇi varṣāṇāṁ parisaṁkhyayā| kapiśo jāyate tatra bhagavāngaruḍadhvajaḥ

वह युग आठ लाख चौंसठ हजार वर्षों के प्रमाण से कहा गया है; उसमें गरुड़-ध्वज भगवान कपिश (धूम्र) वर्ण के होते हैं।

श्लोक 56 (skanda.6.27.56)

द्वौ पादौ चैव धर्मस्य द्वौ पापस्य व्यवस्थितौ। तत्र स्याद्यौवनं नृणां गते वर्षशतेऽखिले

dvau pādau caiva dharmasya dvau pāpasya vyavasthitau| tatra syādyauvanaṁ nṛṇāṁ gate varṣaśate'khile

वहाँ धर्म के दो पैर और पाप के दो पैर स्थित रहते हैं; वहाँ मनुष्यों का यौवन पूरे सौ वर्ष बीतने पर आता है।

श्लोक 57 (skanda.6.27.57)

ततोऽन्यैः समतिक्रांतैर्वार्धक्यं पञ्चभिः शतैः। तत्र सत्यानृता लोका देवा भूपास्तथा परे

tato'nyaiḥ samatikrāṁtairvārdhakyaṁ pañcabhiḥ śataiḥ| tatra satyānṛtā lokā devā bhūpāstathā pare

उसके बाद पाँच सौ वर्ष और बीतने पर बुढ़ापा आता है; वहाँ प्रजा, देवता, राजा और अन्य सब सत्य और असत्य दोनों से युक्त होते हैं।

श्लोक 58 (skanda.6.27.58)

नार्यश्चापि सुरश्रेष्ठ तत्स्वरूपाः प्रकीर्तिताः। पंचहस्तप्रमाणेन चतुर्हस्तास्तथा परं

nāryaścāpi suraśreṣṭha tatsvarūpāḥ prakīrtitāḥ| paṁcahastapramāṇena caturhastāstathā paraṁ

हे देवश्रेष्ठ! स्त्रियाँ भी उसी स्वरूप की कही गई हैं -- कोई पाँच हाथ ऊँची और कोई चार हाथ ऊँची होती हैं।

श्लोक 59 (skanda.6.27.59)

नातिरूपेण संयुक्ता न च रूपविवर्जिताः। अव्यक्तजल्पकाश्चापि पशवः पक्षिणो मृगाः

nātirūpeṇa saṁyuktā na ca rūpavivarjitāḥ| avyaktajalpakāścāpi paśavaḥ pakṣiṇo mṛgāḥ

वे न अत्यंत सुंदर होती हैं और न रूपहीन; पशु, पक्षी और मृग भी अस्पष्ट भाषा बोलते हैं।

श्लोक 60 (skanda.6.27.60)

नातिपुष्पफलैर्युक्ता वृक्षाश्चापि सुरेश्वर। सस्यानि तानि जायन्ते तत्र चोप्तानि कर्षुकैः

nātipuṣpaphalairyuktā vṛkṣāścāpi sureśvara| sasyāni tāni jāyante tatra coptāni karṣukaiḥ

हे देवेश्वर! वृक्ष भी बहुत अधिक फूल-फल से युक्त नहीं होते; अन्न वहाँ किसानों द्वारा बोए जाने पर ही उत्पन्न होता है।

श्लोक 61 (skanda.6.27.61)

वर्षंति जलदाः कामं भवन्त्योषधयोऽखिलाः। यत्किंचिद्भूतले ज्ञानं शास्त्रं वा सुरसत्तम। तत्तत्र समभावेन न सत्यं नैव चानृतम्

varṣaṁti jaladāḥ kāmaṁ bhavantyoṣadhayo'khilāḥ| yatkiṁcidbhūtale jñānaṁ śāstraṁ vā surasattama| tattatra samabhāvena na satyaṁ naiva cānṛtam

बादल इच्छानुसार वर्षा करते हैं, और सब ओषधियाँ उगती हैं; हे देवश्रेष्ठ! पृथ्वी पर जो भी ज्ञान या शास्त्र है, वह वहाँ समभाव से रहता है -- न पूर्ण सत्य, न पूर्ण असत्य।

श्लोक 62 (skanda.6.27.62)

तीर्थानां च मखानां च द्वापरे सुरसत्तम। फलं भावानुरूपेण दानानां च प्रजायते

tīrthānāṁ ca makhānāṁ ca dvāpare surasattama| phalaṁ bhāvānurūpeṇa dānānāṁ ca prajāyate

हे देवश्रेष्ठ! द्वापर में तीर्थों, यज्ञों और दानों का फल भावना के अनुरूप ही उत्पन्न होता है।

श्लोक 63 (skanda.6.27.63)

एतत्तव समाख्यातं युगं द्वापरसंज्ञकम्। मया सर्वं सुराधीश यथादृष्टं यथा श्रुतम्

etattava samākhyātaṁ yugaṁ dvāparasaṁjñakam| mayā sarvaṁ surādhīśa yathādṛṣṭaṁ yathā śrutam

हे देवाधीश! यह सब मैंने तुम्हें द्वापर नामक युग के विषय में बताया, जैसा मैंने देखा और सुना है।

श्लोक 64 (skanda.6.27.64)

शृणुष्वावहितो भूत्वा वदतो मम सांप्रतम्। रौद्रं कलियुगंनाम यत्र कृष्णो जनार्दनः

śṛṇuṣvāvahito bhūtvā vadato mama sāṁpratam| raudraṁ kaliyugaṁnāma yatra kṛṣṇo janārdanaḥ

अब मैं जो कह रहा हूँ, उसे ध्यान लगाकर सुनो -- भयंकर कलियुग नामक युग, जिसमें जनार्दन कृष्ण वर्ण के होते हैं।

श्लोक 65 (skanda.6.27.65)

द्वात्रिंशच्च सहस्राणि वर्षाणां कथितं विभो। तथा लक्षचतुष्केण साधुलोकविवर्जितम्

dvātriṁśacca sahasrāṇi varṣāṇāṁ kathitaṁ vibho| tathā lakṣacatuṣkeṇa sādhulokavivarjitam

हे विभो! इसकी अवधि चार लाख बत्तीस हजार वर्ष कही गई है, और यह सज्जनों से रहित युग है।

श्लोक 66 (skanda.6.27.66)

तत्रैकपादयुक्तश्च धर्मः पापं त्रिभिः स्मृतम्। पूर्वार्धेभ्यः परं सर्वं संभविष्यति पातकम्

tatraikapādayuktaśca dharmaḥ pāpaṁ tribhiḥ smṛtam| pūrvārdhebhyaḥ paraṁ sarvaṁ saṁbhaviṣyati pātakam

वहाँ धर्म एक ही पैर पर टिका रहता है और पाप तीन पैरों पर स्मरण किया गया है; प्रथम आधे भाग के बाद सब कुछ पाप ही होगा।

श्लोक 67 (skanda.6.27.67)

न शृण्वंति पितुः पुत्रा न स्नुषा भ्रातरो न च। न भृत्या न कलत्राणि यत्र द्वेषः परस्परम्

na śṛṇvaṁti pituḥ putrā na snuṣā bhrātaro na ca| na bhṛtyā na kalatrāṇi yatra dveṣaḥ parasparam

वहाँ पुत्र पिता की बात नहीं सुनेंगे, न बहू, न भाई; न सेवक, न पत्नियाँ -- सब में परस्पर द्वेष रहेगा।

श्लोक 68 (skanda.6.27.68)

यत्र षोडशमे वर्षे नराः पलितयौवनाः। तत्र द्वादशमे वर्षे गर्भं धास्यति चांगना

yatra ṣoḍaśame varṣe narāḥ palitayauvanāḥ| tatra dvādaśame varṣe garbhaṁ dhāsyati cāṁganā

जहाँ सोलहवें वर्ष में ही मनुष्य पके बालों वाले वृद्ध जैसे दिखेंगे, वहाँ स्त्रियाँ बारहवें वर्ष में ही गर्भ धारण करेंगी।

श्लोक 69 (skanda.6.27.69)

आयुः परं मनुष्याणां शतसंख्यं सुरेश्वर। नागानां च तरूणां च वर्षाणां यत्र नाधिकम्

āyuḥ paraṁ manuṣyāṇāṁ śatasaṁkhyaṁ sureśvara| nāgānāṁ ca tarūṇāṁ ca varṣāṇāṁ yatra nādhikam

हे देवेश्वर! मनुष्यों की परम आयु सौ वर्ष होगी; और साँपों तथा वृक्षों की आयु भी उससे अधिक नहीं होगी।

श्लोक 70 (skanda.6.27.70)

द्वात्रिंशद्धयमुख्यानां चतुर्विंशतिः खरोष्ट्रयोः। अजानां षोडश प्रोक्तं शुनां द्वादशसंख्यया

dvātriṁśaddhayamukhyānāṁ caturviṁśatiḥ kharoṣṭrayoḥ| ajānāṁ ṣoḍaśa proktaṁ śunāṁ dvādaśasaṁkhyayā

श्रेष्ठ घोड़ों की बत्तीस वर्ष, गधों और ऊँटों की चौबीस वर्ष, बकरियों की सोलह वर्ष, और कुत्तों की बारह वर्ष आयु कही गई है।

श्लोक 71 (skanda.6.27.71)

चतुष्पदानामन्येषां विंशतिः पंचभिर्युता। यत्र काकाश्च गृध्राश्च कौशिकाश्चिरजीविनः

catuṣpadānāmanyeṣāṁ viṁśatiḥ paṁcabhiryutā| yatra kākāśca gṛdhrāśca kauśikāścirajīvinaḥ

अन्य चतुष्पदों की पच्चीस वर्ष आयु होगी; जहाँ कौवे, गिद्ध और उल्लू ही दीर्घजीवी होंगे।

श्लोक 72 (skanda.6.27.72)

तथा पापपरा लोका दुःस्थिताश्च विशेषतः। तथा कण्टकिनो वृक्षा रूक्षाः पुष्पफलच्युताः। सेवितास्तेऽपि गृध्राद्यैर्यत्र च्छायाविवर्जिताः

tathā pāpaparā lokā duḥsthitāśca viśeṣataḥ| tathā kaṇṭakino vṛkṣā rūkṣāḥ puṣpaphalacyutāḥ| sevitāste'pi gṛdhrādyairyatra cchāyāvivarjitāḥ

तथा लोग विशेष रूप से पाप में लगे और दुःखी रहेंगे; वृक्ष काँटेदार, रूखे और फूल-फल से रहित होंगे, गिद्ध आदि से घिरे रहेंगे तथा छायाविहीन होंगे।

श्लोक 73 (skanda.6.27.73)

यत्र धर्मो ह्यधर्मेण पीड्यते सुरसत्तम। असत्येन तथा सत्यं भूपाश्चौरैः सदैव तु

yatra dharmo hyadharmeṇa pīḍyate surasattama| asatyena tathā satyaṁ bhūpāścauraiḥ sadaiva tu

हे देवश्रेष्ठ! जहाँ धर्म अधर्म से पीड़ित होगा, सत्य असत्य से, और राजा सदा चोरों से पीड़ित रहेंगे।

श्लोक 74 (skanda.6.27.74)

गुरवश्च तथा शिष्यैः स्त्रीभिश्च पुरुषाधमाः। स्वामिनो भृत्यवर्गैश्च मूर्खैश्चापि बहुश्रुताः

guravaśca tathā śiṣyaiḥ strībhiśca puruṣādhamāḥ| svāmino bhṛtyavargaiśca mūrkhaiścāpi bahuśrutāḥ

गुरु शिष्यों से, और अधम पुरुष स्त्रियों से पीड़ित होंगे; स्वामी सेवकों से और विद्वान मूर्खों से पीड़ित होंगे।

श्लोक 75 (skanda.6.27.75)

यत्र सीदंति धर्मिष्ठा नराः सत्यपरायणाः। दान्ता विवेकिनः शान्तास्तथा परहिते रताः

yatra sīdaṁti dharmiṣṭhā narāḥ satyaparāyaṇāḥ| dāntā vivekinaḥ śāntāstathā parahite ratāḥ

जहाँ धर्मपरायण, सत्यपरायण, संयमी, विवेकी, शांत और दूसरों के हित में रत मनुष्य दुःखी रहेंगे।

श्लोक 76 (skanda.6.27.76)

आधयो व्याधयश्चैव तथा पीडा महाद्भुता। सदैव संस्थिता यत्र साधुपीडनवांछया

ādhayo vyādhayaścaiva tathā pīḍā mahādbhutā| sadaiva saṁsthitā yatra sādhupīḍanavāṁchayā

जहाँ मानसिक और शारीरिक व्याधियाँ, और महान् आश्चर्यजनक पीड़ाएँ, सज्जनों को कष्ट देने की इच्छा से सदा विद्यमान रहेंगी।

श्लोक 77 (skanda.6.27.77)

अल्पायुषस्तथा मर्त्या जायंते वर्णसंकरात्। ये केचन प्रजीवंति दुःखेन ते समन्विताः

alpāyuṣastathā martyā jāyaṁte varṇasaṁkarāt| ye kecana prajīvaṁti duḥkhena te samanvitāḥ

वर्णसंकर के कारण अल्पायु मनुष्य उत्पन्न होंगे; जो जीवित भी रहेंगे, वे दुःख से युक्त रहेंगे।

श्लोक 78 (skanda.6.27.78)

न वर्षति घनः काले संप्राप्तेऽपि यथोचिते। न सस्यं स्यात्सुवृष्टेऽपि कर्षुकस्यापि वांछितम्

na varṣati ghanaḥ kāle saṁprāpte'pi yathocite| na sasyaṁ syātsuvṛṣṭe'pi karṣukasyāpi vāṁchitam

उचित समय आने पर भी बादल वर्षा नहीं करेगा; अच्छी वर्षा होने पर भी किसान की इच्छा के अनुरूप अन्न नहीं होगा।

श्लोक 79 (skanda.6.27.79)

न च क्षीरप्रदा गावो यद्यपि स्युः सुपोषिताः। न भवंति प्रभूताश्च यत्नेनापि सुरक्षिताः

na ca kṣīrapradā gāvo yadyapi syuḥ supoṣitāḥ| na bhavaṁti prabhūtāśca yatnenāpi surakṣitāḥ

गौएँ अच्छी तरह पाली जाने पर भी दूध नहीं देंगी, और प्रयत्नपूर्वक रक्षा करने पर भी वे बहुसंख्यक नहीं होंगी।

श्लोक 80 (skanda.6.27.80)

आविकानां तथोष्ट्रीणां यत्र क्षीरप्रशंसकाः। लोका भवंति निःश्रीकास्तथा ये च मलिम्लुचाः

āvikānāṁ tathoṣṭrīṇāṁ yatra kṣīrapraśaṁsakāḥ| lokā bhavaṁti niḥśrīkāstathā ye ca malimlucāḥ

जहाँ भेड़ों और ऊँटनियों के दूध की प्रशंसा करने वाले लोग होंगे, वे तथा चोर भी श्रीहीन हो जाएँगे।

श्लोक 81 (skanda.6.27.81)

तथा तपस्विनः शूद्राः शूद्रा धर्मपरायणाः। शूद्रा वेदविचारज्ञा यज्ञकर्मणि चोद्यताः

tathā tapasvinaḥ śūdrāḥ śūdrā dharmaparāyaṇāḥ| śūdrā vedavicārajñā yajñakarmaṇi codyatāḥ

शूद्र तपस्वी बनेंगे, शूद्र धर्मपरायण होंगे, शूद्र वेद-विचार के ज्ञाता होंगे और यज्ञ-कर्म में तत्पर होंगे।

श्लोक 82 (skanda.6.27.82)

शूद्राः प्रतिग्रहीतारः शूद्रा दानप्रदास्तथा। शूद्राश्चापि तथा वन्द्याः शूद्रास्तीर्थेषु संस्थिताः

śūdrāḥ pratigrahītāraḥ śūdrā dānapradāstathā| śūdrāścāpi tathā vandyāḥ śūdrāstīrtheṣu saṁsthitāḥ

शूद्र दान लेने वाले होंगे, शूद्र दान देने वाले भी होंगे, शूद्र ही पूजनीय होंगे, और शूद्र ही तीर्थों में स्थापित होंगे।

श्लोक 83 (skanda.6.27.83)

पंचगर्तान्खनंत्येव मृत्युकाले नराधमाः। शिरसा हस्तपादाभ्यां मोहात्संनष्टचेतनाः

paṁcagartānkhanaṁtyeva mṛtyukāle narādhamāḥ| śirasā hastapādābhyāṁ mohātsaṁnaṣṭacetanāḥ

मृत्यु के समय अधम मनुष्य मोह से चेतनाशून्य होकर सिर, हाथों और पैरों से पाँच गड्ढे खोदेंगे।

श्लोक 84 (skanda.6.27.84)

वेदविक्रयकर्तारो ब्राह्मणाः शौचवर्जिताः

vedavikrayakartāro brāhmaṇāḥ śaucavarjitāḥ

ब्राह्मण वेद को बेचने वाले और पवित्रता से रहित होंगे।

श्लोक 85 (skanda.6.27.85)

स्वाध्यायरहिताश्चैव शूद्रान्ननिरताः सदा। असत्प्रतिग्रहाः प्रायो जिह्वालौल्यसमुत्सुकाः

svādhyāyarahitāścaiva śūdrānnaniratāḥ sadā| asatpratigrahāḥ prāyo jihvālaulyasamutsukāḥ

वे स्वाध्याय से रहित, सदा शूद्रों के अन्न में रत, प्रायः अशुद्ध दान लेने वाले और जिह्वा-लोलुपता में उत्सुक होंगे।

श्लोक 86 (skanda.6.27.86)

पाखंडिनो विकर्मस्थाः परदारोपजीविनः। कार्यकारणमाश्रित्य यत्र स्नेहः प्रजायते

pākhaṁḍino vikarmasthāḥ paradāropajīvinaḥ| kāryakāraṇamāśritya yatra snehaḥ prajāyate

वे पाखंडी, निषिद्ध कर्मों में लगे और दूसरों की स्त्रियों पर आजीविका चलाने वाले होंगे; जहाँ स्नेह भी किसी कारण-प्रयोजन का आश्रय लेकर ही उत्पन्न होगा।

श्लोक 87 (skanda.6.27.87)

न स्वभावात्सहस्राक्ष कथंचिदपि देहिनाम्। यास्यंति म्लेच्छभावं च सर्वे वर्णा द्विजातयः

na svabhāvātsahasrākṣa kathaṁcidapi dehinām| yāsyaṁti mlecchabhāvaṁ ca sarve varṇā dvijātayaḥ

हे सहस्राक्ष! किसी भी प्राणी में स्वाभाविक स्नेह नहीं रहेगा; समस्त वर्णों के द्विजाति भी म्लेच्छ-भाव को प्राप्त हो जाएँगे।

श्लोक 88 (skanda.6.27.88)

नष्टोत्सवाविधर्माणो नित्यं संकरकारकाः। सार्धहस्तत्रयाः पूर्वं भविष्यंति युगादितः

naṣṭotsavāvidharmāṇo nityaṁ saṁkarakārakāḥ| sārdhahastatrayāḥ pūrvaṁ bhaviṣyaṁti yugāditaḥ

उत्सवों से रहित, अधर्मी और सदा वर्ण-संकर उत्पन्न करने वाले लोग युग के आरंभ में साढ़े तीन हाथ ऊँचे होंगे।

श्लोक 89 (skanda.6.27.89)

ततो ह्रासं प्रयास्यंति वृद्धिं याति कलौ युगे। भविष्यंति ततश्चांते मनुष्या बिलशायिनः

tato hrāsaṁ prayāsyaṁti vṛddhiṁ yāti kalau yuge| bhaviṣyaṁti tataścāṁte manuṣyā bilaśāyinaḥ

फिर, जैसे-जैसे कलियुग बढ़ता जाएगा, उनकी ऊँचाई घटती जाएगी; और अंत में मनुष्य बिलों में रहने वाले हो जाएँगे।

श्लोक 90 (skanda.6.27.90)

अल्पत्वाद्दुर्लभत्वाच्च अशक्ता गृहकर्मणि। भविष्यंत्यफला यज्ञास्तथा वेदव्रतानि च

alpatvāddurlabhatvācca aśaktā gṛhakarmaṇi| bhaviṣyaṁtyaphalā yajñāstathā vedavratāni ca

अपनी लघुता और दुर्लभता के कारण वे गृहस्थी के कार्यों में असमर्थ होंगे; यज्ञ और वेद-व्रत भी निष्फल हो जाएँगे।

श्लोक 91 (skanda.6.27.91)

नियमाः संयमाः सर्वे मंत्रवादास्तथैव च। तीर्थानि म्लेच्छसंस्पर्शाद्दूषितानि शतक्रतो

niyamāḥ saṁyamāḥ sarve maṁtravādāstathaiva ca| tīrthāni mlecchasaṁsparśāddūṣitāni śatakrato

हे शतक्रतु! सभी नियम, संयम और मंत्र-प्रयोग, तथा तीर्थ भी म्लेच्छों के संपर्क से दूषित हो जाएँगे।

श्लोक 92 (skanda.6.27.92)

स्वस्वभावविहीनानि हीनानि च तथा जलैः। कुत्सिता मंत्रवादा ये कुत्सिताश्च तपस्विनः

svasvabhāvavihīnāni hīnāni ca tathā jalaiḥ| kutsitā maṁtravādā ye kutsitāśca tapasvinaḥ

वे अपने स्वाभाविक गुण से रहित और जल से भी हीन हो जाएँगे; मंत्र-प्रयोग निंदित होंगे और तपस्वी भी निंदित होंगे।

श्लोक 93 (skanda.6.27.93)

तत्र ते संभविष्यंति कुत्सिता ये च मानवाः। कुलीनमपि संत्यज्य वरं रूपवयोन्वितम्

tatra te saṁbhaviṣyaṁti kutsitā ye ca mānavāḥ| kulīnamapi saṁtyajya varaṁ rūpavayonvitam

वहाँ निंदित मनुष्य उत्पन्न होंगे; कुलीन होते हुए भी सुंदर और युवा वर को त्यागकर --

श्लोक 94 (skanda.6.27.94)

वित्तलोभात्प्रदास्यंति कुत्सिताय नराः सुताम्। कन्यकाः प्रसविष्यंति कन्यकाः सुरतोत्सुकाः

vittalobhātpradāsyaṁti kutsitāya narāḥ sutām| kanyakāḥ prasaviṣyaṁti kanyakāḥ suratotsukāḥ

लोग धन के लोभ से अपनी कन्या किसी निंदित व्यक्ति को दे देंगे; कन्याएँ ही (छोटी आयु में) कामातुर कन्याओं को जन्म देंगी।

श्लोक 95 (skanda.6.27.95)

कन्यकाः प्रकरिष्यंति पुरुषैः सह संगतिम्। भर्तारं वंचयिष्यंति कुलीना अपि योषितः

kanyakāḥ prakariṣyaṁti puruṣaiḥ saha saṁgatim| bhartāraṁ vaṁcayiṣyaṁti kulīnā api yoṣitaḥ

कन्याएँ स्वच्छंद रूप से पुरुषों के साथ संगति करेंगी; कुलीन स्त्रियाँ भी अपने पतियों को धोखा देंगी।

श्लोक 96 (skanda.6.27.96)

सर्वकृत्येषु दुःशीलाः सुयत्नेनापि रक्षिताः। निर्दयाश्चापि भूपालाः पीडयिष्यंति कर्षुकान्

sarvakṛtyeṣu duḥśīlāḥ suyatnenāpi rakṣitāḥ| nirdayāścāpi bhūpālāḥ pīḍayiṣyaṁti karṣukān

सब कार्यों में दुराचारिणी स्त्रियाँ, बड़े प्रयत्न से रक्षा किए जाने पर भी दुराचार करेंगी; और निर्दय राजा किसानों को पीड़ा देंगे।

श्लोक 97 (skanda.6.27.97)

पीडयिष्यंति निर्दोषान्वित्तलोभादसंशयम्। वधार्हमपि संप्राप्य वित्तलोभान्मलिम्लुचम्

pīḍayiṣyaṁti nirdoṣānvittalobhādasaṁśayam| vadhārhamapi saṁprāpya vittalobhānmalimlucam

वे धन के लोभ से निर्दोषों को पीड़ा देंगे, इसमें संदेह नहीं; और वध के योग्य चोर को पाकर भी धन-लोभ के कारण --

श्लोक 98 (skanda.6.27.98)

संत्यक्ष्यंति युगे तस्मिन्प्राणिद्रोहेऽपि वर्तिनम्। क्षात्रधर्मं परित्यज्य करिष्यंति तथा रणम्

saṁtyakṣyaṁti yuge tasminprāṇidrohe'pi vartinam| kṣātradharmaṁ parityajya kariṣyaṁti tathā raṇam

उस युग में प्राणियों के प्रति द्रोह में लगे हुए को भी छोड़ देंगे; और क्षात्रधर्म को त्यागकर वे युद्ध भी (उद्देश्यहीन ढंग से) करेंगे।

श्लोक 99 (skanda.6.27.99)

बृहस्पतिरुवाच। एतद्वः सर्वमाख्यातं युगानां लक्षणं मया। प्रमाणं च सुरश्रेष्ठ चतुर्णामप्यसंशयम्

bṛhaspatiruvāca| etadvaḥ sarvamākhyātaṁ yugānāṁ lakṣaṇaṁ mayā| pramāṇaṁ ca suraśreṣṭha caturṇāmapyasaṁśayam

बृहस्पति ने कहा -- हे देवश्रेष्ठ! यह सब मैंने तुम्हें युगों के लक्षण और चारों युगों का प्रमाण, निःसंदेह, बता दिया।

श्लोक 100 (skanda.6.27.100)

यश्चैतत्कीर्तयेन्मर्त्यः सदैव सुसमाहितः। स नूनं मुच्यते पापादाजन्ममरणांतिकात्

yaścaitatkīrtayenmartyaḥ sadaiva susamāhitaḥ| sa nūnaṁ mucyate pāpādājanmamaraṇāṁtikāt

जो मनुष्य सदा एकाग्रचित्त होकर इसका पाठ करता है, वह जन्म से मृत्यु तक के पाप से निश्चय ही मुक्त हो जाता है।

श्लोक 101 (skanda.6.27.101)

शृणुयाद्वा नरो यश्च श्रद्धापूतेन चेतसा। सोऽपि मुच्येन्न सन्देहः पापाच्च दिवसोद्भवात्

śṛṇuyādvā naro yaśca śraddhāpūtena cetasā| so'pi mucyenna sandehaḥ pāpācca divasodbhavāt

और जो मनुष्य श्रद्धा से पवित्र मन के साथ इसे सुनता है, वह भी उस दिन उत्पन्न हुए पाप से निःसंदेह मुक्त हो जाता है।