द्वादशाक्षर-मन्त्र-न्यास तथा ज्ञानयोग-कथन

श्लोक 1 (skanda.6.262.1)

पार्वत्युवाच । ध्यानयोगमहं प्राप्य ज्ञानयोगमवाप्नुयाम् । तथा कुरुष्व देवेश यथाहममरी भव

pārvatyuvāca dhyānayogamahaṁ prāpya jñānayogamavāpnuyām tathā kuruṣva deveśa yathāhamamarī bhava

पार्वती ने कहा — ध्यानयोग को प्राप्त करके मैं ज्ञानयोग को भी प्राप्त करूँ; हे देवेश! ऐसा कीजिए कि मैं अमर हो जाऊँ।

श्लोक 2 (skanda.6.262.2)

ईश्वर उवाच । प्रत्युक्तोऽयं मंत्रराजो द्वादशाक्षरसंज्ञितः । जप्तव्यः सुकुमारांगि वेदसारः सनातनः

īśvara uvāca pratyukto'yaṁ maṁtrarājo dvādaśākṣarasaṁjñitaḥ japtavyaḥ sukumārāṁgi vedasāraḥ sanātanaḥ

ईश्वर ने कहा — हे सुकुमारांगि! पहले ही बताया गया यह द्वादशाक्षर नामक मन्त्रराज, वेद का सनातन सार, जप करने योग्य है,

श्लोक 3 (skanda.6.262.3)

प्रणवः सर्ववेदाद्यः सर्वब्रह्मांडयाजकः । प्रथमः सर्वकार्येषु सर्वसिद्धिप्रदायकः

praṇavaḥ sarvavedādyaḥ sarvabrahmāṁḍayājakaḥ prathamaḥ sarvakāryeṣu sarvasiddhipradāyakaḥ

प्रणव समस्त वेदों का आदि है, समस्त ब्रह्मांडों का याजक है; समस्त कार्यों में प्रथम तथा समस्त सिद्धियों को देने वाला है।

श्लोक 4 (skanda.6.262.4)

सितवर्णो मधुच्छंदा ऋषिर्ब्रह्मा तु देवता । परमात्मा तु गायत्री नियोगः सर्वकर्मसु

sitavarṇo madhucchaṁdā ṛṣirbrahmā tu devatā paramātmā tu gāyatrī niyogaḥ sarvakarmasu

वह श्वेतवर्ण है, मधुच्छन्दा इसका ऋषि है, ब्रह्मा इसकी देवता है; परमात्मा इसका छन्द है, और यह समस्त कर्मों में नियुक्त होता है।

श्लोक 5 (skanda.6.262.5)

एतद्ब्रह्ममयं बीजं विश्वमत्र समन्वितम् । वेदवेदांग तत्त्वाख्यं सदसदूपमव्ययम्

etadbrahmamayaṁ bījaṁ viśvamatra samanvitam vedavedāṁga tattvākhyaṁ sadasadūpamavyayam

यह ब्रह्ममय बीज है, जिसमें संपूर्ण विश्व समाहित है; यह वेद और वेदांगों के तत्त्व का नाम है, सत्-असत् दोनों रूप वाला तथा अव्यय है।

श्लोक 6 (skanda.6.262.6)

नकारः पीतवर्णस्तु जलबीजः सनातनः । बीजं पृथ्वी मनश्छन्दो विषहा विनियोगतः

nakāraḥ pītavarṇastu jalabījaḥ sanātanaḥ bījaṁ pṛthvī manaśchando viṣahā viniyogataḥ

'न' अक्षर पीतवर्ण है, जल का सनातन बीज है; इसका बीज पृथ्वी है, मन इसका छन्द है, तथा विषहा के रूप में इसका विनियोग होता है।

श्लोक 7 (skanda.6.262.7)

मोकारः पृथिवी बीजो विश्वामित्रसमन्वितः । रक्तवर्णो महातेजा धनदो विनियोजितः

mokāraḥ pṛthivī bījo viśvāmitrasamanvitaḥ raktavarṇo mahātejā dhanado viniyojitaḥ

'मो' अक्षर पृथिवी-बीज है, विश्वामित्र ऋषि से युक्त है; रक्तवर्ण, महातेजस्वी तथा धन देने वाले रूप में इसका विनियोग होता है।

श्लोक 8 (skanda.6.262.8)

भकारः पंचवर्णस्तु जलबीजः सनातनः । मरीचिना समायुक्तः पूजितः सर्वभोगदः

bhakāraḥ paṁcavarṇastu jalabījaḥ sanātanaḥ marīcinā samāyuktaḥ pūjitaḥ sarvabhogadaḥ

'भ' अक्षर पंचवर्ण है, जल का सनातन बीज है; मरीचि ऋषि से युक्त, समस्त भोग देने वाले रूप में पूजित है।

श्लोक 9 (skanda.6.262.9)

गकारो हेमरक्ताभो भरद्वाजसमन्वितः । वायुबीजो विनिर्योगं कुर्वतामादिभोगदः

gakāro hemaraktābho bharadvājasamanvitaḥ vāyubījo viniryogaṁ kurvatāmādibhogadaḥ

'ग' अक्षर स्वर्ण-रक्त कांतिवाला है, भरद्वाज ऋषि से युक्त है; वायु का बीज है, तथा इसका विनियोग करने वालों को आदि-भोग देने वाला है।

श्लोक 10 (skanda.6.262.10)

वकारः कुन्दधवलो व्योमबीजो महाबलः । ऋषिमंत्रिपुरस्कृत्य योजितो मोक्षदायकः

vakāraḥ kundadhavalo vyomabījo mahābalaḥ ṛṣimaṁtripuraskṛtya yojito mokṣadāyakaḥ

'व' अक्षर कुन्द-पुष्प के समान श्वेत है, आकाश का बीज है, महाबली है; अपने ऋषि और मंत्र को आगे रखकर नियोजित होने पर यह मोक्ष देने वाला है।

श्लोक 11 (skanda.6.262.11)

तकारो विद्युद्विकारः सोमबीजं महत्स्मृतम् । अंगिरावर्द्धमूलं च वर्जितं कर्मका मिकम्

takāro vidyudvikāraḥ somabījaṁ mahatsmṛtam aṁgirāvarddhamūlaṁ ca varjitaṁ karmakā mikam

'त' अक्षर बिजली के विकार-रूप है, सोम का महान बीज माना गया है; अंगिरा ऋषि में मूलतः वर्धित है, तथा शुद्ध कामनामय कर्म से रहित है।

श्लोक 12 (skanda.6.262.12)

वाकारो धूम्रवर्णश्च सूर्यबीजं मनोजवम् । पुलस्त्यर्षिसमायुक्तं नियुक्तं सर्वसौख्यदम्

vākāro dhūmravarṇaśca sūryabījaṁ manojavam pulastyarṣisamāyuktaṁ niyuktaṁ sarvasaukhyadam

'वा' अक्षर धूम्रवर्ण है, मन के समान वेगवाला सूर्य का बीज है; पुलस्त्य ऋषि से युक्त, समस्त सुख देने वाले रूप में नियुक्त है।

श्लोक 13 (skanda.6.262.13)

सुकारश्चाक्षरो नित्यं जपाकुसुम भास्वरः । मनो बीजं दुर्विषह्यं पुलहाश्रितमर्थिदम्

sukāraścākṣaro nityaṁ japākusuma bhāsvaraḥ mano bījaṁ durviṣahyaṁ pulahāśritamarthidam

'सु' अक्षर नित्य अविनाशी है, जपाकुसुम के समान देदीप्यमान है; मन का बीज है, दुःसह है, पुलह ऋषि पर आश्रित तथा अर्थ देने वाला है।

श्लोक 14 (skanda.6.262.14)

देकाराक्षरकं बीजं हंसरूपं च कर्बुरम् । सिद्धिबीजं महासत्त्वं क्रतौ क्रतुनियोजितम्

dekārākṣarakaṁ bījaṁ haṁsarūpaṁ ca karburam siddhibījaṁ mahāsattvaṁ kratau kratuniyojitam

'दे' अक्षर हंसरूप बीज है, चितकबरे वर्ण का है; सिद्धि का बीज है, महासत्त्वयुक्त है, तथा यज्ञ में यज्ञ के लिए ही नियोजित है।

श्लोक 15 (skanda.6.262.15)

वाकारो निर्मलो नित्यं यजमानस्तु बीजभृत् । प्रचेताश्रियमाश्रेयं मोक्षे मोक्षप्रदायकम्

vākāro nirmalo nityaṁ yajamānastu bījabhṛt pracetāśriyamāśreyaṁ mokṣe mokṣapradāyakam

'वा' अक्षर सदा निर्मल है, यजमान इसके बीज को धारण करता है; प्रचेता ऋषि की श्री का आश्रयस्वरूप, मोक्ष में मोक्ष देने वाला है।

श्लोक 16 (skanda.6.262.16)

यकारस्य महाबीजं पिंगवर्णश्च खेचरी । भूचरी च महासिद्धिः सर्वदा भूविचिन्तनम्

yakārasya mahābījaṁ piṁgavarṇaśca khecarī bhūcarī ca mahāsiddhiḥ sarvadā bhūvicintanam

'य' अक्षर का महान बीज पिंगलवर्ण है, खेचरी-सिद्धि से युक्त है; भूचरी महासिद्धि है, सदा पृथ्वी का चिंतन कराने वाली है।

श्लोक 17 (skanda.6.262.17)

भृगुयन्त्रे समाश्रांतिनियोगे सर्वकर्मकृत् । गायत्रीछंद एतेषां देहन्यासक्रमो भवेत्

bhṛguyantre samāśrāṁtiniyoge sarvakarmakṛt gāyatrīchaṁda eteṣāṁ dehanyāsakramo bhavet

भृगु ऋषि के यन्त्र में आश्रित, हर नियोग में समस्त कर्म करने वाला है; इन सबका छन्द गायत्री है — अब इनके शरीर-न्यास का क्रम बताया जाता है।

श्लोक 18 (skanda.6.262.18)

ओंकारं सर्वदा न्यस्यन्नकारं पादयोर्द्वयोः । मोकारं गुह्यदेशे तु भकारं नाभिपंकजे

oṁkāraṁ sarvadā nyasyannakāraṁ pādayordvayoḥ mokāraṁ guhyadeśe tu bhakāraṁ nābhipaṁkaje

ओंकार को सर्वदा [मस्तक पर] स्थापित करके, 'न' अक्षर को दोनों चरणों पर, 'मो' अक्षर को गुह्यदेश पर, तथा 'भ' अक्षर को नाभि-कमल पर स्थापित करे,

श्लोक 19 (skanda.6.262.19)

गकारं हृदये न्यस्य वकारः कण्ठ मध्यगः । तेकारं दक्षिणे हस्ते वाकारो वामहस्तगः

gakāraṁ hṛdaye nyasya vakāraḥ kaṇṭha madhyagaḥ tekāraṁ dakṣiṇe haste vākāro vāmahastagaḥ

'ग' अक्षर को हृदय पर स्थापित करके, 'व' अक्षर कण्ठ के मध्य में, 'ते' अक्षर दाहिने हाथ पर, तथा 'वा' अक्षर बाएँ हाथ पर स्थापित करे,

श्लोक 20 (skanda.6.262.20)

सुकारं मुखजिह्वायां देकारः कर्णयोर्द्वयोः । वाकारश्चक्षुषोर्द्वन्द्वे यकारं मस्तके न्यसेत्

sukāraṁ mukhajihvāyāṁ dekāraḥ karṇayordvayoḥ vākāraścakṣuṣordvandve yakāraṁ mastake nyaset

'सु' अक्षर को मुख और जिह्वा पर, 'दे' अक्षर को दोनों कानों पर, 'वा' अक्षर को दोनों नेत्रों पर स्थापित करके, 'य' अक्षर को मस्तक पर स्थापित करे।

श्लोक 21 (skanda.6.262.21)

लिंगमुद्रा योनिमुद्रा धेनुमुद्रा तथा त्रयम् । सकलं कृतमेतद्धि मंत्ररूपे बिजाक्षरम्

liṁgamudrā yonimudrā dhenumudrā tathā trayam sakalaṁ kṛtametaddhi maṁtrarūpe bijākṣaram

लिंगमुद्रा, योनिमुद्रा तथा धेनुमुद्रा — ये तीनों, तथा यह संपूर्ण बीजाक्षर, इस प्रकार मंत्ररूप में संपन्न हो जाता है।

श्लोक 22 (skanda.6.262.22)

योजयेत्प्रत्यहं देवि न स पापैः प्रलिप्यते । एतद्द्वादशलिंगारं कूर्मस्थं द्वादशाक्षरम्

yojayetpratyahaṁ devi na sa pāpaiḥ pralipyate etaddvādaśaliṁgāraṁ kūrmasthaṁ dvādaśākṣaram

हे देवि! जो प्रतिदिन इसका योग करता है, वह पापों से लिप्त नहीं होता; यह कूर्म पर स्थित द्वादशाक्षर, द्वादश-लिंगात्मक है।

श्लोक 23 (skanda.6.262.23)

शालग्रामशिलाश्चैव द्वादशैव हि पूजिताः । ताभिः सहाकरैरेभिः प्रत्यक्षैः सह संसदि

śālagrāmaśilāścaiva dvādaśaiva hi pūjitāḥ tābhiḥ sahākarairebhiḥ pratyakṣaiḥ saha saṁsadi

और शालग्राम की बारह ही शिलाएँ पूजित हैं; उन शिलाओं के साथ, इन साक्षात प्रकट अक्षरों सहित, सभा में —

श्लोक 24 (skanda.6.262.24)

यथावर्णमनुध्यानैर्मुनिबीजसमन्वितैः । विनियोगेन सहितैश्छन्दोभिः समलंकृतैः

yathāvarṇamanudhyānairmunibījasamanvitaiḥ viniyogena sahitaiśchandobhiḥ samalaṁkṛtaiḥ

— वर्णानुसार ध्यानों से, ऋषि और बीज से युक्त, विनियोग सहित, तथा छन्दों से अलंकृत होकर,

श्लोक 25 (skanda.6.262.25)

ध्यानैजपैः पूजितैश्च भक्तानां मुनिसत्तम । मोक्षो भवति बन्धेभ्यः कर्मजेभ्यो न संशयः

dhyānaijapaiḥ pūjitaiśca bhaktānāṁ munisattama mokṣo bhavati bandhebhyaḥ karmajebhyo na saṁśayaḥ

— हे मुनिश्रेष्ठ! ध्यान और जप से पूजित होने पर, भक्तों को कर्मजनित बंधनों से मोक्ष निःसंदेह प्राप्त होता है।

श्लोक 26 (skanda.6.262.26)

अयं हि ध्यानकर्माख्यो योगो दुष्प्राप्य एव हि । ध्यानयोगं पुनर्वच्मि शृणुष्वैकाग्रमानसा

ayaṁ hi dhyānakarmākhyo yogo duṣprāpya eva hi dhyānayogaṁ punarvacmi śṛṇuṣvaikāgramānasā

यह ध्यानकर्म नामक योग वस्तुतः दुष्प्राप्य ही है; मैं ध्यानयोग को पुनः कहता हूँ, एकाग्रचित्त होकर सुनो।

श्लोक 27 (skanda.6.262.27)

ध्यानयोगेन पापानां क्षयो भवति नान्यथा । जपध्यानमयो योगः कर्मयोगो न संशयः

dhyānayogena pāpānāṁ kṣayo bhavati nānyathā japadhyānamayo yogaḥ karmayogo na saṁśayaḥ

ध्यानयोग से ही पापों का क्षय होता है, अन्यथा नहीं; जप-ध्यानमय योग ही कर्मयोग है, इसमें संदेह नहीं।

श्लोक 28 (skanda.6.262.28)

शब्दब्रह्मसमुद्भूतो वेदेन द्वादशाक्षरः । ध्यानेन सर्वमाप्नोति ध्यानेनाप्नोति शुद्धताम्

śabdabrahmasamudbhūto vedena dvādaśākṣaraḥ dhyānena sarvamāpnoti dhyānenāpnoti śuddhatām

शब्दब्रह्म से उत्पन्न यह द्वादशाक्षर वेद के द्वारा [प्रकट हुआ है]; ध्यान से सब कुछ प्राप्त होता है, और ध्यान से ही शुद्धता प्राप्त होती है।

श्लोक 29 (skanda.6.262.29)

ध्यानेन परमं ब्रह्म मूर्त्तौ योगस्तु ध्यानजः । सावलम्बो ध्यानयोगो यन्नारायणदर्शनम्

dhyānena paramaṁ brahma mūrttau yogastu dhyānajaḥ sāvalambo dhyānayogo yannārāyaṇadarśanam

ध्यान से परम ब्रह्म [प्राप्त होता है]; साकार रूप में योग ध्यान से ही उत्पन्न होता है। वह सावलम्ब ध्यानयोग है, जो नारायण के साकार दर्शन के रूप में है;

श्लोक 30 (skanda.6.262.30)

द्वितीयो निखिलालम्बो ज्ञानयोगेन कीर्तितः । अरूपमप्रमेयं यत्सर्वकायं महः सदा

dvitīyo nikhilālambo jñānayogena kīrtitaḥ arūpamaprameyaṁ yatsarvakāyaṁ mahaḥ sadā

दूसरा, समस्त आलम्बनों से रहित, ज्ञानयोग के नाम से कहा गया है — जो अरूप, अप्रमेय, सर्वकाय तथा सदा प्रकाशमान है,

श्लोक 31 (skanda.6.262.31)

तडित्कोटिसमप्रख्यं सदोदितमखंडितम् । निष्कलं सकलं वापि निरंजनमयं वियत्

taḍitkoṭisamaprakhyaṁ sadoditamakhaṁḍitam niṣkalaṁ sakalaṁ vāpi niraṁjanamayaṁ viyat

करोड़ों बिजलियों के समान प्रकाशमान, सदा उदित, अखंडित, निष्कल और सकल दोनों रूप वाला, निरंजन आकाश-स्वरूप,

श्लोक 32 (skanda.6.262.32)

तत्स्वरूपं भोगरूपं तुर्यातीतमनोपमम् । विभ्रांतकरणं मूर्तं प्रकृतिस्थं च शाश्वतम्

tatsvarūpaṁ bhogarūpaṁ turyātītamanopamam vibhrāṁtakaraṇaṁ mūrtaṁ prakṛtisthaṁ ca śāśvatam

वह अपने ही स्वरूप वाला, भोगरूप, तुरीय से भी अतीत, अनुपम, इंद्रियों को विभ्रमित करने वाला, मूर्त, प्रकृति में स्थित तथा शाश्वत है,

श्लोक 33 (skanda.6.262.33)

दृश्यादृश्यमजं चैव वैराजं सततोज्ज्वलम् । बहुलं सर्वजं धर्म्यं निर्विकल्पमनीश्वरम्

dṛśyādṛśyamajaṁ caiva vairājaṁ satatojjvalam bahulaṁ sarvajaṁ dharmyaṁ nirvikalpamanīśvaram

दृश्य-अदृश्य, अजन्मा, वैराज-स्वरूप, सतत उज्ज्वल, बहुल, सर्वज, धर्मयुक्त, विकल्परहित तथा किसी अन्य ईश्वर से रहित है,

श्लोक 34 (skanda.6.262.34)

अगोत्रं वरणं वापि ब्रह्मांडशतकारणम् । निरीहं निर्ममं बुद्धिशून्यरूपं च निर्मलम्

agotraṁ varaṇaṁ vāpi brahmāṁḍaśatakāraṇam nirīhaṁ nirmamaṁ buddhiśūnyarūpaṁ ca nirmalam

गोत्ररहित, फिर भी वरणीय, सैकड़ों ब्रह्मांडों का कारण, इच्छारहित, ममतारहित, बुद्धि से परे रूपवाला तथा निर्मल है,

श्लोक 35 (skanda.6.262.35)

तदीशरूपं निर्देहं निर्द्वंद्वं साक्षिमात्रकम् । शुद्धस्फटिकसंकाशं ध्यातृध्येयविवर्जितम् । नोपमेयमगाधं त्वं स्वीकुरुष्व स्वतेजसा

tadīśarūpaṁ nirdehaṁ nirdvaṁdvaṁ sākṣimātrakam śuddhasphaṭikasaṁkāśaṁ dhyātṛdhyeyavivarjitam nopameyamagādhaṁ tvaṁ svīkuruṣva svatejasā

वह ईश्वर-स्वरूप, देहरहित, द्वंद्वरहित, केवल साक्षीमात्र, शुद्ध स्फटिक के समान, ध्याता और ध्येय के भेद से रहित, अनुपम तथा अगाध है — उसे तुम अपने ही तेज से ग्रहण करो।

श्लोक 36 (skanda.6.262.36)

पार्वत्युवाच । तत्कथं प्राप्यते सम्यग्ज्ञानं योगिस्वरूपिणम् । नारायणममूर्तं च स्थानं तस्य वद प्रभो

pārvatyuvāca tatkathaṁ prāpyate samyagjñānaṁ yogisvarūpiṇam nārāyaṇamamūrtaṁ ca sthānaṁ tasya vada prabho

पार्वती ने कहा — वह सम्यक् ज्ञान, जो योगियों के स्वरूप वाला है, कैसे प्राप्त होता है? हे प्रभो! उस अमूर्त नारायण का स्थान भी बताइए।

श्लोक 37 (skanda.6.262.37)

ईश्वर उवाच । शिरः प्रधानं गात्रेषु शिरसा धार्यते महान्

īśvara uvāca śiraḥ pradhānaṁ gātreṣu śirasā dhāryate mahān

ईश्वर ने कहा — शरीर के अंगों में शिर प्रधान है; शिर के द्वारा ही वह महान तत्त्व धारण किया जाता है।

श्लोक 38 (skanda.6.262.38)

शिरसा पूजितो देवः पूजितं सकलं जगत् । शिरसा धार्यते योगः शिरसा ध्रियते बलम्

śirasā pūjito devaḥ pūjitaṁ sakalaṁ jagat śirasā dhāryate yogaḥ śirasā dhriyate balam

शिर से देव पूजित होने पर संपूर्ण जगत पूजित हो जाता है; शिर से ही योग धारण किया जाता है, शिर से ही बल धारण किया जाता है।

श्लोक 39 (skanda.6.262.39)

शिरसा ध्रियते तेजो जीवितं शिरसि स्थितम् । सूर्यः शिरो ह्यमूर्त्तस्य मूर्तस्यापि तथैव च

śirasā dhriyate tejo jīvitaṁ śirasi sthitam sūryaḥ śiro hyamūrttasya mūrtasyāpi tathaiva ca

शिर से तेज धारण किया जाता है, जीवन शिर में ही स्थित है; सूर्य ही अमूर्त का शिर है, और मूर्त का भी उसी प्रकार।

श्लोक 40 (skanda.6.262.40)

उरस्तु पृथिवीलोकः पादश्चैव रसातलम् । अयं ब्रह्मांडरूपे च मूर्त्तामूर्त्तस्वरूपतः

urastu pṛthivīlokaḥ pādaścaiva rasātalam ayaṁ brahmāṁḍarūpe ca mūrttāmūrttasvarūpataḥ

वक्षःस्थल पृथिवीलोक है, और चरण ही रसातल हैं; यह [पुरुष] ब्रह्मांडरूप में मूर्त और अमूर्त दोनों स्वरूपों से विद्यमान है।

श्लोक 41 (skanda.6.262.41)

विष्णुरेव ब्रह्मरूपो ज्ञानयोगाश्रयः स्वयम् । सृजते सर्वभूतानि पालयत्यपि सर्वशः

viṣṇureva brahmarūpo jñānayogāśrayaḥ svayam sṛjate sarvabhūtāni pālayatyapi sarvaśaḥ

विष्णु ही ब्रह्मरूप हैं, स्वयं ज्ञानयोग के आश्रयस्वरूप हैं; वे समस्त प्राणियों की सृष्टि करते हैं और सर्वथा उनका पालन भी करते हैं,

श्लोक 42 (skanda.6.262.42)

विनाशयति सर्वं हि सर्वदेवमयो ह्ययम् । सर्वमासेष्वाधिपत्यं यस्य विष्णोः सनातनम्

vināśayati sarvaṁ hi sarvadevamayo hyayam sarvamāseṣvādhipatyaṁ yasya viṣṇoḥ sanātanam

तथा सबका विनाश भी करते हैं, क्योंकि यह सर्वदेवमय है; समस्त महीनों पर जिस विष्णु का सनातन आधिपत्य है,

श्लोक 43 (skanda.6.262.43)

तस्मात्सर्वेषु मासेषु सर्वेषु दिवसेष्वपि । सर्वेषु यामकालेषु संस्मरन्मुच्यते हरिम्

tasmātsarveṣu māseṣu sarveṣu divaseṣvapi sarveṣu yāmakāleṣu saṁsmaranmucyate harim

— अतः समस्त महीनों में, समस्त दिनों में भी, समस्त प्रहर-कालों में भी, हरि का स्मरण करने वाला मुक्त हो जाता है।

श्लोक 44 (skanda.6.262.44)

चातुर्मास्ये विशेषेण ध्यानमात्रात्प्रमुच्यते । अमूर्त्तसेवनं गंगातीर्थध्यानाद्वरं परम्

cāturmāsye viśeṣeṇa dhyānamātrātpramucyate amūrttasevanaṁ gaṁgātīrthadhyānādvaraṁ param

चातुर्मास्य में विशेष रूप से मात्र ध्यान से ही मुक्ति मिल जाती है; अमूर्त की उपासना गंगातीर्थ के ध्यान से भी श्रेष्ठतर है।

श्लोक 45 (skanda.6.262.45)

सर्वदानोत्तरं चैव चातुर्मास्ये न संशयः । सर्वमासकृतं पापं चातुर्मास्ये शुभाशुभम्

sarvadānottaraṁ caiva cāturmāsye na saṁśayaḥ sarvamāsakṛtaṁ pāpaṁ cāturmāsye śubhāśubham

तथा चातुर्मास्य में यह समस्त दानों से भी श्रेष्ठ है, इसमें संदेह नहीं; अन्य समस्त महीनों में किया गया शुभ-अशुभ पाप,

श्लोक 46 (skanda.6.262.46)

अक्षय्यं तद्भवेद्देवि नात्र कार्या विचारणा । तस्मात्सर्वप्रयत्नेन ज्ञानयोगो बहूत्तमः

akṣayyaṁ tadbhaveddevi nātra kāryā vicāraṇā tasmātsarvaprayatnena jñānayogo bahūttamaḥ

— हे देवि! चातुर्मास्य में किया जाए तो वह अक्षय हो जाता है, इसमें कोई विचारणा नहीं करनी चाहिए। इसलिए सर्वप्रयत्न से ज्ञानयोग ही सर्वश्रेष्ठ है।

श्लोक 47 (skanda.6.262.47)

सेवितो विष्णुरूपेण ब्रह्ममोक्षप्रदायकः । शृणुष्वावहिता भूत्वा मूर्त्तामूर्ते स्थितिं शुभे

sevito viṣṇurūpeṇa brahmamokṣapradāyakaḥ śṛṇuṣvāvahitā bhūtvā mūrttāmūrte sthitiṁ śubhe

विष्णु के रूप में सेवित होने पर यह ब्रह्ममोक्ष देने वाला है; हे शुभे! अवधानपूर्वक होकर मूर्त और अमूर्त की स्थिति को सुनो।

श्लोक 48 (skanda.6.262.48)

न कथ्येयं यस्य कस्य सुतस्याप्य परस्य च । अदांतायाथ दुष्टाय चलचित्ताय दांभिके

na kathyeyaṁ yasya kasya sutasyāpya parasya ca adāṁtāyātha duṣṭāya calacittāya dāṁbhike

यह किसी को भी, चाहे वह अपना पुत्र हो या पराया, नहीं बताना चाहिए — असंयमी को, दुष्ट को, चंचल-चित्त को, दंभी को,

श्लोक 49 (skanda.6.262.49)

स्ववाक्च्युताय निंद्याय न वाच्या योगजा कथा । नित्यभक्ताय दांताय शमादि गुणिने तथा

svavākcyutāya niṁdyāya na vācyā yogajā kathā nityabhaktāya dāṁtāya śamādi guṇine tathā

अपने वचन से च्युत हुए तथा निंदनीय को यह योगजनित कथा नहीं कहनी चाहिए। नित्य भक्त को, संयमी को, शमादि गुणों वाले को —

श्लोक 50 (skanda.6.262.50)

विष्णुभक्ताय दातव्या शूद्रायापि द्विजन्मने । अभक्तायाप्यशुचये ब्रह्मस्थानं न कथ्यते

viṣṇubhaktāya dātavyā śūdrāyāpi dvijanmane abhaktāyāpyaśucaye brahmasthānaṁ na kathyate

— विष्णुभक्त को देनी चाहिए, चाहे वह शूद्र हो या द्विज; किंतु अभक्त तथा अशुद्ध को ब्रह्म का यह स्थान नहीं बताया जाता।

श्लोक 51 (skanda.6.262.51)

मद्भक्त्या योगसिद्धिं त्वं गृहाणाशु तपोधने । अभूतं ज्ञानगम्यं तं विद्धि नारायणं परम्

madbhaktyā yogasiddhiṁ tvaṁ gṛhāṇāśu tapodhane abhūtaṁ jñānagamyaṁ taṁ viddhi nārāyaṇaṁ param

हे तपोधने! मेरी भक्ति से तुम शीघ्र ही योगसिद्धि को ग्रहण करो; उस अभूत, ज्ञान से ही प्राप्य परम नारायण को जानो,

श्लोक 52 (skanda.6.262.52)

नादरूपेण शिरसि तिष्ठंतं सर्वदेहिनाम् । स एव जीवशिरसि वर्त्तते सूर्यबिंबवत्

nādarūpeṇa śirasi tiṣṭhaṁtaṁ sarvadehinām sa eva jīvaśirasi varttate sūryabiṁbavat

जो नादरूप से समस्त देहधारियों के शिर में स्थित हैं; वे ही जीव के शिर में सूर्यबिंब के समान विराजमान रहते हैं।

श्लोक 53 (skanda.6.262.53)

सदोदितः सूक्ष्मरूपो मूर्त्तो मूर्त्या प्रणीयते । अभ्यासेन सदा देवि प्राप्यते परमात्मकः

sadoditaḥ sūkṣmarūpo mūrtto mūrtyā praṇīyate abhyāsena sadā devi prāpyate paramātmakaḥ

वे सदा उदित, सूक्ष्मरूप, मूर्त होकर मूर्ति के द्वारा ही ले जाए जाते हैं; हे देवि! निरंतर अभ्यास से ही वह परमात्मा प्राप्त होता है।

श्लोक 54 (skanda.6.262.54)

शरीरे सकला देवा योगिनो निवसंति हि । कर्णे तु दक्षिणे नद्यो निवसंति तथाऽपराः

śarīre sakalā devā yogino nivasaṁti hi karṇe tu dakṣiṇe nadyo nivasaṁti tathā'parāḥ

योगी के शरीर में समस्त देवगण निवास करते हैं; दाहिने कान में नदियाँ निवास करती हैं, तथा अन्य [अंगों में] अन्य देवगण —

श्लोक 55 (skanda.6.262.55)

हृदये चेश्वरः शंभुर्नाभौ ब्रह्मा सनातनः । पृथ्वी पादतलाग्रे जलं सर्वगतं तथा

hṛdaye ceśvaraḥ śaṁbhurnābhau brahmā sanātanaḥ pṛthvī pādatalāgre jalaṁ sarvagataṁ tathā

— हृदय में ईश्वर शंभु, नाभि में सनातन ब्रह्मा; पैरों के तलवों के अग्रभाग में पृथ्वी, तथा जल सर्वत्र व्याप्त है,

श्लोक 56 (skanda.6.262.56)

तेजो वायुस्तथाऽऽकाशं विद्यते भालमध्यतः । हस्ते च पंच तीर्थानि दक्षिणे नात्र संशयः

tejo vāyustathā''kāśaṁ vidyate bhālamadhyataḥ haste ca paṁca tīrthāni dakṣiṇe nātra saṁśayaḥ

तेज, वायु तथा आकाश भाल के मध्य में विद्यमान हैं; और दाहिने हाथ में पंच तीर्थ विद्यमान हैं, इसमें संदेह नहीं।

श्लोक 57 (skanda.6.262.57)

सूर्यो यद्दक्षिणं नेत्रं चन्द्रो वाममुदाहृतम् । भौमश्चैव बुधश्चैव नासिके द्वे उदाहृते

sūryo yaddakṣiṇaṁ netraṁ candro vāmamudāhṛtam bhaumaścaiva budhaścaiva nāsike dve udāhṛte

सूर्य दाहिना नेत्र है, चंद्रमा बायाँ नेत्र कहा गया है; मंगल और बुध दोनों नासिका-छिद्र कहे गए हैं,

श्लोक 58 (skanda.6.262.58)

गुरुश्च दक्षिणे कर्णे वामकर्णे तथा भृगुः । मुखे शनैश्चरः प्रोक्तो गुदे राहुः प्रकीर्तितः

guruśca dakṣiṇe karṇe vāmakarṇe tathā bhṛguḥ mukhe śanaiścaraḥ prokto gude rāhuḥ prakīrtitaḥ

बृहस्पति दाहिने कान में, तथा शुक्र बाएँ कान में; मुख में शनैश्चर कहे गए हैं, और गुदा में राहु कहे गए हैं,

श्लोक 59 (skanda.6.262.59)

केतुरिंद्रियगः प्रोक्तो ग्रहाः सर्वे शरीरगाः । योगिनो देहमासाद्य भुवनानि चतुर्दश

keturiṁdriyagaḥ prokto grahāḥ sarve śarīragāḥ yogino dehamāsādya bhuvanāni caturdaśa

केतु इंद्रियों में स्थित कहा गया है — समस्त ग्रह शरीर में ही निवास करते हैं। योगी के देह को प्राप्त करके चौदहों भुवन,

श्लोक 60 (skanda.6.262.60)

प्रवर्त्तंते सदा देवि तस्माद्योगं सदाभ्यसेत् । चातुर्मास्ये विशेषेण योगी पापं निकृन्तति

pravarttaṁte sadā devi tasmādyogaṁ sadābhyaset cāturmāsye viśeṣeṇa yogī pāpaṁ nikṛntati

हे देवि! सदा वहीं प्रवृत्त रहते हैं; इसलिए योग का सदैव अभ्यास करना चाहिए। चातुर्मास्य में विशेष रूप से योगी पाप को काट डालता है।

श्लोक 61 (skanda.6.262.61)

मुहूर्त्तमपि यो योगी मस्तके धारयेन्मनः । कर्णै पिधाय पापेभ्यो मुच्यतेऽसौ न संशयः

muhūrttamapi yo yogī mastake dhārayenmanaḥ karṇai pidhāya pāpebhyo mucyate'sau na saṁśayaḥ

जो योगी क्षणभर के लिए भी अपने कानों को बंद करके मस्तक में मन को धारण करता है, वह निःसंदेह पापों से मुक्त हो जाता है।

श्लोक 62 (skanda.6.262.62)

अंतरं नैव पश्यामि विष्णोर्योगपरस्य वा । एकोऽपि योगी यद्गेहे ग्रासमात्रं भुनक्ति च

aṁtaraṁ naiva paśyāmi viṣṇoryogaparasya vā eko'pi yogī yadgehe grāsamātraṁ bhunakti ca

मैं विष्णु और योगपरायण के बीच कोई अंतर नहीं देखता। एक भी योगी, जिसके घर में केवल एक ग्रास भर भोजन करता है,

श्लोक 63 (skanda.6.262.63)

कुलानि त्रीणि सोऽवश्यं तारयेदात्मना सह । यदि विप्रो भवेद्योगी सोऽवश्यं दर्शनादपि

kulāni trīṇi so'vaśyaṁ tārayedātmanā saha yadi vipro bhavedyogī so'vaśyaṁ darśanādapi

वह स्वयं सहित तीन कुलों का निश्चय ही उद्धार कर देता है। और यदि वह योगी विप्र हो, तो वह अपने दर्शनमात्र से भी निश्चय ही —

श्लोक 64 (skanda.6.262.64)

सर्वेषां प्राणिनां देवि पापराशि निषूदकः । सक्रियो ब्रह्मनिरतः सच्छूद्रो योगभाग्यदि

sarveṣāṁ prāṇināṁ devi pāparāśi niṣūdakaḥ sakriyo brahmanirataḥ sacchūdro yogabhāgyadi

— हे देवि! समस्त प्राणियों के पाप-समूह का नाशक हो जाता है। यदि सत्कर्मरत, ब्रह्म में तत्पर सच्छूद्र भी योग का भागी हो,

श्लोक 65 (skanda.6.262.65)

भवेत्सद्गुरुभक्तो वा सोऽप्यमूर्त्तफलं लभेत् । यो योगी नियताहारः परब्रह्म समाधिमान्

bhavetsadgurubhakto vā so'pyamūrttaphalaṁ labhet yo yogī niyatāhāraḥ parabrahma samādhimān

अथवा सद्गुरु का भक्त हो, तो वह भी अमूर्त फल को प्राप्त कर लेता है। जो योगी नियमित आहार वाला, परब्रह्म में समाधिस्थ है,

श्लोक 66 (skanda.6.262.66)

चातुर्मास्ये विशेषेण हरौ स लयभाग्भवेत् । यथा सिद्धकरस्पर्शाल्लोहं भवति कांचनम्

cāturmāsye viśeṣeṇa harau sa layabhāgbhavet yathā siddhakarasparśāllohaṁ bhavati kāṁcanam

चातुर्मास्य में विशेष रूप से वह हरि में लीन होने का भागी हो जाता है। जिस प्रकार सिद्ध पुरुष के हाथ के स्पर्श से लोहा सोना बन जाता है,

श्लोक 67 (skanda.6.262.67)

तथा मूर्त्तं हरिप्रीत्या मनुष्यो लयमाव्रजेत् । यथा मार्गजलं गंगापतितं त्रिदशैरपि

tathā mūrttaṁ hariprītyā manuṣyo layamāvrajet yathā mārgajalaṁ gaṁgāpatitaṁ tridaśairapi

उसी प्रकार साकार हरि की प्रीति से मनुष्य लय को प्राप्त हो जाता है। जिस प्रकार साधारण मार्ग का जल गंगा में गिरकर देवताओं द्वारा भी —

श्लोक 68 (skanda.6.262.68)

सेवितं सर्वफलदं तथा योगी विमुक्तिदः । यथा गोमयमात्रेण वह्निर्दीप्यति सर्वदा

sevitaṁ sarvaphaladaṁ tathā yogī vimuktidaḥ yathā gomayamātreṇa vahnirdīpyati sarvadā

— सेवित होकर समस्त फल देने वाला हो जाता है, उसी प्रकार योगी विमुक्ति देने वाला हो जाता है। जिस प्रकार गोबर के ईंधन मात्र से भी अग्नि सदा प्रज्वलित होती है,

श्लोक 69 (skanda.6.262.69)

देवतानां मुखं तद्धि कीर्त्यते याज्ञिकैः सदा । एवं योगी सदाऽभ्यासाज्जायते मोक्षभाजनम्

devatānāṁ mukhaṁ taddhi kīrtyate yājñikaiḥ sadā evaṁ yogī sadā'bhyāsājjāyate mokṣabhājanam

और याज्ञिकों द्वारा सदा देवताओं का मुख कहलाती है, उसी प्रकार योगी भी सतत अभ्यास से मोक्ष का भाजन बन जाता है।

श्लोक 70 (skanda.6.262.70)

योगोऽयं सेव्यते देवि ज्ञानासिद्धिप्रदः सदा । सनकादिभिराचार्यैर्मुमुक्षुभिरधीश्वरैः

yogo'yaṁ sevyate devi jñānāsiddhipradaḥ sadā sanakādibhirācāryairmumukṣubhiradhīśvaraiḥ

हे देवि! यह योग, जो सदा ज्ञान की सिद्धि देने वाला है, सनक आदि आचार्यों द्वारा, मुमुक्षुओं द्वारा, अधीश्वरों द्वारा सेवित होता है,

श्लोक 71 (skanda.6.262.71)

प्रथमं ज्ञानसंपत्तिर्जायते योगिनां सदा । तेषां गृहीतमात्रस्तु योगी भवति पार्वति

prathamaṁ jñānasaṁpattirjāyate yogināṁ sadā teṣāṁ gṛhītamātrastu yogī bhavati pārvati

पहले योगियों में ज्ञान की संपत्ति सदा उत्पन्न होती है; हे पार्वती! उसे ग्रहण करते ही मनुष्य योगी बन जाता है।

श्लोक 72 (skanda.6.262.72)

ततस्तु सिद्धयस्तस्य त्वणिमाद्याः पुरोगताः । भवन्ति तत्रापि मनो न दद्याद्योगिनां वरः

tatastu siddhayastasya tvaṇimādyāḥ purogatāḥ bhavanti tatrāpi mano na dadyādyogināṁ varaḥ

तत्पश्चात् अणिमा आदि सिद्धियाँ उसके सम्मुख उपस्थित होती हैं; किंतु योगियों में श्रेष्ठ को वहाँ भी मन नहीं लगाना चाहिए।

श्लोक 73 (skanda.6.262.73)

सर्वदानक्रतुभवं पुण्यं भवति योगतः । योगात्सकलकामाप्तिर्न योगाद्भुवि प्राप्यते

sarvadānakratubhavaṁ puṇyaṁ bhavati yogataḥ yogātsakalakāmāptirna yogādbhuvi prāpyate

समस्त दानों और यज्ञों से उत्पन्न पुण्य योग से ही होता है; योग से ही समस्त कामनाओं की प्राप्ति होती है — पृथ्वी पर योग के बिना कुछ भी प्राप्त नहीं होता।

श्लोक 74 (skanda.6.262.74)

योगान्न हृदयग्रंथिर्न योगान्ममता रिपुः । न योगसिद्धस्य मनो हर्त्तुं केनापि शक्यते

yogānna hṛdayagraṁthirna yogānmamatā ripuḥ na yogasiddhasya mano harttuṁ kenāpi śakyate

योग से हृदय की ग्रंथि नहीं रहती, योग से ममतारूपी शत्रु भी नहीं रहता; योगसिद्ध पुरुष के मन को कोई भी हर नहीं सकता।

श्लोक 75 (skanda.6.262.75)

स एव विमलो योगी यच्चित्तं शिरसि स्थितम् । स्थिरीभूतव्यथं नित्यं दशमद्वारसंपुटे

sa eva vimalo yogī yaccittaṁ śirasi sthitam sthirībhūtavyathaṁ nityaṁ daśamadvārasaṁpuṭe

वही निर्मल योगी है, जिसका चित्त शिर में स्थित है, तथा दसवें द्वार के संपुट में सदा स्थिरीभूत होकर व्यथारहित रहता है,

श्लोक 76 (skanda.6.262.76)

कणौं पिधाय मर्त्यस्य नादरूपं विचिन्वतः । तदेव प्रणवस्याग्रं तदेव ब्रह्म शाश्वतम्

kaṇauṁ pidhāya martyasya nādarūpaṁ vicinvataḥ tadeva praṇavasyāgraṁ tadeva brahma śāśvatam

कानों को बंद करके, नादरूप का चिंतन करने वाले मनुष्य के लिए, वही नाद प्रणव का अग्रभाग है, वही शाश्वत ब्रह्म है।

श्लोक 77 (skanda.6.262.77)

तदेवानंतरूपाख्यं तदेवामृतमुत्तमम् । घ्राणवायौ प्रघोषोऽयं जठराग्नेर्महत्पदम्

tadevānaṁtarūpākhyaṁ tadevāmṛtamuttamam ghrāṇavāyau praghoṣo'yaṁ jaṭharāgnermahatpadam

वही अनंतरूप कहलाता है, वही उत्तम अमृत है; यह ध्वनि श्वास-वायु में जठराग्नि के महान पद के रूप में सुनाई देती है।

श्लोक 78 (skanda.6.262.78)

पंचभूतं निवासं यज्ज्ञानरूपमिदं पदम् । पदं प्राप्य विमुक्तिः स्याज्जन्मसंसारबंधनात्

paṁcabhūtaṁ nivāsaṁ yajjñānarūpamidaṁ padam padaṁ prāpya vimuktiḥ syājjanmasaṁsārabaṁdhanāt

जो पंचभूतों में निवास करने वाला, ज्ञानरूप यह पद है — उस पद को प्राप्त करके जन्म-संसार के बंधन से विमुक्ति प्राप्त होती है।

श्लोक 79 (skanda.6.262.79)

यदाप्तिर्दुलभा लोके योगसिद्धिप्रदायिका

yadāptirdulabhā loke yogasiddhipradāyikā

जिसकी प्राप्ति संसार में दुर्लभ है, और जो योग-सिद्धि प्रदान करने वाली है।

श्लोक 80 (skanda.6.262.80)

एवं ब्रह्ममयं विभाति सकलं विश्वं चरं स्थावरं विज्ञानाख्यमिदं पदं स भगवान्विष्णुः स्वयं व्यापकः । ज्ञात्वा तं शिरसि स्थितं बहुवरं योगेश्वराणां परं प्राणी मुंचति सर्पवज्जगतिजां निर्मोकमायाकृतिम्

evaṁ brahmamayaṁ vibhāti sakalaṁ viśvaṁ caraṁ sthāvaraṁ vijñānākhyamidaṁ padaṁ sa bhagavānviṣṇuḥ svayaṁ vyāpakaḥ jñātvā taṁ śirasi sthitaṁ bahuvaraṁ yogeśvarāṇāṁ paraṁ prāṇī muṁcati sarpavajjagatijāṁ nirmokamāyākṛtim

इस प्रकार यह संपूर्ण चराचर विश्व ब्रह्ममय होकर शोभित होता है; यह विज्ञान नामक पद वे स्वयं व्यापक भगवान विष्णु ही हैं। शिर में स्थित, योगेश्वरों को अनेक वर प्रदान करने वाले उस परम तत्त्व को जानकर, प्राणी सर्प के समान जगत से उत्पन्न मायामय आवरण को त्याग देता है।