सिद्धेश्वरोत्पत्तिवृत्तान्तवर्णन

श्लोक 1 (skanda.6.30.1)

ऋषय ऊचुः। तोषितः केन सिद्धेन तत्र सिद्धेश्वरो विभुः। एतत्सर्वं समाचक्ष्व विस्तरात्सूतनन्दन

ṛṣaya ūcuḥ| toṣitaḥ kena siddhena tatra siddheśvaro vibhuḥ| etatsarvaṁ samācakṣva vistarātsūtanandana

ऋषियों ने कहा -- हे सूतनंदन! उस प्रभु सिद्धेश्वर को वहाँ किस सिद्ध ने संतुष्ट किया था? यह सब हमें विस्तार से बताइए।

श्लोक 2 (skanda.6.30.2)

सूत उवाच। आसीत्सिद्धाधिपोनाम पुरा हंस इति स्मृतः। अनपत्यतया तस्य कालश्चक्राम भूरिशः

sūta uvāca| āsītsiddhādhiponāma purā haṁsa iti smṛtaḥ| anapatyatayā tasya kālaścakrāma bhūriśaḥ

सूत जी ने कहा -- पूर्वकाल में हंस नाम से प्रसिद्ध एक सिद्धों का स्वामी था; संतानहीन होने के कारण उसका बहुत समय बीत गया था।

श्लोक 3 (skanda.6.30.3)

ततश्चिन्ता प्रपन्नः स गत्वा देवपुरोहितम्। पप्रच्छागिरसः पुत्रं विप्रश्रेष्ठं बृहस्पतिम्

tataścintā prapannaḥ sa gatvā devapurohitam| papracchāgirasaḥ putraṁ vipraśreṣṭhaṁ bṛhaspatim

तब चिंता से भरकर वह देवताओं के पुरोहित, अंगिरा-पुत्र, श्रेष्ठ ब्राह्मण बृहस्पति के पास गया और उनसे पूछा --

श्लोक 4 (skanda.6.30.4)

भगवंश्चानपत्यस्य वार्द्धकं मे समागतम्। तस्मादपत्यलाभाय ममोपायं प्रकीर्तय

bhagavaṁścānapatyasya vārddhakaṁ me samāgatam| tasmādapatyalābhāya mamopāyaṁ prakīrtaya

'हे भगवन्! मैं संतानहीन ही हूँ और मुझ पर वृद्धावस्था आ गई है; इसलिए संतान प्राप्ति का कोई उपाय मुझे बताइए।'

श्लोक 5 (skanda.6.30.5)

तीर्थयात्रां व्रतं वापि शांतिकं वा द्विजोत्तम। येन स्यात्संततिः शीघ्रं त्वत्प्रसादाद्बृहस्पते

tīrthayātrāṁ vrataṁ vāpi śāṁtikaṁ vā dvijottama| yena syātsaṁtatiḥ śīghraṁ tvatprasādādbṛhaspate

'हे श्रेष्ठ ब्राह्मण! कोई तीर्थयात्रा, व्रत या शांति-कर्म बताइए, हे बृहस्पते! जिससे आपकी कृपा से मुझे शीघ्र संतान प्राप्त हो।'

श्लोक 6 (skanda.6.30.6)

बृहस्पतिश्चिरं ध्यात्वा सिद्धं प्राह ततः परम्। चमत्कारपुरं क्षेत्रं गत्वा तत्र तपः कुरु

bṛhaspatiściraṁ dhyātvā siddhaṁ prāha tataḥ param| camatkārapuraṁ kṣetraṁ gatvā tatra tapaḥ kuru

बृहस्पति ने देर तक विचार कर उस सिद्ध से कहा -- 'चमत्कारपुर क्षेत्र में जाकर वहाँ तप करो।'

श्लोक 7 (skanda.6.30.7)

ततः प्राप्स्यसि सत्पुत्रं वंशोद्धारक्षमं शुभम्। नान्यं पश्यामि सिद्धेश सुतोपायं शुभावहम्

tataḥ prāpsyasi satputraṁ vaṁśoddhārakṣamaṁ śubham| nānyaṁ paśyāmi siddheśa sutopāyaṁ śubhāvaham

'तब तुम्हें अपने वंश का उद्धार करने में समर्थ एक शुभ पुत्र प्राप्त होगा; हे सिद्धेश! पुत्र-प्राप्ति के लिए इससे अच्छा कोई अन्य उपाय मुझे नहीं दिखता।'

श्लोक 8 (skanda.6.30.8)

ततस्तत्क्षेत्रमासाद्य स सिद्धः श्रद्धयान्वितः। लिंगं संपूजयामास यथोक्तविधिना स्वयम्

tatastatkṣetramāsādya sa siddhaḥ śraddhayānvitaḥ| liṁgaṁ saṁpūjayāmāsa yathoktavidhinā svayam

तब उस क्षेत्र में पहुँचकर, श्रद्धा से युक्त उस सिद्ध ने विधिवत् स्वयं लिंग की पूजा की।

श्लोक 9 (skanda.6.30.9)

ततश्चाराधयामास दिवानक्तमतंद्रितः। बलिपूजोपहारेण गीतवाद्योच्छ्रयादिभिः

tataścārādhayāmāsa divānaktamataṁdritaḥ| balipūjopahāreṇa gītavādyocchrayādibhiḥ

फिर वह बलि, पूजा, उपहार, गीत, वाद्य और ध्वज आदि से बिना आलस्य के दिन-रात उसकी आराधना करता रहा।

श्लोक 10 (skanda.6.30.10)

चांद्रायणैस्तथा कृच्छ्रैः पाराकैर्द्विजसत्तमाः। तथा मासोपवासैश्च तोषयामास शंकरम्

cāṁdrāyaṇaistathā kṛcchraiḥ pārākairdvijasattamāḥ| tathā māsopavāsaiśca toṣayāmāsa śaṁkaram

हे श्रेष्ठ ब्राह्मणो! चांद्रायण-व्रत, कृच्छ्र-व्रत, पाराक-व्रत और मासोपवासों से भी उसने शंकर को प्रसन्न किया।

श्लोक 11 (skanda.6.30.11)

ततो वर्षसहस्राभ्यां तस्य तुष्टो महेश्वरः। प्रोवाच दर्शनं गत्वा वृषारूढः सहोमया

tato varṣasahasrābhyāṁ tasya tuṣṭo maheśvaraḥ| provāca darśanaṁ gatvā vṛṣārūḍhaḥ sahomayā

तब दो हजार वर्षों के बाद, महेश्वर उससे प्रसन्न हुए और उमा सहित वृषभ पर आरूढ़ होकर, दर्शन देते हुए बोले --

श्लोक 12 (skanda.6.30.12)

हंसाद्य तव तुष्टोऽहं तस्मात्प्रार्थय वांछितम्। अहं ते संप्रदास्यामि दुष्प्राप्यमपि निश्चितम्

haṁsādya tava tuṣṭo'haṁ tasmātprārthaya vāṁchitam| ahaṁ te saṁpradāsyāmi duṣprāpyamapi niścitam

'हे हंस! मैं आज तुमसे प्रसन्न हूँ; इसलिए अपनी इच्छा माँगो -- मैं तुम्हें वह भी दे दूँगा जो अत्यंत दुर्लभ हो, यह निश्चित है।'

श्लोक 13 (skanda.6.30.13)

हंस उवाच। अपत्यार्थं समारंभो मयाऽद्य विहितः पुरा। तस्मात्त्वं देहि मे पुत्रान्वंशोद्धारक्षमान्विभो

haṁsa uvāca| apatyārthaṁ samāraṁbho mayā'dya vihitaḥ purā| tasmāttvaṁ dehi me putrānvaṁśoddhārakṣamānvibho

हंस ने कहा -- 'हे प्रभो! मैंने यह सारा प्रयत्न पहले संतान के लिए ही किया है; इसलिए मुझे वंश का उद्धार करने में समर्थ पुत्र दीजिए।'

श्लोक 14 (skanda.6.30.14)

त्वया चैव सदा लिंगे स्थेयमत्र सुरोत्तम। मम वाक्यादसंदिग्धं सर्वलोकहितार्थतः

tvayā caiva sadā liṁge stheyamatra surottama| mama vākyādasaṁdigdhaṁ sarvalokahitārthataḥ

'हे देवश्रेष्ठ! समस्त लोक के हित के लिए मेरे इस वचन से आप निःसंदेह सदा इसी लिंग में स्थित रहें।'

श्लोक 15 (skanda.6.30.15)

श्रीभगवानुवाच। अद्यप्रभृति लिंगेस्मिन्नाश्रयो मे भविष्यति। तव वाक्येन सिद्धेश सत्यमेतन्मयोदितम्

śrībhagavānuvāca| adyaprabhṛti liṁgesminnāśrayo me bhaviṣyati| tava vākyena siddheśa satyametanmayoditam

श्रीभगवान ने कहा -- 'हे सिद्धेश! आज से इस लिंग में मेरा आश्रय होगा, तुम्हारे इसी वचन से -- यह मैंने सत्य ही कहा है।'

श्लोक 16 (skanda.6.30.16)

यो मामत्र स्थितं मर्त्यः पूजयिष्यति भक्तितः। तस्याहं संप्रदास्यामि चित्तस्थं सकलं फलम्

yo māmatra sthitaṁ martyaḥ pūjayiṣyati bhaktitaḥ| tasyāhaṁ saṁpradāsyāmi cittasthaṁ sakalaṁ phalam

'जो भी मनुष्य यहाँ स्थित मुझे भक्तिपूर्वक पूजेगा, उसे मैं उसके मन में बसा हुआ सम्पूर्ण फल प्रदान करूँगा।'

श्लोक 17 (skanda.6.30.17)

यो मे लिंगस्य याम्याशां स्थित्वा मंत्रं जपिष्यति। षडक्षरं प्रदास्यामि तस्यायुष्यं सुतान्वितम्

yo me liṁgasya yāmyāśāṁ sthitvā maṁtraṁ japiṣyati| ṣaḍakṣaraṁ pradāsyāmi tasyāyuṣyaṁ sutānvitam

'जो कोई मेरे लिंग की दक्षिण दिशा में खड़े होकर षडक्षर मंत्र का जप करेगा, उसे मैं पुत्रों सहित दीर्घायु प्रदान करूँगा।'

श्लोक 18 (skanda.6.30.18)

एवमुक्त्वा महादेवस्ततश्चादर्शनं गतः। हंसोऽपि च गृहं गत्वा पुत्रानाप महोदयान्

evamuktvā mahādevastataścādarśanaṁ gataḥ| haṁso'pi ca gṛhaṁ gatvā putrānāpa mahodayān

ऐसा कहकर महादेव अदृश्य हो गए; हंस भी अपने घर जाकर महान उदय वाले पुत्रों को प्राप्त हुआ।

श्लोक 19 (skanda.6.30.19)

तस्मात्सर्वप्रयत्नेन तल्लिंगं यत्नतो द्विजाः। स्पर्शनीयं च पूज्यं च नमस्कार्यं प्रयत्नतः

tasmātsarvaprayatnena talliṁgaṁ yatnato dvijāḥ| sparśanīyaṁ ca pūjyaṁ ca namaskāryaṁ prayatnataḥ

हे ब्राह्मणो! इसलिए सब प्रकार के प्रयत्न से उस लिंग का स्पर्श, पूजा और प्रणाम प्रयत्नपूर्वक करना चाहिए।

श्लोक 20 (skanda.6.30.20)

षडक्षरेण मन्त्रेण कीर्तनीयं च शक्तितः। वांछद्भिर्वांछितान्कामान्दुर्लभांस्त्रिदशैरपि

ṣaḍakṣareṇa mantreṇa kīrtanīyaṁ ca śaktitaḥ| vāṁchadbhirvāṁchitānkāmāndurlabhāṁstridaśairapi

जो इच्छित कामनाओं को चाहते हैं, जो देवताओं के लिए भी दुर्लभ हैं, उन्हें अपनी शक्ति के अनुसार षडक्षर मंत्र से उसका कीर्तन करना चाहिए।