विश्वामित्र द्वारा त्रिशंकु-याजन का आरम्भ

श्लोक 1 (skanda.6.4.1)

सूत उवाच। त्रिशंकुरिति संचिन्त्य विश्वामित्रं महामुनिम्। मनसा सुचिरं कालं ततश्चक्रे विनिश्चयम्

sūta uvāca| triśaṁkuriti saṁcintya viśvāmitraṁ mahāmunim| manasā suciraṁ kālaṁ tataścakre viniścayam

सूत जी ने कहा — त्रिशंकु ने मन में बहुत देर तक महामुनि विश्वामित्र का चिंतन कर अंततः यह निश्चय किया।

श्लोक 2 (skanda.6.4.2)

विश्वामित्रं परित्यज्य नान्योस्ति भुवनत्रये। यः कुर्यान्मे परित्राणं दुःखादस्मात्सुदारुणात्

viśvāmitraṁ parityajya nānyosti bhuvanatraye| yaḥ kuryānme paritrāṇaṁ duḥkhādasmātsudāruṇāt

विश्वामित्र के अतिरिक्त तीनों लोकों में कोई अन्य नहीं है, जो मुझे इस अत्यंत भयंकर दुःख से बचा सके।

श्लोक 3 (skanda.6.4.3)

कुरुक्षेत्रं समुद्दिश्य प्रतस्थे स ततः परम्। सुश्रांतः क्षुत्पिपासार्तो मार्गपृच्छापरायणः

kurukṣetraṁ samuddiśya pratasthe sa tataḥ param| suśrāṁtaḥ kṣutpipāsārto mārgapṛcchāparāyaṇaḥ

फिर वह कुरुक्षेत्र की ओर लक्ष्य करके चल पड़ा, अत्यंत थका हुआ, भूख-प्यास से पीड़ित, बार-बार मार्ग पूछता हुआ।

श्लोक 4 (skanda.6.4.4)

ततः कालेन संप्राप्य कुरुक्षेत्रं स पार्थिवः। यत्नेनान्वेषयामास विश्वामित्राश्रमं ततः

tataḥ kālena saṁprāpya kurukṣetraṁ sa pārthivaḥ| yatnenānveṣayāmāsa viśvāmitrāśramaṁ tataḥ

तत्पश्चात् समय बीतने पर वह राजा कुरुक्षेत्र पहुँचकर वहाँ प्रयत्नपूर्वक विश्वामित्र के आश्रम को खोजने लगा।

श्लोक 5 (skanda.6.4.5)

एवं चान्वेषमाणेन तेन भूमिभृता तदा। सुदूरादेव संदृष्टं नीलद्रुमकदम्बकम्

evaṁ cānveṣamāṇena tena bhūmibhṛtā tadā| sudūrādeva saṁdṛṣṭaṁ nīladrumakadambakam

इस प्रकार खोजते हुए उस राजा ने तब बहुत दूर से ही एक श्यामल वृक्षसमूह देखा।

श्लोक 6 (skanda.6.4.6)

उपरिष्टाद्बकैर्हंसैर्भ्रममाणैः समंततः। आटिभिर्मद्गुभिश्चैव समन्ताज्जलपक्षिभिः

upariṣṭādbakairhaṁsairbhramamāṇaiḥ samaṁtataḥ| āṭibhirmadgubhiścaiva samantājjalapakṣibhiḥ

जिसके ऊपर चारों ओर बगुले और हंस मँडरा रहे थे, तथा चारों ओर आटि, मद्गु और अन्य जलपक्षी भी थे।

श्लोक 7 (skanda.6.4.7)

स मत्वा सलिलं तत्र पिपासार्तो महीपतिः। प्रतस्थे सत्वरो हृष्टो जलवातहृतक्लमः

sa matvā salilaṁ tatra pipāsārto mahīpatiḥ| pratasthe satvaro hṛṣṭo jalavātahṛtaklamaḥ

प्यास से पीड़ित राजा ने वहाँ जल का अनुमान लगाकर, हर्षित होकर शीघ्रता से प्रस्थान किया, और जल की वायु से उसकी थकान दूर हो गई।

श्लोक 8 (skanda.6.4.8)

अथापश्यन्मनोहारि सौम्यसत्त्वनिषेवितम्। आश्रमं नदितीरस्थं मनःशोकविनाशनम्

athāpaśyanmanohāri saumyasattvaniṣevitam| āśramaṁ naditīrasthaṁ manaḥśokavināśanam

तब उसने नदी के तट पर स्थित एक मनोहर आश्रम देखा, जो सौम्य प्राणियों से सेवित था और मन के शोक का नाश करने वाला था।

श्लोक 9 (skanda.6.4.9)

पुष्पितैः फलितैर्वृक्षैः समंतात्परिवारितम्। विविधैर्मधुरारावैर्नादितं विहगोत्तमैः

puṣpitaiḥ phalitairvṛkṣaiḥ samaṁtātparivāritam| vividhairmadhurārāvairnāditaṁ vihagottamaiḥ

जो चारों ओर फूलों और फलों से लदे वृक्षों से घिरा हुआ था, और अनेक मधुर बोली वाले उत्तम पक्षियों से गुंजायमान था।

श्लोक 10 (skanda.6.4.10)

क्रीडंति नकुलाः सर्पैरूलूका यत्र वायसैः। मूषकैर्वृषदंशाश्च द्वीपिनो विविधैर्मृगैः

krīḍaṁti nakulāḥ sarpairūlūkā yatra vāyasaiḥ| mūṣakairvṛṣadaṁśāśca dvīpino vividhairmṛgaiḥ

वहाँ नेवले सर्पों के साथ, उल्लू कौओं के साथ, बिल्लियाँ चूहों के साथ, और चीते विविध मृगों के साथ क्रीड़ा करते थे।

श्लोक 11 (skanda.6.4.11)

अथापश्यन्नदीतीरे स तपस्विगणावृतम्। स्वाध्यायनिरतं दांतं विश्वामित्रं तपोनिधिनम्

athāpaśyannadītīre sa tapasvigaṇāvṛtam| svādhyāyanirataṁ dāṁtaṁ viśvāmitraṁ taponidhinam

तब उसने नदी तट पर तपस्वियों के समूह से घिरे, स्वाध्याय में लीन, संयमी, तपोनिधि विश्वामित्र को देखा।

श्लोक 12 (skanda.6.4.12)

तेजसा तपसातीव दीप्यमानमिवानलम्। चीरवल्कलसंवीतं शालवृक्षं समाश्रितम्

tejasā tapasātīva dīpyamānamivānalam| cīravalkalasaṁvītaṁ śālavṛkṣaṁ samāśritam

जो तपस्या के तेज से अग्नि के समान अत्यंत दीप्तिमान थे, चीर और वल्कल से आच्छादित, शाल वृक्ष का आश्रय लिए हुए बैठे थे।

श्लोक 13 (skanda.6.4.13)

अथ गत्वा स राजेन्द्रो दूरस्थोऽपि प्रणम्य तम्। अष्टांगेन प्रणामेन स्वनाम परिकीर्तयन्

atha gatvā sa rājendro dūrastho'pi praṇamya tam| aṣṭāṁgena praṇāmena svanāma parikīrtayan

तब वह राजेन्द्र वहाँ जाकर, दूर से ही उन्हें अष्टांग प्रणाम करते हुए और अपना नाम बताते हुए प्रणत हुआ।

श्लोक 14 (skanda.6.4.14)

तथान्यानपि तच्छिष्यान्कृताञ्जलिपुटः स्थितः। यथाक्रमं यथाज्येष्ठं श्रद्धया परया युतः

tathānyānapi tacchiṣyānkṛtāñjalipuṭaḥ sthitaḥ| yathākramaṁ yathājyeṣṭhaṁ śraddhayā parayā yutaḥ

वह हाथ जोड़े हुए खड़ा हुआ और अत्यंत श्रद्धापूर्वक उनके अन्य शिष्यों को भी क्रमानुसार और ज्येष्ठता के अनुसार प्रणाम करने लगा।

श्लोक 15 (skanda.6.4.15)

धूलिधूसरितांगं तं ते तु दृष्ट्वा महीपतिम्। चंडाल इति मन्वानाश्चिह्नैर्गात्रसमुद्भवैः

dhūlidhūsaritāṁgaṁ taṁ te tu dṛṣṭvā mahīpatim| caṁḍāla iti manvānāścihnairgātrasamudbhavaiḥ

किन्तु धूल से धूसरित अंगों वाले उस राजा को देखकर, उसके शरीर पर उत्पन्न चिह्नों के कारण उसे चंडाल मानकर —

श्लोक 16 (skanda.6.4.16)

भर्त्सयामासुरेवाथ वचनैः परुषाक्षरैः। धिक्छब्दैश्च तथैवान्ये याहियाहीति चासकृत्

bhartsayāmāsurevātha vacanaiḥ paruṣākṣaraiḥ| dhikchabdaiśca tathaivānye yāhiyāhīti cāsakṛt

— वे कठोर वचनों से उसे धिक्कारने लगे, तथा अन्य लोग भी "धिक्" शब्द और बार-बार "जा, जा" कहते रहे।

श्लोक 17 (skanda.6.4.17)

कस्त्वं पापेह संप्राप्तो मुनीनामाश्रमोत्तमे। वेदध्वनिसमाकीर्णे साधूनामपि दुर्लभे

kastvaṁ pāpeha saṁprāpto munīnāmāśramottame| vedadhvanisamākīrṇe sādhūnāmapi durlabhe

हे पापी! तू कौन है, जो मुनियों के इस उत्तम आश्रम में आ पहुँचा है, जो वेदध्वनि से भरा है और साधुओं के लिए भी दुर्लभ है?

श्लोक 18 (skanda.6.4.18)

तस्माद्गच्छ द्रुतं यावन्न कश्चित्तापसस्तव। दत्त्वा शापं करोत्याशु प्राणानामपि संक्षयम्

tasmādgaccha drutaṁ yāvanna kaścittāpasastava| dattvā śāpaṁ karotyāśu prāṇānāmapi saṁkṣayam

अतः शीघ्र चला जा, इससे पहले कि यहाँ का कोई तपस्वी तुझे शाप देकर तेरे प्राणों का भी शीघ्र नाश कर दे।

श्लोक 19 (skanda.6.4.19)

त्रिशंकुरुवाच। त्रिशंकुर्नाम भूपोऽहं सूर्यवंशसमुद्भवः। शप्तो वसिष्ठपुत्रैश्च चंडालत्वे नियोजितः

triśaṁkuruvāca| triśaṁkurnāma bhūpo'haṁ sūryavaṁśasamudbhavaḥ| śapto vasiṣṭhaputraiśca caṁḍālatve niyojitaḥ

त्रिशंकु ने कहा — मैं सूर्यवंश में उत्पन्न त्रिशंकु नामक राजा हूँ। वसिष्ठ के पुत्रों द्वारा शापित होकर मैं चंडालत्व को प्राप्त हुआ हूँ।

श्लोक 20 (skanda.6.4.20)

सोऽहं शरणमापन्नः शापमुक्त्यै द्विजोत्तमाः। विश्वामित्रं जगन्मित्रं नान्या मेऽस्ति गतिः परा

so'haṁ śaraṇamāpannaḥ śāpamuktyai dvijottamāḥ| viśvāmitraṁ jaganmitraṁ nānyā me'sti gatiḥ parā

हे द्विजोत्तमो! मैं इस शाप से मुक्ति पाने के लिए जगन्मित्र विश्वामित्र की शरण में आया हूँ; मेरे लिए इसके अतिरिक्त कोई और गति नहीं है।

श्लोक 21 (skanda.6.4.21)

विश्वामित्र उवाच। वसिष्ठस्य भवान्याज्यस्तत्पुत्राणां विशेषतः। तत्कस्मादीदृशे पापे तैस्त्वमद्य नियोजितः

viśvāmitra uvāca| vasiṣṭhasya bhavānyājyastatputrāṇāṁ viśeṣataḥ| tatkasmādīdṛśe pāpe taistvamadya niyojitaḥ

विश्वामित्र ने कहा — आप तो वसिष्ठ के, विशेषतः उनके पुत्रों के, यजमान हैं; तो फिर उन्होंने आज आपको इस पापपूर्ण दशा में क्यों डाल दिया?

श्लोक 22 (skanda.6.4.22)

कोऽपराधस्त्वया तेषां कृतः पार्थिवसत्तम। प्राणद्रोहः कृतः किं वा दारधर्षणसंभवः

ko'parādhastvayā teṣāṁ kṛtaḥ pārthivasattama| prāṇadrohaḥ kṛtaḥ kiṁ vā dāradharṣaṇasaṁbhavaḥ

हे पार्थिवसत्तम! आपने उनका क्या अपराध किया? क्या उनके प्राणों पर आघात किया, अथवा उनकी पत्नियों का उत्पीड़न किया?

श्लोक 23 (skanda.6.4.23)

त्रिशंकुरुवाच। अनेनैव शरीरेण स्वर्गाय गमनं प्रति। मया संप्रार्थितो यज्ञो वसिष्ठान्मुनिसत्तमात्

triśaṁkuruvāca| anenaiva śarīreṇa svargāya gamanaṁ prati| mayā saṁprārthito yajño vasiṣṭhānmunisattamāt

त्रिशंकु ने कहा — मैंने मुनिसत्तम वसिष्ठ से इसी शरीर के साथ स्वर्ग जाने के लिए यज्ञ करने की प्रार्थना की थी।

श्लोक 24 (skanda.6.4.24)

तेनोक्तं न स यज्ञोऽस्ति येन स्वर्गे प्रगम्यते। अनेनैव शरीरेण मुक्त्वा देहांतरं नृप

tenoktaṁ na sa yajño'sti yena svarge pragamyate| anenaiva śarīreṇa muktvā dehāṁtaraṁ nṛpa

उन्होंने कहा कि ऐसा कोई यज्ञ नहीं है, जिससे इसी शरीर के साथ स्वर्ग जाया जा सके; हे राजन्! देहांतर त्यागकर ही स्वर्ग प्राप्त होता है।

श्लोक 25 (skanda.6.4.25)

तच्छ्रुत्वा स मया प्रोक्तो यदि मां न नयिष्यति। स्वर्गं चानेन कायेन सद्यो यज्ञप्रभावतः

tacchrutvā sa mayā prokto yadi māṁ na nayiṣyati| svargaṁ cānena kāyena sadyo yajñaprabhāvataḥ

यह सुनकर मैंने उनसे कहा कि यदि आप मुझे इसी शरीर के साथ यज्ञ के प्रभाव से तत्काल स्वर्ग नहीं ले जाएँगे —

श्लोक 26 (skanda.6.4.26)

तदन्यं गुरुमेवाद्य कर्ताहं नास्ति संशयः। एतज्ज्ञात्वा मुनिः प्राह यत्क्षेमं तत्समाचर

tadanyaṁ gurumevādya kartāhaṁ nāsti saṁśayaḥ| etajjñātvā muniḥ prāha yatkṣemaṁ tatsamācara

— तो मैं आज ही किसी अन्य को अपना गुरु बना लूँगा, इसमें संदेह नहीं। यह सुनकर मुनि ने कहा कि जो तुम्हारे लिए कल्याणकारी हो, वही करो।

श्लोक 27 (skanda.6.4.27)

ततोऽहं तेन संत्यक्तस्तत्पुत्रान्प्राप्य निष्ठुरान्। प्रोक्तवानथ तत्सर्वं यद्वसिष्ठस्य कीर्तितम्

tato'haṁ tena saṁtyaktastatputrānprāpya niṣṭhurān| proktavānatha tatsarvaṁ yadvasiṣṭhasya kīrtitam

तब उनके द्वारा त्यागे जाने पर मैंने उनके कठोर पुत्रों के पास जाकर वही सब कह दिया, जो वसिष्ठ जी से कहा था।

श्लोक 28 (skanda.6.4.28)

ततस्तैः शोकसंतप्तैः शप्तोस्मि मुनिसत्तम। नीतश्चेमां दशां पापां चंडालत्वे नियोजितः

tatastaiḥ śokasaṁtaptaiḥ śaptosmi munisattama| nītaścemāṁ daśāṁ pāpāṁ caṁḍālatve niyojitaḥ

हे मुनिसत्तम! तब क्रोध से संतप्त उन्होंने मुझे शाप दे दिया, और मैं इस पापपूर्ण दशा में लाकर चंडालत्व को प्राप्त हुआ।

श्लोक 29 (skanda.6.4.29)

सोऽहं त्वां मनसा ध्यात्वा सुदूरादिहरागतः। आशां गरीयसीं कृत्वा कुरुक्षेत्रे मुनीश्वर

so'haṁ tvāṁ manasā dhyātvā sudūrādiharāgataḥ| āśāṁ garīyasīṁ kṛtvā kurukṣetre munīśvara

हे मुनीश्वर! सो मैं मन में आपका ध्यान करते हुए, महती आशा लेकर बहुत दूर से इस कुरुक्षेत्र में आया हूँ।

श्लोक 30 (skanda.6.4.30)

नासाध्यं विद्यते किंचित्त्रिषु लोकेषु ते मुने। तस्मात्कुरु प्रतीकारं दुःखितस्य ममाधुना

nāsādhyaṁ vidyate kiṁcittriṣu lokeṣu te mune| tasmātkuru pratīkāraṁ duḥkhitasya mamādhunā

हे मुने! तीनों लोकों में आपके लिए कुछ भी असाध्य नहीं है। अतः दुःखी मेरे लिए अब कोई उपाय कीजिए।

श्लोक 31 (skanda.6.4.31)

सूत उवाच। तस्य तद्वचनं श्रुत्वा विश्वामित्रो मुनीश्वरः। वसिष्ठस्पर्धयोवाच मुनिमध्ये व्यवस्थितः

sūta uvāca| tasya tadvacanaṁ śrutvā viśvāmitro munīśvaraḥ| vasiṣṭhaspardhayovāca munimadhye vyavasthitaḥ

सूत जी ने कहा — उसका यह वचन सुनकर मुनीश्वर विश्वामित्र ने, मुनियों के मध्य खड़े होकर, वसिष्ठ के प्रति स्पर्धा से प्रेरित होकर कहा।

श्लोक 32 (skanda.6.4.32)

अहं त्वां याजयिष्यामि तेन यज्ञेन पार्थिव। गच्छसि त्रिदिवं येन इष्टमात्रेण तत्क्षणात्

ahaṁ tvāṁ yājayiṣyāmi tena yajñena pārthiva| gacchasi tridivaṁ yena iṣṭamātreṇa tatkṣaṇāt

हे राजन्! मैं आपसे उस यज्ञ का यजन कराऊँगा, जिससे यज्ञ पूर्ण होते ही उसी क्षण आप स्वर्ग को चले जाएँगे।

श्लोक 33 (skanda.6.4.33)

त्वमेवं विहितो भूप वासिष्ठैरंत्यजस्तु तैः। मया भूयोऽपि भूपालः कर्तव्यो नात्र संशयः

tvamevaṁ vihito bhūpa vāsiṣṭhairaṁtyajastu taiḥ| mayā bhūyo'pi bhūpālaḥ kartavyo nātra saṁśayaḥ

हे राजन्! भले ही वसिष्ठ के पुत्रों ने आपको अन्त्यज बना दिया हो, मैं निःसंदेह आपको पुनः राजा बनाऊँगा।

श्लोक 34 (skanda.6.4.34)

तस्मादागच्छ भूपाल तीर्थयात्रां मया सह। कुरु तीर्थप्रभावेण येन त्वं स्याः शुचिः पुनः

tasmādāgaccha bhūpāla tīrthayātrāṁ mayā saha| kuru tīrthaprabhāveṇa yena tvaṁ syāḥ śuciḥ punaḥ

अतः हे राजन्! मेरे साथ तीर्थयात्रा पर चलिए, जिससे तीर्थों के प्रभाव से आप पुनः शुद्ध हो जाएँ —

श्लोक 35 (skanda.6.4.35)

तथा यज्ञक्रियार्हश्च चंडालत्वविवर्जितः। नास्ति तत्पातकं यच्च तीर्थस्नानान्न नश्यति

tathā yajñakriyārhaśca caṁḍālatvavivarjitaḥ| nāsti tatpātakaṁ yacca tīrthasnānānna naśyati

— और चंडालत्व से मुक्त होकर पुनः यज्ञ-क्रिया के योग्य बनें, क्योंकि ऐसा कोई पाप नहीं है जो तीर्थ-स्नान से नष्ट न हो जाए।

श्लोक 36 (skanda.6.4.36)

सूत उवाच। एवं स निश्चयं कृत्वा गाधिपुत्रो मुनीश्वरः। त्रिशंकुं पृष्ठतः कृत्वा तीर्थयात्रामथाव्रजत्

sūta uvāca| evaṁ sa niścayaṁ kṛtvā gādhiputro munīśvaraḥ| triśaṁkuṁ pṛṣṭhataḥ kṛtvā tīrthayātrāmathāvrajat

सूत जी ने कहा — इस प्रकार निश्चय करके गाधिपुत्र मुनीश्वर ने त्रिशंकु को पीछे कर, तीर्थयात्रा आरम्भ की।

श्लोक 37 (skanda.6.4.37)

कुरुक्षेत्रं सरस्वत्यां प्रभासे कुरुजांगले। पृथूदके गयाशीर्षे नैमिषे पुष्करत्रये

kurukṣetraṁ sarasvatyāṁ prabhāse kurujāṁgale| pṛthūdake gayāśīrṣe naimiṣe puṣkaratraye

कुरुक्षेत्र, सरस्वती, प्रभास, कुरुजांगल, पृथूदक, गयाशीर्ष, नैमिष तथा त्रिपुष्कर में —

श्लोक 38 (skanda.6.4.38)

वाराणस्यां प्रयागे च केदारे श्रवणे नदे। चित्रकूटे च गोकर्णे शालिग्रामेऽचलेश्वरे

vārāṇasyāṁ prayāge ca kedāre śravaṇe nade| citrakūṭe ca gokarṇe śāligrāme'caleśvare

वाराणसी, प्रयाग, केदार, श्रवण नदी, चित्रकूट, गोकर्ण, शालिग्राम तथा अचलेश्वर में —

श्लोक 39 (skanda.6.4.39)

शुक्लतीर्थे सुराज्याख्ये दृषद्वति नदे शुभे। अथान्येषु सुपुण्येषु तीर्थेष्वायतनेषु च

śuklatīrthe surājyākhye dṛṣadvati nade śubhe| athānyeṣu supuṇyeṣu tīrtheṣvāyataneṣu ca

सुराज्य नामक शुक्लतीर्थ में, शुभ दृषद्वती नदी में, तथा अन्य अनेक परम पुण्य तीर्थों और देवालयों में भी —

श्लोक 40 (skanda.6.4.40)

एवं तस्य नरेंद्रस्य सार्धं तेन महात्मना। अतिक्रांतो महान्कालो भ्रममाणस्य भूतले

evaṁ tasya nareṁdrasya sārdhaṁ tena mahātmanā| atikrāṁto mahānkālo bhramamāṇasya bhūtale

इस प्रकार उस राजा का उस महात्मा के साथ पृथ्वी पर भ्रमण करते हुए बहुत लंबा समय बीत गया।

श्लोक 41 (skanda.6.4.41)

मुच्यते न च पापेन चंडालत्वेन स द्विजाः। एवंविधेषु तीर्थेषु स्नातोपि च पृथक्पृथक्

mucyate na ca pāpena caṁḍālatvena sa dvijāḥ| evaṁvidheṣu tīrtheṣu snātopi ca pṛthakpṛthak

हे द्विजो! इस प्रकार के तीर्थों में अलग-अलग स्नान करने पर भी वह चंडालत्व के पाप से मुक्त नहीं हुआ।

श्लोक 42 (skanda.6.4.42)

ततः क्रमात्समायातः सोऽर्बुदं पर्वतं प्रति। तत्रारुह्य समालोक्य पापघ्नमचलेश्वरम्

tataḥ kramātsamāyātaḥ so'rbudaṁ parvataṁ prati| tatrāruhya samālokya pāpaghnamacaleśvaram

फिर क्रमशः वह अर्बुद पर्वत की ओर आया, और वहाँ चढ़कर पापनाशक अचलेश्वर का दर्शन किया।

श्लोक 43 (skanda.6.4.43)

यावदायतनात्तस्मान्निर्गच्छति मुनीश्वरः। तावत्तेनेक्षितो नाममार्कंडो मुनिसत्तमः

yāvadāyatanāttasmānnirgacchati munīśvaraḥ| tāvattenekṣito nāmamārkaṁḍo munisattamaḥ

जब मुनीश्वर उस मंदिर से बाहर निकल रहे थे, तभी उन्हें मार्कण्ड नामक मुनिसत्तम ने देखा।

श्लोक 44 (skanda.6.4.44)

सोऽपि दृष्ट्वा जगन्मित्रं विश्वामित्रं मुनीश्वरम्। प्रोवाचाथ कुतः प्राप्तः सांप्रतं त्वं मुनीश्वर

so'pi dṛṣṭvā jaganmitraṁ viśvāmitraṁ munīśvaram| provācātha kutaḥ prāptaḥ sāṁprataṁ tvaṁ munīśvara

उन्होंने भी जगन्मित्र मुनीश्वर विश्वामित्र को देखकर कहा — हे मुनीश्वर! अभी आप कहाँ से आ रहे हैं?

श्लोक 45 (skanda.6.4.45)

कोऽयं तवानुगो रौद्रो दृश्यते चांत्यजाकृतिः। एतत्सर्वं समाचक्ष्व पृच्छतो मम सन्मुने

ko'yaṁ tavānugo raudro dṛśyate cāṁtyajākṛtiḥ| etatsarvaṁ samācakṣva pṛcchato mama sanmune

यह भयंकर और अन्त्यज के समान दिखने वाला आपका अनुगामी कौन है? हे सन्मुने! मेरे पूछने पर यह सब बताइए।

श्लोक 46 (skanda.6.4.46)

विश्वामित्र उवाच। एष पार्थिवशार्दूलस्त्रिशंकुरिति विश्रुतः। वसिष्ठस्य सुतैर्नीतश्चंडालत्वं प्रकोपतः

viśvāmitra uvāca| eṣa pārthivaśārdūlastriśaṁkuriti viśrutaḥ| vasiṣṭhasya sutairnītaścaṁḍālatvaṁ prakopataḥ

विश्वामित्र ने कहा — यह त्रिशंकु नाम से विख्यात राजाओं में सिंह के समान है, जिसे वसिष्ठ के पुत्रों ने क्रोधवश चंडालत्व को प्राप्त करा दिया है।

श्लोक 47 (skanda.6.4.47)

मया चास्य प्रतिज्ञातं सप्तद्वीपवतीं महीम्। प्रभ्रमिष्याम्यहं यावन्मेध्यत्वं त्वमुपेष्यसि

mayā cāsya pratijñātaṁ saptadvīpavatīṁ mahīm| prabhramiṣyāmyahaṁ yāvanmedhyatvaṁ tvamupeṣyasi

और मैंने इसके लिए यह प्रतिज्ञा की है कि जब तक तू शुद्धता को प्राप्त नहीं होगा, तब तक मैं सप्तद्वीपवती पृथ्वी पर भ्रमण करता रहूँगा।

श्लोक 48 (skanda.6.4.48)

भ्रांतोऽहं भूतले यानि तीर्थान्यायतनानि च। नचैष मेध्यतां प्राप्तः परिश्रांतोस्मि सांप्रतम्

bhrāṁto'haṁ bhūtale yāni tīrthānyāyatanāni ca| nacaiṣa medhyatāṁ prāptaḥ pariśrāṁtosmi sāṁpratam

पृथ्वी पर जितने भी तीर्थ और देवालय हैं, उन सबमें मैं भ्रमण कर चुका हूँ, फिर भी यह शुद्धता को प्राप्त नहीं हुआ, और अब मैं अत्यंत थक गया हूँ।

श्लोक 49 (skanda.6.4.49)

तस्मात्सर्वां महीं त्यक्त्वा लज्जया परया युतः। द्वीपान्महार्णवांस्त्यक्त्वा संप्रयास्याम्यतः परम्

tasmātsarvāṁ mahīṁ tyaktvā lajjayā parayā yutaḥ| dvīpānmahārṇavāṁstyaktvā saṁprayāsyāmyataḥ param

अतः अत्यंत लज्जा से युक्त होकर मैं अब समस्त पृथ्वी को, द्वीपों और महासागरों को त्यागकर यहाँ से चला जाऊँगा।

श्लोक 50 (skanda.6.4.50)

मा वसिष्ठस्य पुत्राणामुपहासपदं गतः। प्रतिज्ञारहितो विप्र सत्यमेद्ब्रवीम्यहम्

mā vasiṣṭhasya putrāṇāmupahāsapadaṁ gataḥ| pratijñārahito vipra satyamedbravīmyaham

हे विप्र! प्रतिज्ञा से च्युत होकर मैं वसिष्ठ के पुत्रों के उपहास का पात्र न बनूँ — यह मैं सत्य कहता हूँ।

श्लोक 51 (skanda.6.4.51)

श्रीमार्कंडेय उवाच। यद्येवं मुनिशार्दूल कुरुष्व वचनं मम। सप्तद्वीपवतीं पृथ्वीं मा त्यक्त्वा कुत्रचिद्व्रज

śrīmārkaṁḍeya uvāca| yadyevaṁ muniśārdūla kuruṣva vacanaṁ mama| saptadvīpavatīṁ pṛthvīṁ mā tyaktvā kutracidvraja

श्री मार्कण्डेय ने कहा — हे मुनिशार्दूल! यदि ऐसा है, तो मेरा वचन मानिए और सप्तद्वीपवती पृथ्वी को त्यागकर कहीं और मत जाइए।

श्लोक 52 (skanda.6.4.52)

एतस्मात्पर्वतात्क्षेत्रं हाटकेश्वरसंज्ञितम्। अस्ति नैर्ऋतदिग्भागे देशे चानर्तसंज्ञके

etasmātparvatātkṣetraṁ hāṭakeśvarasaṁjñitam| asti nairṛtadigbhāge deśe cānartasaṁjñake

इस पर्वत से नैर्ऋत्य दिशा में, अनर्त नामक देश में, हाटकेश्वर नामक क्षेत्र है।

श्लोक 53 (skanda.6.4.53)

तत्राद्यं स्थापितं लिंगं हाटकेन सुरोत्तमैः। यत्तत्संकीर्त्यते लोके पाताले हाटकेश्वरम्

tatrādyaṁ sthāpitaṁ liṁgaṁ hāṭakena surottamaiḥ| yattatsaṁkīrtyate loke pātāle hāṭakeśvaram

वहाँ श्रेष्ठ देवताओं द्वारा स्वर्ण से बनाया गया प्रथम लिंग स्थापित है, जो लोक में पाताल-स्थित हाटकेश्वर के नाम से प्रसिद्ध है।

श्लोक 54 (skanda.6.4.54)

पातालजाह्नवीतोयं यत्रैवास्ति द्विजोत्तम। उद्धृते शंभुना लिंगे विनिष्क्रांतं रसातलात्

pātālajāhnavītoyaṁ yatraivāsti dvijottama| uddhṛte śaṁbhunā liṁge viniṣkrāṁtaṁ rasātalāt

हे द्विजोत्तम! वहीं पाताल की गंगा का जल भी है, जो शंभु द्वारा लिंग के उखड़ने पर रसातल से निकल आया था।

श्लोक 55 (skanda.6.4.55)

तत्र प्रविश्य यत्नेन पातालं वसुधाधिपः। करोतु जाह्नवीतोये स्नानं श्रद्धासमन्वितः

tatra praviśya yatnena pātālaṁ vasudhādhipaḥ| karotu jāhnavītoye snānaṁ śraddhāsamanvitaḥ

वहाँ पाताल में यत्नपूर्वक प्रवेश कर, यह राजा श्रद्धापूर्वक गंगाजल में स्नान करे।

श्लोक 56 (skanda.6.4.56)

पश्चात्पश्यतु तल्लिंगं हाटकेश्वरसंज्ञितम्। भविष्यति ततः शुद्धश्चंडालत्वविवर्जितः

paścātpaśyatu talliṁgaṁ hāṭakeśvarasaṁjñitam| bhaviṣyati tataḥ śuddhaścaṁḍālatvavivarjitaḥ

फिर वह हाटकेश्वर नामक उस लिंग का दर्शन करे; इससे वह शुद्ध होकर चंडालत्व से मुक्त हो जाएगा।

श्लोक 57 (skanda.6.4.57)

त्वमपि प्राप्स्यसि श्रेयः परं हृदयसंस्थितम्। ततोन्यदपि यत्किंचित्तत्रैव तपसि स्थितः

tvamapi prāpsyasi śreyaḥ paraṁ hṛdayasaṁsthitam| tatonyadapi yatkiṁcittatraiva tapasi sthitaḥ

आप भी हृदय में स्थित परम श्रेय को प्राप्त करेंगे, और वहीं तपस्या में स्थित रहने पर इसके अतिरिक्त और भी जो कुछ चाहेंगे, वह प्राप्त होगा।

श्लोक 58 (skanda.6.4.58)

सूत उवाच। तस्य तद्वचनं श्रुत्वा विश्वामित्रो मुनीश्वरः। त्रिशंकुना समायुक्तो गतस्तत्र द्रुतं ततः

sūta uvāca| tasya tadvacanaṁ śrutvā viśvāmitro munīśvaraḥ| triśaṁkunā samāyukto gatastatra drutaṁ tataḥ

सूत जी ने कहा — उसका यह वचन सुनकर मुनीश्वर विश्वामित्र त्रिशंकु के साथ शीघ्र ही वहाँ चले गए।

श्लोक 59 (skanda.6.4.59)

पाताले देवमार्गेण प्रविश्य नृपसत्तमम्। त्रिशंकुं स्नापयामास विधिदृष्टेन कर्मणा

pātāle devamārgeṇa praviśya nṛpasattamam| triśaṁkuṁ snāpayāmāsa vidhidṛṣṭena karmaṇā

देवमार्ग से पाताल में प्रवेश करके उन्होंने विधिपूर्वक उस श्रेष्ठ राजा त्रिशंकु को स्नान कराया।

श्लोक 60 (skanda.6.4.60)

स्नातमात्रोथ राजा स हाटकेश्वदर्शनात्। चंडालत्वेन निर्मुक्तो बभूवार्कसमद्युतिः

snātamātrotha rājā sa hāṭakeśvadarśanāt| caṁḍālatvena nirmukto babhūvārkasamadyutiḥ

स्नान करते ही वह राजा हाटकेश्वर के दर्शन मात्र से चंडालत्व से मुक्त होकर सूर्य के समान तेजस्वी हो गया।

श्लोक 61 (skanda.6.4.61)

ततस्तं स मुनिः प्राह प्रणतं गतकल्मषम्। दिष्ट्या मुक्तोसि राजेंद्र चंडालत्वेन सांप्रतम्

tatastaṁ sa muniḥ prāha praṇataṁ gatakalmaṣam| diṣṭyā muktosi rājeṁdra caṁḍālatvena sāṁpratam

तब उस मुनि ने प्रणत, निष्पाप हुए उससे कहा — हे राजेन्द्र! सौभाग्य से अब आप चंडालत्व से मुक्त हो गए हैं।

श्लोक 62 (skanda.6.4.62)

दिष्ट्या प्राप्तः परं तेजो दिष्ट्या प्राप्तः परं तपः। तस्माद्यजस्व सत्रेण विधिवद्दक्षिणावता

diṣṭyā prāptaḥ paraṁ tejo diṣṭyā prāptaḥ paraṁ tapaḥ| tasmādyajasva satreṇa vidhivaddakṣiṇāvatā

सौभाग्य से आपने परम तेज पाया, सौभाग्य से परम तप पाया; अतः विधिपूर्वक दक्षिणा सहित सत्र-यज्ञ कीजिए।

श्लोक 63 (skanda.6.4.63)

येन संप्राप्स्यसे सिद्धिं नित्यं या हृदये स्थिता। त्वत्कृते प्रार्थयिष्यामि स्वयं गत्वा पितामहम्

yena saṁprāpsyase siddhiṁ nityaṁ yā hṛdaye sthitā| tvatkṛte prārthayiṣyāmi svayaṁ gatvā pitāmaham

इससे आप उस सिद्धि को प्राप्त करेंगे, जो सदा आपके हृदय में स्थित है। आपके लिए मैं स्वयं जाकर पितामह से प्रार्थना करूँगा।

श्लोक 64 (skanda.6.4.64)

मखांशं सर्वदेवाद्यो येन गृह्णाति ते मखे। तस्मादत्रैव संभारान्सर्वान्यज्ञसमुद्भवान्। आनय ब्रह्मलोकाच्च यावदागमनं मम

makhāṁśaṁ sarvadevādyo yena gṛhṇāti te makhe| tasmādatraiva saṁbhārānsarvānyajñasamudbhavān| ānaya brahmalokācca yāvadāgamanaṁ mama

जिससे सब देवताओं में प्रथम पितामह स्वयं आपके यज्ञ में हविर्भाग ग्रहण करें। अतः जब तक मैं ब्रह्मलोक से लौटकर न आऊँ, तब तक यज्ञ की समस्त सामग्री यहीं एकत्र कीजिए।

श्लोक 65 (skanda.6.4.65)

बाढमित्येव सोऽप्याह स मुनिः संशितव्रतः। पितामहमुपागम्य प्रणिपत्याब्रवीद्वचः

bāḍhamityeva so'pyāha sa muniḥ saṁśitavrataḥ| pitāmahamupāgamya praṇipatyābravīdvacaḥ

"अच्छा" कहकर राजा ने स्वीकार किया, और वे कठोर व्रतधारी मुनि पितामह के पास जाकर, प्रणाम कर यह वचन बोले।

श्लोक 66 (skanda.6.4.66)

याजयिष्याम्यहं भूपं त्रिशंकुं प्रपितामह। मानुषेण शरीरेण येन गच्छति ते पदम्

yājayiṣyāmyahaṁ bhūpaṁ triśaṁkuṁ prapitāmaha| mānuṣeṇa śarīreṇa yena gacchati te padam

हे प्रपितामह! मैं राजा त्रिशंकु से यज्ञ कराऊँगा, जिससे वह मानुष शरीर के साथ ही आपके लोक को प्राप्त हो जाए।

श्लोक 67 (skanda.6.4.67)

तस्मादागच्छ तत्र त्वं यज्ञवाटं पितामह। सर्वैः सुरगणैः सार्धं शिवविष्णुपुरःसरैः

tasmādāgaccha tatra tvaṁ yajñavāṭaṁ pitāmaha| sarvaiḥ suragaṇaiḥ sārdhaṁ śivaviṣṇupuraḥsaraiḥ

अतः हे पितामह! शिव और विष्णु को आगे कर समस्त देवगणों के साथ आप उस यज्ञवाट में पधारिए।

श्लोक 68 (skanda.6.4.68)

प्रगृहाण स्वहस्तेन यज्ञभागं यथोचितम्। सशरीरो दिवं याति येनासौ त्वत्प्रसादतः

pragṛhāṇa svahastena yajñabhāgaṁ yathocitam| saśarīro divaṁ yāti yenāsau tvatprasādataḥ

अपने हाथ से यथोचित यज्ञभाग ग्रहण कीजिए, जिससे आपके प्रसाद से वह इसी शरीर सहित स्वर्ग को जाए।

श्लोक 69 (skanda.6.4.69)

ब्रह्मोवाच। न यज्ञकर्मणा स्वर्गःस्वेन कायेन लभ्यते। मुक्त्वा देहांतरं ब्रह्मंस्तस्मान्मैवं वदस्व माम्

brahmovāca| na yajñakarmaṇā svargaḥsvena kāyena labhyate| muktvā dehāṁtaraṁ brahmaṁstasmānmaivaṁ vadasva mām

ब्रह्मा ने कहा — यज्ञ-कर्म से इसी शरीर के साथ स्वर्ग कभी प्राप्त नहीं होता, वह तो देहांतर त्यागने पर ही मिलता है, हे ब्रह्मन्! अतः मुझसे ऐसा मत कहो।

श्लोक 70 (skanda.6.4.70)

वयमग्निमुखाः सर्वे हविर्गृह्णामहे मखे। वेदोक्तविधिना सम्यग्यजमानहिताय वै

vayamagnimukhāḥ sarve havirgṛhṇāmahe makhe| vedoktavidhinā samyagyajamānahitāya vai

हम सब देवता यज्ञ में यजमान के हित के लिए वेदोक्त विधि से भलीभाँति अग्निमुख से ही हवि ग्रहण करते हैं।

श्लोक 71 (skanda.6.4.71)

तस्माद्वह्निमुखे भूयः स जुहोति हविर्द्विज। ततः संप्राप्स्यति स्वर्गं त्वत्प्रसादादसंशयम्

tasmādvahnimukhe bhūyaḥ sa juhoti havirdvija| tataḥ saṁprāpsyati svargaṁ tvatprasādādasaṁśayam

हे द्विज! अतः वह पुनः अग्निमुख में ही हवि दे; तब आपके प्रसाद से वह निःसंदेह स्वर्ग प्राप्त कर लेगा।