जमदग्नि-वध

श्लोक 1 (skanda.6.66.1)

सूत उवाच॥ तथा तत्रास्ति विख्यातं रामह्रद इति स्मृतम्॥ यत्र ते पितरस्तेन रुधिरेण प्रतर्पिताः

sūta uvāca tathā tatrāsti vikhyātaṁ rāmahrada iti smṛtam yatra te pitarastena rudhireṇa pratarpitāḥ

सूत जी ने कहा — वहाँ रामह्रद नामक एक विख्यात स्थान है, जहाँ उसने रक्त से अपने पितरों को तृप्त किया था।

श्लोक 2 (skanda.6.66.2)

तत्र भाद्रपदे मासि योऽमावास्यामवाप्य च॥ पितॄन्संतर्पयेद्भक्त्या सोऽश्वमेधफलं लभेत्

tatra bhādrapade māsi yo'māvāsyāmavāpya ca pitṝnsaṁtarpayedbhaktyā so'śvamedhaphalaṁ labhet

जो कोई भाद्रपद मास की अमावस्या को वहाँ पहुँचकर भक्तिपूर्वक अपने पितरों को तृप्त करता है, वह अश्वमेध यज्ञ का फल प्राप्त करता है।

श्लोक 3 (skanda.6.66.3)

ऋषय ऊचुः॥ अत्याश्चर्यमिदं सूत यद्ब्रवीषि महामते॥ यत्तेन पितरस्तत्र रुधिरेण प्रतर्पिताः

ṛṣaya ūcuḥ atyāścaryamidaṁ sūta yadbravīṣi mahāmate yattena pitarastatra rudhireṇa pratarpitāḥ

ऋषियों ने कहा — हे महामते सूत! यह जो तुम कह रहे हो, बड़ा ही आश्चर्यजनक है, कि वहाँ पितरों को रक्त से तृप्त किया गया।

श्लोक 4 (skanda.6.66.4)

पितृणां तर्पणार्थाय मेध्याः संकीर्तिता बुधैः॥ पदार्था रुधिरं प्रोक्तं राक्षसानां प्रतर्पणे

pitṛṇāṁ tarpaṇārthāya medhyāḥ saṁkīrtitā budhaiḥ padārthā rudhiraṁ proktaṁ rākṣasānāṁ pratarpaṇe

पितरों की तृप्ति के लिए बुद्धिमानों ने पवित्र पदार्थों को ही उपयुक्त बताया है; रक्त तो राक्षसों की तृप्ति के लिए कहा गया है।

श्लोक 5 (skanda.6.66.5)

श्रुतिस्मृतिविरुद्धं च कर्म सद्भिर्विगर्हितम्॥ जामदग्न्येन तच्चीर्णं कस्मात्सूत वदस्व नः

śrutismṛtiviruddhaṁ ca karma sadbhirvigarhitam jāmadagnyena taccīrṇaṁ kasmātsūta vadasva naḥ

यह कर्म तो श्रुति और स्मृति के विरुद्ध है और सज्जनों द्वारा निंदित है; फिर जमदग्नि-पुत्र ने ऐसा क्यों किया? हे सूत! हमें बताइए।

श्लोक 6 (skanda.6.66.6)

सूत उवाच॥ तेन कोपवशात्कर्म प्रतिज्ञां परिरक्षता॥ तत्कृतं तर्पिता येन पितरो रुधिरेण ते

sūta uvāca tena kopavaśātkarma pratijñāṁ parirakṣatā tatkṛtaṁ tarpitā yena pitaro rudhireṇa te

सूत जी ने कहा — क्रोध के वशीभूत होकर, अपनी प्रतिज्ञा की रक्षा करते हुए, उसने वह कर्म किया, जिससे उन पितरों को रक्त से तृप्त किया गया।

श्लोक 7 (skanda.6.66.7)

पिता तस्य पुरा विप्रा जमदग्निर्निपातितः॥ क्षत्रियेण स्वधर्मस्थो विना दोषं द्विजोत्तमाः

pitā tasya purā viprā jamadagnirnipātitaḥ kṣatriyeṇa svadharmastho vinā doṣaṁ dvijottamāḥ

हे विप्रो! उसके पिता जमदग्नि, जो स्वधर्म में स्थित तथा निर्दोष थे, पूर्वकाल में एक क्षत्रिय द्वारा मार डाले गए थे।

श्लोक 8 (skanda.6.66.8)

ततः कोपपरीतेन तेन प्रोक्तं महात्मना॥ रक्तेन क्षत्रियोत्थेन संतर्प्याः पितरो मया

tataḥ kopaparītena tena proktaṁ mahātmanā raktena kṣatriyotthena saṁtarpyāḥ pitaro mayā

तब क्रोध से भरे उस महात्मा ने कहा — 'मैं अपने पितरों को क्षत्रियों के ही रक्त से तृप्त करूँगा।'

श्लोक 9 (skanda.6.66.9)

एतस्मात्कारणात्तेन रुधिरेण महात्मना॥ पितरस्तर्पिता सम्यक्तिलमिश्रेण भक्तितः

etasmātkāraṇāttena rudhireṇa mahātmanā pitarastarpitā samyaktilamiśreṇa bhaktitaḥ

इसी कारण उस महात्मा ने उस रक्त को तिल में मिलाकर भक्तिपूर्वक अपने पितरों को भली-भाँति तृप्त किया।

श्लोक 10 (skanda.6.66.10)

ऋषय ऊचुः॥ जमदग्निर्हतः कस्मात्क्षत्रियेण महामुनिः॥ किंनामा स च भूपालो विस्तराद्वद सूत तत्

ṛṣaya ūcuḥ jamadagnirhataḥ kasmātkṣatriyeṇa mahāmuniḥ kiṁnāmā sa ca bhūpālo vistarādvada sūta tat

ऋषियों ने कहा — महामुनि जमदग्नि किस कारण से क्षत्रिय द्वारा मारे गए? उस राजा का नाम क्या था? हे सूत! वह सब विस्तार से बताइए।

श्लोक 11 (skanda.6.66.11)

सूत उवाच॥ ऋचीकतनयः पूर्वं जमदग्निरिति स्मृतः॥ हाटकेश्वरजे क्षेत्रे तत्रासीद्दग्धकल्मषः

sūta uvāca ṛcīkatanayaḥ pūrvaṁ jamadagniriti smṛtaḥ hāṭakeśvaraje kṣetre tatrāsīddagdhakalmaṣaḥ

सूत जी ने कहा — पूर्वकाल में ऋचीक के पुत्र जमदग्नि, जो पाप-रहित थे, उसी हाटकेश्वर क्षेत्र में निवास करते थे।

श्लोक 12 (skanda.6.66.12)

चत्वारस्तस्य पुत्राश्च बभूवुर्गुणसंयुताः॥ जघन्योऽपि गुणज्येष्ठस्तेषां रामो बभूव ह

catvārastasya putrāśca babhūvurguṇasaṁyutāḥ jaghanyo'pi guṇajyeṣṭhasteṣāṁ rāmo babhūva ha

उसके चार पुत्र थे, जो सभी गुणों से सम्पन्न थे; उनमें राम, यद्यपि सबसे छोटे थे, फिर भी गुणों में सबसे श्रेष्ठ हुए।

श्लोक 13 (skanda.6.66.13)

कदाचिद्वसतस्तस्य जमदग्नेर्महावने॥ पुत्रेषु कन्दमूलार्थं निर्गतेषु वनाद्बहिः

kadācidvasatastasya jamadagnermahāvane putreṣu kandamūlārthaṁ nirgateṣu vanādbahiḥ

एक बार जब जमदग्नि उस विशाल वन में निवास कर रहे थे, और उनके पुत्र कंद-मूल की खोज में वन से बाहर गए हुए थे —

श्लोक 14 (skanda.6.66.14)

एतस्मिन्नंतरे प्राप्तो हैहयाधिपतिर्बली॥ सहस्रार्जुन इत्येव विख्यातो यो महीतले

etasminnaṁtare prāpto haihayādhipatirbalī sahasrārjuna ityeva vikhyāto yo mahītale

— इसी बीच हैहयराज का बलशाली स्वामी, जो पृथ्वी पर सहस्रार्जुन के नाम से विख्यात था, वहाँ आ पहुँचा।

श्लोक 15 (skanda.6.66.15)

मृगलिप्सुर्वने तस्मिन्भ्रममाण इतस्ततः॥ श्रमार्तो वृषराशिस्थे भास्करे दिनमध्यगे

mṛgalipsurvane tasminbhramamāṇa itastataḥ śramārto vṛṣarāśisthe bhāskare dinamadhyage

मृग-शिकार की इच्छा से उस वन में इधर-उधर भटकते हुए, जब सूर्य वृष राशि में मध्याह्न में स्थित था, वह थक गया।

श्लोक 16 (skanda.6.66.16)

ततस्तमाश्रमं दृष्ट्वा नानाद्रुम समाकुलम्॥ चतुरंगेन सैन्येन सहितः प्रविवेश ह

tatastamāśramaṁ dṛṣṭvā nānādruma samākulam caturaṁgena sainyena sahitaḥ praviveśa ha

तब उस विविध वृक्षों से भरे आश्रम को देखकर, वह अपनी चतुरंगिणी सेना सहित उसमें प्रविष्ट हुआ।

श्लोक 17 (skanda.6.66.17)

अथापश्यत्स तत्रस्थं जमदग्निं महामुनिम्॥ उपविष्टं कृतस्नानं देवार्चनपरायणम्

athāpaśyatsa tatrasthaṁ jamadagniṁ mahāmunim upaviṣṭaṁ kṛtasnānaṁ devārcanaparāyaṇam

वहाँ उसने महामुनि जमदग्नि को देखा, जो स्नान करके बैठे हुए देवपूजा में तत्पर थे।

श्लोक 18 (skanda.6.66.18)

अथ तं पार्थिवं दृष्ट्वा स मुनिस्तुष्टिसंयुतः॥ अर्घं दत्त्वा यथान्यायं स्वागतेनाभिनंद्य च

atha taṁ pārthivaṁ dṛṣṭvā sa munistuṣṭisaṁyutaḥ arghaṁ dattvā yathānyāyaṁ svāgatenābhinaṁdya ca

तब उस राजा को देखकर वह मुनि प्रसन्न होकर, विधिपूर्वक अर्घ्य देकर और स्वागत करके उसका अभिनंदन करने लगा।

श्लोक 19 (skanda.6.66.19)

सोऽपि तं प्रणिपत्योच्चैर्विनयेन समन्वितः॥ प्रतिसंभाषयामास कुशलं पर्यपृच्छत

so'pi taṁ praṇipatyoccairvinayena samanvitaḥ pratisaṁbhāṣayāmāsa kuśalaṁ paryapṛcchata

वह भी अत्यंत विनयपूर्वक उन्हें प्रणाम कर, उनसे वार्तालाप करने लगा और उनकी कुशलता पूछी।

श्लोक 20 (skanda.6.66.20)

राजोवाच॥ कच्चित्ते कुशलं विप्र पुत्रशिष्यान्वितस्य च॥ साग्निहोत्र कलत्रस्य परिवारयुतस्य च

rājovāca kaccitte kuśalaṁ vipra putraśiṣyānvitasya ca sāgnihotra kalatrasya parivārayutasya ca

राजा ने कहा — 'हे विप्र! क्या आप सकुशल हैं — पुत्रों, शिष्यों, अग्निहोत्र, पत्नी और परिवार सहित?'

श्लोक 21 (skanda.6.66.21)

अद्य मे सफलं जन्म जीवितं सफलं च मे॥ यत्त्वं तपोनिधिर्दृष्टः सर्वलोकनमस्कृतः

adya me saphalaṁ janma jīvitaṁ saphalaṁ ca me yattvaṁ taponidhirdṛṣṭaḥ sarvalokanamaskṛtaḥ

'आज मेरा जन्म सफल हुआ, और मेरा जीवन भी सफल हुआ, क्योंकि मैंने आपका दर्शन किया, जो तपोनिधि तथा समस्त लोक द्वारा वंदनीय हैं।'

श्लोक 22 (skanda.6.66.22)

एवमुक्त्वा स राजर्षिर्विश्रम्य सुचिरं ततः॥ पीत्वापस्तमुवाचेदं प्रणिपत्य महामुनिम्

evamuktvā sa rājarṣirviśramya suciraṁ tataḥ pītvāpastamuvācedaṁ praṇipatya mahāmunim

ऐसा कहकर वह राजर्षि वहाँ बहुत देर तक विश्राम करके और जल पीकर, महामुनि को प्रणाम करते हुए यह बोला।

श्लोक 23 (skanda.6.66.23)

अनुज्ञां देहि मे ब्रह्मन्प्रयास्यामि निजं गृहम्॥ मम कृत्यं समादेश्यं येन ते स्यात्प्रयोजनम्

anujñāṁ dehi me brahmanprayāsyāmi nijaṁ gṛham mama kṛtyaṁ samādeśyaṁ yena te syātprayojanam

'हे ब्रह्मन्! मुझे अनुमति दीजिए, मैं अपने घर जाऊँगा। यदि आपको मेरे किसी कार्य की आवश्यकता हो, तो आदेश दीजिए।'

श्लोक 24 (skanda.6.66.24)

जमदग्निरुवाच॥ देवतार्चनवेलायां त्वं मे गृहमुपागतः॥ मनोरथ इव ध्यातः सर्वदेवमयोऽतिथिः

jamadagniruvāca devatārcanavelāyāṁ tvaṁ me gṛhamupāgataḥ manoratha iva dhyātaḥ sarvadevamayo'tithiḥ

जमदग्नि ने कहा — 'देवपूजा के समय ही तुम मेरे घर आए हो — मानो मेरे मनोरथ के अनुरूप ध्यान किया हुआ, सर्वदेवमय अतिथि।'

श्लोक 25 (skanda.6.66.25)

तस्मान्मेऽस्ति परा प्रीतिर्भक्तिश्च नृपसत्तम॥ तत्कुरुष्व मया दत्तं स्वहस्तेनैव भोजनम्

tasmānme'sti parā prītirbhaktiśca nṛpasattama tatkuruṣva mayā dattaṁ svahastenaiva bhojanam

'अतः हे नृपसत्तम! मुझे अत्यंत प्रीति और भक्ति है; इसलिए मेरे अपने हाथों से दिया गया यह भोजन ग्रहण करो।'

श्लोक 26 (skanda.6.66.26)

राजा वा ब्राह्मणो वाथ शूद्रो वाप्यंत्यजोऽपि वा॥ वैश्वदेवान्तसंप्राप्तः सोऽतिथिः स्वर्गसंक्रमः

rājā vā brāhmaṇo vātha śūdro vāpyaṁtyajo'pi vā vaiśvadevāntasaṁprāptaḥ so'tithiḥ svargasaṁkramaḥ

'चाहे राजा हो, ब्राह्मण हो, शूद्र हो अथवा अंत्यज ही क्यों न हो — वैश्वदेव के अंत में प्राप्त हुआ अतिथि स्वर्ग की सीढ़ी होता है।'

श्लोक 27 (skanda.6.66.27)

राजोवाच॥ ममैते सैनिका ब्रह्मञ्छतशोऽथ सहस्रशः॥ तैरभुक्तैः कथं भोक्तुं युज्यते मम कीर्तय

rājovāca mamaite sainikā brahmañchataśo'tha sahasraśaḥ tairabhuktaiḥ kathaṁ bhoktuṁ yujyate mama kīrtaya

राजा ने कहा — 'हे ब्रह्मन्! मेरे ये सैनिक सैकड़ों और हजारों की संख्या में हैं; उनके भूखे रहते हुए मेरे लिए अकेले भोजन करना कैसे उचित होगा, यह मुझे बताइए।'

श्लोक 28 (skanda.6.66.28)

जमदग्निरुवाच॥ सर्वेषां सैनिकानां ते संप्रदास्यामि भोजनम्॥ नात्र चिंता त्वया कार्या मुनिर्निष्किंचनो ह्यहम्

jamadagniruvāca sarveṣāṁ sainikānāṁ te saṁpradāsyāmi bhojanam nātra ciṁtā tvayā kāryā munirniṣkiṁcano hyaham

जमदग्नि ने कहा — 'मैं तुम्हारे समस्त सैनिकों को भोजन कराऊँगा; तुम्हें इसकी कोई चिंता करने की आवश्यकता नहीं है, यद्यपि मैं एक निष्किंचन मुनि ही हूँ।'

श्लोक 29 (skanda.6.66.29)

यैषा पश्यति राजेंद्र धेनुर्बद्धा ममांतिके॥ एषा सूते मनोभीष्टं प्रार्थिता सर्वदैव हि

yaiṣā paśyati rājeṁdra dhenurbaddhā mamāṁtike eṣā sūte manobhīṣṭaṁ prārthitā sarvadaiva hi

'हे राजेन्द्र! जो यह गाय मेरे पास बँधी हुई दिखाई देती है, यह जो भी मनोवांछित वस्तु माँगी जाए, वह सदा ही प्रसव करती है।'

श्लोक 30 (skanda.6.66.30)

सूत उवाच॥ ततश्च कौतुकाविष्टः स नृपो द्विजसत्तमाः॥ बाढमित्येव संप्रोच्य तस्मिन्नेवाश्रमे स्थितः

sūta uvāca tataśca kautukāviṣṭaḥ sa nṛpo dvijasattamāḥ bāḍhamityeva saṁprocya tasminnevāśrame sthitaḥ

सूत जी ने कहा — हे द्विजसत्तमो! तब कौतूहल से भरे उस राजा ने केवल 'ठीक है' कहकर उसी आश्रम में निवास किया।

श्लोक 31 (skanda.6.66.31)

ततः संतर्प्य देवांश्च पितॄंश्च तदनंतरम्॥ पूजयित्वा हविर्वाहं ब्राह्मणांश्च ततः परम्

tataḥ saṁtarpya devāṁśca pitṝṁśca tadanaṁtaram pūjayitvā havirvāhaṁ brāhmaṇāṁśca tataḥ param

तब देवताओं को तृप्त करके, तत्पश्चात् पितरों को, फिर हविर्वाहक अग्नि की पूजा करके और उसके बाद ब्राह्मणों को —

श्लोक 32 (skanda.6.66.32)

उपविष्टस्ततः सार्धं सर्वैर्भृत्यैर्बुभुक्षितैः॥ श्रमार्तैर्विस्मयाविष्टैः कृते तस्य द्विजोत्तमाः

upaviṣṭastataḥ sārdhaṁ sarvairbhṛtyairbubhukṣitaiḥ śramārtairvismayāviṣṭaiḥ kṛte tasya dvijottamāḥ

— हे द्विजोत्तमो! फिर वह अपने सभी भूखे और थके हुए सेवकों के साथ बैठ गया, जो उसके लिए किए गए इस कार्य से आश्चर्यचकित थे।

श्लोक 33 (skanda.6.66.33)

ततः स प्रार्थयामास तां धेनुं मुनिसत्तमः॥ यो यत्प्रार्थयते देहि भोज्यार्थं तस्य तच्छुभे

tataḥ sa prārthayāmāsa tāṁ dhenuṁ munisattamaḥ yo yatprārthayate dehi bhojyārthaṁ tasya tacchubhe

तब उस श्रेष्ठ मुनि ने उस गाय से प्रार्थना की — 'हे शुभे! जो भी जो कुछ भोजन के लिए माँगे, वह उसे दे दो।'

श्लोक 34 (skanda.6.66.34)

ततः सा सुषुवे धेनुरन्नमुच्चावचं शुभम्॥ पक्वान्नं च विशेषेण चित्ताह्लादकरं परम्

tataḥ sā suṣuve dhenurannamuccāvacaṁ śubham pakvānnaṁ ca viśeṣeṇa cittāhlādakaraṁ param

तब उस गाय ने अनेक प्रकार के शुभ अन्न, विशेष रूप से पके हुए व्यंजन, जो मन को अत्यंत आह्लादित करने वाले थे, उत्पन्न किए।

श्लोक 35 (skanda.6.66.35)

ततः खाद्यं च चव्यं च लेह्यं चोष्यं तथैव च॥ व्यंजनानि विचित्राणि कषायकटुकानि च॥ अम्लानि मधुराण्येव तिक्तानि गुणवंति च

tataḥ khādyaṁ ca cavyaṁ ca lehyaṁ coṣyaṁ tathaiva ca vyaṁjanāni vicitrāṇi kaṣāyakaṭukāni ca amlāni madhurāṇyeva tiktāni guṇavaṁti ca

फिर चबाने योग्य, चूसने योग्य, चाटने योग्य तथा पीने योग्य पदार्थ; विविध प्रकार के व्यंजन — कषाय, कटु, अम्ल, मधुर तथा तिक्त — सभी गुणों से युक्त।

श्लोक 36 (skanda.6.66.36)

एवं प्राप्य परां तृप्तिं तया धेन्वा स भूपतिः॥ सेवकैः सबलैः सार्ध मन्नैरमृतसंभवैः

evaṁ prāpya parāṁ tṛptiṁ tayā dhenvā sa bhūpatiḥ sevakaiḥ sabalaiḥ sārdha mannairamṛtasaṁbhavaiḥ

इस प्रकार उस गाय से परम तृप्ति प्राप्त कर, वह राजा अपने बलशाली सेवकों सहित अमृत के समान उन अन्नों से तृप्त हुआ।

श्लोक 37 (skanda.6.66.37)

ततो भुक्त्यवसाने तु प्रार्थयामास भूपतिः॥ तां धेनुं विस्मयाविष्टो जमदग्निं महामुनिम्

tato bhuktyavasāne tu prārthayāmāsa bhūpatiḥ tāṁ dhenuṁ vismayāviṣṭo jamadagniṁ mahāmunim

तब भोजन समाप्त होने पर, आश्चर्यचकित राजा ने महामुनि जमदग्नि से उस गाय के लिए प्रार्थना की।

श्लोक 38 (skanda.6.66.38)

कामधेनुरियं ब्रह्मन्नार्हारण्यनिवासिनाम्॥ मुनीनां शान्तचित्तानां तस्माद्यच्छ मम स्वयम्

kāmadhenuriyaṁ brahmannārhāraṇyanivāsinām munīnāṁ śāntacittānāṁ tasmādyaccha mama svayam

'हे ब्रह्मन्! यह कामधेनु वन में निवास करने वाले शांतचित्त मुनियों के योग्य नहीं है; अतः इसे आप स्वयं मुझे दे दीजिए।'

श्लोक 39 (skanda.6.66.39)

येनाऽकरान्करोम्यद्य लोकांस्तस्याः प्रभावतः॥ साधयामि च दुर्गस्थाञ्छत्रून्भूरिबलान्वितान्

yenā'karānkaromyadya lokāṁstasyāḥ prabhāvataḥ sādhayāmi ca durgasthāñchatrūnbhūribalānvitān

'जिससे मैं आज उसके प्रभाव से समस्त प्रजाओं को करमुक्त कर सकूँ, तथा दुर्गम स्थानों में स्थित प्रबल शत्रुओं का भी दमन कर सकूँ।'

श्लोक 40 (skanda.6.66.40)

एवं कृते तव श्रेयो भविष्यति च सद्यशः॥ इह लोके परे चैव तस्मात्कुरु मयोदितम्

evaṁ kṛte tava śreyo bhaviṣyati ca sadyaśaḥ iha loke pare caiva tasmātkuru mayoditam

'ऐसा करने पर तुम्हारा कल्याण होगा तथा उत्तम यश प्राप्त होगा, इस लोक में भी और परलोक में भी; अतः जो मैंने कहा है, वह करो।'

श्लोक 41 (skanda.6.66.41)

जमदग्निरुवाच॥ होमधेनुरियं राजन्ममैका प्राणसंमता॥ अदेया सर्वदा पूज्या तस्मान्नार्हसि याचितुम्

jamadagniruvāca homadhenuriyaṁ rājanmamaikā prāṇasaṁmatā adeyā sarvadā pūjyā tasmānnārhasi yācitum

जमदग्नि ने कहा — 'हे राजन्! यह मेरी एकमात्र होमधेनु है, जो मुझे प्राणों के समान प्रिय है; यह सदा अदेय और पूज्य है, अतः तुम्हें इसे माँगना उचित नहीं है।'

श्लोक 42 (skanda.6.66.42)

राजोवाच॥ अहं शतसहस्रं ते यच्छाम्यस्याः कृते द्विज॥ धेनूनामपरं वित्तं यावन्मात्रं प्रवांछसि

rājovāca ahaṁ śatasahasraṁ te yacchāmyasyāḥ kṛte dvija dhenūnāmaparaṁ vittaṁ yāvanmātraṁ pravāṁchasi

राजा ने कहा — 'हे द्विज! मैं इसके बदले तुम्हें एक लाख गायें दूँगा, तथा जितना अन्य धन तुम चाहो, वह भी दूँगा।'

श्लोक 43 (skanda.6.66.43)

जमदग्निरुवाच॥ अविक्रेया महाराज सामान्यापि हि गौः स्मृता॥ किं पुनर्होमधेनुर्या प्रभावैरीदृशैर्युता

jamadagniruvāca avikreyā mahārāja sāmānyāpi hi gauḥ smṛtā kiṁ punarhomadhenuryā prabhāvairīdṛśairyutā

जमदग्नि ने कहा — 'हे महाराज! सामान्य गाय भी अविक्रेय मानी गई है, फिर ऐसी शक्तियों से युक्त होमधेनु की तो बात ही क्या!'

श्लोक 44 (skanda.6.66.44)

विमोहाद्ब्राह्मणो यो गां विक्रीणाति धनेच्छया॥ विक्रीणाति न सन्देहः स निजां जननीमिह

vimohādbrāhmaṇo yo gāṁ vikrīṇāti dhanecchayā vikrīṇāti na sandehaḥ sa nijāṁ jananīmiha

'जो ब्राह्मण मोहवश धन की इच्छा से गाय बेचता है, इसमें कोई संदेह नहीं कि वह वस्तुतः अपनी ही माता को बेच रहा है।'

श्लोक 45 (skanda.6.66.45)

सुरां पीत्वा द्विजं हत्वा द्विजानां निष्कृतिः स्मृता॥ धेनुविक्रयकर्तॄणां प्रायश्चित्तं न विद्यते

surāṁ pītvā dvijaṁ hatvā dvijānāṁ niṣkṛtiḥ smṛtā dhenuvikrayakartṝṇāṁ prāyaścittaṁ na vidyate

'मदिरा पीने वाले या ब्राह्मण-हत्या करने वाले द्विजों के लिए भी प्रायश्चित्त बताया गया है, किन्तु गौ बेचने वालों के लिए कोई प्रायश्चित्त नहीं है।'

श्लोक 46 (skanda.6.66.46)

राजोवाच॥ यदि यच्छसि नो विप्र साम्ना धेनुमिमां मम॥ बलादपि हरिष्यामि तस्मात्साम्ना प्रदीयताम्

rājovāca yadi yacchasi no vipra sāmnā dhenumimāṁ mama balādapi hariṣyāmi tasmātsāmnā pradīyatām

राजा ने कहा — 'हे विप्र! यदि तुम शांतिपूर्वक मुझे यह गाय नहीं दोगे, तो मैं इसे बलपूर्वक ही ले लूँगा; अतः शांति से ही दे दो।'

श्लोक 47 (skanda.6.66.47)

सूत उवाच॥ तच्छ्रुत्वा कोपसंयुक्तो जमदग्निर्द्विजोत्तमाः॥ अस्त्रमस्त्रमिति प्रोच्य समुत्तस्थौ सभातलात्

sūta uvāca tacchrutvā kopasaṁyukto jamadagnirdvijottamāḥ astramastramiti procya samuttasthau sabhātalāt

सूत जी ने कहा — हे द्विजोत्तमो! यह सुनकर क्रोधित हुए जमदग्नि 'अस्त्र! अस्त्र!' कहते हुए सभा-भूमि से उठ खड़े हुए।

श्लोक 48 (skanda.6.66.48)

ततस्ते सेवकास्तस्य नृपतेश्चित्तवेदिनः॥ अप्राप्तशस्त्रं तं विप्रं निजघ्नुर्निशितायुधैः

tataste sevakāstasya nṛpateścittavedinaḥ aprāptaśastraṁ taṁ vipraṁ nijaghnurniśitāyudhaiḥ

तब राजा के मन को जानने वाले उसके सेवकों ने, उस ब्राह्मण के अस्त्र प्राप्त करने से पहले ही, तीक्ष्ण शस्त्रों से उसका वध कर दिया।

श्लोक 49 (skanda.6.66.49)

तस्यैवं वध्यमानस्य जमदग्नेर्महात्मनः॥ रेणुकाख्या प्रिया भार्या पपातोपरि दुःखिता

tasyaivaṁ vadhyamānasya jamadagnermahātmanaḥ reṇukākhyā priyā bhāryā papātopari duḥkhitā

जब वे महात्मा जमदग्नि इस प्रकार मारे जा रहे थे, तब उनकी प्रिय पत्नी रेणुका दुःखी होकर उनके ऊपर गिर पड़ीं।

श्लोक 50 (skanda.6.66.50)

साऽपि नानाविधैस्तीक्ष्णैः खण्डिता वरवर्णिनी॥ आयुःशेषतया प्राणैर्न कथंचिद्वियोजिता

sā'pi nānāvidhaistīkṣṇaiḥ khaṇḍitā varavarṇinī āyuḥśeṣatayā prāṇairna kathaṁcidviyojitā

वह सुन्दर वर्ण वाली रेणुका भी अनेक प्रकार के तीक्ष्ण शस्त्रों से घायल हुईं, परंतु शेष आयु के कारण किसी प्रकार उनके प्राण नहीं निकले।

श्लोक 51 (skanda.6.66.51)

एवं हत्वा स विप्रेन्द्रं जमदग्निं महीपतिः॥ तां धेनुं कालयामास यत्र माहिष्मती पुरी

evaṁ hatvā sa viprendraṁ jamadagniṁ mahīpatiḥ tāṁ dhenuṁ kālayāmāsa yatra māhiṣmatī purī

इस प्रकार उस श्रेष्ठ ब्राह्मण जमदग्नि का वध करके, राजा उस गाय को माहिष्मती नगरी की ओर हाँक ले गया।

श्लोक 52 (skanda.6.66.52)

अथ सा काल्यमाना च धेनुः कोपसमन्विता॥ जमदग्निं हतं दृष्ट्वा ररम्भ करुणं मुहुः

atha sā kālyamānā ca dhenuḥ kopasamanvitā jamadagniṁ hataṁ dṛṣṭvā rarambha karuṇaṁ muhuḥ

तब वह गाय, हाँकी जाती हुई और क्रोध से भरी हुई, जमदग्नि को मारा हुआ देखकर बार-बार करुण स्वर में रँभाने लगी।

श्लोक 53 (skanda.6.66.53)

तस्याः संरम्भमाणाया वक्त्रमार्गेण निर्गताः॥ पुलिन्दा दारुणा मेदाः शतशोऽथ सहस्रशः

tasyāḥ saṁrambhamāṇāyā vaktramārgeṇa nirgatāḥ pulindā dāruṇā medāḥ śataśo'tha sahasraśaḥ

उस क्रोधित गाय के मुख से सैकड़ों और हजारों की संख्या में भयंकर पुलिन्द और मेद जाति के योद्धा प्रकट हुए।

श्लोक 54 (skanda.6.66.54)

नानाशस्त्रधराः सर्वे यमदूता इवापराः॥ प्रोचुस्तां सादरं धेनुमाज्ञां देहि द्रुतं हि नः

nānāśastradharāḥ sarve yamadūtā ivāparāḥ procustāṁ sādaraṁ dhenumājñāṁ dehi drutaṁ hi naḥ

नाना प्रकार के शस्त्र धारण किए हुए वे सभी यमदूतों के समान थे; उन्होंने आदरपूर्वक उस गाय से कहा — 'हमें शीघ्र ही आज्ञा दीजिए।'

श्लोक 55 (skanda.6.66.55)

साऽब्रवीद्धन्यतामेतद्धैहयाधिपतेर्बलम्॥ अथ तैः कोपसंयुक्तैर्दारुणैर्म्लेच्छजातिभिः॥ विनाशयितुमारब्धं शितैः शस्त्रैर्निरर्गलम्

sā'bravīddhanyatāmetaddhaihayādhipaterbalam atha taiḥ kopasaṁyuktairdāruṇairmlecchajātibhiḥ vināśayitumārabdhaṁ śitaiḥ śastrairnirargalam

उसने कहा — 'इस हैहयराज की सेना का नाश हो!' तब उन क्रोधित, भयंकर म्लेच्छ जातियों ने तीक्ष्ण शस्त्रों से बिना रुके उसे नष्ट करना आरंभ कर दिया।

श्लोक 56 (skanda.6.66.56)

न कश्चित्पुरुषस्तेषां सम्मुखोऽप्यभवद्रणे॥ किं पुनः सहसा योद्धुं भयेन महतान्वितः

na kaścitpuruṣasteṣāṁ sammukho'pyabhavadraṇe kiṁ punaḥ sahasā yoddhuṁ bhayena mahatānvitaḥ

उनमें से कोई भी पुरुष युद्ध में उनके सामने भी खड़ा नहीं हो सका, फिर अचानक युद्ध करने की तो बात ही क्या — वे तो अत्यंत भय से ग्रस्त हो गए।

श्लोक 57 (skanda.6.66.57)

अथ भग्नं बलं दृष्ट्वा वध्यमानं समंततः॥ पुलिन्दैर्दारुणाकारैः प्रोचुस्तं मन्त्रिणो नृपम्

atha bhagnaṁ balaṁ dṛṣṭvā vadhyamānaṁ samaṁtataḥ pulindairdāruṇākāraiḥ procustaṁ mantriṇo nṛpam

तब चारों ओर से भयंकर पुलिन्दों द्वारा मारी जा रही अपनी टूटी हुई सेना को देखकर, उसके मंत्रियों ने राजा से कहा।

श्लोक 58 (skanda.6.66.58)

तेजोहानिः परा तेऽद्य जाता ब्रह्मवधाद्विभो॥ तस्माद्धेनुं परित्यज्य गम्यतां निजमंदिरम्

tejohāniḥ parā te'dya jātā brahmavadhādvibho tasmāddhenuṁ parityajya gamyatāṁ nijamaṁdiram

'हे विभो! आज इस ब्रह्महत्या के कारण आपके तेज की महान हानि हुई है; अतः इस गाय को त्यागकर अपने घर चलिए।'

श्लोक 59 (skanda.6.66.59)

यावन्नागच्छते तस्य रामोनाम सुतो बली॥ नो चेत्तेन हतोऽत्रैव सबलो वधमेष्यसि

yāvannāgacchate tasya rāmonāma suto balī no cettena hato'traiva sabalo vadhameṣyasi

'उसके शक्तिशाली पुत्र राम के आने से पहले ही चलिए; अन्यथा उसके द्वारा आप अपनी सेना सहित यहीं मारे जाएँगे।'

श्लोक 60 (skanda.6.66.60)

नैषा शक्या बलान्नेतुं कामधेनुर्महोदया॥ शक्तिरूपा करोत्येवं या सृष्टिं स्वयमेव हि

naiṣā śakyā balānnetuṁ kāmadhenurmahodayā śaktirūpā karotyevaṁ yā sṛṣṭiṁ svayameva hi

'इस महान महिमा वाली कामधेनु को बलपूर्वक ले जाना संभव नहीं है; यह तो शक्ति-स्वरूपा है, जो स्वयं ही ऐसी सृष्टि कर सकती है।'

श्लोक 61 (skanda.6.66.61)

ततः स पार्थिवो भीतस्तेषां वाक्याद्विशेषतः॥ जगाम हित्वा तां धेनुं स्वस्थानं हतसेवकः

tataḥ sa pārthivo bhītasteṣāṁ vākyādviśeṣataḥ jagāma hitvā tāṁ dhenuṁ svasthānaṁ hatasevakaḥ

तब वह राजा, विशेष रूप से उनके इन वचनों से भयभीत होकर, उस गाय को छोड़कर, अपने मारे गए सेवकों सहित अपने स्थान को लौट गया।