रुद्र की उत्पत्ति और विष्णु-श्री स्तुति

श्लोक 1 (vishnu.1.8.1)

श्रीपराशर उवाच । कथितस् तामसः सर्गो ब्रह्मणस् ते महामुने । रुद्रसर्गं प्रवक्ष्यामि तन् मे निगदतः शृणु

śrīparāśara uvāca kathitas tāmasaḥ sargo brahmaṇas te mahāmune rudrasargaṁ pravakṣyāmi tan me nigadataḥ śṛṇu

श्रीपराशर ने कहा — हे महामुने! मैंने आपसे ब्रह्मा की तामस सृष्टि का वर्णन किया। अब मैं रुद्र की सृष्टि का वर्णन करूँगा; इसे मुझसे सुनो।

श्लोक 2 (vishnu.1.8.2)

कल्पादाव् आत्मनस् तुल्यं सुतं प्रध्यायतस् ततः । प्रादुर् आसीत् प्रभोर् अङ्के कुमारो नीललोहितः

kalpādāv ātmanas tulyaṁ sutaṁ pradhyāyatas tataḥ prādur āsīt prabhor aṅke kumāro nīlalohitaḥ

कल्प के आरम्भ में, अपने ही समान पुत्र का ध्यान करते हुए उन प्रभु की गोद में एक नील-रक्तवर्ण कुमार प्रकट हुआ।

श्लोक 3 (vishnu.1.8.3)

रुदन् वै सुस्वरं सोऽथ द्रवंश् च द्विजसत्तम । किं रोदिषीति तं ब्रह्मा रुदन्तं प्रत्युवाच ह

rudan vai susvaraṁ so 'tha dravaṁś ca dvijasattama kiṁ rodiṣīti taṁ brahmā rudantaṁ pratyuvāca ha

हे द्विजसत्तम! वह मधुर स्वर में रोता हुआ और इधर-उधर दौड़ता हुआ, तब रोते हुए उस बालक से ब्रह्मा ने कहा — 'तुम क्यों रोते हो?'

श्लोक 4 (vishnu.1.8.4)

नाम देहीति तं सोऽथ प्रत्युवाच प्रजापतिः । रुद्रस् त्वं देव नाम्नासि मा रोदीर् धैर्यम् आवह । एवम् उक्तः पुनः सोऽथ सप्तकृत्वो रुरोद वै

nāma dehīti taṁ so 'tha pratyuvāca prajāpatiḥ rudras tvaṁ deva nāmnāsi mā rodīr dhairyam āvaha evam uktaḥ punaḥ so 'tha saptakṛtvo ruroda vai

'मुझे नाम दो' — उसने प्रजापति से यह कहा। प्रजापति ने उत्तर दिया — 'हे देव! तुम्हारा नाम रुद्र है; मत रोओ, धैर्य धारण करो।' इस प्रकार कहे जाने पर वह फिर सात बार और रोया।

श्लोक 5 (vishnu.1.8.5)

ततोऽन्यानि ददौ तस्मै सप्त नामानि स प्रभुः । स्थानानि चैषाम् अष्टानां पत्नीः पुत्रांश् च वै विभुः

tato 'nyāni dadau tasmai sapta nāmāni sa prabhuḥ sthānāni caiṣām aṣṭānāṁ patnīḥ putrāṁś ca vai vibhuḥ

तब उन सर्वव्यापी प्रभु ने उसे सात अन्य नाम भी दिए, और इन आठों के स्थान, पत्नियाँ तथा पुत्र भी निश्चित किए।

श्लोक 6 (vishnu.1.8.6)

भवं शर्वम् अथेशानं तथा पशुपतिं द्विज । भीमम् उग्रं महादेवम् उवाच स पितामहः

bhavaṁ śarvam atheśānaṁ tathā paśupatiṁ dvija bhīmam ugraṁ mahādevam uvāca sa pitāmahaḥ

हे द्विज! उन पितामह ने उसे भव, शर्व, ईशान, पशुपति, भीम, उग्र, और महादेव — ये नाम दिए।

श्लोक 7 (vishnu.1.8.7)

चक्रे नामान्य् अथैतानि स्थानान्य् एषां चकार सः । सूर्यो जलं मही वायुर् वह्निर् आकाशम् एव च । दीक्षितो ब्राह्मणः सोम इत्य् एतास् तनवः क्रमात्

cakre nāmāny athaitāni sthānāny eṣāṁ cakāra saḥ sūryo jalaṁ mahī vāyur vahnir ākāśam eva ca dīkṣito brāhmaṇaḥ soma ity etās tanavaḥ kramāt

उन्होंने ये नाम बनाए, और इनके स्थान भी निश्चित किए — सूर्य, जल, पृथ्वी, वायु, अग्नि, आकाश, दीक्षित ब्राह्मण, और चन्द्रमा — ये क्रमशः इनकी देहें हैं।

श्लोक 8 (vishnu.1.8.8)

सुवर्चला तथैवोषा विकेशी चापरा शिवा । स्वाहा दिशस् तथा दीक्षा रोहिणी च यथाक्रमम्

suvarcalā tathaivoṣā vikeśī cāparā śivā svāhā diśas tathā dīkṣā rohiṇī ca yathākramam

सुवर्चला, उषा, विकेशी, तथा अन्य शिवा, स्वाहा, दिशाएँ, दीक्षा, तथा रोहिणी — ये यथाक्रम इनकी पत्नियाँ हैं।

श्लोक 9 (vishnu.1.8.9)

सूर्यादीनां नरश्रेष्ठ रुद्राद्यैर् नामभिः सह । पत्न्यः स्मृता महाभाग तदपत्यानि मे शृणु

sūryādīnāṁ naraśreṣṭha rudrādyair nāmabhiḥ saha patnyaḥ smṛtā mahābhāga tadapatyāni me śṛṇu

हे नरश्रेष्ठ! ये, सूर्य आदि रुद्र-नामों वाले रूपों की पत्नियाँ स्मृत हैं; हे महाभाग! अब उनकी सन्तानों को मुझसे सुनो।

श्लोक 10 (vishnu.1.8.10)

येषां सूतिप्रसूतैश् च इदम् आपूरितं जगत्

yeṣāṁ sūtiprasūtaiś ca idam āpūritaṁ jagat

जिनकी सन्तान और उनकी आगे की सन्तानों से यह सम्पूर्ण जगत् भर गया है।

श्लोक 11 (vishnu.1.8.11)

शनैश्चरस् तथा शुक्रो लोहिताङ्गो मनोजवः । स्कन्दः स्वर्गोऽथ सन्तानो बुधश् चानुक्रमात् सुताः

śanaiścaras tathā śukro lohitāṅgo manojavaḥ skandaḥ svargo 'tha santāno budhaś cānukramāt sutāḥ

शनैश्चर, शुक्र, लोहिताङ्ग (मंगल), मनोजव, स्कन्द, स्वर्ग, सन्तान, और बुध — ये क्रमशः उनके पुत्र हैं।

श्लोक 12 (vishnu.1.8.12)

एवंप्रकारो रुद्रोऽसौ सतीं भार्याम् अविन्दत । दक्षकोपाच् च तत्याज सा सती स्वं कलेवरम्

evaṁprakāro rudro 'sau satīṁ bhāryām avindata dakṣakopāc ca tatyāja sā satī svaṁ kalevaram

इस प्रकार के उन रुद्र ने सती को अपनी पत्नी के रूप में प्राप्त किया; और दक्ष के प्रति क्रोध के कारण उस सती ने अपने शरीर का त्याग कर दिया।

श्लोक 13 (vishnu.1.8.13)

हिमवद्दुहिता साभून् मेनायां द्विजसत्तम । उपयेमे पुनश् चोमाम् अनन्यां भगवान् भवः

himavadduhitā sābhūn menāyāṁ dvijasattama upayeme punaś comām ananyāṁ bhagavān bhavaḥ

हे द्विजसत्तम! वह मेना के गर्भ से हिमवान् की पुत्री हुई; और भगवान् भव ने पुनः उमा नामक उसी अभिन्न सती से विवाह किया।

श्लोक 14 (vishnu.1.8.14)

देवौ धातृविधातारौ भृगोः ख्यातिर् असूयत । श्रियं च देवदेवस्य पत्नी नारायणस्य या

devau dhātṛvidhātārau bhṛgoḥ khyātir asūyata śriyaṁ ca devadevasya patnī nārāyaṇasya yā

भृगु की पत्नी ख्याति ने धातृ और विधातृ नामक दो देवों को, तथा देवदेव नारायण की पत्नी श्री को भी जन्म दिया।

श्लोक 15 (vishnu.1.8.15)

श्रीमैत्रेय उवाच । क्षीराब्धौ श्रीः समुत्पन्ना श्रूयतेऽमृतमन्थने । भृगोः ख्यात्यां समुत्पन्नेत्य् एतद् आह कथं भवान्

śrīmaitreya uvāca kṣīrābdhau śrīḥ samutpannā śrūyate 'mṛtamanthane bhṛgoḥ khyātyāṁ samutpannety etad āha kathaṁ bhavān

श्रीमैत्रेय ने कहा — यह तो सुना जाता है कि क्षीरसागर के मन्थन में श्री उत्पन्न हुई थीं; तब आप यह कैसे कहते हैं कि वे भृगु की पत्नी ख्याति से उत्पन्न हुईं?

श्लोक 16 (vishnu.1.8.16)

श्रीपराशर उवाच । नित्यैवैषा जगन्माता विष्णोः श्रीर् अनपायिनी । यथा सर्वगतो विष्णुस् तथैवेयं द्विजोत्तम

śrīparāśara uvāca nityaivaiṣā jaganmātā viṣṇoḥ śrīr anapāyinī yathā sarvagato viṣṇus tathaiveyaṁ dvijottama

श्रीपराशर ने कहा — यह जगन्माता विष्णु की श्री नित्य ही है, कभी उनसे पृथक् नहीं होती। हे द्विजोत्तम! जैसे विष्णु सर्वव्यापी हैं, वैसे ही यह भी सर्वव्यापी हैं।

श्लोक 17 (vishnu.1.8.17)

अर्थो विष्णुर् इयं वाणी नीतिर् एषा नयो हरिः । बोधो विष्णुर् इयं बुद्धिर् धर्मोऽसौ सत्क्रिया त्व् इयम्

artho viṣṇur iyaṁ vāṇī nītir eṣā nayo hariḥ bodho viṣṇur iyaṁ buddhir dharmo 'sau satkriyā tv iyam

विष्णु अर्थ हैं, यह वाणी हैं; यह नीति हैं, हरि नय (उचित आचरण) हैं। विष्णु बोध हैं, यह बुद्धि हैं; वे धर्म हैं, और यह सत्क्रिया हैं।

श्लोक 18 (vishnu.1.8.18)

स्रष्टा विष्णुर् इयं सृष्टिः श्रीर् भूमिर् भूधरो हरिः । संतोषो भगवांल् लक्ष्मीस् तुष्टिर् मैत्रेय शाश्वती

sraṣṭā viṣṇur iyaṁ sṛṣṭiḥ śrīr bhūmir bhūdharo hariḥ saṁtoṣo bhagavāṁl lakṣmīs tuṣṭir maitreya śāśvatī

विष्णु स्रष्टा हैं, यह सृष्टि हैं; श्री पृथ्वी हैं, हरि पृथ्वी को धारण करने वाले हैं। हे मैत्रेय! भगवान् सन्तोष हैं, और लक्ष्मी शाश्वत तुष्टि हैं।

श्लोक 19 (vishnu.1.8.19)

इच्छा श्रीर् भगवान् कामो यज्ञोऽसौ दक्षिणा तु सा । आज्याहुतिर् असौ देवी पुरोडाशो जनार्दनः

icchā śrīr bhagavān kāmo yajño 'sau dakṣiṇā tu sā ājyāhutir asau devī puroḍāśo janārdanaḥ

श्री इच्छा हैं, भगवान् काम हैं; वे यज्ञ हैं, और वह दक्षिणा हैं। देवी घृत की आहुति हैं, जनार्दन पुरोडाश (हवि) हैं।

श्लोक 20 (vishnu.1.8.20)

पत्नीशाला मुने लक्ष्मीः प्राग्वंशो मधुसूदनः । चितिर् लक्ष्मीर् हरिर् यूप इध्मा श्रीर् भगवान् कुशः

patnīśālā mune lakṣmīḥ prāgvaṁśo madhusūdanaḥ citir lakṣmīr harir yūpa idhmā śrīr bhagavān kuśaḥ

हे मुने! पत्नीशाला (यज्ञ में पत्नी का स्थान) लक्ष्मी हैं, मधुसूदन प्राग्वंश (पूर्वमुखी यज्ञशाला) हैं। लक्ष्मी वेदी हैं, हरि यूप हैं; श्री समिधा हैं, और भगवान् कुश हैं।

श्लोक 21 (vishnu.1.8.21)

सामस्वरूपी भगवान् उद्गीतिः कमलालया । स्वाहा लक्ष्मीर् जगन्नाथो वासुदेवो हुताशनः

sāmasvarūpī bhagavān udgītiḥ kamalālayā svāhā lakṣmīr jagannātho vāsudevo hutāśanaḥ

भगवान् सामस्वरूप हैं, कमलवासिनी उद्गीति हैं। लक्ष्मी स्वाहा हैं, और जगन्नाथ वासुदेव हुताशन (अग्नि) हैं।

श्लोक 22 (vishnu.1.8.22)

शंकरो भगवाञ् छौरिर् गौरी लक्ष्मीर् द्विजोत्तम । मैत्रेय केशवः सूर्यस् तत्प्रभा कमलालया

śaṁkaro bhagavāñ chaurir gaurī lakṣmīr dvijottama maitreya keśavaḥ sūryas tatprabhā kamalālayā

हे द्विजोत्तम! भगवान् शौरि शंकर हैं, गौरी लक्ष्मी हैं। हे मैत्रेय! केशव सूर्य हैं, और कमलवासिनी उनकी प्रभा हैं।

श्लोक 23 (vishnu.1.8.23)

विष्णुः पितृगणः पद्मा स्वधा शाश्वतपुष्टिदा । द्यौः श्रीः सर्वात्मको विष्णुर् अवकाशोऽतिविस्तरः

viṣṇuḥ pitṛgaṇaḥ padmā svadhā śāśvatapuṣṭidā dyauḥ śrīḥ sarvātmako viṣṇur avakāśo 'tivistaraḥ

विष्णु पितृगण हैं, पद्मा शाश्वत पुष्टिदायिनी स्वधा हैं। श्री द्यौः (आकाश) हैं, और सर्वात्मा विष्णु अत्यन्त विस्तृत अवकाश (आकाश-स्थान) हैं।

श्लोक 24 (vishnu.1.8.24)

शशाङ्कः श्रीधरः कान्तिः श्रीस् तस्यैवानपायिनी । धृतिर् लक्ष्मीर् जगच्चेष्टा वायुः सर्वत्रगो हरिः

śaśāṅkaḥ śrīdharaḥ kāntiḥ śrīs tasyaivānapāyinī dhṛtir lakṣmīr jagacceṣṭā vāyuḥ sarvatrago hariḥ

चन्द्रमा श्रीधर हैं, और उनकी अविनाशी कान्ति श्री हैं। धृति लक्ष्मी हैं, तथा जगत् की चेष्टा सर्वत्रगामी वायु हरि हैं।

श्लोक 25 (vishnu.1.8.25)

जलधिर् द्विज गोविन्दस् तद्वेला श्रीर् महामते । लक्ष्मीस्वरूपम् इन्द्राणी देवेन्द्रो मधुसूदनः

jaladhir dvija govindas tadvelā śrīr mahāmate lakṣmīsvarūpam indrāṇī devendro madhusūdanaḥ

हे द्विज! समुद्र गोविन्द हैं, और हे महामते! उसका तट श्री हैं। इन्द्राणी लक्ष्मी का स्वरूप हैं, और देवेन्द्र मधुसूदन हैं।

श्लोक 26 (vishnu.1.8.26)

यमश् चक्रधरः साक्षाद् धूमोर्णा कमलालया । ऋद्धिः श्रीः श्रीधरो देवः स्वयम् एव धनेश्वरः

yamaś cakradharaḥ sākṣād dhūmorṇā kamalālayā ṛddhiḥ śrīḥ śrīdharo devaḥ svayam eva dhaneśvaraḥ

यम साक्षात् चक्रधर हैं, धूमोर्णा कमलवासिनी हैं। ऋद्धि श्री हैं, और श्रीधर देव स्वयं ही धनेश्वर (कुबेर) हैं।

श्लोक 27 (vishnu.1.8.27)

गौरी लक्ष्मीर् महाभागा केशवो वरुणः स्वयम् । श्रीर् देवसेना विप्रेन्द्र देवसेनापतिर् हरिः

gaurī lakṣmīr mahābhāgā keśavo varuṇaḥ svayam śrīr devasenā viprendra devasenāpatir hariḥ

महाभाग्यशालिनी गौरी लक्ष्मी हैं, केशव स्वयं वरुण हैं। हे विप्रेन्द्र! देवसेना श्री हैं, और हरि देवसेनापति (कार्तिकेय) हैं।

श्लोक 28 (vishnu.1.8.28)

अवष्टम्भो गदापाणिः शक्तिर् लक्ष्मीर् द्विजोत्तम । काष्ठा लक्ष्मीर् निमेषोऽसौ मुहूर्तोऽसौ कला तु सा

avaṣṭambho gadāpāṇiḥ śaktir lakṣmīr dvijottama kāṣṭhā lakṣmīr nimeṣo 'sau muhūrto 'sau kalā tu sā

हे द्विजोत्तम! जगत् का आधार गदापाणि हैं, शक्ति लक्ष्मी हैं। काष्ठा लक्ष्मी हैं, वे निमेष हैं, वे मुहूर्त हैं, और वह कला हैं।

श्लोक 29 (vishnu.1.8.29)

ज्योत्स्ना लक्ष्मीः प्रदीपोऽसौ सर्वः सर्वेश्वरो हरिः । लताभूता जगन्माता श्रीर् विष्णुर् द्रुमसंस्थितिः

jyotsnā lakṣmīḥ pradīpo 'sau sarvaḥ sarveśvaro hariḥ latābhūtā jaganmātā śrīr viṣṇur drumasaṁsthitiḥ

चाँदनी लक्ष्मी हैं, वे दीपक हैं; सर्वेश्वर हरि सर्वस्व हैं। जगन्माता श्री लता के रूप में हैं, और विष्णु उसे धारण करने वाले वृक्ष के रूप में।

श्लोक 30 (vishnu.1.8.30)

विभावरी श्रीर् दिवसो देवश् चक्रगदाधरः । वरप्रदो वरो विष्णुर् वधूः पद्मवनालया

vibhāvarī śrīr divaso devaś cakragadādharaḥ varaprado varo viṣṇur vadhūḥ padmavanālayā

रात्रि श्री हैं, और चक्र-गदाधारी देव दिवस हैं। वरप्रद विष्णु स्वयं वर हैं, और कमलवन-वासिनी वधू हैं।

श्लोक 31 (vishnu.1.8.31)

नदस्वरूपी भगवाञ् श्रीर् नदीरूपसंस्थिता । ध्वजश् च पुण्डरीकाक्षः पताका कमलालया

nadasvarūpī bhagavāñ śrīr nadīrūpasaṁsthitā dhvajaś ca puṇḍarīkākṣaḥ patākā kamalālayā

भगवान् नद (पुरुष-नदी) के रूप में हैं, श्री नदी के रूप में स्थित हैं। पुण्डरीकाक्ष ध्वज हैं, और कमलवासिनी पताका हैं।

श्लोक 32 (vishnu.1.8.32)

तृष्णा लक्ष्मीर् जगत्स्वामी लोभो नारायणः परः । रतिरागौ च धर्मज्ञ लक्ष्मीर् गोविन्द एव च

tṛṣṇā lakṣmīr jagatsvāmī lobho nārāyaṇaḥ paraḥ ratirāgau ca dharmajña lakṣmīr govinda eva ca

तृष्णा लक्ष्मी हैं, और जगत्स्वामी परम नारायण लोभ हैं। हे धर्मज्ञ! रति और राग भी क्रमशः लक्ष्मी और गोविन्द ही हैं।

श्लोक 33 (vishnu.1.8.33)

किं वात्र बहुनोक्तेन संक्षेपेणेदम् उच्यते

kiṁ vātra bahunoktena saṁkṣepeṇedam ucyate

अथवा यहाँ अधिक कहने से क्या लाभ? इसे संक्षेप में ही कहा जाता है —

श्लोक 34 (vishnu.1.8.34)

देवतिर्यङ्मनुष्येषु पुंनाम्नि भगवान् हरिः । स्त्रीनाम्नि लक्ष्मीर् मैत्रेय नानयोर् विद्यते परम्

devatiryaṅmanuṣyeṣu puṁnāmni bhagavān hariḥ strīnāmni lakṣmīr maitreya nānayor vidyate param

हे मैत्रेय! देवताओं, पशु-पक्षियों और मनुष्यों में जो भी पुंलिंग नाम है, वह भगवान् हरि हैं; और जो भी स्त्रीलिंग नाम है, वह लक्ष्मी हैं — इन दोनों से परे और कुछ भी नहीं है।