दुर्वासा का शाप और समुद्र-मंथन

श्लोक 1 (vishnu.1.9.1)

श्रीपराशर उवाच । इदं च शृणु मैत्रेय यत् पृष्टोऽहम् इह त्वया । श्रीसंबद्धं मयाप्य् एतच् श्रुतम् आसीन् मरीचितः

śrīparāśara uvāca idaṁ ca śṛṇu maitreya yat pṛṣṭo 'ham iha tvayā śrīsaṁbaddhaṁ mayāpy etac śrutam āsīn marīcitaḥ

श्रीपराशर बोले — हे मैत्रेय! तुमने मुझसे यहाँ जो पूछा है, वह भी सुनो; श्री से संबंधित यह वृत्तान्त मैंने पहले मरीचि से सुना था।

श्लोक 2 (vishnu.1.9.2)

दुर्वासाः शंकरस्यांशश् चचार पृथिवीम् इमाम् । स ददर्श स्रजं दिव्याम् ऋषिर् विद्याधरीकरे

durvāsāḥ śaṁkarasyāṁśaś cacāra pṛthivīm imām sa dadarśa srajaṁ divyām ṛṣir vidyādharīkare

शंकर के अंश दुर्वासा इस पृथ्वी पर विचरण करते थे; उस ऋषि ने एक विद्याधरी के हाथ में एक दिव्य पुष्पमाला देखी।

श्लोक 3 (vishnu.1.9.3)

संतानकानाम् अखिलं यस्या गन्धेन वासितम् । अतिसेव्यम् अभूद् ब्रह्मन् तद् वनं वनचारिणाम्

saṁtānakānām akhilaṁ yasyā gandhena vāsitam atisevyam abhūd brahman tad vanaṁ vanacāriṇām

संतानक पुष्पों की सुगंध से सर्वथा सुवासित वह वन वनचारियों के लिए अत्यंत सेव्य हो गया था, हे ब्रह्मन्!

श्लोक 4 (vishnu.1.9.4)

उन्मत्तव्रतधृग् विप्रः स दृष्ट्वा शोभनां स्रजम् । तां ययाचे वरारोहां विद्याधरवधूं ततः

unmattavratadhṛg vipraḥ sa dṛṣṭvā śobhanāṁ srajam tāṁ yayāce varārohāṁ vidyādharavadhūṁ tataḥ

उन्मत्तव्रतधारी उस विप्र ने उस सुंदर माला को देखकर उस सुंदरी विद्याधर-वधू से उसकी याचना की।

श्लोक 5 (vishnu.1.9.5)

याचिता तेन तन्वङ्गी मालां विद्याधराङ्गना । ददौ तस्मै विशालाक्षी सादरं प्रणिपत्य तम्

yācitā tena tanvaṅgī mālāṁ vidyādharāṅganā dadau tasmai viśālākṣī sādaraṁ praṇipatya tam

याचना किए जाने पर उस तन्वंगी, विशालाक्षी विद्याधर-कन्या ने आदरपूर्वक प्रणाम करके वह माला उसे दे दी।

श्लोक 6 (vishnu.1.9.6)

ताम् आदायात्मनो मूर्ध्नि स्रजम् उन्मत्तरूपधृक् । कृत्वा स विप्रो मैत्रेय परिबभ्राम मेदिनीम्

tām ādāyātmano mūrdhni srajam unmattarūpadhṛk kṛtvā sa vipro maitreya paribabhrāma medinīm

उस माला को लेकर और उन्मत्त रूप में अपने सिर पर धारण करके वह विप्र, हे मैत्रेय, पृथ्वी पर घूमने लगा।

श्लोक 7 (vishnu.1.9.7)

स ददर्श समायान्तम् उन्मत्तैरावतस्थितम् । त्रैलोक्याधिपतिं देवं सह देवैः शचीपतिम्

sa dadarśa samāyāntam unmattairāvatasthitam trailokyādhipatiṁ devaṁ saha devaiḥ śacīpatim

उसने त्रिलोक के स्वामी, मदमत्त ऐरावत पर आरूढ़, देवताओं सहित, शची के पति इन्द्र को आते देखा।

श्लोक 8 (vishnu.1.9.8)

ताम् आत्मनः स शिरसः स्रजम् उन्मत्तषट्पदाम् । आदायामरराजाय चिक्षेपोन्मत्तवन् मुनिः

tām ātmanaḥ sa śirasaḥ srajam unmattaṣaṭpadām ādāyāmararājāya cikṣeponmattavan muniḥ

उन्मत्त भ्रमरों से गुंजित उस माला को अपने सिर से लेकर उस मुनि ने उन्मत्त के समान उसे अमरराज की ओर फेंक दिया।

श्लोक 9 (vishnu.1.9.9)

गृहीत्वामरराजेन स्रग् ऐरावतमूर्धनि । न्यस्ता रराज कैलासशिखरे जाह्नवी यथा

gṛhītvāmararājena srag airāvatamūrdhani nyastā rarāja kailāsaśikhare jāhnavī yathā

अमरराज द्वारा ग्रहण की जाकर ऐरावत के मस्तक पर रखी गई वह माला वैसे ही सुशोभित हुई जैसे कैलास शिखर पर गंगा।

श्लोक 10 (vishnu.1.9.10)

मदान्धकारिताक्षोऽसौ गन्धाकृष्टेन वारणः । करेणाघ्राय चिक्षेप तां स्रजं धरणीतले

madāndhakāritākṣo 'sau gandhākṛṣṭena vāraṇaḥ kareṇāghrāya cikṣepa tāṁ srajaṁ dharaṇītale

मद से अंधी हुई आँखों वाले उस गजराज ने गंध के आकर्षण से उस माला को सूँड़ से पकड़कर धरती पर फेंक दिया।

श्लोक 11 (vishnu.1.9.11)

ततश् चुक्रोध भगवान् दुर्वासा मुनिसत्तमः । मैत्रेय देवराजानं क्रुद्धश् चैतद् उवाच ह

tataś cukrodha bhagavān durvāsā munisattamaḥ maitreya devarājānaṁ kruddhaś caitad uvāca ha

तब भगवान् दुर्वासा, मुनियों में श्रेष्ठ, अत्यंत क्रोधित हो उठे, हे मैत्रेय, और क्रोधवश देवराज से यह कहा।

श्लोक 12 (vishnu.1.9.12)

श्रीदुर्वासा उवाच । ऐश्वर्यमददुष्टात्मन्न् अतिस्तब्धोऽसि वासव । श्रियो धाम स्रजं यस् त्वं मद्दत्तां नाभिनन्दसि

śrīdurvāsā uvāca aiśvaryamadaduṣṭātmann atistabdho 'si vāsava śriyo dhāma srajaṁ yas tvaṁ maddattāṁ nābhinandasi

श्री दुर्वासा बोले — हे वासव! ऐश्वर्य के मद से तुम अत्यंत उद्दंड हो गए हो, कि श्री के धाम इस माला को, जो मैंने तुम्हें दी थी, तुम आदरपूर्वक ग्रहण नहीं करते।

श्लोक 13 (vishnu.1.9.13)

प्रसाद इति नोक्तं ते प्रणिपातपुरःसरम् । हर्षोत्फुल्लकपोलेन न चापि शिरसा धृता

prasāda iti noktaṁ te praṇipātapuraḥsaram harṣotphullakapolena na cāpi śirasā dhṛtā

तुमने न तो प्रणिपातपूर्वक मुझसे 'प्रसन्न होइए' कहा, न ही हर्ष से खिले हुए कपोलों के साथ इसे अपने सिर पर धारण किया।

श्लोक 14 (vishnu.1.9.14)

मया दत्ताम् इमां मालां यस्मान् न बहु मन्यसे । त्रैलोक्यश्रीर् अतो मूढ विनाशम् उपयास्यति

mayā dattām imāṁ mālāṁ yasmān na bahu manyase trailokyaśrīr ato mūḍha vināśam upayāsyati

चूँकि मेरी दी हुई इस माला का तुमने अधिक आदर नहीं किया, इसलिए हे मूढ़! तीनों लोकों की श्री नष्ट हो जाएगी।

श्लोक 15 (vishnu.1.9.15)

मां मन्यतेऽन्यैः सदृशं नूनं शक्र भवान् द्विजैः । अतोऽवमानम् अस्मासु मानिना भवता कृतम्

māṁ manyate 'nyaiḥ sadṛśaṁ nūnaṁ śakra bhavān dvijaiḥ ato 'vamānam asmāsu māninā bhavatā kṛtam

हे शक्र! तुम मुझे अन्य ब्राह्मणों के समान मानते हो — निश्चय ही अभिमानी होकर तुमने हमारा यह अपमान किया है।

श्लोक 16 (vishnu.1.9.16)

मद्दत्ता भवता यस्मात् क्षिप्ता माला महीतले । तस्मात् प्रणष्टलक्ष्मीकं त्रैलोक्यं ते भविष्यति

maddattā bhavatā yasmāt kṣiptā mālā mahītale tasmāt praṇaṣṭalakṣmīkaṁ trailokyaṁ te bhaviṣyati

चूँकि मेरी दी हुई माला तुमने धरती पर फेंक दी है, इसलिए तीनों लोक श्री-रहित हो जाएँगे।

श्लोक 17 (vishnu.1.9.17)

यस्य संजातकोपस्य भयम् एति चराचरम् । तं त्वं माम् अतिगर्वेण देवराजावमन्यसे

yasya saṁjātakopasya bhayam eti carācaram taṁ tvaṁ mām atigarveṇa devarājāvamanyase

जिसके क्रोधित होने पर चराचर जगत् भयभीत हो जाता है, उसी मुझे तुम अत्यंत अभिमान में, हे देवराज, तिरस्कृत करते हो।

श्लोक 18 (vishnu.1.9.18)

श्रीपराशर उवाच । महेन्द्रो वारणस्कन्धाद् अवतीर्य त्वरान्वितः । प्रसादयाम् आस मुनिं दुर्वाससम् अकल्मषम्

śrīparāśara uvāca mahendro vāraṇaskandhād avatīrya tvarānvitaḥ prasādayām āsa muniṁ durvāsasam akalmaṣam

श्रीपराशर बोले — महेन्द्र वारण के कंधे से शीघ्रता से उतरकर निष्पाप मुनि दुर्वासा को प्रसन्न करने का प्रयत्न करने लगे।

श्लोक 19 (vishnu.1.9.19)

प्रसाद्यमानः स तदा प्रणिपातपुरःसरम् । प्रत्युवाच सहस्राक्षं दुर्वासा मुनिसत्तमः

prasādyamānaḥ sa tadā praṇipātapuraḥsaram pratyuvāca sahasrākṣaṁ durvāsā munisattamaḥ

इस प्रकार प्रणिपातपूर्वक मनाए जाने पर मुनिसत्तम दुर्वासा ने सहस्राक्ष इन्द्र को उत्तर दिया।

श्लोक 20 (vishnu.1.9.20)

श्रीदुर्वासा उवाच । नाहं कृपालुहृदयो न च मां भजते क्षमा । अन्ये ते मुनयः शक्र दुर्वाससम् अवेहि माम्

śrīdurvāsā uvāca nāhaṁ kṛpāluhṛdayo na ca māṁ bhajate kṣamā anye te munayaḥ śakra durvāsasam avehi mām

श्री दुर्वासा बोले — मेरा हृदय कृपालु नहीं है, न ही क्षमा मुझमें निवास करती है; हे शक्र! मुझे अन्य मुनियों से भिन्न, दुर्वासा ही जानो।

श्लोक 21 (vishnu.1.9.21)

गौतमादिभिर् अन्यैस् त्वं गर्वम् आपादितो मुधा । अक्षान्तिसारसर्वस्वं दुर्वाससम् अवेहि माम्

gautamādibhir anyais tvaṁ garvam āpādito mudhā akṣāntisārasarvasvaṁ durvāsasam avehi mām

गौतम आदि अन्य मुनियों द्वारा तुम व्यर्थ ही अभिमानी बना दिए गए हो; मुझे दुर्वासा जानो, जिसका सम्पूर्ण सारतत्त्व असहिष्णुता ही है।

श्लोक 22 (vishnu.1.9.22)

वसिष्ठाद्यैर् दयासारैः स्तोत्रं कुर्वद्भिर् उच्चकैः । गर्वं गतोऽसि येनैवं माम् अप्य् अद्यावमन्यसे

vasiṣṭhādyair dayāsāraiḥ stotraṁ kurvadbhir uccakaiḥ garvaṁ gato 'si yenaivaṁ mām apy adyāvamanyase

वसिष्ठ आदि दयालु मुनियों द्वारा ऊँचे स्वर में स्तुति किए जाने से तुम इतने अभिमानी हो गए हो कि आज मेरा भी इस प्रकार अनादर करते हो।

श्लोक 23 (vishnu.1.9.23)

ज्वलज्जटाकलापस्य भृकुटीकुटिलं मुखम् । निरीक्ष्य कस् त्रिभुवने मम यो न गतो भयम्

jvalajjaṭākalāpasya bhṛkuṭīkuṭilaṁ mukham nirīkṣya kas tribhuvane mama yo na gato bhayam

प्रज्वलित जटाओं वाले, भृकुटी से कुटिल मुख को देखकर त्रिभुवन में ऐसा कौन है जो मुझसे भयभीत न हुआ हो?

श्लोक 24 (vishnu.1.9.24)

नाहं क्षमिष्ये बहुना किम् उक्तेन शतक्रतो । विडम्बनाम् इमां भूयः करोष्य् अनुनयात्मिकाम्

nāhaṁ kṣamiṣye bahunā kim uktena śatakrato viḍambanām imāṁ bhūyaḥ karoṣy anunayātmikām

मैं बहुत नहीं कहूँगा — हे शतक्रतु! अब क्या कहूँ? तुम फिर से अनुनयपूर्वक यह विडंबना करोगे।

श्लोक 25 (vishnu.1.9.25)

श्रीपराशर उवाच । इत्य् उक्त्वा प्रययौ विप्रो देवराजोऽपि तं पुनः । आरुह्यैरावतं ब्रह्मन् प्रययाव् अमरावतीम्

śrīparāśara uvāca ity uktvā prayayau vipro devarājo 'pi taṁ punaḥ āruhyairāvataṁ brahman prayayāv amarāvatīm

श्रीपराशर बोले — ऐसा कहकर वह विप्र चला गया; और देवराज भी ऐरावत पर आरूढ़ होकर, हे ब्रह्मन्, अमरावती की ओर चल पड़े।

श्लोक 26 (vishnu.1.9.26)

ततःप्रभृति निःश्रीकं सशक्रं भुवनत्रयम् । मैत्रेयासीद् अपध्वस्तं संक्षीणौषधिवीरुधम्

tataḥprabhṛti niḥśrīkaṁ saśakraṁ bhuvanatrayam maitreyāsīd apadhvastaṁ saṁkṣīṇauṣadhivīrudham

उसी समय से शक्र सहित तीनों लोक, हे मैत्रेय, श्री-रहित हो गए, नष्टप्राय हो गए, और उनकी ओषधियाँ-वनस्पतियाँ क्षीण हो गईं।

श्लोक 27 (vishnu.1.9.27)

न यज्ञाः संप्रवर्तन्ते न तपस्यन्ति तापसाः । न च दानादिधर्मेषु मनश् चक्रे तदा जनः

na yajñāḥ saṁpravartante na tapasyanti tāpasāḥ na ca dānādidharmeṣu manaś cakre tadā janaḥ

यज्ञ नहीं होने लगे, तपस्वी तप नहीं करने लगे, और लोगों ने दान आदि धर्मों में मन लगाना छोड़ दिया।

श्लोक 28 (vishnu.1.9.28)

निःसत्त्वाः सकला लोका लोभाद्युपहतेन्द्रियाः । स्वल्पेऽपि हि बभूवुस् ते साभिलाषा द्विजोत्तम

niḥsattvāḥ sakalā lokā lobhādyupahatendriyāḥ svalpe 'pi hi babhūvus te sābhilāṣā dvijottama

सभी लोक शक्तिहीन हो गए, लोभ से उनकी इन्द्रियाँ ग्रस्त हो गईं, और वे अल्प वस्तु के लिए भी लालायित रहने लगे, हे द्विजोत्तम।

श्लोक 29 (vishnu.1.9.29)

यतः सत्त्वं ततो लक्ष्मीः सत्त्वं भूत्यनुसारि च । निःश्रीकाणां कुतः सत्त्वं विना तेन गुणाः कुतः

yataḥ sattvaṁ tato lakṣmīḥ sattvaṁ bhūtyanusāri ca niḥśrīkāṇāṁ kutaḥ sattvaṁ vinā tena guṇāḥ kutaḥ

जहाँ सत्त्व है वहीं लक्ष्मी है; सत्त्व सम्पत्ति का अनुसरण करता है — श्रीहीनों में सत्त्व कहाँ, और उसके बिना गुण कहाँ?

श्लोक 30 (vishnu.1.9.30)

बलशौर्याद्यभावश् च पुरुषाणां गुणैर् विना । लङ्घनीयः समस्तस्य बलशौर्यविवर्जितः । भवत्य् अपध्वस्तमतिर् लङ्घितः प्रथितः पुमान्

balaśauryādyabhāvaś ca puruṣāṇāṁ guṇair vinā laṅghanīyaḥ samastasya balaśauryavivarjitaḥ bhavaty apadhvastamatir laṅghitaḥ prathitaḥ pumān

गुणों के बिना पुरुषों में बल-शौर्य आदि का अभाव हो जाता है; बल-शौर्य से रहित पुरुष सबके द्वारा तिरस्कार योग्य हो जाता है। उसकी बुद्धि नष्ट हो जाती है और तिरस्कृत होकर वह कुख्यात हो जाता है।

श्लोक 31 (vishnu.1.9.31)

एवम् अत्यन्तनिःश्रीके त्रैलोक्ये सत्त्ववर्जिते । देवान् प्रति बलोद्योगं चक्रुर् दैतेयदानवाः

evam atyantaniḥśrīke trailokye sattvavarjite devān prati balodyogaṁ cakrur daiteyadānavāḥ

इस प्रकार जब तीनों लोक अत्यंत श्रीहीन और सत्त्वरहित हो गए, तब दैत्यों और दानवों ने देवताओं के विरुद्ध बलपूर्वक आक्रमण किया।

श्लोक 32 (vishnu.1.9.32)

लोभाभिभूता निःश्रीका दैत्याः सत्त्वविवर्जिताः । श्रिया विहीनैर् निःसत्त्वैर् देवैश् चक्रुस् ततो रणम्

lobhābhibhūtā niḥśrīkā daityāḥ sattvavivarjitāḥ śriyā vihīnair niḥsattvair devaiś cakrus tato raṇam

लोभ से अभिभूत, श्रीहीन, सत्त्वरहित दैत्यों ने, श्री से रहित और शक्तिहीन देवताओं के साथ तब युद्ध किया।

श्लोक 33 (vishnu.1.9.33)

विजितास् त्रिदशा दैत्यैर् इन्द्राद्याः शरणं ययुः । पितामहं महाभागं हुताशनपुरोगमाः

vijitās tridaśā daityair indrādyāḥ śaraṇaṁ yayuḥ pitāmahaṁ mahābhāgaṁ hutāśanapurogamāḥ

दैत्यों से पराजित होकर इन्द्रादि देवता अग्नि को आगे करके महाभाग पितामह की शरण में गए।

श्लोक 34 (vishnu.1.9.34)

यथावत् कथितो देवैर् ब्रह्मा प्राह ततः सुरान् । परावरेशं शरणं व्रजध्वम् असुरार्दनम्

yathāvat kathito devair brahmā prāha tataḥ surān parāvareśaṁ śaraṇaṁ vrajadhvam asurārdanam

देवताओं द्वारा यथावत् बताए जाने पर ब्रह्मा ने तब सुरों से कहा — असुरों को पीड़ा देने वाले, पर और अपर के स्वामी की शरण में जाओ।

श्लोक 35 (vishnu.1.9.35)

उत्पत्तिस्थितिनाशानाम् अहेतुं हेतुम् ईश्वरम् । प्रजापतिपतिं विष्णुम् अनन्तम् अपराजितम्

utpattisthitināśānām ahetuṁ hetum īśvaram prajāpatipatiṁ viṣṇum anantam aparājitam

उत्पत्ति, स्थिति और नाश के अकारण कारण, प्रजापतियों के भी पति, अनंत, अपराजित विष्णु के—

श्लोक 36 (vishnu.1.9.36)

प्रधानपुंसोर् अजयोः कारणं कार्यभूतयोः । प्रणतार्तिहरं विष्णुं स वः श्रेयो विधास्यति

pradhānapuṁsor ajayoḥ kāraṇaṁ kāryabhūtayoḥ praṇatārtiharaṁ viṣṇuṁ sa vaḥ śreyo vidhāsyati

प्रधान और पुरुष — कार्य और कारण दोनों रूपों — के कारणस्वरूप, तथा शरणागतों की पीड़ा हरने वाले विष्णु — वे ही तुम्हारा कल्याण करेंगे।

श्लोक 37 (vishnu.1.9.37)

श्रीपराशर उवाच । एवम् उक्त्वा सुरान् सर्वान् ब्रह्मा लोकपितामहः । क्षीरोदस्योत्तरं तीरं तैर् एव सहितो ययौ

śrīparāśara uvāca evam uktvā surān sarvān brahmā lokapitāmahaḥ kṣīrodasyottaraṁ tīraṁ tair eva sahito yayau

श्रीपराशर बोले — देवताओं से ऐसा कहकर लोकपितामह ब्रह्मा उनके साथ क्षीरसागर के उत्तरी तट पर गए।

श्लोक 38 (vishnu.1.9.38)

स गत्वा त्रिदशैः सर्वैः समवेतः पितामहः । तुष्टाव वाग्भिर् इष्टाभिः परावरपतिं हरिम्

sa gatvā tridaśaiḥ sarvaiḥ samavetaḥ pitāmahaḥ tuṣṭāva vāgbhir iṣṭābhiḥ parāvarapatiṁ harim

वहाँ पहुँचकर सभी देवताओं सहित पितामह ने प्रिय वचनों से पर और अपर के स्वामी हरि की स्तुति की।

श्लोक 39 (vishnu.1.9.39)

श्रीब्रह्मोवाच । नमामि सर्वं सर्वेशम् अनन्तम् अजम् अव्ययम् । लोकधामधराधारम् अप्रकाशम् अभेदिनम्

śrībrahmovāca namāmi sarvaṁ sarveśam anantam ajam avyayam lokadhāmadharādhāram aprakāśam abhedinam

श्री ब्रह्मा बोले — मैं उन सर्वस्वरूप, सर्वेश्वर, अनंत, अजन्मा, अव्यय — जगत् के धाम और आधार, अप्रकाश और अभेद — को नमस्कार करता हूँ;

श्लोक 40 (vishnu.1.9.40)

नारायणम् अणीयांसम् अशेषाणाम् अणीयसाम् । समस्तानां गरिष्ठं च भूरादीनां गरीयसाम्

nārāyaṇam aṇīyāṁsam aśeṣāṇām aṇīyasām samastānāṁ gariṣṭhaṁ ca bhūrādīnāṁ garīyasām

नारायण को, जो सूक्ष्मतम से भी सूक्ष्मतर और पृथ्वी आदि समस्त महानों से भी महानतर हैं।

श्लोक 41 (vishnu.1.9.41)

यत्र सर्वं यतः सर्वम् उत्पन्नं मत्पुरःसरम् । सर्वभूतश् च यो देवः पराणाम् अपि यः परः

yatra sarvaṁ yataḥ sarvam utpannaṁ matpuraḥsaram sarvabhūtaś ca yo devaḥ parāṇām api yaḥ paraḥ

जिनमें सब कुछ स्थित है, जिनसे मुझे भी आगे करके सब कुछ उत्पन्न हुआ है, जो सब भूतों के आत्मा हैं और परों से भी पर हैं।

श्लोक 42 (vishnu.1.9.42)

परः परस्मात् पुरुषात् परमात्मस्वरूपधृक् । योगिभिश् चिन्त्यते योऽसौ मुक्तिहेतोर् मुमुक्षुभिः

paraḥ parasmāt puruṣāt paramātmasvarūpadhṛk yogibhiś cintyate yo 'sau muktihetor mumukṣubhiḥ

परम पुरुष से भी पर, परमात्मा के स्वरूप को धारण करने वाले, जिनका मुमुक्षु योगीजन मुक्ति के हेतु ध्यान करते हैं।

श्लोक 43 (vishnu.1.9.43)

सत्त्वादयो न सन्तीशे यत्र च प्राकृता गुणाः । स शुद्धः सर्वशुद्धेभ्यः पुमान् आद्यः प्रसीदतु

sattvādayo na santīśe yatra ca prākṛtā guṇāḥ sa śuddhaḥ sarvaśuddhebhyaḥ pumān ādyaḥ prasīdatu

जिस ईश्वर में सत्त्व आदि प्राकृत गुण नहीं हैं, वे सर्वशुद्धों से भी शुद्ध, आद्य पुरुष प्रसन्न हों।

श्लोक 44 (vishnu.1.9.44)

कलाकाष्ठानिमेषादि कालसूत्रस्य गोचरे । यस्य शक्तिर् न शुद्धस्य प्रसीदतु स नो हरिः

kalākāṣṭhānimeṣādi kālasūtrasya gocare yasya śaktir na śuddhasya prasīdatu sa no hariḥ

जिनकी शक्ति, स्वयं शुद्ध होते हुए भी, कला-काष्ठा-निमेष आदि कालसूत्र के अधीन नहीं है, वे हरि हम पर प्रसन्न हों।

श्लोक 45 (vishnu.1.9.45)

प्रोच्यते परमेशो हि यः शुद्धोऽप्य् उपचारतः । प्रसीदतु स नो विष्णुर् आत्मा यः सर्वदेहिनाम्

procyate parameśo hi yaḥ śuddho 'py upacārataḥ prasīdatu sa no viṣṇur ātmā yaḥ sarvadehinām

जो शुद्ध होते हुए भी उपचार से परमेश्वर कहे जाते हैं, वे समस्त देहधारियों के आत्मा विष्णु हम पर प्रसन्न हों।

श्लोक 46 (vishnu.1.9.46)

यः कारणं च कार्यं च कारणस्यापि कारणम् । कार्यस्यापि च यः कार्यं प्रसीदतु स नो हरिः

yaḥ kāraṇaṁ ca kāryaṁ ca kāraṇasyāpi kāraṇam kāryasyāpi ca yaḥ kāryaṁ prasīdatu sa no hariḥ

जो कारण भी हैं और कार्य भी, कारण के भी कारण हैं और कार्य के भी कार्य हैं, वे हरि हम पर प्रसन्न हों।

श्लोक 47 (vishnu.1.9.47)

कार्यकार्यस्य यत् कार्यं तत्कार्यस्यापि यः स्वयम् । तत्कार्यकार्यभूतो यस् ततश् च प्रणतोऽस्मि तम्

kāryakāryasya yat kāryaṁ tatkāryasyāpi yaḥ svayam tatkāryakāryabhūto yas tataś ca praṇato 'smi tam

जो कार्य-कार्य के भी कार्य हैं, और स्वयं उस कार्य के कार्य के भी कार्य हैं, उस कार्य-कार्य-कार्यरूप को मैं नमस्कार करता हूँ।

श्लोक 48 (vishnu.1.9.48)

कारणं कारणस्यापि तस्य कारणकारणम् । तत्कारणानां हेतुं तं प्रणतोऽस्मि सुरेश्वरम्

kāraṇaṁ kāraṇasyāpi tasya kāraṇakāraṇam tatkāraṇānāṁ hetuṁ taṁ praṇato 'smi sureśvaram

कारण के कारण, उसके भी कारण के कारण, उन सब कारणों के भी हेतु — उन सुरेश्वर को मैं नमस्कार करता हूँ।

श्लोक 49 (vishnu.1.9.49)

भोक्तारं भोज्यभूतं च स्रष्टारं सृज्यम् एव च । कार्यकर्तृस्वरूपं तं प्रणतोऽस्मि परं पदम्

bhoktāraṁ bhojyabhūtaṁ ca sraṣṭāraṁ sṛjyam eva ca kāryakartṛsvarūpaṁ taṁ praṇato 'smi paraṁ padam

भोक्ता और भोग्यस्वरूप, स्रष्टा और सृज्य दोनों, कार्य और कर्ता के स्वरूप — उस परम पद को मैं नमस्कार करता हूँ।

श्लोक 50 (vishnu.1.9.50)

विशुद्धबोधवन् नित्यम् अजम् अक्षयम् अव्ययम् । अव्यक्तम् अविकारं यत् तद् विष्णोः परमं पदम्

viśuddhabodhavan nityam ajam akṣayam avyayam avyaktam avikāraṁ yat tad viṣṇoḥ paramaṁ padam

जो सदा शुद्ध बोधस्वरूप, अजन्मा, अक्षय, अव्यय, अव्यक्त और अविकारी है, वही विष्णु का परम पद है।

श्लोक 51 (vishnu.1.9.51)

न स्थूलं न च सूक्ष्मं यन् न विशेषणगोचरम् । तत् पदं परमं विष्णोः प्रणमामि सदामलम्

na sthūlaṁ na ca sūkṣmaṁ yan na viśeṣaṇagocaram tat padaṁ paramaṁ viṣṇoḥ praṇamāmi sadāmalam

जो न स्थूल है न सूक्ष्म, जो किसी विशेषण के गोचर नहीं — विष्णु के उस परम, सदा निर्मल पद को मैं नमस्कार करता हूँ।

श्लोक 52 (vishnu.1.9.52)

यस्यायुतायुतांशांशे विश्वशक्तिर् इयं स्थिता । परब्रह्मस्वरूपस्य प्रणमामि तम् अव्ययम्

yasyāyutāyutāṁśāṁśe viśvaśaktir iyaṁ sthitā parabrahmasvarūpasya praṇamāmi tam avyayam

जिनके अनंत के भी अनंतवें अंश के अंश में यह सम्पूर्ण विश्वशक्ति स्थित है, उन परब्रह्मस्वरूप अव्यय को मैं नमस्कार करता हूँ।

श्लोक 53 (vishnu.1.9.53)

यन् न देवा न मुनयो न चाहं न च शंकरः । जानन्ति परमेशस्य तद् विष्णोः परमं पदम्

yan na devā na munayo na cāhaṁ na ca śaṁkaraḥ jānanti parameśasya tad viṣṇoḥ paramaṁ padam

जिसे न देवता जानते हैं, न मुनि, न मैं और न ही शंकर जानते हैं, वही परमेश्वर विष्णु का परम पद है।

श्लोक 54 (vishnu.1.9.54)

यद् योगिनः सदोद्युक्ताः पुण्यपापक्षयेऽक्षयम् । पश्यन्ति प्रणवे चिन्त्यं तद् विष्णोः परमं पदम्

yad yoginaḥ sadodyuktāḥ puṇyapāpakṣaye 'kṣayam paśyanti praṇave cintyaṁ tad viṣṇoḥ paramaṁ padam

जिसे योगीजन सदा साधनारत रहकर, पुण्य-पाप के क्षय से, प्रणव में ध्यान करने योग्य, अक्षय रूप में देखते हैं, वही विष्णु का परम पद है।

श्लोक 55 (vishnu.1.9.55)

शक्तयो यस्य देवस्य ब्रह्मविष्णुशिवात्मिकाः । भवन्त्य् अभूतपूर्वस्य तद् विष्णोः परमं पदम्

śaktayo yasya devasya brahmaviṣṇuśivātmikāḥ bhavanty abhūtapūrvasya tad viṣṇoḥ paramaṁ padam

जिस देव की शक्तियाँ, अभूतपूर्व होते हुए भी, ब्रह्मा-विष्णु-शिव रूप धारण करती हैं, वही विष्णु का परम पद है।

श्लोक 56 (vishnu.1.9.56)

सर्वेश सर्वभूतात्मन् सर्व सर्वाश्रयाच्युत । प्रसीद विष्णो भक्तानां व्रज नो दृष्टिगोचरम्

sarveśa sarvabhūtātman sarva sarvāśrayācyuta prasīda viṣṇo bhaktānāṁ vraja no dṛṣṭigocaram

हे सर्वेश! हे सर्वभूतात्मन्! हे सर्वाश्रय अच्युत! हे विष्णु! प्रसन्न होइए, अपने भक्तों की दृष्टि के समक्ष आइए।

श्लोक 57 (vishnu.1.9.57)

श्रीपराशर उवाच । इत्य् उदीरितम् आकर्ण्य ब्रह्मणस् त्रिदशास् ततः । प्रणम्योचुः प्रसीदेति व्रज नो दृष्टिगोचरम्

śrīparāśara uvāca ity udīritam ākarṇya brahmaṇas tridaśās tataḥ praṇamyocuḥ prasīdeti vraja no dṛṣṭigocaram

श्रीपराशर बोले — ब्रह्मा के इस वचन को सुनकर देवताओं ने प्रणाम करके कहा — 'प्रसन्न होइए, हमारी दृष्टि के समक्ष आइए।'

श्लोक 58 (vishnu.1.9.58)

यन् नायं भगवान् ब्रह्मा जानाति परमं पदम् । तं नताः स्मो जगद्धाम तव सर्वगताच्युत

yan nāyaṁ bhagavān brahmā jānāti paramaṁ padam taṁ natāḥ smo jagaddhāma tava sarvagatācyuta

जिस परम पद को यह भगवान् ब्रह्मा भी नहीं जानते, हे जगद्धाम, सर्वगत, अच्युत! उन्हीं को हम नमस्कार करते हैं।

श्लोक 59 (vishnu.1.9.59)

इत्य् अन्ते वचसस् तेषां देवानां ब्रह्मणस् तथा । ऊचुर् देवर्षयः सर्वे बृहस्पतिपुरोगमाः

ity ante vacasas teṣāṁ devānāṁ brahmaṇas tathā ūcur devarṣayaḥ sarve bṛhaspatipurogamāḥ

देवताओं और ब्रह्मा के इस वचन के अंत में, बृहस्पति के नेतृत्व में सभी देवर्षियों ने कहा।

श्लोक 60 (vishnu.1.9.60)

आद्यो यज्ञः पुमान् ईड्यो यः पूर्वेषां च पूर्वजः । तं नताः स्मो जगत्स्रष्टुः स्रष्टारम् अविशेषणम्

ādyo yajñaḥ pumān īḍyo yaḥ pūrveṣāṁ ca pūrvajaḥ taṁ natāḥ smo jagatsraṣṭuḥ sraṣṭāram aviśeṣaṇam

जो आद्य यज्ञ हैं, पूज्य पुरुष हैं, जो पूर्वजों के भी पूर्वज हैं, जगत् के स्रष्टा के भी स्रष्टा हैं, उन अभेद स्वरूप को हम नमस्कार करते हैं।

श्लोक 61 (vishnu.1.9.61)

भगवन् भूतभव्येश यज्ञमूर्तिधराव्यय । प्रसीद प्रणतानां त्वं सर्वेषां देहि दर्शनम्

bhagavan bhūtabhavyeśa yajñamūrtidharāvyaya prasīda praṇatānāṁ tvaṁ sarveṣāṁ dehi darśanam

हे भगवन्! हे भूत-भव्येश! हे यज्ञमूर्तिधर अव्यय! प्रणत जनों पर प्रसन्न होइए, सबको अपना दर्शन दीजिए।

श्लोक 62 (vishnu.1.9.62)

एष ब्रह्मा तथैवायं सह रुद्रैस् त्रिलोचनः । सर्वादित्यैः समं पूषा पावकोऽयं सहाग्निभिः

eṣa brahmā tathaivāyaṁ saha rudrais trilocanaḥ sarvādityaiḥ samaṁ pūṣā pāvako 'yaṁ sahāgnibhiḥ

यह ब्रह्मा हैं, और यह त्रिलोचन रुद्रों के सहित हैं; सभी आदित्यों सहित पूषा और सभी अग्नियों सहित यह पावक हैं;

श्लोक 63 (vishnu.1.9.63)

अश्विनौ वसवश् चेमे सर्वे चैते मरुद्गणाः । साध्या विश्वे तथा देवा देवेन्द्रश् चायम् ईश्वरः

aśvinau vasavaś ceme sarve caite marudgaṇāḥ sādhyā viśve tathā devā devendraś cāyam īśvaraḥ

अश्विनीकुमार, और ये वसुगण, और मरुद्गणों के सभी समूह; साध्यगण, विश्वेदेव और यह देवेन्द्र भी — सब यहाँ हैं।

श्लोक 64 (vishnu.1.9.64)

प्रणामप्रवणा नाथ दैत्यसैन्यपराजिताः । शरणं त्वाम् अनुप्राप्ताः समस्ता देवतागणाः

praṇāmapravaṇā nātha daityasainyaparājitāḥ śaraṇaṁ tvām anuprāptāḥ samastā devatāgaṇāḥ

हे नाथ! दैत्यसेना से पराजित होकर प्रणाम में झुके हुए ये समस्त देवगण आपकी शरण में आए हैं।

श्लोक 65 (vishnu.1.9.65)

श्रीपराशर उवाच । एवं संस्तूयमानस् तु भगवाञ् छङ्खचक्रधृक् । जगाम दर्शनं तेषां मैत्रेय परमेश्वरः

śrīparāśara uvāca evaṁ saṁstūyamānas tu bhagavāñ chaṅkhacakradhṛk jagāma darśanaṁ teṣāṁ maitreya parameśvaraḥ

श्रीपराशर बोले — इस प्रकार स्तुति किए जाने पर शंख-चक्र-गदाधारी भगवान् परमेश्वर ने, हे मैत्रेय, उन्हें दर्शन दिया।

श्लोक 66 (vishnu.1.9.66)

तं दृष्ट्वा ते तदा देवाः शङ्खचक्रगदाधरम् । अपूर्वरूपसंस्थानं तेजसां राशिम् ऊर्जितम्

taṁ dṛṣṭvā te tadā devāḥ śaṅkhacakragadādharam apūrvarūpasaṁsthānaṁ tejasāṁ rāśim ūrjitam

शंख-चक्र-गदाधारी, अपूर्व रूप-संस्थान वाले, तेजों की उर्जस्वी राशि उन्हें देखकर देवगण,

श्लोक 67 (vishnu.1.9.67)

प्रणम्य प्रणताः पूर्वं संक्षोभस्तिमितेक्षणाः । तुष्टुवुः पुण्डरीकाक्षं पितामहपुरोगमाः

praṇamya praṇatāḥ pūrvaṁ saṁkṣobhastimitekṣaṇāḥ tuṣṭuvuḥ puṇḍarīkākṣaṁ pitāmahapurogamāḥ

पहले प्रणाम करके, विस्मय से स्तब्ध नेत्रों वाले होकर, पितामह को आगे करके उन्होंने कमलनयन की स्तुति की।

श्लोक 68 (vishnu.1.9.68)

देवा ऊचुः । नमो नमस् ते विश्वेश त्वं ब्रह्मा त्वं पिनाकधृक् । इन्द्रस् त्वम् अग्निः पवनो वरुणः सविता यमः । वसवो मरुतः साध्या विश्वेदेवगणा भवान्

devā ūcuḥ namo namas te viśveśa tvaṁ brahmā tvaṁ pinākadhṛk indras tvam agniḥ pavano varuṇaḥ savitā yamaḥ vasavo marutaḥ sādhyā viśvedevagaṇā bhavān

देवताओं ने कहा — हे विश्वेश! आपको बारंबार नमस्कार है! आप ब्रह्मा हैं, आप पिनाकधारी शिव हैं; आप इन्द्र, अग्नि, पवन, वरुण, सविता, यम हैं; आप वसु, मरुत, साध्य हैं — आप ही विश्वेदेवगण हैं।

श्लोक 69 (vishnu.1.9.69)

योऽयं तवागतो देव समीपं देवतागणः । स त्वम् एव जगत्स्रष्टा यतः सर्वगतो भवान्

yo 'yaṁ tavāgato deva samīpaṁ devatāgaṇaḥ sa tvam eva jagatsraṣṭā yataḥ sarvagato bhavān

हे देव! अभी आपके समीप आया यह देवसमूह — आप ही जगत् के स्रष्टा हैं, क्योंकि आप ही सर्वगत हैं।

श्लोक 70 (vishnu.1.9.70)

त्वं यज्ञस् त्वं वषट्कारस् त्वम् ओङ्कारः प्रजापतिः । वेत्ता वेद्यं च सर्वात्मंस् त्वन्मयं चाखिलं जगत्

tvaṁ yajñas tvaṁ vaṣaṭkāras tvam oṅkāraḥ prajāpatiḥ vettā vedyaṁ ca sarvātmaṁs tvanmayaṁ cākhilaṁ jagat

आप ही यज्ञ हैं, आप वषट्कार हैं, आप ओंकार, प्रजापति हैं; वेत्ता और वेद्य, हे सर्वात्मन्! यह सम्पूर्ण जगत् आपमय है।

श्लोक 71 (vishnu.1.9.71)

त्वाम् आर्ताः शरणं विष्णो प्रयाता दैत्यनिर्जिताः । वयं प्रसीद सर्वात्मंस् तेजसाप्याययस्व नः

tvām ārtāḥ śaraṇaṁ viṣṇo prayātā daityanirjitāḥ vayaṁ prasīda sarvātmaṁs tejasāpyāyayasva naḥ

हे विष्णु! हम व्याकुल होकर, दैत्यों से पराजित होकर आपकी शरण में आए हैं; हे सर्वात्मन्! प्रसन्न होइए, हमें अपने तेज से पूर्ण कीजिए।

श्लोक 72 (vishnu.1.9.72)

तावद् आर्तिस् तथा वाञ्छा तावन् मोहस् तथासुखम् । यावन् नायाति शरणं त्वाम् अशेषाघनाशनम्

tāvad ārtis tathā vāñchā tāvan mohas tathāsukham yāvan nāyāti śaraṇaṁ tvām aśeṣāghanāśanam

जब तक मनुष्य आपकी शरण में नहीं जाता, जो समस्त पापों के नाशक हैं, तब तक ही पीड़ा है, तब तक ही इच्छा और मोह तथा वैसा सुख है।

श्लोक 73 (vishnu.1.9.73)

त्वं प्रसादं प्रसन्नात्मन् प्रपन्नानां कुरुष्व नः । तेजसां नाथ सर्वेषां स्वशक्त्याप्यायनं कुरु

tvaṁ prasādaṁ prasannātman prapannānāṁ kuruṣva naḥ tejasāṁ nātha sarveṣāṁ svaśaktyāpyāyanaṁ kuru

हे प्रसन्नात्मन्! हम शरणागतों पर अपनी कृपा कीजिए; हे नाथ! अपनी शक्ति से हम सबके तेज को पुनः पूर्ण कीजिए।

श्लोक 74 (vishnu.1.9.74)

श्रीपराशर उवाच । एवं संस्तूयमानस् तु प्रणतैर् अमरैर् हरिः । प्रसन्नदृष्टिर् भगवान् इदम् आह स विश्वकृत्

śrīparāśara uvāca evaṁ saṁstūyamānas tu praṇatair amarair hariḥ prasannadṛṣṭir bhagavān idam āha sa viśvakṛt

श्रीपराशर बोले — प्रणत देवताओं द्वारा इस प्रकार स्तुति किए जाने पर, प्रसन्न दृष्टि वाले विश्वकर्ता भगवान् हरि ने यह कहा।

श्लोक 75 (vishnu.1.9.75)

श्रीभगवान् उवाच । तेजसो भवतां देवाः करिष्याम्य् उपबृंहणम् । वदाम्य् अहं यत् क्रियतां भवद्भिस् तद् इदं सुराः

śrībhagavān uvāca tejaso bhavatāṁ devāḥ kariṣyāmy upabṛṁhaṇam vadāmy ahaṁ yat kriyatāṁ bhavadbhis tad idaṁ surāḥ

श्रीभगवान् बोले — हे देवो! मैं तुम्हारे तेज की वृद्धि करूँगा; मैं जो कहता हूँ उसे सुनो, हे सुरो! तुम यही करो —

श्लोक 76 (vishnu.1.9.76)

आनीय सहिता दैत्यैः क्षीराब्धौ सकलौषधीः । मन्थानं मन्दरं कृत्वा नेत्रं कृत्वा तु वासुकिम् । मथ्यताम् अमृतं देवाः सहाये मय्य् अवस्थिते

ānīya sahitā daityaiḥ kṣīrābdhau sakalauṣadhīḥ manthānaṁ mandaraṁ kṛtvā netraṁ kṛtvā tu vāsukim mathyatām amṛtaṁ devāḥ sahāye mayy avasthite

दैत्यों सहित सम्पूर्ण ओषधियों को क्षीरसागर में डालो; मंदराचल को मंथानी और वासुकि को नेत्र बनाकर, हे देवो! मेरे सहायक रूप में स्थित रहते हुए अमृत का मंथन करो।

श्लोक 77 (vishnu.1.9.77)

सामपूर्वं च दैतेयास् तत्र साहाय्यकर्मणि । सामान्यफलभोक्तारो यूयं वाच्या भविष्यथ

sāmapūrvaṁ ca daiteyās tatra sāhāyyakarmaṇi sāmānyaphalabhoktāro yūyaṁ vācyā bhaviṣyatha

उस सहायता-कार्य में दैत्यों से पहले साम-नीतिपूर्वक बात करते हुए तुम्हें यह कहना होगा कि तुम भी समान फल के भागी बनोगे।

श्लोक 78 (vishnu.1.9.78)

मथ्यमाने च तत्राब्धौ यत् समुत्पद्यतेऽमृतम् । तत्पानाद् बलिनो यूयम् अमराश् च भविष्यथ

mathyamāne ca tatrābdhau yat samutpadyate 'mṛtam tatpānād balino yūyam amarāś ca bhaviṣyatha

और जब उस सागर के मंथन से वहाँ अमृत उत्पन्न होगा, उसे पीकर तुम बलवान और अमर हो जाओगे।

श्लोक 79 (vishnu.1.9.79)

तथा चाहं करिष्यामि ते यथा त्रिदशद्विषः । न प्राप्स्यन्त्य् अमृतं देवाः केवलं क्लेशभागिनः

tathā cāhaṁ kariṣyāmi te yathā tridaśadviṣaḥ na prāpsyanty amṛtaṁ devāḥ kevalaṁ kleśabhāginaḥ

और मैं ऐसा करूँगा कि देवताओं के शत्रु तुम्हारे विरोधी अमृत को नहीं पाएँगे, केवल क्लेश ही उनके भाग में आएगा।

श्लोक 80 (vishnu.1.9.80)

श्रीपराशर उवाच । इत्य् उक्ता देवदेवेन सर्व एव ततः सुराः । संधानम् असुरैः कृत्वा यत्नवन्तोऽमृतेऽभवन्

śrīparāśara uvāca ity uktā devadevena sarva eva tataḥ surāḥ saṁdhānam asuraiḥ kṛtvā yatnavanto 'mṛte 'bhavan

श्रीपराशर बोले — देवताओं के देव द्वारा इस प्रकार कहे जाने पर सभी देवताओं ने असुरों से संधि करके अमृत के लिए यत्नशील हो गए।

श्लोक 81 (vishnu.1.9.81)

नानौषधीः समानीय देवदैतेयदानवाः । क्षिप्त्वा क्षीराब्धिपयसि शरदभ्रामलत्विषि

nānauṣadhīḥ samānīya devadaiteyadānavāḥ kṣiptvā kṣīrābdhipayasi śaradabhrāmalatviṣi

देव, दैत्य और दानवों ने मिलकर सभी प्रकार की ओषधियाँ एकत्र करके शरत्काल के मेघों के समान उज्ज्वल क्षीरसागर के जल में डाल दीं।

श्लोक 82 (vishnu.1.9.82)

मन्थानं मन्दरं कृत्वा नेत्रं कृत्वा च वासुकिम् । ततो मथितुम् आरब्धा मैत्रेय तरसामृतम्

manthānaṁ mandaraṁ kṛtvā netraṁ kṛtvā ca vāsukim tato mathitum ārabdhā maitreya tarasāmṛtam

मंदराचल को मंथानी और वासुकि को नेत्र बनाकर उन्होंने तब, हे मैत्रेय, तेजी से अमृत का मंथन आरम्भ किया।

श्लोक 83 (vishnu.1.9.83)

विबुधाः सहिताः सर्वे यतः पुच्छं ततः कृताः । कृष्णेन वासुकेर् दैत्याः पूर्वकाये निवेशिताः

vibudhāḥ sahitāḥ sarve yataḥ pucchaṁ tataḥ kṛtāḥ kṛṣṇena vāsuker daityāḥ pūrvakāye niveśitāḥ

सभी देवगण पूँछ की ओर से पकड़े रहे; कृष्ण के प्रबंध से दैत्यों को वासुकि के अग्रभाग में लगाया गया।

श्लोक 84 (vishnu.1.9.84)

ते तस्य फणनिःश्वासवह्निनापहतत्विषः । निस्तेजसोऽसुराः सर्वे बभूवुर् अमितद्युते

te tasya phaṇaniḥśvāsavahnināpahatatviṣaḥ nistejaso 'surāḥ sarve babhūvur amitadyute

उसके फणों की श्वास-अग्नि से उनका तेज हरण होकर सभी असुर, अपार तेजस्वी होते हुए भी, निस्तेज हो गए।

श्लोक 85 (vishnu.1.9.85)

तेनैव मुखनिःश्वासवायुनास्तबलाहकैः । पुच्छप्रदेशे वर्षद्भिस् तदा चाप्यायिताः सुराः

tenaiva mukhaniḥśvāsavāyunāstabalāhakaiḥ pucchapradeśe varṣadbhis tadā cāpyāyitāḥ surāḥ

परन्तु उसी के मुख की श्वास से, वर्षा करते हुए मेघों के समान, पूँछ की ओर स्थित देवगण तब तृप्त हुए।

श्लोक 86 (vishnu.1.9.86)

क्षीरोदमध्ये भगवान् कूर्मरूपी स्वयं हरिः । मन्दराद्रेर् अधिष्ठानं भ्रमतोऽभून् महामुने

kṣīrodamadhye bhagavān kūrmarūpī svayaṁ hariḥ mandarādrer adhiṣṭhānaṁ bhramato 'bhūn mahāmune

क्षीरसागर के मध्य में भगवान् हरि स्वयं कूर्म रूप धारण करके, हे महामुने, घूमते हुए मंदराचल का आधार बने।

श्लोक 87 (vishnu.1.9.87)

रूपेणान्येन देवानां मध्ये चक्रगदाधरः । चकर्ष नागराजानं दैत्यमध्येऽपरेण च

rūpeṇānyena devānāṁ madhye cakragadādharaḥ cakarṣa nāgarājānaṁ daityamadhye 'pareṇa ca

दूसरे रूप में, देवताओं के मध्य चक्र-गदाधारी होकर उन्होंने नागराज को खींचा; और एक अन्य रूप से दैत्यों के मध्य भी वैसा ही किया।

श्लोक 88 (vishnu.1.9.88)

उपर्य् आक्रान्तवाञ् छैलं बृहद्रूपेण केशवः । तथापरेण मैत्रेय यन् न दृष्टं सुरासुरैः

upary ākrāntavāñ chailaṁ bṛhadrūpeṇa keśavaḥ tathāpareṇa maitreya yan na dṛṣṭaṁ surāsuraiḥ

केशव ने विशाल रूप से पर्वत के ऊपर चढ़कर उसे दबाया; और एक अन्य रूप से भी, हे मैत्रेय, जो देवों और असुरों द्वारा भी नहीं देखा गया।

श्लोक 89 (vishnu.1.9.89)

तेजसा नागराजानं तथाप्यायितवान् हरिः । अन्येन तेजसा देवान् उपबृंहितवान् विभुः

tejasā nāgarājānaṁ tathāpyāyitavān hariḥ anyena tejasā devān upabṛṁhitavān vibhuḥ

अपने तेज से उन्होंने नागराज को तृप्त किया, और एक अन्य तेज से प्रभु ने देवताओं को बल प्रदान किया।

श्लोक 90 (vishnu.1.9.90)

मथ्यमाने ततस् तस्मिन् क्षीराब्धौ देवदानवैः । हविर्धामाभवत् पूर्वं सुरभिः सुरपूजिता

mathyamāne tatas tasmin kṣīrābdhau devadānavaiḥ havirdhāmābhavat pūrvaṁ surabhiḥ surapūjitā

तत्पश्चात् देवों और दानवों द्वारा मंथन किए जा रहे उस क्षीरसागर से सबसे पहले हविष्य का धाम, देवपूजित सुरभि उत्पन्न हुई।

श्लोक 91 (vishnu.1.9.91)

जग्मुर् मुदं ततो देवा दानवाश् च महामुने । व्याक्षिप्तचेतसश् चैव बभूवुः स्तिमितेक्षणाः

jagmur mudaṁ tato devā dānavāś ca mahāmune vyākṣiptacetasaś caiva babhūvuḥ stimitekṣaṇāḥ

हे महामुने! देव और दानव तब हर्षित हुए; परन्तु उनके चित्त व्याकुल हो गए और उनकी दृष्टि स्तब्ध हो गई।

श्लोक 92 (vishnu.1.9.92)

किम् एतद् इति सिद्धानां दिवि चिन्तयतां ततः । बभूव वारुणी देवी मदाघूर्णितलोचना

kim etad iti siddhānāṁ divi cintayatāṁ tataḥ babhūva vāruṇī devī madāghūrṇitalocanā

'यह क्या है' — ऐसा सोचते हुए उन सिद्धों के मध्य, स्वर्ग में, मद से घूमते नेत्रों वाली देवी वारुणी प्रकट हुईं।

श्लोक 93 (vishnu.1.9.93)

कृतावर्तात् ततस् तस्मात् क्षीरोदाद् वासयञ् जगत् । गन्धेन पारिजातोऽभूद् देवस्त्रीनन्दनस् तरुः

kṛtāvartāt tatas tasmāt kṣīrodād vāsayañ jagat gandhena pārijāto 'bhūd devastrīnandanas taruḥ

तत्पश्चात् उस मथे गए क्षीरसागर से, जगत् को सुवासित करता हुआ, देवांगनाओं का आनंददायक पारिजात वृक्ष उस भँवर से उत्पन्न हुआ।

श्लोक 94 (vishnu.1.9.94)

रूपौदार्यगुणोपेतस् ततश् चाप्सरसां गणः । क्षीरोदधेः समुत्पन्नो मैत्रेय परमाद्भुतः

rūpaudāryaguṇopetas tataś cāpsarasāṁ gaṇaḥ kṣīrodadheḥ samutpanno maitreya paramādbhutaḥ

तत्पश्चात् रूप और उदार गुणों से युक्त अप्सराओं का समूह, हे मैत्रेय, क्षीरसागर से उत्पन्न हुआ — यह अत्यंत अद्भुत बात है।

श्लोक 95 (vishnu.1.9.95)

ततः शीतांशुर् अभवज् जगृहे तं महेश्वरः । जगृहुश् च विषं नागाः क्षीरोदाब्धिसमुत्थितम्

tataḥ śītāṁśur abhavaj jagṛhe taṁ maheśvaraḥ jagṛhuś ca viṣaṁ nāgāḥ kṣīrodābdhisamutthitam

तत्पश्चात् शीतांशु उत्पन्न हुए, जिन्हें महेश्वर ने ग्रहण किया; और क्षीरसागर से उत्पन्न विष को नागों ने ग्रहण किया।

श्लोक 96 (vishnu.1.9.96)

ततो धन्वन्तरिर् देवः श्वेताम्बरधरः स्वयम् । बिभ्रत्कमण्डलुं पूर्णम् अमृतस्य समुत्थितः

tato dhanvantarir devaḥ śvetāmbaradharaḥ svayam bibhratkamaṇḍaluṁ pūrṇam amṛtasya samutthitaḥ

तत्पश्चात् श्वेत वस्त्र धारण किए हुए देव धन्वंतरि स्वयं अमृत से पूर्ण कमंडलु लिए हुए प्रकट हुए।

श्लोक 97 (vishnu.1.9.97)

ततः स्वस्थमनस्कास् ते सर्वे दैतेयदानवाः । बभूवुर् मुदिताः सद्यो मैत्रेय मुनिभिः सह

tataḥ svasthamanaskās te sarve daiteyadānavāḥ babhūvur muditāḥ sadyo maitreya munibhiḥ saha

तत्पश्चात् स्वस्थचित्त हुए वे सभी दैत्य और दानव, हे मैत्रेय, मुनियों के सहित तत्काल प्रसन्न हो गए।

श्लोक 98 (vishnu.1.9.98)

ततः स्फुरत्कान्तिमती विकासिकमले स्थिता । श्रीर् देवी पयसस् तस्माद् उत्थिता धृतपङ्कजा

tataḥ sphuratkāntimatī vikāsikamale sthitā śrīr devī payasas tasmād utthitā dhṛtapaṅkajā

तत्पश्चात् चमकती हुई कांतिमती, खिले हुए कमल पर खड़ी, स्वयं कमल धारण किए हुए देवी श्री उन जलों से उत्पन्न हुईं।

श्लोक 99 (vishnu.1.9.99)

तां तुष्टुवुर् मुदा युक्ताः श्रीसूक्तेन महर्षयः

tāṁ tuṣṭuvur mudā yuktāḥ śrīsūktena maharṣayaḥ

महर्षिगण हर्षित होकर श्रीसूक्त से उनकी स्तुति करने लगे।

श्लोक 100 (vishnu.1.9.100)

विश्वावसुमुखास् तस्या गन्धर्वाः पुरतो जगुः । घृताचीप्रमुखा ब्रह्मन् ननृतुश् चाप्सरोगणाः

viśvāvasumukhās tasyā gandharvāḥ purato jaguḥ ghṛtācīpramukhā brahman nanṛtuś cāpsarogaṇāḥ

विश्वावसु आदि गंधर्व उनके आगे गान करने लगे; और घृताची आदि अप्सराएँ, हे ब्रह्मन्, नृत्य करने लगीं।

श्लोक 101 (vishnu.1.9.101)

गङ्गाद्याः सरितस् तोयैः स्नानार्थम् उपतस्थिरे । दिग्गजा हेमपात्रस्थम् आदाय विमलं जलम् । स्नापयां चक्रिरे देवीं सर्वलोकमहेश्वरीम्

gaṅgādyāḥ saritas toyaiḥ snānārtham upatasthire diggajā hemapātrastham ādāya vimalaṁ jalam snāpayāṁ cakrire devīṁ sarvalokamaheśvarīm

गंगा आदि नदियाँ अपने जल के साथ स्नान हेतु उपस्थित हुईं; दिग्गजों ने स्वर्ण-पात्रों में निर्मल जल लेकर सर्वलोकमहेश्वरी उस देवी को स्नान कराया।

श्लोक 102 (vishnu.1.9.102)

क्षीरोदो रूपधृक् तस्यै मालाम् अम्लानपङ्कजाम् । ददौ विभूषणान्य् अङ्गे विश्वकर्मा चकार ह

kṣīrodo rūpadhṛk tasyai mālām amlānapaṅkajām dadau vibhūṣaṇāny aṅge viśvakarmā cakāra ha

क्षीरसागर ने रूप धारण करके उन्हें अम्लान कमलों की माला दी; और विश्वकर्मा ने उनके अंगों के लिए आभूषण बनाए।

श्लोक 103 (vishnu.1.9.103)

दिव्यमाल्याम्बरधरा स्नाता भूषणभूषिता । पश्यतां सर्वदेवानां ययौ वक्षःस्थलं हरेः

divyamālyāmbaradharā snātā bhūṣaṇabhūṣitā paśyatāṁ sarvadevānāṁ yayau vakṣaḥsthalaṁ hareḥ

दिव्य माला और वस्त्र धारण किए, स्नान की हुई, आभूषणों से विभूषित वे सभी देवताओं के देखते-देखते हरि के वक्षःस्थल पर चली गईं।

श्लोक 104 (vishnu.1.9.104)

ततोऽवलोकिता देवा हरिवक्षःस्थलस्थया । लक्ष्म्या मैत्रेय सहसा परां निर्वृतिम् आगताः

tato 'valokitā devā harivakṣaḥsthalasthayā lakṣmyā maitreya sahasā parāṁ nirvṛtim āgatāḥ

तत्पश्चात् हरि के वक्षःस्थल पर स्थित उन्हें देखकर देवगण, हे मैत्रेय, तत्काल परम आनंद को प्राप्त हुए।

श्लोक 105 (vishnu.1.9.105)

उद्वेगं परमं जग्मुर् दैत्या विष्णुपराङ्मुखाः । त्यक्ता लक्ष्म्या महाभाग विप्रचित्तिपुरोगमाः

udvegaṁ paramaṁ jagmur daityā viṣṇuparāṅmukhāḥ tyaktā lakṣmyā mahābhāga vipracittipurogamāḥ

परन्तु विष्णु से विमुख हुए दैत्य, हे महाभाग, लक्ष्मी द्वारा त्यागे जाकर विप्रचित्ति आदि परम उद्वेग को प्राप्त हुए।

श्लोक 106 (vishnu.1.9.106)

ततस् ते जगृहुर् दैत्या धन्वन्तरिकरे स्थितम् । कमण्डलुं महावीर्या यत्रास्ते तद् द्विजामृतम्

tatas te jagṛhur daityā dhanvantarikare sthitam kamaṇḍaluṁ mahāvīryā yatrāste tad dvijāmṛtam

तत्पश्चात् उन महाबली दैत्यों ने धन्वंतरि के हाथ में स्थित द्विजों के लिए अमृत का वह कमंडलु छीन लिया।

श्लोक 107 (vishnu.1.9.107)

मायया मोहयित्वा तान् विष्णुः स्त्रीरूपम् आस्थितः । दानवेभ्यस् तद् आदाय देवेभ्यः प्रददौ विभुः

māyayā mohayitvā tān viṣṇuḥ strīrūpam āsthitaḥ dānavebhyas tad ādāya devebhyaḥ pradadau vibhuḥ

उन्हें माया से मोहित करके, स्त्री का रूप धारण करके, विष्णु ने दानवों से वह अमृत लेकर देवताओं को दे दिया।

श्लोक 108 (vishnu.1.9.108)

ततः पपुः सुरगणाः शक्राद्यास् तत् तदामृतम् । उद्यतायुधनिस्त्रिंशा दैत्यास् तांश् च समभ्ययुः

tataḥ papuḥ suragaṇāḥ śakrādyās tat tadāmṛtam udyatāyudhanistriṁśā daityās tāṁś ca samabhyayuḥ

तत्पश्चात् शक्र आदि देवगणों ने वह अमृत पिया; दैत्य शस्त्र-अस्त्र उठाकर उन पर टूट पड़े।

श्लोक 109 (vishnu.1.9.109)

पीतेऽमृते च बलिभिर् देवैर् दैत्यचमूस् तदा । वध्यमाना दिशो भेजे पातालं च विवेश वै

pīte 'mṛte ca balibhir devair daityacamūs tadā vadhyamānā diśo bheje pātālaṁ ca viveśa vai

परन्तु अमृत पीने पर बलशाली देवताओं ने दैत्यसेना को पराजित कर दिया, जो दिशाओं में बिखर गई और पाताल में प्रविष्ट हो गई।

श्लोक 110 (vishnu.1.9.110)

ततो देवा मुदा युक्ताः शङ्खचक्रगदाधरम् । प्रणिपत्य यथापूर्वम् अशासंस् तत् त्रिविष्टपम्

tato devā mudā yuktāḥ śaṅkhacakragadādharam praṇipatya yathāpūrvam aśāsaṁs tat triviṣṭapam

तत्पश्चात् हर्षित देवताओं ने शंख-चक्र-गदाधारी को पूर्व की भाँति प्रणाम करके उस स्वर्गलोक पर पुनः अधिकार कर लिया।

श्लोक 111 (vishnu.1.9.111)

ततः प्रसन्नभाः सूर्यः प्रययौ स्वेन वर्त्मना । ज्योतींषि च यथामार्गं प्रययुर् मुनिसत्तम

tataḥ prasannabhāḥ sūryaḥ prayayau svena vartmanā jyotīṁṣi ca yathāmārgaṁ prayayur munisattama

तत्पश्चात् निर्मल कांति वाला सूर्य अपने मार्ग पर पुनः चल पड़ा; और ज्योतिर्गण भी, हे मुनिसत्तम, अपने-अपने यथोचित मार्ग पर चलने लगे।

श्लोक 112 (vishnu.1.9.112)

जज्वाल भगवांश् चोच्चैश् चारुदीप्तिर् विभावसुः । धर्मे च सर्वभूतानां तदा मतिर् अजायत

jajvāla bhagavāṁś coccaiś cārudīptir vibhāvasuḥ dharme ca sarvabhūtānāṁ tadā matir ajāyata

भगवान् अग्नि उच्चस्वर से प्रज्वलित हुए, उनकी कांति अत्यंत सुंदर हुई; और सभी प्राणियों में तब पुनः धर्म में मन लगने लगा।

श्लोक 113 (vishnu.1.9.113)

श्रिया जुष्टं च त्रैलोक्यं बभूव द्विजसत्तम । शक्रश् च त्रिदशश्रेष्ठः पुनः श्रीमान् अजायत

śriyā juṣṭaṁ ca trailokyaṁ babhūva dvijasattama śakraś ca tridaśaśreṣṭhaḥ punaḥ śrīmān ajāyata

हे द्विजसत्तम! तीनों लोक पुनः श्री से युक्त हो गए; और देवश्रेष्ठ शक्र पुनः श्रीमान् होकर प्रकट हुए।

श्लोक 114 (vishnu.1.9.114)

सिंहासनगतः शक्रः संप्राप्य त्रिदिवं पुनः । देवराज्ये स्थितो देवीं तुष्टावाब्जकरां ततः

siṁhāsanagataḥ śakraḥ saṁprāpya tridivaṁ punaḥ devarājye sthito devīṁ tuṣṭāvābjakarāṁ tataḥ

सिंहासन पर बैठे, पुनः स्वर्ग प्राप्त करके देवराज्य में प्रतिष्ठित शक्र ने तब कमलधारिणी देवी की स्तुति की।

श्लोक 115 (vishnu.1.9.115)

इन्द्र उवाच । नमस्ये सर्वलोकानां जननीम् अब्जसंभवाम् । श्रियम् उन्निद्रपद्माक्षीं विष्णुवक्षःस्थलस्थिताम्

indra uvāca namasye sarvalokānāṁ jananīm abjasaṁbhavām śriyam unnidrapadmākṣīṁ viṣṇuvakṣaḥsthalasthitām

इन्द्र बोले — कमल से उत्पन्न, सर्वलोकों की जननी, विकसित कमल के समान नेत्रों वाली, विष्णु के वक्षःस्थल पर स्थित श्री को मैं नमस्कार करता हूँ।

श्लोक 116 (vishnu.1.9.116)

त्वं सिद्धिस् त्वं स्वधा स्वाहा सुधा त्वं लोकपावनी । संध्या रात्रिः प्रभा भूतिर् मेधा श्रद्धा सरस्वती

tvaṁ siddhis tvaṁ svadhā svāhā sudhā tvaṁ lokapāvanī saṁdhyā rātriḥ prabhā bhūtir medhā śraddhā sarasvatī

आप ही सिद्धि, स्वधा, स्वाहा, लोकपावनी सुधा हैं; आप संध्या, रात्रि, प्रभा, भूति, मेधा, श्रद्धा, सरस्वती हैं।

श्लोक 117 (vishnu.1.9.117)

यज्ञविद्या महाविद्या गुह्यविद्या च शोभने । आत्मविद्या च देवि त्वं विमुक्तिफलदायिनी

yajñavidyā mahāvidyā guhyavidyā ca śobhane ātmavidyā ca devi tvaṁ vimuktiphaladāyinī

हे शोभने! आप यज्ञविद्या, महाविद्या, गुह्यविद्या हैं; हे देवि! आप आत्मविद्या हैं, मुक्ति फल देने वाली हैं।

श्लोक 118 (vishnu.1.9.118)

आन्वीक्षिकी त्रयी वार्ता दण्डनीतिस् त्वम् एव च । सौम्यासौम्यैर् जगद् रूपैस् त्वयैतद् देवि पूरितम्

ānvīkṣikī trayī vārtā daṇḍanītis tvam eva ca saumyāsaumyair jagad rūpais tvayaitad devi pūritam

आप आन्वीक्षिकी, त्रयी विद्या, वार्ता, दंडनीति हैं; हे देवि! सौम्य और असौम्य रूपों में यह जगत् आपसे ही पूर्ण है।

श्लोक 119 (vishnu.1.9.119)

का त्व् अन्या त्वाम् ऋते देवि सर्वयज्ञमयं वपुः । अध्यास्ते देवदेवस्य योगिचिन्त्यं गदाभृतः

kā tv anyā tvām ṛte devi sarvayajñamayaṁ vapuḥ adhyāste devadevasya yogicintyaṁ gadābhṛtaḥ

हे देवि! आपके अतिरिक्त और कौन है जो सर्वयज्ञमय रूप है, जो गदाधारी देवाधिदेव के, योगियों द्वारा चिंतनीय, आश्रित रहती है?

श्लोक 120 (vishnu.1.9.120)

त्वया देवि परित्यक्तं सकलं भुवनत्रयम् । विनष्टप्रायम् अभवत् त्वयेदानीं समेधितम्

tvayā devi parityaktaṁ sakalaṁ bhuvanatrayam vinaṣṭaprāyam abhavat tvayedānīṁ samedhitam

हे देवि! आपके द्वारा त्यागे जाने पर सम्पूर्ण त्रिभुवन नष्टप्राय हो गया था; अब आपके द्वारा वह पुनः समृद्ध हो गया है।

श्लोक 121 (vishnu.1.9.121)

दाराः पुत्रास् तथागारं सुहृद्धान्यधनादिकम् । भवत्य् एतन् महाभागे नित्यं त्वद्वीक्षणान् नृणाम्

dārāḥ putrās tathāgāraṁ suhṛddhānyadhanādikam bhavaty etan mahābhāge nityaṁ tvadvīkṣaṇān nṛṇām

हे महाभागे! पत्नी, पुत्र, घर, सुहृद, धान्य-धन आदि — ये सब मनुष्यों को सदा आपकी दृष्टि से ही प्राप्त होते हैं।

श्लोक 122 (vishnu.1.9.122)

शरीरारोग्यम् ऐश्वर्यम् अरिपक्षक्षयः सुखम् । देवि त्वद्दृष्टिदृष्टानां पुरुषाणां न दुर्लभम्

śarīrārogyam aiśvaryam aripakṣakṣayaḥ sukham devi tvaddṛṣṭidṛṣṭānāṁ puruṣāṇāṁ na durlabham

शरीर का आरोग्य, ऐश्वर्य, शत्रुपक्ष का क्षय, सुख — हे देवि! आपकी दृष्टि से देखे गए पुरुषों के लिए ये दुर्लभ नहीं हैं।

श्लोक 123 (vishnu.1.9.123)

त्वं माता सर्वभूतानां देवदेवो हरिः पिता । त्वयैतद् विष्णुना चाम्ब जगद् व्याप्तं चराचरम्

tvaṁ mātā sarvabhūtānāṁ devadevo hariḥ pitā tvayaitad viṣṇunā cāmba jagad vyāptaṁ carācaram

आप ही सभी प्राणियों की माता हैं, और देवाधिदेव हरि पिता हैं; हे अम्ब! विष्णु के साथ आपके द्वारा ही यह चराचर जगत् व्याप्त है।

श्लोक 124 (vishnu.1.9.124)

मा नः कोशं तथा गोष्ठं मा गृहं मा परिच्छदम् । मा शरीरं कलत्रं च त्यजेथाः सर्वपावनि

mā naḥ kośaṁ tathā goṣṭhaṁ mā gṛhaṁ mā paricchadam mā śarīraṁ kalatraṁ ca tyajethāḥ sarvapāvani

हे सर्वपावनि! हमारे कोश को, गोष्ठ को, गृह को, परिकर को मत त्यागिए; हमारे शरीर और पत्नी को भी मत त्यागिए।

श्लोक 125 (vishnu.1.9.125)

मा पुत्रान् मा सुहृद्वर्गान् मा पशून् मा विभूषणम् । त्यजेथा मम देवस्य विष्णोर् वक्षःस्थलालये

mā putrān mā suhṛdvargān mā paśūn mā vibhūṣaṇam tyajethā mama devasya viṣṇor vakṣaḥsthalālaye

हमारे पुत्रों को, सुहृदों के समूह को, पशुओं को, आभूषणों को मत त्यागिए — मुझे भी, अपने स्वामी विष्णु के वक्षःस्थल के आश्रय में स्थित, मत त्यागिए।

श्लोक 126 (vishnu.1.9.126)

सत्त्वेन सत्यशौचाभ्यां तथा शीलादिभिर् गुणैः । त्यज्यन्ते ते नराः सद्यः संत्यक्ता ये त्वयामले

sattvena satyaśaucābhyāṁ tathā śīlādibhir guṇaiḥ tyajyante te narāḥ sadyaḥ saṁtyaktā ye tvayāmale

हे निर्मले! जिन मनुष्यों से आप सर्वथा दूर हो जाती हैं, उनसे सत्त्व, सत्य-शौच तथा शील आदि गुण भी तत्काल दूर हो जाते हैं।

श्लोक 127 (vishnu.1.9.127)

त्वयावलोकिताः सद्यः शीलाद्यैर् अखिलैर् गुणैः । कुलैश्वर्यैश् च युज्यन्ते पुरुषा निर्गुणा अपि

tvayāvalokitāḥ sadyaḥ śīlādyair akhilair guṇaiḥ kulaiśvaryaiś ca yujyante puruṣā nirguṇā api

जिन पर आप दृष्टिपात करती हैं, वे निर्गुण पुरुष भी तत्काल शील आदि सम्पूर्ण गुणों तथा कुल के ऐश्वर्य से युक्त हो जाते हैं।

श्लोक 128 (vishnu.1.9.128)

स श्लाघ्यः स गुणी धन्यः स कुलीनः स बुद्धिमान् । स शूरः स च विक्रान्तो यस् त्वया देवि वीक्षितः

sa ślāghyaḥ sa guṇī dhanyaḥ sa kulīnaḥ sa buddhimān sa śūraḥ sa ca vikrānto yas tvayā devi vīkṣitaḥ

वही प्रशंसनीय है, वही गुणी, धन्य, कुलीन, बुद्धिमान है; वही शूर और पराक्रमी है, हे देवि, जिसे आप देखती हैं।

श्लोक 129 (vishnu.1.9.129)

सद्यो वैगुण्यम् आयान्ति शीलाद्याः सकला गुणाः । पराङ्मुखी जगद्धात्री यस्य त्वं विष्णुवल्लभे

sadyo vaiguṇyam āyānti śīlādyāḥ sakalā guṇāḥ parāṅmukhī jagaddhātrī yasya tvaṁ viṣṇuvallabhe

हे जगद्धात्रि! हे विष्णुवल्लभे! जिससे आप विमुख हो जाती हैं, उसके शील आदि सभी गुण तत्काल दोष में बदल जाते हैं।

श्लोक 130 (vishnu.1.9.130)

न ते वर्णयितुं शक्ता गुणाञ् जिह्वापि वेधसः । प्रसीद देवि पद्माक्षि मास्मांस् त्याक्षीः कदाचन

na te varṇayituṁ śaktā guṇāñ jihvāpi vedhasaḥ prasīda devi padmākṣi māsmāṁs tyākṣīḥ kadācana

स्वयं ब्रह्मा की जिह्वा भी आपके गुणों का वर्णन करने में समर्थ नहीं है; हे कमलाक्षि देवि! प्रसन्न होइए, हमें कभी मत त्यागिए।

श्लोक 131 (vishnu.1.9.131)

श्रीपराशर उवाच । एवं श्रीः संस्तुता सम्यक् प्राह हृष्टा शतक्रतुम् । शृण्वतां सर्वदेवानां सर्वभूतस्थिता द्विज

śrīparāśara uvāca evaṁ śrīḥ saṁstutā samyak prāha hṛṣṭā śatakratum śṛṇvatāṁ sarvadevānāṁ sarvabhūtasthitā dvija

श्रीपराशर बोले — इस प्रकार भलीभाँति स्तुति किए जाने पर हर्षित श्री ने सभी देवताओं के सुनते हुए शतक्रतु से कहा, हे द्विज, वे सर्वभूतस्थित हैं।

श्लोक 132 (vishnu.1.9.132)

श्रीर् उवाच । परितुष्टास्मि देवेश स्तोत्रेणानेन ते हरे । वरं वृणीष्व यस् त्व् इष्टो वरदाहं तवागता

śrīr uvāca parituṣṭāsmi deveśa stotreṇānena te hare varaṁ vṛṇīṣva yas tv iṣṭo varadāhaṁ tavāgatā

श्री बोलीं — हे देवेश! हे हरे! तुम्हारी इस स्तुति से मैं अत्यंत संतुष्ट हूँ; जो चाहो वर माँगो, मैं वरदायिनी बनकर तुम्हारे पास आई हूँ।

श्लोक 133 (vishnu.1.9.133)

इन्द्र उवाच । वरदा यदि मे देवि वरार्हो यदि चाप्य् अहम् । त्रैलोक्यं न त्वया त्याज्यम् एष मेऽस्तु वरः परः

indra uvāca varadā yadi me devi varārho yadi cāpy aham trailokyaṁ na tvayā tyājyam eṣa me 'stu varaḥ paraḥ

इन्द्र बोले — हे देवि! यदि आप वरदायिनी हैं और यदि मैं भी वर के योग्य हूँ, तो तीनों लोक आपके द्वारा कभी त्यागे न जाएँ — यही मेरा परम वर हो।

श्लोक 134 (vishnu.1.9.134)

स्तोत्रेण यस् तथैतेन त्वां स्तोष्यत्य् अब्धिसंभवे । स त्वया न परित्याज्यो द्वितीयोऽस्तु वरो मम

stotreṇa yas tathaitena tvāṁ stoṣyaty abdhisaṁbhave sa tvayā na parityājyo dvitīyo 'stu varo mama

और जो भी इस स्तोत्र से इसी प्रकार आपकी, सागर से उत्पन्न देवी की, स्तुति करे, वह भी आपके द्वारा कभी त्यागा न जाए — यह मेरा दूसरा वर हो।

श्लोक 135 (vishnu.1.9.135)

श्रीर् उवाच । त्रैलोक्यं त्रिदशश्रेष्ठ न संत्यक्ष्यामि वासव । दत्तो वरो मयायं ते स्तोत्राराधनतुष्टया

śrīr uvāca trailokyaṁ tridaśaśreṣṭha na saṁtyakṣyāmi vāsava datto varo mayāyaṁ te stotrārādhanatuṣṭayā

श्री बोलीं — हे त्रिदशश्रेष्ठ वासव! मैं तीनों लोकों को कभी नहीं त्यागूँगी; तुम्हारी स्तुति और आराधना से प्रसन्न होकर मैंने यह वर दिया है।

श्लोक 136 (vishnu.1.9.136)

यश् च सायं तथा प्रातः स्तोत्रेणानेन मानवः । मां स्तोष्यति न तस्याहं भविष्यामि पराङ्मुखी

yaś ca sāyaṁ tathā prātaḥ stotreṇānena mānavaḥ māṁ stoṣyati na tasyāhaṁ bhaviṣyāmi parāṅmukhī

और जो भी मनुष्य प्रातः-सायं इसी स्तोत्र से मेरी स्तुति करेगा, उससे मैं कभी विमुख नहीं होऊँगी।

श्लोक 137 (vishnu.1.9.137)

श्रीपराशर उवाच । एवं ददौ वरौ देवी देवराजाय वै पुरा । मैत्रेय श्रीर् महाभागा स्तोत्राराधनतोषिता

śrīparāśara uvāca evaṁ dadau varau devī devarājāya vai purā maitreya śrīr mahābhāgā stotrārādhanatoṣitā

श्रीपराशर बोले — इस प्रकार पूर्वकाल में देवी ने देवराज को ये वर दिए; हे मैत्रेय, स्तुति और आराधना से प्रसन्न महाभागा श्री ने।

श्लोक 138 (vishnu.1.9.138)

भृगोः ख्यात्यां समुत्पन्ना श्रीः पूर्वम् उदधेः पुनः । देवदानवयत्नेन प्रसूतामृतमन्थने

bhṛgoḥ khyātyāṁ samutpannā śrīḥ pūrvam udadheḥ punaḥ devadānavayatnena prasūtāmṛtamanthane

भृगु की ख्याति में उत्पन्न होकर श्री पहले सागर से, देव-दानवों के अमृतमंथन के प्रयत्न से उत्पन्न हुई थीं।

श्लोक 139 (vishnu.1.9.139)

एवं यदा जगत्स्वामी देवदेवो जनार्दनः । अवतारं करोत्य् एषा तदा श्रीस् तत्सहायिनी

evaṁ yadā jagatsvāmī devadevo janārdanaḥ avatāraṁ karoty eṣā tadā śrīs tatsahāyinī

इस प्रकार जब-जब जगत्स्वामी देवदेव जनार्दन अवतार धारण करते हैं, तब-तब श्री उनकी सहायिका बनती हैं।

श्लोक 140 (vishnu.1.9.140)

पुनश् च पद्मा संभूता आदित्योऽभूद् यदा हरिः । यदा तु भार्गवो रामस् तदाभूद् धरणी त्व् इयम्

punaś ca padmā saṁbhūtā ādityo 'bhūd yadā hariḥ yadā tu bhārgavo rāmas tadābhūd dharaṇī tv iyam

पुनः जब हरि आदित्य हुए तब वे पद्मा के रूप में उत्पन्न हुईं; और जब भार्गव राम हुए तब यह पृथ्वी ही उनका रूप हुई।

श्लोक 141 (vishnu.1.9.141)

राघवत्वेऽभवत् सीता रुक्मिणी कृष्णजन्मनि । अन्येषु चावतारेषु विष्णोर् एषा सहायिनी

rāghavatve 'bhavat sītā rukmiṇī kṛṣṇajanmani anyeṣu cāvatāreṣu viṣṇor eṣā sahāyinī

राघवावतार में वे सीता हुईं; कृष्ण के जन्म में रुक्मिणी हुईं; अन्य अवतारों में भी वे विष्णु की सहायिका हैं।

श्लोक 142 (vishnu.1.9.142)

देवत्वे देवदेहेयं मनुष्यत्वे च मानुषी । विष्णोर् देहानुरूपां वै करोत्य् एषात्मनस् तनुम्

devatve devadeheyaṁ manuṣyatve ca mānuṣī viṣṇor dehānurūpāṁ vai karoty eṣātmanas tanum

उनकी देवता-रूपता में देव-शरीर, मनुष्यता में मानुषी शरीर धारण करके वे विष्णु के शरीर के अनुरूप अपना रूप बनाती हैं।

श्लोक 143 (vishnu.1.9.143)

यश् चैतच् छृणुयाज् जन्म लक्ष्म्या यश् च पठेन् नरः । श्रियो न विच्युतिस् तस्य गृहे यावत् कुलत्रयम्

yaś caitac chṛṇuyāj janma lakṣmyā yaś ca paṭhen naraḥ śriyo na vicyutis tasya gṛhe yāvat kulatrayam

जो भी इस लक्ष्मी के जन्म को सुनता है, और जो भी इसका पाठ करता है, उसके घर से तीन पीढ़ियों तक श्री का लोप नहीं होता।

श्लोक 144 (vishnu.1.9.144)

पठ्यते येषु चैवेयं गृहेषु श्रीस्तुतिर् मुने । अलक्ष्मीः कलहाधारा न तेष्व् आस्ते कदाचन

paṭhyate yeṣu caiveyaṁ gṛheṣu śrīstutir mune alakṣmīḥ kalahādhārā na teṣv āste kadācana

हे मुने! जिन घरों में यह श्रीस्तुति पढ़ी जाती है, वहाँ कलह की जननी अलक्ष्मी कभी वास नहीं करती।

श्लोक 145 (vishnu.1.9.145)

एतत् ते कथितं ब्रह्मन् यन् मां त्वं परिपृच्छसि । क्षीराब्धौ श्रीर् यथा जाता पूर्वं भृगुसुता सती

etat te kathitaṁ brahman yan māṁ tvaṁ paripṛcchasi kṣīrābdhau śrīr yathā jātā pūrvaṁ bhṛgusutā satī

हे ब्रह्मन्! तुमने मुझसे जो पूछा था, वह मैंने तुम्हें बता दिया — किस प्रकार भृगुपुत्री सती श्री पूर्वकाल में क्षीरसागर में उत्पन्न हुईं।

श्लोक 146 (vishnu.1.9.146)

इति सकलविभूत्यवाप्तिहेतुः स्तुतिर् इयम् इन्द्रमुखोद्गता हि लक्ष्म्याः । अनुदिनम् इह पठ्यते नृभिर् यैर् वसति न तेषु कदाचिद् अप्य् अलक्ष्मीः

iti sakalavibhūtyavāptihetuḥ stutir iyam indramukhodgatā hi lakṣmyāḥ anudinam iha paṭhyate nṛbhir yair vasati na teṣu kadācid apy alakṣmīḥ

इस प्रकार सम्पूर्ण विभूतियों की प्राप्ति का यह हेतुभूत स्तोत्र, जो इन्द्र के मुख से निकली लक्ष्मी की यह स्तुति है, यहाँ प्रतिदिन पढ़ा जाता है; जिनके द्वारा यह पढ़ा जाता है, उनमें अलक्ष्मी कभी वास नहीं करती।