राजा ज्यामघ की कथा

श्लोक 1 (vishnu.4.12.1)

श्रीपराशर उवाच क्रोष्टोस्तु यदुपुत्रस्यात्मजो ध्वजिनीवान्

śrīparāśara uvāca kroṣṭostu yaduputrasyātmajo dhvajinīvān

श्री पराशर ने कहा — यदु के पुत्र क्रोष्टु का पुत्र ध्वजिनीवान् हुआ।

श्लोक 2 (vishnu.4.12.2)

ततश्च स्वातिः ततो रुशङ्कुः रुशङ्कोश्चित्ररथः

tataśca svātiḥ tato ruśaṅkuḥ ruśaṅkościtrarathaḥ

उससे स्वाति, उससे रुशङ्कु और रुशङ्कु से चित्ररथ हुआ।

श्लोक 3 (vishnu.4.12.3)

तत्तनयः शशिबिन्दुः चतुर्दशमहारत्नेशश्चक्रवर्त्यभवत्

tattanayaḥ śaśibinduḥ caturdaśamahāratneśaścakravartyabhavat

उसका पुत्र शशिबिन्दु हुआ, जो चौदह महारत्नों का स्वामी और चक्रवर्ती सम्राट था।

श्लोक 4 (vishnu.4.12.4)

तस्य च शतसहस्रं पत्नी नामभवत्

tasya ca śatasahasraṁ patnī nāmabhavat

उसकी एक लाख पत्नियाँ थीं।

श्लोक 5 (vishnu.4.12.5)

दशलक्षसंख्याश्च पुत्राः

daśalakṣasaṁkhyāśca putrāḥ

और उसके दस लाख पुत्र थे।

श्लोक 6 (vishnu.4.12.6)

तेषां च पृथुश्रवाः पृथुकर्मा पृथुकीर्तिः पृथुयशाः पृथुजयः पृथुदानः षट्पुत्राः प्रधानाः

teṣāṁ ca pṛthuśravāḥ pṛthukarmā pṛthukīrtiḥ pṛthuyaśāḥ pṛthujayaḥ pṛthudānaḥ ṣaṭputrāḥ pradhānāḥ

उनमें पृथुश्रवा, पृथुकर्मा, पृथुकीर्ति, पृथुयशा, पृथुजय और पृथुदान — ये छह पुत्र प्रधान थे।

श्लोक 7 (vishnu.4.12.7)

पृथुश्रवसश्च पुत्रः पृथुतमः

pṛthuśravasaśca putraḥ pṛthutamaḥ

पृथुश्रवा का पुत्र पृथुतम हुआ।

श्लोक 8 (vishnu.4.12.8)

तस्मादुशना यो वाजिमेधानां शतमाजहार

tasmāduśanā yo vājimedhānāṁ śatamājahāra

उससे उशना उत्पन्न हुआ, जिसने सौ अश्वमेध यज्ञ सम्पन्न किए।

श्लोक 9 (vishnu.4.12.9)

तस्य च शितपुर्नाम पुत्रोऽभवत्

tasya ca śitapurnāma putro'bhavat

उसका पुत्र शितपु नामक हुआ।

श्लोक 10 (vishnu.4.12.10)

तस्यापि रुक्मकवचस्ततः परावृत्

tasyāpi rukmakavacastataḥ parāvṛt

उसका भी पुत्र रुक्मकवच हुआ, और उससे परावृत् हुआ।

श्लोक 11 (vishnu.4.12.11)

तस्य परावृतो रुक्मेषुपृथुज्यामघवलितहरितसंज्ञास्तस्य पञ्चात्मजा बभूवुः

tasya parāvṛto rukmeṣupṛthujyāmaghavalitaharitasaṁjñāstasya pañcātmajā babhūvuḥ

उस परावृत् के रुक्मेषु, पृथु, ज्यामघ, वलित और हरित नामक पाँच पुत्र हुए।

श्लोक 12 (vishnu.4.12.12)

तस्माद्यापि ज्यामघस्य श्लोको गीयते

tasmādyāpi jyāmaghasya śloko gīyate

उनमें से ज्यामघ के विषय में आज भी यह श्लोक गाया जाता है —

श्लोक 13 (vishnu.4.12.13)

भार्यावश्यास्तु ये केचिद्भविष्यन्त्यथ वा मृताः । तेषां तु ज्यामघः श्रेष्ठः शैव्यापतिरभून्नृपः

bhāryāvaśyāstu ye kecidbhaviṣyantyatha vā mṛtāḥ | teṣāṁ tu jyāmaghaḥ śreṣṭhaḥ śaivyāpatirabhūnnṛpaḥ

जो भी राजा अपनी पत्नी के अधीन रहे हों, चाहे वे अब तक जीवित हों या मर चुके हों, उन सबमें राजा ज्यामघ श्रेष्ठ था, जो शैव्या का पति हुआ।

श्लोक 14 (vishnu.4.12.14)

अपुत्रा तस्य सा पत्नी शैव्या नाम तथाप्यसौ । अपत्यकामोऽपि भयान्नान्यां भार्यामविन्दत

aputrā tasya sā patnī śaivyā nāma tathāpyasau | apatyakāmo'pi bhayānnānyāṁ bhāryāmavindata

उसकी पत्नी शैव्या पुत्रहीन थी, फिर भी संतान की कामना रखते हुए भी वह उसके भय से दूसरी पत्नी नहीं लाया।

श्लोक 15 (vishnu.4.12.15)

स त्वेकदा प्रभूतरथतुरगगजसंमर्दातिदारुणे महाहवे युध्यमानश्च सकलमेवारिचक्रमजयत्

sa tvekadā prabhūtarathaturagagajasaṁmardātidāruṇe mahāhave yudhyamānaśca sakalamevāricakramajayat

एक बार अत्यंत भीषण रथ, अश्व और हाथियों की टक्कर वाले महासंग्राम में युद्ध करते हुए उसने समस्त शत्रुसमूह को जीत लिया।

श्लोक 16 (vishnu.4.12.16)

तच्चारिचक्रमपास्तपुत्रकलत्रबन्धुबलकोशं स्वमधिष्ठानं परित्यज्य दिशः प्रतिविद्रुतम्

taccāricakramapāstaputrakalatrabandhubalakośaṁ svamadhiṣṭhānaṁ parityajya diśaḥ pratividrutam

वह पराजित शत्रुसमूह अपने पुत्र, पत्नी, बन्धु, सेना और कोष को त्यागकर तथा अपनी राजधानी को छोड़कर दिशाओं में भाग गया।

श्लोक 17 (vishnu.4.12.17)

तस्मिंश्च विद्रुतेऽतित्रासलोलायतलोचनयुगलं त्राहित्राहि मां तातांब भ्रातरित्याकुलविलापविधुरं स राजकन्यारत्नमद्राक्षीत्

tasmiṁśca vidrute'titrāsalolāyatalocanayugalaṁ trāhitrāhi māṁ tātāṁba bhrātarityākulavilāpavidhuraṁ sa rājakanyāratnamadrākṣīt

उनके इस प्रकार भाग जाने पर, ज्यामघ ने अत्यंत भय से चंचल विशाल नेत्रों वाली, हे पिता! हे माता! हे भ्राता! मेरी रक्षा करो, रक्षा करो! इस प्रकार व्याकुल विलाप करती हुई एक अनुपम राजकन्या को देखा।

श्लोक 18 (vishnu.4.12.18)

तद्दर्शनाच्च तस्यामनुरागनुगतान्तरात्मा स नृपोऽचिन्तयत्

taddarśanācca tasyāmanurāganugatāntarātmā sa nṛpo'cintayat

उसे देखते ही राजा का मन उसके प्रति अनुराग से भर गया और उसने सोचा —

श्लोक 19 (vishnu.4.12.19)

साध्विदं ममापत्यरहितस्य वन्ध्याभर्तुः सांप्रतं विधिनापत्यकारणं कन्यारत्नमुपपादितम्

sādhvidaṁ mamāpatyarahitasya vandhyābhartuḥ sāṁprataṁ vidhināpatyakāraṇaṁ kanyāratnamupapāditam

संतानहीन तथा बाँझ पत्नी के पति मुझ पर विधाता ने कृपा करके यह उत्तम कन्या-रत्न संतान-प्राप्ति के निमित्त भेज दिया है।

श्लोक 20 (vishnu.4.12.20)

तदेतत्समुद्वहामीति

tadetatsamudvahāmīti

अतः मैं इससे विवाह कर लूँ।

श्लोक 21 (vishnu.4.12.21)

अथ वैनां स्यन्दनमारोप्य स्वमधिष्ठानं नयामि

atha vaināṁ syandanamāropya svamadhiṣṭhānaṁ nayāmi

फिर उसने सोचा कि इसे रथ पर बिठाकर अपनी राजधानी ले चलूँ।

श्लोक 22 (vishnu.4.12.22)

तयैव देव्याशैव्ययाहमनुज्ञातःसमुद्वहामीति

tayaiva devyāśaivyayāhamanujñātaḥsamudvahāmīti

और देवी शैव्या की स्वयं की अनुमति से ही मैं इससे विवाह करूँगा — ऐसा उसने निश्चय किया।

श्लोक 23 (vishnu.4.12.23)

अथैनां रथमारोप्य स्वनगरमगच्छत्

athaināṁ rathamāropya svanagaramagacchat

फिर उसे रथ पर बिठाकर वह अपने नगर को गया।

श्लोक 24 (vishnu.4.12.24)

विजयिनं च राजानमशेषपौरभृत्वयरिजनामात्यसमेता शैव्या द्रष्टुमधिष्ठनद्वारमागता

vijayinaṁ ca rājānamaśeṣapaurabhṛtvayarijanāmātyasametā śaivyā draṣṭumadhiṣṭhanadvāramāgatā

विजयी राजा को देखने के लिए समस्त नगरवासियों, सेवकों और मंत्रियों के साथ शैव्या राजधानी के द्वार पर आई।

श्लोक 25 (vishnu.4.12.25)

सा चावलोक्य राज्ञः सव्यपार्श्ववर्त्तिनीं कन्यामीषदुद्भूतामर्षस्फुरदधरपल्लवा राजानमवोचत्

sā cāvalokya rājñaḥ savyapārśvavarttinīṁ kanyāmīṣadudbhūtāmarṣasphuradadharapallavā rājānamavocat

राजा के बाईं ओर बैठी उस कन्या को देखकर, ईर्ष्या से कुछ काँपते हुए अधरों वाली शैव्या ने राजा से कहा —

श्लोक 26 (vishnu.4.12.26)

अतिचपलचित्तात्र स्यन्दने केयमारोपितेति

aticapalacittātra syandane keyamāropiteti

हे चंचल-चित्त! इस रथ पर तुमने यह किसे बिठा रखा है?

श्लोक 27 (vishnu.4.12.27)

असावप्यनालोचितोत्तरवचनोऽतिभयात्तामाह स्नुषा ममेयमिति

asāvapyanālocitottaravacano'tibhayāttāmāha snuṣā mameyamiti

राजा ने भी बिना सोचे-समझे उत्तर देते हुए, अत्यंत भय से उससे कह दिया — यह मेरी पुत्रवधू है।

श्लोक 28 (vishnu.4.12.28)

अथैनं शैव्योवाच

athainaṁ śaivyovāca

तब शैव्या ने उससे कहा —

श्लोक 29 (vishnu.4.12.29)

नाहं प्रसूता पुत्रेण नान्या पत्न्यभवत्तव । स्नुषासंबन्धता ह्योषा कतमेन सुतेन ते

nāhaṁ prasūtā putreṇa nānyā patnyabhavattava | snuṣāsaṁbandhatā hyoṣā katamena sutena te

न तो मैंने किसी पुत्र को जन्म दिया, न ही तुम्हारी कोई दूसरी पत्नी हुई — फिर यह तुम्हारी पुत्रवधू किस पुत्र के कारण हुई?

श्लोक 30 (vishnu.4.12.30)

श्रीपराशर उवाच इत्यात्मेर्ष्याकोपकलुषितवचनमुषितविवेको भयाद्दुरुक्तापरिहारार्थमिदमवनीपतिराह

śrīparāśara uvāca ityātmerṣyākopakaluṣitavacanamuṣitaviveko bhayādduruktāparihārārthamidamavanīpatirāha

श्री पराशर ने कहा — इस प्रकार अपनी ही ईर्ष्या और क्रोध से कलुषित वचन के कारण जिसका विवेक लुप्त हो गया था, ऐसे राजा ने भय से अपने दुर्वचन को टालने के लिए यह कहा —

श्लोक 31 (vishnu.4.12.31)

यस्ते जनिष्यत्यात्मजस्तस्येयमनागतस्यैव भार्या निरूपितेत्याकर्ण्योद्भूतमृदुहासा तथेत्याह

yaste janiṣyatyātmajastasyeyamanāgatasyaiva bhāryā nirūpitetyākarṇyodbhūtamṛduhāsā tathetyāha

जो पुत्र भविष्य में तुमसे उत्पन्न होगा, उसी अजन्मे पुत्र की यह पत्नी नियत की गई है — यह सुनकर, हल्की हँसी के साथ शैव्या ने ऐसा ही हो कहा।

श्लोक 32 (vishnu.4.12.32)

प्रविवेश च राज्ञा सहाधिष्ठानम्

praviveśa ca rājñā sahādhiṣṭhānam

फिर वह राजा के साथ राजधानी में प्रविष्ट हुई।

श्लोक 33 (vishnu.4.12.33)

अनन्तरं चातिशुद्धलग्नहोरांशकावयवोक्तकृतपुत्रजन्मलाभगुणाद्वयसः परिणाममुपगतापि शैव्या स्वल्पैरेवाहोभिर्गर्भमवाप

anantaraṁ cātiśuddhalagnahorāṁśakāvayavoktakṛtaputrajanmalābhaguṇādvayasaḥ pariṇāmamupagatāpi śaivyā svalpairevāhobhirgarbhamavāpa

इसके पश्चात, आयु में परिणत हो जाने पर भी, शुद्ध लग्न-होरा-अंश के गणकों द्वारा बताए गए पुत्र-जन्म के शुभ योग के प्रभाव से शैव्या को थोड़े ही दिनों में गर्भ ठहर गया।

श्लोक 34 (vishnu.4.12.34)

कालेन च कुमारमजीजनत्

kālena ca kumāramajījanat

समय आने पर उसने एक पुत्र को जन्म दिया।

श्लोक 35 (vishnu.4.12.35)

तस्य च विदर्भ इति पिता नाम चक्रे

tasya ca vidarbha iti pitā nāma cakre

उसके पिता ने उसका नाम विदर्भ रखा।

श्लोक 36 (vishnu.4.12.36)

स च तां स्नुषामुपयेमे

sa ca tāṁ snuṣāmupayeme

और उसने उस पूर्व-नियत पुत्रवधू से ही उसका विवाह करा दिया।

श्लोक 37 (vishnu.4.12.37)

तस्यां चासौक्रथकैशिकसंज्ञौ पुत्रावजनयत्

tasyāṁ cāsaukrathakaiśikasaṁjñau putrāvajanayat

उससे उसके क्रथ और कैशिक नामक दो पुत्र उत्पन्न हुए।

श्लोक 38 (vishnu.4.12.38)

पुनश्च तृतीयं रोमपादसंज्ञं पुत्रमजीजनद्यो नारदादवाप्तज्ञानवान्भविष्यतीति

punaśca tṛtīyaṁ romapādasaṁjñaṁ putramajījanadyo nāradādavāptajñānavānbhaviṣyatīti

फिर उसने रोमपाद नामक तीसरा पुत्र भी उत्पन्न किया, जिसे आगे चलकर नारद से ज्ञान प्राप्त होने वाला था।

श्लोक 39 (vishnu.4.12.39)

रोमपादाद्बभ्रुः बभ्रोर्धृतिः धृतेः कैशिकः कैशिकस्यापि चेदिः पुत्रोऽभवत्यस्य संततौ चैद्या भूपालाः

romapādādbabhruḥ babhrordhṛtiḥ dhṛteḥ kaiśikaḥ kaiśikasyāpi cediḥ putro'bhavatyasya saṁtatau caidyā bhūpālāḥ

रोमपाद से बभ्रु, बभ्रु से धृति, धृति से कैशिक, और कैशिक का भी पुत्र चेदि हुआ — इसी की संतति में चैद्य नामक राजा हुए।

श्लोक 40 (vishnu.4.12.40)

क्रथस्य स्नुषापुत्रस्यकुन्तिरभवत्

krathasya snuṣāputrasyakuntirabhavat

पुत्रवधू के ज्येष्ठ पुत्र क्रथ का पुत्र कुन्ति हुआ।

श्लोक 41 (vishnu.4.12.41)

कुन्तेर्धृष्टिः धृष्टेर्निधृतिः निधृतेर्दशार्हस्ततश्च व्योमः तस्यापि जीमूतः ततश्च विकृतिः ततश्च भीमरथः तस्मान्नवरथः तस्यापि दशरथः ततश्च शकुनिः तत्तनयः करंभिः करंभेर्देवरातोऽभवत्

kunterdhṛṣṭiḥ dhṛṣṭernidhṛtiḥ nidhṛterdaśārhastataśca vyomaḥ tasyāpi jīmūtaḥ tataśca vikṛtiḥ tataśca bhīmarathaḥ tasmānnavarathaḥ tasyāpi daśarathaḥ tataśca śakuniḥ tattanayaḥ karaṁbhiḥ karaṁbherdevarāto'bhavat

कुन्ति से धृष्टि, धृष्टि से निधृति, निधृति से दशार्ह और उससे व्योम हुआ। उसका भी पुत्र जीमूत, उससे विकृति, उससे भीमरथ, उससे नवरथ, उसका भी दशरथ, उससे शकुनि, उसका पुत्र करम्भि, और करम्भि से देवरात हुआ।

श्लोक 42 (vishnu.4.12.42)

तस्माद्देवक्षत्रः तस्यापि मधुः मधोः कुमारवंशः कुमारवंशादनुः अनोः पुरुमित्रः पृथिवीपतिरभवत्

tasmāddevakṣatraḥ tasyāpi madhuḥ madhoḥ kumāravaṁśaḥ kumāravaṁśādanuḥ anoḥ purumitraḥ pṛthivīpatirabhavat

उससे देवक्षत्र, उसका भी पुत्र मधु, मधु से कुमारवंश, कुमारवंश से अनु, और अनु से पृथ्वीपति पुरुमित्र हुआ।

श्लोक 43 (vishnu.4.12.43)

ततश्चांशुस्तस्माच्च सत्वतः

tataścāṁśustasmācca satvataḥ

उससे अंशु और उससे सत्वत हुआ।

श्लोक 44 (vishnu.4.12.44)

सत्वतादेते सात्वताः

satvatādete sātvatāḥ

उसी सत्वत से ये सब सात्वत कहलाए।

श्लोक 45 (vishnu.4.12.45)

इत्येतां ज्यामघस्य संततिं सम्यक्छ्रद्धासमन्वितः श्रुत्वा पुमान्मैत्रेय स्वपापैः प्रमुच्यते

ityetāṁ jyāmaghasya saṁtatiṁ samyakchraddhāsamanvitaḥ śrutvā pumānmaitreya svapāpaiḥ pramucyate

हे मैत्रेय! जो पुरुष ज्यामघ की इस संतति को भलीभाँति श्रद्धापूर्वक सुनता है, वह अपने पापों से मुक्त हो जाता है।